871. Train To Busan 2 - Peninsula (2020)

Director : Yeon Sang-ho

Genre : Thriller

Rating : 6/10

Country : South Korea

Duration : 116 Minutes

🔸ടരെയിൻ റ്റു ബുസാൻ പോലെ നമ്മുടെ നാട്ടിൽ പ്രചാരം നേടിയ അധികം വിദേശ ഭാഷാ സിനിമകൾ ഇല്ല, പ്രസ്തുത ചിത്രത്തേക്കാൾ മികച്ച, നിലവാരം പുലർത്തിയ സിനിമകൾ കൊറിയയിൽ നിന്ന് തന്നെ വന്നിട്ടുണ്ട് എങ്കിലും ആളുകളുടെ ശ്രദ്ധ പിടിച്ചെടുക്കുന്ന അല്ലെങ്കിൽ എന്റർറ്റെയിൻ ചെയ്യാൻ കഴിവുള്ള ഒരു എക്സ് ഫാക്റ്റർ ആ ചിത്രത്തിനുണ്ട് എന്ന് തോന്നിയിട്ടുണ്ട്. നല്ല കഥ, അഭിനേതാക്കൾ, ഇമോഷണൽ ഗട് പഞ്ച് തുടങ്ങി ഒരുപാട് ഘടകങ്ങൾ കാണിക്കാനാവും, ഈ ഒരു കാരണം കൊണ്ട് തന്നെയാണ് രണ്ടാം ഭാഗ ചിത്രം ഈ വർഷത്തെ മോസ്റ്റ് എവെയ്റ്റഡ് സിനിമകളിൽ ഒന്നായി മാറിയതും. തിയേറ്ററിൽ കാണാനാവും എന്നൊരു പ്രതീക്ഷ ഉണ്ടായിരുന്നെങ്കിലും കൊറോണയ്ക്ക് മറ്റ് പ്ലാനുകൾ ആയിരുന്നു.

🔸ആദ്യ ചിത്രത്തിൽ സോംബി ഔട്ട്‍ബ്രെയ്ക്കിന് ഒരു സർപ്രൈസ് ഫാക്റ്റർ ഉണ്ടായിരുന്നു, അതായത് കഥാപാത്രങ്ങൾക്ക് ഇതിനെ എങ്ങിനെ നേരിടണം എന്നോ ഇനി എന്ത് എന്നോ വലിയ പിടി ഒന്നും ഉണ്ടായിരുന്നില്ല, ആ ഒരു കാരണം കൊണ്ട് തന്നെ കുറച്ച് കൂടി ഭീകരം ആയിരുന്നു കാര്യങ്ങളുടെ ഒരു കിടപ്പ് വശം. ഈ രണ്ടാം ഭാഗത്ത് കഥ എത്തുമ്പോൾ ആളുകൾ കുറച്ച് കൂടി ഇതിനോട് പൊരുത്തപ്പെട്ടിട്ടുണ്ട്, ഏത് രീതിയിലും അതിജീവിക്കുക എന്നതൊക്കെ അവരുടെ ജീവിത ശൈലിയുടെ ഭാഗം ആയിട്ടുണ്ട്, ഈ അനുഭവങ്ങൾ അവരെ കുറച്ച് കൂടി ഹാർഡൺ ചെയ്തിട്ടുണ്ട് എന്നത് വേറെ കാര്യം.

🔸സോംബി ഔട്ട്‍ബ്രെയ്ക്കിന്റെ തുടക്ക കാലത്ത് തന്റെ സഹോദരിയെയും കുടുംബത്തെയും രക്ഷിക്കാൻ ശ്രമിക്കുന്ന പട്ടാളക്കാരനായ ജങ് സിയോക്കിനെ കാണിച്ച് കൊണ്ടാണ് സിനിമ ആരംഭിക്കുന്നത്, കാര്യങ്ങൾ ഇഞ്ചിയോണിൽ കൈവിട്ട് പോയിരിക്കുന്നു, ഇനി ഏത് വിധേനയും രക്ഷപ്പെടുക എന്നത് മാത്രമാണ് വഴി. ഇഞ്ചിയോണിൽ നിന്നും ജപ്പാനിലേക്ക് പോവുന്നൊരു കപ്പൽ പോർട്ടിൽ ഉണ്ട്, അത് തീരം വിടും മുൻപ് അവിടെ എത്താനുള്ള ഒരു മത്സരപാച്ചലാണ് അവിടെ നടക്കുന്നത്, അതിനിടെ മറ്റുള്ളവരുടെ സഹായ അഭ്യർത്ഥനകൾ അയാൾക്ക് ഒഴിവാക്കേണ്ടിയും വരുന്നുണ്ട്.

🔸കത്യ സമയത്ത് കപ്പലിൽ എത്തുന്നുണ്ട് എങ്കിലും അതിനുള്ളിൽ വെച്ച് വീണ്ടും ഒരു ഔട്ട്‍ബ്രെയ്ക്ക് ഉണ്ടാവുകയും, കുറച്ചധികം ആളുകൾ ഇഫക്റ്റ് ആവുകയും ചെയ്യുകയാണ്, അവിടെ നിന്നും അതിജീവിച്ചവർക്ക് ഉണ്ടാവുന്ന മാനസിക ആഘാതം വളരെ വലുതായിരുന്നു. ഇവിടെ നിന്നാണ് ചിത്രം തുടങ്ങുന്നത്, ഒരു പ്രത്യേക കാരണം കൊണ്ട് ഇവരിൽ ചിലർക്ക് ഇഞ്ചിയോണിലേക്ക് മടങ്ങി പോവേണ്ടി വരുന്നതും തുടർന്നുള്ള സംഭവങ്ങളുമാണ് ചിത്രം. ആദ്യ ചിത്രത്തിന്റെ അത്ര സ്‌ട്രൈക്കിങ് ആയി തോന്നിയില്ല എങ്കിലും കാണാൻ ഉള്ളതുണ്ട് പെനിൻസുലയിൽ, ഒരു തവണ കണ്ട് നോക്കാവുന്നതാണ്.

Verdict : Average

DC Rating : 2.5/5 

870. Aftershock (2010)

Director : Feng Xiaogang

Genre : Drama

Rating : 7.5/10

Country : China

Duration : 128 Minutes

🔸പരകൃതി ദുരന്തങ്ങൾ ഒക്കെ പ്രമേയമാക്കി അനവധി സിനിമകൾ പല ഭാഷകളിലും രാജ്യങ്ങളിലും ഒക്കെയായി പുറത്തിറങ്ങിയിട്ടുണ്ട്, ഇവയിൽ ഏറ്റവും മികച്ചവ തിരഞ്ഞെടുക്കാൻ പറഞ്ഞാൽ ഞാൻ നിസ്സംശയം ഉൾപ്പെടുത്തുന്ന ഒന്നായിരിക്കും ആഫ്റ്റർഷോക്ക് എന്ന ചിത്രം. തുടക്കം തൊട്ട് അവസാനം വരെ ഇമോഷണൽ ആയി കഥ പറഞ്ഞ് പോവുന്ന ഈ ചിത്രം ഒന്ന് രണ്ട് പോയിന്റിൽ എങ്കിലും നിങ്ങളുടെ കണ്ണ് നിറച്ചിരിക്കും. എഴുപതുകളിൽ ചൈനയിൽ നടന്ന ഒരു ഭൂകമ്പമാണ് ഈ ചിത്രത്തിൽ പറയുന്ന ദുരന്തം, ഉദ്ദേശം രണ്ടര ലക്ഷം ആളുകളാണ് അതിനെ തുടർന്ന് കൊല്ലപ്പെട്ടത്. അതിലും എത്രയോ അധികം ആളുകൾക്ക് അപകടങ്ങളും മറ്റും കാരണം വൈകല്യം സംഭവിക്കുകയും ചെയ്തിട്ടുണ്ട്.

🔸നമ്മുടെ കേന്ദ്ര കഥാപാത്രമായ ലീക്കും ഭർത്താവ് ടാക്കിയാങിനും രണ്ട് മക്കളാണ്, ഡെങ്ങും ഡായും, ഒരാൺകുട്ടിയും പെൺകുട്ടിയും. പശ്ചാത്തലം എഴുപതുകളാണ്, സാമ്പത്തികമായും രാഷ്ട്രീയപരം ആയും എല്ലാം കൊറിയയ്ക്ക് അത്ര ആശ്വാസകരം അല്ലാത്ത ഒരു കാലഘട്ടം. ദാരിദ്ര്യാവസ്ഥ ഒക്കെ പാരമ്യത്തിലാണ്, എങ്കിലും വലിയ വിഷമതകൾ ഒന്നും ഇല്ലാതെ മുന്നോട്ട് പോയി കൊണ്ടിരുന്നു പ്രസ്തുത കുടുംബം, എല്ലാം മാറ്റിമറിച്ച ആ ദിവസം അർദ്ധ രാത്രിവരെ. ചെറിയ ഒരു കുലുക്കത്തിൽ തുടങ്ങിയ സംഭവ പരിപാടികൾ താമസിയാതെ ഭ്രാന്തമായ നിലയിലേക്ക് മാറുകയാണ്.

🔸മക്കളെ രക്ഷിക്കാനായി വീടിന്റെ മുകൾ നിലയിലേക്ക് ഓടി കേറാൻ ശ്രമിച്ച ടാക്കിയാങ് തൽക്ഷണം കൊല്ലപ്പെടുകയാണ്, പിറ്റേദിവസം നമ്മൾ കാണുന്നത് ഒരു കൂട്ടം ശവശരീരങ്ങളാണ്, അങ്ങേയറ്റം ഭീതികരമായ ഡിപ്രസിങ് ആയ ഒരു കാഴ്ച. എന്നാൽ ലീയെ സംബന്ധിച്ച് അത് കൂടുതൽ ഭീകരമാവാൻ പോവുന്നെ ഉണ്ടായിരുന്നുള്ളൂ, തന്റെ മക്കളെ രക്ഷിക്കാൻ അവർക്ക് ഇതുവരെ കഴിഞ്ഞിട്ടില്ലായിരുന്നു, അവർ ആണെങ്കിൽ ഒരു കോൺക്രീറ്റ് സ്ളാബിന് അടിയിലും. ജീവന്റെ നേരിയ കണിക ഇരുവരിലും ബാക്കി ഉണ്ടായിരുന്നു എങ്കിലും അത് എത്ര സമയം ബാക്കി കാണും എന്നത് സംശയം തന്നെ ആയിരുന്നു.

🔸ഇവിടെയും വിധി അവരെ വേട്ടയാടുകയാണ്, മകളെയോ മകനെയോ ഒരാളെ മാത്രമേ അവർക്ക് രക്ഷിക്കാൻ കഴിയുള്ളൂ കാരണം ഒരു ഭാഗം സ്ളാബ് പൊക്കിയാൽ മറുഭാഗം ചതഞ്ഞ് അരയും, ചുരുക്കി പറഞ്ഞാൽ തന്റെ മക്കളിൽ ഒരാളെ ലീയ്ക്ക് തിരഞ്ഞെടുക്കേണ്ടി വരും എന്ന് തന്നെ. ഏത് ഒരു അമ്മയെ സംബന്ധിച്ചും ഹൊറിബിൾ എന്നൊക്കെ വിശേഷിപ്പിക്കാവുന്ന കാര്യം, ഇവിടെ നിന്നുമാണ് ചിത്രം ആരംഭിക്കുന്നത്, പിന്നീട് പതിറ്റാണ്ടുകൾ ഇപ്പുറത്തേക്ക് കഥ പറഞ്ഞ് എത്തുന്നുമുണ്ട്. ഒരു മികച്ച ചിത്രമാണ് ആഫ്റ്റർ ഷോക്ക്, തീർച്ചയായും കാണാൻ ശ്രമിക്കാവുന്ന ഒന്ന് തന്നെ, ഒരു രീതിയിലും നഷ്ടമാവില്ല.

Verdict : Very Good

DC Rating : 4/5

869. Ponette (1996)

Director : Jacques Doillon

Genre : Drama

Rating : 7.5/10

Country : France

Duration : 97 Minutes

🔸പോണറ്റ് എന്ന ചിത്രം അല്പം പെയിൻഫുൾ ആയ സിനിമാ അനുഭവമാണ്, അറ്റ് ദി കോർ ഈ സിനിമ അമ്മയുടെ മരണവുമായി പൊരുത്തപ്പെടാൻ കഴിയാത്ത ഒരു നാല് വയസുകാരിയുടെ കഥയാണ്, പ്ലോട്ടിന്റെ ഈ ചെറിയ ഭാഗത്ത് നിന്ന് മനസിലാവുന്നത് പോലെ അത്യാവശ്യം ഇമോഷണലാണ് ചിത്രം. ചിത്രത്തെ കുറിച്ചും മറ്റുമൊക്കെ പറയുന്നതിന് മുന്നേ എടുത്ത് പറയേണ്ട ഒരു കാര്യമുണ്ട്, കേന്ദ്ര കഥാപാത്രമായി എത്തിയ വിക്റ്റോർ തിവിസോൾ എന്ന നടി, നാലാം വയസിൽ ഇത്രയും കൺട്രോൾഡ് ആയി മികച്ച രീതിയിൽ സ്‌ക്രീനിന്റെ മുന്നിൽ നിന്ന് ജീവിച്ച് കാണിച്ച ഒരു പെർഫോമൻസ് പേഴ്സണലി ഞാൻ കണ്ടിട്ടില്ല, അമേസിംഗ് എന്നല്ലാതെ ഒന്നും പറയാനില്ല.

🔸അമ്മയോടൊപ്പം കാറിൽ പോകവേ ആണ് പോണറ്റ് അപകടത്തിൽ പെടുന്നത്, അശ്രദ്ധയാണോ അലക്ഷ്യമായ ഡ്രൈവിങ് ആണോ, വേഗത ആണോ എന്നൊന്നും പറയുന്നില്ലെങ്കിലും അതങ്ങ് സംഭവിച്ചു. അമ്മ തൽക്ഷണം മരിച്ചു, പോണറ്റ് അത്ഭുതകരമായി രക്ഷപ്പെട്ടു. ഇവിടെ നിന്നുമാണ് ചിത്രം ആരംഭിക്കുന്നത്, ഭാര്യ മരിച്ചതിൽ നിരാശയും സങ്കടവും ഒക്കെ പോനട്ടിന്റെ അച്ഛന് ഉണ്ടെങ്കിലും അത് മകളുടെ മുന്നിൽ അയാൾ പ്രകടിപ്പിക്കുന്നില്ല, മാത്രമല്ല സീറ്റ്ബെൽറ്റ് ഇടാത്തതിനും അശ്രദ്ധ കാണിച്ചതിനും അയാൾ പരിതപിക്കുന്നും ശപിക്കുന്നും ഒക്കെയുണ്ട്.

🔸തന്റെ സഹോദരിയുടെ അടുത്തേക്ക് പോനട്ടിനെ അച്ഛൻ കൊണ്ടുപോവുകയാണ്, അവിടെയുള്ള രണ്ട് കുട്ടികളോടൊപ്പം അവളും നിൽക്കട്ടെ എന്നാണ് അയാൾ കരുതുന്നത്, പിന്നെ ഒരു അമ്മയില്ലാത്ത പെൺ കുഞ്ഞിനെ നോക്കാൻ തനിക്ക് ഒറ്റയ്ക്ക് കഴിയില്ല എന്ന തോന്നലും പ്രേരിപ്പിച്ചിരിക്കാം. ഈ യാത്രയിൽ ഉടനീളം ഇരുവരും പല കാര്യങ്ങളെ പറ്റി സംസാരിക്കുന്നുണ്ട്, എന്നാൽ ഇവയെല്ലാം എത്തി നിൽക്കുന്നത് മരിച്ച് പോയ അവളുടെ അമ്മയിലേക്കാണ്, ആ മരണം അവൾ ഇനിയും ഉൾക്കൊണ്ടിട്ടില്ല. മരിച്ച് പോയ ക്രിസ്തുവിന് മടങ്ങി വരാം എങ്കിൽ എന്ത് കൊണ്ട് തന്റെ അമ്മയ്ക്ക് കഴിയില്ല എന്നതാണ് ആ കുഞ്ഞ് മനസിലെ സംശയം.

🔸പതിയ സ്ഥലത്തേക്ക് ഉള്ള മാറ്റവും അതേ പ്രായത്തിലുള്ള കുട്ടികളുടെ പ്രസൻസും ഒന്നും പോനട്ടിനെ മാറ്റുന്നില്ല, അമ്മ അവളിൽ സൃഷ്ട്ടിച്ച സ്വാധീനം അതിനും മാത്രം വലുതായിരുന്നു എന്ന് പറയാം. ഒരുനാൾ അവർ മടങ്ങി വരും എന്ന് തന്നെ പോണട്ട് ഉറച്ച് വിശ്വസിക്കുന്നുണ്ട്. തുടർന്ന് അരങ്ങേറുന്ന സംഭവങ്ങൾ ചെന്ന് അവസാനിക്കുന്നത് നല്ല ഒന്നാംക്‌ളാസ്സ് ഒരു ക്‌ളൈമാക്‌സിലേക്കാണ്, ഈ അടുത്ത് കണ്ടതിൽ വളരെ ഇഷ്ട്ടപ്പെട്ട ഒരു എൻഡിങ്, എല്ലാ രീതിയിലും കഥയെ ക്യാപ്പ് ഓഫ് ചെയ്യിക്കുന്ന ഒന്നായി തന്നെ തോന്നിച്ചു. ഡ്രാമ ജോണർ ഇഷ്ടമുള്ളവർക്ക് തീർച്ചയായും പരീക്ഷിച്ച് നോക്കാവുന്ന ഒന്നാണ് ഈ ചിത്രം, തീർച്ചയായും ചിലവഴിച്ച സമയം നഷ്ടമായി തോന്നിയേക്കില്ല.

Verdict : Very Good

DC Rating : 4/5 

868. Honeygiver Among The Dogs (2016)

Director : Dechen Roder

Genre : Mystery

Rating : 6.8/10

Country : Bhutan

Duration : 132 Minutes

🔸ഏഷ്യൻ സിനിമ എന്നൊക്കെ പറയുമ്പോൾ മിക്കപ്പോഴും ശ്രദ്ധ പോവാറുള്ളത് ഇറാനിയൻ, ജാപ്പനീസ്, കൊറിയൻ, ഇന്ത്യൻ ചിത്രങ്ങളിലേക്ക് ഒക്കെ ആയിരിക്കും, ചിലപ്പോൾ ഇൻഡൊനീഷ്യനും ചൈനീസും വരെ എത്തിയേക്കും എന്നാൽ മിക്ക സന്ദര്ഭങ്ങളിലും അതിന് പുറത്തേക്ക് വൈഡർ ഓഡിയൻസ് എത്താറില്ല. ഈ ഒരു കാരണം കൊണ്ട് തന്നെ അധികം ആരുടേയും ശ്രദ്ധയിൽ പെടാതെ റഡാറിന് താഴെ കൂടി പോവുന്ന സിനിമകൾ ഒരുപാടുണ്ട്, അവയിൽ ഒന്നാണ് ഹണി ഗിവർ അമങ് ദി ഡോഗ്സ്, ഫിലിം നോയിർ ബുദ്ധിസത്തിന്റെ പശ്ചാത്തലത്തിൽ അവതരിപ്പിച്ച സിനിമ ഒരു അനുഭവം തന്നെയാണ്.

🔸സപിരിച്വലിറ്റി ഒക്കെ വിഷയമായി വരുന്ന സിനിമയോട് ഒരു പ്രത്യേക ഇഷ്ട്ടം എല്ലാ കാലത്തും തോന്നിയിരുന്നു, ഈ ഒരു കാര്യം അണ്ടർ ലൈയിങ് ആയി ഉള്ളത് കൊണ്ട് തന്നെയാണ് അപ്പൊകലിപ്സ് നൗ ഇന്നേവരെ കണ്ട ഏറ്റവും മികച്ച ചിത്രമായി പേഴ്സണലി കരുതുന്നത്. ഹണിഗിവർ എമംഗ് ദി ഡോഗ്സ് എന്ന ചിത്രവും ചില ഇടത്തെങ്കിലും ഈ ഒരു പാത പിന്തുടരുന്നുണ്ട്, അപോകലിപ്സ് നൗവുമായി സാമ്യം ടോണിൽ ഉൾപ്പെടെ തോന്നിക്കുന്നുമുണ്ട്, ചുരുക്കി പറഞ്ഞാൽ മികച്ച ഒരു അനുഭവം തന്നെ ആയി മാറുന്നുണ്ട് ചിത്രം എന്ന് സാരം. കൊപ്പോള ചിത്രം പോലെ തന്നെ ഒരു മിസിങ് പേഴ്സണിനെ അന്വേഷിച്ച് ഒരു കഥാപാത്രം വരുന്നതും മറ്റുമൊക്കെയാണ് പ്ലോട്ട്.

🔸ഭട്ടാനിലെ ഉൾനാടൻ ഗ്രാമങ്ങളിൽ ഒന്നിൽ ഒരു ദിവസം രാത്രിയാണ് ചിത്രം ആരംഭിക്കുന്നത്, ചോടാൻ എന്ന നായികാ കഥാപാത്രത്തെ അന്വേഷിച്ച് മൂന്നാല് പോലീസുകാർ ഗ്രാമത്തിലേക്ക് കടന്ന് വരികയാണ്. എന്നാൽ ഇത് മുൻകൂട്ടി അറിഞ്ഞ ചോടാൻ മിനിട്ടുകൾക്ക് മുന്നേ അവിടെ നിന്നും രക്ഷപ്പെടുന്നു, ഇത് മനസിലാക്കിയ പോലീസുകാർ ഒരു അന്വേഷണം ചെറുതായി രാത്രി തന്നെ നടത്തുന്നുണ്ട് എങ്കിലും വലിയ കാര്യം ഒന്നും ഉണ്ടായില്ല. അതെന്തായാലും പിറ്റേ ദിവസം രാവിലെ തൊട്ട് തന്നെ അവർ അന്വേഷണം ആരംഭിക്കുന്നു, ചോടനെ കുറിച്ചുള്ള ചോദ്യങ്ങൾക്ക് ഒന്നും തന്നെ വ്യക്തമായ ഉത്തരമേതും ഗ്രാമീണരിൽ നിന്ന് ലഭിക്കുന്നില്ല.

🔸ആകെ അവരെ കുറിച്ച് അറിയാൻ കഴിഞ്ഞത് ഗ്രാമത്തിലെ കന്യാസ്ത്രീകളുമായി അവർ വെച്ച് പുലർത്തിയ അടുപ്പം മാത്രമാണ്. ചോടനെ അന്വേഷിച്ച് പോലീസ് വന്നതിന് ഒരു കാരണമുണ്ട്, ഗ്രാമത്തിൽ നിന്ന് തന്നെ ലഭിച്ച ഒരു പരാതിയിൽ അവൾ പ്രതിസ്ഥാനത്ത് നിൽക്കുന്ന കേസ് ഉണ്ട്, ഈ കേസ് എന്താണെന്നും മറ്റുമൊക്കെ ചിത്രം പുരോഗമിക്കവേ മനസിലാവും. ഈ വന്ന പോലീസുകാരൻ ആര്, അയാൾക്ക് ചോടനെ കണ്ട് മുട്ടാൻ കഴിയുമോ, അങ്ങനെ നടന്നാൽ തന്നെ പിന്നീട് എന്തുണ്ടാവും എന്നിങ്ങനെ ഒരുപാട് ചോദ്യങ്ങൾക്കുള്ള ഉത്തരമാണ് ഈ ചിത്രം. ഭൂട്ടാൻ എന്ന രാജ്യത്തിൻറെ ഗ്രാമീണ ഭംഗി മനോഹരമായി ചിത്രം വരച്ച് കാണിക്കുന്നുണ്ട്, അപ്പൊ പ്രിന്റ് ലഭ്യമായാൽ കാണാൻ ശ്രമിക്കുക.

Verdict : Very Good

DC Rating : 4.25/5

867. Waiting For The Barbarians (2019)

Director : Ciro Guerra

Genre : Drama

Rating : 5.9/10

Country : Italy

Duration : 114 Minutes

🔸വെയ്റ്റിങ് ഫോർ ദി ബാർബേറിയൻസ് എന്ന ചിത്രം സത്യത്തിൽ ഒരു പറ്റിപ്പീര് പരിപാടിയാണ്, കാരണം ടീസർ ട്രെയ്‌ലർ ഉൾപ്പെടെ ഉള്ളവയിൽ എല്ലാം മൂന്ന് എ ലിസ്റ്റ് താരങ്ങളായ മാർക്ക് റിലാന്സ്, ജോണി ഡെപ്പ്, റോബർട്ട് പാറ്റിൻസൺ എന്നിവരെ മുന്നിൽ നിർത്തി ഒരു രീതിയിൽ ആർമിയും നേറ്റിവ് അമേരിക്കൻ ഗോത്രങ്ങളും തമ്മിലുള്ള യുദ്ധമാണ് പ്രമേയം എന്നൊക്കെയുള്ള സൂചന ചിത്രം തന്നേക്കും, അത് വിശ്വസിച്ചാണ് പോസ്റ്റ് മാൻ അടക്കം ഉള്ള ബഹു ഭൂരിപക്ഷം ആളുകളും ചിത്രം കാണാൻ തയാറാവുന്നതും, എന്നാൽ പ്രതീക്ഷിച്ച വകയിൽ ഒന്നും ഇവിടെ നിന്ന് കിട്ടാൻ പോണില്ല. അങ്ങനെ നോക്കുമ്പോൾ തികഞ്ഞ നിരാശ മാത്രമാവും ഈ ചിത്രം നൽകുന്നത്.

🔸ഇതൊരു യുദ്ധ ചിത്രമല്ല, യുദ്ധ രംഗങ്ങൾ ഒന്നും തന്നെ ഇവിടെയില്ല, യുദ്ധമോ പോരോ എന്തോ ആയിക്കോട്ടെ അങ്ങനൊന്ന് നടക്കുന്നുണ്ട് കഥയിൽ, അതിന് മുൻപും ശേഷവും ഉള്ള രംഗങ്ങൾ കാണാം, മാത്രമല്ല അതിന്റെ റിസൾട്ടിന് കഥയിൽ വലിയ പ്രാധാന്യവുമുണ്ട്, സ്പോയ്ലർ ആവും എന്നതിനാൽ അതെന്താണെന്ന് തല്ക്കാലം പറയുന്നില്ല. ജോണി ഡെപ്പ് പേഴ്സണലി ഇഷ്ട്ടമുള്ള നടനാണ്, പേഴ്സണൽ ലൈഫിലെ കാര്യങ്ങൾ ഒന്നും തല്ക്കാലം ഇതിലേക്ക് ചേർക്കാൻ താല്പര്യമില്ല. ഡെപ്പ് ഒരു ഹിപ്പോക്രാറ്റായ, ധാർഷ്ട്യക്കാരനും ക്രൂരനും ആയ ആർമി ജെനെറൽ ആയി എത്തുന്നു എന്നതായിരുന്നു ചിത്രം കാണാനുള്ള പ്രൈമറി മോട്ടീവ്.

🔸ആഫ്റ്റർ ഓൾ നേറ്റിവ് അമേരിക്കൻ ഇന്ത്യൻസും ആയിട്ടൊക്കെ ഉള്ള പുള്ളിയുടെ സമീപനവും ആ ചേഷ്ടകളും വില്ലനിസവും ഒക്കെ കാണാൻ താല്പര്യപ്പെട്ടിരുന്നു, എന്നാൽ അവിടെയും പ്രതീക്ഷകൾ പാളി. പുള്ളി ചിത്രത്തിൽ ആദ്യം തൊട്ട് അവസാനം വരെ ഇടപഴകുന്നത് മജിസ്‌ട്രേറ്റ് ആയ റായ്‌ലൻസിന്റെ കഥാപാത്രത്തോട് മാത്രമാണ്, അതാണെങ്കിൽ കടന്നൽ കുത്തിയ ഭാവത്തിന് അപ്പുറത്തേക്ക് ഒന്നും തന്നെയില്ല, ചിത്രത്തിൽ ആകെ പുള്ളിയുടേതായി ഇഷ്ടപ്പെട്ടത് ആ കഥാപാത്രം ഗുഡ്ബൈ അടിക്കുന്ന രംഗം മാത്രമാവും. റോബർട്ട് പാറ്റിൻസൺ ഉണ്ട് എന്ന് മാത്രം പറയാം, ചെറിയ തോതിലൊരു വില്ലനാണ്, കുറച്ച് നേരം സ്‌ക്രീനിൽ കാണാം ദാറ്റ്സ് ഓൾ.

🔸മന്ന് പേരിലും കൂടി എന്തെങ്കിലും ചെയ്യാൻ ഉണ്ടായിരുന്നത് റായ്‌ലൻസിന് മാത്രമാണ്, പുള്ളി തന്നാൽ കഴിയും വിധം ചെയ്തിട്ടുമുണ്ട്, പക്ഷെ മെറ്റിരിയൽ എന്നൊന്ന് ഇല്ലാതെ പ്രകടനം മാത്രം വെച്ച് മുന്നോട്ട് പോവുന്നതിനൊക്കെ ഒരു പരിധിയുണ്ട്. ഇങ്ങനെ ഒക്കെ ആണെങ്കിലും ഒരു ഡിപ്പാർട്ടമെന്റ് മാത്രം സ്‌ട്രൈക്കിങ് ആയി നിൽക്കുന്നുണ്ട്, മറ്റൊന്നുമല്ല ഛായാഗ്രാഹണം. നല്ല ഒന്നാംക്‌ളാസ്സ് ഒരുപിടി വിഷ്വൽസ് ചിത്രം തരുന്നുണ്ട്, പ്രത്യേകിച്ചും മരുഭൂമിയിലെയും മറ്റുമൊക്കെ രംഗങ്ങൾ. ഈ ഒരു കാരണം കൊണ്ട് മാത്രം പാതി വഴിക്ക് നിർത്തി പോകാഞ്ഞ സിനിമയാണ് വെയ്റ്റിങ് ഫോർ ദി ബാർബെറിയെൻസ്, കാണണം എന്ന് പറയത്തെ ഇല്ല.

Verdict : Avoidable

DC Rating : 2/5

866. Little Monsters (2020)

Director : Abe Forsythe

Genre : Comedy

Rating : 6.3/10

Country : Australia

Duration : 94 Minutes

🔸ഒരു സോംബി ചിത്രം, കൊമെടി ജോണർ, ഒന്ന് നോക്കിയാൽ ഒരു രീതിയിലും മിക്സ് ആവാത്ത ഒരു കോമ്പിനേഷൻ ആയി തോന്നിയേക്കാം, ഈ ഒരു സ്രെണിയിൽ ചിത്രങ്ങൾ പുറത്തിറങ്ങുകയോ വിജയിക്കുകയോ ചെയ്തിട്ടില്ല എന്നല്ല മറിച്ച് അതൊരു ലൈറ്റനിംഗ് ഇൻ എ ബോട്ടിൽ എന്നൊക്കെ വിശേഷിപ്പിക്കാവുന്ന പരിപാടി ആണ്, വിജയിക്കാൻ വളരെ സാധ്യത കുറഞ്ഞ ഒരു കൈവിട്ട കളി. ഈ ഒരു ഹിമാലയൻ ടാസ്ക് അതിജീവിക്കാൻ ഉള്ള കരുത്ത് ലിറ്റിൽ മോൺസ്റ്റെർസ് എന്ന ചിത്രത്തിന് ഉണ്ടോ എന്നതായിരുന്നു യഥാർത്ഥ ചോദ്യം. അതിനുള്ള ഉത്തരത്തിലേക്ക് കടക്കുന്നതിന് മുന്നേ ഒരു കാര്യം കൂടി, ഇത്തരം സിനിമകളിൽ താല്പര്യം ഉള്ളവരാണ് നിങ്ങളെങ്കിൽ ത്രീ ഫ്ലേവർസ് കോർനെറ്റോ ത്രിലോഗി കാണാൻ ശ്രമിക്കുക.

🔸നമ്മുടെ നായക കഥാപാത്രമായ ഡേവ് ആളൊരു മ്യുസിഷ്യൻ ആണ്, തെറ്റിദ്ധരിക്കരുത് ആള് ഈ മേഖലയിൽ ഉന്നത നിലയിൽ ഒന്നും എത്തിയിട്ടില്ല ഇതുവരെ, ഒരു സ്ട്രീറ്റ് സിംഗർ എന്നൊക്കെ പറഞ്ഞ് വിടാം. അത്യാവശ്യം ജീവിച്ച് പോകാനുള്ള വരുമാനം ഉണ്ടാക്കാം എന്നതൊഴിച്ചാൽ വലിയ മെച്ചം ഒന്നും തന്നെയില്ല, ഡേവ് ഉദ്ദേശം പത്ത് വർഷത്തിൽ അധികമായി ബെത് എന്ന യുവതിയുമായി പ്രണയത്തിലാണ് മാത്രമല്ല ഒരു ലിവ് ഇൻ റിലേഷനിലുമാണ്. എന്നാൽ ബെത്തിന് ഡേവിന്റെ ഈ കെയർ ഫ്രീ സ്വഭാവത്തിലും ആറ്റിറ്റിയൂഡിലും ഒന്നും ലവലേശം മതിപ്പില്ല, സ്വാഭാവികമായും അത് ഒരു ബ്രെയ്ക്കിങ് പോയിന്റിൽ എത്തി നിൽക്കുകയാണ്.

🔸ബെത്തിന്റെ വീട്ടിൽ നിന്ന് പുറത്താക്കപ്പെട്ട ഡേവ് ഒരു പ്രശ്ന പരിഹാരത്തിന് ഒക്കെ ശ്രമിക്കുന്നുണ്ട് എങ്കിലും അത് അത്ര ഫലവത്ത് ആവുന്നില്ല, പോരാത്തതിന് അവളുടെ പുതിയ കാമുകന്റെ കയ്യിൽ നിന്നും കണക്കിന് കിട്ടുകയും ചെയ്തു. അങ്ങനെ ആകെ എല്ലാ രീതിയിലും തേഞ്ഞ് തരിപ്പണമായി മറ്റ് മാർഗം ഒന്നും ഇല്ലാത്ത അവസ്ഥയിലാണ് ഡേവ് സഹോദരിയുടെ വീട്ടിൽ താമസത്തിന് എത്തുന്നത്, അവിടെ അവരും മകളും മാത്രമേയുള്ളു, ആ കുഞ്ഞിനെ ആണെങ്കിൽ ഡേവിന് കണ്ണെടുത്താൽ കണ്ടൂടാത്ത അവസ്ഥയുമാണ്. തന്റെ ഈ ദുരന്താവസ്ഥയിൽ അവനോടുള്ള ഇടപഴകലുകളും അവന്റെ ചോദ്യങ്ങളും സംശയങ്ങളും എല്ലാം അയാളെ മടുപ്പിക്കുന്നെ ഉള്ളൂ, ഗത്യന്തരം ഇല്ലാത്ത കൊണ്ട് മുന്നോട്ട് പോവുന്നു എന്ന് പറയാം.

🔸ഇങ്ങനെ പോയി കൊണ്ടിരുന്ന കഥയിൽ ഒരു ട്വിസ്റ്റ് സംഭവിക്കുന്നത് അപ്രതീക്ഷിതമായി ആ പ്രദേശത്ത് ഒരു സോംബി ഔട്ട്‍ബ്രെയ്ക്ക് ഉണ്ടാകുമ്പോഴാണ്, തുടർന്ന് എന്ത് സംഭവിക്കുന്നു എന്നതാണ് ചിത്രത്തിൽ കാണിച്ചിരിക്കുന്നത്. മുകളിൽ സൂചിപ്പിച്ചിട്ടില്ലാത്ത ഒരു ടീച്ചർ കഥാപാത്രമായി ആണ് ലുപിറ്റ നിയോങ്കോ ചിത്രത്തിൽ പ്രത്യക്ഷപ്പെടുന്നത്, അവരാണ് ചിത്രത്തിന്റെ സോളും. സമയം കളയാൻ വെറുതെ കാണാം എന്നതൊഴിച്ചാൽ എടുത്ത് പറയാൻ മാത്രം ഒന്നും തന്നെ ചിത്രത്തിൽ ഇല്ല, മുഷിപ്പിക്കാൻ സാധ്യത ഇല്ല എന്നത് വേറെ കാര്യം. ചുരുക്കി പറഞ്ഞാൽ കണ്ടാലും കണ്ടില്ലെങ്കിലും നഷ്ടമില്ല.

Verdict : Average

DC Rating : 2.5/5

865. The Other Side Of The Wind (2018)

Director : Orson Welles

Genre : Experimental

Rating : 6.8/10

Country : USA

Duration : 122 Minutes

🔸ഒർസൺ വെൽസ് എന്ന സംവിധായകനോട് എന്നും ഇഷ്ടമേ ഉണ്ടായിരുന്നുള്ളൂ, കാരണം വേറൊന്നുമല്ല ഏറ്റവും ഇഷ്ട്ടപ്പെട്ട ചിത്രങ്ങൾ ഏതെന്ന് ആരെങ്കിലും ചോദിച്ചാൽ പറയാൻ സാധ്യതയുള്ള പേരുകളിൽ ഒന്ന് രണ്ട് എണ്ണമെങ്കിലും പുള്ളിയുടേത് ആയിരിക്കും. ഇതിൽ തന്നെ സിറ്റിസൻ കെയ്ൻ എന്ന ചിത്രം ഒരു ദീപസ്തംഭം കണക്കെ നിൽക്കുകയും ചെയ്യും. ഒർസൺ വെൽസിന്റെ കരിയറിലെ അവസാന ചിത്രമാണ് ദി അതർ സൈഡ് ഓഫ് ദി വിൻഡ്, ഈ ചിത്രത്തിന് എന്ന പോലെ അതിന്റെ സൃഷ്ട്ടിക്കും പറയാനുണ്ട് ഒരു കഥ, അതിന് ഈ ചിത്രത്തോളം തന്നെ പ്രാധാന്യം ഉണ്ട് എന്നത് വേറെ കാര്യം.

🔸ചിലപ്പോൾ വെറുമൊരു കോയിൻസിഡൻസ് മാത്രം ആയിരിക്കാം, പക്ഷെ ഒർസൺ വെൽസിന്റെ ഈ അവസാന ചിത്രം പലയിടത്തും അദ്ദേഹത്തിന്റെ തന്നെ ലൈഫിനെ ഓർമ്മപ്പെടുത്തുന്നുണ്ട്, പ്രത്യേകിച്ചും ഈ ചിത്രത്തിന്റെ പിന്നണിയിലെ സംഭവങ്ങൾ കൂടി കണക്കിൽ എടുക്കുമ്പോൾ. നാല്പതുകളിൽ ഹോളിവുഡിലേക്ക് ഒരു ക്‌ളാസ് എൻട്രി നടത്തിയ വെൽസ് പിന്നീട് ഒന്നര പതിറ്റാണ്ടോളം അവിടുത്തെ അവിഭാജ്യ ഘടകം ആയിരുന്നു. അമ്പതുകളിൽ നിശബ്ദമായി പിന്നിലേക്ക് മാറിയ അദ്ദേഹം രണ്ട് പതിറ്റാണ്ടോളം കാലം മാറി നിന്ന ശേഷമാണ് ഒരു മടങ്ങി വരവിന് തയാറായത്, എഴുപതുകളിൽ ഈ സിനിമയിലൂടെ.

🔸പരീ പ്രൊഡക്ഷൻ വർക്കുകളും മറ്റും പൂർത്തിയായി കഴിഞ്ഞിരുന്നെങ്കിലും ചിത്രം അദ്ദേഹം ജീവിച്ചിരുന്ന കാലത്ത് പുറത്ത് എത്തിക്കാനായില്ല, പല തടസ്സങ്ങളും മറ്റും കാരണം അഞ്ച് പതിറ്റാണ്ട് കഴിഞ്ഞാണ് റിലീസ് ആയത്, വെൽസ് ഷുട്ട് ചെയ്ത നൂറ് മണിക്കൂറിന് മുകളിൽ ഉള്ള ഫൂട്ടേജ് ഉണ്ടായിരുന്നത്രെ ഈ ചിത്രത്തിന്, അതിൽ നിന്നും വളരെ ശ്രമകരമായ എഡിറ്റ് ചെയ്താണ് ഫൈനൽ കട്ട് കാഴ്ചക്കാരിലേക്ക് എത്തിയത്. തന്റെ അവസാന ചിത്രം പൂർത്തിയാക്കാൻ കഷ്ട്ടപ്പെടുന്ന, ഇന്നലെകളുടെ ഭാരം ഇറക്കി വെക്കാൻ ബുദ്ധിമുട്ടുന്ന ഒരു സംവിധായകനെ ആണ് നമുക്ക് ദി അദർ സൈഡ് ഓഫ് ദി വിൻഡിൽ കാണാൻ കഴിയുക.

🔸തനുമായോ ചിത്രത്തിലെ കേന്ദ്ര കഥാപാത്രമായ ജോൺ ഹൂസ്റ്റനും ആയോ യാതൊരു സാമ്യവും ഈ കഥയ്ക്ക് ഇല്ല എന്ന് വെൽസ് പറഞ്ഞിട്ടുള്ളതായി കേട്ടിട്ട് ഉണ്ടെങ്കിലും ഹോളിവുഡിന്റെ ഗോൾഡൻ ഏജിലേക്കുള്ള കോൾ ബാക്കുകൾ അനവധി കാണാൻ ആവും ചിത്രത്തിൽ. യുറോപ്പിയൻ ആർട്ട് ചിത്രങ്ങളെ ഒക്കെ മോക്കുമെന്ററി പോലെ പരാമർശിച്ച് വിമർശിച്ച് പോവുന്ന ചിത്രം ആ കാലഘട്ടത്തിനുള്ള ഒരു സ്വാൻ സോങ് ആയി മാറുന്നുണ്ട് എന്നത് പ്രസക്തമാണ്. സംവിധായകന്റെ മികച്ച ചിത്രങ്ങളിൽ ഉൾപ്പെടുത്താൻ ഒന്നും കഴിഞ്ഞേക്കില്ല ഈ ചിത്രത്തെ, എന്തിരുന്നാലും പ്രാധാന്യം ആവശ്യപ്പെടുന്ന അല്ലെങ്കിൽ അർഹിക്കുന്ന ഒന്ന് തന്നെയാണ്.

Verdict : Good

DC Rating : 3.5/5

864. Official Secrets (2019)

Director : Gavin Hood

Genre : Drama

Rating : 7.3/10

Country : UK

Duration : 112 Minutes

🔸ഈ നൂറ്റാണ്ടിന്റെ തുടക്കത്തിൽ അമേരിക്ക അഫ്ഘാനിസ്ഥാനിലും ഇറാക്കിലും ഒക്കെ നടത്തിയ അധിനിവേശത്തിന്റെ ഒക്കെ പശ്ചാത്തലത്തിൽ അനവധി സിനിമകൾ പുറത്തിറങ്ങിയിട്ടുണ്ട്, മിക്കതും യുദ്ധ മുഖത്തെ ഭീകരത ഒക്കെ തുറന്ന് കാണിക്കുന്നത്. എന്നാൽ ഇത്തരം ചിത്രങ്ങളിൽ മിക്കതിലും കാര്യങ്ങൾ ആയുധങ്ങളിലേക്ക് എത്തുന്നതിന് മുൻപുള്ള കോൺസ്പിരസികളും പൊളിറ്റിക്കൽ വശവും ഒക്കെ മിക്കപ്പോഴും മുഴുവനായോ അല്ലെങ്കിൽ തീർത്തും പരോക്ഷമായി പരാമര്ശിക്കപ്പെടുകയോയെ ചെയ്ത് കണ്ടിട്ടുള്ളൂ. ഇവിടെയാണ് ഒഫീഷ്യൽ സീക്രെട്സ് എന്ന ചിത്രം വേറിട്ട് നിൽക്കുന്നത്.

🔸ഈ നൂറ്റാണ്ടിന്റെ ആരംഭത്തിൽ നടന്ന ഒരു യഥാർത്ഥ സംഭവമാണ് ഒഫീഷ്യൽ സീക്രെട്സ് എന്ന ചിത്രത്തിന് ആധാരം, കാതറീൻ ഗൺ എന്ന പേര് ഇന്ന് ചിലപ്പോൾ നമുക്ക് മിക്കവർക്കും അന്യം ആയിരിക്കും, അതിന് കാരണവുമുണ്ട്, ഇവിടെ സൂചിപ്പിക്കാൻ പോവുന്ന സംഭവങ്ങളുടെ ഒക്കെ ആഫ്റ്റർ എഫക്ട് കാരണമാവാം ആ പേര് വിസ്‌മൃതിയിൽ ആണ്ട് പോയത്, ഈ കാരണം കൊണ്ട് തന്നെ പറയേണ്ട, എല്ലാവരും അറിയേണ്ട ഒരു കഥയാണ് ഒഫിഷ്യൽ സീക്രറ്റ്സിലേത്. വർഷം 2003, ഒരു ഭാഗത്ത് അമേരിക്കയും മറു ഭാഗത്ത് സദ്ദാം ഹുസൈനും ആയി ഒരു പോർക്കളത്തിലേക്ക് കാര്യങ്ങൾ പോയി കൊണ്ടിരുന്ന വളരെ ദുർഘടമായ സമയം.

🔸അമേരിക്കയെയും മറ്റ് അനുചര രാജ്യങ്ങളെയും സംബന്ധിച്ച് പ്രശ്ന പരിഹാരത്തിനുള്ള ഒരേയൊരു മാർഗം യുദ്ധം ആയിരുന്നു, ഏത് വിധേനയും കാര്യങ്ങൾ അവിടേക്ക് എത്തിക്കാനുള്ള മനഃപൂർവ്വമായ നീക്കം ആ ഭാഗത്ത് നിന്നും ഉണ്ടായിരുന്നു. യുദ്ധത്തിനും അമേരിക്കയ്ക്കും എതിരായി നിന്ന ഒരേയൊരു കാര്യം അന്താരാഷ്ട്ര സംഘടനയായ യുഎന്നും അതിനെതിരെ നടന്ന വോട്ടെടുപ്പും മാത്രമായിരുന്നു. അമേരിക്കയ്ക്ക് യുദ്ധ മുഖത്തേക്ക് ഇറങ്ങാൻ ആവശ്യമായ വോട്ട് അവർക്ക് ലഭിച്ചിരുന്നില്ല, ഇത് ലഭിക്കാനായി അവരുടെ ചില ഉന്നത ഉദ്യോഗസ്ഥർ ന്യുട്രൽ ആയി നിന്ന മൂന്നാം ലോക രാജ്യങ്ങളെ സ്വാധീനിക്കുകയും ഒരു പരിധി വരെ ഫോഴ്‌സ് ചെയ്യുകയും ചെയ്തിരുന്നു, ഊഹങ്ങൾ അല്ല അതിന്റെ രേഖകൾ ലീക്ക് ആയിരുന്നു.

🔸ടോപ് സീക്രെട് എന്നൊക്കെ വിശേഷിപ്പിക്കാവുന്ന പ്രസ്തുത രേഖകൾ പബ്ലിക് ആക്കിയത് ബ്രിട്ടനിലെ രഹസ്യാന്വേഷണ വിഭാഗത്തിൽ ജോലി ചെയ്തിരുന്ന കാതറീൻ ഗൺ എന്ന യുവതിയായിരുന്നു, അവരുടെ ആന്റി വാർ മെന്റാലിറ്റിയും മറ്റും ഒക്കെ ആയിരുന്നു ഇതിന് പ്രേരിപ്പിച്ച ഘടകം. തുടർന്ന് അവർക്ക് വ്യക്തി ജീവിതത്തിലും ഔദ്യോഗിക ജീവിതത്തിലും ഒക്കെ നേരിടേണ്ടി വരുന്ന പ്രശ്നങ്ങളും മറ്റുമൊക്കെയാണ് ഈ ചിത്രത്തിന്റെ പ്രെമിസ്. കേന്ദ്ര കഥാപാത്രമായ കെയ്‌റ നൈറ്റ്‌ലിയും രണ്ടാം പാതിയിൽ മാത്രം വരുന്ന റാൽഫ് ഫിയെന്നീസും ഉൾപ്പെടെ ശക്തമായ പ്രകടനങ്ങളാണ് സ്‌ക്രീനിൽ ഉള്ള സകലരും കാഴ്ച വെച്ചത്, ചുരുക്കി പറയുക ആണെങ്കിൽ അധികം ആരുടേയും ശ്രദ്ധയിൽ പെടാതെ പോയ പവർഫുൾ ആയൊരു ചിത്രം, അതാണ് ഒഫീഷ്യൽ സീക്രെട്സ്.

Verdict : Very Good

DC Rating : 4/5

863. The Banker (2020)

Director : George Nolfi

Genre : Drama

Rating : 7.2/10

Country : USA

Duration : 119 Minutes

🔸റേസിസം പ്രമേയമാക്കിയ രണ്ട് ചിത്രങ്ങൾ തുടർച്ചയായി കണ്ടത് തീർത്തും അപ്രതീക്ഷിതം ആയിട്ടായിരുന്നു, ഡു ദി റൈറ്റ് തിങ് അത്യാവശ്യം ഞെട്ടിച്ചു കളഞ്ഞപ്പോൾ ദി ബാങ്കറും ഒട്ടും മോശം ആക്കിയില്ല. സിനിമയ്ക്ക് ആധാരമായ റിയൽ ലൈഫ് സ്റ്റോറി അർഹിക്കുന്ന ഗൗരവത്തോടെയും പ്രാധാന്യത്തോടെയും തന്നെ ചിത്രം സ്‌ക്രീനിൽ എത്തിച്ചിട്ടുണ്ട്, എല്ലാ രീതിയിലും ആസ്വാദ്യകരമായ ചിത്രം തന്നെ. ഈ രണ്ട് ചിത്രങ്ങളിലും ഉണ്ടായിരുന്ന സാമുവൽ ജാക്സണിന്റെ സാന്നിധ്യവും എടുത്ത് പറയേണ്ടതാണ് റൈറ്റ് തിങ്ങിൽ ഏറെക്കുറെ കാമിയോ ആയിരുന്നെങ്കിൽ ഇവിടെ മുഴുനീള വേഷം തന്നെയാണ്.

🔸ഒരു റിയൽ ലൈഫ് വ്യക്തി ആയിരുന്ന ബർണാഡ് ഗരറ്റിന്റെ കഥയാണ് ചിത്രം വിഷയം ആക്കിയിരിക്കുന്നത്, ആന്തണി മാക്കി അവതരിപ്പിച്ച ഈ കഥാപാത്രം ഒരു കറുത്ത വംശജൻ ആയിരുന്നത് കൊണ്ട് തന്നെ കയ്പ്പേറിയ അനവധി സംഭവങ്ങൾക്കും അപമാനത്തിനും ഒക്കെ പാത്രമായ ആളാണ്. ഈ നാട്ടിൽ നീ നിന്നാൽ ഒരുകാലത്തും ഗതി പിടിക്കാനാവില്ല എന്ന അച്ഛന്റെ വാക്ക് കേട്ടാണ് അയാൾ രാജ്യത്തിൻറെ മറ്റൊരു ഭാഗത്തേക്ക് ജോലി അന്വേഷിച്ച് എത്തുന്നത്. ഭാര്യയും മകനും ഒഴിച്ചാൽ കൈമുതൽ എന്ന് പറയാൻ ആവശ്യത്തിന് പണമോ വസ്തുവകകളോ ഒന്നും തന്നെ ഇല്ലായിരുന്നു, ഉണ്ടായിരുന്നത് ആത്മവിശ്വാസവും, വിട്ട് കൊടുക്കാത്ത, തോൽവി സമ്മതിക്കാത്ത മെന്റാലിറ്റിയും മാത്രം.

🔸ജീവിതത്തിൽ സക്സസ്ഫുൾ ആകണം എന്നതാണ് ബെർണാടിന്റെ ഒരേയൊരു ആഗ്രഹം, പണത്തിനോടോ പദവിയോടോ ഉള്ള അത്യാഗ്രഹം കൊണ്ടൊന്നുമല്ല മറിച്ച് തനിക്ക് ലഭിക്കാത്ത സുഖ സൗകര്യങ്ങൾ, അവസരങ്ങൾ തന്റെ മകനും കുറച്ച് കൂടി മെച്ചപ്പെട്ട ജീവിതരീതി തന്റെ ഭാര്യയ്ക്കും നൽകാൻ കഴിയണം എന്ന ആഗ്രഹം കൊണ്ട് മാത്രം. ഇതിനായി അയാൾ കണ്ട വഴി റിയൽ എസ്റ്റേറ്റ് ബിസിനസ് ആയിരുന്നു, തുടക്കത്തിൽ ബുദ്ധിമുട്ടി എങ്കിലും പതിയെ അയാൾ കാൽ ഉറപ്പിക്കാൻ തുടങ്ങുകയാണ്, എന്നാൽ അപ്രതീക്ഷിതമായി വന്ന ഒരു തിരിച്ചടി അയാളെ ജോ എന്ന ഇൻവെസ്റ്ററുടെ അടുത്തേക്ക് എത്തിക്കുകയാണ്, അവിടെയാണ് സാമുവൽ ജാക്സൺ കടന്ന് വരുന്നത്.

🔸രണ്ട് കറുത്ത വംശജരായവർ പുതിയ ഒരു ബിസിനസ് തുടങ്ങുന്നതും അത് വിജയിക്കുന്നതും എല്ലാം പ്രസ്തുത കാലഘട്ടത്തിൽ അസംഭവ്യം ആയത് കൊണ്ട് തന്നെ ഇരുവരും ഒരു പോംവഴി കണ്ടെത്തുകയാണ്, വേറൊന്നുമല്ല ഒരു വൈറ്റ് കളേർഡ് ആയ വ്യക്തിയെ മുന്നിൽ നിർത്തി ബിസിനസ് തുടങ്ങുക എന്ന വളഞ്ഞ വഴി, ഇവിടം തൊട്ടാണ് ചിത്രം ഇന്റെരെസ്റ്റിംഗ് ആവുന്നത്. കൺട്രോൾഡ് ആയ പ്രകടനം കാഴ്ചവെച്ച ആന്തണി മാക്കിയും, സ്ഥിരം സ്വാഗ് പ്രകടിപ്പിച്ച ജാക്സണും, കഥയിലെ തേർഡ് വീൽ ആയി വന്ന നിക്കോളാസ് ഹൾട്ടും എല്ലാം നല്ല ഒന്നാംക്‌ളാസ്സ് പ്രകടനം തന്നെ ആയിരുന്നു, അത്യാവശ്യം ഇഷ്ടപ്പെടുകയും ചെയ്തു ഈ ചെറിയ നല്ല ചിത്രം.

Verdict : Good

DC Rating : 70/100

862. Do The Right Thing (1989)

Director : Spike Lee

Genre : Comedy

Rating : 7.9/10

Country : USA

Duration : 125 Minutes

🔸ബലാക്ക് ലൈഫ് മാറ്റർ പ്രതിഷേധങ്ങൾ, പ്രകടനങ്ങൾ എന്നിവ ലോകത്താകമാനം നടന്ന് കൊണ്ടിരിക്കുന്ന ഈ വേളയിൽ വളരെ പ്രസക്തമായ ഒരു സിനിമയാണ് ഡു ദി റൈറ്റ് തിങ്. ജോർജ്ജ് ഫ്ലോയ്ഡ് പോലീസുകാരന്റെ കാൽ മുട്ടിന് കീഴെ ശ്വാസം കിട്ടാതെ പിടഞ്ഞതും, അവിടെ വെച്ച് തന്നെ നിഷ്കരുണം കൊല ചെയ്യപ്പെട്ടതും എല്ലാം നമ്മൾ കണ്ട കാഴ്ചകളാണ്, ഇതിനോട് വലിയ തോതിൽ സാമ്യം പുലർത്തുന്ന ഒരു രംഗം ഈ ചിത്രത്തിലും ഉണ്ട് എന്നത് സത്യത്തിൽ ഞെട്ടിച്ച് കളഞ്ഞ ഒരു കാര്യമാണ്. ആദ്യ ഭാഗത്ത് സൂചിപ്പിച്ച പ്രസക്തി എന്നത് ഈ രംഗം ഒന്ന് കൊണ്ട് മാത്രമല്ല മറിച്ച് കൈകാര്യം ചെയ്യുന്ന വിഷയം അത്രമേൽ ഗൗരവകരം ആയതിനാലാണ്.

🔸കറുത്ത വംശജർ ആയവർ നേരിടുന്ന വിവേചനവും, ചിലരുടെ ഉള്ളിൽ അടിഞ്ഞ് കൂടിയിരിക്കുന്ന റേസിസത്തിന്റെ വൃത്തിക്കെട്ട മുഖവും, ഇതിന് എതിരെ ഉള്ള ചെറുത്ത് നിൽപ്പും ഒക്കെയാണ് ഈ ചിത്രത്തിന്റെ പ്രമേയം. ഇതിനിടെ വളരെ ഇന്റെരെസ്റ്റിംഗ് ആയി തോന്നിയ കാര്യം എന്താണെന്നാൽ മാർട്ടിൻ ലൂഥർ കിങ്ങിന്റെയും മാൽകം എക്സിന്റെയും ഒക്കെ ഐഡിയോളജികൾ പരാമർശിക്കുമ്പോഴും ഇവർക്കിടയിലെ വേർതിരിവ് അല്ലെങ്കിൽ വ്യത്യാസം കൂടി ചിത്രം ചർച്ച ചെയ്യുന്നുണ്ട് എന്നതാണ്, ഒരു ഉദാഹരണമായി വയലെന്സിന്റെ ഉപയോഗത്തെ ചിത്രം അത്ര പിന്താങ്ങുന്നില്ല, ക്ളൈമാക്സ് ഉൾപ്പെടെ ഉള്ള പോർഷൻ വയലെന്റ് ആണെങ്കിൽ കൂടിയും അതിനെ ഗ്ലോറിഫൈ ചെയ്യുന്നില്ല എന്നത് നന്നായി തോന്നി.

🔸ബരൂക്ലിനിൽ കറുത്ത വംശജരായ ഒരു കൂട്ടം ആളുകൾ തിങ്ങി പാർക്കുന്ന ഒരു സ്ട്രീറ്റ് ആണ് നമ്മുടെ കഥാ പശ്ചാത്തലം. ഈ സ്ഥലത്ത് വർഷങ്ങളായി പിസ വില്പന നടത്തുന്ന ആളാണ് സോൾ, ഇറ്റലിക്കാരായ കുടിയേറ്റക്കാരുടെ പാരമ്പര്യമുള്ള, അതിൽ ഊറ്റം കൊള്ളുന്ന അഭിമാനിയായ കഥാപാത്രം. സോളിന് രണ്ട് മക്കളാണ്, മൂത്തവൻ പിന്റോ ഒരു തികഞ്ഞ റേസിസ്റ്റ് ആണ്, കറുത്തവരെ കണ്ണിന് നേരെ കാണുന്നത് തന്നെ വെറുക്കുന്നവൻ, രണ്ടാമത്തവൻ വിറ്റോയ്ക്കും സോളിന് തന്നെയും ഈ ഒരു പ്രശ്നമില്ല. സോളിന് കീഴിൽ ഡെലിവറി ബോയ്സ് ആയി ജോലി ചെയ്യുന്നവർ എല്ലാം തന്നെ കറുത്ത വംശജർ ആണ് താനും, ഇങ്ങനെ പോയി കൊണ്ടിരിക്കുമ്പോഴാണ് കഥയിൽ ഒരു ടർനിങ് പോയിന്റ് വരുന്നത്.

🔸തന്റെ ഹോട്ടലിൽ സോൾ ഒരു വാൾ ഓഫ് ഫെയിം വെച്ചിട്ടുണ്ട്, ഇറ്റലിക്കാരായ ചില പ്രമുഖരുടെ പടങ്ങൾ ഒക്കെ സ്ഥാപിച്ച ഒരിടം. ഇവിടെ എന്ത് കൊണ്ട് കറുത്ത വംശജരുടെ ചിത്രം വെക്കുന്നില്ല എന്ന കൂട്ടത്തിൽ ഒരുവന്റെ സംശയത്തിൽ നിന്നും സംഭവ പരമ്പരകളുടെ ഒരു ചെയിൻ ആരംഭിക്കുകയാണ്, ഒടുവിൽ വയലെന്സിന്റെ അതി പ്രസരത്തിൽ ചെന്ന് അവസാനിക്കുന്നു. സംവിധായകനായ സ്പൈക് ലീ തന്നെയാണ് പ്രധാന കഥാപാത്രത്തെയും അവതരിപ്പിച്ചിരിക്കുന്നത്, സാം ജാക്സണിനെ അദ്ദേഹത്തിന്റെ ആദ്യ കാല കഥാപാത്രങ്ങളിൽ ഒന്നിൽ ഒരു മിന്നായം പോലെ കാണാം. ഈ കാലഘട്ടം തന്നെ ചർച്ചയ്ക്ക് വെക്കേണ്ട സിനിമയാണ് ഡു ദി റൈറ്റ് തിങ്, കാണാൻ ശ്രമിക്കുക.

Verdict : Very Good

DC Rating : 85/100

861. Miracle Of A Giving Fool (2008)

Director : Kim Jung-kwon

Genre : Romance

Rating : 7.4/10

Country : South Korea

Duration : 98 Minutes

🔸കൊറിയൻ സിനിമകൾ എന്നൊക്കെ പറയുമ്പോൾ മിക്കവരുടെയും മൈൻഡിൽ ആദ്യം എത്തുന്നത് വയലെന്റ് ആയ, ട്വിസ്റ്റുകളും സസ്‌പെൻസും ടെൻഷനും ഒക്കെ നിറഞ്ഞ സിനിമകൾ ആയിരിക്കും, അങ്ങനെ ഉള്ള ചിത്രങ്ങളാവും മിക്കപ്പോഴും സജഷൻ വഴി കിട്ടാറുള്ളതും. എന്നാൽ അതിൽ നിന്ന് മാറി ലൈറ്റ് ഹാർട്ടഡ് ആയ, ഫീൽ ഗുഡ് എന്നൊക്കെ വിശേഷിപ്പിക്കാവുന്ന സിനിമകൾക്കും കൊറിയൻ ഭാഷയിൽ യാതൊരു പഞ്ഞവുമില്ല. ഈ ഒരു അവകാശവാദത്തിന് അല്ലെങ്കിൽ അഭിപ്രായത്തിന് ഉള്ള മികച്ച ഉദാഹരണങ്ങളിൽ ഒന്നാണ് മിറക്കിൾ ഓഫ് എ ഗിവിങ് ഫൂൾ അഥവാ ബാ ബോ എന്ന ചിത്രം.

🔸നായികാ കഥാപാത്രമായ ജി ഹോ, ഒരു പതിറ്റാണ്ടിൽ അധികം കാലമായി കൊറിയയ്ക്ക് പുറത്ത് യൂറോപ്പിൽ ആയിരുന്നു താമസം. ഒരു പിയാനിസ്റ്റ് ആയ ജിഹോ ജനിച്ചതും പഠിച്ചതും എല്ലാം കൊറിയയിൽ ആയിരുന്നു എങ്കിലും പിന്നീട് പലായനം ചെയ്യുക ആയിരുന്നു. തന്റെ വേണ്ടപ്പെട്ടവരെ ഒക്കെ കാണാനായി ജി ഹോ മടങ്ങി എത്തുന്നിടത്താണ് സിനിമ ആരംഭിക്കുന്നത്, എന്നാൽ ജി ഹോ ഒട്ടും പ്രതീക്ഷിക്കാത്ത ഒരാൾ കൂടി ആ വരവും പ്രതീക്ഷിച്ച് കാത്തിരിക്കുന്നുണ്ടായിരുന്നു, അതും ഈ കാലം അത്രയും. പ്രസ്തുത കഥാപാത്രമാണ് സിയാങ് റോങ്, ബുദ്ധി വളർച്ച ഒട്ടും ഇല്ലാത്ത ഒരു പാവം.

🔸സിയാങ്ങും ജിഹോയും ഒന്നിച്ച് പഠിച്ചവരാണ്, എന്നാലും ആ കാലഘട്ടം അത്ര മനോഹരം ഒന്നും ആയിരുന്നില്ല പ്രത്യേകിച്ചും സിയാങ്ങിനെ സംബന്ധിച്ച്. ഒരു ചെറിയ കുട്ടിയുടെ ബുദ്ധി വളർച്ച ആയതിനാലും ഉൾവലിഞ്ഞ പ്രകൃതം ആയതിനാലും മറ്റുള്ള വിദ്യാർത്ഥികളുടെ പഴി ഒരുപാട് ഏറ്റ് വാങ്ങേണ്ടി വന്നിട്ടുണ്ട് അവന്. അതൊക്കെ എന്തായാലും കഴിഞ്ഞ കാലം, ഇപ്പോൾ സിയാങ് ഒരു ടോസ്റ്റ് വില്പനക്കാരനാണ്, അവന് അടുപ്പക്കാർ എന്ന് പറയാൻ ആകെ ഉള്ളത് ഒരു സഹോദരിയും സുഹൃത്തും മാത്രമാണ്, ഇവർക്കിടയിലേക്കാണ് ജിഹോ മടങ്ങി വരുന്നത്.

🔸സിയാങ്ങിന്റെ സഹോദരിക്ക് ആണെങ്കിൽ അയാളെ കുറിച്ച് വലിയ മതിപ്പ് ഒന്നുമില്ല, പോരാത്തതിന് അവളെ സംബന്ധിച്ച് അയാൾ ഒരു നാണക്കേടും ആണ്. ഇങ്ങനെ ഒരു പശ്ചാത്തലത്തിൽ പോയി കൊണ്ടിരുന്ന കഥയിൽ നായികയുടെ വരവ് കൊണ്ട് വരുന്ന മാറ്റവും തുടർന്ന് അരങ്ങേറുന്ന സംഭവങ്ങളും ഒക്കെയാണ് ഈ ചിത്രത്തിന്റെ പ്ലോട്ട്. സിംപിൾ ആയ സ്റ്റോറി അത്യാവശ്യം ടച്ചിങ് ആയ നിലയിൽ തന്നെ ചിത്രത്തിൽ അവതരിപ്പിച്ചിട്ടുണ്ട്, മികച്ച അഭിനയവും എൻഡിങ്ങും ഉൾപ്പെടെ കാണാൻ അനവധി കാരണങ്ങളുണ്ട് ചിത്രത്തിൽ, തീർച്ചയായും പരീക്ഷിച്ച് നോക്കാവുന്നതാണ്.

Verdict : Good

DC Rating : 70/100

860. Yomeddine (2018)

Director : A.B Shawky

Genre : Journey

Rating : 7.2/10

Country : Egypt

Duration : 97 Minutes

🔸യോമെഡീൻ എന്ന ഈജിപ്ഷ്യൻ ചിത്രം കണ്ട് കൊണ്ടിരിക്കുന്ന വേളയിൽ പലയിടത്തും ഓർമയിൽ എത്തിയത് ഉദ്ദേശം നൂറ് വർഷങ്ങൾക്ക് മുന്നേ പുറത്തിറങ്ങിയ ഫ്രീക്സ് എന്ന ചിത്രമാണ്. ഫ്രീക്സ് എന്ന സിനിമ മുന്നോട്ട് വെച്ച ആശയം വിരൂപർ എന്ന് സമൂഹം വിലയിരുത്തിയ ഒരു കൂട്ടം ആളുകളും എല്ലാം തികഞ്ഞവർ എന്ന് സ്വയം ഊറ്റം കൊള്ളുന്ന വിഭാഗവും തമ്മിലുള്ള സ്വഭാവം ഉൾപ്പെടെ ഉള്ള കാര്യങ്ങളിലെ അന്തരം ആയിരുന്നു. യോമെഡീൻ എന്ന ചിത്രവും ഈ വിഷയം പരാമർശിക്കുന്നുണ്ട്, അല്ല ചർച്ച ചെയ്യുന്നു തന്നെയുണ്ട്. ഫ്രീക്സ് വ്യക്തിപരമായി വളരെ ഇഷ്ട്ടപ്പെട്ട ചിത്രമാണ്, ഈ ഒരു പാരലൽ കാരണമാവും യോമെഡിനും ആ ഒരു തലത്തിലേക്ക് പോവുന്നുണ്ട്.

🔸ബേഷായ് എന്ന വ്യക്തിയുടെ കഥയാണ് യോമെഡീൻ, പുള്ളിക്ക് പ്രായം നാല്പതിന് അടുത്ത് എത്തി. നഗരത്തിന് പുറത്ത് കുപ്പയ്ക്ക് സമാനമായ ഒരു കോളനിയിലാണ് അയാളുടെ താമസം, ആ സ്ഥലത്തിന് ഒരു പ്രത്യേകത ഉണ്ട്, വേറൊന്നുമല്ല അവിടം നിറച്ച് രോഗികളായവരുടെയും ആരാരുമില്ലാത്ത അനാഥർ ആയവരുടെയും ഒക്കെ വാസ സ്ഥലമാണ്. കഴിഞ്ഞ ഒരു മൂന്ന് പതിറ്റാണ്ട് കാലമായി ബെശായിയും ഇവിടുത്തെ താമസക്കാരനാണ്, നഗരത്തിൽ നിന്നും വരുന്ന മാലിന്യങ്ങളിൽ നിന്നും മറ്റും വേസ്റ്റ് പെറുക്കി വിറ്റിട്ട് ഒക്കെയാണ് അയാൾ ഉപജീവനത്തിനുള്ള മാർഗം കണ്ടെത്തുന്നത്.

🔸ഭാര്യ ഒഴിച്ച് നിർത്തിയാൽ അയാൾക്ക് ബന്ധുക്കൾ എന്ന് പറയാൻ ആരുമില്ല, ഭാര്യയെ ആണെങ്കിൽ ചില മാനസിക പ്രശ്നങ്ങളും മറ്റും കാരണം ഒരു അഗതി മന്ദിരം പോലൊരു മാനസിക ആരോഗ്യ കേന്ദ്രത്തിൽ താമസിപ്പിച്ചിരിക്കുകയാണ്. ബേഷായ് ഒരു ലെപ്രസി രോഗി ആയിരുന്നു, ഈ കാരണം കൊണ്ട് തന്നെ അയാളുടെ സ്കിന്നും മുഖവും എല്ലാം വികലമാക്കപ്പെട്ടതാണ്, കാഴ്ചയിലെ ഈ ഒരു വിരൂപത കാരണം തന്നെ അയാളെ ആളുകൾ അകറ്റി നിർത്താറാണ് പതിവ്. അതിൽ ഇപ്പൊ അയാൾക്ക് വലിയ പരാതിയോ പരിഭവമോ ഒന്നുമില്ല, ശീലം ആയി കഴിഞ്ഞിരിക്കുന്നു ഇതെല്ലാം.

🔸അങ്ങനെ വലിയ മാറ്റം ഒന്നും ഇല്ലാതെ പോയി കൊണ്ടിരുന്ന ദിവസങ്ങളിൽ ഒന്നിലാണ് ബശ്ശായിയുടെ മനസ്സിൽ ഒരു ആഗ്രഹം ഉടലെടുക്കുന്നത്, തന്റെ കുടുംബത്തെ, ബാക്കി ഉള്ളവരെ ഒരിക്കൽ എങ്കിൽ ഒരിക്കൽ കാണണം എന്ന്. അതിനായി അയാൾ സ്വന്തം കഴുതപ്പുറത്ത് യാത്ര തിരിക്കുകയാണ്. കൃത്യമായ അറിവ് ഒന്നും തന്നെയില്ല അയാളുടെ പക്കൽ, എല്ലാം ഊഹാപോഹങ്ങളാണ്, എന്തായാലും യാത്ര ആരംഭിച്ച് കഴിഞ്ഞു. അതിമനോഹരമായ ഒരു സിനിമയാണ് യോമെഡീൻ, ഒരുവേള കണ്ണ് നനയിപ്പിക്കും എന്ന് തന്നെ പറയാം. മികച്ച കഥ, കഥാപാത്രങ്ങൾ, പേ ഓഫ് തുടങ്ങി എല്ലാ കോളങ്ങളും എ ഗ്രെയ്ഡ അർഹിക്കുന്ന നല്ല ഒന്നാന്തരം ഒരു സിനിമ,തീർച്ചയായും കാണാൻ ശ്രമിക്കുക.

Verdict : Must Watch

DC Rating : 90/100

859. An American Pickle (2020)

Director : Brandon Trost

Genre : Comedy

Rating : 6.7/10

Country : USA

Duration : 88 Minutes

🔸എച്ബിഓ മാക്സിന്റെ ആദ്യ ഒറിജിനൽ മൂവി റിലീസാണ് ആൻ അമേരിക്കൻ പിക്കിൾ, മറ്റ് സ്ട്രീമിങ് സൈറ്റുകൾ മിക്കതും തങ്ങളുടെ ആദ്യ സിനിമാ റിലീസിനായി ബ്രഹ്മാണ്ഡ സിനിമകൾക്ക് പിറകെ പാഞ്ഞ ചരിത്രം ഉള്ളപ്പോൾ എച്ബിഓ വന്നിരിക്കുന്നത് അത്യാവശ്യം സൈലന്റ് ആയാണ്, വലിയ ഒച്ചയോ ബഹളമോ പ്രൊമോഷനോ ഒന്നും തന്നെ കണ്ടില്ല. സത്യത്തിൽ അവർ റിലീസ് ചെയ്യാൻ ഉദ്ദേശിച്ച സിനിമ പോലും അല്ലിത്, സോണി തിയേറ്റർ റിലീസ് മുന്നിൽ കണ്ട് തയാറാക്കിയ പ്രസ്തുത ചിത്രം കോവിഡ് ഉൾപ്പെടെ ഉള്ള കാരണങ്ങൾ കാരണം സ്ട്രീമിങ് സൈറ്റുകൾക്ക് മുന്നിലേക്ക് എത്തുക ആയിരുന്നു, എന്തായാലും ഇന്ന് സിനിമ പ്രേക്ഷകർക്ക് മുന്നിൽ എത്തിയിട്ടുണ്ട്.

🔸സെത് റോഗൻ എന്ന നടനോട് എല്ലാ സമയത്തും താല്പര്യം തോന്നിയിട്ടുണ്ട്, പുള്ളിയുടെ കൊമെടി ടൈമിങ്ങും, ചില സമയത്തെ മുഖ ഭാവങ്ങളും എല്ലാം കിടു തന്നെയാണ്. നെയ്‌ബേർസ് സോറോറിറ്റി റൈസിംഗ് പോലെയുള്ള സിനിമകളെ മീഡിയോക്കാർ ആയ പ്ലോട്ട് വെച്ചിട്ട് പോലും അത്രമേൽ ആസ്വാദകരം ആക്കിയതിൽ രോഗനുള്ള പങ്ക് ചെറുതല്ല. ആൻ അമേരിക്കൻ പിക്കിളിലും ഇതൊക്കെയേ പ്രതീക്ഷിച്ചിട്ടുള്ളൂ, പ്രത്യേകിച്ചും സിനിമയുടെ വൺ ലൈൻ പ്ലോട്ട് കൂടി കണ്ടപ്പോൾ രോഗന്റെ വൺ മാൻ ഷോ അല്ലാതെ വേറൊന്നും പ്രതീക്ഷിച്ചിരുന്നില്ല. രണ്ട് റോളുകളിൽ ഏറെക്കുറെ അത് തന്നെയാണ് ചിത്രം, സെത് രോഗന്റെ ഒരു വൺ മാൻ ഷോ.

🔸നല്ലൊരു ജോലിക്കും, ജീവിതത്തിനും എല്ലാമായി അമേരിക്കയിലേക്ക് കുടിയേറി പാർത്ത ആളാണ് ഹെർഷെൽ ഗ്രീൻബോം, കുടിയേറി പാർത്തത് എന്ന വിശദീകരണം എത്രത്തോളം ചേരും എന്ന് പറയാനാവില്ല, യുദ്ധം കാരണം ജീവനും കൊണ്ട് ഓടുക ആയിരുന്നു ഹെർഷെലും ഭാര്യ സാറയും. അമേരിക്കയിൽ എത്തിയ ഹെർഷെൽ അവിടൊരു അച്ചാർ കമ്പനിയിൽ ജോലി നേടി ഒരു വിധത്തിൽ കുടുംബ ജീവിതം കെട്ടിപ്പടുത്തു കൊണ്ടിരിക്കെ ആണ് ഒരു കാര്യം സംഭവിക്കുന്നത്, ട്രാജഡി എന്ന് പറയാം. അബദ്ധവശാൽ ഹെർഷെൽ അച്ചാർ കമ്പനിയിലെ ഒരു പ്രിസെർവേഷൻ ടാങ്കിൽ പെട്ട് പോവുകയാണ്, ആരും ഒട്ട് ശ്രദ്ധിച്ചതുമില്ല.

🔸നിർഭാഗ്യം എന്ന് പറയട്ടെ, ഇരുപതാം നൂറ്റാണ്ടിന്റെ തുടക്കത്തിൽ നടന്ന ഈ സംഭവത്തിന് ശേഷം ആ ഫാക്ടറി അടച്ചിട പെടുകയും പിന്നീട് ഉപയോഗ ശൂന്യമായ രീതിയിലേക്ക് മാറുകയും ചെയ്തു. നൂറ് വർഷങ്ങൾക്ക് ശേഷമാണ് പിന്നീട് അവിടേക്ക് ഒരാൾ വരുന്നതും ടാങ്ക് തുറക്കപ്പെടുന്നതും, അതിനകത്ത് നിന്ന് ഒരു ദിവസം പോലും പ്രായം കൂടാത്ത ഹെർഷെൽ പുറത്തേക്ക് വരികയാണ്. ഇതാണ് ആൻ അമേരിക്കൻ പിക്കിൽ എന്ന സിനിമയുടെ ഒരു ബേസിക് പ്ലോട്ട്, കാര്യം ഏറെക്കുറെ മനസിലായി കാണുമല്ലോ ലോജിക് പോലുള്ള കാര്യങ്ങൾ പ്രതീക്ഷിക്കേണ്ടതില്ല. ചിത്രം കോമിക്കൽ ആയാണ് പുരോഗമിക്കുന്നത് എങ്കിലും ഹെർഷെലിന് പറ്റിയ ട്രാജഡി അത്യാവശ്യം ടച്ചിങ് ആയി തന്നെ അവതരിപ്പിച്ചിട്ടുണ്ട്. ഒരു എന്റർടെയ്‌നർ എന്ന നിലയ്ക്ക് അത്യാവശ്യം കൊള്ളാവുന്ന ചിത്രമാണ് ആൻ അമേരിക്കൻ പിക്കിൾ, ചുമ്മാ കണ്ടിരിക്കാൻ ഉള്ളതുണ്ട്.

Verdict : Watchable

DC Rating : 60/100

858. Truth And Justice (2019)

Director : Tanel Toom

Genre : Drama

Rating : 8.5/10

Country : Estonia

Duration : 166 Minutes

🔸ട്രൂത് ആൻഡ് ജസ്റ്റിസ് എന്ന സിനിമയ്ക്ക് ഇസ്റ്റോണിയൻ സിനിമ ഇന്ഡസ്ട്രിയിലും, ലിറ്ററേച്ചറിലും എന്തിനധികം കൽച്ചറിൽ വരെ പ്രാധാന്യമുണ്ട് എന്ന് പറഞ്ഞാൽ തെറ്റില്ല. ഇരുപതാം നൂറ്റാണ്ടിൽ സോവിയെറ്റ് ഭരണ കാലത്ത് പുറത്തിറങ്ങിയ ലാൻഡ്മാർക്ക് എന്നൊക്കെയുള്ള വിശേഷണം അർഹിക്കുന്ന നോവലാണ് ചിത്രത്തിന് ആധാരം. റിലീസിന് പുറമെ മികച്ച അഭിപ്രായങ്ങൾ കരസ്ഥമാക്കിയ ചിത്രം രാജ്യം സ്വാതന്ത്ര്യം നേടിയ ശേഷം ഏറ്റവും കൂടുതൽ ആളുകൾ കണ്ട ചിത്രങ്ങളിൽ ഒന്ന് കൂടിയാണ്. അങ്ങനെ ചുരുക്കി പറഞ്ഞാൽ വലിയ പ്രാധാന്യം അർഹിക്കുന്ന, ലഭിച്ച ചിത്രം തന്നെ, നിലവാരത്തിന്റെ കാര്യം ആണെങ്കിൽ പറയുകയും വേണ്ട, അടുത്തിടെ കണ്ട മികച്ച ഡ്രാമകളിൽ ഒന്നും.

🔸സംവിധായകൻ ടാനൽ ടൂമിന്റെ ആദ്യ ഫീച്ചർ ഫിലിം സംവിധാന സംരംഭമാണ് ഈ ചിത്രം, രാജ്യത്തിൻറെ സാംസ്‌കാരിക ആഘോഷത്തിന്റെ ഭാഗമായി ഗവണ്മെന്റ് ഫണ്ടിങ്ങോടെ പൂർത്തിയാക്കിയ ആറ് പ്രൊജക്റ്റുകളിൽ ഒന്ന് കൂടിയാണ് പത്തൊൻപതാം നൂറ്റാണ്ടിന്റെ പശ്ചാത്തലത്തിൽ കഥ പറഞ്ഞ് പോകുന്ന ഈ ചിത്രം. ഒരു പിരിയഡ് ഡ്രാമയ്ക്ക് യോജിച്ച ബാക്ക്ഗ്രൗണ്ടും ലൊക്കേഷനും സെറ്റപ്പും എല്ലാം പെർഫെക്റ്റ് ആയത് കൊണ്ട് തന്നെ ആവാം അത്യാവശ്യം ചിലവിലാണ് ചിത്രം തയാറായത്, മുടക്കിയ മുതൽ തിരിച്ച് പിടിക്കാൻ ചിത്രത്തിന് കഴിഞ്ഞിട്ടുണ്ടെന്ന് അറിയാൻ കഴിഞ്ഞു.

🔸നവ ദമ്പതികളായ ആന്ദ്രേസും ഭാര്യ ക്രൂട്ടും റോബ്ബർസ് റൈസിൽ പുതിയ താമസക്കാരാണ്, ആന്ദ്രെസ് കഠിനാധ്വാനിയാണ്, മണ്ണ് ചതിക്കില്ല എന്ന പഴമൊഴിയിൽ ഉറച്ച് വിശ്വസിക്കുന്ന കർഷകനായ ടിയാൻ തനിക്കും തന്റെ കുടുംബത്തിനും ആവശ്യമായ വസ്തുവകകൾക്കും ആഹാരത്തിനും ആയി ആശ്രയിക്കുന്നത് വിളനിലങ്ങളെ തന്നെയാണ്. അധ്വാനം ആണ് അയാളുടെ കൈമുതൽ, മറ്റൊന്നും അയാളിൽ താല്പര്യം ജനിപ്പിക്കുന്നില്ല എന്ന് പോലും തോന്നിപ്പോകും. അങ്ങനെ പുതിയ സ്ഥലത്ത് എത്തിയ ആന്ദ്രെസ് പിയേറെ എന്ന അയൽക്കാരന്റെ പക്കൽ നിന്നും ഭൂമി വാങ്ങുന്നതും, ചില ചതികളിൽ പെട്ട് പോവുന്നതും ഒക്കെയാണ് കഥയുടെ ഒരു ലൈൻ.

🔸ആന്ദ്രേ ആണ് നമ്മുടെ കേന്ദ്ര കഥാപാത്രം എങ്കിലും ഓരോ കഥാപാത്രത്തിനും പറയാനുണ്ട് ഓരോ കഥകൾ, ഭാര്യയായ ക്രൂട്ട് ആയാലും പിയേറെ ആയാലും മാരി ആയാലും എല്ലാവര്ക്കും വ്യക്തമായ ഐഡന്റിറ്റികൾ ഉണ്ട് ചിത്രത്തിൽ, അത് തന്നെയാണ് ട്രൂത് ആൻഡ് ജസ്റ്റിസിന്റെ ഏറ്റവും വലിയ സ്ട്രോങ്ങ് പോയിന്റ് ആയി തോന്നിയതും. കഥ എന്നത് സിനിമയുടെ മറ്റൊരു ഔട്ട്‍സ്റ്റാന്ഡിങ് ആസ്പെക്റ്റ് ആണ്, പ്രൊഡക്ഷൻ ഡിസൈനും ഛായാഗ്രാഹണവും എല്ലാം പ്രത്യേക പരാമർശം അർഹിക്കുന്നുമുണ്ട്. അപ്പൊ പറഞ്ഞ് വന്നത് എന്താണെന്നാൽ, മികച്ച ചിത്രം തന്നെയാണ് ട്രൂത് ആൻഡ് ജസ്റ്റിസ്, തീർച്ചയായും കാണാൻ ശ്രമിക്കുക.

Verdict : Must Watch

DC Rating : 90/100

857. One Hour Photo (2002)

Director : Mark Romanek

Genre : Thriller

Rating : 6.8/10

Country : USA

Duration : 98 Minutes

🔸നടന്മാർ തങ്ങളുടെ സ്ഥിരം സേഫ് സോൺ ഏരിയയിൽ നിന്നും മാറി ഇതുവരെ പോയിട്ടില്ലാത്ത ഒരു മേഖലയിലേക്ക് അല്ലെങ്കിൽ ശൈലിയിലേക്ക് കടന്നപ്പോൾ എല്ലാം തന്നെ ലഭിച്ചത് വേറിട്ടൊരു അനുഭവം തന്നെ ആയിരുന്നു, നിലവാരത്തിൽ ചിലപ്പോൾ നല്ലതെന്നോ മോശം എന്നോ ഒക്കെ പറയാം എങ്കിലും എന്റർടെയ്‌നിങ് ആയിരിക്കും എന്ന കാര്യത്തിൽ സംശയം ഏതും വേണ്ട, മലയാളത്തിൽ നോക്കുക ആണെങ്കിൽ അനന്തൻ നമ്പ്യാർ എന്ന കഥാപാത്രം നിലവാരത്തിലും എന്റർടെയ്‌നിങ് ഫാക്റ്ററിലും ഒരുപോലെ മികച്ച് നിന്ന നല്ല ഒന്നാം ക്‌ളാസ് ഉദാഹരണമാണ്. വൺ ഹവർ ഫോട്ടോ എന്ന ചിത്രത്തിലെ റോബിൻ വില്യംസിന്റെ കഥാപാത്രവും ഇത്പോലെ വേറിട്ട വഴിയേ പോയ ഒന്നാണ്.

🔸സേവ്‌മാർട്ട് എന്ന അമേരിക്കയിലെ പ്രശസ്തമായ ഒരു മാൾ/ സ്റ്റോറിലെ ഫോട്ടോ ടെക്ക്‌നീഷ്യൻ ആണ് സമോർ പാരിഷ്, ഒരു മണിക്കൂറിന് ഉള്ളിൽ ഫോട്ടോ നൽകുന്ന അത്യാവശ്യം പ്രശസ്തമായ എഫിഷ്യന്റ് ആയ സ്റ്റോറാണ് അത്. ഫോട്ടോഗ്രാഫിക് മേഖലയിൽ അത്യാവശ്യം കഴിവുള്ള, വർഷങ്ങളുടെ അനുഭവ പരിചയം ഉള്ള ആളാണ് സമോർ, ഒരു മോഡൽ എംപ്ലോയി എന്നൊക്കെ വിശേഷിപ്പിക്കാവുന്ന വ്യക്തിത്വം. എന്നാൽ സദാ സമയം പുഞ്ചിരിച്ച് കൊണ്ട് നിൽക്കുന്ന സമോറിനെ അല്ല അയാളുടെ വ്യക്തി ജീവിതത്തിൽ നമുക്ക് കാണാൻ കഴിയുക.

🔸ബന്ധുക്കൾ എന്നോ സുഹൃത്തുക്കൾ എന്നോ ചൂണ്ടി കാണിക്കാൻ അയാൾക്ക് ആരും തന്നെയില്ല, ഭാര്യയോ കാമുകിയോ മക്കളോ ഇല്ല, ജോലിക്ക് ശേഷം തന്റെ വീട്ടിൽ മടങ്ങി എത്തി കസേരയിൽ ചാരി ഇരുന്ന് മനസിനെ കെട്ടഴിച്ച് വിട്ട് അയാളുടേതായ ലോകത്ത് സമയം ചിലവഴിക്കുക എന്നതാണ് സമോറിന്റെ ഏക വിനോദം. ഇതിന് പുറമെ സമോറിന് ഉള്ള ഒരു ഒബ്‌സഷൻ എന്നത് യോർക്കിൻ ഫാമിലിയാണ്, വർഷങ്ങളായി അവരുടെ ഫോട്ടോ പകർത്തുന്നതും നൽകുന്നതും എല്ലാം സമോർ ആണ്, എന്നാൽ അതിനപ്പുറം സമോറിന്റെ മനസ്സിൽ ഇവർക്ക് ഒരു പെർഫെക്റ്റ് ഫാമിലി സങ്കൽപം ഉണ്ട്.

🔸ഈ ഒരു ഒബ്‌സഷൻ താമസിയാതെ അയാളുടെ റിയാലിറ്റിയെ ബാധിക്കുന്നുണ്ട്, യോർക്കിന് കുടുംബം തന്റേത് കൂടി ആണെന്ന് അയാൾ വിശ്വസിക്കാൻ തുടങ്ങുന്നു, അവർ തന്റെ വേണ്ടപ്പെട്ടവർ ആണെന്നും അടുപ്പക്കാർ ആണെന്നും ഒക്കെ. എന്നാൽ റിയൽ ലൈഫിൽ അവരുമായി അടുപ്പത്തിലാവാൻ സമോറിന് കഴിയുന്നില്ല, അന്തർമുഖ സ്വഭാവവും ഡിപ്രഷനും ഒക്കെ തന്നെ കാരണം. താമസിയാതെ സമോറിന്റെ ഈ രണ്ട് ലോകങ്ങൾ, ഭാവനയും റിയാലിറ്റിയും എല്ലാം കൊളൈഡ് ചെയ്യുമ്പോൾ വലിയ പ്രത്യാഘാതങ്ങൾ ഉരുത്തിരിഞ്ഞ് വരികയാണ്. ഇന്റെൻസ് ആയ റോബിൻ വില്യംസിന്റെ പ്രകടനവും, ശക്തമായ കഥയും ഒക്കെയാണ് ചിത്രത്തിന്റെ പ്ലസ് പോയിന്റുകൾ, കാണാൻ ശ്രമിക്കുക.

Verdict : Very Good

DC Rating : 80/100