901. It's Such A Beautiful Day (2012)

Director : Don Hertzfeldt

Genre : Experimental

Rating : 8.3/10

Country : USA

Duration : 62 Minutes

🔸അമേരിക്കൻ ആനിമേറ്ററായ ഡോൺ ഹേർട്സ്‌ഫെൽറ്റിന്റെ ഇറ്റ്സ് എ ബ്യുട്ടിഫുൾ ഡേ എന്ന ചിത്രത്തെ ഒരു സിനിമ എന്നോ അല്ലെങ്കിൽ ആ ഒരു അനിമേഷൻ ചിത്രം എന്ന് കേൾക്കുമ്പോൾ സ്വാഭാവികമായും മനസ്സിൽ വരാറുള്ള ചട്ടക്കൂടിൽ ഒതുക്കി നിർത്താൻ കഴിയുമോ എന്നത് സംശയമാണ്. ഒരു ചിത്രത്തേക്കാൾ അനുഭവമാണ് ഇത്, ഒരു മെഡിറ്റേഷൻ ഒക്കെ പോലെ അനുഭവിച്ച് അറിഞ്ഞ്, ആഴത്തിൽ സ്പർശിച്ച് ചിത്രം അങ് കടന്ന് പോവും, ഒരു മണിക്കൂർ മാത്രമേ ദൈർഘ്യം ഉള്ളൂ താനും. ഈ ഒരു സമയത്തിനിടെ ബിൽ എന്ന കേന്ദ്ര കഥാപാത്രത്തിൽ നമ്മളുടെ തന്നെ ചില ട്രെയ്റ്റുകൾ കാണാനായാൽ അത് യാദൃച്ഛികം അല്ലേയല്ല.

🔸ഡിപ്രഷൻ, സോഷ്യൽ ഒക്‌വേർഡ്‌നസ്സ്, കമ്മ്യുണിക്കേറ്റ് ചെയ്യാനുള്ള പ്രശ്നങ്ങൾ തുടങ്ങിയവ എല്ലാം നമ്മളിൽ പലരും അനുഭവിക്കുന്ന പ്രശ്നങ്ങളാണ്, ഒരല്പം ഇൻട്രൊവർട്ട് കൂടി ആയാൽ പറയണ്ട, മാനസികമായി അനുഭവിക്കുന്ന സമ്മർദ്ദം ഒക്കെ പലർക്കും ഊഹിക്കാൻ കഴിയുന്നതിലും വലുതാണ്. അത്തരമൊരു രംഗം കാണിച്ച് കൊണ്ടാണ് 'സിനിമ' ആരംഭിക്കുന്നത്. അതായത് അല്പം ഇൻട്രൊവർട്ട് ആയ ബില്ലിന് തന്റെ മനസ്സിൽ ഉള്ളത് പ്രകടിപ്പിക്കാനോ പറയാനോ കഴിയാതെ പോവുന്നതായി ഉള്ള ഒരു രംഗം. മനസ്സിൽ ഉള്ളതിൽ നിന്ന് തീർത്തും വിഭിന്നമായ ഒരു കാര്യം വാക്കായി വായിലൂടെ പുറത്ത് പോവുന്നതൊക്കെ നമ്മൾ പലരും ഒരിക്കൽ എങ്കിലും അനുഭവിച്ചിട്ട് ഉള്ളതായിരിക്കും.

🔸ബില്ലിന് അങ്ങനെ പറയത്തക്ക ബന്ധുക്കളോ, സുഹൃത്തുക്കളോ ഒന്നും തന്നെയില്ല, അല്ലെങ്കിൽ അങ്ങനെ ഒരു കാലത്ത് ഉണ്ടായിരുന്നവരിൽ നിന്നും ബോധപൂർവം മാറി നടക്കാൻ അവൻ ശ്രമിച്ചിട്ടുണ്ട്. ഒരു എക്സ് ഗേൾഫ്രണ്ട് ഉണ്ട്, അവളുമായി പിരിഞ്ഞിട്ട് കുറച്ച് നാളായി എങ്കിലും ഇപ്പോഴും ബില്ലിന് ഒരു ആവശ്യം വന്നാൽ അല്ലെങ്കിൽ അപകടം പറ്റിയാൽ സഹായിക്കാനായി അവൾ മാത്രമേ ഉള്ളൂ എന്ന് പറയാം. ഇൻസാനിറ്റിയിലേക്ക് പതിയെ പോയി കൊണ്ടിരിക്കുന്ന ബില്ലിനെ പിടിച്ച് നിർത്തുന്നത് ഒരു പരിധി വരെ അവളെ പോലെയുള്ള ചില ഘടകങ്ങൾ മാത്രമാണ്.

🔸ചില മാനസിക പ്രശ്നങ്ങൾ കൂടി ഉണ്ട് ബില്ലിന്, മുകളിൽ സൂചിപ്പിച്ചവ അല്ലാതെ ഉള്ള ചിലത്. ഓർമ പ്രശ്നങ്ങളാണ് അവയിൽ ഏറ്റവും പ്രസക്തം, ഓർമയുടെ താളുകളിൽ വേട്ടയാടുന്ന പല സംഭവങ്ങളുടെയും യാഥാർഥ്യവും റിയാലിറ്റിയും അവൻ മറന്ന് പോയിരിക്കുന്നു, അല്ലെങ്കിൽ വ്യക്തമല്ല, ചുരുക്കി പറഞ്ഞാൽ ഇതൊക്കെയാണ് ബിൽ. ബില്ലിന്റെ ജീവിതത്തിലെ വളരെ പ്രധാനപ്പെട്ട ഒരു കാലഘട്ടമാണ് ഈ ചിത്രത്തിന് ആധാരമായിരിക്കുന്നത്, എക്സ്പിരിമെന്റൽ ചിത്രങ്ങളോട് താല്പര്യം ഉള്ളവർക്ക് ധൈര്യമായി സമീപിക്കാവുന്നതാണ് ഈ ശ്രമം, നല്ല ഒന്നാംതരം ചിത്രം തന്നെ.

Verdict : Very Good

DC Rating : 4/5 

900. Flame And Citron (2008)

Director : Ole Christian Madsen

Genre : War

Rating : 7.3/10

Country : Denmark

Duration : 130 Minutes

🔸രണ്ടാം ലോക മഹായുദ്ധം പ്രമേയമായി പുറത്തിറങ്ങിയ എണ്ണിയാൽ ഒടുങ്ങാത്ത അത്രയും ചിത്രങ്ങളിലേക്ക് ചേർക്കാനായി നിലവാരം ഉള്ള ഒരു സിനിമ കൂടി, അതാണ് ഫ്‌ളെയിൻ ആൻഡ് സിട്രോൺ. ഇവിടെ പശ്ചാത്തലം ഡെന്മാർക്ക് ആണ്, അതായത് നാസി പട്ടാളം പിടിച്ചടക്കിയ ശേഷം റെസിസ്റ്റൻസ് പോരാട്ടം ഒക്കെ മെല്ലെ ആരംഭിച്ച് കൊണ്ടിരിക്കുന്ന, വളരെ അപകടം നിറഞ്ഞ ഒരു ബാക്ക്ഗ്രൗണ്ട്. റിയൽ ലൈഫ് സംഭവമാണ് ഈ ചിത്രത്തിന് ആധാരം ആയിരിക്കുന്നത് എന്നത് കഥയുടെ ഭംഗിയും പ്രാധാന്യവും വർധിപ്പിക്കുന്നെ ഉള്ളു താനും, രണ്ട് കഥാപാത്രങ്ങളിലാണ് സിനിമയുടെ ഫോക്കസ് മുഴുവനും.

🔸ഡെന്മാർക്കിലെ ചരിത്രത്തിൽ ഏറ്റവും കൂടുതൽ ആളുകൾ കണ്ട, ടെലികാസ്റ്റിങ്ങിൽ പോലും റെക്കോഡ് ഇട്ട ചിത്രമാണ് ഫ്ലെയിം ആൻഡ് സിട്രോൺ, ഇതിന് നിലവാരത്തോളം തന്നെ മറ്റൊരു കാരണം കൂടി ഉണ്ട്. ജീവിച്ചിരുന്ന സമയത്തും മരണ സമയത്തും വലിയ ബഹുമതികളോ അർഹിച്ച പ്രാധാന്യമോ ഒന്നും ലഭിച്ചവരല്ല നമ്മുടെ ടൈറ്റിൽ കഥാപാത്രങ്ങൾ. ഒരുപക്ഷെ ആശയത്തിനും അധിനിവേശത്തിനും എതിരെ ആയുധം എടുത്ത് പോരാടിയത് കൊണ്ടും ചോര വീഴ്ത്തേണ്ടിടത്ത് അതിന് മടിക്കാഞ്ഞതും കൊണ്ടാവും തുറക്കാൻ താല്പര്യപ്പെടാതെ പലരും മടക്കിവെച്ച പുസ്തകം കൂടിയാണ് ഇവർ, ഒരുപക്ഷെ ആദ്യമായി ഇവരെ ആധാരമാക്കി വന്ന അഡാപ്റ്റേഷനും ഈ സിനിമ ആയിരിക്കും, എന്നാണ് അറിവ്.

🔸നാസി ക്രൂരതകൾക്ക് എതിരെ കൊലയുടേതും അക്രമം വഴിയുള്ള പ്രതിരോധത്തിന്റെയും മാർഗമാണ് രണ്ട് ടൈറ്റിൽ കഥാപാത്രങ്ങളും പിന്തുടരുന്നത്. ഒരു ബോണി ആൻഡ് ക്ളൈഡ് ശൈലിയിൽ പല നാസി നേതാക്കന്മാരെയും അവരുടെ മൂഡ് താങ്ങികളെയും, തൊഴുത്തിൽ കുത്തിമാരെയും എല്ലാം ഇവർ കൊന്ന് തള്ളിയിട്ടുണ്ട്. ഇരുവരെയും കുറിച്ച് ഊഹാപോഹങ്ങൾ അല്ലാതെ കാര്യമായ തെളിവുകളോ രേഖാ ചിത്രങ്ങളോ ഒന്നും തന്നെ പോലീസിന്റെ കൈവശമില്ല. ഈ ഒരു പശ്ചാത്തലത്തിലാണ് സിനിമ ആരംഭിക്കുന്നത്, അത്യാവശ്യം നല്ല തോതിൽ തന്നെ പിടിച്ചിരുത്തി മുന്നോട്ട് പോവുന്നുമുണ്ട്.

🔸തങ്ങളുടെ കൈയ്യിൽ നിന്നും സംഭവിക്കുന്ന ചെറിയ ഒരു പിഴവിന് പോലും വലിയ കൊടുക്കേണ്ടി വരും എന്ന് കഥാപാത്രങ്ങൾക്ക് അറിയാം, അങ്ങനെ സംഭവിച്ചാൽ ഇവർക്ക് സംഭവിക്കാൻ പോവുന്നത് ഭീകരമായ കാര്യങ്ങൾ ആയിരിക്കും എന്നത് അവർക്കും കണ്ടിരിക്കുന്ന നമുക്കും അറിയാം, ആ ഒരു ടെൻഷൻ ആണ് ചിത്രത്തിന്റെ ആഡഡ് ബോണസ്. ഒരു പൊളിറ്റിക്കൽ ഹോളോകോസ്റ്റ് ചിത്രത്തിന് വേണ്ട സവിശേഷതകൾ എല്ലാം ഉള്ളപ്പോഴും എഡ്ജ് ഓഫ് ദി സീറ്റിൽ കാഴ്ചക്കാരനെ ഇരുത്തുന്നത് മുകളിൽ സൂചിപ്പിച്ച പ്രസ്തുത ഘടകം തന്നെയാണ്. അപ്പൊ പറഞ്ഞ് വന്നത് എന്താണെന്നാൽ കാണേണ്ട ചിത്രമാണ് ഫ്ലെയിം ആൻഡ് സിട്രോൺ, നഷ്ടം തോന്നില്ല.

Verdict : Very Good

DC Rating : 4/5 

899. Enola Holmes (2020)

Director : Harry Bradbeer

Genre : Thriller

Rating : 8.2/10

Country : UK

Duration : 123 Minutes

🔸എത്ര പുതിയ വേർഷൻ സിനിമകൾ അല്ലെങ്കിൽ സീരീസുകൾ അതും അല്ലെങ്കിൽ കഥകൾ വന്നാലും മടുപ്പ് തോന്നാത്ത, അല്ലെങ്കിൽ ഇത് നിർത്താറായില്ലേ എന്ന് തോന്നാത്ത (ഫാസ്റ്റ് ആൻഡ് ഫ്യുരിയസ് സെയ്‌സ് ഹൈ) അപൂർവം യുണിവേഴ്‌സുകളിൽ ഒന്നാണ് ഷെർലോക്ക് യുണിവേഴ്‌സ്. ഈ വിഭാഗത്തിൽ ലഭ്യമായ ഒരുവിധപ്പെട്ട എല്ലാം കണ്ട് തീർന്നിട്ടുണ്ട്, ചിലത് രണ്ടോ മൂന്നോ തവണ ഒക്കെ, പോയിന്റ് ഈസ് ഇത്രയും ഫാസിനേഷൻ തോന്നിയ വേറൊരു ഫിക്ഷനൽ കഥാപാത്രം ഇല്ല എന്ന് തന്നെ. ഇവയിൽ ഒരിടത്തും പറഞ്ഞ് കേട്ടിട്ടില്ലാത്ത കാര്യമാണ് ഷെർലോക്കിന്റെ പെങ്ങളായ ഇനോള ഹോംസിനെ പറ്റി, ഈ ഒരു വസ്തുത തന്നെയാണ് പേഴ്സണലി ഏറ്റവും താല്പര്യം ഉണർത്തിയ ഘടകവും, പരിചയം ഇല്ലായ്മ അല്ലെങ്കിൽ ആ അൺപ്രെഡിക്റ്റബിലിറ്റി.

🔸രണ്ട് കേസുകളാണ് സിനിമയിൽ ഉള്ളത്, അതിന്റെ ഡീറ്റെയിൽസിലേക്ക് ഒന്നും പോവുന്നില്ല, പുതിയ സിനിമ ആയത് കൊണ്ട് ഒഴിവാക്കുന്നു. ഇനോളയുടെ ഓർമകളിൽ അവ്യക്തമായ രൂപങ്ങളാണ് സഹോദരന്മാരായ ഷെർലോക്കും മൈക്രോഫ്റ്റും, ഇരുവരെയും അവൾ നേരിൽ കണ്ടിട്ട് കാലം ഒരുപാടായി. ഇനോലയോടൊപ്പം എല്ലാ കാലത്തും ഉണ്ടായിരുന്നത് അമ്മയായ യുടോറ മാത്രമാണ്, അവർ ഒരുപരിധി വരെ സുഹൃത്തുക്കളെ പോലെ ആണെന്നും പറയാം. ടെക്സ്റ്റ് ബുക്കുകളിൽ കൂടിയുള്ള വിദ്യാഭ്യാസത്തിനോട് യുടോറയ്ക്ക് വലിയ താല്പര്യം ഒന്നും ഉണ്ടായിരുന്നില്ല, ഒരിക്കലും.

🔸അവൾ മകളെ പഠിപ്പിച്ചത് ആയോധന കലകളും, വായനാ ശീലം വളർത്താനും, നിരീക്ഷണ പാടവം ഉണ്ടാക്കാനും ഒക്കെയാണ്, ഒരു റിബൽ സ്വഭാവമാണ് ഇനോളയ്ക്ക്, അതിൽ തെറ്റ് പറയാനുമാവില്ല, യുടോറയും അങ്ങനൊക്കെ തന്നെ. ഇത്രയും പറഞ്ഞതിൽ സ്പോയ്ലർ ഒന്നും തന്നെ ഇല്ല, ഇനി അങ്ങോട്ട് പറയാനും പോവുന്നില്ല. സിനിമ നെറ്റ്ഫ്ലിക്സിൽ സ്ട്രീം ചെയ്യുന്നുണ്ട്, കണ്ട് നോക്കാവുന്നതാണ്, അത്യാവശ്യം എന്റർടൈനിംഗ് ആണ് ചിത്രം, കണ്ടാൽ നഷ്ടം ഒന്നും തന്നെയില്ല എന്ന് സാരം. ചിത്രത്തിന്റെ കഥയുമായി വലിയ ബന്ധം ഒന്നും ഇല്ലാത്ത ചില തോന്നലുകളാണ് ചുവടെ ചേർക്കുന്നത്, മുൻ ഷെർലോക്ക് അഡാപ്റ്റേഷനുകൾ ഒക്കെ ആധാരമാക്കി ഉള്ള ചിലത്.

🔸കറ്റാന്വേഷണ കലയിൽ പരിചയം വന്നിട്ടില്ലാത്ത ചെറുപ്പക്കാരനായ ഷെർലക്കിനെ ആണ് ഇവിടെ കാണാനാവുക, അത് അത്യാവശ്യം കൗതുകകരം ആയ ഒന്ന് തന്നെയാണ്, തന്റെ സ്വതസിദ്ധമായ സ്വാഗ്, അരോഗൻസ് ഒന്നും ഇല്ല. പക്ഷെ അത്യാവശ്യം പ്രശ്നമായി തോന്നിയത് മൈക്രോഫ്ടിനെ ആണ്, തന്നോളം കഴിവുള്ള എന്നാൽ ലവലേശം ഈ വിഷയത്തിൽ താല്പര്യം ഇല്ലാത്ത എന്ന് ഷെർലോക്ക് തന്നെ വിശേഷിപ്പിച്ച മൈക്രോഫ്റ്റിന്റെ പൂർണമായും തൃപ്തി പെടുത്തിയ ഒരു ഓൺ സ്ക്രീൻ വേർഷൻ ഇന്നുവരെ കണ്ടിട്ടില്ല, ഇതിലും ഇല്ല, ഒരുപക്ഷെ സീക്വൽ ഒക്കെ ഉണ്ടെങ്കിൽ വന്നേക്കാം. അതെ, ഒരു ഫ്രാഞ്ചൈസ് അല്ലെങ്കിൽ തുടർ ഭാഗങ്ങൾക്ക് സ്കോപ്പ് ഉള്ള ഒന്നാണ് ഇനോള ഹോംസ്, അപ്പൊ കണ്ട് നോക്കാവുന്നതാണ്.

Verdict : Good

DC Rating : 3.5/5 

898. Ratched (2020)

Developer : Ryan Murphy

Genre : Thriller

Rating : 7.6/10

Seasons : 01

Episodes : 08

Duration : 45 - 62 Minutes

🔸വൺ ഫ്ലൂ ഓവർ ദി കുക്കൂസ് നെസ്റ്റ് എന്ന ജാക്ക് നിക്കോൾസൻ ചിത്രം കണ്ടവർ ആരും തന്നെ നേഴ്‌സ് റേച്ചഡ് എന്ന കഥാപാത്രത്തെ മറക്കാൻ ഇടയില്ല. ഇത്രയും വെറുപ്പ് തോന്നിയ, സ്‌ക്രീനിൽ ഉള്ള സമയം മുഴുവൻ ഒരു കമാൻഡിങ് ശൈലിയിൽ മറ്റ് കഥാപാത്രങ്ങൾക്ക് മേൽ തന്റെ അധീശത്വം കാണിച്ച അധികം കഥാപാത്രങ്ങളെ കണ്ട ഓർമയില്ല. ഇവരോട് മുട്ടാൻ നിൽക്കരുത് അപകടമാണ് എന്ന് വാക്കാൽ അല്ലാതെ തെളിയിച്ച വില്ലന്മാരും അപൂർവമാണ്, ആ ജനുസ്സിൽ പെടുന്ന ഒന്നാണ് നേഴ്‌സ് റേച്ചഡ് മിൽഡ്രഡ്. ഇതെല്ലാം കൊണ്ട് തന്നെ ഈ കഥാപാത്രത്തിന്റെ ഒറിജിൻ പ്രമേയമാക്കി ഒരു സീരീസ് വരുന്നു എന്നത് വളരെ താല്പര്യം ഉണർത്തിയ ഒരു കാര്യമായിരുന്നു.

🔸ആദ്യമേ തന്നെ പറയാം, സിനിമയും സീരീസും കണ്ട് തീർന്ന അനുഭവത്തിൽ നിന്നും, രണ്ട് കഥാപാത്രങ്ങൾ രണ്ട് ധ്രുവങ്ങളിൽ നിൽക്കുന്ന പ്രതീതിയാണ്, അത് കൊണ്ട് തന്നെ ഈ ഒരു സീരീസ് നേരിട്ട് സിനിമയിലേക്ക് ടൈ അപ്പ് ആവും എന്ന പ്രതീക്ഷ ഒന്നും വേണ്ട, അത് സംഭവിക്കുകയും ഇല്ല, കുറഞ്ഞത് ഈ ഒരു സീസണിൽ എങ്കിലും. ഒരു രണ്ടാമത്തെ സീസണിന് സീരീസ് റിന്യു ചെയ്യപ്പെട്ടിട്ടുണ്ട് എന്നാണ് അറിയാൻ കഴിഞ്ഞത്, ഒരുപക്ഷെ അവിടെ ക്യാരക്റ്റർ ഡെവലപ്മെന്റ് പൂർണം ആയേക്കാം, അതിനുള്ള സാദ്ധ്യതകൾ ഒക്കെ തുറന്നിടുന്നുണ്ട് ഈ സീസണിൽ പ്രത്യേകിച്ചും സീസൺ ഫിനാലെയിൽ.

🔸ഒരു പ്രത്യേക ഉദ്ദേശം വെച്ച് മിൽഡ്രഡ് ലൂസിയ മെന്റൽ ഹോസ്പിറ്റലിൽ നേഴ്‌സ് ആയി ജോലിക്ക് കേറുന്നിടത്താണ് സീരീസ് ആരംഭിക്കുന്നത്, അതിനായി അവർ തിരഞ്ഞെടുത്ത വഴിയൊക്കെ കൗശലം നിറഞ്ഞതും സമർത്ഥവും ആയിരുന്നു താനും. ഇത്രയും ബുദ്ധിമുട്ടി അവർ അവിടെ വരണമെങ്കിൽ സ്വാഭാവികമായും അതിന് ശക്തമായ കാരണവും കാണും, അതുണ്ട് താനും. ലൂസിയ ഹോസ്പിറ്റൽ അടുത്തായി വാർത്തയിൽ ഇടം പിടിച്ച ഒന്നാണ്, വളരെ കുപ്രസിദ്ധനായ ഒരു കൊലയാളിയെ അവിടേക്ക് മാറ്റി പാർപ്പിച്ചിട്ടുണ്ട്, ടിയാന്റെ പേരിലുള്ള കേസ് ഒരല്പം വിവാദം സൃഷ്ട്ടിച്ചതുമാണ്. ഈ രണ്ട് സംഭവങ്ങളിൽ നിന്നുമാണ് സീരീസ് കഥ പറഞ്ഞ് തുടങ്ങുന്നത്.

🔸ടൈറ്റിൽ കാരക്റ്റർ ആയി സാറാ പോൾസൺ നന്നായിരുന്നു, പക്ഷെ സിനിമാറ്റിക് വേര്ഷനുമായുള്ള താരമത്യം ഒക്കെ അപ്രസക്തമാണ്, ആദ്യമേ സൂചിപ്പിച്ച രണ്ട് ധ്രുവങ്ങളിൽ ഉള്ള രീതികളും ചേഷ്ടകളും ഒക്കെ കൊണ്ട് തന്നെ. സിന്ധ്യ നിക്‌സൺ, ഫിൻ വിട്രോക്ക് എന്നിവരും നന്നായിരുന്നപ്പോൾ വിൻസെന്റ് ഓണാഫ്രിയോ വന്ന് പോയി, ഒരുപക്ഷെ തുടർ ഭാഗങ്ങളിൽ പ്രാധാന്യം വർധിച്ചേക്കാം. ലോബൊട്ടമി പോലുള്ള ഡിസ്റ്റർബിങ് ആയ വിഷയങ്ങൾ സീരീസ് കൈകാര്യം ചെയ്യുന്നുണ്ട്, അവ എല്ലാം അതേപടി കാണിക്കുന്നുമുണ്ട്, ആ കാരണം കൊണ്ട് തന്നെ ചില ഭാഗങ്ങൾ കണ്ടിരിക്കാൻ പാടായിരുന്നു. ഇന്റെരെസ്റ്റിംഗ് ആയ തുടക്കത്തിന് ശേഷം പാതി വഴി വെച്ചെവിടെയോ കെട്ടുറപ്പ് പോയ ഒന്നായാണ് സീരീസ് അനുഭവപ്പെട്ടത്, എങ്കിലും കാണാവുന്നതാണ്.

Verdict : Watchable

DC Rating : 2.75/5 

897. Yakshi (1968)

Director : K. S. Sethumadhavan

Genre : Thriller

Rating : 7.7/10

Country : India

Duration : 141 Minutes

🔸മലയാളം ഇൻഡസ്ട്രിയിലെ സകല ലക്ഷണ ങ്ങളും ഒത്തിണങ്ങി വന്ന മികച്ച സൈക്കോള ജിക്കൽ സിനിമകളിൽ മുൻനിരയിൽ ഇന്നും തലയുയർത്തി നിൽക്കുന്ന ചിത്രമാണ് 1968 ൽ പുറത്തിറങ്ങിയ "യക്ഷി". അമൂല്ല്യമായ സിനിമാ കളക്ഷനുകളാൽ സമ്പന്നമായ നമ്മുടെ കൊച്ച്‌ ഇൻഡസ്ട്രിയിലെയെങ്കിലും പരമാവധി ചിത്രങ്ങ ൾ കവർ ചെയ്യുക എന്ന് പറഞ്ഞാൽ പോലും അപ്രാപ്യമാവാത്ത കാര്യമാണ്. അപ്പോഴുള്ള ഒരേ യൊരു വഴി എന്തെന്നാൽ ഒരു കാരണവശാലും നഷ്ടപ്പെടുത്തരുത് എന്ന തരത്തിലുള്ളവയെ തന്നെ ആദ്യം ലക്ഷ്യമിടുക എന്നതാണ്. പണ്ട് എപ്പോളോ കണ്ടിട്ടുള്ളതാണ് എങ്കിലും ഓർമ്മയിൽ യാതൊന്നും തന്നെ നിലനിന്നിരുന്നി ല്ല എന്ന കാരണം കൊണ്ടാണ് യക്ഷി വീണ്ടും തിരഞ്ഞെടുത്തത്, അതുകൊണ്ട് തന്നെ ഫ്രഷ് ആയി തന്നെ സിനിമയെ ആസ്വദിക്കാൻ പറ്റി. സമുഖനും പ്രതിഭയുമായ ചെറുപ്പക്കാരനായ കോളേജ് പ്രൊഫസർ ആണ് ശ്രീനിവാസൻ (സത്യൻ ). കോളേജിലെ തന്നെ കൂടെ ജോലി ചെയ്യുന്ന ഒരു സ്ത്രീയുമായി അദ്ദേഹം പ്രണയ ത്തിലുമാണ്. ഏതാണ്ട് അവരുടെ കല്യാണം ഉറപ്പിച്ച മട്ടാണ്. ശാസ്ത്ര വിഷയങ്ങളിൽ പരീക്ഷ ണങ്ങൾ നടത്തിയിരുന്ന ശാസ്ത്രജ്ഞൻ കൂടിയാ യ ശ്രീനിയുടെ ജീവിതം പാടെ മാറ്റിമറിച്ചു കൊണ്ട് ആ സംഭവമുണ്ടായി, ലാബിൽ സംഭവിക്കുന്ന ഒരു പൊട്ടിത്തെറിയിൽ അദ്ദേഹത്തിന്റെ മുഖത്തിന്  സാരമായി പരുക്ക് പറ്റുന്നു. മുഖം പെട്ടെന്ന് കണ്ടാൽ ആരും ഭയന്നു പോകുന്ന തരത്തിൽ വികൃതമാകുന്നു. തന്മൂലം അയാളുടെ കാമുകി ശ്രീനിയെ ഉപേക്ഷിച്ചു  പോകുന്നു., പരിചയക്കാ രും, അടുപ്പമുള്ളവരും വരെ അയാളുടെ മുഖത്ത് നോക്കാൻ മടി കാണിക്കുന്നു. 

🔸ജീവിതം താറുമാറാകുന്ന ശ്രീനി പതിയെ സമൂഹ ത്തിൽ നിന്നും ഉൾവലിഞ്ഞു വീടിനുള്ളിൽ തന്നെ സ്ഥിരം ചിലവഴിക്കുന്ന തരത്തിലേക്ക് മാനസീക മായി മാറപ്പെടുന്നു. യക്ഷി,ആത്മാവ് എന്നീ വിഷ യങ്ങളിൽ തല്പരനായിരുന്ന ശ്രീനി വീട്ടിലിരുന്നു അവയിലേക്ക് കൂടുതൽ അടുക്കാൻ വേണ്ടി ശ്രമങ്ങൾ നടത്തുന്നു. സംഭവിച്ചു എന്ന തരത്തി ൽ കേട്ടു കേൾവിയുള്ള പല കഥകളിലെയും കഥാപാത്രങ്ങളാവാൻ അയാൾ വെമ്പൽ കൊള്ളുന്നു. തന്റെ മുഖത്തേക്ക് നോക്കി മുഖം തിരിക്കാത്ത ഒരു മനുഷ്യ ജന്മം പോലുമില്ല. എങ്കി ൽ ഒരു ആത്മാവിനെയെങ്കിലും കണ്ടു മുട്ടിയിരു ന്നെങ്കിലോ എന്ന് പോലും അയാൾ ചിന്തിച്ചു പോകുന്നു. അയാളുടെ ആഗ്രഹമെന്നോണം കറുത്ത വാവും വെള്ളിയാഴ്ചയും ഒത്തുവന്ന ആ ദിനം, ചുറ്റുപാടു മുള്ള മൃഗങ്ങൾ പരസ്പരം ആശയം പങ്കു വെച്ച് അവരുടെ ഭാഷയിൽ ഉറക്കെ ഭീതി ജനിപ്പിക്കും വിധം ഒച്ചവെച്ചു കൊണ്ടിരുന്നു. നീലാകാശത്തി നും മുകളിലെ തട്ടിലുള്ള ചുവന്ന ആകാശത്തു വിഹരിക്കുന്ന അവരുടെ ആണ്ടിലൊരിക്കലുള്ള ഭൂമീ പ്രവേശനത്തിന് പ്രകൃതി മഴയായും, കാറ്റാ യും,കൊള്ളിയാനായും സമ്മതമറിയിച്ചു. അവൾ വന്നു ചുറ്റിലും പാലപ്പൂ മണം പരന്നു. രാഗിണി.. പലപ്പോഴും ശ്രീനിവാസനും, പ്രേക്ഷകനും അവ ളൊരു യക്ഷിയോ മനുഷ്യ സ്ത്രീയോ എന്ന് വേർ തിരിച്ചറിയാൻ വയ്യാതായി.. ശ്രീനി അവളോടൊ പ്പം ജീവിക്കുകയാണ്, പക്ഷെ ആ ജീവിതത്തിന്റെ പൊരുൾ എന്തെന്ന് അയാൾക്കും പ്രേക്ഷകനും പൂർണ്ണമായി വെളിവാകുന്നത് ചിത്രത്തിന്റെ ക്ലൈമാക്സിലാണ്. പോസ്റ്റിൽ കാര്യങ്ങൾ പറ ഞ്ഞിരിക്കുന്നത് സിനിമാ ഇനിയും കാണാത്തവർ ക്ക് ആസ്വാദനം ലഭിക്കും തരത്തിലാണ് എന്ന് വിശ്വസിക്കുന്നു.

🔸ഒരുപാട് ബ്രില്ലിയന്റ് രംഗങ്ങൾ ആവർത്തിച്ചെടു ത്ത് കാണാൻ പാകത്തിനുള്ളവ സിനിമയിലുണ്ട് അതായത് ബ്രില്ലിയന്റ്സ് ലെ പെർഫെക്ക്ഷൻ എന്നൊക്കെ വിളിക്കാവുന്ന തരത്തിലുള്ളവ. രാഗിണിയുമായുള്ള പിണക്കത്തിന് ശേഷം രമ്യതയിലായി അവർ വീട്ടിലേക്ക് തിരിച്ചു വന്ന് കുളിക്കാൻ കയറിയിരിക്കുവാണ്. അകത്തു രാഗിണിയുടെ നഗ്ന മേനിയിൽ വെള്ളം പതിക്കു ന്ന ശബ്ദം വരാന്തയിൽ നിന്ന് നാണമോ, കാമ പരവശമോ മറ്റെന്തൊക്കെയോ ഭാവങ്ങൾ,ചേഷ് ടകൾ ഒക്കെയായി ആസ്വദിച്ചു സിഗരറ്റ് വലിച്ചു നിൽക്കുന്ന സത്യൻമാഷ്.,(മറ്റെവിടെയും അത്ത രത്തിലുള്ള ഒരു അഭിനയ രീതി വേറെ ഓർത്തെ ടുക്കാൻ കഴിയുന്നില്ല). ശേഷം ക്ഷമ നശിച്ച് സിഗരറ്റും കുത്തിക്കെടുത്തി അകത്തേക്ക് കയറി ചെന്ന് പ്രേമ പരവശനായി രാഗിണിയോട് കുളിമുറിയുടെ വാതിൽ തുറക്കാൻ എന്തൊക്കെ യോ പുലമ്പുകയാണ് ആള്. 

🔸കടുതൽ ദീർഖിപ്പിക്കുന്നില്ല മലയാളത്തിൽ നിന്നും ഒരു കാരണവശാലും നഷ്ടപ്പെടുത്താൻ പാടില്ലാത്ത ചിത്രങ്ങളിൽ ഒന്നാണ് മലയാറ്റൂരിന്റെ യക്ഷി എന്ന നോവലിൽ നിന്നും തോപ്പിൽ ഭാസി തിരക്കഥ എഴുതി KS സേതുമാധവൻ സംവിധാനം നിർവ്വഹിച്ച "യക്ഷി" എന്ന ഈ ചിത്രം. ചില രംഗ ങ്ങളിളും സംഭാഷണങ്ങളിലുമെല്ലാം ചിലപ്പോൾ കഴിഞ്ഞു പോയ കാലഘട്ടത്തിന്റെ പോരായ്മ കൾ നിഴലിക്കുന്നതായി "ഇന്ന്" ചിലപ്പോൾ ആർ ക്കെങ്കിലുമൊക്കെ തോന്നാൻ സാധ്യതയുണ്ട്. എന്നാൽ കാലഘട്ടം മനസ്സിൽ വെച്ച് സിനിമയെ  ആസ്വദിക്കാൻ കഴിയുന്നവർക് ഒരു ക്ലാസ്സിക്ക് ഉൽപ്പന്നവും ലഭിക്കും. പക്ഷെ ഏത് കാലഘട്ട ത്തിൽ ഉള്ളവർ ആണ് എങ്കിലും സത്യൻ എന്ന പ്രതിഭയുടെ പെർഫോമൻസ് സുസൂഷ്മം വീക്ഷി ച്ചാൽ ഒരു കൊച്ചു ചിരിയോടെ അതിനെ നോക്കി നിന്നാസ്വാധിക്കാൻ നിങ്ങൾക്ക് എപ്പോളും സാധി ക്കും തീർച്ച. ശാരദ തന്റെ ശാലീനമായ സൗന്ദര്യം കൊണ്ടും, അഭിനയ മികവുകൊണ്ടും ചിത്രത്തിന്റെ മാറ്റ് കൂട്ടിയപ്പോൾ സപ്പോർട്ട് റോളുകളിൽ വന്ന ഭാസിയും, സുകുമാരിയുമെല്ലാം അവരുടെ ഭാഗം മികവോടെ ചെയ്ത്  സിനിമയിൽ നിറഞ്ഞു നിന്നു. സ്വർണ്ണച്ചാമരം വീശിയെത്തുന്ന എന്ന ഗാനം പണ്ടുമുതലേ ഇഷ്ടം ആണ്. ചിത്രത്തിലുള്ള മറ്റു ഗാനങ്ങളും ഹിറ്റുകളാണ്.

Verdict : Must Watch

DC Rating : 5/5 

896. Marona's Fantastic Tale (2019)

Director : Anca Damian

Genre : Animation

Rating : 7.6/10

Country : France

Duration : 88 Minutes

🔸നായയോളം വിശ്വസ്തനായ ഒരു സന്തത സഹചാരി മനുഷ്യന് വേറെ കിട്ടാനില്ല എന്ന് തോന്നിയിട്ടുണ്ട്, അനുഭവം കൊണ്ട് പോലും. മനുഷ്യന് നായ എന്നത് ഒരു സമയം പോക്ക് മാത്രം ആണെങ്കിൽ പോലും നായയ്ക്ക് അതിന്റെ യജമാനൻ അവന്റെ ജീവനോളം തന്നെ പ്രാധാന്യം ഉള്ളൊരു കാര്യമാണ്, ഈ ഒരു വസ്തുതയ്ക്ക് ഉദാഹരണങ്ങൾ ഒരുപാടുണ്ട്, എന്തിന് സിനിമയ്ക്ക് കാരണമായ റിയൽ ലൈഫ് എക്‌സാംപിൾ ഹാച്ചിക്കോ വരെ. എന്നാൽ ഒരു നായ തന്റെ കഥ പറഞ്ഞ് തുടങ്ങിയാലോ, അല്ലെങ്കിൽ അതിന്റെ ഭൂത കാലത്തേക്ക് തിരിച്ച് ചെന്നാലോ, അതാണ് മറൊണാസ് ഫന്റാസ്റ്റിക്ക് ടെയ്ൽ എന്ന ചിത്രം.

🔸ചിത്രം കണ്ട് കൊണ്ടിരിക്കെ ആദ്യം ശ്രദ്ധയിൽ പെടുക കണ്ട് പരിചയിച്ചിട്ടില്ലാത്ത അനിമേഷനും അതിന്റെ അവതരണവും എല്ലാമായിരിക്കും, ഡിസ്‌നി പോലുള്ള കമ്പനികളുടേതുമായി നോക്കുമ്പോൾ അത്ര പോളീഷ് ചെയ്ത ഫീൽ കിട്ടില്ല എങ്കിലും സംഭവം വെറൈറ്റി ആണെന്ന് പറയേണ്ടതില്ല. കുറച്ച് കാലം മുൻപ് പുറത്തിറങ്ങിയ ഐൽ ഓഫ് ഡോഗ്സിനെ ഓർമിപ്പിച്ചു ഈ ചിത്രം, അനിമേഷൻ കൊണ്ടും അവതരണം കൊണ്ടും, നായകളുമായി ബന്ധപ്പെട്ട് കിടക്കുന്ന പ്ലോട്ട് കൊണ്ടും. ഒരു നായ ഫസ്റ്റ് പേഴ്സൺ ആയി നരേറ്റ് ചെയ്യുന്ന പോലെയാണ് കഥ പുരോഗമിക്കുന്നത്.

🔸സിനിമയുടെ കഥയിലേക്ക് കടക്കുക ആണെങ്കിൽ, ഒരപകടത്തെ തുടർന്ന് നായയ്ക്ക് തന്റെ ലൈഫ് മുഴുവനായി ഒരു എപ്പിസോഡിക് ശൈലിയിൽ കാണാൻ കഴിയുന്നതും അതിനെ തുടർന്നുള്ള സംഭവങ്ങളും എല്ലാമാണ് കഥ. ഈ ഒരു ചെറിയ ജീവിത കാലത്തിനിടെ തന്നെ നമ്മുടെ കേന്ദ്ര കഥാപാത്രത്തിന് ഒരുപാട് യജമാനന്മാർ ഉണ്ടായിട്ടുണ്ട്, ഇവരിൽ നിന്നും സ്നേഹ പരിലാളനങ്ങൾ ലഭിക്കുകയും ചിലരാൽ തിരസ്കരിക്കപ്പെടുകയും ചെയ്തിട്ടുണ്ട്. ആ ഓർമകളിലേക്ക് ആണ് കഥ പോവുന്നത്, മനുഷ്യാധിപത്യം പുലർത്തുന്ന സമൂഹത്തിൽ നായയിൽ ഫോക്കസ് ചെയ്ത് അതിന്റെ മൈൻഡ് ലൈനിലൂടെ കഥ പറഞ്ഞ് പോവുന്ന ട്രീറ്റ്‌മെന്റ് നന്നായി തന്നെ ഇഷ്ട്ടപ്പെട്ടു.

🔸ഹാച്ചിക്കോ പോലെ ഔട്ടറൈറ്റ് ഡിപ്രസിങ് അല്ല ചിത്രം, അത് പോലെ ഹർട്ട് ചെയ്യാൻ കഴിയുന്ന ചില മോമെന്റിലൂടെ കഥ പോവുന്നുണ്ട് എങ്കിലും ബോധപൂർവം ഉള്ള ശ്രമം ഇല്ല. കണ്ടിരിക്കുന്ന സമയം മുഴുവൻ പിടിച്ചിരുത്തുന്ന കഥാഗതിയാണ് ചിത്രത്തിന്റേത്, പിന്നൊരു ഫാക്റ്റർ ഉള്ളത് ഈ അനിമേഷൻ ശൈലി ഇഷ്ടപ്പെടുമോ എന്നതാണ്, ഇല്ലെങ്കിൽ അത് ആസ്വാദനത്തെയും ബാധിക്കാം. അപ്പൊ പറഞ്ഞ് വന്നത് എന്താണെന്നാൽ ഒരു തവണ കണ്ട് നോക്കാവുന്നതാണ് ഈ ചിത്രം, അതിനുള്ള വക ഉണ്ട്.

Verdict : Good

DC Rating : 3.75/5 

895. Defending Jacob (2020)

Director : Morten Tyldum

Genre : Crime

Rating : 8/10

Seasons : 01

Episodes : 08

Duration : 45 - 53 Minutes

🔸അമേരിക്കയിലെ മസാച്യുസെറ്റ്സിൽ, വളരെ പ്രശസ്തനായ ഒരു അഭിഭാഷകൻ ആണ് ആൻഡി ബാർബർ, താൻ ഏറ്റെടുക്കുന്ന കേസുകളിലും വാദികൾക്കും വേണ്ടി നീതി നടപ്പാക്കാൻ അങ്ങേയറ്റം എഫേർട്ട് എടുക്കുന്ന ആൻഡിക്ക് അതിനാൽ തന്നെ കേസുകൾക്കോ പ്രശസ്തിക്കോ യാതൊരു പഞ്ഞവും ഇല്ല. ഭാര്യ ലോറിയും മകൻ ജേക്കബ്ബും അടങ്ങുന്നതാണ് ആൻഡിയുടെ കുടുംബം, വലിയ പ്രശ്നങ്ങളോ ബുദ്ധിമുട്ടുകളോ കാര്യമോ ഒന്നും ഇല്ലാതെ സന്തോഷത്തോടെ മുന്നോട്ട് പോയി കൊണ്ടിരുന്ന മാതൃകാകുടുംബം എന്നൊക്കെയുള്ള വിശേഷണം അർഹിക്കുന്ന ഒന്ന് എന്ന് പറയാം.

🔸ഇങ്ങനെ പോയി കൊണ്ടിരുന്ന കഥയിൽ ഒരു മാറ്റം ഉണ്ടാവുന്നത് ആ നഗരത്തിൽ ഒരു കൊലപാതകം അരങ്ങേറുമ്പോഴാണ്, കൊല്ലപ്പെട്ടിരിക്കുന്നത് ഒരു പതിനാല് വയസുകാരൻ ഹൈ സ്‌കൂൾ വിദ്യാർത്ഥിയാണ്. സ്‌കൂളിന് അടുത്ത് തന്നെ ഉള്ള എന്നാൽ ആളൊഴിഞ്ഞ ഒരു വഴിയിലാണ് ശരീരം കിടക്കുന്നത് ആളുകൾ കണ്ടത്, കുത്തേറ്റ പാട് കാണാം രക്തം വാർന്നാണ് മരിച്ചത് എന്ന കാര്യം വ്യക്തം, വിജനമായ പ്രദേശം ആയത് കൊണ്ട് തന്നെ സംഭവത്തിന് സാക്ഷികൾ ആരുമില്ല, എന്തിന് ഊഹം പോലുമില്ല. അന്വേഷണം തുടങ്ങിയ പോലീസ് ഉദ്യോഗസ്ഥർ ചൈൽഡ് അബ്ഡക്ഷൻ, മൈനർ റേപ്പ് അറ്റംപ്റ്റ് എന്നൊക്കെയുള്ള സാദ്ധ്യതകൾ മുൻ നിർത്തി ആ വഴിക്ക് പോയി, എന്തായാലും കേസ് ഏറ്റെടുത്തിരിക്കുന്നത് അറ്റോർണി ആയ ആൻഡി ആണ്.

🔸ആൻഡിയുടെ മകനായ ജേക്കബിന്റെ സഹപാഠി ആണ് കൊല്ലപ്പെട്ടിരിക്കുന്ന പയ്യൻ, ഇരുവരും തമ്മിൽ അത്ര സ്വരച്ചേർച്ച ഇല്ലായിരുന്നു എന്നത് ജേക്കബിന്റെ വാക്കുകളിൽ വ്യക്തവുമാണ്. സമപ്രായക്കാർ തമ്മിലുള്ള ചെറിയ പിണക്കം എന്നൊക്കെ പറഞ്ഞ് ഒഴിവാക്കിവിട്ട കേസ് ആകെ മാറി മറിയുന്നത് കൊലയ്ക്ക് പിന്നിൽ ജേക്കബ് ആണ് എന്ന് മറ്റൊരു സഹപാഠി ആരോപിക്കുന്നിടത്ത് നിന്നുമാണ്. ഇത് വെറും ഒരു ആരോപണമല്ല, മറിച്ച് തെളിവുകളുടെ അടിസ്ഥാനത്തിൽ കൂടിയാണ് എന്ന് വെളിപ്പെടുന്നിടത്ത് കഥ മറ്റൊരു ട്രാക്കിലേക്ക് മാറുന്നു. ഇവിടെ നിന്നുമാണ് ഡിഫൻഡിങ് ജേക്കബ് കഥ പറഞ്ഞ് തുടങ്ങുന്നത്.

🔸ഇത്തരം ഒരു കഥയിൽ നമ്മൾ പ്രതീക്ഷിക്കുന്ന ഒരു എൻഡിങ്ങോ അല്ലെങ്കിൽ സ്റ്റോറി ഫോമാറ്റോ ഈ സീരീസ് ഫോളോ ചെയ്യുന്നില്ല എന്നതാണ് ഏറ്റവും വലിയ പ്ലസ് പോയിന്റായി തോന്നിയത്. ക്രിസ് ഇവാൻസ്, ജേഡൻ മാർട്ടൽ, മിഷേൽ ഡോക്കറി തുടങ്ങിയവരുടെ എല്ലാം പെർഫോമൻസ് സ്പോട്ട് ഓൺ ആയിരുന്നു, ഈ കഥാപാത്രങ്ങൾക്ക് പുറമെ ഒരു ഓസ്കർ ജേതാവ് കൂടി സീരീസിൽ പ്രത്യക്ഷപ്പെടുന്നുണ്ട്, പുള്ളിയുടെ പ്രകടനവും സ്‌ട്രൈക്കിങ് ആയിരുന്നു. വെറും എട്ട് എപ്പിസോഡിൽ ശക്തമായ ഒരു കഥ ഈ സീരീസ് പറഞ്ഞ് പോവുന്നുണ്ട്, താല്പര്യം ഉള്ളവർക്ക് കാണാം, നഷ്ടം ആവില്ല.

Verdict : Good

DC Rating : 3.75/5 

894. Paisan (1946)

Director : Roberto Rossellini

Genre : War

Rating : 7.7/10

Country : Italy

Duration : 126 Minutes

🔸റോബർട്ടോ റോസലിനിയുടെ പ്രശസ്തമായ വാർ ത്രിലോഗിയിലെ രണ്ടാമത് ചിത്രമാണ് പൈസാൻ, ആദ്യ ഭാഗം പൊതുവായി നാസി ഭീകരതയും അതിന്റെ ആഫ്റ്റർ ഇഫക്റ്റുകളും എല്ലാമാണ് കൈകാര്യം ചെയ്തത് എങ്കിൽ ഇവിടെ ഫോക്കസ് ഇറ്റാലിയൻ പട്ടാളക്കാരും അമേരിക്കൻ പട്ടാളക്കാരും തമ്മിലുള്ള ഇടപഴകലുകളും മറ്റും ഒക്കെയാണ്, ഭാഷയുടെ അതിർ വരമ്പുകളും ഇതിനെ തുടർന്ന് ഉടലെടുക്കുന്ന പ്രശ്നങ്ങളും എല്ലാം ചിത്രം ഫോക്കസ് ചെയ്യുന്ന മറ്റ് പ്രശ്നങ്ങളിൽ ചിലതാണ്. ചില സിനിമകളെ ഒക്കെ നമ്മൾ കാലത്തിന് മുന്നേ പോയത് എന്ന് പറയാറില്ലേ, അതാണ് സത്യത്തിൽ പൈസാൻ.

🔸ചിത്രത്തിലെ ആദ്യ എപ്പിസോഡ് ആരംഭിക്കുന്നത് അല്ലീഡ് പവേഴ്‌സിന്റെ സിസിലി (ഇറ്റലി) അധിനിവേശ കാലത്താണ്, ഒരു കൂട്ടം അമേരിക്കൻ പട്ടാളക്കാർ അവിടേക്ക് കടന്ന് വരികയാണ്, ശത്രു രാജ്യം ആയതിനാൽ തന്നെ വളരെ ജാഗരൂകം ആയാണ് അവരുടെ മുന്നേറ്റം. ജർമൻ സേന ഉൾപ്പെടെ ഉള്ളവ വളരെ ശക്തമായി പിടി മുറുക്കിയിരുന്ന സ്ഥലമാണ്, അതിനാൽ തന്നെ ചെറിയൊരു പിഴവ് പോലും കൂട്ട കുരുതിയിൽ ചെന്ന് അവസാനിച്ചേക്കാം. പക്ഷെ ഈ പട്ടാളക്കാർ ഇപ്പൊ നേരിടുന്ന പ്രധാന പ്രശനം മറ്റൊന്നാണ്, ആ നാട്ടിലെ സാധാരണക്കാരായ ജനങ്ങളുമായി ആശയവിനിമയം നടത്താനുള്ള ബുദ്ധിമുട്ട് തന്നെ.

🔸ഇവിടെ നിന്നും ഈ പട്ടാളക്കാർ കാർമേലാ എന്ന ഇംഗ്ലീഷ് അറിയാവുന്ന യുവതിയെ പരിചയപ്പെടുന്നതും, അവളുടെ സഹായത്തോടെ അവിടെ നിന്നും സേഫ് ആയ ഒരു സ്ഥലത്തേക്ക് മാറാൻ ശ്രമിക്കുന്നതും ഒക്കെയാണ് ആദ്യ പോർഷനിലെ സ്റ്റോറി. പേഴ്സണലി ആറ് എപ്പിസോഡിലും കൂടി ആയി ഏറ്റവും ഇഷ്ട്ടപ്പെട്ട കഥകളിൽ ഒന്നാണ് ഇത്, യുദ്ധത്തിന്റെ അപ്രവചനീയതയും ഭീകരതയും എല്ലാം നല്ല തോതിൽ കാണിക്കാൻ ഈ ഭാഗത്തിന് കഴിഞ്ഞിട്ടുണ്ട്. ഒരല്പം ട്രാജിക് അല്ലെങ്കിൽ ഡിപ്രസിങ് ആയ അവതരണവും ഭംഗി കൂട്ടുന്നെ ഉള്ളൂ.

🔸രണ്ടാമത്തെ കഥ യുദ്ധം സാധാരണക്കാരായ ജനങ്ങൾക്ക് കൊണ്ടുവരുന്ന ദുരിതങ്ങൾക്കുള്ള നല്ലൊരു ഉദാഹരണം ആണെങ്കിൽ മൂന്നാം ഭാഗം യുദ്ധത്തിന്റെ പശ്ചാത്തലത്തിൽ ഉള്ള ഒരു പ്രണയ കഥയാണ്, നാലാം ഭാഗം ഒരു അന്വേഷണവും അഞ്ചാം ഭാഗം വിശ്വാസം, ആത്മീയത പോലെയുള്ള കാര്യങ്ങളെ പരാമർശിക്കുകയും ചെയ്യുന്നു. ഇങ്ങനെ ശക്തമായ വിഷയങ്ങളിൽ കൈ വെക്കുന്ന മികച്ച ആറ് കഥകൾ ഉൾപ്പെടുത്തിയ നല്ലൊരു സിനിമ ആണ് പൈസാൻ, ഒരുപക്ഷെ ഈ വിഭാഗത്തിലെ ഏറ്റവും മികച്ച ചിത്രങ്ങളിൽ ഒന്ന്, തീർച്ചയായും കാണാൻ ശ്രമിക്കുക.

Verdict : Must Watch

DC Rating : 5/5

893. The Devil All The Time (2020)

Director : Antonio Campos

Genre : Mystery

Rating : 6.9/10

Country : USA

Duration : 138 Minutes

🔸ഈ വർഷം ഏറ്റവും കൂടുതൽ പ്രതീക്ഷ അർപ്പിച്ച സിനിമകളിൽ ഒന്ന് ആയിരുന്നു ദി ഡെവിൾ ഓൾ ദി ടൈം, കിടിലൻ കാസ്റ്റ് ആയാലും ശെരി പീരിയഡ് ത്രില്ലർ സെറ്റപ്പ് ആയാലും ശെരി താല്പര്യം ഉണർത്തുന്ന കാര്യങ്ങൾ ആയിരുന്നു എല്ലാം കേട്ടിരുന്നത്. എന്തിനധികം ട്രൈലെർ പോലും നാട് തോതിൽ താല്പര്യം ഉണ്ടാക്കുന്നത് ആയിരുന്നു, ഈ കാരണങ്ങൾ കൊണ്ട് തന്നെ സ്ട്രീമിങ്ങിന് ചിത്രം എത്തി എന്നറിഞ്ഞ നിമിഷം തന്നെ കാണുക ആയിരുന്നു, ചിത്രത്തിൽ തൃപ്തനാണ്, ഇൻഫാക്റ്റ് നല്ല തോതിൽ തന്നെ ചിത്രം ഇഷ്ട്ടപ്പെട്ടു. മിസ്റ്ററി എലെമെന്റുകൾ കുറവാണ് എങ്കിലും അത് ഒരു പ്രശ്നമായി അനുഭവപ്പെടുന്നതെ ഇല്ല.

🔸ചിത്രത്തിന്റെ പ്ലോട്ടിനെ കുറിച്ചൊക്കെ പറയുന്നത് ഒരല്പം ബുദ്ധിമുട്ടാണ്, അതിന് പ്രധാനമായും രണ്ട് കാരണങ്ങൾ. ഇന്റർ കണക്റ്റഡ് ആയ നാലോ അഞ്ചോ കഥകളാണ് ചിത്രത്തിലേത്, ഇവ തന്നെ പല പല കാലഘട്ടങ്ങളായി പുരോഗമിക്കുന്നവയും മറ്റുമാണ്, ഇവ പരസ്പരം കൂടി ചേരുന്നൊക്കെ ഉണ്ട്, പല പല പോയിന്റുകളിൽ വെച്ച്, അതാണ് ചിത്രത്തെ കൂടുതൽ ആസ്വാദ്യകരം ആക്കുന്നതും. പറഞ്ഞ് വന്നത് ചെറിയ ചെറിയ കഥകൾ ആയതിനാൽ പറഞ്ഞ് തുടങ്ങിയാൽ ചിലപ്പോ സ്പോയ്ലർ ആയേക്കും, അതിനാൽ പരമാവധി ചുരുക്കുന്നു. രണ്ടാമത്തെ കാരണം ഇന്ന് റിലീസ് ആയതിനാൽ എല്ലാവർക്കും കാണാൻ അവസരം കിട്ടിയിട്ടുണ്ടാവില്ല എന്ന കാരണം തന്നെ.

🔸ടോം ഹോളണ്ട് അവതരിപ്പിച്ച കഥാപാത്രത്തെ ആണ് നായക സ്ഥാനത്ത് ചൂണ്ടി കാണിക്കാൻ ആവുക. ബിൽ സ്കാർസ്ഗാർഡ്, ജേസൺ ക്ലാർക്ക്, സെബാസ്റ്റിയൻ സ്റ്റാൻ, റോബർട്ട് പാറ്റിൻസൺ എന്നിങ്ങനെ വലിയൊരു കാസ്റ്റ് ഉണ്ടെങ്കിലും ഇവരുടെ കഥാപാത്രങ്ങൾക്ക് എല്ലാം വില്ലനിസത്തിന്റെ ഒരു ഗ്രേ ഷെയ്ഡ് ഉണ്ട്. കഥ തുടങ്ങുന്നത് ടോം അവതരിപ്പിച്ച കഥാപാത്രത്തിന്റെ അച്ഛനായ വില്ലാർഡിൽ നിന്നുമാണ്, 1945ൽ. രണ്ടാം ലോക മഹായുദ്ധത്തിൽ പട്ടാളക്കാരനായിരുന്ന വില്ലാർഡ് പിരിഞ്ഞ ശേഷം അമേരിക്കയിലെ ഒരു ഗ്രാമ പ്രദേശത്ത് വീട് വാടകയ്ക്ക് എടുത്ത് കുടുംബമായി താമസത്തിന് എത്തുന്നിടത്ത് സിനിമ ആരംഭിക്കുന്നു.

🔸ഒരു വരത്തൻ ആയത് കൊണ്ട് തന്നെ അത്യാവശ്യം പ്രശ്നങ്ങൾ അയാൾക്ക് അവിടെ നിന്നും നേരിടേണ്ടി വരുന്നുണ്ട്, പിന്നീട് മൂന്ന് കാലഘട്ടങ്ങളിലായി അറുപതുകൾ വരെ എത്തി അവസാനിക്കുന്നതാണ് ചിത്രം. ചിത്രം കഴിഞ്ഞപ്പോൾ സ്‌ട്രൈക്കിങ് ആയി തോന്നിയത് ഓരോ കഥാപാത്രങ്ങൾക്കും നൽകിയ പേ ഓഫുകളാണ്, ഒരാൾക്ക് ഒഴിച്ച്, അതാരാണ് എന്നൊന്നും പറയുന്നില്ല എങ്കിലും വിഷമകരം ആയി തോന്നി. റോബർട്ട് പാറ്റിൻസണിന്റെ വെറൈറ്റി ആയൊരു റോൾ, ടോം ഹോളണ്ട് മിസ്കാസ്റ്റ് ആവും എന്ന് തോന്നിയെങ്കിലും അതുണ്ടായില്ല. ഓവറോൾ നല്ലൊരു സിനിമ, തൃപ്തി പെടുത്തി, എല്ലാ രീതിയിലും, കാണാൻ ശ്രമിക്കുക.

Verdict : Very Good

DC Rating : 4/5 

892. What Time Is It There (2001)

Director : Tsai Ming-Liang

Genre : Drama

Rating : 7.2/10

Country : Taiwan

Duration : 116 Minutes

🔸വളരെ യുണീക് ആയ ഒരു ചിത്രമാണ് വാട്ട് ടൈം ഈസ് ഇറ്റ് തേർ, ചിത്രം കൈകാര്യം ചെയ്യുന്ന വിഷയം ആയാലും ശെരി, അത് അവതരിപ്പിക്കുന്ന ശൈലി ആയാലും ശെരി കണ്ട സിനിമകളിൽ ഒന്നിലും ആ പാത പിന്തുടരുന്ന മറ്റൊന്ന് കാണിച്ച് തരാൻ കഴിഞ്ഞേക്കില്ല, ഈ ഒരു എലമെന്റ് തന്നെയാണ് ചിത്രത്തെ സ്പെഷ്യൽ ആക്കുന്നതും. നമ്മുടെ നായക കഥാപാത്രം ആളൊരു വാച്ച് സെയിൽസ് മാൻ ആണ്, പ്രത്യേകിച്ച് സംഭവങ്ങൾ ഒന്നും ഇല്ലാതെ തീർത്തും വിരസമായ തോതിൽ മുന്നോട്ട് പോവുന്ന ഒരു ജീവിതം കൂടിയാണ് പുള്ളിയുടേത്.

🔸ടിയാന്റെ കഥ പറയുമ്പോൾ ഒഴിവാക്കാൻ പറ്റാത്ത ഒന്നാണ് മാതാപിതാക്കളും മറ്റുമൊക്കെ ആയുള്ള ബന്ധം, തന്റെ വളർത്ത് മത്സ്യവും ആയി മാത്രമാണ് ടിയാന് ഏതെങ്കിലും രീതിയിൽ ഉള്ള അടുപ്പം ഉള്ളത്, തന്റെ വ്യക്തി ജീവിതവും ദൈനംദിന സംഭവങ്ങളും വരെ പരസ്പരം ഷെയർ ചെയ്യുന്നിടത്തോളം അടുപ്പമാണ് നായകനും മൽസ്യത്തിനും ഇടയിൽ. ഈ ഒരു വസ്തുതയ്ക്ക് ഉള്ള പ്രധാന കാരണം അച്ഛൻ അമ്മമാരോടുള്ള അകൽച്ച കുറവ് തന്നെ ആണ് എന്ന് പറയേണ്ടി വരും. അച്ഛൻ ആളൊരു നിർഗുണ സ്വഭാവക്കാരനാണ്, മകന് വേണ്ടി പോയിട്ട് സ്വന്തം നന്മയ്ക്ക് വേണ്ടി എങ്കിലും പുള്ളി എന്തെങ്കിലും ചെയ്തോ എന്നത് സംശയമാണ്.

🔸ഈ അച്ഛൻ കഥാപാത്രത്തിന്റെ മരണവും അതിനെ തുടർന്ന് കഥയിൽ വരുന്ന മാറ്റങ്ങളും എല്ലാം സിനിമയിൽ പ്രധാനമാണ്, എന്നാൽ മെയിൻ പ്ലോട്ട് എന്നത് ഇതിലല്ല. ഷിയാങ് ചി എന്ന നായികാ കഥാപാത്രം ഒരുനാൾ നമ്മുടെ നായകന്റെ പക്കൽ നിന്നും ഒരു വാച്ച് വാങ്ങാനായി എത്തുകയാണ്, വെവ്വേറെ രീതിയിൽ ഉള്ളവ കണ്ടു എങ്കിലും അവർക്ക് പൂർണമായി ബോധിച്ചത് നായകന്റെ കയ്യിലുള്ളത് ആയിരുന്നു താനും, എന്തായാലും കച്ചവടം നടക്കുകയാണ്, ഇവിടെ നിന്നും ഒരു ചെയിൻ ഓഫ് ഇവെന്റ്സ് ആരംഭിക്കുകയാണ്, പിന്നീട് അരങ്ങേറുന്നവയെല്ലാം അതിന്റെ ആഫ്റ്റർ എഫക്ടുകളാണ്.

🔸മകളിൽ സൂചിപ്പിച്ചിരിക്കുന്നത് ചിത്രത്തിന്റെ വളരെ ചെറിയൊരു പോർഷൻ മാത്രമാണ്, പിന്നീട് അരങ്ങേറുന്ന കാര്യങ്ങളിലേക്ക് ഉള്ള ഒരു സൂചന പോലും ഉൾപ്പെടുത്താതിരിക്കാൻ ശ്രദ്ധിച്ചിട്ടുമുണ്ട്, കാരണം വേറൊന്നുമല്ല ആ ഒരു ഫ്രഷ്നസ് ഒക്കെ അതേപടി നിൽക്കട്ടെ എന്ന് മാത്രം കരുതിയിട്ടാണ്. പേഴ്സണലി നന്നായി ഇഷ്ട്ടപ്പെട്ട ചിത്രമാണ് വാട്ട് ടൈം ഈസ് ഇറ്റ് തേർ. പോകെ പോകെ കഥ മൂന്ന് കഥാപാത്രങ്ങളിൽ കോണ്സെന്ട്രേറ്റ് ചെയ്ത് ആ വഴി പോവുന്നുമൊക്കെ ഉണ്ട്, താല്പര്യം ഉണ്ടെങ്കിൽ കണ്ട് നോക്കാവുന്നതാണ്, പ്രത്യേകിച്ചും വെറൈറ്റി സിനിമകൾ പരീക്ഷിക്കുന്നവർക്ക് ഒക്കെ.

Verdict : Very Good

DC Rating : 4/5 

891. Inhuman Kiss (2019)

Director : Sittisiri Mongkolsiri

Genre : Horror

Rating : 6.5/10

Country : Indonesia

Duration : 121 Minutes

🔸ഈ നാടോടി കഥകൾ ഒക്കെ പ്രമേയമാക്കി വരുന്ന ഹൊറർ ചിത്രങ്ങൾ അല്ലെങ്കിൽ ഡിസ്റ്റർബിങ് കണ്ടന്റ് ഉള്ള ആ വിഭാഗത്തിൽ പെട്ട സിനിമകൾ ഒക്കെ കാണാൻ പ്രത്യേക ഇഷ്ട്ടമാണ്, കൊത്താനോടി പോലെയുള്ള ആസാമീസ് ചിത്രം എല്ലാം ഈ ഒരു കാരണം കൊണ്ട് തന്നെ നന്നായി ഇഷ്ട്ടപ്പെട്ടതും ആണ്. ഇൻഹ്യൂമൻ കിസ് അഥവാ ക്രൗസ് എന്ന ഇന്തോനേഷ്യൻ ഫോൾക്‌ലോർ ഹൊറർ ചിത്രം കാണാൻ ഇരുന്നപ്പോഴും അത്രയൊക്കെ മാത്രമേ പ്രതീക്ഷിച്ചിരുന്നുള്ളൂ, പ്രസ്തുത രാജ്യത്ത് നൂറ്റാണ്ടുകളായി പ്രചാരത്തിൽ ഉള്ള ഒന്നാണ് ക്രൗസ് എന്ന നാടോടി കഥകളിലെ പ്രേത കഥാപാത്രം.

🔸തലയും ഹൃദയവും മാത്രം ചേർന്ന ഒരു രൂപമാണ് ക്രൗസ്, അതിന് കീഴ്പോട്ട് യാതൊന്നും തന്നെ ഇല്ല, മാത്രമല്ല ഈ തലയ്ക്ക് ചുറ്റും ഒരു തരം വെളിച്ചവും കാണപ്പെടും. ചുരുക്കി പറഞ്ഞാൽ ക്രൗസ് എന്നത് കാഴ്ചയിൽ ഇത്ര മാത്രമേ ഉള്ളൂ, പകൽ സമയങ്ങളിലും മറ്റും ഏതെങ്കിലും പെൺകുട്ടിയുടെ ശരീരത്തിന് ഉള്ളിൽ മറഞ്ഞ് നിൽക്കുന്ന ഈ വിദ്വാൻ രാത്രി ഇരുട്ട് വീണ ശേഷമാണ് വേട്ടയ്ക്ക് ഇറങ്ങുന്നത്. ആകാശത്ത് കൂടി വെളിച്ചവും വീശി പോവുന്ന ഈ ഭീകര സത്വത്തെ കണ്ടാൽ തന്നെ പാതി ജീവൻ പോകും, അപ്പൊ പിന്നെ ആക്രമണം കൂടി ആയാൽ എല്ലാം പൂർണം.

🔸പരധാനമായും നാൽക്കാലികൾ, ജനിച്ച് വീണ് അധിക കാലം ആവാത്ത കുരുന്നുകൾ എന്നിവയിൽ ഒക്കെയാണ് ക്രൗസ് തന്റെ വിഹാരം നടത്താറ്. കൊന്ന് തിന്നുക എന്ന ശൈലിയാണ് എന്ന് പറയാം, പ്രത്യേകിച്ചും ശരീരത്തിന് ഉള്ളിലുള്ള ഓർഗൻസും മറ്റുമൊക്കെ മുറിച്ചെടുത്ത് ഭക്ഷിച്ച അവശിഷ്ടങ്ങൾ ഒക്കെ കാണാം. ഈ ഒരു സൂപ്പർ നാച്ചുറൽ ഫോൾക് സ്റ്റോറിക്കിടയിലേക്ക് മൂന്ന് കഥാപാത്രങ്ങൾ കടന്ന് വരുന്നതും തുടർന്ന് അരങ്ങേറുന്ന സംഭവങ്ങളും ഒക്കെയാണ് ചിത്രത്തിന്റെ പ്രെമിസ്, സായ് എന്ന യുവതിയാണ് നമ്മുടെ കേന്ദ്ര കഥാപാത്രം, അവരുടെ വ്യൂവിലൂടെ ആണ് സ്റ്റോറി പുരോഗമിക്കുന്നതും.

🔸തീമിൽ ഉള്ള ഫ്രഷ്നസ് തന്നെയാണ് ചിത്രത്തിന്റെ ഡ്രൈവിങ് ഫോഴ്‌സ്, പ്രത്യേകിച്ചും ഹോളിവുഡിലെ ഹോണ്ടഡ് ഹോസ് ഐറ്റങ്ങൾക്കും ഫൗണ്ട് ഫൂട്ടേജ് സാധനങ്ങൾക്കും എല്ലാം എക്സ്പയറി ഡേറ്റ് വീണ് കഴിഞ്ഞ സാഹചര്യത്തിൽ അത്യാവശ്യം താല്പര്യം ജനിപ്പിക്കുന്നുണ്ട് ഈ ഒരു സബ്ജക്റ്റ്. വലിയ സംഭവമാണ് എന്ന വാദം ഒന്നും തന്നെ ഈ ചിത്രത്തിന് തരാനില്ല, അർഹിക്കുന്നുമില്ല, പക്ഷെ ഒരുതവണ കാണുന്നതിൽ തെറ്റും ഇല്ല. കഥാപാത്രങ്ങളായി എത്തിയ നടീ നടന്മാരുടെ പ്രകടനങ്ങളും കഥയുടെ സെറ്റപ്പും എല്ലാം നൈസ് ആയിരുന്നു.

Verdict : Above Average

DC Rating : 2.75/5

890. The Battle Of Jangsari (2019)

Director : Kwak Kyung-Taek 

Genre : War

Rating : 6/10

Country : South Korea

Duration : 104 Minutes

🔸ഓപ്പറേഷൻ ക്രോമൈറ്റ് എന്ന ചിത്രത്തിന് ശേഷം കൊറിയൻ യുദ്ധം പ്രമേയമാക്കി തയ്യാറാക്കപ്പെട്ട ത്രിലോഗിയിലെ രണ്ടാമത് ചിത്രമാണ് ബാറ്റിൽ ഓഫ് ജംഗ്‌സാരി, ഇരു രാജ്യങ്ങളും തമ്മിലുള്ള കൊടുമ്പിരി കൊണ്ട യുദ്ധം ബാക്ക്ഗ്രൗണ്ടിൽ പരാമര്ശിക്കപ്പെടുന്നുണ്ട് എങ്കിലും ഇവിടെ ഫോക്കസ് ജംഗ്‌സാരി എന്ന ഒരു ചെറിയ ദ്വീപിൽ വെച്ച് നടന്ന പോരാട്ടത്തിലേക്കാണ്, റിയൽ ലൈഫ് കഥ ആണ് ചിത്രത്തിന് പ്രമേയം ആയിരിക്കുന്നത്. മറ്റ് പല കൊറിയൻ യുദ്ധ ചിത്രങ്ങളുമായി തട്ടിച്ച് നോക്കാനുള്ള നിലവാരം ഒന്നും കണ്ടില്ലെങ്കിലും വൺ ടൈം വാച്ചിന് നൈസ് ആണ് ബാറ്റിൽ ഓഫ് ജംഗ്‌സാരി.

🔸അൻപതുകളാണ് കഥാ പശ്ചാത്തലം, ഇരു കൊറിയയും തമ്മിലുള്ള യുദ്ധം മൂര്ധന്യാവസ്ഥയിൽ എത്തി നിൽക്കുകയാണ്. ഉത്തര കൊറിയയ്ക്ക് ആണ് ചിത്രം തുടങ്ങുന്ന സമയത്ത് മേൽക്കോയ്മ, ആ വാക്ക് തന്നെ ചേരില്ല മറിച്ച് പൂർണ മേധാവിത്വം എന്ന് തന്നെ പറയാം. ഒരു പരിധി വരെ സ്വന്തം മണ്ണിൽ നിന്നും ദക്ഷിണ കൊറിയൻ സേനയെ ഓടിക്കുന്നതിൽ അവർ വിജയിച്ചിട്ടുണ്ട് എന്ന് പറയാം. യുദ്ധത്തിന്റെ ഫലം ഏറെക്കുറെ തീരുമാനിക്കപ്പെട്ട മട്ടാണ്, അത്ഭുതങ്ങൾ ഒന്നും സംഭവിച്ചില്ല എങ്കിൽ. ദക്ഷിണ കൊറിയയെ സഹായിക്കാൻ യു എന്നിന്റെയും അമേരിക്കയുടെയും നേതൃത്വത്തിൽ ഒരു സേന എത്തിയിട്ടുണ്ട് എങ്കിലും കാര്യമായ ചലനം ഉണ്ടാക്കിയിട്ടില്ല.

🔸ആർമി ജനറൽമാരെ സംബന്ധിച്ചിടത്തോളം ഇനി ഒരേയൊരു മാർഗം മാത്രമേ മുന്നിലുള്ളൂ, രാജ്യത്തിൻറെ തന്ത്ര പ്രധാനമായ സ്ഥലമായ ഇഞ്ചിയോണിൽ രണ്ടും കല്പിച്ചുള്ള ഒരു അപ്രതീക്ഷിത ആക്രമണം. ഒരുപക്ഷെ സ്വന്തം രാജ്യം നിലനിർത്താനുള്ള അവസാന വഴി, എന്നാൽ ഇവിടൊരു പ്രശ്നമുണ്ട്, എതിരാളി ഒട്ടും പ്രതീക്ഷിക്കാത്ത ഒരു സമയത്ത് ആയിരിക്കണം ആക്രമണം, അതിന് ഒരു മറ അല്ലെങ്കിൽ ഡൈവേർഷൻ ആവശ്യമുണ്ട്, ഇവിടെയാണ് ജംഗ്‌സാരി ഒരു ഫാക്റ്റർ ആയി വരുന്നത്. ഉത്തര കൊറിയൻ പട്ടാളത്തിന്റെ ശ്രദ്ധ തിരിക്കാൻ ജംഗ്‌സാരിയിൽ ഒരു വെടി പൊട്ടിച്ചേ മതിയാവു എന്ന സ്റ്റേജിലേക്ക് കാര്യങ്ങൾ എത്തുകയാണ്.

🔸നിർഭാഗ്യവശാൽ ഈ ദൗത്യത്തിന് നറുക്ക് വീഴുന്നത് യുദ്ധ ഭൂമിയിൽ യാതൊരു പരിചയമോ ആയുധങ്ങൾ പ്രയോഗിച്ചുള്ള ശീലമോ ഇല്ലാത്ത ഒരു സ്റ്റുഡന്റ് യുണിറ്റിനാണ്, അങ്ങനെ 770ൽ അധികം വിദ്യാർത്ഥികളായ യുവാക്കൾ ആ ദ്വീപിലേക്ക് ഒരു പോരാട്ടത്തിനായി എത്തിച്ചേരുകയാണ്, തുടർന്ന് അരങ്ങേറുന്നത് രക്ത രൂഷിതമായ ഒരു യുദ്ധമാണ്. ഇമോഷണൽ ആയി അഫ്ഫക്റ്റ് ചെയ്യാനുള്ള എല്ലാ വകുപ്പും ഉണ്ടായിട്ടും അതിൽ കാര്യമായി വിജയിച്ചിട്ടില്ല എന്നതാണ് ചിത്രത്തിന്റെ ഏറ്റവും വലിയ ഡ്രോബാക്ക് ആയി തോന്നിയത്, ബാറ്റിൽ സീൻസ് ഒക്കെ അത്യാവശ്യം കൊള്ളാമായിരുന്നു, ആകെ മൊത്തം പറയുക ആണെങ്കിൽ വെറുതെ ഒരു തവണ കാണാം എന്ന് മാത്രം.

Verdict : Average

DC Rating : 2.5/5

889. Nabat (2014)

Director : Elchin Musaoglu

Genre : Drama

Rating : 7.2/10

Country : Azerbaijan

Duration : 104 Minutes

🔸വെടിക്കോപ്പുകളോ, പോരാട്ട ഭൂമിയോ, രക്തമോ പോലും കാണിക്കാതെ ഒരു വാർ ഡ്രാമ അവതരിപ്പിക്കാൻ കഴിയുമോ എന്ന് ആരെങ്കിലും എന്നെങ്കിലും സംശയം പ്രകടിപ്പിച്ച് കാണിക്കുക ആണെങ്കിൽ അവരെ നബാത് എന്ന അസർബെയ്‌ജാനി സിനിമ വിളിച്ച് കാണിച്ച് കൊടുക്കണം. ഈ കഠിനമായ കാര്യം അവർ സ്ക്രീനിലേക്ക് എത്തിച്ചു എന്ന് മാത്രമല്ല അത്രമേൽ അവിസ്മരണീയം ആയ തോതിൽ ആ തീം അവതരിപ്പിക്കാൻ അവർക്ക് കഴിഞ്ഞു എന്നിടത്താണ് നബാത് സ്പെഷ്യൽ ആവുന്നത്. ചില അപൂർവം സിനിമകൾ ഉണ്ട്, സ്‌ക്രീനിൽ കഥ അവസാനിച്ച് കഴിഞ്ഞ ശേഷം നമ്മളിൽ പതിയെ അതിന്റെ എഫക്ടുകൾ കാണിച്ച് തുടങ്ങുന്നവ, ഇത് അത്തരം ഒരു സിനിമ കൂടി ആണ്, സിനിമയോളം തന്നെ ഒരു അനുഭവമാണ് നബാത്.

🔸ടൈറ്റിൽ കഥാപാത്രമായ നബാത് ആളൊരു മധ്യ വയസ്കയായ യുവതിയാണ്, വാര്ധക്യത്തിലേക്ക് കടന്ന് കൊണ്ടിരിക്കുന്നു എന്ന് പറയാം. നബാത്തിന് ബന്ധുക്കൾ എന്ന് പറയാൻ ഒരു ഭർത്താവ് അല്ലാതെ വേറാരുമില്ല, അയാൾ ആണെങ്കിൽ കട്ടിലിൽ മാത്രമായി ഒതുങ്ങി പോയിരിക്കുന്നു. രോഗവും അതിനെ തുടർന്നുള്ള വയ്യായ്മകളും എല്ലാം അയാളെ വല്ലാതെ തളർത്തി കളഞ്ഞിരിക്കുന്നു, ഇങ്ങനെ ഒക്കെയാണ് കാര്യം എങ്കിലും നബാത്തിന് ഭർത്താവിനോട് വലിയ സ്നേഹവും കരുതലും ഒക്കെയാണ്, അയാളുടെ പ്രാഥമിക ആവശ്യങ്ങൾ എല്ലാം തന്നെ ഒരു പരാതിയോ പരിഭവമോ കാണിക്കാതെ അവർ നിറവേറ്റി കൊടുക്കുന്നുണ്ട്.

🔸നബാത് ഉൾപ്പെടെ ഉള്ളവർ താമസിക്കുന്ന ഗ്രാമത്തിന്റെയും മറ്റും കാര്യം എടുത്താൽ സ്ഥിതി ഗതികൾ വളരെ മോശമാണ്, സാമ്പത്തികപരം ആയാലും ശെരി രാഷ്ട്രീയപരം ആയാലും ശെരി. അന്നന്നത്തേക്കുള്ള വക കണ്ടെത്താനായി അടുത്ത ഗ്രാമത്തിൽ ചെന്ന് പാൽ വിൽക്കേണ്ട അവസ്ഥയിലാണ് നബാത്ത്‌, മറ്റ് വരുമാന മാർഗങ്ങൾ ഏതും ഇല്ല. യുദ്ധം ആണെങ്കിൽ ഗ്രാമത്തിന്റെ പടിക്കൽ വരെ എത്തി നിൽക്കുന്നു, താമസം ഏറെക്കുറെ അസഹ്യമായ അവസ്ഥയാണ് ഇന്ന്, ഈ കാരണം കൊണ്ട് തന്നെ വലിയൊരു ശതമാനം ഗ്രാമീണരും അവിടം വിട്ട് പോയി കഴിഞ്ഞിരിക്കുന്നു. ഈ ഒരു പശ്ചാത്തലത്തിലാണ് നബാത് കഥ പറഞ്ഞ് തുടങ്ങുന്നത്.

🔸അവരെ സംബന്ധിച്ചിടത്തോളം ഗ്രാമം വിട്ട് പോവുക എന്നത് ഓപ്‌ഷനെ അല്ല, അത് കൊണ്ട് തന്നെ എല്ലാവരോടും ഇവിടം വിട്ട് പോവാൻ സേന പറഞ്ഞിട്ടും നബാത് അതിന് തയാറാവുന്നില്ല. വളരെ മനോഹരമായ ദൃശ്യങ്ങളാണ് ഈ ചിത്രത്തിന്റെ ഒരു പ്ലസ് പോയിന്റ്, പ്രത്യേകിച്ചും പോസ്റ്ററിൽ ഉൾപ്പെടുത്തിയ സീൻ ഒക്കെ സിനിമയിൽ കാണുമ്പോൾ വാക്കുകളാൽ വിവരിക്കാൻ കഴിയാത്ത ഒരു അനുഭവം തന്നെ ആയിരുന്നു, മികച്ച ഒരു എൻഡിങ് ഷോട്ടും ചിത്രത്തിന്റെ സവിശേഷതയാണ്. അപ്പൊ പറഞ്ഞ് വന്നത് എന്തെന്നാൽ ഒരു കിടിലൻ അനുഭവമാണ് ഈ ചിത്രം, താല്പര്യം തോന്നുന്നെങ്കിൽ കാണാൻ ശ്രമിക്കുക.

Verdict : Very Good

DC Rating : 4/5 

888. Mucize 2 - Miracles Of Love (2019)

Director : Mahsun Kırmızıgül

Genre : Drama

Rating : 7.1/10

Country : Turkey

Duration : 130 Minutes

🔸മസിസ് ആദ്യ ഭാഗത്തെ പറ്റിയുള്ള പോസ്റ്റിൽ മനഃപൂർവം പരാമർശിക്കാതെ പോയ ഒരു കഥാപാത്രമാണ് അസീസ്, ഒരുപരിധി വരെ ആ ചിത്രത്തിന്റെ സോൾ എന്ന് വിശേഷിപ്പിക്കാവുന്ന കഥാപാത്രം, അത്ര മനോഹരമായി ആണ് വികലാങ്ങനായ അസീസിനെ ആ കഥാപാത്രം ആയി എത്തിയ നടൻ അവതരിപ്പിച്ചിരിക്കുന്നത്. അസീസിനെ കാണേണ്ടതും അറിയേണ്ടതും ചിത്രം കാണുമ്പോൾ ആയിരിക്കണം എന്ന ആഗ്രഹത്തിന്മേലായിരുന്നു ആ ഒഴിവാക്കൽ, എന്തായാലും ഇവിടെ പറയാൻ പോവുന്നത് പുള്ളിയെ പറ്റിയാണ്, ആദ്യ ഭാഗം കാണാത്തവർ മടങ്ങി പോവുന്നത് ആയിരിക്കും ഉചിതം.

🔸ഗരാമമുഖ്യന്റെ ഇളയ മകനായ അസീസിനെ ആദ്യ ഭാഗത്ത് നമ്മൾ കാണുമ്പോൾ സ്ഥിതി ഗതികൾ വളരെ മോശം ആയിരുന്നു, നേരാംവണ്ണം സംസാരിക്കാനോ നടക്കാനോ പോലും കഴിയാതെ, വികലാങ്കനായി എന്തിനോ വേണ്ടി ജീവിക്കുന്ന ഒരാളായിരുന്നു അസീസ്. അച്ഛനും അമ്മയ്ക്കും അവനെ കുറിച്ച് വിഷമം ഉണ്ടായിരുന്നു എങ്കിലും അത് പുറമെ കാണിക്കാതെയും അവനെ അറിയിക്കാതെയും കൊണ്ട് നടക്കുക ആയിരുന്നു ഈ കാലമത്രയും. അതിനിടയിലേക്കാണ് മാഹിറിന്റെ വരവും പിന്നീടുള്ള സംഭവങ്ങളും ഒക്കെ, ഇതെല്ലാം നമ്മൾ ആദ്യ ഭാഗത്ത് കണ്ടതുമാണ്.

🔸ആദ്യ സീനിൽ ഗ്രാമത്തിലെ കുട്ടികൾ കമ്പും വടിയും ഒക്കെ കൊണ്ട് ഉപദ്രവിക്കുന്ന, നേരാംവണ്ണം പ്രതിരോധിക്കാൻ പോലും കഴിയാത്ത, സ്വന്തം പ്രാഥമിക കാര്യങ്ങൾ പോലും ചെയ്യാൻ മറ്റുള്ളവരുടെ സഹായം ആവശ്യമുള്ള അസീസിനെ അല്ല ആദ്യ ഭാഗ ചിത്രത്തിന്റെ അവസാനം നമ്മൾ കാണുന്നത്, ഈ ഒരു മാറ്റത്തിന് പിന്നിൽ വലിയൊരു കഥ തന്നെ ഉണ്ടെങ്കിലും അതൊന്നും ആദ്യ ഭാഗം വിഷയം ആക്കിയിട്ടില്ല, അതിലേക്ക് ഒക്കെയാണ് ഈ ചിത്രം കടന്ന് ചെല്ലുന്നത്. ഇവിടെ ആദ്യ ഭാഗത്തിലെ മറ്റുള്ള കഥാപാത്രങ്ങൾ പലരും വന്ന് പോവുന്നുമുണ്ട്.

🔸മസീസിന്റെ അത്രയും വൈകാരികമായി സ്പർശിച്ച ചിത്രം അല്ല രണ്ടാം ഭാഗം എങ്കിലും മോശം അല്ലേയല്ല, അത്യാവശ്യം വർത്തി ആയ ഒരു ഫോളോ അപ്പ് തന്നെയാണ് ഈ ചിത്രം. കുടുംബ ബന്ധങ്ങളുടെ മൂല്യങ്ങളും, ആ ഒരു ലാളിത്യവും സിംപ്ലിസിറ്റിയും എല്ലാം ചിത്രം അതിമനോഹരമായി തന്നെ അവതരിപ്പിക്കുന്നുണ്ട്, ആദ്യ ഭാഗം കണ്ടവർ, ഇഷ്ട്ടപ്പെട്ടവർ തീർച്ചയായും കാണേണ്ട ഒന്ന് തന്നെയാണ് ഈ രണ്ടാം ഭാഗവും, കാണാൻ ശ്രമിക്കുക. കൂടുതൽ അറിയും തോറും തുർക്കിഷ് സിനിമ വിസ്മയിപ്പിച്ച് കൊണ്ടേ ഇരിക്കുന്നു.

Verdict : Very Good

DC Rating : 4/5 

887. Mucize (2015)

Director : Mahsun Kırmızıgül

Genre : Drama

Rating : 7.7/10

Country : Turkey

Duration : 136 Minutes

🔸സിനിമകളുടെ ലാളിത്യം ഒരു അത്ഭുതമായി തോന്നിയിട്ടുണ്ടെങ്കിൽ അത് തുർക്കിഷ് ഭാഷയിൽ ആണ്, പ്ലോട്ട് മാത്രമായി എടുക്കുക ആണെങ്കിൽ ഇത് വെച്ച് ഒരു സിനിമ എടുക്കാൻ കഴിയുമോ അല്ലെങ്കിൽ എടുത്താൽ തന്നെ അത് ആസ്വാദ്യകരം ആവുമോ അല്ലെങ്കിൽ വലിച്ച് നീട്ടൽ പോലെ തോന്നുമോ തുടങ്ങിയ സംശയങ്ങൾ ഉണ്ടാവുക സാധാരണമാണ്, എന്നാൽ ഇവ മിക്കതും തരുന്ന ആ ഒരു അനുഭവം അല്ലെങ്കിൽ ഫീൽ പറഞ്ഞ് അറിയിക്കാൻ പറ്റാത്തതാണ്, ഇവിടെ മുസീസ് ദി മിറക്കിൾ എന്ന ചിത്രത്തിന്റെ കാര്യത്തിലും സ്ഥിതി ഗതികൾ വ്യത്യസ്തമല്ല.

🔸മഹിർ എന്ന കഥാപാത്രം ആളൊരു അധ്യാപകനാണ്, കാലഘട്ടം ആയിരത്തി തൊള്ളായിരത്തി അറുപതുകളും. ടിയാൻ ജോലി ചെയ്യുന്നത് നഗര പ്രദേശത്ത് ആണെങ്കിലും ഒരുനാൾ സ്ഥലം മാറ്റം ലഭിക്കുകയാണ്, ഒരു ഓണം കേറാ മൂല എന്നൊക്കെ പറയാവുന്ന, എന്തിനധികം കേട്ട് കേൾവി പോലുമില്ലാത്ത ഒരു കുഗ്രാമത്തിലേക്ക്. മാഹിറിന്റെ ഭാര്യയ്ക്കും മക്കൾക്കും ഇതിനോട് വലിയ താല്പര്യം ഇല്ല എങ്കിലും സ്വതേ അഭിമാനി ആയ മാഹിർ ഇറങ്ങി തിരിക്കുകയാണ്, പുതിയ ജോലി സ്ഥലത്തേക്ക്. മാഹിറിനെ സംബന്ധിച്ചിടത്തോളം അവിടെ എത്തിപ്പെടുക എന്നത് തന്നെ ആയിരുന്നു ആദ്യത്തെ കടമ്പ.

🔸പരസ്തുത ഗ്രാമത്തിലേക്കുള്ള ഒരേയൊരു മാർഗം ബസ് ആണ്, അതും വാവിനും വെള്ളിയാഴ്ചക്കും മാത്രം ഉള്ള തോതിൽ ഒന്ന്. ഇതിൽ യാത്ര തിരിച്ചെങ്കിലും ഉദ്ദേശിച്ച സ്ഥലത്ത് എത്താൻ മാഹിറിന് കഴിഞ്ഞില്ല, കാരണം അവിടേക്ക് ഇന്നേവരെ ഗവണ്മെന്റ് റോഡ് വെട്ടിയിട്ട് പോലുമില്ല, ഇനി എന്ത് ചെയ്യണം എന്ന മാഹിറിന്റെ ചോദ്യത്തിന് ലഭിക്കുന്ന ഉത്തരം രണ്ട് മല കേറി ഇറങ്ങി അതിനപ്പുറമുള്ള പുഴയും കടന്ന് ചെന്നാൽ നിങ്ങൾക്ക് ഗ്രാമത്തിൽ എത്താം എന്നാണ്. എന്തായാലും മറ്റ് മാർഗങ്ങൾ ഇല്ലാത്തത് കൊണ്ട് മാഹിർ അവിടേക്കുള്ള യാത്ര കാൽനടയായി തുടങ്ങുകയാണ്.

🔸ഗരാമത്തിൽ എത്തിയപ്പോഴാണ് മാഹിറിന് ഒരു കാര്യം കൂടി ബോധ്യപ്പെടുന്നത്, താൻ പഠിപ്പിക്കാനായി എത്തിയ ഇവിടെ ഒരു സ്‌കൂൾ പോലുമില്ല, ആകെ ഉള്ളത് പ്രാഥമിക വിദ്യാഭ്യാസം പോലും ഇല്ലാത്ത ഒരുകൂട്ടം ഗ്രാമീണരും, പിന്നെ കുറെ വിദ്യാർത്ഥികളും മാത്രം. എന്ത് ചെയ്യണം എന്ന് പിടിയില്ലാതെ നിൽക്കുന്ന മാഹിറിൽ നിന്നുമാണ് സിനിമ തുടങ്ങുന്നത്, ഇവിടെ ഞാൻ പറയാത്ത ഒരുപാട് കാര്യങ്ങൾ വേറെയുണ്ട്, അത് മനഃപൂർവം തന്നെയാണ് ഒഴിവാക്കിയതും, അവ എല്ലാം കണ്ട് തന്നെ അനുഭവിക്കേണ്ടതുമാണ്. മുസിസ് ഞാൻ കണ്ട ഏറ്റവും ബ്യുട്ടിഫുൾ സിനിമകളിൽ ഒന്നാണ്, തീർച്ചയായും കാണാൻ ശ്രമിക്കുക.

"Some People Have Eyes In Their Heart, It Is Through The Heart They View The World....❤️"

Verdict : Must Watch

DC Rating : 4.75/5

886. Along With The Gods - The Last 49 Days (2018)

Director : Yong-Hwa Kim

Genre : Fantasy

Rating : 7.1/10

Country : South Korea

Duration : 142 Minutes

🔸അടുത്തതായി വിചാരണയ്ക്ക് കൊണ്ടുവരുന്ന ഒരു കഥാപാത്രത്തെ കാണിച്ച് കൊണ്ട് ആയിരുന്നു ആദ്യ ഭാഗത്തിന്റെ അവസാനം, അപ്പോഴേ ഉയർന്ന ഒരു സംശയം ആയിരുന്നു ആദ്യ ഭാഗത്തെ പോലൊരു റീവിസിറ്റ് രണ്ടാം ഭാഗത്തിൽ ഏഴ് സ്ഥലങ്ങളിലേക്കും ഉണ്ടാവുമോ എന്നൊക്കെ, അതല്ലാതെ ഒരു സബ് പ്ലോട്ട് ചിത്രത്തിന് ആവശ്യമാണ് എന്നും കരുതിയിരുന്നു, ആവർത്തന വിരസത ഒക്കെ ഒഴിവാക്കാനായി. ഈ ഒരു ഫാക്ടർ അത്യാവശ്യം ബുദ്ധിപൂർവം തന്നെ പിന്നണി പ്രവർത്തകർ കൈകാര്യം ചെയ്തിട്ടുണ്ട്, ഫോക്കസ് എന്നത് പ്രെമിസിൽ നിൽക്കുമ്പോൾ തന്നെയും മറ്റുള്ള വിഷയങ്ങളിലേക്ക് ചിത്രം കടക്കുന്നുണ്ട്.

🔸ആദ്യ ഭാഗത്തെ പ്രധാന കഥാപാത്രങ്ങളായ ഗാർഡിയൻസ് ഇത്തവണ വിചാരണയ്ക്കായി കൊണ്ടുവരുന്നത് ഒരല്പം കുഴപ്പം പിടിച്ച കഥാപാത്രത്തെയാണ്, ഈ കഥാപാത്രം ഒരു പ്രതികാര ദാഹിയായ പ്രേതം ആണെന്ന് പറയാം, ആഫ്റ്റർ ലൈഫിലെ നിയമങ്ങൾ പ്രകാരം ഇത്തരത്തിൽ ഉള്ള ഒരാളെ വിചാരണയ്ക്കായി കൊണ്ടുവരുന്നത് തന്നെ ശിക്ഷാർഹമാണ്, അപ്പോഴാണ് അയാളുടെ തെറ്റുകൾ ഒക്കെ ന്യായീകരിക്കാൻ അവർ ഇറങ്ങി തിരിക്കുന്നത്, അപ് ഹിൽ ബാറ്റിൽ എന്നൊക്കെ പറഞ്ഞാൽ കുറഞ്ഞ് പോവും, എന്നാൽ പ്രശ്നങ്ങൾ ഇവിടം കൊണ്ടും തീരുന്നില്ല, അവിടെയാണ് ആദ്യം സൂചിപ്പിച്ച സബ്പ്ലോട്ട് കടന്ന് വരുന്നത്.

🔸ഈ ഉദ്യമത്തിൽ അവർക്ക് വിജയിക്കണം എങ്കിൽ ഒരു കാര്യം കൂടി ചെയ്ത് തീർക്കേണ്ടതായി ഉണ്ട്, കാര്യം വേറൊന്നുമല്ല ഭൂമിയിൽ താമസിക്കുന്ന ഒരാളുടെ ആത്മാവ് കൂടി അവർ ആഫ്റ്റർ ലൈഫിലേക്ക് എത്തിക്കേണ്ടി ഇരിക്കുന്നു, വിചാരിക്കുന്ന അത്ര എളുപ്പമല്ല ഈ ടാസ്ക്, കാരണം അയാൾക്കൊപ്പം വേറൊരു കഥാപാത്രം കൂടിയുണ്ട്, അതി ശക്തനായ ഒരാൾ, അയാൾ ആരാണെന്നും എന്താണെന്നും ഒന്നും തല്ക്കാലം പറയുന്നില്ല. ഈ പ്ലോട്ടുകൾക്ക് എല്ലാം പുറമെ മൂന്ന് ഗാർഡിയൻ കഥാപാത്രങ്ങളുടെയും ബാക്ക് സ്റ്റോറിയിലേക്ക് കൂടി ചിത്രം കടന്ന് ചെല്ലുന്നുണ്ട്.

🔸കഥയുടെ ഈ പോർഷനാണ് ഏറ്റവും ഇഷ്ട്ടപ്പെട്ട ഭാഗങ്ങളിൽ ഒന്ന്, ഒരു പിരിയഡ് വാർ ഡ്രാമ ടോണിലേക്ക് ഒക്കെ കഥ ഇവിടെ പോവുന്നുണ്ട്. ആദ്യ ഭാഗം പോലെ തന്നെ വിഷ്വലി റിച്ച് ആണ് ഈ ചിത്രം, എന്തിരുന്നാലും അതിന്റെ ഒരു കെട്ടുറപ്പ് ഇവിടെ കാണാനില്ല, മാത്രമല്ല രണ്ടര മണിക്കൂർ സമയം ഒരു വലിച്ച് നീട്ടൽ പോലെയും അനുഭവപ്പെട്ടു. ആദ്യ ഭാഗത്തിന്റെ അത്ര ഇമോഷണലി കണക്റ്റ് ആവുന്നില്ലെങ്കിലും കഥയുടെ ലോജിക്കൽ പ്രോഗ്രഷൻ ഒക്കെ നല്ല രീതിയിൽ തന്നെ കൊണ്ടുപോവുന്നുണ്ട്, ആകെ മൊത്തം ഒരു തവണ കാണാനുള്ള വക ചിത്രത്തിലുണ്ട്. രണ്ട് തുടർ ഭാഗങ്ങൾ കൂടി ഈ സീരീസിൽ വരാനുണ്ട് എന്നറിഞ്ഞു, എന്തായിരിക്കും അതിന്റെ തീം എന്ന കാര്യത്തിൽ സൂചനകൾ ഏതുമില്ല.

Verdict : Watchable

DC Rating : 3/5 

885. Along With The Gods - The Two Worlds (2017)

Director : Yong-Hwa Kim

Genre : Fantasy

Rating : 7.3/10

Country : South Korea

Duration : 141 Minutes

🔸ഫാന്റസി ചിത്രങ്ങളോട് സത്യത്തിൽ താല്പര്യമോ താല്പര്യക്കേടോ ഇല്ല, അത് കാണുക എന്നതിന് ജോണർ മാറി പലപ്പോഴും സംവിധായകൻ, നടീ നടന്മാർ എന്നീ ഫാക്റ്ററുകളാണ് നോക്കാറ്. ഈ ഒരു കാരണം കൊണ്ട് മാത്രം കാണാതെ മാറ്റിവെച്ച്, ഒരുപാട് നാളുകൾ ഹാർഡ് ഡിസ്‌കിൽ പൊടി പിടിച്ച് കിടന്ന ചിത്രമാണ് അലോങ് വിത് ദി ഗോഡ്‌സിന്റെ ആദ്യത്തെയും രണ്ടാമത്തെയും ചിത്രങ്ങൾ. പൊതുവെ നല്ല അഭിപ്രായങ്ങളാണ് ചിത്രത്തിന് എല്ലായിടത്ത് നിന്നും ലഭിച്ചത്, അതൊക്കെ തന്നെയാണ് ഇവിടെയും പറയാൻ ഉദ്ദേശിക്കുന്നതും.

🔸ഒരു മനുഷ്യൻ മരണപ്പെട്ട് കഴിഞ്ഞാൽ പിന്നീടുള്ള നാല്പത്തി ഒൻപത് ദിവസങ്ങളിൽ ഏഴ് കോടതികളിലായി അയാളുടെ ജീവിതം വിശകലനം ചെയ്യപ്പെടും, ഒരു തരം വിചാരണ ഒക്കെ പോലെ. ഈ ഏഴ് അധ്യായങ്ങളും കഴിഞ്ഞ ശേഷം അയാൾ തൻറെ ജീവിത കാലത്ത് ചെയ്തത് എന്ന് പറയപ്പെടുന്ന തെറ്റുകൾ എതിർ ഭാഗത്തിന് തെളിയിക്കാൻ കഴിഞ്ഞില്ലാ എങ്കിൽ അയാൾക്ക് പുനർജനിക്കാൻ അവസരം ലഭിക്കും, ഇതാണ് ചിത്രത്തിന്റെ ഒരു പ്ലോട്ട് ലൈൻ. ഈ ഒരു പ്രെമിസ് പറയുന്ന ബുദ്ധ വചനം കാണിച്ച് കൊണ്ടാണ് ചിത്രം ആരംഭിക്കുന്നത്.

🔸ജാ ഹോംഗ് എന്ന നമ്മുടെ പ്രധാന കഥാപാത്രങ്ങളിൽ ഒരാൾ ആളൊരു ഫയർ ഫൈറ്റർ ആണ്, അത്യന്തം അപകടകരമായ ഒരു ജോലി ആയതിനാൽ തന്നെ മരണത്തെ മുഖാമുഖം കണ്ട അനവധി അനുഭവങ്ങൾ അയാൾക്ക് ഉണ്ടായിട്ടുണ്ട്, അത്തരത്തിൽ ഒന്ന് കാണിച്ച് കൊണ്ടാണ് സിനിമ ആരംഭിക്കുന്നത്. നിർഭാഗ്യകരം എന്ന് പറയാം ഈ സീനിൽ പുള്ളി കൊല്ലപ്പെടുകയാണ്, ഓർമയിൽ അടുത്തതായി അയാൾ കാണുന്നത് തന്നെ കൊണ്ടുപോവാനായി വന്ന മൂന്ന് ഗാർഡിയൻസ് അഥവാ മാലാഖമാരെ ആണ്. ഈ മൂന്ന് പേർക്കും വലിയൊരു ദൗത്യമുണ്ട്, ഇവരാണ് ജാഹോങ്ങിന്റെ വിചാരണ നടത്താൻ പോവുന്നത്.

🔸അങ്ങനെ ഈ നാല് കഥാപാത്രങ്ങളും ആഫ്റ്റർ ലൈഫിലേക്ക് യാത്ര തിരിക്കുകയാണ്, തുടർന്ന് അരങ്ങേറുന്ന സംഭവങ്ങൾ സ്‌ക്രീനിൽ കണ്ട് തന്നെ അറിയുക. ഒരു വിഷ്വൽ ട്രീറ്റ് ആണ് ഈ ചിത്രം, ഏഴ് വിചാരണകൾക്കും വേണ്ടി അനവധി ലാൻഡ്സ്കേയിപ്പുകളിലേക്ക് ഒക്കെ ഇവർക്ക് യാത്ര ചെയ്യേണ്ടി വരുന്നുണ്ട്, അനവധി 'പ്രത്യേക' കഥാപാത്രങ്ങൾ സ്‌ക്രീനിൽ വന്ന് പോവുന്നുമുണ്ട്, ചുരുക്കി പറഞ്ഞാൽ സമയനഷ്ടം ഒന്നും തോന്നില്ല, ഒരുതവണ ആസ്വദിച്ച് കാണാനുള്ളത് ഉണ്ട്. രണ്ടാം ഭാഗത്തേക്ക് താല്പര്യം ജനിപ്പിക്കുന്ന രീതിയിലാണ് കഥയുടെ എൻഡിങ്ങും.

Verdict : Good

DC Rating : 3.5/5 

884. Kingdom (2019)

Director : Shinsuke Sato

Genre : Action

Rating : 6.7/10

Country : Japan

Duration : 134 Minutes

🔸ഒരു പോപ്കോൺ എന്റർടെയ്‌നർ എന്ന നിലയ്ക്ക് ഓളത്തിൽ കണ്ട് പോവാൻ ഉള്ള മെറ്റിരിയൽ ഒക്കെ നല്ല തോതിൽ ഉള്ള സിനിമയാണ് കിങ്‌ഡം, ഈവൻദോ നമ്മൾ ഒരുപാട് തവണ കണ്ടും കെട്ടും പരിചയിച്ച രാജ്യത്തിനും ഭരണത്തിനും ഒക്കെ വേണ്ടിയുള്ള കുതികാൽ വെട്ടലും, ചതിയും, പകയും, പ്രതികാരവും ഒക്കെ ആണെങ്കിലും എന്റർടൈനിംഗ് ആണ്, അതിൽ യാതൊരു സംശയവും വേണ്ട. ഈ ബേസിക് കഥയെ നല്ല സന്ദർഭങ്ങളും, ആക്ഷൻ സെറ്റ് പീസുകളും, വിഷ്വൽസും എല്ലാം കൊണ്ട് മോടി പിടിപ്പിച്ച് അത്യാവശ്യം നല്ലൊരു അനുഭവമായി മാറ്റുന്നുണ്ട് പ്രസ്തുത ചിത്രം.

🔸കസിൻ, പിയാവോ എന്ന രണ്ട് യോദ്ധാക്കളാണ് ചിത്രത്തിന്റെ ഫോക്കൽ പോയിന്റുകൾ, ഇതിൽ തന്നെ ചെറുപ്പകാലത്തെ ക്സിനിനെ കാണിച്ച് കൊണ്ടാണ് സിനിമ ആരംഭിക്കുന്നത്. കുട്ടിക്കാലത്ത് തന്നെ അടിമയായി വിൽക്കപ്പെട്ടവനാണ് ക്സിൻ, അവന്റെ അച്ഛൻ അമ്മമാരേ കുറിച്ചൊന്നും തന്നെ ചിത്രത്തിൽ വ്യക്തമായി പറയുന്നില്ല. ഇങ്ങനെ വാങ്ങിയ വ്യക്തി ഒരു കൂട്ടിൽ ഇട്ട് സ്വന്തം സ്ഥലത്തേക്ക് കൊണ്ടുപോവുമ്പോഴാണ് ക്സിൻ തന്റെ ജീവിതത്തിൽ ആദ്യമായി ഒരു ആർമി ജനറലിനെയും പട്ടാളക്കാരെയും കാണുന്നത്, ഈ മാത്രയിൽ തന്നെ അവന് അഭിനിവേശം തോന്നിയതിൽ തെറ്റ് പറയാനാവില്ല, കാരണം ആ കാഴ്ച അത്രമേൽ ഗംഭീരം ആയിരുന്നു.

🔸എന്തായാലും ആ കാഴ്ചയും കടന്ന് ക്സിൻ പണി സ്ഥലത്തേക്ക് എത്തുകയാണ്, അവിടെ വെച്ചാണ് തന്റെ ജീവിതം തന്നെ മാറ്റി മറിച്ച പിയാവോയെ അവൻ കണ്ട് മുട്ടുന്നത്. അങ്ങേയറ്റം കഠിനം ആയിരുന്നു ജോലിസ്ഥലത്തെ പണികൾ, രാവിലെ തൊട്ട് രാത്രി വരെയുള്ള കഠിനമായ ജോലികൾ ഏതൊരു മനുഷ്യനെയും മാനസികമായും ശാരീരികമായും തകർക്കാൻ കഴിവുള്ളവണ്ണം ആയിരുന്നു, എങ്കിലും അത് ഉണ്ടായില്ല. തങ്ങൾ ഇരുവരും ഇവിടെ ഭാരം ചുമന്ന് തീരേണ്ടവരല്ല എന്ന ധാരണ രണ്ട് പേരിലും ഉണ്ടായിരുന്നു, തങ്ങളുടെ നിയോഗം എന്നത് പട്ടാളത്തിൽ ചേരുക ആണെന്നും രാജ്യസേവനം ആണെന്നും ഒക്കെയുള്ള തിരിച്ചറിവിന്മേൽ രണ്ട് പേരും അധ്വാനത്തിന്റെ കാഠിന്യം കൂട്ടുകയാണ്, പോരാതെ ആയോധന കലകളിലും മറ്റും പരസ്പരം പോരടിച്ച് മികവ് നേടിക്കൊണ്ടേ ഇരിക്കുന്നു.

🔸സവാഭാവികമായും രണ്ട് കഥാപാത്രങ്ങളും രാജ്യത്തിൻറെ ഭാവി നിർണയിക്കുന്ന അധികാര വടംവലിയുടെ നിർണ്ണായക ഭാഗമായി മാറുന്നുണ്ട് ചിത്രം കൂടുതൽ പുരോഗമിക്കുമ്പോൾ, പ്രശസ്ത മാങ്കാ സീരീസിന്റെ ചലച്ചിത്ര ആവിഷ്കാരമാണ് കിങ്‌ഡം എന്ന് കേട്ടു, സ്റ്റാൻഡലോൺ ആയി നിർത്താം എങ്കിലും ഒരു രണ്ടാം ഭാഗത്തിനുള്ള സാദ്ധ്യതകൾ ചിത്രം തുറന്നിടുന്നുണ്ട്, അത് വരിക ആണെങ്കിൽ തീർച്ചയായും കാണാൻ താല്പര്യപ്പെടുത്തും വിധമാണ് വിത്ത് പാകി ഇരിക്കുന്നത്, ഇവിടെ ഉൾപ്പെടുത്തിയിരിക്കുന്ന പോസ്റ്റർ നിലവാരം ഒന്നും നോക്കണ്ട, കഴിയുമെങ്കിൽ സിനിമ കാണാൻ ശ്രമിക്കുക.

Verdict : Good

DC Rating : 3.5/5

883. Alive (2020)

Director : Il Cho

Genre : Adventure

Rating : 6.3/10

Country : South Korea

Duration : 98 Minutes

🔸സോംബി ജോണറിൽ പെട്ട സിനിമകൾ മിക്കപ്പോഴും ആസ്വദിക്കാൻ കഴിയാറുണ്ട്, പ്രത്യേകിച്ചും ഈ വിഭാഗത്തിൽ പൊതുവെ കാണാറുള്ള ഒരു അൺ പ്രെഡിക്റ്റബിലിറ്റി ഒക്കെ കിടു ആണ്, ഇത്തരത്തിൽ ആദ്യം തൊട്ട് അവസാനം വരെ ത്രിൽ അടിപ്പിച്ച, ഒരല്പം വേദനിപ്പിച്ച സിനിമകളായി ഒരുപാട് എണ്ണം ചൂണ്ടിക്കാണിക്കാൻ കഴിയും, നിർഭാഗ്യ വശാൽ അലൈവ് അത്തരം ഒരു ചിത്രമല്ല, ട്രെയിൻ ഇൻ ബുസാൻ പെനിൻസുല പോലെ ഒരല്പം നിരാശപ്പെടുത്തിയ ചിത്രമാണ് അലൈവ്. സോംബി സിനിമകളിൽ നിന്ന് ലഭിക്കാറുള്ള ത്രില്ലോ ആക്ഷനോ സ്പാർക്കോ ഒന്നും തന്നെ കാണാൻ കഴിഞ്ഞില്ല.

🔸ഒരു ഗെയ്മർ കം യൂറ്റിയൂബ് സെലിബ്രിറ്റി ആണ് നമ്മുടെ നായക കഥാപാത്രം, ഒരുനാൾ പുള്ളിയെ തനിച്ചാക്കി വീട്ടിലുള്ള മറ്റെല്ലാവരും ഒരു ദൂര പ്രദേശത്തേക്ക് യാത്ര പോവുകയാണ്. ജൂൺ വു എന്ന നായക കഥാപാത്രം സ്വാഭാവികമായും വീഡിയോ ഗെയിമിൽ മുഴുകി ഇരിക്കുമ്പോഴാണ് സുഹൃത്തുക്കളിൽ ഒരാൾ ഒരു പ്രത്യേക കാര്യം ശ്രദ്ധയിൽ പെടുത്തുന്നത്, വേറൊന്നുമല്ല അവരുടെ നാട്ടിലെ ഒരു സോംബി ഔട്ട്‍ബ്രെയ്ക്ക് തന്നെ. ഇതിന്റെ കാരണം ഒന്നും വ്യക്തമല്ല എങ്കിലും സ്ഥിതി ഗതികൾ താമസിയാതെ തന്നെ വളരെ ദാരുണമായ അവസ്ഥയിലേക്ക് പോവുകയാണ്, കൂടുതൽ കൂടുതൽ ആളുകളിലേക്ക് ഇൻഫെക്ഷൻ പടരുകയാണ്.

🔸ജൺ വൂവിനെ സംബന്ധിച്ചിടത്തോളം പുറത്തിറങ്ങാൻ പറ്റാത്ത അവസ്ഥയാണ് കാരണം ഏറ്റവും മോശമായി ഔട്ട്‍ബ്രെയ്ക്ക് റിപ്പോർട്ട് ചെയ്യപ്പെട്ട സ്ഥലങ്ങളിൽ ഒന്നാണ് അയാളുടേത്. ഇതിന്റെ ഭീകരമായ വശം ജൂൺ വൂ സ്വന്തം കണ്ണാൽ കാണുന്നുമുണ്ട്, അങ്ങനെ എല്ലാ രീതിയിലും അയാൾ ട്രാപ്പ് ആയിരിക്കുകയാണ് എന്ന് പറയാം. കുടിക്കാൻ ആവശ്യത്തിന് വെള്ളമോ കഴിക്കാൻ ഭക്ഷണമോ ഇല്ല, എത്ര നാൾ ഫ്ളാറ്റിന് ഉള്ളിൽ ഇങ്ങനെ കഴിയേണ്ടി വരും എന്ന കാര്യത്തിൽ ആണെങ്കിൽ ഒരു ഉറപ്പുമില്ല, എന്തിനധികം ഇനിയൊരു ഭാവി തനിക്കും മറ്റുള്ളവർക്കും ഉണ്ടോ എന്ന കാര്യത്തിൽ പോലും അയാൾക്ക് അറിവില്ല.

🔸പറത്തിറങ്ങാൻ കഴിയാതെ ഒറ്റപ്പെട്ട് കഴിയുമ്പോൾ ജുൻ വു അനുഭവിക്കുന്ന ട്രോമ ഒക്കെ ചിത്രം ചെറുതായി പരാമർശിക്കുന്നുണ്ട്, അത് നന്നായി തോന്നി, അങ്ങനെ ഉള്ള വിഷയങ്ങളിൽ കൈവെച്ച അധികം സോംബി സിനിമകൾ കണ്ടതായി ഓർക്കുന്നില്ല. എന്നാൽ ഇതിനപ്പുറം കാര്യമായി താല്പര്യം ജനിപ്പിച്ച ഒന്നും കണ്ടില്ല, ഗോർ രംഗങ്ങൾ ഒക്കെ താരമത്യേന കുറവാണ്, ആക്ഷനും. രണ്ടാം പാതിയിൽ മറ്റൊരു കഥാപാത്രം കൂടി സിനിമയിലേക്ക് വരുന്നുണ്ട്, അതിലേക്ക് ഒന്നും പോവുന്നില്ല. സോംബി ജോണർ ആരാധകർക്ക് ഒരു തവണ കണ്ട് നോക്കാം, അതിൽ കൂടുതൽ പറയാനായി ഒന്നുമില്ല.

Verdict : Average

DC Rating : 2.5/5 

882. Murder By Death (1976)

Director : Robert Moore

Genre : Mystery

Rating : 7.4/10

Country : USA

Duration : 91 Minutes

🔸മർഡർ മിസ്റ്ററി ആരാധകർക്ക് പരീക്ഷിച്ച് നോക്കാവുന്ന ഒരു നല്ല സിനിമ കൂടി, മർഡർ ബൈ ഡെത്. ക്ലൂ എന്ന എൺപതുകളിൽ പുറത്തിറങ്ങിയ കിടിലൻ മിസ്റ്ററി ചിത്രത്തിന്റെ കണ്സെപ്റ്റും ആയി ചെറുതല്ലാത്ത സാമ്യം പുലർത്തുന്നുണ്ട് ഈ ചിത്രം, എന്തിരുന്നാലും ഒരു തവണ അത്യാവശ്യം നല്ല താല്പര്യത്തോടെ കാണാനുള്ള വകുപ്പ് എല്ലാം ചിത്രത്തിലുണ്ട്. പത്തൊൻപതാം നൂറ്റാണ്ട് ആണ് സമയം, കഥാപശ്ചാത്തലം ഒരു വലിയ ബംഗ്ലാവും. പ്രസ്തുത ബംഗ്ലാവിലെ ബട്ട്ലർ ആരുടെ ഒക്കെയോ വരവ് പ്രതീക്ഷിച്ച് ഒരുക്കങ്ങൾ നടത്തുന്നിടത്താണ് സിനിമ ആരംഭിക്കുന്നത്.

🔸ബംഗ്ലാവിലെ നമ്മുടെ ആതിഥേയന്റെ പേരാണ് ലയണൽ ട്വൈൻ, പുള്ളിക്കാരൻ ആളൊരു പണക്കാരനും പ്രമാണിയും ഒക്കെയാണ്, ട്വൈണിനെ കുറിച്ച് നമ്മൾ ഒരുപാട് കേൾക്കുന്നുണ്ട് എങ്കിലും ചിത്രത്തിന്റെ നല്ലൊരോഹരി കഴിഞ്ഞ ശേഷമാണ് ടിയാൻ സ്‌ക്രീനിൽ പ്രത്യക്ഷപ്പെടുന്നത്. ട്വൈണിന്റെ ആഗ്രഹ നിർദ്ദേശ പ്രകാരമാണ് അഞ്ച് വ്യത്യസ്തരായ ഡിറ്റക്ടീവുമാരും അവരുടെ സഹായികളും ആ വലിയ ബംഗ്ലാവിലേക്ക് എത്തുന്നത്. ട്വൈൻ ഇവർക്ക് മുന്നിലേക്ക് കൊണ്ടുവരുന്നത് ഒരു വെല്ലുവിളി അല്ലെങ്കിൽ ഊരാ കുടുക്ക് ആണ്, അതാണ് ചിത്രത്തിന്റെ പ്രൈം ഫോക്കസും.

🔸അഞ്ച് ഡിറ്റക്ടീവുമാരോടും കൂടി ട്വൈൻ പറയുകയാണ്, ഇന്ന് ഈ വീട്ടിൽ ഒരു കൊല നടക്കും എന്ന്, അതും ഈ കഥാപാത്രങ്ങൾ എല്ലാവരും സന്നിഹിതർ ആയിരിക്കുന്ന സ്ഥലത്ത് തന്നെ. ഈ അഞ്ച് പേരുടെയും ദൗത്യം എന്നത് കൊലയ്ക്ക് പിന്നിലെ കാര്യ കാരണങ്ങൾ കണ്ടെത്തുക എന്നതാണ്. ഇതിൽ കൂടുതൽ സൂചനകൾ ഒന്നും തന്നെ അവർക്ക് ലഭിക്കുന്നില്ല, കൊല്ലപ്പെടാൻ പോവുന്നത് ആരാണെന്നോ എങ്ങനെ ആണെന്നോ എവിടെ വെച്ച് ആണെന്നോ ഒന്നും. എന്ത് തന്നെ ആയാലും കാര്യം സീരിയസ് ആണെന്ന് മനസിലാവുന്നത് അവിടെ ഒരു കൊല നടന്ന് കഴിയുമ്പോഴാണ്.

🔸തെളിയിക്കുന്നവർക്ക് ഒരു മില്യൺ ഡോളർ ആണ് ട്വൈൻ നൽകുന്ന പ്രതിഫലം, ഇനി അഥവാ കഴിഞ്ഞില്ല എങ്കിൽ വെറും കയ്യോടെ മടങ്ങാം. ഇതാണ് ഡിറ്റക്ടീവുമാർക്ക് മുന്നിലേക്ക് എത്തുന്ന പ്രശനം. നല്ല തോതിൽ താല്പര്യം ഉണർത്തുന്ന, അങ്ങേയറ്റം എങ്ങേയ്‌ജിങ്‌ ആയ ചിത്രമാണ് മർഡർ ബൈ ഡെത്ത്, അപ്രതീക്ഷിതമായ ട്വിസ്റ്റുകൾ പലതും വന്ന് പോവും കഥയിൽ, പ്രത്യേകിച്ചും രണ്ടാം പകുതിയിൽ, ആകെ മൊത്തം ത്രിൽ അടിച്ച് കാണാനുള്ള വക ഒക്കെ ഉണ്ട് താനും. സിനിമ കണ്ട് കഴിഞ്ഞാൽ യൂറ്റിയൂബിൽ പോയി മർഡർ ബൈ ഡെത് ഡെലീറ്റഡ് സീൻ എന്ന് തപ്പിയാൽ മറ്റൊരു സർപ്രൈസ് കൂടി കാണാം.

Verdict : Good

DC Rating : 3.5/5

881. Sree Narayana Guru (1986)

Director : P.A Backer

Genre : Biography

Rating : 7.5/10

Country : India

Duration : 96 Minutes

🔸കഴിഞ്ഞ പതിറ്റാണ്ടിൽ 'യുഗപുരുഷൻ' എന്ന സിനിമ ശ്രീനാരായണ ഗുരുദേവന്റെ ജീവിതം വിഷയമാക്കി പുറത്തിറങ്ങുന്നത് വരെ മറ്റൊരു സിനിമയും അദ്ദേഹത്തിന്റേതായി പുറത്തിറങ്ങിയിട്ടില്ല എന്നായിരുന്നു അടുത്ത കാലം വരെ ധരിച്ചിരുന്നത്, പി എ ബക്കറിന്റെ പ്രസ്തുത ചിത്രം ഈ ഒരു കാരണം കൊണ്ട് തന്നെ ഒരു അദ്ഭുതമായിരുന്നു. കാരണം വേറൊന്നുമല്ല കേരളത്തിന്റെ സാംസ്‌കാരിക ചരിത്രത്തിൽ ഗുരുദേവനോളം പ്രാധാന്യം ലഭിച്ച, അർഹിക്കുന്ന വേറൊരു വ്യക്തി ഉണ്ടോ എന്നത് സംശയമാണ്, എന്നിട്ടും ആ ജീവിതം ആധാരം ആക്കിയ ചിത്രം വിസ്‌മൃതിയിൽ ആണ്ട് പോയത് എന്ത് കൊണ്ടാണെന്ന് വ്യക്തമായതെ ഇല്ല, ഓർമയിൽ ഒരിക്കൽ പോലും, ദൂരദർശൻ കാലത്ത് പോലും കണ്ടതായി ഓർക്കുന്നില്ല.

🔸കേരളത്തെ ഭ്രാന്താലയം എന്ന് വിശേഷിപ്പിച്ചിട്ടുണ്ട്, പണ്ടൊരിക്കൽ സ്വാമി വിവേകാനന്ദൻ, ഈ വാക്കുകൾ ഉൾപ്പെടുത്തി ആണ് സിനിമയുടെ വോയിസ് ഓവർ വഴിയുള്ള ആരംഭം. പത്തൊൻപതാം നൂറ്റാണ്ട് എന്നതൊക്കെ കേരളത്തെ സംബന്ധിച്ചിടത്തോളം ജാതി വർണ്ണ വെറിയുടെ വളരെ വൃത്തികെട്ട, ഒരു കണക്കിന് പറയുക ആണെങ്കിൽ മറക്കാൻ ശ്രമിക്കേണ്ട ഒരു അധ്യായം ആണ്. അവർണ്ണർ എന്ന് മുദ്ര കുത്തപ്പെട്ട ഒരു കൂട്ടത്തിന് നേരിടേണ്ടി വന്ന മാനസിക ശാരീരിക പീഡനങ്ങളും, അവഹേളനവും എല്ലാം ഇന്നത്തെ കാലത്ത് ഊഹിക്കാനും ചിന്തിക്കാനും സങ്കല്പിക്കാനും കഴിയുന്നതിന് എത്രയോ ഉയരെ ആയിരുന്നത്രേ.

🔸ഇങ്ങനെ മേൽ ജാതിക്കാർ എന്ന് വിശേഷിപ്പിക്കപ്പെടുന്ന, അതിൽ ഊറ്റം കൊള്ളുന്ന ഒരു കൂട്ടം ജനങ്ങൾക്ക് ഇടയിൽ മാറ് മറയ്ക്കാൻ പോലും അധികാരം ഇല്ലാത്ത, എന്തിനധികം സ്വന്തം പിതാവിനെ അച്ഛാ എന്ന് പോലും വിളിക്കാൻ അവകാശം ഇല്ലാത്ത ഒരു അപരിഷ്‌കൃത സമൂഹത്തിലാണ് ശ്രീ നാരായണ ഗുരു എന്ന് പിൽക്കാലത്ത് അറിയപ്പെട്ട വ്യക്തി ജനിക്കുന്നത്. പ്രസവ സമയത്ത് ഒട്ടും കരയാത്തതിനാലും, ആ സമയത്ത് അരങ്ങേറിയ ചില പ്രത്യേക സംഭവങ്ങളാലും ജനിച്ചിരിക്കുന്നത് വളരെ ജ്ഞാനി ആയ ഒരാളാണെന്ന് അന്ന് തന്നെ പരക്കെ വിശ്വസിക്കപ്പെട്ടിരുന്നു, ഇവിടെ നിന്നുമാണ് ചിത്രം തുടങ്ങുന്നത്, പിന്നീട് ഗുരുദേവന്റെ ജീവിതത്തിലെ പല നിർണ്ണായകമായ സംഭവങ്ങളും സിനിമ പരാമർശിക്കുന്നുണ്ട്.

🔸വയക്തി ജീവിതത്തിൽ തുടങ്ങി പിന്നീട് സന്യാസത്തിലേക്കും ആത്മീയതയിലേക്കും ഉണ്ടായ മാറ്റം, തുടർന്ന് അനാചാരങ്ങൾക്കും അന്ധ വിശ്വാസങ്ങൾക്കും എതിരെ ഉള്ള നിശബ്ദമായ പ്രതിഷേധം വരെ ഉള്ള കാലഘട്ടങ്ങളെ എല്ലാം ചിത്രം ഒരു എപ്പിസോഡിക് ശൈലിയിൽ ഇവിടെ അവതരിപ്പിച്ചിട്ടുണ്ട്. ഇതിൽ അദ്ദേഹത്തിന്റെ വ്യക്തി ജീവിതം ആധാരമാക്കിയ ഭാഗത്ത് വന്ന ഒരു ഗാന രംഗം യോജിച്ചത് ആയി തോന്നിയില്ല എങ്കിലും അരുവിപ്പുറം പ്രതിഷ്ഠയ്ക്ക് ശേഷം ഉള്ള ഗാനം മികച്ച ഒരു അനുഭവം തന്നെ ആയിരുന്നു. അത്രയ്ക്ക് പ്രശസ്തരായ നടീ നടന്മാർ ഒന്നുമല്ല ചിത്രത്തിൽ ഉള്ളത്, അതിനാൽ തന്നെ പോരായ്മകൾ പലതും അനുഭവപ്പെട്ടേക്കാം, എന്തിരുന്നാലും കാണാവുന്ന ഒന്ന് തന്നെയാണ് ഈ ചിത്രം, അറിയാൻ ഉള്ളതാണ് ആ ഐതിഹാസികമായ ജീവിതം.

Verdict : Good

DC Rating : 3.25/5

880. Ace In The Hole (1951)

Director : Billy Wilder

Genre : Film Noir

Rating : 8.1/10

Country : USA

Duration : 111 Minutes

🔸വാർത്തകൾക്ക് ഇന്നത്തെ ചുറ്റുപാടിൽ വലിയ പ്രാധാന്യമുണ്ട്, ഒരു പക്ഷെ ഒരു രാജ്യത്തിൻറെ ഗതിയും ഭാവിയും മനോഭാവവും വരെ നിയന്ത്രിക്കാനുള്ള അത്രയും പ്രാധാന്യം. ഇന്ന് ജനങ്ങൾ അറിയുന്ന മിക്ക വാർത്തകളും യാഥാർഥ്യങ്ങളല്ല മറിച്ച് വെള്ളം ചേർക്കലുകളാണ്, കുറച്ച് കൂടി ലളിതമായി പറയുക ആണെങ്കിൽ നമ്മൾ ഒരു കാര്യം എങ്ങിനെ അറിയണം അല്ലെങ്കിൽ അതിനോടുള്ള നമ്മുടെ ആറ്റിറ്റിയൂഡ് എന്തായിരിക്കണം എന്ന് മറ്റൊരാൾ തീരുമാനിച്ചത് നമ്മൾ പാവ കണക്കിന് അനുസരിക്കുന്നതെ ഉള്ളൂ, ഈ ഒരു വസ്തുത വളരെ പ്രാധാന്യത്തോടെ അവതരിപ്പിക്കുന്ന ചിത്രമാണ് എയ്‌സ്‌ ഇൻ എ ഹോൾ, വാർത്ത വില്പനച്ചരക്ക് ആവുമ്പോഴുള്ള കാര്യങ്ങളും മറ്റും.

🔸കിർക് ഡൗഗ്ലസ് അവതരിപ്പിച്ച ചക് ടെറ്റം ഒരു പുതിയ നഗരത്തിൽ എത്തുന്നിടത്ത് നിന്നുമാണ് കഥ ആരംഭിക്കുന്നത്. ചക്കിന്റെ നടത്തവും മട്ടും ഭാവവും എല്ലാം കണ്ടാൽ പുള്ളി ഒരു വലിയ ഉദ്യോഗസ്ഥൻ ആണെന്ന പ്രതീതി ഒക്കെ നൽകിയേക്കാം, അതും പോരാതെ ഉള്ള പുള്ളിയുടെ ദാർഷ്ട്യവും മറ്റുമെല്ലാം കാണുമ്പോൾ അങ്ങിനെ തെറ്റിദ്ധരിച്ചില്ലെങ്കിൽ ആണ് അത്ഭുതം. എന്തായാലും ആശാൻ ഒരു കെട്ടി വലിച്ച് കൊണ്ടുവന്ന കാറിൽ വന്നിറങ്ങുന്നത് ഒരു പത്രം ഓഫീസിലേക്കാണ്. ഓഫീസിലെ സെറ്റപ്പിലും മറ്റും പ്രഥമ ദൃഷ്ട്യാ അതൃപ്തി തോന്നിയ ചക്ക് തനിക്ക് മേലധികാരിയെ കാണണം എന്ന് വാശി പിടിക്കുകയാണ്, അങ്ങനെ ആ കൂടി കാഴ്ചയ്ക്ക് കളം ഒരുങ്ങുന്നു.

🔸വലിയ പ്രശ്നമോ അധ്വാനമോ ഇല്ലാതെ എല്ലാ ആഴ്ചയിലും 200 ഡോളർ നേടാനുള്ള വഴി താൻ പറഞ്ഞ് തരാം എന്ന് പറഞ്ഞാണ് ചക്ക് ഈ മീറ്റിങ് സംഘടിപ്പിക്കുന്നത്, ഇവിടെ അയാൾ ഒരു അതിബുദ്ധി കാണിക്കുകയാണ്, സ്വയം ഒരു വില്പന ചരക്ക് ആയി മാറുകയാണ്. ഒരു പത്ര റിപ്പോർട്ടർ ആയ തന്റെ മുൻ ശമ്പളം ഇരുന്നൂറ്റി അമ്പത് ഡോളർ ആയിരുന്നു എന്നും, എന്നാൽ ഇവിടെ കേവലം അൻപത് ഡോളറിന് താൻ പണി എടുക്കാം എന്നും ടിയാൻ പറയുകയാണ്. ചക്കിന്റെ വാക് സമർത്യത്തിലും മറ്റും തൃപ്തനായ അധികാരി അയാളെ അവിടെ നിയമിക്കുകയാണ്, ഇത്രയും ഭാഗം കഥയുടെ ബാക്ക്ഗ്രൗണ്ട് മാത്രമാണ്.

🔸സവ ലാഭത്തിനും മറ്റും വേണ്ടി ഏതറ്റം വരെയും പോവുന്ന, യാതൊരുവിധ എത്തിക്‌സും പാലിക്കാത്ത ഒരു പത്ര പ്രവർത്തകനാണ് ചക്ക്. ഇങ്ങനെ ഒരു അവസരം അയാളുടെ മുന്നിലേക്ക് എത്തുകയാണ്, ആ സംഭവം ഒരു വാർത്തയായി അയാൾ റിപ്പോർട്ട് ചെയ്യുന്നിടത്ത് നിന്നും കഥ മാറുകയാണ്. വളരെ പ്രസക്തമായ ഒന്നാണ് ഈ ചിത്രത്തിന്റെ കഥ, ഏഴ് പതിറ്റാണ്ടുകൾക്ക് ഇപ്പുറം ഇന്നും, ശക്തമായ അവതരണവും, മെമരബിൽ ആയ പെര്ഫോമന്സുകളും കിടിലൻ എൻഡിങ്ങും എല്ലാം ചിത്രത്തിന്റെ പ്ലസ് പോയിന്റുകളിൽ ചിലതാണ്, കണ്ട് കഴിയുമ്പോൾ ഒരു തരം എക്സ്ഹോഷൻ നിങ്ങളെയും ബാധിച്ചിരിക്കും, അവിടെയാണ് ഈ ചിത്രം വിജയിക്കുന്നതും.

Verdict : Must Watch

DC Rating : 4.75/5 

879. The Blue Kite (1993)

Director : Tian Zhuangzhuang

Genre : Drama

Rating : 7.6/10

Country : China

Duration : 140 Minutes

🔸ചൈന എന്ന രാജ്യം സത്യത്തിൽ ഒരടഞ്ഞ പുസ്തകമാണ്, അമ്പതുകളിൽ മാവോയുടെ കീഴിൽ അധികാരത്തിൽ എത്തിയ സർക്കാരിന് മുൻപും ശേഷവും ഒട്ടനവധി വ്യക്തികൾ ആശയപരം ആയും രാഷ്ട്രീയപരം ആയുമുള്ള അഭിപ്രായ വ്യത്യാസങ്ങൾ കൊണ്ട് കൊലചെയ്യപ്പെട്ടിട്ടുണ്ട്, ഈ കണക്കുകളിലും മറ്റും വ്യക്തമായ ഒരു ഉത്തരം ലഭിക്കില്ല, ഭീകരമായ തോതിലാണ് എന്ന ഊഹം മാത്രം. ഇത് പോലെ തന്നെയാണ് മാവോയുടെ കീഴിൽ സൃഷ്ടിക്കപ്പെട്ട പഞ്ച വത്സര പദ്ധതികളുടെ കാര്യവും. വൻ കുതിച്ച് ചാട്ടം, നൂറ് പൂക്കൾ വിരിയട്ടെ, സാംസ്‌കാരിക വിപ്ലവം തുടങ്ങിയവ ഒക്കെ വിജയങ്ങളായി കാണിക്കാറുണ്ട് എങ്കിലും പൊതുവായ രീതിയിൽ നോക്കി കാണുമ്പോൾ അത്ര ക്ലീൻ ആയ ഇമേജ് ലഭിക്കില്ല എന്നതാണ് സത്യം, ഈ കാര്യങ്ങളിലേക്ക് ശ്രദ്ധ കൊടുക്കുന്ന ഒന്നാണ് ദി ബ്ലൂ കൈറ്റ് എന്ന ചിത്രം.

🔸ചൈനീസ് സർക്കാരിനും മറ്റും ഈ ചിത്രത്തിന്റെ സംവിധായകൻ ഉൾപ്പെട്ട ഫിഫ്ത് ജെനെറേഷൻ എന്ന ഓമനപ്പേരിൽ അറിയപ്പെട്ട സംവിധായകർ സൃഷ്ട്ടിച്ച പ്രശ്നങ്ങൾ ചെറുതല്ല. ഴാങ് യിമോയുടെ റ്റു ലിവ് ഒക്കെ ഈ വിഭാഗത്തിൽ പെടുത്താം, ഒരു പക്ഷെ ഏറ്റവും മികച്ച ഉദാഹരണമായി തന്നെ. റ്റു ലിവിനോടൊപ്പം തന്നെ ചേർത്ത് പറയേണ്ട ഒന്നാണ് ബ്ലൂ കൈറ്റ്സ്. പേര് സൂചിപ്പിക്കുന്നത് പ്രതീക്ഷയെ ആണ് എങ്കിലും ചിത്രത്തിൽ പ്രതീക്ഷ പകരുന്ന സംഭവങ്ങൾ ഏതുമില്ല, ഒരല്പം ഡിപ്രസിങ് ആണ് താനും. അമ്പതുകളിൽ കമ്യുണിസ്റ്റ് സർക്കാർ അധികാരത്തിൽ വന്ന ഇടത്ത് നിന്നാണ് സിനിമ ആരംഭിക്കുന്നത്.

🔸സവാഭാവികമായും ഒരു കിരാത ഭരണത്തിന് ശേഷം വന്ന മാറ്റം ആയതിനാൽ തന്നെ പ്രതീക്ഷകൾ അത്ര മേൽ ഉയരത്തിൽ ആയിരുന്നു, ഓരോരുത്തരിലും. അവയെല്ലാം പകർത്തി കാണിച്ച് കൊണ്ടാണ് സിനിമ ആരംഭിക്കുന്നത്. എന്നാൽ പിന്നീട് ഭരണത്തിന് എതിരെയും ഭരണകർത്താക്കൾക്ക് എതിരെയും ഉയർന്ന വിമർശനവും മറ്റും അധികാരികൾ മുഷ്ടി ഉപയോഗിച്ച് നേരിടാൻ തുടങ്ങുന്നിടത്ത് നിന്ന് കഥ മറ്റൊരു ട്രാക്കിലേക്ക് മാറുന്നു. അമ്പതുകളിൽ ജനിച്ച ടിറ്റോ എന്ന കുട്ടിയുടെ വ്യൂ പോയിന്റിൽ കൂടിയാണ് ചിത്രം പുരോഗമിക്കുന്നത്, ഇങ്ങനെ ആണെങ്കിലും ലാർജ് സ്കെയിലിൽ ഫോക്കസ് പൊളിറ്റിക്സ് തന്നെയാണ്.

🔸എപ്പിസോഡിക് രൂപേണ ആണ് സിനിമ സ്ട്രക്ച്ചർ ചെയ്യപ്പെട്ടിട്ട് ഉള്ളത്, ടിറ്റോയുടെ അച്ഛനിൽ തുടങ്ങി അയാളുടെ രണ്ടാനച്ഛൻ ആയി വരുന്ന കഥാപാത്രം വരെ മൂന്ന് എപ്പിസോഡുകൾ. ഇതിനിടെ സാംസ്‌കാരിക രാഷ്ട്രീയ പരിസ്ഥിതികൾ എല്ലാം ചിത്രം ചർച്ച ചെയ്യുന്നുണ്ട്. റിലീസ് ആയ കാലഘട്ടത്തിൽ ചൈനയിൽ ബാൻ ചെയ്യപ്പെട്ട ചിത്രമാണ് ബ്ലൂ കൈറ്റ്സ്, പത്ത് വർഷത്തോളം സംവിധായകനെ സിനിമ എടുക്കുന്നതിൽ നിന്നും വിലക്കുകയും ചെയ്തിരുന്നു, അതെന്ത് കൊണ്ടാണെന്നെല്ലാം ചിത്രം കാണുമ്പോൾ മനസിലാവും, ഒറ്റവാക്കിൽ മസ്റ്റ് വാച്ച് എന്നല്ലാതെ ഒന്നും പറയാനില്ല.

Verdict : Must Watch

DC Rating : 4.5/5 

878. Difret (2014)

Director : Zeresenay Mehari

Genre : Drama

Rating : 6.8/10

Country : Ethiopia

Duration : 99 Minutes

🔸എത്യോപ്യയിലെ പ്രാചീന ഗോത്ര വർഗക്കാർക്ക് ഇടയിൽ ഒരു നിയമം ഉണ്ട്, നിയമം എന്ന് പറയാമോ എന്നറിയില്ല ഒരു ആചാരമോ രീതിയോ അങ്ങനെ എന്തെങ്കിലും പദം ആയിരിക്കും കുറച്ച് കൂടി യോജ്യം. അതായത് കാര്യം വേറൊന്നുമല്ല, കല്യാണം കഴിക്കാൻ ആഗ്രഹിക്കുന്ന പെൺകുട്ടിയെ പുരുഷന് തട്ടിക്കൊണ്ട് പോവാം, അതിന് യാതൊരു വിധ നിയമ നടപടി പ്രശ്നങ്ങളും ഗോത്രവർഗക്കാർക്ക് ഇടയിലില്ല. ഇവിടെ തന്നെ സംഭവങ്ങൾ പിന്നീട് ഒരു റെയ്‌പിൽ എത്തിയാൽ പോലും അത്ഭുതപ്പെടേണ്ടതില്ല, ഇതെല്ലാം അവിടുത്തക്കാരെ സംബന്ധിച്ചിടത്തോളം തികച്ചും സർവ്വ സാധാരണമായ വിഷയം മാത്രം.

🔸ഹിറോത് എന്ന പതിനാല് വയസുകാരിയുടെ കാര്യത്തിലും സംഭവിച്ചത് ഇതൊക്കെ തന്നെയാണ്, പഠന പാട്യേതര പരിപാടികളിൽ എല്ലാം കഴിവ് തെളിയിച്ചവളാണ് അവൾ, ഒരു മാതൃകാ വിദ്യാർത്ഥി എന്ന വിശേഷണം പോലും അർഹിക്കുന്നവൾ. എന്തായാലും ഹിരോത് തന്റെ പതിനാലാം വയസിൽ തട്ടിക്കൊണ്ടുപോയി ബലാത്സംഗം ചെയ്യപ്പെടുകയാണ്, അതും ആറോളം പേരാൽ. എന്നാൽ ചിത്രത്തിന്റെ മർമ്മ പ്രധാനമായ സംഭവം അരങ്ങേറുന്നത് ഇതിന് ശേഷമാണ്, തന്റെ സ്വയ രക്ഷാർത്ഥം ഹീരോത്തിന് ഒരാളെ കൊല്ലേണ്ടി വരികയാണ്, തന്നെ റേപ്പ് ചെയ്തവരിൽ ഒരാളെ തന്നെ.

🔸സംഭവത്തിലേക്ക് എത്താൻ ഉണ്ടായ കാരണവും, കാര്യവുംന്നും നാട്ട് കൂട്ടത്തിനോ നിയമത്തിനോ പോലീസിനോ വിഷയമല്ല, ഹിരോത് ഇന്ന് ഒരു കൊലപാതകിയാണ്, അതും ഒരു പുരുഷനെ കൊന്നവൾ, അതും പോരെങ്കിൽ തങ്ങളുടെ രീതികൾക്കും മറ്റും ഒത്ത് ചേരാൻ തയാറാകാത്തവൾ, സ്വാഭാവികമായും ചിലരുടെ എങ്കിലും ചോര നന്നായി തിളയ്ക്കാൻ ഈ സംഭവം ഒരു കാരണമാവും. ഹിരോത് പ്രായപൂർത്തി ആയവളാണ് എന്ന് കാണിക്കാൻ ബദ്ധപ്പെടുന്ന പൊലീസുകാരെ ഈ ചിത്രത്തിൽ കാണാം, വധശിക്ഷ വിധിക്കാൻ പ്രായം ഒരു കാരണം ആയത് കൊണ്ട്.

🔸ഹീരോത്തിന്റെ കഥയോടൊപ്പം തന്നെ ഇത് വക്കീലായ അഷ്നഫിയുടെ കൂടി കഥയാണ്, ഒരു റിയൽ ലൈഫ് സംഭവം തന്നെയാണ് ചിത്രത്തിന് വിഷയം ആയിരിക്കുന്നതും. സ്ത്രീ സ്വാതന്ത്ര്യം എന്നത് പ്ലോട്ട് പോയിന്റ് ആയി ഒട്ടനവധി സിനിമകൾ വന്നിട്ടുണ്ട്, പല ഭാഷകളിലായി, അവയിൽ മികച്ചവയിൽ ചേർക്കാൻ കഴിയുന്ന ഒന്നാണ് ഡിഫ്രറ്റ്‌. ഒരു മിനിറ്റ് പോലും സ്ലോ ആവാതെ ഫാസ്റ്റ് പെയ്‌സ്ഡ് ആയി പോവുന്നത് കൊണ്ട് തന്നെ മുഷിപ്പിക്കും എന്ന പേടിയും വേണ്ട. ചിത്രത്തിന്റെ പല ഭാഗങ്ങളും അത്യാവശ്യം ഇമോഷണലാണ്, അത് കൊണ്ട് കൂടി ആവണം ക്‌ളൈമാക്‌സ് ഒരു മികച്ച അനുഭവമായി മാറുന്നതും.

Verdict : Very Good

DC Rating : 4.25/5 

877. Mulan (2020)

Director : Niki Caro

Genre : Action

Rating : 6/10

Country : USA

Duration : 115 Minutes

🔸പൊതുവെ ഡിസ്‌നി ലൈവ് ആക്ഷൻ ആക്കാനായി കൈ വെച്ച അനിമേഷൻ ക്‌ളാസ്സിക്കുകൾ ഒന്നും അത്ര നല്ല അഭിപ്രായങ്ങൾ കേട്ട ചരിത്രമില്ല, കണ്ടിരിക്കാം എന്നതൊഴിച്ചാൽ മിക്കതിനും വെറുമൊരു ക്യാഷ് ഗ്രാബ് എന്ന പേരുദോഷം ലഭിച്ചിട്ടുമുണ്ട്. അത് കൊണ്ട് തന്നെ ഡിസ്‌നി അടുത്തതായി മുളാനിൽ കൈ വെക്കുന്നു എന്നറിഞ്ഞപ്പോൾ വലിയ പ്രതീക്ഷ ഒന്നും തോന്നിയില്ല, ഒരു ദുരന്തമാണ് പ്രതീക്ഷിച്ചതും. പിന്നീട് കൊറോണ കാരണം റിലീസ് ഡേറ്റ് ഉൾപ്പെടെ മാറിയ ചിത്രം, ഇന്ന് കാഴ്ചക്കാർക്ക് മുന്നിൽ എത്തിയിരിക്കുകയാണ്. മുപ്പത് ഡോളർ പേ പെർ വ്യൂവിൽ സ്ട്രീമിങ് എത്രകണ്ട് വിജയിക്കും എന്നതൊക്കെ കണ്ട് തന്നെ അറിയണം.

🔸രാജഭരണ കാലത്തെ ചൈനയിലാണ് ചിത്രം ആരംഭിക്കുന്നത്, കൊട്ടാര പരിസരത്ത് നിന്നും നഗരപ്രദേശത്ത് നിന്നും മാറി ഗ്രാമത്തിലാണ് ഹൌവും ഭാര്യയും രണ്ട് പെൺമക്കളും താമസിക്കുന്നത്. വളരെ യാഥാസ്ഥികർ ആയവരാണ് ഇവർക്ക് ചുറ്റിലും താമസിക്കുന്ന അയൽക്കാർ എല്ലാം. ഒരു പെൺകുട്ടിക്ക് കുടുംബത്തിനോട് ചെയ്യാൻ കഴിയുന്ന ഏറ്റവും നല്ല കാര്യം ഉത്തമ ഗുണങ്ങൾ ഉള്ള ഭാര്യ ആയി അച്ചടക്കത്തോടെ ജീവിക്കുന്നതാണ് എന്ന വിശ്വാസം വെച്ച് പുലർത്തുന്ന, അതിനെതിരെ വരുന്ന ചോദ്യങ്ങളെ എല്ലാം നിഷ്കരുണം തള്ളിക്കളയുന്ന ഒരു സമൂഹം. ഇതാണ് ചിത്രത്തിന്റെ കഥ അരങ്ങേറുന്ന ഒരു പശ്ചാത്തലം.

🔸ഹൌവിന്റെ മൂത്ത മകളായ മുലാൻ ഈ ഒരു ചട്ടക്കൂടിൽ ഒതുങ്ങി നില്ക്കാൻ താല്പര്യം കാണിക്കാത്ത ഒരാളാണ്. മറ്റുള്ള പെൺകുട്ടികളിൽ നിന്ന് വിഭിന്നമായി വളരെ ചെറുപ്പത്തിൽ തന്നെ ആയോധന കലകളിലും മറ്റും താല്പര്യം പ്രകടിപ്പിച്ച അവൾ അസാമാന്യമായ പോരാട്ട വീര്യവും, മെയ്വഴക്കവും എല്ലാം കാണിച്ചിരുന്നു. മുലാന്റെ അച്ഛന് ഇതിൽ മോശമായി ഒന്നും തോന്നിയില്ല എങ്കിലും അമ്മ ഉൾപ്പെടെ ഉള്ള ബാക്കിയുള്ളവർക്ക് അത് അഭിമാനത്തിന് ഏറ്റ ക്ഷതമാണ്. ഇങ്ങനെ പോയിക്കൊണ്ടിരുന്നു കഥ ആകെ മാറി മറിയുന്നത് രാജ്യത്ത് ഒരു യുദ്ധം പൊട്ടി പുറപ്പെടുമ്പോഴാണ്. എല്ലാ കുടുംബത്തിൽ നിന്നും ഒരാൾ എങ്കിലും യുദ്ധത്തിന് ഇറങ്ങണം എന്ന രാജകല്പന ഹൌ കുടുംബത്തെ സംബന്ധിച്ചിടത്തോളം നടപ്പുള്ള കാര്യമല്ല.

🔸മലാന്റെ അച്ഛന് പ്രായമായി, മാത്രമല്ല മുൻകാല പോരാട്ടങ്ങളുടെ ആകെ തുക എന്നോണം മുറിവുകളും ചതവുകളും ഒക്കെ ഒരുപാടുണ്ട്, അങ്ങനെ പോരിന് ഇറങ്ങാൻ മുലാൻ തയ്യാറാവുകയാണ്. ഒരു ദുരന്തം പ്രതീക്ഷിച്ച സിനിമ കുഴപ്പമില്ല എന്ന് തോന്നിക്കുന്നത് തന്നെ നല്ല കാര്യമാണ്, മുലാന്റെ കാര്യവും അങ്ങനെ തന്നെ. സ്‌ക്രീനിൽ ഉള്ള സമയം അത്രയും ഒട്ടും ബോർ അടിപ്പിക്കാതെ കാണാൻ കഴിയും എന്നത് പ്ലസ് പോയിന്റാണ്. ഗോങ് ലീ, ജെറ്റ് ലീ, ഡോണി യെൻ, സി മാ തുടങ്ങി ഇഷ്ട്ട താരങ്ങളെ എല്ലാം കഥാപാത്രങ്ങളായി കാണാൻ കഴിഞ്ഞതിലും സന്തോഷം, കാസ്റ്റ് ചിത്രത്തിന്റെ ഏറ്റവും സ്ട്രോങ്ങ് ഏറിയാസിൽ ഒന്ന് കൂടിയാണ്. അപ്പൊ പറഞ്ഞ് വന്നത് കണ്ട് നോക്കാവുന്ന ചിത്രമാണ് മുലാൻ എന്ന് തന്നെ.

Verdict : Watchable

DC Rating : 3/5

876. I'm Thinking Of Ending Things (2020)

Director : Charlie Kaufman

Genre : Thriller

Rating : 8.5/10

Country : USA

Duration : 135 Minutes

🔸ആദ്യമേ തന്നെ, മൾട്ടിപ്പിൾ വ്യൂവിങ് ആവശ്യമുള്ള ചിത്രമാണ് ഐ ആം തിങ്കിങ് ഓഫ് എൻഡിങ് തിങ്ങ്സ്, ഇത് ഉറപ്പിച്ച് പറയാൻ ഒരു കാരണമുണ്ട്, ചിത്രത്തിന്റെ തുടക്ക ഭാഗത്ത് രണ്ട് കഥാപാത്രങ്ങൾ പരസ്പരം അത്യാവശ്യം ലെങ്ങ്തി ആയ തോതിൽ സൈക്കോളജി ഒക്കെ ഇടകലർത്തി സംസാരിക്കുന്ന ഒരു രംഗമുണ്ട്. ആദ്യ കാഴ്ചയിൽ ഇവ പ്ലോട്ടുമായി നേരിട്ട് സംവദിക്കാത്തത് എന്നൊക്കെ തോന്നിയേക്കാം എങ്കിലും രണ്ടാമത് കാണുമ്പോൾ അല്ലെങ്കിൽ കഥയുടെ പോക്ക് എങ്ങോട്ടേക്കാണ് എന്ന് അറിഞ്ഞ ശേഷം ശ്രദ്ധയോടെ വീക്ഷിക്കുമ്പോൾ ആയിരിക്കും മർമ്മ പ്രധാനമായ പലതും കണ്ടെത്താൻ കഴിയുക. ഈ ഒരു രീതിയിൽ നോക്കുമ്പോൾ ഈ അടുത്ത് കണ്ടതിൽ ഏറ്റവും ഇന്റലിജന്റ് ആയി കഥ പറഞ്ഞ് പോയ ചിത്രമാണ് ഈ ചാർളി കൗഫ്മാൻ ചിത്രം.

🔸പേര് വെളിപ്പെടുത്തിയിട്ടില്ലാത്ത നമ്മുടെ നായികാ കഥാപാത്രം സ്ട്രീറ്റിൽ വണ്ടി കാത്ത് നിൽക്കുന്നിടത്താണ് സിനിമ ആരംഭിക്കുന്നത്, പുള്ളിക്കാരി തന്റെ കാമുകന്റെ വരവും കാത്ത് നിൽക്കുകയാണ്. ഈ വേളയിൽ എല്ലാം അവൾ സംശയങ്ങൾ ഉന്നയിക്കുന്നുണ്ട്, ജെയ്ക് എന്ന കാമുകനോടൊപ്പം ഉള്ള ബന്ധം മുന്നോട്ട് കൊണ്ടുപോവണോ, അങ്ങനെ പോയാൽ തന്നെ എന്തായിരിക്കും തന്റെ ഭാവി അങ്ങനെ അങ്ങനെ ഒരുപാട് ഒരുപാട് സംശയങ്ങൾ. ജെയ്ക് നല്ലവനാണ് എന്ന കാര്യത്തിൽ അവൾക്ക് സംശയം ഏതുമില്ല, പക്ഷെ ബന്ധത്തിൽ ഒരു പുരോഗതിയില്ല, എല്ലാം ആരോ തീരുമാനിച്ച കണക്കിന് ഒരോളത്തിൽ അങ് പോവുന്നു.

🔸എന്തായാലും ചിന്ത പാതിവഴി മുറിച്ച് കൊണ്ട് ജെയ്ക് അവിടേക്ക് എത്തുകയാണ്, അയാളുടെ അമ്മയെയും അച്ഛനെയും കാണിക്കാനായി വീട്ടിലേക്ക് കൊണ്ടുപോവുകയാണ് അവളെ. മഞ്ഞ് പുതച്ച്‌ കൊണ്ടുള്ള ഗ്രാമീണ വഴികളിലൂടെ ആണ് രണ്ട് പേരുടെയും കാർ യാത്ര. നോക്കെത്താ ദൂരത്തോളം മഞ്ഞ് അല്ലാതെ മറ്റൊന്നും കാണാനില്ല, ഈ ഒരു ഭാഗത്താണ് മുന്നേ സൂചിപ്പിച്ച ഫിലോസഫിക്കൽ ആയ ഡയലോഗുകൾ കടന്ന് വരുന്നത്. ഇരുവരും തങ്ങളുടെ വ്യക്തി ജീവിതം, ഭൂത ഭാവി വർത്തമാന കാല പദ്ധതികളെ കുറിച്ചെല്ലാം സംസാരിക്കുന്നുണ്ട്, അങ്ങനെ യാത്രയ്ക്ക് ഒടുവിൽ ഇരുവരും ഫാം ഹോസിൽ എത്തുകയാണ്.

🔸യവതിയെ സംബന്ധിച്ച് ഒട്ടും ആശാവഹമായ കാര്യങ്ങളല്ല ഇവിടെ അരങ്ങേറുന്നത്, ഒരല്പം വിചിത്രം അല്ലെങ്കിൽ ഭീതികരം എന്നൊക്കെ പറയാവുന്ന തലത്തിലേക്ക് കാര്യങ്ങൾ കടന്ന് പോവുന്നുണ്ട്. ഇവിടെ വെച്ച് സിനിമയുടെ കഥയെ പറ്റി നിർത്തുകയാണ്, ബാക്കി കണ്ട് അറിയാൻ ശ്രദ്ധിക്കുക. തുടർന്ന് എന്ത് സംഭവിക്കും, എന്താവും ഈ കഥാപാത്രങ്ങളുടെ ഭാവി എന്നതൊക്കെ അത്യാവശ്യം സസ്പെൻസ് ആണ്, സ്പോയിൽ ആവാൻ സാധ്യത കാണുന്നുണ്ട്, അതിന് നിക്കാതെ പെട്ടെന്ന് തന്നെ കാണാൻ ശ്രമിക്കുക. എഡ്ജ് ഓഫ് ദി സീറ്റ് ത്രില്ലറോ, ഫാസ്റ്റ് പെയ്‌സ്ഡ് ആയ അവതരണമോ പ്രതീക്ഷിക്കരുത്, സ്ലോ പോയ്സൻ എന്നൊക്കെ വിശേഷിപ്പിക്കാവുന്ന സാധനമാണ്. എന്തായാലും എനിക്ക് നന്നായി ഇഷ്ട്ടപ്പെട്ടു, താല്പര്യം തോന്നുന്നെങ്കിൽ കാണാം.

Verdict : Very Good

DC Rating : 4/5 

875. Bill And Ted Face The Music (2020)

Director : Dean Parisot

Genre : Comedy

Rating : 6.4/10

Country : USA

Duration : 92 Minutes

🔸ബിൽ ആൻഡ് റ്റെഡ് സീരീസ് സത്യത്തിൽ ഒരു നൊസ്റ്റു ഐറ്റം ആണ്, തൊണ്ണൂറുകളുടെ ആരംഭത്തിൽ എത്തി സ്വതസിദ്ധമായ കൊമെടിയും ടോണും ഒക്കെ വെച്ച് തങ്ങളുടേതായ ഒരുകൂട്ടം ആരാധകരെ സൃഷ്ടിച്ചെടുത്ത ഒരു ചെറിയ നല്ല സീരീസ്, അതാണ് ബിൽ ആൻഡ് റ്റെഡ്. കഥയിലും മറ്റും വലിയ സെൻസോ ലോജിക്കോ ഒന്നും നോക്കേണ്ട കാര്യമില്ല എങ്കിലും എന്റര്ടെയ്ന്മെന്റിന് ഒരു പഞ്ഞവും ഉണ്ടാവില്ല, അതാണ് സീരീസിന്റെ ഒരു രീതി. അവസാന ഭാഗം പുറത്തിറങ്ങി ഉദ്ദേശം ഇരുപത് വർഷങ്ങൾക്ക് ശേഷം ഒരു മൂന്നാം ഭാഗം എത്തിയപ്പോൾ ഇത്രയേ പ്രതീക്ഷിച്ചിരുന്നുമുള്ളൂ, അത് ഇതിലുണ്ട്.

🔸ആദ്യ രണ്ട് ഭാഗങ്ങളിലെ സംഭവങ്ങൾക്ക് ശേഷം വർഷങ്ങൾ കുറെ കഴിഞ്ഞിരിക്കുന്നു, ബില്ലും ടെഡ്‌ഡും ഇന്ന് കുടുംബസ്ഥരാണ്, പോരെങ്കിൽ പ്രായ പൂർത്തിയായ രണ്ട് പെണ്മക്കളുടെ അച്ചന്മാരും, ഇങ്ങനെ ഒക്കെയാണ് കാര്യം എങ്കിലും പഴയ സ്വഭാവത്തിൽ മാറ്റം ഏതുമില്ല, ആ ഒരു കെയർ ലെസ്സ് കെയർ ഫ്രീ മൈൻഡിലാണ് രണ്ട് പേരും ഇന്നും നടക്കുന്നത്, പഴയ പോലെ നിർഗുണ പരബ്രഹ്മങ്ങളായി തന്നെ. ഈ കാലയളവിൽ രണ്ട് പേരും ചേർന്ന് ഇറക്കിയ ഗാനങ്ങൾ എല്ലാം തന്നെ എട്ടും എട്ടും കൂട്ടി പതിനാറ് നിലയിൽ തന്നെ പൊട്ടിയിട്ടുണ്ട്, അബദ്ധവശാൽ പോലും ആരും കേൾക്കാൻ താല്പര്യപ്പെടാത്ത അത്രയും നിലവാരം കാത്ത് സൂക്ഷിച്ചിട്ടുമുണ്ട്.

🔸ഇങ്ങനെ ഒക്കെ ആണ് കാര്യങ്ങൾ എങ്കിലും തങ്ങൾക്ക് ചെയ്യാൻ ഒരു വലിയ കാര്യം ബാക്കിയുള്ളത് ഇരുവർക്കും അറിയാം, ലോകത്താകമാനം ഉള്ള ജനങ്ങളെയും തങ്ങളുടെ സംഗീതത്തിലൂടെ ഒരുമിപ്പിക്കുക എന്നത് ഇരുവരുടെയും ദൗത്യമാണ്, ആഗ്രഹവുമാണ്. എന്നാൽ ഈ ആഗ്രഹം തീർച്ചയായും നടക്കേണ്ട ആവശ്യമായി മാറുന്നിടത്ത് ചിത്രം വേറൊരു തലത്തിലേക്ക് പോവുന്നു. ഈ ഒരു പോർഷൻ തോട്ടങ്ങോട്ട് ചിത്രം ഒരു അഡ്വഞ്ചർ, ഫാന്റസി ലൈനിലേക്കാണ്, ടൈം ട്രാവൽ പോലുള്ള കൺസപ്റ്റ് ഒക്കെ വളരെ രസകരമായി വന്ന് പോവുന്നുണ്ട്, സീരീസിന്റെ ആരാധകർക്ക് ഒരു ട്രീറ്റ് ആണ് എന്ന് തന്നെ പറയാം.

🔸കഴിഞ്ഞ കുറച്ച് കാലങ്ങളായി ഒരു ആക്ഷൻ ഹീറോ ആയി പരിണമിച്ച കീനു റീവ്സ് ആണ് ടൈറ്റിൽ കഥാപാത്രങ്ങളിൽ ഒന്നിനെ അവതരിപ്പിച്ചിരിക്കുന്നത്, മധ്യവസ്കനും മണ്ടനും ആയ ഈ കഥാപാത്രം ഈ അടുത്ത കാലത്ത് ഇറങ്ങിയ അദ്ദേഹത്തിന്റെ സിനിമകൾ വെച്ച് നോക്കുമ്പോൾ വെറൈറ്റി തന്നെയാണ്. അലക്സ് വിന്റർ, സമാര വീവിങ് എന്നിവരും നന്നായിരുന്നെങ്കിലും ഹൈലൈറ്റ് ആയി തോന്നിയത് വില്യം സദ്‌ലരുടെ ഗ്രിം റീപ്പർ ആണ്. മുൻഭാഗങ്ങളിൽ അത്രത്തോളം എന്റർടെയ്‌നിങ് ആയ കഥാപാത്രത്തെ എക്സറ്റൻഡഡ്‌ കാമിയോ രൂപത്തിൽ ആണെങ്കിൽ പോലും വീണ്ടും കാണാൻ കഴിഞ്ഞതിൽ സന്തോഷം. ലോജിക്, സെൻസ് എന്നിവ ഒന്നും പരിശോധിക്കേണ്ട കാര്യമില്ല, എന്റർടൈനിംഗ് ആണ് ചിത്രം, ചിലവഴിക്കുന്ന സമയത്തിന് മടുപ്പ് തോന്നാത്ത ഐറ്റംസ് ഉണ്ട്, അത്ര മാത്രം.

Verdict : Watchable

DC Rating : 3/5 

874. Occident (2002)

Director : Cristian Mungiu

Genre : Comedy

Rating : 7.6/10

Country : Romania

Duration : 101 Minutes

🔸ഓക്സിഡന്റ് എന്ന ചിത്രത്തിന്റെ കൺസപ്റ്റ് എന്നത് വളരെ രസകരമായ ഒന്നാണ്, റൊമാനിയയുടെ പശ്ചാത്തലത്തിൽ ഒരുങ്ങിയ ചിത്രം തൊണ്ണൂറുകളിലും മറ്റും രാജ്യം അനുഭവിക്കേണ്ടി വന്ന സാമ്പത്തിക രാഷ്ട്രീയ അരക്ഷിതാവസ്ഥയും തൊഴിലില്ലായ്മയും പട്ടിണിയും എല്ലാം പ്രതിപാദിക്കുന്നുണ്ട്. ഒരു ആന്തോളജിക്ക് സമാനമായി ഒന്നിലധികം കഥകൾ ഇന്റർകണക്റ്റഡ് ആയാണ് ചിത്രത്തിൽ അവതരിപ്പിച്ചിരിക്കുന്നത്. ഇവ പലതും പല പോയിന്റുകളിലും ലിങ്ക് ചെയ്യുന്നും, ഒട്ടും പ്രതീക്ഷിക്കാത്ത രീതിയിൽ കഥയെ എഫക്റ്റ് ചെയ്യുന്നുമുണ്ട്.

🔸ഒരു ഉദാഹരണം എന്ന നിലയ്ക്ക് പറയാം, ആദ്യ കഥയിലെ പ്രധാന കഥാപാത്രങ്ങൾ തന്നെ മറ്റൊരു കഥയിൽ സൈഡ് കഥാപാത്രങ്ങളായി വന്നെന്ന് വരാം, ഇനി വരാൻ പോവുന്ന കഥയിലെ കഥാപാത്രങ്ങൾ ആദ്യത്തേതിൽ ഏതെങ്കിലും ഒരു പോർഷനിൽ മുഖം കാണിച്ചെന്നും വരാം, എന്നാൽ വേറൊരു പോർഷനിൽ ഇവ രണ്ടും കണക്റ്റ് ആവുമ്പോൾ മാത്രമേ നമുക്ക് പൂർണമായ ഒരു ചിത്രം ലഭിക്കുകയുള്ളൂ. ഇങ്ങനെ മനോഹരമായ രീതിയിൽ ഇന്റർകണക്റ്റഡ് ആയ രീതിയിൽ ഇഴ നെയ്തെടുത്ത ഒരു ചിത്രമാണ് ഓക്സിഡന്റ്. ആദ്യ കഥയിലേക്ക് നോക്കുക ആണെങ്കിൽ പ്രധാന കഥാപാത്രങ്ങൾ സുറിനെയും ലൂസിയുമാണ്, ദാരിദ്ര്യത്തിന്റെ പടുകുഴിയിൽ വീണ് കിടക്കുന്ന ദമ്പതികൾ.

🔸ഒരു റിസർച്ച് സെന്ററിൽ ജോലിക്കാരൻ ആയിരുന്നു ലൂസി എങ്കിലും രണ്ട് മാസമായി അയാൾക്ക് ശമ്പളം കിട്ടിയിട്ടില്ല, ഭക്ഷണത്തിനും മറ്റുമുള്ള വക കഷ്ടിച്ച് കയ്യിൽ ഉണ്ടെങ്കിലും അയാളും ഭാര്യയും മുറി വാടക ഈ കാലയളവിൽ കൊടുത്തിട്ടേ ഇല്ല. ഒരുനാൾ താമസ സ്ഥലത്തേക്ക് എത്തിയ ഇരുവരും കാണുന്നത് തങ്ങളുടെ വസ്തുവകകൾ എല്ലാം എടുത്ത് വെളിയിൽ ഇട്ട് മുറി പുതിയ താഴിട്ട് പൂട്ടിയതാണ്. മറ്റ് വഴികൾ ഒന്നും ഇല്ലാത്തതിനാൽ ടൗണിന്റെ മറ്റൊരു കോണിൽ താമസിക്കുന്ന മുത്തശ്ശിയുടെ വീട്ടിലേക്ക് പോവാൻ അയാൾ നിര്ബന്ധിതനാവുകയാണ്. എന്നാൽ സുരീനയ്ക്ക് ഇത് ഒട്ടും ഇഷ്ട്ടപ്പെട്ടിട്ടില്ല, അവളെ സംബന്ധിച്ചിടത്തോളം ഈ രാജ്യത്ത് ഒന്നും തന്നെ ബാക്കിയില്ല.

🔸അവൾക്കും അയാൾക്കും അടുത്ത ബന്ധുക്കൾ എന്ന് പറയാവുന്നവരെല്ലാം എന്നോ മരിച്ച് പോയതാണ്, കൃത്യമായ വരുമാനമോ, സ്ഥാപന ജംഗമ വസ്തുക്കളോ ഒന്നുമില്ല, ഇപ്പോഴാണേൽ താമസിക്കുന്ന സ്ഥലവും ജോലിയും കൂടി പോയിരിക്കുകയാണ്, എന്ത് കൊണ്ടും മറ്റൊരു സ്ഥലത്തേക്ക് അല്ലെങ്കിൽ അയൽ രാജ്യത്തേക്ക് കുടിയേറി താമസിക്കാൻ പറ്റിയ അവസ്ഥ. ഇവിടെ നിന്നാണ് ഈ കഥ ആരംഭിക്കുന്നത്, പിന്നീട് പല കൈവഴികളിലൂടെ ചെന്ന് അവസാനം ഒരു എൻഡിങ്ങിൽ എത്തുന്നുണ്ട്, ഇത് കൂടാതെ വേറെയും ചില പോര്ഷനുകൾ ചിത്രത്തിലുണ്ട്, തീർച്ചയായും കണ്ടിരിക്കേണ്ടവ. അപ്പൊ പറഞ്ഞ് വന്നത്, തീർച്ചയായും കാണാൻ ശ്രമിക്കുക ഈ ചിത്രം എന്ന് തന്നെ.

Verdict : Very Good

DC Rating : 4.25/5 

873. Death Of A Salesman (1985)

Director : Volker Schlondorff

Genre : Drama

Rating : 7.3/10

Country : USA

Duration : 136 Minutes

🔸ഡെത് ഓഫ് എ സെയിൽസ്മാൻ, ഒരുപക്ഷെ ഏറ്റവും കൂടുതൽ തവണ ലോകത്തിന്റെ പല ഭാഗങ്ങളിലായി സംഘടിപ്പിക്കപ്പെട്ട ഡ്രാമയുടെ ചലച്ചിത്രാവിഷ്കാരം. ഡയറക്റ്റ് റ്റു ടീവി മൂവി ആയതിനാൽ തന്നെ വലിയ പ്രശസ്തിയോ, ഫെസ്റ്റ് അവാർഡ് വേദികളിൽ പങ്കാളിത്തമോ ഒന്നും ചിത്രത്തിന് ലഭിച്ചിട്ടില്ല, എന്തിനധികം ഒരുപാട് ആളുകളിലേക്ക് സിനിമ എത്തിയിട്ട് പോലുമില്ല. മുബിയിൽ റാൻഡം ആയി സ്ക്രോൾ ചെയ്ത് പോവുന്നതിനിടെ കണ്ണിൽ പെട്ടത് ഒഴിച്ചാൽ ഇതിന് മുൻപ് ഈ ചിത്രം ശ്രദ്ധയിൽ പെട്ടിട്ട് കൂടിയില്ല എന്നതാണ് സത്യം.

🔸മികച്ച സിനിമയാണ് ഡെത് ഓഫ് എ സെയിൽസ്മാൻ, ഡസ്റ്റിൻ ഹോഫ്മാൻ ജോൺ മാൽക്കോവിച്ച് സ്റ്റീഫൻ ലാങ് പോലെയുള്ള മികച്ച നടന്മാരുടെ സാന്നിധ്യവും അതി ശക്തമായ കഥയും, വൈകാരികമായി കാഴ്ചക്കാരനെ ബാധിക്കുന്ന മികച്ച മോമെന്റുകളും, പ്രകടനങ്ങളും എല്ലാം ചേരുമ്പോൾ സത്യത്തിൽ വല്ലാത്തൊരു അനുഭവം തന്നെ ആവുന്നുണ്ട് ഈ ചിത്രം. ഒന്നും ആവാൻ കഴിയാത്തവന്റെ നിരാശ എന്നത് വളരെ അധികം പെയിൻഫുൾ ആയ ഒരു കാര്യമാണ്, അത് തന്നെയാണ് ഇവിടത്തെ സ്റ്റോറിയിലെ ഫോക്കൽ പോയിന്റും, നിരാശ നഷ്ടബോധം നിസ്സഹായാവസ്ഥ ഒക്കെ.

🔸ഡസ്റ്റിൻ ഹോഫ്മാൻ അവതരിപ്പിച്ച വില്ലി എന്ന കഥാപാത്രം വാർദ്ധക്യത്തിലേക്ക് കടന്ന് കൊണ്ടിരിക്കുന്ന ഒരു വ്യക്തിയാണ്, ടിയാൻ ഒരു ട്രാവലിംഗ് സെയിൽസ്മാനും ആണ്. വില്ലിക്ക് രണ്ട് മക്കളാണ്, കോളേജ് കാലഘട്ടത്തിൽ അടുത്ത ഫുട്ബോൾ പ്രതിഭ എന്നൊക്കെ വിശേഷിപ്പിക്കപ്പെട്ട്, എന്നാൽ പിൽക്കാലത്ത് എവിടെയും എത്താനാവാതെ പോയ ബിഫും, അച്ഛന്റെയും സഹോദരന്റെയും നിഴലിൽ ഒതുങ്ങിപ്പോയ ഹാപ്പിയും. തന്റെ മക്കൾ താൻ ഉദ്ദേശിച്ച ഉയരത്തിൽ എത്തിയില്ല എന്നതിൽ വില്ലിക്ക് സങ്കടവും നിരാശയും അതേസമയം അവരോട് നല്ല തോതിൽ ദേഷ്യവും ഒക്കെയുണ്ട്. ഈ ഒരു പശ്ചാത്തലത്തിലാണ് കഥ ആരംഭിക്കുന്നത്.

🔸പാസ്റ്റും പ്രെസെന്റും ഒക്കെ ഇടകലർത്തി പാരലൽ ആയാണ് ചിത്രം പുരോഗമിക്കുന്നത്, ഈ കഥാപാത്രങ്ങൾ എല്ലാം ഈ ഒരു അവസ്ഥയിൽ എത്താൻ ഇടയായ കാര്യ കാരണങ്ങളിലേക്ക് എല്ലാം ചിത്രം കടന്ന് പോവുന്നുണ്ട്. മുകളിൽ സൂചിപ്പിച്ച മൂന്ന് കഥാപാത്രമാണ് ബേസ് എങ്കിലും മറ്റ് അനവധി മെമറബ്ൾ ആയ കഥാപാത്രങ്ങളും ചിത്രത്തിലുണ്ട്. മികച്ച ഒരു എൻഡിങ്ങും കഥാപാത്രങ്ങൾക്ക് എല്ലാം കൊടുത്ത നല്ല ആർക്കുകളും കൂടി ശ്രദ്ധിക്കുമ്പോൾ ഈ ചിത്രം എല്ലാ രീതിയിലും കയ്യടി അർഹിക്കുന്നുണ്ട്, തീർച്ചയായും കാണാൻ ശ്രമിക്കുക, ഒരു മികച്ച അനുഭവം തന്നെ ആവും ഡെത് ഓഫ് എ സെയിൽസ്മാൻ.

Verdict : Very Good

DC Rating : 4.25/5