1371. Haru (1996)

Director : Yoshimtsu Morita

Cinematographer : Hiroshi Takase

Genre : Romance

Country : Japan

Duration : 118 Minutes

🔸ചില സിനിമകൾക്ക് നമ്മൾ വാക്കുകളാൽ വിശേഷിപ്പിക്കാൻ കഴിയാത്ത ഒരു മനോഹാരിത ഉണ്ടാവും, അത് ചിലപ്പോൾ കഥയോ, സൗണ്ട് ട്രാക്കോ, പ്രകടനങ്ങളോ എന്ത് തന്നെയോ ആവാം. നമ്മൾ കാഴ്ചക്കാരിൽ വല്ലാത്തൊരു ഇമ്പാക്റ്റ് ഉണ്ടാക്കി അങ്ങനെ അങ്ങ് പോവും, അതിൽ എന്താണ് അതിനും മാത്രം സ്പെഷ്യൽ എന്ന് ചോദിച്ചാൽ പറഞ്ഞ് കൊടുക്കാൻ കഴിഞ്ഞേക്കില്ല പക്ഷെ ആ സിനിമയെ കുറിച്ചുള്ള ഓർമകളോ, ചിന്തയോ പോലും നമ്മളിൽ ഒരു ചെറിയ ചിരി കൊണ്ട് വരും. അത്തരത്തിൽ മനോഹരമായ ഒരു ഓർമ്മ ആണ് ഹാരു എന്ന ചിത്രം, ആദ്യം കണ്ടിട്ട് വർഷങ്ങൾ കുറച്ച് ആയി എങ്കിലും ഇന്ന് ഈ തുടർ കാഴ്ചയിലും ആ ഒരു മനോഹാരിത അതേ പടി നില നിൽക്കുന്നു, ഇനി ഒരു കാലത്ത് കാണുമ്പോഴും അത് ഉണ്ടാവും എന്നത് വിശ്വാസവും ആണ്.

🔸ഇന്റർനെറ്റിന്റെ ആരംഭ കാലം ആണ് നമ്മുടെ കഥാ പശ്ചാത്തലം, ആ കാലത്തെ സോഷ്യൽ മീഡിയ പ്ലാറ്റ് ഫോമുകളിൽ ഒന്നിൽ നിന്നുമാണ് നമ്മുടെ പ്രധാന കഥാപാത്രങ്ങൾ പരസ്പരം പരിചയപ്പെടുന്നത്. പരിചയപ്പെടൽ എന്ന വാക്ക് തന്നെ തെറ്റാണ്, ഇരുവർക്കും മറ്റേ ആളെ കുറിച്ച് യാതൊരു അറിവും ഇല്ല. അവരുടെ പേരോ, നാടോ, വയസ്സൊ, എന്തിന് അധികം ആണാണോ പെണ്ണാണോ എന്ന് പോലും അറിയില്ല. എന്നാൽ പരസ്പരം ഉള്ള ഇടപഴകലുകൾ ഇരുവരെയും തമ്മിൽ അടുപ്പിക്കുന്നു. ഈ രണ്ട് പേരും ആരൊക്കെയാണ് എന്ന് കാഴ്ചക്കാരന് അറിയാം എങ്കിലും ഒരു തരം സസ്പെൻസ് കഥയിൽ ആദ്യാവസാനം നിലനിർത്തി പോവാൻ സംവിധായകന് കഴിഞ്ഞിട്ടുണ്ട് എന്നത് എടുത്ത് പറയണം.

🔸ഈ ഒരു പോയിന്റിൽ നിന്ന് കഥ പറഞ്ഞ് തുടങ്ങുന്ന ചിത്രം നമ്മൾ പ്രതീക്ഷിക്കാത്ത പല പല പ്ലോട്ട് പോയിന്റുകളിൽ കൂടി ചെന്ന് അവസാനം വളരെ മനോഹരമായ ഓർമയിൽ തങ്ങി നിൽക്കുന്ന ഒരു ക്ലൈമാക്സോഡ് കൂടി അവസാനിക്കുകയാണ്. സിനിമയുടെ ഏറ്റവും വലിയ ശക്തികളിൽ ഒന്ന് അതിന്റെ സൗണ്ട് ട്രാക്ക് ആണ്, പ്രത്യേകിച്ചും അവസാനത്തിന് തൊട്ട് മുന്നേയുള്ള ട്രെയിൻ സീൻ ഒക്കെ റിപ്പീറ്റഡ് അടിച്ച് കാണാൻ കാരണം ആ ഭാഗത്തെ കിടിലൻ സൗണ്ട് ട്രാക്ക് ആണ്. പ്രകടനം ആയാലും, അവതരണം ആയാലും, കഥ ആയാലും എല്ലാം ടോപ് നോച് ആയിരുന്നു ഈ സിനിമ. പേഴ്സണലി വലിയ താല്പര്യം ഇല്ലാത്ത ജോണർ ആണെങ്കിലും ഇഷ്ട ചിത്രങ്ങളിൽ ഒന്നായി ഈ സിനിമയും കാണും.

Verdict : Must Watch

DC Rating : 4.5/5