1210. Aakrosh (1980)

Director : Govind Nihalani

Cinematographer : Govind Nihalani

Genre : Drama

Country : India

Duration : 144 Minutes

🔸ആക്രോശ് എന്ന പദത്തിന് ഹിന്ദിയിൽ ദേഷ്യം എന്നൊക്കെ അർത്ഥം വരും, ടൈറ്റിൽ അന്വർത്ഥം ആക്കും വിധം ദേഷ്യം എന്ന വികാരം തന്നെയാണ് ഈ സിനിമയുടെ ഡ്രൈവിങ് ഫോഴ്‌സ്. സഹനത്തിന്റെയും അവസാന പടിയും കടന്ന് പോയ ഒരു കഥാപാത്രം പൊട്ടി തെറിക്കുന്നത് ഒക്കെ നമ്മൾ മുന്നേ കണ്ടിട്ടുണ്ട്, പക്ഷെ ഇവിടെ അങ്ങനെ ഒരു അവസ്ഥക്ക് പോലും സാധ്യത കാണുന്നില്ല, അല്ലെങ്കിൽ പ്രധാന കഥാപാത്രത്തിന്റെ തിരിച്ചുവരവ് അല്ലെങ്കിൽ പ്രതികരണം ഒക്കെ കാണിക്കുന്ന സ്ഥിര ഫൈനൽ ആക്റ്റ് പോലും ഉണ്ടാവില്ല. യാഥാർഥ്യത്തിൽ ചില മനുഷ്യർ ജനിച്ച് ജീവിച്ച് മരിക്കുന്നത് കേവലം പുഴുക്കളെ പോലെ ദാരുണമായ അവസ്ഥയിലാണ് എന്ന തിരിച്ചറിവ് ആണ് സിനിമ തരുന്നത്, ഈ ഒരു വസ്തുത മാത്രം നോക്കുക ആണെങ്കിൽ ഭീകരമായ ഒരവസ്ഥ കാണിച്ച് തരുന്ന വളരെ ഡിപ്രസിങ് ആയൊരു ചിത്രമാണ് ആക്രോശ്.

🔸ജാതീയത എന്ന വിഷയം നമ്മുടെ രാജ്യത്തിന്റെയും, അവിടത്തെ ജനങ്ങളുടെയും അസ്തിത്വത്തിൽ എത്ര ഭീകരമായി പിടിച്ച ഒന്നാണ് എന്ന് ഈ ചിത്രം വ്യക്തമായി കാണിക്കുന്നുണ്ട്. അമരീഷ് പുരി അവതരിപ്പിക്കുന്ന വക്കീൽ കഥാപാത്രം നസിറുദ്ധീൻ ഷായുടെ കഥാപാത്രത്തിനോട് പറയുന്ന ഒരു സംഭാഷണം വളരെ പ്രസക്തമാണ്. കോടതിയിൽ ഒരു കേസിന്റെ രണ്ട് ഭാഗത്തായി നിലകൊള്ളുന്ന ഇവർ പരസ്പരം പറയുന്നുണ്ട്, ഈ കേസ് ഷാ ജയിക്കുക ആണെങ്കിൽ അയാൾ വിലയിരുത്തപ്പെടുക ഒരു താഴ്ന്ന ജാതിക്കാരനെ ശിക്ഷയിൽ നിന്നും മോചിപ്പിച്ച വക്കീൽ ആയും,മറിച്ച് പുരി ജയിക്കുക ആണെങ്കിൽ സ്വന്തം ജാതിക്കാരന് വേണ്ടി തോറ്റ് കൊടുത്ത വക്കീൽ ആയും ആയിരിക്കും, അഥവാ ഈ കടമ്പയിൽ തനിക്ക് ഒരിക്കലും ജയിക്കാൻ കഴിയില്ല എന്ന് തന്നെ.

🔸സവന്തം ഭാര്യയെ കഴുത്ത് ഞെരിച്ച് കൊന്നതിനാണ് ലഹന്യ ഭിക്കു ഇന്ന് വിചാരണ നേരിടുന്നത്, അയാൾ ആണെങ്കിൽ ഒരക്ഷരം വാ തുറന്ന് പറയുന്നു പോലുമില്ല. ഈ കേസ് ഷീറ്റിൽ എഴുതപ്പെട്ടിരിക്കുന്ന സംഭവങ്ങളിൽ എത്ര മാത്രം സത്യം ഉണ്ടെന്ന് അറിയാനുള്ള അയാളുടെ വക്കീലിന്റെ യാത്ര വെളിച്ചം വീശുന്നത് ചീഞ്ഞ് അളിഞ്ഞ പല രീതികളിലേക്കും, അതിലും പരിതാപകരമായ അവസ്ഥകളിലേക്കുമാണ്. ഞാൻ കണ്ട ഏറ്റവും മികച്ച സിനിമകളിൽ ഒന്നാണ് ആക്രോശ്, പേര് സൂചിപ്പിക്കുന്ന അവസ്ഥ തന്നെയാണ് ചില സന്ദർഭങ്ങളിൽ കാഴ്ചക്കാരന് തോന്നുന്ന വികാരവും. ദേഷ്യത്തിന് പൊതുവെ നൽകുന്ന പൊട്ടി തെറി എന്നതിനേക്കാൾ നിശബ്ദത എന്നൊരു മാനം കൂടി ചിത്രം നൽകുന്നുണ്ട്.

Verdict : Must Watch

DC Rating : 5/5 

1209. Don't Look Up (2021)

Director : Adam Mckay

Cinematographer : Linus Sandgren

Genre : Comedy

Country : USA

Duration : 143 Minutes

🔸ഭമിയെ ലക്ഷ്യമാക്കി വലിയൊരു കോമറ്റ് വന്ന് കൊണ്ടിരിക്കുകയാണ്, അതായത് ഏകദേശം ഒൻപത് കിലോമീറ്ററോളം വീതിയുള്ള ഊഹിക്കാൻ കഴിയാത്ത തോതിൽ പ്രഹര ശേഷിയുള്ള ഒരു പ്ലാനട്ട് ഡിസ്ട്രോയിങ് കോമറ്റ് എന്നൊക്കെയുള്ള വിശേഷണം അർഹിക്കുന്ന ഒരു ഭീമാകാരൻ. ദിനോസറുകളുടെ അവസാനം കണ്ടതെന്ന് പൊതുവെ വിശ്വസിക്കപ്പെടുന്ന ഉൽക്കകളെക്കാൾ ഭീകരമാണ് അവസ്ഥ, മാനവ രാശിയുടെ തന്നെ അന്ത്യം ഉറപ്പായി കഴിഞ്ഞിരിക്കുകയാണ് എന്ന് പറഞ്ഞാലും സംശയമില്ല. ഒരു സാധാരണ അസ്ട്രോ സയൻസ് യൂണിവേഴ്സിറ്റിയിലെ പ്രൊഫസറും അയാളുടെ ശിഷ്യ ആയ ഡോക്റ്ററേറ്റ് വിദ്യാർഥിയുമാണ് ഈ കണ്ടുപിടുത്തം നടത്തിയിരിക്കുന്നത്. ഉൽക്ക ഭൂമിയിലേക്ക് എത്താനായി ഇവരുടെ നിഗമനത്തിൽ ഇനി അവശേഷിക്കുന്നത് ആറര മാസങ്ങൾ മാത്രമാണ്.

🔸ഒരു മോക്യുമെന്ററി മോഡലിൽ ഒക്കെ തയാറാക്കിയിരിക്കുന്ന ചിത്രം അതിന്റെ ശൈലി കൊണ്ട് പിടിച്ചിരുതുന്നുണ്ട്, അതും ഒരു അപ്പോകാലിപ്ടിക് ഇവന്റ് ഒക്കെ കോമിക്കൽ ആയി അവതരിപ്പിച്ചിരിക്കുന്ന രീതി വളരെ സവിശേഷമായി തോന്നി, കാര്യത്തിന്റെ ഗൗരവം ഒട്ട് വിടുന്നില്ല താനും. ഈ അപകടകരമായ അവസ്ഥ മനസിലാക്കിയ രണ്ട് സയന്റിസ്റ്റുമാരും ചേർന്ന് അതിന്റെ ഭീകരമായ യാഥാർഥ്യം ജനങ്ങളിലേക്ക് എത്തിക്കാൻ ഇറങ്ങി പുറപ്പെടുന്നതും എന്നാൽ വഴി മദ്ധ്യേ വെച്ച് കണ്ട് മുട്ടുന്ന, അപകടത്തെ അവസരമായി കാണുന്ന ചില വിഷ പാമ്പുകളും എല്ലാം കൂടി ചേരുമ്പോൾ ആകെ ഒരു ഫൺ റൈഡ് ആയി മാറുന്നുണ്ട് ചിത്രം. നിലവാരത്തെ കുറിച്ചൊന്നും കൂടുതൽ ബോതേർഡ് ആവാതെ കഥയുടെ ഫ്ലോയ്ക്ക് ഒപ്പം പോയാൽ കണ്ട് വിടാവുന്ന ഒരു സിനിമ ലഭിക്കും എന്നുറപ്പ്, അതിൽ കൂടുതൽ യാതൊന്നും പ്രതീക്ഷിക്കേണ്ടതില്ല.

🔸വളരെ സ്റ്റെല്ലാർ ആയൊരു കാസ്റ്റ് ഉണ്ട് ചിത്രത്തിൽ. ലിയാണർഡോ ഡികാപ്രിയോ, ജെന്നിഫർ ലോറൻസ്, മെറിൽ സ്ട്രീപ്പ് പോലുള്ളവരെല്ലാം മുഴുനീള റോൾ ആണെങ്കിൽ മറ്റുള്ളവർ എല്ലാം ഒരു കാരിക്കേച്ചർ ഒക്കെ പോലെ വന്ന് പോവുന്ന കഥാപാത്രങ്ങളാണ്, അവസാനം മാത്രം വരുന്ന തീമോതി ശാലമേറ്റും, ഒറ്റ സീനിൽ വന്ന് പോവുന്ന ക്രിസ് ഇവാൻസും എല്ലാം ഇതിൽ പെടും. എടുത്ത് പറയേണ്ട മറ്റൊരു കഥാപാത്രം മാർക്ക് റൈലാൻസിന്റെതാണ്, ഇന്ട്രെസ്റ്റിങ് ആയി തോന്നിയ ഒരു കഥാപാത്രം. സ്പെഷ്യൽ എന്നോ, മികച്ചത് എന്നോ ഉള്ള വിശേഷണം ഒന്നും കൊടുക്കാൻ ഉദ്ദേശിക്കുന്നില്ല, പക്ഷെ ഒരു എന്റെർറ്റെയിന്മെന്റ് സിനിമ നൽകുന്നുണ്ട്, വീക്കൻഡ് വാച്ചിന് ഒക്കെ അത് തന്നെ ധാരാളം.

Verdict : Watchable

DC Rating : 3/5 

1208. The French Dispatch (2021)

Director : Wes Anderson

Cinematographer : Robert Yeoman

Genre : Drama

Country : Germany

Duration : 107 Minutes

🔸ലോകത്താകമാനം ഉള്ള ജർനലിസ്റ്റുകൾക്ക് ഉള്ളൊരു ലവ് ലെറ്റർ എന്നാണ് തന്റെ ചിത്രത്തെ വെസ് അൻഡേഴ്സൻ കുറച്ച് കാലം മുന്നേ വിശേഷിപ്പിച്ചത്, ഏറെക്കുറെ ഒരു ബ്രോഡർ സെൻസിൽ അത് തന്നെയാണ് സിനിമയുടെ വിഷയവും. ഈ ഒരു വളരെ കൗതുക കരമായ പ്ലോട്ട് പോയിന്റ് മാറ്റി നിർത്തിയാൽ സിനിമയിൽ ആദ്യം കണ്ണുടക്കുക അന്യായം എന്നൊക്കെ വിശേഷിപ്പിക്കാവുന്ന എ ലിസ്റ്റ് കാസ്റ്റിങ്ങിൽ തന്നെയാണ്, വെസ് ചിത്രങ്ങളിലെ സ്ഥിര സാന്നിധ്യങ്ങൾ ആയവരെല്ലാം മുഖം കാണിച്ച് കടന്ന് പോവുന്നുണ്ട്, അതിനിടയിലേക്ക് ക്രിസ് വാൾട്സിനെ പോലുള്ള ചില സർപ്രയ്‌സിങ് കാസ്റ്റ് ചോയ്സുകളും ഉണ്ട് സിനിമയിൽ. ഈ വർഷം ഏറ്റവും കാത്തിരുന്ന സിനിമകളിൽ ഒന്നായിരുന്നു ഫ്രഞ്ച് ഡിസ്പ്പാച്, ആ ഒരു പ്രതീക്ഷ സിനിമ നിലവാരത്തിലും കാത്ത് സൂക്ഷിച്ചിട്ടുണ്ട് എന്നത് പ്രത്യേകം പറയണം.

🔸ഫരഞ്ച് ഡിസ്പ്പാച് എന്നത് ഒരു വാരികാ രൂപത്തിൽ പുറത്തിറങ്ങി കൊണ്ടിരുന്ന പത്രം ആണെന്ന് പറയാം, മറ്റ് പല സൃഷ്ടികളും കൗതുക വാർത്തകളും, വിനോദ കലാ പരിപാടികളും എല്ലാം ചർച്ച ചെയ്തിരുന്ന ഒരു കാലത്ത് ശക്തമായ ലോക രാഷ്ട്രീയം ജനങ്ങളിലേക്ക് എത്തിക്കുക എന്നത് തങ്ങളുടെ ദൗത്യമായി കണ്ട ഒരു വാരിക. അതിന്റെ ചീഫ് എഡിറ്റരായ ആർതർ ഹോരൊവിറ്റ്സ് ഇന്ന് മരണം അടഞ്ഞിരിക്കുകയാണ്, അയാളുടെ വില്പത്രം വളരെ കൗതുകകരമായ ഒന്നായിരുന്നു താനും. തന്റെ മരണശേഷം വാരിക പൂർണമായി നിർത്തണം എന്നും, ബാധ്യതകളും മറ്റുമെല്ലാം പൂർണമായി അടച്ച് തീർത്ത് ഒഴിവാക്കണം എന്നുമൊക്കെ ആയിരുന്നു അയാളുടെ ആവശ്യം.

🔸അങ്ങനെ ഫ്രഞ്ച് ഡിസ്പ്പാച് പൂർണമായി പൂട്ടി കെട്ടാൻ പോവുകയാണ് അവസാനത്തെ പ്രതിയിൽ നാല് കഥകൾ ഉൾപ്പെടുത്താൻ തയാറാകുകയാണ് വാരികയുടെ അണിയറ പ്രവർത്തകർ. ആർത്തറിന്റെ വിശ്വസ്ഥ ലേഖകർ ആയിരുന്ന നാല് പേർ എന്നുയി എന്ന നഗരത്തിന്റെ ചരിത്രത്തിൽ അരങ്ങേറിയ, അവർ കേട്ട് പരിചയിച്ച നാല് കഥകൾ അല്ലെങ്കിൽ സംഭവങ്ങൾ അവരുടെ വാക്കുകളിൽ കൂടി ഈ ലെഗസി എഡിഷനിൽ ഉൾപ്പെടുത്തുകയാണ്. ഈ നാല് കഥകൾ ആണ് പ്രസ്തുത ചിത്രം, മനോഹരമായ തോതിൽ തയാറാക്കപ്പെട്ട മികച്ചൊരു സൃഷ്ടി തന്നെയായി അനുഭവപ്പെട്ടു ഫ്രഞ്ച് ഡിസ്പ്പാച് എന്ന ചിത്രം, താല്പര്യം തോന്നുന്നെങ്കിൽ കാണാൻ ശ്രമിക്കുക.

Verdict : Very Good

DC Rating : 4/5

1207. Spider-Man No Way Home (2021)

Director : Jon Watts

Cinematographer : Mauro Fiore

Genre : Sci Fi

Country : USA

Duration : 149 Minute

🔸ഒരു ട്രൈലോജി ക്ലോസിങ് ഫിലിം എന്നൊക്കെ പറയുമ്പോൾ തന്നെ ഒരുപാട് ഉത്തരവാദിത്തങ്ങൾ ഉണ്ട്. അതായത് മുന്നേ വന്ന ഭാഗങ്ങളോട് നീതി പുലർത്തണം, കഥാപാത്രങ്ങളുടെ ആർക്കുകൾ മനോഹരമായ അല്ലെങ്കിൽ അർഹിക്കുന്ന രീതിയിൽ കാപ്പ് ഓഫ് ചെയ്യണം അങ്ങനെ അങ്ങനെ ഒരുപാട് ഉത്തരവാദിത്തങ്ങൾ. സോണി മാർവെൽ ഡീലിൽ ഇനിയൊരു സ്‌പൈഡി സോളോ ഫിലിം ഉണ്ടാവുമോ എന്ന കാര്യം സംശയത്തിൽ നിൽക്കുമ്പോൾ സ്വാഭാവികമായും അധിക പ്രഷർ ഈ ചിത്രത്തിന്മേൽ വരേണ്ടതുമാണ്. ഇതൊന്നും പോരെങ്കിൽ സാം രയ്മി സീരീസും, സോണിയുടെ തന്നെ അമേസിങ് സ്‌പൈഡർമാൻ സീരീസുമായി ചില കണക്ഷൻസും, കഥാപാത്രങ്ങളും എല്ലാം കടന്ന് വരുന്നത് വഴി അല്പം കൊമ്പ്ലിക്കെറ്റഡ് ആയ മൾട്ടിവേഴ്സ് തീം സിനിമ ബിഗ് സ്ക്രീനിലേക്ക് ആടാപ്റ്റ് ചെയ്യാൻ ശ്രമിച്ചിട്ടുമുണ്ട്. ഇവയെല്ലാം ഉൾക്കൊള്ളിച്ച് കൊണ്ട് ബാലൻസ് നിലനിർത്തി ഒരു വിന്നിംഗ് പ്രോടക്റ്റ് തയാറാക്കാൻ കഴിഞ്ഞോ എന്നതാണ് ചിത്രം ഉയർത്തുന്ന ഏറ്റവും പ്രധാനപ്പെട്ട ചോദ്യം.

🔸നോ വേ ഹോം നല്ല ഒന്നാംതരം ഒരു വേർതി തിയേറ്റർ വാച്ച് അനുഭവമാണ്, തർക്കം ഏതും ഇല്ലാതെ സമ്മതിച്ച് തരുന്ന ഒരു കാര്യം. നല്ലത് പറഞ്ഞ് തുടങ്ങുന്നതിന് മുന്നേ മോശമായി അനുഭവപ്പെട്ട അല്ലെങ്കിൽ തൃപ്തി തരാത്ത ഒരു കാര്യം പറഞ്ഞിടാം. വളരെ എക്സൈറ്റിങ് ആയ ഒന്നാണ് മൾട്ടിവേഴ്സ് എന്ന കൺസപ്റ്റ് എന്നാൽ ഇന്റു ദി സ്‌പൈഡർ വേർസ് പോലൊരു ചിത്രം മികച്ച ക്രിയേറ്റിവ് ആയ ഒരു ഉദാഹരണം ആയി ഉള്ളത് കൊണ്ടാവണം നോ വേ ഹോം ആ കൺസപ്റ്റ് അവതരിപ്പിച്ച രീതി പൂർണ തൃപ്തി തന്നിട്ടില്ല. ഈ ഒരു ഫാക്റ്റർ ഒഴിച്ച് നിർത്തിയാൽ രണ്ടര മണിക്കൂർ നീണ്ട് നിൽക്കുന്ന നൊസ്റ്റാൽജിക് ഫൺ റൈഡ് തന്നെയാണ് ചിത്രം. ഫാർ ഫ്രം ഹോം എന്ന സിനിമ അവസാനിച്ച് മിനിറ്റുകൾക്ക് ഉള്ളിലാണ് നോ വേ ഹോം ആരംഭിക്കുന്നത്.

🔸സ‌പൈഡർമാൻ ആരാണ് എന്നുള്ള രഹസ്യം പബ്ലിക്കിന് മുന്നിൽ വെളിപ്പെട്ട ശേഷം എന്തൊക്കെ മാറ്റങ്ങൾ, പ്രശ്നങ്ങൾ നമ്മുടെ ടൈറ്റിൽ കഥാപാത്രവും സുഹൃത്തുക്കളും നേരിടേണ്ടി വരുന്നു എന്ന് കാണിച്ച് തുടങ്ങുന്ന സിനിമ പിന്നീട് വളരെ ക്രെയ്‌സി ആയ സ്ഥലങ്ങളിലേക്ക് കടന്ന് ചെല്ലുന്നുണ്ട്, സ്പോയിലർ പൂർണമായി ഒഴിവാക്കണം എന്നതിനാൽ തല്ക്കാലം കഥാപരമായി കൂടുതൽ ഒന്നും പറയുന്നില്ല. ലെജെണ്ടറി വില്ലൻ കഥാപാത്രമായി എത്തിയവരിൽ ഗ്രീൻ ഗോബ്ലിൻ അല്ലെങ്കിൽ വില്ലം ഡെഫോ ഒരു ഷോ സ്റ്റീലർ തന്നെ ആയിരുന്നു, സൊ വാസ് ഓട്ടോ ഒക്റ്റെവിയസ്. വലിയ സ്‌ക്രീനിൽ പാക്ക്ഡ് ഹൌസിൽ കാണാൻ അവസരം ലഭിക്കുക ആണെങ്കിൽ അത് വിനിയോഗിക്കേണ്ട സിനിമ ആണ് നോ വേ ഹോം. പോസ്റ്റ് ക്രെഡിറ്റ് സീനുകൾ മിസ്സ്‌ ചെയ്യാതിരിക്കുക.

Verdict : Very Good

DC Rating : 4/5 

1206. The Matrix (1999)

Director : Wachowski Sisters

Cinematographer : Bill Pope

Genre : Sci Fi

Country : USA

Duration : 136 Minutes

🔸മെട്രിക്സ് എന്ന ചിത്രത്തെ കുറിച്ചുള്ള ഏതൊരു ചർച്ചയും അതിന്റെ സ്പെഷ്യൽ ഇഫ്ഫക്റ്റുകളിൽ തട്ടി നിൽക്കാറുള്ളത് ഒരുപാട് തവണ ശ്രദ്ധിച്ചിട്ടുള്ള കാര്യമാണ്. ശെരിയാണ് അത് വരെ ഉണ്ടായിരുന്ന രീതികളിൽ നിന്നും മറ്റുമൊക്കെ മാറിയുള്ള നൂതനമായ പല ടെക്കുനിക്കുകളും മറ്റും സിനിമയിൽ കാണാൻ കഴിയും, സ്ലോ മോ ശൈലിയും സ്പെഷ്യൽ ഇഫ്‌ഫക്ട്സും ഉൾപ്പെടെ, പക്ഷെ വളരെ ഇൻട്രസ്റ്റിങ് ആയ ഒരു തോട്ട് ഇതിനിടെ മിക്കവരും പരാമർശിക്കാതെ പോവാറുണ്ട് എന്നതാണ് എടുത്ത് പറയേണ്ട ഫാക്റ്റ്. സിനിമയുടെ ബേസിക് ഐഡിയ തന്നെ ഈ ഒരു തോട്ട് ആണെന്നിരിക്കെ ഈ ഒരു വസ്തുത വളരെ രസകരവും അതേ സമയം നിരാശജനകവുമാണ് എന്ന് പറയേണ്ടി വരും.

🔸ഭമിയിലെ ജീവജാലങ്ങളിൽ മനുഷ്യനാണ് ഏറ്റവും അഡ്വാൻസ്ഡ് ആയുള്ളത് എന്നത് ഒരു ഫാക്റ്റ് ആണ്, മറ്റുള്ള ജീവജാലങ്ങളും മറ്റുമെല്ലാം ഏറെക്കുറെ മനുഷ്യനെ ഡിപ്പൻഡ് ചെയ്ത് കൊണ്ടുള്ള ഒരു രീതിയാണ് കാലങ്ങളായി ജീവിച്ച് പോവുന്നത്, എന്നാൽ ഒരു കേസ് സിനാറിയോ ഇമാജിൻ ചെയ്ത് നോക്കുക. അതായത് ഇന്ന് നമ്മൾ കാണുന്ന ഈ റിയാലിറ്റി സത്യത്തിൽ ഒരു സിമുലേഷൻ മാത്രം ആണെങ്കിലോ, അതായത് മനുഷ്യൻ കേവലം ഒരു അടിമ വംശം ആണെന്നും ഈ കാണുന്നതെല്ലാം നമ്മുടെ ഒരു ഭാവനാ സൃഷ്ടി ആണെന്നും ചിന്തിക്കുക, മറ്റേതോ ഒരു തടവറയിൽ യാഥാർഥ്യം അറിയാതെ ഏതൊക്കെയോ കെട്ടുപാടുകളിൽ ജീവിതം എന്നത് മാറ്റാരുടെയൊക്കെയോ കയ്യിലെ ചരടിൽ കോർത്ത് അങ്ങിനെ അങ്ങ് അവസാനിക്കുക ആണെങ്കിലോ.

🔸ഈ ഒരു ചിന്തയാണ് മെട്രിക്സ് എന്ന സിനിമയുടെ സോൾ, മനുഷ്യകുലം പൂർണമായും ആർട്ടിഫിഷ്യൽ ഇന്നാലിജൻസിന് കീഴ്പ്പെട്ട് കഴിഞ്ഞിട്ട് വർഷങ്ങൾ കഴിഞ്ഞ് പോയിരിക്കുന്നു. ഇപ്പോൾ കേവലം പരീക്ഷണ വസ്തുക്കൾ ഒക്കെ പോലെ ഒരു സിമുലേഷനിൽ ജീവിക്കാൻ വിധിക്കപ്പെട്ട്, സത്യം അറിയാതെ തിരിച്ചറിയാൻ ആവാതെ മുന്നോട്ട് പോവുകയാണ് സൊ കോൾഡ് മോസ്റ്റ്‌ അഡ്വാൻസ്ഡ് ഫോം ഓഫ് ലൈഫ്. പിന്നീട് ഒരു റെസിസ്റ്റൻസ് ഉദയം കൊള്ളുന്നതും തുടർന്ന് അരങ്ങേറുന്ന സംഭവങ്ങളും എല്ലാമാണ് മെത്രിക്സിന്റെ ആദ്യ ഭാഗം. സിനിമാ ചരിത്രത്തിൽ ടെക്ക്നിക്കലി ഒരു വിപ്ലവം തന്നെ ആയിരുന്നു ഈ ചിത്രം, അതിനോളം നല്ല ഐഡിയാസും തോട്സും ചിത്രത്തിൽ വേറെയുമുണ്ട്, അപ്പോൾ കാണാൻ ശ്രമിക്കുക.

Verdict : Very Good

DC Rating : 4.25/5 

1205. 6.5 Per Meters (2019)

Director : Saeed Roustayi

Cinematographer : Hooman Behmanesh

Genre : Crime

Country : Iran

Duration : 131 Minutes

🔸ഈ അടുത്ത് കണ്ട രണ്ട് മൂന്ന് സിനിമകൾ, അതായത് മലയാളത്തിന്റെ മരക്കാർ അറബിക്കടലിന്റെ സിംഹം, കന്നഡയിലെ ഗരുഡ ഗമന റിഷഭ വാഹന എന്നീ സിനിമകൾ നിർഭാഗ്യവശാൽ പോയ ഒരു റൂട്ട് ഉണ്ട്, നല്ലത് എന്ന് തോന്നിപ്പിച്ച ഒരു തുടക്കത്തിന് ശേഷം പടവലങ്ങ പോലെ കീഴ്പ്പോട്ട് ഒരു ഇറക്കം. വളരെ നിരാശജനകമായ ഈ ഒരു ട്രെയിറ്റ് തന്നെയാണ് പ്രസ്തുത ഇറാനിയൻ ക്രൈം ഡ്രാമ ചിത്രത്തിന്റെയും മുഖമുദ്ര. നല്ല ഒരു റെയ്ഡ്, ചെയ്‌സ് സീൻ ഒക്കെ വെച്ച് സിനിമ ആരംഭിച്ചപ്പോൾ പ്രതീക്ഷ ഒന്നുണർന്നു എങ്കിലും താമസിയാതെ തന്നെ അതെല്ലാം വൃതാവിലാണ് എന്ന തിരിച്ചറിവ് ലഭിക്കുക ഉണ്ടായി.

🔸നിയമ പുസ്തകങ്ങളിൽ എങ്കിലും ഡ്രഗ് ട്രാഫിക്കിങ്ങിന് കനത്ത ശിക്ഷകൾ ഏർപ്പെടുത്തിയ രാജ്യമാണ് ഇറാൻ, എന്നാൽ ഇവ എത്രത്തോളം പ്രാക്റ്റിക്കൽ ആയിട്ടുണ്ട് എന്നത് ചോദ്യമായി തന്നെ നിൽക്കും. ഇറാനിലെ ലഹരി ഉപയോഗം കഴിഞ്ഞ പതിറ്റാണ്ടിനെ അപേക്ഷിച്ച് അഞ്ചിരട്ടിയോളം വർധിച്ചിട്ടുണ്ട് എന്നാണ് കണക്കുകൾ, രാജ്യത്തെ ചെറുതും വലുതുമായ മാഫിയകൾക്കും അവരുടെ ഇങ്കിതത്തിന്  അനുസരിച്ച് ചലിക്കുന്ന സിസ്റ്റത്തിനും ഈ ദൗർഭാഗ്യകരമായ അവസ്ഥയിലുള്ള പങ്ക് ചെറുതല്ല. ഇത്തരത്തിൽ ഉള്ളൊരു ക്രൈം ലോഡിനെ നിയമത്തിന്റെ മുന്നിൽ എത്തിക്കാനുള്ള സമദ് എന്ന ഉദ്യോഗസ്ഥന്റെ ശ്രമമാണ് ഈ സിനിമയുടെ പ്രൈമറി ഒബ്ജക്റ്റീവുകളിൽ ഒന്ന്, അയാളെ നമുക്ക് കേന്ദ്ര കഥാപത്രമായി കാണാം.

🔸നിയമപാലകനും, നിയമ നിഷേധിയും തമ്മിലുള്ള ഒരു കാറ്റ് ആൻഡ് മൗസ് ഗെയിം ആയി ഒക്കെ മാറുന്നുണ്ട് ചിത്രം, പക്ഷെ നല്ലൊരു പേ ഓഫോ അല്ലെങ്കിൽ ഈ കഥാപാത്രങ്ങൾക്ക് തന്നെയും ഒരു വ്യക്തിത്വമോ കൊടുക്കാൻ സിനിമയ്ക്ക് കഴിഞ്ഞിട്ടുള്ളതായി തോന്നിയില്ല. ഇതുപോലൊരു സ്‌ട്രെയിട്ട് ആയ സിനിമയിൽ അനവസരത്തിൽ കൊണ്ടുവന്ന മേലോഡ്രാമറ്റിക്ക് മോമെന്റുകൾ സത്യത്തിൽ യാതൊരു വിധ ദയാ ദാക്ഷണ്യവും അർഹിക്കുന്നില്ല. നമ്മൾ കണ്ട് പരിചയിച്ച കഥയും പശ്ചാത്തലങ്ങളും ആണെങ്കിൽ കൂടിയും വേറിട്ട രീതിയിലുള്ള ഒരു ട്രീട്ട്മെന്റ് വഴി അമ്പരപ്പിക്കാൻ കഴിയും ചില സിനിമകൾക്ക്, അതും ഇവിടെ സാധിച്ചിട്ടില്ല. ആകെ മൊത്തം ഒരു അവറേജ് അനുഭവം മാത്രമായി ഒതുങ്ങുകയാണ് ഈ ഇറാനിയൻ ക്രൈം ഡ്രാമ ചിത്രം എന്നത് നിരാശജനകം ആണ്.

Verdict : Average

DC Rating : 2.5/5 

1204. Grapes Of Wrath (1940)

Director : John Ford

Cinematographer : Gregg Toland

Genre : Drama

Country : USA

Duration : 129 Minutes

🔸ഒരു കുടുംബത്തിന്റെ ഒന്നാകെ കഥയാണ് ഗ്രേപ്സ് ഓഫ് റാത്ത് എന്ന ചിത്രം, പുതിയ പ്രതീക്ഷകളും പ്രത്യാശകളും ഒക്കെ തേടിയുള്ള റോഡ് ജേർണി എന്നതിനേക്കാൾ വികാരഭരിതവും, ലൈഫ് ചെയ്ഞ്ചിങ്ങും ആയൊരു ജേർണി എന്ന് വിശേഷിപ്പിക്കാം. സിനിമ അവസാനിക്കുന്നതും മറ്റൊരു യാത്രയുടെ ആരംഭം കാണിച്ച് കൊണ്ടാണ്, ആ യാത്രയുടെ അന്ത്യം എന്തായിരിക്കും എന്ന് വ്യക്തമല്ല പക്ഷെ നമ്മൾ കാഴ്ചക്കാരെ കൊണ്ട് ഒരുപാട് ചിന്തിപ്പിക്കുന്നുണ്ട് എന്നതാണ് സിനിമയുടെ വിജയം. രണ്ട് വഴികളിലേക്ക് പിരിഞ്ഞ ടോം ജോഡിനും, മാ ജോഡിനും പിന്നീടെന്ത് സംഭവിച്ചാലും അവർ തളർന്ന് പോയിട്ടുണ്ടാവില്ല എന്ന് നമുക്ക് അനുമാനിക്കാം, കാരണം അവർ കടന്ന് വന്ന വഴികളോളം ഭീകരം ആവില്ല എന്തായാലും പിന്നീടങ്ങോട്ടുള്ള കാര്യങ്ങൾ.

🔸മപ്പത്കളുടെ ആരംഭവും പിന്നീടങ്ങോട്ടുള്ള ഇരുപത് വർഷങ്ങളും ലോക ചരിത്രത്തിലെ തന്നെ ഭീതിതമായ ഒരു ഇരുണ്ട കാലഘട്ടം ആയിരുന്നു, അതായത് മഹാ മാന്ദ്യം തൊട്ട് രണ്ടാം ലോക മഹായുദ്ധത്തിന്റെ അവസാനം വരെയുള്ള കാലഘട്ടം. മഹാ മാന്ദ്യ കാലഘട്ടമാണ് ഇവിടെ നമ്മുടെ കഥാ പശ്ചാത്തലം, ടോം ജോഡ് എന്ന നമ്മുടെ നായക കഥാപാത്രം ഏഴ് വർഷത്തെ ജയിൽ ശിക്ഷയ്ക്ക് ശേഷം നാട്ടിലേക്ക് മടങ്ങി എത്തിയിരിക്കുകയാണ്, എന്നാൽ അയാൾ കാണുന്ന കാഴ്ച തന്റെ കുടുംബം ഒന്നടങ്കം ഒരു നീണ്ട യാത്രയ്ക്ക് ഒരുങ്ങുന്ന ഒന്നാണ്. സാമ്പത്തിക മാന്ദ്യം കാരണം ജീവിതം ദുസ്സഹമായി തീർന്നിരിക്കുന്നുവത്രെ, ഇനി ആകെ പ്രതീക്ഷ അകലെയുള്ള കാലിഫോണിയ പട്ടണം മാത്രമാണ്.

🔸ആ യാത്രയിൽ ടോമും ഒരു ഭാഗം ആവുകയാണ്, എന്നാൽ തങ്ങളുടെ കാഴ്ചപ്പാടും ജീവിതം തന്നെയും മാറ്റി മറിക്കുന്ന ഒരു യാത്രയായിരിക്കും ഇതെന്നത് അവർ സ്വപ്നത്തിൽ പോലും ചിന്തിച്ചിരിക്കാൻ സാധ്യതയില്ല. വളരെ പെയിൻഫുൾ ആയൊരു കാഴ്ച്ചാനുഭവം ആണ് ഈ ചിത്രം, പ്രത്യേകിച്ചും ആ കുടുംബത്തിന്റെ പ്രതീക്ഷ ഒന്നൊന്നായി കൊഴിഞ്ഞ് പോവുന്ന മോമെന്റസ് ഒക്കെ വളരെ ടച്ചിങ്‌ ആണ്. മികച്ച, ആപ്ലിഫ്റ്റിങ് എന്നൊക്കെ വിശേഷിപ്പിക്കാവുന്ന എൻഡിങ് കൂടി ചേരുമ്പോൾ എല്ലാം പെർഫെക്റ്റ്‌ ആവുകയാണ്, ഞാൻ കണ്ട ഏറ്റവും മികച്ച സിനിമകളിൽ ഒന്ന് എന്ന് നിസ്സംശയം പറയാവുന്ന ഒരു മനോഹര ചിത്രം.

Verdict : Must Watch

DC Rating : 5/5 

1203. The Worst Person In The World (2021)

Director : Joachim Trier

Cinematographer : Kasper Tuxen

Genre : Drama

Country : Denmark

Duration : 129 Minutes

🔸ഒരു സിനിമ കണ്ട് കൊണ്ടിരിക്കുന്ന വേളയിൽ തന്നെ സ്‌ക്രീനിൽ അരങ്ങേറുന്ന സംരംഭം സ്പെഷ്യൽ ആണെന്ന് തോന്നൽ ഉളവാക്കുന്നത് അപൂർവം ആയി മാത്രം അനുഭവപ്പെടുന്ന ഒരു വസ്തുതയാണ്, ഈ ഒരു അപൂർവത അവസാനമായി ലഭിച്ചത് വേർസ്റ്റ് പേഴ്സൺ ഇൻ ദി വേൾഡ് എന്ന ഡാനിഷ് സിനിമ കണ്ട് കൊണ്ടിരിക്കുന്ന വേളയിൽ ആയിരുന്നു. ജൂലി, ആക്സൽ, എൽവിന്ദ് എന്നീ മൂന്ന് കഥാപാത്രങ്ങളെയാണ് സിനിമ നമ്മുടെ മുന്നിൽ അവതരിപ്പിക്കുന്നത്. ഈ മൂന്ന് കഥാപാത്രങ്ങളുടെയും ജീവിതം പരസ്പര ബന്ധിതമാണ്, എന്നാൽ മെലോ ഡ്രാമ കുത്തിനിറച്ച ഒരു ലവ് ട്രയാങ്കിൽ ഒന്നും അല്ല താനും.

🔸മന്ന് കഥാപാത്രങ്ങൾ ഉണ്ടെങ്കിലും ജൂലി ആണ് നമ്മുടെ കേന്ദ്ര കഥാ പാത്രം, അവരുടെ വ്യൂ പോയിന്റിലൂടെയാണ് നമ്മൾ കാര്യങ്ങൾ കാണുന്നതും ഗ്രഹിക്കുന്നതും, മറ്റുള്ളവരെല്ലാം അവളുടെ ലോകത്തേക്ക് കടന്ന് വന്ന അതിഥികൾ ആണെന്ന് പറയാം. പേഴ്സണൽ ലൈഫിൽ അത്ര ആശാവഹം ആയ ഒന്നും തന്നെ ഇല്ല ജൂലിക്ക്, അവളുടെ അച്ഛനായാലും അമ്മ ആയാലും എല്ലാം ഹോപ്ലസ് എന്നൊക്കെ വിശേഷിപ്പിക്കാവുന്ന എന്ടിട്ടികളാണ്. ജൂലിയുടെ ലവ് ലൈഫ് ആണ് നമ്മുടെ കഥാ ബീജം, ഒരു എപ്പിസോഡിക്കൽ ഫോർമാട്ടിലാണ് കഥ അവതരിപ്പിച്ചിരിക്കുന്നത്. പ്രായ വ്യത്യാസം ഉണ്ടെങ്കിലും അത് പ്രണയത്തെ ബാധിക്കാതിരുന്ന ഒന്നായിരുന്നു ജൂലിയും ആക്സലും ആയുള്ള ബന്ധം, എന്നാൽ ജൂലിയെ സംബന്ധിച്ച് വ്യക്തിപരമായ ഒരു അടുപ്പം അനുഭവപ്പെട്ടത് എല്ലാ കാലത്തും എൽവിന്ദിനോട് ആയിരുന്നു എന്ന് പറയാം.

🔸ഈ കഥാപാത്രങ്ങളുടെ ജീവിതത്തിലെ നാല് വർഷങ്ങൾ ആണ് ഈ മനോഹര ചിത്രത്തിന് ആധാരം ആയിരിക്കുന്നത്. കഥാപാത്രങ്ങളെ അവതരിപ്പിച്ചിരിക്കുന്ന രീതി വളരെ സവിശേഷമാണ്, കാരണം പൂർണമായി നല്ലവരായി ആരെയും കാണിച്ചിട്ടില്ല, എല്ലാവർക്കും അവരുടെ ന്യായങ്ങൾ ഉണ്ട്, ബലഹീനതകൾ ഉണ്ട്, അവയെല്ലാം അവർ അംഗീകരിക്കുന്നുമുണ്ട്, ഇത്തരത്തിൽ ഉള്ള അവതരണം അനേകം സിനിമകളിൽ കണ്ടിട്ടില്ല എന്ന് തന്നെ പറയാം. ഓരോ കഥാപാത്രങ്ങളുടെയും മനോഹരമായ സ്റ്റോറി ആർക്കുകൾ ഒന്നിച്ച് അതി മനോഹരമായി കോർത്തിണക്കുമ്പോൾ പിറവി എടുക്കുന്നത് ഈ വർഷത്തെ ഏറ്റവും മികച്ച സിനിമകളിൽ ഒന്നാണ്, തീർച്ചയായും കാണാൻ ശ്രമിക്കുക.

Verdict : Must Watch

DC Rating : 4.75/5 

1202. Drive My Car (2021)

Director : Ryusuke Hamaguchi

Cinematographer : Hidetoshi Nishijima

Genre : Drama

Country : Japan

Duration : 176 Minutes

🔸ഡരൈവ് മൈ കാർ എന്ന ചിത്രത്തെ കുറിച്ച് കേൾക്കാൻ തുടങ്ങിയിട്ട് നാളുകൾ കുറച്ചധികം കഴിഞ്ഞ് പോയിരിക്കുന്നു. കാൻസ് ഉൾപ്പെടെ ഉള്ള വേദികളിൽ മികച്ച പ്രതികരണം കരസ്ഥതമാക്കിയ ചിത്രം ഇതിനോടകം തന്നെ ജപ്പാന്റെ ഒഫീഷ്യൽ ഓസ്‌കാർ എൻട്രി ആയി മാറി കഴിഞ്ഞിട്ടുമുണ്ട്. മൂന്ന് മണിക്കൂർ ദൈർഘ്യം എന്ന വസ്തുതയാണ് സിനിമ കാണവേ ആദ്യം ശ്രദ്ധയിൽ പെട്ട കാര്യം എങ്കിലും കഥ അൻരാവൽ ചെയ്യുന്നതിനിടെ അതൊരു പ്രശ്നമായി അനുഭവപ്പെട്ടതെ ഇല്ല. അത്രത്തോളം ഇൻട്രസ്റ്റിങ് ആണ്, മനോഹരമാണ്, ഇമോഷനലി ടച്ചിങ്ങും ആണ്. സംശയത്തിന്റെ കണിക പോലും ഇല്ലാതെ പറയാം, ഈ വർഷം കണ്ട ഏറ്റവും മികച്ച സിനിമകളിൽ ഒന്നാണ് ഡ്രൈവ് മൈ കാർ.

🔸നടനും തിയേറ്റർ ഡയരക്ടറും ഒക്കെയായ യൂസുകെയുടെ ശക്തി അയാളുടെ പങ്കാളിയായ ഓട്ടോ ആയിരുന്നു എന്ന് പറയാം, അതേ ആയിരുന്നു എന്ന് പാസ്റ്റ് ടെൻസിൽ തന്നെ. ഇന്ന് ഓട്ടോ അയാളെയും കടന്ന് മറ്റൊരു വഴിയിലേക്ക് പോയി കഴിഞ്ഞിരിക്കുന്നു, ജീവിതത്തിൽ ആകെ മൊത്തം ഒരു ഡൗൺവെർഡ് ജർണിയിൽ ആണ് നമ്മുടെ പ്രധാന കഥാ പാത്രം. അയാൾക്ക് ആദ്യം നഷ്ടപ്പെട്ടത്, ഫെയിം ആയിരുന്നു എങ്കിൽ പിന്നീട് വ്യക്തി ജീവിതവും, ആരോഗ്യവും, മാനസിക സന്തോഷവും എല്ലാം വൺ ബൈ വൺ കൈമോശം വന്നിരിക്കുകയാണ്. ഈ നഷ്ടപ്പെടലുകൾ എല്ലാം കണ്ട് നിസ്സഹായനായി നോക്കി നിൽക്കാൻ മാത്രമേ അയാൾക്ക് ഇതുവരെ കഴിഞ്ഞിട്ടുള്ളൂ. മുകളിൽ പറഞ്ഞ സംഭവങ്ങൾക്ക് എല്ലാം രണ്ട് വർഷങ്ങൾക്ക് ശേഷമാണ് കഥയുടെ ഭൂരിഭാഗം സമയവും സംഭവങ്ങളും അരങ്ങേറുന്നത്.

🔸രണ്ട് വർഷങ്ങൾക്ക് ഇപ്പുറം നമ്മുടെ നായക കഥാപാത്രം ഒരു പുതിയ സംരംഭത്തിനായി ഹിറോഷിമയിലേക്ക് എത്തുകയാണ്, വളരെ ഐറോണിക്കൽ എന്നൊക്കെ വിശേഷിപ്പിക്കാവുന്ന ഒരു വരവ്. ഇവിടെ, ഹിറോഷിമയിൽ അയാൾ പുതിയ ചില വ്യക്തികളെ കണ്ട് മുട്ടുകയാണ്, അവയിൽ ഒരാളാണ് അയാളുടെ ഡ്രൈവർ ആയി എത്തുന്ന മിസാക്കി വത്താരി. ഒരു സ്പിരിച്വൽ ശൈലി ഒക്കെ ഉപയോഗിക്കുന്ന ഗ്രാണ്ടട് ആയ ഒരു ഡ്രാമ ചിത്രമാണ് ഡ്രൈവ് മൈ കാർ, കഥാപാത്രങ്ങൾക്ക് ഇടയിലുള്ള സംഭാഷണങ്ങൾക്ക് പ്രാധാന്യം നൽകിക്കൊണ്ട് ഡെവലപ്പ് ചെയ്ത് പോവുന്ന ഒരു മനോഹര ചിത്രം. കഥാപാത്രങ്ങളിൽ ഓരോന്നിനെയും മികച്ച രീതിയിൽ ഡെവലപ്പ് ചെയ്ത സംവിധായകന്റെ മികവ് അംഗീകരിച്ച് കൊടുക്കേണ്ടത് തന്നെയാണ്, താല്പര്യം തോന്നുന്നെങ്കിൽ കാണാൻ ശ്രമിക്കുക.

Verdict : Very Good

DC Rating : 4.25/5 

1201. Garuda Gamana Vrishabha Vahana (2021)

Director : R.B Shetty

Cinematography : Praveen Shriyan

Genre : Crime

Country : India

Duration : 150 Minutes

🔸ആറാമത്തെ വയസ്സിൽ മരിക്കേണ്ടവൻ ആയിരുന്നു ശിവ, ചാക്കിൽ കെട്ടി കിണറ്റിൽ എറിയപ്പെട്ടവൻ ദിവസം രണ്ട് കഴിഞ്ഞിട്ടും മരിക്കാതിരുന്നത് അത്ഭുതം എന്ന് പറഞ്ഞ് വിടാനാവില്ല. അല്ലെങ്കിൽ തന്നെ അങ്ങനൊരു പെടുമരണം ആയിരുന്നു അവന്റേത് എങ്കിൽ മംഗലാപുരത്തിന് അടുത്തുള്ള മംഗളാദേവി എന്ന ഗ്രാമത്തിന്റെ ചരിത്രം തന്നെ വേറൊന്ന് ആയേനെ. ശിവ ആരാണെന്നോ, എവിടുത്തുകാരൻ ആണെന്നോ ആർക്കും പിടിയില്ല, അവനെ കിണറ്റിൽ എറിഞ്ഞത് ആരാണെന്ന് പോലും ആർക്കും അറിയില്ല, ഇങ്ങനെ ഉത്തരങ്ങളെക്കാൾ ചോദ്യങ്ങൾ അവശേഷിപ്പിച്ച് കയറി വന്നവനാണ് നമ്മുടെ രണ്ട് കഥാപാത്രങ്ങളിൽ ആദ്യത്തേത്.

🔸ശിവനുമായി എന്തെങ്കിലും തരത്തിലുള്ള അടുപ്പമോ ബന്ധമോ ഉള്ള ഒരേ ഒരാളാണ് രണ്ടാമത്തെ കഥാപാത്രമായ ഹരി. ഇരുവർക്കും ഇടയിൽ വര്ഷങ്ങളുടെ ഇടവേളയിൽ ഉടലെടുക്കുന്ന ആത്മബന്ധം ഒരേസമയം ദൃഡവും ഭീതി ജനിപ്പിക്കുന്നതും ആയിരുന്നു. ഹരി കുശാഗ്ര ബുദ്ധിയായ ഒരു നേതാവ് ആയിരുന്നെങ്കിൽ ശിവ വെറും ബ്രൂട്ട് ഫോഴ്‌സ് ആയിരുന്നു, ആരെയും കൂസാത്ത മനോഭാവവും എവിടെയും കേറി ചെല്ലാനുള്ള ധൈര്യവും സമം ചേർന്നപ്പോൾ എല്ലാം പെർഫെക്റ്റ്‌. ഈ ഒരു കൂസലില്ലായ്മ കൊണ്ട് മാത്രമാണ് അന്ന് വരെ മംഗളാ ദേവി അടക്കി ഭരിച്ച ദീനദായലിനെ ഇരുവരും ചേർന്ന് അടിച്ച് ഒരു വഴിക്ക് ആക്കിയത്. പിന്നീടങ്ങോട്ട് ഒരു യാത്ര ആയിരുന്നു, ഇരുവരും സ്വപ്നം കാണാത്ത ഒരു തലത്തിലേക്ക്.

🔸ഒരു ടിപ്പിക്കൽ ക്രൈം ഗ്യാങ്സ്റ്റർ ഫ്ലിക്ക് ആയ ചിത്രത്തെ കൂടുതൽ ആസ്വാദകരം ആക്കുന്നത് ടെറിഫിക്ക് എന്നൊക്കെ വിശേഷിപ്പിക്കാവുന്ന ബാക്ക്ഗ്രൗണ്ട് സ്ക്കോറും കിടിലൻ ആദ്യ പകുതിയുമാണ്. രണ്ടാം പകുതി, പ്രത്യേകിച്ചും അവസാന മുപ്പത് മിനുട്ടുകൾ കൂടി സമയം എടുത്ത് ഡെവലപ്പ് ചെയ്തിരുന്നു എങ്കിൽ എണ്ണം പറഞ്ഞ ഇന്ത്യൻ ഗ്യാങ്സ്റ്റർ ത്രില്ലറുകളിൽ ഒന്നായി ഈ ചിത്രം മാറിയേനെ. സംവിധായകൻ തന്നെയാണ് സിനിമയിലെ പ്രധാന കഥാ പാത്രമായ ശിവയെ അവതരിപ്പിച്ചിരിക്കുന്നത്, നന്നായിരുന്നു താനും. ആകെ മൊത്തം നല്ലൊരു സിനിമ തന്നെയാണ്, പ്രത്യേകിച്ചും മുപ്പത് ദിവസം കൊണ്ട് ഏറെക്കുറെ മുഴുവൻ പുതുമുഖങ്ങളെ കൊണ്ട് പൂർത്തീകരിച്ചു എന്ന ഫീറ്റ് കൂടി കണക്കിൽ എടുക്കുമ്പോൾ, അപ്പോൾ താല്പര്യം ഉണ്ടെങ്കിൽ കാണാൻ ശ്രമിക്കുക.

Verdict : Good

DC Rating : 3.75/5 

1200. Koozhangal (2021)

Director : P.S Vinothraj

Genre : Drama

Cinematographer : Vignesh Kumulai

Country : India

Duration : 74 Minutes

🔸കണ്ണെത്താ ദൂരത്തോളം പരന്ന് കിടക്കുന്ന വരണ്ട് ഉണങ്ങിയ ഭൂ പ്രകൃതിയാണ് കൂഴങ്ങൾ എന്ന ചിത്രത്തിന്റെ ഒരു സ്ട്രൈകിങ് പോയിന്റ്, ഏറെക്കുറെ സിനിമയിലെ കഥാപാത്രങ്ങളുടെ ഒരു മാനസിക നിലയും സ്വഭാവവും എല്ലാം സൂചിപ്പിക്കുന്നത് പോലെ തന്നെ. ഇന്ത്യയുടെ ഈ വർഷത്തെ ഒഫിഷ്യൽ ഓസ്‌കാർ എൻട്രി ആണ് ഈ ചെറിയ ചിത്രം, റൊട്ടർടാം പോലുള്ള വേദികളിൽ ചലനം സൃഷ്ടിച്ച് തുടങ്ങിയപ്പോഴേ സിനിമയെ ശ്രദ്ധിച്ചിരുന്നു എങ്കിലും മറ്റ് പല മികച്ച സൃഷ്ട്ടികളെയും പിന്തള്ളി അക്കാദമിയിലേക്കുള്ള ടിക്കറ്റ് ഉറപ്പിച്ചപ്പോഴാണ് കാണാൻ മാത്രമുള്ള ഒരു കൗതുകം സിനിമയിൽ തോന്നിയത്. കണ്ട് കഴിഞ്ഞ ഈ നിമിഷം സിനിമയിൽ തൃപ്തനാണ്, മികച്ച ഒരു ശ്രമം തന്നെയാണ് ഈ ഒരു തമിഴ് ചിത്രം.

🔸വേലു എന്ന ചെറിയ കുട്ടിയുടെ വ്യൂവിലൂടെ ആണ് കഥ പുരോഗമിക്കുന്നത്, അവന്റെ അച്ഛനായ ഗണപതി ഒരുനാൾ അവൻ പഠിക്കുന്ന സ്‌കൂളിലേക്ക് കയറി വരികയാണ്. തികഞ്ഞ മദ്യപാനിയും തോന്നിവാസിയും ഒക്കെയായ ഗണപതി നല്ല തോതിൽ കുടിച്ചിട്ടാണ് അന്ന് അവിടേക്ക് വന്നതും, അയാളുടെ വരവിന് പിന്നിൽ ഒരു കാരണവും ഉണ്ടായിരുന്നു. അതായത് വേലുവിന്റെ അമ്മ അയാളുടെ സ്വഭാവ ഗുണം കൊണ്ടാവണം അവിടെ നിന്നും ഇറങ്ങി സ്വന്തം വീട്ടിലേക്ക് പോയിട്ടുണ്ട്. അപ്പോൾ ഒന്നുകിൽ തന്റെ ഒപ്പം മടങ്ങി വരിക അല്ലെങ്കിൽ താൻ പുതിയൊരു കല്യാണം കഴിക്കുന്നത് കാണാൻ ഒരുങ്ങി കൊള്ളുക എന്നൊരു അൾട്ടിമേറ്റം കൊടുക്കുക എന്നതാണ് അയാളുടെ ലക്ഷ്യം, അതിനായാണ് വേലുവിനെ ഒപ്പം കൂട്ടിയതും.

🔸പിന്നീടുള്ള ഒരു മണിക്കൂർ സമയം ഇരുവരുടെയും യാത്രയാണ്, ദയാരഹിതവും തീക്ഷണവും ആയ ഭൂമിയിലൂടെ അതിലും ശക്തമായ വികാരങ്ങളും ആയി ഈ രണ്ട് കഥാപാത്രങ്ങൾ കടന്ന് പോവുന്നത് അതേപടി പകർത്തി വെച്ചിരിക്കുകയാണ് സംവിധായകൻ, ഒരാളുടെ മനസ്സിൽ ദേഷ്യം ആണെങ്കിൽ മറ്റേയാളുടെ മനസ്സിൽ ഭീതി. ഒടുവിൽ അവസാനം അറിയാത്ത എന്നാൽ ഭീതി ബാക്കി വെക്കുന്ന ഒരവസ്ഥയിൽ സിനിമ തീരുമ്പോൾ സത്യത്തിൽ റിലീഫ് അല്ല അനുഭവപ്പെടുന്നത്, പേടി തന്നെയാണ്. കാമറ വർക്ക് ആയാലും, എഡിറ്റിങ് ആയാലും പ്രകടനം ആയാലും എല്ലാം തൃപ്തിപ്പെടുത്തിയ അനുഭവമാണ് ഈ ചിത്രം തരുന്നത്, അപ്പോൾ കാണാൻ ശ്രമിക്കുക.

Verdict : Very Good

DC Rating : 4.25/5 

1199. Lamb (2021)

Director : Vladimar Johannsson

Cinematographer : Eli Arenson

Genre : Drama

Country : Iceland

Duration : 106 Minutes

🔸ഈ ഐസ്ലാൻഡ് എന്ന രാജ്യം ലൊക്കേഷൻ ആയുള്ള സിനിമകൾക്ക് ഒരു പ്രത്യേക ഭംഗി ഉണ്ട്, അല്ല എല്ലാ സ്കന്റിനെവിയൻ രാജ്യങ്ങളെയും ഈ ഒരു കാര്യത്തിൽ ഒരുമിച്ച് ചേർക്കാം. മഞ്ഞ് പുതച്ച താഴ്‌വരകളും മറ്റുമൊക്കെ കടന്ന് വരുമ്പോൾ ഒരു വേറിട്ട ഫീൽ തന്നെയാണ് സ്റ്റോറി ടെല്ലിങ്ങിൽ ലഭിക്കാർ, അപ്പൊ പിന്നേ പറയുന്ന കഥ കുറച്ച് വിചിത്രം കൂടി ആകുമ്പോൾ പറയേണ്ട. സിനിമയുടെ നിലവാരത്തിൽ വലിയ എഫക്ട് ഒന്നും തോന്നിയില്ല എങ്കിലും ഒരു അനുഭവം എന്ന നിലയ്ക്ക് ലാമ്പ് പ്രത്യേക പരാമർശം അർഹിക്കുന്നുണ്ട്. ഒരു വിചിത്ര സ്വപ്നം എന്ന നിലയ്ക്കൊക്കെ വെറുതെ കണ്ട് വിടാവുന്ന ചിത്രം, അതാണ് വളരെ ലളിതമായി പറഞ്ഞാൽ ലാമ്പ്, കൂടുതൽ ഒന്നും തന്നെ ഇല്ല.

🔸നമി രപേസ് അവതരിപ്പിക്കുന്ന മരിയ ആണ് നമ്മുടെ പ്രധാന കഥാപാത്രം, മരിയയും ഭർത്താവ് ഇങ്കരും ഏറെക്കുറെ വളരെ ഐസൊലേറ്റഡ് ആയൊരു ജീവിതം ആണ് നയിക്കുന്നത്. ഐസ്‌ലാണ്ടിലെ ഒരു ഉൾനാടൻ ഗ്രാമത്തിൽ കൃഷി ചെയ്ത് ജീവിക്കുന്ന ഇരുവർക്കും സ്വന്തമായി ഉള്ളത് കണ്ണെത്താ ദൂരത്തോളം പരന്ന് കിടക്കുന്ന വലിയ കൃഷിയിടവും അതിന്റെ നടുക്കായി ഒരു ഇരുനില വീടും മാത്രമാണ്. ഈ ദമ്പതിമാരുടെ ജീവിതത്തിൽ ഒരു ദുരന്തം കുറച്ച് നാൾ മുന്നേ നടന്നിട്ടുണ്ട്, ആ ഒരു പ്രശ്നം ഉള്ളത് കൊണ്ട് കൂടി ആവാം വളരെ ഡിപ്രസ്ഡ് ആയൊരു രീതിയാണ് ഇരുവർക്കും, അതിൽ തെറ്റ് പറയാനും കഴിയില്ല.

🔸അതെന്ത് തന്നെ ആയാലും കഥയിലെ ടെർണിങ് പോയിന്റ് വളരെ വിചിത്രമായ ഒരു സംഭവമാണ്, അതായത് ഇവരുടെ ഫാർമിലെ ആട് ഒരുനാൾ ഒരു കുഞ്ഞിന് ജന്മം നൽകുകയാണ്. കൗതുകകരമായ കാര്യം എന്താണെന്നാൽ അതിനെ പൂർണമായും ആട്ടിൻ കുട്ടി എന്ന് വിശേഷിപ്പിക്കാനാവില്ല എന്നതാണ്, മനുഷ്യനും ആടും തമ്മിലുള്ള ഹൈബ്രിഡ് വേർഷൻ എന്ന് പറയാം. പിന്നീട് ഈ ലാമ്പ് കഥയിലും, നമ്മുടെ പ്രധാന കഥാപാത്രങ്ങളുടെ ജീവിതത്തിലും എല്ലാം കൊണ്ട് വരുന്ന മാറ്റങ്ങളും മറ്റുമൊക്കെയാണ് ചിത്രം. കൗതുക കരമായ ഒരു പ്ലോട്ടും, മനോഹരമായ ചില വിഷ്വൽസും, ലൊക്കേഷൻസും ഒഴിച്ച് നിർത്തിയാൽ പ്രതീക്ഷിച്ച ഇഫ്ഫക്ട്ടോ സംപ്തൃപ്തിയോ ഒന്നും ഈ ചിത്രത്തിന് തരാൻ കഴിഞ്ഞിട്ടില്ല, സ്വയം കണ്ട് ഒരു തീരുമാനത്തിൽ എത്തുക.

Verdict : Watchable

DC Rating : 3/5 

1198. Nine Days (2021)

Director : Edson Oda

Cinematographer : Wyatt Garfield

Genre : Drama

Country : USA

Duration : 124 Minutes

🔸ഭമിയിൽ പിറവി എടുക്കുന്നതിന് മുന്നേ ഓരോ ആത്മാവും ഒരുപാട് പരീക്ഷണങ്ങളിൽ കൂടിയും, അഭിമുഖങ്ങളിൽ കൂടിയും എല്ലാം കടന്ന് പോവാറുണ്ടത്രേ. ഈ പരീക്ഷണങ്ങളിൽ കൂടിയെല്ലാം കടന്ന് പോയി, തങ്ങളുടെ ഇന്റർവ്യൂവർ ആയ വ്യക്തിയെ ഇമ്പ്രസ് ചെയ്യിക്കുന്ന ഒരു ആത്മാവിന് ഭൂമിയിൽ ജന്മം എടുക്കാം, ഒരു മനുഷ്യായുസ്സ് മുഴുവൻ ജീവിച്ച് തീർക്കാം. എന്നാൽ ഒഴിവാക്കപ്പെട്ട മറ്റുള്ള ആത്മാക്കൾക്ക് എന്ത് സംഭവിക്കും എന്ന ചോദ്യത്തിന്റെ ഉത്തരം ഒരല്പം സങ്കീർണ്ണമാണ്. നയൻ ഡെയ്സ് എന്ന ഇംഗ്ലീഷ് ഡ്രാമ ചിത്രത്തിന്റെ പ്ലോട്ട് ഇങ്ങനെ ഒക്കെയാണ്, ഈ വർഷം ഞാൻ കണ്ട ഏറ്റവും മനോഹരമായ സിനിമകളിൽ ഒന്ന് കൂടിയാണ് നയൻ ഡെയ്സ്, വളരെ ബ്യുട്ടിഫുൾ ആയൊരു ചിത്രം.

🔸ആകെ വിരലിൽ എണ്ണാവുന്ന കഥാപാത്രങ്ങൾ മാത്രമേ ചിത്രത്തിൽ ഉള്ളൂ, അവയിൽ പ്രധാനപ്പെട്ടതാണ് വിൽ എന്ന കഥാപാത്രം. ഭൂമിയിൽ പിറവി എടുക്കുക എന്ന ഉദ്ദേശത്തോടെ വില്ലിന്റെ മുന്നിലേക്ക് കടന്ന് വരികയാണ് ഒരു കൂട്ടം ആത്മാക്കൾ, വിൽ അവരെയെല്ലാം അഭിമുഖം നടത്താൻ തയാർ എടുക്കുകയാണ്. ഇവരിൽ ഒരാളെ മാത്രമേ അയാൾക്ക് തിരഞ്ഞെടുക്കാൻ കഴിയു, ബാക്കി ഉള്ളവരെ എല്ലാം ഈ ഒൻപത് ദിവസങ്ങൾ തന്നോടൊപ്പം ചിലവിട്ടതിന് എന്തെങ്കിലും മനോഹരമായ ഓർമ്മകൾ നൽകി അയാൾ തിരിച്ച് അയക്കും, അവർ ആരും തന്നെ പിന്നീട് ഒരിക്കലും മടങ്ങി വരികയുമില്ല എന്നതാണ് വിഷമകരമായ കാര്യം.

🔸തന്റെ ഒഴിവ് ദിവസങ്ങളിൽ താൻ ഭൂമിയിലേക്ക് അയച്ച ചില കഥാപാത്രങ്ങളെ നിരീക്ഷിക്കുക എന്നതാണ് വില്ലിന്റെ ഹോബി, അതയാൾക്ക് സന്തോഷവും സംപ്തൃപ്തിയും എല്ലാം നൽകുന്നുമുണ്ട്, ക്യോ എന്നൊരു കൂട്ടാളിയെ മാറ്റി നിർത്തിയാൽ ഒരു വലിയ മരുഭൂമിയുടെ നടുക്ക് വിൽ ഏകനാണ്. വില്ലിന് അഭിമുഖം നടത്താനായി പുതുതായി കുറച്ച് കഥാപാത്രങ്ങൾ വരുന്നതും പിന്നീട് ഉണ്ടാവുന്ന തോട്ട് പ്രോവൊക്കിങ് ആയ സംഭവങ്ങളും ഒക്കെയാണ് ഈ സിനിമ. എല്ലാവർക്കും സജസ്റ്റ് ചെയ്യാൻ പറ്റിയ ഒന്നല്ല ഈ ചിത്രം, ഡ്രാമ ജോനറിനോട് താല്പര്യം തോന്നുന്നു എങ്കിൽ കണ്ട് നോക്കാം.

Verdict : Very Good

DC Rating : 4.25/5 

1197. Eternals (2021)

Director : Chloe Zhao

Cinematographer : Ben Davis

Genre : Sci Fi

Country : USA

Duration : 157 Minutes

🔸റിലീസിന് മുന്നേ തന്നെ അത്യാവശ്യം വിവാദമായ ചിത്രമാണ് ഏറ്റർനെൾസ്, മാർവെൽ ആദ്യമായി ഒരു ഗേ സൂപ്പർഹീറോയെ സ്‌ക്രീനിൽ എത്തിച്ചതും ഗേ കിസ് രംഗം കാണിച്ചതും ഒക്കെയായി ബന്ധപ്പെട്ട് നല്ല തോതിൽ റിവ്യൂ ബോംബിങ് സിനിമയ്ക്ക് ഇതിനോടകം തന്നെ നേരിടേണ്ടി വന്നിട്ടുണ്ട്. ദീർഘ കാല കോമിക്സ് ആരാധകരും അത്ര നല്ല അഭിപ്രായം ഒന്നുമല്ല പ്രിവ്യൂ ഷോയ്ക്ക് ശേഷം സിനിമയ്ക്ക് നൽകിയത്, അതിനുള്ള കാരണം എന്താണെന്ന് വഴിയേ പറയാം. ഈ കാരണങ്ങൾ എല്ലാം കൊണ്ട് തന്നെ അത്യാവശ്യം മോശം ഒരു സിനിമ പ്രതീക്ഷിച്ചാണ് ഏറ്റർനൽസ് കാണാൻ തയാറായത്, പക്ഷെ ലഭിച്ചത് എൻഡ്ഗെയിമിന് ശേഷമുള്ള ഏറ്റവും മികച്ച മാർവെൽ സിനിമയാണ്, വിഷ്വൽ കൊണ്ടായാലും അൺപ്രെഡിക്റ്റബിലിറ്റി കൊണ്ടായാലും.

🔸തീർത്തും അപരിചിതരായ, വലിയൊരു ഭൂരിപക്ഷം ആളുകൾക്കും കേട്ട് കേൾവി പോലുമില്ലാത്ത പത്തോളം സൂപ്പർഹീറോ കഥാപാത്രങ്ങളെ ഒന്നിച്ച് അവതരിപ്പിക്കുക എന്നത് ചെറിയ കാര്യമല്ല. അത് തന്നെയാണ് മാർവെൽ ഇവിടെ ചെയ്തിരിക്കുന്നതും, മനുഷ്യരാശിയുടെ ഉത്ഭവം തോട്ട് തന്നെ ഭൂമിയുടെ ഭാഗമായ ഒരു കൂട്ടം സ്പെഷ്യൽ ബീങ്സ് ആണ് ഏറ്റർനൽസ്, മനുഷ്യകുലത്തിന്റെ ഇവോല്യുഷന്റെ ഓരോ ഘട്ടത്തിലും അവർ തങ്ങളുടെ സാന്നിധ്യം അറിയിച്ചിട്ടുണ്ട്, ഇങ്ങനെ ഒക്കെ ആണെങ്കിലും ഒരു പോയിന്റിൽ പോലും അവർ നേരിട്ട് ഇടപ്പെട്ടിട്ടില്ല, താനോസ് വന്ന് പാതി പേരെ കൊന്നിട്ട് പോയപ്പോൾ പോലും. എന്നാൽ ഒരു പുതിയ വെല്ലുവിളി ദിവ്യന്റ്സ് എന്ന ജീവി വിഭാഗത്തിന്റെ രൂപത്തിൽ കഥയിലേക്ക് വരുമ്പോൾ കാര്യങ്ങൾ എല്ലാം തകിടം മറിയുകയാണ്.

🔸വിഷ്വൽസ് കൊണ്ടായാലും സ്ക്കോർ കൊണ്ടായാലും എല്ലാം മികച്ച ഒരനുഭവം തന്നെയാണ് ഏറ്റർനൽസ്, പക്ഷെ ഒരു കോമിക് ആരാധകൻ എന്ന നിലയിൽ നോക്കിയാൽ വലിയ മാറ്റങ്ങളാണ് സോർസ് മറ്റീരിയലിനോട് കാണിച്ചിരിക്കുന്നത്, പ്രത്യേകിച്ചും ഇക്കാരിസ് ദൃയിഗ് എന്നീ കഥാപാത്രങ്ങളെ സംബന്ധിച്ച്. ചില എ ലിസ്റ്റ് കഥാപാത്രങ്ങൾ വല്ലാതെ സൈഡ് ലൈൻ ചെയ്യപ്പെട്ട് പോയിട്ടുണ്ട്, ചിലർ ഭാവിയിലേക്കുള്ള ഇൻവെസ്ട്ട്മെന്റ് മാത്രമാണ്, അതൊക്കെ എങ്ങിനെ സ്വീകരിക്കപ്പെടും എന്നത് കൗതുകകരമായ കാര്യമാണ്. ഇനിയെന്ത് എന്ന ചോദ്യം ഇൻട്രിഗ്യു ചെയ്യുന്ന രീതിയിലാണ് സിനിമ അവസാനിക്കുന്നത്, രണ്ടാം ഭാഗവും ചിലപ്പോൾ മൂന്നാം ഭാഗവും ഉണ്ടാവും എന്നത് തീർച്ച.

Verdict : Very Good

DC Rating : 4/5 

1196. The Last Duel (2021)

Director : Ridley Scott

Cinematographer : Dariusz Wolski

Genre : Drama

Country : UK

Duration : 153 Minutes

🔸ഒരു പ്രത്യേക സംഭവം അരങ്ങേറുന്നു, ഉദാഹരണത്തിന് ഒരു വാഹനാപകടം ആണെന്ന് കണക്കാക്കുക. ഇവിടെ മൂന്ന് ആളുകളെയും സങ്കല്പിക്കുക, അതായത് തന്റെ തെറ്റ് കാരണം അപകടം ഉണ്ടാക്കിയവൻ, ആക്സിഡന്റ് കാരണം പരുക്ക് ഏറ്റവൻ, ഇതിൽ ഒന്നും പെടാത്ത കാഴ്ചക്കാരൻ ആയ മൂന്നാമൻ. ഇവിടെ മൂന്ന് പേരും അരങ്ങേറിയ സംഭവം കണ്ടവരാണ്, എന്നാൽ ഈ പ്രത്യേക സംഭവത്തെ പറ്റിയുള്ള മൂന്ന് പേരുടെയും വിശദീകരണങ്ങൾ മൂന്ന് വ്യത്യസ്ത സാധനങ്ങൾ ആയിരിക്കും. ചുരുക്കി പറഞ്ഞാൽ ഒരു വാഹനാപകടം നടന്നു എന്ന ഫാക്റ്റ് നില നിൽക്കുമ്പോഴും അതിന്റെ വ്യാഖ്യാനങ്ങൾ പലതാകാം. ഈ ഒരു കൺസപ്റ്റിനെ ആണ് കുറോസാവ എഫക്ട് എന്ന് പൊതുവെ പറയാറ്, വളരെ റിലേട്ടബിൽ ആയ ഒന്ന് ആയത് കൊണ്ട് കൂടിയാവാം ഈ ഇഫ്‌ഫക്റ്റ് ഉപയോഗിക്കുന്ന സിനിമകളോട് ഒരു പ്രത്യേക താല്പര്യവും തോന്നാറുണ്ട്. ഈ ഒരു വസ്തുത നിലനിൽക്കുന്നുണ്ട് എങ്കിലും ദി ലാസ്റ്റ് ഡ്യുവൽ അതിന്റെ നിലവാരത്തിലും ഒട്ടും മോശം ആവുന്നില്ല എന്നതാണ് സത്യം.

🔸മൻപ്, അതായത് കുറച്ചധികം നൂറ്റാണ്ടുകൾക്ക് മുൻപ് യൂറോപ്പിൽ ട്രയൽ ബൈ കൊമ്പാറ്റ് എന്നൊരു പരിപാടി നിലവിൽ ഉണ്ടായിരുന്നു. അതായത് ഏതെങ്കിലും വിവാദമായ ഒരു വിഷയം ഉണ്ടായാൽ അതിന്റെ രണ്ട് ഭാഗത്ത് നിൽക്കുന്നവർ പരസ്പരം വാൾ പയറ്റോ മല്ല യുദ്ധമോ ഒക്കെ നടത്തുക എന്ന പ്രാകൃത നിയമം. ഈ പരിപാടിയിൽ സ്വാഭാവികമായും രണ്ട് ഔട്ട് പുട്ടുകൾ മാത്രമേ ഉണ്ടാവു, ഒരാൾ മരിക്കും മറ്റെയാൾ ജയിക്കും എന്ന ഔട്ട്കം. അവസാനമായി രേഖപ്പെടുത്തിയ ട്രയൽ ബൈ കൊമ്പാറ്റ് ഉണ്ടായത് പതിനാലാം നൂറ്റാണ്ടിന്റെ അവസാനത്തിലാണ്, ഈ പരിപാടി ആണ് ചിത്രത്തിന് ആധാരം ആയിരിക്കുന്നത്. അന്ത കാലത്തെ പ്രഗത്ഭരായ പോരാളികളായ ലെ ഗ്രീസും, ഡി കരോഗ്സും ആയിരുന്നു രണ്ട് ഭാഗത്ത്, അതിന്റെ അവസാനം എന്തായിരുന്നു എന്നൊന്നും തല്ക്കാലം പറയുന്നില്ല.

🔸ഈ രണ്ട് പോരാളികളും അന്ത്യ യുദ്ധത്തിന് ഇറങ്ങാൻ ഒരുപാട് കാരണങ്ങൾ ഉണ്ടായിരുന്നു എങ്കിലും അതിലെ ഏറ്റവും സവിശേഷം ആയത് ഒരു സ്ത്രീ ആയിരുന്നു, കരോഗ്സിന്റെ ഭാര്യ ആയ മാർഗരിട്ട. ഈ മൂന്ന് കഥാപാത്രങ്ങളും ഈ യുദ്ധത്തിലേക്ക് വഴി വെച്ച കാര്യങ്ങളെ പറ്റി പറയുന്നത് വളരെ വ്യത്യസ്തമായ മൂന്ന് വേർഷണുകളിൽ കൂടിയാണ്. ഈ മൂന്ന് വേർഷൻസും എല്ലാത്തിനും കൂടിയുള്ള കിടിലൻ പേ ഓഫും എല്ലാം ചേർന്നതാണ് ഈ രണ്ടര മണിക്കൂർ ചിത്രം. നല്ല കാസ്റ്റും, കിടിലൻ അവതരണവും, മികച്ച പെർഫോമൻസും ഒക്കെ കൂടി ചേരുമ്പോൾ ഒരു വിന്നിംഗ് ഫോർമുല ഉരുതിരിഞ്ഞ് വരികയാണ്. എല്ലാം കൊണ്ടും നല്ലൊരു അനുഭവം നൽകിയാണ് ലാസ്റ്റ് ഡ്യുവൽ കടന്ന് പോവുന്നത്, കഴിയുമെങ്കിൽ കാണാൻ ശ്രമിക്കുക.

Verdict : Very Good

DC Rating : 4.25/5 

1195. Dune (2021)

Director : Denis Villeneuve

Cinematographer : Greig Fraser

Genre : Sci Fi

Country : USA

Duration : 156 Minutes

🔸ഫരാങ്ക് ഹെർബ്ർട്ടിന്റെ ഡ്യൂൺ എന്ന നോവൽ ഒരു എപിക് ഐറ്റം തന്നെയാണ്, ഈ അടുത്ത കാലത്ത് വരെ എന്ത് കൊണ്ട് ഒരു നല്ല സിനിമാട്ടിക് സംരംഭമായി മാറിയില്ല എന്ന ചോദ്യം മനസ്സിൽ ഉണ്ടായിരുന്ന സൃഷ്ടികളിൽ ഒന്ന്. ഡ്യൂൺ സ്ക്രീനിലേക്ക് എത്തിക്കാൻ മൂന്നര പതിറ്റാണ്ട് മുന്നേ സാക്ഷാൽ ഡേവിഡ് ലിഞ്ച് ഒരു ശ്രമം നടത്തിയതും നല്ല ഒന്നാംക്ലാസ്സ് രീതിയിൽ അത് പൊട്ടി പൊളിഞ്ഞതും എല്ലാം നമുക്ക് അറിയാവുന്ന കാര്യമാണ്. ആദ്യ നോവൽ മുഴുവനായി അടാപ്റ്റ് ചെയ്ത ചിത്രം വളരെ റഷ്ഡ് ആയൊരു ഫീലാണ് നൽകിയത്. എന്തായാലും ഈ ജനറേഷനിലെ തന്നെ ഏറ്റവും മികച്ച സംവിധായകരിൽ ഒരാളും മികച്ച കാസ്റ്റും ക്രൂവും ഒക്കെ കൂടി ചേർന്നപ്പോൾ ക്വാളിറ്റി കണ്ടന്റ് അല്ലാതെ മറ്റൊന്നും പ്രതീക്ഷിച്ചിരുന്നില്ല എന്നതാണ് സത്യം, ഏറെക്കുറെ ആ ഉറപ്പ് പാലിക്കുന്നും ഉണ്ട് ഈ ചിത്രം.

🔸ഹെർബ്ർട്ടിന്റെ ബേസ് നോവൽ തന്നെ പിന്നീട് ഒരുപാട് സീക്വൽ പ്രീക്വൽ നോവലുകൾക്ക് വഴി വെച്ചിട്ടുണ്ട്, ചുരുക്കി പറഞ്ഞാൽ ഒരു ഏഴ് എട്ട് സിനിമകൾക്ക് എങ്കിലും ആവശ്യമുള്ള മെട്ടീരിയൽ ലഭ്യമാണ് എന്ന് തന്നെ. ഇതിൽ തന്നെ ആദ്യ നോവലിന്റെ പകുതി മാത്രമാണ് ഈ ചിത്രത്തിനായി ഉപയോഗിച്ചിരിക്കുന്നത്, പോയിന്റ് ഈസ് നമ്മൾ പ്രതീക്ഷിക്കുന്ന ഒരു പേ ഓഫോ തേർഡ് ആക്റ്റോ ഒന്നും തന്നെ ഇവിടെ കാണാൻ കഴിയില്ല എന്ന് തന്നെ. സ്റ്റോറി വൈസ് കഥ കണക്ലൂഡ് ചെയ്യാൻ പോവുന്നതും പോൾ അത്രൂഡിസ് എന്ന നായക കഥാപാത്രം തന്റെ ഡെസ്ട്ടിനി എന്താണെന്ന് അറിയുന്നതും എല്ലാം അടുത്ത ഭാഗത്താണ്. ഇത് ന്യായമായ ഒരു കാര്യം ആണെങ്കിൽ കൂടിയും ഒരു ബാധ്യത ആയി കണ്ട് ഈ സിനിമ ഇഷ്ടപ്പെടണം എന്നല്ല, ആ പ്രശ്നത്തെ പരിഹരിക്കാൻ ഉള്ള ശ്രമം ഉണ്ടായിട്ടില്ല എന്നതാണ് ഏറ്റവും വലിയ പോരായ്മയായി ചിത്രത്തിൽ അനുഭവപ്പെട്ടതും.

🔸ഒരു ആദ്യ ഭാഗം എന്ന നിലയ്ക്ക് ഡ്യൂൺ പാർട്ട് വണ്ണിൽ തൃപ്തനാണ്, എന്റെർറ്റെയ്നർ എന്ന നിലയിൽ കാണാൻ കഴിയില്ല എങ്കിലും സോർസ് മെട്ടീരിയൽ അർഹിക്കുന്ന ഗൗരവത്തിൽ സാധനം എടുത്ത് വെച്ചിട്ടുണ്ട്. സംവിധായകന്റെ മുൻ ചിത്രങ്ങൾ നൽകിയ വൗ ഇഫെക്റ്റ് കിട്ടിയില്ല എങ്കിലും രണ്ടാം ഭാഗം ആ പ്രശ്നം പരിഹരിക്കും എന്നാണ് ഇപ്പോഴും പ്രതീക്ഷിക്കുന്നത്. വിഷ്വലി ആയാലും സ്ക്കോർ വൈസ് ആയാലും ടോപ് സ്റ്റഫ് തന്നെയാണ് ഡ്യൂൺ, പ്രതീക്ഷിച്ച നിലവാരം കീപ് ചെയ്തിട്ടുണ്ട് എന്ന് നിസ്സംശയം പറയാം. വേൾഡ് ബിൽഡിങ് പോലെയുള്ള കാര്യങ്ങളിൽ ഡ്യൂൺ പാർട്ട് വൺ വിജയിച്ചിട്ടുണ്ട്, അത് കൊണ്ട് തന്നെ അങ്ങനൊരു പ്രശ്നം തുടർ ഭാഗങ്ങൾക്ക് ഉണ്ടായേക്കില്ല. ഒരു ഡോട്ട് ആന്റി ഡോട്ട് ഒക്കെ പോലെ രണ്ട് ഭാഗങ്ങളും പുറത്തിറങ്ങിയ ശേഷമേ കോൺക്രീറ്റ് ആയ അഭിപ്രായം പറയാൻ കഴിഞ്ഞേക്കു, ഇപ്പോൾ കണ്ടതിൽ തൃപ്തനാണ്.

Verdict : Very Good

DC Rating : 4/5

1194. Land And Freedom (1995)

Director : Ken Loach

Cinematographer : Barry Ackroyd

Genre : Drama

Country : UK

Duration : 109 Minutes

🔸കെൻ ലോച്ച് സിനിമകൾ എന്നും പേഴ്സണൽ ഫേവറൈറ്റുകൾ ആണ്, അദ്ദേഹത്തിന്റെ അവസാനമായി കണ്ട സോറി വി മിസ്ഡ് യു പോലുള്ള സംരംഭങ്ങൾ തന്നെ തന്ന ഫീൽ വളരെ മികച്ചത് ആയിരുന്നു. ഈ ഒരു താല്പര്യം കൊണ്ട് തന്നെയാണ് അദ്ദേഹത്തിന്റെ ഏറ്റവും പ്രെസ്റ്റീജ്യസ് ആയ അല്ലെങ്കിൽ അംബീഷ്യസ് ആയ പ്രോജക്റ്റ് ആയ ലാൻഡ് ആൻഡ് ഫ്രീഡം എന്ന ചിത്രത്തിൽ വലിയ പ്രതീക്ഷ വെച്ചതും. പ്രതീക്ഷിച്ചത് പോലെ തന്നെ മികച്ചൊരു അനുഭവം ആണ് സിനിമ സമ്മാനിച്ചതും, മുൻപ് ഒരുപാട് സിനിമകളിലും ലേഖനങ്ങളിലും എല്ലാം കണ്ടും വായിച്ചും അറിഞ്ഞ സ്പാനീഷ് സിവിൽ വാറിന്റെ മറ്റൊരു വശം കൂടി കാണിച്ച് തരുന്നുണ്ട് ഈ ചിത്രം.

🔸ദേവ് കാർ എന്ന പ്രധാന കഥാപാത്രം തൊണ്ണൂറുകളിൽ മരണപ്പെടുന്ന രംഗം കാണിച്ച് കൊണ്ടാണ് സിനിമ ആരംഭിക്കുന്നത്, പ്രായം  എൺപതുകൾ കഴിഞ്ഞ കാർ ഐതിഹസികമായ ഒരു ജീവിതം ജീവിച്ച് തീർത്താണ് മരണത്തിന് കീഴടങ്ങുന്നത് എന്ന് വേണമെങ്കിൽ പറയാം. ആ ജീവിത കാലയളവാണ് സിനിമയുടെ പ്ലോട്ട്, അയാളുടെ പേരകുട്ടി പഴയ കത്തുകളിൽ കൂടിയും രേഖകളിൽ കൂടിയും കഥ വായിച്ച് അറിയുന്ന രൂപത്തിൽ ആണ് സിനിമയുടെ പ്ലോട്ട് പുരോഗമിക്കുന്നത്. ഇവിടെ നിന്നും സിനിമ പോവുന്നത് സ്പെയിൻ എന്ന രാജ്യത്തിന്റെ ചരിത്രം തന്നെ മാറ്റി എഴുതിയ മുപ്പതുകളിലേക്ക് ആണ്, അതായത് ഫ്രാങ്കോയ്ക്ക് എതിരെയുള്ള വിപ്ലവ ശ്രമങ്ങൾ അതിന്റെ ഉച്ചസ്ഥായിലേക്ക് കടന്ന കാലഘട്ടം.

🔸ഫരാങ്കോയ്ക്ക് എതിരെ ഉള്ള ശബ്ദങ്ങൾ എല്ലാം നേരിട്ടത് മിലിട്ടറിയുടെ ഉരുക്ക് മുഷ്ടികൾ തന്നെയാണ്, ഈ മിലിട്ടറിയുടെ ഭാഗം ആയിരുന്നു ദേവും. പക്ഷെ ഇവയൊന്നും വിപ്ലവകാരികളെ പിറകോട്ട് കൊണ്ട് പോയതുമില്ല, പിന്നീട് അരങ്ങേറുന്നത് ചതിയും വഞ്ചനയും പ്രണയവും പരാജയവും അതിജീവനവും മരണവും എല്ലാം ഉൾപ്പെട്ട ഒരു എപിക് കാൻവാസിൽ ഉള്ള കഥയാണ്. വളരെ താല്പര്യം ഉണർത്തുന്ന തോതിൽ ഉള്ള അവതരണം തന്നെയാണ് ഈ സിനിമയുടെ ഏറ്റവും വലിയ പ്ലസ് പോയിന്റ്, മികച്ച പ്രകടനങ്ങളും സ്ക്കോറും ചായഗ്രഹനവും എല്ലാം കൂടി ചേരുമ്പോൾ മികച്ചൊരു അനുഭവം തന്നെയായി മാറുന്നുണ്ട് ലാൻഡ് ആൻഡ് ഫ്രീഡം. ഡ്രാമ ജോണറിൽ പെട്ട സിനിമകളുടെ ആരാധകർക്ക് നല്ലൊരു അനുഭവം ആയിരിക്കും ഈ ചിത്രം.

Verdict : Very Good

DC Rating : 4/5 

1193. Halloween Kills (2021)

Director : David Gordon Green

Cinematographer : Michael Simmonds

Genre : Horror

Country : USA

Duration : 106 Minutes

🔸ഹലോവീൻ സീരീസിന്റെ വലിയൊരു ആരാധകൻ ആണ് ഈ എഴുത്തുകാരൻ എന്നത് ആദ്യമേ പറയേണ്ട ഒരു വസ്തുതയാണ്, മൈക്കൽ മയേഴ്‌സ് എന്ന ഹൊറർ ലജണ്ടിനോടും ആ കഥാപാത്രത്തിന്റെ തന്നെ ആറ്റിട്യുടിനോടും എല്ലാം വലിയൊരു താല്പര്യം തോന്നിയത് കൊണ്ടാവണം നല്ലത് എന്ന് പറയാൻ വളരെ കുറച്ച് സിനിമകൾ മാത്രമേ ഉള്ളൂ എങ്കിലും പ്രസ്തുത സീരീസ് മുഴുവൻ കണ്ട് തീർത്തിട്ടുണ്ട്, അവയിൽ ചിലത് ഒന്നിൽ ഏറെ തവണയും. ഈ നൂറ്റാണ്ടിന്റെ തുടക്കത്തോടെ ഹാലോവീൻ സീരീസ് അതിന്റെ ഏറ്റവും മോശം അവസ്ഥയിൽ എത്തി ഒരു ദയാവധം കണക്കെ അവസാനിപ്പിച്ചു എങ്കിലും ഒരു കമ്പ്ലീറ്റ് റീ ബൂട്ട് എന്ന അവകാശ വാദവും ആയി എത്തിയ പുതിയ ട്രൈലോജി എന്തോ പ്രതീക്ഷകളാണ് തന്നത്.

🔸മന്ന് വർഷങ്ങൾ മുന്നേ പുറത്തിറങ്ങിയ പുതിയ ട്രിലോജിയിലെ ആദ്യ ചിത്രം തിയേറ്ററിൽ കാണാൻ കഴിഞ്ഞതും പ്രതീക്ഷകളോട് നീതി പുലർത്തിയതും ആയിരുന്നു, എന്നാൽ തീർത്തും നിരാശജനകം ആയൊരു വസ്തുത എന്താണെന്നാൽ അതിന്റെ സീക്വൽ സീരീസ് പഴയ ഫോർമാറ്റിലേക്ക് മടങ്ങി പോവുന്നു എന്നത് തന്നെയാണ്. ആദ്യ സിനിമകളുടെ പാത പിന്തുടർന്ന് കൊണ്ട് യാതൊരു സെൻസോ കാര്യമോ ഇല്ലാതെ, കേവല ബുദ്ധി പോലും കാണിക്കാത്ത കഥാപാത്രങ്ങളെ അണി നിരത്തി, സൂപ്പർഹീറോ എന്ന് പോലും തോന്നിക്കുന്ന തരത്തിൽ ഉള്ള കഥാപത്രമായി മൈക്കലിനെ മാറ്റി ഒരു പാതി വെന്ത പ്രോടക്റ്റ് ആയി അവതരിപ്പിച്ചിരിക്കുകയാണ് ഹാലോവീൻ കിൽസ് എന്ന ഈ ചിത്രത്തെ.

🔸ആദ്യ ഭാഗം അവസാനിച്ചിടത്ത് നിന്ന് തന്നെയാണ് രണ്ടാം ഭാഗം തുടങ്ങുന്നത്, ആൾറെഡി അനൗൺസ്‌ ചെയ്ത മൂന്നാം ഭാഗ സിനിമയിലേക്ക് ഉള്ള ഒരു പാലമാണ് ഈ ചിത്രം എന്നും പറയാം. മൈക്കൽ മയേഴ്‌സിനെ എന്നെന്നേക്കുമായി ഇല്ലാതാക്കാൻ നമ്മുടെ പ്രധാന കഥാപാത്രങ്ങളും അവരുടെ സുഹൃത്തുക്കളും എല്ലാം ഒത്തു ചേരുന്നതും തുടർന്നുള്ള സംഭവങ്ങളും ഒക്കെയാണ് ചിത്രം. ബ്രൂട്ടൽ എന്നൊക്കെയുള്ള വിശേഷണങ്ങൾ അർഹിക്കുന്ന ചെറിയ ചില പോർഷൻസ് സിനിമയിൽ ഉണ്ട്, അവ മാത്രമാണ് പോസിറ്റീവ് ആയി എടുത്ത് പറയാൻ ഉള്ളത്, അത് കൂടി ഇല്ലായിരുന്നു എങ്കിൽ സീറീസിനോട് ഗുഡ്ബയ് പറയാനുള്ള പെർഫെക്ട് മൊമന്റ് ഇതാകും ആയിരുന്നു. കണ്ടില്ലെങ്കിൽ ഒരു നഷ്ടവും ഇല്ല എന്നൊക്കെ പറയാവുന്ന എന്തിനോ വേണ്ടി തിളച്ച ഒരു സീക്വൽ.

Verdict : Avoidable

DC Rating : 1/5

1192. Forbidden Games (1952)

Director : Rene Clement

Cinematographer : Robert Juillard

Genre : Drama

Country : France

Duration : 87 Minutes

🔸വളരെ മൂഡ് ഷാറ്റററിംഗ് ആയൊരു സിനിമ ആണ് ഫോർബിടൻ ഗെയിംസ്, ഹോളോകോസ്റ്റ് അല്ലെങ്കിൽ രണ്ടാം ലോകമഹായുദ്ധ പശ്ചാത്തലം ഉള്ളത് കൊണ്ട് മാത്രമല്ല പ്രസ്തുത സിനിമയ്ക്ക് മുകളിലെ വിശേഷണം നൽകിയത് മറിച്ച് ഈ ചിത്രത്തിലെ പ്രധാന കഥാപാത്രങ്ങൾ രണ്ട് ചെറിയ കുട്ടികളാണ് എന്നത് കൊണ്ട് കൂടിയാണ്. ഈ സിനിമ കഥ പറയുന്ന ഒന്നര മണിക്കൂറിന് അടുത്ത് സമയം അവർ കടന്ന് പോവുന്നത് വളരെ ഉള്ളുലയ്ക്കുന്ന തോതിലുള്ള അനുഭവങ്ങളിൽ കൂടിയാണ്, അപ്പോഴും ഒരു ചിൽഡ്രൻസ് ഫിലിം ആവാതെ അത്യന്തം ഗൗരവത്തോടെ വിഷയത്തെ സിനിമ നോക്കി കാണുന്നുണ്ട് എന്നത് എടുത്ത് പറയേണ്ട വസ്തുതയാണ്. ഞാൻ അടുത്തിടെ കണ്ട ഏറ്റവും മികച്ച സിനിമകളിൽ ഒന്നാണ് ഫോർബിഡൻ ഗെയിംസ്, ഇന്നഫ് സെഡ്.

🔸രണ്ടാം ലോക മഹായുദ്ധത്തിന്റെ പ്രാരംഭ ഘട്ടത്തിലാണ് സിനിമ ആരംഭിക്കുന്നത്. നാസി പടയുടെ തേരോട്ടത്തിന് മുന്നിൽ ഫ്രാൻസ് ഏറെക്കുറെ തോൽവി സമ്മതിച്ച മട്ടാണ്, അവരുടെ പല കേന്ദ്രങ്ങളും നാസികൾ ഏറെക്കുറെ കീഴടക്കി കഴിഞ്ഞിരിക്കുകയാണ്. ഈ സ്ഥലങ്ങളിൽ ഇനി അങ്ങോട്ടുള്ള ജീവിതത്തിന് വലിയ ഭാവി ഇല്ല എന്നത് കൊണ്ട് തന്നെ വലിയൊരു പലായനം ആണ് അവിടെ നടന്ന് കൊണ്ടിരിക്കുന്നത്. കാലങ്ങളായി അവിടം താമസമാക്കിയ ആളുകൾ എല്ലാം തന്നെ തങ്ങളുടെ കുടുംബം അടക്കം, രണ്ട് കയ്യിൽ കൊണ്ടുപോകാവുന്ന സാധനങ്ങൾ മാത്രം എടുത്ത് ജീവൻ കയ്യിൽ പിടിച്ച് കൊണ്ട് അവസാനം അറിയാത്ത യാത്രയിൽ ഏർപ്പെട്ടിരിക്കുകയാണ്.

🔸പൗലറ്റ് എന്ന ചെറിയ പെൺകുട്ടിയും അവളുടെ അച്ഛൻ അമ്മമാരും ഈ പലായനം ചെയ്യുന്നവരുടെ കൂട്ടത്തിൽ ഉണ്ട്, ഈ യാത്ര തിരിച്ച ജന വിഭാഗത്തിന്റെ നേരെ നാസി പട്ടാളം നിർ ദാക്ഷണ്യം വെടി ഉതിർക്കുകയാണ്. ഈ വെടിവെപ്പിനിടെ വലിയൊരു ദുരന്തം അരങ്ങേറുകയും തുടർന്ന് ഉണ്ടാവുന്ന സംഭവ വികാസങ്ങളും എല്ലാമാണ് ഈ ചിത്രം. ഒരു സിനിമ കൂടുതൽ മികച്ചതാവുന്നത് അത് കണ്ട് കഴിഞ്ഞ ശേഷവും നമ്മളെ അലട്ടുമ്പോൾ അല്ലെങ്കിൽ നമ്മളിൽ ഉദ്വേകജനകമായ ചോദ്യങ്ങൾ ഉയർത്തുമ്പോൾ ആണ് എന്നാണ് എവിടെയോ വായിച്ചിട്ടുള്ളത്, ആ മാനദണ്ഡം ഉപയോഗിച്ചാലും അല്ലെങ്കിലും ഈ സിനിമ മികച്ചതാണ് എന്ന അഭിപ്രായത്തിൽ മാറ്റം ഒന്നും തന്നെയില്ല.

Verdict : Must Watch

DC Rating : 4.75/5 

1191. The Professional (1981)

Director : Georges Lautner

Cinematographer : Henri Decae

Genre : Action

Country : France

Duration : 109 Minutes

🔸പലോട്ട് വൈസ് നോക്കുക ആണെങ്കിൽ ദി പ്രൊഫഷണൽ എന്ന ഫ്രഞ്ച് സിനിമയിൽ സ്പെഷ്യൽ ആയി അല്ലെങ്കിൽ നമ്മൾ ഇതുവരെ കാണാത്തതായി ഒന്നുമില്ല എന്ന് തോന്നി പോകും, അതിൽ തെറ്റ് പറയാനും പറ്റില്ല കാരണം ഇതേ ടൈപ്പ് സ്റ്റോറികളുടെ ഒരുപാട് ഇറ്ററേഷൻസ് നമ്മൾ കണ്ടതാണ് പല ഭാഷകളിലും രാജ്യങ്ങളിലും ഒക്കെയായി. എന്നാൽ ചില കാര്യങ്ങളുണ്ട്, ഈ ചിത്രത്തെ സ്പെഷ്യൽ ഒരു കാറ്റഗറിയിലേക്ക് മാറ്റുന്നത്, എന്നിയോ മോറികൊനെയുടെ സൗണ്ട്ട്രാക്ക് ആണ് ആദ്യത്തെ ഫാക്റ്റർ. ച്ചി മായി എന്ന മോറികൊനെയുടെ ട്രാക്ക് ഞാൻ കേട്ട ഏറ്റവും മികച്ചവയിൽ ഒന്നാണ്. രണ്ടാമത്തെ വസ്തുത ആ ട്രാക്കിന്റെ ഉപയോഗവും, ടെറിഫിക് എന്നൊക്കെ വിശേഷിപ്പിക്കാവുന്ന സ്റ്റാൻഡോഫ്, ക്ലൈമാക്സ്‌ രംഗങ്ങളും ആണ്.

🔸ജോസലിൻ ബ്യുമൊണ്ട് എന്ന നമ്മുടെ പ്രധാന കഥാപാത്രം ഒരു ഫ്രഞ്ച് സീക്രട്ട് ഏജന്റ് ആണ്, തന്റെ കർമമണ്ഡലത്തിൽ അപാരമായ കഴിവും ആർജവവും എല്ലാം പ്രകടിപ്പിക്കുന്ന, തന്റെ ദൗത്യത്തിൽ നിന്നും കടുകിട പോലും മാറാത്ത, വെല്ലുവിളികളെ യാതൊരു ദയാ ദാക്ഷണ്യവും കാണിക്കാതെ നിഷ്കരുണം ചവിട്ടി മെതിച്ച് പോവുന്ന ഒരു പെർഫെക്ട് വെപ്പൻ എന്നൊക്കെ വിശേഷിപ്പിക്കാവുന്ന കഥാപാത്രം. പുള്ളിക്ക് ഒരു നാൾ ഒരു പുതിയ ദൗത്യം ലഭിക്കുകയാണ്, വളരെ സങ്കീർണമായ ഒന്ന് തന്നെ, അതായത് മാലാഗവി എന്ന ആഫ്രിക്കൻ രാജ്യത്തേക്ക് കടന്ന് ചെന്ന് അവിടത്തെ ഏകാധിപതി ആയ കോളോനൽ ജാലയെ അങ്ങ് കൊല്ലണം. വലിയ സന്നാഹവും, അംഗ രക്ഷകരും ഒക്കെയുള്ള ക്രൂരനായ കഥാപാത്രം ആണ് ജാല.

🔸എന്തായാലും ദൗത്യത്തിനായി നമ്മുടെ കഥാപാത്രം അവിടേക്ക് എത്തുകയാണ്, പക്ഷെ സ്വന്തം ഇന്റലിജൻസ് സംഘടന തന്നെ ബ്യുമോണ്ടിനെ ചതിക്കുന്ന കാഴ്ചയാണ് പിന്നീട് നമ്മൾ കാണുന്നത്. അയാൾക്ക് ഒരു തിരിച്ചുവരവ് ഉണ്ടാകുമോ, ഉണ്ടായാൽ തന്നെ അയാളുടെ പ്രതികാര പരിപാടികൾ എങ്ങിനെ ഉണ്ടാവും എന്നൊക്കെയുള്ള ചോദ്യങ്ങൾക്ക് ഉത്തരമാണ് ഈ ഫ്രഞ്ച് ആക്ഷൻ ത്രില്ലർ ചിത്രം. മികച്ച പ്രകടനങ്ങളും ഇന്ട്രെസ്റ്റിങ് ആയ കഥാപാത്രങ്ങളും, കിടിലൻ സ്ക്കോറും, മികച്ച പേ ഓഫും എല്ലാം കൂടി ചേരുമ്പോൾ നല്ല ഒന്നാന്തരം ഒരു സിനിമാട്ടിക് അനുഭവം ആയി മാറുന്നുണ്ട് ദി പ്രൊഫഷണൽ, അപ്പോൾ ആക്ഷൻ ജോണർ സിനിമാ ആസ്വാദകർ തീർച്ചയായും കാണാൻ ശ്രമിക്കുക.

Verdict : Good

DC Rating : 3.75/5 

1190. Children Who Chase Lost Voices (2011)

Director : Makoto Shinkai

Cinematography : Makoto Shinkai

Genre : Animation

Country : Japan

Duration : 116 Minutes

🔸അനിമേ സിനിമാ വിഭാഗത്തിൽ മകോട്ടോ ശിങ്കായ് എന്ന പേര് വളരെ സുപരിചിതം ആയ ഒന്ന് തന്നെയാണ്. യുവർ നെയിം, ഗാർഡൻ ഓഫ് വേർഡ്‌സ്, ഫൈവ് സെന്റിമീറ്റർ പെർ സെക്കണ്ട് തുടങ്ങിയ സിനിമകൾ എല്ലാം അദ്ദേഹത്തിന്റെ പ്രതിഭ വിളിച്ചോതുന്ന മികച്ച ആരാധക നിരൂപക പ്രശംസ നേടിയ ചിത്രങ്ങളാണ്. ഈ ഒരു ലിസ്റ്റ് ഓഫ് മൂവീസിന്റെ കൂടെ എന്ത് കൊണ്ട് ചിൽഡ്രൻ ഹു ചെയ്‌സ് ലോസ്റ്റ് വോയിസ്സസ് പറയപ്പെടുന്നില്ല എന്നതായിരുന്നു ആദ്യം സിനിമ കണ്ട് കഴിഞ്ഞ വേളയിൽ മനസ്സിൽ ഉടലെടുത്ത ചോദ്യം. കാരണം വേറൊന്നുമല്ല, മികച്ച കഥയും അനിമേഷൻ സ്റ്റൈലും മ്യൂസിക്കും പേ ഓഫും എല്ലാം കൂടി ചേരുമ്പോൾ മികച്ചൊരു വ്യൂയിങ് അനുഭവം തന്നെയായി മാറുന്നുണ്ട് ഈ ചിത്രം.

🔸യവർ നെയിം പോലുള്ള ശിങ്കായിയുടെ തന്നെ സൃഷ്ടികളുമായി ചില സാമ്യതകൾ സിനിമ കണ്ട് കൊണ്ടിരുന്ന വേളയിൽ ശ്രദ്ധിക്കുക ഉണ്ടായി, എന്നാൽ അവയൊന്നും തന്നെ ഒരു പ്രശ്നമായോ പോരായ്മയായോ അനുഭവപ്പെടുന്നില്ല എന്നതാണ് സത്യം. കഥയിലേക്ക് വരിക ആണെങ്കിൽ അസുന എന്ന നമ്മുടെ പ്രധാന കഥാപാത്രം ഒരു സ്കൂൾ വിദ്യാർത്ഥിനിയാണ്, അസുനയുടെ അച്ഛൻ വർഷങ്ങൾക്ക് മുന്നേ മരണപ്പെട്ടതാണ് എങ്കിൽ അമ്മ കുറച്ച് അകലെ ഒരു നേഴ്‌സ് ആയി ജോലി നോക്കുകയാണ്. ചുരുക്കി പറഞ്ഞാൽ വളരെ ലോൺലി ആയ ഒരു ജീവിതമാണ് അവളുടേത്, പറയത്തക്ക സുഹൃത്തുക്കളും ഇല്ല ആകെ ഉള്ളത് സ്വല്പം അഡ്വൻചരസ്‌ ആയ ഒരു മൈൻഡ് മാത്രമാണ്. ഈ ഒരു കഥയിലേക്ക് സൂപ്പർ നാച്ചുറൽ എന്നൊക്കെ വിശേഷിപ്പിക്കാവുന്ന ചില എലമെന്റുകളും കഥാപാത്രങ്ങളും എല്ലാം കടന്ന് വരുമ്പോഴാണ് കഥ ഒന്ന് ഗതി മാറുന്നത്.

🔸ഈ കഥാഗതിയിൽ വരുന്ന മാറ്റം നമ്മുടെ പ്രധാന കഥാപാത്രത്തെ മരണപ്പെട്ടവരുടെ ലോകത്തേക്ക് കൊണ്ട് പോവുകയാണ്, തുടർന്ന് അരങ്ങേറുന്ന രസകരമായ മനോഹരമായ സംഭവങ്ങളാണ് ഈ ചിത്രം. ബോധപൂർവം ആണോ അല്ലയോ എന്നറിയില്ല പക്ഷെ പല ജാപ്പനീസ് അനിമേ ക്‌ളാസിക്കുകൾക്കും ഉള്ള ഹോമേജ് സിനിമയിൽ പലയിടത്തും കാണാൻ കഴിഞ്ഞു, വേൾഡ് ബിൽഡിങ്ങിന്റെ കാര്യത്തിൽ ശിങ്കായിയുടെ എബിലിറ്റി എന്താണെന്ന് മനസിലാക്കാൻ ഉള്ള മികച്ച ഉദാഹരണം കൂടിയാണ് ഈ ചിത്രം. ഒരു ഇടവേളയ്ക്ക് ശേഷം കണ്ട അനിമേ സിനിമ ആയത് കൊണ്ട് കൂടി ആവണം മികച്ചൊരു അനുഭവം നൽകി കൊണ്ടാണ് ഈ ചിത്രവും കടന്ന് പോവുന്നത്, അപ്പോൾ താല്പര്യം ഉള്ള വിഭാഗം ആണെങ്കിൽ മിസ്സ്‌ ആകാതിരിക്കാൻ ശ്രദ്ധിക്കുക.

Verdict : Very Good

DC Rating : 4/5 

1189. Tamas (1988)

Director : Govind Nihalani

Cinematographer : V.K Murthy

Genre : Drama

Country : India

Duration : 311 Minutes

🔸തമസ് എന്നാൽ ഇരുട്ട് എന്നർത്ഥം, ഈ അഞ്ച് മണിക്കൂർ സിനിമയ്ക്ക് അതിനേക്കാൾ നല്ലൊരു പേര് നൽകാനാവില്ല എന്നതാണ് സത്യം. വിഭജന കാലഘട്ടം ആണ് ഈ ചിത്രത്തിന്റെ കഥാ പശ്ചാത്തലം, ഇന്ത്യാ മഹാരാജ്യത്തിന്റെ ചരിത്രത്തിലെ തന്നെ ബ്ലാക്ക് മാർക്ക് ആയ പ്രസ്തുത കാലഘട്ടം അതേപടി അവതരിപ്പിച്ച ചിത്രം ആയത് കൊണ്ട് തന്നെ അത്യാവശ്യം ഡാർക്കും ഷോക്കിങ്ങും ഒക്കെ ആവുന്നുണ്ട് ചിത്രം. എല്ലാത്തിനും ഉപരി വെറുപ്പ് എന്ന വികാരം എത്രത്തോളം ഭീകരം ആണെന്നും അത് കത്തി പടർന്ന് സകലതിനെയും ചാമ്പലാക്കാൻ എത്ര ചെറിയ ഒരു കാരണം മാത്രം മതി എന്നും ഈ ചിത്രം നമ്മെ ഓർമിപ്പിക്കും, പോരെങ്കിൽ ഇത് പോലൊരു കമ്യുണിറ്റി ഔട്ട്റേജിൽ ആദ്യാവസാനം നഷ്ടം ആർക്ക് ആണെന്നും.

🔸ഓം പുരി അവതരിപ്പിച്ച നാതു എന്ന കേന്ദ്ര കഥാപാത്രം ഒരു സാധാരണക്കാരനാണ്, ദിവസക്കൂലിക്ക് വേണ്ടി തന്റെ ആരോഗ്യത്താൽ കഴിയുന്നത് എല്ലാം ചെയ്ത് ഗർഭിണിയായ ഭാര്യയ്ക്കും വൃദ്ധയായ അമ്മയ്ക്കും മുന്നിലേക്ക് ഭക്ഷണം എത്തിക്കാൻ പെടാപ്പാട് പെടുന്ന ഒരു സാധു. ഈ ഒരു കാരണം കൊണ്ട് തന്നെ നാട്ടിലെ ഒരു പ്രമാണി ഒരുനാൾ പന്നിയെ അറക്കാനായി അയാളെ സമീപിച്ചപ്പോൾ വലിയ സംശയമോ സന്ദേഹമോ ഒന്നും അയാൾക്ക് ഉണ്ടായില്ല, ഒരു പരാതി ഒഴിച്ച്. നാതു ഇന്നേവരെ ഒരു ജീവനുള്ള പന്നിയെ അറുത്തിട്ടില്ല, എന്നാൽ പ്രമാണിയുടെ നിർബന്ധത്തിനും കയ്യിലെ അഞ്ച് രൂപ നോട്ടിനും മുന്നിൽ അയാൾ കീഴടങ്ങുകയാണ്. ഇതിലെ അപകടം നാതുവിന് മനസിലാവുന്നത് പിറ്റേന്ന് പന്നിത്തല അടുത്തുള്ള ഒരു മോസ്കിന്റെ മുന്നിൽ നിന്നും ആളുകൾ കണ്ടെടുക്കുമ്പോഴാണ്.

🔸പതിയെ പതിയെ ഈ സംഭവത്തിന്റെ ചുവട് പിടിച്ച് ഒരു ചെയിൻ ഓഫ് ഇവന്റ്സ് അവിടെ അരങ്ങേറുകയാണ്, താമസിയാതെ തന്നെ അതൊരു കമ്യുണൽ ഇഷ്യു ആയി മാറുന്നിടത്ത് സിനിമ വിഭജന കാലത്തിന്റെ വൃത്തികെട്ട മുഖം കാണിച്ച് തരുന്നു. ഓം പുരി, പങ്കജ് കപൂർ, അമരീഷ് പുരി തുടങ്ങി ഒരുപിടി മികച്ച താരങ്ങൾ അണിനിരന്ന ചിത്രം ഉദ്ദേശം അഞ്ച് മണിക്കൂറോളം ദൈര്ഘ്യമുള്ള എപിക് സ്വഭാവമുള്ള സിനിമ ആണെന്ന് പറയാം. മനസ്സിൽ തങ്ങി നിൽക്കുന്ന, അത്യാവശ്യം ഹോണ്ടിങ് ആയ രംഗങ്ങൾ ചിത്രത്തിൽ ഉണ്ട്, ശക്തമായ പ്രകടനങ്ങളും. പോയി മറഞ്ഞ കാലത്തിന്റെ ഓർമ്മപ്പെടുതലാണ് ചിത്രം, ആ അറിവ് ഗുണം ചെയ്യും കാരണം ചരിത്രം അറിയാത്തവർ ചരിത്രം ആവർത്തിക്കും എന്നൊരു വചനം മുന്നേ എവിടെയോ കേട്ടിട്ടുണ്ട് എന്നത് തന്നെ.

Verdict : Very Good

DC Rating : 4.25/5 

1188. Titane (2021)

Director : Julia Ducournou

Cinematographer : Ruben Impens

Genre : Drama

Country : France

Duration : 108 Minutes

🔸പറയാൻ പോവുന്ന പ്ലോട്ട് അത്യാവശ്യം വിചിത്രമാണ്, അത് തന്നെയാണ് ടിട്ടൻ എന്ന ചിത്രത്തെ വേറിട്ട് നിർത്തുന്നതും. അതായത് ഒരു സ്ത്രീ ഒരു കാറിനാൽ ഗർഭിണി ആവുകയാണ്, വായിച്ചതിൽ തെറ്റൊന്നുമില്ല, അവർ പ്രസവിക്കുന്ന കുട്ടി ബെയ്‌സിക്കലി ഒരു മെറ്റൽ ചൈൽഡ് ആണ്, അതും പോരെങ്കിൽ അവർ ബ്രെസ്റ്റ് ഫീഡ് ചെയ്യാൻ പോവുന്നത് മെറ്റൽ ഓയിലും ആണ്. ഈ ഒരു പ്ലോട്ടിനെ വിചിത്രം എന്നല്ലാതെ എന്ത് വാക്ക് വെച്ച് വിശേഷിപ്പിക്കണം എന്നറിയില്ല. കാൻസ് ഉൾപ്പെടെ ഉള്ള വേദികളിൽ മികച്ച പ്രതികരണങ്ങൾ നേടിയ, മികച്ച സംവിധായികയ്ക്ക് ഉള്ള പുരസ്‌കാരം ജൂലിയ ദുകൂർനോവിന് നേടികൊടുത്ത ചിത്രം കൂടിയാണ് റ്റിട്ടേൻ. ഇങ്ങനെ ഒക്കെ ആണ് കാര്യം എങ്കിലും എല്ലാവർക്കും സജസ്റ്റ് ചെയ്യാൻ പറ്റിയ ഒന്നല്ല ഈ ചിത്രം, അതിന് ഒരുപാട് കാരണങ്ങളും ഉണ്ട്.

🔸അലക്സിയ എന്ന നമ്മുടെ പ്രധാന കഥാപാത്രം ചെറിയ കുട്ടി ആയിരിക്കുമ്പോൾ നടന്ന ഒരു സംഭവം കാണിച്ച് കൊണ്ടാണ് സിനിമ ആരംഭിക്കുന്നത്. അച്ഛനോടൊപ്പം ഒരു കാർ യാത്രയിൽ ആയിരുന്ന അലക്സയ്ക്ക് ആ യാത്രയ്ക്കിടയിൽ ഒരു അപകടം ഉണ്ടാവുകയും തുടർന്ന് ചെവിക്ക് താഴെയുള്ള പോർഷൻ മെറ്റൽ ഉപയോഗിച്ച് മാറ്റി വെക്കേണ്ടിയും വരുന്നുണ്ട്. പൊതുവെ മാതാപിതാക്കളും ആയി വലിയ അടുപ്പം ഇല്ലാത്ത അലക്സയ്ക്ക് ഈ സംഭവത്തോടെ മറ്റൊരു വലിയ മാറ്റം കൂടി ഉണ്ടാവുകയാണ്, ആശുപത്രിയിൽ നിന്ന് പുറത്തിറങ്ങിയ അവൾ സ്നേഹത്തോടെയും ഒരു തരം ആസക്തിയോടെയും കെട്ടി പിടിക്കുന്നത് സ്വന്തം കാറിനെ ആണ്, അല്ലെങ്കിൽ അവളുടെ പ്രയോരിട്ടീസ് മനുഷ്യരെ വിട്ട് മെഷീനിൽ എത്തി എന്ന് വേണമെങ്കിൽ പറയാം.

🔸ഈ സംഭവത്തിന്‌ ശേഷം രണ്ട് പതിറ്റാണ്ടുകളോളം കഴിഞ്ഞാണ് പിന്നീട് കഥയുടെ മർമ്മ പ്രധാനമായ ഭാഗങ്ങൾ അരങ്ങേറുന്നത്, ഈ കാലയളവിൽ അലക്സ ഒരു സീരിയൽ കില്ലർ കൂടി ആയി മാറിയിട്ടുണ്ട്, അവളുടെ മനസും വികാരങ്ങളും വിചാരങ്ങളും എല്ലാം കല്ല് പോലെ ഉറച്ച് പോയിരിക്കുന്നു. ഈ പോയിന്റിൽ നിന്നും വിചിത്രമായ ഒരുപാട് സ്ഥലങ്ങളിലേക്ക് കഥ കടന്ന് പോവുന്നുണ്ട്, അത്യാവശ്യം നല്ല തോതിൽ ന്യുഡിറ്റി ഒക്കെയുള്ള ചിത്രം കൂടിയാണ് ടൈറ്റൻ. മികച്ച പ്രകടനങ്ങളും, നല്ല സ്ക്കോറും, മികച്ച എൻഡിങ്ങും എല്ലാം കൂടി ചേരുമ്പോൾ വിവരിക്കാൻ കഴിയാത്ത ഒരുപാട് വികാരങ്ങൾ തന്നാണ് സിനിമ അവസാനിക്കുന്നത്, താല്പര്യം ഉണ്ടെങ്കിൽ കാണാൻ ശ്രമിക്കുക.

Verdict : Very Good

DC Rating : 4/5 

1187. Escape From Mogadishu (2021)

Director : Ryoo Seung Wan

Cinematographer : Choi Yung Hwan

Genre : Action

Country : South Korea

Duration : 121 Minutes

🔸സൊമാലിയ എന്ന രാജ്യത്തെ ഇന്ന് നമ്മൾ മിക്കപ്പോഴും ദാരിദ്ര്യം എന്ന പശ്ചാത്തലത്തിലാണ് പരാമര്ശിക്കാറ്, ഈ ഒരു ആസ്പക്റ്റ് ശെരിയാണ് എങ്കിലും അതിലേക്ക് വഴിവെച്ച ആഭ്യന്തര കലഹവും കുടിപ്പകയും ഒന്നും മിക്കവർക്കും അത്ര അറിവുള്ള കാര്യമല്ല. തൊണ്ണൂറ്കളുടെ ആരംഭത്തിൽ അന്ന് നിലവിൽ ഉണ്ടായിരുന്ന ഭരണവർഗത്തിന് എതിരെ ഒരു വിരുദ്ധ സെന്റിമെൻസ് ഉടലെടുക്കുകയും അത് പിന്നീട് തെരുവുകളിൽ വരെ അരങ്ങേറിയ രക്ത ചൊരിചലിന് വഴി വെച്ചതും എല്ലാം ചരിത്രത്തിന്റെ ഭാഗമാണ്. ഈ ഒരു പശ്ചാത്തലമാണ് സിനിമ ഇവിടെ വിഷയം ആക്കിയിരിക്കുന്നതും, ചെറിയൊരു വ്യത്യാസം എന്താണെന്നാൽ ഇവിടെ പെർസ്പെക്റ്റീവ് വേറെ ആണ് എന്നതാണ്, കൊറിയൻ ഡിപ്ലോമാറ്റുകളുടെ വ്യൂവിലൂടെ ആണ് നമ്മൾ കാര്യങ്ങൾ കാണുന്നത്.

🔸സോമാലിയ ഇന്നീ കാണുന്ന പൂർണ ദരിദ്ര രാജ്യമായി മാറുന്നതിനു മുന്നേ മറ്റ് രാജ്യങ്ങളും മറ്റുമായി നയതന്ത്ര ബന്ധങ്ങളിൽ ഏർപ്പെട്ട, ഇന്റർനാഷണൽ സ്പോർട്സ് പ്ലേറ്റ്ഫോമുകളിൽ ഒക്കെ തങ്ങളുടെ സാന്നിധ്യം അറിയിച്ച ഒരു രാജ്യം തന്നെ ആയിരുന്നു, കിരാത ഭരണം ന്യായീകരണം അർഹിക്കുന്നില്ല എങ്കിൽ കൂടിയും. സോമാലിയയിലെ ഭരണ പ്രദേശത്തെ നോർത്ത്, സൗത്ത് കൊറിയൻ എമ്പസികളിലെ ഉദ്യോഗസ്ഥർ ആണ് നമ്മുടെ പ്രധാന കഥാപാത്രങ്ങൾ. സൊമാലിയ ആഭ്യന്തര കലഹ കാലഘട്ടത്തിലേക്ക് കാൽ എടുത്ത് വച്ചേ ഉള്ളൂ എങ്കിലും, കൊറിയൻ ജനതയ്ക്ക് അത് ജീവിതത്തിന്റെ ഭാഗം ആയിട്ട് പതിറ്റാണ്ടുകൾ കഴിഞ്ഞിരുന്നു. ഈ ഒരു വേർതിരിവും, പകയും, അകൽച്ചയും എല്ലാം ഈ കഥാപാത്രങ്ങൾക്ക് ഇടയിലും കാണാം.

🔸കഥയിലേക്ക് വരിക ആണെങ്കിൽ പൂർണമായും ഒരു യുദ്ധ ഭൂമി ആയി മാറിയ സോമാലിയയിൽ നിന്നും രക്ഷപ്പെടാൻ രണ്ട് രാജ്യങ്ങളിലെയും എംബസി അധികൃതരും, അവരുടെ കുടുംബങ്ങളും ശ്രമിക്കുന്നതും മറ്റുമൊക്കെയാണ് പ്ലോട്ട്. കെട്ടുറപ്പുള്ള അവതരണം ഒന്നും അല്ലെങ്കിലും നല്ല തോതിൽ തുടങ്ങിയും അവസാനിപ്പിച്ചും ഒരു തൃപ്തി ഒക്കെ സിനിമ തരുന്നുണ്ട്, പ്രത്യേകിച്ചും എൻഡിങ്. അവസാന ആക്റ്റിലെ ചേസ് സീൻ ഉൾപ്പെടെ ഉള്ള ആക്ഷൻ രംഗങ്ങൾ എല്ലാം നന്നായിരുന്നു, അവ സിനിമയ്ക്ക് തരുന്ന ഊർജ്ജം ചെറുതല്ല താനും. വീക്കെണ്ടിൽ ഒക്കെ കണ്ട് വിടാവുന്ന നല്ല എന്റെർറ്റെയ്നർ ആണ് എസ്‌കെപ്പ് ഫ്രം മോഗാദിശു, താല്പര്യം ഉണ്ടെങ്കിൽ കാണാൻ ശ്രമിക്കുക.

Verdict : Good

DC Rating : 3.75/5 

1186. Hi Mom (2021)

Director : Jia Ling

Cinematographer : Liu Yin

Genre : Drama

Country : China

Duration : 128 Minutes

🔸വളരെ ഇമ്പ്രസീവ് ആയ ഒരു നേട്ടം കരസ്തമാക്കിയ ചിത്രമാണ് ഈ വർഷം പുറത്തിറങ്ങിയ ഹായ് മോം എന്ന ചൈനീസ് കൊമെടി ഡ്രാമ ചിത്രം. അതായത് പ്രസ്തുത കാലയളവിൽ ഏറ്റവും കൂടുതൽ കളക്ഷൻ നേടിയ ചിത്രം, ഒരു സ്ത്രീ സംവിധായികയുടെ ഏറ്റവും വലിയ വിജയ ചിത്രങ്ങളിൽ ഒന്ന് എന്നീ നേട്ടങ്ങൾ കരസ്തമാക്കിയത് ചെറിയ കാര്യമല്ല.മൗത്ത് പബ്ലിസിറ്റി എന്നത് ഒരു വലിയ ഫാക്റ്റർ ആയതിന്റെ ഉത്തമ ഉദാഹരണം കൂടിയാണ് ചിത്രം, വളരെ ചെറിയ സ്പാർക്കിൽ തുടങ്ങി പിന്നീട് പടർന്ന് പന്തലിച്ച് ഒരു സെൻസെഷൻ ആയി മാറിയിട്ടുണ്ട് ചൈനയിൽ ഈ ചിത്രം. വിജയത്തിന്റെ കാര്യം അവിടെ നിക്കട്ടെ, അത് അർഹിക്കുന്ന നിലവാരം ചിത്രത്തിന് ഉണ്ടോ എന്നത് മറ്റൊരു ചോദ്യമാണ്, ഒരു എന്റെർറ്റെയ്നർ എന്ന നിലയ്ക്ക് ഓക്കേ ആണെങ്കിലും സ്പെഷ്യൽ ആയി സിനിമയിൽ ഒന്നും തന്നെ ഇല്ല എന്നതാണ് അനുഭവം.

🔸സംവിധായിക തന്നെ പ്രധാന കഥാപാത്രത്തെ അവതരിപ്പിക്കുന്ന ഈ ചിത്രം ആരംഭിക്കുന്നത് ഈ നൂറ്റാണ്ടിന്റെ ആദ്യത്തിലാണ്, ഭർത്താവിൽ നിന്നും മാറി ജീവിക്കുന്ന ലിയുടെ ഒരേയൊരു മകളാണ് നമ്മുടെ പ്രധാന കഥാപത്രമായ ജിയ. വളരെ ചെറുപ്പകാലം തൊട്ടേ പ്രശ്നക്കാരി ആയിരുന്നു ജിയ, പഠനത്തിലും മറ്റും വലിയ താല്പര്യം കാണിക്കാതിരുന്ന അവൾക്ക് ട്രാക്കിലും മറ്റുമൊക്കെ ആയിരുന്നു താല്പര്യം. ജിയയുടെ തന്നെ ഭാഷയിൽ പറയുക ആണെങ്കിൽ കാഴ്ചയിൽ പോലും വലിയ ഭംഗി തോന്നിക്കാത്ത അവൾ കാരണം അവളുടെ അമ്മയ്ക്ക് സങ്കടം ഒഴിഞ്ഞ നേരം ഉണ്ടായിരുന്നില്ല, അതും പോരെങ്കിൽ മറ്റുള്ളവരുടെ പരാതികളും പരിഹാസങ്ങളും എല്ലാം കൂടി ആയപ്പോൾ പൂർണം. അമ്മയെ സന്തോഷിപ്പിക്കാനായി ജിയ കാണിച്ച ചില പൊടികൈകൾ എട്ട് നിലയിൽ പൊട്ടുക കൂടി ആയപ്പോൾ എല്ലാം ഏറെക്കുറെ തീരുമാനം ആയി.

🔸ഇങ്ങനെ ഒക്കെ ആണെങ്കിലും തന്റെ മകൾ ഒരു പരാജയമാണ് എന്ന് അവർ ഒരിക്കലും കരുതിയിട്ടില്ല, ഈ ഒരു സ്റ്റോറി സ്ട്രക്ച്ചർ ഒന്നാകെ മാറുന്നത് ജിയയുടെ അമ്മ ഒരു അപകടത്തിൽ പെട്ട് അത്യസന്ന നിലയിൽ ആശുപത്രിയിൽ ആവുമ്പോഴാണ്. പിന്നീട് ഒട്ടും പ്രതീക്ഷിക്കാത്ത മട്ടിൽ സിനിമ ഒരു ടൈം ട്രാവൽ കൺസപ്റ്റിലേക്ക് മാറുകയാണ്, പിന്നീട് അരങ്ങേറുന്ന സംഭവങ്ങളാണ് ഹായ് മോമിൽ ഉള്ളത്. ചിരിക്കാനും കണ്ണ് നിറയ്ക്കാനും ഒക്കെയുള്ള മോമെന്റുകൾ സിനിമയിൽ ഉണ്ട്, നല്ല സൗണ്ട് ട്രാക്കും കളറിങ്ങും എല്ലാം മറ്റ് പോസിറ്റിവുകളിൽ ചിലതാണ്. എന്നാൽ ഒരു കെട്ടുറപ്പ് ഇല്ലായ്മ സിനിമയുടെ വലിയ പ്രശ്നമാണ്, പ്ലോട്ട് വൈസ് ആണെങ്കിൽ പോലും കഥ അവസാനിക്കുമ്പോൾ എന്തൊക്കെയോ ബാക്കി ഉള്ള പോലെ ഒരു ഫീലിംഗ് വന്നത് അത്ര ഗുണകരം അല്ല.

Verdict : Above Average

DC Rating : 3/5 

1185. Venom Let There Be Carnage (2021)

Director : Andy Serkis

Cinematographer : Robert Richardson

Genre : Superhero

Country : USA

Duration : 96 Minutes

🔸വെനം ആദ്യ ഭാഗം റിലീസ് ആയിട്ട് ഉദ്ദേശം മൂന്ന് വർഷങ്ങൾ കഴിഞ്ഞിരിക്കുന്നു, അന്ന് ടോം ഹാർഡിയും രണ്ട് ടൈറ്റിൽ കഥാപാത്രങ്ങളും തമ്മിലുള്ള കെമിസ്ട്രിയും ഒഴിച്ച് നിർത്തിയാൽ പ്രസ്തുത പടത്തിൽ കാര്യമായി ഇഷ്ട്ടപ്പെട്ട ഒന്നും തന്നെ ഉണ്ടായിരുന്നില്ല, വളരെ വീക് ആയ വില്ലൻ ആയിരുന്നു എടുത്ത് പറയേണ്ട മറ്റൊരു വസ്തുത. ഇന്ന് ഇപ്പോൾ രണ്ടാം ഭാഗത്ത് എത്തി നിൽക്കുമ്പോൾ സ്ഥിതി ഗതികളിൽ കാര്യമായ മാറ്റം വന്നതായി തോന്നുന്നില്ല, ഒന്നാം ഭാഗത്തേക്കാൾ ഇഷ്ട്ടപ്പെട്ടു എങ്കിൽ കൂടിയും പോരായ്മകൾ എല്ലാം അതേപടി നിൽക്കുന്നുണ്ട്, സംവിധായകൻ മാറി അനുഭവ പരിചയം ഉള്ളോരാൾ വന്നിട്ടുണ്ട് അത് അതേപടി തുടർന്നു എന്നത് നല്ലൊരു കാര്യം അല്ല.

🔸ആദ്യ ഭാഗത്തേതിന് വിരുദ്ധമായി എഡ്ഢി ബ്രോക്കും വെനവും ഒരു ശരീരത്തിൽ കോ എക്‌സിസ്റ്റ് ചെയ്യാൻ ഏറെക്കുറെ പഠിച്ച് കഴിഞ്ഞിരിക്കുന്നു. പരസ്പരം ചെറിയൊരു വാശി ഒക്കെ ഉണ്ടെങ്കിലും അതൊന്നും ദൈനംദിന ജീവിതത്തെ കാര്യമായി ബാധിക്കുന്നില്ല. ഇതിനിടയിലേക്ക് ആണ് ക്ളീറ്റസ് കാസിടി എന്ന കഥാപാത്രം കടന്ന് വരുന്നത്, ആളൊരു ഒന്നാംതരം സൈക്കൊ ആണ്. സീരിയൽ കില്ലർ ആയ കാസിടി ഒട്ടനവധി കൊലപാതകങ്ങൾ ഒക്കെ നടത്തിയിട്ടുണ്ട് എങ്കിലും പോലീസിന് അതിന്റെ പൂർണമായ ഒരു ചിത്രം ഇതുവരെ ലഭിച്ചിട്ടില്ല, ഇവിടെയാണ്‌ എഡ്ഢി ബ്രോക്ക് ഒരു ഫാക്റ്റർ ആയി വരുന്നത്. തുടർന്ന് രണ്ട് കഥാപാത്രങ്ങൾക്കും ഇടയിലെ കോൺഫ്ളിക്റ്റും കാർനെജിന്റെ ഉദയവും എല്ലാം കൂടി ഒന്നര മണിക്കൂർ അങ്ങ് ശടപടെന്ന് പോവും.

🔸ലെങ്ത് തന്നെയാണ് സിനിമയുടെ ഏറ്റവും വലിയ പോസിറ്റീവ്, അത് കാരണം തന്നെ മുഷിപ്പ് എവിടെയുമില്ല, ഭാവി ഭാഗങ്ങൾക്കും മറ്റുമൊക്കെ വേണ്ടിയുള്ള ചില പൊടികൈകൾ ചിത്രം പലയിടത്തും നിക്ഷേപിച്ചിട്ടുണ്ട്, അതിൽ തന്നെ ക്രെഡിറ്റ് സീൻ ഉൾപ്പെടെ ഉള്ളവ വളരെ ഇന്ട്രെസ്റ്റിങ്ങും ആണ്. കാർനെജ് എന്ന കഥാപാത്രം കോമിക്സിൽ വളരെ ശക്തനായ ഒന്നാണെന്ന് വായിച്ച് അറിവുള്ളവർക്ക് ഒരു ധാരണ ഉണ്ടാവും, എന്നാൽ അതിന്റെ ഒരു വാട്ടർഡ് ഡൗൺ വേർഷൻ മാത്രമാണ് ചിത്രം. ഒരു മിക്കി മല്ലോറി ശൈലി ഒക്കെ ഉദ്ദേശിച്ചിരുന്നു എങ്കിലും വുടി ഹാരത്സനിന് അതിനും മാത്രമുള്ള മെട്ടീരിയൽ ഇല്ലായിരുന്നു.

Verdict : Watchable

DC Rating : 2.5/5

1184. Flee (2021)

Director : Jonas Poher

Writer : Jonas Poher

Genre : Animation

Country : Denmark

Duration : 88 Minutes

🔸ഈ വർഷം ഇറങ്ങിയ സിനിമാ സംരംഭങ്ങളിൽ ഏറ്റവും ഇഷ്ട്ടപ്പെട്ട ചിത്രങ്ങളിൽ ഒന്നാണ് ഫ്ളീ, ഈ ഒരു വസ്തുത യാതൊരു തർക്കമോ സംശയമോ ഇല്ലാതെ ആദ്യമേ പറഞ്ഞിടാം. ഒരു അനിമേഷൻ ഫോർമാറ്റിൽ ആണ് സിനിമ അവതരിപ്പിച്ചിരിക്കുന്നത് എങ്കിലും റിയൽ ലൈഫ് ഫുട്ടേജ് കൂടി ഉൾപ്പെടുത്തിയിട്ടുള്ളതിനാൽ ഒരു ഡോക്യൂമെന്ററിയുടെ ശൈലിയും സ്വഭാവവും എല്ലാം നമുക്ക് ഇവിടെ കാണാൻ കഴിയും. അമീൻ നവാബി എന്ന വ്യക്തിയുടെ കഥയാണ് ചിത്രം എങ്കിലും ഇത് ലോകത്താകമാനം ഉള്ള അഭയാർത്ഥികളുടെ കൂടി കഥയാണ്, അഫ്‌ഘാൻ എന്ന രാജ്യത്തിന്റെയും പലായനത്തിന്റെയും എല്ലാം കഥയാണ്. ഈ കാരണങ്ങൾ കൂടി ചേരുമ്പോൾ ഡോക് ശൈലിയിൽ ഒരു യൂണിവേഴ്സൽ സബ്ജക്ട്ട് കൂടിയായി മാറുന്നുണ്ട് ഫ്ളീ.

🔸മജാഹിദീൻ ഭരണം പിടിച്ചെടുത്ത എഴുപതുകളിലെ അഫ്‌ഘാനിൽ ആണ് നമ്മുടെ കഥ ആരംഭിക്കുന്നത്. അച്ഛനും അമ്മയും രണ്ട് വീതം സഹോദരിമാരും സഹോദരന്മാരും എല്ലാമുള്ള, സാമ്പത്തികമായി ബേധപ്പെട്ട ഒരു കുടുംബത്തിലാണ് അമീൻ ജനിച്ചത്. ഇങ്ങനെ ഒക്കെ ആയിരുന്നെങ്കിലും പിന്നീടുണ്ടായ രാഷ്ട്രീയ സാഹചര്യത്തിലെ വലിയ മാറ്റങ്ങൾ ആ കുടുംബത്തെ കീറി മുറിക്കുകയാണ്, രാജ്യദ്രോഹി എന്ന് മുദ്ര കുത്തപ്പെട്ട് വീട്ടിൽ നിന്നും പോലീസുകാർ കൊണ്ടുപോയ അമീനിന്റെ അച്ഛൻ പിന്നീട് ഒരിക്കലും മടങ്ങി വന്ന് പോലുമില്ല, എന്തിന് ഒരു വിവരം പോലും അയാളെ സംബന്ധിച്ച് പിന്നീട് അറിയാൻ കഴിഞ്ഞില്ല. പിന്നീട് അങ്ങോട്ട് അഭയാർത്ഥികൾ ആവേണ്ടി വരുന്ന ഈ കഥാപാത്രങ്ങൾ നേരിടേണ്ടി വരുന്ന ഭീകരമായ മാനസിക സംഘർഷങ്ങളാണ്.

🔸ഇതിനോടൊപ്പം തന്നെ ഗേ ആയ അമീൻ നേരിടുന്ന മാനസിക പ്രശ്നങ്ങളും സംശയങ്ങളും എല്ലാം ചിത്രം വിഷയമാക്കുന്നുണ്ട്. വളരെ ഹാർട്ട് വാമിങ് ആയ ഒരു ചിത്രമാണ് ഫ്ളീ, അരങ്ങേറുന്ന സംഭവങ്ങൾ പലതും ട്രാജിക് ആണെങ്കിലും അവയെ എല്ലാം അതിജീവിക്കാനുള്ള ആർജവം നമ്മളിൽ ഉണ്ട് എന്ന ചിത്രം തരുന്ന ആ പോസിറ്റീവ് തോട്ട് മനോഹരം ആയിരുന്നു, പ്രത്യേകിച്ചും ലാസ്റ്റ് ആക്റ്റിൽ. ഒരിടവേളയ്ക്ക് ശേഷം വൈകാരികമായി മനസിനെ വല്ലാതെ സ്പർശിച്ച ചിത്രം കൂടിയാണ് ഫ്ളീ, അമീനിന്റെ അമ്മയും സഹോദരന്മാരും അവരുടെ എപിക് എന്നൊക്കെയുള്ള വിശേഷണം അർഹിക്കുന്ന യാത്രയും എല്ലാം പ്രത്യേക പരാമർശം അർഹിക്കുന്നുണ്ട്, അപ്പോൾ കാണാൻ ശ്രമിക്കുക.

Verdict : Must Watch

DC Rating : 4.5/5 

1183. Friend (2001)

Director : Kwak Kyung Taek

Cinematographer : Hwang Ki Suk

Genre : Drama

Country : South Korea

Duration : 118 Minutes

🔸ഫരണ്ട് എന്ന കൊറിയൻ ഡ്രാമ ചിത്രം അതിന്റെ കോറിൽ നാല് സുഹൃത്തുക്കളുടെ കഥയാണ്, അതായത് എഴുപതുകളുടെ പകുതിയിൽ തുടങ്ങി തൊണ്ണൂറുകളിൽ ഈ കഥാപാത്രങ്ങൾ യൗവനവും കടന്ന് പോവുന്ന കാലം വരെയുള്ള രണ്ട് പതിറ്റാണ്ടുകൾ ആണ് ചിത്രം വിഷയമാക്കുന്നത്. വളരെ വ്യത്യസ്തമായ ചുറ്റുപാടുകളിൽ നിന്നും വന്ന കഥാപാത്രങ്ങൾ ആയതിനാലും അവർ കൈക്കൊള്ളുന്ന ചില തീരുമാനങ്ങൾ കൊണ്ടായാലും എല്ലാം ഒരു രീതിയിൽ അല്ലെങ്കിൽ മറ്റൊരു രീതിയിൽ ഇവർക്കിടയിൽ ചില കോൺഫ്ളിക്ട്ടുകൾ രൂപപ്പെടുന്നതും, അത് അവർക്കിടയിലെ സൗഹൃദത്തിന് വെല്ലുവിളി ആവുന്നതും എല്ലാം സിനിമ മനോഹരമായി കാണിക്കുന്നുണ്ട്.

🔸നാല് കഥാപാത്രങ്ങളുടെയും ബാല്യ കാലത്താണ് സിനിമ ആരംഭിക്കുന്നത്, ഏത് കുട്ടികളെയും പോലെ തന്നെ രസിച്ച് ഉല്ലസിച്ച് നാട് നീളെ അലഞ്ഞ് തിരിഞ്ഞ് പരസ്പരം മത്സരിച്ചും മറ്റുമൊക്കെയാണ് ഈ കഥാപാത്രങ്ങളും തങ്ങളുടെ സമയം കളയുന്നത്. കൊറിയയിലെ അത്യാവശ്യം പേര് കേട്ട ഒരു ഗ്യാങ്സ്റ്ററിന്റെ മകനാണ് ഇവരിൽ ഒരാൾ, ഈ ഒരു ആസ്പെക്റ്റ് രണ്ടാം പകുതിയിൽ ചിത്രത്തിന് മേൽ വലിയ സ്വാധീനം ചെലുത്തുന്നുണ്ട്. ഈ പോയിന്റിൽ തുടങ്ങി കഥ പിന്നീട് ഇവരുടെ കോളേജ് ലൈഫിലേക്കും അതിന് ശേഷം മുതിർന്ന ജീവിത കാലയളവിലേക്കും എല്ലാം കടന്ന് പോവുന്നുണ്ട്. ഈ നാല് സുഹൃത്തുക്കളുടെയും ജീവിതത്തിൽ കാലം കൊണ്ടുവരുന്ന മാറ്റങ്ങളും, അതിനോട് അവരുടെ പ്രതികരണവും എല്ലാം സിനിമ നല്ല തോതിൽ കാണിക്കുന്നുണ്ട്.

🔸ഈ സിനിമയുടെ പ്രശ്നങ്ങളിൽ ഒന്നായി അനുഭവപ്പെട്ടത് നാല് സുഹൃത്തുക്കൾ ഉണ്ടെങ്കിലും രണ്ടാം പകുതിയിൽ ഫോക്കസ് ഏറെക്കുറെ പൂർണമായി രണ്ട് പേരിൽ ഒതുങ്ങുന്നു എന്നതാണ്, അത് മോശമായി എന്ന് നിലവാരം കൊണ്ട് പറയാനാവില്ല എങ്കിലും ഒരു തൃപ്തിക്കുറവ് അനുഭവപ്പെട്ടു. വളരെ വൈകാരികമായ ഒന്നാണ് ചിത്രത്തിന്റെ അവസാന ഇരുപത് മിനിറ്റ്, കളി ചിരിയുമായി തുടങ്ങിയ ബാല്യ കാല പോർഷനെ ഈ ഒരു പാർട്ട് മനോഹരമായി കോണ്ട്രദിക്റ്റ് ചെയ്യുന്നതായി തോന്നി. ചെറുപ്പ കാലം ആണ് കൂടുതൽ മനോഹരം എന്ന പൊതു വിശ്വാസത്തെ ഇവിടെ കൂടുതൽ അരക്കിട്ട് ഉറപ്പിക്കുകയാണ്, ഒരു പരിധി വരെ അതാണ് ഫ്രണ്ടിന്റെ പ്രധാന പ്ലോട്ട് പോയിന്റും.

Verdict : Good

DC Rating : 3.75/5 

1182. House Of Secrets - The Burari Deaths (2021)

Creator : Leena Yadav

Director : Anubhav Chopra

Genre : Documentary

Seasons : 01

Episodes : 03

Duration : 44 - 46 Minutes

🔸ഇന്ത്യയിലെ ഏറ്റവും തിരക്കേറിയ, ജനങ്ങൾ തിങ്ങി പാർക്കുന്ന മെട്രോ നഗരമായ ഡൽഹി ആണ് നമ്മുടെ കഥാ പശ്ചാത്തലം. ഇവിടെ ഒരു കുടുംബത്തിലെ പതിനൊന്ന് പേർ, വളരെ വിചിത്രമായ സാഹചര്യത്തിൽ ആത്മഹത്യ ചെയ്ത സംഭവം നമ്മളിൽ ചിലർ എങ്കിലും കേട്ടിട്ടുണ്ടാവും, ഉദ്ദേശം മൂന്ന് വർഷങ്ങൾക്ക് മുൻപ്. ബുരാരി മാസ്സ് സൂയിസൈഡ്സ് എന്ന പേരിൽ കുപ്രസിദ്ധി ആർജിച്ച ഈ സംഭവത്തിന്റെ ഡോക്യുമെന്ററി രൂപേണ ഉള്ള അവതരണമാണ് ഹൌസ് ഓഫ് സീക്രട്ട്സ് എന്ന മൂന്ന് പാർട്ട് നെറ്റ്‌ഫ്ലിക്സ് സീരീസ്. ഡോണ്ട് ഫക്ക് വിത്ത് കാറ്റ്സ് ഒക്കെ പോലെ, മറ്റൊരു മികച്ച റിയൽ ലൈഫ് ഇൻസിഡന്റ് ബെസ്ഡ് ഡോക് ആയി മാറ്റാൻ ഈ സീരീസിന്റെ അണിയരപ്രവർത്തകർക്ക് കഴിഞ്ഞിട്ടുണ്ട്, അത്യാവശ്യം അൺസെറ്റ്‌ലിംഗ് ആണ് സീരീസ്, യഥാർത്ഥ ഫുട്ടേജുകൾ ഉൾപ്പെടെ ഉള്ളവർ ഇതിനായി ഉപയോഗപ്പെടുത്തിയിട്ടുണ്ട്.

🔸സീരീസിന്റെ നിലവാരം സംബന്ധിച്ച വിഷയങ്ങളിലേക്ക് കടക്കുന്നതിന് മുന്നേ സംഭവങ്ങളെ പറ്റി ലളിതമായി പറഞ്ഞിടാം. ഹര്യാനയിൽ നിന്നും വർഷങ്ങൾക്ക് മുന്നേ താമസം മാറി വന്ന കുടുംബമാണ് ബുരാരികളുടേത്, പിന്നീട് കടയും കച്ചവടവും ഒക്കെയായി ഡൽഹിയുടെ പ്രാന്ത പ്രദേശങ്ങളിൽ അവർ ഒരു സ്ഥിര സാന്നിധ്യമായി മാറി. അയല്പക്കക്കാരും മറ്റും ഒക്കെയായി നല്ല രീതിയിൽ ഒത്തു ചേർന്ന് പോയ അവരെ പറ്റി അവിടുള്ള ആർക്കും തന്നെ മോശമായി ഒന്നും പറയാൻ ഉണ്ടായിരുന്നില്ല. ഡോക്യുമെന്ററിയിൽ പറയുന്നത് പോലെ ആ പ്രദേശത്തുള്ള മറ്റുള്ളവരെ സ്വന്തം കുടുംബം പോലെ കണ്ടിരുന്നവരാണ് എൻപത് വയസുകാരി ആയ നാരായണിയും അവരുടെ രണ്ട് തലമുറകളും.

🔸ഇങ്ങനെ ഒക്കെ ആയിരുന്നിട്ടും ഒരു രാത്രി ഇരുട്ടി പുലർന്നപ്പോൾ ആ പരിസര വാസികൾ കണ്ടത് കയ്യും കണ്ണും ഒക്കെ കെട്ടിയ രൂപത്തിൽ ഒന്നൊഴിയാതെ ഈ കുടുംബത്തിലെ എല്ലാവരും കയറിൽ ശവ ശരീരങ്ങളായി കിടക്കുന്നതാണ്, ഒരു ആൽമരവും അതിന്റെ ശാഖകളും ഒക്കെ പോലെ വളരെ ഭീതിതമായ കാഴ്ച. ഈ സംഭവത്തിന്റെ മൂല കാരണങ്ങൾ ഒക്കെ തേടിയുള്ള യാത്രയാണ് തുടർന്നുള്ള സീരീസിന്റെ പ്രസക്തം ഭാഗങ്ങൾ. മുന്നേ പറഞ്ഞത് പോലെ തന്നെ അത്യാവശ്യം അൻസെറ്റ്‌ലിംഗ് ആണ് സീരീസ്, കണ്ട് കഴിഞ്ഞാലും ചില ഭാഗങ്ങൾ ഒരുപാട് സമയം നമ്മളെ വിടാതെ പിന്തുടരും, തീർച്ചയായും കാണാൻ ശ്രമിക്കുക.

Verdict : Very Good

DC Rating : 4.25/5 

1181. Squid Game (2021)

Director : Hwang Dong Hyuk

Writer : Hwang Dong Hyuk

Genre : Thriller

Seasons : 01

Episodes : 09

Duration : 32 - 63 Minutes

🔸സ‌ക്വിഡ് ഗെയിം എന്ന സീരീസ് ഏറെക്കുറെ ഒരു ഗ്ലോബൽ സെൻസെഷൻ ആയി മാറി കഴിഞ്ഞിട്ടുണ്ട്, ഇതിനോടകം തന്നെ. സ്ട്രീമിങ് സൈറ്റ് ആയ നെറ്റ്‌ഫ്ലിക്സിൽ കണ്ട ആളുകളുടെ കണക്ക് തൊട്ട് ഡേയ്ലി ലൈഫിൽ ഉള്ള പരാമർശങ്ങൾ വരെ ഈ ഒൻപത് എപ്പിസോഡ് സർവയിവൽ ഡ്രാമ ഇതിനോടകം കരസ്തമാക്കിയ നേട്ടങ്ങൾക്ക് കയ്യും കണക്കും ഇല്ല. ഈ ഒരു സ്വീകാര്യതയ്ക്ക് ഉള്ളത് പ്രസ്തുത സീരീസിൽ ഉണ്ടോ എന്നാണ് ചോദ്യം എങ്കിൽ, ഒരു എന്റെർറ്റെയിനിങ് വാച്ചിന് പറ്റിയ സീരീസാണ് എന്ന് മാത്രം പറഞ്ഞ് നിർത്തേണ്ടി വരും, കാരണം ഇതിലും മികച്ച കണ്ടന്റ് ഉള്ള കെ ഡ്രാമകൾ തന്നെ ഒരുപാട് ഉണ്ട്, പക്ഷെ ഒരിടത്തും മുഷിപ്പിക്കാത്ത ഒറ്റ ഫ്ലോയിൽ കഥ പറഞ്ഞ് പോവുന്ന, വലിയ സ്‌റ്റെയ്‌ക്സ് കഥയിൽ ഉള്ള പ്രസ്തുത സീരീസിന് ആരാധകർ കൂടിയതിൽ അത്ഭുതം ഏതും ഇല്ല.

🔸ഒരു ഗെയിമിംഗ് കൺസപ്റ്റ് ആണ് സീരീസിന്റേത്, അതായത് കൊറിയയിലെ പല ഭാഗങ്ങളിൽ നിന്നുമുള്ള നാനൂറ്റി അമ്പത്തി ആറ് ആളുകൾ ഒരു മത്സരത്തിൽ പങ്കെടുക്കാൻ തയാറായി വരികയാണ്, അല്ലെങ്കിൽ സമ്മതം പ്രകടിപ്പിക്കുകയാണ്. കേൾക്കുമ്പോൾ കൗതുകം തോന്നുന്ന ലളിതമായ കൺസപ്റ്റ് ഉൾപ്പെട്ട ഒരു മത്സര ഘടന ആണെങ്കിലും അവസാനത്തെ വിജയിക്ക് ലഭിക്കുന്ന സമ്മാന തുക ഉദ്ദേശം നാല്പത്തി അഞ്ച് ബില്ല്യൺ കൊറിയൻ വോൺ ആണ്. പിന്നേ എടുത്ത് പറയേണ്ട മറ്റൊരു വസ്തുത എന്താണെന്നാൽ ഈ പരിപാടിയിൽ പങ്കെടുക്കുന്നവർ എല്ലാം തന്നെ വലിയ കടവും കടബാധ്യതയും ഒക്കെയായി ജീവിതം ത്രിശങ്കുവിൽ അകപ്പെട്ട അവസ്ഥയിൽ ഉള്ളവരും കൂടിയാണ്.

🔸എന്തായാലും മത്സര പരിപാടികൾ ആരംഭിക്കുകയാണ്, ആറ് റൗണ്ടുകളാണ് ആകെ ഉള്ളത്, എല്ലാത്തിനും നമ്മളെല്ലാം ചെറുപ്പത്തിൽ കളിച്ച കളികളുടെ ഫോർമാറ്റുമായി ചെറുതല്ലാത്ത സാമ്യവും, ഒരു വ്യത്യാസം ഒഴിച്ച്. ഒരു മത്സരം ആവുമ്പോ ഒന്നുകിൽ ജയിക്കാം അല്ലെങ്കിൽ തോൽക്കാം എന്നാണ് പൊതുവെ, പക്ഷെ ഇവിടെ ഒന്നുകിൽ ജയിക്കാം അല്ലെങ്കിൽ മരിക്കാം എന്നതാണ് ലൈൻ. തുടർന്ന് അങ്ങോട്ട് ആ മത്സര സ്ഥലം ഒരു കൊലക്കളം ആയി മാറുകയാണ്, അതിജീവനം എന്നത് ഒരാളുടെ മാത്രം യാഥാർഥ്യം ആയി ചുരുങ്ങുന്നു. ഇന്ട്രെസ്റ്റിങ് ആയ കൺസപ്റ്റിന്റെ മോശം അല്ലാത്ത അവതരണം കൂടിയാണ് ഈ സീരീസ്, ബിഞ്ച് വാച്ചിന് ഒക്കെ പറ്റിയ ഒരു ഐറ്റം, സ്വാഭാവികമായും ഒരു സീസൺ ടു ഉണ്ടാവും, അതിൽ നിൽക്കാനും സാധ്യതയില്ല.

Verdict : Good

DC Rating : 3.5/5 

1180. The Exam (2011)

Director : Peter Bergendy

Cinematographer : Zsolt Toth

Genre : Drama

Country : Hungary

Duration : 88 Minutes

🔸ഈ നാൽപതുകൾ തൊട്ട് എഴുപതുകൾ വരെയുള്ള കാലയളവിൽ സെറ്റ് ചെയ്യപ്പെട്ട് പുറത്തിറങ്ങിയ സിനിമകൾക്ക് ഒരു പ്രത്യേക ഭംഗി ഉണ്ട്. അതിപ്പോ ആ കാലഘട്ടത്തിലെ രഹസ്യ സ്വഭാവം കൊണ്ടാണോ അതോ ഒരു അപ്പോകാലിപ്റ്റൻ ഫീൽ തരുന്നത് കൊണ്ടാണോ എന്നത് വ്യക്തമല്ല. ഈ ഒരു ഭംഗി ഒരു തവണ കൂടി പകർന്നു തരുന്നുണ്ട് എ വിഴുഗ അഥവാ ദി എക്സാം എന്ന ഹങ്കേറിയൻ ഡ്രാമ ത്രില്ലർ ചിത്രം. അത്യാവശ്യം പബ്ലിക് ഫണ്ടിങ് ഒക്കെ ഉപയോഗിച്ചാണ് സംവിധായകൻ ഈ സിനിമ പൂർത്തിയാക്കിയിരിക്കുന്നത്, എന്നാൽ ഒരു ലിമിറ്റഡ് ബഡ്ജറ്റിന്റെയോ റിസോർസ്സിന്റെയോ പ്രശ്നങ്ങൾ ഒന്നും തന്നെ കാണാൻ കഴിഞ്ഞില്ല എന്നത് എടുത്ത് പറയേണ്ട വസ്തുത തന്നെയാണ്.

🔸ആയിരത്തി തൊള്ളായിരത്തി അമ്പത്തി എഴിലെ ക്രിസ്തുമസ് ദിവസമാണ് കഥ ആരംഭിക്കുന്നത്. ഹങ്കറി എന്ന രാജ്യത്തെ സംബന്ധിച്ചും അവിടുത്തെ രാഷ്ട്രീയ സാംസ്‌കാരിക പരിതസ്തിതിയെ സംബന്ധിച്ചും എല്ലാം ഒരുപാട് മാറ്റങ്ങൾ ഉണ്ടായ ഒരു കാലഘട്ടമാണ് അമ്പതുകൾ എന്ന് പറയാം. പുതുതായി ഭരണം പിടിച്ചെടുത്ത പ്രധാന മന്ത്രിയെ സംബന്ധിച്ചിടത്തോളം ഭരണവും ഭരണ സിരാ കേന്ദ്രങ്ങളും എല്ലാം തന്റെ വരുതിയിൽ കൊണ്ടുവരിക എന്നത് ഏറെക്കുറെ ഹിമാലയൻ ടാസ്ക് ആയിരുന്നു എന്ന് തന്നെ പറയാം. ഇതിനായി ടിയാൻ ആദ്യം ഇറങ്ങി തിരിച്ചത് രാജ്യത്തിന്റെ കീഴിലുള്ള രഹസ്യന്വേഷണ വിഭാഗം പൂർണമായും തന്റെ ചൊല്പടിയിലാണ് എന്ന് ഉറപ്പ് വരുത്താൻ ശ്രമിക്കുക ആയിരുന്നു, ഇതാണ് നമ്മുടെ കഥ അരങ്ങേറുന്ന പശ്ചാത്തലത്തിന്റെ ഒരു ബാക്ക്ഗ്രൗണ്ട് എന്ന് പറയാം.

🔸ഈ ഭരണത്തിന്റെ കീഴിലുള്ള ഒരു ചാരനാണ് നമ്മുടെ പ്രധാന കഥാപാത്രം, ഒരു ഭാഷാ ഇൻസ്‌ട്രക്റ്റർ ആയി ജോലി ചെയ്യുകയാണ് ടിയാൻ. ഈ വ്യക്തി പൂർണമായും അൺ കറപ്റ്റഡ് ആണ് എന്ന് അറിയാനായി അയാളെ നിരീക്ഷിക്കുക എന്ന ഉദ്ദേശത്തിൽ ടിയാന്റെ ഒരു മേലധികാരി കഥയിലേക്ക് കടന്ന് വരികയാണ്, ഇരുവർക്കും ഇടയിൽ വളരെ ആഴത്തിൽ ഉള്ള ഒരു ആത്മബന്ധം കൂടി ഉണ്ടെന്ന് പറയാം. പിന്നീട് അരങ്ങേറുന്നത് ഒരു തരം ചെസ്സ് ഗെയിം ആണ്, കഥാപാത്രങ്ങളുടെ അലീജിയൻസും എക്‌സൈസ്റ്റൻസും എല്ലാം ചോദ്യം ചെയ്യപ്പെടുന്ന വളരെ നീറ്റ് ആയ തോതിൽ പുരോഗമിക്കുന്ന ഒന്നര മണിക്കൂർ സമയം. ഇതാണ് ചിത്രം, ഇത്ര മാത്രമേ പ്രതീക്ഷിക്കേണ്ട കാര്യവുമുള്ളൂ, അപ്പൊ താല്പര്യം ഉണ്ടെങ്കിൽ കാണാൻ ശ്രമിക്കുക.

Verdict : Good

DC Rating : 3.5/5 

1179. Injustice (2021)

Director : Matt Peters

Writer : Ernie Altbacker

Genre : Animation

Country : USA

Duration : 78 Minutes

🔸ഇഞ്ജസ്റ്റിസ് എന്ന ഡീസിയുടെ ഗെയിം കളിച്ചത് ഉദ്ദേശം അഞ്ച് അല്ലെങ്കിൽ ആറ് വർഷങ്ങൾക്ക് മുന്നെയാണ്, മികച്ച രീതിയിലുള്ള വിഷ്വൽസും അക്ഷനും കോമ്പാറ്റും ഒക്കെ ഉണ്ടായിരുന്ന ആ ഗെയിം അന്ന് തന്നെ ഇഷ്ടം പിടിച്ച് വാങ്ങിയിരുന്നു. എന്നാൽ ആക്ഷൻ ഒരിയന്റഡ് ഗെയിം പ്ലെ അല്ലാതെ ശ്രദ്ധ കരസ്തമാക്കിയ വേറൊരു ആസ്പെക്റ്റ് കൂടി ഉണ്ടായിരുന്നു പ്രസ്തുത ഗെയിമിൽ, വേറൊന്നുമല്ല കഥ തന്നെ. വളരെ വൈൽഡ് ആയ അതേസമയം ഡാർക്ക് ആയ ഒരു ത്രെഡ് ആണ് ഇഞ്ജസ്റ്റിസിന്റെ ബേസിക് പ്ലോട്ട്, അതിലേക്ക് കടക്കാം. നിയമവും, നോർമൽ ലൈഫും എല്ലാം അതേപടി നിലനിർത്തുന്ന ജസ്റ്റിസ് ലീഗ് തങ്ങളുടെ ഉദ്യമം ഭംഗിയായി നടത്തി പോരുന്ന ഒരു യൂണിവേഴ്സിൽ തന്നെയാണ് കഥ ആരംഭിക്കുന്നത്.

🔸എന്നാൽ ഒരുനാൾ ജോക്കർ ഗോതം സിറ്റിയിലേക്ക് മടങ്ങി വരികയാണ്, സ്വാഭാവികമായും ആ വരവ് വെറുതെ ആവില്ല എന്ന് ആർക്കും ഊഹിക്കാം. ജോക്കറിന്റെ ഭാഷയിൽ പറഞ്ഞാൽ അയാളുടെ ഏറ്റവും അപകടകരമായ അവസാനത്തെ കളി ഇവിടെ ആരംഭിക്കുകയാണ്. മാനസികമായും ശാരീരികമായും ബാറ്റ്മാനെ തകർക്കാൻ കഴിയില്ല എന്ന ഉത്തമ ബോധ്യം ഉള്ള ജോക്കർ ഇത്തവണ തന്റെ കളിയിൽ കരു ആയി ഉപയോഗിക്കുന്നത് സൂപ്പർമാനെ ആണ്. അളവില്ലാത്ത ശക്തി ആണെങ്കിലും അത് ഉപയോഗിക്കുന്ന മൈൻഡ് കറപ്റ്റഡ് ആയി പോയാൽ അതിനോളം അപകടം വേറൊന്നും ഇല്ല എന്ന് തന്നെ പറയാം, അത് തന്നെയാണ് ഇവിടെ സൂപ്പർമാന്റെ കാര്യത്തിൽ സംഭവിക്കുന്നതും.

🔸ഒരു മോറലി റൈറ്റ് സൂപ്പർഹീറോയിൽ നിന്നും തനിക്കെതിരെ ഉയരുന്ന ശബ്ദത്തെ തൽക്ഷണം അടിച്ചമർത്തുന്ന ഏകാധിപതി ആയി സൂപ്പർമാൻ മാറുമ്പോൾ ഭീകരമായ ആഫ്റ്റർ ഇഫ്ഫക്ട്ടുകളാണ് ഉണ്ടാവുന്നത്, തുടർന്ന് സ്വഭാവികമായി ഒരു ചെറുത്തുനിൽപ്പ് ഉണ്ടാവുന്നതും മറ്റുമൊക്കെയാണ് കഥ. വളരെ ഡാർക്ക് ആയ ഈ പ്ലോട്ട് താല്പര്യം നേടിയെടുത്തു എങ്കിലും തൃപ്തികരമായ ഒരു എൻഡിങ് അല്ലെങ്കിൽ രണ്ടാം പകുതി ഒന്നും ചിത്രം നൽകുന്നില്ല, ഒരുപാട് ഉത്തരങ്ങൾ ബാക്കി വെക്കുന്നുമുണ്ട്. ഒന്നെകാൽ മണിക്കൂർ മാത്രം ദൈർഘ്യം ഉള്ളത് കൊണ്ടാവണം വളരെ റഷ്ഡ് ആയ ഫീൽ കൂടി ചിത്രം തരുന്നുണ്ട്, ഇഞ്ജസ്റ്റിസ് എന്ന ഈ സിനിമയുടെ ബേസിക് പ്ലോട്ട് ഉപയോഗിച്ച് ഒരു ലൈവ് ആക്ഷൻ സിനിമ വന്നാൽ നന്നായിരിക്കും എന്ന് കൂടി തോന്നി, ചിത്രം കണ്ട് കഴിഞ്ഞ വേളയിൽ.

Verdict : Watchable

DC Rating : 2.5/5