1172. Investigation Of A Citizen Above Suspicion (1970)

Director : Elio Petri

Cinematographer : Luigi Kuveiller

Genre : Thriller

Country : Italy

Duration : 111 Minutes

🔸വേലി തന്നെ വിളവ് തിന്നുക എന്നൊരു നാടൻ പ്രയോഗമുണ്ട് നമ്മുടെ ഭാഷയിൽ, അതായത് ചില കാര്യങ്ങൾ, ഉദാഹരണത്തിന് ഈ സിനിമയുമായി ചേർന്ന് നിൽക്കുന്ന രീതിയിൽ ഒരു പോലീസുകാരനെ സങ്കല്പിച്ചാൽ, അയാളുടെ കർത്തവ്യം എന്നത് നിയമം കൃത്യമായി പാലിക്കപ്പെടുന്നുണ്ട് എന്നത് ഉറപ്പ് വരുത്തുകയും അല്ലാത്ത പക്ഷം ആ കാരണത്തെ നിയമത്തിന് മുന്നിലേക്ക് എത്തിക്കുകയും ഒക്കെ തന്നെയാണ്. എന്നാൽ ഈ നിയമ ലംഘനം നടത്തുന്നത് പോലീസുകാർ തന്നെ ആണെങ്കിൽ അത് തീർത്തും ദൗർഭാഗ്യകരമായ ഒരു സംഭവം തന്നെയാണ്. ഈ ചിത്രത്തിലെ പ്രധാന കഥാപാത്രം ഈ ഒരു വിശേഷണം അർഹിക്കുന്ന ഒരാളാണ്, അതായത് അധികാരത്തിന്റെ സംരക്ഷണ വലയം നന്നായുള്ള, സമൂഹത്തിൽ ഉന്നതനായ ഒരു കഥാപാത്രം.

🔸ഇറ്റലിയിലെ ഒരു നഗരത്തിൽ ഹോമിസൈഡ് വിഭാഗത്തിന്റെ ചീഫ് ആയി ജോലി ചെയ്യുന്ന ആളാണ് നമ്മുടെ പ്രധാന കഥാപാത്രം, ആളുടെ പേര് സിനിമയിൽ എവിടെയും വ്യക്തമായി പരാമർശിക്കപ്പെടുന്നില്ല.  ടിയാന് ആർക്കും തന്നെ അറിയാത്ത ഒരു സീക്രട്ട് അഫയർ കൂടി ഉണ്ട്, ഈ രണ്ട് കമിതാക്കളുടെ സ്ഥിരം ഒത്തു ചേരൽ ചടങ്ങുകളിൽ ഒന്ന് കാണിച്ച് കൊണ്ടാണ് സിനിമ ആരംഭിക്കുന്നത്. എന്നാൽ ഈ ഒരു സന്ദർഭത്തിൽ വളരെ ക്രൂരവും, ദൗർഭാഗ്യകരവും ആയ ഒരു സംഗതി അവിടെ അരങ്ങേറുകയാണ്. നമ്മുടെ പ്രധാന കഥാപാത്രം ആ യുവതിയെ അങ്ങ് കൊന്ന് കളയുകയാണ്, ഒരു പോലീസ് ഓഫീസർ ആയത് കൊണ്ട് തന്നെ വളരെ സമർത്തമായ തോതിലാണ് അയാൾ കൃത്യം നിറവേറ്റിയിരിക്കുന്നത്.

🔸ഈ കൊലപാതക കേസ് അത്യാവശ്യം ഒച്ചപ്പാട് ഉണ്ടാക്കുകയും അത് അന്വേഷിക്കാൻ നമ്മുടെ പ്രധാന കഥാപാത്രം തന്നെ നിയോഗിക്കപ്പെടുകയും ചെയ്യുമ്പോൾ സിനിമയുടെ ടൈറ്റിൽ അന്വർത്ഥം ആവുകയാണ്, അയാൾ സംശയങ്ങൾക്കും ചോദ്യങ്ങൾക്കും അതീതനായി മാറുകയാണ്. വളരെ ഇൻട്രസ്റ്റിങ് ആയ സിനിമയാണ് സിറ്റിസൻ അബവ് സസ്പിഷൻ, അധികം കണ്ട് പരിചയിച്ചിട്ടില്ലാത്ത കൺസപ്റ്റ് ആയത് കൊണ്ട് തന്നെ എങ്ങിനെ സിനിമ അവസാനിക്കും എന്നും മറ്റുമുള്ള ഒരു ജനുവിൻ കൗതുകം സിനിമയിൽ ഉണ്ടായിരുന്നു, അതിനെയെല്ലാം തൃപ്തി പെടുത്തുന്ന വിധത്തിലുള്ള ഒന്നാണ് ഈ സിനിമയുടെ എൻഡിങ്ങും. തീർച്ചയായും കണ്ടിരിക്കേണ്ടത് എന്നൊക്കെയുള്ള വിശേഷണങ്ങൾ അർഹിക്കുന്ന ചില സിനിമകൾ ഉണ്ട്, ഇത് അത്തരത്തിൽ ഉള്ള ഒരു ചിത്രം തന്നെയാണ്, കാണാൻ ശ്രമിക്കുക.

Verdict : Must Watch

DC Rating : 4.5/5 

1167. Don't Breathe 2 (2021)

Director : Rodo Sayagues

Cinematographer : Pedro Luque

Genre : Thriller

Country : USA

Duration : 98 Minutes

🔸സറ്റീഫൻ ലാംഗ് പ്രധാന കഥാപത്രമായ അന്ധൻ ആയി എത്തിയ അഞ്ച് വർഷം മുന്നേ പുറത്തിറങ്ങിയ ഡോണ്ട് ബ്രീത് നല്ലൊരു സ്ലീപ്പർ ഹിറ്റ് തന്നെ ആയിരുന്നു. അധികം കണ്ടിട്ടില്ലാത്ത ഒരു ബാക്ക്ഗ്രൗണ്ടും, കഥാപാത്രവും ടെൻഷൻ അടിപ്പിക്കുന്ന തോതിൽ ഉള്ള അവതരണവും എല്ലാം കൂടി ആയപ്പോൾ ആ സിനിമയ്ക്ക് നല്ല സ്വീകാര്യതയും ആരാധകവൃന്ദവും ഒക്കെ ലഭിച്ചതിൽ തെറ്റ് പറയാനാവില്ല. ഇത്തരത്തിൽ ഒരു പോപ്കോൺ എന്റെർറ്റെയിനർ ബ്ലോക്കബസ്റ്റർ സ്റ്റാറ്റസ് നേടിയാൽ അടുത്ത സ്റ്റെപ്പ് എന്നത് സ്വാഭാവികമായും ഒരു രണ്ടാം ഭാഗമാണ്, അത് തന്നെയാണ് അഞ്ച് വർഷങ്ങൾക്ക് ഇപ്പുറം സംഭവിച്ചിട്ടുള്ളതും. പാണ്ഡമിക്കിന് ഇടയിൽ തിയേറ്റർ റിലീസ് ആയ ചിത്രം പ്രതീക്ഷിച്ച വിജയം നേടിയില്ല എങ്കിലും ഇപ്പോൾ ലോകത്താകമാനം ഉള്ള വ്യൂവേഴ്സിന്റെ മുന്നിലേക്ക് ഹോം റിലീസ് രൂപത്തിൽ എത്തിയിരിക്കുകയാണ്.

🔸ആദ്യ ഭാഗത്തോട് അവതരണത്തിലും ടോണിലും സാമ്യം പുലർത്തുന്നുണ്ട് എങ്കിലും വളരെ പ്രസക്തമായ ഒരു മാറ്റം കഥാ ഗതിയിലേക്ക് കൊണ്ട് വന്നിട്ടുണ്ട് ചിത്രം. അതായത് ആദ്യ ഭാഗത്ത് ലാങ്ങിന്റെ കഥാപാത്രത്തെ യാതൊരു ദാക്ഷണ്യവും ഇല്ലാത്ത ഒരു വേട്ടക്കാരൻ ആയാണ് കാണിച്ചത് എങ്കിൽ ഇവിടെ ഒരല്പം സഹാനുഭൂതി ഒക്കെ തോന്നിപ്പിക്കുന്ന കഥാപാത്രമയാണ് കാണിച്ചിരിക്കുന്നത്. ലളിതമായി പറഞ്ഞാൽ ആദ്യ ഭാഗത്തെ വേട്ടക്കാരൻ വേട്ടയാടാപ്പെടുന്ന തോതിലാണ് കഥാ ഗതി. ആദ്യ ഭാഗ കഥയിൽ നിന്നും കുറച്ച് കാലങ്ങൾക്ക് അപ്പുറം നമ്മുടെ പ്രധാന കഥാപാത്രം ഒരു അനാഥയായ കുട്ടിയെ മകളെപ്പോലെ ഏറ്റെടുത്തിരിക്കുകയാണ്.

🔸ഈ രണ്ട് പേർ താമസിക്കുന്ന വീട്ടിലേക്ക് ക്ഷണിക്കപ്പെടാത്ത ചില കഥാപാത്രങ്ങൾ വരുമ്പോഴാണ് ഈ സിനിമയിലെ കലാ പരിപാടികൾ ആരംഭിക്കുന്നത്. നോൺ സെൻസിക്കൽ ആയ തോതിലാണ് അവതരണം എങ്കിലും ബോർ അടിപ്പിക്കുന്നൊന്നുമില്ല. ഒരു ക്ളീഷ് സെക്കണ്ട് പാർട്ട് സിനിമയിൽ നിന്ന് പ്രതീക്ഷിക്കുന്ന കോളത്തിൽ ഒക്കെ ടിക്ക് വാങ്ങി പോവുന്നുണ്ട് ഡോണ്ട് ബ്രീത് 2, ആകെ മൊത്തം ഒരു അവറേജ് ആയി തോന്നിയ ചിത്രം. ഇതൊന്നും പോരെങ്കിൽ ഒരു മൂന്നാം ഭാഗത്തിന് കൂടി സ്കോപ് കാണിച്ച് കൊണ്ടാണ് സിനിമ അവസാനിക്കുന്നത്, അനാവശ്യമായ സൈഡ് പ്ലോട്ടുകളും സിനിമയെ തെല്ലോന്ന് പിറകോട്ട് വലിക്കുന്നുണ്ട്.

Verdict : Average

DC Rating : 2.25/5 

1158. Fish And Cat (2013)

Director : Shahram Mokri

Cinematographer : Mahmoud Kalari

Genre : Thriller

Country : Iran

Duration : 134 Minutes

🔸ഒരു സിംഗിൾ ഷോട്ട് സിനിമ എന്നൊക്കെ പറയുമ്പോൾ സ്വാഭാവികമായും മനസിലാക്കാം അത് എത്രത്തോളം ദുർഘടമായ ഒരു ടാസ്ക് ആണെന്ന്. മിക്കപ്പോഴും ലീനിയർ രീതിയിൽ കഥ പറഞ്ഞ് പോവുമ്പോൾ പോലും പുൾ ഓഫ് ചെയ്യാൻ അത്രയും ബുദ്ധിമുട്ടേറിയ ഈ ടാസ്ക് നോൺ ലീനിയർ ശൈലിയിൽ കഥ പറയാൻ ഉദ്ദേശിക്കുന്ന ഒരു സിനിമ പിന്തുടരാൻ ശ്രമിച്ചാൽ എങ്ങിനെ ഉണ്ടാവും. ഭ്രാന്തം എന്നൊക്കെ വിശേഷിപ്പിക്കാവുന്ന ഈ ഐഡിയ ആണ് ഫിഷ് ആൻഡ് കാറ്റ് എന്ന ഇറാനിയൻ സിനിമ ആയി പരിണമിച്ചിരിക്കുന്നത്. ഒരു ബെയ്‌സിക് പ്ലോട്ട് ആണെങ്കിൽ കൂടിയും വെവ്വേറെ ആളുകളുടെ വ്യൂ പോയിന്റിൽ കൂടി പറയുമ്പോൾ നല്ലൊരു അനുഭവം തന്നെയായി മാറുന്നുണ്ട് ഈ ചിത്രം.

🔸ചിത്രത്തിന്റെ പ്രധാന പ്രെമിസ് എന്താണെന്ന് പറയുന്നതിൽ അർത്ഥമില്ല, കാരണം ആ ഒരു പോയിന്റിലേക്ക് ഉള്ള യാത്രയാണ് ചിത്രം, അത് സ്പോയിൽ ചെയ്യുന്നത് ആസ്വാദനത്തിനെ തീർച്ചയായും ബാധിക്കും. ഈ നൂറ്റാണ്ടിന്റെ ആരംഭം കാലത്ത് ഇറാനിലെ ഒരു ഗ്രാമ പ്രദേശത്തത് നടന്നു എന്ന് പറയപ്പെടുന്ന യഥാർത്ഥ സംഭവങ്ങളാണ് ഈ സിനിമയ്ക്ക് ആധാരം ആയിട്ടുള്ളത് അത്രേ, അത്യാവശ്യം ഡിസ്റ്റര്ബിങ് ആയ ഈ ഒരു സംഭവമാണ് സ്ലേഷർ ആണെങ്കിൽ പോലും അമിതമായ വയലൻസ് ഒന്നും തന്നെ ഇല്ലാതെ, അതേ സമയം  ടെൻഷൻ അടിപ്പിച്ച് ഈ ചിത്രം പറയുന്നത്. വയലൻസിനെക്കാൾ ഇന്റൻസ് ആയ സ്റ്റോറി ടെല്ലിങ്ങിനാണ് സിനിമ പ്രാധാന്യം കൊടുത്തിരിക്കുന്നത്.

🔸വർഷാവർഷം ഇറാനിയൻ കൺട്രി സൈഡിൽ നടത്തുന്ന പട്ടം പറത്തൽ കലാ പരിപാടിയിൽ പങ്കെടുക്കാനായി എത്തുന്ന കുറച്ച് കോളേജ് വിദ്യാർഥികളാണ് നമ്മുടെ പ്രധാന കഥാപാത്രങ്ങൾ. ഈ ഒരു വരവിൽ അവർ ഒട്ടും പ്രതീക്ഷിക്കാത്ത ചില കോണ്ഫ്ളിക്ക്ട്ടുകൾ ഉണ്ടാവുന്നിടത്താണ് സിനിമ മുന്നോട്ട് പോവുന്നത്. ടെക്ക്നിക്കലി വളരെ സൗണ്ട് ആയ ഒരു സിനിമയാണ് ഫിഷ് ആൻഡ് കാറ്റ്, വളരെ അദ്വാൻസ്ഡ് എന്ന വിശേഷണം തീർച്ചയായും അർഹിക്കുന്ന ഒരു ചിത്രം. ശ്ലേഷർ എന്നതിനേക്കാൾ ത്രില്ലർ വിഭാഗ സിനിമയോട് താല്പര്യം ഉള്ളവരാണ് നിങ്ങൾ എങ്കിൽ കാണാൻ ശ്രമിക്കാവുന്നതാണ്.

Verdict : Good

DC Rating : 3.75/5 

1130. A Quite Place 2 (2021)

Director : John Krasinski

Cinematographer : Polly Morgan

Genre : Thriller

Country : USA

Duration : 90 Minutes

🔸മന്ന് വർഷം മുന്നേ പുറത്തിറങ്ങിയ എ ക്വയറ്റ് പ്ലെസ് എന്ന ത്രില്ലർ, ഹൊറർ ചിത്രം സാമ്പത്തികപരം ആയും നിരൂപകർക്ക് ഇടയിലും ഒരു സ്ലീപ്പർ ഹിറ്റ് തന്നെ ആയിരുന്നു. തനിക്ക് ലഭ്യമായ ലിമിറ്റഡ് ആയ റിസോർസ്സസ് വെച്ച് അത്തരം ഒരു ചിത്രം, അതും ഇമോഷണലി പ്രേക്ഷകരുമായി നല്ല രീതിയിൽ കണക്റ്റ് ചെയ്ത ഒരു ചിത്രം തയാറാക്കിയതിൽ ജോൺ ക്രസിൻസ്കിയോട് ഒരു മതിപ്പ് അന്ന് തോന്നിയിരുന്നു. രണ്ടാം ഭാഗം കാണാനിരുന്നപ്പോൾ മുൻ ഭാഗത്തോട് നീതി പുലർത്തണം എന്ന ആഗ്രഹം മാത്രമേ ഉണ്ടായിരുന്നുള്ളൂ താനും.

🔸പൊതുവെ സീക്വൽ സിനിമകൾ നിരാശപ്പെടുത്തുന്ന പതിവ് ഉള്ള ഹോളിവുഡിൽ ഈ ചിത്രം ആശ്വാസം തന്നെയാണ്, ആദ്യ ഭാഗത്തിന് ഉണ്ടായിരുന്ന ആഡഡ് അഡ്വാൻറെജ് ആയിരുന്ന സബ്ജക്ട്ടിന്റെ ഫ്രഷ്‌ണസ്‌ ഇവിടെ ഇല്ല എന്നത് ഒഴിച്ചാൽ എല്ലാ രീതിയിലും മുൻ ഭാഗത്തോട് കിട പിടിക്കുന്ന നല്ലൊരു ചിത്രം തന്നെയാണ് ഈ പാർട്ടും. പ്രതീക്ഷിച്ച പോലെ തന്നെ നല്ല തോതിൽ ടെൻഷനും ത്രില്ലും എല്ലാം തരുന്നുണ്ട് രണ്ടാം ഭാഗം, അതോടൊപ്പം നല്ല പെർഫോമൻസ് കൂടി ചേരുമ്പോൾ എല്ലാം സേഫ്.

🔸ആദ്യ ഭാഗം കഴിഞ്ഞ് മിനിറ്റുകൾക്ക് ഉള്ളിൽ തന്നെ രണ്ടാം ഭാഗം ആരംഭിക്കുകയാണ്, തങ്ങളെ അത് വരെ വേട്ടയാടി കൊണ്ടിരുന്ന സത്വത്തെ ഇല്ലായ്മ ചെയ്യാൻ ഉള്ള ഒരു മാർഗം അല്ലെങ്കിൽ അതിന്റെ ബലഹീനത തിരിച്ചറിഞ്ഞ പ്രധാന കഥാപാത്രങ്ങൾ പിന്നീടുള്ള അവരുടെ യാത്രയിൽ നേടുന്ന അനുഭവങ്ങളും കാഴ്ചകളും ഒക്കെയാണ് ഈ ചിത്രം. ഭീകര സത്വങ്ങളെക്കാൾ അല്ലെങ്കിൽ അതിനോളം ഭീതിതമായ മറ്റ് ചില അനുഭവങ്ങൾ കൂടി ഇവർ ഇതിനിടെ നേരിടേണ്ടി വരുന്നുണ്ട്. ഒരു ഫോളോ അപ്പ് എന്ന നിലയിൽ നോക്കിയാലും ചിത്രം നൈസ് ആണ്.

🔸സിലിയൻ മർഫി ഈ ജെനറേഷനിലെ വളരെ ഇഷ്ട്ടമുള്ള നടന്മാരിൽ ഒരാളാണ്, അതിനാൽ തന്നെ അദ്ദേഹത്തിന്റെ ഒരു ബ്രോക്കൻ ടൈപ്പ് റോൾ വളരെ അധികം ഇഷ്ട്ടപ്പെട്ടു, ആ കഥപാത്രത്തിന്റെ ട്രാജിക്ക് ആയ ബാക്ക്ഗ്രൗണ്ട് എല്ലാ രീതിയിലും കഥയെ കൂടുതൽ മികച്ചതാക്കുന്നെ ഉള്ളൂ താനും. ഇതിനപ്പുറം എടുത്ത് പറയേണ്ടത് മ്യൂസിക് വിഭാഗമാണ്, പ്രത്യേകിച്ചും എൻഡ് ഷോട്ടിലെ ആ ട്രാക്ക് നല്ല ഒരനുഭവം ആയിരുന്നു, ഇനിയൊരു ഭാഗം ഉണ്ടാവുമോ എന്നത് ഇപ്പോൾ വ്യക്തമല്ല, വരിക ആണെങ്കിൽ തീർച്ചയായും കണ്ടിരിക്കും. അപ്പോൾ കാണാൻ ശ്രമിക്കുക, നഷ്ടം ആവുകയെ ഇല്ല.

Verdict : Very Good

DC Rating : 4/5 

1108. Promising Young Woman (2020)

Director : Emerald Fennell

Genre : Thriller

Rating : 7.5/10

Country : UK

Duration : 113 Minutes

🔸ഒരു നല്ല പ്രതികാരത്തോളം കഥയിൽ പേഴ്സണലി താല്പര്യം ജനിപ്പിക്കുന്ന വേറെ അനേകം ഫാക്റ്ററുകൾ ഒന്നും ഇല്ല, ഒരു റിവഞ്ച് സ്റ്റോറി നല്ല രീതിയിൽ വൈൻഡ് അപ്പ് ചെയ്യുമ്പോൾ ലഭിക്കുന്ന സംപ്ത്രിപ്തിയും ചെറുതല്ല. ഈ രണ്ട് കാര്യങ്ങളിലും ഗ്യാരന്റി തരാൻ കഴിയും എന്നതാണ് പ്രോമിസിങ് യങ് വുമൺ എന്ന ചിത്രത്തിന്റെ ഏറ്റവും വലിയ പ്ലസ് പോയിന്റ്. അതായത് നല്ല തോതിൽ പിടിച്ചിരുത്തുന്ന രീതിയിൽ ഉള്ള സ്റ്റോറി ടെല്ലിങ് ആണ്, അതേ സമയം അങ്ങേയറ്റം സാറ്റിസ്ഫൈങ് ആയ കാപ്പിങ് ഓഫുമാണ്.

🔸കാസി എന്ന നമ്മുടെ നായികാ കഥാപാത്രം ഒരു മെഡിക്കൽ സ്‌കൂൾ ഡ്രോപ്പ് ഔട്ട് ആണ്, പ്രായം മുപ്പതോട് അടുത്തെങ്കിലും ജീവിതത്തിൽ കാര്യമായ വിജയം ഒന്നും ഇതുവരെ നേടാൻ കഴിഞ്ഞിട്ടില്ല. ഒരു ചെറിയ സ്റ്റോറിൽ നോക്കി നടത്തിപ്പുകാരി ആയി ജോലി ചെയ്യുക ആണെങ്കിലും ആ ജോലിയിലും തനിക്ക് ചുറ്റുമുള്ള ചുരുക്കം ചില ആളുകളിലുമായി അവൾ തൃപ്തയാണ്. ഈ ഒരു ജീവിതത്തിന് എതിരായി രാത്രി വിഹാരത്തിന്റെ മറ്റൊരു ഡബിൾ ലൈഫ് കൂടി ഉണ്ട് കാസിക്ക്, അത് അധികം ആർക്കും അറിവുള്ള കാര്യമല്ല എന്ന് മാത്രം.

🔸നീന എന്ന പേരിൽ പണ്ടൊരു സുഹൃത്ത് ഉണ്ടായിരുന്നു കാസിക്ക്, പഠന കാലത്ത് സഹപാഠി ആയിരുന്ന ഒരു സുഹൃത്ത്. ആ കാലത്ത് റേപ്പ് ചെയ്യപ്പെട്ട്, ആ സംഭവത്തിന്റെ പ്രത്യാഘാതം എന്നവണ്ണം ആത്മഹത്യ ചെയ്ത ആളാണ് നീന. നീനയുടെ മരണം കാസിയിൽ സൃഷ്ട്ടിച്ച ആഘാതം ഭീകരം ആയിരുന്നു, അവളെ സംബന്ധിച്ച് അതിലും വേദനാജനകമായ കാര്യമായിരുന്നു തന്റെ പ്രിയ സുഹൃത്തിന് ഒരിക്കലും നീതി ലഭിച്ചില്ല എന്നത്. നിയമപരമായാലും മാനുഷികപരം ആയാലും നീനയെ എല്ലാവരും മറന്ന് കളയുക ആയിരുന്നു, കാസി ഒഴിച്ച്.

🔸ഇത്രയും വർഷങ്ങൾക്ക് ഇപ്പുറം നിനയുടെ മരണത്തിന് കരണക്കാരായവർക്ക് എതിരെ ഒരു പ്രതികാരത്തിന് ഉള്ള അവസരം കാസിക്ക് ലഭിക്കുകയാണ്, ഇവിടെ നിന്നുമാണ് കഥ ആരംഭിക്കുന്നത്, പിന്നീട് അങ്ങോട്ട് ഒരുപാട് ട്വിസ്റ്റുകളും ടെണുകളും ഒക്കെയായി അപ്രതീക്ഷിതമായ പ്ലോട്ട് ഡെവലപ്‌മെന്റുകൾ ഒക്കെ കഥയിലേക്ക് കടന്ന് വരുന്നുണ്ട്. ആദ്യമേ സൂചിപ്പിച്ചത് പോലെ നല്ലൊരു സാറ്റിസ്ഫയിങ് ആയ അനുഭവം ആയിരുന്നു പ്രോമിസിങ് യങ് വുമൺ, തീർച്ചയായും കാണാൻ ശ്രമിക്കുക.

Verdict : Very Good

DC Rating : 4.25/5 

1092. Heart Blackened (2017)

Director : Jung Ji-Woo

Genre : Thriller

Rating : 6.6/10

Country : South Korea

Duration : 125 Minutes

🔸കൊറിയൻ സിനിമയിൽ പേഴ്സണലി ഏറ്റവും ഇഷ്ട്ടമുള്ള നടനാണ് ചോയ് മിൻസിക്, ഹാർട്ട് ബ്ലാക്കൻഡ് എന്ന ചിത്രം കാണാനുള്ള ഏറ്റവും വലിയ പ്രചോദനവും സത്യത്തിൽ അദ്ദേഹം തന്നെ ആയിരുന്നെന്ന് പറയാം. പ്രതീക്ഷിച്ചത്ര സ്ക്രീൻ ടൈം ഇല്ലായിരുന്നിട്ട് പോലും അത് ഒരു പോരായ്മയായി തോന്നാഞ്ഞത് ഉള്ള സമയത്തെ അദ്ദേഹത്തിന്റെ ടവറിങ് പെർഫോമൻസ് തന്നെ ആയിരിക്കണം. ഒരു മർഡർ മിസ്റ്ററി ജോണറിൽ പെടുത്താവുന്ന ചിത്രം ആണെങ്കിലും എഡ്ജ് ഓഫ് ദി സീറ്റ് ത്രില്ലർ ഒന്നുമല്ല ഹാർട്ട് ബ്ലാക്കൻഡ്, അത് പ്രതീക്ഷിക്കുകയും വേണ്ട.

🔸കൊറിയയിലെ വളരെ പ്രശസ്തനായ, ഭരണ സിരാ കേന്ദ്രങ്ങളിൽ വരെ സ്വാധീനം ഉള്ള ബിസിനസുകാരൻ ആണ് ടായെസാൻ. കുറച്ചധികം കാലമായി വിഭാര്യനായി കഴിഞ്ഞ അദ്ദേഹം ഇന്ന് ഒരു പുനർ വിവാഹത്തിന് ഒരുങ്ങിയിരിക്കുകയാണ്. യൂന എന്ന വളരെ പ്രശസ്തയ കൊറിയൻ ഗായിക ആണ് ടായെസന്റെ പ്രതിശ്രുത വധു, അയാൾക്ക് ആണെങ്കിൽ ഒരു മകൾ അല്ലാതെ കാര്യമായ ബന്ധുബലം ഒന്നും ഇല്ല. സ്വഭാവം കൊണ്ടും രീതി കൊണ്ടും എല്ലാം ഒരു ഏകനാണ് ടായെസാൻ. മൂന്ന് കഥാപാത്രങ്ങളും പരസ്പരം അറിയുന്ന, ഒരു വിരുന്ന് വേളയിലാണ് ചിത്രം ആരംഭിക്കുന്നത്.

🔸അച്ഛൻ പുനർ വിവാഹം ചെയ്യുന്നതിൽ മകൾ മിറയ്ക്ക് എതിർപ്പ് ഒന്നും ഇല്ലെങ്കിലും തന്റെ ഭാവി രണ്ടാനമ്മയും ആയുള്ള ആദ്യ സമാഗമം അത്ര നല്ല അനുഭവം അല്ല അവൾക്ക് നൽകുന്നത്. ഇരുവർക്കും ഇടയിൽ ചെറിയ ചില അഭിപ്രായ വ്യത്യാസങ്ങൾ ഉടലെടുക്കുകയും അത് വഴക്കിലേക്ക് നീങ്ങുകയും ഒക്കെ ചെയ്യുന്നുണ്ട്. എന്നാൽ പ്രശ്നങ്ങൾ പൂർണമായും മറ്റൊരു ലെവെലിലേക്ക് മാറുന്നത് പിന്നീടുള്ള ദിവസങ്ങളിൽ ഒന്നിൽ യൂന കൊല്ലപ്പടുമ്പോഴാണ്. പാർക്കിങ് ലോട്ടിൽ വെച്ച് ഉണ്ടായ ഒരപകടത്തിൽ തലയ്ക്ക് ക്ഷതം ഏറ്റാണ് യൂന കൊല്ലപ്പെട്ടിരിക്കുന്നത്.

🔸സവാഭാവികമായും യൂനയുമായി പരസ്യമായി വഴക്കിൽ ഏർപ്പെട്ടിരുന്ന, കൊല നടന്ന സ്ഥലത്ത് ആ സമയം ഉണ്ടായിരുന്ന മിറ പ്രതിയായി കണക്കാക്കപ്പെടുകയാണ്. തെളിവുകൾ എല്ലാം തന്നെ, സന്ദര്ഭികം ആയതും അല്ലാത്തതും അവൾക്ക് എതിരെയാണ്, പിന്നീട് ഈ കേസിൽ എന്ത് സംഭവിക്കും എന്നതാണ് സിനിമയുടെ കഥ. പ്ലോട്ടിൽ നിന്ന് നമ്മൾ പ്രതീക്ഷിക്കുന്ന വഴിയിലേക്ക് പോവുന്നില്ല എന്നതാണ് ചിത്രത്തിന്റെ പോസിട്ടീവുകളിൽ ഒന്ന്, മികച്ച ഒരു എൻഡിങ്ങും ചിത്രത്തിന് ഉണ്ട്. പൂർണമായും ത്രില്ലർ എന്ന് പറയാൻ കഴിയില്ല, ഡ്രാമയുടെ ചേരുവകകളും ഉണ്ട്, അപ്പൊ കാണാൻ ശ്രമിക്കുക, ഒരു കാഴ്ചയ്ക്ക് ഉള്ളതുണ്ട്.

Verdict : Good

DC Rating : 3.5/5 

1088. The Warden (2019)

Director : Nima Javidi

Genre : Thriller

Rating : 7.4/10

Country : Iran

Duration : 87 Minutes

🔸വെറും ഒന്നര മണിക്കൂറിൽ താഴെ മാത്രം ദൈർഘ്യം ഉള്ള, എന്നാൽ അവസാന നിമിഷം വരെ ഗസ് അടിപ്പിക്കുന്ന നല്ലൊരു ചിത്രം, ദി വാർഡൻ എന്ന ഇറാനിയൻ ചിത്രത്തെ ഏറെക്കുറെ ഈ തരത്തിൽ സം അപ്പ് ചെയ്യാം. ഏറെക്കുറെ പൂർണമായും ഒരൊറ്റ ലൊക്കേഷനിൽ ചിത്രീകരിച്ച ചിത്രം ഇന്റെരെസ്റ്റിംഗ് എന്ന വിശേഷണം അർഹിക്കുന്ന കഥ കൊണ്ടും നല്ല, താല്പര്യം ഉണർത്തുന്ന കഥാപാത്രങ്ങൾ കൊണ്ടും, മൊമെന്റ്സ് കൊണ്ടും എല്ലാം സമ്പന്നമാണ്. അപ്പോൾ പറഞ്ഞ് വന്നത് താല്പര്യം ഉള്ളവർക്ക് തുടർന്ന് വായിക്കേണ്ട കാര്യമില്ല, മിനിമം ഗ്യാരന്റി ഉറപ്പ് തരുന്നു എന്ന് തന്നെ.

🔸അറുപതുകളിലെ ഒരു ഇറാനിയൻ ജയിൽ ആണ് നമ്മുടെ കഥാ പശ്ചാത്തലം, വികസനം രാജ്യത്തേക്ക് കടന്ന് വന്ന് കൊണ്ടിരിക്കുന്നെ ഉള്ളൂ. ഒരു പുതിയ വിമാന താവളം റെഡി ആക്കാനായി ജയിൽ ഒഴിപ്പിക്കുവാനും, ശേഷം ഇടിച്ച് പൊളിക്കാനും ഉള്ള പദ്ധതിയിലാണ് രാജ്യത്തെ ഭരണ സിരാ കേന്ദ്രങ്ങൾ. ഇതിനായി ജയിൽ പുള്ളികളെയും, ഉദ്യോഗസ്ഥരെയും മറ്റൊരിടത്തേക്ക് മാറ്റി പാർപ്പിക്കാനായുള്ള ശ്രമങ്ങൾ തകൃതിയായി നടന്ന് കൊണ്ടിരിക്കുകയാണ്. ഈ ജയിലിന് വര്ഷങ്ങളുടെ പഴക്കവും, ചരിത്രവും കെട്ടുറപ്പും എല്ലാം പറയാനുണ്ട്, ജയിലിന്റെ ഇപ്പോഴത്തെ അധികാരിയാണ് നേമത് ജെഹാദ്.

🔸തന്റെ ജോലിയിൽ കൃത്യതയും കണിശതയും എല്ലാം കാത്ത് സൂക്ഷിക്കുന്ന ആളാണ് ജെഹാദ്. അയാളുടെ സേവനം കണക്കിൽ എടുത്ത് കൊണ്ടാവണം ഉദ്യോഗ കയറ്റം നല്കാൻ തയാറായിരിക്കുകയാണ് അധികാരികൾ, അത്രയും മികവുറ്റതും പിഴവറ്റതും ആണ് അയാളുടെ പ്രവർത്തനം. ഇങ്ങനെ ജെഹത്തിനെ സംബന്ധിച്ച് എല്ലാം നല്ല തോതിൽ പോവുമ്പോഴാണ് കഥയിൽ ഒരു ട്വിസ്റ്റ് സംഭവിക്കുന്നത്. കാര്യം വേറൊന്നുമല്ല 832 ജയിൽ പുള്ളികളെ കൊണ്ടുപോയതിൽ 831 പേരെ അങ് എത്തിയിട്ടുള്ളൂ, ഒരാൾ മിസ്സിംഗ് ആണ്.

🔸കനത്ത സുരക്ഷയും മറ്റും ജയിലിൽ ഉള്ളത് കൊണ്ട് തന്നെ ജയിൽ വിട്ട് അയാൾ രക്ഷപ്പെടാനുള്ള സാധ്യത വളരെ കുറവാണ്, പറ്റില്ല എന്ന് പറയാൻ ഒക്കില്ല എങ്കിലും, യാത്രാമധ്യേ ഉള്ള രക്ഷപ്പെടൽ ആണെങ്കിൽ ഇമ്പോസ്സിബിൾ എന്ന് തന്നെ പറയാം, അപ്പൊ പിന്നെ അയാൾ എവിടെ എന്നതാണ് ചോദ്യം, ആ ചോദ്യത്തിനുള്ള അന്വേഷണമാണ് ഈ ചിത്രം. ദൈർഘ്യം ഇല്ലാത്തത് കൊണ്ട് തന്നെ ഒറ്റ സ്ട്രെച്ചിൽ കണ്ട് ആസ്വദിച്ച് വിടാവുന്ന നല്ലൊരു എന്റർടൈനർ ആണ് ഈ ചിത്രം, നല്ലൊരു ത്രെഡും മികച്ച അവതരണവും നല്ല എൻഡിങ്ങും എല്ലാം കൂടി ചേരുമ്പോൾ ഒരു സംപ്ത്രിപ്തി ചിത്രത്തിന് തരാൻ കഴിയുന്നുണ്ട്, അപ്പോൾ താല്പര്യം ഉണ്ടെങ്കിൽ കണ്ട് നോക്കുക.

Verdict : Very Good

DC Rating : 4/5 

1083. The Other Me (2016)

Director : Sotiris Tsafoulias

Genre : Thriller

Rating : 7.9/10

Country : Greece

Duration : 101 Minutes

🔸ഗരീക്ക് സിനിമാ ഇന്ഡസ്ട്രിയിലെ ഒരു ഗെയിം ചെയ്ഞ്ചർ ആയാണ് പൊതുവെ ദി അതർ മി എന്ന സിനിമ വിശേഷിപ്പിക്കപ്പെടാറ്. അതായത് ത്രില്ലർ ആയാലും മറ്റ് ജോണറുകൾ ആയാലും മറ്റുള്ള ഇണ്ടസ്ട്രികളിലേക്ക് ആളുകൾക്ക് ശ്രദ്ധ തിരിക്കേണ്ടി വന്നപ്പോൾ, തീർത്തും അപ്രതീക്ഷിതമായി കടന്ന് വന്ന് ആഭാല വൃധം ജനങ്ങളെയും അമ്പരപ്പിച്ച് കടന്ന് പോയ ഒന്നാണ് ഈ ചിത്രം. ഗ്രീക്ക് മൂവി ഇന്ഡസ്ട്രിയിലേക്ക് വീണ്ടും ശ്രദ്ധ ആകർഷിച്ചു എന്നതിനൊപ്പം നല്ല നിലവാരവും വിജയവും എല്ലാം നേടാനായതും ഈ ചിത്രത്തിന്റെ സവിശേഷത വർധിപ്പിക്കുന്നെ ഉള്ളൂ.

🔸കണക്കിന് അഥവാ മാത്‍സ് എന്ന വിഷയത്തിന് അത്യാവശ്യം പ്രാധാന്യം ഉള്ളൊരു ചിത്രമാണ് ദി അതർ മി, അത് കഥയിൽ എങ്ങിനെ ഫാക്റ്റർ ആവുന്നു എന്നതൊക്കെ സിനിമ കണ്ട് തന്നെ അറിയുക. വളരെ ചെറുപ്പം തൊട്ട് തന്നെ ഇഷ്ട്ട വിഷയം ആയത് കൊണ്ട് സിനിമ കുറച്ച് കൂടി ഇഷ്ടപ്പെടാൻ ഇതൊരു കാരണം ആയി എന്നും പറയാം. ഒരു ഫ്ലാഷ് ബാക്ക് രംഗത്തോടെയാണ് സിനിമ ആരംഭിക്കുന്നത്, ചിത്രത്തിന്റെ കഥാഗതിയിൽ നിന്ന് വേറിട്ട് നിൽക്കുന്നത് എന്നൊരു ഇനീഷ്യൽ തോന്നൽ ഇവിടെ ഉണ്ടാവാം എങ്കിലും അങ്ങനെ അല്ലെന്ന് ചിത്രം പുരോഗമിക്കവേ മനസിലാവും.

🔸കഥ നടക്കുന്ന പ്രദേശത്തെ പോലീസ് സർജനും, ജഡ്ജിയും കൊല്ലപ്പെടുകയാണ്, കൃത്യമായ ഇടവേളകളിൽ. ഈ രണ്ട് സംഭവങ്ങളുടെയും രീതികൾ തമ്മിൽ വ്യത്യാസം ഉണ്ടെങ്കിലും ചേർത്ത് നിർത്തുന്ന ഒരു വസ്തുത 220 എന്ന നമ്പറിന്റെ സാന്നിധ്യം രണ്ട് കൊല അരങ്ങേറിയ ഇടത്തും ഉണ്ട് എന്നതാണ്. ഇതിന് പുറമെ ചില പൈദ്ധഗോറിയാൻ വചനങ്ങളും അവിടെ കാണാം, എല്ലാം കൂടി ചേർത്ത് വായിക്കുമ്പോൾ സ്വാഭാവികമായും ഒരു കണക്ഷൻ രണ്ടിടത്തും കാണാൻ കഴിയും. ഇവിടെ കേസ് അന്വേഷണത്തിൽ സഹായിക്കാനായി ഡിമിത്രി എന്ന ക്രിമിനോളജിസ്റ്റ് കടന്ന് വരികയാണ്.

🔸ഈ രണ്ട് സംഭവങ്ങൾക്ക് ശേഷം വീണ്ടും കൊലപാതകങ്ങൾ അരങ്ങേറുന്നുണ്ട്, ഇവയെല്ലാം ഒരു നേർ രേഖയിൽ കൊണ്ടുവന്ന് പ്രതിയെ കണ്ട് പിടിക്കാനുള്ള ശ്രമമാണ് തുടർന്നുള്ള ചിത്രം. കുറ്റകൃത്യത്തിൽ മാത്രമായി ഫോക്കസ് വെക്കാതെ അന്വേഷകന്റെ പേഴ്സണൽ ലൈഫിലേക്കും അയാളുടെ സ്ട്രാഗിളിലേക്കും എല്ലാം ചിത്രം കടന്ന് ചെല്ലുന്നുണ്ട്. ഈ ഒരു വസ്തുത കൂടി ആവുമ്പോൾ മറ്റൊരു ലെയർ കൂടി ചിത്രത്തിന് ലഭിക്കുന്നുണ്ട് എന്ന് പറയാം. ആകെ മൊത്തം ഒരു തവണ കണ്ട് ആസ്വദിക്കാനുള്ള വകുപ്പ് എല്ലാം ഈ ചിത്രത്തിലുണ്ട്, കാണാൻ ശ്രമിക്കുക.

Verdict : Good

DC Rating : 3.75/5 

992. Creepy (2016)

Director : Kiyoshi Kurosawa

Genre : Thriller

Rating : 6.3/10

Country : Japan

Duration : 130 Minutes

🔸സൈക്കോപാത്ത് ആയ കഥാപാത്രവും അയാളെ ചുറ്റി പറ്റിയുള്ള എഡ്ജ് ഓഫ് ദി സീറ്റ് ടൈപ്പ് ത്രില്ലറും എല്ലാം ഇഷ്ട്ടപ്പെടുന്ന ആളാണ് നിങ്ങൾ എങ്കിൽ ക്രീപി നല്ല ഒന്നാംക്‌ളാസ്സ് ഒരു സജഷൻ ആയിരിക്കും. പ്രത്യേകിച്ചും സൈക്കോ കഥാപാത്രങ്ങളുടെ ഒരുപാട് വേർഷനുകൾ നമ്മൾ പല ഭാഷകളിലും കണ്ടിട്ടുണ്ട്, ഇവ മിക്കതും ഒരേ രീതി തന്നെ പിന്തുടർന്ന് അരോചകം ആവാറുണ്ട്, ആ ഒരു സ്റ്റേജ് കൂടി പരിശോധിക്കുമ്പോൾ നല്ലൊരു വ്യൂവിങ് എക്സ്പീരിയൻസ് ഈ ചിത്രം ഗ്യാരന്റീ ചെയ്യുന്നുണ്ട് എന്ന് പറയാം. ജാപ്പനീസ് ഭാഷയിൽ പുറത്തിറങ്ങിയ ചിത്രം ഇതിനോടകം തന്നെ പല അന്താരാഷ്ട്ര വേദികളിൽ നിന്നും മികച്ച അഭിപ്രായങ്ങൾ നേടിയിട്ടുണ്ട്.

🔸ജാപ്പനീസ് ഭാഷയിൽ പുറത്തിറങ്ങിയ ബെസ്റ്റ് സെല്ലിങ് നോവലുകളിൽ ഒന്ന് ആധാരമായി വന്ന ചിത്രത്തിന് എടുത്ത് പറയത്തക്കതായി രണ്ട് സവിശേഷതകൾ ഉണ്ട്, രണ്ടും മുകളിൽ സൂചിപ്പിച്ച സൈക്കിക് കഥാപാത്രത്തെ ചുറ്റിപ്പറ്റിയാണ്, അത് കൊണ്ട് തന്നെ ഒന്നും അറിയാതെ കാണാൻ നിങ്ങൾ ആഗ്രഹിക്കുന്നുണ്ട് എങ്കിൽ ഇവിടെ നിന്ന് മടങ്ങി പോകാവുന്നതും അത് അണ്ടർസ്റ്റാൻഡബിളുമാണ്. ആദ്യമേ തന്നെ ഒരു സൈക്കിക്ക് വില്ലൻ കഥാപാത്രം എന്ന് കേൾക്കുമ്പോൾ, കുറഞ്ഞത് നമ്മുടെ ചില സിനിമകൾ കണ്ട അനുഭവത്തിൽ പറയാം സെന്റിമെന്റൽ ആയ ഒരു ബാക്കസ്റ്റോറിയും ഇമോഷണൽ രംഗങ്ങളും എല്ലാം പ്രതീക്ഷിക്കാം.

🔸രണ്ടാമത്തെ കാര്യം അയാളുടെ ചെയ്തികൾക്കും ഒരു കാരണം മിക്ക ചിത്രങ്ങളും കാണിക്കാറുണ്ട്, ഈ കാര്യങ്ങൾ മിക്ക സന്ദര്ഭങ്ങളിലും അരോചകമായി തോന്നാറുണ്ട്, ഭാഗ്യത്തിന് അങ്ങനെയുള്ള അനാവശ്യ ഡീറ്റെയിലിങ് ഒന്നും ഈ ചിത്രത്തിന് ഇല്ല, മുതിരുന്നുമില്ല ആവശ്യം വരുന്നുമില്ല. കൊയ്ച്ചി എന്ന നമ്മുടെ കേന്ദ്ര കഥാപാത്രം ക്രിമിനോളജിയിൽ ലക്ച്ചറർ ആയി ജോലി ചെയ്യുന്ന ആളാണ്, പുള്ളി കുറച്ച് കാലം മുന്നേ സേനയിൽ ഡിറ്റക്ടീവ് ആയിരുന്നു, പിന്നീട് വിരമിച്ച ശേഷമാണ് പുതിയ ജോലി ഏറ്റെടുത്തത്. ഈ ജോലിയുടെ ഭാഗമായി അയാളും കുടുംബവും പുതിയ ഒരു സ്ഥലത്ത് താമസിക്കാൻ എത്തുകയാണ്.

🔸ഈ ഒരു പശ്ചാത്തലത്തിൽ രണ്ട് കാര്യങ്ങൾ അരങ്ങേറുന്നുണ്ട്, ഒന്ന് വർഷങ്ങൾക്ക് മുൻപുള്ള ഒരു തിരോധാന കേസ് കൊയ്ച്ചി വീണ്ടും അന്വേഷിക്കേണ്ടി വരുന്നുണ്ട്, ഒരു കുടുംബത്തിലെ മൂന്ന് പേരെയാണ് കാണാതായത്. രണ്ടാമത്തെ കാര്യം കൊയ്ച്ചിയുടെ ഭാര്യ അയൽക്കാരെ പരിചയപ്പെടാൻ പോവുന്നതും അവരിൽ നിന്ന് അവർക്ക് ചില മോശം പ്രതികരണങ്ങൾ നേരിടേണ്ടി വരുന്നതുമാണ്. ഈ രണ്ട് സംഭവങ്ങളുടെയും പിന്നാമ്പുറത്തേക്ക് ആണ് കഥ കടന്ന് ചെല്ലുന്നത്. ഒരു വൺ ടൈം വാച്ചിനുള്ള നല്ലൊരു ഓപ്‌ഷൻ ആണ് ക്രീപി, താല്പര്യം തോന്നുന്നെങ്കിൽ കാണാൻ ശ്രമിക്കുക.

Verdict : Good

DC Rating : 3.75/5 

983. Beasts That Cling To The Straw (2020)

Director : Kim Yong-Hoon

Genre : Thriller

Rating : 7/10

Country : South Korea

Duration : 109 Minutes

🔸ഈ വർഷം പുറത്തിറങ്ങിയ നല്ല കൊറിയൻ ത്രില്ലർ ചിത്രങ്ങളുടെ ഒരു ലിസ്റ്റ് എടുത്താൽ അതിൽ ഒന്ന് ബീസ്റ്റ്സ് ദാറ്റ് ക്ളിങ് റ്റു ദി സ്ട്രോ എന്ന ചിത്രം ആയിരിക്കും, യാതൊരു സംശയവും ഇല്ലാതെ പറയാൻ കഴിയുന്ന ഒരു കാര്യം. കഥയിലേക്ക് വരിക ആണെങ്കിൽ ഇന്റർ കണക്റ്റഡ് ആയ കുറച്ച് കഥാപാത്രങ്ങളും അവരുടേതായ ഇന്റിവിദ്വൽ കഥകളും എല്ലാം ചേർന്ന് ത്രിൽ അടിപ്പിച്ച് കൊണ്ട് തന്നെയാണ് സിനിമ മുന്നോട്ട് പോവുന്നത്, ഒരു എപ്പിസോഡിക് ഫോർമാറ്റ് ചിത്രം ഉപയോഗിച്ചിരിക്കുന്നതായി കാണാം.

🔸ആറ് ഭാഗങ്ങളായി ആണ് കഥ ഒരുക്കിയിരിക്കുന്നത്, ഒരു ജിംനേഷ്യത്തിലെ നോക്കി നടത്തിപ്പുകാരനായ കഥാപാത്രത്തിന് ഒരുനാൾ ഒരു ബാഗ് ജോലി സ്ഥലത്ത് വെച്ച് കളഞ്ഞ് കിട്ടുകയാണ്. സ്വാഭാവികമായും അതിന്റെ ഉള്ളടക്കം അയാൾ പരിശോധിക്കുകയും, അത് കണ്ട് അക്ഷരാർത്ഥത്തിൽ അമ്പരന്ന് പോവുകയും ചെയ്യുകയാണ്. അയാൾ ആ ബാഗിൽ കാണുന്നത് വേറൊന്നുമല്ല, ഒരായുസ്സിൽ സ്വയം സമ്പാദിക്കാൻ കഴിയാത്ത അത്രയും വലിയ ഒരു തുക. ഈ പണം എന്ത് ചെയ്യണം എന്ന കാര്യത്തിൽ അയാൾക്ക് ഒരെത്തും പിടി കിട്ടുന്നില്ലെങ്കിലും തൽക്കാലത്തേക്ക് ആ ബാഗ് മാറ്റി വെക്കുകയാണ്.

🔸എന്ത് കൊണ്ടോ ഈ കഥാപാത്രത്തിന് ആ ബാഗ് ലഭിച്ചിടത്ത് തിരികെ വെക്കാനോ ഉടമസ്ഥനെ അന്വേഷിച്ച് ചെല്ലാനോ തോന്നുന്നില്ല, എന്നാൽ ഒട്ട് തന്റെ ആവശ്യം നിറവേറ്റാനായി അത് കൈക്കലാക്കാനോ ഉപയോഗിക്കാനോ തോന്നുന്നുമില്ല, ആകെ കൂടി ത്രിശങ്കുവിൽ പെട്ട അവസ്ഥ. ഈ കഥാപാത്രത്തിന് ആണെങ്കിൽ ധാരാളം പ്രാരാബ്ധങ്ങളും ആവശ്യങ്ങളും ഒക്കെ ഉണ്ട് താനും. ഇതേ സമയം മറ്റൊരിടത്ത് ഈ പണ സഞ്ചിയുമായി ബന്ധപ്പെട്ട മറ്റൊരു കഥ ചുരുൾ നിവർത്തുക ആയിരുന്നു. ഇവിടെ കഥാപാത്രങ്ങൾ വ്യത്യസ്ത പശ്ചാത്തലത്തിൽ ഉള്ളവരാണ്, എല്ലാവരെയും ഒന്നിപ്പിക്കുന്ന ഘടകം പണത്തിന്റെ ആവശ്യം മാത്രം.

🔸മന്നേ പറഞ്ഞത് പോലെ തന്നെ ഈ പണം അടങ്ങിയ ബാഗിനെ ഒരു മൿഗ്ഫിൻ അല്ലെങ്കിൽ പ്ലോട്ട് ഡിവൈസ് ആയി കാണിച്ച് കൊണ്ടാണ് സിനിമ പുരോഗമിക്കുന്നത്. നോൺ ലീനിയർ ശൈലിയിൽ ഒക്കെയാണ് സിനിമ പുരോഗമിക്കുന്നത് എങ്കിലും ഓവർ കോമ്പ്ലിക്കേഷൻ ഒന്നും തന്നെയില്ല മറിച്ച് താല്പര്യം പിടിച്ച് നിർത്തുന്ന തോതിൽ ട്വിസ്റ്റുകളും ട്രണുകളും എല്ലാം കൃത്യമായ ഇടവേളയിൽ നൽകി കാഴ്ചക്കാരനെ രസിപ്പിക്കുന്നുണ്ട്. അപ്പോൾ തീർച്ചയായും കാണാൻ ശ്രമിക്കുക, നല്ലൊരു അനുഭവമാണ് ഈ ചെറിയ നല്ല കൊറിയൻ ചിത്രം.

Verdict : Very Good

DC Rating : 4/5 

977. Call (2020)

Director : Chung-Hyun Lee

Genre : Thriller

Rating : 7.2/10

Country : South Korea

Duration : 112 Minutes

🔸രണ്ട് വ്യത്യസ്ത കാലങ്ങളിൽ ഉള്ള രണ്ട് കഥാപാത്രങ്ങൾക്ക് അപ്രതീക്ഷിതമായി ഒരു കണക്റ്റിങ് ഡിവൈസിന്റെ സഹായത്തോടെ ഇടപഴകാൻ സാധിക്കുന്നതും അതിനെ തുടർന്ന് അരങ്ങേറുന്ന സംഭവങ്ങളും എല്ലാം പ്രമേയമാക്കി ഒരു സീരീസ് തന്നെ വന്നിട്ടുണ്ട്, സിഗ്നൽ എന്ന അത്യാവശ്യം കിടിലൻ ആയ ഒരു സീരീസ്. സിഗ്നൽ കണ്ട് ത്രിൽ അടിച്ചതും കൺസെപ്റ്റിന്റെ അവതരണവും പൊട്ടൻഷ്യലും എല്ലാം കണ്ട് ആവേശം കൊണ്ടതും ഇന്നും നന്നായി ഓർക്കുന്നുണ്ട്. കോൾ എന്ന സിനിമയുടെ കഥയും ഈ ഒരു ത്രെഡിന്റെ അഡാപ്റ്റേഷനാണ്, ഇവിടെ സിഗ്നലിന്റെ കാര്യം കൊണ്ടുവന്നതും വെറുതെയല്ല, ആ ത്രെഡിന്റെ അവതരണം പെർഫെക്റ്റ് ആയി കാണിച്ച ഒരു ഉദാഹരണം ആവാൻ വേണ്ടിയാണ്.

🔸തന്റെ അമ്മയ്ക്ക് കാൻസർ ബാധിച്ചത് കാരണം ജന്മനാട്ടിലേക്ക് മടങ്ങി എത്തുകയാണ് നായികാ കഥാപാത്രം, താൻ ചെറുപ്പകാലത്ത് താമസിച്ചിരുന്ന വീട്ടിലേക്ക് ആണ് അവളുടെ മടങ്ങിവരവ്. നായികാ കഥാപാത്രത്തിന്റെ അച്ഛൻ മുൻപൊരു അപകടത്തിൽ മരണപ്പെട്ടതാണ്, ആ ഒരു അപകടത്തിൽ അവൾക്കും സാരമായ പരിക്ക് പറ്റിയിരുന്നു. അമ്മയുമായി കുറച്ച് നാളുകളായി അത്ര അടുപ്പത്തിൽ അല്ലായിരുന്ന നായികാ കഥാപാത്രത്തിന് ഒരു തരത്തിൽ പറഞ്ഞാൽ റിലീഫ് കൂടിയാണ് ഈ മടങ്ങിവരവ് എന്ന് പറയാം.

🔸അങ്ങനെ മടങ്ങി എത്തിയ നായികയെ തേടി അവിചാരിതമായി ഒരു കോൾ വരികയാണ്, ആരാണ് എന്നതോ എവിടുന്ന് ആണ് എന്നതോ അല്ല മറിച്ച് ആ കോളിന്റെ അങ്ങേത്തലക്കൽ ഉള്ള ആൾ പറയുന്ന കാര്യങ്ങളാണ് വിഷയം. എന്തോ ഒരു അപകടത്തിൽ ആണ് മറുവശത്തുള്ള വ്യക്തി എന്നത് തീർച്ച, കാരണം ഒരു തരം സഹായാഭ്യർത്ഥന ആണ് കോളിന്റെ ഉദ്ദേശം. നമ്മുടെ നായികാ കഥാപാത്രം ആദ്യത്തേത് കേവലമൊരു തമാശയായി മാത്രം കണ്ട് ഒഴിവാക്കിയെങ്കിലും ഈ സംഭവങ്ങൾ തുടർന്ന് ആവർത്തിക്കുമ്പോൾ അവളുടെ ശ്രദ്ധ പിടിച്ച് പറ്റുന്ന ചില കാര്യങ്ങൾ കൂടി ഉണ്ടാവുകയാണ്.

🔸ഈ ശ്രദ്ധ പിടിച്ച് പറ്റുന്ന കാര്യങ്ങളിൽ ഒന്നാണ്, ഈ കോൾ വരുന്നത് താനിപ്പോൾ നിൽക്കുന്ന അതെ സ്ഥലത്ത് നിന്നും പത്ത് വർഷങ്ങൾക്ക് മുൻപേ വരുന്നതാണ് എന്ന നായികയുടെ തിരിച്ചറിവ്. അതായത് ഭൂത കാലത്ത് നിന്നും വർത്തമാന കാലത്തേക്ക് ഒരു കോൾ, എന്നാൽ കഥയിലെ വൈചിത്ര്യങ്ങൾ അവസാനിക്കുന്നില്ല, ആരംഭിക്കുന്നെ ഉള്ളൂ. ആദ്യമേ സൂചിപ്പിച്ചത് പോലെ ത്രെഡിൽ വലിയ പുതുമ തോന്നിയില്ല എങ്കിലും പിടിച്ചിരുത്തുന്നുണ്ട് ചിത്രം. മോശം പറയാനില്ലാത്ത പ്രകടനവും, ഇടയ്ക്കിടെ കഥാഗതിയിൽ വരുന്ന ട്വിസ്റ്റുകളും മറ്റുമൊക്കെ ചേരുമ്പോൾ ബേധപ്പെട്ട ഒരനുഭവമായി മാറുന്നുണ്ട് കോൾ എന്ന കൊറിയൻ ചിത്രം. മികച്ചത് എന്ന അഭിപ്രായം ഇല്ലെങ്കിലും കണ്ട് നോക്കാവുന്നതാണ്, ചിത്രം നെറ്റ്ഫ്ലിക്സിൽ ലഭ്യമാണ്.

Verdict : Watchable

DC Rating : 3/5 

976. Run (2020)

Director : Aneesh Chaganty

Genre : Thriller

Rating : 6.7/10

Country : USA

Duration : 89 Minutes

🔸സാറ പോൾസൺ എന്ന നടി ഒരല്പം മെന്റലി അൺസ്റ്റേബിൾ ആയ ഒരു കഥാപാത്രത്തെ അവതരിപ്പിക്കുന്നത് ഇത് ആദ്യമായി അല്ല, ഈ വർഷം മുന്നേ പുറത്തിറങ്ങിയ റേച്ചഡ് വരെയുള്ള സീരീസുകളിൽ അവർ ഇത്തരത്തിലുള്ള കഥാപാത്രങ്ങളെ അവതരിപ്പിച്ചിട്ടുണ്ട്, കഴിഞ്ഞ വർഷത്തെ ശ്യാമളാൻ ത്രിലോഗിയിലെ അവസാന ചിത്രമായ ഗ്ലാസ് മറ്റൊരു നല്ല ഉദാഹരണം. ഈ സംരംഭങ്ങളിൽ നിന്നെല്ലാം വ്യത്യസ്തമായി എന്തെങ്കിലും തരാൻ കഴിയുമോ എന്നായിരുന്നു റൺ എന്ന ചിത്രം കാണാനിരുന്നപ്പോൾ തോന്നിയ കാര്യം, അല്ലെങ്കിൽ ചോദ്യം. ഒരു ഇൻഡി ലോ ബഡ്ജറ്റ് ത്രില്ലർ എന്ന നിലയ്ക്ക് ഓക്കേ ആണ് ഈ ചിത്രം, കണ്ടിരിക്കാനുള്ള വക ഉണ്ട്.

🔸ഇന്ത്യൻ വംശജനായ സംവിധായകൻ അനീഷ് ചാഗ്നറ്റിക്ക് ഒരു പരിചയപ്പെടുത്തലിന്റെ ആവശ്യം ഉണ്ടെന്ന് തോന്നുന്നില്ല, ഒന്ന് രണ്ട് വർഷങ്ങൾക്ക് മുന്നേ പുറത്തിറങ്ങിയ അദ്ദേഹത്തിന്റെ സെർച്ചിങ് എന്ന ചിത്രം ഇന്ത്യൻ വ്യൂവേഴ്‌സിന് ഇടയിൽ ഉൾപ്പെടെ സ്ലീപ്പർ ഹിറ്റായി മാറിയ ഒരു ചിത്രമായിരുന്നു, കേവലം മൊബൈൽ ലാപ്ടോപ്പ് സ്‌ക്രീനുകളുടെ അകമ്പടിയോടെ കഥ പറഞ്ഞ് ത്രിൽ അടിപ്പിച്ച സംവിധായകന്റെ അടുത്ത ശ്രമത്തിൽ സ്വാഭാവികമായും പ്രതീക്ഷ വെക്കുന്നതിനെ തെറ്റ് പറയാനാവില്ല.

🔸അരയ്ക്ക് കീഴ്പോട്ട് തളർന്ന് കിടക്കുന്ന ഒരാളാണ് നമ്മുടെ നായികാ കഥാപാത്രം, കുറച്ച് പൊസസീവ് ആയ ഒരു കഥാപാത്രമാണ് നമ്മുടെ നായികയുടെ അമ്മ കഥാപാത്രം, കുറച്ച് എന്നത് ഒരല്പം അതിശയോക്തിയോടെ കണ്ടാലും പ്രശ്നമില്ല. പുറം ലോകവുമായി യാതൊരു ബന്ധവും ഇല്ലാത്ത രീതിയിലാണ് നമ്മുടെ നായികയെ അവളുടെ അമ്മ ഇത്രയും കാലം വളർത്തിയത്, നാല് ചുവരുകൾക്കുള്ളിൽ തടവ് പുള്ളി എന്ന് പറഞ്ഞാലും കുറയില്ല. ഒരുനാൾ ഈ നായികാ കഥാപാത്രത്തിന്റെ മനസ്സിൽ സംശയത്തിന്റെ ചെറുനാമ്പ് ഉണ്ടാവുന്നിടത്ത് നിന്നും കഥ ട്രാക്ക് മാറ്റി പിടിക്കുകയാണ്.

🔸ഈ സംശയങ്ങൾക്ക് പിറകെ വെച്ച് പിടിക്കുന്ന അവൾ കണ്ടെത്തുന്ന കാര്യങ്ങളും ട്വിസ്റ്റും ടെർണും ഒക്കെയായി അത്യാവശ്യം ത്രിൽ അടിപ്പിച്ച് തന്നെ കഥ മുന്നോട്ട് പോവുന്നുണ്ട്. ഒരു ഫാമിലി ജോണർ ആയി ആരംഭിച്ച് പിന്നെ നടത്തുന്ന ട്രാന്സിഷൻ ഒക്കെ നല്ല അനുഭവം തന്നെയായിരുന്നു. ആകെ ഒന്നര മണിക്കൂറിൽ താഴെ മാത്രം ദൈർഘ്യം ഉള്ള ചിത്രം ഒറ്റ സ്ട്രെച്ചിൽ ഫ്രീ മൈൻഡ് ആയി കണ്ട് വിടാവുന്നതാണ്, ഒരു ചെറിയ നല്ല ത്രില്ലർ, അപ്പോൾ കണ്ട് നോക്കുക.

Verdict : Good

DC Rating : 3.5/5 

973. Bacurau (2019)

Director : Juliano Dornelles

Genre : Thriller

Rating : 7.5/10

Country : Brazil

Duration : 132 Minutes

🔸ഭാവി കാലത്താണ് ബാക്കുറവോയുടെ കഥ ആരംഭിക്കുന്നത്, ടെക്ക്നോളജിക്കലി അധികം പുരോഗമിച്ചിട്ട് ഒന്നുമില്ല, ഡിസ്റ്റന്റ് ഫ്യുച്ചർ എന്ന് പറയാം. തെരേസ എന്ന കഥാപാത്രം സ്വന്തം നാട്ടിലേക്ക് മടങ്ങി വരുന്നിടത്താണ് ചിത്രം ആരംഭിക്കുന്നത്, സ്വന്തം മുത്തശ്ശിയുടെ അടക്ക് ചടങ്ങിൽ പങ്കെടുക്കാനായി ആണ് തെരേസയുടെ മടങ്ങി വരവ്. ബ്രസീലിയൻ നഗര പ്രദേശത്ത് നിന്ന് മാറി ഒരു ഒഴിഞ്ഞ സ്ഥലത്താണ് തെരേസയുടെ ബാകുറവോ എന്ന് പേരുള്ള ഗ്രാമം. കൂടുതലും കർഷകരും മറ്റുമുള്ള, വികസനം എത്തിയിട്ടില്ലാത്ത ഒരു കുഗ്രാമം എന്ന് പറയാം.

🔸സറിയലിസ്റ്റിക്ക് ശൈലിയിലാണ് ചിത്രത്തിന്റെ അവതരണം, ഗ്രാമത്തിലേക്കുള്ള തെരേസയുടെ യാത്രയിൽ തന്നെ ഒരു വേർഡ് ഫീൽ നമുക്ക് കിട്ടുന്നുണ്ട്, ചിന്തകൾ അലക്ഷ്യമായി പോവുന്ന ഒരല്പം ഡിസ്റ്റർബ്ഡ് ആയ തെരേസ ആയാലും റോഡരികിൽ വീണ് കിടക്കുന്ന ശവപ്പെട്ടികൾ ആയാലും ശെരി എന്തോ എവിടെയോ ഒരു തകരാർ ഉണ്ട് എന്ന ഫീൽ കിട്ടി തുടങ്ങും. സത്യത്തിൽ കഥ കൂടുതൽ മുന്നോട്ട് പോകവേ ഈ വിചിത്ര സംഭവങ്ങൾ വര്ധിക്കുന്നതേ ഉള്ളൂ, പക്ഷെ എവിടെവെച്ചാണ് ട്രാക്ക് മാറുന്നത് എന്ന് പോലും നമുക്ക് പിടികിട്ടാൻ പോവുന്നില്ല.

🔸ബരസീലിയൻ ഗ്രാമങ്ങളുടെയും, ലോകത്താകമാനമുള്ള രാഷ്ട്രീയ മുതലെടുപ്പുകളുടെയും എല്ലാം നേർ സാക്ഷ്യമായി മാറുന്നുണ്ട് ഈ ചിത്രം. ഭക്ഷണം പോലും നേരാംവണ്ണം ലഭ്യമാകാത്തിടത്ത് രാഷ്ട്രീയ നേതാവ് വോട്ട് അഭ്യർത്ഥിക്കാൻ വരുന്ന രംഗവും കൊടുക്കുന്ന പൊള്ളയായ ഉറപ്പുകളും എല്ലാം മികച്ച, ചിന്തിപ്പിക്കുന്ന രംഗങ്ങൾ തന്നെയാണ്. ഭൂപടത്തിൽ പോലും ഇല്ലാത്ത ഒരിടമായി ബാകുറവോയെ കാണിക്കുന്നത് ഒരുപക്ഷെ ഈ രംഗങ്ങൾക്ക് ഒക്കെ ലോകത്തങ്ങോളം ഇങ്ങോളമുള്ള പ്രാധാന്യം കാരണമാവും, അത് നൂറ് ശതമാനം ശെരിയുമാണ്.

🔸പരിചിതമായ കഥ ആണെങ്കിൽ കൂടിയും ട്രീറ്റ്‌മെന്റ് കൊണ്ടും അത് കൈകാര്യം ചെയ്തിരിക്കുന്ന രീതി കൊണ്ടും അമ്പരപ്പിച്ച ചിത്രമാണ് ബാകുറാവോ, ചിത്രത്തിൽ സംഭവിക്കുന്ന പല വിചിത്ര സംഭവങ്ങളും ഒരു എപ്പിസോഡിക് രൂപേണ എടുത്ത് നോക്കിയാൽ ചരിത്രത്തിൽ പല രാജ്യങ്ങളിലും ടർഫിലും ആയി സംഭവിച്ച പല കാര്യങ്ങളുമായി സാമ്യം തോന്നിക്കുന്നു എന്നതും എടുത്ത് പറയേണ്ടതാണ്, വളരെ ലേയേർഡ് ആയി മാറുന്ന ചിത്രം. കഴിഞ്ഞ വർഷം പുറത്തിറങ്ങിയ മികച്ച സിനിമകളിൽ ഒന്നാണ്‌ ബാകുറാവോ, ഒരു വേറിട്ട അനുഭവം തന്നെ പകർന്ന് നൽകുന്ന സിനിമാറ്റിക് റെയറിട്ടി.

Verdict : Very Good

DC Rating : 4/5 

971. Assault On Precinct 13 (1976)

Director : John Carpenter

Genre : Thriller

Rating : 7.4/10

Country : USA

Duration : 91 Minutes

🔸ജോൺ കാർപ്പെന്ററുടെ അസോൾട്ട് ഓൺ പ്രെസിന്റ് 13 എന്ന ഇൻവേഷൻ ടൈപ്പ് ആക്ഷൻ ചിത്രം റിലീസായ സമയത്ത് പൊതുവെ നെഗറ്റിവ് അഭിപ്രായങ്ങൾ നേടിയതും തിയേറ്ററിൽ തകർന്നടിയുകയും ചെയ്ത ഒരു ചിത്രമായിരുന്നു. എന്നാൽ പിന്നീട് ഓവർസീസ് റിലീസായ ചിത്രം മികച്ച അഭിപ്രായം നേടുകയും ഒരു കൾട്ട് സ്റ്റാറ്റസ് സ്വന്തമാക്കുകയും ചെയ്തു, വർഷങ്ങൾക്കിപ്പുറം ഒരു റീമേക്ക് ആയി വരെ പരിണമിച്ചു. ഇന്ന് ഇത്രയും വർഷങ്ങൾക്ക് ശേഷം തിരിഞ്ഞ് നോക്കുമ്പോൾ അങ്ങേയറ്റം എന്കെയ്ജിങ് ആയ ഒരു ത്രില്ലർ ചിത്രമായി നിൽക്കുന്നുണ്ട് അസോൾട്ട്.

🔸ഒരു നഗരത്തിലെ പോലീസും അതെ നഗരത്തിലെ ലോക്കൽ ഗ്യാങ്ങും തമ്മിലുള്ള മത്സരം അല്ലെങ്കിൽ സ്ട്രീറ്റ് വാർ ആണ് കഥയുടെ ഒരു തീം. ഈ ഒരു അടിക്ക് ഉള്ള കാരണമെന്താണെന്ന് വ്യക്തമായി പറയുന്നില്ലെങ്കിലും ചില ഹിന്റുകൾ തരുന്നുണ്ട്, അതായത് ഗ്യാങിലെ ചിലരെ പോലീസ് വേട്ടയാടിയിരുന്നതായും അവരുടെ ഒരു ആയുധ ശേഖരണ സ്ഥലം പോലീസ് ഒഴിപ്പിച്ചതായും എല്ലാം പറയപ്പെടുന്നുണ്ട്, ഇതിനിടെ ഗ്യാങിലെ ചിലർക്ക് ജീവൻ നഷ്ടപ്പെട്ടതായും പറയപ്പെടുന്നുണ്ട്. ഈ ഒരു ബാക്ക്ഗ്രൗണ്ടിലാണ് ചിത്രം കഥ പറഞ്ഞ് തുടങ്ങുന്നത്.

🔸വളരെ ഇന്റൻസ് ആയ ഒരു മീറ്റിങ് സീൻ ചിത്രത്തിന്റെ ആരംഭത്തിൽ കാണിക്കുന്നുണ്ട്, അതായത് തങ്ങൾക്ക് നേരിടേണ്ടി വന്ന നഷ്ട്ടങ്ങൾക്ക് പകരം ചോദിക്കും എന്ന് രക്തം കൊണ്ട് വാക്ക് കൊടുക്കുന്ന ഗ്യാങ് മെമ്പർമാർ ഉൾപ്പെട്ട സീൻ. സിനിമയുടെ തുടർന്നങ്ങോട്ടുള്ള പ്ലോട്ടിന്റെ ടോൺ ഏറെക്കുറെ ഈ സീൻ സെറ്റ് ചെയ്യുന്നുണ്ട്. തുടർന്ന് ഈ കഥാപാത്രങ്ങൾ ഒരു ആക്രമണ പരമ്പര തന്നെ നഗരത്തിൽ അഴിച്ച് വിടുകയാണ്, റാൻഡം ആയ തോതിൽ വഴിവക്കിൽ ഉള്ളവർക്ക് നേരെയൊക്കെ വെടി ഉതിർക്കുകയും കൊല്ലുകയും ഒക്കെ ചെയ്ത് ആകെ ബഹളമയം.

🔸ഈ ഒരു അഴിഞ്ഞാട്ടത്തിന്റെ പരിണിത ഫലം എന്നവണ്ണം ഇവർ ഒരു ആളൊഴിഞ്ഞ പോലീസ് സ്റ്റേഷൻ ആക്രമിക്കാൻ തയാറാവുന്നിടത്ത് നിന്നുമാണ് സിനിമ ട്രാക്ക് മാറ്റുന്നത്, ആവശ്യത്തിന് പോലും സേനയോ സന്നാഹങ്ങളോ ഇല്ലാത്ത ആ സ്റ്റേഷനിലെ അധികൃതർ ഒരു ചെറുത്ത് നിൽപ് കൂടി നടത്തുമ്പോൾ സിനിമ ആവേശഭരിതമാവുന്നു. ഒരു മികച്ച ത്രില്ലർ ചിത്രത്തിനുള്ള എല്ലാ ഗുണഗണങ്ങളും ഈ ചിത്രത്തിനുണ്ട്, ആദ്യാവസാനം നമ്മളെ ത്രിൽ അടിപ്പിക്കുന്നുമുണ്ട്. വീക്കെൻഡിൽ ഒരു ത്രില്ലർ ജോണറിൽ പെട്ട സിനിമയാണ് നിങ്ങൾക്ക് താല്പര്യം എങ്കിൽ തീർച്ചയായും പരീക്ഷിക്കാവുന്നതാണ്.

Verdict : Very Good

DC Rating : 4/5 

928. Unhinged (2020)

Director : Derrick Borte

Genre : Thriller

Rating : 6.1/10

Country : USA

Duration : 91 Minutes

🔸ഒരു സാധാരണ ഇൻഡി ത്രില്ലർ ആയി ഒതുങ്ങേണ്ടി ഇരുന്ന അൺഹിൻജ്‌ഡ്‌ എന്ന ചിത്രത്തിനെ വേറിട്ട് നിർത്തുന്നത് സത്യത്തിൽ ഒരേ ഒരു കാര്യം മാത്രമാണ്, റസൽ ക്രോ എന്ന ഘടകം. റസ്സൽ ക്രോ ഒരു കംപ്ലീറ്റ് സൈക്കിക് വില്ലൻ കഥാപാത്രത്തെ അവതരിപ്പിക്കുന്നു എന്നതാണ് അൺഹിൻജിദിന്റെ ഏറ്റവും വലിയ പ്രത്യേകതയും സെല്ലിങ് പോയിന്റും. സത്യത്തിൽ അതല്ലാതെ മറ്റൊന്നും ചിത്രത്തിൽ ഇല്ല എന്ന് പറഞ്ഞാൽ പോലും തെറ്റില്ല, റസൽ ക്രോവിന് വേണ്ടി കാണാം, ആ കഥാപാത്രം ഒരു നല്ല അനുഭവം തന്നെയാണ്. ബേസിക്കലി ഒരു സ്ടാൽക്കർ മോഡ് സിനിമയാണ് ചിത്രം, പ്രെമിസിൽ നിന്നും ഊഹിക്കാൻ കഴിയുന്ന വിധം ദുർബലമായ പ്രോഗ്രഷനും.

🔸കോവിഡ് പാണ്ഡെമിക് അതിന്റെ ഉച്ചസ്ഥായിൽ എത്തിയ ശേഷം തിയേറ്റർ റിലീസായ ആദ്യ ചിത്രങ്ങളിൽ ഒന്നാണ് അൺഹിൻജ്‌ഡ്‌, താരമത്യേന കുറഞ്ഞ ബഡ്ജറ്റ് ഉള്ള ചിത്രം സാമ്പത്തികപരമായി വലിയ വിജയം നേടിയതായി അറിവില്ല എങ്കിലും വിഡിയോ ഡിവിഡി റിലീസിന് ശേഷം കാഴ്ചക്കാർക്ക് ഇടയിൽ മോശമില്ലാത്ത പ്രതികരണങ്ങൾ സൃഷ്ടിക്കുന്നുണ്ട്. ഒരു സ്ടാൽക്കർ, റോഡ് മൂവി എന്നൊക്കെ വിശേഷിപ്പിക്കാവുന്ന ഒന്നാണ് ചിത്രം, ഡ്യുവൽ പോലുള്ള സിനിമകളുടെ ഇൻഫ്ലുവെൻസ് കാണാനാവും, നോ കൺട്രി ഫോർ ഓൾഡ് മെൻ എന്ന ചിത്രത്തിലെ ജാവിയർ ബാർഡാമിന്റെ കഥാപാത്രത്തെ അനുസ്മരിപ്പിക്കുന്ന ട്രീറ്റ്‌മെന്റ് ചില ഇടത്ത് സിനിമ പ്രധാന കഥാപാത്രത്തിന് കൊടുക്കുന്നുമുണ്ട്.

🔸റസ്സൽ ക്രോ അവതരിപ്പിച്ച ടോം കൂപ്പർ എന്ന കഥാപാത്രം ഒരല്പം മെന്റലി അൺസ്റ്റേബിൾ ആയ ആളാണ്, അത് പോരെങ്കിൽ പുള്ളി തന്റെ വ്യക്തി ജീവിതത്തിൽ അത്ര നല്ല ഒരു ഫെയ്‌സിലൂടെ അല്ല കടന്ന് പോവുന്നത്. ചിത്രത്തിന്റെ ഓപ്പണിങ് ആക്റ്റിൽ തന്നെ അയാൾ എന്താണെന്നും ഈ ഒരു ഫെയ്‌സ് എന്താണെന്നും കാഴ്ചക്കാരന് പിടികിട്ടും. ഈ ഒരു സീൻ കൊണ്ട് തന്നെ അയാളുടെ തുടർന്നുള്ള പെരുമാറ്റം ന്യായീകരിക്കാൻ ഒരു പരിധി വരെ കഴിയും എന്നത് ചിത്രത്തിന് ഗുണകരം ആയിട്ടുണ്ട്. എന്തായാലും സംഭവങ്ങൾ തുടങ്ങുന്നത് ഒരു ഫ്രീവേയിലെ ട്രാഫിക് സിഗ്നലിൽ വെച്ചാണ്.

🔸നായികാ കഥാപാത്രവും ചിത്രത്തിലെ പ്രോട്ടഗനിസ്റ്റും ആയ റേച്ചൽ ജങ്ഷനിൽ വെച്ച് ഗ്രീൻ സിഗ്നലിൽ മുന്നോട്ട് നീങ്ങാത്ത വണ്ടിക്ക് നേരെ ഹോൺ അടിക്കുകയും, ആ വണ്ടിയിലെ ഡ്രൈവർ ടോം ആവുകയും ചെയ്യുന്നിടത്ത് കഥ ചൂട് പിടിക്കുകയാണ്. തന്നെ പ്രകോപിപ്പിച്ചതിന് റേച്ചൽ ക്ഷമ പറയണം എന്ന ടോമിന്റെ വാദം റേച്ചൽ മുഖവിലയ്ക്ക് എടുക്കുന്നുപോലുമില്ല, ഇവിടെ നിന്നും ചിത്രം ഒരു ത്രില്ലർ ടെറിട്ടറിയിലേക്ക് കടക്കുകയാണ്. ആദ്യമേ പറഞ്ഞത് പോലെ വെറുതെ കാണാം എന്നതിഴിച്ചാൽ എടുത്ത് പറയാൻ മാത്രം ഒന്നും ചിത്രത്തിലില്ല, ഒരു റസൽ ക്രോ ആരാധകൻ എന്ന നിലയ്ക്ക് അദ്ദേഹത്തിന്റെ കഥാപാത്രത്തിൽ സംപ്ത്രിപ്തനാണ്, അത് മാത്രം.

Verdict : Watchable

DC Rating : 2.75/5 

916. The Wolf Of Snow Hollow (2020)

Director : Jim Cummings

Genre : Thriller

Rating : 6.4/10

Country : USA

Duration : 83 Minutes

🔸പലരുടെയും ശ്രദ്ധയിൽ പെടാതെ റഡാറിന് താഴെ കൂടി പോയ അത്യാവശ്യം നിലവാരം പുലർത്തുന്ന ഇൻഡി ത്രില്ലർ വിഭാഗത്തിൽ ചേർക്കാൻ ഒരു ചെറിയ സിനിമ കൂടി, ദി വൂൾഫ് ഓഫ് സ്നോ ഹോളോ. ഒന്നര മണിക്കൂറിൽ താഴെ മാത്രം ദൈർഘ്യത്തിൽ അത്യാവശ്യം ത്രിൽ അടിപ്പിക്കുന്നുണ്ട് ഈ ചിത്രം, മികച്ചത് എന്ന അഭിപ്രായം വ്യക്തിപരമായി ഇല്ലെങ്കിലും ഒരു തവണ കാണാവുന്ന, ആ സമയത്തിന് വേർതി ആയ മെറ്റിരിയൽ ഈ ചിത്രത്തിലുണ്ട്. പ്രധാന കഥാപാത്രമായി എത്തിയ ജിം കമിങ്സ് തന്നെയാണ് ചിത്രത്തിന്റെ എഴുത്ത് പരിപാടികളും സംവിധാനവും എല്ലാം ചെയ്തിരിക്കുന്നത്.

🔸സനോ ഹാലോ എന്ന ഗ്രാമം സ്ഥിതി ചെയ്യുന്നത് നഗരത്തിന് പുറത്തായി ഒഴിഞ്ഞ ഭാഗങ്ങളിൽ ഒന്നായാണ്, പേര് സൂചിപ്പിക്കുന്നത് പോലെ തന്നെ മിക്ക സമയങ്ങളിലും മഞ്ഞ് പുതച്ച് കഴിയുന്നൊരു സ്ഥലം. കാലാകാലങ്ങളായി ഇവിടെ ഒരു പോലീസ് സേനയും ഷെരീഫും ഒക്കെ ഉണ്ടെങ്കിലും പരാമര്ശിക്കപ്പെടാൻ മാത്രം പ്രാധാന്യം ഉള്ള കുറ്റകൃത്യങ്ങൾ ഒന്നും സംഭവിച്ചിട്ടില്ല. ഇപ്പോഴും പത്ത് നാല്പത് വർഷങ്ങൾക്ക് മുന്നേ നടന്ന ബാങ്ക് കൊള്ളയടി ശ്രമത്തെ പറ്റിയും അതിർത്തി തർക്കങ്ങളെ പറ്റിയും ഒക്കെ വെടിവർത്തമാനം പറഞ്ഞാണ് ഷെരീഫും കൂട്ടരും സമയം കൊല്ലുന്നത്, എന്നാൽ ഈ സ്ഥിതി താമസിയാതെ മാറുകയാണ്.

🔸ഒരു ദിവസം സ്നോ ഹാലോ ഉണരുന്നത് ഭീകരമായ ഒരു കൊലപാതക വാർത്ത കേട്ട് കൊണ്ടാണ്, ഒരു യുവതി ക്രൂരമായി കൊല ചെയ്യപ്പെട്ടിരിക്കുന്നു. അവളുടെ ശരീരത്തിലെ ജെനിറ്റൽ ഓർഗൻസ് ഉൾപ്പെടെ പറിച്ച് ചീന്തി എടുത്ത് കളഞ്ഞിട്ടുണ്ട്, ഒരു മൃഗത്തിന്റേത് എന്ന് തോന്നിപ്പിക്കുന്ന കാൽപ്പാടുകൾ ഒഴിച്ചാൽ സ്ഥലത്ത് തെളിവായി ഒന്നും അവശേഷിക്കുന്നില്ല. ഗ്രാമത്തിന്റെ ചരിത്രത്തിലെ ഏറ്റവും ക്രൂരമായ കുറ്റകൃത്യം ഒരു ഒറ്റപ്പെട്ട സംഭവമല്ല എന്ന് തെളിയിച്ച് കൊണ്ട് വീണ്ടും മറ്റൊരെണ്ണം അരങ്ങേറുകയാണ്. രണ്ട് കൊലപാതകങ്ങളും അരങ്ങേറുന്നത് പൂർണചന്ദ്രൻ ഉള്ള ദിവസങ്ങളിലാണ് എന്നത് മിസ്റ്ററി കൂട്ടുന്ന.

🔸ഒരു വേർ വൂൾഫിന് ഉള്ള സാധ്യതയിലേക്ക് ആണ് തെളിവുകൾ എല്ലാം വിരൽ ചൂണ്ടുന്നത്, എന്നാൽ മനുഷ്യന്റെ സാന്നിധ്യവും ആ സാധ്യതയും തള്ളി കളയാനാവില്ല, സത്യം എന്നത് ഇതിനിടയിൽ എവിടെയോ ആണ്. ഒരു സീരീസ് കില്ലിംഗ് മിസ്റ്ററി ആണെങ്കിലും അത് ഒരു പ്ലോട്ട് പോയിന്റ് ആയി എടുത്ത് നായകന്റെ മാനസിക ആരോഗ്യ പ്രശ്നങ്ങൾ കൂടി ചർച്ച ചെയ്യുന്ന പരിപാടി ഇഷ്ട്ടപ്പെട്ടു. നെഗറ്റിവ് ആയി തോന്നിയത് ചിത്രത്തിൽ സ്ഥാനത്തും അസ്ഥാനത്തും ആയി കടന്ന് വരുന്ന ഹ്യുമർ ആണ്, പ്രത്യേകിച്ചും ഇത്രയും സീരിയസ് ആയ ഒരു വിഷയം കൈകാര്യം ചെയ്യുന്ന സിനിമ കൂടി ആവുമ്പോൾ. അപ്പൊ കാണുന്നതിൽ തെറ്റില്ല, നൈസ് ആണ്.

Verdict : Good

DC Rating : 3.75/5 

899. Enola Holmes (2020)

Director : Harry Bradbeer

Genre : Thriller

Rating : 8.2/10

Country : UK

Duration : 123 Minutes

🔸എത്ര പുതിയ വേർഷൻ സിനിമകൾ അല്ലെങ്കിൽ സീരീസുകൾ അതും അല്ലെങ്കിൽ കഥകൾ വന്നാലും മടുപ്പ് തോന്നാത്ത, അല്ലെങ്കിൽ ഇത് നിർത്താറായില്ലേ എന്ന് തോന്നാത്ത (ഫാസ്റ്റ് ആൻഡ് ഫ്യുരിയസ് സെയ്‌സ് ഹൈ) അപൂർവം യുണിവേഴ്‌സുകളിൽ ഒന്നാണ് ഷെർലോക്ക് യുണിവേഴ്‌സ്. ഈ വിഭാഗത്തിൽ ലഭ്യമായ ഒരുവിധപ്പെട്ട എല്ലാം കണ്ട് തീർന്നിട്ടുണ്ട്, ചിലത് രണ്ടോ മൂന്നോ തവണ ഒക്കെ, പോയിന്റ് ഈസ് ഇത്രയും ഫാസിനേഷൻ തോന്നിയ വേറൊരു ഫിക്ഷനൽ കഥാപാത്രം ഇല്ല എന്ന് തന്നെ. ഇവയിൽ ഒരിടത്തും പറഞ്ഞ് കേട്ടിട്ടില്ലാത്ത കാര്യമാണ് ഷെർലോക്കിന്റെ പെങ്ങളായ ഇനോള ഹോംസിനെ പറ്റി, ഈ ഒരു വസ്തുത തന്നെയാണ് പേഴ്സണലി ഏറ്റവും താല്പര്യം ഉണർത്തിയ ഘടകവും, പരിചയം ഇല്ലായ്മ അല്ലെങ്കിൽ ആ അൺപ്രെഡിക്റ്റബിലിറ്റി.

🔸രണ്ട് കേസുകളാണ് സിനിമയിൽ ഉള്ളത്, അതിന്റെ ഡീറ്റെയിൽസിലേക്ക് ഒന്നും പോവുന്നില്ല, പുതിയ സിനിമ ആയത് കൊണ്ട് ഒഴിവാക്കുന്നു. ഇനോളയുടെ ഓർമകളിൽ അവ്യക്തമായ രൂപങ്ങളാണ് സഹോദരന്മാരായ ഷെർലോക്കും മൈക്രോഫ്റ്റും, ഇരുവരെയും അവൾ നേരിൽ കണ്ടിട്ട് കാലം ഒരുപാടായി. ഇനോലയോടൊപ്പം എല്ലാ കാലത്തും ഉണ്ടായിരുന്നത് അമ്മയായ യുടോറ മാത്രമാണ്, അവർ ഒരുപരിധി വരെ സുഹൃത്തുക്കളെ പോലെ ആണെന്നും പറയാം. ടെക്സ്റ്റ് ബുക്കുകളിൽ കൂടിയുള്ള വിദ്യാഭ്യാസത്തിനോട് യുടോറയ്ക്ക് വലിയ താല്പര്യം ഒന്നും ഉണ്ടായിരുന്നില്ല, ഒരിക്കലും.

🔸അവൾ മകളെ പഠിപ്പിച്ചത് ആയോധന കലകളും, വായനാ ശീലം വളർത്താനും, നിരീക്ഷണ പാടവം ഉണ്ടാക്കാനും ഒക്കെയാണ്, ഒരു റിബൽ സ്വഭാവമാണ് ഇനോളയ്ക്ക്, അതിൽ തെറ്റ് പറയാനുമാവില്ല, യുടോറയും അങ്ങനൊക്കെ തന്നെ. ഇത്രയും പറഞ്ഞതിൽ സ്പോയ്ലർ ഒന്നും തന്നെ ഇല്ല, ഇനി അങ്ങോട്ട് പറയാനും പോവുന്നില്ല. സിനിമ നെറ്റ്ഫ്ലിക്സിൽ സ്ട്രീം ചെയ്യുന്നുണ്ട്, കണ്ട് നോക്കാവുന്നതാണ്, അത്യാവശ്യം എന്റർടൈനിംഗ് ആണ് ചിത്രം, കണ്ടാൽ നഷ്ടം ഒന്നും തന്നെയില്ല എന്ന് സാരം. ചിത്രത്തിന്റെ കഥയുമായി വലിയ ബന്ധം ഒന്നും ഇല്ലാത്ത ചില തോന്നലുകളാണ് ചുവടെ ചേർക്കുന്നത്, മുൻ ഷെർലോക്ക് അഡാപ്റ്റേഷനുകൾ ഒക്കെ ആധാരമാക്കി ഉള്ള ചിലത്.

🔸കറ്റാന്വേഷണ കലയിൽ പരിചയം വന്നിട്ടില്ലാത്ത ചെറുപ്പക്കാരനായ ഷെർലക്കിനെ ആണ് ഇവിടെ കാണാനാവുക, അത് അത്യാവശ്യം കൗതുകകരം ആയ ഒന്ന് തന്നെയാണ്, തന്റെ സ്വതസിദ്ധമായ സ്വാഗ്, അരോഗൻസ് ഒന്നും ഇല്ല. പക്ഷെ അത്യാവശ്യം പ്രശ്നമായി തോന്നിയത് മൈക്രോഫ്ടിനെ ആണ്, തന്നോളം കഴിവുള്ള എന്നാൽ ലവലേശം ഈ വിഷയത്തിൽ താല്പര്യം ഇല്ലാത്ത എന്ന് ഷെർലോക്ക് തന്നെ വിശേഷിപ്പിച്ച മൈക്രോഫ്റ്റിന്റെ പൂർണമായും തൃപ്തി പെടുത്തിയ ഒരു ഓൺ സ്ക്രീൻ വേർഷൻ ഇന്നുവരെ കണ്ടിട്ടില്ല, ഇതിലും ഇല്ല, ഒരുപക്ഷെ സീക്വൽ ഒക്കെ ഉണ്ടെങ്കിൽ വന്നേക്കാം. അതെ, ഒരു ഫ്രാഞ്ചൈസ് അല്ലെങ്കിൽ തുടർ ഭാഗങ്ങൾക്ക് സ്കോപ്പ് ഉള്ള ഒന്നാണ് ഇനോള ഹോംസ്, അപ്പൊ കണ്ട് നോക്കാവുന്നതാണ്.

Verdict : Good

DC Rating : 3.5/5 

897. Yakshi (1968)

Director : K. S. Sethumadhavan

Genre : Thriller

Rating : 7.7/10

Country : India

Duration : 141 Minutes

🔸മലയാളം ഇൻഡസ്ട്രിയിലെ സകല ലക്ഷണ ങ്ങളും ഒത്തിണങ്ങി വന്ന മികച്ച സൈക്കോള ജിക്കൽ സിനിമകളിൽ മുൻനിരയിൽ ഇന്നും തലയുയർത്തി നിൽക്കുന്ന ചിത്രമാണ് 1968 ൽ പുറത്തിറങ്ങിയ "യക്ഷി". അമൂല്ല്യമായ സിനിമാ കളക്ഷനുകളാൽ സമ്പന്നമായ നമ്മുടെ കൊച്ച്‌ ഇൻഡസ്ട്രിയിലെയെങ്കിലും പരമാവധി ചിത്രങ്ങ ൾ കവർ ചെയ്യുക എന്ന് പറഞ്ഞാൽ പോലും അപ്രാപ്യമാവാത്ത കാര്യമാണ്. അപ്പോഴുള്ള ഒരേ യൊരു വഴി എന്തെന്നാൽ ഒരു കാരണവശാലും നഷ്ടപ്പെടുത്തരുത് എന്ന തരത്തിലുള്ളവയെ തന്നെ ആദ്യം ലക്ഷ്യമിടുക എന്നതാണ്. പണ്ട് എപ്പോളോ കണ്ടിട്ടുള്ളതാണ് എങ്കിലും ഓർമ്മയിൽ യാതൊന്നും തന്നെ നിലനിന്നിരുന്നി ല്ല എന്ന കാരണം കൊണ്ടാണ് യക്ഷി വീണ്ടും തിരഞ്ഞെടുത്തത്, അതുകൊണ്ട് തന്നെ ഫ്രഷ് ആയി തന്നെ സിനിമയെ ആസ്വദിക്കാൻ പറ്റി. സമുഖനും പ്രതിഭയുമായ ചെറുപ്പക്കാരനായ കോളേജ് പ്രൊഫസർ ആണ് ശ്രീനിവാസൻ (സത്യൻ ). കോളേജിലെ തന്നെ കൂടെ ജോലി ചെയ്യുന്ന ഒരു സ്ത്രീയുമായി അദ്ദേഹം പ്രണയ ത്തിലുമാണ്. ഏതാണ്ട് അവരുടെ കല്യാണം ഉറപ്പിച്ച മട്ടാണ്. ശാസ്ത്ര വിഷയങ്ങളിൽ പരീക്ഷ ണങ്ങൾ നടത്തിയിരുന്ന ശാസ്ത്രജ്ഞൻ കൂടിയാ യ ശ്രീനിയുടെ ജീവിതം പാടെ മാറ്റിമറിച്ചു കൊണ്ട് ആ സംഭവമുണ്ടായി, ലാബിൽ സംഭവിക്കുന്ന ഒരു പൊട്ടിത്തെറിയിൽ അദ്ദേഹത്തിന്റെ മുഖത്തിന്  സാരമായി പരുക്ക് പറ്റുന്നു. മുഖം പെട്ടെന്ന് കണ്ടാൽ ആരും ഭയന്നു പോകുന്ന തരത്തിൽ വികൃതമാകുന്നു. തന്മൂലം അയാളുടെ കാമുകി ശ്രീനിയെ ഉപേക്ഷിച്ചു  പോകുന്നു., പരിചയക്കാ രും, അടുപ്പമുള്ളവരും വരെ അയാളുടെ മുഖത്ത് നോക്കാൻ മടി കാണിക്കുന്നു. 

🔸ജീവിതം താറുമാറാകുന്ന ശ്രീനി പതിയെ സമൂഹ ത്തിൽ നിന്നും ഉൾവലിഞ്ഞു വീടിനുള്ളിൽ തന്നെ സ്ഥിരം ചിലവഴിക്കുന്ന തരത്തിലേക്ക് മാനസീക മായി മാറപ്പെടുന്നു. യക്ഷി,ആത്മാവ് എന്നീ വിഷ യങ്ങളിൽ തല്പരനായിരുന്ന ശ്രീനി വീട്ടിലിരുന്നു അവയിലേക്ക് കൂടുതൽ അടുക്കാൻ വേണ്ടി ശ്രമങ്ങൾ നടത്തുന്നു. സംഭവിച്ചു എന്ന തരത്തി ൽ കേട്ടു കേൾവിയുള്ള പല കഥകളിലെയും കഥാപാത്രങ്ങളാവാൻ അയാൾ വെമ്പൽ കൊള്ളുന്നു. തന്റെ മുഖത്തേക്ക് നോക്കി മുഖം തിരിക്കാത്ത ഒരു മനുഷ്യ ജന്മം പോലുമില്ല. എങ്കി ൽ ഒരു ആത്മാവിനെയെങ്കിലും കണ്ടു മുട്ടിയിരു ന്നെങ്കിലോ എന്ന് പോലും അയാൾ ചിന്തിച്ചു പോകുന്നു. അയാളുടെ ആഗ്രഹമെന്നോണം കറുത്ത വാവും വെള്ളിയാഴ്ചയും ഒത്തുവന്ന ആ ദിനം, ചുറ്റുപാടു മുള്ള മൃഗങ്ങൾ പരസ്പരം ആശയം പങ്കു വെച്ച് അവരുടെ ഭാഷയിൽ ഉറക്കെ ഭീതി ജനിപ്പിക്കും വിധം ഒച്ചവെച്ചു കൊണ്ടിരുന്നു. നീലാകാശത്തി നും മുകളിലെ തട്ടിലുള്ള ചുവന്ന ആകാശത്തു വിഹരിക്കുന്ന അവരുടെ ആണ്ടിലൊരിക്കലുള്ള ഭൂമീ പ്രവേശനത്തിന് പ്രകൃതി മഴയായും, കാറ്റാ യും,കൊള്ളിയാനായും സമ്മതമറിയിച്ചു. അവൾ വന്നു ചുറ്റിലും പാലപ്പൂ മണം പരന്നു. രാഗിണി.. പലപ്പോഴും ശ്രീനിവാസനും, പ്രേക്ഷകനും അവ ളൊരു യക്ഷിയോ മനുഷ്യ സ്ത്രീയോ എന്ന് വേർ തിരിച്ചറിയാൻ വയ്യാതായി.. ശ്രീനി അവളോടൊ പ്പം ജീവിക്കുകയാണ്, പക്ഷെ ആ ജീവിതത്തിന്റെ പൊരുൾ എന്തെന്ന് അയാൾക്കും പ്രേക്ഷകനും പൂർണ്ണമായി വെളിവാകുന്നത് ചിത്രത്തിന്റെ ക്ലൈമാക്സിലാണ്. പോസ്റ്റിൽ കാര്യങ്ങൾ പറ ഞ്ഞിരിക്കുന്നത് സിനിമാ ഇനിയും കാണാത്തവർ ക്ക് ആസ്വാദനം ലഭിക്കും തരത്തിലാണ് എന്ന് വിശ്വസിക്കുന്നു.

🔸ഒരുപാട് ബ്രില്ലിയന്റ് രംഗങ്ങൾ ആവർത്തിച്ചെടു ത്ത് കാണാൻ പാകത്തിനുള്ളവ സിനിമയിലുണ്ട് അതായത് ബ്രില്ലിയന്റ്സ് ലെ പെർഫെക്ക്ഷൻ എന്നൊക്കെ വിളിക്കാവുന്ന തരത്തിലുള്ളവ. രാഗിണിയുമായുള്ള പിണക്കത്തിന് ശേഷം രമ്യതയിലായി അവർ വീട്ടിലേക്ക് തിരിച്ചു വന്ന് കുളിക്കാൻ കയറിയിരിക്കുവാണ്. അകത്തു രാഗിണിയുടെ നഗ്ന മേനിയിൽ വെള്ളം പതിക്കു ന്ന ശബ്ദം വരാന്തയിൽ നിന്ന് നാണമോ, കാമ പരവശമോ മറ്റെന്തൊക്കെയോ ഭാവങ്ങൾ,ചേഷ് ടകൾ ഒക്കെയായി ആസ്വദിച്ചു സിഗരറ്റ് വലിച്ചു നിൽക്കുന്ന സത്യൻമാഷ്.,(മറ്റെവിടെയും അത്ത രത്തിലുള്ള ഒരു അഭിനയ രീതി വേറെ ഓർത്തെ ടുക്കാൻ കഴിയുന്നില്ല). ശേഷം ക്ഷമ നശിച്ച് സിഗരറ്റും കുത്തിക്കെടുത്തി അകത്തേക്ക് കയറി ചെന്ന് പ്രേമ പരവശനായി രാഗിണിയോട് കുളിമുറിയുടെ വാതിൽ തുറക്കാൻ എന്തൊക്കെ യോ പുലമ്പുകയാണ് ആള്. 

🔸കടുതൽ ദീർഖിപ്പിക്കുന്നില്ല മലയാളത്തിൽ നിന്നും ഒരു കാരണവശാലും നഷ്ടപ്പെടുത്താൻ പാടില്ലാത്ത ചിത്രങ്ങളിൽ ഒന്നാണ് മലയാറ്റൂരിന്റെ യക്ഷി എന്ന നോവലിൽ നിന്നും തോപ്പിൽ ഭാസി തിരക്കഥ എഴുതി KS സേതുമാധവൻ സംവിധാനം നിർവ്വഹിച്ച "യക്ഷി" എന്ന ഈ ചിത്രം. ചില രംഗ ങ്ങളിളും സംഭാഷണങ്ങളിലുമെല്ലാം ചിലപ്പോൾ കഴിഞ്ഞു പോയ കാലഘട്ടത്തിന്റെ പോരായ്മ കൾ നിഴലിക്കുന്നതായി "ഇന്ന്" ചിലപ്പോൾ ആർ ക്കെങ്കിലുമൊക്കെ തോന്നാൻ സാധ്യതയുണ്ട്. എന്നാൽ കാലഘട്ടം മനസ്സിൽ വെച്ച് സിനിമയെ  ആസ്വദിക്കാൻ കഴിയുന്നവർക് ഒരു ക്ലാസ്സിക്ക് ഉൽപ്പന്നവും ലഭിക്കും. പക്ഷെ ഏത് കാലഘട്ട ത്തിൽ ഉള്ളവർ ആണ് എങ്കിലും സത്യൻ എന്ന പ്രതിഭയുടെ പെർഫോമൻസ് സുസൂഷ്മം വീക്ഷി ച്ചാൽ ഒരു കൊച്ചു ചിരിയോടെ അതിനെ നോക്കി നിന്നാസ്വാധിക്കാൻ നിങ്ങൾക്ക് എപ്പോളും സാധി ക്കും തീർച്ച. ശാരദ തന്റെ ശാലീനമായ സൗന്ദര്യം കൊണ്ടും, അഭിനയ മികവുകൊണ്ടും ചിത്രത്തിന്റെ മാറ്റ് കൂട്ടിയപ്പോൾ സപ്പോർട്ട് റോളുകളിൽ വന്ന ഭാസിയും, സുകുമാരിയുമെല്ലാം അവരുടെ ഭാഗം മികവോടെ ചെയ്ത്  സിനിമയിൽ നിറഞ്ഞു നിന്നു. സ്വർണ്ണച്ചാമരം വീശിയെത്തുന്ന എന്ന ഗാനം പണ്ടുമുതലേ ഇഷ്ടം ആണ്. ചിത്രത്തിലുള്ള മറ്റു ഗാനങ്ങളും ഹിറ്റുകളാണ്.

Verdict : Must Watch

DC Rating : 5/5 

876. I'm Thinking Of Ending Things (2020)

Director : Charlie Kaufman

Genre : Thriller

Rating : 8.5/10

Country : USA

Duration : 135 Minutes

🔸ആദ്യമേ തന്നെ, മൾട്ടിപ്പിൾ വ്യൂവിങ് ആവശ്യമുള്ള ചിത്രമാണ് ഐ ആം തിങ്കിങ് ഓഫ് എൻഡിങ് തിങ്ങ്സ്, ഇത് ഉറപ്പിച്ച് പറയാൻ ഒരു കാരണമുണ്ട്, ചിത്രത്തിന്റെ തുടക്ക ഭാഗത്ത് രണ്ട് കഥാപാത്രങ്ങൾ പരസ്പരം അത്യാവശ്യം ലെങ്ങ്തി ആയ തോതിൽ സൈക്കോളജി ഒക്കെ ഇടകലർത്തി സംസാരിക്കുന്ന ഒരു രംഗമുണ്ട്. ആദ്യ കാഴ്ചയിൽ ഇവ പ്ലോട്ടുമായി നേരിട്ട് സംവദിക്കാത്തത് എന്നൊക്കെ തോന്നിയേക്കാം എങ്കിലും രണ്ടാമത് കാണുമ്പോൾ അല്ലെങ്കിൽ കഥയുടെ പോക്ക് എങ്ങോട്ടേക്കാണ് എന്ന് അറിഞ്ഞ ശേഷം ശ്രദ്ധയോടെ വീക്ഷിക്കുമ്പോൾ ആയിരിക്കും മർമ്മ പ്രധാനമായ പലതും കണ്ടെത്താൻ കഴിയുക. ഈ ഒരു രീതിയിൽ നോക്കുമ്പോൾ ഈ അടുത്ത് കണ്ടതിൽ ഏറ്റവും ഇന്റലിജന്റ് ആയി കഥ പറഞ്ഞ് പോയ ചിത്രമാണ് ഈ ചാർളി കൗഫ്മാൻ ചിത്രം.

🔸പേര് വെളിപ്പെടുത്തിയിട്ടില്ലാത്ത നമ്മുടെ നായികാ കഥാപാത്രം സ്ട്രീറ്റിൽ വണ്ടി കാത്ത് നിൽക്കുന്നിടത്താണ് സിനിമ ആരംഭിക്കുന്നത്, പുള്ളിക്കാരി തന്റെ കാമുകന്റെ വരവും കാത്ത് നിൽക്കുകയാണ്. ഈ വേളയിൽ എല്ലാം അവൾ സംശയങ്ങൾ ഉന്നയിക്കുന്നുണ്ട്, ജെയ്ക് എന്ന കാമുകനോടൊപ്പം ഉള്ള ബന്ധം മുന്നോട്ട് കൊണ്ടുപോവണോ, അങ്ങനെ പോയാൽ തന്നെ എന്തായിരിക്കും തന്റെ ഭാവി അങ്ങനെ അങ്ങനെ ഒരുപാട് ഒരുപാട് സംശയങ്ങൾ. ജെയ്ക് നല്ലവനാണ് എന്ന കാര്യത്തിൽ അവൾക്ക് സംശയം ഏതുമില്ല, പക്ഷെ ബന്ധത്തിൽ ഒരു പുരോഗതിയില്ല, എല്ലാം ആരോ തീരുമാനിച്ച കണക്കിന് ഒരോളത്തിൽ അങ് പോവുന്നു.

🔸എന്തായാലും ചിന്ത പാതിവഴി മുറിച്ച് കൊണ്ട് ജെയ്ക് അവിടേക്ക് എത്തുകയാണ്, അയാളുടെ അമ്മയെയും അച്ഛനെയും കാണിക്കാനായി വീട്ടിലേക്ക് കൊണ്ടുപോവുകയാണ് അവളെ. മഞ്ഞ് പുതച്ച്‌ കൊണ്ടുള്ള ഗ്രാമീണ വഴികളിലൂടെ ആണ് രണ്ട് പേരുടെയും കാർ യാത്ര. നോക്കെത്താ ദൂരത്തോളം മഞ്ഞ് അല്ലാതെ മറ്റൊന്നും കാണാനില്ല, ഈ ഒരു ഭാഗത്താണ് മുന്നേ സൂചിപ്പിച്ച ഫിലോസഫിക്കൽ ആയ ഡയലോഗുകൾ കടന്ന് വരുന്നത്. ഇരുവരും തങ്ങളുടെ വ്യക്തി ജീവിതം, ഭൂത ഭാവി വർത്തമാന കാല പദ്ധതികളെ കുറിച്ചെല്ലാം സംസാരിക്കുന്നുണ്ട്, അങ്ങനെ യാത്രയ്ക്ക് ഒടുവിൽ ഇരുവരും ഫാം ഹോസിൽ എത്തുകയാണ്.

🔸യവതിയെ സംബന്ധിച്ച് ഒട്ടും ആശാവഹമായ കാര്യങ്ങളല്ല ഇവിടെ അരങ്ങേറുന്നത്, ഒരല്പം വിചിത്രം അല്ലെങ്കിൽ ഭീതികരം എന്നൊക്കെ പറയാവുന്ന തലത്തിലേക്ക് കാര്യങ്ങൾ കടന്ന് പോവുന്നുണ്ട്. ഇവിടെ വെച്ച് സിനിമയുടെ കഥയെ പറ്റി നിർത്തുകയാണ്, ബാക്കി കണ്ട് അറിയാൻ ശ്രദ്ധിക്കുക. തുടർന്ന് എന്ത് സംഭവിക്കും, എന്താവും ഈ കഥാപാത്രങ്ങളുടെ ഭാവി എന്നതൊക്കെ അത്യാവശ്യം സസ്പെൻസ് ആണ്, സ്പോയിൽ ആവാൻ സാധ്യത കാണുന്നുണ്ട്, അതിന് നിക്കാതെ പെട്ടെന്ന് തന്നെ കാണാൻ ശ്രമിക്കുക. എഡ്ജ് ഓഫ് ദി സീറ്റ് ത്രില്ലറോ, ഫാസ്റ്റ് പെയ്‌സ്ഡ് ആയ അവതരണമോ പ്രതീക്ഷിക്കരുത്, സ്ലോ പോയ്സൻ എന്നൊക്കെ വിശേഷിപ്പിക്കാവുന്ന സാധനമാണ്. എന്തായാലും എനിക്ക് നന്നായി ഇഷ്ട്ടപ്പെട്ടു, താല്പര്യം തോന്നുന്നെങ്കിൽ കാണാം.

Verdict : Very Good

DC Rating : 4/5 

871. Train To Busan 2 - Peninsula (2020)

Director : Yeon Sang-ho

Genre : Thriller

Rating : 6/10

Country : South Korea

Duration : 116 Minutes

🔸ടരെയിൻ റ്റു ബുസാൻ പോലെ നമ്മുടെ നാട്ടിൽ പ്രചാരം നേടിയ അധികം വിദേശ ഭാഷാ സിനിമകൾ ഇല്ല, പ്രസ്തുത ചിത്രത്തേക്കാൾ മികച്ച, നിലവാരം പുലർത്തിയ സിനിമകൾ കൊറിയയിൽ നിന്ന് തന്നെ വന്നിട്ടുണ്ട് എങ്കിലും ആളുകളുടെ ശ്രദ്ധ പിടിച്ചെടുക്കുന്ന അല്ലെങ്കിൽ എന്റർറ്റെയിൻ ചെയ്യാൻ കഴിവുള്ള ഒരു എക്സ് ഫാക്റ്റർ ആ ചിത്രത്തിനുണ്ട് എന്ന് തോന്നിയിട്ടുണ്ട്. നല്ല കഥ, അഭിനേതാക്കൾ, ഇമോഷണൽ ഗട് പഞ്ച് തുടങ്ങി ഒരുപാട് ഘടകങ്ങൾ കാണിക്കാനാവും, ഈ ഒരു കാരണം കൊണ്ട് തന്നെയാണ് രണ്ടാം ഭാഗ ചിത്രം ഈ വർഷത്തെ മോസ്റ്റ് എവെയ്റ്റഡ് സിനിമകളിൽ ഒന്നായി മാറിയതും. തിയേറ്ററിൽ കാണാനാവും എന്നൊരു പ്രതീക്ഷ ഉണ്ടായിരുന്നെങ്കിലും കൊറോണയ്ക്ക് മറ്റ് പ്ലാനുകൾ ആയിരുന്നു.

🔸ആദ്യ ചിത്രത്തിൽ സോംബി ഔട്ട്‍ബ്രെയ്ക്കിന് ഒരു സർപ്രൈസ് ഫാക്റ്റർ ഉണ്ടായിരുന്നു, അതായത് കഥാപാത്രങ്ങൾക്ക് ഇതിനെ എങ്ങിനെ നേരിടണം എന്നോ ഇനി എന്ത് എന്നോ വലിയ പിടി ഒന്നും ഉണ്ടായിരുന്നില്ല, ആ ഒരു കാരണം കൊണ്ട് തന്നെ കുറച്ച് കൂടി ഭീകരം ആയിരുന്നു കാര്യങ്ങളുടെ ഒരു കിടപ്പ് വശം. ഈ രണ്ടാം ഭാഗത്ത് കഥ എത്തുമ്പോൾ ആളുകൾ കുറച്ച് കൂടി ഇതിനോട് പൊരുത്തപ്പെട്ടിട്ടുണ്ട്, ഏത് രീതിയിലും അതിജീവിക്കുക എന്നതൊക്കെ അവരുടെ ജീവിത ശൈലിയുടെ ഭാഗം ആയിട്ടുണ്ട്, ഈ അനുഭവങ്ങൾ അവരെ കുറച്ച് കൂടി ഹാർഡൺ ചെയ്തിട്ടുണ്ട് എന്നത് വേറെ കാര്യം.

🔸സോംബി ഔട്ട്‍ബ്രെയ്ക്കിന്റെ തുടക്ക കാലത്ത് തന്റെ സഹോദരിയെയും കുടുംബത്തെയും രക്ഷിക്കാൻ ശ്രമിക്കുന്ന പട്ടാളക്കാരനായ ജങ് സിയോക്കിനെ കാണിച്ച് കൊണ്ടാണ് സിനിമ ആരംഭിക്കുന്നത്, കാര്യങ്ങൾ ഇഞ്ചിയോണിൽ കൈവിട്ട് പോയിരിക്കുന്നു, ഇനി ഏത് വിധേനയും രക്ഷപ്പെടുക എന്നത് മാത്രമാണ് വഴി. ഇഞ്ചിയോണിൽ നിന്നും ജപ്പാനിലേക്ക് പോവുന്നൊരു കപ്പൽ പോർട്ടിൽ ഉണ്ട്, അത് തീരം വിടും മുൻപ് അവിടെ എത്താനുള്ള ഒരു മത്സരപാച്ചലാണ് അവിടെ നടക്കുന്നത്, അതിനിടെ മറ്റുള്ളവരുടെ സഹായ അഭ്യർത്ഥനകൾ അയാൾക്ക് ഒഴിവാക്കേണ്ടിയും വരുന്നുണ്ട്.

🔸കത്യ സമയത്ത് കപ്പലിൽ എത്തുന്നുണ്ട് എങ്കിലും അതിനുള്ളിൽ വെച്ച് വീണ്ടും ഒരു ഔട്ട്‍ബ്രെയ്ക്ക് ഉണ്ടാവുകയും, കുറച്ചധികം ആളുകൾ ഇഫക്റ്റ് ആവുകയും ചെയ്യുകയാണ്, അവിടെ നിന്നും അതിജീവിച്ചവർക്ക് ഉണ്ടാവുന്ന മാനസിക ആഘാതം വളരെ വലുതായിരുന്നു. ഇവിടെ നിന്നാണ് ചിത്രം തുടങ്ങുന്നത്, ഒരു പ്രത്യേക കാരണം കൊണ്ട് ഇവരിൽ ചിലർക്ക് ഇഞ്ചിയോണിലേക്ക് മടങ്ങി പോവേണ്ടി വരുന്നതും തുടർന്നുള്ള സംഭവങ്ങളുമാണ് ചിത്രം. ആദ്യ ചിത്രത്തിന്റെ അത്ര സ്‌ട്രൈക്കിങ് ആയി തോന്നിയില്ല എങ്കിലും കാണാൻ ഉള്ളതുണ്ട് പെനിൻസുലയിൽ, ഒരു തവണ കണ്ട് നോക്കാവുന്നതാണ്.

Verdict : Average

DC Rating : 2.5/5