1080. God Exists, Her Name Is Petrunija (2019)

Director : Teona Strugar Mitevska

Genre : Drama

Rating : 6.8/10

Country : Macedonia

Duration : 100 Minutes

🔸വിശ്വാസ പ്രകാരം പുരുഷന്മാർക്ക് മാത്രം പ്രവേശനം ഉള്ള, വലിയ പാരമ്പര്യ, പൈതൃക വാല്യൂ ഒക്കെയുള്ള പരിപാടി. ഇവിടെ സകലരുടെയും അഭിപ്രായം കാറ്റിൽ പറത്തി, എല്ലാവരെയും വെല്ലുവിളിച്ച് ഒരു സ്ത്രീ പങ്കെടുത്താൽ എങ്ങനെ ഇരിക്കും. വായിക്കുമ്പോ തന്നെ പലരുടെയും നെറ്റി ചുളിയുന്നുണ്ടാവാം, എന്നാൽ സംഗതി ഇതല്ല, കാലിക പ്രസക്തിയുള്ള ഏതെങ്കിലും പരിചിത വിഷയം മനസിലേക്ക് വന്നെങ്കിൽ അത് യാദൃച്ഛികം ആവാം. ഇവിടെ കഥാ പശ്ചാത്തലം യൂറോപ്പില്ലെ മസിഡോണിയ എന്ന രാജ്യമാണ്, പ്രായം മുപ്പത് കഴിഞ്ഞ പെട്രുണ്യ ആണ് നമ്മുടെ നായിക.

🔸ഹിസ്‌ട്ടറി ബിരുദം കൈവശം ഉള്ള, എന്നാൽ യാതൊരു വിധ അനുഭവ പരിചയവും ജോലി മേഖലയിൽ ഇല്ലാത്ത, മാതാപിതാക്കളുടെ പോലും വാക്കുകളിൽ ഒരു തികഞ്ഞ പരാജയം ആയ ആളാണ് പെട്രുണ്യ. സെല്ഫ് കോൺഫിഡൻസ് എന്ന സാധനം ഒന്നും പെട്രുണ്യയുടെ അടുത്ത് കൂടി പോയിട്ടില്ല എന്ന് വേണമെങ്കിൽ പറയാം. ചുരുക്കി പറഞ്ഞാൽ സ്വന്തം കാര്യം പോലും സ്വയം ചെയ്യാൻ പ്രാപ്തി ഇല്ലാത്ത, ബന്ധു ജനങ്ങളും സമൂഹം തന്നെയും തള്ളിക്കളഞ്ഞ ഒരു വേർത്ലെസ്സ് കഥാപാത്രമായി അവരെ നമുക്ക് കാണാം.

🔸മാതാ പിതാക്കളുടെയും മറ്റും പുച്ഛ പരിഹാസങ്ങൾ കേട്ട് അവർ ഒരു ഇന്റർവ്യുവിന് പോയി എങ്കിലും ഒട്ടും ആശാവഹമായ രീതിയിലല്ല കാര്യങ്ങൾ അവസാനിച്ചത്. അവിടെ നിന്നും കിട്ടി ഒരുപാട് ഇക്കഴ്ത്തലും പരിഹാസവും ഒക്കെ. ഈ കലാപരിപാടി ഒക്കെ കഴിഞ്ഞ് മടങ്ങി വരുന്ന വഴിയാണ് ആദ്യ ഭാഗത്ത് സൂചിപ്പിച്ച സംഭവം അരങ്ങേറുന്നത്, അത് എന്താണെന്നും ഏതാണെന്നും തല്ക്കാലം പറയുന്നില്ല, സിനിമ കണ്ട് തന്നെ അറിയുക. ഈ ഒരു പോയിന്റിൽ വെച്ച് സിനിമയും, നമ്മുടെ നായികയുടെ ജീവിതവും ഏറെക്കുറെ കീഴ്മേൽ മറിയുകയാണ്.

🔸താമസിയാതെ തന്നെ നമ്മുടെ നായികാ കഥാപാത്രം ഒരു വൊന്റഡ് ടാർഗറ്റ് ആയി മാറുകയാണ്, അവരുടെ രക്തത്തിന് വേണ്ടി മുറവിളി കൂട്ടി ഒരു വലിയ മൊബ് തന്നെ പൊട്ടി പുറപ്പെടുന്നിടത്ത് ചിത്രം അത് വരെ നിലനിർത്തി പോന്ന ഗ്രാണ്ടട് രീതി അങ് ഉപേക്ഷിക്കുകയാണ്. തുടർന്ന് അരങ്ങേറുന്ന സംഭവങ്ങളും മറ്റുമാണ് ചിത്രം, ചിത്രം കൈകാര്യം ചെയ്യുന്ന വിഷയവും മറ്റും സ്ട്രോങ്ങ് ആണെങ്കിലും പേഴ്സണലി ഒരു കണക്ഷൻ തോന്നിയില്ല എന്ന് പറയാം, പെട്ടെന്ന് അവസാനിപ്പിച്ച ഫീൽ നൽകിയ ക്ളൈമാക്‌സും ഒട്ടും സഹായകം ആയില്ല. എന്ത് തന്നെ ആയാലും കണ്ട് നോക്കുക, ഒരു കാഴ്ചയ്ക്ക് ഉള്ളതൊക്കെ ഉണ്ട് ഈ ചിത്രത്തിൽ.

Verdict : Watchable

DC Rating : 3.25/5 

995. Before The Rain (1994)

Director : Milcho Manchevski

Genre : Drama

Rating : 8/10

Country : Macedonia

Duration : 113 Minutes

🔸ഇതുവരെ കടന്ന് ചെന്നിട്ടില്ലാത്ത ഒരു രാജ്യത്ത് നിന്ന്, സംസ്കാരത്തിൽ നിന്ന്, ഭാഷയിൽ നിന്ന് ഒരു ചിത്രം, മാസിഡോണിയയിൽ നിന്നും ഓസ്കർ ഉൾപ്പെടെയുള്ള വേദികളിലേക്ക് അയക്കപ്പെട്ട, ലോകത്താകമാനം ഇറങ്ങിയ ചിത്രങ്ങളിൽ ഏറ്റവും മികച്ചവയിൽ ഒന്നായി പല നിരൂപക സിംഹങ്ങളും കാഴ്ചക്കാരും എല്ലാം വാഴ്ത്തിയ ഒരു സിനിമ, ബീഫോർ ദി റെയ്ൻ. മൂന്ന് സെഗ്മെന്റുകളായി കഥ പറയുന്ന ചിത്രത്തിൽ ആദ്യത്തെ രണ്ടെണ്ണം വ്യത്യസ്തമായ കഥകളും, മൂന്നാമത്തേത് ഇവ രണ്ടിനെയും കൂട്ടിയിണക്കുന്ന സെഗ്മെന്റുമാണ്.

🔸ഒരു പള്ളി പരിസരത്താണ് ചിത്രം ആരംഭിക്കുന്നത്, ആദ്യ ഭാഗത്തിൽ കേന്ദ്ര കഥാപാത്രമായി എത്തുന്നത് പള്ളിയിലച്ചനായ കിറി ആണ്. പ്രായം വെച്ച് യൗവനത്തിൽ എത്തി നിൽക്കുന്ന ഒരാളാണ് കിറി, മറ്റ് അച്ഛന്മാരൊക്കെ അത്യാവശ്യം നല്ല പ്രായം ആയവരും കാര്യ പരിചയം ഉള്ളവരും ഒക്കെയാണ്. കിറി തന്റെ പഠനവും പ്രാർത്ഥനയും മറ്റ് പരിപാടികളും ഒക്കെയായി സ്വസ്ഥ സമാധാനത്തോടെ മുന്നോട്ട് പോയി കൊണ്ടിരിക്കെ ആണ് ഒരു പ്രത്യേക സംഭവം അവിടെ ഉണ്ടാവുന്നത്. ഈ സംഭവമാണ് കഥയെ ആകെമാനം മാറ്റി മറിക്കുന്നത്.

🔸സംഭവം വേറൊന്നുമല്ല, ഒരുനാൾ തന്റെ പ്രാർത്ഥനാ കാര്യങ്ങളും മറ്റും കഴിഞ്ഞ് തിരിച്ച് മുറിയിൽ എത്തിയ കിറി കാണുന്നത് ഇരുട്ടിൽ നിഴൽ പറ്റി ഒരു പെൺകുട്ടി നിൽക്കുന്നതാണ്. സ്വാഭാവികമായും ആദ്യം ഒന്ന് വിരണ്ടു എങ്കിലും താമസിയാതെ കാര്യങ്ങളെ പറ്റി ഒരറിവ് അയാൾക്ക് ലഭിക്കുകയാണ്. എന്നാൽ ഈ പെൺകുട്ടിയുമായി ബന്ധപ്പെട്ട സംഭവങ്ങളുടെ അപകടകരമായ അവസ്ഥയെ പറ്റി അവന് പൂർണ ബോധ്യം വരുന്നത് പിറ്റേ ദിവസം തോക്കുകളുമായി അവളെ അന്വേഷിച്ച് മൂന്ന് പേർ പള്ളിമേടയിൽ എത്തുമ്പോഴാണ്, അവർക്ക് അവളെ കൊല്ലണമത്രേ.

🔸ഇവിടെ നിന്നുമാണ് ആദ്യ കഥ ആരംഭിക്കുന്നത്, രണ്ടാമത്തെ കഥയും പ്രണയവുമായി ബന്ധപ്പെട്ടത് തന്നെയാണ് പക്ഷെ കഥ അരങ്ങേറുന്നത് തീർത്തും വ്യത്യസ്തമായ ഒരു പശ്ചാത്തലത്തിൽ വെച്ചാണ്, ലണ്ടനിൽ വെച്ച്. ഈ രണ്ട് അൺറിലേറ്റഡ് എന്ന് തോന്നിപ്പിക്കുന്ന കഥകൾ മനോഹരമായി മൂന്നാം ഭാഗത്തിൽ കണക്റ്റ് ചെയ്യപ്പെടുന്നുണ്ട്. ബീറ്റർസ്വീറ്റ്‌ എന്നൊക്കെ വിശേഷിപ്പിക്കാവുന്ന ഒന്നാണ് ഈ ചിത്രം, പക്ഷെ വളരെ മികച്ചതാണ് എന്ന കാര്യത്തിൽ യാതൊരു സംശയവും വേണ്ട, തീർച്ചയായും കാണാൻ ശ്രമിക്കുക, ഈ ചിത്രം.

Verdict : Must Watch

DC Rating : 4.75/5