1368. Concrete Utopia (2023)

Director : Um Tae Hwa

Cinematographer : Cho Hyoung Rae

Genre : Drama

Country : South Korea

Duration : 130 Minutes

🔸നല്ല ഒരു കൺസെപ്റ്റിന്റെ മടി പിടിച്ച അവതരണം എന്നൊക്കെ പറയാവുന്ന ചിത്രമാണ് കോൺക്രീറ്റ് ഉറ്റോപ്യ. അതായത് സിനിമയുടെ കോർ പ്ലോട്ട് മാത്രം എടുത്ത് പരോശോധിക്കുക ആണെങ്കിൽ സംഭവം ഇന്ട്രെസ്റ്റിങ് ആണ്, ഈ ഒരു ചുവട് പിടിച്ച് വേറൊരു രീതിയിൽ നല്ല സിനിമകൾ വന്നിട്ടുണ്ട് താനും, എന്നാൽ നിർജീവമായ രീതിയിൽ അവതരിപ്പിച്ച് അത്യാവശ്യം ആ ഒരു അഡ്വാൻടേജ് കളഞ്ഞ് കുളിച്ചിട്ടും ഉണ്ട്. കഥയിലേക്ക് വരിക ആണെങ്കിൽ ഒരു ഡിസാസ്റ്റർ ത്രില്ലർ ജോണറിൽ പെട്ട സിനിമയാണ് കോൺക്രീറ്റ് ഉറ്റോപ്യ, എന്നാൽ ഒരു ഡ്രാമ ആയി പലയിടത്തും മാറുന്നുമുണ്ട്. ഈ ഡ്രാമ ആയി കഥ മാറുന്നിടത്ത് ആണ് സിനിമയുടെ ഊർജം നഷ്ടപ്പെടുന്നതും.

🔸സോൾ ആണ് നമ്മുടെ കഥാ പശ്ചാത്തലം, ലോകത്തെ ഏതൊരു വികസിത നഗരത്തിനോടും കിട പിടിക്കുന്ന രീതിയിൽ വളർന്നു പടർന്നു പന്തലിച്ച സോൾ നഗരം ഒരു രാത്രി ഇരുട്ടി വെളുത്തപ്പോൾ ഒരു ശവപ്പറമ്പ് ആയി മാറി ഇരിക്കുകയാണ്. തലേ ദിവസം അരങ്ങേറിയ ഭൂമി കുലുക്കത്തിന്റെ സംഹാര താണ്ഡവത്തിൽ അവശേഷിച്ചത് ഒരേയൊരു ബിൽഡിങ് മാത്രമാണ്. ബാക്കിയുള്ള ബിൽഡിങ്ങുകൾ നിലം പതിച്ചപ്പോൾ അതിനോടൊപ്പം തന്നെ വലിയൊരു ശതമാനം ആളുകളും മണ്മറഞ്ഞു പോയിരിക്കുന്നു. അവശേഷിച്ച ബിൽഡിങ്ങിലെ അന്തേവാസികൾക്ക് കാര്യമായ പരിക്കുകൾ ഒന്നും തന്നെ സംഭവിച്ചിട്ടില്ല എന്നതാണ് ആശ്വാസ്യകരം.

🔸എന്നാൽ ഈ ഒരു പോയിന്റിൽ ഒരു ക്ലാസ് ഡിഫറൻസ് വരികയാണ്, എല്ലാം നഷ്ടപ്പെട്ടവരും ഭാഗ്യം കാരണം രക്ഷപ്പെട്ടവരും തമ്മിലുള്ള ഒരു വേർതിരിവ് അവിടെ കടന്ന് വരികയാണ്. തുടക്കത്തിൽ സഹനുഭൂതിയോടെ നോക്കി കണ്ടവരും, സഹായം അഭ്യർത്തിച്ചവരും ഒക്കെ അവകാശങ്ങളും അധികാരങ്ങളും ഒക്കെ സ്ഥാപിച്ച് തുടങ്ങുമ്പോൾ കഥ കുറച്ച് വയലന്റ് ആയി മാറുന്നു. പിന്നീടങ്ങോട്ട് നമ്മൾ പ്രതീക്ഷിക്കാത്ത ചില ട്വിസ്റ്റും ടർനും ഒക്കെ തന്ന് മുന്നോട്ട് പോവുന്നുണ്ട് എങ്കിലും പ്രതീക്ഷിച്ച ഒരു ഇമ്പാക്റ്റ് ഒന്നും ലഭിക്കുന്നില്ല. ഒരു വേസ്റ്റഡ് പോട്ടംഷ്യൽ ഒക്കെയായി അവസാനിക്കുകയാണ് ഒടുവിൽ കോൺക്രീറ്റ് ഉറ്റോപ്യ. നല്ല പ്രകടനങ്ങളും, കഥാ സന്ദർഭവും ഒക്കെ ആണെങ്കിലും ഒരു ഇമോഷണൽ കണക്ഷൻ കിട്ടാതെ പോയ സിനിമ എന്ന് കൂടി പറയാം.

Verdict : Average

DC Rating : 2.75/5