1235. Avatar The Way Of Water (2022)

Director : James Cameroon

Cinematographer : Russel Carpenter

Genre : Sci Fi

Country : USA

Duration : 192 Minutes

🔸അവതാർ ആദ്യ ഭാഗം റിലീസ് ആയ കാലത്ത് തിയേറ്ററിൽ കാണാൻ സാധിച്ചിരുന്നില്ല, പിന്നീട് വർഷങ്ങൾക്ക് ഇപ്പുറം റീ റിലീസിന് ബിഗ് സ്‌ക്രീനിൽ കാണാൻ സാധിച്ചപ്പോഴും വലിയ അമ്പരപ്പ് ഒന്നുമായി തോന്നിയിട്ടുമില്ല. സ്പെഷ്യൽ ഇഫ്ഫക്ടസ്നോടുള്ള കൗതുകം പതിയെ കുറഞ്ഞ് പോയത് കൊണ്ട് കൂടി ആവാം, എന്തിരുന്നാലും രണ്ടാം ഭാഗം റിലീസ് ആവുന്ന സമയത്ത് തിയേറ്ററിൽ തന്നെ കാണണം എന്നത് മുന്നേ തീരുമാനിച്ചിരുന്ന കാര്യം കൂടിയാണ്, അത് ഇപ്പോൾ നടന്നിരിക്കുകയാണ്. ആദ്യ ഭാഗം പോലെ തന്നെ ഒരു മിക്സ്ഡ് ബാഗ് അഭിപ്രായം ആണ് രണ്ടാം ഭാഗത്തെ കുറിച്ചും ഉള്ളത്, വിഷ്വൽ ഇഫക്റ്റസിന് അപ്പുറം പല ഇടത്തും ബോർ അടിപ്പിച്ച ഒരു അനുഭവമാണ് അവതാർ ദി വേ ഓഫ് വാട്ടർ.

🔸മൂന്നേ കാൽ മണിക്കൂർ നീണ്ട് നിൽക്കുന്ന വലിയൊരു കാഴ്ചനുഭവം ആണ് ചിത്രം, എന്നാൽ അതിനെ സധൂകരിക്കുന്ന രീതിയിൽ ഉള്ള കഥയോ, കഥാപാത്രങ്ങളോ ഒന്നും തന്നെ ഉള്ളതായി അനുഭവപ്പെട്ടില്ല. വേഫർ തിൻ എന്നൊക്കെ വിശേഷിപ്പിക്കാവുന്ന ഒരു പ്ലോട്ട് ആണ് ചിത്രത്തിന്റേത്, നല്ല തോതിൽ പ്രെഡിക്ക്റ്റബിളും ആണ്. എന്നാൽ ഇതിനെ എല്ലാം ഒരു പരിധി വരെ ഓവർ കം ചെയ്യുന്ന വിഷ്വൽ ഇഫ്ഫക്ടസ് ചിത്രത്തിന് ഉണ്ട്, അത് തന്നെയാണ് സ്ട്രോങ്ങ്‌ സോണും. അവതാർ പോലുള്ള സിനിമകൾ കാണാൻ പോവുന്ന തൊണ്ണൂറ് ശതമാനം പേരും പ്രതീക്ഷിക്കുന്നത് ഈ ഒരു കാര്യമായിരിക്കും എന്നത് കൊണ്ട് തന്നെ അവരെ തൃപ്തി പെടുത്താനുള്ള വക ചിത്രത്തിൽ ഉണ്ടെന്ന് പറയാം.

🔸ആക്ഷൻ സീക്വൻസുകളും, മ്യൂസിക്കും സിനിമയുടെ മറ്റ് പ്ലസ് പോയിന്റുകളായി അനുഭവപ്പെട്ടു. മുൻ ചിത്രത്തിലെ ഇഷ്ട്ടപ്പെട്ട ചില കഥാപാത്രങ്ങൾ ഇവിടെയും വന്ന് പോവുന്നുണ്ട് എങ്കിലും ഇവരിൽ പലരും വല്ലാതെ സൈഡ് ലൈൻ ചെയ്യപ്പെട്ട പ്രതീതി ഉണ്ടായിരുന്നു, പ്രത്യേകിച്ചും സോയെ സൽദാനയുടെ കഥാപാത്രം ഒക്കെ. ഉദ്ദേശം ആറ് മണിക്കൂറോളം പണ്ടൊറാ എക്സ്പ്ലോർ ചെയ്യാൻ ഇതുവരെ സാധിച്ചു എങ്കിലും തുടർ ഭാഗങ്ങളും കാണാനുള്ള ഒരു ബേറ്റ് ഇട്ടിട്ടാണ് ഈ സിനിമയും കടന്ന് പോവുന്നത്, അതിനുള്ള ഒരേയൊരു കാരണം വിഷ്വൽ ഇഫ്ഫക്ടസ് മാത്രവുമാണ്. ഒരു ശരാശരി അല്ലെങ്കിൽ അതിന് തൊട്ട് മുകളിൽ മാത്രം അഭിപ്രായം ഉള്ള സിനിമ ആയി മാറുകയാണ് അവതാർ ദി വേ ഓഫ് വാട്ടർ, കണ്ട് വിലയിരുത്തുക.

Verdict : Above Average

DC Rating : 2.75/5

1234. Argentina, 1985 (2022)

 

 

Director : Santiago Mitre

Cinematographer : Javier Julia

Genre : Drama

Country : Argentina

Duration : 141 Minutes

🔸അർജന്റീന എന്ന രാജ്യത്തിന്റെ ചരിത്രത്തിൽ തന്നെ ഒരു ബ്ലാക്ക് മാർക് ആയി കരുതപ്പെടുന്ന സമയമാണ് എഴുപതുകളും എൺപതുകളും. പട്ടാളം അധികാരം പിടിച്ചടക്കിയ ശേഷം ആരാജകത്വം നിറഞ്ഞ് നിന്ന എട്ട് വർഷങ്ങളും അതിന്റെ പരിണിത ഫലങ്ങളും എല്ലാം അത്ര പെട്ടെന്ന് മറക്കാൻ കഴിയുന്ന ഒന്നല്ല, അർജന്റീനിയൻ ജനതയ്ക്ക്. ഈ വർഷത്തെ അർജന്റീനയുടെ ഒഫീഷ്യൽ ഓസ്‌കാർ എൻട്രി കൂടിയായ ഈ ചിത്രം കഥ പറയുന്നത് മുകളിൽ സൂചിപ്പിച്ച ഫാസിസ്റ്റ് ഭരണത്തിന്റെ വീഴ്ചയ്ക്ക് ശേഷമുള്ള കാലത്താണ്, ഒരു കോർട്ട് റൂം ഡ്രാമ പോലെ. വളരെ പ്രശസ്തമായ സീക്രട്ട് ഇൻ തേർ ഐസ്, വൈൽഡ് ടെയിൽസ് ഒക്കെ പോലെയുള്ള സിനിമകളിലൂടെ നമുക്ക് പരിചിതനായ റിക്കാർഡോ മാറിൻ ആണ് ഇവിടെ കേന്ദ്ര കഥാപാത്രത്തെ അവതരിപ്പിച്ചിരിക്കുന്നതും.

🔸പട്ടാള ഭരണം അവസാനിച്ചിരിക്കുന്നു, എന്നാൽ മുറിവുകൾ ബേധമായിട്ടില്ല. എണ്ണമില്ലാത്ത അത്രയും ആളുകൾ, പ്രത്യേകിച്ചും യുവാക്കൾ ആണ് കൊല്ലപ്പെട്ടോ കാണാതായോ ഇരിക്കുന്നത്. ഏകാധിപത്യ ഭരണത്തിന് ഇടെ അരങ്ങേറിയ ക്രൂരകൃത്യങ്ങൾക്ക് കയ്യും കണക്കുമില്ല, ഇവയെല്ലാം എല്ലാവർക്കും അറിയുകയും ചെയ്യാം എന്നാൽ ഭയം എന്ന വികാരം ഒരു ചെറു വിരൽ പോലും ഇവരിലേക്ക് നീട്ടിയതെ ഇല്ല. ഇവിടേക്കാണ് സാഹചര്യം പബ്ലിക് പ്രോസിക്യുട്ടർ ആയ ജൂലിയോ സ്ട്രസെറയെ കൊണ്ട് വരുന്നത്. ഒരു കാലത്ത് ഉരുക്ക് മുഷ്ടി ചുരുട്ടി അധികാരം കയ്യാളിയവരെ വിചാരണ ചെയ്യുക എന്നതാണ് അയാളുടെ ദൗത്യം, പറയുന്നത്ര എളുപ്പമല്ല കാര്യങ്ങൾ.

🔸വളരെ വൈകാരികമായ ഒരുപാട് സംഭവങ്ങൾ ഈ വിചാരണ വേളയിൽ വെളിച്ചത്തേക്ക് വരികയാണ്. ഇവ എല്ലാം തന്നെ യഥാർത്ഥ ജീവിതത്തിൽ സംഭവിച്ച, വെള്ളം ചേർക്കലുകൾ ഇല്ലാത്ത സത്യങ്ങൾ മാത്രമാണ് എന്ന തിരിച്ചറിവ് ഭീകരവുമാണ്. കൈകാര്യം ചെയ്യുന്ന വിഷയം കൊണ്ടായാലും, സ്ക്രീനിലെ പെർഫോമൻസുകൾ കൊണ്ടായാലും പവർഫുൾ ആയൊരു സിനിമ ആണ് ഇത്. കണ്ട് ശീലിച്ച കോർട്ട് റൂം ഡ്രാമയുടെ ബ്ലൂ പ്രിന്റ് അത് പോലെ തന്നെ പകർത്തി വെക്കുകയാണ് എങ്കിലും ഗൂസ്ബംപ്സ് മൊമന്റുകളും, കിടിലൻ പേ ഓഫും എല്ലാം നൽകി നല്ലൊരു അനുഭവം സമ്മാനിക്കുന്നുണ്ട് ചിത്രം. ഈ വർഷത്തെ മികച്ച സിനിമകളിൽ ഒന്ന് എന്ന് തീർച്ചയായും പറയാം, കാണാൻ ശ്രമിക്കുക.

Verdict : Very Good

DC Rating : 4.25/5

1233. Alcarras (2022)

 

Director : Carla Simon

Cinematographer : Daniela Cajias

Genre : Drama

Country : Spain

Duration : 116 Minutes

🔸വളരെ സിമ്പിൾ ആയൊരു സിനിമ ആണ് അൽകാറാസ്, കഥ എന്ന് പറഞ്ഞ് കാണിച്ച് തരാൻ ഉള്ള സംഭവങ്ങൾ ആയാലും അത് അവതരിപ്പിച്ചിരിക്കുന്ന രീതി ആയാലും എല്ലാം ആ സിംപ്ലിസിറ്റി പ്രകടമാണ്. മാറ്റം എന്നതാണ് ഈ സിനിമയെ മുന്നോട്ട് കൊണ്ടുപോകുന്ന വിഷയം, അതായത് മാറ്റം എന്നത് ഏത് കാര്യത്തിൽ ആയാലും ഒഴിവാക്കാൻ പറ്റാത്ത ഒരു ഫാക്ടർ തന്നെയാണ്, എത്രയൊക്കെ മാറി നടക്കാനും ഒഴിവാക്കാനും ശ്രമിച്ചാലും അവസാനം മാറ്റത്തെ അംഗീകരിച്ചേ മതിയാവൂ എന്നത് ഒരു സത്യം മാത്രമാണ്. ഈ ഒരു ലളിതം എന്ന് തോന്നുന്ന വാക്യത്തിൽ ആണ് ഈ സിനിമയുടെ ഹൃദയം എന്ന് പറയാം. ബെർലിൻ ഫിലിം ഫെസ്റ്റിൽ മികച്ച ചിത്രത്തിനുള്ള പുരസ്‌കാരം നേടിയ ആദ്യ കറ്റാലൻ ചിത്രം എന്ന പ്രത്യേകത കൂടി ഈ സിനിമയ്ക്ക് ഉണ്ട്.

🔸തലമുറ തലമുറകളായി സ്പെയിനിലെ കാറ്റലൻ ഗ്രാമമായ അൽകാറാസിൽ കൃഷി ചെയ്ത് ജീവിക്കുകയാണ് സോൾ കുടുംബം. ഗൃഹനാഥൻ ആയ ക്വിമെറ്റ് ആണ് ഇന്ന് കുടുംബത്തെ നയിക്കുന്നത്, അച്ഛനും മൂന്ന് മക്കളും ഭാര്യയും അടക്കം വലിയൊരു കുടുംബം തന്നെയാണ് അയാളുടേത്. വർഷങ്ങൾക്ക് മുന്നേ സ്ഥലമുടമയിൽ നിന്നും കൃഷി ചെയ്യാനും താമസിക്കാനും ഒക്കെയായി വാക്കാൽ നൽകിയ ഉടമ്പടി മേൽ പ്രസ്തുത സ്ഥലത്ത് താമസം തുടങ്ങിയതാണ് സോൾ കുടുംബം. വേനൽക്കാലത്ത് നടക്കുന്ന വിളവെടുപ്പ് ആണ് മുന്നോട്ട് ജീവിക്കാനുള്ള കുടുംബത്തിന്റെ ഒരേയൊരു വരുമാന സ്രോതസ്സ്.

🔸ഇന്ന് സ്ഥിതി ഗതികൾ ആകെ മാറിയിരിക്കുന്നു, സ്ഥലമുടമയുടെ മരണത്തിന് പിന്നാലെ ഇന്നത്തെ അവകാശി സോൾ കുടുംബത്തിന്റേത് ഉൾപ്പെടെ ഉള്ള സ്ഥലം സോളാർ പാനൽ സ്ഥാപിക്കാനായി വിട്ട് കൊടുത്തിരിക്കുന്നു. കൃഷിയിടങ്ങൾ നികത്തി കൊണ്ടാണ് ഈ പരിപാടി നടപ്പിലാക്കാൻ പോവുന്നത്, ചുരുക്കി പറഞ്ഞാൽ അത്ഭുതങ്ങൾ ഒന്നും സംഭവിച്ചില്ല എങ്കിൽ സോൾ കുടുംബത്തിന്റെ അവസാന വിളവെടുപ്പ് ആയിരിക്കും ഇതാവനത്തേത്. ഈ ഒരു ഫാക്റ്റർ നില നിർത്തി കൊണ്ട് അവരോടൊപ്പം ഒരു വിളവെടുപ്പ് കാലം ചിലവഴിക്കാനായി കാഴ്ചക്കരനെയും കൊണ്ട് പോവുകയാണ് ഈ സിനിമ, അത്യാവശ്യം സ്ലോ ആയി തുടങ്ങിയ ചിത്രം സെക്കണ്ട് ആക്റ്റോഡ് കൂടി നല്ലൊരു അനുഭവമായി മാറി, അർഹിച്ച രീതിയിൽ തന്നെ കഥ പറഞ്ഞ് അവസാനിപ്പിക്കുന്നുണ്ട്. ആകെ മൊത്തം തൃപ്തികരമായ ഒരു അനുഭവമാണ് ഈ ചിത്രം, താല്പര്യം തോന്നുന്നു എങ്കിൽ കാണാൻ ശ്രമിക്കുക.

Verdict : Good

DC Rating : 3.75/5

1232. The Rest Is Personal... (2013)

Director : Pradipta Bhattacharya

Cinematographer : Subhankar Bhar

Genre : Drama

Country : India

Duration : 155 Minutes

🔸സേതുവിന്റെ പാണ്ഡവപുരം എന്ന നോവൽ വായിച്ചിട്ട് കുറച്ച് കാലം കടന്ന് പോയിരിക്കുന്നു, ആദ്യാവസാനം പിടിച്ച് ഇരുത്തിയ ഒരു അനുഭവം ആയിരുന്നു നോവൽ എങ്കിലും ഒരുപാട് ചോദ്യങ്ങൾ ബാക്കി നിർത്തി കടന്ന് പോയ ഒന്ന് കൂടി ആയിരുന്നു പാണ്ഡവപുരം. ആ ചോദ്യങ്ങളിൽ ഏറ്റവും പ്രാധാന്യം അർഹിക്കുന്നത് സത്യത്തിൽ അങ്ങനെ ഒരു സ്ഥലം ഉണ്ടോ എന്നത് തന്നെയാണ്, ഇനി അഥവാ അത് ഒരു സ്ഥലം അല്ലെങ്കിൽ മാനസികാവസ്ഥയോ മറ്റോ ആണോ, അതോ എല്ലാം ഒരു തോന്നൽ മാത്രം ആണോ, ഉത്തരം അറിയില്ല. ഇപ്പോഴും ചിന്തിപ്പിക്കുന്ന ഇത് പോലത്തെ ചില കാര്യങ്ങൾ തന്ന് പോയ ആ നോവൽ പോലെ തന്നെയാണ് ഈ പ്രതീപ്ത ഭട്ടചര്യ സിനിമയും.

🔸റിയാലിറ്റി ഏത്, ഇമാജിനേഷൻ ഏത് എന്ന് വ്യക്തമായി പറയാതെ രണ്ടിനും ഇടയിലെ ലൈൻ കഴിയാവുന്നിടത്തോളം ബ്ലർ ആക്കി കൊണ്ടുള്ള ഒരു അവതരണ ശൈലി ആണ് സിനിമ പിന്തുടരുന്നത്. ഒരു ഫൗണ്ട് ഫുട്ടേജ് രീതിയിൽ ആണ് കഥ അവതരിപ്പിച്ചിരിക്കുന്നത് എന്നതും എടുത്ത് പറയണം, കാരണം രണ്ടും കൂടി നല്ല രീതിയിൽ മിക്സ് ആവുന്നുണ്ട്. പ്രണയം എന്നാൽ എന്താണെന്ന് ചോദിച്ച് കൊണ്ടാണ് സിനിമ ആരംഭിക്കുന്നത്, ഒരു വ്യക്തിക്ക് മറ്റൊരു വ്യക്തിയോട് തോന്നുന്ന ഈ വികാരം സത്യത്തിൽ അപേക്ഷികമായി സംഭവിക്കുന്നതാണോ അതോ വേറെ വല്ല മാന ദണ്ഡങ്ങളും ഉണ്ടോ എന്നൊക്കെയുള്ള ചോദ്യങ്ങൾ ചോദിക്കുന്നത് കേന്ദ്ര കഥാപാത്രമായ ഒരു ഡോക്യുമെന്ററി സംവിധായകൻ ആണ്.

🔸ഈ ചോദ്യങ്ങൾക്ക് ഉള്ള ഉത്തരം തേടി കൊണ്ടുള്ള അയാളുടെ യാത്ര അയാളെ മോഹിനി എന്ന വിചിത്ര ഗ്രാമത്തിലേക്ക് നയിക്കുകയാണ്, പ്രസ്തുത ഗ്രാമത്തിന്റെ പ്രത്യേകത എന്താണെന്നാൽ ഇവിടേക്ക് കടന്ന് ചെല്ലുന്ന ഏതൊരാളും പ്രണയത്തിൽ വീണ് പോവും എന്ന വസ്തുത ആണത്രേ. മോഹിനി എന്ന ഗ്രാമത്തിന് വേറെയും ഉണ്ട് ചില സവിശേഷതകൾ, അത് കണ്ട് തന്നെ അറിയുക. നമ്മൾ പ്രതീക്ഷിക്കുന്ന വഴികളിലൂടെ ഒന്നും പോവാത്തത് കൊണ്ട് തന്നെ മികച്ച ഒരു അനുഭവം ആയിരുന്നു ഈ ചിത്രം, കണ്ട് കഴിഞ്ഞതിന് ശേഷവും ഒരുപാട് ചോദ്യങ്ങൾ നമുക്ക് തരുന്ന, ചിന്തിക്കാൻ പ്രേരിപ്പിക്കുന്ന ഒരു വ്യത്യസ്ത ചിത്രം.

Verdict : Very Good

DC Rating : 4/5

1231. John Denver Trending (2019)

Director : Arden Rod Codez

Cinematographer : Rommel Sales

Genre : Drama

Country : Philippines

Duration : 96 Minutes

🔸കണ്ട് കൊണ്ടിരിക്കുന്ന കഥയിലെ പ്രധാന കഥാപാത്രത്തോട് മാനസികമായി ഒരു അടുപ്പം തോന്നിപ്പിക്കുക, അയാൾ നേരിട്ട് കൊണ്ടിരിക്കുന്ന പ്രശ്നത്തിന്റെ തീവ്രത കാഴ്ചക്കാരനെ ബോധ്യപ്പെടുത്തുക, അയാളുടെ പ്രശ്നം എന്നത് നമ്മുടെ പ്രശ്നം കൂടിയായി മാറ്റുക എന്നതൊക്കെ ഒരു സിനിമയെ സംബന്ധിച്ച് വളരെ അപൂർവമായി മാത്രം സംഭവിക്കുന്ന ഒരു കാര്യമാണ്. ജോൺ ഡെൻവർ ട്രെൻഡിംഗ് എന്ന ചിത്രത്തിന് ഇതെല്ലാം സാധിച്ചു എന്ന് മാത്രമല്ല, ഈ അടുത്ത് കണ്ട ഏറ്റവും മികച്ച സിനിമകളിൽ ഒന്നായി മാറാനും കഴിഞ്ഞിട്ടുണ്ട്, ഒരു സംശയവും ഇല്ലാതെ മസ്റ്റ് വാച്ച് എന്നൊക്കെ പറയാവുന്ന ഒരു മനോഹര സിനിമയാണ് ജോൺ ഡെൻവർ ട്രെൻഡിംഗ്.

🔸ഫിലിപ്പീൻസിലെ ഒരു ഇടത്തരം ഹൈസ്‌കൂളിൽ ആണ് കഥ അരങ്ങേറുന്നത്, ഒരുനാൾ സ്കൂളിൽ വെച്ച് കുട്ടികളിൽ ഒരാൾ കൊണ്ടുവന്ന വില കൂടിയ ഐ ഫോൺ മോഷണം പോവുകയാണ്. കുട്ടികൾ എല്ലാം പുറത്ത് ഡാൻസ് പ്രാക്ടീസ് ചെയ്യവേ ആണ് മോഷണ സംഭവം അരങ്ങേറിയിരിക്കുന്നത്, കഷ്ടകാലത്തിന് ആ മുറിയിൽ ആളുകൾ അറിയവേ കേറിയത് നമ്മുടെ കേന്ദ്ര കഥാപാത്രമായ ജോൺ ഡെൻവർ മാത്രമാണ്. സ്വാഭാവികമായും കുറ്റം അവന്റെ മേൽ ആരോപിക്കപ്പെടുകയാണ്. ചെറിയ ചില വാക്ക് തർക്കത്തിലും, ഇൻസൾട്ടിലും ഒക്കെ തുടങ്ങിയ സംഭവം താമസിയാതെ അടിയിലേക്ക് വഴി വെക്കുകയാണ്.

🔸ഡെൻവറും സഹപാഠിയും തമ്മിലുള്ള അടി ലേശം രക്ത ചൊരിച്ചൽ ഒക്കെ ഉണ്ടാക്കി എങ്കിലും പ്രശ്നം ആരംഭിക്കുന്നെ ഉണ്ടായിരുന്നുള്ളൂ, രഹസ്യമായി സംഭവം ഷൂട്ട്‌ ചെയ്ത വിദ്യാർഥികളിൽ ഒരാൾ ലേശം പൊടിപ്പും തൊങ്ങലും ഒക്കെ ചേർത്ത് ഇന്റർനെറ്റിൽ വീഡിയോ അപ്ലോഡ് ചെയ്യുകയാണ്. അങ്ങനെ ഒരു സാധാരണ ഹൈസ്‌കൂൾ വിദ്യാർത്ഥി ആയിരുന്ന ജോൺ ഡെൻവർ ഒരു ഇന്റർനെറ്റ്‌ സെൻസെഷൻ ആയി മാറുന്നിടത്താണ് കഥ ട്രാക്ക് മാറ്റുന്നത്. വളരെ ഡാർക്ക് ആയ രീതിയിൽ പിന്നീട് കഥ മാറി മറിയുന്നുണ്ട്, ഒരു നല്ല പേ ഓഫും കൂടി ചേരുമ്പോൾ ഓർമയിൽ നിൽക്കുന്ന മികച്ച ഒരനുഭവം തന്നെയായി ഈ സിനിമ മാറുകയാണ്.

Verdict : Must Watch

DC Rating : 4.75/5

1230. This Is My Country (1984)

Director : Lino Brocka

Cinematographer : Conrado Baltazar

Genre : Drama

Country : Philippines

Duration : 105 Minutes

🔸വളരെ പ്രസക്തമായ ഒരു കാലഘട്ടത്തിൽ, വളരെ പ്രസക്തമായ ഒരു വിഷയം ആണ് ദിസ്‌ ഈസ്‌ മൈ കൺട്രി അഥവാ ബായൻ കോ എന്ന ഫിലിപ്പീനിസ് ചിത്രം കൈകാര്യം ചെയ്യുന്നത്. ആരാഷ്ട്രീയത എന്നത് അത്ര നല്ലൊരു വിഷയം ആയി തോന്നിയിട്ടില്ല, ഇവിടെ ഈ സിനിമ പ്രസ്തുത വിഷയത്തെ അടിസ്ഥാനപ്പെടുത്തി ഉള്ള ഒന്നാണ് എന്ന് പറയാം. അറിവില്ലായ്മ കാരണം ഉള്ള ആരാഷ്ട്രീയ മനോഭാവം ന്യായമായ ഒന്നാണെന്ന് പറയാം എങ്കിലും അപകടകരമായ മറ്റൊരു വശം ഈ വിഷയത്തിൽ ഉണ്ടെന്ന് പലപ്പോഴും അനുഭവപ്പെട്ടിട്ടുണ്ട്, തല്ക്കാലം അതിലേക്ക് പോവുന്നില്ല, സിനിമയിലേക്ക് വരാം. ഫിലിപ്പീൻസ് എന്ന രാജ്യത്ത് നിന്നും തയാറാക്കപ്പെട്ട ഏറ്റവും മികച്ച സിനിമകളിൽ ഒന്നാണ് എന്ന് നിസ്സംശയം പറയാം ഈ ചിത്രത്തെ.

🔸ഒരു ഇടത്തരം പ്രിന്റിംഗ് പ്രെസ്സിൽ ജോലിക്കാരൻ ആണ് നമ്മുടെ നായക കഥാപാത്രം ആയ അർതുറോ, അയാളുടെ ഭാര്യയായ ലാസിനും ജോലി അവിടെ തന്നെ. പൊതുവെ ഉള്ള രാഷ്ട്രീയ സംവാദങ്ങളിലും തൊഴിലാളി സമരങ്ങളിലും ഒന്നും അർതുരോ വലിയ താല്പര്യം കാണിക്കാറില്ല എന്നതാണ് സത്യം, ഒരു പരിധി വരെ അറിവില്ലായ്മയും, താല്പര്യ കുറവും ഒക്കെ തന്നെ കാരണം. രാജ്യം വിപ്ലവകരമായ രാഷ്ട്രീയ മാറ്റങ്ങളിലൂടെ കടന്ന് പോവുന്ന ഒരു കാലഘട്ടം ആയത് കൊണ്ട് തന്നെ സ്ഥിതി ഗതികളിൽ വലിയ മാറ്റങ്ങൾ ഉണ്ടാവുകയാണ്. ട്രെയ്ഡ് യുണിയനുകളും, തൊഴിലാളി വിഭാഗങ്ങളും, അവകാശ പോരാട്ടങ്ങളും എല്ലാം ദൈനം ദിന ജീവിതത്തിന്റെ ഭാഗമായി മാറുകയാണ്.

🔸പൈസക്ക് വേണ്ടി ഉള്ള ഓട്ടത്തിന് ഇടയിൽ അർത്തൂരോയ്ക്ക് ഒരു വിട്ട് വീഴ്ച ചെയ്യേണ്ടി വരുന്നിടത്താണ് കഥ ഒന്ന് ട്രാക്ക് മാറ്റുന്നത്, താൻ ഒരു തൊഴിലാളി സംഘടനയുടെയും ഭാഗമല്ല, ആവുകയും ഇല്ല എന്നൊരു ഉറപ്പ് അയാൾക്ക് നൽകേണ്ടി വരികയാണ്. പിന്നീട് അങ്ങോട്ട് ചെകുത്താനും കടലിനും നടുവിൽ പെട്ട് പോയ ഒരു അവസ്ഥയിൽ കൂടിയാണ് ഈ കഥാപാത്രം കടന്ന് പോവുന്നത്. നിസ്സഹായാവസ്ഥയും ഗതികേടും ഒരു മനുഷ്യനെ എത്രത്തോളം കീഴ്പ്പെടുത്തും എന്നതിന് ഉത്തമ ഉദാഹരണം ആണ് പിന്നീട് അരങ്ങേറുന്ന സംഭവങ്ങൾ. നല്ലൊരു വിഷയം, നല്ല രീതിയിൽ എടുത്ത് വെച്ചിട്ടുള്ള ഒരു സിനിമയാണ് ദിസ്‌ ഈസ് മൈ കൺട്രി, താല്പര്യം ഉണ്ടെങ്കിൽ കാണാൻ ശ്രമിക്കുക.

Verdict : Good

DC Rating : 3.75/5 

1229. Thirteen Lives (2022)

Director : Ron Howard

Cinematographer : Soyambhu Mukdeeprom

Genre : Drama

Country : USA

Duration : 147 Minutes

🔸താം ലുവാങ് കേവ് റെസ്ക്യൂ ഇൻസിഡന്റ് കഴിഞ്ഞ ഒരു നൂറ്റാണ്ടിനിടെ തന്നെ ഏറ്റവും ചർച്ച ചെയ്യപ്പെട്ട, ലോക ശ്രദ്ധ ആകർഷിച്ച രക്ഷാ മിഷൻസിൽ ഒന്നാണ് എന്ന് പറഞ്ഞാൽ ഒട്ടും അതിശയോക്തി ഉണ്ടാവില്ല. പതിമൂന്നോളം ആളുകളുടെ ജീവൻ തുലാസിൽ നിൽക്കുമ്പോൾ ആയിരത്തോളം ഗവണ്മെന്റ് ഏജൻസികളും പതിനഞ്ചോളം രാജ്യങ്ങളിൽ നിന്ന് വോലന്റിയേഴ്‌സും അതിനെല്ലാം മുകളിൽ മീഡിയ കവറേജും എല്ലാം ലഭിച്ച പ്രസ്തുത സംഭവ പരമ്പര തീർച്ചയായും ആ ഒരു വിശേഷണം തീർച്ചയായും അർഹിക്കുന്നുണ്ട്. ഈ ഒരു സംഭവത്തെ ആധാരമാക്കി കാണാൻ ഇടയായ രണ്ടാമത്തെ സംരംഭമാണ് ഈ റോൺ ഹോവാർഡ് ചിത്രം, ആദ്യത്തേത് കഴിഞ്ഞ വർഷം പുറത്തിറങ്ങിയ റെസ്ക്യൂ എന്ന ഡോക്യുമെന്ററി ആയിരുന്നു.

🔸സിനിമയ്ക്ക് ആധാരമായ കഥക്ക് ഒരു ഇൻട്രോടക്ഷൻ ആവശ്യമുണ്ടോ എന്നത് സംശയമാണ്, ഒഴിവ് സമയം ആസ്വദിക്കാനായി ഒരു മലയുടെ അടിവാരത്തിൽ ഉള്ള ഗുഹയ്ക്ക് അകത്തേക്ക് ഒരു ഫുട്ബോൾ ടീം മെമ്പർമാരും അവരുടെ കോച്ചും പോവുന്നതും, തുടർന്ന് അരങ്ങേറുന്ന ചില നിർഭാഗ്യകരമായ സംഭവങ്ങൾ കാരണം അവർ അതിനകത്ത് കുടുങ്ങി പോവുന്നതും ഒക്കെയാണ് സംഭവം. ഈ സംഭവ പരമ്പരയുടെ വളരെ ഡ്രമാറ്റിക് ആയ അവതരണം ആണ് ഈ ചിത്രം. ഈ വിഷയത്തിൽ മികച്ച ഒരു ഉദാഹരണമായി റെസ്ക്യൂ എന്ന ഡോക് ഉണ്ടെങ്കിൽ കൂടിയും തീർച്ചയായും സ്വീകാര്യത കൂടുതൽ കിട്ടാൻ പോവുന്നത് ഈ ചിത്രത്തിന് തന്നെ ആവും, കാരണം മുകളിൽ സൂചിപ്പിച്ച വികാര നിർഭരമായ, ഡ്രമാറ്റിക് ആയ അവതരണം കൊണ്ട് തന്നെ.

🔸ഡോക്യുമെന്റരിയെ അപേക്ഷിച്ച് ഇന്റൻസ് ഒന്നും അല്ലെങ്കിലും കാണാൻ ഉള്ള വക എല്ലാം ചിത്രം നല്ല തോതിൽ ഒരുക്കി വെച്ചിട്ടുണ്ട്, എന്തിരുന്നാലും പൂർണ തൃപ്തിയോ പ്രശ്നത്തിന്റെ ഗൗരവമോ അത് അർഹിച്ച തോതിൽ നൽകാൻ സിനിമയ്ക്ക് കഴിഞ്ഞതായി തോന്നിയുമില്ല. നല്ലൊരു കാസ്റ്റും ക്രൂവും ഒക്കെ ഉണ്ട് ചിത്രത്തിന്, അണ്ടർ വാട്ടർ സീൻസും നന്നായിരുന്നു. കണ്ട് നോക്കാവുന്ന സിനിമ തന്നെയാണ് തർടീൻ ലൈവ്സ്, ഇഷ്ട്ടപ്പെടുക ആണെങ്കിൽ ആദ്യം സൂചിപ്പിച്ച ഡോക് കൂടി കാണാൻ ശ്രമിക്കുക, കുറച്ച് കൂടി നല്ലൊരു അനുഭവം ആയിരിക്കും. സിനിമ പ്രൈമിൽ ലഭ്യമാണ്.

Verdict : Watchable

DC Rating : 3/5

1228. Kandittund! (2022)

Director : Adithi Krishnadas

Sound : Resul Pookutty

Genre : Animation

Country : India

Duration : 12 Minutes

🔸മിത്തുകൾക്കും, ലെജന്ഡ്‌കൾക്കും, അർബൻ ലെജന്ഡ്സിനും ഒന്നും യാതൊരു പഞ്ഞവും ഇല്ലാത്ത ഒന്നാണ് നമ്മുടെ രാജ്യം. കാശ്മീർ തൊട്ട് കന്യാകുമാരി വരെയും ഗുജറാത്ത് തൊട്ട് മേഘാലയ വരെയും പല പല സംസ്കാരങ്ങളും, രീതികളും എല്ലാം ഉൾക്കൊണ്ട് ജീവിക്കുന്ന വ്യത്യസ്തമായ ഒരുപാട് വിഭാഗങ്ങൾ ഉള്ള ആളുകൾ ആയത് കൊണ്ട് തന്നെ ഈ വസ്തുതയിൽ വലിയ അതിശയോക്തി ഒന്നും ഉണ്ടാവേണ്ട കാര്യമില്ല. കൊത്താണോടി പോലുള്ള സിനിമകൾ ഇവയിൽ ചില മിത്തുക്കളെ മനോഹരമായി സ്‌ക്രീനിൽ അവതരിപ്പിച്ചിട്ടുണ്ട് എങ്കിലും തൃപ്തികരമായ ഒരു ശ്രമം തെന്നിന്ത്യയിൽ നിന്ന് ഉണ്ടായിട്ടുണ്ടോ എന്ന കാര്യം സംശയമാണ്.

🔸പൊതുവെ കണ്ടവർ എല്ലാം മികച്ച അഭിപ്രായം പറഞ്ഞ 'കണ്ടിട്ടുണ്ട്' എന്ന ഈ ഷോർട്ട് മുകളിൽ പറഞ്ഞ വസ്തുതയ്ക്ക് ഒരു അപവാദം ആവുമോ എന്നത് ആയിരുന്നു ഏറ്റവും പ്രസക്തമായ ചോദ്യം. ഈനാംപേച്ചി, തെണ്ടൻ, നീട്ടറുകൊല തുടങ്ങി പത്തോളം വിചിത്ര ജീവികളെയാണ് ഈ ഷോർട്ട് പന്ത്രണ്ട് മിനുട്ടിൽ നമ്മൾക്ക് പരിചയപ്പെടുത്തി തരുന്നത്. പി എൻ കെ പണിക്കർ എന്ന വ്യക്തി തന്റെ ജീവിത കാലത്തിനിടെ കണ്ട, അറിഞ്ഞ, അനുഭവിച്ചവ എന്ന മട്ടിലാണ് ഈ സംഭവങ്ങളെ നമ്മുടെ മുന്നിൽ അവതരിപ്പിക്കുന്നത്.

🔸അവതരണം എന്നത് അതിന്റെ ഏറ്റവും മികച്ച രീതിയിൽ ഈ ഷോർട്ടിൽ കാണാൻ കഴിയും, ആധാരമായ വിഷയം ഒരു ഇമ്പാക്റ്റ് ഉണ്ടാക്കിയില്ല എങ്കിൽ പോലും നരേഷൻ അപാരമാണ്. ആദ്യാവസാനം പിടിച്ചിരുത്തുന്ന തോതിൽ ഉള്ള നല്ല അനിമേഷൻ സ്റ്റൈലും, ചേർന്ന് നിൽക്കുന്ന മ്യൂസിക്കും ഷോർട്ടിന്റെ ഏറ്റവും വലിയ സ്‌ട്രെങ്ത് ആയി മാറുന്നുണ്ട്. നല്ലൊരു ശ്രമം ആണ് ഈ ചെറിയ ചിത്രം, വളരെ യുണീക്ക് ആയ ശ്രമം. മുകളിൽ പറഞ്ഞ സ്ട്രോങ്ങ്‌ പോയ്ന്റ്സ് കൊണ്ട് തന്നെ ഈ ഒരു ശ്രമത്തിന് ഒരു തുടർച്ച ഉണ്ടാവണം എന്ന ആഗ്രഹമുണ്ട്, കാരണം പറയാൻ കഥകൾ ഒരുപാടുണ്ട് എന്നത് കൊണ്ട് തന്നെ.

Verdict : Good

DC Rating : 3.75/5

1227. The Northman (2022)

Director : Robert Eggers

Cinematographer : Jarin Blaschke

Genre : Drama

Country : USA

Duration : 137 Minutes

🔸റോബർട്ട് എഗ്ഗർസ് ഈ തലമുറയിലെ വളരെ താല്പര്യം ജനിപ്പിച്ച സംവിധായകരിൽ ഒരാളാണ്, തിരഞ്ഞെടുക്കുന്ന വിഷയം ആയാലും അത് അവതരിപ്പിക്കുന്ന രീതി ആയാലും ഒരു സിഗ്‌നച്ചർ ശൈലി അയാളുടെ സിനിമകളിൽ കാണാം. മുൻ ചിത്രങ്ങളായ വിച്, ലൈറ്റ് ഹൌസ് എന്നീ സിനിമകൾ വളരെ മികച്ച അനുഭവങ്ങൾ സമ്മാനിച്ചവ ആയിരുന്നു. ഈ ഒരു വസ്തുത നില നിൽക്കുന്നത് കൊണ്ടും, നോർത്ത് മാൻ ഒരു വൈകിങ് സ്റ്റൈൽ റിവഞ്ച് സ്റ്റോറി ആയിരിക്കും എന്ന വാർത്ത കൊണ്ടും, സ്‌ക്രീനിൽ വരുന്ന കാസ്റ്റിനെ കൊണ്ടുമെല്ലാം ഈ വർഷം ഏറ്റവും പ്രതീക്ഷ വെച്ച സിനിമകളിൽ ഒന്നായിരുന്നു നോർത്ത് മാൻ.

🔸ഇനി കാര്യത്തിലേക്ക് കടക്കുക ആണെങ്കിൽ, സംവിധായകന്റെ മറ്റ് രണ്ട് ചിത്രങ്ങളെ അപേക്ഷിച്ച് അത്യാവശ്യം വീക്ക് ആയൊരു സിനിമ ആണ് നോർത്ത് മാൻ. വിഷ്വലി കിടു ആണെങ്കിലും ഒരു ബേസിക് റിവഞ്ച് ഡ്രാമ എന്നതിന് അപ്പുറത്തേക്ക് സിനിമ കടന്ന് ചെല്ലാൻ മടിക്കുന്നത് പോലൊരു തോന്നൽ ആയിരുന്നു ആദ്യം തൊട്ട് അവസാനം വരെ. ഒൻപതാം നൂറ്റാണ്ടിന്റെ അവസാനം ഒരു ഗോത്ര വിഭാഗം രാജ വംശത്തെ ചുറ്റിപ്പറ്റി ആണ് കഥ പുരോഗമിക്കുന്നത്. തന്റെ അച്ഛനെ ക്രൂരമായി കൊന്ന്, ഭരണം കൈക്കലാക്കിയ അമ്മാവനോടുള്ള അനന്തിരവന്റെ പ്രതികാരം ആണ് കഥയുടെ ഫോക്കൽ പോയിന്റ്.

🔸ഏറെക്കുറെ നാല് കഥാപാത്രങ്ങളിൽ ഒതുങ്ങി നിൽക്കുന്ന വളരെ പേഴ്സണൽ ആയ റിവഞ്ച് സ്റ്റോറി ആണ് സിനിമയുടേത്, ആ കഥ ദോഷം പറയാൻ അധികം ഒന്നും ഇല്ലാത്ത വിധം എടുത്ത് വെച്ചിട്ടുമുണ്ട്. പ്രവചനീയം ആയ തോതിലാണ് കഥ പുരോഗമിക്കുന്നത് എങ്കിലും വിഷ്വൽ ബ്യുട്ടിയും ഗോറി ആയ ആക്ഷൻ രംഗങ്ങളും എല്ലാം പിടിച്ചിരുത്താൻ ഉള്ള ഫേക്ടറുകൾ ആയി മാറുന്നുണ്ട്. നിക്കോള് കിഡ്മാൻ അവതരിപ്പിച്ച അമ്മ കഥാപാത്രം പ്രത്യേക പരാമർശം അർഹിക്കുന്നുണ്ട്, മെട്ടീരിയൽ ആയാലും പ്രകടനം ആയാലും ടോപ് നോച് തന്നെ ആയിരുന്നു. പ്രതീൻഷകളോട് നീതി പാലിച്ചില്ല എങ്കിലും മുഷിയൻ അനുഭവം ഒന്നുമല്ല നോർത്ത് മാൻ. കാണാൻ ഉള്ളത് ഉണ്ട്, അത് കണ്ട് നോക്കാവുന്നതുമാണ്.

Verdict : Good

DC Rating : 3.75/5 

1226. The Golden Dream (2013)

Director : Diego Quemada Diez

Cinematographer : Maria Secco

Genre : Drama

Country : Mexico

Duration : 102 Minutes

🔸ഓരോ മനുഷ്യനും ഭാവിയെ കുറിച്ച് കാണുന്ന സ്വപ്നങ്ങളെ തങ്ങൾ ജനിച്ച് വളർന്ന സാഹചര്യം ആവശ്യത്തിൽ അധികം സ്വാധീനിക്കും എന്നത് മുന്നേ തോന്നിയ ഒരു കാര്യമാണ്, ഗോൾഡൻ ഡ്രീം എന്ന മെക്സിക്കൻ സിനിമ ഈയൊരു ചിന്തയെ ഊട്ടി ഉറപ്പിക്കുകയാണ്, വളരെ ഹാർഷ് എന്നൊക്കെ വിശേഷിപ്പിക്കാവുന്ന ഒരു കഥയിലൂടെ. നമ്മൾ അറിയാത്ത അനുഭവിക്കാത്ത കഥകളും ജീവിതങ്ങളും എല്ലാം നമുക്ക് അംഗീകരിക്കാൻ ബുദ്ധിമുട്ട് ആയിരിക്കും, ഒരു കൂട്ടപലായനം അല്ലെങ്കിൽ അഭയാർത്ഥികളുടെ ജീവിതം ഒന്നും നമുക്ക് അത്ര പരിചിതമായ ഒരു കാര്യം ആയിരിക്കില്ല, പക്ഷെ അതിനെ കുറിച്ച് അറിയാൻ നല്ലൊരു ഉദാഹരണമായി കാണാം ഈ സിനിമയെ.

🔸ലാറ്റിൻ അമേരിക്കൻ രാജ്യങ്ങൾ പൊതുവെ സാധാരണമായ ജീവിതത്തിന്, സാധാരണക്കാർക്ക് പറ്റിയതല്ല എന്ന് പല പല അനുഭവങ്ങളിൽ കൂടിയും കേട്ടറിഞ്ഞിട്ടുണ്ട്. ഒന്നുകിൽ കായിക മേഖലയിൽ അപാരമായ സ്കിൽ കാണിച്ച് ശ്രദ്ധ നേടുക അല്ലെങ്കിൽ ക്രിമിനൽ സംഘങ്ങളുടെ ഭാഗമായി മാറി ജീവിതം കളയുക എന്നീ രണ്ട് ഓപ്ഷൻ മാത്രമേ തന്റെ മുന്നിൽ ഉണ്ടായിരുന്നുള്ളൂ എന്നൊരു പ്രശസ്ത കായിക താരം മുന്നേ പറഞ്ഞത് ഇതോടൊപ്പം ചേർത്ത് വായിക്കാം. പിന്നെ ഉള്ളൊരു സാധ്യത എന്നത് പലായനം ആണ്, ഈ സിനിമയിലെ കഥാപാത്രങ്ങൾ പിന്തുടർന്ന വഴി, അഥവാ ഗ്വാട്ടിമാലയിൽ നിന്നും മെക്സിക്കോ വഴി അമേരിക്കയിലേക്ക് ഉള്ളൊരു പലായനം, അവരെ സംബന്ധിച്ചിടത്തോളം പ്രതീക്ഷയുടെ, പ്രത്യാശയുടെ രാജ്യം.

🔸ഈ യാത്രയ്ക്ക് ഇറങ്ങി പുറപ്പെടുന്ന മൂന്ന് കഥാപാത്രങ്ങളെ ആണ് നമ്മൾ കണ്ട് മുട്ടുന്നത്. പിന്നീടുള്ള ഇവരുടെ യാത്രയിൽ ഒരുപാട് വഴിതിരിവുകളും, ഒട്ടും പ്രതീക്ഷിക്കാത്ത ചില കഥാപാത്രങ്ങളും എല്ലാം കടന്ന് വരുന്നുണ്ട്. മുന്നേ സൂചിപ്പിച്ചത് പോലെ തന്നെ വളരെ ടച്ചിങ്‌ ആയൊരു സിനിമയാണ് ഗോൾഡൻ ഡ്രീം, ഒരു ഫുൾസ്റ്റോപ്പ് തരാതെ പോവുന്ന പല കാര്യങ്ങൾ ഉണ്ട് ഈ ചിത്രത്തിൽ, ആ കാര്യങ്ങൾ തരുന്ന വേദന അല്ലെങ്കിൽ ഫ്രസ്ട്രേഷൻ എന്നിവ ചെറുതല്ല. കണ്ടിരിക്കേണ്ട സിനിമയാണ് ഗോൾഡൻ ഡ്രീം, തീർച്ചയായും കാണാൻ ശ്രമിക്കുക.

DC Rating : 4.25/5

Verdict : Very Good 

1225. West Side Story (2021)

Director : Steven Spielberg

Cinematographer : Janusz Kaminski

Genre : Musical

Country : USA

Duration : 156 Minutes

🔸പൊതുവെ മ്യൂസിക്കൽ വിഭാഗത്തിൽ പെട്ട സിനിമകളോട് താല്പര്യം ഇല്ല എങ്കിലും സംവിധായകന്റെ പേരും, ഒറിജിനൽ സിനിമയോടുള്ള താല്പര്യവും ഒന്ന് കൊണ്ട്  തന്നെ ഈ വർഷം ഏറ്റവും പ്രതീക്ഷ വെച്ച സിനിമകളിൽ ഒന്നായിരുന്നു വെസ്റ്റ് സൈഡ് സ്റ്റോറി, ആ ഒരു പ്രതീക്ഷയോട് നൂറ് ശതമാനം നീതി പുലർത്താൻ ഈ സിനിമയ്ക്ക് കഴിഞ്ഞിട്ടുമുണ്ട് എന്നത് വലിയ കാര്യം തന്നെയാണ്. സിനിമ മുന്നോട്ട് വെക്കുന്ന ചില കാര്യങ്ങൾ സമകാലീക രാഷ്ട്രീയ സാംസ്കാരിക ഡെവലപ്പമന്റ്സും ആയി കൂട്ടി വായിക്കുന്നത് രസകരം ആയ കാര്യം ആയേക്കും എങ്കിലും തല്ക്കാലം അതിന് മുതിരുന്നില്ല, സിനിമയിലേക്ക് ഫോക്കസ് ചെയ്യാം.

🔸മാൻഹട്ടൻ വെസ്റ്റ് സൈഡിലെ യുവാക്കൾ ഇന്ന് ഏറെക്കുറെ രണ്ട് വിഭാഗങ്ങളായി മാറി കഴിഞ്ഞിരിക്കുന്നു, അമേരിക്കയിൽ ജനിച്ച് വളർന്ന വൈറ്റ്സ് എന്ന വിശേഷണം ഒരു തരം അഭിമാനത്തോടെ കൊണ്ട് നടക്കുന്ന ജെറ്റ്സ് എന്ന വിഭാഗവും, പ്യുർട്ടോ റിക്കോയിൽ നിന്നും കുടിയേറി പാർത്ത വിഭാഗക്കാർ ഉൾപ്പെട്ട ഷാർക്സ് എന്ന വിഭാഗവും. രണ്ട് വിഭാഗക്കാരും തമ്മിലുള്ള ആസ്വാരസ്യങ്ങൾ കുറച്ച് നാളുകളായി അതിന്റെ എല്ലാ അതിർ വരമ്പുകളും ബേധിച്ച് കയ്യാങ്കളിയിലേക്ക് കടന്നിരിക്കുകയാണ്. ബേസിക്കലി കുടിയേറ്റ വിഭാഗക്കാരും, യാഥാസ്തിക വിഭാഗക്കാരും തമ്മിലുള്ള ഒരു ക്ലാഷ് ആയി പോലും ഇതിനെ വ്യാഖ്യാനിക്കാം.

🔸ഇതിനിടയിലേക്കാണ് ടോണിയും മേരിയും തമ്മിലുള്ള പ്രണയം കടന്ന് വരുന്നത്, ജെട്സിന്റെ സ്ഥാപകരിൽ ഒരാളാണ് ടോണി. മേരി ആണെങ്കിൽ ഷാർക്‌സിന്റെ നേതാവായ ബെർണാഡോയുടെ പെങ്ങളും, എല്ലാം കൊണ്ടും പൂർണം. തുടർന്ന് നടക്കാൻ സാധ്യതയുള്ള മുട്ടൻ ഇടിയിലേക്കാണ് സിനിമ കടന്ന് ചെല്ലുന്നത്, ഒരു മിനിറ്റ് പോലും ബോർ അടിപ്പിക്കുന്നില്ല എന്നത് ഈ സിനിമയ്ക്ക്, പ്രത്യേകിച്ചും ഒരു മ്യൂസിക്കൽ കൂടി ആണെന്നത് പരിഗണിക്കുമ്പോൾ ഒരു നേട്ടമായി തന്നെ കാണാവുന്നതാണ്. നല്ല ഒന്നാംതരം ഒരു എൻഡിങ് കൂടി ചേരുമ്പോൾ വെസ്റ്റ് സൈഡ് സ്റ്റോറി നല്ലൊരു സിനിമാ അനുഭവം ആയി മാറുകയാണ്.

Verdict : Very Good

DC Rating : 4/5 

1224. The Novice (2021)

Director : Lauren Hadaway

Cinematographer : Todd Martin

Genre : Drama

Country : USA

Duration : 97 Minutes

🔸എന്തിനെയും ഏതിനെയും മത്സര ബുദ്ധിയോടെ കാണുന്ന ചില ആളുകളെ കണ്ട് പരിചയമുണ്ട്, ദി നോവിസ് എന്ന സിനിമയിലെ അലക്സ് ദാൽ അത്തരത്തിൽ ഉള്ളൊരു വ്യക്തിയാണ് എന്ന് പറയാം. സിനിമയുടെ മർമ്മ പ്രധാനമായ ഒരു രംഗത്ത് ആ ഒരു സ്വഭാവത്തിന്റെ തീവ്രത നമുക്ക് വ്യക്തമായി മനസിലാവുന്നുമുണ്ട്. അതായത് നിർണ്ണായകമായ ഒരു മത്സരം നടക്കുന്നതിന്റെ തലേന്ന് എല്ലാവരോടും ടീമംഗങ്ങളോടൊപ്പം സമയം ചിലവഴിക്കാൻ പറയുന്ന കോച്ച് ഇടക്ക് ഒരു റെക്കോർഡിന്റെ കാര്യം അറിയാതെ സൂചിപ്പിച്ച് പോവുന്ന സീനിലെ അലക്സിന്റെ പ്രതികരണം ഏറെക്കുറെ സിനിമയുടെ കഥയെ മുഴുവനായി സം അപ്പ് ചെയ്യുന്നുണ്ട്.

🔸റോവിങ് എന്ന കായിക വിഭാഗം ആണ് കഥയുടെ ഫോക്കസ് പോയിന്റ്, കോളേജ് ഫ്രഷർ ആയ അലക്സിന് ഈ വിഭാഗത്തിൽ ഉന്നതിയിലേക്ക് എത്തിയേ പറ്റൂ, കാരണം വിജയിക്ക് ലഭിക്കുന്ന സ്ക്കോളർഷിപ്പ് അവളുടെ മുന്നോട്ടുള്ള യാത്രയ്ക്ക് വലിയൊരു സഹായം ആവും. അലക്സിന് മുന്നിൽ കടമ്പകൾ ഏറെ ഉണ്ടായിരുന്നു, അവളുടെ മോശം ശാരീരിക അവസ്ഥ, അന്തർമുഖ സ്വഭാവം, സഹപാടികളുടെ മനോഭാവം തുടങ്ങി ഒരുപാട് ഒരുപാട് കടമ്പകൾ. ഇതിനെയെല്ലാം അതിജീവിച്ച് അലക്സ് പ്രതീക്ഷിച്ചിടത്ത് എത്തുമോ എന്ന ചോദ്യം സത്യത്തിൽ രണ്ടാമതായി പോവുന്ന തോതിലുള്ള വളരെ ഇന്റൻസ് ആയ അവതരണമാണ് സിനിമയുടേത്.

🔸മറിഞ്ഞ് രക്തം കട്ട പിടിച്ച കൈയ്യിൽ നിന്നും ചലം ഒലിക്കുമ്പോഴും വഞ്ചിയുടെ കൈ വിടാതെ ആഞ്ഞ് തുഴയുന്ന അലക്സിന്റെ കാഴ്ച ഒരേ സമയം ഡിസ്റ്റർബിങ്ങും ഡിപ്രസിങ്ങും ആണ്. വളരെ വെറൈറ്റി ആയ ട്രീട്ട്മെന്റ് ആണ് സിനിമയുടെ മറ്റൊരു പോസിറ്റീവ്, നമ്മൾ പ്രതീക്ഷിക്കുന്ന വഴിയിലൂടെ പോവാതെ നല്ല ഒന്നാംതരം ഒരു എൻഡിങ്ങും ഇവിടെ ചിത്രം ഒരുക്കി വെച്ചിട്ടുണ്ട്. ഓർഫനിലൂടെ പ്രശസ്തയായ ഇസബെൽ ഫാർമൻ ആണ് അലക്സ് എന്ന കഥാപാത്രത്തെ അവതരിപ്പിച്ചിരിക്കുന്നത്, വളരെ ടെറിഫിക്ക് ആയ പെർഫോമൻസ്. കണ്ട് നോക്കേണ്ട സിനിമയാണ് ദി നോവീസ്, കാണാൻ ശ്രമിക്കുക.

Verdict : Good

DC Rating : 3.75/5 

1223. The Batman (2022)

Director : Matt Reeves

Cinematographer : Greig Fraser

Genre : Superhero

Country : USA

Duration : 176 Minutes

🔸മാറ്റ് റീവ്സിന്റെ പ്ലാനറ്റ് ഓഫ് ഏപ്സ് സീരീസ് ഈ ഒരു നൂറ്റാണ്ടിലെ തന്നെ ഏറ്റവും മികച്ച സിനിമ ഫ്രാൻചയ്‌സുകളിൽ ഒന്നാണ്, ഈ ഒരു കാരണം കൊണ്ട് തന്നെ ടിയാൻ ഇഷ്ട കഥാപാത്രമായ ബാറ്റ്മാനെ ചുറ്റിപ്പറ്റി ഒരു ട്രിളജി ഒരുക്കുന്നു എന്ന വാർത്ത വളരെ പ്രതീക്ഷ പകരുന്ന ഒന്ന് തന്നെ ആയിരുന്നു. പിന്നീട് പുറത്ത് വന്ന ഓരോ വാർത്തകളും പ്രതീക്ഷ വർധിപ്പിച്ചു എങ്കിലും തിയേറ്ററിൽ വിധി എഴുതുന്ന ദിവസം ഔട്ട് പുട്ട് എന്തായിരിക്കും എന്നൊരു കൗതുകം ബാക്കി ആയിരുന്നു, കാരണം ഒരുപാട് വേർഷനുകൾ ഇതിനോടകം പുറത്തിറങ്ങി കഴിഞ്ഞ് ഒരു റിപ്പെട്ടീഷൻ ഫീൽ ഇതിനോടകം കഥാപാത്രത്തിന് കിട്ടി കഴിഞ്ഞിരുന്നു. എന്നാൽ ആശങ്കകൾ എല്ലാം കാറ്റിൽ പറത്തി നല്ലൊന്നാന്തരം ഒരു അനുഭവമായി മാറുകയാണ് ഈ സിനിമ.

🔸റിഡ്ലർ മികച്ചൊരു വില്ലനാണ്, ജിം കാരിയുടെ വികലമായ ഒരു വേർഷൻ മാറ്റി നിർത്തിയാൽ സ്ക്രീനിലേക്ക് അധികം ഒന്നും ആടാപ്റ്റ് ഹെയ്തിട്ടില്ലാത്ത ഒരു വില്ലൻ. സോഡിയാക് വില്ലനെ ഒക്കെ അനുസ്മരിപ്പിക്കുന്ന ഈ വില്ലൻ തന്നെയാണ് സിനിമയുടെ നട്ടെല്ല് എന്ന് പറയാം, അധികം സ്ക്രീൻ ടൈം ഇല്ലെങ്കിൽ കൂടിയും ഒരു ലാസ്‌റ്റിങ് ഇമ്പ്രഷൻ കഥാപാത്രം സൃഷ്ടിക്കുന്നുണ്ട്. ബാറ്റ്മാൻ എന്ന കഥാപാത്രത്തിന് അധികം മുഖവുര ഒന്നും ആവശ്യമില്ല, ഇവിടെ അഫ്ളക്ക് വേർഷനിൽ നിന്നും വിഭിന്നമായി ബാറ്റ്മാൻ അധികം പരിചയ സമ്പത്ത് ഒന്നും ഇല്ലാത്ത ഒരു തുടക്കക്കാരൻ ആണെന്ന് പറയാം, ആ ഒരു പോയിന്റിൽ നിന്നും അവസാനം ഒക്കെ ആവുമ്പോഴേക്കും കഥാപാത്രം ഒരുപാട് മുന്നോട്ട് പോവുന്നുണ്ട് എന്നത് സിനിമയുടെ ഏറ്റവും വലിയ സ്‌ട്രെങ്തുകളിൽ ഒന്നാണ്.

🔸ബാറ്റ് മാന്റെ ഡിറ്റക്റ്റീവ് ട്രെയിട്ടുകൾ ഒക്കെ നല്ല തോതിൽ സിനിമ അവതരിപ്പിക്കുന്നുണ്ട്, ടൈറ്റിൽ കഥാപാത്രത്തിന്റെ സന്തത സാഹചരികളായ ആൽഫ്രെടും ഗോർടനും എല്ലാം ഇവിടെയും മികച്ച കഥാപാത്രങ്ങായി തന്നെ കൂടെയുണ്ട്. നല്ല സ്ക്കോറും, മികച്ച വിഷ്വൽസും, കിടിലൻ സെറ്റപ്പും, നല്ല സീക്വൽ ബെയിട്ടും എല്ലാം കൂടി ചേരുമ്പോൾ ബാറ്റ്മാൻ പ്രതീക്ഷയോട് നൂറ് ശതമാനം നീതി പുലർത്തുന്നുണ്ട്, കാണാൻ ശ്രമിക്കുക. ഇനിയും സ്‌ക്രീനിൽ വന്നിട്ടില്ലാത്ത ഹഷ്, കോർട്ട് ഓഫ് ഔൾസ് പോലുള്ള തീമുകൾ തുടർ ഭാഗങ്ങളിൽ കാണണം എന്ന ആഗ്രഹം നടക്കാൻ സാധ്യത കാണുന്നില്ല എന്ന ഒരു മോശം ഫീൽ മാത്രം ബാക്കി.

Verdict : Must Watch

DC Rating : 4.5/5 

1222. How I Met Your Mother (2005)

Creator : Carter Bays

Cinematographer : Christian La Fountaine

Genre : Sitcom

Seasons : 09

Episodes : 208

Country : USA

Duration : 21-23 Minutes

🔸മികച്ച സിറ്റ്കോം സീരീസുകൾ എന്ന വിഷയം എവിടെയൊക്കെ ചർച്ച ചെയ്യപ്പെട്ടിട്ടുണ്ടോ, അവിടെയെല്ലാം തന്നെ പരാമർശിച്ച് കണ്ട പേരാണ് ഹൌ ഐ മെറ്റ് യുവർ മദറിന്റേത്, ചില സന്ദർഭങ്ങളിൽ ഫ്രണ്ട്സ് പോലുള്ള സീരീസുകളെക്കാൾ മികച്ചത് എന്ന അഭിപ്രായം പോലും കണ്ടിട്ടുണ്ട് എന്നത് വളരെ അമ്പരപ്പിച്ച കാര്യമാണ്. ഫ്രണ്ട്സ് എന്ന സീരീസിന്റെ ഒരു ഫോർമാറ്റ് അല്ലെങ്കിൽ ശൈലിയുമായി ചെറിയ സാമ്യം ഒക്കെ പാലിക്കുന്നുണ്ട് ഈ ഒൻപത് സീസൺ ടീവി സീരീസ്. ഇങ്ങനെ ഒക്കെ ആണ് കാര്യം എങ്കിലും മറ്റ് പല സിറ്റ്‌കോംസുമായി തട്ടിച്ച് നോക്കുമ്പോൾ കാര്യമായ ഇമ്പാക്റ്റ് ഒന്നും എന്നിൽ സൃഷ്ടിക്കാൻ ഈ സീരീസിന് കഴിഞ്ഞിട്ടില്ല, അതിനുള്ള കാരണങ്ങളിലേക്ക് കടക്കാം.

🔸ഒരു സിറ്റ്കോം ആദ്യാവസാനം എൻജോയ് ചെയ്യണം എങ്കിൽ അതിലെ കഥാപാത്രങ്ങളുമായി നല്ല തോതിൽ റിലേറ്റ് ചെയ്യാൻ കഴിയണം അല്ലെങ്കിൽ അവരോട് ഒരു അറ്റാച്ച്മെന്റ് തോന്നണം എന്ന് തോന്നിയിട്ടുണ്ട്, ഈ ഒരു കാര്യത്തിൽ പ്രസ്തുത സീരീസ് ഒരു പരാജയം ആയി തന്നെയാണ് തോന്നിയത്. ഒരു തരത്തിലും ഇഷ്ടം ജനിപ്പിക്കാത്ത അത്യാവശ്യം ടോക്സിക് ആയ കഥാപാത്രങ്ങൾ മാത്രമായി തോന്നുന്നുണ്ട് ഇവരിൽ ചിലരെ, പ്രത്യേകിച്ചും ലിലി അൽഡ്രിൻ പോലുള്ള കഥാപാത്രങ്ങൾ. ഇതിനോടൊപ്പം തന്നെ ഒട്ടും സാറ്റിസ്ഫയിങ് ആവാത്ത പ്ലോട്ട് പേ ഓഫുകളും, റിപ്പെട്ടീഷൻ തോന്നിപ്പിക്കുന്ന മൊമന്റുകളും ഒക്കെ കൂടി ചേരുമ്പോൾ എല്ലാം പൂർണം.

🔸നല്ല ഒന്നാം ക്ലാസ് ദുരന്തം എന്നൊക്കെ പറയാവുന്ന സീരീസ് ഫിനാലെയും കൂടി ചേരുമ്പോൾ എല്ലാം തികയുകയാണ്. ഇതിനിടയിലും പോസിറ്റീവ് ആയി പറയേണ്ട ചില കാര്യങ്ങളുണ്ട്, ബാർണി സ്റ്റിൻസൻ എന്ന കഥാപാത്രവും, അയാളുടെ ഒരു പരിധി വരെയുള്ള ക്യാരക്റ്റർ ആർക്കും. ഈ കഥാപാത്രം ഒന്ന് കൊണ്ട് മാത്രമാണ് സീരീസ് ഒരു പോയിന്റിൽ പോലും നിർത്താതെ അവസാനിപ്പിച്ചത് എന്ന് പറഞ്ഞാൽ പോലും തെറ്റില്ല. അത്യാവശ്യം ഡിസപ്പോയിന്റിംഗ് ആയൊരു വ്യൂയിങ് അനുഭവം ആയിരുന്നു ഹൗ ഐ മെറ്റ് യുവർ മദർ, ഇതിലും മികച്ച എന്തെങ്കിലും തീർച്ചയായും പ്രതീക്ഷിച്ചിരുന്നു.

Verdict : Below Average

DC Rating : 2.25/5 

1221. Compartment No. 6 (2021)

Director : Juho Kuosmonen

Cinematographer : JP Passi

Genre : Drama

Country : Finland

Duration : 106 Minutes

🔸യാത്ര പ്രമേയമായി വരുന്ന സിനിമകൾക്ക് വാക്കുകളാൽ വിശേഷിപ്പിക്കാൻ കഴിയാത്ത ഒരു ഭംഗി ഉണ്ട്, ഒരു പക്ഷെ ഭംഗി എന്നതിനേക്കാൾ ഒരു അപ്രവചനീയ സ്വഭാവം ഉണ്ട്. അതായത് യാത്രകളിൽ എന്ത് വേണമെങ്കിലും സംഭവിക്കാം, ഒരു പ്രണയം ഉടലെടുക്കാം, വേർപാട് ഉണ്ടാവാം, മരണം ഉണ്ടാവാം അങ്ങനെ നമ്മൾ പ്രതീക്ഷിക്കാത്ത പലതും. ഈ ഒരു സാധ്യത തന്നെയാണ് ജേർണി മൂവീസിന്റെ ഏറ്റവും വലിയ പ്ലസ് പോയിന്റ് ആയി അനുഭവപ്പെട്ട കാര്യവും. ഫിന്നിഷ് വിദ്യാർഥിയായ ലോറയും റഷ്യയിലെ ഖനി തൊഴിലാളിയായ ലിയോഘോയും ചേർന്ന് നടത്തുന്ന യാത്ര നല്ലൊരു അനുഭവമായി മാറിയത്തിനുള്ള കാരണങ്ങളായി മുകളിൽ പറഞ്ഞതെല്ലാം ഉപയോഗിക്കാം.

🔸ഒരു പരാജയപ്പെട്ട് കൊണ്ടിരിക്കുന്ന പ്രണയത്തിന്റെ ബാക്കി പത്രമാണ് ലോറ, വെള്ളത്തിൽ നിന്ന് കരയ്ക്ക് എടുത്തിട്ട മീനിന്റെ അവസ്ഥയിൽ പുതിയ രാജ്യവും മറ്റുമായി പൊരുത്തപ്പെട്ടു വരുന്നതിനിടെ ആണ് ലോറ അത്യാവശ്യം മെന്റലി അബ്യുസീവ് ആയ ഈ പ്രണയത്തിൽ ചെന്ന് വീണത്. ഈ യാത്ര അതിൽ നിന്നുള്ള രക്ഷപ്പെടൽ ആണോ അല്ലയോ എന്ന കാര്യത്തിൽ പോലും അവൾ ഇതുവരെ ഒരു തീരുമാനത്തിൽ എത്തിയിട്ടില്ല എന്നതാണ് സത്യം, ഒരു മാറ്റം അത് എത്ര ചെറുത് ആണെങ്കിൽ പോലും നല്ലത് എന്നതായിരിക്കണം മനോഗതി. ഈ യാത്രയിൽ ട്രെയിനിലെ കുടുസ് മുറിക്ക് സമാനമായ ആറാം നമ്പർ കമ്പാർട്മെന്റിൽ വെച്ചാണ് ലോറ ലിയോഖോയെ കണ്ട് മുട്ടുന്നത്.

🔸ഒരു പ്രണയത്തിലേക്ക് കഥ കടന്ന് പോവുമോ എന്ന ചിന്ത നില നിർത്തി കൊണ്ട് തന്നെ ഒട്ടും ക്‌ളീഷ്ഡ് ആവാതെ മറ്റൊരു ഭാഗത്തേക്ക്‌ സിനിമ പോവുന്നുണ്ട്, ഒടുവിൽ അവസാന രംഗവും കഴിയുമ്പോൾ തൃപ്തികരമായ ഒരു അനുഭവം നൽകാൻ സംവിധായകനും അണിയറ പ്രവർത്തകർക്കും പറ്റിയിട്ടുമുണ്ട്. മനോഹരമായ രംഗങ്ങളും, അതിലും മനോഹരമായ സെറ്റപ്പും, മ്യൂസിക്കും എല്ലാം ചേരുമ്പോൾ നല്ലൊരു സിനിമ എക്സ്പീരിയൻസ് തന്നെയാണ് കമ്പാർട്ട്മെന്റ് സിക്സ്. പ്രത്യേകിച്ചും ഡ്രാമ ജോണറിൽ പെട്ട സിനിമകളുടെ ആരാധകർക്ക് നല്ലൊരു വ്യൂ തന്നെ സിനിമ ഗ്യാരന്റി ചെയ്യുന്നുണ്ട്, അപ്പോൾ താല്പര്യം തോന്നുന്നെങ്കിൽ കാണാൻ ശ്രമിക്കുക.

Verdict : Very Good

DC Rating : 4/5 

1220. Petrov's Flu (2021)

Director : Kirill Serebrennikov

Cinematographer : Vladislav Opelyants

Genre : Drama

Country : Germany

Duration : 146 Minutes

🔸പണ്ടെങ്ങോ വായിച്ച ഒരു പുസ്തകത്തിൽ, രവീന്ദ്രന്റെ വഴികൾ വ്യക്തികൾ ഓർമ്മകൾ ആണെന്ന് തോന്നുന്നു  ഉറപ്പില്ല, സോവിയറ്റ് യുണിയന്റെ വീഴ്ചയ്ക്ക് ശേഷമുള്ള റഷ്യയുടെ അവസ്ഥയെ പരാമർശിക്കുന്ന ഒരു ഭാഗം ഉണ്ട്. അതായത് ലോകത്തെ ഏറ്റവും കരുത്തുറ്റ ശക്തികളിൽ ഒന്നിൽ നിന്നും തീർത്തും ദാരുണമായ അവസ്ഥയിലേക്കുള്ള വീഴ്ചയും ശേഷമുള്ള കയൊട്ടിക് ആയ മാറ്റങ്ങളും എല്ലാം ആ പുസ്തകത്തിൽ പരാമർഷിച്ച് പോവുന്നുണ്ട്. ആളുകളുടെ തന്നെ മനോഭാവത്തിൽ വന്ന മാറ്റവും, ആ മാറ്റത്തെ അവർ ഉൾക്കൊണ്ട രീതിയും എല്ലാം പുസ്തകം ഏതായാലും അതിൽ എഴുത്തുകാരൻ മനോഹരമായി എഴുതി വെച്ചത് നല്ല ഓർമയുണ്ട്. സോവിയറ്റ്റിന്റെ പതനത്തിന് ശേഷമുള്ള റഷ്യയെ കുറിച്ച് കൂടുതൽ അറിയാനുള്ള ജെനുവിൻ ആയൊരു കൗതുകം എല്ലാ കാലത്തും മനസ്സിൽ ഉണ്ടായിരുന്നു താനും, ഈ സിനിമയിലൂടെ വീണ്ടും ഒരാവർത്തി ആ കാലഘട്ടത്തിലേക്ക് പോവുകയാണ്.

🔸അലൈക്സി സാൽനികോവിന്റെ നോവൽ അടിസ്ഥാനപ്പെടുത്തിയാണ് ഈ സിനിമ തയാറാക്കിയിരിക്കുന്നത്. യാഥാർഥ്യം ഏത് ഭാവന ഏത് എന്ന് തിരിച്ചറിയുക വളരെ ദുഷ്കരമായ ഒരു കൊമ്പ്ലിക്കേറ്റഡ് വിഷ്വൽ അനുഭവമാണ് ഈ ചിത്രം, നമ്മുടെ കേന്ദ്ര കഥാപാത്രമായ പെട്രോവ് ഒരു രോഗാവസ്ഥയിലൂടെ ആണ് കടന്ന് പോയി കൊണ്ടിരിക്കുന്നത്. ഫ്ലൂ കാരണം നന്നേ അവശനായ അയാൾ ഒരു നോവലിസ്റ്റും മെക്കാനിക്കും ഒക്കെയാണ്. ഇങ്ങനെയൊക്കെ ആണ് കാര്യങ്ങൾ എങ്കിലും റഷ്യയുടെ ചരിത്രത്തിലെ കുപ്രസിദ്ധമായ ഈ കാലഘട്ടത്തിൽ വളരെ വിചിത്രമായ ഒരു സ്ഥലത്ത് വെച്ചാണ് നമ്മൾ പെട്രോവിനെ കണ്ട് മുട്ടുന്നത്, അതും വളരെ മോശമായ ഒരവസ്ഥയിൽ.

🔸ഈ ഒരു പോയിന്റിൽ വെച്ച് കഥ ഇടയ്ക്കിടെ മറ്റ് ചില ടൈം സ്പാനുകളിലേക്ക് കടന്ന് ചെല്ലുന്നുണ്ട്, പെട്രോവിന്റെ കുട്ടിക്കാലവും കുടുംബ ജീവിതവും എല്ലാം കഥാ പശ്ചാത്തലങ്ങളായി വരുന്നുണ്ട് ചിത്രത്തിൽ. ചില പോയിന്റുകളിൽ വെച്ച് എന്തിനധികം കഥയുടെ പോയിന്റ് ഓഫ് വ്യൂ തന്നെ മാറി മറിയുന്നുണ്ട്, അങ്ങനെ ആകെ ദുഷ്കരമായ ഒരു കാഴ്ചനുഭവം ആവുന്നുണ്ട് ഈ സിനിമ. നല്ലൊരു സെറ്റിങ്ങും മറ്റുമൊക്കെ ഉണ്ടായിട്ട് പോലും തൃപ്തികരം എന്ന് പറയാവുന്ന ഒരു അനുഭവം തരാൻ സിനിമയ്ക്ക് കഴിഞ്ഞിട്ടില്ല, ഉദ്ദേശിച്ച എസ്സെൻസ് കാഴ്ചയിൽ നൽകാൻ കഴിഞ്ഞിട്ടില്ല എന്ന് തന്നെ, ഡ്രാമ വിഭാഗത്തിൽ പെട്ട സിനിമകളുടെ ആരാധകർക്ക് കണ്ട് ഒഴിവാക്കാം എന്ന് മാത്രം.

Verdict : Watchable

DC Rating : 3/5 

1219. The Summit Of Gods (2021)

Director : Patrick Imbert

Writer : Baku Yumemakura

Genre : Drama

Country : France

Duration : 95 Minutes

🔸പർവതരോഹക ചരിത്രത്തിലെ തന്നെ ഏറ്റവും വലിയ വാട്ട് ഇഫ് കേസുകളിൽ ഒന്നാണ് ജോർജ്ജ് മല്ലോറിയുടേതും, ആൻഡ്റു ഇർവിന്റേതും. ആദ്യ രണ്ട് തവണയും പരാജയം സമ്മതിച്ച് മടങ്ങേണ്ടി വന്ന മല്ലോറി മൂന്നാമത്തെ തവണ എവറസ്റ്റിലേക്ക് യാത്ര തിരിച്ചത് ഗിരിശിഖരത്തെ കീഴടക്കുക എന്ന ഒറ്റ ലക്ഷ്യത്തോട് കൂടി മാത്രമാണ്, അത് അയാൾ തന്റെ സുഹൃത്തുക്കളുടെയും അടുപ്പക്കാരുടെയും മുന്നിൽ വെച്ച് ആവർത്തിച്ച് പറഞ്ഞതുമാണ്. ഉദ്ദേശം നൂറ് വർഷങ്ങൾക്ക് മുന്നേ ആ യാത്ര തുടങ്ങിയ മല്ലോറിയെ കുറിച്ചും ഇർവിനെ കുറിച്ചും അവസാനം ലഭ്യമായ വിവരം അതുവരെ മനുഷ്യന് എത്തിപ്പെടാൻ സാധിക്കാത്ത ഉയരവും താണ്ടി അവർ മുകളിലേക്ക് കയറി കൊണ്ടിരിക്കുകയാണ് എന്നതാണ്, എന്നാൽ കാര്യങ്ങൾ ഏറെക്കുറെ അവിടെ അവസാനിച്ചു, പിന്നീട് എല്ലാം നിശബ്ദം ആയിരുന്നു.

🔸ഇരുവരുടെയും കാര്യത്തിൽ ഒരു തിരിച്ചിറക്കം ഉണ്ടായില്ല, ഒരിക്കലും. പിന്നീട് ഏഴ് പതിറ്റാണ്ടുകൾക്ക് ശേഷമാണ് മല്ലോറിയുടെ ശവശരീരം കുറച്ച് പാർവതാരോഹകർ കണ്ടെടുക്കുന്നത്, ഇർവിന്റെ കാര്യത്തിൽ ആ ഒരു ഭാഗ്യം പോലും ഉണ്ടായില്ല. കൊടുമുടിയുടെ ഏറ്റവും ഹൈ പോയിന്റിൽ നിന്നും നാനൂറോളം മീറ്റർ താഴെയാണ് ശരീരം കണ്ടെടുത്തത് എങ്കിലും ഒരു ചോദ്യം ബാക്കി നിന്നു, വേറൊന്നുമല്ല ഒരു പക്ഷെ എവറസ്റ്റ് കീഴടക്കിയ ശേഷമുള്ള മടങ്ങി വരവിനിടെ ആണ് മല്ലോറി കൊല്ലപ്പെട്ടത് എങ്കിലോ എന്ന വളരെ പ്രസക്തമായ ചോദ്യം. രണ്ട് വശങ്ങളെയും പിന്തുണച്ച് കൊണ്ട് പിൽക്കാലത്ത് ഒരുപാട് ചർച്ചകളും അന്വേഷണങ്ങളും എല്ലാം നടന്നിട്ടുണ്ട് എങ്കിലും വ്യക്തമായ ഒരുത്തരം ഒരിക്കലും ലഭിച്ചില്ല, നിർഭാഗ്യവശാൽ ഇനി കിട്ടാൻ സാധ്യതയും ഇല്ല.

🔸ചരിത്ര താളുകളിൽ എഡ്മണ്ട് ഹില്ലറിയും, ടെൻസിങ് നോർഗയും ആണ് എവരസ്റ്റ് കൊടുമുടി കീഴടക്കിയത് എന്ന് രേഖപ്പെടുത്തിയിട്ട് വർഷം എഴുപത് കഴിഞ്ഞിരിക്കുന്നു. മല്ലോറിയും ഇർവിനും വിസ്‌മൃതിയിൽ ആണ്ട് പോയിട്ട് വർഷം അതിലുമേറെ കഴിഞ്ഞ് പോയിരിക്കുന്നു, ഈ സംഭവങ്ങളെ റിലേറ്റ് ചെയ്ത് കമ്പ്ലീറ്റ്ലി ഡിഫറന്റ് ആയ മറ്റൊരു ആംഗിളിൽ കൂടി കാര്യങ്ങൾ അവതരിപ്പിക്കുകയാണ് ഈ സിനിമ, അതിലേക്ക് കൂടുതൽ കടക്കുന്നില്ല, കണ്ട് തന്നെ അറിയുക. വളരെ മനോഹരമായ ഒരു വിഷ്വൽ എക്സ്പീരിയൻസ് ആണ് ഈ ചിത്രം, അനിമേഷൻ മേഖലയെ നമ്മൾ പ്രതീക്ഷിക്കാത്ത രീതിയിൽ എക്സ്പ്ലോർ ചെയ്യുന്ന ഇത്തരം സംരംഭങ്ങൾ കയ്യടി അർഹിക്കുന്നുണ്ട്, താല്പര്യം തോന്നുന്നെങ്കിൽ കാണാൻ ശ്രമിക്കുക.

Verdict : Must Watch

DC Rating : 4.5/5 

1218. Beautiful City (2004)

Director : Asghar Farhadi

Cinematographer : Ali Loqmani

Genre : Drama

Country : Iran

Duration : 101 Minutes

🔸അപാരമായ ഒരു ഫിലിമോഗ്രാഫി സ്വന്തമായി ഉള്ള സംവിധായകനാണ് അസ്‌കർ ഫർഹാദി. സെയ്ൽസ്മാൻ, എബൌട്ട്‌ എല്ലി പോലുള്ള സിനിമകൾക്ക് ഇടയിൽ ബിയുട്ടിഫുൾ സിറ്റി പോലുള്ള സിനിമകൾ വിസ്മരിക്കപ്പെട്ട് പോയാൽ തെറ്റ് പറയാനാവില്ല. ഒരു കാരണവശാലും പക്ഷെ അങ്ങനൊരു വിധി ഈ സിനിമ അർഹിക്കുന്നില്ല എന്നത് മറ്റൊരു കാര്യം, വളരെ കൊമ്പ്ളക്സ് ആയ ഒരു കൂട്ടം കഥാപാത്രങ്ങളെ ഗതി കെട്ട ഒരവസ്ഥയിൽ പ്രതിഷ്ടിച്ച് കാഴ്ചക്കാരനെ ആഴത്തിൽ സ്പർശിക്കുന്ന ഒരു ചെയിൻ ഓഫ് ഇവന്റ്സ് സംവിധായകൻ ഇവിടെ സൃഷ്ടിച്ചിട്ടിക്കുകയാണ്. വളരെ അണ്ടർ അപ്രീഷ്യേറ്റഡ് ആയൊരു സിനിമയായാണ് ബ്യൂട്ടിഫുൾ സിറ്റി അനുഭവപ്പെട്ടത്, അത് എന്ത് കൊണ്ടെന്നത് കണ്ട് തന്നെ ബോധ്യപ്പെടാൻ ശ്രമിക്കുക.

🔸അക്ബർ എന്ന കഥാപാത്രത്തെ ചുറ്റി പറ്റിയാണ് സിനിമ പുരോഗമിക്കുന്നത്, എന്തിരുന്നാലും സിനിമയിൽ അയാളുടെ റോൾ സ്ക്രീൻ ടൈം അനുസരിച്ച് ആണെങ്കിൽ കുറവാണ്  എന്ന് പറയാം. പതിനെട്ടാം വയസിലേക്ക് കടന്നിരിക്കുകയാണ് അക്ബർ, കുറച്ച് വർഷങ്ങളായി അയാൾ ഒരു ജുവനൈയിൽ ഹോമിലെ അന്തേവാസി ആണ്, കൊലപാതകം ആണ് അയാളുടെ പേരിലുള്ള കുറ്റം. പതിനാറാം വയസിൽ സ്വന്തം കാമുകിയെ മൃഗയമായ രീതിയിൽ കൊല ചെയ്തതിന് വധശിക്ഷ നേരിടുകയാണ് അയാൾ, ഇറാനിലെ നിയമ പ്രകാരം പതിനെട്ടു വയസ്സ് തികയാതെ ഒരാളെ വധശിക്ഷയ്ക്ക് വിധേയനാക്കാൻ പാടില്ല. ചുരുക്കി പറഞ്ഞാൽ മരണം കാത്ത് കിടക്കുന്ന ഒരു കഥാപാത്രം ആണ് അക്ബർ.

🔸അക്ബർ രക്ഷപ്പെടാൻ സാധ്യത വളരെ കുറവാണ്, ആകെ ഉള്ളൊരു പോസിബിലിറ്റി കൊല ചെയ്യപ്പെട്ട പെൺകുട്ടിയുടെ വേണ്ടപ്പെട്ടവർ മാപ്പ് നൽകിയാൽ മാത്രമാണ്, അതിനുള്ള ശ്രമത്തിലാണ് അയാളുടെ ഒരേയൊരു സുഹൃത്ത് എന്ന് പറയാം. ടിയാന്റെ പരിശ്രമങ്ങളും, അതിനിടയിലേക്ക് കടന്ന് വരുന്ന ഒരു പ്രണയവും, ഈ യാത്രയിൽ അയാൾ കാണുന്ന ചില കഥാപാത്രങ്ങളും എല്ലാമാണ് ഈ സിനിമ. പെരുമഴക്കാലം എന്ന മലയാളം സിനിമയുമായി ചെറുതല്ലാത്ത സാമ്യങ്ങൾ ചിലയിടത്ത് തോന്നിക്കുന്നുണ്ട് എങ്കിലും അതൊരു വിഷയമായി മാറുന്നില്ല എന്ന് തന്നെ പറയാം, ഈ കഥയിലെ കഥാപാത്രങ്ങൾ അനുഭവിക്കുന്ന ഡെസ്‌പെറേഷൻ നമ്മളും അനുഭവിക്കുന്നു എന്നിടത്ത് ഈ ചിത്രം ഒരു വിജയമായി മാറുന്നുണ്ട്. കണ്ടിട്ടില്ലാത്തവർ, പ്രത്യേകിച്ചും ഡ്രാമ ജോനറിനോട് താല്പര്യം ഉള്ളവർ കാണാൻ ശ്രമിക്കുക.

Verdict : Very Good

DC Rating : 4/5 

1217. C'mon C'mon (2021)

Director : Mike Mills

Cinematographer : Robbie Ryan

Genre : Drama

Country : USA

Duration : 108 Minutes

🔸ഈ തലമുറയിലെ നടന്മാരിൽ ഏറ്റവും താല്പര്യം ഉള്ള വ്യക്തകളിൽ ഒരാളാണ് ജോവക്വിൻ ഫീനിക്സ്, അത് പ്രതിഭ കൊണ്ടായാലും പ്രകടനം കൊണ്ടായാലും പെരുമാറ്റം കൊണ്ടായാലും എല്ലാം അങ്ങനെ തന്നെ. ഏൽപ്പിച്ച ജോലി വൃത്തിയായി അർഹിക്കുന്ന ഗൗരവത്തോടെ ചെയ്ത് തീർക്കുന്ന അതിനപ്പുറം വലിയ ബഹളമോ കാര്യമോ ഇല്ലാത്ത, ഒരു പൊതുവേദിയിൽ സംസാരിക്കാൻ തന്നെ ബുദ്ധിമുട്ടുന്ന സ്വതേ അന്തർമുഖൻ അയാളെ ഇഷ്ടപ്പെടാതിരിക്കാൻ കാരണങ്ങൾ ഒന്നുമില്ല. മാസ്റ്റർ, ഹെർ എന്നീ ഇഷ്ട സിനിമകൾ തൊട്ട് തന്നെ തോന്നിയ ഒരു താല്പര്യ കൂടുതൽ പിന്നീട് ജോക്കറും കഴിഞ്ഞ് കമോൺ കമോണിൽ എത്തി നിൽക്കുമ്പോൾ വർധനവേ ഉണ്ടായിട്ടുള്ളൂ, ഡീസപ്പോയിന്മെന്റ് ബൊലേവാർഡ് ഈ വർഷത്തെ ഏറ്റവും പ്രതീക്ഷയുള്ള സിനിമകളിൽ ഒന്നായി മാറുന്നതും ഈ ഒരു ഫാക്റ്റർ കൊണ്ട് തന്നെയാണ്.

🔸ഈ ഒരു ഫീനിക്സ് ഫാക്റ്ററിൽ മാത്രം ഒതുങ്ങി നിൽക്കുന്നില്ല എന്നത്താണ് കമോൺ കമോണിന്റെ ഏറ്റവും വലിയ പോസിറ്റിവുകളിൽ ഒന്ന്, വളരെ സ്ട്രോങ്ങ്‌ ആയ സബ്ജക്ട്ടും അതിലും സ്ട്രോങ്ങ്‌ ആയ അവതരണവും എല്ലാം സിനിമയുടെ ഒരുപാട് പ്ലസ് പോയിന്റുകളിൽ ചിലത് മാത്രമാണ്. ജോണി എന്ന റേഡിയോ ജർണലിസ്റ്റ് ആണ് നമ്മുടെ പ്രധാന കഥാപാത്രം, മുന്നേ സൂചിപ്പിച്ചത് പോലെ തന്നെ ഏറെക്കുറെ ഒരു അന്തർമുഖനും ഏകാകിയും ഒക്കെയാണ് ജോണി, ജോലി അല്ലാതെ അയാൾക്ക് ജീവിക്കാൻ മറ്റ് കാരണങ്ങൾ ഉണ്ടെന്ന് തോന്നില്ല പ്രഥമ ദൃഷ്ടിയിൽ, അയാളെ കൂടുതൽ അറിയുമ്പോൾ ബോധ്യമാവും തീർച്ചയായും ഇല്ല എന്ന് തന്നെ. ജോണിക്ക് വിവ് എന്നൊരു സഹോദരി അല്ലാതെ ബന്ധു എന്ന് പറയാൻ വേറാരുമില്ല, ഒരു അനന്തിരവൻ ഒഴിച്ച്.

🔸ചില പ്രത്യേക കാരണങ്ങൾ കൊണ്ട് ജോണിക്ക് അനന്തിരവൻ ജെസ്സിക്ക് ഒപ്പം കുറച്ച് നാളുകൾ ചിലവിടേണ്ടി വരികയാണ്, ഈ ടൈമിൽ ഇവർക്ക് ഇടയിലെ സംഭാഷണങ്ങളും മറ്റും ജോണിയുടെ ലൈഫിലേക്ക് തന്നെ വെളിച്ചം വീശുകയാണ്. പിന്നീടങ്ങോട്ട് ഒരു സെൽഫ് പോർട്രെയിട്ട് അല്ലെങ്കിൽ സെമി ബയോഗ്രഫി പോലെയൊക്കെ ആയി സിനിമ മാറുകയാണ്. നല്ല രീതിയിൽ ബിൽഡ് ചെയ്ത് കൊണ്ടുവന്ന് നല്ലൊരു പേ ഓഫ്‌ കൂടി കൊടുക്കാൻ മറക്കുന്നില്ല ഈ സിനിമ, വളരെ ടച്ചിങ്‌ ആയൊരു എൻഡിങ് തന്നെ ഇവിടുണ്ട്. പ്രതീക്ഷകൾ ആസ്ഥാനത്ത് ആവാതിരിക്കുന്നത് വലിയൊരു കാര്യം തന്നെയാണ്, ഇവിടെ കമോൺ കമോണിൽ അത് സന്തോഷം തരുന്നുമുണ്ട്, വളരെ മികച്ച ഒരു സിനിമ ആയി മാറിക്കൊണ്ട് തന്നെ.

Verdict : Very Good

DC Rating : 4.25/5 

1216. Kothanodi (2015)

Director : Bhaskar Hazarika

Cinematography : Vijay Kutty

Genre : Horror

Country : India

Duration : 120 Minutes

🔸ഭാസ്‌കർ ഹസാരിക എന്ന സംവിധായകന്റെ ആമിസ് എന്ന ചിത്രം വളരെ വൈഡ് ആയി ആഘോഷിക്കപ്പെട്ട ഒരു ശ്രമം തന്നെ ആയിരുന്നു, ആ സിനിമ അത് പൂർണമായും അർഹിച്ചിരുന്നു താനും. എന്നാൽ സംവിധായകന്റെ ആദ്യ ചിത്രം ഇതിനിടയിൽ പോലും എങ്ങനെ ഒട്ടും ചർച്ച ചെയ്യപ്പെടാതെ പോയി എന്നത് അമ്പരപ്പിച്ച ഒരു വസ്തുത തന്നെ ആയിരുന്നു, പ്രത്യേകിച്ചും ആമിസിനെക്കാൾ ഒരുപാട് സുപ്പീരിയർ എന്ന് തോന്നിപ്പിച്ച ഒരു ചിത്രം കൂടിയാണ് കൊത്താനോടി എന്ന വസ്തുത കണക്കിൽ എടുക്കുമ്പോൾ. ആമിസ് കണ്ട് ഡിസ്റ്റർബ്ഡ് ആയ ഒരാളാണ് നിങ്ങൾ എങ്കിൽ ഒട്ടും അതിശയോക്തി ഇല്ലാതെ പറയാം കൊത്താനൊടി എന്ന സിനിമയ്ക്ക് നിങ്ങൾ ഒരിക്കലും പ്രിപ്പേർഡ് ആയിരിക്കില്ല, അത്രയും ഡിസ്റ്റർബിങ് ആണ് ഹോന്റിങ് ആണ് മൂഡ് ഷാറ്ററിംഗ് ആണ് ഈ സിനിമ.

🔸നാല് കഥകളാണ് സിനിമ അവയെ കുറിച്ച് ഒരു ഹിന്റ് പോലും തരാൻ ഉദ്ദേശിക്കുന്നില്ല, ഒരു ഇൻട്രോടക്ഷനും ആവശ്യമില്ല, ഒന്നും അറിയാതെ അന്വേഷിക്കാതെ കാണേണ്ട ഒരു വൈൽഡ് എക്സ്പീരിയൻസ് തന്നെയാണ് ചിത്രം. അസാമീസ് ഫോക്ലോർ ബേയ്സ് ചെയ്തുള്ള നാല് കഥകളിൽ നാല് അമ്മമാരാണ് പ്രധാന കഥാപാത്രങ്ങൾ എന്ന് മാത്രം പറഞ്ഞ് വിടാം, ഈ നാല് കഥകളിൽ വളരെ വ്യത്യസ്തമായ നാല് തീമുകൾ കൂടി കടന്ന് വരുന്നുണ്ട്. ഈ ഫോൾക്ക്ലോർ സെറ്റപ്പിന് നോർത്ത് ഈസ്റ്റ് ഇന്ത്യ എന്ന ബാക്ക്ഗ്രൗണ്ട് സത്യത്തിൽ അപാരമായ ഒരു കോമ്പിനേഷൻ ആണെന്ന് തോന്നി, ഒരു വേറിട്ട ഡാർക്ക് ഫീൽ തന്നെ ഈ ആസ്പക്റ്റ് വഴി ചിത്രം തരുന്നുണ്ട്.

🔸കൊത്താണോടി എന്ന സിനിമ തരുന്ന അനുഭവം കുറച്ച് അധികം നാളുകൾ തന്നെ കാഴ്ചക്കാരന്റെ ഒപ്പം ഉണ്ടാവും, ഉദ്ദേശം രണ്ട് വർഷം മുന്നേ കണ്ട ഷോക്ക് തന്നെയാണ് ഇപ്പോൾ ഇതെഴുതുമ്പോൾ ഉള്ളതും. ഓരോ ഷോക്കിങ് റിവേലേഷനും, ഓരോ സ്കെയറുകളും പ്രതീക്ഷിക്കാത്ത പോയിന്റിലേക്കാണ് നമ്മളെ കൊണ്ടുപോവുക. എല്ലാത്തിനും ഉപരി എല്ലാം കണ്ട് കഴിഞ്ഞെന്ന ചിന്തയിൽ ഇരിക്കവേ, പ്രെഡിക്റ്റബിലിറ്റിയുടെ അവസാന സാധ്യതകളും പൊട്ടിച്ചെറിഞ്ഞ് ഈ സിനിമ നിങ്ങളെ പൂർണമായും നിസ്സഹായമായ ഒരവസ്ഥയിലേക്ക് കൊണ്ട് പോയിരിക്കും. തീർച്ചയായും കണ്ടിരിക്കേണ്ട സിനിമാ അനുഭവങ്ങളിൽ ഒന്നാണ് കൊത്താനോടി, കാണാൻ ശ്രമിക്കുക, പേടിക്കാൻ തയ്യാറാവുക, പിന്നീടങ്ങോട്ട് കുറച്ച് നാളുകൾ സ്വകാര്യ നിമിഷങ്ങളിൽ ഉൾപ്പെടെ ഡിസ്റ്റർബ്ഡ് ആവാൻ പ്രിപ്പേർഡ് ആവുക.

Verdict : Very Good

DC Rating : 4.25/5 

1215. A Hero (2021)

Director : Asghar Farhadi

Cinematographer : Arash Ramezani

Genre : Drama

Country : Iran

Duration : 127 Minutes

🔸അസ്ഘാർ ഫർഹഡിയുടെ സിനിമകളുടെ സ്വത സിദ്ധമായ ലാളിത്യം, മനോഹാരിത എന്നിവയൊക്കെ എ ഹീറോ എന്ന സിനിമയിലും പ്രകടമാണ്. ഒരുപക്ഷെ എ സെപെറേഷൻ എന്ന സിനിമയ്ക്ക് ശേഷം മിസ്സിംഗ്‌ എന്ന് തോന്നിയ ഫർഹാദി ടച്ചും, ഏറ്റവും സംപ്തൃപ്തി തന്ന സംവിധായകന്റെ സിനിമയും ഇത് തന്നെ ആവും. വളരെ ഫ്രസ്റ്റ്റേറ്റിങ് ആയൊരു അനുഭവമാണ് എ ഹീറോ എന്ന ചിത്രം, യാഥാർഥ്യം എന്നത് എന്താണെന്ന് പകൽ പോലെ വ്യക്തമായിരിക്കുന്ന ഒരവസ്ഥയിൽ അതിനെതിരെ ഒരു കൂട്ടം ആളുകൾ മനഃപൂർവം എന്നവണ്ണം കണ്ണടക്കുന്ന പരിപാടി സത്യത്തിൽ എത്രത്തോളം ഇറിട്ടേറ്റിങ് ആണെന്നത് ബോധ്യമായത് സിനിമ കണ്ട് കഴിഞ്ഞ നിമിഷമാണ്, ഒരല്പം ബിട്ടർസ്വീറ്റ് ആയ അവസാനം കൂടി ആവുമ്പോൾ എല്ലാം പൂർണം.

🔸ഇറാനിലെ ഒരു ജയിലിൽ നിന്നുമാണ് സിനിമ ആരംഭിക്കുന്നത്, റഹീം എന്ന നമ്മുടെ നായക കഥാപാത്രം രണ്ട് ദിവസത്തെ പരോളിൽ ഇറങ്ങുകയാണ്. റഹീമിന്റെ പേരിൽ ഉള്ളത് കടം വാങ്ങിയ പൈസ തിരികെ കൊടുത്തില്ല എന്ന ചാർജാണ്, കടം നൽകിയ ബഹ്രാം യാതൊരു വിധ ഒത്തു തീർപ്പുകൾക്കും വഴങ്ങാതെ ജയിൽ ശിക്ഷ ആവശ്യപ്പെടുക ആയിരുന്നത്രെ. എന്ത് തന്നെ ആയാലും ഈ വരവിൽ ആ പ്രശ്നത്തിന് ഒരു പരിഹാരം കണ്ട് ജയിലിലേക്കുള്ള മടങ്ങി പോക്ക് ഒഴിവാക്കാനാണ് റഹീമിന്റെ ശ്രമം. കുറച്ച് നാളുകൾക്ക് ശേഷം സ്വാതന്ത്ര്യം ലഭിച്ചതിന്റെ ഒരാഹ്ലാദം അയാളുടെ കണ്ണുകളിൽ കാണാം. ഈ ഒരു പോയിന്റിൽ സ്വന്തം നാട്ടിലേക്ക് ബന്ധുമിത്രദികൾക്ക് ഇടയിലേക്ക് ഉള്ള അയാളുടെ യാത്ര ആരംഭിക്കുകയാണ്.

🔸എ ഹീറോ എന്ന സിനിമയുടെ ഗതി മാറുന്നത് തന്റെ കടം തീർക്കാൻ ഉള്ളൊരു അവസരം റഹീമിന്റെ മുന്നിലേക്ക് എത്തുമ്പോഴാണ്, ആ അവസരം വിനിയോഗിക്കണമോ അതോ തന്റെ ധാർമികതയ്ക്ക് അനുസരിച്ച് നീങ്ങണമോ എന്ന ചോദ്യം അയാളെ വല്ലാതെ ഉലയ്ക്കുകയാണ്. ഈ ചോദ്യത്തിന് അയാൾ എടുക്കുന്ന തീരുമാനം പിന്നീട് റഹീമിന്റെയും അയാൾക്ക് ചുറ്റും ഉള്ളവരുടെയും ജീവിതം മാറ്റി മറിക്കുകയാണ്. ഈ അടുത്തിടെ കണ്ട ഏറ്റവും മികച്ച സിനിമകളിൽ ഒന്നാണ് എ ഹീറോ. കഥയിൽ അങ്ങേയറ്റം ഇൻവസ്റ്റ് ചെയ്യിപ്പിക്കുന്ന അവതരണവും, കിടിലൻ പ്രകടനങ്ങളും, മൂഡ് ഷാറ്റർ ചെയ്യിക്കുന്ന തോതിലുള്ള സ്റ്റോറിയും. ഫർഹാദിയും, ഇറാനും, ആമിർ ജഢിടിയും എല്ലാം അമ്പരപ്പിച്ച് കൊണ്ടേ ഇരിക്കുകയാണ്.

Verdict : Must Watch

DC Rating : 4.5/5 

1214. Othello (1951)

Director : Orson Welles

Cinematographer : Anchise Brizzi

Genre : Drama

Country : Italy

Duration : 91 Minutes

🔸കളിയാട്ടം പോലുള്ള സിനിമകളിലൂടെ നമ്മൾ മലയാളത്തിൽ വരെ കണ്ട് പരിചയിച്ച ഷേക്സ്പിയറിന്റെ ഡ്രാമ ട്രാജടിയുടെ ബെസ്റ്റ് പ്യുവർ വേർഷൻ എന്നൊക്കെ പറയാവുന്ന സിനിമയാണ് ഓർസൻ വെൽസിന്റെ ഈ ചിത്രം, ഒരുപക്ഷെ അദ്ദേഹത്തിന്റെ മികച്ച സിനിമകളുടെ കൂട്ടത്തിൽ ഏറ്റവും കുറവ് പ്രേക്ഷക ശ്രദ്ധ കരസ്തമാക്കിയ ചിത്രം. മൂന്ന് മണിക്കൂറിന് മുകളിൽ ദൈർഘ്യം ഉള്ളൊരു ഡ്രാമ വെട്ടി ചുരുക്കി ഒന്നര മണിക്കൂർ പരിധിയിൽ ഉള്ളൊരു സിനിമ ആയി മാറ്റുമ്പോൾ സ്വാഭാവികമായും അതൊരു പോരായ്മയായി മാറേണ്ടതാണ്, എന്നാൽ അങ്ങനൊരു പ്രശ്നം അനുഭവപ്പെടാത്ത വിധം കെട്ടുറപ്പുള്ളൊരു പ്രോടക്റ്റ് അവതരിപ്പിക്കാൻ കഴിഞ്ഞു എന്നത് ഒരു നേട്ടം തന്നെയാണ്, കൂടുതൽ ശ്രദ്ധയും പ്രശംസയും ഒക്കെ അർഹിക്കുന്ന ഒരു നേട്ടം.

🔸ഒരു സൈനിക ജനറൽ ആയ ഒതെല്ലോ എന്ന കഥാപാത്രം കാഴ്ചയിൽ കരുത്തനും, പെരുമാറ്റത്തിലും ഇടപഴകലുകളിലും എല്ലാം കൂർമ്മ ബുദ്ധിക്കാരൻ എന്ന തോന്നൽ ഉളവാക്കുന്നവനുമാണ്, കുറഞ്ഞത് അങ്ങനെ ഒരു ഇമ്പ്രഷൻ ആണ് അയാൾ സൃഷ്ടിക്കുന്നതും. എന്നാൽ വൈകാരികമായും മറ്റും എത്രത്തോളം വീക്ക് ആയ ഒരാളാണ് ടിയാൻ എന്നത് സിനിമ പുരോഗമിക്കവേ നമുക്ക് മനസിലാവുന്നുണ്ട്, യാതൊരു ബലപ്രയോഗമോ ഇല്ലാതെ ഒരാളുടെ മാനിപുലേഷനിൽ കളിപ്പാവ ആയി മാറുന്ന ഒതല്ലോ സത്യത്തിൽ സഹതാപം പോലും അർഹിക്കുന്നില്ല എന്ന് വേണമെങ്കിൽ പറയാം. ഈ കഥാപാത്രത്തിന്റെ ഉയർച്ചെയും വീഴ്ചയും എല്ലാം പറഞ്ഞ് കൊണ്ടാണ് സിനിമ കടന്ന് പോവുന്നത്, ഒപ്പം അയാൾക്ക് ചുറ്റുമുള്ള ചില പ്രത്യേക വ്യക്തികളെയും പരിചയപ്പെടുത്തിക്കൊണ്ട്.

🔸ഷേക്സ്പിയർ എന്ന വ്യക്തിയും അയാളുടെ സൃഷ്ട്ടികളും തന്നെ എത്രത്തോളം സ്വാധീനിച്ച ഫാക്റ്ററുകളാണ് എന്ന് ഓർസൻ വെൽസ് പലയിടത്തും പറഞ്ഞിട്ടുണ്ട്, ആ കാരണം കൊണ്ട് തന്നെ ആവാം ഈ സിനിമ യഥാർത്ഥ മെറ്റീറിയലുമായി തട്ടിച്ച് നോക്കാൻ ഓർസൻ ഒരിക്കലും തയാറായിരുന്നില്ല. ഇൻഡി സിനിമാ സംവിധായകർക്കും മറ്റും ഒരു ഉദാഹരണമായി സമീപിക്കാവുന്ന ചിത്രം കൂടിയാണ് ഒതല്ലോ, ബഡ്ജറ്റ് പ്രശ്നവും മറ്റും കാരണം ഓർസൻ ചിത്രത്തിലെ സീനുകൾ ഇമ്പ്രോവൈസ് ചെയ്ത രീതി എടുത്ത് പറയേണ്ടതാണ്. വർഷങ്ങൾ പെട്ടിയിൽ ഇരുന്ന ശേഷം പുറത്തിറങ്ങിയത് കൊണ്ട് കൂടിയാവണം കാര്യമായ ചലനം ഈ സിനിമയ്ക്ക് ഒരിക്കലും സൃഷ്ടിക്കാൻ കഴിഞ്ഞില്ല, ഇതൊന്നും തന്നെ ഒതല്ലോയെ ഒരു മോശം സിനിമ ആക്കി മാറ്റുന്നുമില്ല. അവതരണ രീതി, മനോഹരമായ ഷോട്ടുകൾ, ആകെ മൊത്തം നിൽക്കുന്നൊരു ഹൊറർ മൂഡ് തുടങ്ങി ഒരുപാട് കാരണങ്ങളാൽ സ്പെഷ്യൽ ആയി മാറുന്നുണ്ട് ഈ ചിത്രം.

Verdict : Very Good

DC Rating : 4/5 

1213. The Tragedy Of Macbeth (2021)

Director : Joel Coen

Cinematographer : Bruno Delbonnel

Genre : Drama

Country : USA

Duration : 106 Minutes

🔸ഷേക്സ്പിയറിന്റെ മാക്ബെത്തിന് ഇതിനോടകം തന്നെ ഒരുപാട് സിനിമാറ്റിക്, തിയേറ്ററിക്കൽ ആടാപ്റ്റേഷൻസ് ലഭിച്ച് കഴിഞ്ഞിട്ടുണ്ട്. സ്റ്റ്യുവർട്ട് ബ്ളാക്ക്ടണിന്റെ സയലന്റ് വേർഷനിൽ തുടങ്ങി ഇങ് മലയാളത്തിൽ വരെ എത്തി നിൽക്കുന്ന ഒരുപാട് പശ്ചാത്തലങ്ങളിൽ കൂടിയൊക്കെ കടന്ന് വന്ന ഒന്നാണ് മാക്ബെത്തിന്റെ കഥ. ഓർസൻ വെൽസ്, അകിര കുറോസാവ എന്നീ സംവിധായകർ കൈ വെക്കുകയും മനോഹരമായ ഔട്ട്പുട്ടുകൾ സമ്മാനിക്കുകയും ചെയ്ത ഈ കഥയിൽ ഒരാവർത്തി കൂടി കൈ വെച്ചിരിക്കുകയാണ് ജോയൽ കൊയൻ. ഒട്ടും മോശമായില്ല എന്ന് മാത്രമല്ല പോയ വർഷത്തെ മികച്ച ചിത്രങ്ങളിൽ ഒന്നായി മാറുന്നു കൂടിയുണ്ട് ദി ട്രാജടി ഓഫ് മാക്ബത്ത് എന്നത് എടുത്ത് പറയേണ്ട കാര്യമാണ്.

🔸കിങ് ഡങ്കന്റെ വിശ്വസ്ഥരാണ് സൈനിക വിഭാഗ തലവന്മാരായ മാക്ബെത്തും ബാങ്ക്യുവോയും, താരാമത്യങ്ങൾ ഇല്ലാത്ത പോരാട്ട വീര്യത്തിനും നേതൃപാടവത്തിനും ഉടമകൾ. രാജാവിന്റെ അടുത്ത ബന്ധു കൂടിയായ മാക്ബെത്ത് എന്നും നിഴൽ പോലെ അയാളുടെ കൂടെ ഉണ്ടായിരുന്നു, തനിക്ക് ലഭിച്ച അംഗീകാരങ്ങളിലും അധികാര പദവികളിലും വലിയ താല്പര്യമോ മേനിപറച്ചിലോ കാണിക്കാതെ, കുറഞ്ഞത് പുറമെ എങ്കിലും. എന്നാൽ മാക്ബെത്ത് എന്ന വ്യക്തിയുടെ ഉള്ള് എത്രത്തോളം കലങ്ങി മറിഞ്ഞതാണ് എന്നത് അധികമാരും അറിയാതെ പോയ ഒരു വസ്തുതയാണ്. ഗർവും, അധികാര മോഹവും, ആത്മ രോഷവും എല്ലാം കൂടി ഒരു സ്ഫോടനം ഏത് നിമിഷവും ഉണ്ടാവാം എന്നൊരു അവസ്ഥയിൽ ആയിരുന്നു അയാൾ.

🔸ഈ ഒരു പൊട്ടി തെറിയുടെ കാരണം മാത്രമായിരുന്നു യുദ്ധവസാനം ഉള്ള മടങ്ങിവരവിൽ അയാൾ കണ്ട് മുട്ടുന്ന മൂന്ന് ആത്മാക്കൾ. അവരിൽ നിന്നും അയാൾ സ്വന്തം ഭാവിയെ പറ്റി കേൾക്കുന്ന പ്രവചനങ്ങൾ കഥയുടെ കോർസിനെ ഒന്നാകെ ഗതി മാറ്റി വിടുകയാണ്, പിന്നീടുള്ള യാത്രയിൽ ഒരു കാറ്റലിസ്റ്റ് ആയി മാറുന്നുണ്ട് ലേഡി മാക്ബെത്ത് എന്ന ടൈറ്റിൽ കഥാപാത്രത്തിന്റെ ഭാര്യയും. മികച്ച സംവിധായകൻ, അപാരമായ കഥ, ഈ ജെനറേഷനിലെ ഏറ്റവും മികച്ചവർ എന്നൊക്കെയുള്ള വിശേഷണങ്ങൾ അർഹിക്കുന്ന രണ്ട് നടീ നടൻമാർ എന്നിവർ ഒന്നിക്കുമ്പോൾ സ്വാഭാവികമായും പ്രതീക്ഷിക്കുന്ന എൻഡ് റിസൾട്ട് തന്നെയാണ് ഈ സിനിമയുടേതും, കഴിഞ്ഞ വർഷത്തെ ഏറ്റവും മികച്ച സിനിമകളിൽ ഒന്ന്, അവാർഡ് സീസൺ ഒരുപാട് ആഘോഷിക്കാൻ പോവുന്ന സിനിമകളിൽ ഒന്ന്.

Verdict : Very Good

DC Rating : 4.25/5 

1212. Pyaasa (1957)

Director : Guru Dutt

Cinematographer : V K Murthy

Genre : Drama

Country : India

Duration : 146 Minutes

🔸പയാസ എന്ന സിനിമ ഗുരു ദത് എന്ന സംവിധായകന്റെ ഏറ്റവും മികച്ച വർക്ക് ആണ്, ഇന്ത്യൻ സിനിമാ ചരിത്രത്തിലെ തന്നെ നാഴിക കല്ല് എന്നൊക്കെ വിശേഷിപ്പിക്കാവുന്ന അത്രയും സ്വാധീനവും ചലനവും സൃഷ്ട്ടിച്ച ഒരു അന്യായ സിനിമ, യാതൊരു സംശയവും കൂടാതെ പറയാൻ കഴിയുന്ന രണ്ട് അഭിപ്രായങ്ങളാണ് മുകളിലത്തേത്. അമ്പതുകളിൽ മാറ്റത്തിലേക്ക് കടന്ന ഹിന്ദി സിനിമാ വ്യവസായത്തെ തന്നെ ഈ സിനിമയുമായി ചേർത്ത് വായിക്കാം എന്നത് വളരെ കൗതുകകരമായ ഒരു കാര്യമാണ്. അതായത് ഈ സിനിമയിലെ നായക കഥാപാത്രം ഒരു കവി ആണ്, എന്നാൽ പൊതുവെ പ്രശംസ ലഭിക്കാറുള്ള അല്ലെങ്കിൽ ആരാധകർ ഉള്ള ആ കാലത്തെ മറ്റേതൊരു കവിയും കൈ വെക്കുന്ന പൗരാണിക കഥകളോ അല്ലെങ്കിൽ റോമാൻസോ ഒന്നുമല്ല അയാളുടെ വിഷയം. വിജയ് എന്ന നമ്മുടെ പ്രധാന കഥാപാത്രം തന്റെ കവിതകളിൽ വിഷയമാക്കിയത് തൊഴിലില്ലായ്മയും ദാരിദ്ര്യവും ഒക്കെ ആയിരുന്നു.

🔸ഈ ഒരു കാരണം കൊണ്ട് തന്നെ അയാളുടെ കവിതകളെ പ്രസാധകർ എടുത്ത് ചാവറ്റുകുട്ടയിൽ എറിഞ്ഞതാണ്, എല്ലായ്പോഴും. പൗരാണികഥയിലും, റൊമാന്റിക് അപ്പർ ലൈഫ് സിനിമകളിലും അഭിരമിച്ചിരുന്ന ആ കാലഘട്ടത്തിലെ ഹിന്ദി സിനിമാ വ്യവസായത്തെ ഇവിടെ വേണമെങ്കിൽ ചേർത്ത് വായിക്കാവുന്നതാണ്. ഇങ്ങനെ എല്ലാ തരത്തിലും പരാജയമായി മാറി എന്ന് വിശ്വസിക്കപ്പെടുന്ന വിജയ് എന്ന കഥാപാത്രത്തിന്റെ തുടർന്നുള്ള ജീവിതവും, അയാളുടെ ജീവിതത്തിലേക്ക് കടന്ന് വരുന്ന ഗുലബോ എന്ന യുവതിയും, മറ്റ് ചില ഇൻട്രസ്‌റ്റിങ് കഥാപാത്രങ്ങളും എല്ലാം കൂടി ചേരുമ്പോൾ സിനിമ പൂർത്തിയാവുകയാണ്. പ്രധാന കഥാപാത്രത്തിന്റെ ജീവിതത്തിലെ കോൺഫ്ളിക്ട്ടുകൾക്ക് പുറമെ പല പല സോഷ്യൽ അല്ലെങ്കിൽ പൊളിറ്റിക്കൽ വിഷയങ്ങളുടെ കോൺഫ്ളിക്റ്റുകളും സിനിമ പവർഫുൾ ആയ തോതിൽ അവതരിപ്പിച്ചിട്ടുണ്ട് എന്നത് എടുത്ത് പറയണം.

🔸ഛായാഗ്രാഹണം എന്നത് ഒരത്ഭുതം ആയി തോന്നിച്ച അപൂർവം സിനിമകളിൽ ഒന്ന് കൂടിയാണ് പ്യാസ, പ്രത്യേകിച്ചും ക്ലൈമാക്സിനോട് അടുക്കുമ്പോൾ ഉണ്ടായ തിയേറ്റർ ഷോട്ട് ഉൾപ്പെടെ ഉള്ളവർ കാലത്തിന് അതീതം എന്നൊക്കെയുള്ള വിശേഷണം അർഹിക്കുന്നുണ്ട്. എല്ലാ മികച്ച സംവിധായകർക്കും ഒരു മാസ്റ്റർപീസ് ഉണ്ടെന്ന പഴയ വാക്യം കടം എടുക്കുക ആണെങ്കിൽ അകാലത്തിൽ വിട പറഞ്ഞ ഗുരു ദത്തിന് അത് ഈ മനോഹര സിനിമയാണ്. അഭിനയം, അവതരണം, കഥ തുടങ്ങി സകല ഡിപ്പാർട്ട് മെന്റുകളും പെർഫെക്ട് ആവുന്ന റെയർ അവസരങ്ങളിൽ ഒന്ന്, ടൈംലസ് ക്ലാസിക്ക് എന്നൊക്കെയുള്ള വിശേഷണം അർഹിക്കുന്ന അപാരമായ ഒരു സിനിമ.

Verdict : Must Watch

DC Rating : 5/5 

1211. Kaagaz Ke Phool (1959)

Director : Guru Datt

Cinematography : V K Murthy

Genre : Drama

Country : India

Duration : 148 Minutes

🔸ഒരുപാട് ചോദ്യങ്ങൾ അവശേഷിപ്പിച്ച് കടന്ന് പോയ ഒരു സിനിമയാണ് കാഗസ് കെ ഫൂൽ, ഐറണി എന്ന വിശേഷണം പോലും മതിയാവാതെ പോവുന്ന അപൂർവം സന്ദർഭങ്ങളിൽ ചിലത് ഈ സിനിമയും അതിനോടൊപ്പം ചേർത്ത് വായിക്കേണ്ട റിയൽ ലൈഫ് സംഭവങ്ങളാണ്. ഒരുവേള ഈ സിനിമയും റിയൽ ലൈഫ് ഇൻസിടെന്റുകളും ഒരു വലിയ സിനിമയുടെ രണ്ട് ഭാഗങ്ങൾ ആയും നമ്മളെ തന്നെ ഓടിയെൻസും ആയി കാണേണ്ട ഒരു വിഷ്വൽ എക്സ്പീരിയൻസ് കൂടി ആയി മാറുന്നുണ്ട് ചിത്രം. ഏത് രീതിയിൽ നോക്കിയാലും അത്യാവശ്യം ഗ്രിം, ട്രാജിക് ആയ ഒരു അനുഭവമാണ് പ്രസ്തുത സിനിമ എന്നാൽ അതിനപ്പുറം ഒരുപക്ഷെ നമ്മുടെ രാജ്യത്ത് ഇറങ്ങിയതിൽ ഏറ്റവും മികച്ച സിനിമകളിൽ ഒന്ന് കൂടിയാണ് കാഗസ് കെ ഫൂൽ, സ്റ്റോറി വൈസ് ആയാലും ടെക്ക്നിക്കലി ആയാലും അതിൽ വലിയ തർക്കത്തിന് സ്കോപ്പ് ഉണ്ടെന്ന് തോന്നുന്നില്ല.

🔸പിൽക്കാലത്ത് ഹിന്ദിയിൽ തന്നെയും, ഹോളിവുഡിലും എല്ലാം കണ്ട് പരിചയിച്ച ചില സിനിമകളുടെ ഒരു പ്ലോട്ട് ലൈൻ സാമ്യത ഇവിടെ കാണാൻ കഴിയും. സുരേഷ് സിൻഹ എന്ന നമ്മുടെ നായക കഥാപാത്രം ഒരു വാഷ്ഡ് അപ്പ് മുൻകാല സംവിധായകനാണ്, പണ്ട് ആൾ ഒരു ബഹുമാനിക്കപ്പെട്ട വ്യക്തിത്വം ആയിരുന്നു എങ്കിലും ഇന്ന് സ്ഥിതി ഗതികൾ അത്ര ശോഭനമല്ല. വ്യക്തി ജീവിതത്തിലും സിനിമാ ജീവിതത്തിലും ടിയാൻ ഒരു വൻ പരാജയം ആയി മാറിയിട്ടുണ്ട്. ഭാര്യയുമായി പിരിഞ്ഞ സിൻഹയ്ക്ക് മകളുമായി അത്ര നല്ല ബന്ധം അല്ല താനും, പോരെങ്കിൽ വിജയം എന്ന് പറയാൻ മാത്രം ഒരു നേട്ടം അയാൾക്ക് ഔദ്യോഗിക ജീവിതത്തിലും കുറച്ച് നാളുകളായി ഇല്ല. ഇങ്ങനെ ഒരു ഡാർക്ക് ഫെയ്സിലൂടെ സിൻഹ കടന്ന് പോവുമ്പോഴാണ് അയാളിലേക്ക് ശാന്തി എന്ന യുവതി കടന്ന് വരുന്നത്.

🔸ബേസിക്കലി ഒരു റൊമാന്റിക് ജോണറിൽ പെട്ട സിനിമ ആണെങ്കിലും വളരെ ഹാർഡ് ഹിറ്റിങ് ആയ എപ്രോച് ആണ് സിനിമയുടേത്. ബോക്സ് ഓഫീസിൽ വൻ പരാജയം നേരിടേണ്ടി വന്ന ചിത്രത്തിന് ശേഷം സംവിധായകൻ പിന്നീട് ഒരു സിനിമ പോലും ചെയ്യുക ഉണ്ടായില്ല. അദ്ദേഹത്തിന്റെ തന്നെ വ്യക്തി ജീവിതം പിന്നീട് കടന്ന് പോയ വഴികൾ അമ്പരപ്പിക്കും വിധം ഈ സിനിമയുമായി സാമ്യം പുലർത്തിയതുമാണ്. അത്യാവശ്യം ട്രാജിക് ആയ അനുഭവമാണ് സിനിമ, അതിനോടൊപ്പം തന്നെ ഡിസ്റ്റർബിങ് ആയ ഒരു ഹാങ്ങോവർ നൽകാൻ ഇതിന് കഴിഞ്ഞേക്കും. സംവിധായകന്റെ പ്യാസ എന്ന സിനിമ തന്നത് പോലെ മികച്ച ഒരു ഫീൽ തന്നില്ല എങ്കിലും കാഗസ് കെ ഫൂൽ കൂടുതൽ കാഴ്ചക്കാരെ ആവശ്യപ്പെടുന്നുണ്ട് എന്നതിൽ എത്തിരഭിപ്രായം ഇല്ല, തീർച്ചയായും ഒരു മികച്ച സിനിമ തന്നെ.

Verdict : Very Good

DC Rating : 4.25/5