977. Call (2020)

Director : Chung-Hyun Lee

Genre : Thriller

Rating : 7.2/10

Country : South Korea

Duration : 112 Minutes

🔸രണ്ട് വ്യത്യസ്ത കാലങ്ങളിൽ ഉള്ള രണ്ട് കഥാപാത്രങ്ങൾക്ക് അപ്രതീക്ഷിതമായി ഒരു കണക്റ്റിങ് ഡിവൈസിന്റെ സഹായത്തോടെ ഇടപഴകാൻ സാധിക്കുന്നതും അതിനെ തുടർന്ന് അരങ്ങേറുന്ന സംഭവങ്ങളും എല്ലാം പ്രമേയമാക്കി ഒരു സീരീസ് തന്നെ വന്നിട്ടുണ്ട്, സിഗ്നൽ എന്ന അത്യാവശ്യം കിടിലൻ ആയ ഒരു സീരീസ്. സിഗ്നൽ കണ്ട് ത്രിൽ അടിച്ചതും കൺസെപ്റ്റിന്റെ അവതരണവും പൊട്ടൻഷ്യലും എല്ലാം കണ്ട് ആവേശം കൊണ്ടതും ഇന്നും നന്നായി ഓർക്കുന്നുണ്ട്. കോൾ എന്ന സിനിമയുടെ കഥയും ഈ ഒരു ത്രെഡിന്റെ അഡാപ്റ്റേഷനാണ്, ഇവിടെ സിഗ്നലിന്റെ കാര്യം കൊണ്ടുവന്നതും വെറുതെയല്ല, ആ ത്രെഡിന്റെ അവതരണം പെർഫെക്റ്റ് ആയി കാണിച്ച ഒരു ഉദാഹരണം ആവാൻ വേണ്ടിയാണ്.

🔸തന്റെ അമ്മയ്ക്ക് കാൻസർ ബാധിച്ചത് കാരണം ജന്മനാട്ടിലേക്ക് മടങ്ങി എത്തുകയാണ് നായികാ കഥാപാത്രം, താൻ ചെറുപ്പകാലത്ത് താമസിച്ചിരുന്ന വീട്ടിലേക്ക് ആണ് അവളുടെ മടങ്ങിവരവ്. നായികാ കഥാപാത്രത്തിന്റെ അച്ഛൻ മുൻപൊരു അപകടത്തിൽ മരണപ്പെട്ടതാണ്, ആ ഒരു അപകടത്തിൽ അവൾക്കും സാരമായ പരിക്ക് പറ്റിയിരുന്നു. അമ്മയുമായി കുറച്ച് നാളുകളായി അത്ര അടുപ്പത്തിൽ അല്ലായിരുന്ന നായികാ കഥാപാത്രത്തിന് ഒരു തരത്തിൽ പറഞ്ഞാൽ റിലീഫ് കൂടിയാണ് ഈ മടങ്ങിവരവ് എന്ന് പറയാം.

🔸അങ്ങനെ മടങ്ങി എത്തിയ നായികയെ തേടി അവിചാരിതമായി ഒരു കോൾ വരികയാണ്, ആരാണ് എന്നതോ എവിടുന്ന് ആണ് എന്നതോ അല്ല മറിച്ച് ആ കോളിന്റെ അങ്ങേത്തലക്കൽ ഉള്ള ആൾ പറയുന്ന കാര്യങ്ങളാണ് വിഷയം. എന്തോ ഒരു അപകടത്തിൽ ആണ് മറുവശത്തുള്ള വ്യക്തി എന്നത് തീർച്ച, കാരണം ഒരു തരം സഹായാഭ്യർത്ഥന ആണ് കോളിന്റെ ഉദ്ദേശം. നമ്മുടെ നായികാ കഥാപാത്രം ആദ്യത്തേത് കേവലമൊരു തമാശയായി മാത്രം കണ്ട് ഒഴിവാക്കിയെങ്കിലും ഈ സംഭവങ്ങൾ തുടർന്ന് ആവർത്തിക്കുമ്പോൾ അവളുടെ ശ്രദ്ധ പിടിച്ച് പറ്റുന്ന ചില കാര്യങ്ങൾ കൂടി ഉണ്ടാവുകയാണ്.

🔸ഈ ശ്രദ്ധ പിടിച്ച് പറ്റുന്ന കാര്യങ്ങളിൽ ഒന്നാണ്, ഈ കോൾ വരുന്നത് താനിപ്പോൾ നിൽക്കുന്ന അതെ സ്ഥലത്ത് നിന്നും പത്ത് വർഷങ്ങൾക്ക് മുൻപേ വരുന്നതാണ് എന്ന നായികയുടെ തിരിച്ചറിവ്. അതായത് ഭൂത കാലത്ത് നിന്നും വർത്തമാന കാലത്തേക്ക് ഒരു കോൾ, എന്നാൽ കഥയിലെ വൈചിത്ര്യങ്ങൾ അവസാനിക്കുന്നില്ല, ആരംഭിക്കുന്നെ ഉള്ളൂ. ആദ്യമേ സൂചിപ്പിച്ചത് പോലെ ത്രെഡിൽ വലിയ പുതുമ തോന്നിയില്ല എങ്കിലും പിടിച്ചിരുത്തുന്നുണ്ട് ചിത്രം. മോശം പറയാനില്ലാത്ത പ്രകടനവും, ഇടയ്ക്കിടെ കഥാഗതിയിൽ വരുന്ന ട്വിസ്റ്റുകളും മറ്റുമൊക്കെ ചേരുമ്പോൾ ബേധപ്പെട്ട ഒരനുഭവമായി മാറുന്നുണ്ട് കോൾ എന്ന കൊറിയൻ ചിത്രം. മികച്ചത് എന്ന അഭിപ്രായം ഇല്ലെങ്കിലും കണ്ട് നോക്കാവുന്നതാണ്, ചിത്രം നെറ്റ്ഫ്ലിക്സിൽ ലഭ്യമാണ്.

Verdict : Watchable

DC Rating : 3/5 

976. Run (2020)

Director : Aneesh Chaganty

Genre : Thriller

Rating : 6.7/10

Country : USA

Duration : 89 Minutes

🔸സാറ പോൾസൺ എന്ന നടി ഒരല്പം മെന്റലി അൺസ്റ്റേബിൾ ആയ ഒരു കഥാപാത്രത്തെ അവതരിപ്പിക്കുന്നത് ഇത് ആദ്യമായി അല്ല, ഈ വർഷം മുന്നേ പുറത്തിറങ്ങിയ റേച്ചഡ് വരെയുള്ള സീരീസുകളിൽ അവർ ഇത്തരത്തിലുള്ള കഥാപാത്രങ്ങളെ അവതരിപ്പിച്ചിട്ടുണ്ട്, കഴിഞ്ഞ വർഷത്തെ ശ്യാമളാൻ ത്രിലോഗിയിലെ അവസാന ചിത്രമായ ഗ്ലാസ് മറ്റൊരു നല്ല ഉദാഹരണം. ഈ സംരംഭങ്ങളിൽ നിന്നെല്ലാം വ്യത്യസ്തമായി എന്തെങ്കിലും തരാൻ കഴിയുമോ എന്നായിരുന്നു റൺ എന്ന ചിത്രം കാണാനിരുന്നപ്പോൾ തോന്നിയ കാര്യം, അല്ലെങ്കിൽ ചോദ്യം. ഒരു ഇൻഡി ലോ ബഡ്ജറ്റ് ത്രില്ലർ എന്ന നിലയ്ക്ക് ഓക്കേ ആണ് ഈ ചിത്രം, കണ്ടിരിക്കാനുള്ള വക ഉണ്ട്.

🔸ഇന്ത്യൻ വംശജനായ സംവിധായകൻ അനീഷ് ചാഗ്നറ്റിക്ക് ഒരു പരിചയപ്പെടുത്തലിന്റെ ആവശ്യം ഉണ്ടെന്ന് തോന്നുന്നില്ല, ഒന്ന് രണ്ട് വർഷങ്ങൾക്ക് മുന്നേ പുറത്തിറങ്ങിയ അദ്ദേഹത്തിന്റെ സെർച്ചിങ് എന്ന ചിത്രം ഇന്ത്യൻ വ്യൂവേഴ്‌സിന് ഇടയിൽ ഉൾപ്പെടെ സ്ലീപ്പർ ഹിറ്റായി മാറിയ ഒരു ചിത്രമായിരുന്നു, കേവലം മൊബൈൽ ലാപ്ടോപ്പ് സ്‌ക്രീനുകളുടെ അകമ്പടിയോടെ കഥ പറഞ്ഞ് ത്രിൽ അടിപ്പിച്ച സംവിധായകന്റെ അടുത്ത ശ്രമത്തിൽ സ്വാഭാവികമായും പ്രതീക്ഷ വെക്കുന്നതിനെ തെറ്റ് പറയാനാവില്ല.

🔸അരയ്ക്ക് കീഴ്പോട്ട് തളർന്ന് കിടക്കുന്ന ഒരാളാണ് നമ്മുടെ നായികാ കഥാപാത്രം, കുറച്ച് പൊസസീവ് ആയ ഒരു കഥാപാത്രമാണ് നമ്മുടെ നായികയുടെ അമ്മ കഥാപാത്രം, കുറച്ച് എന്നത് ഒരല്പം അതിശയോക്തിയോടെ കണ്ടാലും പ്രശ്നമില്ല. പുറം ലോകവുമായി യാതൊരു ബന്ധവും ഇല്ലാത്ത രീതിയിലാണ് നമ്മുടെ നായികയെ അവളുടെ അമ്മ ഇത്രയും കാലം വളർത്തിയത്, നാല് ചുവരുകൾക്കുള്ളിൽ തടവ് പുള്ളി എന്ന് പറഞ്ഞാലും കുറയില്ല. ഒരുനാൾ ഈ നായികാ കഥാപാത്രത്തിന്റെ മനസ്സിൽ സംശയത്തിന്റെ ചെറുനാമ്പ് ഉണ്ടാവുന്നിടത്ത് നിന്നും കഥ ട്രാക്ക് മാറ്റി പിടിക്കുകയാണ്.

🔸ഈ സംശയങ്ങൾക്ക് പിറകെ വെച്ച് പിടിക്കുന്ന അവൾ കണ്ടെത്തുന്ന കാര്യങ്ങളും ട്വിസ്റ്റും ടെർണും ഒക്കെയായി അത്യാവശ്യം ത്രിൽ അടിപ്പിച്ച് തന്നെ കഥ മുന്നോട്ട് പോവുന്നുണ്ട്. ഒരു ഫാമിലി ജോണർ ആയി ആരംഭിച്ച് പിന്നെ നടത്തുന്ന ട്രാന്സിഷൻ ഒക്കെ നല്ല അനുഭവം തന്നെയായിരുന്നു. ആകെ ഒന്നര മണിക്കൂറിൽ താഴെ മാത്രം ദൈർഘ്യം ഉള്ള ചിത്രം ഒറ്റ സ്ട്രെച്ചിൽ ഫ്രീ മൈൻഡ് ആയി കണ്ട് വിടാവുന്നതാണ്, ഒരു ചെറിയ നല്ല ത്രില്ലർ, അപ്പോൾ കണ്ട് നോക്കുക.

Verdict : Good

DC Rating : 3.5/5 

975. Citizen Kane (1941)

Director : Orson Welles

Genre : Drama

Rating : 8.3/10

Country : USA

Duration : 119 Minutes

🔸ഞാൻ ഇന്നുവരെ കണ്ട എക്കാലത്തെയും ഏറ്റവും മികച്ച സിനിമ ഏതെന്ന് ആരെങ്കിലും ചോദിക്കുക ആണെങ്കിൽ അതിൽ ആദ്യം പറയാൻ പോവുന്ന പേരുകളിൽ ഒന്ന് സിറ്റിസൺ കെയ്ൻ എന്നായിരിക്കും, ഒറ്റ ഒന്നിൽ ഒതുക്കുക എന്നതൊക്കെ സ്വാഭാവികമായും ബുദ്ധിമുട്ട് ആയത് കൊണ്ട് തന്നെ. പല രീതിയിലും നോക്കുമ്പോൾ ഒരത്ഭുതം തന്നെയാണ് സിറ്റിസൺ കെയ്ൻ, ഈ ചിത്രം ഒർസൺ വെൽസ് എന്ന വ്യക്തിയുടെ കരിയറിലെ ആദ്യ സംവിധാന സംരംഭമാണ് എന്നത് ഈ വസ്തുത കൂടുതൽ ഊട്ടി ഉറപ്പിക്കുന്നെ ഉള്ളൂ. ഒരു മികച്ച സംവിധായകന് പോലും തന്റെ കരിയറിൽ ഒരൊറ്റ തവണ എത്തിപ്പിടിക്കാവുന്ന റെയർ ഫീറ്റാണ് ഈ ചിത്രം, മാസ്റ്റർപീസ് എന്നൊക്കെയുള്ള വിശേഷണം ഇവിടെ അന്വർത്ഥം.

🔸ചാൾസ് ഫോസ്റ്റർ കെയ്ൻ എന്ന വ്യക്തി തന്റെ മരണക്കിടക്കയിൽ കിടക്കുന്ന രംഗം കാണിച്ച് കൊണ്ടാണ് സിനിമ ആരംഭിക്കുന്നത്, അദ്ദേഹത്തിന്റെ അടുത്ത് ആരും തന്നെയില്ല. താമസിയാതെ തന്നെ മരണത്തിന് കീഴ്നടങ്ങുന്ന ടിയാൻ അവസാനമായി 'റോസ്ബഡ്' എന്ന വാക്ക് മാത്രം ഉച്ചരിക്കുന്നുണ്ട്, അതിനോടൊപ്പം മറ്റൊന്നും തന്നെ പറഞ്ഞിട്ടുമില്ല, പറയാൻ ശ്രമിച്ചിട്ടുമില്ല. റോസ്ബഡ് എന്നാൽ എന്താണെന്ന് അദ്ദേഹത്തെ ഏറ്റവും അടുത്ത് അറിയുന്നവർക്കോ പരിചാരകർക്കോ പോലും പിടിയില്ല, എന്താണ് അദ്ദേഹം ഉദ്ദേശിച്ചത് എന്നതിനെപ്പറ്റി ഒരു സൂചന പോലും ലഭിക്കുന്നുമില്ല.

🔸പിന്നീട ഒരു വ്യക്തി ഇതിനെല്ലാം പിറകിലെ ഉത്തരം അന്വേഷിച്ച് കണ്ട് പിടിക്കാനായി വരുന്നതും, അയാളുടെ കണ്ടെത്തലുകളും എല്ലാമായി കഥ പുരോഗമിക്കുന്നുണ്ട്. ഈ മിസ്റ്ററിയെ സംബന്ധിച്ച് ഉള്ള ഉത്തരം കെയ്‌നിന്റെ ഭൂത കാലത്ത് ആണെന്ന് ഉള്ള തിരിച്ചറിവിൽ അവിടേക്ക് ശ്രദ്ധ മാറ്റുന്ന അന്വേഷകനോടൊപ്പം പ്രേക്ഷകരും സഞ്ചരിക്കുകയാണ്, ചാൾസ് ഫോസ്റ്റർ കെയ്‌നിന്റെ ഭൂതകാലത്തിലേക്ക്, അയാളെ കൂടുതൽ അറിയാനായി. പണം കൊണ്ടും പദവി കൊണ്ടും പവർ കൊണ്ടും ഉന്നതനാണ് നമ്മുടെ കേന്ദ്ര കഥാപാത്രം, അല്ലെങ്കിൽ ആയിരുന്നു.

🔸തന്റെ ചെറുപ്പത്തിൽ കെയ്നിന് നേരിടേണ്ടി വന്ന ദുരനുഭവങ്ങൾ തൊട്ട് അധികാര മോഹം അസ്ഥിക്ക് പിടിച്ച കാലത്ത് ഗവർണർ പദവി കിട്ടാനായി അയാൾ കാണിച്ച് കൂട്ടിയ കാര്യങ്ങളിലേക്ക് വരെ കടന്ന് ചെല്ലുന്നുണ്ട് ഈ ചിത്രം. തീർച്ചയായും ഒരു ക്യാരക്റ്റർ സ്റ്റഡി എന്ന നിലയിൽ മാത്രം നോക്കുക ആണെങ്കിൽ പോലും എപിക് സ്റ്റാറ്റസ് അര്ഹതപ്പെടുന്ന ചിത്രം. പറഞ്ഞ് ഒതുക്കാൻ പറ്റുന്നതിനേക്കാൾ കാര്യങ്ങളുണ്ട് ഈ ചിത്രത്തിൽ, അവ എല്ലാം ചെന്നവസാനിക്കുന്നത് പോസിറ്റിവ് ആയ അഭിപ്രായങ്ങളിൽ ആയിരിക്കും, അപ്പോൾ കൂടുതൽ ചിന്തിക്കേണ്ട ജസ്റ്റ് കണ്ടേക്കു.

Verdict : Must Watch

DC Rating : 5/5 

974. Bad Education (2019)

Director : Cory Finley

Genre : Drama

Rating : 7.1/10

Country : USA

Duration : 108 Minutes

🔸ഒരു ഹൈ സ്‌കൂളിന്റെ പശ്ചാത്തലത്തിൽ ഉള്ള അഴിമതി ആധാരമായുള്ള കഥ അധികം കണ്ട തീം അല്ല, പോരാതെ പ്രധാന കഥാപാത്രമായി എത്തുന്ന ഹ്യുഗ് ജാക്ക്മാൻ, പൊതുവെ മികച്ച പ്രതികരണങ്ങൾ നിരൂപകരിൽ നിന്നും പ്രേക്ഷകനിൽ നിന്നും എല്ലാം കരസ്ഥമാക്കിയ ചരിത്രം കൊണ്ടുമൊക്കെയാണ് ബാഡ് എഡ്യൂക്കേഷൻ എന്ന ചിത്രം കാണാൻ ഇടയായത്. ഒരു സ്‌കാം ബേസ് ചെയ്തുള്ള ഡ്രാമയ്ക്ക് ആവശ്യമായ ഘടകങ്ങൾ എല്ലാം നല്ല രീതിയിൽ തന്നെ കഥയിലേക്കും അവതരണത്തിലേക്കും എല്ലാം കൊണ്ടുവരാൻ സംവിധായകന് കഴിഞ്ഞിട്ടുണ്ട്, നല്ല കാര്യം.

🔸ലോങ്ങ് അയലണ്ടിലെ റോസ്ലിൻ ഹൈസ്‌കൂൾ ആണ് നമ്മുടെ കഥാ പശ്ചാത്തലം, വലിയ പാരമ്പര്യമോ ഫിനാൻഷ്യൽ ബാക്കിങ്ങോ ഒന്നും തന്നെ ഇല്ലാത്ത പ്രസ്തുത സ്‌കൂൾ കഴിഞ്ഞ കുറച്ച് നാളുകളായി വാർത്തയിൽ നിറഞ്ഞ് നിൽക്കുകയാണ്. സ്‌കൂളിന്റെ റിസൾട്ടുകളും, വിദ്യാർത്ഥികൾക്ക് ലഭിക്കുന്ന അധ്യയന പരിപാടികളുടെ മികവും, അച്ചടക്കവും എല്ലാം തന്നെയാണ് കാര്യം. എന്തിനധികം രാജ്യത്തെ മികച്ച സ്‌കൂളുകളുടെ പട്ടികയിൽ നാലാം സ്ഥാനത്ത് എത്തി നിൽക്കുന്നുണ്ട് റോസ്ലിൻ ഹൈസ്‌കൂൾ, തീർച്ചയായും കയ്യടി അർഹിക്കുന്ന കാര്യം തന്നെ.

🔸ഈ കയ്യടികൾ എല്ലാം അർഹിക്കുന്ന ഒരാളുണ്ട്, സ്‌കൂളിന്റെ സൂപ്പറിൻഡന്റന്റ് ആയ ഫ്രാങ്ക് ടാസോൺ. പിന്നണിയിൽ നിന്നിരുന്ന സ്‌കൂളിനെ തന്റെ വിപ്ലവകരമായ നയങ്ങളിലൂടെയും ഐഡിയകളിലൂടെയും ഇന്നത്തെ ഈ നിലയിൽ എത്തിച്ചതിൽ പുള്ളിക്കുള്ള പങ്ക് ചെറുതല്ല. ഒരു ലോക്കൽ ഹീറോ പരിവേഷം ആണ് ഫ്രാങ്കിന് നാട്ടുകാർക്ക് ഇടയിൽ ഒക്കെ ഉള്ളത്, തന്റെ കാലാവധി എത്തുന്നതിന് മുന്നേ സ്‌കൂളിനെ നമ്പർ വൺ ആക്കണം എന്നതാണ് ഫ്രാങ്കിന്റെ പദ്ധതി, അതിനായി അയാൾ ചില പരിപാടികൾ ഒക്കെ കണ്ട് വെച്ചിട്ടുമുണ്ട്.

🔸ഇങ്ങനെ എല്ലാം പോസിറ്റിവ് ആയി പോയിക്കൊണ്ടിരുന്നു കഥ ഒന്ന് ട്രാക്ക് മാറ്റുന്നത് സ്റ്റുഡന്റ് റിപ്പോർട്ടർമാരിൽ ഒരാൾ ഒരു കാര്യം കണ്ട് പിടിക്കുന്നിടത്ത് നിന്നുമാണ്. അതിന്റെ മറ പറ്റിയുള്ള തുടരന്വേഷണം ഒരു വലിയ സ്കാന്ഡലിലേക്ക് ഒക്കെ വഴി വെക്കുന്നതും തുടർന്ന് അരങ്ങേറുന്ന പ്രശ്നങ്ങളും ഒക്കെയാണ് ചിത്രത്തിന്റെ ഒരു പ്ലോട്ട് ലൈൻ. ഹ്യുഗ് ജാക്ക്മാന്റെ പ്രകടനം ഒരു പോസിറ്റിവ് തന്നെയാണ്, എന്നാൽ അതിന് അപ്പുറം ഓർമ്മിക്ക തക്കവണ്ണം കാര്യമായി ഒന്നും ചിത്രം തന്നില്ല എന്നതാണ് സത്യം.

Verdict : Watchable

DC Rating : 3/5

973. Bacurau (2019)

Director : Juliano Dornelles

Genre : Thriller

Rating : 7.5/10

Country : Brazil

Duration : 132 Minutes

🔸ഭാവി കാലത്താണ് ബാക്കുറവോയുടെ കഥ ആരംഭിക്കുന്നത്, ടെക്ക്നോളജിക്കലി അധികം പുരോഗമിച്ചിട്ട് ഒന്നുമില്ല, ഡിസ്റ്റന്റ് ഫ്യുച്ചർ എന്ന് പറയാം. തെരേസ എന്ന കഥാപാത്രം സ്വന്തം നാട്ടിലേക്ക് മടങ്ങി വരുന്നിടത്താണ് ചിത്രം ആരംഭിക്കുന്നത്, സ്വന്തം മുത്തശ്ശിയുടെ അടക്ക് ചടങ്ങിൽ പങ്കെടുക്കാനായി ആണ് തെരേസയുടെ മടങ്ങി വരവ്. ബ്രസീലിയൻ നഗര പ്രദേശത്ത് നിന്ന് മാറി ഒരു ഒഴിഞ്ഞ സ്ഥലത്താണ് തെരേസയുടെ ബാകുറവോ എന്ന് പേരുള്ള ഗ്രാമം. കൂടുതലും കർഷകരും മറ്റുമുള്ള, വികസനം എത്തിയിട്ടില്ലാത്ത ഒരു കുഗ്രാമം എന്ന് പറയാം.

🔸സറിയലിസ്റ്റിക്ക് ശൈലിയിലാണ് ചിത്രത്തിന്റെ അവതരണം, ഗ്രാമത്തിലേക്കുള്ള തെരേസയുടെ യാത്രയിൽ തന്നെ ഒരു വേർഡ് ഫീൽ നമുക്ക് കിട്ടുന്നുണ്ട്, ചിന്തകൾ അലക്ഷ്യമായി പോവുന്ന ഒരല്പം ഡിസ്റ്റർബ്ഡ് ആയ തെരേസ ആയാലും റോഡരികിൽ വീണ് കിടക്കുന്ന ശവപ്പെട്ടികൾ ആയാലും ശെരി എന്തോ എവിടെയോ ഒരു തകരാർ ഉണ്ട് എന്ന ഫീൽ കിട്ടി തുടങ്ങും. സത്യത്തിൽ കഥ കൂടുതൽ മുന്നോട്ട് പോകവേ ഈ വിചിത്ര സംഭവങ്ങൾ വര്ധിക്കുന്നതേ ഉള്ളൂ, പക്ഷെ എവിടെവെച്ചാണ് ട്രാക്ക് മാറുന്നത് എന്ന് പോലും നമുക്ക് പിടികിട്ടാൻ പോവുന്നില്ല.

🔸ബരസീലിയൻ ഗ്രാമങ്ങളുടെയും, ലോകത്താകമാനമുള്ള രാഷ്ട്രീയ മുതലെടുപ്പുകളുടെയും എല്ലാം നേർ സാക്ഷ്യമായി മാറുന്നുണ്ട് ഈ ചിത്രം. ഭക്ഷണം പോലും നേരാംവണ്ണം ലഭ്യമാകാത്തിടത്ത് രാഷ്ട്രീയ നേതാവ് വോട്ട് അഭ്യർത്ഥിക്കാൻ വരുന്ന രംഗവും കൊടുക്കുന്ന പൊള്ളയായ ഉറപ്പുകളും എല്ലാം മികച്ച, ചിന്തിപ്പിക്കുന്ന രംഗങ്ങൾ തന്നെയാണ്. ഭൂപടത്തിൽ പോലും ഇല്ലാത്ത ഒരിടമായി ബാകുറവോയെ കാണിക്കുന്നത് ഒരുപക്ഷെ ഈ രംഗങ്ങൾക്ക് ഒക്കെ ലോകത്തങ്ങോളം ഇങ്ങോളമുള്ള പ്രാധാന്യം കാരണമാവും, അത് നൂറ് ശതമാനം ശെരിയുമാണ്.

🔸പരിചിതമായ കഥ ആണെങ്കിൽ കൂടിയും ട്രീറ്റ്‌മെന്റ് കൊണ്ടും അത് കൈകാര്യം ചെയ്തിരിക്കുന്ന രീതി കൊണ്ടും അമ്പരപ്പിച്ച ചിത്രമാണ് ബാകുറാവോ, ചിത്രത്തിൽ സംഭവിക്കുന്ന പല വിചിത്ര സംഭവങ്ങളും ഒരു എപ്പിസോഡിക് രൂപേണ എടുത്ത് നോക്കിയാൽ ചരിത്രത്തിൽ പല രാജ്യങ്ങളിലും ടർഫിലും ആയി സംഭവിച്ച പല കാര്യങ്ങളുമായി സാമ്യം തോന്നിക്കുന്നു എന്നതും എടുത്ത് പറയേണ്ടതാണ്, വളരെ ലേയേർഡ് ആയി മാറുന്ന ചിത്രം. കഴിഞ്ഞ വർഷം പുറത്തിറങ്ങിയ മികച്ച സിനിമകളിൽ ഒന്നാണ്‌ ബാകുറാവോ, ഒരു വേറിട്ട അനുഭവം തന്നെ പകർന്ന് നൽകുന്ന സിനിമാറ്റിക് റെയറിട്ടി.

Verdict : Very Good

DC Rating : 4/5 

972. Tenet (2020)

Director : Christopher Nolan

Genre : Sci Fi

Rating : 7.8/10

Country : USA

Duration : 149 Minutes

🔸ഈ വർഷം നിങ്ങൾ ഏറ്റവും കാത്തിരിക്കുന്ന സിനിമകൾ ഏതൊക്കെ എന്ന് ചോദിച്ചാൽ ഒരു എഴുപത് ശതമാനം ആളുകളും ലിസ്റ്റിൽ ഉൾപ്പെടുത്താൻ സാധ്യത ഉള്ള ഒന്നാണ് ടെനട് എന്ന നോളൻ ചിത്രം. ക്രിസ്റ്റഫർ നോളൻ എന്ന സംവിധായകൻ സത്യത്തിൽ ഒരു ബ്രാൻഡ് ആയി മാറി കഴിഞ്ഞു എന്ന് പറഞ്ഞാൽ പോലും തെറ്റില്ല, വലിയൊരു ശതമാനം സിനിഫൈലുകൾ ആ പേരിന് കൊടുക്കുന്ന പ്രാധാന്യം അത്രയും വലുതാണ്. അദ്ദേഹത്തിന്റെ ഏറ്റവും പുതിയ ചിത്രമായ ടെനട് പാണ്ഡെമിക് കാരണം തിയേറ്റർ റിലീസ് മാറ്റിവെച്ചതും, പിന്നെ ആളും ആരവവും ഇല്ലാതെ റിലീസ് ചെയ്തതും എല്ലാം നമ്മൾ കണ്ടതാണ്, ഇന്നിപ്പോൾ സിനിമയുടെ എച്ഡി പ്രിന്റ് പുറത്തിറങ്ങിയിരിക്കുകയാണ്, ആ മില്യൺ ഡോളർ ചോദ്യത്തിന്റെ ഉത്തരം ലഭിക്കാൻ പോവുകയാണ്, ഈ ചിത്രം അതിനും മാത്രമൊക്കെ വേർതി ആണോ എന്ന ചോദ്യത്തിന്.

🔸ഈ ചോദ്യത്തിന്റെ ഉത്തരം എന്നവണ്ണം കൗതുകകരമായി തോന്നിയ ഒരു കാര്യം പറയാം, നോളന്റെ ഇന്റെർസ്റ്റെല്ലർ തൊട്ടുള്ള സിനിമകൾ കണ്ടപ്പോൾ തോന്നിയതാണ്, ഒരു മികച്ച കൺസപ്റ്റ് കണ്ടെത്തുന്നതിലും അത് സിനിമയിലേക്ക് ഇന്റഗ്രെയ്റ്റ് ചെയ്യുന്നതിലും കഴിവുള്ള ആളാണ് നോളൻ, എന്നാൽ അതിന് പുറത്തേക്ക് വരാൻ അദ്ദേഹം തന്നെ മടിക്കുന്നതായി പലപ്പോഴും തോന്നിയിട്ടുണ്ട്. ആ ഒരു വീക്നെസ്സിന്റെ ഏറ്റവും നല്ല ഉദാഹരണമാണ് ടെനട് എന്ന് പറയാം. വൗ എന്ന് പറയിപ്പിക്കുന്ന ഒരു കൺസപ്റ്റിന്റെ ഏറെക്കുറെ വൺ ഡയമെൻഷനൽ ആയ അവതരണം നെഗറ്റിവ് തന്നെയായി അനുഭവപ്പെട്ടു.

🔸ആദ്യമേ തന്നെ, ഒരു ടൈം ട്രാവൽ മൂവി അല്ല ടെനട്, ടൈം റിവേഴ്സൽ അല്ലെങ്കിൽ ഇൻവെർഷൻ ആണ് കൺസപ്റ്റ്. അതായത് സാധാരണ ടൈം ഫ്ലോ എന്നത് പാസ്റ്റിൽ നിന്ന് തുടങ്ങി ഫ്യുച്ചറിലേക്ക് ആണെങ്കിൽ ഇവിടെ നേരെ തിരിച്ച് ഫ്യുച്ചറിൽ നിന്ന് പാസ്റ്റിലേക്ക് വരുന്നു എന്ന വ്യത്യാസം. ഈ ഒരു കൺസപ്റ്റിനെ എക്‌സ്‌പ്ലോയിറ്റ് ചെയ്തുള്ള രംഗങ്ങൾ ഒരുപാടുണ്ട് ചിത്രത്തിൽ, അവ തന്നെയാണ് ഹൈലൈറ്റും. ഒരു മാക്ഗഫിൻ പോലുള്ള ഡിവൈസ് (ടൈം ഇൻവെർഷണിന് സഹായകം ആവുന്നത്) കണ്ടെത്താനുള്ള ശ്രമങ്ങളും മറ്റുമൊക്കെയാണ് കഥയെ മുന്നോട്ട് കൊണ്ടുപോവുന്നത്, സ്പോയ്ലർ ആവും എന്നതിനാൽ കൂടുതൽ വിശദീകരണങ്ങൾക്ക് മുതിരുന്നില്ല തല്ക്കാലം.

🔸റഷ്യൻ അക്സന്റുള്ള വില്ലൻ, മൂന്നാം ലോകമഹായുദ്ധം ഒഴിവാക്കാനുള്ള നായകന്മാരുടെ ശ്രമങ്ങൾ എന്നിവ ഒരല്പം ക്ളീച്ഡ് ആയി തോന്നി എങ്കിലും കൺസപ്റ്റ് ഫ്രഷ് തന്നെയാണ്, ഈ കൺസപ്റ്റിന്റെ ബലത്തിൽ ഉള്ള വൗ ഫാക്റ്റർ തരുന്ന സീനുകളും അത്യാവശ്യം ഉണ്ട്, മടുപ്പിക്കില്ല എന്ന് മാത്രമല്ല അത്യാവശ്യം പിടിച്ചിരുത്തുകയും ചെയ്യും. ഇൻസെപ്ഷ്യന്റെ ആന്റിഡോട്ട് ആയി കാണാവുന്ന ചിത്രം ആണെങ്കിലും അതിലെ കഥാപാത്രങ്ങളുടെ ഒരു പത്തിലൊന്ന് പോലും താല്പര്യം ഈ ചിത്രത്തിലെ കഥാപാത്രങ്ങൾ ജനിപ്പിക്കുന്നില്ല എന്നതും പോരായ്മയായി തോന്നി. മൾട്ടിപ്പിൾ വ്യൂവിങ് ആവശ്യമുള്ള ചിത്രമാണ് ടെനട്, കണ്ട് നോക്കുക.

Verdict : Watchable

DC Rating : 3/5 

971. Assault On Precinct 13 (1976)

Director : John Carpenter

Genre : Thriller

Rating : 7.4/10

Country : USA

Duration : 91 Minutes

🔸ജോൺ കാർപ്പെന്ററുടെ അസോൾട്ട് ഓൺ പ്രെസിന്റ് 13 എന്ന ഇൻവേഷൻ ടൈപ്പ് ആക്ഷൻ ചിത്രം റിലീസായ സമയത്ത് പൊതുവെ നെഗറ്റിവ് അഭിപ്രായങ്ങൾ നേടിയതും തിയേറ്ററിൽ തകർന്നടിയുകയും ചെയ്ത ഒരു ചിത്രമായിരുന്നു. എന്നാൽ പിന്നീട് ഓവർസീസ് റിലീസായ ചിത്രം മികച്ച അഭിപ്രായം നേടുകയും ഒരു കൾട്ട് സ്റ്റാറ്റസ് സ്വന്തമാക്കുകയും ചെയ്തു, വർഷങ്ങൾക്കിപ്പുറം ഒരു റീമേക്ക് ആയി വരെ പരിണമിച്ചു. ഇന്ന് ഇത്രയും വർഷങ്ങൾക്ക് ശേഷം തിരിഞ്ഞ് നോക്കുമ്പോൾ അങ്ങേയറ്റം എന്കെയ്ജിങ് ആയ ഒരു ത്രില്ലർ ചിത്രമായി നിൽക്കുന്നുണ്ട് അസോൾട്ട്.

🔸ഒരു നഗരത്തിലെ പോലീസും അതെ നഗരത്തിലെ ലോക്കൽ ഗ്യാങ്ങും തമ്മിലുള്ള മത്സരം അല്ലെങ്കിൽ സ്ട്രീറ്റ് വാർ ആണ് കഥയുടെ ഒരു തീം. ഈ ഒരു അടിക്ക് ഉള്ള കാരണമെന്താണെന്ന് വ്യക്തമായി പറയുന്നില്ലെങ്കിലും ചില ഹിന്റുകൾ തരുന്നുണ്ട്, അതായത് ഗ്യാങിലെ ചിലരെ പോലീസ് വേട്ടയാടിയിരുന്നതായും അവരുടെ ഒരു ആയുധ ശേഖരണ സ്ഥലം പോലീസ് ഒഴിപ്പിച്ചതായും എല്ലാം പറയപ്പെടുന്നുണ്ട്, ഇതിനിടെ ഗ്യാങിലെ ചിലർക്ക് ജീവൻ നഷ്ടപ്പെട്ടതായും പറയപ്പെടുന്നുണ്ട്. ഈ ഒരു ബാക്ക്ഗ്രൗണ്ടിലാണ് ചിത്രം കഥ പറഞ്ഞ് തുടങ്ങുന്നത്.

🔸വളരെ ഇന്റൻസ് ആയ ഒരു മീറ്റിങ് സീൻ ചിത്രത്തിന്റെ ആരംഭത്തിൽ കാണിക്കുന്നുണ്ട്, അതായത് തങ്ങൾക്ക് നേരിടേണ്ടി വന്ന നഷ്ട്ടങ്ങൾക്ക് പകരം ചോദിക്കും എന്ന് രക്തം കൊണ്ട് വാക്ക് കൊടുക്കുന്ന ഗ്യാങ് മെമ്പർമാർ ഉൾപ്പെട്ട സീൻ. സിനിമയുടെ തുടർന്നങ്ങോട്ടുള്ള പ്ലോട്ടിന്റെ ടോൺ ഏറെക്കുറെ ഈ സീൻ സെറ്റ് ചെയ്യുന്നുണ്ട്. തുടർന്ന് ഈ കഥാപാത്രങ്ങൾ ഒരു ആക്രമണ പരമ്പര തന്നെ നഗരത്തിൽ അഴിച്ച് വിടുകയാണ്, റാൻഡം ആയ തോതിൽ വഴിവക്കിൽ ഉള്ളവർക്ക് നേരെയൊക്കെ വെടി ഉതിർക്കുകയും കൊല്ലുകയും ഒക്കെ ചെയ്ത് ആകെ ബഹളമയം.

🔸ഈ ഒരു അഴിഞ്ഞാട്ടത്തിന്റെ പരിണിത ഫലം എന്നവണ്ണം ഇവർ ഒരു ആളൊഴിഞ്ഞ പോലീസ് സ്റ്റേഷൻ ആക്രമിക്കാൻ തയാറാവുന്നിടത്ത് നിന്നുമാണ് സിനിമ ട്രാക്ക് മാറ്റുന്നത്, ആവശ്യത്തിന് പോലും സേനയോ സന്നാഹങ്ങളോ ഇല്ലാത്ത ആ സ്റ്റേഷനിലെ അധികൃതർ ഒരു ചെറുത്ത് നിൽപ് കൂടി നടത്തുമ്പോൾ സിനിമ ആവേശഭരിതമാവുന്നു. ഒരു മികച്ച ത്രില്ലർ ചിത്രത്തിനുള്ള എല്ലാ ഗുണഗണങ്ങളും ഈ ചിത്രത്തിനുണ്ട്, ആദ്യാവസാനം നമ്മളെ ത്രിൽ അടിപ്പിക്കുന്നുമുണ്ട്. വീക്കെൻഡിൽ ഒരു ത്രില്ലർ ജോണറിൽ പെട്ട സിനിമയാണ് നിങ്ങൾക്ക് താല്പര്യം എങ്കിൽ തീർച്ചയായും പരീക്ഷിക്കാവുന്നതാണ്.

Verdict : Very Good

DC Rating : 4/5 

970. Oru Deshathinte Katha (1971)

Author : S. K. Pottekkatt

Pages : 566

Language : Malayalam

Price : 450

Publisher : D.C Books

🔸ഇത്രയും കാലത്തെ ജീവിതത്തിൽ നല്ലൊരു ഭാഗം സ്വന്തം നാടിന്റെ പുറത്ത് ജീവിച്ച ഒരാളാണ് ഞാൻ, പണ്ടൊരു മഴക്കാലത്ത് തറവാട് മുറ്റത്ത് കളിച്ച് കൊണ്ടിരിക്കെ അപ്രതീക്ഷിതമായി വന്നൊരു വാർത്ത കാരണം നാട്ടിൽ നിന്നും പോവേണ്ടി വന്നതുമാണ്. പിന്നീട് ഒരു പതിറ്റാണ്ടിൽ അധികം കാലത്തിന് ശേഷമാണ് ആ തറവാട്ടിലേക്ക് മടങ്ങി ചെന്നത്, അപ്പോഴേക്ക് അവിടെയും പരിസര പ്രദേശത്തും ഉണ്ടായിരുന്ന പല പരിചിത മുഖങ്ങളും കാലയവനികയ്ക്ക് ഉള്ളിലേക്ക് മറഞ്ഞ് കഴിഞ്ഞിരുന്നു, സമപ്രായക്കാർ ആയിരുന്നവരൊക്കെ മറ്റേതൊക്കെയോ വഴികളിലേക്കും പോയി കഴിഞ്ഞിരുന്നു. ഈ ഒരു കാരണം കൊണ്ട് തന്നെ "ഒരു ദേശത്തിന്റെ കഥ" പകർന്ന് തന്ന അനുഭവം വാക്കുകളാൽ പറഞ്ഞ് അറിയിക്കാൻ കഴിയുന്ന ഒന്നല്ല.

🔸ശ്രീധരൻ എന്ന കഥാപാത്രം നോവലിന്റെ തുടക്കത്തിൽ തന്നെ പറയുന്നുണ്ട്, ഈ കഥ എന്റേത് മാത്രമല്ല മറിച്ച് ഒരു പ്രദേശത്തിന്റേത് തന്നെയാണെന്ന്, അതിരാണിപ്പാടം എന്ന ഗ്രാമത്തിന്റെ ചൂടും ചൂരും അറിഞ്ഞ്, ജനിച്ച് വളർന്ന് കാലത്തിന്റെ കുത്തൊഴുക്കിൽ അവിടെ തന്നെ അവസാനിച്ച ഒട്ടനേകം ജന്മങ്ങളുടെ കഥ. നൂറിലധികം കഥാപാത്രങ്ങൾ കടന്ന് വരുന്ന, കേരളത്തിന്റെ ഒരറ്റത്ത് കിടക്കുന്ന കുഗ്രാമമായ അതിരാണിപ്പാടത്ത് തുടങ്ങി നൈൽ നദിക്കരയിലേക്ക് വരെ കടന്ന് ചെല്ലുന്ന, പതിറ്റാണ്ടുകളോളം നീണ്ട് നിൽക്കുന്ന കഥയ്ക്ക് എപിക് എന്നതിൽ കവിഞ്ഞൊരു വിശേഷണം നല്കാനില്ല.

🔸സത്യസന്ധനും നീതിമാനുമായ കൃഷ്ണൻ മാസ്റ്റർ കന്നിപ്പറമ്പിൽ എത്തുന്നിടത്ത്നി ന്നും അദ്ദേഹത്തിന്റെ മകനും നറേറ്ററുമായ ശ്രീധരൻ വായനക്കാരോട് വിട പറയുന്നത് വരെയുള്ള കഥ വികാരങ്ങളുടെ ഒരു തള്ളിക്കയറ്റം തന്നെയാണ്. തന്റെ ബാല്യ യൗവന കാലം അതിരാണിപ്പാടത്ത് ചിലവിട്ട ശ്രീധരന് പിന്നീട് ചില കാരണങ്ങളാൽ നാട് വിട്ട് പോവേണ്ടി വരുന്നതും, നീണ്ട മുപ്പത്തി നാല് വർഷങ്ങൾക്ക് ശേഷമുള്ള അയാളുടെ മടങ്ങി വരവും എല്ലാമാണ് നോവലിന്റെ കഥ. ഈ കാലയളവിനിടെ അതിരാണിപ്പാടത്ത് വന്ന മാറ്റങ്ങളും തനിക്ക് പരിചിതമായ കഥാപാത്രങ്ങൾക്ക് സംഭവിച്ച കാര്യങ്ങളും എല്ലാം അയാൾ അറിയുന്നത്, അനുഭവിക്കുന്നത് വിശേഷണങ്ങൾക്ക് അതീതമായ മനോഹരമായ നിമിഷങ്ങളാണ്.

🔸അതിരാണിപ്പാടത്തിന്റെ കഥ പറയുമ്പോൾ ചില കഥാപാത്രങ്ങളെ പ്രത്യേകം പറയാതെ വിടുന്നത് എങ്ങനെ? ശ്രീധരന്റെ അച്ഛനായ കൃഷ്ണൻ മാസ്റ്റർ, ജ്യേഷ്ട്ടന്മാരായ ഗോപാലൻ, ഫിറ്റർ കുഞ്ഞാപ്പു, അമ്മാളുവമ്മ, കുടക്കാൽ ബാലൻ, ഞണ്ട് ഗോവിന്ദൻ, ആധാരം ആണ്ടി, ശങ്കുണ്ണി കമ്പോണ്ടർ, കുളൂസ് പറങ്ങോടൻ, കിട്ടൻ റൈറ്റർ, വേലുമൂപ്പർ തുടങ്ങി കടല് പോലെ ഉണ്ടായിരുന്ന കേളഞ്ചേരി തറവാട് കുടിച്ച് വറ്റിച്ച് സ്വയം നശിച്ച കുഞ്ഞിക്കേളു മേലാൻ വരെ ജീവിതമായ കഥയിലേക്ക് കടന്ന് വന്ന് തങ്ങളുടെ വേഷം അവതരിപ്പിച്ച് മണ്മറഞ്ഞ് പോയ ഒട്ടനവധി കഥാപാത്രങ്ങൾ. ഇവിടെ ചെയ്യുന്ന കർമത്തിന്റെ ഫലം ഇവിടെ തന്നെ അനുഭവിക്കേണ്ടി വരുമെന്ന് ആരോ എവിടെയോ പറഞ്ഞത് ഓർത്ത് പോവുന്നു, അപ്പോഴും ബാക്കി ഉള്ളത് നാരായണിയാണ്, അത് ഒരു വേദനയായി അവിടെ കിടക്കും, ചിലത് അങ്ങനെയൊക്കെയാണ്...

"പഴയ കൗതുക വസ്തുക്കൾ തേടി വന്ന ഒരു പരദേശിയുടെ കഥ, അയാളുടെ ദേശത്തിന്റെയും...❤️❤️" 

969. Apur Panchali (2013)

Director : Kaushik Ganguly

Genre : Drama

Rating : 8.2/10

Country : India

Duration : 96 Minutes

🔸അപുർ പാഞ്ചലി എന്ന സിനിമാ ടൈറ്റിൽ കേൾക്കുമ്പോൾ സ്വാഭാവികമായും ചിലരെങ്കിലും കരുതിയേക്കും, അപുവിന്റെ കഥ കഴിഞ്ഞതല്ലേ, അതിൽ ഇനി എന്താണ് പറയാൻ ബാക്കിയുള്ളത് എന്നൊക്കെ, അതും സത്യജിത് റേയുടെ സീരീസ് പുറത്തിറങ്ങി കഴിഞ്ഞ് അഞ്ച് പതിറ്റാണ്ടോളം കഴിഞ്ഞ് ഇങ്ങനെ ഒരു ചിത്രം എന്തിന് എന്നൊക്കെയുള്ള സംശയങ്ങൾ ഉയരാം, തെറ്റ് പറയാൻ പറ്റില്ല. എന്നാൽ ഈ ചിത്രം കൂടി ചേർത്ത് വായിച്ചാലേ ആ ഒരു അനുഭവം പൂർണമാവുകയുള്ളൂ, കഥ എന്ന് ഇവിടെ സൂചിപ്പിച്ചിട്ടില്ല, അനുഭവം എന്ന വാക്ക് ശ്രദ്ധിക്കുക.

🔸അപുർ പാഞ്ചലി ഒരു തരത്തിൽ പറഞ്ഞാൽ ഹോമേജ് ആണ്, പഥേർ പാഞ്ചലി എന്ന ചിത്രത്തിനും അതിന്റെ പിന്നിലും മുന്നിലും ഒക്കെയായി പ്രവർത്തിച്ചവർക്കും. ഒരു സിനിമയ്ക്ക് ട്രിബ്യുട് പോലെ വേറൊരു സിനിമ എന്നത് വളരെ അപൂർവമായ ഒരു കാര്യമാണ്, പഥേർ പാഞ്ചലി എന്ന ചിത്രത്തിന്റെ നിലവാരത്തിനും ഖ്യാതിക്കും മറ്റും ഒക്കെ ഇത് മാറ്റ് കൂട്ടുന്നെ ഉള്ളൂ. ഇവിടെ ഫോക്കസ് എന്നത് റേയുടെ ചിത്രത്തിൽ അപു ആയി എത്തിയ അന്നത്തെ ചൈൽഡ് ആർട്ടിസ്റ്റായ സുബിർ ബാനർജിയിലാണ്, അദ്ദേഹത്തിന്റെ ജീവിതമാണ്.

🔸പഥേർ പാഞ്ചലിയുമായി കൂട്ടി വായിക്കാവുന്ന അനവധി പാരലൽസ് സുബിറിന്റെ ജീവിതത്തിൽ നമുക്ക് കാണാനാവും, ആർകൈവ് ഫൂട്ടേജുകളുടെയും മറ്റും രൂപത്തിൽ പഥേർ പാഞ്ചലിയും അന്നത്തെ നടീനടന്മാരും ചിത്രത്തിൽ തങ്ങളുടെ സാന്നിധ്യം അറിയിക്കുന്നുണ്ട്. വൺ ടൈം വണ്ടർ എന്നൊക്കെ വിശേഷിപ്പിക്കാവുന്ന രീതിയിലായിരുന്നു സുബിറിന്റെ കരിയർ, പഥേർ പാഞ്ചലി അദ്ദേഹത്തെ അത്ര മാത്രം ഓവർഷാഡോ ചെയ്തിട്ടുണ്ടായിരുന്നു. അത്തരം അനുഭവങ്ങളിലേക്കും മറ്റുമൊക്കെ ചിത്രം കടന്ന് ചെല്ലുന്നുണ്ട്, ഈ സിനിമയിൽ കൂടി.

🔸സബിർ വർഷങ്ങൾക്ക് ശേഷം കഥ പറയുന്നത് പോലെയാണ് ഈ ചിത്രത്തിന്റെ ഫോർമാറ്റ്, ഒരു സ്റ്റാറിൽ നിന്നും കോമൺ മാനിലേക്ക് ഉള്ള യാത്ര എന്നൊക്കെ വിശേഷിപ്പിക്കാം ഈ ചിത്രത്തെ, അത്യാവശ്യം നല്ലൊരു ഇമോഷണൽ റൈഡ് തന്നെയാണ് അപുർ പാഞ്ചലി. നിലവാരം നോക്കുക ആണെങ്കിൽ ഒറിജിനലുമായി തട്ടിക്കാൻ ഒന്നും പറ്റില്ല, അതിന് ശ്രമിച്ചാൽ അത് ശുദ്ധ അസംബന്ധം ആവുകയും ചെയ്യും. ഈ സിനിമ ആവശ്യപ്പെടുന്ന, എടുക്കുന്ന ഒരു സ്‌പെയ്‌സ് ഉണ്ട്, അവിടെ മികച്ചതാവുന്നുമുണ്ട്, കാണാൻ ശ്രമിക്കുക.

Verdict : Very Good

DC Rating : 4/5 

968. Apur Sansar (1959)

Director : Satyajit Ray

Genre : Drama

Rating : 8.6/10

Country : India

Duration : 117 Minutes

🔸അപ്പുവിന്റെ കഥയുടെ അവസാന ഭാഗം, ഒരുപക്ഷെ ഈ സിനിമ കണ്ട് കഴിയുമ്പോൾ ലഭിക്കുക റിലീഫ് ആയിരിക്കും, അത് ഒരിക്കലും കഴിഞ്ഞു എന്ന അർത്ഥത്തിൽ ഉള്ളതാവില്ല മറിച്ച് സ്ക്രീനിലെ കഥാപാത്രങ്ങളുടെ സഫറിങ്സ് തീരുകയാണല്ലോ എന്ന രീതിയിലുള്ള ആശ്വാസം ആയിരിക്കും. ഈ ഒരു കാരണം കൊണ്ടാവാം അപു സ്‌ക്രീനിൽ നിന്ന് നടന്ന് അകലുന്ന ഫൈനൽ ഫ്രെയിം വളരെ ഐക്കോണിക്ക് ആയി അനുഭവപ്പെട്ടത്. ഇന്ന് സൗമിത്ര ചാറ്റർജി ലോകത്തോട് വിട പറഞ്ഞ അവസരം കൂടി കണക്കിൽ എടുക്കുമ്പോൾ ഈ സീനിന് വേറെ തന്നെ ഒരു മാനം നൽകേണ്ടി വരും.

🔸അപരാജിതോ എന്ന ചിത്രത്തെ കുറിച്ച് എഴുതുമ്പോൾ പരാമർശിച്ച വാണിങ് എല്ലാം ഇവിടെയും ബാധകമാണ്, രണ്ടാമത്തെയും ആദ്യത്തെയും സിനിമകൾ കണ്ടിട്ടില്ലാത്തവർ, പ്ലോട്ടിനെ പറ്റി യാതൊരു അറിവും ഇല്ലാത്തവർ ഒക്കെ ഈ ഒരു പോയിന്റിൽ മടങ്ങി പോവേണ്ടതാണ്. പ്രതീക്ഷയ്ക്ക് വിരുദ്ധമായി ഒന്നും തന്നെയില്ല, ഒരു പെർഫെക്റ്റ് കാപ്പിങ് ഓഫ് തന്നെയാണ് ചിത്രം, മുൻപത്തെ രണ്ടിനോട് നിലവാരത്തിൽ കിട പിടിക്കുന്നുണ്ട്, ആ ഒരു നഷ്ടങ്ങളുടെ ബാക്കിപത്രം അതിനോളമോ അതിനേക്കാൾ അധികമോ വേദനാജനകമാണ്, കാണാൻ ശ്രമിക്കുക.

🔸ആദ്യ ഭാഗത്തേതിന് സമാനമായി തനിക്ക് വേണ്ടപ്പെട്ട, അടുപ്പമുള്ള രണ്ട് പേരെ രണ്ടാം ഭാഗത്തും അപുവിന് നഷ്ട്ടപ്പെടുന്നുണ്ട്, ഈ ഒരു നഷ്ടങ്ങളുടെ വേദന അയാളുടെ കാരക്റ്ററിൽ കൊണ്ടുവരുന്ന മാറ്റങ്ങൾ വളരെ വലുതാണ്. ഇന്ന് അയാൾ ഉദ്യോഗമില്ലാത്ത ഒരു ബിരുദധാരിയാണ്, കഷ്ടിച്ചാണ് ജീവിക്കുന്നത്, വാടക കൊടുക്കാനുള്ള വകയോ വരുമാനമോ അയാൾക്കില്ല. രാജ്യത്താകമാനം ഉള്ള ജോലിയില്ലാത്ത ഗ്രാഡുവേറ്റ്‌സിന്റെ പ്രതിനിധിയായി അയാൾ അങ്ങനെ നിലകൊള്ളുകയാണ്, തുടർന്ന് ഉള്ള പഠനത്തെ പറ്റി ആലോചിക്കാൻ പോലും പറ്റില്ല എന്നതാണ് അവസ്ഥ.

🔸ഈ ഒരു കാലയളവിലാണ് അപർണ അപുവിന്റെ ജീവിതത്തിലേക്ക് വരുന്നത്, തീർത്തും അപ്രതീക്ഷിതമായ ഒരു കല്യാണം എന്ന് പറയാം, പതിയെ ഇരുവർക്കും ഇടയിൽ പ്രണയത്തിന്റെ മൊട്ടുകൾ പൂവിടുകയാണ്. ഇവിടെ നിന്നുമാണ് മൂന്നാം ഭാഗം ആരംഭിക്കുന്നത്, അവസാനത്തിന്റെ ആരംഭം. ലോക സിനിമയിലെ ഏറ്റവും മികച്ച ത്രിലോഗികളിൽ ഒന്നാണ് റേയുടെ അപു ത്രിലോഗി. അവസാന രംഗത്ത് അപു നടന്നകലുമ്പോൾ ഇനി എങ്കിലും അയാൾക്ക് മനഃസമാധാനത്തോട് കൂടിയുള്ള ഒരു ജീവിതം ലഭിക്കണം എന്ന് കാഴ്ചക്കാരന് ആഗ്രഹിക്കുന്നിടത്താണ് ഈ ചിത്രത്തിന്റെ വിജയം.

Verdict : Must Watch

DC Rating : 5/5 

967. Aparajito (1956)

Director : Satyajit Ray

Genre : Drama

Rating : 8.4/10

Country : India

Duration : 110 Minutes

🔸പഥേർ പാഞ്ചലി ആദ്യ ഭാഗം കാണാത്തവർ ഈ രണ്ടാം ഭാഗമായ അപരാജിതോയെ പറ്റിയുള്ള എഴുത്ത് വായിക്കണം എന്നില്ല, കാരണം ഒരു വലിയ കഥയുടെ രണ്ടാം അധ്യായമാണ്, സ്വാഭാവികമായും ആദ്യ ഭാഗത്തിന്റെ കഥയിലെ നിർണ്ണായകമായ ചില പോയിന്റുകൾ പരാമര്ശിക്കപ്പെട്ടേക്കാം, നൂറ് ശതമാനം വേർതി ആയ സിനിമ ആയതിനാൽ തന്നെ സ്പോയ്ലർ എന്നത് ഒഴിവാക്കുന്നതാണ് നല്ലത്, ആ ഒരു കാഴ്ച്ചാനുഭവം വികലമാക്കേണ്ട കാര്യമില്ല. ഈ ചിത്രം മികച്ചതാണ്, നിലവാരം ഉള്ളതാണ്, ആദ്യ ഭാഗത്തിന് അനുയോജ്യമായ, യോഗ്യമായ ഫോളോ അപ്പ് ആണ്.

🔸അപ്പുവിന്റെ കുടുംബം ഗ്രാമം വിട്ട് നഗരത്തിലേക്ക് കുടിയേറുന്നിടത്ത് ആണല്ലോ ആദ്യ ഭാഗം അവസാനിക്കുന്നത്, തന്റെ ജീവിതത്തിലെ നിത്യ സാന്നിധ്യങ്ങൾ ആയിരുന്ന രണ്ട് ബന്ധു ജനങ്ങളുടെ മരണം അച്ഛനെയും അമ്മയെയും എന്ന പോലെ അപുവിനെയും നന്നായി ബാധിച്ചിട്ടുണ്ട്, അതുമായി അവൻ പൊരുത്തപ്പെട്ട് വരുന്നുണ്ട് ഇവിടെ. ഗ്രാമ പ്രദേശത്തെ വെച്ച് നോക്കുമ്പോൾ വേറെ തന്നെ ഒരു ലോകമാണ് വാരണാസി, അമ്പലങ്ങളിലെ മണി മുഴക്കവും, ഭക്തി പ്രഭഷണങ്ങളുടെ അലയൊലിയും ഒക്കെയായി ബഹളമയമായ ഒരു സ്ഥലം.

🔸അപ്പുവിന്റെ കഥയുടെ രണ്ടാമത്തെ അധ്യായം തുടങ്ങുന്നത് ഈ വാരണാസിയിൽ നിന്നുമാണ്, ആദ്യ ഭാഗത്ത് ഫോക്കസ് അപുവിനും സഹോദരി ദുർഗയ്ക്കും ഇടയിലുള്ള ബന്ധം ആണെങ്കിൽ ഇവിടെ അത് അപുവും അമ്മയും തമ്മിലുള്ളതാണ്. അമ്മ മകൻ ബന്ധത്തിന്റെ ഊഷ്മളതയും ഭംഗിയും എല്ലാം മനോഹരമായി തന്നെ ചിത്രത്തിൽ അവതരിപ്പിച്ചിട്ടുണ്ട്. ബാല്യ കാലത്തിൽ നിന്നും തുടങ്ങുന്ന കഥ പിന്നീട് അപുവിന്റെ യൗവനം വരെയുള്ള ഭാഗങ്ങൾ കവർ ചെയ്യുന്നുണ്ട്, അതും മനോഹരമായി തന്നെ അവതരിപ്പിച്ചിരിക്കുന്നുണ്ട്, ഈ ചിത്രത്തിൽ.

🔸അപു എന്ന കഥാപാത്രത്തെ തന്റെ കംഫർട്ട് സോണിൽ നിന്നും സ്ട്രിപ്പ് ചെയ്ത് മാറ്റുന്ന ഒരു രീതി ആദ്യ ഭാഗത്ത് അനുഭവപ്പെട്ടിരുന്നു, പ്രത്യേകിച്ചും വ്യക്തിപരമായി അയാൾക്ക് നേരിടേണ്ടി വരുന്ന ചില വിയോഗങ്ങൾ. ഈ ഭാഗത്ത് അത് കുറച്ച് കൂടി വൈകാരികം ആവുന്നേ ഉള്ളൂ. അപരാജിതോ എന്ന ചിത്രം നൂറ് ശതമാനം വേർതി ആയ ഒരു ഫോളോ അപ്പ് ആണ്, അപ്പുവിൻറെ കഥയുടെ നാച്ചുറൽ ആയ പ്രോഗ്രഷൻ, ഇനി അവശേഷിക്കുന്നത് അപുർ സൻസാർ മാത്രമാണ്. ഇതിനോടകം തന്നെ ഒരുപാട് ഇഷ്ട്ടപ്പെട്ട അപുവിന്റെ കഥ എങ്ങിനെ അവസാനിക്കും എന്നറിയാനുള്ള അതിയായ ആഗ്രഹമാണ് അവിടേക്ക് കൊണ്ടുപോവുന്നതും.

Verdict : Must Watch

DC Rating : 5/5