799. Throne Of Blood (1957)

Director : Akira Kurosawa

Genre : Drama

Rating : 8.1/10

Country : Japan

Duration : 111 Minutes

🔸ഒരു ടിപ്പിക്കൽ ഷേക്സ്പിയർ ട്രാജഡിയിൽ അകിരാ കുറൊസാവ കൈവെച്ചാൽ എന്ത് സംഭവിക്കുമോ, അതാണ് ത്രോൺ ഓഫ് ബ്ലഡ് എന്ന ചിത്രം. സംവിധായകന്റെ ഒരുപാട് വാഴ്ത്തിപ്പടലുകൾ ഏറ്റുവാങ്ങിയ സെവൻ സമുറായിയെക്കാളും, വെസ്റ്റേൺ ഓടിയെൻസിനെ അമ്പരപ്പിച്ച, ജാപ്പനീസ് സിനിമാ മേഖലയെ കുറച്ച് കൂടി പോപ്പുലർ ആക്കിയ റാഷോമോനെക്കാളും വ്യക്തിപരമായി ഇഷ്ട്ടപ്പെട്ട ചിത്രമാണ് ത്രോൺ ഓഫ് ബ്ലഡ്. ഈ രണ്ട് ചിത്രങ്ങളും ഒരു രീതിയിലും മോശമല്ല മറിച്ച് ത്രോൺ എന്ന ചിത്രം പിന്തുടരുന്ന ഒരു പാതയുണ്ട്, നഷ്ടങ്ങളുടെയും വേദനയുടെയും തീച്ചൂള എന്നൊക്കെ പറയാവുന്ന ഒരു പാത്ത്, അത് പോലൊന്ന് വേറെ കണ്ടിട്ടില്ല.

🔸ഷേക്സ്പിയറിന്റെ മാക്ബത് ആണ് ഈ ചിത്രത്തിന്റെ ബേസ്, ഒറിജിനൽ കഥയിലെ കഥ നടക്കുന്ന ബാക്ക്ഗ്രൗണ്ട് മാറ്റി സമുറായ് സെറ്റപ്പിലേക്കും പഴയകാല ജപ്പാനിലേക്കും കഥ പറിച്ച് നട്ടിട്ടുണ്ട്. ഒരുപക്ഷെ പ്ലെയുടെ ഏറ്റവും നല്ല അഡാപ്റ്റേഷനും ഇത് തന്നെ ആവും, ഒറിജിനൽ റൈറ്റിങ് വായിച്ചിട്ടില്ലാത്തത് കൊണ്ട് ഒരു താരമത്യത്തിലേക്ക് ഒന്നും കടക്കുന്നില്ല. ലോർഡ് സുസുക്കിയുടെ സേനയിലെ വിശ്വസ്തരായ ആർമി ജനറൽമാരാണ് വാഷിസുവും മിക്കിയും. യുദ്ധമുഖത്തും ആയോധന കലയിലും പ്രാഗല്ഭ്യവും വര്ഷങ്ങളുടെ അനുഭവങ്ങളും ഉള്ളവരാണ് രണ്ട് പേരും, പകരം വെക്കാനില്ലാത്തവർ എന്ന് തന്നെ പറയാം, ഇവർ രണ്ട് പേരും അടുത്ത സുഹൃത്തുക്കൾ കൂടിയാണ്.

🔸അതിർത്തിയിൽ ശത്രു രാജ്യവുമായി യുദ്ധം കൊടുമ്പിരി കൊണ്ടിരിക്കുന്ന അവസ്ഥ കാണിച്ച് കൊണ്ടാണ് സിനിമ ആരംഭിക്കുന്നത്. സുസുക്കിയുടെ സേന ഏറെക്കുറെ തോൽവി സമ്മതിച്ചിരിക്കുകയാണ്, ശത്രുക്കളുടെ കടന്ന് കയറ്റം ഭയന്ന് കൊട്ടാരത്തിലേക്കുള്ള കവാടം അടച്ചിടാനും സന്ധി സംഭാഷണങ്ങളിലേക്ക് കടക്കാനും രാജാവ് തയ്യാറെടുത്ത് കഴിഞ്ഞിരുന്നു. എന്നാൽ ഈ ഒരവസ്ഥയിൽ നിന്നും തങ്ങളുടെ കഴിവും, നേതൃപാടവവും കൊണ്ട് രണ്ട് ജനറൽമാരും വിജയം പിടിച്ചെടുക്കുകയാണ്. ഇത്രയും പറഞ്ഞത് ഒരു പ്രോലോഗ്, കഥ ഇവിടെ നിന്ന് സത്യത്തിൽ തുടങ്ങുന്നേ ഉള്ളൂ.

🔸തിരിച്ച് രാജാവിന്റെ അടുത്തേക്ക് മടങ്ങി വരുമ്പോഴാണ് ഒട്ടും പ്രതീക്ഷിക്കാത്ത ഒരു സംഭവം അരങ്ങേറുന്നത്, രണ്ട് ജനറൽമാരും കാടിന് നടുവിൽ വെച്ച് ഒരു പ്രേതത്തെ കണ്ട് മുട്ടുകയാണ്. ഈ പ്രേതം രണ്ട് കഥാപാത്രങ്ങളുടെയും ഭാവിയെ പറ്റി ചില സൂചനകൾ നൽകുകയാണ്, ഈ കാര്യങ്ങൾ രണ്ട് പേരും വിശ്വസിക്കുന്നില്ല എങ്കിലും പോകെ പോകെ ചില സൂചനകൾ സത്യമായി വരുമ്പോൾ ഇരുവരും ഞെട്ടിത്തരിക്കുകയാണ്. തുടർന്ന് അരങ്ങേറുന്നത് ചതിയുടെയും, പകയുടെയും, ആർത്തിയുടെയും, പ്രതികാരത്തിന്റെയും കഥയാണ്, ഒടുവിൽ ബ്രെത് റ്റെയ്ക്കിങ് എന്നൊക്കെ പറയാവുന്ന ഒരു ക്ളൈമാക്സ് ഷോട്ടും കൂടിയാവുമ്പോൾ പൂർണം.

Verdict : Must Watch

DC Rating : 100/100

798. The Hidden Fortress (1958)

Director : Akira Kurosawa

Genre : Adventure

Rating : 8.1/10

Country : Japan

Duration : 139 Minutes

🔸അകിരാ കുറൊസാവയുടെ ഹിഡൻ ഫോട്രസ് എന്ന ചിത്രത്തെ ഒരു ജോണറിൽ മാത്രമായി ഒതുക്കി നിർത്താൻ ബുദ്ധിമുട്ടാണ്, അദ്ദേഹത്തിന്റെ ഇന്റൻസ് ആയ സമുറായി ചിത്രങ്ങളെ ഒക്കെ വെച്ച് നോക്കുമ്പോൾ കോമിക് ആയിട്ടുള്ള മോമെന്റുകളും മറ്റും അധികമാണ് ഈ ചിത്രത്തിൽ. ഒരു വെസ്റ്റേൺ ചിത്രത്തോട് സാമ്യം പുലർത്തുന്നുണ്ട് ഈ സിനിമ, ഓപ്പണിങ് സീനുകളിൽ ഉൾപ്പെടെ. അഡ്വെഞ്ചർ, ആക്ഷൻ, ഡ്രാമ, സർവൈവൽ തുടങ്ങി സകല വിഭാഗങ്ങളിലും കേറിയിറങ്ങി പോവുന്ന, അപൂർവം ചിത്രങ്ങളിൽ ഒന്നാണ് ഹിഡൻ ഫൊട്രസ്. സ്റ്റാർ വാർസ് ഫ്രാഞ്ചൈസ് പോലെ പിന്നീട് വന്ന പല ചിത്രങ്ങൾക്കും ഒരു വഴികാട്ടി കൂടിയായി മാറിയിട്ടുണ്ട് ഈ ചിത്രം, ആ ഒരു സ്വാധീനം വ്യക്തമായി കാണാം.

🔸കൊടും പട്ടിണി കാരണം, നിത്യവൃത്തിക്കും ഭക്ഷണത്തിനും ഉള്ള വക കണ്ടെത്താനായി മാത്രം യുദ്ധഭൂമിയിൽ പട്ടാളക്കാരായി എത്തിയവരാണ് താഹെയിയും മറ്റാഷിച്ചിയും. ഇരുവരും ജപ്പാനിലെ ഉൾഗ്രാമങ്ങളിൽ ദിവസക്കൂലിക്ക് ജോലി ചെയ്തിരുന്നവർ ആയിരുന്നു, സുഹൃത്തുക്കൾ എന്ന് വേണമെങ്കിൽ പറയാം. യമാന ക്ളാനും അകിസ്‌കി ക്ളാനും തമ്മിൽ അതിർത്തിയിൽ നടന്ന് കൊണ്ടിരിക്കുന്ന യുദ്ധം ഇരുവരും ഒരവസരം ആയി മുതലെടുക്കാൻ തീരുമാനിക്കുകയായിരുന്നു, ഏറെക്കുറെ ജയം ഉറപ്പിച്ച യമാണ വിഭാഗത്തിൽ ചേർന്നാൽ പാരിതോഷികം ലഭിക്കും എന്ന ചിന്തയിലാണ് രണ്ട് പേരും യുദ്ധഭൂമിയിൽ എത്തിയത്.

🔸എന്തായാലും ഇവർ വിചാരിച്ച പോലെ അല്ല കാര്യങ്ങൾ നടന്നത്, യുദ്ധമുഖത്ത് എത്തുമ്പോഴേക്ക് തന്നെ അകിസാകി ക്ലാൻ പരാജയപ്പെട്ട് കഴിഞ്ഞിരുന്നു, അത് പോരെങ്കിൽ ശത്രു ഭാഗത്തെ പടയാളികൾ ആണെന്ന തെറ്റിദ്ധാരണയിൽ കണക്കിന് രണ്ട് പേർക്കും കിട്ടുകയും ചെയ്തു. അങ്ങനെ ആകെ വഴിയേ പോയ അടി ഏണി വെച്ച് വാങ്ങിയ അവസ്ഥയിലാണ് ഈ രണ്ട് കഥാപാത്രങ്ങളെയും നമ്മൾ കണ്ട് മുട്ടുന്നത്. സ്വന്തം നാട്ടിലേക്ക് കടക്കണം എങ്കിൽ പോലും ശത്രുക്കൾ കാവൽ നിൽക്കുന്ന അതിർത്തിയിലെ ചെക്ക് പോസ്റ്റ് മുറിച്ച് കടന്ന് വേണം പോവാൻ, അത് ഒട്ടും പ്രായോഗികം അല്ല, മുൻപ് അടി ആണ് കിട്ടിയത് എങ്കിൽ ഇനി ഒരു പക്ഷെ ജീവൻ തന്നെ നഷ്ടപ്പെട്ടേക്കാം.

🔸ഇങ്ങനെ ഇനിയെന്ത് വേണം എന്ന് ഒരുപിടിയും ഇല്ലാതെ നിക്കുന്ന അവസ്ഥയിലാണ് രണ്ട് കഥാപാത്രങ്ങളും മിഫുനെ അവതരിപ്പിച്ച യോദ്ധാവായ കഥാപാത്രത്തെ കാണുന്നത്. പരുക്കനും കർക്കശക്കാരനും ആയ ടിയാൻ ആൾ ചില്ലറക്കാരനല്ല, അകിസ്‌കി ക്ളാണിന്റെ പടത്തലവനാണ്. മറ്റ് വഴികൾ ഒന്നും മുന്നിൽ തെളിയാത്തതിനാൽ ഇവർ ഇരുവരും അയാളുടെ കൂടെ കൂടുകയാണ്, ശത്രുവിന്റെ മൂക്കിന് താഴെ അയാൾക്ക് ഒരു രഹസ്യ സങ്കേതം അഥവാ ഹിഡൻ ഫൊട്രസ് ഉണ്ട്, ഇവിടെ പല രഹസ്യങ്ങളും ചുരുളഴിഞ്ഞ് തുടങ്ങുകയാണ്. ആദ്യം തൊട്ട് അവസാനം വരെ രസിച്ചിരുന്ന് കാണാവുന്ന നല്ല ഒന്നാന്തരം ഒരു സിനിമയാണ് ഹിഡൻ ഫൊട്രസ്, തീർച്ചയായും കാണാൻ ശ്രമിക്കുക.

Verdict : Must Watch

DC Rating : 90/100

797. The Bad Sleep Well (1960)

Director : Akira Kurosawa

Genre : Drama

Rating : 8/10

Country : Japan

Duration : 151 Minutes

🔸ഒരു കാരണത്താലും മികച്ചത് എന്നല്ലാതെ ഒരെതിരഭിപ്രായം അർഹിക്കാത്ത സിനിമ ആയിട്ട് കൂടിയും ഒരുപാട് കാരണങ്ങൾ കൊണ്ട് വേണ്ടത്ര ശ്രദ്ധ കിട്ടാതെ പോയ ചിത്രമാണ് കുറൊസാവയുടെ ദി ബാഡ് സ്ലീപ് വെൽ. കുറൊസാവയുടെ മുഖ മുദ്രയായ സമുറായി എപിക്കുകളുടെ ഇടയിൽ വന്ന് പെട്ട ചിത്രം എന്നതും സ്ഥിരം ശൈലിയിൽ നിന്ന് മാറി ഒരു നോയർ ലൈനിലേക്ക് സംവിധായകൻ പോയതും എല്ലാം മുകളിൽ സൂചിപ്പിച്ച കാരണങ്ങളിൽ ചിലതാണ്, എന്നാൽ പ്രധാനപ്പെട്ട കാരണം ഇതല്ല, വ്യക്തിപരമായി ഈ ചിത്രത്തോട് വലിയ താല്പര്യം തോന്നിയത് ഈ കാരണം കൊണ്ടാണ് എന്ന് കൂടി ചേർക്കുന്നു.

🔸മുകളിൽ സൂചിപ്പിച്ച ഈ പ്രത്യേക കാരണം വേറൊന്നുമല്ല, ചിത്രത്തിന്റെ ക്ലൈമാക്സ് തന്നെയാണ്. സിനിമ കണ്ട് കഴിഞ്ഞ പലരും ആന്റി ക്‌ളൈമാറ്റിക് എന്നൊക്കെ വിശേഷിപ്പിച്ച് കണ്ടിട്ടുള്ള ഈ ഭാഗം സത്യത്തിൽ കഥ പുലർത്തിയിരുന്ന ആ ഒരു അനിശ്ചിതത്വത്തിനും കഥാപാത്രങ്ങളുടെ തന്നെ കോമ്പ്ലിക്കേറ്റഡ് ആയ മോട്ടീവ്‌കൾക്കും ചേർന്നതായാണ് തോന്നിയത്. സ്പോയ്ലർ ആവും എന്നതിനാൽ എന്താണ് ഈ ഭാഗത്ത് സംഭവിക്കുന്നത് എന്ന് പറയാൻ തുനിയുന്നില്ല, കണ്ട് തന്നെ മനസിലാക്കുക. ഒരു റിവഞ്ച് സ്റ്റോറിയാണ് ചിത്രത്തിന്റേത്, കറപ്‌ഷൻ കോൺസ്പിരസി എന്നീ വിഷയങ്ങളും പ്രതിപാദിക്കുന്നുണ്ട്.

🔸ജപ്പാനിലെ അറിയപ്പെടുന്ന കോര്പറേറ്റ് കമ്പനി മേധാവിയായ ഇവാബുച്ചിയുടെ മകളുടെ കല്യാണമാണ് ചിത്രത്തിന്റെ ആദ്യ രംഗങ്ങളിൽ തന്നെ. യോഷിക്കോ എന്ന ഈ യുവതി വിവാഹം കഴിക്കുന്നത് ഇവബുച്ചിയുടെ തന്നെ കമ്പനിയിലെ ഉന്നത പദവി വഹിക്കുന്ന കൊയ്ച്ചി നിഷിയെ ആണ്. ഒരു പ്രണയ വിവാഹം എന്നൊക്കെ വേണമെങ്കിൽ വിശേഷിപ്പിക്കാം. യോഷിക്കോയെ ഇഷ്ടം ആണെങ്കിൽ കൂടിയും നിഷി ഈ വിവാഹത്തിന് മുൻകൈ എടുത്തതിന് പിന്നിൽ അപകടകരമായ ഒരു കാരണമുണ്ട്, ഇവാബുച്ചിയോട് അയാൾക്ക് അടങ്ങാത്ത പകയുണ്ട്, തന്റെ അച്ഛന്റെ മരണത്തിന് കാരണക്കാരൻ ആയതിലുള്ള പക. അയാളുടെ കൂടെ നിന്ന്, സംശയങ്ങൾ ഏതും സൃഷ്ടിക്കാതെ അവസരത്തിന് കാത്ത് നിന്ന് തന്റെ ലക്‌ഷ്യം നിറവേറ്റുക എന്നതാണ് നിഷിയുടെ പദ്ധതി.

🔸ഒരു ക്യാറ്റ് ആൻഡ് മൗസ് മൈൻഡ് ഗെയിം ലെവെലിലേക്ക് ഒക്കെ കഥ പോവുന്നുണ്ട്. ഈ ചിത്രത്തിന്റെ ഏറ്റവും വലിയ സവിശേഷത എന്ന് തോന്നിയത് സംവിധായകൻ ഓരോ ഷോട്ടിലും പ്ലെസ്‌മെന്റിലും സ്ക്രിപ്റ്റിലും വരെ പുലർത്തിയിരുന്ന മികവാണ്, യൂറ്റിയൂബ് ഉൾപ്പെടെ ഉള്ള പ്ലാറ്റ്‌ഫോമുകളിൽ അനവധി എക്സ്പ്ലെനേഷനുകളും അറിവുകളും ലഭ്യമായുണ്ട്. സിനിമയെ സീരിയസ് ആയി പഠനം എന്ന നിലയിൽ സമീപിക്കുന്നവർക്കൊക്കെ ടെക്സ്റ്റ് ബുക്ക് എന്ന നിലയിൽ നല്കാൻ കഴിയുന്ന ഒന്നാണ് ഈ ചിത്രം, സംവിധായകനായ കുറൊസാവയുടെ ബ്രില്യന്റ് വർക്കുകളിൽ ഒന്ന്.

Verdict : Must Watch

DC Rating : 90/100

796. The Witch (2015)

Director : Robert Eggers

Genre : Horror

Rating : 6.9/10

Country : USA

Duration : 93 Minutes

🔸ലൈറ്റ്ഹൗസ് എന്ന ചിത്രത്തിലൂടെ റോബർട്ട് എഗേര്സ് എന്ന പേര് വളരെ പരിചിതമായിരിക്കുന്നു, വെറും രണ്ടേ രണ്ട് സിനിമകൾ കൊണ്ട് ഈ ജെനെറേഷനിലെ തന്നെ ഏറ്റവും പ്രതീക്ഷ വെക്കാവുന്ന സംവിധായകരിൽ ഒരാളായി എഗേര്സ് മാറിയിരിക്കുന്നു. ലൈറ്റ്ഹൗസിന് നാല് വർഷം മുൻപാണ് തന്റെ ആദ്യ സംവിധാന സംരംഭമായ വിച്ചിൽ കൈ വെക്കുന്നത്. പൊതുവെ കണ്ട് ശീലിച്ച ഹൊറർ സിനിമകളിൽ മിക്കപ്പോഴും പുലർത്തി കാണാറുള്ള ക്‌ളീഷേകൾക്ക് പിറകെ പോവാതെ നല്ല ഒന്നാന്തരം ഒരു ഇന്നൊവേറ്റീവ് സിനിമ തന്നെയാണ് തന്റെ അരങ്ങേറ്റ ചിത്രം എന്ന് എഗേഴ്സിന് അഭിമാനത്തോടെ തന്നെ പറയാം.

🔸പതിനേഴാം നൂറ്റാണ്ടിന്റെ പശ്ചാത്തലത്തിൽ ഉള്ള ഒരു പീരിയഡ് ഡ്രാമ സൂപ്പർനാച്യുറൽ ഹൊറർ ചിത്രമാണ് വിച്ച്, ഇവിടെ സൂപ്പർ നാച്ചുറൽ എന്ന വിശേഷണത്തിന് ഒരു ചെറിയ കുഴപ്പം ഉണ്ട്, കാര്യം വേറൊന്നുമല്ല അങ്ങനെയുള്ള ഒരു എന്റിറ്റി ഒക്കെ കഥയിൽ ഉണ്ടെങ്കിലും ഫോക്കസ് അതിലേക്കല്ല. അതായത് ഉത്തമാ, ഒരു ആവറേജ് ഹൊറർ സിനിമ കണ്ട അനുഭവത്തിൽ ജംബ് സ്‌കെയറുകളുടെ അതി പ്രസരവും ആകാശത്ത് നോക്കി അന്തിച്ച് നിൽക്കുന്ന തോതിലുള്ള ട്വിസ്റ്റോ ഒന്നും പ്രതീക്ഷിക്കരുത്, നിരാശരാവേണ്ടി വരും.

🔸സ്റ്റാൻലി കുബ്രിക്കിന്റെ ഷൈനിങ്ങിൽ പറഞ്ഞത് പോലെ ഒരു അങ്കിളിൽ കൂടി നോക്കുക ആണെങ്കിൽ ഒരു കുടുംബം ഒന്നടങ്കം ഭ്രാന്തിലേക്ക് അല്ലെങ്കിൽ ഒരു സെല്ഫ് ഡിസ്ട്രക്റ്റീവ് പാത്തിലേക്ക് വീഴുന്ന ഒരു പ്ലോട്ട് ലൈൻ ഒക്കെയാണ് വിചിന്റെതും. പുതിയതായി ഒരു പ്രദേശത്തേക്ക് കാതറിൻ വില്യം ദമ്പതിമാർ താമസത്തിന് എത്തുകയാണ്, അവരുടെ വരവിന് പിന്നിൽ അല്പം ട്രാജിക് ആയ ബാക്ക്സ്റ്റോറി ഒക്കെ ഉണ്ട്, തല്ക്കാലം അതവിടെ നിൽക്കട്ടെ. ഒരു കാടിന് അടുത്തായി താമസക്കാരോ അയൽക്കാരോ ഒന്നും ഇല്ലാത്ത തീർത്തും വിജനമായ ഒരു പ്രദേശമാണ് അവർ വീട് വെക്കാനായി ഒക്കെ തിരഞ്ഞെടുത്തിരിക്കുന്നത്.

🔸തുടക്കത്തിൽ വലിയ പ്രശ്നങ്ങൾ ഒന്നും അനുഭവപ്പെട്ടില്ല എങ്കിലും പോകെ പോകെ മനുഷ്യ ബുദ്ധിക്കും, സെൻസിനും മനസിലാക്കാൻ കഴിയാത്ത, വിശദീകരിക്കാനാവാത്ത ചില വസ്തുതകളുടെ സാന്നിധ്യം അവരവിടെ തിരിച്ചറിയുകയാണ്. ഈ വസ്തുതകൾ എല്ലാം ഒരു രീതിയിൽ അല്ലെങ്കിൽ മറ്റൊരു രീതിയിൽ വിരൽ ചൂണ്ടുന്നത് ആവട്ടെ ദമ്പതിമാരുടെ മൂത്ത മകളായ തോമസായിനിലേക്കും. തുടർന്ന് ഈ കഥാപാത്രങ്ങളുടെ ഭാവി എന്താകും, കഥ ഏത് വഴിക്ക് സഞ്ചരിക്കും എന്നീ ചോദ്യങ്ങളുടെ ഉത്തരമാണ് വിച്ച് എന്ന സിനിമ, ഓരോ ഫ്രയിമിലും ഓരോ മോമെന്റിലും തളം കെട്ടി നിൽക്കുന്ന ഭീതിയും അനിശ്ചിതാവസ്ഥയും എല്ലാം ഈ ചിത്രത്തിന്റെ പ്രത്യേകതകളാണ്, ഒരു വല്ലാത്ത അനുഭവം തന്നെയാണ് ഈ ചിത്രം.

Verdict : Very Good

DC Rating : 85/100

795. The 36th Chamber Of Shaolin (1978)

Director :  Lau Kar-Leung

Genre : Action

Rating : 7.7/10

Country : Hong Kong

Duration : 119 Minutes

🔸മാർഷ്യൽ ആർട്സ് സിനിമകളുടെ ചരിത്രം പരിശോധിക്കുക ആണെങ്കിൽ ഏതൊരു ചർച്ചയിലും പ്രതിപാദിച്ച് കേൾക്കാറുള്ള, ഒരു കൾട്ട് ഫോളോയിങ് തന്നെയുള്ള ചിത്രമാണ് ദി തേർട്ടി സിക്സ്ത്ത് ചേംബർ ഓഫ് ഷാവോലിൻ. മാർഷ്യൽ ആർട്സ് സിനിമകൾക്ക് വെസ്റ്റേൺ ഓഡിയന്സിന് ഇടയിൽ ആരാധകരെയും കാഴ്ചക്കാരെയും സൃഷ്ട്ടിച്ചു എന്നതിനേക്കാൾ പ്രസ്തുത ജോണറിന്റെ ഏറ്റവും പ്യുവർ ആയ ചിത്രങ്ങളിൽ ഒന്നായി ഇന്നും നിലനിൽക്കുന്നു എന്നതാണ് ഈ ചിത്രത്തിന്റെ ഏറ്റവും വലിയ സവിശേഷത.

🔸ഇങ്ങനെ ഒരുപാട് ഒരുപാട് സവിശേഷതകൾ ഉള്ള, പലരുടെയും ഫേവറിറ്റ് ലിസ്റ്റിൽ പോലും ഉള്ള ഈ ചിത്രം കണ്ടത് വളരെ വൈകി ഈ അടുത്ത കാലത്താണ്. ഉദ്ദേശം നാല്പത്തി രണ്ട് വർഷത്തിന് അധികം കാലം പഴക്കം ഉള്ള ചിത്രം ആയിരുന്നിട്ട് കൂടി വർഷങ്ങളുടെ കണക്കിലെ ആ പഴമ ചിത്രത്തെ ഒരു ഭാഗത്തും, എവിടെയും തൊട്ടിട്ടേ ഇല്ല എന്നത് അത്ഭുതാവഹമാണ്. ആദ്യം തൊട്ട് അവസാനം വരെ പിടിച്ചിരുത്തുന്ന ആക്ഷൻ രംഗങ്ങളും, അത് കൺവെ ചെയ്യാനായി ഒട്ടും ദോഷം പറയാൻ ഇല്ലാത്ത നല്ലൊരു കഥയും എല്ലാം ചിത്രത്തിലുണ്ട്. ചിത്രത്തിന് രണ്ട് തുടർ ഭാഗങ്ങൾ കൂടി ഉണ്ടെന്ന് കേൾക്കാനിടയായി, അവയുടെ നിലവാരത്തെ പറ്റിയൊന്നും പിടിയില്ല.

🔸ലിയു യുഡി എന്ന വിദ്യാർത്ഥിയാണ് നമ്മുടെ പ്രധാന കഥാപാത്രം, കുറച്ച് വർഷങ്ങൾക്ക് മുൻപാണ് കഥ ആരംഭിക്കുന്നത്. കെയ്‌വിങ് രാജവംശത്തിന്റെ കിരാത ഭരണത്തിന് എതിരെ ജനരോഷം തിളച്ച് മറിയുകയാണ് നാടെങ്ങും, എന്തിരുന്നാലും നേരിട്ടൊരു സംഘട്ടനത്തിന്റെ ഇവർ ഇതുവരെ ധൈര്യം കാണിച്ചിട്ടില്ല, കാരണം രാജവംശത്തിന്റെ അതി ശക്തരായ പോരാളി കിങ്കരന്മാർ തന്നെ. എന്നാൽ പോകെ പോകെ ഒരു വിപ്ലവത്തിന് വഴി തെളിയുകയാണ്, പക്ഷെ മുളയിലേ മുള്ളപ്പെടാൻ ആയിരുന്നു യോഗം. രാജവംശത്തിന് എതിരെ ഇറങ്ങി തിരിച്ചവർ എല്ലാം ക്രൂരമായി കൊല്ലപ്പെടുകയാണ്, ലിയു ഒഴിച്ച്.

🔸ജീവനും കൊണ്ട് രക്ഷപ്പെട്ട ലിയു ഒരു കൂട്ടം സന്യാസി വര്യന്മാർ താമസിക്കുന്ന മൊണാസ്ട്രിയിൽ അഭയം പ്രാപിക്കുകയാണ്. താമസിയാതെ തന്നെ കുങ് ഫുവിന്റെ ആദ്യ പാഠങ്ങൾ ലിയു ഇവിടെ നിന്ന് പഠിച്ച് തുടങ്ങുകയാണ്. പിന്നീടങ്ങോട്ട് ഉള്ള വർഷങ്ങൾ കഠിനമായ പരിശീലനത്തിന്റേത് ആയിരുന്നു, ലിയുവിൽ നിന്ന് മാസ്റ്റർ സാൻ റ്റയിലെക്കുള്ള പരകായ പ്രവേശനത്തിന്റെ വർഷങ്ങൾ. ഒരു മിക്സഡ് മാർഷ്യൽ ആർട്സ് ചിത്രത്തിൽ നിന്നും പ്രതീക്ഷിക്കാവുന്ന കണ്ണിമ വെട്ടാൻ സമ്മതിക്കാത്ത തോതിലുള്ള അടി ഒക്കെ നല്ല നിലയിൽ തന്നെ ഈ ചിത്രത്തിലുണ്ട്. എന്റർടൈൻമെന്റിന് ഉള്ളതെല്ലാം ഈ ചിത്രത്തിൽ ഉണ്ട്, അതും രണ്ട് മണിക്കൂറിൽ താഴെ മാത്രം സമയപരിധിയിൽ, തീർച്ചയായും കാണാൻ ശ്രമിക്കുക.

Verdict : Very Good

DC Rating : 85/100

794. One Wonderful Sunday (1947)

Director : Akira Kurosawa

Genre : Romance

Rating : 7.2/10

Country : Japan

Duration : 109 Minutes

🔸സമുറായി ചിത്രങ്ങളിലേക്കും പീരിയഡ് ഡ്രാമകളിലേക്കും എല്ലാം കാലെടുത്ത് വെക്കുന്നതിന് മുന്നേ ഒരു സംവിധായകൻ എന്ന നിലയ്ക്ക് കഴിവ് തെളിയിച്ച് തുടങ്ങിയ കാലത്ത് കുറൊസാവ സംവിധാനം ചെയ്ത ചിത്രമാണ് വൺ വണ്ടർഫുൾ സണ്ഡേ. പൂർണമായും വർത്തമാന കാലത്ത് അരങ്ങേറുന്ന, റൊമാൻസ് കൊമെടി പോലുള്ള ജോണറുകൾ കൈകാര്യം ചെയ്യുന്ന, പോസ്റ്റ് വാർ ജപ്പാൻ പോലുള്ള വിഷയങ്ങൾ പ്രമേയമാക്കുന്ന അധികം ചിത്രങ്ങൾ ഈ സംവിധായകന്റേത് ആയി കണ്ടിട്ടില്ല, ഈ ഒരു കാരണം കൊണ്ട് തന്നെ വേറിട്ടൊരു അനുഭവം ആയിരുന്നു വൺ വണ്ടർഫുൾ സണ്ഡേ എന്ന ചിത്രം.

🔸യുസോ, മാസകോ എന്നീ രണ്ട് ദമ്പതിമാരാണ് വൺ വണ്ടർഫുൾ സണ്ഡേ എന്ന ചിത്രത്തിലെ പ്രധാന കഥാപാത്രങ്ങൾ, ഇരുവരും മധ്യവയസ്സ് പിന്നിട്ടവരും ഗാഢമായി പ്രണയത്തിൽ ആയവരുമാണ്. ഒരുനാൾ ഈ രണ്ട് കഥാപാത്രങ്ങളും ടോക്കിയോ നഗരത്തിൽ എത്തുകയാണ്, ചെറിയ തോതിൽ ഉള്ള നഗര പ്രദിക്ഷണം, ഡേറ്റ് എന്നതൊക്കെയാണ് ലക്ഷ്യം. പക്ഷെ ഒരു ചെറിയ പ്രശനം ഉണ്ട്, എന്താണെന്ന് വെച്ചാൽ ഇരുവരുടെയും കയ്യിൽ എല്ലാം കൂട്ടി ആകെ മുപ്പത്തി അഞ്ച് യെൻ മാത്രമേയുള്ളൂ, കാശ് ആയിട്ട്. ടോക്കിയോ നഗരവും ചിലവും കാലവും ഒക്കെ കണക്കിൽ എടുക്കുമ്പോൾ വളരെ ചെറിയൊരു തുക തന്നെയാണ് ഇതെന്ന് സ്പഷ്ടം.

🔸യുദ്ധാനന്തര ജപ്പാനിലെ ദമ്പതിമാർക്ക് ഇടയിലെ അരക്ഷിതാവസ്ഥ എന്ന വിഷയമൊക്കെ അവിടെ നിൽക്കട്ടെ, അതിന് അപ്പുറം സ്‌ക്രീനിൽ കാണുന്ന ലളിതമായ എന്നാൽ സുന്ദരമായ കഥ തന്നെ പിടിച്ചിരുത്തുന്ന മികച്ച അനുഭവമാണ്. കുറൊസാവയുടെ മറ്റ് എപിക് ചിത്രങ്ങളുമായി താരമത്യം ഒന്നും അർഹിക്കുന്നില്ല എങ്കിലും മോശം അല്ല താനും. റിയലിസ്റ്റിക് ആയ ഒരു കഥാപാത്രവും ദിവാസ്വപ്ന സ്വഭാവക്കാരനായ രണ്ടാമനും ചേർന്നുള്ള ഡൈനാമിക് ഒക്കെ നന്നായിരുന്നു താനും, മുഷിപ്പിക്കാതെ കഥയെ മുന്നോട്ട് കൊണ്ട് പോവുന്നതിൽ ഈ വസ്തുത കാണിക്കുന്ന മികവ് ചെറുതല്ല.

🔸ലളിതമായി പറഞ്ഞാൽ ടോക്കിയോ നഗരത്തിന്റെ പശ്ചാത്തലത്തിൽ ഉള്ള ഒരു റോഡ് മൂവി അല്ലെങ്കിൽ എക്സ്പ്ലോറർ മൂവി എന്നൊക്കെ വിശേഷിപ്പിക്കാവുന്ന ഒന്നാണ് ഈ ചിത്രം. ഇവരുടെ കഥ മാറി നിന്ന് വീക്ഷിക്കുന്ന ഒരു മൂന്നാമൻ എന്ന മട്ടിലുള്ള അവതരണം ഒക്കെ ബ്രില്യന്റ് ആയിരുന്നു താനും. പണക്കാരനും പാവപ്പെട്ടവനും ഒക്കെ ആയി നിൽക്കുന്ന രണ്ട് ക്ലാസുകൾ തമ്മിലുള്ള അന്തരം ഒക്കെ ഒട്ടും ഫോസ്ഡ് ആയി തോന്നാത്ത രീതിയിൽ കുറൊസാവ അവതരിപ്പിച്ചിട്ടുണ്ട്. പിന്നെ ചെറിയൊരു സർപ്രൈസ് ചിത്രത്തിന്റെ അവസാനം ഉണ്ട്, അത് എന്താണെന്ന് പറയുന്നതിൽ അർത്ഥമില്ല, കണ്ട് തന്നെ മനസിലാക്കുക.

Verdict : Good

DC Rating : 70/100

793. Crash Landing On You (2019)

Director : Lee Jung-Hyo

Genre : Romance

Rating : 8.8/10

Seasons : 01

Episodes : 16

Country : South Korea

Duration : 70 - 110 Minutes

🔸കൊറിയൻ സിംഹങ്ങൾ മിക്കവരും കണ്ടിരിക്കാൻ സാധ്യതയുള്ള, കൊറിയൻ ഡ്രാമകളിൽ ഏറ്റവും മികച്ച റേറ്റിങ്ങും പ്രേക്ഷക നിരൂപക പ്രശംസയും ഒക്കെ കരസ്ഥമാക്കിയ കിടിലൻ ഒരു സീരീസ് ആണ് ക്രാഷ് ലാൻഡിംഗ് ഓൺ യു. ഇനി കെ ഡ്രാമ അധികം കണ്ട്, അറിഞ്ഞ് പരിചയപ്പെട്ടിട്ടില്ലാത്തവർ ആണെങ്കിൽ ഒരു സ്റ്റാർട്ടർ പാക്ക് എന്ന നിലയ്ക്കും ബെസ്റ്റ് ആണ് ഈ പതിനാറ് എപ്പിസോഡുള്ള ടീവി സീരീസ്. റൊമാൻസ് ആണ് പ്രൈമറി ജോണർ എങ്കിലും കൊമെടി, മിസ്റ്ററി, സസ്പെൻസ് തുടങ്ങി എന്റർടൈൻമെന്റ് ഗ്യാരന്റി ചെയ്യുന്ന സകല കോളങ്ങളിലും ഈ സീരീസിന് ടിക്ക് മാർക്ക് കൊടുക്കാം എന്നതാണ് ഏറ്റവും വലിയ പ്ലസ് പോയിന്റ്.

🔸ക്‌ളാസ്സിക്, ബി വിത് യു തുടങ്ങിയ സിനിമകളിലൂടെ പരിചിതയായ സോൺ യെ ജിൻ തന്നെ ആയിരുന്നു പതിനേഴ് മണിക്കൂറിന് അടുത്ത് ദൈർഘ്യം ഉണ്ടായിട്ടും സീരീസ് കാണാൻ ഉണ്ടായ പ്രധാന കാരണം. ഭംഗി കൊണ്ടും പ്രകടനം കൊണ്ടും ഒക്കെ പുള്ളിക്കാരി ടോപ് ഫോമിൽ അങ്ങനെ കത്തി നിൽക്കുമ്പോൾ മറ്റുള്ള പ്രധാന താരങ്ങളും ഒട്ടും മോശമാക്കിയില്ല, ചില ഇടത്ത് സീരീസ് ഒന്ന് പെയ്സ് കുറച്ചപ്പോൾ പോലും ഒട്ടും ബോർ അടിക്കാതെ തുടർന്ന് കാണാൻ ഉള്ള താല്പര്യം സൃഷ്ട്ടിച്ചതിലും അത് കീപ് ചെയ്ത് കൊണ്ട് പോയതിലും ഈ പ്രകടനങ്ങളുടെ പങ്ക് ചെറുതല്ല.

🔸സെ രി എന്ന നായികാ കഥാപാത്രത്തെയാണ് സോൺ യെ ജിൻ അവതരിപ്പിച്ചിരിക്കുന്നത്, അവർ ഒരു സെല്ഫ് മെയ്ഡ് ബിസിനസ് വുമൺ ആണ്, സ്വന്തം കഴിവും തീരുമാനങ്ങളും വിഷനും ഒന്ന് കൊണ്ട് മാത്രം വിജയങ്ങൾ കരസ്ഥമാക്കിയതിന്റെ ഒരു ആത്മവിശ്വാസവും ചെറിയൊരു അഹങ്കാരവും ഒക്കെ അവർക്കുണ്ട്, അതിൽ കുറ്റം പറയാനും ഒക്കില്ല. തന്റെ കുടുംബവുമായി അത്ര നല്ല രസത്തിൽ അല്ല സെ രി, സ്വന്തം അച്ഛൻ തന്റെ ബിസിനസ് സാമ്രാജ്യം രണ്ട് ആൺമക്കളെ തഴഞ്ഞ് സെറിയെ ഏല്പിച്ചതും കുടുംബത്തിലെ മറ്റുള്ളവർക്ക് അത്ര രസിച്ചിട്ടില്ല. ഇങ്ങനെ ഒരു ചുറ്റുപാടിൽ കഥ നിക്കുമ്പോഴാണ് അപ്രതീക്ഷിതമായ ഒരു സംഭവം അരങ്ങേറുന്നത്.

🔸അച്ഛന്റെ ബിസിനസ് നിയമപരമായി ഏറ്റെടുക്കേണ്ടതിന്റെ തലേദിവസം പാരാഗ്ലൈഡിങ്ങിന് പോയ സെറി ഒരു കൊടുങ്കാറ്റിൽ പെട്ട് പോവുകയാണ്, ഇടയ്ക്കെപ്പോഴോ ബോധം പോയ പുള്ളിക്കാരി കണ്ണ് തുറക്കുന്നത് അതിർത്തി പങ്കിടുന്ന ശത്രു രാജ്യമായ നോർത്ത് കൊറിയയിലാണ്, തുടർന്ന് അരങ്ങേറുന്ന കാര്യങ്ങളാണ് സീരീസിന് ആധാരം. നോർത്ത് സൗത്ത് കൊറിയകൾ തമ്മിലുള്ള അന്തരം ഒക്കെ നന്നായി സീരീസ് കാണിച്ച് തരുന്നുണ്ട്, അത് പരിധി കഴിഞ്ഞ് അവഹേളനത്തിലേക്കോ പരിഹാസത്തിലേക്കോ എത്താതെ കയ്യടക്കത്തോടെ അവതരിപ്പിച്ചിട്ടുമുണ്ട്. നല്ല മൂഡിൽ ആസ്വദിച്ച് കാണാവുന്ന ഒന്നാണ് ഈ സീരീസ്, തീർച്ചയായും കാണാൻ ശ്രമിക്കുക.

Verdict : Very Good

DC Rating : 85/100

792. Sanjuro (1962)

Director : Akira Kurosawa

Genre : Action 

Rating : 8.1/10

Country : Japan

Duration : 96 Minutes

🔸യോജിമ്പോ എന്ന ചിത്രത്തിലെ ടോഷിറോ മിഫുനെയുടെ കഥാപാത്രത്തിന് ലഭിച്ച ആരാധക പിന്തുണ സത്യത്തിൽ കുറൊസാവയെപ്പോലും അത്ഭുതപ്പെടുത്തുന്നത് ആയിരുന്നു, ഈ ഒരു കാരണം കൊണ്ടാണ് പ്രസ്തുത പേരില്ലാ കഥാപാത്രത്തെ സംവിധായകൻ ഒരു തവണ കൂടി മടക്കി കൊണ്ടുവന്നത്, യഥാർത്ഥത്തിൽ ഇത് അവസാന നിമിഷത്തെ മാറ്റി എഴുതൽ ആയിരുന്നെന്നൊരു അഭിപ്രായം കൂടി കേൾക്കാൻ ഇടയായി, എന്നാൽ ഈ വസ്തുത ഒരു പോരായ്മയായി അനുഭവപ്പെടുന്നെ ഇല്ല എന്നിടത്താണ് സംവിധായകന്റെ കയ്യടക്കവും മറ്റും വെളിപ്പെടുന്നത്.

🔸യോജിമ്പോ എന്ന ചിത്രത്തിലെ സംഭവങ്ങൾക്ക് ശേഷം വർഷങ്ങൾ കുറച്ച് കഴിഞ്ഞിരിക്കണം, സെഞ്ചുറോയിൽ എത്തുമ്പോൾ. മിഫുനെ അവതരിപ്പിച്ച സമുറായി കഥാപാത്രത്തിന് പക്വതയും പാകതയും പരിചയവും എല്ലാം വർധിച്ചിരിക്കുന്നു. തന്റെ വയലെന്റ് ഇൻസ്റ്റിങ്ക്ടുകളെ അകറ്റി നിർത്താനും, സമാധാനത്തിന്റെ പാതയിൽ സഞ്ചരിക്കാനും ഒക്കെ അദ്ദേഹം ശ്രമിക്കുന്നുണ്ട്, എന്നാൽ ഒട്ടും ഫലവത്ത് ആവുന്നില്ല ഇതൊന്നും. യുദ്ധത്തിനും പോരിനുമായി പരുവപ്പെട്ട ഒരു യോദ്ധാവിന് സമാധാന കാലം അർഹിക്കുന്നില്ല അല്ലെങ്കിൽ ലഭിക്കില്ല എന്ന തിരിച്ചറിവ് ആ കഥാപാത്രത്തിനുണ്ട്.

🔸ഒരു പൊളിറ്റിക്കൽ കോൺസ്പിരസി ആണ് ഈ ചിത്രത്തിന്റെ ബാക്ക്ബോൺ, അതായത് ഇപ്പോൾ ഭരിച്ച് കൊണ്ടിരിക്കുന്ന നേതാവിനെ വകഞ്ഞ് മാറ്റി ഭരണം പിടിച്ചടക്കാനായി വിശ്വസ്തരെന്ന് പൊതുവെ കരുതപ്പെടുന്ന ചിലരുടെ ശ്രമങ്ങൾ അണിയറയിൽ നടക്കുന്നുണ്ട്. നേതാവിന് പ്രായമായി, അദ്ദേഹത്തിന് ശേഷം ഇയാൾ എന്ന് പറഞ്ഞ് ഉയർത്തി കാണിക്കാൻ ശക്തനായ ഒരു അനന്തരാവകാശി ഇല്ല താനും, ഇനി ഇതൊന്നും പോരെങ്കിൽ നിയമ പാലകരും നിയമ വ്യവസ്ഥയുടെ നടത്തിപ്പുകാരും എല്ലാം രഹസ്യമായി അദ്ദേഹത്തിന് എതിരെ തിരിഞ്ഞ് കഴിഞ്ഞിരിക്കുന്നു.

🔸നേതാവിനെ സംരക്ഷിക്കണം എന്ന അതിയായ ആഗ്രഹം ഉള്ള ഒൻപത് യോദ്ധാക്കൾ മാത്രമേ ഇന്ന് അവശേഷിക്കുന്നുള്ളൂ, അവർക്ക് ആണെങ്കിൽ ആയോധന കലയിൽ ആവശ്യത്തിന് പരിചയമോ, കാര്യങ്ങൾ ഗ്രഹിക്കാനുള്ള പാകതയോ എത്തിയിട്ടില്ല. കഥ ഇങ്ങനെയൊരു പോയിന്റിൽ നിക്കുമ്പോഴാണ് മിഫുനെയുടെ കഥാപാത്രം കടന്ന് വരുന്നത്. സ്റ്റോറിയിൽ പുള്ളിയുടെ റോൾ എന്ത്, ഈ കഥാപാത്രങ്ങളുടെ ഭാവിയെന്ത് തുടങ്ങിയ ചോദ്യങ്ങൾക്കുള്ള ഉത്തരം സിനിമ കണ്ട് തന്നെ മനസിലാക്കുക. ആക്ഷൻ വൈസ് ആയാലും സ്റ്റോറി വൈസ് ആയാലും നല്ല ഒന്നാംക്‌ളാസ്സ് ചിത്രമാണ് സെഞ്ചുറോ, തീർച്ചയായും കാണാൻ ശ്രമിക്കുക.

Verdict : Must Watch

DC Rating : 90/100

791. Yojimbo (1961)

Director : Akira Kurosawa

Genre : Action

Rating : 8.2/10

Country : Japan

Duration : 110 Minutes

🔸കുറൊസാവയുടെ ഏറ്റവും മികച്ച അഞ്ച് സിനിമകൾ എടുത്താൽ അതിൽ വ്യക്തിപരമായി നിസ്സംശയം ചേർക്കുന്ന ഒന്നാണ് യോജിമ്പോ, സംവിധായകന് പരിചിതമായ സമുറായ് പശ്ചാത്തലം വെസ്റ്റേൺ ജോണറിൽ ചേർത്ത് പറഞ്ഞ ബ്രില്യന്റ് ആയ ഐഡിയ തൊട്ട് പിന്നീട് ഫിസ്റ്റ്ഫുൾ ഓഫ് ഡോളേഴ്‌സിൽ കണ്ട സ്വാധീനം വരെ യോജിമ്പോ പാകിയ വഴിയിലൂടെ പോയ സംവിധായകരും, സിനിമകളും, നടന്മാരും അനവധിയാണ്. കുറൊസാവ ചിത്രങ്ങളിലെ ഏറ്റവും സ്റ്റൈലൈസ്ഡ് കഥാപാത്രങ്ങളിൽ ഒന്നായിരിക്കും ടോഷിറോ മിഫുനെയുടെ ഈ ചിത്രത്തിലെ പേരില്ലാത്ത സമുറായി കഥാപാത്രം, ആ കഥാപാത്രത്തിന്റെ സ്വാഗ് ഒക്കെ കണ്ടറിയേണ്ടത് തന്നെയാണ്.

🔸പത്തൊൻപതാം നൂറ്റാണ്ട് ആണ് നമ്മുടെ ചിത്രത്തിന്റെ കഥാ പശ്ചാത്തലം, ടോക്‌ഗാവോ രാജവംശം വീണ് കഴിഞ്ഞിരിക്കുന്നു. ഈ വിഭാഗത്തിൽപ്പെട്ട രാജാക്കന്മാർ തങ്ങളുടെ സേനയിൽ അഭിമാനത്തോടും ഒരല്പം അഹങ്കാരത്തോടും ഉൾപ്പെടുത്തിയിരുന്ന സാമുറായ് പോരാളികളുടെ പ്രതാപ കാലവും ഏറെക്കുറെ അവസാനിച്ചിരിക്കുന്നു. ഒരുകാലത്ത് രാജകീയ വേഷഭൂഷാദികൾ ധരിച്ചിരുന്ന, കൊട്ടാരങ്ങളിൽ താമസിച്ചിരുന്ന ഈ പോരാളികൾ ഇന്ന് ഒരു നേരത്തെ ആഹാരത്തിനും ആവശ്യമായ പണത്തിനും വേണ്ടി വരെ ബുദ്ധിമുട്ടുകയാണ്.

🔸ടോഷിറോ മിഫുനെ അവതരിപ്പിച്ച നായക കഥാപാത്രത്തെയും ഈ ഒരു സ്രെണിയിൽ ഉൾപ്പെടുത്താവുന്നതാണ്, കാര്യമായ ജോലിയോ കയ്യിൽ ആവശ്യത്തിന് പണിയോ ഒന്നും ഇല്ലാത്ത ടിയാന് കൈവശം ഉള്ളത് ആയോധന കലയിലെ താരമത്യം ചെയ്യാൻ കഴിയാത്ത സിദ്ധിയാണ്. ഈ പേരില്ലാത്ത കഥാപാത്രം ഒരു പുതിയ ഗ്രാമത്തിലേക്ക് കടന്ന് വരുന്നിടത്താണ് സിനിമ ആരംഭിക്കുന്നത്, ആ ഗ്രാമത്തെ കുറിച്ചുള്ള ഒരേകദേശ രൂപരേഖ ആദ്യ സീനിൽ നിന്ന് തന്നെ പുള്ളിക്കും നമ്മൾ കാഴ്ചക്കാർക്കും കിട്ടുന്നുണ്ട്. ഒരു നായ മനുഷ്യന്റെ അറ്റ് വീണ കൈപ്പത്തി കടിച്ച് കൊണ്ട് പോവുന്നതാണ് ഈ ആദ്യ സീൻ.

🔸ചൂതാട്ടം, തമ്മിൽ തല്ല്, പിടിച്ച് പറി തുടങ്ങി സകലമാന പോക്രിത്തരത്തിലും ഡിഗ്രിയും പോസ്റ്റ് ഗ്രാഡുവേഷനും കരസ്ഥമാക്കിയവരാണ് ആ ഗ്രാമത്തിലെ ജനങ്ങൾ. അല്ലെങ്കിൽ തന്നെ അവിടെ സാധാരണക്കാർ എന്ന വിശേഷണം അർഹിക്കുന്ന ഒരുത്തനെയും കാണാനില്ല, സകലവന്മാരും ചട്ടമ്പിമാരാണ്, അവർ തന്നെ രണ്ട് ചേരിയിൽ പരസ്പരം പോരടിച്ച് ചത്തും കൊന്നും ഒക്കെയാണ് എന്റർടെയ്‌ൻമെന്റ്‌ കണ്ടെത്തുന്നത്. ഈ ഒരു ചുറ്റുപാടിലേക്കാണ് നമ്മുടെ നായകൻ ഇടിച്ച് കേറി ചെല്ലുന്നത്, ബാക്കിയുള്ള മുട്ടനടി സ്‌ക്രീനിൽ തന്നെ കണ്ട് ആസ്വദിക്കുക. നല്ല കിടിലൻ സിനിമയാണ് യോജിമ്പോ, ഇന്നും പഴക്കം എന്നത് ഒട്ടും ബാധിച്ചിട്ടില്ലാത്ത, ആക്ഷൻ ആരാധകർക്ക് ഒക്കെ നിസ്സംശയം പരീക്ഷിക്കാവുന്ന നല്ല വെടിക്കെട്ട് ഒരു ചിത്രം.

Verdict : Must Watch

DC Rating : 95/100

790. Ema (2019)

Director : Pablo Larrain

Genre : Drama

Rating : 6.8/10

Country : Chile

Duration : 107 Minutes

🔸ടോണി മൺറോ, ജാക്കി, നെരൂദ തുടങ്ങിയ പാബ്ലോ ലാറിൻ ചിത്രങ്ങൾ മുന്നേ കണ്ടിട്ടുണ്ട്, എമ കാണുന്നതിന് മുന്നേ. വൈൽഡ് ആയ രീതിയിൽ പോകുന്ന, അതേസമയം അംബീഷ്യസ് ആയ കൺസപ്റ്റ് ഉൾക്കൊണ്ട പുള്ളിയുടെ ചിത്രങ്ങൾ എല്ലാം തന്നെ മികച്ച അനുഭവങ്ങൾ ആയിരുന്നു, പക്ഷെ ഏറ്റവും പ്രസക്തമായി തോന്നിയ കാര്യം കണ്ട് കഴിഞ്ഞ ശേഷം പതിയെ അതിനെ കുറിച്ച് ഉടലെടുക്കുന്ന ചിന്തകൾ ആയിരുന്നു. ഇങ്ങനെ ഒരു വശം കിടക്കുമ്പോൾ എമ പോലെ സൈക്കിടെലിക് ശൈലി കൂടി ഉള്ള ചിത്രം കാണാതിരിക്കുന്നത് എങ്ങിനെ, നല്ല പ്രതീക്ഷ തന്നെ ഉണ്ടായിരുന്നു ഈ ചിത്രത്തിൽ.

🔸എമ, ഗാസ്ട്ടൻ എന്നീ ദമ്പതിമാരെയാണ് ചിത്രം നമുക്ക് പരിചയപ്പെടുത്തി തരുന്നത്, ദമ്പതിമാർ ആയിരുന്നു എന്ന് പറയുന്നതാവും ശെരി. ഒരുകാലത്ത് ഗാഢമായി പരസ്പരം ഇഷ്ട്ടപ്പെട്ടിരുന്നവർ എന്ന് ചിത്രം പറയുന്ന ഈ രണ്ട് കഥാപാത്രങ്ങളും ഇന്ന് അകൽച്ചയിലാണ്, എന്ന് മാത്രമല്ല നല്ല തോതിൽ പരസ്പരം വെച്ച് പുലർത്തുന്നുമുണ്ട്. ബന്ധം പരാജയമായതിൽ ഇരുവരും പരസ്പരം പഴി ചാരുന്നുണ്ട്. ഇതിന് പുറമെ മറ്റൊരു കാര്യത്തിൽ കൂടി ഈ രണ്ട് കഥാപാത്രങ്ങളും തമ്മിൽ അന്യോന്യം വെറുപ്പ് വെച്ച് പുലർത്തുന്നുണ്ട്, മകന്റെ കാര്യത്തിൽ.

🔸രണ്ട് കഥാപാത്രങ്ങൾക്കും ഒരേയൊരു മകൻ മാത്രമേയുള്ളൂ, ആ സന്താനമാണ് പോളോ. പോളോ എന്ന കഥാപാത്രത്തെ ചിത്രത്തിൽ നേരാംവണ്ണം പരിചയപ്പെടുത്തുന്നു പോലുമില്ല, മറ്റുള്ള ലാറിൻ ചിത്രങ്ങളിൽ എന്നപോലെ വാക്കുകളിലും ചേഷ്ടകളിലും എല്ലാമായി നമ്മൾ പരിചയപ്പെടുന്ന ഒരു മിസ്റ്റീരിയസ് കഥാപാത്രമാണ് അവൻ. അച്ഛനും അമ്മയും തമ്മിലുള്ള ശീത സമരത്തിന് ഇടയിൽ പെട്ട് പോയ അവൻ പിന്നീട് ഏതോ ഓർഫനേജിൽ എത്തി പെട്ടു എന്നാണ് ചിത്രം പറയുന്നത്, അതിന് ശേഷം അവന്റെ വിവരങ്ങളിൽ പലതിലും വ്യക്തതയില്ല.

🔸ഈ രണ്ട് കഥാപാത്രങ്ങളുടെയും മോൺസ്‌ട്രോസിറ്റിക്ക് സംവിധായകൻ നൽകിയ പേരാണ് പോളോ എന്ന് പറഞ്ഞാൽ പോലും അതിൽ അത്ഭുതപ്പെടാനില്ല, അവന്റെ തന്നെ വികലമായ സ്വഭാവ ചര്യകളെ കുറിച്ച് പലയിടത്തും പരാമർശിക്കുന്നുണ്ട് എന്നത് വേറെ കാര്യം. തന്റെ ഭൂത കാലത്ത് സംഭവിച്ച മകൻ ഉൾപ്പെടെയുള്ള തെറ്റുകൾ പരിഹരിക്കാനായി ഒരു റിഡംപ്‌ഷൻ വോയേജിൽ ഇറങ്ങി തിരിക്കുകയാണ് എമ, ഈ ഒരു സ്റ്റോറി ആർക്ക് ആണ് ചിത്രത്തിന്റേത്, ഇവിടെ സൂചിപ്പിക്കാത്ത പല സബ് പ്ലോട്ടുകളും കഥാപാത്രങ്ങളും എല്ലാം ചിത്രത്തിൽ വന്ന് പോവുന്നുണ്ട്. സംവിധായകന്റെ തന്നെ മറ്റ് ചിത്രങ്ങളുമായി തട്ടിച്ച് നോക്കാൻ ഉള്ളത് ഇല്ലെങ്കിലും ഒരു തവണ കാണാൻ ഉള്ളതുണ്ട്.

Verdict : Good

DC Rating : 75/100

789. Padamudra (1988)

Director : R Sukumaran

Genre : Drama

Rating : 6.6/10

Country : India

Duration : 144 Minutes

🔸കുറച്ച് ദിവസങ്ങൾക്ക് മുന്നേ എന്നത്തേയും പോലെ ഫെയ്സ്ബുക് ടൈം ലൈനിലൂടെ വെറുതെ അലക്ഷ്യമായി കടന്ന് പോയികൊണ്ടിരിക്കെ ആണ് പാദമുദ്ര എന്ന ചിത്രത്തെ കുറിച്ചുള്ള പോസ്റ്റ് കണ്ണിൽ ഉടക്കിയത്. സത്യത്തിൽ ആ ഒരു നിമിഷം വരെ ഈ ചിത്രത്തിലെ ഒരു സീൻ പോലും കണ്ടിട്ടില്ലായിരുന്നു, സ്വന്തം ഭാഷ ആയിരുന്നിട്ടും കണ്ട ഒരുവിധപ്പെട്ടവർ എല്ലാം തന്നെ നല്ല അഭിപ്രായം പറഞ്ഞിട്ടുമാണ് ഈ കാര്യം എന്നത് അപമാനകരം തന്നെ ആയിരുന്നു. വളരെ വൈകിയാണ് മാതു പണ്ടാരത്തെയും സോപ് കുട്ടപ്പനെയും അന്ന് ദർശിച്ചത്, ചിത്രം അവസാനിക്കുമ്പോൾ പറഞ്ഞ് ഫലിപ്പിക്കാൻ കഴിയാത്ത ഒരു വികാരം ആയിരുന്നു. റിലീഫ് ആണോ എന്ന് ചോദിച്ചാൽ അല്ലേയല്ല, വേദന ആണോ എന്ന് ചോദിച്ചാൽ കുറച്ചൊക്കെ, നിരാശ ആയിരുന്നു എന്ന് തോന്നുന്നു എല്ലാത്തിനും മുകളിൽ.

🔸പാദമുദ്ര എന്ന സിനിമയിലെ തന്നെ വ്യക്തിപരമായി ഏറ്റവും ഇഷ്ട്ടപ്പെട്ട സീൻ ആണ് മോഹൻലാലിൻറെ അച്ഛൻ കഥാപാത്രമായ മാതു പണ്ടാരം തന്റെ മകന് കടയിൽ നിന്നും ഭക്ഷണം വാങ്ങി കൊടുക്കുന്ന സീൻ. കടയുടെ പുറത്ത് വിശന്ന് നിൽക്കുന്ന പയ്യൻ തന്റെ മകനാണ് എന്ന് പണ്ടാരത്തിന് അറിയാം, സർവോപരി നാട്ടുകാർക്കും, അത് അഭിമുഖീകരിക്കാൻ മടി ഉണ്ടായിരുന്നിട്ട് പോലും ഭക്ഷണ പദാർത്ഥങ്ങൾ കണ്ട് വെള്ളം ഊറി നിൽക്കുന്ന അവനെന്ന കാഴ്ച വേദനിപ്പിച്ചത് കൊണ്ടാണ് പണ്ടാരം അവനെ അകത്തേക്ക് വിളിച്ചതും വയർ നിറയെ ഭക്ഷണം വാങ്ങി കൊടുത്തതും. എന്നാൽ അതിന് ലഭിച്ചത് സ്ഥലകാല ബോധം ഇല്ലാത്ത കുറെ പരിഹാസ ശരങ്ങളും പുച്ഛം കലർന്ന ചിരിയും.

🔸പിന്നീടൊരു നാൾ മാതു പണ്ടാരം ചങ്ക് പൊട്ടി ചത്ത് കിടന്നപ്പോഴും, അടക്കിൽ പങ്കെടുക്കാൻ കഴിയാതെ ദൂരെ ഒരിടത്ത് നിന്ന് കുട്ടപ്പൻ നോക്കി നിന്നപ്പോഴും മുഴങ്ങിയിരുന്നു നാട്ടുകാരുടെ ഈ പരിഹാസം. ആ ഒരു പോയിന്റിൽ എത്തിയപ്പോഴേക്കും കുട്ടപ്പന് അത് ഒരു ശീലമായി മാറിക്കഴിഞ്ഞിരുന്നു. തന്റെ അമ്മയ്ക്കും മാതു പണ്ടാരത്തിനും പറ്റിയ അബദ്ധം മാത്രമാണ് താൻ എന്ന തിരിച്ചറിവ് അവൻ എന്നോ ലഭിച്ച് കഴിഞ്ഞിരുന്നു. ദുർബലൻ ആയവൻ മറ്റുള്ളവർക്ക് കുത്തി നോവിക്കാൻ ഉള്ള വെറുമൊരു ഉപകരണം മാത്രമാണ് എന്നത് കുട്ടപ്പന്റെ കാര്യത്തിൽ നൂറ് ശതമാനം ശെരിയാണ്, നാട്ടുകാർക്കും കാഴ്ചക്കാർക്കും അവൻ കൊട്ടി പോവാൻ ഉള്ള ചെണ്ട മാത്രമായിരുന്നു താനും.

🔸തന്റെ ഇരുപത്തി എട്ടാമത്തെ വയസിലാണ് മോഹൻലാൽ എന്ന നടൻ മാതു പണ്ടാരം എന്ന സ്ത്രീ ലമ്പടനായ കഥാപാത്രത്തെയും, സോപ് കുട്ടപ്പൻ എന്ന വേട്ടയാടപ്പെട്ട കഥാപാത്രത്തെയും അവതരിപ്പിച്ചത് എന്നത് അഭിനന്ദനാർഹമായ കാര്യമാണ്. പെരുമാറ്റത്തിലും ചേഷ്ടകളിലും രണ്ട് ദിക്കുകളിൽ അത്രയും അന്തരത്തിൽ നിൽക്കുന്ന രണ്ട് കഥാപാത്രങ്ങൾ, പൊടിക്ക് മാതു പണ്ടാരം മികച്ച് നിന്നെന്ന തോന്നൽ ഉളവാക്കിയെങ്കിലും മികവിന്റെ കാര്യത്തിൽ വലിയ അന്തരം ഇല്ല. നഷ്ടങ്ങളുടെ വേദനയുടെ തുടർച്ചയാണ് കുട്ടപ്പന്റെ ജീവിതം, അമ്മ തൊട്ട് പെങ്ങൾ വരെ എല്ലാം ആ വേദനയുടെ വിവിധ തലത്തിലെ അധ്യായങ്ങളാണ്.

🔸കുട്ടപ്പൻ തന്റെ മനസ്സ് കൈവിടുന്നിടത്താണ് പാദമുദ്ര അവസാനിക്കുന്നത്, സത്യത്തിൽ ആ കഥാപാത്രത്തെ സംബന്ധിച്ച് അതൊരനുഗ്രഹം ആണെന്ന് പറയുന്നിടത്ത് അയാൾ നേരിടേണ്ടി വന്ന പരിഹാസത്തിന്റെയും അവഗണനയുടെയും പുച്ഛത്തിന്റെയും എല്ലാം അളവ് വ്യക്തമാവുന്നുണ്ട്, ഒരുപക്ഷെ ഞാൻ കണ്ട ഏറ്റവും മികച്ച രംഗങ്ങളിൽ ഒന്നാണ് മുള്ളുവേലി പൊളിച്ച് സോപ് കുട്ടപ്പൻ ഓടുന്ന രംഗം, "സ്ത്രീയെ, ഇതാ നിന്റെ മകൻ" എന്ന് തുടങ്ങുന്ന വചനം ആ രംഗത്തിന്റെ മനോഹാരിതയും ബ്രൂട്ടലിറ്റിയും വർധിപ്പിക്കുന്നെ ഉള്ളു താനും. പാദമുദ്ര ഒരു റെയർ ഫീറ്റ് ആണ്, അഭിമാനിക്കാവുന്ന കണ്ടിരിക്കേണ്ട ഒരു ലാൻഡ്മാർക് ചിത്രം.

Verdict : Must Watch

DC Rating : 90/100

788. Papicha (2019)

Director : Mounia Meddour

Genre : Drama

Rating : 7.1/10

Country : France

Duration : 108 Minutes

🔸പാപിച്ച എന്ന വാക്കിന് സ്വതന്ത്രയായ സ്ത്രീ എന്നൊക്കെയാണ് അർഥം, ഒരുപക്ഷെ ഈ ചിത്രത്തിനും പ്രധാന കഥാപാത്രത്തിനും കൊടുക്കാൻ കഴിയുന്ന ഏറ്റവും മികച്ച തലക്കെട്ട് അല്ലെങ്കിൽ വിശേഷണവും ഇത് തന്നെ. സ്ത്രീ പക്ഷ സിനിമയായ ഹേലാരോ കണ്ടതിന് ശേഷമാണ് പാപിച്ച എന്ന ചിത്രം കയ്യിൽ എത്തിയത്, ഒരേ വിഷയം കൈകാര്യം ചെയ്യുന്ന രണ്ട് സിനിമകൾ ആയതിനാൽ രണ്ടും അർഹിക്കുന്ന രീതിയിൽ ആസ്വദിക്കാൻ കഴിയുമോ എന്നൊരു സംശയം ഉണ്ടായിരുന്നു, എന്നാലത് ഒരു വിഷയമേ ആയില്ല എന്നതാണ് സത്യം.

🔸ഒരു സ്ത്രീ പക്ഷ സിനിമയായി നിൽക്കുമ്പോൾ തന്നെയും ചിത്രത്തിന്റെ കഥ അരങ്ങേറുന്ന തൊണ്ണൂറുകളിലെ അൾജീരിയയിലെ രാഷ്ട്രീയ അരക്ഷിതാവസ്ഥയും എക്സ്ട്രീമിസ്റ്റ് നയങ്ങളും രീതികളും എല്ലാം ചിത്രത്തിന് വിഷയമായി വരുന്നുണ്ട്. സത്യത്തിൽ ചിത്രീകരണം കഴിഞ്ഞ് ഒരു വര്ഷത്തിനടുത്ത് കാലമായി ഉള്ള ചിത്രമാണ് പാപിച്ച എങ്കിലും സെൻസറിങ്ങിന് വേണ്ടി അല്ലാതെ ഒരു തവണ പോലും ചിത്രം പ്രദര്ശിപ്പിക്കപ്പെട്ടിട്ടില്ല. ഇതിൽ നിന്ന് തന്നെ കൈകാര്യം ചെയ്യുന്ന വിഷയം എത്രത്തോളം ഗൗരവകരം ആണ് എന്നത് വ്യക്തമാണ്.

🔸അൾജീരിയയിലെ സർക്കാരും വിമത എക്സ്ട്രീമിസ്റ്റ് ഇസ്ലാം ഗ്രൂപ്പുകളും തമ്മിലുള്ള പോരാട്ടത്തിനും മത്സരത്തിനും എല്ലാം പതിറ്റാണ്ടുകളുടെ പഴക്കം ഉണ്ട്. ഈ പോര് അതിന്റെ ഉച്ച സ്ഥായിൽ എത്തിയത് തൊണ്ണൂറുകളിലാണ്, ഇരു കൂട്ടരും തമ്മിലുള്ള യുദ്ധം പത്ത് വർഷത്തോളം നീണ്ട് നിന്ന ആഭ്യന്തര യുദ്ധത്തിനും അത് വഴി വൻ നഷ്ടങ്ങൾക്കും വഴി വെച്ചിരുന്നു. അത്തരം വിഷയങ്ങൾ എല്ലാം ഗൗരവം ഏതും ചോരാതെ, വെള്ളം ചേർക്കൽ ഏതും ഇല്ലാതെ സിനിമയിൽ മനോഹരമായി തന്നെ അവതരിപ്പിച്ചിട്ടുണ്ട് എന്നത് കാണാം.

🔸ഈ കാലഘട്ടത്തിൽ തന്നെ സ്ത്രീ കഥാപാത്രങ്ങൾക്ക് വളരെ അധികം ബുദ്ധിമുട്ടുകൾ നേരിടേണ്ടി വന്നിട്ടുണ്ട്, ഹിജാബ് വിഷയം ഉൾപ്പെടെ. അൾജീരിയൻ സർക്കാരിന്റെ കീഴിൽ സ്വതന്ത്ര പൗരന്മാർ ആയിരുന്നിടത്ത് നിന്നും എക്സ്ട്രീമിസ്റ്റ് ഗ്രൂപ്പിന്റെ പ്രാകൃത ചട്ടക്കൂടിലേക്ക് ഉള്ള ഈ കഥാപാത്രങ്ങളുടെ വീഴ്ച വളരെ പെട്ടെന്ന് ആയിരുന്നു. ഈ ഒരു കാര്യമാണ് നാദമ എന്ന ഫാഷൻ ഡിസൈനർ പെൺകുട്ടിയുടെ വ്യൂ പോയിന്റിലൂടെ നമ്മൾ കാണുന്നത്. ഇത്തരം കാടത്ത നിലപാടുകൾക്ക് എതിരെ അവളും സുഹൃത്തുക്കളും പ്രതികരിക്കുന്നുമുണ്ട്.

🔸ഈ എക്സ്ട്രീമിസ്റ്റ് ഗ്രൂപ്പുകളുടെ വിഹാരം അൾജീരിയയിൽ ഏതാണ്ട് പത്ത് വർഷത്തോളം നീണ്ടുനിന്നിരുന്നു. ഈ കാലഘട്ടത്തിൽ വശ്ത്രധാരണ സ്വാതന്ത്ര്യം എന്ന വിഷയത്തിൽ ഉൾപ്പെടെ നാദമ പ്രതികരിക്കുന്നുണ്ട്, ഇരുട്ടിന്റെ മറവിൽ വേഷ വിധാനങ്ങൾ അവൾ രഹസ്യമായി പലർക്കും എത്തിച്ച് കൊടുക്കുന്നുണ്ട്, ഇതും ഒരു തരത്തിൽ പ്രതിഷേധം തന്നെ. ഇങ്ങനെ ഒരുപാട് ഒരുപാട് കഥാ സന്ദർഭങ്ങൾ പല വ്യക്തികളിലൂടെ ചിത്രത്തിലേക്ക് കടന്ന് വരുന്നുണ്ട്, ചുരുക്കി പറയുക ആണെങ്കിൽ ഒരു തവണ കാണാൻ ഉള്ള വകുപ്പ് ഉണ്ട് ഈ ഫ്രഞ്ച് അൾജീരിയൻ ചിത്രത്തിൽ, കഴിയുമെങ്കിൽ കാണാൻ ശ്രമിക്കുക.

Verdict : Good

DC Rating : 75/100

787. Hellaro (2019)

Director : Abhishek Shah

Genre : Drama

Rating : 8.8/10

Country : India

Duration : 121 Minutes

🔸അഭിഷേക് ഷാ എന്ന സംവിധായകന്റെ അരങ്ങേറ്റ ചിത്രമാണ് ഹെല്ലറോ എന്നത് വിശ്വസിക്കാൻ ഒരല്പം പ്രയാസമുള്ള കാര്യം തന്നെയാണ്, പ്രത്യേകിച്ചും ചിത്രം കണ്ട് ആസ്വദിച്ച് കഴിഞ്ഞ ഒരാൾക്ക്. വർഷങ്ങളുടെ പരിചയത്തിൽ ലഭിക്കുന്ന കയ്യടക്കം, ക്വലിറ്റി എന്നിവയ്‌ക്കൊപ്പം ഒരു സംവിധായകന് ആവശ്യം എന്ന് വ്യക്തിപരമായി വിശ്വസിക്കുന്ന സ്വന്തം പ്രൊഡക്ടിനെ സംബന്ധിച്ചുള്ള വിഷനും, ഐഡിയയും അയാൾക്കുണ്ട് എന്നത് സ്പഷ്ടമാണ്, അത് തന്നെയാണ് ഹെലാരോ എന്ന ചിത്രത്തെ സ്പെഷ്യൽ ആക്കുന്നതും.

🔸പരിചിതമായ ഒരു വിഷയത്തെ അത്ര പരിചിതമല്ലാത്ത ബാക്ക്ഗ്രൗണ്ടിൽ പവർഫുൾ ആയാണ് ചിത്രം അവതരിപ്പിച്ചിരിക്കുന്നത്. സപ്രസ് ചെയ്ത് വെച്ചിരിക്കുന്ന സ്ത്രീത്വത്തെ പ്രമേയമാക്കി കൊണ്ട് അനവധി സിനിമകൾ ലോകത്താകമാനം ഉള്ള പല രാജ്യങ്ങളിൽ പല ഭാഷകളിൽ പുറത്തിറങ്ങിയിട്ടുണ്ട്, ഇന്ത്യയിലും കുറവല്ല. ഈ ചിത്രങ്ങൾ ഉയർത്തി കാണിക്കുന്ന പ്രശ്നങ്ങൾ പരിഹരിക്കപ്പെടാത്തിടത്തോളം കാലം അത് പ്രസക്തവുമാണ്, ഹെല്ലറോ എന്ന ചിത്രത്തിന്റെ തന്നെയും പ്രസക്തി അല്ലെങ്കിൽ പ്രാധാന്യം ഇവിടെയാണ്.

🔸മരുഭൂമിയുടെ വന്യത നിറഞ്ഞ് നിൽക്കുന്ന കച്ച് ആണ് ചിത്രത്തിന്റെ കഥാ പശ്ചാത്തലം, ടെക്കനോളജിക്കൽ ഔട്‍ബേർസ്റ്റിന് ഒക്കെ മുന്നേയുള്ള എഴുപതുകളാണ് കാലഘട്ടം. ഇന്ദിരാ ഗാന്ധിയാണ് അന്ന് ഇന്ത്യൻ പ്രധാന മന്ത്രി, രാജ്യത്തൊട്ടുക്കും അടിയന്തിരാവസ്ഥ പ്രഖ്യാപിച്ചിരുന്ന കാലം. എങ്ങും നിലനിന്നിരുന്ന അരക്ഷിതാവസ്ഥയ്ക്ക് കാരണം രാജ്യഭരണം ഒരു സ്ത്രീ കയ്യാളിയത് കൊണ്ടും അത് വഴി ഉണ്ടായ ദൈവ കോപം കാരണമാണ് എന്നും വിശ്വസിക്കുന്ന ഒരുകൂട്ടം പ്രാകൃത മനുഷ്യരാണ് ആ ഗ്രാമത്തിൽ ഉള്ളത്.

🔸ഈ സൂചിപ്പിച്ച ജെണ്ടർ വൈസ് വേർതിരിവ് ആദ്യ പത്ത് മിനുട്ടിൽ തന്നെ ചിത്രം വരച്ച് കാണിക്കുന്നുണ്ട്, ഗ്രാമത്തിൽ നടക്കുന്ന ഉത്സവങ്ങളിലോ മറ്റ് കാര്യങ്ങളിലോ പങ്കെടുക്കാൻ ഉള്ള അവകാശം ഇല്ലാത്ത, വീടിന് പുറത്ത് വരെ ഇറങ്ങാൻ കഴിയാതെ നാല് ചുവരിനുള്ളിൽ ജീവിക്കുന്നവരാണ് ചിത്രത്തിലെ സ്ത്രീ കഥാപാത്രങ്ങൾ. ജനിച്ച് വീഴുന്ന കുഞ്ഞുങ്ങളോട് വരെ ഇത്തരം സമീപനമാണ് സകലരും വെച്ച് പുലർത്തുന്നത്. ഈ ഒരു പശ്ചാത്തലത്തിലാണ് മഞ്ജരി എന്ന നായികാ കഥാപാത്രം വിവാഹിതയായി ആ ഗ്രാമത്തിലേക്ക് കടന്ന് വരുന്നത്, ഏഴാം ക്‌ളാസ് വരെ പഠനം പൂർത്തിയാക്കിയിട്ടുള്ള മഞ്ജരിക്ക് പ്രായ പൂർത്തി ആയിട്ട് പോലുമില്ല.

🔸ഈ സ്ത്രീ കഥാപാത്രങ്ങൾ എല്ലാവരും തന്നെ സ്വാതന്ത്ര്യം എന്നത് അറിയുന്നത് എന്നും കാലത്ത് അടുത്തുള്ള പുഴയിൽ നിന്നും വെള്ളം കോരാൻ പോവുമ്പോഴുള്ള ചെറിയ സമയം മാത്രമാണ്, ഇങ്ങനെ ഒരു സന്ദർഭത്തിൽ മരുഭൂമിയിൽ വെച്ച് ഇവരൊരു കഥാപാത്രത്തെ കണ്ട് മുട്ടുന്നതും തുടർന്ന് നടക്കുന്ന കാര്യങ്ങളുമാണ് ചിത്രത്തിന്റെ പ്രമേയം. ഗൗരവമേറിയ ഒരു വിഷയത്തിന്റെ ശക്തമായ അവതരണമാണ് ഈ ചിത്രം, അവസാന സീൻ ഒക്കെ മികച്ച അനുഭവം തന്നെയാണ്, ഓൺലൈൻ പ്ലാറ്റ്‌ഫോമുകളിൽ ലഭ്യമായ ചിത്രം തീർച്ചയായും കാണാൻ ശ്രമിക്കുക.

Verdict : Very Good

DC Rating : 85/100

786. High And Low (1963)

Director : Akira Kurosawa

Genre : Drama

Rating : 8.5/10

Country : Japan

Duration : 143 Minutes

🔸സമുറായ് പശ്ചാത്തലത്തിൽ നിന്നും ഒരിടവേളയ്ക്ക് ശേഷം കുറൊസാവ മാറി നിന്ന ചിത്രം, പൂർണമായും മോഡേൺ ഡേ ജപ്പാനിൽ അരങ്ങേറുന്ന ഒന്നര പതിറ്റാണ്ട് ശേഷമുള്ള ചിത്രം, വൻ വിജയമായ സെഞ്ചുറോയ്ക്ക് ശേഷം മിഫുനെ നദകയ് സഖ്യം വീണ്ടും ഒരുമിച്ച ചിത്രം തുടങ്ങി ഒരുപാട് പ്രത്യേകതകൾ ഉള്ളതാണ് ഹൈ ആൻഡ് ലോ എന്ന ചിത്രത്തിന്. ഒരു കിഡ്നാപ്പ്, അതിനെ തുടർന്നുള്ള പോലീസ് അന്വേഷണം തുടങ്ങി ത്രില്ലർ ടെറിട്ടറിയിലേക്കാണ് കുറൊസാവ ഈ ചിത്രത്തിലൂടെ കൈ വെച്ചത്, അത് ഒട്ടും മോശം ആയതുമില്ല.

🔸ഈ ചിത്രം തിയേറ്ററിൽ എത്തിയിട്ട് ഉദ്ദേശം ആറ് പതിറ്റാണ്ടോട് അടുക്കുന്നു, ഈ കാലയളവിൽ കൊറിയൻ സ്പാനിഷ് ഉൾപ്പെടെ ഉള്ള വിവിധ ഭാഷകളിൽ എണ്ണിയാൽ ഒടുങ്ങാത്ത അത്രയും ത്രില്ലെർ സിനിമകൾ നമ്മുടെ മുന്നിൽ എത്തിയിട്ടുണ്ട്. പറഞ്ഞ് വന്നത് എന്താണെന്നാൽ ഇത്തരം സിനിമകൾ കണ്ട് ആ ഒരു ശൈലി ശീലിച്ചവരെ തൃപ്തി പെടുത്താനുള്ള മാരക ട്വിസ്റ്റുകളോ എഡ്ജ് ഓഫ് ദി സീൻ രംഗങ്ങളോ ഈ ചിത്രത്തിലില്ല, ഇതൊരു കംപ്ലീറ്റ്ലി ഡിഫറൻറ്റ് ബ്രീഡ് ആണ്.

🔸സത്യത്തിൽ ഈ ചിത്രം രണ്ട് ഡിഫറൻറ് സിനിമകളാണ് രണ്ട് പാതിയിലും എന്ന് തോന്നിയിട്ടുണ്ട്, നമ്മുടെ കുബ്രിക്കിന്റെ ഫുൾ മെറ്റൽ ജാക്കറ്റ് പോലെ അത്രയും വ്യത്യസ്തത ഇരുപാതികളിലും ഇല്ലെങ്കിലും കൈകാര്യം ചെയ്യുന്ന കാര്യങ്ങളിൽ അവ പ്രകടമാണ്. ഒരു ഷൂ കമ്പനിയിലെ വലിയ സ്ഥാനത്ത് ഇരിക്കുന്ന, ഒരുപക്ഷെ അടുത്ത് തന്നെ തലപ്പത്ത് എത്താൻ സാധ്യത ഉള്ള ആളാണ് മിഫുനെ അവതരിപ്പിച്ച നായക കഥാപാത്രം. പുള്ളിക്ക് കമ്പനിക്ക് അകത്ത് തന്നെ ശത്രുക്കൾ അനവധിയുണ്ട്. ഈ ഒരു അവസരത്തിലാണ് ഒരു വലിയ പ്രശനം പുള്ളിക്ക് അഭിമുഖീകരിക്കേണ്ടി വരുന്നത്.

🔸ഒരുനാൾ മിഫുനെയുടെ മകൻ തട്ടിക്കൊണ്ട് പോക പെടുകയാണ്, അതിന് കരണക്കാരനായവൻ ചോദിക്കുന്ന മോചന ദ്രവ്യം അയാളുടെ ആണി കല്ല് വരെ ഇളക്കാന് പോന്നത്രയും വലുതും. പക്ഷെ കഥയിലെ ട്വിസ്റ്റ് അവിടെയും തീരുന്നില്ല, സത്യത്തിൽ തട്ടിക്കൊണ്ട് പോകപ്പെട്ടത് മിഫുനെയുടെ ഡ്രൈവറുടെ മകനാണ്, രണ്ട് കുട്ടികളും കളിക്കുന്നതിനിടെ ഇരുവരെയും തമ്മിൽ മാറിപ്പോയതായിരുന്നു. ഇതോട് കൂടി കാര്യങ്ങൾ കൂടുതൽ വഷളാവുകയാണ്, കുട്ടിയെ തിരിച്ച് കിട്ടാനായി താൻ പണം മുടക്കേണ്ടതുണ്ടോ എന്ന സംശയം അയാളിൽ ഉടലെടുക്കുന്നു.

🔸മിഫുനെയുടെ ഈ സംശയവും അതിനെ തുടർന്ന് അയാൾ അനുഭവിക്കുന്ന മാനസിക സമ്മർദ്ദവും എല്ലാമാണ് ആദ്യ പകുതി, ഈ ഭാഗം ഏറെക്കുറെ പൂർണമായും അയാളുടെ ഫ്ളാറ്റിന് അകത്താണ് സംഭവിക്കുന്നത്. ചിത്രത്തിന്റെ രണ്ടാം ഭാഗം കുറച്ച് കൂടി ത്രില്ലർ ജനുസ്സിൽ ഉൾപ്പെടുത്താനാവുന്നതാണ്. കുറ്റവാളിയെ അന്വേഷിച്ചുള്ള പോലീസിന്റെ തിരച്ചിലും അതിന്റെ പേ ഓഫും ഒക്കെ ഈ ഭാഗത്താണ് വരുന്നത്, പോലീസ് ഓഫീസറായ നാദകായയുടെ പ്രാധാന്യം ഇവിടെയാണ്. എല്ലാവര്ക്കും പറ്റിയ ചിത്രമല്ല ഹൈ ആൻഡ് ലോ, പേഴ്സണലി നന്നായി ഇഷ്ടപ്പെട്ടത് ആണ് താനും. താല്പര്യം തോന്നുന്നെങ്കിൽ കാണാൻ ശ്രമിക്കുക.

Verdict : Very Good

DC Rating : 85/100

785. The Man Standing Next (2020)

Director : Woo Min-Ho

Genre : Thriller

Rating : 7.1/10

Country : South Korean

Duration : 114 Minutes

🔸നീണ്ട പതിനെട്ട് വർഷം മസിൽ പവറും കമാൻഡിങ് പവറും വെച്ച് കൊറിയ ഭരിച്ച നേതാവാണ് പാർക്ക് ചുങ് ഹി, കൊറിയയിലെ വലിയൊരു ശതമാനം ആളുകളും പുള്ളിയെ ഒരു എക്സ്ട്രീമിസ്റ്റ് അല്ലെങ്കിൽ ക്രൂരനായി കണ്ട് തള്ളി കളയുന്നുണ്ട് എങ്കിലും പുള്ളിയുടെ സ്വാധീനം ഇന്നും പലയിടത്തും കാണാനുണ്ട്, പ്രത്യേകിച്ചും ഭരണ ശൈലിയിലും മറ്റുമൊക്കെ. ചുങ് ഹി യുഗത്തിന് മേൽ ഷട്ടർ വീണത് പുള്ളി ആയിരത്തി തൊള്ളായിരത്തി എഴുപത്തി ഒൻപതിൽ കൊല്ലപ്പെടുന്നതോട് കൂടിയാണ്, ആ സംഭവവും അതിലേക്ക് വഴി വെച്ച കാര്യ കാരണങ്ങളും എല്ലാമാണ് ഈ ചിത്രത്തിന്റെ ടോക്കിങ് പോയിന്റ്.

🔸കൊറിയൻ പ്രസിഡന്റിന്റെ മരണത്തിന് നാല്പത് ദിവസം മുന്നെയാണ് ഈ ചിത്രം കഥ പറഞ്ഞ് തുടങ്ങുന്നത്. മരണത്തിലും ജീവിതത്തിൽ എന്നത് പോലെ ഒരുപാട് ചോദ്യങ്ങൾ അവശേഷിപ്പിച്ചാണ് ടിയാൻ കടന്ന് പോയത്. അദ്ദേഹത്തിന്റെ കീഴിലെ രഹസ്യാന്വേഷണ വിഭാഗം തലവനും, ഒരിടയ്ക്ക് പ്രെസിഡന്റിന്റെ തന്നെ വലംകൈ എന്നുവരെ അറിയപ്പെട്ട, അയാളുടെ വിശ്വസ്തനായിരുന്ന അനുചരൻ കിം ജയേഗിയുവിന്റെ കൈ കൊണ്ടാണ് പ്രസിഡന്റ് കൊല്ലപ്പെട്ടത്, ഒരുപാട് ചോദ്യങ്ങൾക്കുള്ള ഉത്തരം ബാക്കി വെച്ച് കൊണ്ട്.

🔸സത്യത്തിൽ കിം ആണ് ആ കൊല ചെയ്തത് എന്ന ഫാക്റ്റ് ഒഴിച്ച് നിർത്തിയാൽ അയാൾ അത് എന്തിന് ചെയ്തു എന്ന കാര്യത്തിലൊക്കെ ഇപ്പോഴും സംശയങ്ങൾ ഒരുപാട് ബാക്കിയാണ്. ഭരണാധികാരിയുടെ നില വിട്ട നയങ്ങൾക്ക് എതിരെ അല്ലെങ്കിൽ പുള്ളിയുടെ ശൈലി എന്നതിനോട് ഒരു രീതിയിലും യോജിച്ച് പോവാൻ കഴിയാത്ത ഒരു സ്റ്റേജ് എത്തിയപ്പോൾ കിം നിയന്ത്രണം വിട്ടതാണ് എന്ന വേർഷൻ ആണ് കഥയിൽ പ്രചാരം നേടിയ ഒന്ന്. എന്നാൽ പാർക്ക് തന്റെ ഭാവിക്ക് മേൽ ഒരു കരിനിഴലായി വന്നപ്പോൾ കിം അത് വെട്ടി മാറ്റിയതാണ് എന്നും പറയപ്പെടുന്നു, എല്ലാം സാധ്യതകളാണ്, സത്യം ഇന്നും ഇരുട്ടിലാണ്.

🔸നേതാവിന്റെ ഭരണ ശേഷം പിന്നീട് ഒരുപാട് കാലം കിമ്മും ജീവിച്ചിട്ടില്ല, ആ മരണവും അത്ര സ്വാഭാവികം ആയിരുന്നില്ല. ഇത് വിരൽ ചൂണ്ടിയത് മറ്റൊരു ശക്തനായ പ്രതിയോഗിയിലേക്ക് ഒക്കെ ആണെങ്കിലും അന്വേഷണം എവിടെയും എത്തിയതായി കാണുന്നില്ല, യാഥാർഥ്യം ഒട്ട് മറ നീക്കി പുറത്ത് വന്നുമില്ല. ഈ സംഭവങ്ങളാണ് ഈ ചിത്രത്തിന്റെ ആധാരം, അതായത് സംഭവബഹുലമായ ഈ കാര്യങ്ങളിലേക്ക് ഒക്കെ വഴി വെച്ച ആ നാല്പത് ദിവസങ്ങൾ, ഒരു മികച്ച സിനിമയ്ക്കുള്ള എല്ലാ പൊട്ടൻഷ്യലും ഉണ്ടായിരുന്നു ഈ ചിത്രത്തിന്.

🔸ഇങ്ങനെ ഒക്കെയാണ് കാര്യം എങ്കിലും അത്യാവശ്യം ബോർ ആയി തന്നെയാണ് ചിത്രം തയാറാക്കിയിരിക്കുന്നത്. കാണുന്ന കാഴ്ചക്കാരന്റെ ശ്രദ്ധ സ്ക്രീൻ ടൈം കഴിയുവോളം പിടിച്ച് നിർത്താനുള്ള വകയൊന്നും ഈ സിനിമയിൽ ഇല്ല, ചില നല്ല മോമെന്റുകൾ ഒഴിച്ച് നിർത്തിയാൽ അത്യാവശ്യം ബ്ലാൻഡ് ആണ് താനും. വിഷയത്തിൽ താല്പര്യം തോന്നുന്നെങ്കിൽ ഒരു തവണ കണ്ട് നോക്കാം, എഡ്ജ് ഓഫ് ദി സീറ്റ് ത്രില്ലർ ഒന്നും പ്രതീക്ഷിക്കരുത്, അത്തരം അവകാശ വാദങ്ങൾ ഒന്നും തന്നെയില്ല.

Verdict : Watchable

DC Rating : 65/100

784. Better Days (2019)

Director : Kwok Cheung Tsang

Genre : Crime

Rating : 7.5/10

Country : China

Duration : 138 Minutes

🔸അപ്രതീക്ഷിതമായി കിട്ടുന്ന മികച്ച സിനിമാ അനുഭവങ്ങൾ എന്നും ആവേശം നൽകുന്ന കാര്യം തന്നെയാണ്, സത്യത്തിൽ ഇനി അടുത്ത കാണാൻ പോവുന്ന ചിത്രം അങ്ങനെ ഒരു മൊമെന്റ് നൽകിയേക്കും എന്ന പ്രതീക്ഷയിലാണ് എല്ലാ സിനിമകളും കാണാറ്, തൊണ്ണൂറ്റി ഒൻപത് ശതമാനം സമയവും ഈ പ്രതീക്ഷ തെറ്ററാണ് പതിവ്, അപൂർവം എന്നൊക്കെ വിശേഷിപ്പിക്കാവുന്ന സന്ദർഭങ്ങളിൽ തിരിച്ചും സംഭവിക്കാറുണ്ട്, ബെറ്റർ ഡെയ്‌സ് എന്ന ചൈനീസ് ചിത്രം നൽകിയത് അത്തരമൊരു അനുഭവമാണ്. ഈ അടുത്ത കാലത്ത് കണ്ടതിൽ ഏറ്റവും പവർഫുൾ ചിത്രങ്ങളിൽ ഒന്നായിരിക്കും ഇത്.

🔸ഒരു ചൈനീസ് ഗ്രെയ്‌ഡ്‌ സ്‌കൂളിലാണ് കഥ ആരംഭിക്കുന്നത്, നമ്മുടെ നായികാ കഥാപാത്രമായ ഷെൻ നിയൻ ഒരു അന്തർമുഖ അല്ലെങ്കിൽ ഇന്ട്രോവേർട്ട് ആണ്. പുസ്തകങ്ങളാണ് അവളുടെ ലോകം, അതിനപ്പുറത്തുള്ള ഒന്നും അവളിൽ താല്പര്യം ജനിപ്പിക്കുന്നില്ല, പറയത്തക്ക കൂട്ടുകാർ പോലും അവൾക്കില്ല. അങ്ങനെ പൊയ്ക്കൊണ്ടിരുന്ന ദിവസങ്ങളിൽ ഒന്നിലാണ് ഒരു പ്രത്യേക സംഭവം ആ സ്‌കൂളിൽ അരങ്ങേറുന്നത്, ഈ സംഭവമാണ് നിയാനിന്റെ ജീവിതം ആകെ മാറ്റി മറിക്കുന്നത്.

🔸ഈ സംഭവം വേറൊന്നുമല്ല, ഒരു ദിവസം സ്‌കൂളിലെ ഒരു വിദ്യാർത്ഥി ഏറ്റവും മുകൾ നിലയിൽ നിന്നും താഴേക്ക് ചാടി ആത്മഹത്യ ചെയ്യുകയാണ്, ഈ മരണത്തിന്റെ കാര്യം ഒന്നും ആർക്കും പിടിയില്ല, നിയാനിന് ഒഴിച്ച്. അവളെ പോലെ തന്നെ ഇന്ട്രോവേർട്ട് ആയ ഒരു പാവം ആയിരുന്നു മരിച്ച പെൺകുട്ടിയും,.മരിക്കുന്നതിന് മുന്നേ കുറച്ച് ദിവസങ്ങളായി സ്‌കൂളിലെ ചില വിദ്യാർത്ഥികളുടെ കടുത്ത റാഗിംഗിന് അവൾ വിധേയയായിട്ടുണ്ട്, ഇതിനെ തുടർന്ന് ഉണ്ടായ കടുത്ത മാനസിക സമ്മർദ്ദമാണ് അവളെ ആത്മഹത്യയിലേക്ക് തള്ളി വിട്ടത്.

🔸ചെൻ നിയാണിന് ഈ മരിച്ച പെൺകുട്ടിയും ആയി നാമ മാത്രമുള്ള പരിചയം മാത്രമേ ഉള്ളൂ, എന്തിരുന്നാലും മരിക്കുന്നതിന് തൊട്ട് മുന്നേ ഇരുവരും ഇടപഴകിയിട്ട് ഉള്ളതിനാൽ കേസിലെ സാക്ഷി ആയി മൊഴി കൊടുക്കാൻ നിയാൻ നിര്ബന്ധിതയാകുകയാണ്. സ്വാഭാവികമായും ഇത് അവളുടെ ജീവിതത്തെ അത്യാവശ്യം ടഫ് ആയി തന്നെ ബാധിക്കുകയാണ്, ആവശ്യത്തിന് പേഴ്സണൽ പ്രശ്നങ്ങൾ ഉള്ള അവൾക്ക് ഈ ഭാരം കൂടി ആവുമ്പോൾ അത് താങ്ങാവുന്നതിലും വലിയ പ്രഷർ ആണ് സമ്മാനിക്കുന്നത്.

🔸റാഗിങ്ങ് അല്ലെങ്കിൽ ബുള്ളിയിങ് എന്ന ഗൗരവമേറിയ വിഷയമാണ് സിനിമാ കൈകാര്യം ചെയ്യുന്നത്, ആ ഗൗരവത്തിനോട് നീതി പുലർത്തുന്നുമുണ്ട്. ആദ്യാവസാനം ഇമോഷണൽ ആയ ഒന്നാണ് ഈ ചിത്രത്തിന്റെ കഥ, കണ്ണ് നനയാതെ കണ്ടിരിക്കാൻ തന്നെ ബുദ്ധിമുട്ടാണ് എന്ന് പറയാം. വിഷയത്തിന് യോജിച്ച വിധം ശക്തമായ കഥാപാത്രങ്ങളും സ്‌ട്രൈക്കിങ് ആയ മോമെന്റുകളും സിനിമയിൽ ഉണ്ട്, പ്രത്യേകിച്ചും അവസാന മുപ്പത് മിനിറ്റ് ഒക്കെ മികച്ച അനുഭവം തന്നെയാണ്. എല്ലാത്തിനും ഒപ്പം നല്ലൊരു എൻഡിങ് ഷോട്ട് കൂടി, ഒരുപക്ഷെ അടുത്ത കാലത്ത് ഏറ്റവും സംപ്ത്രിപ്തി നൽകിയത് കൂടി സിനിമയിലുണ്ട്, തീർച്ചയായും കാണാൻ ശ്രമിക്കുക.

Verdict : Must Watch

DC Rating : 90/100

783. Red Beard (1965)

Director : Akira Kurosawa

Genre : Drama

Rating : 8.4/10

Country : Japan

Duration : 185 Minutes

🔸റെഡ് ബേർഡ് എന്ന കുറൊസാവ ചിത്രത്തിന് ഒരു പ്രത്യേകത ഉണ്ട്, ഒരല്പം പെയിൻഫുൾ ആയ പ്രത്യേകത. അതുവരെ ഉണ്ടായിരുന്ന കാലമത്രയും അകിറയുടെ സിനിമകളിലെ അവിഭാജ്യ ഘടകം ആയിരുന്നു ടോഷിറോ മിഫുനെ എന്ന നായകൻ. സെവൻ സമുറായ്, യോജിമ്പോ,.റാഷോമോൻ തുടങ്ങിയ സംവിധായകന്റെ ഐതിഹാസിക സിനിമകളിൽ എല്ലാം മിഫുനെ പ്രധാന കഥാപാത്രമായി തന്നെ എത്തിയിരുന്നു, റെഡ് ബേർഡ് എന്ന ചിത്രം ഒരുമിച്ചുള്ള ഈ സഖ്യത്തിന്റെ അവസാന സിനിമ ആയിരുന്നു എന്നതാണ് ആദ്യം പറഞ്ഞ 'പ്രത്യേകത'.

🔸രണ്ട് പേർക്കും ഇടയിൽ ഉണ്ടായ പ്രശ്നത്തിന്റെ കാരണങ്ങൾ ഒരുകാലത്തും പുറത്ത് വന്നില്ല, ക്രിയേറ്റിവ് ഡിഫെറെൻസ് പോലുള്ള ബാലിശമായ വാദങ്ങൾ ഉരുത്തിരിഞ്ഞ് വന്നെങ്കിലും അതിനൊന്നും അത്ര വിശ്വാസ യോഗ്യത പോര. പകരം വെക്കാനില്ലാത്ത പ്രതിഭ എന്നാണ് കുറൊസാവ മിഫുനെയെ ഒരിക്കൽ വിശേഷിപ്പിച്ചത്, താൻ ഒപ്പം പ്രവർത്തിച്ചവരിൽ ഏറ്റവും മികച്ച സംവിധായകനാണ് കുറൊസാവ എന്ന് മിഫുനെയും പറഞ്ഞിട്ടുണ്ട്, ഇത്തരമൊരു ബാക്ക്ഗ്രൗണ്ടിൽ ആ വാദം തള്ളിക്കളയാവുന്നതാണ്. പിന്നെ അത്യാവശ്യം സാധ്യതയുള്ള ഒന്ന് വെസ്റ്റേൺ സിനിമകളിലും ടിവി ഷോകളിലും മറ്റും മിഫുനെ തന്റെ നില നോക്കാതെ അഭിനയിച്ചു എന്ന കുറൊസാവയുടെ വാദമാണ്.

🔸കാരണം എന്തോ ആയിക്കോട്ടെ, ഇത് കാരണം നഷ്ടം ഉണ്ടായത് ജാപ്പനീസ് സിനിമയ്ക്കും ലോക സിനിമയ്ക്ക് തന്നെയും ആണ് എന്നതിൽ തർക്കമില്ല. മിഫുനെയെ പോലെ ഒരു നടന്റെ കയ്യിൽ റാൻ പോലെയൊരു ചിത്രം കിട്ടിയാൽ എങ്ങനെയിരിക്കും എന്നതൊക്കെ വല്ലാത്തൊരു വാട്ടിഫ് സിനറിയോ ആണ്, നാടകയി മോശമാക്കി എന്ന അർഥം ഒട്ടുമില്ല. പക്ഷെ അത്യാവശ്യം സീനിയറായ, കമാൻഡിങ് പവർ ഉള്ള, പതിയെ ഭ്രാന്തിലേക്ക് വീണ് കൊണ്ടിരിക്കുന്ന ആ കഥാപാത്രം മറ്റൊരു തലത്തിലേക്ക് പോയേനെ.

🔸റെഡ് ബേർഡ് എന്ന ചിത്രത്തിലേക്ക് വരിക ആണെങ്കിൽ ഒരു വൈദ്യനായ കഥാപാത്രമാണ് മിഫുനെയുടേത്, ഒരു സാഥ്വിക മനോഭാവം ഒക്കെ വെച്ച് പുലർത്തുന്ന ഒരാൾ. പുള്ളിക്കാരൻ ഒരു ഗ്രാമ പ്രദേശത്ത് കുറച്ച് നാളുകളായി ഒരു ക്ലിനിക് നടത്തി പോരുന്നുണ്ട്. ക്ലിനിക് എന്നതിനേക്കാൾ ആതുര സേവാകേന്ദ്രം എന്നൊക്കെയുള്ള വിശേഷണം ആയിരിക്കും കുറച്ച് കൂടി യോഗ്യം. മരുന്ന് കൊണ്ട് രോഗവും മുറിവും ഒക്കെ മാറ്റുന്നതിനോടൊപ്പം മനസിനെയും ചികില്സിക്കാനുള്ള വക അയാൾക്കറിയാം, പാവപ്പെട്ടവരെ എല്ലാം ഒന്നും തന്നെ തിരിച്ച് പ്രതീക്ഷിക്കാതെ സഹായിക്കാനാണ് അയാൾ പഠിച്ചിട്ടുള്ളത്.

🔸ചിത്രത്തിലെ പില്ലർ സമാനമായ കഥാപാത്രമാണ് എങ്കിലും, ഇത് അയാളുടെ കഥയല്ല, തുടക്കത്തിൽ ഒന്നും തന്നെ ടിയാൻ സ്‌ക്രീനിൽ പ്രത്യക്ഷപ്പെടുന്നുമില്ല. ഒരു യുവാവായ ഡോക്ടറാണ് ഈ ചിത്രത്തിന്റെ സോൾ അഥവാ ആത്മാവ്, പുറം നാട്ടിലെ യൂണിവേഴ്സിറ്റിയിൽ നിന്നും പഠിച്ച് വന്ന അയാൾക്ക് ആഗ്രഹത്തിന് എതിരായി ഈ ക്ലിനിക്കിൽ ജോലിക്ക് വരേണ്ടി വരികയാണ്, തുടർന്ന് സംഭവിക്കുന്ന കാര്യങ്ങളാണ് ഈ ചിത്രത്തിന്റെ പ്ലോട്ട്, മികച്ച ചിത്രമാണ്, തീർച്ചയായും കാണാൻ ശ്രമിക്കുക.

Verdict : Very Good

DC Rating : 85/100

782. The Seventh Continent (1989)

Director : Michael Haneke

Genre : Drama

Rating : 7.8/10

Country : Austria

Duration : 111 Minutes

🔸ഓസ്ട്രിയൻ സംവിധായകനായ മൈക്കൽ ഹാനെക് വളരെ അണ്ടർ ലുക്ഡ് ആയൊരു സംവിധായകനാണ് എന്ന് പലപ്പോഴും തോന്നിയിട്ടുണ്ട്. ഐസൊലേഷൻ അല്ലെങ്കിൽ ഒറ്റപ്പെടൽ പോലുള്ള കാര്യങ്ങൾ പുള്ളി സ്വന്തം സിനിമയിൽ കൈകാര്യം ചെയ്യുന്നത് അങ്ങേയറ്റം ബ്രില്യന്റ് ആയ രീതിയിലാണ്, മറ്റൊരു സംവിധായകനിലും ആ ഒരു ക്വോളിറ്റി കണ്ടിട്ടില്ല എന്ന് തന്നെ പറയാം. ദി വൈറ്റ് റിബ്ബൺ എന്ന ഹാനിക്കിന്റെ ചിത്രം ഈ മില്ലേനിയത്തിലെ ഇതുവരെ ഇറങ്ങിയതിൽ ഏറ്റവും മികച്ച ചിത്രങ്ങളിൽ ഒന്നാണ്, എന്നിട്ട് പോലും പാശ്ചാത്യ മേഖലകളിൽ ഉൾപ്പെടെ പലയിടത്തും ഹാനെക് എന്ന പേര് അപരിചിതം ആണെന്നതാണ് സത്യം.

🔸എൺപതുകളുടെ അവസാനം ഹാനെക് ആദ്യമായി സ്വതന്ത്ര സംവിധായകനായി മാറിയ ശേഷം ആദ്യമായി തയാറാക്കിയ ഫുൾ ലെങ്ത് ഫീച്ചർ ഫിലിമാണ് ദി സെവൻത് കോണ്ടിനെന്റ. പിന്നീട് അനൗദ്യോഗികമായി ഇമോഷണൽ ഗ്ലാഷ്യേഷൻ ട്രിലോഗി എന്നപേരിൽ പ്രശസ്തി ആർജിച്ച സിനിമാ സീരീസിലെ ആദ്യ ചിത്രം കൂടിയാണ് ദി സെവൻത് കോണ്ടിനെന്റ. ചിത്രം കണ്ട് കഴിയുമ്പോൾ കാഴ്ചക്കാരന് ലഭിച്ചേക്കുക ഒരു ബ്ലാങ്ക് ഫീൽ ആയിരിക്കും, ഒരു തരം സങ്കടവും ബുദ്ധിമുട്ടും വേദനയും ഒക്കെ നിറഞ്ഞ ഒരു ബ്ലാങ്ക് ഫീൽ, പിന്നീട് പല സിനിമകളിലും ഹാനെക് നൽകിയത് തന്നെ.

🔸ഒരു മൂന്നംഗ കുടുംബത്തെ ഫോക്കസ് ചെയ്ത് കൊണ്ടാണ് സിനിമ തയാറാക്കിയിരിക്കുന്നത്, അതിൽ നിന്നും ഒരു ഫാമിലി ഇമോഷണൽ ഡ്രാമ എന്നൊന്നും കരുതി വെച്ചേക്കരുത്, ആ ഒരു പ്രതീക്ഷിക്കുന്ന ടർഫിലേക്കൊന്നും സിനിമ പോകുന്നില്ല, മറിച്ച് കണ്ട് ശീലിച്ച കാര്യങ്ങളെ അകത്തി വെച്ച് ആ ഒരു മോൾഡിനെ തന്നെ ബ്രെയ്ക്ക് ചെയ്യുന്ന രീതിയിലാണ് സംവിധായകൻ അരങ്ങേറ്റ ചിത്രം ഒരുക്കിയിരിക്കുന്നത്. മൂന്ന് വർഷങ്ങളിലൂടെ ആണ് ഈ കുടുംബത്തെ നമ്മൾ കണ്ട് പരിചയിക്കുന്നത്, അതായത് എൺപത്തി ഏഴ് തൊട്ട് എൺപത്തി ഒൻപത് വരെയുള്ള തുടർച്ചയായ മൂന്ന് വർഷങ്ങൾ.

🔸ഈ മൂന്ന് വർഷത്തിൽ ആദ്യ രണ്ട് വർഷങ്ങളിലും അരങ്ങേറുന്ന സംഭവങ്ങളാണ് മൂന്നാമത്തെ പാർട്ടിൽ പ്രത്യാഘാതമായി സംഭവിക്കുന്നത്. ത്രില്ലെർ ഡ്രാമ ചിത്രങ്ങൾ ഒക്കെ അനവധി കണ്ടിട്ടുണ്ട് എങ്കിലും ഇത് പോലൊരു റൂട്ട് കോസ് കൈകാര്യം ചെയ്യുന്ന ചിത്രങ്ങൾ വേറെ കണ്ടിട്ടില്ല, പക്ഷെ ആലോചിക്കും തോറും ജെനുവിൻ ആയി മാറുന്ന അല്ലെങ്കിൽ അങ്ങനെ സംഭവിക്കാം, അതിന് സാധ്യതയുണ്ട് എന്ന് പറയിപ്പിക്കുന്ന പ്രസ്തുത റൂട്ട് കോസ് തന്നെയാണ് ചിത്രത്തിന്റെ സ്ട്രെങ്തും. ടെക്കനോളജിയുടെ ഒക്കെ വളർച്ചയിൽ നമ്മൾ അനുഭവിച്ച് കൊണ്ടിരിക്കുന്ന ഒരു കാര്യം തന്നെയാണ് വർഷങ്ങൾക്ക് മുൻപീ ചിത്രം കൈകാര്യം ചെയ്തത് എന്നത് അഭിനന്ദനാർഹം തന്നെ.

🔸കഥയെ കുറിച്ചും മറ്റും മനഃപൂർവം പറയാഞ്ഞത് തന്നെയാണ്, ഇനിയൊട്ട് ലളിതമായി പറഞ്ഞിടാനും താല്പര്യമില്ല. ഒരു ഡിഫറെൻറ് എക്സ്പീരിയൻസ് ലഭിച്ചേക്കാം എന്ന് മാത്രം തല്ക്കാലം പറഞ്ഞിടുന്നു. മെറ്റഫോറിക്കൽ ആയ പല കാര്യങ്ങളും ചിത്രത്തിന്റെ മർമ്മ പ്രധാനമായ പല ഭാഗങ്ങളിലും കാണാൻ കഴിയും, അതെല്ലാം നന്നായിരുന്നു താനും. അത്യാവശ്യം ഡാർക്ക്, ഡിപ്രസിങ്, ഡിസ്റ്റർബിങ് ആയ തലത്തിലേക്ക് കഥ പോവുന്നുണ്ട്, പ്രതീക്ഷ പ്രത്യാശ ഫെയറി ടെൽ ഹാപ്പി എൻഡിങ് എന്നിവയൊന്നും പ്രതീക്ഷിക്കണ്ട, കിട്ടാൻ പോണില്ല.

Verdict : Very Good

DC Rating : 85/100

781. Satantango (1994)

Director : Bela Tarr

Genre : Drama

Rating : 8.5/10

Country : Hungary

Duration : 452 Minutes

🔸ബേല ടാറിന്റെ ആദ്യമായി കാണാൻ തുനിഞ്ഞിറങ്ങിയ ചിത്രമായിരുന്നു സാത്താൻ ടാൻഗോ, രണ്ട് കാര്യങ്ങൾ കൊണ്ട് അന്ന് അത് പൂർത്തിയാക്കാൻ കഴിഞ്ഞില്ല. ആദ്യത്തെ കാരണം സംവിധായകന്റെ ചിത്രങ്ങളും ശൈലിയും ഒന്നും അന്ന്, അതായത് ഒരു രണ്ട് മൂന്ന് വർഷം മുൻപേ പരിചിതം ആയിരുന്നില്ല, അത് കൊണ്ട് തന്നെ മടുപ്പ് ആയിരുന്നു അനുഭവപ്പെട്ടത്. രണ്ടാമത്തെ കാരണം ചിത്രത്തിന്റെ ദൈർഘ്യവും പെയ്‌സിങ്ങുമാണ്, ഏഴര മണിക്കൂറിന് അടുത്തുള്ള ദൈർഘ്യം പോരാതെ അത്യാവശ്യം നല്ലവണ്ണം സ്ലോ ആയാണ് കഥ മുന്നോട്ട് പോവുന്നതും, അതും അന്നൊരു കടമ്പ തന്നെ ആയിരുന്നു, അന്ന്.

🔸ഈ കാര്യങ്ങൾ ഇപ്പോൾ പറയാൻ ഉണ്ടായ കാരണം വേറൊന്നുമല്ല ഇത് കാണാൻ ഇറങ്ങി തിരിച്ചേക്കാവുന്ന ആളുകൾക്ക് ഉള്ള ചെറിയൊരു വാർണിങ് അല്ലെങ്കിൽ മുന്നറിയിപ്പ് തന്നെയാണ് എന്ന് കണക്കാക്കാം. സംവിധായകന്റെ ഡാംനേഷൻ, ടൂറിൻ ഹോഴ്സ്, റെക്കമെയ്‌സ്‌റ്റെർ ഹാർമോണിക്ക് പോലുള്ള സിനിമകൾ കാണുന്നത് നന്നാവും, ഏറ്റവും കുറഞ്ഞത് ആ ശൈലി ഒന്ന് പരിചയപ്പെടാൻ എങ്കിലും. ലാസ്ലോ ക്രാസ്‌നേഹാര്കോയിയുടെ നോവലിനെ ആധാരമാക്കിയാണ് ഈ ഹങ്കേറിയൻ ചിത്രം തയാറാക്കിയിരിക്കുന്നത്.

🔸ഒരു ഹങ്കേറിയൻ ഉൾനാടൻ ഗ്രാമമാണ് സാത്താൻ ടാങ്കോയുടെ കഥാ പശ്ചാത്തലം, കൃഷി പണിയിൽ അഭയം പ്രാപിച്ച ഒരു കമ്യുണിറ്റി ആണ് ഗ്രാമത്തിലേത്, ടെക്കനോളജിയോ പുരോഗമനമോ ഒന്നും തന്നെ അവിടെ എത്തിയിട്ടില്ല, ആ ഒരു പ്രാകൃതമായ രീതികളും മറ്റും പ്രസ്തുത ഗ്രാമീണരിൽ കാണാനാവും. കാര്യം എന്ത് തന്നെ ആയാലും കൃഷി കൊണ്ടുള്ള അതിജീവനം ഒക്കെ ബുദ്ധിമുട്ടായ അവസ്ഥയിൽ കൂടിയാണ് ഇന്ന് സകലരും കടന്ന് പോകുന്നത്, മറ്റുള്ള ഓപ്‌ഷനുകളിലേക്ക് ശ്രദ്ധ തിരിക്കേണ്ട അവസ്ഥയിൽ അവർ എത്തിയിട്ടുണ്ട്.

🔸കാർഷിക രംഗം എന്നത് പോലെ തന്നെ രാജ്യത്തിൻറെ ഭരണ പരാജയവും, കമ്മ്യുണിസത്തിന്റെ വീഴ്ചയും എല്ലാം ചിത്രത്തിൽ സംസാര വിഷയമായിട്ടുണ്ട്. ഈ ഒരു ഭരണ പരാജയത്തിന്റെ പശ്ചാത്തലത്തിൽ അങ്ങേയറ്റം ഡസ്പേരെറ്റ് ആയ, അതിജീവിക്കാനായി എന്ത് തന്ത്രവും, കുതന്ത്രവും പയറ്റുന്നവരായാണ് ഗ്രാമീണരെ ചിത്രീകരിച്ചിരിക്കുന്നത്. ചിത്രത്തിൽ ഏറ്റവും ഇഷ്ട്ടപ്പെട്ട വസ്തുതകളിൽ ഒന്ന് ഇർമിൻ എന്ന കഥാപാത്രത്തിന്റെ അവതരണമാണ്, വാക്കുകളിലൂടെയും പ്രവർത്തികളിലൂടെയും ജനങ്ങളിൽ ഭയം എന്ന വികാരം വളർത്തി, അവരെ തനിക്ക് അധീനരായി കൊണ്ടുവരിക വഴി ദൈവ സമാനം ആയ ഒരു ഇമേജ് ആ കഥാപാത്രത്തിനുണ്ട്, അത് ബ്രില്യൻറ്റും ആയിരുന്നു.

🔸നമ്മളീ ഒച്ചിഴയുന്ന വേഗത്തിൽ പുരോഗമിക്കുന്നത് എന്നൊക്കെ ചില കാര്യങ്ങളെ വിശേഷിപ്പിക്കില്ലേ, അതാണ് ഈ ചിത്രത്തിന്റെയും കാര്യത്തിൽ പറയാവുന്നത്. പറയാനുള്ളതെല്ലാം പറഞ്ഞ് ഫലിപ്പിച്ച് അതിൽ നിർവൃതി അടഞ്ഞ തോതിലുള്ള അവതരണം ആവശ്യം ആയിരുന്നു എന്നൊരു വാദം ഉന്നയിച്ചാൽ തെറ്റ് പറയാനാവില്ല, ശെരിയാണ്. സ്ലോ പോയ്സൻ എന്ന് പറയുന്ന നിലയ്ക്ക് പതിയെ നമ്മുടെ ഉള്ളിൽ പടർന്ന് കയറുന്നുണ്ട് ചിത്രം, എന്തിരുന്നാലും നോട്ട് എവെരിവണ്സ് കപ്പ് ഓഫ് ടീ എന്ന ക്ളീഷേ ഡയലോഗ് ഇവിടെ ചേർക്കുകയാണ്, മികച്ചൊരു അനുഭവമാണ് ഈ ചിത്രം, എന്നാൽ എല്ലാവർക്കുമല്ല.

Verdict : Very Good

DC Rating : 88/100

780. Capone (2020)

Director : Josh Trank

Genre : Biography

Rating : 7/10

Country : USA

Duration : 103 Minutes

🔸കഴിഞ്ഞ വർഷം പുറത്തിറങ്ങിയ മാർട്ടിൻ സ്കോർസേസിയുടെ ഐറിഷ്‌മാൻ അത്യാവശ്യം നല്ലവണ്ണം ഇഷ്ട്ടപ്പെട്ട ഒരു ഗ്യാങ്‌സ്റ്റർ ക്രൈം ഡ്രാമ ചിത്രമായിരുന്നു. പൊതുവെ ഈ ഗ്യാങ്‌സ്റ്റർ ചിത്രം എന്നൊക്കെ പറയുമ്പോൾ കണ്ട് ശീലിച്ച കാര്യം കൈകാര്യം ചെയ്യുന്ന വിഷയത്തെയും കഥാപാത്രത്തെയും റൊമാന്റിസൈസ് ചെയ്യുന്ന അല്ലെങ്കിൽ ഗ്ലോറിഫൈ ചെയ്യുന്ന രീതിയാണ്. ഗുഡ് ഫെല്ലാസ് എന്ന ചിത്രം ഈ വിഷയം അഭിസംബോധന ചെയ്യുന്നുണ്ട്, ഒരു കഥാപാത്രം പറയുന്നു പോലുമുണ്ട് തനിക്ക് ഓർമ്മ വെച്ച കാലം തൊട്ടുള്ള ആഗ്രഹം ഒരു ഗ്യാങ്‌സ്റ്റർ ആയി ജീവിക്കണം എന്നാണ് എന്ന്.

🔸ഈ ഒരു കാര്യത്തിൽ ഐറിഷ്മൻ സ്വീകരിച്ച രീതി എടുത്ത് പറയേണ്ടതാണ്, ഗ്യാങ്‌സ്റ്റർ ഗ്ലോറിഫിക്കേഷൻ എടുത്ത് കിണറ്റിൽ എറിഞ്ഞു എന്ന് മാത്രമല്ല മിക്കപ്പോഴും ദയനീയമായ അല്ലെങ്കിൽ പരിതാപകരമായ രീതിയിൽ അവസാനിക്കുന്ന ഈ കഥാപാത്രങ്ങളുടെ അവസാന കാലഘട്ടത്തിലേക്ക് ചിത്രം നന്നായി ഫോക്കസ് ചെയ്തിട്ടുണ്ട്, പ്രത്യേകിച്ചും അവസാന പോർഷൻ ഒക്കെ ഇമോഷണലി ഡിവാസ്റ്റെറ്റിങ് തന്നെ ആയിരുന്നു. നമ്മുടെ ഐറിഷ്‌മാന്റെ ഒരു ലോ കോസ്റ്റ് കോസ്‌പ്ലേയ് എന്ന് വിശേഷിപ്പിക്കാം കാപോണെ എന്ന ചിത്രത്തെ. ഗ്ലോറിഫിക്കേഷനിന് മുതിർന്നിട്ടില്ല എന്നതും ടോം ഹാർഡിയുമാണ് പ്ലസ് പോയിന്റ്, ഏറെക്കുറെ അത് മാത്രം.

🔸സിനിമയിലേക്കും അതിന്റെ പോസിറ്റിവ് നെഗറ്റിവ് വസ്തുതകളിലേക്കും കടക്കുന്നതിന് മുന്നേ കപോനിയെ കുറിച്ച് ചെറുതായി ഒന്ന് പറഞ്ഞിടാം. പത്തൊൻപതാം നൂറ്റാണ്ടിന്റെ അവസാന കാലത്താണ് അൽഫോൻസ് ഗബ്രിയേൽ കപോനെ അഥവാ അൽ കപോനെ ജനിക്കുന്നത്, ഇറ്റാലിയൻ കുടിയേറ്റക്കാരായ ദമ്പതിമാരുടെ മകനായി. തന്റെ കുടുംബം ജീവിച്ച് പോന്ന ചെറിയ പശ്ചാത്തലത്തിൽ കഴിയേണ്ടവനല്ല താൻ എന്ന തിരിച്ചറിവിൽ ജോണി റ്റോറിയോ എന്ന പ്രശസ്ത ഗ്യാങ്സ്റ്ററിന്റെ ബോഡി ഗാർഡായി തുടങ്ങി ക്രിമിനൽ ബിസിനസിലേക്ക് കടന്ന് വരുമ്പോൾ അയാൾക്ക് പ്രായം ഇരുപത് തികഞ്ഞിട്ടെ ഉണ്ടായിരുന്നുള്ളൂ.

🔸പിന്നീട് തനിക്ക് നേരെ വന്ന വധ ശ്രമങ്ങളും, തന്റെ ചോരയ്ക്കായുള്ള മുറവിളികളും കണ്ട് ജോണി പിന്നണിയിലേക്ക് മാറിയപ്പോൾ ഭരിക്കാനുള്ള നറുക്ക് വീണതും കപോനെയ്ക്ക് തന്നെ, സ്വന്തം അനുചരന്റെ വളർച്ചയിൽ ഭീതി തോന്നി ജോണി ഒഴിഞ്ഞതാണെന്നും അതല്ല ഒഴിപ്പിച്ചതാണെന്നും പറയപ്പെടുന്നുണ്ട്, കഥയുടെ വെവ്വേറെ വേർഷനുകളിൽ. ഒടുവിൽ ഏഴ് വർഷത്തെ രാജകീയ വാഴ്ചയ്ക്ക് ശേഷം നിയമക്കുരുക്കിന് മുന്നിൽ കപോനെ വീഴുന്നത് വരെ അയാളുടെ അപ്രമാദിത്യത്തിന് ചോദ്യങ്ങൾ നേരിടേണ്ടി വന്നിട്ടില്ല, ഒരുകാലത്ത് ചിക്കാഗോ അയാളുടെ ഉള്ളം കൈയിലെ വര പോലെ ആയിരുന്നെന്നും പറയപ്പെടുന്നു.

🔸ഇത്രയും പറഞ്ഞത് ബാക്ക്ഗ്രൗണ്ട്, കഥയിൽ കപോനെയുടെ അവസ്ഥ കുറച്ച് ശോകമാണ്, ദീർഘ നാളായുള്ള ജയിൽ വാസവും അതിന് ശേഷമുള്ള മോചനവും എല്ലാം അയാളെ എല്ലാ രീതിയിലും തളർത്തിയിട്ടുണ്ട്, ഈ പോയിന്റിലാണ് കഥ അരങ്ങേറുന്നത്. ടോം ഹാര്ഡിയാണ് ചിത്രത്തിന്റെ ബാക്ക്ബോൺ, പലയിടത്തും അത്യാവശ്യം ബോറിങ് എന്ന് പറയാവുന്ന തോതിലേക്ക് കഥ പോകുമ്പോഴും ഒരു ബുൾഡോഗിനെ ഓർമിപ്പിക്കുന്ന തലത്തിലുള്ള ടോമിന്റെ പ്രകടനം കിടിലനാണ്. അനാവശ്യമായ ചില പ്ലോട്ട് പോയിന്റുകളും, എന്തിനെന്ന് അറിയാത്ത കഥാപാത്രങ്ങളും, പൊട്ടൻഷ്യൽ ഉണ്ടായിട്ടും പാതി വെന്ത തോതിൽ ഒരുക്കിയ സ്ക്രിപ്റ്റും എല്ലാം ചിത്രത്തിന്റെ നെഗട്ടീവുകളാണ്, അത് തരണം ചെയ്യാൻ ടോം ഹാർദിക്കല്ല സാക്ഷാൽ ദേവേന്ദ്രൻ ഇറങ്ങി വന്നാൽ പോലും നടന്നേക്കില്ല.

Tom Hardy Is The Only Saving Grace Of A Below Mediocre Capone Adaptation....

Verdict : Below Average

DC Rating : 45/100

779. The Lord Of The Rings : The Return Of The King (2003)

Director : Peter Jackson

Genre : Epic

Rating : 8.9/10

Country : USA

Duration : 252 Minutes

🔸അവസാനം പാളി പോയ ഒരുപാട് സീരീസുകളുണ്ട്, അത് ടീവി ഷോകൾ ആയാലും ശെരി സിനിമാ സീരീസ് ആയാലും ശെരി. ഗെയിം ഓഫ് ത്രോൺസ് ഈ ഒരു സിനാറിയോയ്ക്ക് ഉള്ള പെർഫെക്റ്റ് ഉദാഹരണമാണ്, സിനിമാ മേഖലയിലേക്ക് വരിക ആണെങ്കിൽ എലിയൻസ്, ടെർമിനേറ്റർ എന്നിവയെയും ഈ ഗണത്തിൽ പെടുത്താം. പറഞ്ഞ് വന്നത് എന്താണെന്നാൽ ലോർഡ് ഓഫ് ദി റിങ്‌സിന്റെ കാര്യത്തിൽ ഈ പ്രക്രിയ നേർ വിപരീതമാണ്, സീരീസിലെ ഏറ്റവും മികച്ച ചിത്രമാണ് അവസാനം വന്നത്, അത് വഴി എപിക് ആയ സ്റ്റോറിക്ക് അർഹിക്കുന്ന തോതിലുള്ള ഒരു പേ ഓഫ് നൽകാൻ ഇവിടെ സാധിച്ചിട്ടുണ്ട്.

🔸അപ്പൊ ഇതാണ് ആ അസുലഭ സുന്ദര നിമിഷം, സൗരോണിനെ തോൽപ്പിക്കാനായി തന്റെ അറിവിലുള്ള എല്ലാ അടവുകളും പയറ്റി പഠിച്ച്, തന്നാൽ കൂടെ കൂട്ടാൻ കഴിയുന്ന ഏറ്റവും വലിയ സൈന്യവുമായി സൗറോണിനോട് അരഗോൺ പോരിനിറങ്ങുന്ന ഭാഗം. ഇതുവരെയുള്ള പത്ത് പതിനൊന്ന് മണിക്കൂറുകൾക്കിടെ സൃഷ്ടിച്ചെടുത്ത സകലമാന കഥാ സന്ദര്ഭങ്ങളും കഥാപാത്രങ്ങളും കലാശക്കൊട്ടിനായി നേർക്കുനേർ വരുന്ന മൊമെന്റ്, എല്ലാ ആർക്കുകളും മോട്ടിവേഷൻസും എല്ലാം, എല്ലാം അതിന്റെ പരിസമാപ്തിയിൽ എത്തുന്ന പോയിന്റ്, ഒരുപക്ഷെ സിനിമാ ചരിത്രത്തിലെ തന്നെ ഏറ്റവും മികച്ച ഫ്രാഞ്ചൈസ് ഫിനാലെകളിൽ ഒന്നായ റിട്ടേൺ ഓഫ് ദി കിംഗ്.

🔸രോമാഞ്ചം സൃഷ്ട്ടിക്കുന്ന മോമെന്റുകളാൽ സമ്പന്നമാണ് ഈ ചിത്രം, എന്നാൽ അതിനും അപ്പുറം ഈ ചിത്രത്തെ ഏറ്റവും സ്പെഷ്യൽ ആക്കുന്നത്, ഓരോ കഥാപാത്രങ്ങൾക്കും, അവർ എത്ര പ്രാധാന്യം ഉള്ളവരോ ആയിക്കോട്ടെ, ചെറുതായാലും വലുതായാലും കൊടുക്കുന്ന പേ ഓഫുകളാണ്, അനാവശ്യമായ ബിൽഡ് അപ്പുകളില്ല, അപ്രതീക്ഷിതമായ തലത്തിലേക്കുള്ള സ്റ്റോറി ഷിഫ്റ്റിങ് ഒന്നും തന്നെയില്ല, മറിച്ച് അതെല്ലാം നൂറ്റി ഒന്ന് ശതമാനം അർഹിക്കുന്നത് തന്നെ. പേഴ്സണലി അവിടെയാണ് ലോർഡ് ഓഫ് ദി റിങ്‌സ് ഒരു ബെഞ്ച്മാർക്ക് കുറിക്കുന്നത്.

🔸എക്സറ്റൻഡഡ്‌ വേർഷൻ ഉദ്ദേശം നാലര മണിക്കൂർ ദൈർഘ്യം ഉണ്ടായിട്ട് കൂടി ഒരു സ്ഥലത്ത് പോലും ഒരു നിമിഷം ചിന്തിക്കാൻ കൂടി ഇട നൽകാത്ത വിധം ഫാസ്റ്റ് പെയ്‌സ്ഡ് ആയാണ് കഥ പുരോഗമിക്കുന്നത്, മുൻപുള്ള രണ്ടാം ഭാഗ ചിത്രം രണ്ട് തലങ്ങളിലൂടെയാണ് കഥ കൊണ്ടുപോയത് എങ്കിൽ ഇവിടെ ഫോക്കസ് ഏറെക്കുറെ മുഴുവനായും രണ്ടിടത്താണ്. റിങ് നശിപ്പിക്കാനായി മോർഡോറിലേക്കുള്ള യാത്രയുടെ അവസാന ഘട്ടത്തിലാണ് സാമും ഫ്രോഡോയും, പക്ഷെ ഒരു വലിയ വെല്ലുവിളി അവരെ കാത്ത് കിടപ്പുണ്ട്, വേറൊന്നുമല്ല റിങ് കൈവശം വെക്കുന്നവന്റെ മനസിനെ അതിന് നിയന്ത്രിക്കാൻ കഴിയും എന്ന പുതിയ അറിവ് തന്നെ, അതും പോരെങ്കിൽ തലയ്ക്ക് മേലുള്ള വാൾ പോലെ ഗോളം ഇപ്പോഴും ചുറ്റിപ്പറ്റി കൂടെ തന്നെയുണ്ട്.

🔸ഇതേസമയം ഗാന്ധാൾഫ്, അരഗോൺ, ലെഗോളാസ്, ജിംലി എന്നിവർ അവസാന യുദ്ധത്തിന്റെ ഒരുക്കത്തിലാണ്. എതിരെ നിൽക്കുന്നത് സർവ്വശക്തനായ സൗരോണും അവന്റെ മരണത്തെ പോലും ഭയക്കാത്ത പടയുമാണ്, ഇതുവരെ കോപ്പ് കൂട്ടിയതൊന്നും മതിയായേക്കില്ല എന്നതാണ് സത്യം, പക്ഷെ ഒരു യുദ്ധം എന്നത് ഒഴിവാക്കാനാവാത്ത വസ്തുത തന്നെയാണ്. ലെങ്ങ്തി ആയ കഥയുടെ എപിക് ഫിനാലെ ആണ് റിട്ടേൺ ഓഫ് ദി കിങ്‌സ്, കണ്ടില്ല എങ്കിൽ നിങ്ങൾക്ക് വൻ നഷ്ടമാണ് എന്ന് നിസ്സംശയം പറയാവുന്ന അപൂർവം ചിത്രങ്ങളിൽ ഒന്ന്.

Verdict : Must Watch

DC Rating : 100/100

778. The Lord Of The Rings : The Two Towers (2002)

Director : Peter Jackson

Genre : Epic

Rating : 8.7/10

Country : USA

Duration : 226 Minutes

🔸ആദ്യം വന്ന ഫെല്ലോഷിപ്പ് ഓഫ് ദി റിങ് സൃഷ്ടിച്ചെടുത്ത ബേസിൽ കാൽ ഉറപ്പിച്ച് നിന്ന്, നിലവാരത്തിൽ ഒരു തരി പോലും പിറകോട്ട് പോവാതെ തുടർന്ന് വരാനിരിക്കുന്ന എപിക് ഫിനാലെ ആയ റിട്ടേൺ ഓഫ് ദി കിങ്ങിന് കളം ഒരുക്കുക എന്ന കേൾക്കുമ്പോൾ ലളിതമായി തോന്നിയർക്കാവുന്ന എന്നാൽ അങ്ങേയറ്റം കഠിനമായ ദൗത്യമാണ് ലോർഡ് ഓഫ് ദി റിങ്‌സ് ത്രിലോഗിയിലെ രണ്ടാം ഭാഗ ചിത്രമായ റ്റു ടവേഴ്സിന് ഉണ്ടായിരുന്നത്, അതിൽ അസൂയാവഹമാം വിധം വിജയിച്ചു, ആ ചിത്രം എന്നത് വലിയ കാര്യം തന്നെയാണ്.

🔸ആദ്യ ചിത്രം പൊതുവെ എല്ലാ സ്രെണിയിലും മികച്ച പ്രേക്ഷക ആരാധക നിരൂപക പ്രശംസ കരസ്ഥമാക്കിയത് ആണെങ്കിലും ഒരു ചെറിയ വോക്കൽ കമ്യുണിറ്റി ടോകിയെന്റെ വേർഷൻ വെള്ളം ചേർത്തതാണ് എന്നൊരു അഭിപ്രായം വെച്ച് പുലർത്തിയിരുന്നു എന്നത് സത്യമാണ്, ഒരു രീതിയിൽ നോക്കുക ആണെങ്കിൽ ശെരിയുമാണ്, കാരണം മറ്റ് രണ്ട് ഭാഗങ്ങളെ അപേക്ഷിച്ച് ഒരു ഫൺ ലവിങ് ടോൺ ആദ്യ ഭാഗത്ത് ഉണ്ടായിരുന്നു. ഒരുപക്ഷെ കഥാപാത്രങ്ങളെ നമ്മൾ പരിചയപ്പെട്ട് തുടങ്ങിയിരുന്ന സമയം ആയത് കൊണ്ടാവാം സ്റ്റോറിയുടെ ഡാർക്ക് ടെറിട്ടറിയിലേക്ക് കഥ പോയിരുന്നെ ഇല്ല.

🔸റ്റു ടവേഴ്സിൽ ആ രീതി അങ് മാറുകയാണ്, അത് വരെ നമുക്ക് പരിചിതമായ രീതിയിൽ നിന്നും ഡാർക്ക് ഗ്രിറ്റി ആയൊരു തലത്തിലേക്ക് കഥ ആകമാനം മാറുന്നു. എൽവ്സുകളും ദ്വാർഫുകളും തമാശ പൊട്ടിച്ചിരുന്ന, ലൈറ്റ് ആയ ടോണിൽ നിന്നും ബാറ്റിൽ ഓറിയന്റഡ് രീതിയിലേക്ക് കഥ മാറുന്നു, ഒരുവേള ഹൊററിന്റെ മേമ്പൊടി കൂടി ചിത്രം എടുത്ത് അണിയുന്നുണ്ട്. പോയിന്റ് ഈസ്, സേഫ് ഗെയിം കളിക്കാതെ കഥാപാത്രങ്ങൾ എല്ലാം തന്നെ ഡേഞ്ചർ സോണിൽ ആണെന്ന ഒരു വിശ്വാസവും ഭയവും ജനിപ്പിക്കാൻ കഥയുടെ ഈ ഭാഗത്തിന് കഴിഞ്ഞിട്ടുണ്ട് എന്ന് തന്നെ.

🔸ഒരു ട്രിലോഗിയുടെ രണ്ടാം ഭാഗം എന്ന് പറയുമ്പോൾ സ്വാഭാവികമായും പ്രതീക്ഷിക്കാവുന്നത് പോലെ തന്നെ വ്യക്തമായ തുടക്കമോ അവസാനമോ ഒന്നും ഇവിടെ പ്രതീക്ഷിക്കേണ്ടതില്ല, പൂർണമായും ഇല്ലെന്നല്ല. മൂന്ന് ആംഗിളുകളിലൂടെയാണ് കഥ പുരോഗമിക്കുന്നത്, റിങ് നശിപ്പിക്കാനായി മോർഡോറിലേക്ക് സഞ്ചരിക്കുന്ന ഫ്രോഡോയും സാമുമാണ് കഥയുടെ ഒരു ഭാഗം, ഒരുപക്ഷെ ഏറ്റവും പ്രധാനപ്പെട്ടത് എന്ന വിശേഷണം അർഹിക്കുന്നത്. ഗോല്ലം എന്ന കഥാപാത്രം ഇവരുടെ കൂടെ തന്നെയുണ്ട്, അവന്റെ ഉദ്ദേശം എന്താണെന്ന് വ്യക്തമല്ല എങ്കിലും റിങ്ങിന് മേൽ അവനൊരു കണ്ണുണ്ട് എന്ന കാര്യം വ്യക്തം.

🔸റോഹൻ രാജ്യത്ത് എത്തുന്ന അരഗോണും, ലെഗോളാസും, ഗിമിലിയുമാണ് കഥയുടെ മറ്റൊരു പോർഷൻ, യുദ്ധവും മറ്റും കാരണം തകർന്ന് തരിപ്പണമായ രാജ്യമാണ് റോഹൻ, എന്തിരുന്നാലും സൗരോണും ആയുള്ള യുദ്ധത്തിന് അവർക്ക് വലിയ പ്രാധാന്യമുണ്ട്. എല്ലാത്തിനും അപ്പുറം ഗാന്ധാള്ഫിന്റെ തിരോധാനം മൂവർ സംഘത്തിനെ ഒട്ടും സഹായിക്കുന്നുമില്ല. ഇസെൻഗാർഡ് ഉന്നം വെച്ച് നീങ്ങുന്ന മെറിയും പിപ്പിനും മൂന്നാം ഭാഗം കയ്യാളുന്നു. ലോർഡ് ഓഫ് ദി റിങ്‌സിലെ ഒഴിച്ച് കൂടാനാവാത്ത അധ്യായമാണ് ദി റ്റു ടവേഴ്സ്, തീർച്ചയായും കാണാൻ ശ്രമിക്കുക.

Verdict : Must Watch

DC Rating : 90/100

777. The Lord Of The Rings : Fellowship Of The Ring (2001)

Director : Peter Jackson

Genre : Epic

Rating : 8.8/10

Country : USA

Duration : 208 Minutes

🔸ദൈവം സഹായിച്ച് ലോർഡ് ഓഫ് ദി റിങ്‌സ് നോവലുകളിൽ ഒന്ന് പോലും ഇന്നേവരെ വായിച്ചിട്ടില്ല, പൊതുവെ വായിക്കാൻ ഉള്ള മടി കാരണവും ദീപ സ്തംഭം കണക്കെ ഒരു ഫിലിം അഡാപ്റ്റേഷൻ നോവലിന് ഉള്ളത് കൊണ്ടും ഇനി ഒട്ട് വായിക്കാൻ സാധ്യതയുമില്ല, കേട്ടറിവുകൾ മാത്രമേ ഉള്ളൂ പ്രസ്തുത നോവലിനെ പറ്റി. പക്ഷെ ഇവിടെ പ്രസക്തമായ ഒരു കാര്യം എന്താണെന്നാൽ നോവൽ വായിച്ചവരാരും പൊതുവെ കാണപ്പെടാറുള്ളത് പോലെ അതിന്റെ ചലച്ചിത്രാവിഷ്കരണത്തെ തള്ളി പറഞ്ഞതായി കണ്ടിട്ടില്ല, മിക്കയിടത്തും അത്യാവശ്യം വർത്തി ആയ ഒന്ന് എന്ന് തന്നെയാണ് കേൾക്കാൻ ഇടയായത്, അത് അഭിനന്ദനാർഹവുമാണ്.

🔸എഴുപതുകളിൽ ടോകിയെന്റെ നോവൽ ആധാരമാക്കി ഒരു സിനിമാ അഡാപ്റ്റേഷൻ വന്നിട്ടുണ്ട് എന്ന് കേട്ടിരുന്നു, ഒറ്റ പാർട്ട് ആയി ഇറങ്ങിയ ആ ചിത്രത്തിൽ നിന്ന് വ്യത്യസ്തമായി മൂന്ന് ഭാഗങ്ങളിൽ വലിയ സ്കെയിലിൽ തന്നെയാണ് ലോർഡ് ഓഫ് ദി റിംഗ്‌സ് ട്രിലോഗി തയാറാക്കപ്പെട്ടത്, വലിയൊരു കഥയിലെ ഓപ്പണിങ് ആക്റ്റ് മാത്രമാണ് സത്യത്തിൽ ഫെല്ലോഷിപ്പ് ഓഫ് ദി റിങ്, എന്നാലും നിലവാരത്തിൽ ഒരു ബെഞ്ച്മാർക്ക് ഇവിടെ സ്ഥാപിക്കപ്പെട്ട് കഴിഞ്ഞിരിക്കുന്നു, അത് തന്നെയാണ് ചിത്രത്തിന്റെ പ്ലസ് പോയിന്റും.

🔸ഒരു ത്രിലോഗിയിലെ ആദ്യ ഭാഗത്തിന് പൊതുവെ ഉള്ള ദൗത്യം കഥയുടെ ബേസ് അല്ലെങ്കിൽ അടിത്തറ നന്നായി കെട്ടി ഉണ്ടാക്കുക എന്നതും തുടർന്ന് വരാൻ പോകുന്ന ഭാഗങ്ങളിലേക്ക് പ്രേക്ഷക ശ്രദ്ധയും ആകാംക്ഷയും സൃഷ്ടിക്കുക എന്നതുമാണ്, ഏറ്റവും കുറഞ്ഞത് അങ്ങനെയാണ് ഞാൻ ധരിച്ച് വെച്ചിരിക്കുന്നത്. ഈ രണ്ട് വസ്തുതകൾ മാത്രം കണക്കിൽ എടുക്കുക ആണെങ്കിൽ പോലും നൂറിൽ നൂറ് മാർക്ക് നൽകേണ്ട ഒന്നാണ് ഈ ചിത്രം, സിനിമയുടെ ചരിത്രത്തിലെ തന്നെ ഏറ്റവും മികച്ച ഫാന്റസി എപിക് അഡ്വെഞ്ചർ ചിത്രങ്ങളിൽ ഒന്നായി ലോർഡ് ഓഫ് ദി റിങ്‌സ് വിലയിരുത്തി കണ്ടിട്ടുണ്ട്, പലരാലും. ഈ ഒരു കാര്യം ചിത്രം കാണുമ്പോൾ വ്യക്തമാവും, ഉറപ്പ്.

🔸കഥയിലേക്ക് കടക്കുന്നതിന് മുന്നേ കുറച്ച് ചരിത്രം പറയണം, മിഡിൽ എർത്താണ് നമ്മുടെ കഥാ പശ്ചാത്തലം. യഥാർത്ഥ കഥ നടക്കുന്നതിനും ഒരുപാട് വർഷങ്ങൾക്ക് മുന്നേ മിഡിൽ എർത്തിൽ മൂന്ന് വിഭാഗത്തിൽ പെട്ട ആളുകളായിരുന്നു ഉണ്ടായിരുന്നത്. എൽവ്‌സ്, ദ്വാർസ്, മെൻ എന്നീ വിഭാഗങ്ങൾ, ഇവരുടെ കൈകളിൽ അതി ശക്തമായ ശേഷിയുള്ള റിങ്ങുകളും ഉണ്ടായിരുന്നു. എന്നാൽ ഒരുനാൾ സൗറോൺ എന്ന ഡാർക്ക് ലോഡ് മൗണ്ട് ഡൂം പർവതത്തിൽ നിന്നും അതി ശക്തമായ മറ്റൊരു റിങ് സൃഷ്ടിച്ച് എടുക്കുന്നതും, അതിനെ തുടർന്ന് ഒരു മഹായുദ്ധം പൊട്ടി പുറപ്പെടുന്നതും എല്ലാമാണ് കഥയുടെ ഫ്ലാഷ്ബാക്ക്.

🔸ആ യുദ്ധത്തിൽ സൗരോണിന്റെ പട നാമാവശേഷം ആയി പോവുകയാണ്, എന്നാൽ പലകൈവഴികളിലൂടെ അയാൾ സൃഷ്ട്ടിച്ച റിങ് ബിൽബോ ബാഗിൻസ് എന്ന വ്യക്തിയുടെ പക്കൽ എത്തുകയും ചെയ്യുന്നു. ഇത്രയും പറഞ്ഞത് മുൻപ് നടന്ന കഥകൾ മാത്രം, ചിത്രത്തിലെ മൂന്നര മണിക്കൂർ ദൈർഘ്യമുള്ള സംഭവങ്ങളും മറ്റും പരാമർശിച്ചിട്ടേയില്ല. എപിക് എന്നൊക്കെ വിശേഷിപ്പിക്കാവുന്ന വാർ രംഗങ്ങളും, ഉഗ്രൻ കഥാപാത്രങ്ങളും, ഗൂസ്ബമ്പ്സ് എന്നൊക്കെ വിശേഷിപ്പിക്കാവുന്ന മുഹൂർത്തങ്ങളും ചിത്രത്തിന്റെ ഹൈലൈറ്റുകളാണ്, തീർച്ചയായും കണ്ടിരിക്കേണ്ട ഒന്നാണ് ലോർഡ് ഓഫ് ദി റിങ്‌സ് സീരീസ്, അതിന്റെ ആദ്യ പടിയാണ് ഈ ചിത്രം.

Verdict : Must Watch

DC Rating : 95/100

776. Plastic Jesus (1971)

Director : Lazar Stojanović

Genre : Drama

Rating : 6.9/10

Country : Croatia

Duration : 73 Minutes

🔸പ്ലാസ്റ്റിക് ജീസസ്, പേര് സൂചിപ്പിക്കുന്നത് പോലെ തന്നെ ഹൈലി കോണ്ട്രാവെർഷ്യൽ ഐറ്റം. ആയിരത്തി തൊള്ളായിരത്തി എഴുപത്തി ഒന്നിൽ ഷൂട്ടിങ് പൂർത്തിയായതാണ് ഈ ചിത്രം എങ്കിലും പുറം ലോകം കാണാൻ അല്ലെങ്കിൽ ഒരു പബ്ലിക് സ്ക്രീനിംഗ് നടക്കാൻ മാത്രം രണ്ട് പതിറ്റാണ്ട് എടുത്തു എന്നത് സിനിമ കൈകാര്യം ചെയ്യുന്ന വിഷയങ്ങളുടെ തീവ്രത കണക്കാക്കാൻ ഉള്ള നല്ല ഒരു ഉപാധിയാണ്. തൊണ്ണൂറ്റി ഒന്നിൽ മോണ്ട്രിയൽ ഫിലിം ഫെസ്റ്റിവലിൽ ആദ്യമായി പ്രദർശിപ്പിക്കുന്നത് വരെ ഈ ചിത്രത്തെ കുറിച്ച് ഊഹാപോഹങ്ങൾ മാത്രമേ ഉണ്ടായിരുന്നുള്ളൂ കാഴ്ചക്കാർക്കും മറ്റുള്ളവർക്കും ഇടയിൽ, ആ ഫെസ്റ്റിൽ ചിത്രം ടോപ് പ്രൈസ് കരസ്ഥമാക്കുകയും ചെയ്തിരുന്നു.

🔸ചിത്രം തയാറാക്കി ഉദ്ദേശം ഒരു വർഷം കഴിഞ്ഞപ്പോഴാണ് സംവിധായകൻ ലസാർ സ്റ്റോജെനോവിച്ച് അറസ്റ്റ് ചെയ്യപ്പെടുന്നത്, ഇതിന് ഒരു കാരണവുമുണ്ട്. യുഗോസ്ലോവിയൻ കമ്യുണിസ്റ്റ് നേതാവായ ജോസഫ് ബ്രോസിന്റെ ഭരണം വിമർശനത്തിന്റെ വാൾമുനയിൽ പെട്ട് ഉഴലുമ്പോഴാണ് സ്റ്റോജെനോവിച്ചിന്റെ പ്ലാസ്റ്റിക് ജീസസ് എന്ന ചിത്രം സാന്നിധ്യം അറിയിക്കുന്നത്, ചിത്രത്തിൽ ആണെങ്കിൽ ആന്റി നാസി ആന്റി കമ്യുണിസ്റ്റ് കൊട്ടൊക്കെ അത്യാവശ്യം നന്നായുണ്ട് താനും. അപ്പൊ പിന്നെ സ്വാഭാവികമായും അത്ര നല്ല കാര്യങ്ങൾ പ്രതീക്ഷിക്കേണ്ടതില്ലല്ലോ.

🔸ചിത്രം തയാറായി തൊട്ടടുത്ത വർഷം സ്റ്റോജെനോവിച്ച് അറസ്റ്റ് ചെയ്യപ്പെട്ടു, പേരിനൊരു വിചാരണ എന്ന മട്ടിൽ ഒരു പ്രഹസനത്തിന് ഒടുവിൽ വീണ്ടും ഒരു വർഷത്തിന് ശേഷം അയാൾക്ക് തടവറ വിധിക്കപ്പെടുന്നു. പിന്നീടുള്ള കുറച്ച് വർഷങ്ങൾ സ്റ്റോജെനോവിച്ച് ചിലവഴിച്ചത് ജയിലറകൾക്ക് ഉള്ളിലാണ്. ഈ ഒരു മുഖവര ഉൾപ്പെടുത്തി ചിത്രവും സംവിധായകനും എല്ലാം നേരിടേണ്ടി വന്ന ബുദ്ധിമുട്ടുകളെ ഫോക്കസ് ചെയ്ത് കൊണ്ടാണ് പ്ലാസ്റ്റിക് ജീസസ് കഥ പറഞ്ഞ് തുടങ്ങുന്നത്.

🔸ജോസഫ് ബ്രോസിനെയോ അല്ലെങ്കിൽ അയാളുടെ ഭരണത്തെയോ മാത്രമായി ഉള്ള തേജോവധമോ അല്ലെങ്കിൽ വിമർശനമോ അല്ല ചിത്രത്തിന്റെ കാതൽ, നിലനിൽക്കുന്നു എന്ന് പറയുന്ന അല്ലെങ്കിൽ പൊതുവെ വിമർശിക്കപ്പെടുന്ന സിസ്റ്റത്തെ മുഴുവനായി പൊളിച്ചെഴുതുന്നുണ്ട് ഈ ചിത്രം, രാഷ്ട്രീയ സാംസ്‌കാരിക പ്രഹസനങ്ങൾ തൊട്ട് ലൈംഗികത വരെ വിഷയമാവുന്നുണ്ട് ചിത്രത്തിൽ. കഥ എന്ന വസ്തുതയിലേക്ക് മനഃപൂർവം കടക്കാഞ്ഞത് തന്നെയാണ്, ഒരു ക്രൊയേഷ്യൻ അണ്ടർ ഗ്രൗണ്ട് സിനിമ സംവിധായകൻ നേരിടേണ്ടി വരുന്ന ബുദ്ധിമുട്ടുകൾ എന്ന് മാത്രം പറഞ്ഞിടാം.

🔸ഈ സൂചിപ്പിച്ച ത്രെഡിലൂടെ കഥ പോവുമ്പോൾ തന്നെ വിവിധ നേതാക്കന്മാരുടെയും ചരിത്രത്തിലെ ചില സംഭവങ്ങളുടെയും എല്ലാം ഫൂട്ടേജുകൾ ചിത്രം കാണിക്കുന്നുണ്ട്. യുഗോസ്ലോവിയയിൽ കാടൻ ഭരണം വീഴുന്നതിന് മുൻപുള്ള കാലഘട്ടത്തിലേക്കുള്ള നല്ലൊരു തിരിഞ്ഞ് നോട്ടം കൂടിയാണ് ഈ ചിത്രം, ചരിത്രാന്വേഷികൾക്കും സിനിമ സ്നേഹികൾക്കും ഒരുപോലെ പരീക്ഷിക്കാവുന്ന ഒരു വർക്. എല്ലാവര്ക്കും നിർദ്ദേശിക്കില്ല ഈ ചിത്രം, മുകളിൽ ചേർത്ത കാര്യങ്ങൾ വായിച്ച് താല്പര്യം ഉണ്ടെങ്കിൽ, തോന്നുന്നെങ്കിൽ മാത്രം പരീക്ഷിച്ച് നോക്കാവുന്നതാണ്.

Verdict : Good

DC Rating : 75/100