935. An Elephant Sitting Still (2018)

Director : Hu Bo

Genre : Drama

Rating : 7.8/10

Country : China

Duration : 234 Minutes

🔸എൻ എലിഫന്റ് സിറ്റിംഗ് സ്റ്റിൽ എന്ന ചിത്രം സ്‌ക്രീനിൽ പറയുന്ന കഥ കൊണ്ട് തന്നെ ഒരല്പം ഡിപ്രസിങ്ങും യാതൊരുവിധ പ്രതീക്ഷയ്‌ക്കും വക നൽകാത്തത് ആണെങ്കിലും അത് ഒന്ന് കൂടി ഡിപ്രസിങ് ആവുന്നത് സിനിമയോടൊപ്പം തന്നെ ചേർത്ത് വായിക്കേണ്ട സംവിധായകന്റെ റിയൽ ലൈഫ് സ്റ്റോറി കൂടി ചേരുമ്പോഴാണ്. ഹു ബോ എന്ന സംവിധായകന്റെ ആദ്യത്തെ ചലച്ചിത്ര സംരംഭമാണ് എൻ എലിഫന്റ് സിറ്റിംഗ് സ്റ്റിൽ, നിർഭാഗ്യവശാൽ അദ്ദേഹത്തിന്റെ അവസാനത്തേതും. ഈ ചിത്രം റിലീസിന് തയാറെടുക്കുന്ന വേളയിൽ അദ്ദേഹം സ്വന്തം ജീവൻ എടുക്കുക ആണ് ഉണ്ടായത്.

🔸ഹ ബോയുടെ മരണത്തിന് പ്രധാനമായും പറഞ്ഞ് കേട്ട കാരണങ്ങൾ ഈ ചിത്രത്തിന്റെ റിലീസുമായി ബന്ധപ്പെട്ട് അധികൃതരുമായി നടത്തേണ്ടി വന്ന തർക്കങ്ങളും, ഡിപ്രഷനും എല്ലാം തന്നെയാണ്. നാല് മണിക്കൂറിന് അടുത്ത് റൺ ടൈം ഉള്ള ചിത്രം പകുതിയോളമായി വെട്ടി ചുരുക്കാൻ അധികൃതർ ആവശ്യപ്പെട്ടിരുന്നു എങ്കിലും ഹ്യൂബോ അതിന് തയാറായില്ല. അതിന് അപ്പുറം ഒരു കാരണം ഉണ്ടെങ്കിൽ അത് കണ്ടെത്താൻ കഴിയുക ഈ ചിത്രത്തിൽ കൂടി തന്നെ ആവും, ഒരു തരത്തിൽ പറഞ്ഞാൽ അദ്ദേഹത്തിന്റെ സ്വാൻ സോങ് ആണ് എൻ എലിഫന്റ് സിറ്റിംഗ് സ്റ്റിൽ.

🔸നാല് പ്രധാന കഥാപാത്രങ്ങളാണ് ചിത്രത്തിൽ ഉള്ളത്, ഇവർക്കെല്ലാം തന്നെ അവരവരുടേതായ ആർക്കുകൾ ഉണ്ടെങ്കിലും ഇവ എല്ലാം ഓവർ ആർക്കിങ്ങായി ഒരു സ്റ്റോറിയുടെ ഭാഗമാണ്. ചൈനയിലെ ഒരു നഗരത്തിൽ ആണ് കഥ പുരോഗമിക്കുന്നത്, മഞ്ഞ് മൂടിയതിന് സമാനമായി ഒരു ഡിസ്ട്ടോപ്യൻ ഫീൽ തരുന്ന നഗരം. വളരെ കുറച്ച് കഥാപാത്രമേ ഉള്ളൂ എങ്കിലും ഇവരെല്ലാം തന്നെ ഏതെങ്കിലും ഒരു ഫോർസിനോടോ എന്റിറ്റിയോടോ അല്ലെങ്കിൽ തങ്ങളോട് തന്നെയോ മത്സരിക്കുന്നവരാണ്, ചിലർ വിഷാദത്തിന്റെ കാണാക്കയത്തിലേക്ക് വീണ് പോയവരുമാണ്.

🔸ഈ നാല് കഥാപാത്രങ്ങൾക്ക് പുറമെ ടൈറ്റിലിൽ സൂചിപ്പിച്ച ഒരു ആന കൂടി കഥയിലേക്ക് വരുന്നുണ്ട്, ഒരു മെറ്റഫർ ഒക്കെ പോലെ. മൺഴോലി എന്ന ഗ്രാമത്തിൽ ഒരു ആന ഉണ്ടെന്നും അത് രാവന്തിയോളം വെറുതെ ഇരിക്കുക ആണെന്നും, ആൾക്കാരുടെ ശ്രദ്ധയോ കൗതുകമോ ഒന്നും തന്നെ അതിനെ ഒട്ടും ബാധിക്കാറില്ല എന്നുമൊക്കെയാണ് ഈ നാടോടിക്കഥ. പ്രത്യക്ഷത്തിൽ വലിയ ബന്ധം തോന്നിയേക്കില്ല എങ്കിലും പോകെ പോകെ കഥയിൽ ഒരു ലിങ്കറിങ് ഫിഗറായി ഈ ആനകഥ കടന്ന് വരുന്നുണ്ട്. അപ്പോൾ കണ്ട് നോക്കാവുന്ന, ഇൻഫാക്റ്റ് കണ്ടിരിക്കേണ്ട ഒന്നാണ് ഈ ചിത്രം, പക്ഷെ എല്ലാവര്ക്കും സജസ്റ്റ് ചെയ്യുകയുമില്ല.

Verdict : Very Good

DC Rating : 4.25/5 

934. Frances Ha (2012)

Director :  Noah Baumbach

Genre : Drama

Rating : 7.5/10

Country : USA

Duration : 86 Minutes

🔸നോഹ ബോംബെച്ചിന്റെ സിനിമകളിലെ ഒഴിച്ച് കൂടാൻ പറ്റാത്ത കാര്യങ്ങളായ ഫെമിനിസം, കഥാപാത്രം അനുഭവിക്കുന്ന മെന്റൽ ട്രോമ, ഡിപ്രഷൻ എന്നിവയുടെ ഒക്കെ ആദ്യ പതിപ്പ് എന്ന് വിശേഷിപ്പിക്കാം ഫ്രാൻസസ് ഹാ എന്ന ചിത്രത്തെ. ഫ്രാൻസസ് എന്ന ടൈറ്റിൽ കഥാപാത്രം ചെറിയ ഒരു കാലയളവിൽ നേരിടേണ്ടി വരുന്ന പ്രശ്നങ്ങൾ, ചില കഥാപാത്രങ്ങളുമായി നടത്തുന്ന ഇടപഴകലുകൾ, അത് അവരിലും കഥയിൽ തന്നെയും വരുത്തുന്ന മാറ്റങ്ങൾ എന്നിവ മാത്രമേയുള്ളൂ സിനിമയിൽ, പറഞ്ഞ് വന്നത് എന്താണെന്നാൽ ഡ്രാമ ജോണറിനോട് താല്പര്യം ഇല്ലാത്തവർ കാണേണ്ട എന്ന ഉദ്ദേശത്തിൽ തന്നെയാണ്, ഒരുപക്ഷെ നിങ്ങൾ ഉദ്ദേശിക്കുന്ന എന്റർടൈൻമെന്റ് ഫാക്റ്ററുകൾ കാണിച്ച് തരാൻ കഴിഞ്ഞേക്കില്ല.

🔸ഇരുപത്തി ഏഴ് വയസുകാരി ആയ ഒരു സിംഗിൾ യുവതിയാണ് ഫ്രാൻസസ്, കാലിഫോർണിയയിൽ ജനിച്ച് വളർന്ന അവർ ജോലി സംബന്ധമായാണ് ബ്രുക്ലിനിൽ എത്തുന്നത്, ഒരു സാധാരണ ഡാൻസ് ട്രൂപ്പിൽ ട്രെയിനി ആയാണ് അവർ ജോലിക്ക് കയറുന്നതും. ഇവിടെ ഒരു സ്ഥിരം ജോലി അവർ ആഗ്രഹിക്കുന്നുണ്ട് എങ്കിലും അതിനുള്ള വലിയ സാധ്യത ഒന്നും കാണുന്നില്ല, ആകെ മൊത്തം ഒരു അപ്രവചനീയത ഇവിടെ തന്നെ നമുക്ക് കഥയിലും കഥാപാത്രത്തിലും കാണാനാവും. ഇതിന് പുറമെയുള്ള ഫ്രാൻസസിന്റെ വ്യക്തി ജീവിതവും അത്ര ആശാവഹമല്ല, ബോയ്ഫ്രണ്ടുമായി ഒരു ബ്രെയ്ക് അപ്പ് ഇപ്പോൾ കഴിഞ്ഞതേ ഉള്ളൂ.

🔸ഫരാൻസിസിന്റെ കഥയിൽ അത്രത്തോളം തന്നെ പ്രാധാന്യം ഉള്ള മറ്റൊരു കഥാപാത്രമാണ് സുഹൃത്തായ സോഫിയ, ഒരു സുഹൃത്ത് എന്നതിനപ്പുറം നിർവചിക്കാൻ കഴിയാത്ത ഒരു ബന്ധം ഇരുവർക്കും ഇടയിലുണ്ട്, സോഫിയയ്ക്ക് ഫ്രാൻസസ് തന്നെ സ്വന്തം ജീവിതത്തിൽ വലിയ പ്രാധാന്യം കൊടുക്കുന്നുണ്ട്. ഒരു വളർന്ന് വരുന്ന ബുക് പബ്ലിഷറായ സോഫിയ ഫ്രാൻസസിനെ അപേക്ഷിച്ച് ജീവിതത്തിൽ കുറച്ച് കൂടി മുന്നോട്ട് പോയിട്ടുള്ള ആളാണ്, കുറഞ്ഞത് മീനിങ്ങ്ഫുൽ ആയി എന്തെങ്കിലും ചെയ്യുന്നുണ്ട് എന്നൊരു സൂചന എങ്കിലും അവർ നൽകുന്നുണ്ട്.

🔸ഒരു പ്രത്യേക ഘട്ടത്തിൽ ഫ്രാൻസസിന്റെ ജോലി പോവുന്നതും, സോഫിയ തന്റെ ബോയ്ഫ്രണ്ടിനൊപ്പം മറ്റൊരു സ്ഥലത്തേക്ക് മാറുന്നതും ആണ് കഥയുടെ ഗിയർ മാറ്റുന്നത്. ഒരുവേള ഈ രണ്ട് കഥാപാത്രങ്ങളുടെ സ്റ്റോറി ആർക്കുകൾ വോങ് കർ വായുടെ ഹാപ്പി റ്റുഗെഥെരുമായി സാമ്യം പുലർത്തുന്നതായി അനുഭവപ്പെട്ടിരുന്നു, പാരലൽസ് എന്തായാലും ഉണ്ട്. ഈ രണ്ട് കഥാപാത്രങ്ങളെ ഈ ഹാർഡ് ഷിപ്പുകൾ ഏതൊക്കെ രീതിയിൽ മാറ്റി മറിക്കുന്നു എന്നതാണ് ചിത്രത്തിന്റെ പ്ലോട്ട്. മികച്ച ഒരു സിനിമയാണ് ഫ്രാൻസസ് ഹാ, ഒരുപക്ഷെ അടുത്തിടെ കണ്ടതിൽ ഏറ്റവും തൃപ്തി തന്നവയിൽ ഒന്ന്, ഡ്രാമ ജോണറിനോട് താല്പര്യം ഉള്ളവർ കണ്ടിരിക്കേണ്ടതാണ്.

Verdict : Must Watch

DC Rating : 4.5/5 

933. Still Walking (2008)

Director : Hirokazu Koreeda

Genre : Drama

Rating : 7.9/10

Country : Japan

Duration : 114 Minutes

🔸ഈ ജനെറേഷനിലെ ഏറ്റവും ഇഷ്ട്ടമുള്ള സംവിധായകരിൽ ഒരാളാണ് ഹീറോകസു കൊറീദ, അദ്ദേഹത്തിന്റെ ചിത്രങ്ങളോളം റിലേറ്റ് ചെയ്യാൻ പറ്റിയ, താല്പര്യങ്ങളോട് ചേർന്ന് നിൽക്കുന്ന മറ്റൊരു ഫിലിം മേക്കറെ കാണിച്ച് തരാൻ കഴിഞ്ഞേക്കില്ല എന്നതാണ് സത്യം, ഒരല്പം എങ്കിലും വെല്ലുവിളി ഉയർത്തിയേക്കുക വോങ് കർ വായ് മാത്രമായിരിക്കും. കൊറീദയുടെ ഏറ്റവും മികച്ച വർക്കുകളിൽ ഒന്നാണ് സ്റ്റീൽ വോക്കിങ്, യാതൊരു സംശയവും ഇല്ലാതെ പറയാൻ കഴിയുന്ന കാര്യം, പ്ലോട്ടിൽ നിന്ന് ഊഹിക്കാൻ കഴിയുന്നത് പോലെ തന്നെ സിംപിൾ ആയ ഒരു ഫാമിലി ഡ്രാമയാണ് ഈ ചിത്രം.

🔸ഒരു ഫാമിലി ഡ്രാമയ്ക്ക് വേണ്ട ചേരുവകൾ എല്ലാം കൃത്യമായി ചേർത്തു എന്നത് മാത്രമല്ല സ്റ്റിൽ വോക്കിങ്ങിന്റെ പ്രത്യേകത, അവയെല്ലാം കഥാപാത്രങ്ങളുടെ മാനസിക തലത്തിനും, ബാക്ക് സ്റ്റോറിക്കും ചേർന്ന വിധം ഉപയോഗപ്പെടുത്തി എന്നത് കൂടിയാണ്. സിനിമ കണ്ട് കൊണ്ടിരിക്കെ കഥ അവസാനിക്കാൻ പോവുന്നത് ഇങ്ങനെ ആയിരിക്കും എന്നൊരു ബേസിക് ഐഡിയ വെച്ച് പുലർത്തിയിരുന്നു എങ്കിലും അത് പാടേ തെറ്റിപ്പോയി എന്നത് തുറന്ന് സമ്മതിക്കേണ്ടി ഇരിക്കുന്നു, അതാണെങ്കിൽ ചിത്രത്തിന്റെ നിലവാരവും ചിത്രത്തോട് തന്നെയുള്ള മതിപ്പും വർധിപ്പിച്ചിട്ടേ ഉള്ളൂ താനും.

🔸ഒരു വൃദ്ധനായ ഡോക്ടർ ആണ് നമ്മുടെ കേന്ദ്ര കഥാപാത്രം, പുള്ളി തന്റെ നല്ല പ്രായത്തിൽ അത്യാവശ്യം പേരെടുത്ത, കഴിവ് തെളിയിച്ച ആളാണ്, ആ ഒരു നിലയും വിലയും ഒക്കെ പുള്ളിക്ക് ആളുകളുടെ ഇടയിലുണ്ട്, ഒരല്പം ദുരഭിമാനി ആണെന്ന് വേണമെങ്കിൽ പറയാം. ടിയാന് ആകെ മൂന്ന് മക്കളാണ്, മൂത്തവൻ മുന്നേ മരിച്ചു, അപകടമരണം ആയിരുന്നു, ഡോക്ടർക്കും ഭാര്യയ്ക്കും മൂത്തമകനോട് ഒരു പ്രത്യേക മാനസിക അടുപ്പം തന്നെ ഉണ്ടായിരുന്നു. ഈ ഒരു കാരണം കൊണ്ട് തന്നെ മകന്റെ മരണം പൂർണമായും ഉൾക്കൊള്ളാനോ, ആ സത്യത്തിനോട് യോജിക്കാനോ ഇവർക്ക് കഴിഞ്ഞിട്ടില്ല. പിന്നെ ഇരുവർക്കും ഉള്ളത് രണ്ടാമത്തെ മകനും ഒരു മകളുമാണ്.

🔸രണ്ടാമത്തെ മകനുമായി അത്ര നല്ല ബന്ധമല്ല ഡോക്ടർക്ക് ഉള്ളത്, കുടുംബ തൊഴിൽ വിട്ട് മറ്റൊരു വഴിയേ പോയതിനാൽ കൊണ്ട് തന്നെ മകനെ ഒരു ഡിസപ്പോയിന്മെന്റ് ആയാണ് ഡോക്ടർ കാണുന്നത്, അച്ഛനോട് വേണ്ട അടുപ്പം മകനുമില്ല, മകളുടെ കാര്യം ആണെങ്കിൽ അത് മറ്റൊരു കഥയാണ്. ചുരുക്കി പറഞ്ഞാൽ ബ്രോക്കൻ ആയ റിലേഷൻ ആണ് കഥാപാത്രങ്ങൾ തമ്മിൽ ഉള്ളത്, എന്നാൽ ഇവരെല്ലാം ഒരുനാൾ ഒരു വിശേഷ ദിനത്തിൽ ഒത്ത് കൂടുകയാണ്, തുടർന്ന് അവിടെ എന്ത് സംഭവിക്കും എന്നതാണ് ചിത്രത്തിന്റെ കഥ. വളരെ മനോഹരമായ ഒരു സിനിമയാണ് സ്റ്റിൽ വോക്കിങ്, നിങ്ങളുടെ സമയത്തിന് ഉള്ളത് ഈ ചിത്രത്തിലുണ്ട്.

Verdict : Very Good

DC Rating : 4.25/5 

932. Spirit Of The Beehive (1973)

Director : Víctor Erice

Genre : Drama

Rating : 7.9/10

Country : Spain

Duration : 97 Minutes

🔸സപാനിഷ് സിനിമാ ചരിത്രത്തിലെ തന്നെ ഒരു റെയർ ഫീറ്റ് ആണ് സ്പിരിറ്റ് ഓഫ് ബീഹൈവ് എന്ന ചിത്രം എന്ന് പൊതുവെ വിശേഷിപ്പിച്ച് കണ്ടിട്ടുണ്ട്. മികച്ച നിലവാരം ഉള്ള സിനിമ ആണെന്ന് തന്നെ ഇരിക്കെ ഈ ചിത്രത്തിന്റെ പ്രസക്തി വർധിപ്പിക്കുന്നത് ആ കാലഘട്ടത്തിലെ രാഷ്ട്രീയ പരിതസ്ഥിതി കൂടി കണക്കിൽ എടുക്കുമ്പോഴാണ്. ഈ കാര്യങ്ങൾ പ്രതിപാദിക്കുന്ന സിനിമകൾ പൊതുവെ എന്റെർറ്റൈൻ ചെയ്യിപ്പിക്കപ്പെടാറില്ല എങ്കിലും ആഴത്തിലേക്ക് പോവുന്നില്ല എന്നത് കൊണ്ട് മാത്രം വെട്ടിമുറിക്കപ്പെടാതെ വ്യൂവേഴ്‌സിലേക്ക് എത്തിയ ചരിത്രമുണ്ട് ഈ സിനിമയ്ക്ക്.

🔸സ‌പെയിനിന്റെ ചരിത്രത്തിലെ ഒരു ട്രാന്സിഷൻ പീരീഡ്‌ എന്നൊക്കെ വിശേഷിപ്പിക്കാവുന്ന നാല്പതുകളാണ് ചിത്രത്തിന്റെ ബേസ്. ജനറൽ ഫ്രാങ്കോ സിവിൽ വാർ വിജയത്തിന് പിന്നാലെ സ്‌പെയിനിന്റെ ഭരണം പിടിച്ചെടുത്തതും, അതിനെ തുടർന്നുണ്ടായ റിപ്പബ്ലിക്കൻ വേട്ടയും എല്ലാം കഥയിൽ പ്രാധാന്യമുള്ള ഫാക്റ്ററുകളാണ്, പ്രത്യക്ഷത്തിൽ അൺ റിലേറ്റഡ് ആണെങ്കിലും ചില പോയിന്റുകളിൽ ഇവ കഥയെ മുന്നോട്ട് കൊണ്ടുപോവാൻ തക്ക വണ്ണം പ്രധാനപ്പെട്ട കാര്യമായി മാറുന്നുണ്ട്. ഈ കാലഘട്ടത്തിലെ ഒരു ഉൾനാടൻ സ്പാനിഷ് ഗ്രാമമാണ് പശ്ചാത്തലം, ഒരു ഇടത്തരം കുടുംബമാണ് ഫോക്കസ്.

🔸ഈ ഗ്രാമത്തിലേക്ക് ഒരുനാൾ ഒരു സിനിമ പ്രദര്ശനത്തിനായി വരുന്നിടത്ത് നിന്നുമാണ് സിനിമ ആരംഭിക്കുന്നത്, ചിത്രം ആണെങ്കിൽ മുപ്പതുകളിൽ ക്ലാസ്സിക് ആയ ഫ്രാങ്കൻസ്റ്റീൻ. സിനിമ കാണാൻ മോശം അല്ലാത്ത ഒരു കൂട്ടം ആളുകൾ തിയേറ്ററിൽ എത്തിയിട്ടുണ്ട്, ഈ കൂട്ടത്തിൽ അന്ന എന്ന കൊച്ച് കുട്ടിയുമുണ്ട്, നമ്മുടെ കേന്ദ്ര കഥാപാത്രം. അന്നയ്ക്ക് ഒരു സഹോദരിയുണ്ട്, അന്നയുടെ അച്ഛൻ ഒരു സിവിൽ വാർ വെറ്ററൻ ആണെന്ന് വ്യക്തവുമാണ്, അമ്മ ഒരു വീട്ട് ജോലിക്കാരിയും. ഈ മൂന്ന് കഥാപാത്രങ്ങൾക്കും അവരുടേതായ സ്റ്റോറി ആർക്കുകളും സ്പെയ്സും എല്ലാം ചിത്രം ഒരുക്കി വെച്ചിട്ടുണ്ട്.

🔸നിസ്സഹായാവസ്ഥ, വേദന, നഷ്ടബോധം എന്നിവയൊക്കെ ചിത്രത്തിന്റെ പ്രധാനപ്പെട്ട തീമുകളിൽ ചിലതാണ്. ഫ്രാങ്കൻസ്റ്റീൻ എന്ന സിനിമയ്ക്ക് തന്നെയും ഈ ചിത്രത്തിന്റെ കഥയിലും അവതരണത്തിലും ഒക്കെ വലിയ പ്രാധാന്യമുണ്ട്. ഇനി ഇതിനോടൊപ്പം തന്നെ ചേർത്ത് പറയേണ്ട മറ്റൊരു വിഷമകരമായ കാര്യം കൂടിയുണ്ട്, ഛായാഗ്രാഹകനായ ലൂയിസ് ക്വഡ്രാഡോ പിൽക്കാലത്ത് അന്ധനായി മാറിയിരുന്നു, അദ്ദേഹത്തിന്റെ അവസാന വർക്കുകളിൽ ഒന്ന് കൂടിയാണ് സ്പിരിറ്റ് ഓഫ് ദി ബീഹൈവ്. അപ്പോൾ കണ്ട് നോക്കുക, മികച്ച ഒരു സിനിമ തന്നെയാണ്.

Verdict : Very Good

DC Rating : 4.25/5 

931. On The Rocks (2020)

Director : Sofia Coppola

Genre : Drama

Rating : 6.7/10

Country : USA

Duration : 98 Minutes

🔸ഉദ്ദേശം ഒരു പതിനാറ് വർഷങ്ങൾക്ക് മുന്നേ ബിൽ മുറെയെ കേന്ദ്ര കഥാപാത്രമാക്കി കൊണ്ട് സോഫിയ കൊപ്പോള എത്തിയപ്പോഴാണ് നമുക്ക് ലോസ്റ്റ് ഇൻ ട്രാൻസ്‌ലേഷൻ എന്ന ചിത്രം ലഭിച്ചത്. പേഴ്സണലി ഈ ഒരു നൂറ്റാണ്ടിൽ ഇതുവരെ പുറത്തിറങ്ങിയതിൽ ഏറ്റവും ഇഷ്ട്ടപ്പെട്ട സിനിമകളിൽ ഒന്നാണ് അത്, അത് എന്ത് കൊണ്ടാണ് എന്ന് പറഞ്ഞ് തുടങ്ങിയാൽ ഈ കുറിപ്പിന് കരുതിയ നീളം പോരാതെ വരും. ഈ ഒരു കാരണം മാത്രം മതിയായിരുന്നു ഓൺ ദി റോക്സ് എന്ന ചിത്രത്തിന് വേണ്ടി കാത്തിരിക്കാൻ. മറ്റൊരു ലോസ്റ്റ് ഇൻ ട്രാൻസ്‌ലേഷൻ ആവില്ല എന്ന് ഉറപ്പുണ്ടായിരുന്നു, അത് ഒട്ടും പ്രതീക്ഷിച്ചിരുന്നുമില്ല.

🔸ആദ്യം തന്നെ, ലോസ്റ്റ് ഇൻ ട്രാൻസ്‌ലേഷനുമായി ഒരു കമ്പാരിസൺ ഒന്നും ചിത്രം ആവശ്യപ്പെടുന്നില്ല, അർഹിക്കുന്നുമില്ല. വളരെ ലൈറ്റ് ആയ ഒരു പ്ലോട്ട് ആണ് ചിത്രത്തിന്റേത്, വേഫർ തിൻ എന്നൊക്കെ പറയാവുന്നത്. എന്നാൽ അതിൽ നിന്ന് കൊണ്ട് തന്നെ ആസ്വാദ്യകരമായ ഒരു ഔട്ട്പുട്ട് ഒരുക്കാൻ സംവിധായകയ്ക്ക് കഴിഞ്ഞിട്ടുണ്ട് എന്നത് ക്രാഫ്റ്റിന്റെയും കഴിവിന്റെയും ഉത്തമ ഉദാഹരണം തന്നെയാണ്. ഒരു റിലേഷൻഷിപ്പ് ഡ്രാമ, മിഡ്‌ലൈഫ്‌ ക്രൈസിസ് എന്നിവയൊക്കെ നല്ല രീതിയിൽ തന്നെ ചിത്രത്തിൽ കാണിച്ചിട്ടുണ്ട്. ഒന്നര മണിക്കൂർ മാത്രമുള്ള ദൈർഘ്യം ഒരു പോരായ്മ തന്നെയായി തോന്നി.

🔸നമ്മുടെ നായികാ കഥാപാത്രമായ ലോറ ഒരു മിഡ്‌ലൈഫ്‌ ക്രൈസിസിലൂടെ കടന്ന് പോവുന്ന വ്യക്തിയാണ്. പ്രായം മധ്യവയസിനോട് അടുത്തെങ്കിലും ഇന്നും സക്സസ്ഫുൾ എന്ന് പറയാവുന്ന ഒരു ലെവെലിലേക്ക് അവർ എത്തിയിട്ടില്ല, കുറഞ്ഞത് അവർക്ക് അങ്ങനെ തോന്നിയിട്ടില്ല. രണ്ട് മക്കളുണ്ട്, വളരെ അടുപ്പമുള്ള ഭർത്താവുണ്ട്, ഒരു മോശമില്ലാത്ത ജോലിയുണ്ട്, അങ്ങനെ ആകെമൊത്തം ഒരു നോർമൽ ലൈഫ് ആണ് ലോറയുടേത്. ലോറയുടെ ഭർത്താവായ ഡീനിന്റെ സ്ഥിതിഗതികൾ നേരെ മറിച്ചാണ്, ജീവിത വിജയം കൈവരിച്ച ആളാണ് ഡീൻ.

🔸ഡീനിന് താൻ അല്ലാതെ മറ്റൊരു സ്ത്രീയുമായി അടുപ്പമുണ്ട് എന്നൊരു സംശയം ഒരുനാൾ ലോറയിൽ ഉടലെടുക്കുകയാണ്, ഇതിനെ തുടർന്ന് ഉണ്ടാവുന്ന പ്രത്യാഘാതങ്ങളാണ് കഥയുടെ പ്ലോട്ട്. ഈ രണ്ട് കഥാപാത്രങ്ങൾക്ക് ഇടയിലേക്ക് കടന്ന് വരുന്ന ലോറയുടെ പ്ളേബോയ് സ്റ്റൈൽ അച്ഛൻ കഥാപാത്രമാണ് ബിൽ മുറേയുടേത്, വളരെ ഇന്റെരെസ്റ്റിംഗ് ആയ ഒരു കഥാപാത്രം. സോഫിയ കൊപ്പോളയുടെ തനത് മെറ്റിരിയൽ, ശൈലി ഒക്കെ പതിഞ്ഞ സിനിമ ആണെങ്കിലും മികച്ച വർക് എന്നൊന്നും പറയാനില്ല, ഒരു ഫ്ലോയിൽ കാണാം എന്നതൊഴിച്ചാൽ പുതുമ ഒന്നും പ്രതീക്ഷിക്കേണ്ടതും ഇല്ല, കണ്ട് നോക്കാവുന്നതാണ്.

Verdict : Good

DC Rating : 3.5/5 

930. Borat 2 - Subsequent Moviefilm (2020)

Director : Jason Woliner

Genre : Comedy

Rating : 7.3/10

Country : USA

Duration : 96 Minutes

🔸ഡൊണാൾഡ് ട്രംപ് അധികാരത്തിൽ ഇരിക്കുന്ന, പുള്ളിക്ക് ചുറ്റും പുള്ളിയുടെ കയ്യാളുകൾ ഉപഗ്രഹങ്ങൾ പോലെ കറങ്ങുന്ന പുതിയ അമേരിക്ക. കസാഖ്സ്താൻ എന്ന രാജ്യത്തിൻറെ പ്രശസ്തി ലോകം മുഴുവൻ എത്തിക്കാനായി അവിടെ നിന്നും വണ്ടി കേറുന്ന മണ്ടനും, രാജ്യത്തിൻറെ പഴകിയ വ്യവസ്ഥയുടെ അന്തം ഫോളോവറുമായ ബോറാട്. ഈ രണ്ട് കാര്യങ്ങൾ ഉൾക്കൊള്ളിച്ച് കൊണ്ട് ഒരു സിനിമ എന്നത് സത്യത്തിൽ വളരെ ബ്രില്യന്റ് ആയ ഒരു ഐഡിയ ആണ്, രണ്ട് മാസം മുൻപ് ബാരൻ കോഹൻ അന്നൗൻസ് ചെയ്യുന്നത് വരെ ചിന്തിച്ചിട്ട് കൂടി ഇല്ലാത്ത ഒരു കൺസപ്റ്റ് എന്നാൽ ആ നിമിഷം തൊട്ട് ഏറ്റവും കാത്തിരുന്ന സിനിമകളിൽ ഒന്ന്, അതാണ് ബോറാട്ടിന്റെ രണ്ടാം ഭാഗം.

🔸ആദ്യ ഭാഗത്തെ സംഭവങ്ങൾ അരങ്ങേറിയിട്ട് പതിനാല് വർഷങ്ങൾ കഴിഞ്ഞിരിക്കുന്നു, ബോറാട് അമേരിക്കയിൽ വന്ന് കാട്ടി കൂട്ടിയിട്ട് പോയ കാര്യങ്ങൾ എല്ലാം പുള്ളിയെ പോപ്പുലർ ആക്കി എങ്കിലും ലോകത്തിന് മുന്നിൽ കസാഖിസ്ഥാൻ എന്ന രാജ്യത്തെ ഒരു പരിഹാസ പാത്രമായി മാറ്റുകയായിരുന്നു. അതിന് ശേഷം നാട്ടിലേക്ക് മടങ്ങി എത്തിയ ബോറാറ്റിന് കിട്ടിയത് പരസ്യമായ അവഹേളനവും ശിക്ഷയും എല്ലാമാണ്. പാവത്തിനെ സ്വന്തം നാട്ടുകാരും വീട്ടുകാരും മക്കളും വരെ തള്ളി പറഞ്ഞു. സ്വന്തം ഗ്രാമത്തിൽ നിന്ന് വരെ നാട് കടത്തപ്പെട്ട അയാൾ ഇന്ന് അയാൾ ഒരു ഖനിയിൽ ജോലിക്കാരനാണ്.

🔸കസാഖിസ്ഥാൻ എന്ന രാജ്യത്തിൻറെ സ്ഥിതി ഇന്ന് അതിലും മോശമാണ്, മറ്റുള്ള രാജ്യങ്ങൾ വ്യവസായമോ വ്യാപാരമോ നടത്താൻ താല്പര്യപ്പെടുന്നില്ല എന്ന് മാത്രമല്ല കസാഖ്‌സ്താനെ ഒരു രാജ്യമായി പോലും പരിഗണിക്കുന്നില്ല, എന്തിന് അവിടത്തെ ഭരണാധികാരിക്ക് ഒരു പട്ടിടെ വില പോലും കൊടുക്കുന്നില്ല. മറ്റുള്ള ഭരണാധികാരികളെ ഒക്കെ ട്രംപ് അമേരിക്കയിലേക്ക് ക്ഷണിക്കുകയും, ബഹുമാനിക്കുകയും ഒക്കെ ചെയ്യുമ്പോൾ കസാഖിസ്ഥാൻ നേതാവിന് അത് സഹിക്കാൻ പോലും പറ്റുന്നില്ല, എല്ലാത്തിനും കാരണം ബോറാട് ആണെന്ന് അയാൾ വിശ്വസിക്കുന്നുണ്ട്. എന്തായാലും ഒരവസാന ശ്രമത്തിന് ടിയാൻ തുനിഞ്ഞിറങ്ങുകയാണ്.

🔸താൻ ചെയ്ത തെറ്റുകൾ തിരുത്താനും ബന്ധം മെച്ചപ്പെടുത്താനുമായി ബോറാട്ടിനെ തന്നെ ഏല്പിക്കുകയാണ് കസാഖ്സ്താൻ ഭരണാധികാരി, അങ്ങനെ ടിയാൻ ഒരാവർത്തി കൂടി അമേരിക്കയിലേക്ക് പുറപ്പെടുന്നു. കഥയുടെ ആദ്യ 10 മിനുറ്റാണ് മുകളിൽ ചേർത്തത്, ഇവിടെ നിന്ന് ഔട്ട്റീജ്യസ് ആയ പല തലങ്ങളിലേക്കും കഥ പോവുന്നുണ്ട്, പല സംഭവങ്ങളും, കാര്യങ്ങളും, നേതാക്കന്മാരും തൊട്ട് കെവിൻ സ്പെസിയെ വരെ കൊട്ടി വിടുന്നുണ്ട്. ആദ്യ ഭാഗം കണ്ടവർക്ക് ഇഷ്ടപ്പെടും ഈ ഭാഗവും, കുറച്ച് കൂടി പൊളിറ്റിക്കൽ എലെമെന്റുകൾ ചിത്രത്തിലുണ്ട്, ഫെമിനിസവും ഒരു വലിയ ഘടകമാണ്. ബോറടിന്റെ മകളായി എത്തിയ നടി നന്നായിരുന്നു, ഒരു കിടിലൻ കാമിയോയും ഉണ്ട് ചിത്രത്തിൽ, വാച് ഔട്ട് ഫോർ ഇറ്റ്.

Verdict : Very Good

DC Rating : 4/5 

929. True Detective (2014)

Creator : Nic Pizzolatto

Genre : Crime Drama

Rating : 9/10

Seasons : 03

Episodes : 24

Duration : 54 - 87 Minutes

🔸കരൈം ഡ്രാമ ടീവി സീരീസുകളിൽ ട്രൂ ഡിറ്റക്ടീവ് ഒരു നാഴിക കല്ലാണ്, വ്യക്തിപരമായി യാതൊരു സംശയവും ഇല്ലാത്ത കാര്യം. ട്രൂ ഡിറ്റക്ടീവിന് മുൻപും ശേഷവും ഇത്തരത്തിൽ ആന്തോളജി ശൈലിയിൽ കുറ്റാന്വേഷണ കഥകൾ പറഞ്ഞ അനവധി സംരംഭങ്ങൾ വന്നിട്ടുണ്ട്, എന്നാൽ ഇവ ഒന്നും തന്നെ നിലവാരത്തിലോ, എക്സ്പീരിയൻസിലോ ട്രൂ ഡിറ്റക്ടീവിന്റെ പരിധിയിൽ വരുന്നില്ല എന്നത് അച്ചീവ്‌മെന്റ് തന്നെയാണ്. ശക്തമായ പ്രകടനങ്ങളും, കൈകാര്യം ചെയ്യുന്ന ഗൗരവമേറിയ വിഷയങ്ങളും, ടാലന്റഡ് ആയ അഭിനേതാക്കളും എല്ലാം സീരീസിന്റെ പ്ലസ് പോയിന്റുകളിൽ ചിലത് മാത്രമാണ്, മൂന്ന് സീസണുകളാണ് ഇതുവരെ സീരീസിൽ പുറത്തിറങ്ങിയിട്ടുള്ളത്, അവയെ കുറിച്ചാണ് തുടർന്നുള്ള ഭാഗങ്ങൾ.

🔸മാത്യു മകൊണോലി, വുഡി ഹെറാൾസൻ എന്നിവർ പ്രധാന കഥാപാത്രങ്ങളായി എത്തിയ ആദ്യ സീസൺ ആണ് സീരീസിലെ ഏറ്റവും മികച്ചത്, ഒരുപക്ഷെ ടീവി സീരീസ് ചരിത്രത്തിലെ തന്നെ ഏറ്റവും മികച്ച ആദ്യ സീസണുകളിൽ ഒന്ന്. ഒരു ആളൊഴിഞ്ഞ സ്ഥലത്ത് നിന്നും ഒരു സ്ത്രീയുടെ ശവശരീരം കണ്ട് കിട്ടുന്നതും അതിന് അടുത്ത് നിന്ന് ലഭിക്കുന്ന ചില സൂചനകൾ ചില റിലീജ്യസ് എക്സ്ട്രീമിസ്റ്റ് ഗ്രൂപ്പുകളിലേക്ക് വിരൽ ചൂണ്ടുന്നതും ഒക്കെയാണ് കഥയുടെ ഒരു പ്ലോട്ട് ലൈൻ. ഇതിന് പുറമെ ഈ കേസ് അന്വേഷണം പ്രധാന കഥാപാത്രങ്ങളെ വ്യക്തിപരമായി ബാധിക്കുന്ന സബ് പ്ലോട്ടും ഇവിടെയുണ്ട്, അവിസ്മരണീയം എന്നല്ലാതെ മറ്റൊരു വിശേഷണമില്ല.

🔸രണ്ടാമത്തെ സീസൺ താരമൂല്യം ഒക്കെ കൊണ്ട് സമ്പന്നമാണ് എങ്കിലും നിലവാരത്തിൽ വളരെ വീക് ആണ്, ഒരുപക്ഷെ പില്ലർ പോലുള്ള ആദ്യ സീസൺ കണ്ടതിന് ബാക്കിയായി കണ്ടതിനാലാവണം ആസ്വദിക്കാൻ ഒട്ടും കഴിയാതെ പോയി ഈ സീസൺ, ആന്തോളജി ആയതിനാൽ സ്കിപ് ചെയ്താൽ പോലും വലിയ നഷ്ടമില്ല എന്ന് പറയാം. ഈ രണ്ടാം സീസണിന്റെ ക്ഷീണം നന്നായി നികത്തിയ ഒന്നാണ് മഹേർസലാ അലി നായകനായ മൂന്നാമത്തെ സീസൺ, സീരീസ് ബാക്ക് റ്റു ഫോം ആയത് ഇവിടെയാണ്. ആദ്യത്തെ സീസണുമായി ഒരുപാട് പാരലൽസ് കാണിക്കുന്നുണ്ട് ഈ മൂന്നാം സീസൺ, എന്നാൽ അവർത്തനത്തിന്റെ പ്രശനം ഉയരുന്നുമില്ല.

🔸മന്ന് ടൈം സ്പാനിലാണ് മൂന്നാമത്തെ കഥ പുരോഗമിക്കുന്നത്, കുറ്റകൃത്യം അരങ്ങേറിയ ആദ്യ കാലം, പിന്നീട് ആ സംഭവത്തിൽ അപ്രതീക്ഷിതമായ ചില സംഭവങ്ങൾ അരങ്ങേറിയ രണ്ടാമത്തെ ടൈം, പിന്നീട് അൽഷിമേഴ്‌സ് രോഗി ആയ നായകൻ കേസിന് ആസ്പദമായ സംഭവങ്ങൾ ഓർത്തെടുക്കാൻ ശ്രമിക്കുന്ന പ്രെസെന്റ് ടൈം. ഇമോഷണലി സ്ട്രോങ്ങ് ആയ മികച്ച ഒരു കഥയാണ് ഈ മൂന്നാമത്തെ സീസൺ, ഏറെക്കുറെ ആദ്യ സീസണിനോളം തന്നെ നിലവാരം കണ്ട മികച്ച ഒന്ന്. തീർച്ചയായും കണ്ടിരിക്കേണ്ട ഒന്നാണ് ട്രൂ ഡിറ്റക്ടീവ് എന്ന സീരീസ്, നൂറ് ശതമാനം വേർതി ആണ്.

Verdict : Must Watch

DC Rating : 4.5/5 

928. Unhinged (2020)

Director : Derrick Borte

Genre : Thriller

Rating : 6.1/10

Country : USA

Duration : 91 Minutes

🔸ഒരു സാധാരണ ഇൻഡി ത്രില്ലർ ആയി ഒതുങ്ങേണ്ടി ഇരുന്ന അൺഹിൻജ്‌ഡ്‌ എന്ന ചിത്രത്തിനെ വേറിട്ട് നിർത്തുന്നത് സത്യത്തിൽ ഒരേ ഒരു കാര്യം മാത്രമാണ്, റസൽ ക്രോ എന്ന ഘടകം. റസ്സൽ ക്രോ ഒരു കംപ്ലീറ്റ് സൈക്കിക് വില്ലൻ കഥാപാത്രത്തെ അവതരിപ്പിക്കുന്നു എന്നതാണ് അൺഹിൻജിദിന്റെ ഏറ്റവും വലിയ പ്രത്യേകതയും സെല്ലിങ് പോയിന്റും. സത്യത്തിൽ അതല്ലാതെ മറ്റൊന്നും ചിത്രത്തിൽ ഇല്ല എന്ന് പറഞ്ഞാൽ പോലും തെറ്റില്ല, റസൽ ക്രോവിന് വേണ്ടി കാണാം, ആ കഥാപാത്രം ഒരു നല്ല അനുഭവം തന്നെയാണ്. ബേസിക്കലി ഒരു സ്ടാൽക്കർ മോഡ് സിനിമയാണ് ചിത്രം, പ്രെമിസിൽ നിന്നും ഊഹിക്കാൻ കഴിയുന്ന വിധം ദുർബലമായ പ്രോഗ്രഷനും.

🔸കോവിഡ് പാണ്ഡെമിക് അതിന്റെ ഉച്ചസ്ഥായിൽ എത്തിയ ശേഷം തിയേറ്റർ റിലീസായ ആദ്യ ചിത്രങ്ങളിൽ ഒന്നാണ് അൺഹിൻജ്‌ഡ്‌, താരമത്യേന കുറഞ്ഞ ബഡ്ജറ്റ് ഉള്ള ചിത്രം സാമ്പത്തികപരമായി വലിയ വിജയം നേടിയതായി അറിവില്ല എങ്കിലും വിഡിയോ ഡിവിഡി റിലീസിന് ശേഷം കാഴ്ചക്കാർക്ക് ഇടയിൽ മോശമില്ലാത്ത പ്രതികരണങ്ങൾ സൃഷ്ടിക്കുന്നുണ്ട്. ഒരു സ്ടാൽക്കർ, റോഡ് മൂവി എന്നൊക്കെ വിശേഷിപ്പിക്കാവുന്ന ഒന്നാണ് ചിത്രം, ഡ്യുവൽ പോലുള്ള സിനിമകളുടെ ഇൻഫ്ലുവെൻസ് കാണാനാവും, നോ കൺട്രി ഫോർ ഓൾഡ് മെൻ എന്ന ചിത്രത്തിലെ ജാവിയർ ബാർഡാമിന്റെ കഥാപാത്രത്തെ അനുസ്മരിപ്പിക്കുന്ന ട്രീറ്റ്‌മെന്റ് ചില ഇടത്ത് സിനിമ പ്രധാന കഥാപാത്രത്തിന് കൊടുക്കുന്നുമുണ്ട്.

🔸റസ്സൽ ക്രോ അവതരിപ്പിച്ച ടോം കൂപ്പർ എന്ന കഥാപാത്രം ഒരല്പം മെന്റലി അൺസ്റ്റേബിൾ ആയ ആളാണ്, അത് പോരെങ്കിൽ പുള്ളി തന്റെ വ്യക്തി ജീവിതത്തിൽ അത്ര നല്ല ഒരു ഫെയ്‌സിലൂടെ അല്ല കടന്ന് പോവുന്നത്. ചിത്രത്തിന്റെ ഓപ്പണിങ് ആക്റ്റിൽ തന്നെ അയാൾ എന്താണെന്നും ഈ ഒരു ഫെയ്‌സ് എന്താണെന്നും കാഴ്ചക്കാരന് പിടികിട്ടും. ഈ ഒരു സീൻ കൊണ്ട് തന്നെ അയാളുടെ തുടർന്നുള്ള പെരുമാറ്റം ന്യായീകരിക്കാൻ ഒരു പരിധി വരെ കഴിയും എന്നത് ചിത്രത്തിന് ഗുണകരം ആയിട്ടുണ്ട്. എന്തായാലും സംഭവങ്ങൾ തുടങ്ങുന്നത് ഒരു ഫ്രീവേയിലെ ട്രാഫിക് സിഗ്നലിൽ വെച്ചാണ്.

🔸നായികാ കഥാപാത്രവും ചിത്രത്തിലെ പ്രോട്ടഗനിസ്റ്റും ആയ റേച്ചൽ ജങ്ഷനിൽ വെച്ച് ഗ്രീൻ സിഗ്നലിൽ മുന്നോട്ട് നീങ്ങാത്ത വണ്ടിക്ക് നേരെ ഹോൺ അടിക്കുകയും, ആ വണ്ടിയിലെ ഡ്രൈവർ ടോം ആവുകയും ചെയ്യുന്നിടത്ത് കഥ ചൂട് പിടിക്കുകയാണ്. തന്നെ പ്രകോപിപ്പിച്ചതിന് റേച്ചൽ ക്ഷമ പറയണം എന്ന ടോമിന്റെ വാദം റേച്ചൽ മുഖവിലയ്ക്ക് എടുക്കുന്നുപോലുമില്ല, ഇവിടെ നിന്നും ചിത്രം ഒരു ത്രില്ലർ ടെറിട്ടറിയിലേക്ക് കടക്കുകയാണ്. ആദ്യമേ പറഞ്ഞത് പോലെ വെറുതെ കാണാം എന്നതിഴിച്ചാൽ എടുത്ത് പറയാൻ മാത്രം ഒന്നും ചിത്രത്തിലില്ല, ഒരു റസൽ ക്രോ ആരാധകൻ എന്ന നിലയ്ക്ക് അദ്ദേഹത്തിന്റെ കഥാപാത്രത്തിൽ സംപ്ത്രിപ്തനാണ്, അത് മാത്രം.

Verdict : Watchable

DC Rating : 2.75/5 

927. I May Destroy You (2020)

Director : Sam Miller

Genre : Drama

Rating : 8.1/10

Seasons : 01

Episodes : 12

Duration : 28 - 35 Minutes

🔸എച്ബിഒയുടെ ടീവി സീരീസുകളിൽ പൊതുവെ കാണാറുള്ള, പ്രതീക്ഷിക്കാറുള്ള നിലവാരം പുലർത്തിയ, ഒരു പക്ഷെ ഈ വർഷത്തെ തന്നെ ഏറ്റവും മികച്ച സംരംഭങ്ങളിൽ ഒന്ന് ആണ് ഐ മേ ഡിസ്ട്രോയ് യു. പന്ത്രണ്ട് എപ്പിസോഡ് ഉള്ള സീരീസിന്റെ പ്രെമിസ് ഒരു ഹു ഡൺ ഇറ്റ് സെക്ഷുവൽ അസോൾട്ടും അതിനെ തുടർന്ന് കഥാപാത്രം നേരിടേണ്ടി വരുന്ന എക്സിസ്റ്റെൻഷ്യൽ ക്രൈസിസും ഒക്കെ ആണ്, മർസി എന്ന കഴിഞ്ഞ വർഷം പുറത്തിറങ്ങിയ ഹിന്ദി സീരീസുമായി പ്ലോട്ടിൽ ചെറിയ സാമ്യം തോന്നാമെങ്കിലും അത് പോലെ കേവലം സ്റ്റോറിയെ ഒരു ഡയമെൻഷനിൽ ഒതുക്കുന്നില്ല എന്നിടത്താണ് ഐ മേ ഡിസ്ട്രോയ് യു ഒരു കിടിലൻ അനുഭവമായി മാറുന്നത്.

🔸അറബെല്ല എന്നാണ് സീരീസിലെ ടൈറ്റിൽ കഥാപാത്രത്തിന്റെ പേര്, പുള്ളിക്കാരി ഒരു എഴുത്തുകാരിയാണ്, ട്വിറ്ററിലും മറ്റുമൊക്കെ നല്ല ഫോളോവേഴ്സ് ഉള്ള വളർന്ന് വരുന്ന ഒരു എഴുത്തുകാരി എന്ന് പറയാം. തന്റെ പുതിയ പുസ്തകത്തിന്റെ പണിപ്പുരയിലാണ് അറബെല്ല, അതിന്റെ ഡെഡ്ലൈൻ ഡേറ്റ് ഏറെക്കുറെ അടുത്ത് എത്തിയിരിക്കുന്നു, എന്നാൽ വ്യക്തി ജീവിതത്തിൽ അറബെല്ലയ്ക്ക് ഇതത്ര നല്ല സമയമല്ല. ഇറ്റലിക്കാരനായ ബോയ്ഫ്രണ്ടിനോടൊപ്പം ഉള്ള ജീവിതം ഒന്നും പ്രതീക്ഷിച്ചത് പോലെ വന്നിട്ടില്ല, പ്രത്യക്ഷത്തിൽ പ്രശ്നങ്ങൾ ഒന്നും ഇല്ലെങ്കിലും ആ ബന്ധത്തിൽ ഒരു ജെനുവിനിറ്റി കാണാനില്ല. ഇരുവരും താൽക്കാലികമായി വിട പറയുന്നിടത്ത് നിന്നുമാണ് സീരീസ് ആരംഭിക്കുന്നത്.

🔸ഈ ഒരു ബ്രെയ്ക്ക് അപ്പിന്റെ വിഷമം മറക്കാനായാണ് അറബെല്ല തന്റെ അടുത്ത സുഹൃത്തുക്കളോടൊപ്പം ഒരു പാർട്ടിക്ക് വരുന്നത്, ഒരു നൈറ്റ് ക്ലബ്ബ് സെറ്റപ്പിലേക്ക്. എല്ലാം നല്ല രീതിയിൽ ആണ് ആരംഭിച്ചത് എങ്കിലും സമയം പോകവേ അറബെല്ലയ്ക്ക് സ്വന്തം ശരീരത്തിന് മേലുള്ള സ്വാധീനം നഷ്ടപ്പെടുന്നത് പോലൊരു തോന്നൽ ഉണ്ടാവുകയാണ്, ബോധം നശിക്കുന്നത് ഒക്കെ പോലെ. താമസിയാതെ തന്നെ ആ ദിവസത്തെ ഓർമകൾക്ക് കർട്ടൻ വീഴുകയാണ്, പിറ്റേ ദിവസമാണ് അവളിൽ ഒരു സംശയം ഉടലെടുക്കുന്നത്, അതായത് തലേ ദിവസത്തെ പരിപാടിക്ക് ഇടയിൽ എപ്പോഴോ താൻ ലൈംഗികമായി ചൂഷണം ചെയ്യപ്പെട്ടിട്ടുണ്ട് എന്നൊരു തോന്നൽ.

🔸ഈ സംശയം താമസിയാതെ തന്നെ തന്റെ വെറുമൊരു തോന്നൽ മാത്രമല്ല എന്ന് അറബെല്ല മനസിലാക്കുന്നിടത്ത് കഥ ട്രാക്ക് മാറി പുരോഗമിക്കുന്നുണ്ട്. ഈ ഒരു സംഭവത്തിന്റെ പിറകെ മാത്രം വെച്ച് പിടിക്കാതെ പ്രധാന കഥാപാത്രത്തിന്റെ മറ്റ് പല കഥാപാത്രങ്ങളും ആയുള്ള ബന്ധവും അതിന്റെ ആഫ്റ്റർ എഫക്ടുകളും പ്രസക്തിയും എല്ലാം സീരീസ് കവർ ചെയ്യുന്നുണ്ട്. ഒരു ഡ്രാമ സീരീസ് ആണ് എന്നത് കൊണ്ട് തഴയപ്പെടേണ്ട ഒന്നല്ല ഐ മേ ഡിസ്ട്രോയ് യു, തീർച്ചയായും കണ്ടിരിക്കേണ്ട, കൂടുതൽ ആളുകളിലേക്ക് എത്തേണ്ട ഒന്ന് തന്നെയാണ്, ആയതിനാൽ തന്നെ കാണാൻ ശ്രമിക്കുക.

Verdict : Very Good

DC Rating : 4.25/5 

926. Kajillionaire (2020)

Director : Miranda July

Genre : Crime

Rating : 6.5/10

Country : USA

Duration : 106 Minutes

🔸കാജിലിയോണെർ എന്ന സിനിമയുടെ പ്ലോട്ടും ബാക്ക്ഗ്രൗണ്ടും ഒക്കെ കേൾക്കുമ്പോൾ ഒരുപക്ഷെ ടിപ്പിക്കൽ ഡ്രാമ എന്ന സൂചന ആവും ലഭിക്കുക, തെറ്റ് പറയാനാവില്ല മാതാപിതാക്കളും മകളും ആയുള്ള ബന്ധം, അവൾക്ക് വരുന്ന ചില തിരിച്ചറിവുകൾ, രണ്ട് പെൺകുട്ടികൾക്ക് ഇടയിൽ ഉടലെടുക്കുന്ന പ്രണയം തുടങ്ങിയ പ്ലോട്ട് പോയിന്റുകൾ എല്ലാം തന്നെ അതിലേക്കുള്ള സൂചനകളാണ്, എന്നാൽ മറ്റുള്ള സിനിമകളിൽ നിന്ന് ഈ സിനിമ മാറി നില്ക്കാൻ ഉള്ള കാരണം കഥയുടെ ഹാർട്ട് ആണ്, കണ്ട് കഴിയുമ്പോൾ കാഴ്ചക്കാരനെ വൈകാരികമായി ബാധിക്കുന്ന രീതിയിൽ ഉള്ള സിമ്പിൾ ആയ അവതരണവും. ഇതൊക്കെ കൊണ്ടാവും ഈ വർഷം കണ്ട മികച്ച സിനിമകളിൽ ഒന്നാണ് കാജിലിയോണാർ.

🔸ഫെസ്റ്റിവൽ സീനുകളിലും ഓൺലൈൻ വേദികളിലും മറ്റുമൊക്കെ ഇതിനോടകം തന്നെ ചർച്ചയായി കഴിഞ്ഞ സിനിമയാണ് കാജിലിയോണെർ. ഓൾഡ് ഡാലിയോ എന്ന ഇരുപത്തി ആറ് വയസുകാരിയാണ് ചിത്രത്തിന്റെ ഫോക്കൽ പോയിന്റ്, പേര് പോലെ തന്നെ ഒരല്പം വിചിത്രമാണ് ഓൾഡ് ദലിയോ എന്ന വ്യക്തിയും. ചില ആളുകളെ നമ്മൾ മെഷീൻ എന്നൊക്കെ വിശേഷിപ്പിക്കില്ലേ, അതായത് യാതൊരു വിധ വികാരങ്ങളും പ്രകടിപ്പിക്കാത്ത, മറ്റുള്ളവരോട് താല്പര്യമോ സഹായ മനസ്ഥിതിയോ ഒന്നും ഇല്ലാത്ത ചില വ്യക്തികളെ, അത്തരത്തിൽ ഒരാളാണ് ഓൾഡ് ഡാലിയോ. ഡാലിയോ ഇങ്ങനെ ആയി തീർന്നതിന് പിന്നിൽ വലിയൊരു കഥയുണ്ട്, എന്തിനധികം അവളുടെ വിചിത്രമായ പേരിന് പിന്നിൽ പോലും ഒരു കഥയുണ്ട്, ആ കഥയിലെ വില്ലന്മാരാണ് അവരുടെ മാതാപിതാക്കൾ.

🔸ഡാലിയോയെ ഒരു മകൾ ആയിട്ടല്ല, മറിച്ച് ഒരുപകരണം ആയാണ് അവളുടെ അച്ഛൻ അമ്മമാർ കാണുന്നത്, ഇരുവരും മുൻകാലത്ത് കോൺ ആർട്ടിസ്റ്റുമാർ ആയിരുന്നെങ്കിലും ഇപ്പോൾ നല്ല ഒന്നാംക്‌ളാസ്സ് കള്ളന്മാരാണ്. നേരാംവണ്ണം എൻട്രി കിട്ടാത്ത സ്ഥലങ്ങളിലും, സ്ഥാപനങ്ങളിലും എല്ലാം നുഴഞ്ഞ് കയറി മോഷ്ട്ടിക്കുക എന്നതാണ് ഇവരുടെ ഒരു രീതി, ഇതിന് സഹായിക്കുന്ന ഒരുപകരണം മാത്രമാണ് അവരെ സംബന്ധിച്ചിടത്തോളം ഡാലിയോ. കഴിഞ്ഞ ഇരുപത്തി ആറ് വര്ഷങ്ങളായി ദലിയോയെ അവർ പരിശീലിപ്പിച്ച് കൊണ്ടിരിക്കുകയാണ്, അതിന്റെ ഫലം കാണാനുമുണ്ട്, എവിടെയും നുഴഞ്ഞ് കേറാനുള്ള ടാലന്റ് ദലിയോയ്ക്ക് ഉണ്ട്.

🔸അച്ഛൻ അമ്മമാർക്ക് അപ്പുറം ഉള്ള എല്ലാം തന്നെ ഡാലിയോയ്ക്ക് അപരിചിതമാണ്, അതിനാലാവണം ഇവരല്ലാതെ ഒരു കഥാപാത്രം അടുപ്പം കാണിച്ച് അരികിലേക്ക് വരാൻ ശ്രമിച്ചപ്പോൾ അകന്ന് പോവാൻ ഡാലിയോ ശ്രമിച്ചതും. ഈ സൂചിപ്പിച്ച ചില റിലേഷനുകളാണ് ചിത്രത്തിന്റെ സോൾ, വളരെ മനോഹരമായ സ്ക്രിപ്റ്റിംഗ് കൂടിയാണ് ചിത്രത്തിന്റേത്, കഥയുടെ ഓരോ ത്രെഡും അതിമനോഹരമായി ക്ളൈമാക്സിൽ കൂടി ചേരുന്നുണ്ട്. ഒരു ഡ്രാമ ജോണർ ആരാധകൻ എന്ന നിലയിൽ നന്നായി ഇഷ്ട്ടപ്പെട്ട ചിത്രമാണ് കാജലിയോണാർ, പ്രതീക്ഷിച്ചതിനും എത്രയോ മുകളിൽ, കാണാൻ ശ്രമിക്കുക.

Verdict : Very Good

DC Rating : 4.25/5

925. The Trial Of The Chicago 7 (2020)

Director : Aaron Sorkin

Genre : Drama

Rating : 7.6/10

Country : USA

Duration : 130 Minutes

🔸കൊറോണ കാരണം പല ചിത്രങ്ങളും റിലീസ് മാറ്റിയ പശ്ചാത്തലത്തിൽ ഏറ്റവും കൂടുതൽ അക്കാദമി അവാർഡ് ഹൈപ്പ് സൃഷ്ട്ടിച്ച ചിത്രങ്ങളിൽ ഒന്നാണ് നെറ്റ്ഫ്ലിക്സിന്റെ ട്രയൽ ഓഫ് ചിക്കാഗോ സെവൻ. സ്റ്റാർ സ്റ്റഡ്ഡഡ് കാസ്റ്റ്, ശക്തമായ ഒരു റിയൽ ലൈഫ് സംഭവം, അതിലേക്ക് വഴി വെച്ച പൊളിറ്റിക്കൽ കാരണങ്ങൾ അങ്ങനെ ഒരു വിന്നിങ് ഫോർമുല ചിത്രത്തിന് ഉണ്ടായിരുന്നു, ഇവയെല്ലാം കൃത്യമായ രീതിയിൽ വന്ന് നിലവാരത്തിൽ പ്രതിഫലിക്കുമോ എന്നത് മാത്രമായിരുന്നു ബാക്കി ഉണ്ടായിരുന്ന സംശയം. ഈ സംശയങ്ങൾ ഒക്കെ പാടേ അവഗണിക്കാം, ഈ വർഷം ഇറങ്ങിയ മികച്ച ചിത്രങ്ങളിൽ ഒന്നായാണ് ട്രയൽ ഓഫ് ചിക്കാഗോ അനുഭവപ്പെട്ടത്.

🔸ചിത്രത്തിന്റെ വളരെ പ്രധാനപ്പെട്ട ഒരു ഭാഗത്ത് അതായത് ക്ളൈമാക്സിനോട് അടുത്ത് കൊണ്ടിരിക്കുന്ന സമയം ഒരു പ്രധാനപ്പെട്ട കഥാപാത്രം സൊസൈറ്റിയെയും ജൂറിയെയും എല്ലാം ഉദ്ധരിച്ച് കൊണ്ട് ഒരു വാക്യം പറയുന്നുണ്ട്, "സിക്സ്റ്റീസ് ഓൺ ദി ഇന്സൈഡ്, സെവന്റീസ് ഓൺ ദി ഔട്‍സൈഡ്" എന്നത്, ഒരുപക്ഷെ ചിത്രത്തിന്റെ ബാക്ക്ഗ്രൗണ്ടും കഥ തന്നെ എത്തി നിൽക്കുന്ന പോയിന്റും ഒക്കെയായി ഇത്രയും ചേർന്ന് നിൽക്കുന്ന ഒരു കമന്റ് കാണിച്ച് തരാനാവില്ല. മാറ്റത്തെ ഉൾക്കൊള്ളാൻ തയാറാകാത്ത, അഭിപ്രായങ്ങളെ നിഷ്കരുണം തള്ളി കളയുന്ന ഒരു സിസ്റ്റത്തെ സിനിമ നന്നായി തന്നെ വിമർശിക്കുന്നുണ്ട്, ജഡ്ജ് ഹോഫ്മാൻ ഇതിനൊരു ഉദാഹരണം മാത്രം.

🔸അറുപതുകളുടെ അവസാനം ആണ് കഥ ആരംഭിക്കുന്നത്, അമേരിക്ക വിയറ്റ്നാമിൽ തങ്ങളുടെ സാന്നിധ്യം അറിയിച്ച കാലം, യുദ്ധത്തിന് എതിരായി പിൽക്കാലത്ത് അമേരിക്കയിൽ ജനരോഷം ആളി കത്തിയിരുന്നു എങ്കിലും ചിത്രം ആരംഭിക്കുമ്പോൾ അത് പ്രാഥമിക അവസ്ഥയിലാണ്. തങ്ങളുടെ അഭിപ്രായം ഗവണ്മെന്റിനെയും മറ്റും അറിയിക്കാനായി വലിയൊരു കൂട്ടം ആളുകൾ ചിക്കാഗോ ഗവണ്മെന്റ് കൺവെൻഷൻ സെന്ററിലേക്ക് മാർച്ച് നടത്തുകയും അത് ഒരു കലാപമായി മാറുകയും, ഇവരിൽ പ്രമുഖരായ ചിലർ അറസ്റ്റ് ചെയ്യപ്പെടുകയും ചെയ്തിരുന്നു, ഈ കഥാപാത്രങ്ങൾ നേരിടേണ്ടി വന്ന ട്രയൽ ആണ് ബേസിക്കലി ഒരു കോർട്ട് റൂം ഡ്രാമയായ ചിത്രത്തിന്റെ പ്ലോട്ട്.

🔸ഒരു കോർട്ട് റൂം ഡ്രാമ മാത്രമായി കാണുമ്പോൾ തന്നെ ചിത്രം അങ്ങേയറ്റം എന്ജോയബിൾ ആണ്, അതിനോടൊപ്പം ചേർത്ത് പറയുന്ന പൊളിറ്റിക്കൽ തീമുകൾ ഇതിന്റെ ഭംഗി വർധിപ്പിക്കുന്നെ ഉള്ളൂ. ബ്ലാക്ക് പാന്തർ ഓർഗനൈസേഷൻ പോലുള്ള സംഘടനകളെ പരാമർശിക്കുന്നുണ്ട് എങ്കിലും ആ സബ് പ്ലോട്ടിന് നല്ലൊരു എൻഡിങ് കൊടുത്തില്ല എന്നത് മാത്രമാണ് കണ്ട ഒരേയൊരു നെഗറ്റിവ്. എൻസബിൾ കാസ്റ്റിൽ മാർക്ക് റായ്‌ലൻസ്, സാഷ ബാരൻ കോഹൻ, എഡി റെഡ്‌മെയിൻ, യഹ്യ അബ്ദുൽ എന്നിവർ ഓരോ പോർഷനിലായി സീൻ സ്റ്റീലിങ് പെർഫോമൻസ് തന്നെ നടത്തിയിട്ടുണ്ട്, ചെറിയ റോളിൽ വന്ന് പോയ മൈക്കൽ കീറ്റനും കിടു ആയിരുന്നു, പക്ഷെ ഞെട്ടിച്ചത് ജഡ്ജി ആയ ഫ്രാങ്ക് ലങ്കേല ആണ്, എന്ത് കൊണ്ടെന്ന് കണ്ട് തന്നെ അറിയുക. ചിത്രത്തിന്റെ എൻഡിങ് ആണ് മറ്റൊരു ഹൈലൈറ്റ്, അത് വരെയുള്ള എല്ലാ ഇമോഷൻസിനെയും സാറ്റിസ്‌ഫൈ ചെയ്യുന്ന ഒരു അവസാനം. അപ്പൊ കൂടുതൽ ആലോചിക്കണ്ട, കണ്ടേക്കു.

Verdict : Very Good

DC Rating : 4.25/5 

924. Batman - Death In The Family (2020)

Director : Brandon Vietti

Genre : Animation

Rating : 7.5/10

Country : USA

Duration : 31 Minutes

🔸കറച്ച് വർഷങ്ങൾക്ക് മുന്നെയാണ് ബാറ്റ്മാൻ ഡെത് ഇൻ ദി ഫാമിലി എന്ന കോമിക് ആദ്യമായി വായിച്ചത്, ഒരുപാട് കാരണങ്ങൾ കൊണ്ട് വളരെ പ്രത്യേകതകൾ ഉള്ളതാണ് ഈ ഒരു സ്റ്റോറി. ഒന്നാമതായി ബാറ്റ്മാൻ എന്ന കഥാപാത്രം അല്ലെങ്കിൽ സിംബൽ ആരാണ്, ആയാൾ എന്തിന് വേണ്ടി നിലകൊള്ളുന്നു, അയാളുടെ ഉദ്ദേശം അല്ലെങ്കിൽ പർപ്പസ് എന്ത് എന്നൊക്കെയുള്ള കാലങ്ങളായി തിരിച്ചും മറിച്ചും വിശകലനം ചെയ്യപ്പെട്ട ചോദ്യങ്ങൾക്കുള്ള ഉത്തരമാണ് ഈ ഒരു കോമിക്സ്, അതിനുള്ള ഏറ്റവും മികച്ച ഉത്തരം എന്ന് തന്നെ പറയാം. ഒട്ടും ഫോസ്ഡ് ആവാത്ത രീതിയിൽ ഇത് പ്രേക്ഷകരിൽ എത്തിച്ച ആ കയ്യടക്കം അഭിനന്ദനം അർഹിക്കുന്നത് തന്നെയാണ്.

🔸ബാറ്റ്മാന്റെയും, അയാൾക്ക് ചുറ്റിലുമായി നിൽക്കുന്ന സഹായ പരിവാരങ്ങളുടെയും സ്റ്റോറി ആർക്കുകളിൽ ഇത്രയും വൈൽഡ് ആയ മാറ്റങ്ങൾ കൊണ്ടുവന്ന വേറൊരു കോമിക്സ് കാണിക്കാൻ കഴിഞ്ഞേക്കില്ല, ഒരു വെല്ലുവിളി ആവാൻ കഴിഞ്ഞേക്കുക കില്ലിംഗ് ജോക്കിനും, ഡാർക്ക് നൈറ്റ് റിട്ടേൺസിനും മാത്രം ആയിരിക്കും, കുറഞ്ഞത് വൈകാരികം ആയെങ്കിലും. ഒരു ഇന്ററാക്ടീവ് മൂവി പോലെയാണ് അണിയറ പ്രവർത്തകർ ചിത്രം തയാറാക്കിയിരിക്കുന്നത്, നിർഭാഗ്യവശാൽ ആ രീതിയിൽ കാണാൻ കഴിഞ്ഞില്ല, സാധ്യമാണെങ്കിൽ നോക്കുക, ബ്രാഞ്ച് ആയി അഞ്ച് സ്റ്റോറികളിലേക്ക് പോവാൻ കഴിയും എന്ന് അറിയാനിടയായി.

🔸ബാറ്റ്മാൻ എന്ന കഥാപാത്രത്തിന്റെ വളരെ പ്രശസ്തമായ ഒരു ട്രെയിറ്റ് ആണ് അയാളുടെ നോ കില്ലിംഗ് പോളിസി, ഒരു കൊലയാളിയുടെ ജീവൻ മറ്റൊരാൾ എടുത്താൽ നഗരത്തിലെ കൊലപാതകികളുടെ എണ്ണത്തിൽ മാറ്റം ഉണ്ടാവില്ല എന്നും, തന്റെ വഴി അതല്ല എന്നും മനസിലുറപ്പിച്ച് പിന്തുടരുന്ന ആളാണ് ബാറ്റ്മാൻ, ഈ ഒരു ഐഡിയോളജി കാരണം നഷ്ടങ്ങൾ ഒരുപാട് വന്നിട്ടുണ്ടെണ്ടെങ്കിലും അയാൾ മാറി ചിന്തിച്ചതായി അറിവില്ല. ഈ നോ കില്ലിംഗ് പോളിസി ബാറ്റ്‌മാനും അയാളുടെ സൈഡ് കിക്കായ റോബിനും ഇടയിൽ ഒരു ഡിസൻഷൻ ഉണ്ടാക്കുന്നതും, ഇതിന്റെയെല്ലാം സെന്റർ പീസായി ജോക്കർ വരുന്നതും ഒക്കെയാണ് കഥ.

🔸കഥ പരിചയം ഉള്ളവർക്ക് അറിയാം, അത്യാവശ്യം വയലന്റ് ആയ രംഗങ്ങൾ ഒക്കെ കോമിക്സിൽ ഉണ്ട്, അവ വലിയ കുഴപ്പങ്ങൾ ഒന്നും തന്നെ ഇല്ലാതെ ഇവിടെ റീകാപ്ച്ചർ ചെയ്തിട്ടുമുണ്ട്. ബാറ്റ്മാൻ സ്റ്റോറി നരേറ്റ് ചെയ്യുന്ന ശൈലിയിലാണ് കഥയുടെ പോക്ക്, മുപ്പത് മിനിറ്റ് മാത്രം ദൈർഘ്യം ഉള്ളത് കാരണം തന്നെ വളരെ വേഗം സ്റ്റോറി പ്രോഗ്രഷൻ ഒക്കെ സംഭവിക്കുന്നുണ്ട്. റാസ് അൽ ഗുൽ, ബ്ലാക്ക് മാസ്ക്, ജോക്കർ പോലുള്ള ഐക്കോണിക്ക് വില്ലൻ കഥാപാത്രങ്ങളും ചിത്രത്തിൽ വന്ന് പോവുന്നുണ്ട്. ആകെ മൊത്തം ഒരു തവണ കാണാനുള്ളത് ഉണ്ട് ബാറ്റ്മാൻ ഡെത് ഇൻ ദി ഫാമിലിയുടെ ഈ പുതിയ അഡാപ്റ്റേഷൻ.

Verdict : Good

DC Rating : 3.5/5

923. Diriliş Ertuğrul (2014)

Director : Metin Günay

Genre : Historical 

Rating : 7.9/10

Seasons : 05

Episodes : 448

Duration : 42 - 44 Minutes

🔸ദിറിലീസ് ഏർതുറുൽ എന്ന ടീവി സീരീസ് കാണാൻ താൽപര്യപ്പെടുന്ന, ഇറങ്ങി തീർക്കുന്ന മിക്കവരും നേരിടുന്ന ഏറ്റവും വലിയ കടമ്പ എന്നത് സീരീസിന്റെ ലെങ്ത് ആണ്, സീരീസ് നെറ്റ്ഫ്ലിക്സിൽ അല്ലാതെ സംപ്രേക്ഷണം ചെയ്ത രീതി നോക്കുക ആണെങ്കിൽ രണ്ട് മണിക്കൂറിന് അടുത്ത് ദൈർഘ്യം ഉള്ള നൂറ്റി അൻപത് എപ്പിസോഡുകൾ ആയിരുന്നു, അതായത് നൂറ്റി അൻപത് സിനിമകൾ തന്നെ. ഇത് നെറ്റ്ഫ്ലിക്സിന്റെ പക്കൽ എത്തിയപ്പോൾ നീളം കുറച്ച് എപ്പിസ്ക്കോഡുകൾ കൂട്ടി നാനൂറ്റി അൻപത് എന്ന നിലയിൽ ആയി. ഈ ഒരു സീരീസ് കണ്ട് തീർക്കാനായി ഉദ്ദേശം എട്ട് മാസമാണ് എടുത്തത്, ഇത്രയും എഫേർട്ട് എടുക്കാനുള്ള വക സീരീസിൽ ഉണ്ടോ എന്നതാണ് പ്രധാനപ്പെട്ട ചോദ്യം.

🔸മകളിലെ ചോദ്യത്തിന് യെസ് ഓർ നോ എന്ന ഒറ്റ വാക്കിൽ ഉത്തരം പറയുക ബുദ്ധിമുട്ടാണ്, അതിനുള്ള കാരണങ്ങൾ പറയാം. ദൈർഘ്യം എന്നത് പ്രശനം തന്നെയാണ്, ചില ഇടത്തെങ്കിലും ഇനിയും എന്ത് എന്നൊരു ചോദ്യം മനസ്സിൽ വന്നിട്ടുണ്ട്, ഒരു തവണ നിർത്തിയിട്ടുമുണ്ട്, അതൊന്നും തന്നെ സീരീസിന്റെ നിലവാരം മോശം ആയത് കൊണ്ടല്ല എന്ന് സൂചിപ്പിക്കട്ടെ, മറിച്ച് കഥാപാത്രങ്ങളിൽ നിന്നും സന്ദർഭങ്ങളിൽ നിന്നും ഊറ്റി എടുക്കാവുന്ന അവസാന തുള്ളി കഥാ നാമ്പും പിഴിഞ്ഞെടുത്ത അണിയറ പ്രവർത്തകരുടെ ക്രൂര വിനോദം കൊണ്ടാവാം. നിലവാരത്തെ പരാമർശിച്ച സ്ഥിതിക്ക് പറയാം ആക്ഷൻ രംഗങ്ങൾ, സെറ്റപ്പ്, കഥ, പ്രോഗ്രഷൻ എന്നിവയിലൊക്കെ നല്ല നിലവാരം തന്നെ കാത്ത് സൂക്ഷിച്ചാണ് സീരീസ് മുന്നോട്ട് പോവുന്നത്.

🔸സീരീസിന്റെ കഥയിലേക്ക് ഒക്കെ കടക്കുന്നത് അണക്കെട്ടിൽ നിന്ന് സ്റ്റീൽ ഗ്ലാസിൽ വെള്ളം കോരുന്നത് പോലിരിക്കും, എന്തിരുന്നാലും ഒരു ചെറിയ ശ്രമം നടത്താം. എർതുറുൽ എന്ന നായക കഥാപാത്രം ഒരുനാൾ തന്റെ കമ്യുണിറ്റിയിലേക്ക് വഴിമധ്യേ പരിചയപ്പെട്ട അടിമകൾ എന്ന് തോന്നിക്കുന്ന ചിലരെ രക്ഷിച്ച് കൊണ്ടുവരുന്നിടത്താണ് സീരീസ് ആരംഭിക്കുന്നത്, പിന്നീട് ഇത് കമ്യുണിറ്റിക്ക് വേണ്ട ഒരു വാസസ്ഥലത്തിനും ഐഡന്റിക്കും ആയുള്ള പോരാട്ടത്തിലേക്കും, അധികാര വടംവലിയിലേക്കും ഒക്കെ കടന്ന് പ്രതീക്ഷിക്കാത്ത സ്കെയിലിൽ ഒക്കെ പോവുന്നുണ്ട്.

🔸ഏർതുരുളിന്റെ ഹിസ്റ്റോറിക്കൽ ആക്കുറസി ഒക്കെ ഒരുപാട് വിശകലനം ചെയ്തതും വിവാദം സൃഷ്ടിച്ചതും ഒക്കെയാണ്, അതിൽ തല്ക്കാലം അഭിപ്രായമായി ഒന്നും പറയാനില്ല. സീരീസിനെ ഗെയിം ഓഫ് ത്രോൺസ് പോലുള്ള വർക്കുകളുമായി താരമത്യം ചെയ്യുന്നത് കാണുക ആണെങ്കിൽ ഒഴിവാക്കി വിടുക, ഗുണകരം ആവില്ല. മികച്ച സിനിമാട്ടോഗ്രാഫിയാണ് സീരീസിന്റെ ഏറ്റവും വലിയ പ്ലസ് പോയിന്റുകളിൽ ഒന്ന്, മിക്ക എപ്പിസോഡുകളിലും ഒരു ഐക്കോണിക് ഷോട്ട് എങ്കിലും കാണാം. ഓർമയിൽ സൂക്ഷിക്കാൻ ബുദ്ധിമുട്ടുള്ള അത്ര കഥാപാത്രങ്ങൾ ഉണ്ട് സീരീസിൽ, അവയിൽ ഏറ്റവും ഇഷ്ട്ടപ്പെട്ടവ ടൈറ്റിൽ കഥാപാത്രത്തിന് പുറമെ ഹലീമ, ബാംസി എന്നിവരായിരിക്കും. ദൈർഘ്യം പ്രശ്നമല്ല എങ്കിൽ തീർച്ചയായും കാണാൻ നിർദ്ദേശിക്കും.

Verdict : Very Good

DC Rating : 4/5 

922. Tune In For Love (2019)

Director : Jung Ji-Woo

Genre : Romance

Rating : 7.1/10

Country : South Korea

Duration : 122 Minutes

🔸കൊറിയൻ സിനിമ ഇൻഡസ്ട്രി പൊതുവെ വൈഡ് ആയ ഓടിയെൻസിനെ നേടിയത് ത്രില്ലർ മിസ്റ്ററി സിനിമകളിലൂടെ ആണെങ്കിലും അതിനോളം തന്നെ അല്ലെങ്കിൽ അതിനേക്കാൾ നിലവാരത്തിൽ കയ്യാളിയ ഒരു വിഭാഗമാണ് റൊമാൻസ് ഫീൽ ഗുഡ് സിനിമകൾ. പല തരം കൺസപ്റ്റുകൾ കൈകാര്യം ചെയ്യുന്ന, അങ്ങേയറ്റം താല്പര്യം തോന്നിപ്പിക്കുന്ന ഒരുപിടി മികച്ച ചിത്രങ്ങൾ തന്നെ ഈ വിഭാഗത്തിൽ ചൂണ്ടി കാണിക്കാൻ കഴിയും, അത്തരം ഒരു സിനിമയാണ് ട്യൂൺ ഇൻ ഫോർ ലവ്. ഉദ്ദേശം പതിനൊന്ന് വര്ഷങ്ങളുടെ ടൈം സ്പാനിൽ നടക്കുന്ന കഥ നല്ല ഒരു എന്റർടെയ്‌നർ തന്നെയാണ്.

🔸മിസു എന്ന നമ്മുടെ നായികാ കഥാപാത്രം യോൻ ജാ എന്ന യുവതിയുടെ ബേക്കറിയിൽ ജോലിക്കാരിയാണ്, എന്നാൽ ഒരു കടയുടമ ജോലിക്കാരി തരത്തിലുള്ള ബന്ധമല്ല ഇരുവർക്കും ഇടയിൽ, ഒരമ്മ മകൾ ബന്ധം തന്നെയാണ്. വേണ്ടപ്പെട്ടവർ ആരും ഇല്ലാത്ത മിസുവിനെ നോക്കി വളർത്തിയതും, പഠിപ്പിക്കുന്നതും എല്ലാം യോൻജയാണ്. ബേക്കറിയാണ് ഇരുവരുടെയും ഒരേയൊരു വരുമാന മാർഗം, അത്യാവശ്യം മോശമില്ലാത്ത തരത്തിൽ കച്ചവടം നടക്കുന്നുമുണ്ട്, ചുരുക്കി പറഞ്ഞാൽ വലിയ അല്ലൽ ഒന്നും ഇല്ലാതെ ഓളത്തിൽ പോവുന്ന രണ്ട് ജീവിതങ്ങൾ, അതിന് ഇടയിലേക്കാണ് ഹിയോൺ വു കടന്ന് വരുന്നത്.

🔸മിസുവിന് ആദ്യ കാഴ്ചയിൽ തന്നെ ഹിയോണിനോട് ഒരു അട്ട്രാക്ഷൻ തോന്നുന്നുണ്ട് എങ്കിലും അത് പുറമെ പ്രകടിപ്പിക്കുന്നില്ല. ഒരല്പം വിചിത്രമായ പെരുമാറ്റമാണ് ഹ്യോനിന്റേത്, ആളുകളെയും ചുറ്റുപാടുകളും എല്ലാം ആദ്യമായിട്ട് കാണുന്നത് പോലെ. ഈ ഒരു രീതി കണ്ട യോൻജ കൃത്യമായി പ്രവചിക്കുന്നുണ്ട്, ഇവൻ ജയിലിൽ നിന്ന് പുറത്തിറങ്ങിയവനാണ് എന്ന്. അത് ശെരി വെച്ച് കൊണ്ട് ഹ്യോൻ സമ്മതിക്കുന്നുമുണ്ട് താൻ ജുവനൈൽ ഹോമിലെ അന്തേവാസി ആയിരുന്നു എന്ന്. പോവാൻ വേറെ ഇടം ഇല്ലാത്തത് കാരണം ഹ്യോൻ യോൻജയുടെ ബേക്കറിയിൽ ജോലിക്കാരനായി കേറുന്നിടത്ത് സിനിമ ട്രാക്ക് മാറ്റുകയാണ്.

🔸ആദ്യം സൂചിപ്പിച്ചത് പോലെ തന്നെ പതിനൊന്ന് വർഷത്തെ ടൈം സ്പാനിൽ പറയുന്ന ഒരു റൊമാന്റിക് ഡ്രാമയാണ്, നായികാ നായകന്മാർ നേരിടേണ്ടി വരുന്ന പ്രശ്നങ്ങളിലേക്കും, ഇവരുടെ തന്നെ പാസ്റ്റിലേക്കും എല്ലാം സിനിമ കടന്ന് ചെല്ലുന്നുണ്ട്. ഈ ഒരു ടൈം സ്പാനിനിടെ നൊസ്റ്റാൾജിക് എന്നൊക്കെ വിശേഷിപ്പിക്കാവുന്ന ഒരുപാട് കാര്യങ്ങൾ കഥയിലേക്ക് കടന്ന് വരുന്നുണ്ട്, പ്രത്യേകിച്ചും തൊണ്ണൂറുകളിൽ ഒക്കെ ജനിച്ചവർക്ക് റിലേറ്റ് ചെയ്യാൻ പറ്റുന്ന പലതും. അപ്പൊ, ഒരു ഫീൽ ഗുഡ് റൊമാന്റിക് ഡ്രാമ ആണ് നിങ്ങൾ നോക്കുന്നത് എങ്കിൽ ട്യൂൺ ഇൻ ഫോർ ലവ് നല്ലൊരു ഓപ്‌ഷനാണ്, മൈൻഡ് ഫ്രീ ആക്കി വിട്ട് കണ്ട് ആസ്വദിക്കാം.

Verdict : Good

DC Rating : 3.75/5

921. White Night (2009)

Director : Shin-Woo Park

Genre : Mystery

Rating : 6.6/10

Country : South Korea

Duration : 135 Minutes

🔸എണ്ണിയാൽ ഒടുങ്ങാത്ത അത്രയും ത്രില്ലർ മിസ്റ്ററി സിനിമകളാൽ സമ്പന്നമായ കൊറിയൻ ഫിലിം ഇൻഡസ്ട്രിയിൽ നിന്നും കണ്ടിരിക്കാവുന്ന, വലിയ ദോഷം ഒന്നും പറയാനില്ലാത്ത ഒരു ത്രില്ലർ ചിത്രം കൂടി, വൈറ്റ് നൈറ്റ്. മിസ്റ്ററി എലെമെന്റുകൾ ഉണ്ടെങ്കിലും ഒരു ഹു ഡൺ ഇറ്റ് രീതിയിൽ അല്ല കഥ പുരോഗമിക്കുന്നത്, അത് പ്രതീക്ഷിക്കരുത്, മറിച്ച് കുറ്റകൃത്യത്തിലേക്കുള്ള കാരണവും അതിനെ തുടർന്ന് ഉണ്ടാവുന്ന പ്രത്യാഘാതങ്ങളും ഒക്കെയായി രണ്ടേകാൽ മണിക്കൂർ ഉള്ള സിനിമ പുരോഗമിക്കുന്നു, സിനിമയുടെ ദൈർഘ്യം ചില ഇടത്ത് എങ്കിലും പ്രശ്നമായി അനുഭവപ്പെടുന്നുണ്ട്.

🔸ഒരു ഒഴിഞ്ഞ് കിടക്കുന്ന കപ്പലിൽ ഒരാൾ കൊല്ലപ്പെടുന്നിടത്ത് നിന്നാണ് ചിത്രം ആരംഭിക്കുന്നത്, കഴുത്ത് ഞെരിച്ച് ശ്വാസം മുട്ടിച്ചാണ് കൊല നടത്തിയിരിക്കുന്നത്, കാര്യമായ തെളിവുകൾ ഒന്നും തന്നെ അന്വേഷണ ഉദ്യോഗസ്ഥന് തുടക്കത്തിൽ ലഭിക്കുന്നുമില്ല. ഒരുവേള ആത്മഹത്യ ആണോ എന്ന സംശയം വരെ ചിലരിൽ ഉടലെടുക്കുന്നുണ്ട് എങ്കിലും ചില സൂചനകൾ വിരൽ ചൂണ്ടിയത് മറ്റൊരു ഭാഗത്തേക്കാണ്. തന്റെ പ്രൈമറി ഇൻഫറൻസ് പൂർത്തിയാക്കിയപ്പോഴാണ് അന്വേഷണ ഉദ്യോഗസ്ഥൻ ഒരു കൗതുകകരമായ സംഭവം ശ്രദ്ധിക്കുന്നത്.

🔸ഈ കേസിൽ നേരിട്ട് ബന്ധപ്പെട്ടിരിക്കുന്നവർക്കും, സംശയത്തിന്റെ നിഴലിൽ നിൽക്കുന്നവർക്കും എല്ലാം പതിനാല് വർഷങ്ങൾക്ക് മുന്നേ അരങ്ങേറിയ വേറൊരു കേസുമായി ബന്ധമുണ്ട്, അത് കേവലം ഒരു കോയിൻസിഡൻസ് ആയി തള്ളി കളയാവുന്ന ഒന്ന് അല്ല താനും. ഈ പഴയ കേസ് പോലീസ് റെക്കോഡുകൾ പ്രകാരം ഒരിക്കൽ തെളിഞ്ഞതാണ്, പ്രതിയെയും തിരിച്ചറിഞ്ഞിട്ടുണ്ട്, എന്നാൽ അത് അന്വേഷിച്ച പോലീസുകാരൻ ഒട്ടും തൃപ്തൻ ആയിരുന്നില്ല എന്നതും സത്യമാണ്, മറ്റ് ചില സംശയങ്ങൾ അയാൾ അന്ന് ഉന്നയിച്ചിരുന്നു.

🔸ഈ പോലീസുകാരനെ കണ്ടെത്തുന്നതിൽ ഇപ്പോഴത്തെ അന്വേഷണ ഉദ്യോഗസ്ഥൻ വിജയിക്കുന്നുണ്ട് എങ്കിലും അയാൾ വലിയ താല്പര്യം ഒന്നും കാണിക്കുന്നില്ല, അതിൽ തെറ്റ് പറയാനും ഒക്കില്ല, കാരണം ഈ കുപ്രസിദ്ധമായ കേസ് കാരണം അയാൾക്ക് ഔദ്യോഗിക ജീവിതത്തിലും വ്യക്തി ജീവിതത്തിലും നഷ്ടങ്ങൾ മാത്രമേ ഉണ്ടായിട്ടുള്ളൂ, എന്നാലും ഈ സംഭവം തള്ളി കളയാനാവില്ല, അതും ഇത്രയും വർഷങ്ങൾക്ക് ശേഷം, ആ അന്വേഷണം പുനരാരംഭിക്കപെടുകയാണ്. വലിയ ട്വിസ്റ്റോ, ശ്വാസം വിലങ്ങുന്ന സസ്പെൻസോ പ്രതീക്ഷിക്കേണ്ട, ചുമ്മാ ഒരുതവണ കാണാം എന്ന് മാത്രം.

Verdict : Watchable

DC Rating : 2.75/5

920. The Spy (2019)

Director : Gideon Raff

Genre : Thriller

Rating : 7.9/10

Seasons : 01

Episodes : 06

Duration : 47 - 62 Minutes

🔸സാഷ ബാരൺ കോഹെനിന്റെ സിനിമകൾ കൂടുതൽ ആസ്വാദ്യകരം ആവുന്നത് അതിന്റെ ഔട്ട്റീജ്യസ് ആയ പ്ലോട്ട് കാരണമോ അല്ലെങ്കിൽ പുള്ളിയുടെ തന്നെ അഴിഞ്ഞാട്ട സ്വഭാവമുള്ള പ്രകടനം കാരണമോ ആണെന്ന് പല തവണ തോന്നിയ കാര്യമാണ്. ബോറാട്, ഡിക്റ്റേറ്റർ പോലുള്ള സിനിമകൾക്ക് ഉള്ള വലിയ ഫാൻ ഫോളോയിങ് ഈ പറഞ്ഞ വസ്തുതയ്ക്ക് ഉള്ള മികച്ച ഉദാഹരണങ്ങൾ തന്നെയാണ്. ദി സ്പൈ എന്ന ടീവി സീരീസിൽ എത്തുമ്പോൾ അതൊന്നും തന്നെയില്ല, പുള്ളിയുടെ കാം ആൻഡ് കംപോസ്ഡ് ആയ പ്രകടനമാണ്, എന്നിട്ട് പോലും അത് അത്രമേൽ എന്ജോയബിൾ ആവുന്നുണ്ട് എങ്കിൽ രണ്ട് കാര്യങ്ങൾ ഉറപ്പിക്കാം, ഒന്ന് ക്വളിറ്റി കണ്ടന്റ്, രണ്ട് സാഷ കോഹനിൽ ഉള്ള നടന്റെ കഴിവ്.

🔸ഒരു റിയൽ ലൈഫ് സ്റ്റോറി ആധാരമാക്കി തയാറാക്കിയ സീരീസ് ആണ് എന്ന തിരിച്ചറിവ് ജെനുവിന് ആയി ഞെട്ടിക്കുന്ന അപൂർവം വർക്കുകളിൽ ഒന്ന് കൂടിയാണ് സ്പൈ. പേര് സൂചിപ്പിക്കുന്നത് പോലെ തന്നെ ശത്രു രാജ്യത്തേക്ക് ചാരനായി കടന്ന് ചെല്ലാൻ നിയോഗിക്കപ്പെടുന്ന നായക കഥാപാത്രവും, ഇതിനായി അയാൾ കൈക്കൊള്ളുന്ന മാനസിക ശാരീരിക തയ്യാറെടുപ്പുകളും, അവയെല്ലാം അയാളിൽ കൊണ്ടുവരുന്ന മാറ്റങ്ങളും എല്ലാമാണ് സീരീസിന്റെ പ്രൈം ഫോക്കസുകൾ. ഒട്ടും ഫോസ്ഡ് ആവാതെ തന്നെ നായകന്റെ ഫെയ്റ്റിൽ നമുക്ക് ആകുലത തോന്നിക്കും എന്നത് സീരീസിന്റെ എടുത്ത് പറയേണ്ട മേന്മകളിൽ ഒന്നാണ്.

🔸ഇസ്രായേൽ സിറിയ എന്നീ രാജ്യങ്ങൾ തമ്മിൽ യുദ്ധത്തിന്റെ കരിനിഴൽ നിറഞ്ഞ് നിന്നിരുന്ന അറുപതുകളാണ് കഥയുടെ പശ്ചാത്തലം, ഇസ്രയേലിന്റെ ചരിത്രത്തിലെ തന്നെ ഏറ്റവും സെലിബ്രെറ്റ് ചെയ്യപ്പെട്ട എലി കോഹൻ എന്ന കഥാപാത്രമാണ് നമ്മുടെ ഫോക്കൽ പോയിന്റ്. എലി കൊഹാനിന്റെ പട്ടാള പശ്ചാത്തലം പരാമർശിച്ച് കൊണ്ട് തുടങ്ങുന്ന കഥ അയാൾ ഒരു ചാരൻ ആയി മാറാൻ ഉണ്ടായ കാരണങ്ങളിലേക്കും, തുടർന്ന് ശത്രു രാജ്യത്ത് എത്തിയ ശേഷം അയാൾ നടത്തിയ നീക്കങ്ങളെ കുറിച്ചുമെല്ലാം പരാമർശിച്ച് ഒട്ടും തന്നെ ബോർ അടിപ്പിക്കാതെ ഫാസ്റ്റ് ആയി തന്നെ മുന്നോട്ട് പോവുന്നുണ്ട്.

🔸ശത്രു രാജ്യത്ത് വെച്ച് പിടിക്കപ്പെട്ടാൽ നേരിടേണ്ടി വരിക മരണത്തിൽ കുറഞ്ഞ മറ്റൊന്നും ആവില്ല എന്നത് നിശ്ചയമാണ്, മിക്കവാറും ക്രൂരമായ മരണം തന്നെ ആവും. ഈ ഒരു പേടി കോഹന്റെ മനസിലും കാണുന്ന കാഴ്ചക്കാരിലും ചിത്രം എത്തിക്കുന്നുണ്ട് എന്നത് ചെറിയ കാര്യമല്ല. ആകെ ആറ് എപ്പിസോഡ് മാത്രമുള്ള സീരീസ് ഒരു സിനിമ കാണുന്ന സമയം കൊണ്ട് കണ്ട് തീർക്കാം, ഹിസ്റ്റോറിക്കൽ ജോണറിൽ താല്പര്യം ഉള്ളവർക്കും നല്ലൊരു അനുഭവം നൽകാൻ ഈ സീരീസിന് കഴിഞ്ഞേക്കും. അപ്പൊ പറഞ്ഞ് വന്നത് എന്താണെന്നാൽ, കാണാൻ ശ്രമിക്കുക, നല്ല ചെറിയ ഒരു സീരീസാണ് സ്പൈ.

Verdict : Good

DC Rating : 3.75/5 

919. The Buried Forest (2005)

Director : Kōhei Oguri

Genre : Drama

Rating : 6.6/10

Country : Japan

Duration : 93 Minutes

🔸കോഹെ ഒഗുരി എന്ന സംവിധായകനെ വലിയ അറിവില്ല, മെഡിറ്റേറ്റിവ് സ്റ്റൈലിൽ ഉള്ള ട്രീറ്റ്‌മെന്റ് ആണ് പുള്ളിയുടെ സിനിമകൾ എന്ന കേട്ടറിവ് മാറ്റി നിർത്തിയാൽ വേറൊന്നും പിടിയില്ല. ഒഗുരിയുടെ ഒരു സിനിമ പോലും കണ്ടിട്ടില്ല, ബറീഡ് ഫോറസ്റ്റ് അല്ലെങ്കിൽ യുമോർജി എന്ന സിനിമ ആദ്യത്തേത് ആയിരുന്നു, വളരെ ലളിതമായ ഒരു പ്ലോട്ട് ആണ് ചിത്രത്തിന്റേത്, വളരെ സ്ലോ ആയ തോതിൽ പുരോഗമിക്കുന്ന ഈ കഥയിലേക്ക് മാജിക്കൽ റിയലിസത്തിന്റെ എലെമെന്റുകൾ കൂടി ചേരുമ്പോൾ അത്യാവശ്യം നല്ലൊരു അനുഭവം തന്നെയായി മാറുന്നുണ്ട്.

🔸കഥയിലേക്ക് വരികയാണെങ്കിൽ മൂന്ന് പെൺകുട്ടികളാണ് ചിത്രത്തിന്റെ ഫോക്കൽ പോയിന്റുകൾ, മൂന്ന് പേരും സമയം കൊല്ലാനായി ഒരു ദിവസം ഒരു കളിയിൽ ഏർപ്പെടുകയാണ്, കളിയുടെ നിയമങ്ങളും മറ്റുമൊക്കെ വളരെ ലളിതമാണ്. മൂന്ന് പേരും ചേർന്ന് ഒരു കഥ ഉണ്ടാക്കണം, ഒരു റൗണ്ട് റോബിൻ ശൈലിയിൽ ആയിരിക്കണം ഇത് തയ്യാറാക്കേണ്ടത്, ഒരാൾ പറഞ്ഞ് നിർത്തുന്നിടത്ത് നിന്ന് വേണം അടുത്തയാൾ തുടങ്ങാൻ എന്നൊരു നിർദ്ദേശം കൂടിയുണ്ട്. അങ്ങനെ മൂന്ന് കഥാപാത്രങ്ങളും ചുറ്റും കൂടിയിരുന്ന് കഥ പറഞ്ഞ് തുടങ്ങുകയാണ്.

🔸കഥയ്ക്കായി ആദ്യത്തെ പെൺകുട്ടി കണ്ടെത്തുന്നത് തങ്ങളുടെ നാട്ടിലെ തന്നെ ചില വ്യക്തികളെ ആണ്, കുറച്ച് കൂടി സ്പെസിഫിക് ആയി പറയുക ആണെങ്കിൽ ഗ്രാമത്തിലെ പെറ്റ് ഷോപ്പിന്റെ ഉടമയെ തന്നെ, അയാൾക്ക് ഒരു ഒട്ടകം ഉണ്ടായിരുന്നെങ്കിലോ എന്ന ചിന്തയിൽ നിന്നും ആദ്യത്തെ കഥ പിറവി എടുക്കുകയാണ്, ഒട്ടകത്തിനായി ഗ്രാമത്തിലെ വഴി മാറ്റി വെട്ടുന്നതൊക്കെ ആയി കഥ ആ ഒരു രസത്തിൽ മുന്നോട്ട് പോവുന്നുണ്ട്. തുടക്കത്തിൽ ഗ്രൗണ്ടഡ് ആയി തുടങ്ങുന്ന കഥ പോകെ പോകെ ഭാവനയുടെ കുത്തൊഴുക്കിൽ സൂപ്പർനാച്യുറൽ എലെമെന്റുകളിലേക്ക് ഒക്കെ കടന്ന് പോവുന്നുണ്ട്.

🔸മന്ന് കഥാപാത്രങ്ങൾക്ക് പുറമെ ഒരു വൃദ്ധ കൂടി കഥ പറച്ചിലിന്റെ ഒക്കെ ഭാഗമായി വരുന്നുണ്ട്, ഒരു തരം കെട്ടഴിച്ച് വിട്ട പട്ടം പോലെയാണ് സിനിമയുടെ കഥാഗതി ഒരു പരിധിക്ക് അപ്പുറം പോവുന്നത്, മനസിലാക്കാൻ ശ്രമിക്കുക എന്നതിനേക്കാൾ അതിനൊപ്പം സഞ്ചരിക്കുക എന്നതായിരിക്കും ആസ്വദിക്കാൻ ഉള്ള ഏറ്റവും നല്ല ഉപാധി, കാരണം ബാക്കി വെച്ച ചോദ്യങ്ങളും, സംവിധായകന്റെ ഉദ്ദേശ ഗതിയെ കുറിച്ച് തന്നെയുള്ള ഉത്തരങ്ങളും ഇപ്പോഴും അവ്യക്തമാണ്. എല്ലാവർക്കും നിർദേശിക്കില്ല ഈ ചിത്രം, പ്രെമിസിൽ താല്പര്യം ഉണ്ടെങ്കിൽ നോക്കാവുന്നതാണ്.

Verdict : Good

DC Rating : 3.25/5 

918. Tonight, At The Movies (2018)

Director : Hideki Takeuchi

Genre : Romance

Rating : 7.1/10

Country : Japan

Duration : 108 Minutes

🔸ടനൈറ്റ് അറ്റ് ദി മൂവീസ് എന്ന ചിത്രത്തിന്റെ വളരെ പ്രധാനപ്പെട്ട ഒരു ഭാഗത്ത് ഒരു കഥാപാത്രം പറയുന്നുണ്ട്, കഴിഞ്ഞ ഒരു നൂറ് വർഷത്തിനിടെ ലക്ഷക്കണക്കിന് സിനിമകൾ പല ഭാഷകളിലായി പുറത്തിറങ്ങിയിട്ടുണ്ട്, അവയിൽ സിംഹഭാഗവും നമ്മൾ കണ്ടിട്ടില്ല, കാണാൻ പോവുന്നുമില്ല. കണ്ടവയിൽ മിക്കതും ഓർമയിൽ നില്ക്കാൻ പോവുന്നുമില്ല, വിരലിൽ എണ്ണാവുന്ന സിനിമകൾ ഒഴിച്ചാൽ ബാക്കിയെല്ലാം വിസ്‌മൃതിയിൽ ആണ്ട് പോവാൻ വിധിക്കപ്പെട്ടവയാണ്, അവയിൽ എല്ലാം എത്രയോ കഥാപാത്രങ്ങൾ ഉണ്ടാവും, പഴയ സിനിമകൾ ആണെങ്കിൽ ചിലപ്പോൾ പ്രിന്റ് വരെ നശിച്ച് പോയിട്ടുണ്ടാവും, അവ പിന്നീട് ഒരിക്കലും തിരികെ വരാനും പോവുന്നില്ല, റെക്കോര്ഡുകളിലും ചിലരുടെ എങ്കിലും ഓർമകളിലും മാത്രമായി അങ്ങനെ അങ് തീരും.

🔸ഇവിടെ സൂചിപ്പിച്ചത് പോലെ തന്നെ ഒരു നൊസ്റ്റാൾജിക് റൈഡ് ആണ് ടുനൈറ്റ് അറ്റ് ദി മൂവീസ് എന്ന ചിത്രം. വളരെ രസകരമായ ഒരു ഫാന്റസി ബേസ്ഡ് പ്ലോട്ട് ആണ് ചിത്രത്തിന്റേത്, നമ്മുടെ നായക കഥാപാത്രം ഒരു അസിസ്റ്റന്റ് ഡയറക്ടർ ആയിരുന്നു, പുള്ളി ഫ്ലാഷ്ബാക്കിൽ കഥ പറയുന്നത് പോലെയാണ് ചിത്രം മുന്നോട്ട് പോവുന്നത്. സിനിമയോട് വലിയ അഭിനിവേശം ഉള്ള ആളാണ് നായകൻ, വലിയൊരു സ്റ്റുഡിയോയിൽ അസിസ്റ്റന്റ് ആയി ജോലി ചെയ്യുന്ന നായകന്റെ ഏറ്റവും വലിയ സ്വപ്നം സ്വന്തമായി ഒരു സിനിമ എന്നത് തന്നെയാണ്. പലപ്പോഴും അവഗണനയും പരിഹാസവും എല്ലാം അനുഭവിക്കേണ്ടി വന്നിട്ടും ഇന്നും അയാൾ ആ ജോലിയിൽ തുടരുന്നത് അഭിനിവേശം ഒന്ന് കൊണ്ട് മാത്രമാണ്.

🔸ജോലി ഒഴിച്ച് നിർത്തിയാൽ നായകന്റെ ഏറ്റവും വലിയ വിനോദം സിനിമ കാണുക എന്നത് തന്നെയാണ്, പ്രത്യേകിച്ചും താമസ സ്ഥലത്തിന് അടുത്തുള്ള വിന്റേജ് തിയേറ്ററിലെ പഴയ കാല സിനിമകളുടെ പ്രദർശനം. ഈ സിനിമകളിൽ തന്നെ നായകന് ഏറ്റവും ഇഷ്ട്ടമുള്ള ചിത്രമാണ് 'ടോംബോയ് പ്രിൻസസ് ആൻഡ് ദി ക്രെയ്സി ബീസ്റ്റ്സ്' എന്ന പഴയകാല ബ്ലാക്ക് ആൻഡ് വൈറ്റ് ചിത്രം. ഈ ചിത്രം നായകൻ കണ്ടതിന് കയ്യും കണക്കുമില്ല, ആകെ ഒരു പ്രിന്റ് മാത്രമേ ഈ ചിത്രത്തിന്റേതായി ലഭ്യമുള്ളൂ. നമ്മുടെ നായക കഥാപാത്രത്തിന് ഈ ചിത്രത്തിലെ പ്രിൻസസിനോട് പ്രേമമാണ് എന്നതാണ് ഇതിന് പിന്നിലെ കാര്യം.

🔸ഇങ്ങനെ പ്രസ്തുത ചിത്രം നായകൻ വീണ്ടും വീണ്ടും കണ്ട് കൊണ്ടിരുന്ന ഒരു ദിവസം പെട്ടെന്ന് ഒരു അത്ഭുതം സംഭവിക്കുകയാണ്, ചിത്രത്തിലെ നായികാ കഥാപാത്രം സ്‌ക്രീനിൽ നിന്നും റിയൽ ലൈഫിലേക്ക് ഇറങ്ങി വരികയാണ്, അതും ചിത്രത്തിലെ അതെ രൂപ ഭാവങ്ങളിൽ, ബ്ലാക്ക് ആൻഡ് വൈറ്റ് ഫോർമാറ്റിൽ. ഇവിടെ നിന്നും കഥ പറഞ്ഞ് തുടങ്ങുന്ന ഈ ചിത്രം ഒട്ടും മുഷിപ്പിക്കുന്നില്ല എന്ന് മാത്രമല്ല നല്ല തോതിൽ കഥ പറഞ്ഞ് പോയി അവസാനം മെമറബിൾ ആയ ഒരു ക്ളൈമാക്‌സും കാത്ത് സൂക്ഷിച്ച് വെച്ചിട്ടുണ്ട്. നല്ലൊരു എന്റർടൈനർ ആണ് ടുനൈറ്റ് അറ്റ് ദി മൂവീസ്, കാണാൻ ശ്രമിക്കുക.

Verdict : Good

DC Rating : 3.5/5 

917. Devilman Crybaby (2018)

Director : Masaaki Yuasa

Genre : Animation

Rating : 7.6/10

Seasons : 01

Episodes : 10

Duration : 24 - 27 Minutes

🔸അനിമേ ടെലിവിഷൻ ഷോകളിൽ പുതുക്കക്കാർ ആയവർക്ക് വേണ്ടി മോശം പറയാൻ ഇല്ലാത്ത ഒരു കളക്ഷൻ നെറ്റ്ഫ്ലിക്സ് ഒരുക്കിവെച്ചിട്ടുണ്ട്. മൈ ഹീറോ അക്കാദമിയ, കൗബോയ് ബബൂപ്, നാരുട്ടോ, ഹണ്ടർ തുടങ്ങിയവ ഇവയിൽ ചിലത് മാത്രമാണ്. മുകളിൽ സൂചിപ്പിച്ചവയുടെ തലത്തിൽ ഒന്നും എത്തിയേക്കില്ല എങ്കിലും കാണാവുന്ന ഒന്നാണ് ഡെവിൾമാൻ ക്രൈബേബി എന്ന ടീവി സീരീസും, വെറും പത്ത് എപ്പിസോഡ് മാത്രമുള്ള ആദ്യ സീസൺ മുഴുവനായി പരിഗണിച്ചാൽ തന്നെ രണ്ട് സിനിമകളുടെ ദൈർഘ്യം കണ്ടേക്കില്ല. ദൈർഘ്യം കാരണം ഈ ഭാഗത്തേക്ക് വരാത്തവർക്ക് ഈ സീരീസ് ഒരു പ്രശ്നമാവില്ല എന്ന് സാരം.

🔸ബോഡി ഹൊറർ, വയലൻസ് എന്നിവ നല്ല തോതിൽ തന്നെ ഉള്ള സീരീസാണ് ഡെവിൾമാൻ ക്രൈബേബി, അതിന്റെ തീവ്രത ആദ്യ എപ്പിസോഡ് കഴിയുന്ന മോമെന്റിൽ തന്നെ പിടികിട്ടുകയും ചെയ്യും. ഉദ്ദേശം അൻപത് വർഷങ്ങൾക്ക് മുന്നേ പുറത്തിറങ്ങിയ ഒരു മാങ്കാ സീരീസ് ആണ് പ്രസ്തുത സീരീസിന് ആധാരം ആയിരിക്കുന്നത്, പേര് സൂചിപ്പിക്കുന്നത് പോലെ തന്നെ സാത്താനും മനുഷ്യരും തമ്മിലും നന്മയും തിന്മയും തമ്മിലും തെറ്റും ശരിയും തമ്മിലും ഒക്കെയുള്ള യുദ്ധമാണ് ഇവിടുത്തെ പ്രമേയം. ഭാവി കാലത്ത് നടക്കുന്ന കഥയിൽ ലോകം ഏറെക്കുറെ സാത്താന്മാർ കയ്യടക്കി കഴിഞ്ഞിട്ടുണ്ട്, മനുഷ്യർ അത് ഇതുവരെ തിരിച്ചറിഞ്ഞിട്ടില്ല എന്ന് മാത്രം.

🔸മിക്ക സന്ദര്ഭങ്ങളിലും ഒളിഞ്ഞിരുന്നാണ് സാത്താന്മാർ തങ്ങളുടെ ഇങ്കിതം നടപ്പിലാക്കുന്നത്, പലപ്പോഴും മനുഷ്യ ശരീരത്തിൽ അഭയം പ്രാപിച്ച്, ആ ശരീരം ഒരു പടച്ചട്ട പോലെ ഉപയോഗിച്ച് മറഞ്ഞ് നിന്ന് കൊണ്ട് മനുഷ്യ കുലത്തിനെ വെല്ലുവിളിക്കുന്നു. ഹൈ സ്‌കൂൾ വിദ്യാർത്ഥിയായ അകിര ആണ് സീരീസിലെ കേന്ദ്ര കഥാപാത്രം, അകിറയുടെ ഏറ്റവും അടുത്ത സുഹൃത്താണ് റിയോ അസുക. റിയോ കുറച്ച് നാളുകളായി സാത്താന്മാരുടെ ഈ നീക്കങ്ങളും രഹസ്യ മുറകളും എല്ലാം സസൂക്ഷ്മം പഠിച്ച് കൊണ്ടിരിക്കുകയാണ്, ഒരു യുദ്ധത്തിന് കോപ്പ് കൂട്ടി കൊണ്ടിരിക്കുകയാണ്.

🔸സാത്താന്മാരെ ഇല്ലാതാക്കാൻ ഉള്ള ഏറ്റവും നല്ല മാർഗം അവരുമായി ഇടപഴകി അവരിൽ ഒരാളായി, ഒരേസമയം മനുഷ്യന്റെ ബുദ്ധിയും സാത്താന്റെ ശക്തിയും ഉള്ള ഡെവിൾമാൻ ആയി മാറുകയാണ് എന്നതാണ് റിയോയുടെ പക്ഷം, അവിടേക്ക് തന്നെയാണ് സീരീസ് പോവുന്നതും. ബ്ലഡ്ബാത്ത് എന്നത് ഇത്രയും ഇന്റെൻസ് ആയ രീതിയിൽ കൈകാര്യം ചെയ്യുന്ന, അതെ സമയം സീരീസിന്റെ കഥയോട് നൂറ് ശതമാനം ചേർന്ന് നിൽക്കുന്ന വേറൊരു ആനിമേറ്റഡ് സീരീസ് ഇതുവരെ കാണാൻ ആയിട്ടില്ല, ആ ഗോർ തന്നെയാണ് ഇവിടത്തെ സെല്ലിങ് പോയിന്റ്. കണ്ട് നോക്കാവുന്നതാണ് ഈ സീരീസ്, പ്രത്യേകിച്ചും മുകളിൽ സൂചിപ്പിച്ച വിഭാഗത്തിനോട് താല്പര്യം ഉള്ളവർക്ക്, നെറ്റ്ഫ്ലിക്സിൽ ലഭ്യമാണ്.

Verdict : Good

DC Rating : 3.5/5 

916. The Wolf Of Snow Hollow (2020)

Director : Jim Cummings

Genre : Thriller

Rating : 6.4/10

Country : USA

Duration : 83 Minutes

🔸പലരുടെയും ശ്രദ്ധയിൽ പെടാതെ റഡാറിന് താഴെ കൂടി പോയ അത്യാവശ്യം നിലവാരം പുലർത്തുന്ന ഇൻഡി ത്രില്ലർ വിഭാഗത്തിൽ ചേർക്കാൻ ഒരു ചെറിയ സിനിമ കൂടി, ദി വൂൾഫ് ഓഫ് സ്നോ ഹോളോ. ഒന്നര മണിക്കൂറിൽ താഴെ മാത്രം ദൈർഘ്യത്തിൽ അത്യാവശ്യം ത്രിൽ അടിപ്പിക്കുന്നുണ്ട് ഈ ചിത്രം, മികച്ചത് എന്ന അഭിപ്രായം വ്യക്തിപരമായി ഇല്ലെങ്കിലും ഒരു തവണ കാണാവുന്ന, ആ സമയത്തിന് വേർതി ആയ മെറ്റിരിയൽ ഈ ചിത്രത്തിലുണ്ട്. പ്രധാന കഥാപാത്രമായി എത്തിയ ജിം കമിങ്സ് തന്നെയാണ് ചിത്രത്തിന്റെ എഴുത്ത് പരിപാടികളും സംവിധാനവും എല്ലാം ചെയ്തിരിക്കുന്നത്.

🔸സനോ ഹാലോ എന്ന ഗ്രാമം സ്ഥിതി ചെയ്യുന്നത് നഗരത്തിന് പുറത്തായി ഒഴിഞ്ഞ ഭാഗങ്ങളിൽ ഒന്നായാണ്, പേര് സൂചിപ്പിക്കുന്നത് പോലെ തന്നെ മിക്ക സമയങ്ങളിലും മഞ്ഞ് പുതച്ച് കഴിയുന്നൊരു സ്ഥലം. കാലാകാലങ്ങളായി ഇവിടെ ഒരു പോലീസ് സേനയും ഷെരീഫും ഒക്കെ ഉണ്ടെങ്കിലും പരാമര്ശിക്കപ്പെടാൻ മാത്രം പ്രാധാന്യം ഉള്ള കുറ്റകൃത്യങ്ങൾ ഒന്നും സംഭവിച്ചിട്ടില്ല. ഇപ്പോഴും പത്ത് നാല്പത് വർഷങ്ങൾക്ക് മുന്നേ നടന്ന ബാങ്ക് കൊള്ളയടി ശ്രമത്തെ പറ്റിയും അതിർത്തി തർക്കങ്ങളെ പറ്റിയും ഒക്കെ വെടിവർത്തമാനം പറഞ്ഞാണ് ഷെരീഫും കൂട്ടരും സമയം കൊല്ലുന്നത്, എന്നാൽ ഈ സ്ഥിതി താമസിയാതെ മാറുകയാണ്.

🔸ഒരു ദിവസം സ്നോ ഹാലോ ഉണരുന്നത് ഭീകരമായ ഒരു കൊലപാതക വാർത്ത കേട്ട് കൊണ്ടാണ്, ഒരു യുവതി ക്രൂരമായി കൊല ചെയ്യപ്പെട്ടിരിക്കുന്നു. അവളുടെ ശരീരത്തിലെ ജെനിറ്റൽ ഓർഗൻസ് ഉൾപ്പെടെ പറിച്ച് ചീന്തി എടുത്ത് കളഞ്ഞിട്ടുണ്ട്, ഒരു മൃഗത്തിന്റേത് എന്ന് തോന്നിപ്പിക്കുന്ന കാൽപ്പാടുകൾ ഒഴിച്ചാൽ സ്ഥലത്ത് തെളിവായി ഒന്നും അവശേഷിക്കുന്നില്ല. ഗ്രാമത്തിന്റെ ചരിത്രത്തിലെ ഏറ്റവും ക്രൂരമായ കുറ്റകൃത്യം ഒരു ഒറ്റപ്പെട്ട സംഭവമല്ല എന്ന് തെളിയിച്ച് കൊണ്ട് വീണ്ടും മറ്റൊരെണ്ണം അരങ്ങേറുകയാണ്. രണ്ട് കൊലപാതകങ്ങളും അരങ്ങേറുന്നത് പൂർണചന്ദ്രൻ ഉള്ള ദിവസങ്ങളിലാണ് എന്നത് മിസ്റ്ററി കൂട്ടുന്ന.

🔸ഒരു വേർ വൂൾഫിന് ഉള്ള സാധ്യതയിലേക്ക് ആണ് തെളിവുകൾ എല്ലാം വിരൽ ചൂണ്ടുന്നത്, എന്നാൽ മനുഷ്യന്റെ സാന്നിധ്യവും ആ സാധ്യതയും തള്ളി കളയാനാവില്ല, സത്യം എന്നത് ഇതിനിടയിൽ എവിടെയോ ആണ്. ഒരു സീരീസ് കില്ലിംഗ് മിസ്റ്ററി ആണെങ്കിലും അത് ഒരു പ്ലോട്ട് പോയിന്റ് ആയി എടുത്ത് നായകന്റെ മാനസിക ആരോഗ്യ പ്രശ്നങ്ങൾ കൂടി ചർച്ച ചെയ്യുന്ന പരിപാടി ഇഷ്ട്ടപ്പെട്ടു. നെഗറ്റിവ് ആയി തോന്നിയത് ചിത്രത്തിൽ സ്ഥാനത്തും അസ്ഥാനത്തും ആയി കടന്ന് വരുന്ന ഹ്യുമർ ആണ്, പ്രത്യേകിച്ചും ഇത്രയും സീരിയസ് ആയ ഒരു വിഷയം കൈകാര്യം ചെയ്യുന്ന സിനിമ കൂടി ആവുമ്പോൾ. അപ്പൊ കാണുന്നതിൽ തെറ്റില്ല, നൈസ് ആണ്.

Verdict : Good

DC Rating : 3.75/5 

915. The Haunting Of Bly Manor (2020)

Director : Mike Flanagan

Genre : Horror

Rating : 9/10

Seasons : 01

Episodes : 09

Duration : 45 - 66 Minutes

🔸ഉദ്ദേശം രണ്ട് വർഷങ്ങൾക്ക് മുന്നേ പുറത്തിറങ്ങിയ ഹോന്റിങ് ഓഫ് ഹിൽ ഹൌസ് എന്ന നെറ്റ്ഫ്ലിക്സ് ഹൊറർ ഒറിജിനൽ സീരീസ് അത്യാവശ്യം നല്ല ഒരു അനുഭവം തന്നെ ആയിരുന്നു, പ്രത്യേകിച്ചും നെറ്റ്ഫ്ലിക്സിന്റെ മറ്റ് പല ഹൊറർ സംരംഭങ്ങളും വലിയ തോതിൽ മിസ് ഹിറ്റ് ആയ ചരിത്രം ഉള്ളപ്പോൾ പ്രസ്തുത സീരീസ് ഒരു ഫ്രഷ് ഐറ്റം തന്നെ ആയിരുന്നു. ആ സീരീസിന്റെ രണ്ടാം ഭാഗം എന്ന് വിശേഷിപ്പിക്കാൻ ബ്ലൈ മാനറിനെ പറ്റുമോ എന്നത് സംശയമാണ്, വേണമെങ്കിൽ ആന്തോളജി എന്ന് പറയാം. ഹിൽ ഹോസിലെ പല നടീനടന്മാരും ഇവിടെ വേറെ കഥാപാത്രങ്ങളായി വരുന്നുമുണ്ട്, ഇതല്ലാതെ മറ്റ് കണക്ഷനുകൾ ഒന്നും പ്രത്യക്ഷത്തിലില്ല.

🔸അമേരിക്കയിൽ നിന്നും ഇന്ഗ്ലണ്ടിൽ എത്തിയ ഡാനി എന്ന യുവതിയാണ് നമ്മുടെ ഫോക്കൽ പോയിന്റ്, ഡാനിയുടെ ബാക്ക്ഗ്രൗണ്ടിലേക്ക് ഒന്നും സീരീസ് തുടക്കത്തിൽ പോവുന്നില്ല എങ്കിലും ഒരു കാര്യം വ്യക്തമാണ്, ആരെയോ അല്ലെങ്കിൽ എന്തിനെയോ പേടിച്ച് ഒരു ഒളിച്ചോട്ടം നടത്തിയാണ് ഡാനി ഇവിടെ എത്തിയിരിക്കുന്നത്, ഇത് എന്താണെന്ന് വ്യക്തം ആവുന്നില്ലെങ്കിലും അപ്രതീക്ഷിതമായി പലപ്പോഴും നമ്മൾ കാണുന്ന കണ്ണാടിയിലെ രൂപം ഡാനി മാനസികമായി വേട്ടയാടപ്പെടുന്നുണ്ട് എന്ന് വ്യക്തമാക്കുന്നു. ഒരു ജോലി ആണ് ഡാനിയുടെ ഇപ്പോഴത്തെ ലക്ഷ്യം, അതിനായുള്ള അവളുടെ ശ്രമങ്ങളാണ് ഡാനിയെ ബ്ലൈ മാനറിൽ എത്തിക്കുന്നത്.

🔸കേൾക്കുമ്പോൾ വളരെ ലളിതം എന്ന് തോന്നിക്കുന്ന ഒന്നായിരുന്നു പ്രസ്തുത ജോലി, വലിയൊരു വീട്ടിൽ താമസക്കാരായ രണ്ട് കുട്ടികളെ പരിചരിക്കുക, അത്ര മാത്രം. ഒരു ഫുൾ ടൈം ജോലി ആയിരുന്നിട്ടും, മോശമില്ലാത്ത തുക ശമ്പളമായി ലഭിക്കുമായിരുന്നിട്ടും കഴിഞ്ഞ ആറ് മാസമായി അവിടെ ആരും തന്നെ ജോലിക്ക് എത്തിയിട്ടില്ല, അതിന് ചില കാരണങ്ങളുമുണ്ട്. ഈ രണ്ട് കുട്ടികളുടെയും അച്ഛനമ്മമാർ ദുരൂഹപരമായ സാഹചര്യത്തിൽ കൊല്ലപ്പെട്ടവരാണ്, പോരെങ്കിൽ അവസാനമായി അവിടെ ജോലിക്ക് നിന്ന സ്ത്രീ സ്വയം ജീവൻ എടുക്കുക ആയിരുന്നു, ചുരുക്കി പറഞ്ഞാൽ ആകെ മൊത്തം ഒരു വശപ്പിശക് തന്നെ.

🔸ഏറെക്കുറെ ഈ കാര്യങ്ങളെ പറ്റി ഒരു സൂചനയും ധാരണയും ഒക്കെ കിട്ടിയിരുന്നു എങ്കിലും ഡാനി അവിടേക്ക് പുറപ്പിടുകയാണ്. ബ്ലൈ മാനറിൽ എത്തി അന്തേവാസികളെ ഒക്കെ പരിചയപ്പെട്ടു എങ്കിലും അത്ര കൺവിൻസിംഗ് ആവുന്നില്ല ഒന്നും, ആകെ മൊത്തം ഒരു ദുസൂചന ഒക്കെ പോലെ, ഈ കാണുന്നതോ കാണിക്കുന്നതു അല്ല കാര്യങ്ങൾ എന്നും അപകടകരമായ പലതും ഒളിഞ്ഞ് കിടപ്പുണ്ട് എന്നും ഒരു തോന്നൽ ഉയർന്ന് വരികയാണ്. ഇവിടെ നിന്നുമാണ് ബ്ലൈ മാനർ കഥ പറഞ്ഞ് തുടങ്ങുന്നത്, മുന്നത്തെ സീരീസിന്റെ അത്രയും ഇഷ്ട്ടപ്പെട്ടില്ല എങ്കിൽ കൂടിയും ഹൊന്റിങ് സീരീസിലേക്ക് നല്ലൊരു എഡിഷൻ ആണ് ഈ ഭാഗവും, തീർച്ചയായും കാണാം നഷ്ടം ഏതുമില്ല.

Verdict : Good

DC Rating : 3.5/5 

914. The 40 Year Old Version (2020)

Director : Radha Blank

Genre : Comedy

Rating : 6.5/10

Country : USA

Duration : 129 Minutes

🔸ഈ ഒക്ടോബർ തൊട്ട് ജനുവരി വരെയുള്ള സമയം എന്നത് ഒരു സിനിമാ ആരാധകനെ സംബന്ധിച്ച് വളരെ നല്ലൊരു ടൈം തന്നെയാണ്, കാരണം പല പല ഫെസ്റ്റുകളിലെയും റൺ കഴിഞ്ഞ ശേഷം സിനിമകൾ പൊതുവെ വൈഡ് റിലീസിന് അല്ലെങ്കിൽ സ്ക്രീനർ പ്രിന്റുകളായി വരെ നമ്മളിലേക്ക് എത്താറുള്ള ഒരു ടൈം ആണ് ഇത്. ഇത്തവണത്തെ പാണ്ഡെമിക് സിറ്റുവേഷൻ കാരണം സിനിമകളുടെ എണ്ണം കുറവായിരിക്കും എങ്കിലും അവാർഡ് സീസണുകൾ ആരംഭിക്കുകയാണ്, ഇത്തവണ രാധാ ബ്ലാങ്കിന്റെ ഫോർട്ടി ഇയർ ഓൾഡ് വേർഷൻ ആണ് ഫ്ലാഗ് ഓഫ് കർമ്മം നിർവഹിക്കുന്നത്, ചിത്രം കുറച്ച് ദിവസങ്ങൾക്ക് മുന്നേ നെറ്ഫ്ലിക്സ് മാർഗ്ഗേണ സ്ട്രീമിങ് ആരംഭിച്ചിട്ടുണ്ട്.

🔸നവാഗതയായ രാധ ബ്ലാങ്ക് സംവിധാനം ചെയ്യുന്ന ചിത്രം ബ്ലാക്ക് ആൻഡ് വൈറ്റ് ഫോർമാറ്റിൽ ആണ് തയാറാക്കപ്പെട്ടിരിക്കുന്നത്, സംവിധാനത്തിന് പുറമെ നിർമാണം കഥ തിരക്കഥ തുടങ്ങി അഭിനയത്തിൽ വരെ രാധയുടെ സാന്നിധ്യമുണ്ട്. സൻഡൻസ് ഫെസ്റ്റിവലിൽ അടക്കം പ്രദര്ശിപ്പിക്കപ്പെട്ട ചിത്രത്തിലൂടെ മികച്ച സംവിധായകയ്ക്കുള്ള പുരസ്‌കാരം രാധാ ബ്ലാങ്ക് കരസ്ഥമാക്കുകയും ഉണ്ടായി. ചുരുക്കി പറഞ്ഞാൽ അത്യാവശ്യം നല്ല രീതിയിൽ ഉള്ള ഒരു തുടക്കം തന്നെ. കുറച്ച് കാലം മുന്നേ വരെ വളരെ പ്രശസ്ത ആയിരുന്ന ഒരു പ്ളേ റൈറ്ററുടെ കഥയാണ് ഫോർട്ടി ഇയർ ഓൾഡ് വേർഷൻ.

🔸പത്ത് വർഷങ്ങൾക്ക് മുന്നേ ടോപ് അണ്ടർ തേർട്ടി നേഷൻവൈഡ് ലിസ്റ്റിൽ വരെ ഇടംപിടിച്ച ആളാണ് രാധ, വലിയ കാര്യങ്ങളാണ് ഒരു പ്ളേ റൈറ്റർ എന്ന പേരിൽ അവരിൽ നിന്നും പ്രതീക്ഷിച്ചത് എന്നാൽ സംഭവിച്ചത് എല്ലാം നേരെ മറിച്ചായിരുന്നു എന്ന് മാത്രം, വളർച്ച ഉണ്ടായത് മുഴുവൻ പടവലങ്ങ പോലെ കീഴ്പോട്ട് ആയിരുന്നു. പത്ത് വർഷങ്ങൾക്ക് ഇപ്പുറം നാല്പതാം വയസിലേക്ക് കടക്കുമ്പോൾ യാതൊരു വിധ അച്ചീവ്മെന്റും രാധയ്ക്ക് തന്റേതായി കാണിക്കാനില്ല, പോരെങ്കിൽ പലരുടെയും പരിഹാസ പാത്രമാണ് താനും.

🔸നാല്പതാം വയസ്സ് എന്നൊക്കെ പറയുമ്പോൾ ഒരു പൊതു കാഴ്ചപ്പാട് ഒക്കെ വെച്ചിട്ട് സെറ്റിൽ ഡൗൺ ആവേണ്ട പ്രായം ആണല്ലോ, സ്വാഭാവികമായും ആ ഒരു സ്റ്റേജിൽ എത്തിയ രാധ ഒരു പുനർചിന്തനത്തിന് തയാറാവുന്നതും അല്പം റെവല്യൂഷനറി ആയ ഒരു തീരുമാനം കൈക്കൊള്ളുന്നതും ഒക്കെയാണ് ചിത്രത്തിന്റെ കഥ. ഏറ്റവും മികച്ചത് എന്ന് വിശേഷിപ്പിക്കാവുന്ന സിനിമകളുടെ കൂട്ടത്തിൽ ഒന്നും തന്നെ ഈ സിനിമയെ ചേർക്കാനാവില്ല, എന്തിരുന്നാലും മുന്നിലും പിന്നിലുമായി ഏറെക്കുറെ മുഴുവനും നവാഗതർ ആയിരുന്ന ഒരു ചിത്രം എന്ന പരിഗണന കൊടുത്താൽ മികച്ച ഒരു ഏൻഡ് റിസൾട്ട് തന്നെയാണ് ഫോർട്ടി ഇയർ ഓൾഡ് വേർഷൻ, ഡ്രാമ ജോണറിനോട് താല്പര്യം ഉള്ളവർക്ക് പരീക്ഷിച്ച് നോക്കാം.

Verdict : Good

DC Rating : 3.5/5 

913. The Boys (2019)

Developer : Eric Kripke

Genre : Superhero

Rating : 8.7/10

Seasons : 02

Episodes : 16

Duration : 55 - 68 Minutes

🔸സപ്പർമാൻ എന്ന സൂപ്പർഹീറോ നമുക്ക് എല്ലാം പരിചിതനായ ഒരു കഥാപാത്രമാണ്, പ്രതീക്ഷയുടെ, പ്രത്യാശയുടെ ഒക്കെ സിംബൽ ആയി പുള്ളി ഒരു നൂറ്റാണ്ടോളമായി ലോകത്താകമാനം ഉള്ള വായനക്കാരെ ഹരം കൊള്ളിക്കുന്നു. സൂപ്പർമാനെ കൂടാതെ പിന്നീട് നൂറ് കണക്കിന് സൂപ്പർഹീറോസ് ഉദയം കൊണ്ടിട്ടുണ്ട്, പക്ഷെ ഇവർ എല്ലാം തന്നെ വ്യക്തമായ മോറൽ കോഡ് കാത്ത് സൂക്ഷിക്കുന്ന മാന്യന്മാരായ, എല്ലാം തികഞ്ഞ കഥാപാത്രങ്ങൾ ആയിരുന്നു. സൂപ്പർ വില്ലൻസിലേക്കോ അല്ലെങ്കിൽ വിജിലൻറ്റികളിലേക്കോ അല്ല പോവുന്നത്, പോയിന്റ് ഈസ് വാട്ട് ഇഫ് സൂപ്പർമാൻ വാസ് എ ബാഡ് ഗയ്‌ എന്ന ചോദ്യത്തെ നമ്മൾ അഭിമുഖീകരിച്ചിട്ടില്ല, സൂപ്പർമാൻ 4ഇൽ ബ്ലാക്ക്മെയിൽ കാരണം സൂപ്പർമാൻ വില്ലനായ 10 മിനിറ്റ് കണക്കിൽ എടുക്കുന്നില്ല, അത് സമ്പൂർണ്ണ ദുരന്തം തന്നെ ആയിരുന്നു.

🔸ഇടക്കാലത്ത് ബ്രൈറ്റ്‌ബേൺ എന്നൊരു സിനിമ വന്നിരുന്നു, അതിൽ സുപ്പെർമാനോട് സാമ്യമുള്ള ഒരു കഥാപാത്രം വില്ലനായി തന്നെ ഉണ്ട്, ആ കഥാപാത്രം ഒരു കുട്ടിയും ആണ് ചിത്രത്തിൽ. പ്രസ്തുത സിനിമയുടെ കൺസപ്റ്റ് നല്ല ഇന്റെരെസ്റ്റിങ് ആയിരുന്നെങ്കിലും ഒരു താല്പര്യം ഉളവാക്കിയിരുന്നില്ല. ചിത്രത്തിന്റെ സെറ്റപ്പും മറ്റുമൊക്കെ ഗ്രൗണ്ടഡ് ആയിരുന്നു, മാത്രമല്ല അത്യാവശ്യം ബോറും ആയിരുന്നു. മുകളിൽ സൂചിപ്പിച്ച ചോദ്യത്തെ എന്റെ അറിവിൽ ഏറ്റവും നന്നായി അഭിമുഖീകരിച്ചിട്ടുള്ളത് ദി ബോയ്സ് എന്ന ടീവി സീരീസാണ്. ഗ്ലോറിഫൈ ചെയ്യപ്പെട്ട സൂപ്പർഹീറോസിന്റെ അധികം അറിയാത്ത മറ്റൊരു സൈഡിലേക്ക് കഥ കൊണ്ട് പോവുന്ന ഈ സംരംഭത്തെ ഇന്റെരെസ്റ്റിംഗ് എന്ന് വിശേഷിപ്പിച്ചാൽ കുറഞ്ഞ് പോവും.

🔸ഒരു സ്റ്റോറിൽ ജോലിക്കാരൻ ആയ, വളരെ സാധാരണക്കാരന് ആയ കഥാപാത്രമാണ് ഹ്യുഗി. ഹ്യുഗിയും കാമുകിയും ഒരുനാൾ റോഡിലൂടെ നടക്കവേ ആണ്, സൂപ്പർഹീറോസും ആയുള്ള ആദ്യ ഇടപഴകൽ, ഹ്യുഗിയെ സംബന്ധിച്ചിടത്തോളം ജീവിതത്തിന്റെ ഗതി തന്നെ മാറ്റിമറിച്ച ഒരു സംഭവം. എ ട്രെയിൻ എന്ന സൂപ്പർപവേർഡ് കഥാപാത്രം കാരണം ഹ്യുഗിയുടെ കാമുകി കൊല്ലപ്പെടുകയാണ്, എന്നാൽ അതിന് നാഷണൽ മീഡിയകളുടെ പക്കൽ നിന്ന് വലിയ ശ്രദ്ധ ലഭിച്ചില്ല എന്ന് മാത്രമല്ല എ ട്രെയിൻ ആഘോഷിക്കപ്പെടുന്ന കാഴ്ച കൂടിയാണ് ഹ്യുഗി കാണുന്നത്. തന്റെ ജീവിതത്തിൽ സംഭവിച്ച ദുരന്തം ഒരു ഒറ്റപ്പെട്ട സംഭവമല്ല എന്ന തിരിച്ചറിവ് ഹ്യുഗിക്ക് താമസിയാതെ തന്നെ ഉണ്ടാവുന്നുണ്ട്.

🔸ആക്രമണ സംഭവങ്ങൾ ഇല്ലാതാക്കാനും, ലോകത്ത് ശാന്തിയും സമാധാനവും നിലനിർത്താനും സൂപ്പർഹീറോസ് ശ്രമിക്കുന്നുണ്ട് എങ്കിലും ഇത് കാരണം ഉണ്ടാവുന്ന നഷ്ടങ്ങൾ ഊഹിച്ചതിലും എത്രയോ അധികമാണ്, ഇതും പോരെങ്കിൽ സൂപ്പർഹീറോ ടീമായ സേവനിന് പിറകിലുള്ള കറപ്റ്റഡ് ആയ ഓർഗനൈസേഷൻ കൂടി ചേരുമ്പോൾ ഒരു റെസിസ്റ്റൻസ് വരിക എന്നത് അത്യാവശ്യ കാര്യമായി മാറുന്നു. ഇവിടെ നിന്നുമാണ് ബോയ്സ് ആരംഭിക്കുന്നത്, വളരെ യുണീക് ആയ ഒരു ത്രെഡിന്റെ നല്ല കിടിലൻ അവതരണം, ആകെ മൊത്തം കണ്ടിരിക്കേണ്ട ഒരു സീരീസ് തന്നെ.

Verdict : Very Good

DC Rating : 4.25/5 

912. Hearts of Darkness - A Filmmaker's Apocalypse (1991)

Director : Eleanor Coppola

Genre : Documentary

Rating : 8.1/10

Country : USA

Duration : 96 Minutes

🔸കഴിഞ്ഞ വർഷങ്ങളിൽ എല്ലാം കൂടി, കണ്ട എല്ലാ ഭാഷകളിലെയും ചേർത്ത്, എല്ലാ ജോണറുകളിലെയും നോക്കി ഏറ്റവും ഇഷ്ട്ടപ്പെട്ട സിനിമ ഏത് എന്ന് ആരെങ്കിലും എന്നോട് ചോദിക്കുക ആണെങ്കിൽ ഒരു സംശയവും ഇല്ലാതെ പറയുന്ന മറുപടി, അത് ഫ്രാൻസിസ് ഫോർഡ് കൊപ്പോളയുടെ അപ്പോകാലിപ്സ് നൗ ആണ് എന്നായിരിക്കും. ഇത്രമേൽ എന്നെ അത്ഭുതപ്പെടുത്തിയ ഒരു സിനിമയില്ല, കൈകാര്യം ചെയ്ത വിഷയം കൊണ്ട് ഞെട്ടിച്ച മറ്റൊരു ശ്രമം ഇല്ല, ക്യാപ്റ്റൻ വില്ലാർഡിനെ പാതി ബോധാവസ്ഥയിൽ കണ്ട് മുട്ടുന്നിടത്ത് നിന്നും അയാൾ കംബോഡിയയിൽ നിന്ന് മടങ്ങുന്നത് വരെയുള്ള മൂന്നര മണിക്കൂർ തന്ന പോലെ ഒരു അനുഭവം മറ്റൊരു സിനിമയ്ക്കും നൽകാൻ കഴിഞ്ഞിട്ടില്ല. അപ്പൊ പിന്നെ അതിന്റെ പിന്നാമ്പുറങ്ങളിലേക്ക് വെളിച്ചം വീശുന്ന ഈ ഡോക്യുമെന്ററി കാണാതിരിക്കുന്നത് എങ്ങനെ.

🔸ഫരാൻസിസ് കൈ വെക്കുന്നതിന് മുന്നേ തന്നെ ഹാർട്ട് ഓഫ് ഡാർക്‌നസ് എന്ന നോവൽ സിനിമയാക്കാൻ രണ്ട് ശ്രമങ്ങൾ ഉണ്ടായിട്ടുണ്ട്. ആദ്യത്തേത് സാക്ഷാൽ ഒർസൺ വെൽസ് വക, തന്റെ ആദ്യ ചിത്രത്തിനായി മുപ്പതുകളിൽ ഒർസൺ തിരഞ്ഞെടുത്തത് ഈ കഥ ആയിരുന്നു, എന്നാൽ ആ കാലത്തെ ബഡ്ജറ്റ് പ്രശ്നവും മറ്റുമൊക്കെ കണക്കിൽ എടുത്ത് അദ്ദേഹം ആ ശ്രമം ഉപേക്ഷിക്കുകയും പകരം സിറ്റിസൺ കെയ്ൻ പിറവി എടുക്കുകയും ആയിരുന്നു. രണ്ടാമത്തെ ശ്രമം ജോർജ്ജ് മില്ലർ വക ആയിരുന്നു, അതും ബഡ്ജറ്റ്, പൊളിറ്റിക്കൽ കാരണങ്ങൾ കൊണ്ട് ഗതി പിടിക്കാതെ പോയി, ഏറ്റവും അവസാനമാണ് ഫ്രാൻസിസ് കൈ വെക്കുന്നത്.

🔸അമേരിക്കൻ ട്രൈബൽ പശ്ചാത്തലത്തിൽ കർട്സ് എന്ന പട്ടാളക്കാരനെ കണ്ടെത്താനായി വില്ലാർഡ് അവർക്കിടയിലേക്ക് പോവുന്നതാണ് ഹാർട്ട് ഓഫ് ഡാർക്നെസ്സിന്റെ കഥ. ഇതിന് വിയറ്റ്‌നാം യുദ്ധത്തിൽ ചാലിച്ച് ഒരു മാറ്റി എഴുത്ത് കൊടുത്തത് ഫ്രാൻസിസ് ആയിരുന്നു. കർട്സ് ഒരു മുൻ ആർമി ജനറൽ ആയി, പശ്ചാത്തലം വിയറ്റ്നാം ആയി. പക്ഷെ യുദ്ധ ഭീകരതയും, വിഭ്രാന്തിയും, മനുഷ്യ മനസിനെ പതിയെ കീഴടക്കുന്ന ഇൻസാനിറ്റിയും എല്ലാം അതേ തോതിൽ തന്നെ രണ്ടിടത്തും ഉണ്ടായിരുന്നു. തീമുകൾ എല്ലാം അതേപടി നിലനിർത്തി, പശ്ചാത്തലം മാത്രം മാറ്റി ഫ്രാൻസിസ് അപ്പൊകലിപ്സ് അഴിച്ച് വിടുക ആയിരുന്നു.

🔸ഒരുപാട് പ്രശ്നങ്ങൾ നിറഞ്ഞ ഒന്നായിരുന്നു സിനിമയുടെ ഷൂട്ടിങ് വേള, അഭിനയിച്ചവർ തന്നെ പിൽക്കാലത്ത് നരക തുല്യം എന്ന് വിശേഷിപ്പിച്ച ഒരു പശ്ചാത്തലം, മർലൻ ബ്രാണ്ടോ ഉൾപ്പെടെ ഉള്ള കാസ്റ്റ് കാരണം ഉണ്ടായ പ്രശനം വേറെ, ബഡ്ജറ്റ് ഇഷ്യൂസ് വേറെ. ഈ ഒരു ടൈമിലേക്കാണ് ഈ സംരംഭം ഫോക്കസ് നൽകുന്നത്. പിൽക്കാലത്ത് പല അണിയറ പ്രവർത്തകരുടെയും വാക്കുകളിലൂടെ പരിചിതമായ പല പിന്നണി പ്രശ്നങ്ങളിലേക്കും സിനിമ ഫോക്കസ് ചെയ്യുന്നുണ്ട്, ലളിതമായി പറയുക ആണെങ്കിൽ ഒറിജിനൽ ചിത്രം കണ്ടവരാണ് നിങ്ങൾ എങ്കിൽ തീർച്ചയായും കാണേണ്ട ഒന്നാണ് ഈ ഡോക്യുമെന്ററി, നൂറ് ശതമാനം വർത് ആണ്.

Verdict : Must Watch

DC Rating : 4.75/5 

911. Erased (2017)

Director : Ten Shimoyama

Genre : Mystery

Rating : 7.9/10

Seasons : 01

Episodes : 12

Duration : 25 - 32 Minutes

🔸വെറും പന്ത്രണ്ട് എപ്പിസോഡിൽ ഒറ്റ സ്ട്രെച്ചിൽ ബിൻജ് വാച്ച് ചെയ്യാവുന്ന നല്ല ഒന്നാംക്‌ളാസ്സ് ഒരു മിസ്റ്ററി ത്രില്ലർ സീരീസ് ആണ് നിങ്ങൾ നോക്കുന്നത് എങ്കിൽ ഇറെയ്സ്ഡ് നല്ല ഒരു ഓപ്‌ഷൻ ആണ്. ഒരു മാങ്കാ സീരീസിന്റെ ലൈവ് ആക്ഷൻ ശ്രമം ആണ് ഇത് എങ്കിലും സാധാരണ ഈ ട്രെൻഡിൽ കാണാറുള്ള നിലവാരത്തകർച്ച ഒന്നും ഇല്ല, അത്യാവശ്യം നന്നായിട്ടുണ്ട് നല്ല തോതിൽ താല്പര്യം ഉണർത്തി ത്രിൽ അടിപ്പിച്ച് തന്നെ കഥ മുന്നോട്ട് പോവുന്നുണ്ട്. ഒരു സീരിയൽ മർഡർ മിസ്റ്ററി പ്ലോട്ട് ഒക്കെയാണ് സീരീസിന്റെത് എങ്കിലും ഹു ഡണ്ണിറ്റ് ലെവലിൽ അല്ല കഥയുടെ പോക്ക്, മറ്റ് വേറെ ചില ഘടകങ്ങളിലാണ് കഥയുടെ ഫോക്കസ്.

🔸ഒരു മാങ്കാ എഴുത്തുകാരൻ ആണ് സത്തൊരു, വലിയ നേട്ടം ഒന്നും ഇതുവരെ പുള്ളി നേടിയിട്ടില്ല, മിക്കപ്പോഴും അവഗണിക്കപ്പെടാറാണ് പതിവ്. ഇരുപത്തി എട്ട് വയസ്സ് കഴിഞ്ഞ ടിയാന് അമ്മ അല്ലാതെ അങ്ങനെ അടുപ്പം ഉള്ള ആരും ഒട്ട് ഇല്ലതാനും, ഇപ്പോഴും നഗരത്തിന്റെ ഒരു ഒഴിഞ്ഞ മൂലയിൽ ഒരു ചെറിയ അപ്പാർട്ട്മെന്റിൽ ആണ് താമസം. ഒരു അടഞ്ഞ പുസ്തകമാണ് സത്തൊരു, സോഷ്യലി അത്ര ആക്റ്റീവ് ഒന്നുമല്ല, ഇതിന് ഒരു പ്രധാന കാരണം അവന്റെ ചെറുപ്പ കാലത്ത് ഉൾപ്പെടെ അരങ്ങേറിയ ചില സംഭവങ്ങളാണ്. ഒരു പത്ത് പതിനെട്ട് വർഷങ്ങൾക്ക് മുന്നേ സതോരുവിന് ഒപ്പം പഠിച്ച ചില സഹപാഠികൾ കൊല്ലപ്പെട്ട സംഭവം ഉണ്ടായിട്ടുണ്ട്.

🔸ഇവർക്ക് എന്താണ് സംഭവിച്ചത് എന്നത് സത്യത്തിൽ വ്യക്തമല്ല, ചിലരുടെ ശരീരം പോലും വീണ്ടെടുക്കാൻ കഴിഞ്ഞിട്ടുമില്ല, എന്തിന് അധികം ഇന്നേവരെ പൊലീസിന് കൊലയാളിയുടെ ഒരു തുമ്പ് ഉണ്ടാക്കാൻ പോലും കഴിഞ്ഞിട്ടില്ല. അന്നത്തെ സംഭവങ്ങൾ മറ്റുള്ള കുട്ടികളെ മാനസികമായി ബാധിക്കാതിരിക്കാൻ മാതാപിതാക്കൾ പരമാവധി ശ്രമിച്ചിട്ടുണ്ട് എങ്കിലും കാര്യങ്ങൾ അത്ര എളുപ്പം ആയിരുന്നില്ല. എന്തായാലും ആ കൊലയാളി വർഷങ്ങൾക്ക് ശേഷം ഇന്ന്, സത്തൊരു താമസിക്കുന്ന നഗരത്തിൽ വർഷങ്ങൾക്ക് ശേഷം തന്റെ പ്രസൻസ് അറിയിക്കുന്നിടത്താണ് സീരീസ് ചൂട് പിടിക്കുന്നത്.

🔸ഇത്രയും പറഞ്ഞത് വെറും ട്രൈലർ മാത്രമാണ്, ഇതൊന്നും അല്ലാതെ കഥയിലേക്ക് ടൈം ട്രാവൽ, പാരലൽ ടൈംലൈൻ പോലുള്ള കോമ്പ്ലിക്കേറ്റഡ് ആയ കൺസപ്റ്റുകൾ വരെ കടന്ന് വരുന്നുണ്ട്, ആകെ മൊത്തം ഒരു ക്യാറ്റ് ആൻഡ് മൗസ് ഗെയിം ആയി സ്റ്റോറി മാറുന്നുമുണ്ട്. സീരീസിന്റെ ഏറ്റവും വലിയ അഡ്വാൻറ്റേജ് ആയി പേഴ്സണലി തോന്നിയത് റൺ ടൈം തന്നെയാണ്, ഒട്ടും മുഷിപ്പിക്കാതെ സ്പീഡ് ആയി പോവുന്ന അവതരണം, പിന്നെ ഓവർ കോമ്പ്ലിക്കേറ്റഡ് ആവാതെ പോവുന്ന സ്റ്റോറി. ചുരുക്കി പറഞ്ഞാൽ നല്ലൊരു സീരീസ് ആണ് ഇറെയ്സ്ഡ്, മിസ്റ്ററി സസ്പെൻസ് വിഭാഗ ആരാധകർക്ക് നന്നായി ഇഷ്ടപ്പെട്ടേക്കും.

Verdict : Very Good

DC Rating : 4.25/5 

910. Gone With The Light (2019)

Director : Runnian Dong

Genre : Drama

Rating : 6.4/10

Country : China

Duration : 131 Minutes

🔸നല്ല രസികൻ ഒരു കൺസപ്റ്റ് ആണ് ഗോൺ വിത് ദി ലൈറ്റ് എന്ന ചൈനീസ് ചിത്രത്തിന്റേത്, അത് തന്നെയാണ് സിനിമയുടെ സ്ട്രോങ്ങ് പോയിന്റും. കാരണം, ചിത്രത്തിന്റെ തുടക്കത്തിൽ തന്നെ അരങ്ങേറുന്ന ഈ രസകരമായ സംഭവത്തെ ചുറ്റിപ്പറ്റിയാണ് പിന്നീടങ്ങോട്ട് ഉള്ള കഥ മുഴുവനും, ഒരുപരിധി വരെ അതെ ഗിയറിൽ പോവുന്ന കഥ ആ പ്രെമിസിനെ വേണ്ട വിധം പരിപോഷിച്ചില്ല എന്ന് വരെ തോന്നിയേക്കാം, തെറ്റ് പറയാനാവില്ല. പറഞ്ഞ് വന്നത് എന്താണെന്നാൽ ഈ ഒരു കാരണം കൊണ്ട് ഒരു തവണ കണ്ട് ഒഴിവാക്കാവുന്ന ഒരു ചിത്രം മാത്രമായി മാറുന്നുണ്ട് ഗോൺ വിത് ദി ലൈറ്റ്, അതിനേക്കാൾ പൊട്ടൻഷ്യൽ എന്തായാലും ഉണ്ടായിരുന്നു.

🔸ലവ് എന്നതിന് നിങ്ങൾ കൊടുക്കുന്ന ഡെഫിനിഷൻ എന്ത് എന്ന് ചോദിച്ച് കൊണ്ടാണ് സിനിമ ആരംഭിക്കുന്നത്, നമ്മളോടല്ല മറിച്ച് തിരഞ്ഞെടുക്കപ്പെട്ട ഒരുകൂട്ടം സാധാരണക്കാരായ വ്യക്തികളോട് ഒരു ഡോകിയുമെന്ററി സ്റ്റൈലിൽ. ഇതിന് ലഭിക്കുന്ന ഉത്തരങ്ങൾ എല്ലാം തന്നെ വളരെ വളരെ വ്യത്യസ്തമാണ്, ചിലർക്ക് അത് പരസ്പര വിശ്വാസം ആണെങ്കിൽ മറ്റ് ചിലർക്ക് അത് തങ്ങൾക്ക് വാങ്ങി തരുന്ന സമ്മാനങ്ങൾ വരെയാണ്, മറ്റ് ചിലർക്ക് അത് കയ്യിൽ നിന്ന് പോവുന്ന പൈസ വരെ ആണ്. ഇതിന് സ്വന്തമായി ഒരു ഉത്തരം തരാതെ നറേറ്റർ നമ്മളെ സിനിമയിലേക്ക് ക്ഷണിക്കുകയാണ്, ചൈനയിലെ ഒരു നഗരത്തിലേക്ക്.

🔸എല്ലാ ദിവസവും എന്ന പോലെ വലിയ വ്യത്യാസം ഏതും ഇല്ലാതെ പോയി കൊണ്ടിരുന്ന ഒരു ദിവസമാണ് ഒരു അത്ഭുത പ്രതിഭാസം അരങ്ങേറുന്നത്. നഗരത്തിന്റെ മുകളിൽ ആകാശത്തായി ഒരു വെള്ള വെളിച്ചം പ്രത്യക്ഷപ്പെടുന്നു, സെക്കൻഡുകൾ മാത്രം നീണ്ട് നിന്ന ഈ പ്രതിഭാസത്തിന് ശേഷം മിക്കവരും കാണുന്നത് തങ്ങളുടെ തൊട്ടടുത്ത് നിന്നിരുന്ന പലരും അപ്രത്യക്ഷർ ആയതാണ്. അവർക്ക് എന്ത് സംഭവിച്ചു എന്നോ ഇതിനുള്ള കാരണം എന്തായിരുന്നു എന്നോ വ്യക്തം ആവുന്നില്ല, എന്തായാലും ഈ സംഭവം ലോകത്താകമാനം അരങ്ങേറുന്നുണ്ട്. പിന്നീട് ഇതിന് ശേഷമുള്ള ഒരു അന്വേഷണത്തിലാണ് ഒരു പാറ്റേൺ ചിലരുടെ ശ്രദ്ധയിൽ പെടുന്നത്.

🔸അപ്രത്യക്ഷർ ആയവർ എല്ലാം കപ്പിൾസ് ആണ്, അതായത് ഒന്നുകിൽ കാമുകീ കാമുകന്മാർ അല്ലെങ്കിൽ പരസ്പരം വളരെ സ്നേഹിച്ച് കഴിഞ്ഞിരുന്ന ഭാര്യാ ഭർത്താക്കന്മാർ. എന്നാൽ അപ്പോഴും ഒരു പ്രശനം ബാക്കി നിൽക്കുന്നു അതായത്, എല്ലാ ഭാര്യാ ഭർത്താക്കന്മാരും അപ്രത്യക്ഷർ ആയിട്ടില്ല, അതിനർത്ഥം അവർ പരസ്പരം ഇഷ്ടപ്പെട്ടിരുന്നില്ല എന്നും, എല്ലാം അഭിനയം ആയിരുന്നു എന്നും ആണോ എന്ന ചോദ്യം ചോദിച്ച് തുടങ്ങുന്നിടത്ത് നിന്നും സിനിമ ഇന്റെരെസ്റ്റിംഗ് ആയി മാറുന്നുണ്ട്. മൂന്ന് കഥകളിൽ ഫോക്കസ് ചെയ്ത് കൊണ്ടാണ് സിനിമ മുന്നോട്ട് പോവുന്നത്, ഇവ പലയിടത്ത് വെച്ചും അവർ പോലും അറിയാതെ ഇന്റർസെക്റ്റ് ചെയ്യുന്നുണ്ട്. ആകെ മൊത്തം നല്ലൊരു തീം, ഒരു എബവ്‌ ആവറേജ് അവതരണം, ഇതാണ് ഗോൺ വിത് ദി ലൈറ്റ്.

Verdict : Watchable

DC Rating : 3/5 

909. Butterfly Sleep (2017)

Director : Jeong Jae-Eun

Genre : Drama

Rating : 6.7/10

Country : Japan

Duration : 112 Minutes

🔸അപ്രതീക്ഷിതമായി കിട്ടുന്ന മികച്ച സിനിമാ അനുഭവങ്ങളിലേക്ക് ചേർക്കാൻ ഒരു സിനിമ കൂടി, ജപ്പാനിൽ നിന്നും ബട്ടർഫ്‌ളൈ സ്ലീപ്. അത്യാവശ്യം സ്ലോ ആയി പോവുന്ന ഒരു ഡ്രാമ ചിത്രം, പക്ഷെ കണ്ട് കഴിയുമ്പോൾ ചെറുതായി ഒന്ന് കണ്ണ് നനഞ്ഞിട്ടുണ്ടെങ്കിൽ പോലും തെറ്റ് പറയാനാവില്ല, അത്തരത്തിൽ ഉള്ളൊരു പ്ലോട്ട് ആണ് ചിത്രത്തിന്റേത്. ശെരിയാണ് ചില ഇടത്ത് കഥ ഒരല്പം ക്‌ളീഷ്ഡ് ആവുന്നുണ്ട്, ചില പ്ലോട്ട് പോയിന്റുകൾ ഒക്കെ പിന്നീട് ഒരിടത്തും പരാമർശിക്കുക പോലും ചെയ്യാതെ പോവുന്നുമുണ്ട്, എന്തിന് കഥയുടെ സെല്ലിങ് പോയിന്റ് ആയ റൊമാൻസ് പോലും വൺ ഡയമെൻഷനൽ ആവുന്നുണ്ട്, പക്ഷെ അതൊന്നും ക്ളൈമാക്സ് ആവുമ്പോൾ വിഷയം ആവില്ല എന്നിടത്ത് സിനിമ ആസ്വാദ്യകരം ആവുന്നുമുണ്ട്.

🔸റിയൊക്കൊ എന്ന നമ്മുടെ നായികാ കഥാപാത്രം ഒരു എഴുത്തുകാരി ആണ്, പോരെങ്കിൽ ഒരു കോളേജ് അധ്യാപികയും. പ്രായം മധ്യവയസ്സ് കഴിഞ്ഞ റിയൊക്കൊ ഒറ്റയ്ക്ക് ആണ് താമസം, അവർക്ക് മുൻപ് ഒരു റിലേഷൻ ഉണ്ടായിരുന്നു എങ്കിലും അത് അത്ര നല്ല രീതിയിൽ അല്ല അവസാനിച്ചത്, അതിന് താൻ കൂടി ഉത്തരവാദി ആണ് എന്നവർക്ക് നല്ല ബോധ്യവും ഉണ്ട്. ഇന്ന് അവർ ഏറെക്കുറെ ഒറ്റയ്ക്ക് ആണ്, ടോൻബോ എന്ന നായയെ മാറ്റിയാൽ ഒപ്പം ആരും തന്നെയില്ല. കോളേജിലെ ക്‌ളാസുകളും ഒഴിവ് വേളകളിലെ പുസ്തക വായനയും മാറ്റി നിർത്തിയാൽ ജീവിതം ആകെ ഒരു ഒഴിഞ്ഞ ഫീലാണ്.

🔸ഇതുവരെ പറയാത്ത ഒരു കാര്യം കൂടി ഉണ്ട്, റിയൊക്കൊ അല്ഷിമേഴ്സിന്റെ ആദ്യ സ്റ്റെയ്ജിൽ കൂടി കടന്ന് പോവുന്ന ഒരു രോഗിയാണ്. പാരമ്പര്യമായി അവരുടെ കുടുംബത്തിൽ ഉള്ള ഈ രോഗാവസ്ഥയുടെ മുന്നത്തെ ഇര റിയോക്കോയുടെ അമ്മ തന്നെ ആയിരുന്നു, ആ ഭീകരമായ അവസ്ഥ നേരിൽ കണ്ടത് കൊണ്ട് തന്നെ വരാൻ പോവുന്ന കാലത്തേക്ക് മാനസികമായി തയാർ എടുക്കാൻ ശ്രമിക്കുന്നുണ്ട് റിയൊക്കൊ. ഇപ്പോൾ ചെറിയ ചില മാറ്റങ്ങളെ കണ്ട് തുടങ്ങിയിട്ടുള്ളൂ, തന്റെ പേന മറന്ന് പോവുക, വീട്ടിലേക്കുള്ള വഴി മറക്കുക അങ്ങനെ ഒക്കെ. ഇങ്ങനെ കടന്ന് പോയികൊണ്ടിരിക്കുന്ന റിയോക്കോയുടെ ജീവിതത്തിലേക്ക് ഒരു നാൾ ചാന്റെ എന്ന യുവാവ് കടന്ന് വരികയാണ്.

🔸അന്യ ദേശത്ത് നിന്നും ജോലി ആവശ്യത്തിനായി വന്ന ചാന്റെ റിയോകോയുടെ വിദ്യാർത്ഥി കൂടിയാണ്, ഇരുവരും ഒരുനാൾ കോഫീ ഷോപ്പിൽ വെച്ച് വ്യക്തിപരമായി പരിചയപ്പെടുന്നിടത്ത് വെച്ച് ഒരു ബന്ധം ഉടലെടുക്കുകയാണ്, തുടർന്ന് അത് പ്രണയത്തിലേക്ക് വഴി മാറുന്നു. ഈ ഒരു ബന്ധത്തെ രോഗം എങ്ങിനെ ബാധിക്കും, കഥാപാത്രങ്ങളുടെ ഭാവി എന്താവും എന്നീ ചോദ്യങ്ങൾക്കുള്ള ഉത്തരമാണ് രണ്ട് മണിക്കൂർ ദൈർഘ്യം ഉള്ള ഈ ചിത്രം. കണ്ടില്ലെങ്കിൽ നഷ്ടമാണ് എന്നൊന്നും പറയുന്നില്ല, പല ഇടത്തും കണ്ട കാര്യങ്ങൾ ഒരുപാട് ഇവിടെയും കാണാം, പക്ഷെ ഒരു ഓളത്തിൽ കണ്ട് തീർക്കാം, നഷ്ടം ഇല്ല.

Verdict : Good

DC Rating : 3.25/5 

908. Ashfall (2019)

Director : Lee Hae-Jun

Genre : Action

Rating : 6.2/10

Country : South Korea

Duration : 128 Minutes

🔸ആഷ്‌ഫോൾ എന്ന ചിത്രത്തെ വിലയിരുത്താൻ ഇച്ചിരി ബുദ്ധിമുട്ടാണ്, കാരണം അരങ്ങേറുന്ന പല കാര്യങ്ങളും പ്രത്യേകിച്ച് സയന്സുമായി ബന്ധപ്പെട്ട് നിൽക്കുന്ന പല വസ്തുതകളിലും വ്യക്തത ഇല്ലാത്ത ഒരു ഫീൽ ചിത്രം തരുന്നുണ്ട്, പോരെങ്കിൽ അല്പം ക്ളീഷ്ഡ് ആയ തലത്തിലേക്ക് ചിത്രം ചില ഇടത്തെങ്കിലും മാറുന്നുണ്ട്, എന്നാൽ എന്ജോയബിൾ ആണോ എന്ന് ചോദിച്ചാൽ ആണ് താനും. സ്‌ക്രീനിൽ കഥ അരങ്ങേറുന്ന രണ്ട് മണിക്കൂർ സമയവും ബോർ അടിപ്പിക്കാതെ പോവുന്നുണ്ട് എന്നത് കൊണ്ട് തന്നെ കണ്ട് നോക്കാൻ ഉള്ള വകുപ്പ് എല്ലാമുണ്ട് ചിത്രത്തിൽ, മറ്റുള്ള കാര്യങ്ങളിലേക്ക് പ്രത്യേകിച്ചും ലോജിക് പോലുള്ളവയിലേക്ക് അധികം ശ്രദ്ധ കൊടുക്കാതെ ഇരുന്നാൽ.

🔸മൗണ്ട് ബെക്ദു എന്നൊരു അഗ്നിപർവതം ഉണ്ട് കൊറിയയിൽ, കൃത്യമായി പറയുക ആണെങ്കിൽ ഉത്തര കൊറിയയുടെയും ദക്ഷിണ കൊറിയയുടെയും അതിർത്തിയിൽ ആയിട്ട്. കുറച്ച് നാളുകളായി ആക്റ്റീവ് ആയി നിൽക്കുന്ന ഈ അഗ്നിപർവതം ഒരുനാൾ പൊട്ടിത്തെറിക്കുകയാണ്, അതിനെ തുടർന്ന് അരങ്ങേറുന്നത് ഭീകരമായ പ്രത്യാഘാതങ്ങളാണ്. പൊട്ടിത്തെറിയുടെ ആഘാതം പ്രതലത്തിൽ ഏൽപ്പിച്ച ഇഫക്ട് കാരണം ഭൂമികുലുക്കം തന്നെ ഉണ്ടാവുകയാണ്, അതും റിക്ടർ സ്കെയിലിൽ എട്ടിന് അടുത്ത് രേഖപ്പെടുത്തിയ അതി ശക്തമായ ഭൂചലനം തന്നെ.

🔸ഈ ഭൂമികുലുക്കം കാരണം ഉണ്ടാവുന്ന നാശ നഷ്ടം ഭീകരം തന്നെ ആയിരുന്നു, എന്നാൽ പ്രശസ്ത ജിയോളജിസ്റ്റ് ആയ റോബർട്ട് കാങ്ങിന്റെ വാക്കുകൾ കടം എടുത്താൽ ശെരിയായ പ്രശനം വരാൻ ഇരിക്കുന്നെ ഉണ്ടായിരുന്നുള്ളൂ. അയാളുടെ നിഗമനം പ്രകാരം ഇനി രണ്ട് ഭൂചലനം കൂടി ഉണ്ടാവും, ആദ്യത്തേതിനേക്കാൾ ശക്തമായ രണ്ടാമത്തേതും, നമുക്ക് ഊഹിക്കാൻ പോലും കഴിയാത്ത അത്രയും ഭീകരം ആയേക്കാവുന്ന മൂന്നാമതെത്തും. രാജ്യത്തിൻറെ ഒരു അൻപത് ശതമാനം എങ്കിലും നിഷ്കരുണം നശിപ്പിക്കപ്പെടാൻ മാത്രം ശക്തി ഉള്ളതായിരിക്കും ഇവ രണ്ടും എന്നാണ് അദ്ദേഹത്തിന്റെ തിയറി.

🔸വിജയിക്കാൻ വലിയ സാധ്യത ഒന്നും ഇല്ലെങ്കിലും ഒരു ചെറിയ ആശയം റോബർട്ടിന്റെ പക്കൽ ഉണ്ട്, അതിനായി ഒരുപറ്റം സേന അംഗങ്ങൾ ഇറങ്ങി തിരിക്കുന്നതും, ആ മിഷന്റെ ഭാവിയും എല്ലാമായി നല്ല ഫാസ്റ്റ് ആയി തന്നെ ചിത്രം മുന്നോട്ട് പോവുന്നുണ്ട്. ഒരു എന്റർടൈനർ എന്ന നിലയ്ക്ക് ചുമ്മാ കണ്ട് ഒഴിവാക്കാൻ ഉള്ളതാണ് ആഷ്‌ഫോൾ എന്ന ചിത്രം, ബോർ അടിപ്പിക്കില്ല എന്ന് ഉറപ്പിച്ച് പറയാം. നല്ലൊരു കാസ്റ്റും, മോശം പറയാനില്ലാത്ത സ്പെഷ്യൽ ഇഫക്ട്സും എല്ലാം ചിത്രത്തിന്റെ സവിശേഷതകളാണ്, കൊറിയയിൽ അടുത്തിടെ ഏറ്റവും വലിയ സാമ്പത്തിക വിജയം കരസ്ഥമാക്കിയ ചിത്രം കൂടിയാണ് അഷ്ഫാൾ, കാണാവുന്നതാണ്.

Verdict : Watchable

DC Rating : 2.75/5 

907. A Place In The Sun (1951)

Director : George Stevens

Genre : Drama

Rating : 7.8/10

Country : USA

Duration : 122 Minutes

🔸അമേരിക്കയിൽ കുപ്രസിദ്ധി ആർജിച്ച ഒരു പഴയ കൊലപാതക കേസിന്റെ ചുവട് പിടിച്ചാണ് എ പ്ലെയ്സ് ഇൻ ദി സൺ എന്ന ചിത്രം പുരോഗമിക്കുന്നത്, ഇതിൽ നിന്നും പ്രസ്തുത ചിത്രം ഒരു മിസ്റ്ററി സസ്പെൻസ് ത്രില്ലർ ആണ് എന്ന ധാരണ ഒന്നും വേണ്ട മറിച്ച് നോയർ സ്വഭാവമുള്ള ഒരു റൊമാന്റിക് ഡ്രാമ ചിത്രം മാത്രമാണ്, ബാക്കി എല്ലാം ഒരു ഭാഗത്ത് കൂടി പോവുന്നുണ്ട് എന്നെ ഉള്ളൂ. പ്രസ്തുത കൊലപാതക സംഭവം ആധാരമാക്കി ആൻ അമേരിക്കൻ ട്രാജഡി എന്നൊരു ചിത്രം ഇതിനും വർഷങ്ങൾക്ക് മുന്നേ പുറത്തിറങ്ങിയിട്ടുണ്ട് എങ്കിലും ഏറ്റവും ശ്രദ്ധ നേടിയത് ഈ ചിത്രം ആണ്, നിലവാരവും ഇതിന് തന്നെ.

🔸ജോർജ്ജ് ഈസ്റ്റ്മാൻ എന്ന കഥാപാത്രമാണ് നമ്മുടെ നായകൻ, സാമ്പത്തിക മാന്ദ്യത്തിന് ഒക്കെ ശേഷം വീണ്ടും ശക്തി ആർജിച്ച് ഇക്കോണമി മടങ്ങി വരുന്ന കാലമാണ് ചിത്രത്തിന്റെ പശ്ചാത്തലം. ജോർജ്ജ് ഒരു സാധാരണക്കാരനാണ്, സർവോപരി ദരിദ്രനും. പണി എടുക്കാനുള്ള ഒരു മനസ് ഉണ്ട് എന്നല്ലാതെ ജോലിയോ കാര്യമായ സമ്പാദ്യമോ ഒന്നും തന്നെ ടിയാനില്ല, പിന്നെ ആകെ കയ്യിൽ ഉള്ളത് ഒരു കുറിപ്പടി ആണ്, മറ്റൊരു നഗരത്തിൽ താമസക്കാരനായ അമ്മാവൻ സ്വന്തം കൈപ്പടയിൽ എഴുതി ഏൽപ്പിച്ച ഒരു കുറിപ്പ്. ഇതുമായി സ്വന്തം നാട്ടിൽ നിന്നും വണ്ടി കേറുന്ന ജോർജ്ജിനെ കാണിച്ച് കൊണ്ടാണ് സിനിമ ആരംഭിക്കുന്നത്.

🔸ജോർജ്ജിന്റെ അമ്മാവൻ ചാൾസ് ആൾ ഒരു ചില്ലറക്കാരനല്ല, ഈസ്റ്റ്മാൻ ഇൻഡസ്ട്രീസ് എന്ന വ്യാവസായിക സംരംഭത്തിന്റെ ഉടമസ്ഥൻ ആണ്, സ്വാഭാവികമായും ധനികനായ ചാൾസ് നാലാൾ അറിയുന്ന ബഹുമാനിക്കുന്ന ഒരു വ്യക്തിത്വം കൂടിയാണ്. ജോർജ്ജിന്റെ അവസ്ഥ മനസിലായത് കൊണ്ടാവണം അവന് ഒരു ജോലി ശെരിയാക്കി വെച്ചിട്ടുണ്ട് ചാൾസ്, സ്വന്തം ഫാക്ടറിയിൽ തന്നെ. തന്നെ കാണാൻ വരുമ്പോൾ ഈ കുറിപ്പ് ഗെയ്റ്റിൽ കാണിച്ചാൽ മതി എന്നാണ് നിർദ്ദേശം, അയാളോടുള്ള ആളുകളുടെ പെരുമാറ്റത്തിൽ നിന്ന് തന്നെ ചാൾസ് ആള് ചില്ലറക്കാരൻ അല്ല എന്ന് ജോർജ്ജിന് വ്യക്തം ആവുന്നുണ്ട്.

🔸ഇങ്ങനെ ഒക്കെ ആണെങ്കിലും വളരെ സാധാരണമായ ഒരു ജോലിയാണ് ജോർജ്ജിനായി ചാൾസ് കണ്ടെത്തിയിരിക്കുന്നത്, പോരാത്തതിന് അമ്മാവൻ ആണ് കമ്പനി മുതലാളി എന്ന ഒരു പരിഗണനയും അവന് ലഭിക്കുന്നുമില്ല, ഇത് ജോർജ്ജ് അത്ര കാര്യം ആക്കുന്നുമില്ല, ഒരു സാധാരണ ജോലിക്കാരൻ എന്ന നിലയ്ക്ക് തന്റെ കഴിവ് തെളിയിച്ച് പടികൾ ചവിട്ടി കയറാൻ അവൻ തയ്യാറാവുകയാണ്. ഇവിടെ നിന്നും ആരംഭിക്കുന്ന ചിത്രം പിന്നീട് ഒരു ട്രയാങ്കിൾ ലവ് സ്റ്റോറി, ലേശം ത്രില്ലർ, ഡ്രാമ എന്നിങ്ങനെയുള്ള ജോണറുകളിലേക്കും കടന്ന് ചെല്ലുന്നുണ്ട്. നല്ലൊരു സിനിമയാണ് എ പ്ലെയ്സ് ഇൻ ദി സൺ, കാണാൻ ശ്രമിക്കുക.

Verdict : Very Good

DC Rating : 4.25/5