1340. The Brutalist (2024)

Director : Brady Corbet

Cinematographer : Lol Crawley

Genre : Drama

Country : UK

Duration : 216 Minutes

🔸എല്ലാ വർഷവും ഉണ്ടാവാറുള്ള ഒരു പതിവ് സംഭവമാണ്, ഫിലിം ഫെസ്റ്റ് വേദികളിലും മറ്റുമൊക്കെ വൻ അഭിപ്രായം നേടിയ കാണണം എന്ന് നൂറ് ശതമാനം ഉറപ്പിച്ച സിനിമ പാടെ നിരാശപ്പെടുത്തുക എന്നത്. ചില വർഷങ്ങളിൽ അത് ഒന്നിൽ ഒന്നും നിന്നിട്ടില്ല എങ്കിലും ഈ വർഷം ആ കുറവ് നികത്തുന്നത് ബ്രൂട്ടലിസ്റ്റ് എന്ന ഈ സിനിമ ആണ്. ഒരു മോശം സിനിമ ഒന്നും അല്ല ബ്രൂട്ടലിസ്റ്റ്, നല്ല കഥയും, കഥാപശ്ചാത്തലവും, പ്രകടനങ്ങളും ഒക്കെയുള്ള ഒരു സിനിമ തന്നെയാണ്, എന്നാൽ മൂന്നര മണിക്കൂർ ഉള്ള ഒരു സിനിമയോട് നമുക്ക് ഒരു കണക്ഷൻ തോന്നിയില്ല എങ്കിൽ അത് തീർത്തും നിരാശജനകമായ ഒരു അനുഭവം ആയിരിക്കും നൽകുക, അത് തന്നെയാണ് ഈ ചിത്രവും.

🔸ഉദ്ദേശം അൻപത് വർഷത്തെ ചരിത്രം പറയുന്നുണ്ട് ഈ ചിത്രം. ആർക്കിട്ടക്റ്റ് ആയ ലാസ്‌ലോ ടോത് ആണ് നമ്മുടെ പ്രധാന കഥാപാത്രം, ടിയാൻ ഒരു ജൂത വംശജനും, രണ്ടാം ലോകമഹായുദ്ധകാലത്തെ പീഡനങ്ങളും യാതനകളും ഒക്കെ അതിജീവിച്ച വ്യക്തിയുമാണ്. സ്വന്തം നാട്ടിൽ തുടർന്ന് അങ്ങോട്ടുള്ള ജീവിതം ഏറെക്കുറെ അസാധ്യം ആണ് എന്ന തിരിച്ചറിവിൽ അമേരിക്കയിലേക്ക് കുടിയേറി പാർക്കാൻ തയ്യാർ ആവുകയാണ് ലാസ്‌ലോ. ഈ ഒരു പലായനത്തിന് ഇടെ വേണ്ട പെട്ട പലരെയും, പലതിനെയും അയാൾക്ക് താൽക്കാലികമായി എങ്കിലും ഒഴിവാക്കേണ്ടി വരുന്നുണ്ട്, സ്വന്തം ഭാര്യയെ ഉൾപ്പെടെ.

🔸അമേരിക്കയിൽ എത്തിയ ലാസ്‌ലോ തന്റെ ബന്ധു മിത്രാദികളുടെ സഹായത്തോടെ ചെറിയ ചില ജോലികൾ കണ്ടെത്തി എങ്കിലും ധനികനായ ഒരു വ്യക്തിയുടെ കടന്ന് വരവോട് കൂടി അയാളുടെ ജീവിതം ഒന്നടങ്കം മാറുകയാണ്. മുകളിൽ പറഞ്ഞത് പോലെ തന്നെ മികച്ച പ്രകടനങ്ങൾ ആണ് ഈ സിനിമയെ മുകളിലേക്ക് കൊണ്ട് പോവുന്നത്, അതല്ലാതെ വേറെ സവിശേഷമായ എന്തെങ്കിലും പ്രത്യേകത സിനിമയിൽ ഉള്ളതായി അനുഭവപ്പെട്ടില്ല. മൂന്നര മണിക്കൂർ ദൈര്ഗ്യം എന്നത് ഒരു പ്രശ്നം തന്നെയായി അനുഭവപ്പെട്ടു, ഒരു പക്ഷെ കഥയിൽ ഇൻവെസ്റ്റഡ് ആവാഞ്ഞത് കൊണ്ടാവാം.

Verdict : Average

DC Rating : 2.75/5

1339. I'm Still Here (2024)

Director : Walter Salles

Cinematographer : Adrian Teijido

Genre : Drama

Country : Brazil

Duration : 138 Minutes

🔸അറുപതുകളിലെയും എഴുപതുകളിലെയും ഒക്കെ രാഷ്ട്രീയ ചരിത്രം പരിശോധിച്ച് കഴിഞ്ഞാൽ പൊതുവായി തോന്നിയ ഒരു കാര്യം ആ കാലഘട്ടത്തിൽ ഒക്കെ നിലനിന്ന ഒരുതരം അരക്ഷിതാവസ്ഥ ആണെന്ന് തോന്നിയിട്ടുണ്ട്. പട്ടാള ആട്ടിമറികളും കൂട്ട കൊലപാതകങ്ങളും, ജനാധിപത്യത്തിന്റെ വീഴ്ചയും എല്ലാം ചുരുങ്ങിയത് രണ്ടിൽ അധികം രാജ്യങ്ങളിൽ എങ്കിലും ഒരേ രീതിയിൽ എന്ന പോലെ അരങ്ങേറിയിട്ടുള്ളതായി കാണാം. ഈ ഒരു ചരിത്രത്തിന്റെ ബ്രസീലിയൻ സൈഡ് പറയുന്ന ചിത്രമാണ് ഐ ആം സ്റ്റിൽ ഹിയർ എന്ന് പറയാം, ഒരുപക്ഷെ പോയ വർഷത്തെ ഏറ്റവും പവർഫുൾ സിനിമകളിൽ ഒന്നായി കൂടി നമുക്ക് ഈ ചിത്രത്തെ വിശേഷിപ്പിക്കാം, അതിപ്പോൾ പ്രകടനം കൊണ്ടായാലും കഥ കൊണ്ടായാലും.

🔸മാഴ്സ്ലോ റൂബൻസ് ഉദ്ദേശം പത്ത് വർഷങ്ങൾക്ക് മുന്നേ എഴുതിയ കൃതിയെ ആധാരപ്പെടുത്തി, ഒരു യഥാർത്ഥ സംഭവത്തിന്റെ സിനിമാ രൂപം ആണ് ഈ ചിത്രം. എഴുപതുകളിൽ ബ്രസീലിലെ പട്ടാള ഭരണ കാലത്ത് തന്റെ ഭാര്യയോടും അഞ്ച് മക്കളോടും ഒപ്പം ജീവിച്ച് പോന്ന വ്യക്തി ആണ് റൂബൻസ് പൈവ. ഒരു സിവിൽ എഞ്ചിനിയർ എന്ന നിലയ്ക്കാണ് അയാളെ സർവർക്കും പരിചയം എങ്കിലും രാജ്യത്തെ അന്ന് നിലനിന്നിരുന്ന ഐഡിയോളജിക്ക് എതിരെ അയാൾ ശബ്ദം ഉയര്യത്തിയിരുന്നു എന്നതും ആ കാരണം കൊണ്ട് തന്നെ അയാൾ ഭരണവർഗത്തിന്റെ നോട്ടപ്പുള്ളി ആയിരുന്നു എന്നതും അധികം ആർക്കും അറിയാത്ത ഒരു കാര്യം ആയിരുന്നു, കുറഞ്ഞത് അയാളുടെ കുടുംബത്തിന് എങ്കിലും.

🔸ഒരുനാൾ റുബൻസിനെ കാണാതാവുകയാണ്, അയാൾ എവിടേക്ക് പോയി എന്നതോ അയാൾക്ക് എന്ത് സംഭവിച്ചു എന്നതോ ഉത്തരം കിട്ടാത്ത ഒരു ചോദ്യമായി അവശേഷിക്കുന്നു. ഈ ഒരു തിരോധനത്തിന്റെ ശേഷിപ്പുകൾ ആണ് ഈ സിനിമ ചർച്ച ചെയ്യുന്നത്, ഒരു യഥാർത്ഥ സംഭവം ആയത് കൊണ്ട് തന്നെ കഥ മിക്കവർക്കും അറിയാം എന്നത് ഒരു പോരായ്മയായി തോന്നിയേക്കാം, എന്നാൽ പ്രകടനങ്ങൾ ആണ് സിനിമയെ മറ്റൊരു തലത്തിലേക്ക് കൊണ്ട് പോവുന്നത്, പ്രത്യേകിച്ചും ഫെർണണ്ട ടോറസ് എന്ന അഭിനേത്രിയുടേത്. ആ കഥാപാത്രം ഇല്ലെങ്കിൽ ഈ സിനിമയെ ഇല്ല എന്നിരിക്കെ ആ പ്രകടനത്തിന്റെ പ്രാധാന്യം എന്താണെന്ന് പറയേണ്ടത് ഇല്ല. പോയ വർഷം ഇറങ്ങിയ മികച്ച സിനിമകളിൽ ഒന്നാണ് ഐ ആം സ്റ്റിൽ ഹിയർ,. കണ്ട് നോക്കേണ്ടതാണ്.

Verdict : Very Good

DC Rating : 4/5

1338. Sinners (2025)

Director : Ryan Coogler

Cinematographer : Autumn Durald

Genre : Thriller

Country : USA

Duration : 138 Minutes

🔸ര്യാൻ കൂഗ്ലർ എന്ന സംവിധായകൻ ഈ ജെനരെഷനിലെ തന്നെ ഏറ്റവും പ്രതിഭാ ധനൻ ആയ സംവിധായകരിൽ ഒരാളാണെന്ന് തോന്നിയിട്ടുണ്ട്. അദ്ദേഹം സംവിധാനം ചെയ്ത ഫ്രുട്വെൽ സ്റ്റേഷൻ, ബ്ലാക്ക് പാന്തർ, ക്രീഡ് തുടങ്ങിയ ചിത്രങ്ങൾ എല്ലാം തന്നെ നല്ല ഒന്നാം ക്ലാസ് ഔട്ട് പുട്ടുകൾ ആയിരുന്നു. യഥാർത്ഥ ജീവിതത്തിൽ അരങ്ങേറിയ സംഭവങ്ങൾ കൂടി കണക്കിൽ എടുക്കുമ്പോൾ ബ്ലാക്ക് പാന്തർ ചിത്രത്തിന്റെ രണ്ടാം ഭാഗവും ആ സംവിധായകന്റെ കയ്യടക്കം തെളിയിക്കുന്ന ഒന്ന് തന്നെയാണ്. സ്വാഭാവികമായും കൂഗ്ലറിന്റെ ഒരു പുതിയ ചിത്രം, അതും ഇത്തരത്തിൽ ഉള്ള വളരെ ഇന്ട്രെസ്റ്റിംഗ് ആയ പ്ലോട്ട് ഉള്ള ചിത്രം, പോരാത്തതിന് മൈക്കൽ ജോർദാന്റെ നായക വേഷവും എല്ലാം കൂടി ആയപ്പോൾ നല്ല പ്രതീക്ഷ ഉള്ള ഒരു ചിത്രം തന്നെ ആയിരുന്നു സിന്നേഴ്സ്.

🔸കഥയിലേക്ക് വരിക ആണെങ്കിൽ ഇരട്ട സഹോദരന്മാരായ സ്മോക്കും സ്റ്റാക്കും വർഷങ്ങൾക്ക് ശേഷമാണ് ജന്മ നാടായ മിസിസിപ്പിയിലേക്ക് എത്തുന്നത്. ഒന്നാം ലോകമഹായുദ്ധ കാലത്ത് ഒക്കെ പട്ടാളത്തിൽ സേവനം അനുഷ്ഠിച്ചിരുന്ന ഇരുവരും ദീർഘ നാളായി ചിക്കാഗോയിൽ ആയിരുന്നു എങ്കിലും പല പല കാരണങ്ങൾ കൊണ്ട് അവിടം വിടേണ്ടി വരികയാണ്. സ്വന്തം നാട്ടിൽ എത്തിയ ഇരുവരും സംഗീതത്തിനും തങ്ങളുടെ പൂർവികരുടെ സംസ്കാരത്തിനും ഒക്കെ പ്രാധാന്യം കൊടുത്ത് കൊണ്ട് ഒരു ബാർ തുറക്കാൻ തീരുമാനിക്കുകയാണ്. അതിനായി തങ്ങളുടെ കുറച്ച് സുഹൃത്തുക്കളെയും ബന്ധുക്കളെയും ഒക്കെ കൂട്ടി, ആ ഉദ്യമം അത്യാവശ്യം മനോഹരമായി തന്നെ ആരംഭിച്ചു.

🔸പാട്ടും ബഹളവും ഒക്കെയായി മനോഹരമായ രീതിയിൽ പോയി കൊണ്ടിരുന്ന ആ സ്ഥലത്തേക്ക് ക്ഷണിക്കപ്പെടാത്ത ചില അതിഥികൾ കടന്ന് വരികയാണ്, ഇവിടെ വെച്ച് കഥയ്ക്കും, കഥാപാത്രങ്ങൾക്കും ഒക്കെ ഒരു വല്ലാത്ത ട്രാൻസ്‌ഫോർമേഷൻ സംഭവിക്കുന്നുണ്ട്, വളരെ വൈൽഡ് ആയ ഒരു ട്രാൻസ്ഫർമേഷൻ. മികച്ച സെറ്റ് പീസുകളും, കിടിലൻ പ്രകടനങ്ങളും, സംഗീതവും, പശ്ചാത്തലവും എല്ലാം തുടങ്ങി ടോപ് നോച് അനുഭവമാണ് ടോപ് ടു ബോട്ടം സിനിമ തരുന്നത്. ഈ വർഷത്തെ മികച്ച സിനിമകളിൽ ഒന്നായി തീർച്ചയായും കാണും സിന്നേഴ്സ് എന്ന ചിത്രം.

Verdict : Very Good

DC Rating : 4/5

1337. The Girl With The Needle (2024)

Director : Magnus Von Horn

Cinematographer : Michal Dymek

Genre : Drama

Country : Denmark

Duration : 123 Minutes

🔸ഉദ്ദേശം ആറോ എഴോ വർഷങ്ങൾക്ക് മുന്നേ ആണ് "ലിറ്റിൽ ഗേൾ ഹു വാസ് ടൂ ഫോണ്ട് ഓഫ് മാച്ചസ്" എന്ന കനേഡിയൻ സിനിമ കണ്ടത്, വളരെ ട്രോമാറ്റിക് ആയ ഒരു സിനിമാ അനുഭവം ആയിരുന്നു പ്രസ്തുത ചിത്രം എന്ന് പറയാതെ വയ്യ. ഈ സിനിമയെ പറ്റി ഇവിടെ പറയാൻ കാരണം എന്താണ് എന്നാൽ ഒരുപാട് സാമ്യങ്ങൾ ഈ രണ്ട് ചിത്രങ്ങൾക്കും തമ്മിൽ ഉണ്ട് എന്നത് തന്നെയാണ്. രണ്ടും പീരിയഡ് സിനിമകളാണ്, അത്യാവശ്യം ഡിസ്റ്റര്ബിങ് ആയ കണ്ടന്റുകൾ ആണ്, ബ്ളാക്ക് ആണൻഡ് വൈറ്റ് ആണ്, ഇനി അതൊന്നും പോരെങ്കിൽ ഹോണ്ട് ചെയ്യുന്ന ഡിപ്രസിങ് ആയ ഒരു അനുഭവം കൂടിയാണ്.

🔸കഥയിലേക്ക് വരിക ആണെങ്കിൽ കാലഘട്ടം ഒരു നൂറ് വർഷങ്ങൾക്ക് മുന്നേ ആണ്, കൃത്യമായി പറയുക ആണെങ്കിൽ ഒന്നാം ലോക മഹായുദ്ധത്തിന്റെ കെടുതികളിൽ നിന്നും ലോകം കര കയറി കൊണ്ടിരിക്കുന്ന ആ ഒരു ഭീകര കാലഘട്ടം. സാമ്പത്തികമായും, ആരോഗ്യ പരമായും, ജീവിത സാഹചര്യങ്ങൾ കൊണ്ടായാലും എല്ലാം സാധാരണ ജനങ്ങൾ പൊറുതി മുട്ടി, പുഴുക്കൾക്ക് സമാനമായി ജീവിച്ച് മരിക്കുന്ന ഒരു കലികാലം. കരോളിൻ എന്ന നമ്മുടെ കേന്ദ്ര കഥാപാത്രം ഒരു വിധവയാണ്, അല്ലെങ്കിൽ അങ്ങനെയാണ് കരുതപ്പെടുന്നത്. കരോളിന്റെ ഭർത്താവ് യുദ്ധമുഖത്തേക്ക് പോയതിന് ശേഷം പിന്നീട് മടങ്ങി വരിക ഉണ്ടായില്ല, അവൾ ആണെങ്കിൽ ജീവിക്കാൻ അങ്ങേയറ്റം കഷ്ടപ്പെടുകയുമാണ്.

🔸ഈ ബുദ്ധിമുട്ടുകൾക്ക് ഒരു താത്കാലിക പരിഹാരം എന്ന നിലയിലാണ് കരോളിൻ ഡാഗമർ എന്ന യുവതിയുടെ അടുത്ത്, അവരുടെ കടയിൽ ജോലിക്ക് കയറുന്നത്. പ്രത്യക്ഷത്തിൽ ഒരു കട ആണെങ്കിലും അതിന്റെ മറവിൽ ദാഗ്മർ വേറൊരു പരിപാടി കൂടി നടത്തുന്നുണ്ട്, ഈ ഒരു പോയിന്റിൽ വെച്ചാണ് കഥ വേറൊരു വഴിയിലേക്ക് സഞ്ചരിച്ച് തുടങ്ങുന്നത്. ആദ്യമേ പറഞ്ഞ ആ ഒരു ഡിപ്രസിങ് ഫീൽ സിനിമയിൽ ആദ്യാവസാനം നിലനിർത്തുന്നുണ്ട് ഈ ചിത്രം, അത് തന്നെയാണ് സിനിമയുടെ മനോഹരിതയും. പ്രകടനം ആയാലും, അവതരണം ആയാലും എല്ലാം ടോപ് നോച് എന്നൊക്കെ പറയാവുന്ന ചിത്രമാണ് ദി ഗേൾ വിത്ത് ദി നീഡിൽസ്, തീർച്ചയായും മസ്റ്റ് വാച് എന്നൊക്കെ പറയാവുന്ന ഒരു ചിത്രം.

Verdict : Must Watch

DC Rating : 4.5/5

1336. Anatomy Of A Fall (2023)

Director : Justine Triet

Cinematographer : Simon Beaufils

Genre : Mystery

Country : France

Duration : 151 Minutes

🔸അനാറ്റമി ഓഫ് എ ഫാൾ എന്ന ചിത്രത്തെ ഒരു ജോണറിൽ മാത്രമായി ഒതുക്കുക എന്നത് ഒരേസമയം ബുദ്ധിമുട്ടും ഒരു പരിധി വരെ നീതികേടും ആണെന്ന് പറയാം. പ്രത്യക്ഷത്തിൽ ഒരു കോർട്ട് റൂം ഡ്രാമ ആണ് ചിത്രം എങ്കിലും ഒരു പാട് വൈകാരിക മുഹൂർത്തങ്ങൾ ഉള്ള വളരെ പേഴ്സണൽ ആയ ഒരു ഡ്രാമ കൂടിയാണ് ഈ ചിത്രം. അവിടെയും തീർന്നില്ല ചില കാര്യങ്ങളിൽ സസ്പെൻസ് നിലനിർത്തി പോവുന്ന നല്ലൊരു സ്ലോ ബേൺ മിസ്റ്ററി കൂടിയാണ് ഈ ചിത്രം. ഇവിടെ പ്രസക്തമായ കാര്യം എന്താന്നെന്നാൽ എല്ലാ ജോനറിനോടും നീതി പുലർത്തുന്ന ഒരു ക്വാളിറ്റി ചിത്രമാണ് ഇത് എന്നതാണ്.

🔸നമ്മുടെ കേന്ദ്ര കഥാപാത്രമായ സാന്ദ്ര ഒരു എഴുത്തുകാരി ആണ്, അവരുടെ ഭർത്താവും ഒരു എഴുത്തുകാരൻ ആണ്. എന്നാൽ കുറച്ച് നാളുകളായി സാന്ദ്രയുടെ ഭർത്താവ് ആയ സാമൂവൽ ജീവിതത്തിൽ ഒരു വിരക്തി നേരിട്ട് കൊണ്ടിരിക്കുകയാണ്. പ്രസ്തുത ദമ്പതിമാരുടെ ഏക മകനായ ദാനിയേൽ ചെറുപ്പത്തിൽ ഉണ്ടായ ഒരു അപകടം കാരണം കാഴ്ച നഷ്ട്ടപ്പെട്ട ഒരു കുട്ടിയാണ്. ഈ മൂന്ന് കഥാപാത്രങ്ങൾക്ക് ഇടയിൽ ഒരു പുതിയ ദുരന്തം അരങ്ങേറുന്നതും തുടർന്ന് ഉണ്ടാവുന്ന പ്രശ്നങ്ങളും ഒക്കെയാണ് ഈ സിനിമ.

🔸വളരെ സ്ട്രോങ്ങ്‌ ആയ പെർഫോമൻസ് ആണ് ഈ ചിത്രത്തിന്റെ ബാക്ക് ബോൺ, പ്രത്യേകിച്ചും സാന്ദ്ര ആയി അഭിനയിച്ച നടിയുടെ പ്രകടനം, ആ കഥാപാത്രം കടന്ന് പോയി കൊണ്ടിരിക്കുന്ന സന്ദർഭങ്ങൾ ഉൾക്കൊണ്ടു കൊണ്ടുള്ള പെർഫോമൻസ് പ്രത്യേക പരാമർശം അർഹിക്കുന്നുണ്ട്. സ്പൂൺ ഫീഡിങ് ഇല്ലാതെ ഒരുപാട് കാര്യങ്ങൾ കാഴ്ചക്കാരന്റെ ഇന്റർ പ്രട്ടേഷന് വിട്ട് തരുന്ന ആഖ്യാന രീതിയാണ് ചിത്രത്തിന്റേത്, അത് മികച്ചത് ആയിരുന്നു താനും. സംഗീതം, വിഷ്വൽസ്, പ്രകടനം, അവതരണം തുടങ്ങി എല്ലാ മേഖലയിലും നിലവാരം പുലർത്തുന്ന നല്ലൊരു സിനിമയാണ് ഇത്, തീർച്ചയായും കാണാൻ ശ്രമിക്കുക.

Verdict : Very Good

DC Rating : 4.25/5

1335. Nosferatu (2025)

Director : Robert Eggers

Cinematographer : Jarin Blaschke

Genre : Horror

Country : USA

Duration : 132 Minutes

🔸ഈ ഒരു ജനറേഷനിലെ ഏറ്റവും ഇഷ്ട്ടപ്പെട്ട സംവിധായകരിൽ ഒരാളാണ് റോബർട്ട് എഗ്ഗർസ്. നോർത്ത് മാൻ എന്ന ചിത്രം താരാമത്യേനെ ഒരു നിരാശ ആയിരുന്നെങ്കിൽ കൂടിയും വിച്, ലൈറ്റ് ഹൌസ് പോലുള്ള സിനിമകൾ തന്ന വിഷ്വൽ എക്സ്പീരിയൻസ് അത്രയും മികച്ചത് തന്നെ ആയിരുന്നു. ഈ ഒരു കാരണം കൊണ്ട് തന്നെ എഗ്ഗെഴ്സിന്റെ നോസ്ഫെറാറ്റു ആടാപ്റ്റേഷണിൽ പ്രതീക്ഷകൾ ഒരുപാട് ആയിരുന്നു. ഈ പ്രതീക്ഷകൾ എല്ലാം ന്യായീകരിക്കുന്ന വിധം സമ്പൂർണ തൃപ്തി നൽകിയ നല്ല ഒന്നാം ക്ലാസ് അനുഭവം തന്നെയാണ് ഈ ചിത്രവും എന്നത് നിസ്സംശയം പറയാം.

🔸ഉദ്ദേശം നൂറ് വർഷങ്ങൾക്ക് മുന്നേ പുറത്തിറങ്ങിയ നോസ്ഫെരാറ്റു എന്ന ചിത്രത്തിന്റെ പ്രൊഡക്ഷൻ തന്നെ മറ്റൊരു സിനിമ അർഹിക്കുന്ന കഥയാണ്. കോപ്പിറൈറ്റ് ഒക്കെ ഒഴിവാക്കാനായി ഡ്രാക്കുളയെ ജർമ്മൻ വൽക്കരിച്ച സിനിമയ്ക്ക് എതിരെ ബ്രോം സ്റ്റോക്കറുടെ ഭാര്യ കേസ് കൊടുത്തതും അതിന്റെ പതിപ്പുകൾ എല്ലാം തന്നെ നശിപ്പിച്ച് കളയാനായി കോടതി ഉത്തരവ് ഇട്ടതും എല്ലാം ചരിത്രമാണ്. ഇങ്ങനെ ഒരു വശം നിൽക്കുമ്പോൾ പോലും ഒറിജിനൽ സിനിമ കൈക്കൊള്ളുന്ന ലജണ്ടറി സ്റ്റാറ്റസ് നമുക്ക് വിസ്മരിക്കാനാവില്ല. ആ ഒരു സിനിമയ്ക്ക് കാലം എന്ന പരിഗണന കൊടുക്കുമ്പോൾ പോലും അതിനേക്കാൾ തീർച്ചയായും മികച്ചതാണ് ഈ ശ്രമവും.

🔸ജമ്പ് സ്കെയറുകൾ ഒന്നും ഉപയോഗിക്കാതെ തീർച്ചയായും ഒരു ഹൊറർ ബാക്ക്ഗ്രൗണ്ട് ക്രിയേറ്റ് ചെയ്ത് എടുക്കുകയാണ് ഈ ചിത്രം, നമുക്ക് പരിചിതമായ കഥ ആയിട്ട് കൂടി ഈ ഒരു രീതിയിൽ ഫ്രഷ്ണസ് കീപ് ചെയ്യാൻ സിനിമയ്ക്ക് കഴിഞ്ഞിട്ടുണ്ട്. പ്രകടനം ആയാലും, വിഷ്വൽസ് ആയാലും, പശ്ചാത്തലം ആയാലും എല്ലാം ഒന്നിനൊന്നു മികച്ച രീതിയിൽ തന്നെയാണ് പ്രസന്റ് ചെയ്തിട്ടുള്ളത്. ഹൊറർ ജോണറിൽ തീർച്ചയായും ഈ വർഷത്തെ മൂവി ഓഫ് ദി ഇയർ എന്നൊക്കെ പരിഗണിക്കാവുന്ന ഒരു ഏർലി കണ്ടന്റർ ആണ് നൊസ്ഫെറാറ്റു, തീർച്ചയായും കണ്ട് നോക്കാൻ ശ്രമിക്കുക അതും നല്ല നിലവാരമുള്ള തിയേറ്ററിൽ തന്നെ.

Verdict : Very Good

DC Rating : 4.25/5

1334. A Different Man (2024)

Director : Aaron Schimberg

Cinematographer : Wyatt Garfield

Genre : Drama

Country : USA

Duration : 112 Minutes

🔸A24 എന്ന പേരിന്റെ മുകളിൽ ഒരു വിശ്വാസം ഉണ്ട്, സിനിമ മോശമാവില്ല എന്നൊരു വിശ്വാസം. കുറച്ച് നാളുകളായി ഗ്രൗണ്ട് ബ്രെയ്‌ക്കിങ് ആയ സിനിമകൾ ഒന്നും സമ്മാനിച്ചിട്ടില്ല എങ്കിൽ കൂടിയും മോശം ആക്കിയിട്ടുമില്ല അവർ. കൃത്യമായി ഒരു വാചകത്തിൽ ഒതുക്കുക ആണെങ്കിൽ എ ഡിഫ്രണ്ട് മാൻ എന്ന ചിത്രവും അത് തന്നെയാണ്, "ഗ്രൗണ്ട് ബ്രെയ്‌ക്കിങ് ആയി ഒന്നും ഇല്ല എന്നാൽ ഒട്ട് മോശവുമല്ല". സ്ഥിരം ടർഫിൽ ഒതുങ്ങി നിൽക്കാതെ ഡൈവേഴ്‌സ് ആയ ആളുകളെയും കണ്ടന്റുകളെയും ഒക്കെ വിഷയമാക്കുന്ന ആ ഒരു രീതി പ്രസ്തുത സ്റ്റുഡിയോ ഈ സിനിമയിലും സ്വീകരിച്ചിട്ടുണ്ട്.

🔸ന്യൂ യോർക് ആണ് നമ്മുടെ കഥാ പശ്ചാത്തലം എഡ്വർഡ് എന്ന നമ്മുടെ നായക കഥാപാത്രം ഒരു വളർന്ന് വരുന്ന അഭിനേതാവ് ആണ്. ടിയാന് ഒരു പ്രത്യേകത ഉണ്ട്, എന്തെന്നാൽ അദ്ദേഹത്തിന്റെ മുഖം ചില ആരോഗ്യ പ്രശ്നങ്ങൾ കാരണം വികൃതമാണ്. ഈ ഒരു കാരണത്താൽ ആവണം ഉൾവലിഞ്ഞ സ്വഭാവമാണ് അയാളുടേത്, ഒരു തരം നാണം കുണുങ്ങിയായ ബഹളങ്ങളിൽ നിന്നൊക്കെ ഒഴിഞ്ഞ് നിൽക്കുന്ന പ്രകൃതം. തന്റെ തൊട്ടടുത്ത മുറിയിൽ താമസിക്കുന്ന യുവതിയോട് ഒരു ഇഷ്ടം നായകന് ഉണ്ടെങ്കിലും അത് പ്രകടിപ്പിക്കാൻ അയാൾക്ക് കഴിഞ്ഞിട്ടില്ല.

🔸ഇങ്ങനെ പോയി കൊണ്ടിരിക്കുന്ന നമ്മുടെ നായക കഥാപാത്രം ഒരു സർജറിക്ക് തയ്യാർ ആകുന്നതും അതിനെ തുടർന്ന് അയാളുടെ ജീവിതത്തിൽ ഉണ്ടാവുന്ന മാറ്റങ്ങളും, ഒരു പുതിയ കഥാപാത്രത്തിന്റെ വരവും ഒക്കെയായി സിനിമ വേറൊരു തലത്തിലേക്ക് പോവുകയാണ്. നല്ലൊരു സിനിമ ആണ് എ ഡിഫ്രണ്ട് മാൻ, പ്രത്യേകിച്ചും കഥയിൽ കാഴ്ചക്കാരനെ നല്ല രീതിയിൽ തന്നെ ഇൻവസ്റ്റ് ചെയ്യിക്കുന്നുണ്ട്. പ്രത്യേകിച്ചും അവസാന ഭാഗം ഒക്കെ നമ്മുടെ മനസ്സിൽ തങ്ങി നിൽക്കും വിധം മനോഹരമായി ആണ് അവതരിപ്പിച്ചിരിക്കുന്നത്. ഈ വർഷത്തെ നല്ല സിനിമകളിൽ ഒന്നായി തീർച്ചയായും ഉണ്ടാവും ഈ ആരോൺ ഷിംബർഗ് ചിത്രവും.

Verdict : Good

DC Rating : 3.75/5

1333. University Of Laughs (2004)

Director : Mamoru Hoshi

Cinematographer : Hiroshi Takase

Genre : Drama

Country : Japan

Duration : 121 Minutes

🔸വളരെ ഇൻട്രസ്റ്റിംഗ് ആയൊരു സിനിമ ആണ് യൂണിവേഴ്സിറ്റി ഓഫ് ലാഫ്‌സ്, ഏറെക്കുറെ തൊണ്ണൂറ് ശതമാനം സമയവും ഒരു ലൊക്കേഷനിൽ ഒതുങ്ങി പൂർണമായും രണ്ട് കഥാപാത്രങ്ങളെ മാത്രം ഫോകസ് ചെയ്ത് കൊണ്ട് പോവുന്ന വളരെ സിംപിൾ ആയൊരു കഥ ആണ് ചിത്രത്തിന്റേത്. വളരെ മന്ദ ഗതിയിൽ പുരോഗമിക്കുന്ന ചിത്രം ആദ്യ പാതിയിൽ ചില ഇടത്ത് എങ്കിലും ഫാസ്റ്റ് ഫോർവേർഡ് അടിക്കാൻ പ്രേരിപ്പിച്ചു എന്ന് പറഞ്ഞാൽ പോലും തെറ്റില്ല, എന്നാൽ ഇതെല്ലാം പരിഹരിക്കുന്ന ഒരു രണ്ടാം പകുതിയും റിസോല്യുഷനും ഒക്കെ കൂടി ചേരുമ്പോൾ നല്ലൊരു അനുഭവമായി മാറുന്നുണ്ട് ഈ ജാപനീസ് ചിത്രം.

🔸രണ്ടാം ലോക മഹായുദ്ധ കാലത്തെ ജപ്പാൻ ആണ് കഥാ പശ്ചാത്തലം. രാജ്യം കടന്ന് പോവുന്ന ഭീകരമായ അവസ്ഥ എല്ലാ മേഖലകളെയും നല്ല രീതിയിൽ തന്നെ ബാധിച്ചിട്ടുണ്ട്. തിയേറ്റർ ഡ്രാമ വിഭാഗം അതിന്റെ ഏറ്റവും ദൂഷ്യ വശം അനുഭവിച്ചത് സെൻസറിങ് എന്ന കീറാ മുട്ടിയിലൂടെ ആണ്. അധികാര കേന്ദ്രങ്ങളെ രസിപ്പിക്കുന്ന വകകൾക്ക് മാത്രമേ സെൻസറിങ് കഴിഞ്ഞ് പ്രദർശന അനുമതി ലഭിക്കുക ഉള്ളൂ, ഗവണ്മെന്റിനെയോ പട്ടാളത്തെയോ പോലീസിനെയോ വിമർശിക്കുന്ന എന്തെങ്കിലും ഒരു സൂചന പോലും സിനിമയിൽ ഉണ്ടെങ്കിൽ പിന്നീട് ആ നാടകത്തിന്റെ സ്ഥാനം ചവറ്റ് കുട്ടയിലാണ്.

🔸കർശന നടപടികൾ കൈക്കൊള്ളുന്നതിൽ അഗ്രഗണ്യൻ ആയ സാക്കിസാക്ക എന്ന ഉദ്യോഗസ്ഥൻ ആണ് സെൻസറിങ് വിഭാഗം കൈകാര്യം ചെയ്യുന്നത്, അയാളുടെ ഭാഷയിൽ പറയുക ആണെങ്കിൽ ജീവിതത്തിൽ ഇന്നേവരെ ചിരിച്ചതായി ഓർമ്മ പോലും ഇല്ലാത്ത ഒരു മുരടൻ. തന്റെ പുതിയ കൊമെടി നാടകത്തിനു അപ്രൂവൽ വാങ്ങാനായി സാക്കിസക്കയുടെ മുന്നിൽ എത്തുകയാണ് എഴുത്തുകാരനായ സുബാക്കി, പിന്നീട് അരങ്ങേറുന്ന സംഭവങ്ങൾ ആണ് ഈ ചിത്രം. സിനിമ കണ്ട് കഴിഞ്ഞതിനു ശേഷവും ഈ കഥാപാത്രങ്ങൾക്ക് പിന്നീട് എന്ത് സംഭവിച്ചിട്ടുണ്ടാവും എന്ന തോന്നൽ ഉണ്ടാക്കുന്ന അപൂർവം സിനിമകളിൽ ഒന്നാണ് യൂണിവേഴ്സിറ്റി ഓഫ് ലാഫ്‌സ്, തൃപ്തികരമായ അനുഭവമാണ് ഈ ചിത്രം.

Verdict : Good

DC Rating : 3.75/5

1332. The Count Of Monte - Cristo (2024)

Director : Mathhieu Delaporte

Cinematographer : Nicolas Bolduc

Genre : Drama

Country : France

Duration : 178 Minutes

🔸ഉദ്ദേശം പത്ത് പതിനെട്ട് വർഷങ്ങൾക്ക് മുന്നേ ആണെന്ന് തോന്നുന്നു ബാലരമ അലക്സാണ്ടർ ഡ്യുമയുടെ "ദി കൗണ്ട് ഓഫ് മോണ്ടി ക്രിസ്ട്ടോ" എന്ന നോവലിന്റെ മലയാളം പരിഭാഷ പുറത്തിറക്കിയിരുന്നു. അന്ന് പുറംചട്ട മാത്രം കണ്ട കൗതുകത്തിന് വാങ്ങി വായിച്ച് സംപ്തൃപ്തി അടഞ്ഞ നല്ല കിടിലൻ അനുഭവം ആയിരുന്നു ഈ നോവൽ. പിന്നീട് അത്ര ഇഷ്ടപ്പെടാതെ പോയ ഒരു ഇംഗ്ലീഷ് സിനിമായയും മലയാളത്തിലെ ലാൻഡ് മാർക് സിനിമകളിൽ ഒന്നായ പടയോട്ടം ആയും ഒക്കെ ഈ നോവൽ അനുഭവിച്ചിട്ടുണ്ട് എങ്കിലും ഒരു കുറവ് എവിടെയോ തോന്നിയിരുന്നു, അത് ഈ ഒരു സിനിമയിലൂടെ പരിഹരിക്കപ്പെടുകയാണ്.

🔸ഒരു പ്രതികാര കഥയാണ് കൗണ്ട് ഓഫ് മോണ്ടി ക്രിസ്ട്ടോ, സുഹൃത്തുക്കളാൽ ചതിക്കപ്പെട്ട ഒരു വ്യക്തി പിന്നെ ദുരന്തങ്ങളുടെ ഒരു പടു കുഴിയിലേക്ക് വീണ് പോവുന്നതും അയാളുടെ മടങ്ങി വരവും തുടർന്ന് ഉണ്ടാവുന്ന സംഭവങ്ങളും എല്ലാം കൂടി അവസാനം പീക് സാറ്റിസ്ഫാക്ഷൻ തരുന്ന ഒരു ദൃശ്യാനുഭവം. ഈ ഒരു റിവഞ്ച് പ്ലോട്ടിനെ കൂടുതൽ മനോഹരമാക്കുന്നത് കഥ കരുതി വെക്കുന്ന ചില മനോഹരമായ മൊമന്റ്സ് തന്നെയാണ്, പ്രത്യേകിച്ചും നായകന്റെ മടങ്ങി വരവിന് ശേഷം ഉള്ളത്. അവ അവതരിപ്പിക്കുന്നത് പോലെ ഇരിക്കും സിനിമയുടെ വേർഡിക്റ്റ് എന്ന് തോന്നിയ ഇടത്ത്, കിടിലൻ എന്നല്ലാതെ വേറൊന്നും പറയാൻ അവസരം തരാത്ത വിധം മനോഹരമായ അവതരണം.

🔸മഹാഭാരത യുദ്ധത്തിൽ എതിരെ നിൽക്കുന്ന ബന്ധു മിത്രാതികളെ കണ്ട് അർജുനൻ തളർന്നു പോവുന്നൊരു ഭാഗം ഉണ്ട്, അത്തരത്തിൽ ഒന്ന് ഈ നോവലിലും ഉണ്ടായിരുന്നു, എന്നാൽ അത് പ്രതികാരം അവസാനിക്കുന്നിടത്ത് ആയിരുന്നു. ഈ ഒരു ഭാഗം സിനിമയിൽ ആഗ്രഹിച്ച രീതിയിൽ കണ്ടില്ല എന്നൊരു പോരായ്മ മാത്രമേ തോന്നിയുള്ളൂ, പിന്നെ ചെറിയ വ്യത്യാസങ്ങൾ ഉള്ള ക്ലൈമാക്സും. ഈ ഒരു വസ്തുത ഒഴിവാക്കിയാൽ പ്രകടനങ്ങൾ ആയാലും, വിഷ്വൽസ് ആയാലും, മ്യൂസിക് ആയാലും എല്ലാം ഒന്നാം ക്ലാസ് നിലവാരം പുലർത്തിയ ഗംഭീര ഔട്ട്പുട്ട് ആണ് ഈ ചിത്രം. ഈ വർഷത്തെ ഏറ്റവും മികച്ച സിനിമകളിൽ ഒന്ന് എന്ന് നിസ്സംശയം പറയാം.

Verdict : Must Watch

DC Rating : 4.5/5

1331. Meiyazhagan (2024)

Director : C Prem Kumar

Cinematographer : Mahendiran Jayaraju

Genre : Drama

Country : India

Duration : 177 Minutes

🔸നൊസ്റ്റാൾജിയ പോലെ സംപ്തൃപ്തി തരുന്ന വേറെ ഫാക്ട്ടേഴ്‌സ് സിനിമയിൽ ഉണ്ടെന്ന് തോന്നിയിട്ടില്ല, സിനിമാ പാരഡൈസൊ പോലുള്ള സിനിമകളോട് ഒരു ഇഷ്ടക്കൂടുതൽ ഉള്ളത് ഈ ഒരു കാരണം കൊണ്ട് തന്നെയാണ്. മുകളിൽ പറഞ്ഞ കാര്യം ശെരി വെക്കുന്ന ഒരു സിനിമ കൂടി തമിഴിൽ നിന്നും കടന്ന് വന്നിരിക്കുകയാണ് മെയ്യഴകന്റെ രൂപത്തിൽ. ദൈർഘ്യം കുറച്ച് അധികമായി എന്നൊരു ഫീൽ പല ഇടത്തും തോന്നി എങ്കിലും കൃത്യമായ ഇടവേളകളിൽ സിനിമ തരുന്ന ആ ഒരു ഇമോഷണൽ ഗട് പഞ്ചുകൾ തീർച്ചയായും മികച്ച ഒരു അനുഭവമായി തന്നെ ഈ ചിത്രത്തെ മാറ്റി മറിക്കുകയാണ്.

🔸ഇരുപത്തി രണ്ട് വർഷങ്ങൾക്ക് മുന്നേ ഒരു ഭാഗം വെപ്പ് കാരണം നാട് വിട്ട് പോവേണ്ടി വന്ന ആളാണ് അരുൾ മൊഴി വർമൻ. പിന്നീട് ഈ കഴിഞ്ഞ് പോയ കാലങ്ങളിൽ ഒന്നിലും അയാൾക്ക് സ്വന്തം നാടായ തഞ്ചാവൂരേക്ക് മടങ്ങി വരാൻ കഴിഞ്ഞിട്ടില്ല, അയാൾ അതിന് തയ്യാർ ആയിരുന്നില്ല എന്നതാണ് സത്യം. എന്നാൽ ഇപ്പോൾ ഒരു മടങ്ങി വരവിന് സമയം ആയിരുക്കുകയാണ്, ഒഴിച്ച് കൂടാൻ കഴിയാത്ത ഒരു കാരണം അയാളെ തഞ്ചാവൂരേക്കും, അയാളുടെ തന്നെ ഭൂത കാലത്തേക്കും മടക്കി കൊണ്ട് വരികയാണ്. മുന്നേ എപ്പോഴോ പറഞ്ഞത് പോലെ തന്നെ തിരിച്ചു വരവുകൾ മനോഹരമാണ്, അരുൾ മൊഴി വർമന്റെ കാര്യവും വ്യത്യസ്തമല്ല.

🔸ഉദ്ദേശം മൂന്ന് മണിക്കൂറിന് അടുത്ത് ദൈർഘ്യം ഉള്ള ചിത്രം ഡെവലപ്പ് ആവുന്നത് ഏറെക്കുറെ പൂർണമായും രണ്ട് കഥാപാത്രങ്ങൾക്ക് ഇടയിലെ സംഭാഷണങ്ങളിൽ കൂടിയാണ്, അത് എത്രത്തോളം കാഷ്വൽ ആയ കാഴ്ചക്കാർക്ക് ഉൾക്കൊള്ളാൻ കഴിയും എന്നത് സംശയമാണ്. വാച് എന്നതിനേക്കാൾ ഫീൽ ചെയ്ത് അറിയേണ്ട അപൂർവം സിനിമകളിൽ ഒന്നാണ് മെയ്യഴകൻ. പ്രത്യേകിച്ചും കല്യാണ പരിപാടിക്ക് ഇടയിലേക്ക് കയറി വരുന്ന അരുൾ മൊഴിയുടെ വെപ്രാളവും, പിന്നീടങ്ങോട്ട് ഓരോ കഥാപാത്രത്തെയും കണ്ട് മുട്ടുന്ന രംഗങ്ങളും ഒക്കെയും മനോഹരം തന്നെ ആയിരുന്നു. രണ്ടാം പകുതി കുറച്ച് ഡ്രാഗ് ചെയ്തതായി തോന്നിയതും ലെങ്തും മാത്രമാണ് ഒരു പോരായ്മയായി തോന്നിയത്. മികച്ച സിനിമ തന്നെയാണ് മെയ്യഴകൻ, കാണാൻ ശ്രമിക്കുക.

Verdict : Very Good

DC Rating : 4/5

1330. How To Make Millions Before Grandma Dies (2024)

Director : Pat Boonnipat

Cinematographer : Boonyanuch Kraithong

Genre : Drama

Country : Thailand

Duration : 126 Minutes

🔸ഈ വർഷം ഇതുവരെ ഇറങ്ങിയ സിനിമകളിൽ ഗംഭീര അഭിപ്രായം നേടിയ, പല റപ്യുറ്റഡ് സൈറ്റുകളും അവരുടെ ടോപ് ലിസ്റ്റിൽ തന്നെ ഉൾപ്പെടുത്തിയ ചിത്രമാണ് ഹൌ ടു മേക് മില്യൻസ് ബിഫോർ ഗ്രാൻഡ്മാ ഡൈസ്. കണ്ട് കഴിഞ്ഞ വേളയിൽ ഈ പറഞ്ഞ അഭിപ്രായങ്ങളും ഹൈപ്പും ഒക്കെ കുറച്ച് അധികം ആയി പോയില്ലേ എന്നൊരു തോന്നൽ ഉണ്ടാക്കി എങ്കിലും ഒരു മോശം സിനിമ ഒന്നും ആവുന്നില്ല ഈ ചിത്രം, കണ്ടിരിക്കാനുള്ള വക ഒക്കെ തീർച്ചയായും ഉണ്ട്. വളരെ തിൻ ആയ ഒരു പ്ലോട്ട് ലൈൻ ആണ് ചിത്രത്തിന്റേത് എങ്കിലും ജീവിതത്തിന്റെ അവസാന ഘട്ടത്തിൽ ഒരു വ്യക്തി അനുഭവിക്കുന്ന ഒറ്റപ്പെടലും മറ്റുമൊക്കെ മനോഹരമായി തന്നെ സിനിമ അവതരിപ്പിച്ചിട്ടും ഉണ്ട്.

🔸അമാ എന്ന വൃദ്ധയായ സ്ത്രീ ഒറ്റയ്ക്കാണ് താമസിക്കുന്നത്, അവർക്ക് പ്രായം എൺപത് കഴിഞ്ഞു. അമായ്ക്ക് ബന്ധുക്കൾ എന്ന് പറയാൻ കിയാങ്, സോയ് എന്നീ ആൺമക്കളും സ്യു എന്ന മകളും ആണ് ഉള്ളത്. കിയങ് സ്വന്തം ജോലിയും മറ്റുമൊക്കെയായി കുടുംബത്തോടൊപ്പം അങ്ങ് ദൂരെ നഗരത്തിൽ ആണ് താമസിക്കുന്നത്. സ്യു എന്ന മകൾ അല്ലറ ചില്ലറ ജോലിയും മറ്റുമൊക്കെയായി കഴിഞ്ഞ് പോവുകയാണ് എങ്കിൽ രണ്ടാമത്തെ മകനായ സോയ് ജീവിതത്തിൽ ക്ലച്ച് പിടിച്ചിട്ടില്ല. ഈയൊരു ഘട്ടത്തിൽ ആണ് അമായ്ക്ക് ക്യാൻസർ ഉണ്ടെന്ന് തിരിച്ചറിയുന്നതും, ഇനി അധിക നാൾ ഇല്ല എന്ന് മനസിലാവുന്നതും.

🔸പിന്നീട് അങ്ങോട്ടുള്ള നാളുകളിൽ മക്കളുടെയും അവരുടെ മക്കളുടെയും ഒക്കെ അമായോടുള്ള സമീപനത്തിൽ ചില മാറ്റങ്ങൾ കണ്ട് വരികയാണ്, അതിന്റെ പിന്നിലെ കാരണങ്ങളും കാര്യങ്ങളും ഒക്കെയായി സിനിമ അങ്ങനെ കഥ പറഞ്ഞ് പോവുകയാണ്. നമ്മളൊക്കെ ഒരുപാട് കണ്ടും കേട്ടും പരിചയിച്ച ഒരു പ്ലോട്ട് ബാക്ക്ഗ്രൗണ്ട് തന്നെയാണ് ഈ ചിത്രത്തിന്റേത് എങ്കിലും എടുത്ത് പറയേണ്ടത് അതിനെ സ്പെഷ്യൽ ആക്കുന്ന ചില ബ്യൂട്ടിഫുൾ മോമെൻറ്സ് തന്നെയാണ്. പ്രത്യേകിച്ചും ക്ലൈമാക്സ്‌ ഉൾപ്പെടുന്ന ഫൈനൽ ആക്റ്റ് ഒക്കെ നന്നായിരുന്നു, ഒരു മെഡിറ്റേറ്റ്റീവ് ഫീൽ ഒക്കെ തരുന്ന സിമ്പിൾ സിനിമ, വേറൊന്നും തന്നെ ഇല്ല.

Verdict : Good

DC Rating : 3.5/5