972. Tenet (2020)

Director : Christopher Nolan

Genre : Sci Fi

Rating : 7.8/10

Country : USA

Duration : 149 Minutes

🔸ഈ വർഷം നിങ്ങൾ ഏറ്റവും കാത്തിരിക്കുന്ന സിനിമകൾ ഏതൊക്കെ എന്ന് ചോദിച്ചാൽ ഒരു എഴുപത് ശതമാനം ആളുകളും ലിസ്റ്റിൽ ഉൾപ്പെടുത്താൻ സാധ്യത ഉള്ള ഒന്നാണ് ടെനട് എന്ന നോളൻ ചിത്രം. ക്രിസ്റ്റഫർ നോളൻ എന്ന സംവിധായകൻ സത്യത്തിൽ ഒരു ബ്രാൻഡ് ആയി മാറി കഴിഞ്ഞു എന്ന് പറഞ്ഞാൽ പോലും തെറ്റില്ല, വലിയൊരു ശതമാനം സിനിഫൈലുകൾ ആ പേരിന് കൊടുക്കുന്ന പ്രാധാന്യം അത്രയും വലുതാണ്. അദ്ദേഹത്തിന്റെ ഏറ്റവും പുതിയ ചിത്രമായ ടെനട് പാണ്ഡെമിക് കാരണം തിയേറ്റർ റിലീസ് മാറ്റിവെച്ചതും, പിന്നെ ആളും ആരവവും ഇല്ലാതെ റിലീസ് ചെയ്തതും എല്ലാം നമ്മൾ കണ്ടതാണ്, ഇന്നിപ്പോൾ സിനിമയുടെ എച്ഡി പ്രിന്റ് പുറത്തിറങ്ങിയിരിക്കുകയാണ്, ആ മില്യൺ ഡോളർ ചോദ്യത്തിന്റെ ഉത്തരം ലഭിക്കാൻ പോവുകയാണ്, ഈ ചിത്രം അതിനും മാത്രമൊക്കെ വേർതി ആണോ എന്ന ചോദ്യത്തിന്.

🔸ഈ ചോദ്യത്തിന്റെ ഉത്തരം എന്നവണ്ണം കൗതുകകരമായി തോന്നിയ ഒരു കാര്യം പറയാം, നോളന്റെ ഇന്റെർസ്റ്റെല്ലർ തൊട്ടുള്ള സിനിമകൾ കണ്ടപ്പോൾ തോന്നിയതാണ്, ഒരു മികച്ച കൺസപ്റ്റ് കണ്ടെത്തുന്നതിലും അത് സിനിമയിലേക്ക് ഇന്റഗ്രെയ്റ്റ് ചെയ്യുന്നതിലും കഴിവുള്ള ആളാണ് നോളൻ, എന്നാൽ അതിന് പുറത്തേക്ക് വരാൻ അദ്ദേഹം തന്നെ മടിക്കുന്നതായി പലപ്പോഴും തോന്നിയിട്ടുണ്ട്. ആ ഒരു വീക്നെസ്സിന്റെ ഏറ്റവും നല്ല ഉദാഹരണമാണ് ടെനട് എന്ന് പറയാം. വൗ എന്ന് പറയിപ്പിക്കുന്ന ഒരു കൺസപ്റ്റിന്റെ ഏറെക്കുറെ വൺ ഡയമെൻഷനൽ ആയ അവതരണം നെഗറ്റിവ് തന്നെയായി അനുഭവപ്പെട്ടു.

🔸ആദ്യമേ തന്നെ, ഒരു ടൈം ട്രാവൽ മൂവി അല്ല ടെനട്, ടൈം റിവേഴ്സൽ അല്ലെങ്കിൽ ഇൻവെർഷൻ ആണ് കൺസപ്റ്റ്. അതായത് സാധാരണ ടൈം ഫ്ലോ എന്നത് പാസ്റ്റിൽ നിന്ന് തുടങ്ങി ഫ്യുച്ചറിലേക്ക് ആണെങ്കിൽ ഇവിടെ നേരെ തിരിച്ച് ഫ്യുച്ചറിൽ നിന്ന് പാസ്റ്റിലേക്ക് വരുന്നു എന്ന വ്യത്യാസം. ഈ ഒരു കൺസപ്റ്റിനെ എക്‌സ്‌പ്ലോയിറ്റ് ചെയ്തുള്ള രംഗങ്ങൾ ഒരുപാടുണ്ട് ചിത്രത്തിൽ, അവ തന്നെയാണ് ഹൈലൈറ്റും. ഒരു മാക്ഗഫിൻ പോലുള്ള ഡിവൈസ് (ടൈം ഇൻവെർഷണിന് സഹായകം ആവുന്നത്) കണ്ടെത്താനുള്ള ശ്രമങ്ങളും മറ്റുമൊക്കെയാണ് കഥയെ മുന്നോട്ട് കൊണ്ടുപോവുന്നത്, സ്പോയ്ലർ ആവും എന്നതിനാൽ കൂടുതൽ വിശദീകരണങ്ങൾക്ക് മുതിരുന്നില്ല തല്ക്കാലം.

🔸റഷ്യൻ അക്സന്റുള്ള വില്ലൻ, മൂന്നാം ലോകമഹായുദ്ധം ഒഴിവാക്കാനുള്ള നായകന്മാരുടെ ശ്രമങ്ങൾ എന്നിവ ഒരല്പം ക്ളീച്ഡ് ആയി തോന്നി എങ്കിലും കൺസപ്റ്റ് ഫ്രഷ് തന്നെയാണ്, ഈ കൺസപ്റ്റിന്റെ ബലത്തിൽ ഉള്ള വൗ ഫാക്റ്റർ തരുന്ന സീനുകളും അത്യാവശ്യം ഉണ്ട്, മടുപ്പിക്കില്ല എന്ന് മാത്രമല്ല അത്യാവശ്യം പിടിച്ചിരുത്തുകയും ചെയ്യും. ഇൻസെപ്ഷ്യന്റെ ആന്റിഡോട്ട് ആയി കാണാവുന്ന ചിത്രം ആണെങ്കിലും അതിലെ കഥാപാത്രങ്ങളുടെ ഒരു പത്തിലൊന്ന് പോലും താല്പര്യം ഈ ചിത്രത്തിലെ കഥാപാത്രങ്ങൾ ജനിപ്പിക്കുന്നില്ല എന്നതും പോരായ്മയായി തോന്നി. മൾട്ടിപ്പിൾ വ്യൂവിങ് ആവശ്യമുള്ള ചിത്രമാണ് ടെനട്, കണ്ട് നോക്കുക.

Verdict : Watchable

DC Rating : 3/5 

971. Assault On Precinct 13 (1976)

Director : John Carpenter

Genre : Thriller

Rating : 7.4/10

Country : USA

Duration : 91 Minutes

🔸ജോൺ കാർപ്പെന്ററുടെ അസോൾട്ട് ഓൺ പ്രെസിന്റ് 13 എന്ന ഇൻവേഷൻ ടൈപ്പ് ആക്ഷൻ ചിത്രം റിലീസായ സമയത്ത് പൊതുവെ നെഗറ്റിവ് അഭിപ്രായങ്ങൾ നേടിയതും തിയേറ്ററിൽ തകർന്നടിയുകയും ചെയ്ത ഒരു ചിത്രമായിരുന്നു. എന്നാൽ പിന്നീട് ഓവർസീസ് റിലീസായ ചിത്രം മികച്ച അഭിപ്രായം നേടുകയും ഒരു കൾട്ട് സ്റ്റാറ്റസ് സ്വന്തമാക്കുകയും ചെയ്തു, വർഷങ്ങൾക്കിപ്പുറം ഒരു റീമേക്ക് ആയി വരെ പരിണമിച്ചു. ഇന്ന് ഇത്രയും വർഷങ്ങൾക്ക് ശേഷം തിരിഞ്ഞ് നോക്കുമ്പോൾ അങ്ങേയറ്റം എന്കെയ്ജിങ് ആയ ഒരു ത്രില്ലർ ചിത്രമായി നിൽക്കുന്നുണ്ട് അസോൾട്ട്.

🔸ഒരു നഗരത്തിലെ പോലീസും അതെ നഗരത്തിലെ ലോക്കൽ ഗ്യാങ്ങും തമ്മിലുള്ള മത്സരം അല്ലെങ്കിൽ സ്ട്രീറ്റ് വാർ ആണ് കഥയുടെ ഒരു തീം. ഈ ഒരു അടിക്ക് ഉള്ള കാരണമെന്താണെന്ന് വ്യക്തമായി പറയുന്നില്ലെങ്കിലും ചില ഹിന്റുകൾ തരുന്നുണ്ട്, അതായത് ഗ്യാങിലെ ചിലരെ പോലീസ് വേട്ടയാടിയിരുന്നതായും അവരുടെ ഒരു ആയുധ ശേഖരണ സ്ഥലം പോലീസ് ഒഴിപ്പിച്ചതായും എല്ലാം പറയപ്പെടുന്നുണ്ട്, ഇതിനിടെ ഗ്യാങിലെ ചിലർക്ക് ജീവൻ നഷ്ടപ്പെട്ടതായും പറയപ്പെടുന്നുണ്ട്. ഈ ഒരു ബാക്ക്ഗ്രൗണ്ടിലാണ് ചിത്രം കഥ പറഞ്ഞ് തുടങ്ങുന്നത്.

🔸വളരെ ഇന്റൻസ് ആയ ഒരു മീറ്റിങ് സീൻ ചിത്രത്തിന്റെ ആരംഭത്തിൽ കാണിക്കുന്നുണ്ട്, അതായത് തങ്ങൾക്ക് നേരിടേണ്ടി വന്ന നഷ്ട്ടങ്ങൾക്ക് പകരം ചോദിക്കും എന്ന് രക്തം കൊണ്ട് വാക്ക് കൊടുക്കുന്ന ഗ്യാങ് മെമ്പർമാർ ഉൾപ്പെട്ട സീൻ. സിനിമയുടെ തുടർന്നങ്ങോട്ടുള്ള പ്ലോട്ടിന്റെ ടോൺ ഏറെക്കുറെ ഈ സീൻ സെറ്റ് ചെയ്യുന്നുണ്ട്. തുടർന്ന് ഈ കഥാപാത്രങ്ങൾ ഒരു ആക്രമണ പരമ്പര തന്നെ നഗരത്തിൽ അഴിച്ച് വിടുകയാണ്, റാൻഡം ആയ തോതിൽ വഴിവക്കിൽ ഉള്ളവർക്ക് നേരെയൊക്കെ വെടി ഉതിർക്കുകയും കൊല്ലുകയും ഒക്കെ ചെയ്ത് ആകെ ബഹളമയം.

🔸ഈ ഒരു അഴിഞ്ഞാട്ടത്തിന്റെ പരിണിത ഫലം എന്നവണ്ണം ഇവർ ഒരു ആളൊഴിഞ്ഞ പോലീസ് സ്റ്റേഷൻ ആക്രമിക്കാൻ തയാറാവുന്നിടത്ത് നിന്നുമാണ് സിനിമ ട്രാക്ക് മാറ്റുന്നത്, ആവശ്യത്തിന് പോലും സേനയോ സന്നാഹങ്ങളോ ഇല്ലാത്ത ആ സ്റ്റേഷനിലെ അധികൃതർ ഒരു ചെറുത്ത് നിൽപ് കൂടി നടത്തുമ്പോൾ സിനിമ ആവേശഭരിതമാവുന്നു. ഒരു മികച്ച ത്രില്ലർ ചിത്രത്തിനുള്ള എല്ലാ ഗുണഗണങ്ങളും ഈ ചിത്രത്തിനുണ്ട്, ആദ്യാവസാനം നമ്മളെ ത്രിൽ അടിപ്പിക്കുന്നുമുണ്ട്. വീക്കെൻഡിൽ ഒരു ത്രില്ലർ ജോണറിൽ പെട്ട സിനിമയാണ് നിങ്ങൾക്ക് താല്പര്യം എങ്കിൽ തീർച്ചയായും പരീക്ഷിക്കാവുന്നതാണ്.

Verdict : Very Good

DC Rating : 4/5 

970. Oru Deshathinte Katha (1971)

Author : S. K. Pottekkatt

Pages : 566

Language : Malayalam

Price : 450

Publisher : D.C Books

🔸ഇത്രയും കാലത്തെ ജീവിതത്തിൽ നല്ലൊരു ഭാഗം സ്വന്തം നാടിന്റെ പുറത്ത് ജീവിച്ച ഒരാളാണ് ഞാൻ, പണ്ടൊരു മഴക്കാലത്ത് തറവാട് മുറ്റത്ത് കളിച്ച് കൊണ്ടിരിക്കെ അപ്രതീക്ഷിതമായി വന്നൊരു വാർത്ത കാരണം നാട്ടിൽ നിന്നും പോവേണ്ടി വന്നതുമാണ്. പിന്നീട് ഒരു പതിറ്റാണ്ടിൽ അധികം കാലത്തിന് ശേഷമാണ് ആ തറവാട്ടിലേക്ക് മടങ്ങി ചെന്നത്, അപ്പോഴേക്ക് അവിടെയും പരിസര പ്രദേശത്തും ഉണ്ടായിരുന്ന പല പരിചിത മുഖങ്ങളും കാലയവനികയ്ക്ക് ഉള്ളിലേക്ക് മറഞ്ഞ് കഴിഞ്ഞിരുന്നു, സമപ്രായക്കാർ ആയിരുന്നവരൊക്കെ മറ്റേതൊക്കെയോ വഴികളിലേക്കും പോയി കഴിഞ്ഞിരുന്നു. ഈ ഒരു കാരണം കൊണ്ട് തന്നെ "ഒരു ദേശത്തിന്റെ കഥ" പകർന്ന് തന്ന അനുഭവം വാക്കുകളാൽ പറഞ്ഞ് അറിയിക്കാൻ കഴിയുന്ന ഒന്നല്ല.

🔸ശ്രീധരൻ എന്ന കഥാപാത്രം നോവലിന്റെ തുടക്കത്തിൽ തന്നെ പറയുന്നുണ്ട്, ഈ കഥ എന്റേത് മാത്രമല്ല മറിച്ച് ഒരു പ്രദേശത്തിന്റേത് തന്നെയാണെന്ന്, അതിരാണിപ്പാടം എന്ന ഗ്രാമത്തിന്റെ ചൂടും ചൂരും അറിഞ്ഞ്, ജനിച്ച് വളർന്ന് കാലത്തിന്റെ കുത്തൊഴുക്കിൽ അവിടെ തന്നെ അവസാനിച്ച ഒട്ടനേകം ജന്മങ്ങളുടെ കഥ. നൂറിലധികം കഥാപാത്രങ്ങൾ കടന്ന് വരുന്ന, കേരളത്തിന്റെ ഒരറ്റത്ത് കിടക്കുന്ന കുഗ്രാമമായ അതിരാണിപ്പാടത്ത് തുടങ്ങി നൈൽ നദിക്കരയിലേക്ക് വരെ കടന്ന് ചെല്ലുന്ന, പതിറ്റാണ്ടുകളോളം നീണ്ട് നിൽക്കുന്ന കഥയ്ക്ക് എപിക് എന്നതിൽ കവിഞ്ഞൊരു വിശേഷണം നല്കാനില്ല.

🔸സത്യസന്ധനും നീതിമാനുമായ കൃഷ്ണൻ മാസ്റ്റർ കന്നിപ്പറമ്പിൽ എത്തുന്നിടത്ത്നി ന്നും അദ്ദേഹത്തിന്റെ മകനും നറേറ്ററുമായ ശ്രീധരൻ വായനക്കാരോട് വിട പറയുന്നത് വരെയുള്ള കഥ വികാരങ്ങളുടെ ഒരു തള്ളിക്കയറ്റം തന്നെയാണ്. തന്റെ ബാല്യ യൗവന കാലം അതിരാണിപ്പാടത്ത് ചിലവിട്ട ശ്രീധരന് പിന്നീട് ചില കാരണങ്ങളാൽ നാട് വിട്ട് പോവേണ്ടി വരുന്നതും, നീണ്ട മുപ്പത്തി നാല് വർഷങ്ങൾക്ക് ശേഷമുള്ള അയാളുടെ മടങ്ങി വരവും എല്ലാമാണ് നോവലിന്റെ കഥ. ഈ കാലയളവിനിടെ അതിരാണിപ്പാടത്ത് വന്ന മാറ്റങ്ങളും തനിക്ക് പരിചിതമായ കഥാപാത്രങ്ങൾക്ക് സംഭവിച്ച കാര്യങ്ങളും എല്ലാം അയാൾ അറിയുന്നത്, അനുഭവിക്കുന്നത് വിശേഷണങ്ങൾക്ക് അതീതമായ മനോഹരമായ നിമിഷങ്ങളാണ്.

🔸അതിരാണിപ്പാടത്തിന്റെ കഥ പറയുമ്പോൾ ചില കഥാപാത്രങ്ങളെ പ്രത്യേകം പറയാതെ വിടുന്നത് എങ്ങനെ? ശ്രീധരന്റെ അച്ഛനായ കൃഷ്ണൻ മാസ്റ്റർ, ജ്യേഷ്ട്ടന്മാരായ ഗോപാലൻ, ഫിറ്റർ കുഞ്ഞാപ്പു, അമ്മാളുവമ്മ, കുടക്കാൽ ബാലൻ, ഞണ്ട് ഗോവിന്ദൻ, ആധാരം ആണ്ടി, ശങ്കുണ്ണി കമ്പോണ്ടർ, കുളൂസ് പറങ്ങോടൻ, കിട്ടൻ റൈറ്റർ, വേലുമൂപ്പർ തുടങ്ങി കടല് പോലെ ഉണ്ടായിരുന്ന കേളഞ്ചേരി തറവാട് കുടിച്ച് വറ്റിച്ച് സ്വയം നശിച്ച കുഞ്ഞിക്കേളു മേലാൻ വരെ ജീവിതമായ കഥയിലേക്ക് കടന്ന് വന്ന് തങ്ങളുടെ വേഷം അവതരിപ്പിച്ച് മണ്മറഞ്ഞ് പോയ ഒട്ടനവധി കഥാപാത്രങ്ങൾ. ഇവിടെ ചെയ്യുന്ന കർമത്തിന്റെ ഫലം ഇവിടെ തന്നെ അനുഭവിക്കേണ്ടി വരുമെന്ന് ആരോ എവിടെയോ പറഞ്ഞത് ഓർത്ത് പോവുന്നു, അപ്പോഴും ബാക്കി ഉള്ളത് നാരായണിയാണ്, അത് ഒരു വേദനയായി അവിടെ കിടക്കും, ചിലത് അങ്ങനെയൊക്കെയാണ്...

"പഴയ കൗതുക വസ്തുക്കൾ തേടി വന്ന ഒരു പരദേശിയുടെ കഥ, അയാളുടെ ദേശത്തിന്റെയും...❤️❤️" 

969. Apur Panchali (2013)

Director : Kaushik Ganguly

Genre : Drama

Rating : 8.2/10

Country : India

Duration : 96 Minutes

🔸അപുർ പാഞ്ചലി എന്ന സിനിമാ ടൈറ്റിൽ കേൾക്കുമ്പോൾ സ്വാഭാവികമായും ചിലരെങ്കിലും കരുതിയേക്കും, അപുവിന്റെ കഥ കഴിഞ്ഞതല്ലേ, അതിൽ ഇനി എന്താണ് പറയാൻ ബാക്കിയുള്ളത് എന്നൊക്കെ, അതും സത്യജിത് റേയുടെ സീരീസ് പുറത്തിറങ്ങി കഴിഞ്ഞ് അഞ്ച് പതിറ്റാണ്ടോളം കഴിഞ്ഞ് ഇങ്ങനെ ഒരു ചിത്രം എന്തിന് എന്നൊക്കെയുള്ള സംശയങ്ങൾ ഉയരാം, തെറ്റ് പറയാൻ പറ്റില്ല. എന്നാൽ ഈ ചിത്രം കൂടി ചേർത്ത് വായിച്ചാലേ ആ ഒരു അനുഭവം പൂർണമാവുകയുള്ളൂ, കഥ എന്ന് ഇവിടെ സൂചിപ്പിച്ചിട്ടില്ല, അനുഭവം എന്ന വാക്ക് ശ്രദ്ധിക്കുക.

🔸അപുർ പാഞ്ചലി ഒരു തരത്തിൽ പറഞ്ഞാൽ ഹോമേജ് ആണ്, പഥേർ പാഞ്ചലി എന്ന ചിത്രത്തിനും അതിന്റെ പിന്നിലും മുന്നിലും ഒക്കെയായി പ്രവർത്തിച്ചവർക്കും. ഒരു സിനിമയ്ക്ക് ട്രിബ്യുട് പോലെ വേറൊരു സിനിമ എന്നത് വളരെ അപൂർവമായ ഒരു കാര്യമാണ്, പഥേർ പാഞ്ചലി എന്ന ചിത്രത്തിന്റെ നിലവാരത്തിനും ഖ്യാതിക്കും മറ്റും ഒക്കെ ഇത് മാറ്റ് കൂട്ടുന്നെ ഉള്ളൂ. ഇവിടെ ഫോക്കസ് എന്നത് റേയുടെ ചിത്രത്തിൽ അപു ആയി എത്തിയ അന്നത്തെ ചൈൽഡ് ആർട്ടിസ്റ്റായ സുബിർ ബാനർജിയിലാണ്, അദ്ദേഹത്തിന്റെ ജീവിതമാണ്.

🔸പഥേർ പാഞ്ചലിയുമായി കൂട്ടി വായിക്കാവുന്ന അനവധി പാരലൽസ് സുബിറിന്റെ ജീവിതത്തിൽ നമുക്ക് കാണാനാവും, ആർകൈവ് ഫൂട്ടേജുകളുടെയും മറ്റും രൂപത്തിൽ പഥേർ പാഞ്ചലിയും അന്നത്തെ നടീനടന്മാരും ചിത്രത്തിൽ തങ്ങളുടെ സാന്നിധ്യം അറിയിക്കുന്നുണ്ട്. വൺ ടൈം വണ്ടർ എന്നൊക്കെ വിശേഷിപ്പിക്കാവുന്ന രീതിയിലായിരുന്നു സുബിറിന്റെ കരിയർ, പഥേർ പാഞ്ചലി അദ്ദേഹത്തെ അത്ര മാത്രം ഓവർഷാഡോ ചെയ്തിട്ടുണ്ടായിരുന്നു. അത്തരം അനുഭവങ്ങളിലേക്കും മറ്റുമൊക്കെ ചിത്രം കടന്ന് ചെല്ലുന്നുണ്ട്, ഈ സിനിമയിൽ കൂടി.

🔸സബിർ വർഷങ്ങൾക്ക് ശേഷം കഥ പറയുന്നത് പോലെയാണ് ഈ ചിത്രത്തിന്റെ ഫോർമാറ്റ്, ഒരു സ്റ്റാറിൽ നിന്നും കോമൺ മാനിലേക്ക് ഉള്ള യാത്ര എന്നൊക്കെ വിശേഷിപ്പിക്കാം ഈ ചിത്രത്തെ, അത്യാവശ്യം നല്ലൊരു ഇമോഷണൽ റൈഡ് തന്നെയാണ് അപുർ പാഞ്ചലി. നിലവാരം നോക്കുക ആണെങ്കിൽ ഒറിജിനലുമായി തട്ടിക്കാൻ ഒന്നും പറ്റില്ല, അതിന് ശ്രമിച്ചാൽ അത് ശുദ്ധ അസംബന്ധം ആവുകയും ചെയ്യും. ഈ സിനിമ ആവശ്യപ്പെടുന്ന, എടുക്കുന്ന ഒരു സ്‌പെയ്‌സ് ഉണ്ട്, അവിടെ മികച്ചതാവുന്നുമുണ്ട്, കാണാൻ ശ്രമിക്കുക.

Verdict : Very Good

DC Rating : 4/5 

968. Apur Sansar (1959)

Director : Satyajit Ray

Genre : Drama

Rating : 8.6/10

Country : India

Duration : 117 Minutes

🔸അപ്പുവിന്റെ കഥയുടെ അവസാന ഭാഗം, ഒരുപക്ഷെ ഈ സിനിമ കണ്ട് കഴിയുമ്പോൾ ലഭിക്കുക റിലീഫ് ആയിരിക്കും, അത് ഒരിക്കലും കഴിഞ്ഞു എന്ന അർത്ഥത്തിൽ ഉള്ളതാവില്ല മറിച്ച് സ്ക്രീനിലെ കഥാപാത്രങ്ങളുടെ സഫറിങ്സ് തീരുകയാണല്ലോ എന്ന രീതിയിലുള്ള ആശ്വാസം ആയിരിക്കും. ഈ ഒരു കാരണം കൊണ്ടാവാം അപു സ്‌ക്രീനിൽ നിന്ന് നടന്ന് അകലുന്ന ഫൈനൽ ഫ്രെയിം വളരെ ഐക്കോണിക്ക് ആയി അനുഭവപ്പെട്ടത്. ഇന്ന് സൗമിത്ര ചാറ്റർജി ലോകത്തോട് വിട പറഞ്ഞ അവസരം കൂടി കണക്കിൽ എടുക്കുമ്പോൾ ഈ സീനിന് വേറെ തന്നെ ഒരു മാനം നൽകേണ്ടി വരും.

🔸അപരാജിതോ എന്ന ചിത്രത്തെ കുറിച്ച് എഴുതുമ്പോൾ പരാമർശിച്ച വാണിങ് എല്ലാം ഇവിടെയും ബാധകമാണ്, രണ്ടാമത്തെയും ആദ്യത്തെയും സിനിമകൾ കണ്ടിട്ടില്ലാത്തവർ, പ്ലോട്ടിനെ പറ്റി യാതൊരു അറിവും ഇല്ലാത്തവർ ഒക്കെ ഈ ഒരു പോയിന്റിൽ മടങ്ങി പോവേണ്ടതാണ്. പ്രതീക്ഷയ്ക്ക് വിരുദ്ധമായി ഒന്നും തന്നെയില്ല, ഒരു പെർഫെക്റ്റ് കാപ്പിങ് ഓഫ് തന്നെയാണ് ചിത്രം, മുൻപത്തെ രണ്ടിനോട് നിലവാരത്തിൽ കിട പിടിക്കുന്നുണ്ട്, ആ ഒരു നഷ്ടങ്ങളുടെ ബാക്കിപത്രം അതിനോളമോ അതിനേക്കാൾ അധികമോ വേദനാജനകമാണ്, കാണാൻ ശ്രമിക്കുക.

🔸ആദ്യ ഭാഗത്തേതിന് സമാനമായി തനിക്ക് വേണ്ടപ്പെട്ട, അടുപ്പമുള്ള രണ്ട് പേരെ രണ്ടാം ഭാഗത്തും അപുവിന് നഷ്ട്ടപ്പെടുന്നുണ്ട്, ഈ ഒരു നഷ്ടങ്ങളുടെ വേദന അയാളുടെ കാരക്റ്ററിൽ കൊണ്ടുവരുന്ന മാറ്റങ്ങൾ വളരെ വലുതാണ്. ഇന്ന് അയാൾ ഉദ്യോഗമില്ലാത്ത ഒരു ബിരുദധാരിയാണ്, കഷ്ടിച്ചാണ് ജീവിക്കുന്നത്, വാടക കൊടുക്കാനുള്ള വകയോ വരുമാനമോ അയാൾക്കില്ല. രാജ്യത്താകമാനം ഉള്ള ജോലിയില്ലാത്ത ഗ്രാഡുവേറ്റ്‌സിന്റെ പ്രതിനിധിയായി അയാൾ അങ്ങനെ നിലകൊള്ളുകയാണ്, തുടർന്ന് ഉള്ള പഠനത്തെ പറ്റി ആലോചിക്കാൻ പോലും പറ്റില്ല എന്നതാണ് അവസ്ഥ.

🔸ഈ ഒരു കാലയളവിലാണ് അപർണ അപുവിന്റെ ജീവിതത്തിലേക്ക് വരുന്നത്, തീർത്തും അപ്രതീക്ഷിതമായ ഒരു കല്യാണം എന്ന് പറയാം, പതിയെ ഇരുവർക്കും ഇടയിൽ പ്രണയത്തിന്റെ മൊട്ടുകൾ പൂവിടുകയാണ്. ഇവിടെ നിന്നുമാണ് മൂന്നാം ഭാഗം ആരംഭിക്കുന്നത്, അവസാനത്തിന്റെ ആരംഭം. ലോക സിനിമയിലെ ഏറ്റവും മികച്ച ത്രിലോഗികളിൽ ഒന്നാണ് റേയുടെ അപു ത്രിലോഗി. അവസാന രംഗത്ത് അപു നടന്നകലുമ്പോൾ ഇനി എങ്കിലും അയാൾക്ക് മനഃസമാധാനത്തോട് കൂടിയുള്ള ഒരു ജീവിതം ലഭിക്കണം എന്ന് കാഴ്ചക്കാരന് ആഗ്രഹിക്കുന്നിടത്താണ് ഈ ചിത്രത്തിന്റെ വിജയം.

Verdict : Must Watch

DC Rating : 5/5 

967. Aparajito (1956)

Director : Satyajit Ray

Genre : Drama

Rating : 8.4/10

Country : India

Duration : 110 Minutes

🔸പഥേർ പാഞ്ചലി ആദ്യ ഭാഗം കാണാത്തവർ ഈ രണ്ടാം ഭാഗമായ അപരാജിതോയെ പറ്റിയുള്ള എഴുത്ത് വായിക്കണം എന്നില്ല, കാരണം ഒരു വലിയ കഥയുടെ രണ്ടാം അധ്യായമാണ്, സ്വാഭാവികമായും ആദ്യ ഭാഗത്തിന്റെ കഥയിലെ നിർണ്ണായകമായ ചില പോയിന്റുകൾ പരാമര്ശിക്കപ്പെട്ടേക്കാം, നൂറ് ശതമാനം വേർതി ആയ സിനിമ ആയതിനാൽ തന്നെ സ്പോയ്ലർ എന്നത് ഒഴിവാക്കുന്നതാണ് നല്ലത്, ആ ഒരു കാഴ്ച്ചാനുഭവം വികലമാക്കേണ്ട കാര്യമില്ല. ഈ ചിത്രം മികച്ചതാണ്, നിലവാരം ഉള്ളതാണ്, ആദ്യ ഭാഗത്തിന് അനുയോജ്യമായ, യോഗ്യമായ ഫോളോ അപ്പ് ആണ്.

🔸അപ്പുവിന്റെ കുടുംബം ഗ്രാമം വിട്ട് നഗരത്തിലേക്ക് കുടിയേറുന്നിടത്ത് ആണല്ലോ ആദ്യ ഭാഗം അവസാനിക്കുന്നത്, തന്റെ ജീവിതത്തിലെ നിത്യ സാന്നിധ്യങ്ങൾ ആയിരുന്ന രണ്ട് ബന്ധു ജനങ്ങളുടെ മരണം അച്ഛനെയും അമ്മയെയും എന്ന പോലെ അപുവിനെയും നന്നായി ബാധിച്ചിട്ടുണ്ട്, അതുമായി അവൻ പൊരുത്തപ്പെട്ട് വരുന്നുണ്ട് ഇവിടെ. ഗ്രാമ പ്രദേശത്തെ വെച്ച് നോക്കുമ്പോൾ വേറെ തന്നെ ഒരു ലോകമാണ് വാരണാസി, അമ്പലങ്ങളിലെ മണി മുഴക്കവും, ഭക്തി പ്രഭഷണങ്ങളുടെ അലയൊലിയും ഒക്കെയായി ബഹളമയമായ ഒരു സ്ഥലം.

🔸അപ്പുവിന്റെ കഥയുടെ രണ്ടാമത്തെ അധ്യായം തുടങ്ങുന്നത് ഈ വാരണാസിയിൽ നിന്നുമാണ്, ആദ്യ ഭാഗത്ത് ഫോക്കസ് അപുവിനും സഹോദരി ദുർഗയ്ക്കും ഇടയിലുള്ള ബന്ധം ആണെങ്കിൽ ഇവിടെ അത് അപുവും അമ്മയും തമ്മിലുള്ളതാണ്. അമ്മ മകൻ ബന്ധത്തിന്റെ ഊഷ്മളതയും ഭംഗിയും എല്ലാം മനോഹരമായി തന്നെ ചിത്രത്തിൽ അവതരിപ്പിച്ചിട്ടുണ്ട്. ബാല്യ കാലത്തിൽ നിന്നും തുടങ്ങുന്ന കഥ പിന്നീട് അപുവിന്റെ യൗവനം വരെയുള്ള ഭാഗങ്ങൾ കവർ ചെയ്യുന്നുണ്ട്, അതും മനോഹരമായി തന്നെ അവതരിപ്പിച്ചിരിക്കുന്നുണ്ട്, ഈ ചിത്രത്തിൽ.

🔸അപു എന്ന കഥാപാത്രത്തെ തന്റെ കംഫർട്ട് സോണിൽ നിന്നും സ്ട്രിപ്പ് ചെയ്ത് മാറ്റുന്ന ഒരു രീതി ആദ്യ ഭാഗത്ത് അനുഭവപ്പെട്ടിരുന്നു, പ്രത്യേകിച്ചും വ്യക്തിപരമായി അയാൾക്ക് നേരിടേണ്ടി വരുന്ന ചില വിയോഗങ്ങൾ. ഈ ഭാഗത്ത് അത് കുറച്ച് കൂടി വൈകാരികം ആവുന്നേ ഉള്ളൂ. അപരാജിതോ എന്ന ചിത്രം നൂറ് ശതമാനം വേർതി ആയ ഒരു ഫോളോ അപ്പ് ആണ്, അപ്പുവിൻറെ കഥയുടെ നാച്ചുറൽ ആയ പ്രോഗ്രഷൻ, ഇനി അവശേഷിക്കുന്നത് അപുർ സൻസാർ മാത്രമാണ്. ഇതിനോടകം തന്നെ ഒരുപാട് ഇഷ്ട്ടപ്പെട്ട അപുവിന്റെ കഥ എങ്ങിനെ അവസാനിക്കും എന്നറിയാനുള്ള അതിയായ ആഗ്രഹമാണ് അവിടേക്ക് കൊണ്ടുപോവുന്നതും.

Verdict : Must Watch

DC Rating : 5/5 

966. Pather Panchali (1955)

Director : Satyajit Ray

Genre : Drama

Rating : 8.6/10

Country : India

Duration : 126 Minutes

🔸ഒരു സത്യജിത് റേ ചിത്രം നിങ്ങൾ കണ്ടിട്ടില്ല എങ്കിൽ അത് സൂര്യ ചന്ദ്രന്മാരെ ദർശിച്ചിട്ടില്ല എന്ന് പറയുന്നത് പോലെ ആണെന്ന് പറഞ്ഞത് ഏറ്റവും ഇഷ്ട്ടപ്പെട്ട സംവിധായകരിൽ ഒരാളായ അകിര കുറൊസാവയാണ്. റേയുടെ സിനിമകളുടെ നിലവാരവും അദ്ദേഹത്തിന്റെ ടാലന്റും, സിനിമയ്ക്ക് അദ്ദേഹം നൽകിയ കോൺട്രിബ്യുഷനും ഒക്കെ മുന്നേ വായിച്ച് കേട്ടറിഞ്ഞ കാര്യങ്ങൾ ആണെങ്കിലും അദ്ദേഹത്തിന്റെ ഒരു ചിത്രം ആദ്യമായി കണ്ടത് ഒന്ന് രണ്ട് വർഷങ്ങൾക്ക് മുന്നേ മാത്രമാണ്, മനഃപൂർവം തന്നെ ആയിരുന്നെന്ന് പറയാം, സമയം ആയില്ല എന്നൊരു തോന്നൽ മനസ്സിൽ ഉണ്ടായിരുന്നത് കൊണ്ട് മാത്രം.

🔸പഥേർ പാഞ്ചലി വളരെ ലളിതമായ ഒരു സിനിമയാണ്, യാതൊരു വിധ സിംബോളിസമോ ലെയറിങ്ങോ ഇല്ലാതെ വേഫർ തിൻ എന്നൊക്കെ പറയാനാവുന്ന രീതിയിൽ ഒരു കഥ സ്ക്രീനിലേക്ക് അവതരിപ്പിച്ചത് തന്നെ വലിയ കാര്യം, അത് ലോകം കണ്ട എക്കാലത്തെയും മികച്ച സിനിമകളിൽ ഒന്നായി മാറ്റിയത് അതിനേക്കാൾ വലിയ കാര്യം, ഒരുപക്ഷെ റേ എന്ന സംവിധായകന് മാത്രം സാധ്യമായ ഒന്ന്. സിനിമ കണ്ട് കഴിഞ്ഞപ്പോൾ വാട്ട് മേയ്ക്സ് ദിസ് മൂവി സ്പെഷ്യൽ എന്ന് ആരെങ്കിലും ചോദിച്ചിരുന്നു എങ്കിൽ തീർച്ചയായും ആദ്യം പറയുക ഈ ഒരു ലാളിത്യം എന്ന ഘടകം തന്നെ ആയിരിക്കും.

🔸കഴിഞ്ഞ നൂറ്റാണ്ടിന്റെ മധ്യ കാലഘട്ടത്തിലെ ഒരു ബംഗാളി ഗ്രാമമാണ് കഥാ പശ്ചാത്തലം, അതായത് ചിത്രത്തിലെ ഇലക്ട്രിക്ക് പോസ്റ്റ് കണ്ട് അമ്പരക്കുന്ന അപുവിനെയും ദുർഗ്ഗയെയും പോലെ ടെക്കനോളജിയുടെ മാറ്റങ്ങളും മറ്റും എത്തി തുടങ്ങിയിട്ടില്ലാത്ത ഒരു ദരിദ്ര ഗ്രാമം. അപുവിന്റെയും ദുർഗയുടെയും അച്ഛൻ അത്യാവശ്യം വിദ്യാഭ്യാസം ഒക്കെയുള്ള വ്യക്തി ആണെങ്കിലും കാര്യമായ സമ്പാദ്യം ഒന്നും ഇതുവരെ ഉണ്ടാക്കിയിട്ടില്ല, അമ്മ ആണെങ്കിൽ മക്കൾക്ക് കൃത്യ സമയത്ത് ഭക്ഷണം എത്തിക്കാനും മറ്റുമൊക്കെ അങ്ങേയറ്റം കഷ്ട്ടപ്പെടുന്ന ഒരു പാവം സ്ത്രീ.

🔸ദാരിദ്ര്യാവസ്ഥ എന്നത് പരകോടിയിൽ എത്തി നിൽക്കുന്ന ഈ അവസ്ഥയിൽ സാമ്പത്തികമായി ബേധപ്പെട്ടു നിൽക്കുന്ന ആളുകളുടെ പറമ്പിലും തൊടിയിലും ഒക്കെ വീണ് കിടക്കുന്ന പഴങ്ങൾ ഒക്കെ മോഷ്ടിച്ചാണ് അപുവും ദുർഗയും വിശപ്പ് അടക്കുന്നത്. മൂന്ന് ഭാഗങ്ങളുള്ള ഒരു നീണ്ട കഥയുടെ ആദ്യത്തെ പാർട്ട് മാത്രമാണ് പഥേർ പാഞ്ചലി, അപുവിന്റെ കഥ ഇവിടെ ആരംഭിക്കുന്നതെ ഉള്ളൂ, ഒരുതരം വിത്ത് പാകൽ ഒക്കെപ്പോലെ. ചിത്രം കരസ്ഥമാക്കിയ ആ ഒരു എപിക് സ്റ്റാറ്റസ് എന്ത് കൊണ്ട് അത് അർഹിക്കുന്നു എന്നത് രണ്ട് മണിക്കൂർ ചിലവിട്ടാൽ വ്യക്തമായി മനസിലാവും, വൺ ഓഫ് ദി ഇഫ് നോട്ട് ദി ബെസ്റ്റ് !!!.

Verdict : Must Watch

DC Rating : 5/5 

965. Aferim (2015)

Director : Radu Jude

Genre : Drama

Rating : 7.6/10

Country : Romania

Duration : 107 Minutes

🔸ഒരു വെസ്റ്റേൺ ടച്ച് ഒക്കെയുള്ള റൊമാനിയൻ ഡ്രാമ ചിത്രമാണ് അഫെരിം, പത്തൊൻപതാം നൂറ്റാണ്ടിന്റെ ആദ്യ പാതിയിൽ ഒരു ഗ്രാമത്തിന്റെ പശ്ചാത്തലത്തിൽ നടന്ന മാൻഹണ്ട് ആണ് പ്ലോട്ട് എന്ന് പറയാം. ഈ ഒരു അന്വേഷണ സ്വഭാവമുള്ള കഥയിലേക്ക് അഡ്വഞ്ചർ ശൈലിയിൽ മറ്റ് ചില പ്ലോട്ട് പോയിന്റുകൾ കൂടി കടന്ന് വരുമ്പോൾ മികച്ച ഒരു അനുഭവമായി മാറുന്നുണ്ട് ഈ ചെറിയ വലിയ ചിത്രം. റേസിസം ഒക്കെയാണ് ചിത്രത്തെ മുന്നോട്ട് കൊണ്ടുപോവുന്ന ഡ്രൈവിങ് ഫോഴ്‌സ്, കഥയിൽ ഈ ആസ്‌പെക്റ്റുകൾക്ക് വലിയ പ്രാധാന്യം ഉണ്ട് താനും.

🔸റോമാനിയായിൽ ആയിരത്തി എണ്ണൂറ്റി മുപ്പത്തി അഞ്ചിൽ ആരംഭിക്കുന്ന കഥയിലെ പ്രധാന കഥാപാത്രമാണ് ലോക്കൽ കോൺസ്റ്റബിളും സർവോപരി ബൗണ്ടി ഹണ്ടറുമായ കോൺസ്റ്റഡിൻ, ഒരു പരുക്കനായ നിയമം കർക്കശമായി പാലിക്കുന്ന കഥാപാത്രം. സ്ഥലത്തെ ഒരു പ്രമാണി ഒരു നാൾ കോൺസ്റ്റഡിനെ ഒരു ദൗത്യം ഏൽപ്പിക്കുന്നിടത്ത് നിന്നുമാണ് കഥ ആരംഭിക്കുന്നത്, ആ കാലത്ത് മറ്റ് നാടുകളിൽ നിന്നും വന്നെത്തുന്ന ജിപ്സികളെയും മറ്റും അടിമകളായി വിൽക്കുന്ന ഒരു രീതി ഉണ്ടായിരുന്നു റോമാനിയായിൽ. മൃഗത്തിനോട് എന്ന പോലുള്ള സമീപനം ആയിരിക്കും മിക്കപ്പോഴും ഇവരോടുള്ളത്.

🔸ഇപ്പൊ പ്രശനം എന്താണെന്ന് വെച്ചാൽ ഈ പരാതിയുമായി എത്തിയ ഭൂപ്രഭുവിന്റെ വീട്ടിൽ അടിമയായി ജോലി ചെയ്തിരുന്ന കാർഫിൻ പെട്ടെന്ന് ഒരുനാൾ കടന്ന് കളഞ്ഞിരിക്കുന്നു. അങ് ചുമ്മാ രക്ഷപ്പെട്ട് പോയതല്ല മറിച്ച് മോഷണക്കുറ്റം കൂടി അവൻ നടത്തിയിട്ടുണ്ട് എന്നാണ് ആരോപണം. കാർഫിനെ പിടിച്ച് കൊണ്ടുവരാനായി ആണ് കോൺസ്റ്റഡിന്റെ സഹായം അയാൾ ആവശ്യപ്പെട്ടിരിക്കുന്നത്. കോൺസ്റ്റഡിന്റെ കൂടെ അയാളുടെ മകനും ഈ ദൗത്യത്തിനായി ഇറങ്ങി തിരിച്ചിട്ടുണ്ട്, രണ്ട് പേരും അങ്ങനെ പത്തൊൻപതാം നൂറ്റാണ്ടിലെ റൊമാനിയൻ ലാൻഡ്‌സ്‌കേപ്പുകളിലൂടെ യാത്ര ആരംഭിക്കുകയാണ്.

🔸കോൺസ്റ്റഡിന്നിന് പൊതുവെ ഈ അടിമകളോടോ അവരുടെ ദാരുണമായ അവസ്ഥയോടോ മമതയോ സഹതാപമോ ഒന്നുമില്ല, ഈ യാത്രയ്ക്കിടെ ഈ ഒരു വസ്തുതയെ പറ്റി ദീർഘമായ ഒരു ചിന്ത തന്നെ അയാൾ നടത്തേണ്ടി വരുന്നുമുണ്ട്. വിഷ്വലി ബ്യുട്ടിഫുൾ ആയ ഒരു സിനിമയാണ് അഫറിം, ബ്ലാക്ക് ആൻഡ് വൈറ്റ് ഫോർമാറ്റ് അതിന്റെ ഭംഗിയും വശ്യതയും ഒട്ടൊന്ന് വര്ധിപ്പിക്കുന്നതെ ഉള്ളൂ താനും. റേസിസം, സ്‌ളേവറി എന്നിവയൊക്കെ പ്രമേയമാക്കി സിനിമകൾ അനവധി വന്നിട്ടുണ്ടെങ്കിലും സ്റ്റാൻഡ് ഔട്ട് ആയി നിൽക്കുന്ന ഒന്നാണ് ഈ ചിത്രം, തീർച്ചയായും കാണാൻ ശ്രമിക്കുക.

Verdict : Very Good

DC Rating : 4.25/5 

964. The Invisible Life Of Eurídice Gusmão (2019)

Director : Karim Aïnouz

Genre : Drama

Rating : 7.8/10

Country : Brazil

Duration : 140 Minutes

🔸ഡരാമ ജോണറിൽ പെട്ട സിനിമകളുടെ ആരാധകർക്ക് പരീക്ഷിച്ച് നോക്കാവുന്ന നല്ലൊരു ബ്രസീലിയൻ മെലോഡ്രാമ ചിത്രമാണ് ദി ഇൻവിസിബ്ൾ ലൈഫ് ഓഫ് യുറീഡീസ് ഗുസ്മാവോ. കാൻസ് വേദിയിൽ ഉൾപ്പെടെ പ്രദര്ശിപ്പിക്കപ്പെട്ട ചിത്രം കഥയിലെ ഒട്ടും ഫോസ്ഡ് ആയി തോന്നാത്ത ഫെമിനിസ്റ്റ് ആസ്‌പെക്റ്റുകൾ കൊണ്ടും കൈകാര്യം ചെയ്തിരിക്കുന്ന കാര്യങ്ങൾ കൊണ്ടും, അവയ്ക്ക് നൽകിയിരിക്കുന്ന പ്രാധാന്യം കൊണ്ടുമെല്ലാം കയ്യടി അർഹിക്കുന്നുണ്ട്. ഒരു പീരിയഡ് ഡ്രാമ എന്ന വിശേഷണം കൂടി നൽകാം ചിത്രത്തിന്.

🔸ഗവിടാ, യുറീഡീസ് എന്നീ രണ്ട് സഹോദരിമാരുടെ കഥയാണ് ഈ സിനിമ, ഈ കഥാപാത്രങ്ങളുടെ ചെറുപ്പ കാലത്താണ് നമ്മൾ അവരെ കണ്ട് മുട്ടുന്നത് എങ്കിലും പിന്നീട് വർഷങ്ങളും പതിറ്റാണ്ടുകളും ഇവരോടൊപ്പം, കഥയോടൊപ്പം നമ്മളും സഞ്ചരിക്കുന്നുണ്ട്. ഒരു ചെറിയ യാത്രയ്ക്കിടയിൽ രണ്ട് കഥാപാത്രങ്ങളും പരസ്പരം വേർപിരിഞ്ഞ് പോവുന്നിടത്ത് വെച്ചാണ് സിനിമ ആരംഭിക്കുന്നത്, ഒരുപാട് വർഷങ്ങൾ പല കാരണങ്ങൾ കൊണ്ട് അകന്ന് നിൽക്കേണ്ടി വരികയും ചെയ്യുന്നുണ്ട് ഇവർക്ക്, ആ കാരണങ്ങളും മറ്റുമൊക്കെ സിനിമ പറയും.

🔸രണ്ട് നേർരേഖ കണക്കിന് പരസ്പരം ഇന്റർസെക്റ്റ് ചെയ്യാതെ ഈ രണ്ട് കഥാപാത്രങ്ങളുടെയും ജീവിതം മുന്നോട്ട് പോവുന്നുണ്ട് എങ്കിലും രണ്ട് പേർക്കും വ്യക്തമായ സ്റ്റോറി ആർക്കുകളും കഥാപാത്ര വികസനവും പ്രോഗ്രഷനും എല്ലാം ചിത്രം നൽകുന്നുണ്ട്. ഇവയിൽ തന്നെ ഏറ്റവും ഫാസിനേറ്റിങ് ആയി തോന്നിയത് രണ്ട് കഥാപാത്രങ്ങളുടെയും ലവ് ലൈഫ് കൈകാര്യം ചെയ്തിരിക്കുന്ന രീതിയാണ്, ഒന്ന് അറേൻജ്‌ഡ്‌ ആയും മറ്റൊന്ന് പ്രണയ വിവാഹമായും. ഇവ രണ്ടിനും നൽകിയിരിക്കുന്ന സ്പെയ്സും എൻഡിങ്ങും ഒക്കെ മികച്ചത് തന്നെയാണ്.

🔸കാണാതായ തന്റെ സഹോദരിയെ കണ്ടെത്താനായി യുറീഡീസ് നടത്തുന്ന ശ്രമങ്ങളും അതിന് നൽകുന്ന പേ ഓഫും എല്ലാം മികച്ച അനുഭവം തന്നെ സമ്മാനിക്കുന്നുണ്ട്. പ്രത്യേകിച്ചും ചിത്രത്തിലെ റെസ്റ്റോറന്റ് സീൻ ഒക്കെ അടുത്തിടെ കണ്ട ഏറ്റവും മികച്ചവയിൽ ഒന്നാണ്, കണ്ടിരിക്കേണ്ട ചിത്രം എന്ന് നിസ്സംശയം പറയാം പക്ഷെ എത്രത്തോളം എന്റര്ടെയ്ൻ ചെയ്യിക്കാൻ കഴിയും എന്നത് സംശയമാണ്. രണ്ടര മണിക്കൂറിന് അടുത്ത് ദൈർഘ്യം ഉള്ള സിനിമ അത്യാവശ്യം സ്ലോ ആയി തന്നെയാണ് മുന്നോട്ട് പോവുന്നത്, അത് പ്രശനം അല്ലെങ്കിൽ ധൈര്യമായി മുന്നോട്ട് പോവുക.

Verdict : Very Good

DC Rating : 4/5 

963. A Bag Of Marbles (2017)

Director : Christian Duguay

Genre : Drama

Rating : 7.3/10

Country : France

Duration : 113 Minutes

🔸ലോകത്ത് ഒരു ചരിത്ര വിഷയത്തെ സംബന്ധിച്ച് ഏറ്റവും കൂടുതൽ സിനിമകൾ പുറത്തിറങ്ങിയത് നിസ്സംശയം പറയാം രണ്ടാം ലോക മഹായുദ്ധത്തെ കുറിച്ചാവും. ചരിത്രത്തിന്റെ ഗതി മാറ്റിയ ഒരു വിഷയം ആയതിനാലും ഒട്ടനവധി രാജ്യങ്ങളെയും ലാൻഡ്സ്കേയ്പുകളെയും ആളുകളെയും എല്ലാം ബാധിച്ച കാര്യം ആയതിനാലും കഥയ്ക്കോ വിഷയത്തിനോ ഒന്നും ഒരു പഞ്ഞവും ഉണ്ടായിരുന്നില്ല. ഇത്യാദി സിനിമകളിൽ ചിലതിനെ ഹോളോകോസ്റ്റ് സിനിമകൾ എന്ന ഓമനപ്പേരിൽ വിശേഷിപ്പിക്കാറുമുണ്ട്, അത്തരത്തിൽ ഉൾപ്പെടുത്താവുന്ന ഒരു സിനിമ കൂടി, അതാണ് ബാഗ് ഓഫ് മാർബിൾസ് എന്ന ഫ്രഞ്ച് ചിത്രം.

🔸ഒരു റിയൽ ലൈഫ് സംഭവമാണ് സിനിമയ്ക്ക് വിഷയം ആയിരിക്കുന്നത്, ചിത്രത്തിന് ആസ്പദമായ കഥ എഴുതിയത് അത് സ്വന്തം ജീവിതത്തിൽ അനുഭവിച്ച വ്യക്തി തന്നെ ആയിരുന്നു. പുള്ളി തന്റെ പുസ്തകം എഴുതി പുറത്തിറക്കാൻ പെട്ട ബുദ്ധിമുട്ട് ഒക്കെ മറ്റൊരു വശത്ത് കൂടി നോക്കി കാണാവുന്നതാണ്, പ്രസ്തുത നോവൽ ആണെങ്കിൽ ആ വർഷത്തെ ബെസ്റ്റ് സെല്ലറും. കഥയിലേക്ക് വരിക ആണെങ്കിൽ ലോക മഹായുദ്ധത്തിന്റെ പ്രാരംഭ ഘട്ടത്തിലെ ഫ്രാൻസ് ആണ് കഥാ പശ്ചാത്തലം, യുദ്ധം ഒന്ന് ചൂട് പിടിച്ച് വരുന്നതേ ഉള്ളൂ.

🔸സമാധാനപരമായി മുന്നോട്ട് പോയിരുന്ന സാധാരണക്കാരായ ജനങ്ങളുടെ ജീവിതം മാറി മറിയുന്നത് ഫ്രാൻസിലേക്ക് ജർമ്മൻ നാസി പട്ടാളത്തിന്റെ ഇരച്ച് കയറ്റത്തോട് കൂടിയാണ്, ജൂതന്മാരുടെ ജീവിതം ഒക്കെ ഇതോട് കൂടി കൂടുതൽ ദുസ്സഹമായി. തങ്ങൾ അതുവരെ അനുഭവിച്ച് പോന്ന വസ്തു വകകളും, സ്വാതന്ത്ര്യവും എന്തിന് അഭിമാനം പോലും അടിയറവെക്കേണ്ടി വരുന്ന വളരെ ദാരുണമായ അവസ്ഥ. ഈ മാറ്റം എന്നത് ഗവണ്മെന്റ് സമുച്ഛയങ്ങൾ തൊട്ട് പ്രൈമറി സ്‌കൂളുകളിൽ വരെ കാണാം എന്നതാണ് ദൗർഭാഗ്യകരമായ കാര്യം.

🔸ഈ കാലയളവിൽ നാസി പട്ടാളത്തിന്റെ കയ്യിൽ പെടാതിരിക്കാനായി റോഡ് മാർഗം രക്ഷപെടാൻ ശ്രമിക്കുന്ന പത്തും പന്ത്രണ്ടും വയസുള്ള ജോസഫ്, മൗറീസ് എന്നീ സഹോദരന്മാരുടെ കഥയാണ് ഈ ചിത്രം. സ്വന്തം അച്ഛനമ്മമാരുടെ നിർദ്ദേശ പ്രകാരമാണ് അവർ നാട് വിടാൻ ശ്രമിക്കുന്നത്, ആ ഒരു ഇമോഷണൽ വെയ്റ്റേജ് കൂടി ഈ കഥയിൽ ഉണ്ട്. രണ്ട് മണിക്കൂറിൽ താഴെ മാത്രം ദൈർഘ്യം ഉള്ള ഈ ചിത്രം വളരെ ഇമോഷണലായ, ടച്ചിങ് ആയ ഒരു സ്റ്റോറി തന്നെയാണ് സ്‌ക്രീനിൽ എത്തിക്കുന്നത്. ഹോളോകോസ്റ്റ് ക്ളാസിക്കുകളായ ഷിൻഡ്‌ലേഴ്‌സ് ലിസ്റ്റ് അല്ലെങ്കിൽ ലൈഫ് ഈസ് ബ്യുട്ടിഫുൾ ഒക്കെ പോലെ വൈകാരികമായി ഉലച്ച് കളയില്ലെങ്കിലും ഈ സിനിമ സ്ട്രോങ്ങ് ആണ്, കാണാൻ ശ്രമിക്കുക.

Verdict : Very Good

DC Rating : 4/5 

962. Tickets (2005)

Director : Ermanno Olmi

Genre : Anthology

Rating : 7/10

Country : Italy

Duration : 115 Minutes

🔸ഒരു ട്രെയിൻ യാത്രയിൽ എന്ത് വേണമെങ്കിലും സംഭവിക്കാം എന്ന വാചകം ആദ്യമായി കേട്ടത് ഒരു മലയാളി യുവതിയുടെ യൂറോപ്യൻ സഞ്ചാര കുറിപ്പിൽ കുറെ വർഷങ്ങൾക്ക് മുന്നെയാണ്. അന്ന് ആ കുറിപ്പിൽ അവർ തന്നിലേക്ക് യാത്രയ്ക്കിടെ എത്തിയ വിവാഹ വാഗ്ദാനത്തെ വരെ ചൂണ്ടി കാണിച്ച് കൊണ്ടായിരുന്നു ഇങ്ങനെ ഒരു കാര്യം പറഞ്ഞത്. ഇവിടെ ഈ സിനിമയിലേക്ക് വരിക ആണെങ്കിൽ മൂന്ന് സംവിധായകർ മൂന്ന് കഥകളിലൂടെ പറയുന്നതും ഇതുപോലെ ഒരു ട്രെയിൻ യാത്രയ്ക്കിടെ സംഭവിക്കുന്ന കാര്യങ്ങളാണ്, ഒരേ ട്രെയിനിൽ വെച്ച് ഇന്റർകണക്റ്റഡ് ആയിക്കൊണ്ട്.

🔸ആദ്യത്തെ കഥയിലെ പ്രധാന കഥാപാത്രം വൃദ്ധനായ ഒരു പ്രൊഫസറാണ്, തന്റെ റിസേർച്ച് ആവശ്യങ്ങൾക്കായി മിലാനിൽ എത്തിയ പുള്ളിക്ക് മടങ്ങിപ്പോവാൻ വിമാനം കിട്ടുന്നില്ല, ആ സമയത്ത് ഉയർന്നുവന്ന സെക്യൂരിറ്റി പ്രശ്നങ്ങൾ കാരണം പുള്ളി ട്രെയിനിൽ യാത്ര ആരംഭിക്കുകയാണ്. ഈ യാത്രയ്ക്കിടെ പുള്ളിക്ക് തോന്നുന്ന ഒരു കുറ്റബോധമാണ് കഥയുടെ ഡ്രൈവിങ് ഫോഴ്‌സ്, തനിക്ക് എല്ലാ സഹായങ്ങളും ഒരുക്കിയ സബീൻ എന്ന കീഴ് ജോലിക്കാരിയോട് വേണ്ട വിധം യാത്ര പറയാൻ കഴിഞ്ഞില്ല എന്നതാണ് പുള്ളിയുടെ സങ്കടം, ഒരു പ്രണയത്തിന്റെ സൂചനകളും ഇവിടെ ഉണ്ട്.

🔸രണ്ടാമത്തെ കഥയിൽ പ്രധാന കഥാപാത്രങ്ങൾ ആവുന്നത് ഒരു വൃദ്ധയായ ഒരു സ്ത്രീയും ചെറുപ്പക്കാരനാണ്, പ്രത്യക്ഷത്തിൽ അമ്മയും മകനും എന്ന് തോന്നിപ്പിക്കുമെങ്കിലും അത്ര വ്യക്തമായ ഒരു ബന്ധമല്ല ഇവർക്കിടയിൽ. ഈ വൃദ്ധയായ സ്ത്രീ ആണെങ്കിൽ അങ്ങേയറ്റം ഉടായിപ്പായ ഒരു കഥാപാത്രവും. മൂന്ന് കഥകളിൽ ഏറ്റവും താല്പര്യം കുറവ് തോന്നിയത് ഈ കഥയിൽ ആയിരുന്നു, മോശമാണ് എന്നല്ല പക്ഷെ ഒരു കണക്ഷൻ ഇല്ലായിരുന്നു. ഒരു ഫുട്ബോൾ ഫാൻ എന്ന നിലയ്ക്ക് അവസാന കഥ രോമാഞ്ചമാണ്, പ്രത്യേകിച്ചും സ്‌കോട്ടിഷ് ക്ലബ്ബായ സെൽറ്റിക്കിനെ പറ്റിയൊക്കെ പറയുന്ന പോർഷൻ.

🔸മന്ന് ചെറുപ്പക്കാരായ ഫുട്‍ബോൾ ആരാധകർ ഫുട്‍ബോൾ മത്സരം കാണാനായി സ്കോട്ട്ലൻഡിൽ നിന്നും ഇറ്റലിയിലേക്ക് എത്തുകയാണ്. ട്രെയിനിൽ വെച്ച് ഇവരിൽ ഒരാളുടെ ടിക്കറ്റ് കാണാതെ പോവുന്നിടത്ത് നിന്നുമാണ് ഈ കഥ ചൂട് പിടിക്കുന്നത്. ഈ കഥയുടെ എൻഡിങ് ആണ് ഹൈലൈറ്റ്, സന്തോഷവും ഇഷ്ടവും രോമാഞ്ചവും ഒക്കെ കലർത്തിയ ഒരു പെർഫെക്റ്റ് കാപ്പിങ് ഓഫ്. നല്ലൊരു സിനിമയാണ് ടിക്കറ്റ്സ്, അപ്രതീക്ഷിതമായി കിട്ടിയ ഒന്നാംക്‌ളാസ്സ് അനുഭവങ്ങളിൽ ഒന്ന്, തീർച്ചയായും കാണാൻ ശ്രമിക്കുക.

Verdict : Very Good

DC Rating : 4.25/5 

961. The Queen's Gambit (2020)

Director : Scott Frank

Genre : Drama

Rating : 8.8/10

Seasons : 01

Episodes : 07

Duration : 46 - 67 Minutes

🔸ഈ അടുത്തിടെ വന്ന പല നെറ്റ്ഫ്ലിക്സ് ഒറിജിനൽ സീരീസുകളും ഹിറ്റിനേക്കാൾ അധികം മിസ്സുകൾ ആയിരുന്നു, ഒരു ഉദാഹരണം പറയാം ട്രെയ്‌ലർ കണ്ടപ്പോൾ അമ്പോ എന്ന് തോന്നിപ്പിച്ച ഒരു സീരീസ് ആയിരുന്നു നെറ്റ്ഫ്ലിക്സിന്റെ ലാ റെവോള്യുഷൻ. എന്നാൽ ആ പ്രതീക്ഷ വെച്ച് കാണാനിരുന്നപ്പോൾ ലഭിച്ചത് അയ്യേ എന്ന് തോന്നിപ്പിച്ച അനുഭവം ആയിരുന്നു, ഈ കുറച്ച് കാലമായി വന്ന് കൊണ്ടിരുന്ന ഒരു ട്രെൻഡിന് അപവാദമാണ് ദി ക്വീൻസ് ഗാമ്പിറ്റ് എന്ന ഏഴ് എപ്പിസോഡുകൾ ഉള്ള ടീവി സീരീസ്. എല്ലാം കൊണ്ടും ഒരു മികച്ച ഔട്ട്പുട്ട് എന്ന് പറയാവുന്ന സീരീസ്.

🔸ബെത് ഹാർമോൻ എന്ന നായികാ കഥാപാത്രത്തെ നമ്മൾ ആദ്യമായി കാണുന്നത് ഒരു വലിയ ചെസ്സ് മത്സരത്തിന്റെ പിന്നാമ്പുറത്ത് നിന്നുമാണ്. യൗവനത്തിൽ എത്തി നിൽക്കുന്ന അവർ വലിയ ഒരു മത്സരത്തിന് വേണ്ടി തയ്യാറെടുക്കുക ആണെന്ന് വ്യക്തം, എന്നാൽ അത് ആരുമായിട്ട് ആണ് എന്നോ ടൂർണമെന്റ് ഏതാണ് എന്നോ ഒന്നും തന്നെ തുടക്കത്തിൽ വ്യക്തമാക്കുന്നില്ല. ഏറെക്കുറെ ഇൻസ്റ്റന്റലി തന്നെ നമ്മൾ ബെത്തിന്റെ കുട്ടിക്കാലത്തേക്ക് കടന്ന് ചെല്ലുകയാണ്, ഒരുപാട് വർഷങ്ങൾ പിറകിലോട്ടേക്ക്.

🔸ഒരപകടത്തിൽ അമ്മയെ നഷ്ട്ടപ്പെട്ടവളാണ് ബെത്ത് ഹാർമോൻ, അച്ഛന്റെ കാര്യങ്ങൾ വ്യക്തമല്ല. കുട്ടിയായ അവളെ വല്ലാതെ ഉലച്ച് കളഞ്ഞ ഈ ഒരു സംഭവത്തിന് ശേഷം അവൾ വളർന്നതും പഠിച്ചതും എല്ലാം ഒരു ഓർഫനേജിൽ ആയിരുന്നു. വളരെ ഡിസിപ്ലിൻഡ് ആയ, മറ്റെന്തിനേക്കാളും അച്ചടക്കത്തിന് പ്രാധാന്യം കൊടുക്കുന്ന ഒരു ഓർഫനേജ്. അവിടെയുള്ള മറ്റേതൊരു പെൺകുട്ടിയുടെയും ജീവിതം പോലെ തന്നെ ചെന്നെത്തുമായിരുന്നു ബെത്തിന്റെയും ജീവിതം, ഒരുനാൾ അവൾ അപ്രതീക്ഷിതമായി ബേസ്മെന്റിൽ എത്തിയില്ലായിരുന്നു എങ്കിൽ.

🔸അവിടെ വെച്ച്, അന്നാണ് അവൾ ആദ്യമായി അറുപത്തി നാല് കലങ്ങളും പതിനാറ് കരുക്കളും, വെള്ളയും കറുപ്പും ഒക്കെ ഇടകലർന്നുള്ള ചെസ്സ് എന്ന കായിക ഇനം കാണുന്നത്. കണ്ട മാത്രയിൽ തന്നെ ഇതിനോട് താല്പര്യം തോന്നിയ ബെത്ത് പതിയെ പതിയെ ഈ വിഭാഗത്തിൽ ഒരു സെൻസേഷൻ ആയി മാറുകയാണ്. തുടർന്നുള്ള അവളുടെ യാത്രയാണ് സീരീസ് കഥയായി പറയുന്നത്, ഈ വർഷം ഇതുവരെ കണ്ട മികച്ച സീരീസുകളിൽ ഒന്നാണ് ക്വീൻസ് ഗാമ്പിറ്റ്, എല്ലാംകൊണ്ടും ഒരു വേർതി വാച്ച്, കാണാൻ തീർച്ചയായും ശ്രമിക്കുക.

Verdict : Very Good

DC Rating : 4.25/5 

960. The Report (2019)

Director : Scott Z. Burns

Genre : Drama

Rating : 7.2/10

Country : USA

Duration : 120 Minutes

🔸ശക്തമായ ഒരു വിഷയം കൈകാര്യം ചെയ്യുന്ന നല്ലൊരു പൊളിറ്റിക്കൽ ഡ്രാമ ചിത്രം കൂടി, കഴിഞ്ഞ വർഷം പുറത്തിറങ്ങിയ ആദം ഡ്രൈവർ കേന്ദ്ര കഥാപാത്രമായ ദി റിപ്പോർട്ട്. ഡ്രൈവർക്ക് പുറമെ ആനറ്റ് ബെന്നിങ്, ജോഷ് ഹാം തുടങ്ങി അത്യാവശ്യം സ്റ്റെല്ലാർ ആയൊരു കാസ്റ്റ് കൂടിയുള്ള ചിത്രം ഒരു നല്ല വേർതി വാച്ച് തന്നെയാണ്, പ്രത്യേകിച്ചും സിനിമ പറയാൻ ഉദ്ദേശിക്കുന്ന വിഷയത്തിന്റെ പ്രാധാന്യത്തിന് രാജ്യാതിർത്തികൾ വിഷയം അല്ലാതാവുക കൂടി ചെയ്യുമ്പോൾ, പേഴ്സണലി അടുത്തിടെ കണ്ട മികച്ച പൊളിറ്റിക്കൽ ഡ്രാമകളിൽ ഒന്നാണ് ഈ ചിത്രം.

🔸2001ലെ അൽ ഖുവൈദ ആക്രമണം അമേരിക്കയെ സംബന്ധിച്ചിടത്തോളം ഒരു റീസെറ്റ് സ്വിച്ച് ആയിരുന്നെന്ന് പറയാം. പല കാര്യങ്ങളിലും വിഷയങ്ങളിലും എല്ലാം അവർ കൈക്കൊണ്ടിരുന്ന നയത്തിൽ ഇവിടം തൊട്ടാണ് വിപ്ലവകരമായ മാറ്റങ്ങൾ ഉണ്ടായത്. രീതികളിലൂടെ അധിനിവേശ സ്വഭാവം അവർ മുന്നേ കാണിച്ചിരുന്നു എങ്കിലും പ്രവർത്തിയിലൂടെ കുറച്ച് കൂടി ലോക പോലീസ് എന്ന മേൻപൊടി സ്വയം ചൂടിയത് ഇതിന് ശേഷം ആണെന്നാണ് തോന്നുന്നത്, അത്തരത്തിൽ വന്ന ഒരു രീതിയിലെ മാറ്റങ്ങളിലേക്കാണ് ഇവിടെ സിനിമ ശ്രദ്ധ കൊടുക്കുന്നത്.

🔸തങ്ങളുടെ ഇടത്തിലേക്ക് കയറി വന്ന് ബോംബും പൊട്ടിച്ച്, അഭിമാനത്തിൽ ക്ഷതവും വരുത്തി പോയ ഭീകരന്മാരെ നിഷ്കരുണം വേട്ടയാടുന്ന ഒരു രീതിയാണ് അമേരിക്ക പിന്തുടർന്നത്, വേൾഡ് ട്രേഡ് സെന്റർ സംഭവത്തിന് ശേഷമുള്ള നാളുകളിൽ, അത് തീർത്തും ന്യായീകരിക്കാവുന്നതുമാണ്. ഈ ഒരു കാലയളവിൽ തന്നെ സംശയിക്കപ്പെടുന്ന ആളുകളെയും നേരിട്ട് പങ്ക് ഉള്ളവരെയും ശാരീരികമായി പീഡിപ്പിക്കാൻ മൗനാനുവാദം മേൽ ഉദ്യോഗസ്ഥരിൽ നിന്നും അമേരിക്കൻ പട്ടാളക്കാർക്കും ഉദ്യോഗസ്ഥർക്കും ലഭിച്ചിരുന്നു, പൊതുവെ ഈ സംഭവങ്ങൾക്ക് മുന്നേ അത്ര പ്രചാരത്തിൽ ഉള്ള ഒന്ന് ആയിരുന്നില്ല അമേരിക്കയിൽ പ്രതികൾക്ക് മേലുള്ള മൂന്നാംമുറ പ്രയോഗങ്ങൾ.

🔸പരശനം എന്താണെന്ന് വെച്ചാൽ ഇതിനെ സംബന്ധിച്ചുള്ള ചില തെളിവുകളൊക്കെ പബ്ലിക്കിലേക്ക് അങ് ലീക്ക് ആയി, ഈ വിഷയത്തെ കുറിച്ച് അന്വേഷിക്കാൻ, ഒതുക്കത്തിൽ കൈകാര്യം ചെയ്യാൻ വരുന്ന കഥാപാത്രമാണ് ആദം ഡ്രൈവറുടേത്. അയാളുടെ ടീമിന് കീഴിൽ മൂന്ന് റിപ്പബ്ലിക്കൻസും മൂന്ന് ഡെമോക്രാറ്റ്‌സും ആണ് ഉണ്ടായിരുന്നത്, ഇവർ കണ്ടെത്തുന്ന കാര്യങ്ങളാണ് ചിത്രത്തിന്റെ വിഷയം. വളരെ പവർഫുൾ ആയ ഒരു സിനിമയാണ് ദി റിപ്പോർട്ട്, ശക്തമായ അവതരണവും പ്രകടനങ്ങളും എല്ലാം കൂടി ചേരുമ്പോൾ മികച്ച ഒരനുഭവം തന്നെ സമ്മാനിക്കുന്നുണ്ട്.

Verdict : Good

DC Rating : 3.75/5 

959. How To Get Away With Murder (2014)

Creator : Peter Nowalk

Genre : Mystery

Rating : 8.1/10

Seasons : 06

Episodes : 90

Duration : 43 Minutes

🔸ഹൗ റ്റു ഗേറ്റ് എവേ വിത്ത് ദി മർഡർ എന്ന സീരീസിന്റെ ഓപ്പണിങ്, പ്രത്യേകിച്ചും ആദ്യ സീസൺ എന്നത് ഒരുപക്ഷെ ഞാൻ കണ്ട മികച്ച തുടക്കങ്ങളിൽ ഒന്നായിരിക്കും. താല്പര്യം തോന്നിപ്പിക്കുന്ന കഥാപാത്രങ്ങൾ, വെറൈറ്റി ആയ ഒരു പ്ലോട്ട്, ആവശ്യത്തിന് ഉള്ള ട്വിസ്റ്റുകളും റ്റർണുകളും തുടങ്ങി എൻകെജ്‌ഡ്‌ ആയി നിൽക്കാനുള്ള എല്ലാം ഈ സീരീസിൽ ഉണ്ടായിരുന്നു. ഈ ഒരു അനുഭവം കൊണ്ടാണ് പ്രധാനമായും പിന്നീടങ്ങോട്ട് ഉള്ള അഞ്ച് സീസണുകളും ക്ഷമയോടെ ഇരുന്ന് കണ്ടതും, അല്ലാതെ നിലവാരം കൊണ്ടോ അല്ലെങ്കിൽ കഥാഗതിയിൽ ഡ്രാസ്റ്റിക്ക് ആയ മാറ്റം വന്നത് കൊണ്ടോ ഒന്നും ആയിരുന്നില്ല.

🔸സീരീസിന്റെ ഒരു പ്രധാന പ്രശ്നമായി അനുഭവപ്പെട്ടത്, ട്വിസ്റ്റിന് വേണ്ടി ട്വിസ്റ്റ് ഉണ്ടാക്കി വെച്ചത് പോലെയുള്ള ചില കഥാ ഗതികളാണ്. ഉദാഹരണത്തിന് ഒരു പ്രധാന കഥാപാത്രം സീരീസിന്റെ ഒരു നിർണ്ണായക ഭാഗത്ത് കൊല്ലപ്പെടുന്നുണ്ട്, അത്യാവശ്യം ഷോക്കിങ് ആയ ഒരു പ്ലോട്ട് ഡെവലപ്മെന്റ് തന്നെ ആയിരുന്നു അത്, അവിടെ നിന്നും കഥ പുരോഗമിച്ച് പോവുന്നുണ്ട് എങ്കിലും ആ ഒരു ഡെവെലപ്മെന്റിനെ എല്ലാം കാറ്റിൽ പറത്തി അതുവരെ ഉള്ളത് എല്ലാം തലകീഴായി മറിച്ച് ആ കഥാപാത്രം മടങ്ങി വരുന്നുമുണ്ട്, അത്രയും നേരം സ്റ്റോറിയിൽ സമയം ഇൻവെസ്റ്റ് ചെയ്ത നമ്മളെ ഒരുമാതിരി മണ്ടനാക്കിയത് പോലൊരു അനുഭവമായിരുന്നു അത്, യാതൊരുവിധ ഷോക്കോ സർപ്രൈസോ ഉണ്ടായിരുന്നില്ല.

🔸കഥയിലേക്ക് വരിക ആണെങ്കിൽ ഒരു പ്രശസ്ത ക്രിമിനൽ അറ്റോർണി ആണ് അനലൈസ് കീറ്റിങ്, ഫിലാഡൽഫിയയിൽ ലോ പ്രൊഫസർ കൂടിയായ കീറ്റിങ്ങിന്റെ കീഴിൽ അനവധി വിദ്യാർഥികൾ പഠിക്കാറും പരിശീലിക്കാറുമുണ്ട്. ഒരു അധ്യയന വർഷത്തിൽ ഇവരിൽ അഞ്ച് പേരെ തനിക്ക് കീഴിൽ ഇന്റേൺഷിപ്പ് ചെയ്യാനായി അനലൈസ് തിരഞ്ഞെടുക്കുകയാണ്. നിയമത്തിലുള്ള അറിവും മറ്റും കൂട്ടാനായി ഇവരുടെ മുന്നിലേക്ക് വെക്കുന്ന ഒരു പദ്ധതി അല്ലെങ്കിൽ കോഴ്സ് പോലെയാണ് ഹൌ ടു ഗെറ്റ് എവേ വിത് മർഡർ എന്ന സ്‌കീം. പിന്നീട് ഈ കഥാപാത്രങ്ങൾ ഒക്കെ പല രീതിയിൽ പ്രോഗ്രസ് ചെയ്ത് പോവുന്നുണ്ട്.

🔸തരില്ലർ, മിസ്റ്ററി ജോണറിൽ പെട്ട സംരംഭങ്ങളിൽ താല്പര്യം ഉള്ളവർക്ക് കണ്ട് നോക്കാവുന്ന സീരീസാണ് ഇത്, കഥയുടെ പല പോയിന്റുകളിലും ഞെട്ടിക്കാനുള്ള മരുന്ന് ഇവിടെയുണ്ട്, പക്ഷെ അവയിൽ പലതും മുൻകാലത്തെ ചില പ്ലോട്ട് പോയിന്റുകളും ആയോ അല്ലെങ്കിൽ ലോജിക്കും ആയോ കൂട്ടി ചേർത്ത് നോക്കുമ്പോഴാണ് പ്രശ്നങ്ങൾ ആരംഭിക്കുന്നത്. എനിക്ക് പേഴ്സണലി സീരീസ് സമ്മാനിച്ചത് നിരാശയാണ്, നല്ല തുടക്കവും മോശം അല്ലാത്ത അവസാനവും ലഭിച്ചിട്ടും ഇടയിൽ എവിടെയോ ദിശ തെറ്റിയ കപ്പൽ പോലെ പലവഴിക്ക് പോയി കഥ.

Verdict : Watchable

DC Rating : 3/5 

958. The Nest (2020)

Director : Sean Durkin

Genre : Drama

Rating : 6.7/10

Country : USA

Duration : 107 Minutes

🔸ഈ വർഷം അവസാനത്തോട് അടുക്കുമ്പോൾ വലിയ സ്ട്രീമിങ് സിനിമ റിലീസുകളുടെ ഒരു കുത്തൊഴുക്ക് തന്നെ വരാനുണ്ട്, ജനുവരി പകുതി വരെയുള്ള സമയത്തിനിടെ കുറഞ്ഞത് ഇരുപത് പ്രതീക്ഷ ഉള്ള സിനിമകൾ എങ്കിലും കണക്കിൽ വരാനുണ്ട്, ഇവയുടെ ആരംഭം എന്നവണ്ണം രണ്ട് ദിവസം മുന്നേ പ്രിന്റ് റിലീസായ ചിത്രമാണ് ദി നെസ്റ്റ്, ഒരു സ്റ്റാർട്ടർ ഒക്കെ പോലെ. സന്ദൻസ് പോലുള്ള ഫെസ്റ്റുകളിൽ മികച്ച അഭിപ്രായം നേടിയ ചിത്രത്തിൽ നല്ല പ്രതീക്ഷ തന്നെ ഉണ്ടായിരുന്നു, അത് സാധൂകരിച്ചിട്ടുമുണ്ട് ചിത്രം.

🔸എവർ വണ്ടർഫുൾ ആയ ജൂഡ് ലോ ആണ് ചിത്രത്തിലെ പ്രധാന കഥാപാത്രമായ റോറിയെ അവതരിപ്പിച്ചിരിക്കുന്നത്, കഥയെ മുന്നോട്ട് കൊണ്ടുപോവുന്നത് ഈ കഥാപാത്രം ആണെന്ന് പറയാം എങ്കിലും സ്റ്റോറിയെ ഏറെക്കുറെ മുഴുവനായും നമ്മൾ നോക്കി കാണുന്നത് അയാളുടെ ഭാര്യാ കഥാപാത്രമായ ആലിസണിലൂടെ ആണ്, കേന്ദ്ര കഥാപാത്രം എന്ന് തന്നെ വിശേഷിപ്പിക്കാം അവരെ. കുറച്ച് നാളുകളായി റോറിക്ക് കാര്യമായ ജോലി ഒന്നും തന്നെയില്ല, മുൻകാല അസ്സറ്റുകളിൽ നിന്നും മറ്റുമൊക്കെ വരുമാനം കണ്ടെത്തിയാണ് രണ്ട് മക്കൾ ഉൾപ്പെടെ ഉള്ള കുടുംബം ജീവിച്ച് പോവുന്നത്.

🔸ആലിസണിന് സ്വന്തമായി ഒരു കുതിരയുണ്ട്, ആ കുതിരയുടെ മേൽ ആളുകളെ സവാരി പഠിപ്പിച്ചും മറ്റും അവൾ വരുമാനം കണ്ടെത്തുന്നുണ്ട്. കഴിഞ്ഞ ഒരു പത്ത് വർഷങ്ങൾക്കിടെ റോറി നാല് പുതിയ സംരംഭങ്ങൾക്ക് പിറകെ എങ്കിലും പോയിട്ടുണ്ട്, അവ എല്ലാം തന്നെ നല്ല രീതിയിൽ പരാജയപ്പെട്ടിട്ടും ഉണ്ട്, ഒരു സംരംഭകൻ എന്ന നിലയിൽ റോറി ഒരു പരാജയം ആണെന്ന് പറയാം, പക്ഷെ വലിയ ആഗ്രഹങ്ങൾ ഉള്ള ആളുമാണ്, എടുത്തുചാട്ടവും പൊങ്ങച്ചവും ഒക്കെ ടിയാന്റെ മറ്റ് ചില സവിശേഷതകളാണ് എന്നതും പ്രസക്തം.

🔸അങ്ങനെ പോയി കൊണ്ടിരുന്ന ദിവസങ്ങളിൽ ഒന്നിൽ റോറിയുടെ മനസ്സിൽ ഒരു പുതിയ ഐഡിയ വരുന്നതും അതിനായി ഇറങ്ങി തിരിച്ച അയാളും കുടുംബവും ലണ്ടനിൽ എത്തുന്നതും ഒക്കെയാണ് കഥയുടെ പ്രെമിസ്, എന്നാൽ പിന്നീട് അവിടുന്നങ്ങോട്ട് കാര്യങ്ങൾ കീഴ്പ്പോട്ട് തന്നെ പോവുന്നു. കഥാപാത്രങ്ങളോട് ജെനുവിൻ ആയി ഇഷ്ട്ടം തോന്നിക്കുന്ന ചിത്രങ്ങൾ പൊതുവെ മികച്ചതാവാറുണ്ട്, ഇവിടെ റോറിയുടെ മകൾ ഒരു ക്‌ളീച്ഡ് കാരക്റ്റർ ആയിരുന്നു എന്നതൊഴിച്ചാൽ ബാക്കിയെല്ലാം ഓക്കേ ആണ്, പ്രത്യേകിച്ചും കാര്യങ്ങൾ മോശമാവുമ്പോൾ ആ കുടുംബത്തിനോട് നമുക്കും ഒരു സഹതാപം തോന്നുന്നു എന്നത് വലിയ കാര്യം തന്നെയാണ്, ആകെ മൊത്തം പറയുക ആണെങ്കിൽ കാണാൻ ഉള്ളത് ഉണ്ട് ഈ ചിത്രത്തിൽ.

Verdict : Very Good

DC Rating : 4/5 

957. Descendants Of The Sun (2016)

Director : Lee Eung-Bok

Genre : Romance

Rating : 8.3/10

Seasons : 01

Episodes : 16

Duration : 60 Minutes

🔸പൊതുവെ ഈ റൊമാന്റിക് ഡ്രാമ വിഭാഗത്തിലുള്ള സിനിമകളോട് വലിയ താല്പര്യം തോന്നിയിട്ടില്ല, സീരീസുകളുടെ കാര്യം പിന്നെ പറയുകയേ വേണ്ട, മിക്കപ്പോഴും ഈ സംരംഭങ്ങൾ മെലോഡ്രാമയുടെ അതിപ്രസരം ആവാറുണ്ട് എന്നത് തന്നെയാണ് ഏറ്റവും വലിയ നെഗറ്റിവ് അസ്പക്റ്റ് ആയി തോന്നിയിട്ടുള്ളത്. എന്നാൽ കെ ഡ്രാമകളിലേക്ക് വരുമ്പോൾ കാര്യങ്ങൾ കുറച്ച് വ്യത്യസ്തമാണ്, മെലോഡ്രാമ ബോർ ആയി തോന്നില്ല എന്ന് മാത്രമല്ല നല്ല തോതിൽ എന്ജോയബിളും ആണ്, ക്രാഷ് ലാൻഡിംഗ് ഓൺ യു ഒക്കെ നല്ല ഒന്നാംക്‌ളാസ്സ് ഉദാഹരണമാണ്, ഈ വിഭാഗത്തിന്.

🔸കരാഷ് ലാൻഡിംഗ് കണ്ട് തുടങ്ങിയ സമയത്ത് കേട്ട പേരാണ് ഡിസൻഡൻസ് ഓഫ് ദി സൺ എന്ന കൊറിയൻ ഡ്രാമയുടേത്. കുറച്ച് കാലം മുന്നേ കണ്ടതാണ് എങ്കിലും ഇപ്പോഴാണ് ഇതിനെ പറ്റി എഴുതാൻ അവസരം ഒത്തത്. ആദ്യമേ തന്നെ പറയാം ക്രാഷ് ലാന്ഡിങ്ങിനോളം വെൽ റിട്ടനോ, എക്സികിയൂട്ട് ചെയ്തതോ ആയി തോന്നിയില്ല ഈ പതിനാറ് ഭാഗ സീരീസ്, പക്ഷെ കഥ നൽകുന്ന ഒരു ഫീലുണ്ട്, കാര്യങ്ങൾ സിംപിൾ ആയി കാണിച്ച് തരുന്ന ആ ഒരു ശൈലി, അത് മറ്റെന്തിനോടും കിട പിടിക്കുന്ന ഒന്ന് തന്നെയാണ്, ഈ ഒരു കാരണമാണ് പ്രസ്തുത സീരീസിനെ വേറിട്ട് നിർത്തുന്നതും.

🔸രണ്ട് കൊറിയകളുടെയും ബോർഡറിൽ വെച്ചാണ് സീരീസ് കഥ പറഞ്ഞ് തുടങ്ങുന്നത്, ദക്ഷിണ കൊറിയയുടെ മൂന്ന് പട്ടാളക്കാരെ ഉത്തര കൊറിയൻ ആർമിയിലെ ചിലർ ബന്ദികളായി തടഞ്ഞ് വെച്ചിരിക്കുകയാണ്. വെടി വെക്കാൻ പാടില്ലാത്ത മേഖല ആയതിനാലും വെടി നിർത്തൽ കരാർ ഉള്ളതിനാലും ഒരു മിലിട്ടറി റെസ്‌കിയു ഓപ്പറേഷൻ ഏറെക്കുറെ അസാധ്യമാണ്, ഈ ഒരു സന്ദർഭത്തിലാണ് ആൽഫ ഫോഴ്സിൽ പട്ടാളക്കാരായ രണ്ട് പ്രധാന കഥാപാത്രങ്ങളെ നമ്മൾ പരിചയപ്പെടുന്നത്, ഭയങ്കര കാരിസ്മാറ്റിക്ക് ആയ രണ്ട് കഥാപാത്രങ്ങൾ.

🔸ഈ രണ്ട് കഥാപാത്രങ്ങളുടെയും പ്രണയം ഒക്കെയാണ് സീരീസിന്റെ വിഷയം, അതിൽ തന്നെ ജീവൻ എടുക്കാൻ നിയോഗിക്കപ്പെട്ട പട്ടാളക്കാരൻ ആയ നായകനും ജീവൻ രക്ഷിക്കാൻ കടമപ്പെട്ട നേഴ്‌സായ നായികയും ഒക്കെ ആയുള്ള പ്രണയം അത്യാവശ്യം നൈസ് തന്നെ ആയിരുന്നു. ഇത്തരം സന്ദർഭങ്ങളിൽ മറ്റ് പല സീരീസുകളും വീഴാറുള്ള ട്രാപ്പ് ആയ ഫോസ്ഡ് റൊമാന്സിലേക്ക് ഈ സീരീസ് പോവുന്നില്ല എന്നത് എടുത്ത് പറയേണ്ടതാണ്. പ്രധാന കഥാപാത്രങ്ങളായി എത്തിയ നടീനടന്മാരുടെ കെമിസ്ട്രിയും പ്രകടനവും എല്ലാം എടുത്ത് പറയേണ്ടത് തന്നെയാണ്, ആകെ മൊത്തം നല്ലൊരു സീരീസ്.

Verdict : Good

DC Rating : 3.75/5 

956. Blade Runner 2049 (2017)

Director : Denis Villeneuve

Genre : Sci Fi

Rating : 8/10

Country : USA

Duration : 164 Minutes

🔸ബലെയ്ഡ് റണ്ണർ ആദ്യ ഭാഗം അപേക്ഷിച്ച് നോക്കുമ്പോൾ കണ്ട് കൊണ്ടിരിക്കുന്ന വേളയിൽ തന്നെ കൊള്ളാം എന്നും കണ്ട് കഴിഞ്ഞപ്പോൾ കിടു എന്നും തോന്നിപ്പിച്ച സിനിമയാണ് രണ്ടാം ഭാഗം. ആദ്യ ഭാഗത്തിന്റെ നിലവാരം പുലർത്തുന്ന രണ്ടാം ഭാഗങ്ങൾ പൊതുവെ കുറവാണ്, ആദ്യത്തേതിന് മുകളിൽ നിൽക്കുന്ന ഒരു രണ്ടാം ഭാഗം അപൂർവതയും. ഇത്തരത്തിൽ നോക്കുക ആണെങ്കിൽ അപൂർവ്വത്തിൽ അപൂർവമായ ഒരു സിനിമയാണ് ബ്ലെയ്ഡ് റണ്ണർ 2049, കഴിഞ്ഞ ഒരു അഞ്ച് വർഷത്തിനിടെ വന്ന സിനിമകളിൽ ഏറ്റവും പ്രിയപ്പെട്ടവയിൽ ഒന്ന് എന്ന് ഒരു സംശയവും ഇല്ലാതെ പറയാനാവുന്ന ചിത്രം.

🔸നിർഭാഗ്യ വശാൽ ക്വാളിറ്റി കണ്ടന്റ് ഒരിക്കലും ഒരു സിനിമയുടെ വിജയം ഗ്യാരന്റി ചെയ്യില്ല എന്ന അഭിപ്രായം ശെരി വെച്ച് കൊണ്ട് തിയേറ്ററിൽ ബോംബ് ചെയ്ത സിനിമ കൂടിയാണ് ഇത്, ആ ഒരു കാര്യത്തിൽ നിരാശ മാത്രം. ഡെനിസ് വിലനോവ് എന്ന സംവിധായകൻ ഈ ജെനെറേഷനിലെ ഏറ്റവും മികച്ച ക്രാഫ്റ്റ്മാൻസിൽ ഒരാളാണ്, അദ്ദേഹത്തിന്റെ കയ്യൊപ്പ് പതിഞ്ഞ, പുള്ളിയുടെ ഭാഷയിൽ പറഞ്ഞാൽ പാഷൻ പ്രൊജക്റ്റായ, കഴിവുള്ള നടീ നടൻമാർ അണിനിരന്ന ഒരു സിനിമ എന്തായാലും മോശമാകാൻ സാധ്യത ഇല്ലല്ലോ, ഈ പേരുകളെല്ലാം സാധൂകരിക്കുന്നുണ്ട് ഈ ചിത്രം എന്നതാണ് സത്യം.

🔸ആദ്യ ഭാഗത്തെ കഥയ്ക്ക് ശേഷം മൂന്ന് പതിറ്റാണ്ടുകൾ കഴിഞ്ഞിരിക്കുന്നു, ഇന്ന് റെപ്ലിക്കന്റ്സ് എന്നത് കോമൺ ആയ ഒരു അടിമ ജീവി വിഭാഗം ആയി മാറിയിരിക്കുന്നു, ഇവരുടെ മോചനത്തിനായി ഉള്ള അണ്ടർ ഗ്രൗണ്ട് മൂവ്മെൻറ്സ് എല്ലാം സജീവം ആണെങ്കിലും വലിയ മാറ്റം ഒന്നും ഇതുവരെ ഉണ്ടായിട്ടില്ല. തങ്ങളുടെ ജോലിയിൽ വിട്ടുവീഴ്ച നടത്തുന്ന, രക്ഷപ്പെട്ട് പോവാൻ ശ്രമിക്കുന്ന റെപ്ലിക്കന്റസിനെ ഇല്ലായ്മ ചെയ്യാനായി ഒരു പോലീസ് ഫോഴ്‌സ് തന്നെ നിലവിലുണ്ട്, ആ സേനയിൽ ഉദ്യോഗസ്ഥനാണ് നായകനായ ഏജന്റ് കെ.

🔸ഇത്തരത്തിലുള്ള ഒരു ദൗത്യത്തിനിടെ റെപ്ലികൻസിനെ കുറിച്ച് എല്ലാവരും പുലർത്തിയിരുന്ന ഒരു മിഥ്യാധാരണയെ സംബന്ധിച്ചുള്ള ഒരു രഹസ്യം അയാൾ അറിയുന്നതും അതിനെ തുടർന്നുള്ള അന്വേഷണം മുൻ ചിത്രത്തിലെ നായകനായ റിക്ക് ദെക്കാർഡിൽ എത്തി നിൽക്കുന്നതും ഒക്കെയാണ് ചിത്രത്തിന്റെ കഥ. ആദ്യ ചിത്രത്തിന്റെ സോൾ ആയ റ്റിയേര്സ് ഇൻ ദി റെയിൻ പോലൊരു രംഗമാണ് ഈ ചിത്രത്തിന്റെയും എൻഡിങ്, വൺ ഓഫ് ദി വെരി ബെസ്റ്റ് എന്ന് പറയാവുന്നത്. തീർച്ചയായും കണ്ടിരിക്കേണ്ട ഒരു മികച്ച സിനിമയാണ് ബ്ലെയ്ഡ് റണ്ണർ 2049, കാണാൻ ശ്രമിക്കുക.

Verdict : Must Watch

DC Rating : 4.75/5 

955. Blade Runner (1982)

Director : Ridley Scott

Genre : Sci Fi

Rating : 8.1/10

Country : USA

Duration : 117 Minutes

🔸നിരൂപക സിംഹങ്ങളും ആരാധക വൃന്ദവും എല്ലാം എപിക് സ്റ്റാറ്റസ് അല്ലെങ്കിൽ മസ്റ്റ് വാച്ച് ലേബൽ കൊടുത്ത സിനിമകളിൽ പേഴ്സണലി അത്ര സംഭവമായി തോന്നാത്ത ചിത്രങ്ങൾ അനവധിയുണ്ട്. അവതാർ, ഗ്ലാഡിയേറ്റർ, ടൈറ്റാനിക് എന്നിവയൊക്കെ അവയിൽ ചിലത് മാത്രമാണ്, ആദ്യമായി കണ്ട സമയത്ത് ഈ ഒരു ലിസ്റ്റിൽ ചേർത്ത സിനിമ ആയിരുന്നു ബ്ലെയ്ഡ് റണ്ണർ. എന്നാൽ കണ്ട് കഴിഞ്ഞ ശേഷം വർഷങ്ങൾ ഇത്രയും കഴിയുമ്പോൾ ഗ്രാജ്വലി ആ സിനിമ കൊണ്ടുവന്ന മാറ്റം വളരെ വലുതാണ്, ഇന്നും ക്ലാസ്സിക് പോലുള്ള വിശേഷണം കൊടുക്കില്ലെങ്കിലും ഇഷ്ട്ടപ്പെട്ട ഒരു ചിത്രമാണ് ബ്ലെയ്ഡ് റണ്ണർ.

🔸ബലെയ്ഡ് റണ്ണർ ആദ്യമായി കണ്ടപ്പോൾ അനുഭവപ്പെട്ട നെഗറ്റിവ് ചിന്തകളിൽ ഒന്ന് ആദ്യമേ പറയാം, ഒരു ചെറിയ വാണിങ് ഒക്കെ പോലെ. സിനിമ ടെക്കനോളജിക്കലി സുപ്പീരിയർ ആണ്, പ്രത്യേകിച്ചും എൺപതുകളിലെ മറ്റ് ചിത്രങ്ങളുമായി ഒക്കെ തട്ടിച്ച് നോക്കുമ്പോ ഒരു പുതിയ യുണിവേഴ്‌സ് ജനുവിൻ ആയ തോതിൽ സൃഷ്ടിക്കുക, അതിലേക്ക് വെറൈറ്റി ആയ കൺസപ്റ്റ് കൊണ്ടുവരിക എന്നതൊക്കെ മികച്ച കാര്യം തന്നെ, പക്ഷെ ഇമോഷണലി ഈ സിനിമയുമായി കണക്റ്റ് ചെയ്യാൻ കഴിയില്ല എന്നതായിരുന്നു അന്ന് തോന്നിയത്. റെപ്ലികന്റ്സ് എന്ന വില്ലന്മാരായി കാണിച്ച വിഭാഗത്തെ മാറ്റിയാൽ നോര്മലായ മനുഷ്യ കഥാപാത്രങ്ങൾ അല്പം ബോർ ആയി തന്നെയാണ് തോന്നിയത്.

🔸ഹാരിസൺ ഫോർഡിന്റെ നായക കഥാപാത്രമായ റിക്ക് ദെക്കാർഡിനേക്കാൾ ഇഷ്ടപ്പെട്ടത് വില്ലനായ റോയ് ബാറ്റിയെ ആണ് എന്ന് പറഞ്ഞാൽ പോലും തെറ്റില്ല, ആഫ്റ്റർ ഓൾ പുള്ളിയുടെ ക്ലൈമാക്സിലെ റ്റിയേര്സ് ഇൻ ദി റെയിൻ മോണോലോഗ് എങ്ങനെ മറക്കാനാവും, ഞാൻ ഇന്നേവരെ കണ്ട സിനിമകളിലെ ഏറ്റവും മികച്ച സീനുകളിൽ ഒന്നായിരിക്കും ആ രംഗം, തീർച്ച. ആ ഒരു മോണോലോഗിൽ നിന്ന് തന്നെയാണ് ചിത്രത്തെ പറ്റിയുള്ള പ്രൈമറി വ്യൂ മാറി തുടങ്ങിയത് എന്നും വേണമെങ്കിൽ പറയാം, വളരെ ഡീപ് ആയൊരു ചിത്രം കൂടിയാണ് ബ്ലെയ്ഡ് റണ്ണർ.

🔸സിനിമയുടെ കഥയിലേക്ക് കടക്കുക ആണെങ്കിൽ ഒരു മുൻകാല പോലീസ് ഉദ്യോഗസ്ഥനായ റിക്ക് പിന്നീട് റെപ്ലിക്കന്റ്സ് എന്ന ആൻഡ്രോയിഡ് വിഭാഗത്തെ കണ്ടെത്തി കോല ചെയ്യുന്ന സ്പെഷ്യൽ ഏജന്റ് ആവുന്നതും, തുടർന്നുള്ള യാത്രയിൽ അയാൾക്ക് തന്നെ നേരിടേണ്ടി വരുന്ന പേഴ്സണൽ ക്രൈസിസും എല്ലാമാണ് കഥ. ഇത്രയും വർഷങ്ങൾക്ക് ശേഷം തിരിഞ്ഞ് നോക്കുമ്പോൾ മനോഹരമായ ഒരു സിനിമയാണ് ബ്ലെയ്ഡ് റണ്ണർ, ആദ്യ കാഴ്ചയിലെ അനുഭവം തുടർ കാഴ്ചയിൽ മാറ്റി എഴുതിപ്പിച്ച അപൂർവ്വത്തിൽ അപൂർവം സിനിമകളിൽ ഒന്ന്, അപ്പോൾ കണ്ട് നോക്കാൻ മടിക്കേണ്ട.

Verdict : Very Good

DC Rating : 4/5 

954. Mirzapur (2018)

Director : Karan Anshuman

Genre : Crime

Rating : 8.4/10

Seasons : 02

Episodes : 19

Duration : 38 - 65 Minutes

🔸നിലവാരം ഉള്ള ഇന്ത്യൻ സീരീസുകളുടെ കാര്യം പറയുമ്പോൾ പലരും പറഞ്ഞ് കേട്ട ഒരു പേരാണ് മിർസാപൂർ. കാണാൻ മുന്നേ ഒരു തവണ തുനിഞ്ഞ് ഇറങ്ങിയതായിരുന്നു എങ്കിലും ഒരു രണ്ടാം സീസൺ കൂടി വരുന്നുണ്ട് എന്ന് കേട്ടതിനാൽ മാറ്റി വെക്കുക ആയിരുന്നു, അതെന്ത് തന്നെ ആയാലും രണ്ടാമത്തെ സീസൺ ഇപ്പോൾ പ്രൈമിൽ സ്ട്രീം ചെയ്യുന്നുണ്ട്, താല്പര്യം ഉള്ളവർക്ക് മിർസാപൂർ കാണാനുള്ള ബെസ്റ്റ് ടൈം ആണ്. ആദ്യ സീസണിനെ അപേക്ഷിച്ച് വീക്ക് ആയി തോന്നിയെങ്കിലും രണ്ടാം ഭാഗവും നിലവാരത്തിൽ അത്ര മോശമൊന്നുമല്ല, കണ്ട് നോക്കാവുന്നതാണ്.

🔸ഉത്തർ പ്രദേശിലെ ഒരു റൂറൽ ഗ്രാമ പ്രദേശത്ത് ആണ് മിർസാപൂർ കഥ പറഞ്ഞ് തുടങ്ങുന്നത്, സേക്രഡ് ഗെയിംസിൽ നിന്നും മറ്റും തീർത്തും വ്യത്യസ്തമായി റൂറൽ പശ്ചാത്തലം കഥ കുറച്ച് കൂടി ഹാർട്ടിനോട് ചേർത്ത് പിടിക്കുന്നുണ്ട്. കഥയുടെ സ്റ്റെയ്ക്ക്സ് പേഴ്സണലാണ്, കഥ ഗ്രൗണ്ടഡ് ആണ്, അത് കൊണ്ട് തന്നെ കുറച്ച് കൂടി തീവ്രത അനുഭവപ്പെട്ടു ഈ കഥയിൽ. ഒരു ഗ്യാങ്‌സ്റ്റർ ബേസ്ഡ് കഥ എന്ന് കേൾക്കുമ്പോൾ സ്വാഭാവികമായും പ്രതീക്ഷിക്കുന്ന വകകൾ എല്ലാം ഈ സീരീസിലുണ്ട് എന്ന് മാത്രമല്ല അവ ഒട്ടും ബോർ അടിപ്പിക്കാതെയും അവർത്തനത്തിന്റെ ഫീൽ തരാതെയും സീരീസ് അവതരിപ്പിച്ചിട്ടുണ്ട്.

🔸മിർസാപൂർ എന്ന ഫിക്ഷനൽ ഗ്രാമത്തിലെ അവസാന വാക്ക് അല്ലെങ്കിൽ ഓൾ ഇൻ ഓൾ ആയ കാലീൻ ഭയ്യാ എന്ന കഥാപാത്രം അവിടെ തന്നെയുള്ള സർവ സാധാരണക്കാരായ പണ്ഡിറ്റ് കുടുംബവുമായി ഒന്ന് ഉടക്കുന്നതും, പിന്നീട് ഈ ഈഗോ ക്ലാഷ് അങ് എസ്കേലേറ്റ് ചെയ്ത് പോവുന്നതും എല്ലാമാണ് സീരീസിന്റെ സ്റ്റോറി, ഇത് ഒരു തുടക്കം മാത്രമാണ്, പിന്നീട് കഥ പല കൈവഴികളിലൂടെ ഒക്കെ പോവുന്നുണ്ട്, പല പല കഥാപാത്രങ്ങൾ മുന്പന്തിയിലേക്ക് കയറി വരുന്നുമുണ്ട്. വളരെ ബ്രൂട്ടൽ ആൻഡ് ഇന്റെൻസ് ആയാണ് കഥ പുരോഗമിക്കുന്നതും, അവതരിപ്പിച്ചിരിക്കുന്നതും.

🔸മൻപ് ഹിന്ദിയിലെ ഏറ്റവും അണ്ടർ യൂട്ടിലൈസ്ഡ് ആയ നടന്മാരിൽ ഒരാളായി കണ്ട വ്യക്തിയാണ് പങ്കജ് ത്രിപാഠി, മിർസാപൂരിനും മുന്നേ, ആ ഒരു അഭിപ്രായം ഊട്ടി ഉറപ്പിക്കുന്നുണ്ട് ഈ സീരീസ്. ഈ സീരീസിലെ തന്നെ കഥാപാത്രം സ്‌ക്രീനിൽ കൊണ്ടുവരുന്ന ആ ഒരു കമാൻഡിങ് സ്വഭാവം വേറെ ലെവൽ തന്നെയാണ്. ആദ്യ സീസൺ അന്യായമായ ഒരനുഭവം ആയിരുന്നെങ്കിൽ രണ്ടാം ഭാഗം എവിടെ ഒക്കെയോ പിറകിലേക്ക് പോയ പ്രതീതി ആയിരുന്നു, അതിനാൽ തന്നെ പ്രതീക്ഷിച്ചത്ര ഒരു എന്ജോയബിൾ വാച്ച് ആയിരുന്നില്ല, എന്നാലും കാണാൻ നിർദ്ദേശിക്കും.

Verdict : Good

DC Rating : 3.75/5 

953. Vagabond (1985)

Director : Agnes Varda

Genre : Drama

Rating : 7.7/10

Country : France

Duration : 105 Minutes

🔸വാഗാബോൻഡ് എന്ന ആഗ്നസ് വാർഡ സിനിമയെ പറ്റി കൂടുതൽ പറയുന്നതിനും, അത് നിങ്ങൾ കാണുന്നതിനും മുൻപ് ഒരു ചെറിയ കാര്യം പറഞ്ഞിടാം. സംഭവം വേറൊന്നുമല്ല പ്ലോട്ട് പ്രോഗ്രഷൻ എന്ന പേരിൽ കാര്യമായി ഒന്നും തന്നെ സിനിമയിൽ നടക്കുന്നില്ല, അത് പ്രതീക്ഷിച്ച് കാണാൻ ഇരിക്കേണ്ടതില്ല. ഏറെക്കുറെ ആദ്യ സീൻ കാണുമ്പോൾ നമ്മൾ പ്രതീക്ഷിക്കുന്ന മേഖലയിലൂടെ ഒക്കെ തന്നെയാണ് സിനിമ പോവുന്നത്, എന്തിരുന്നാലും ചിത്രത്തിന്റെ ട്രീറ്റ്‌മെന്റ് സ്പെഷ്യലാണ്, അതാണ് എടുത്ത് പറയേണ്ടതും.

🔸ഒരു ഫ്രഞ്ച് ഗ്രാമത്തിലെ ഒഴിഞ്ഞ താഴ്വരയിലാണ് ചിത്രം ആരംഭിക്കുന്നത്, ആളൊഴിഞ്ഞ ഒരു സ്ഥലത്തിന്റെ ഏരിയൽ ഷോട്ട് കാണിച്ച് തുടങ്ങുന്ന ഈ ഭാഗത്തിന്റെ ഫോക്കസ് താമസിയാതെ തന്നെ സ്ഥലത്തെ ഒരു ഒഴിഞ്ഞ ഭാഗത്തേക്ക് മാറുന്നു. അവിടെ, ആ മലമ്പ്രദേശത്തെ രണ്ട് മരങ്ങൾക്ക് ഇടയിലായി ഒരു സ്ത്രീയുടെ ശരീരം കാണാം, മരണം നടന്ന് കഴിഞ്ഞെന്ന് വ്യക്തം, ആരാണെന്നോ എന്താണെന്നോ വ്യക്തമാവുന്ന സൂചനകൾ ഒന്നും തന്നെ പ്രഥമ ദൃഷ്ടിയിൽ അവിടെ കാണാനില്ല. ഈ ഒരു പശ്ചാത്തലത്തിലാണ് വാഗാബോൻഡ് കഥ പറഞ്ഞ് തുടങ്ങുന്നത്.

🔸ലോറൻസ് ഓഫ് അറേബ്യാ എന്ന സിനിമയുടെ തുടക്കവുമായി സാമ്യം പുലർത്തുന്ന, ഈ മരിച്ച് കിടക്കുന്ന കഥാപാത്രമാണ് നമ്മുടെ നായികയായ മോണ. ഏതൊരു വഴിവക്കിലെ മരണ കലാപരിപാടിയും പോലെ വിസ്‌മൃതിയിൽ ആണ്ട് പോവുമായിരുന്ന ഈ കേസിൽ പക്ഷെ അതുണ്ടായില്ല. ഈ സംഭവത്തിൽ തോന്നിയ വെറുമൊരു കൗതുകം കാരണം ഒരു യുവതി, ഈ ചിത്രത്തിന്റെ സംവിധായക തന്നെ, ഇതിന് പുറമെ വെച്ച് പിടിക്കുകയാണ്. ആദ്യമായി ശരീരം കണ്ട ആള് തൊട്ട് അവളെ ഒരിക്കൽ എങ്കിലും നേരില്കണ്ടിട്ടുള്ളവരെ വരെ അവൾ തന്റെ വിഷയങ്ങളായി കൊണ്ടുവരികയാണ്.

🔸ഇങ്ങനൊരാൾ ഒരുനാൾ ജീവിച്ചിരുന്നു, തങ്ങൾക്ക് അവളെ അറിയാം, കണ്ട പരിചയമുണ്ട് എന്നീ അറിവുകൾ അല്ലാതെ മോണയെ പറ്റി സത്യത്തിൽ പുതുതായി ഒന്നും അന്വേഷകയ്ക്ക് ലഭിക്കുന്നില്ല, ഇനി അവൾ പൊട്ടിമുളച്ച് ഉണ്ടായതാണോ എന്ന സംശയം പോലും ബാക്കി. ഈ ഒരു അന്വേഷണം തൊട്ട് മോണയുടെ മരണം വരെയുള്ള സംഭവങ്ങളിലേക്ക് ഉള്ള ഒരു തിരിഞ്ഞുനോട്ടമാണ് ഈ സിനിമ. പൊതുവെ ആഗ്നസ് വാർഡയുടെ സിനിമകൾ വലിയ താല്പര്യം ഉണർത്തിയിട്ടില്ല എങ്കിലും വാഗാബോൻഡ് ഒരു മികച്ച അനുഭവം തന്നെ ആയിരുന്നു, തീർച്ചയായും കാണാൻ ശുപാർശ ചെയ്യും.

Verdict : Very Good

DC Rating : 4/5 

952. Letter Never Sent (1960)

Director : Mikhail Kalatozov

Genre : Drama

Rating : 7.9/10

Country : Russia

Duration : 96 Minutes

🔸ലെറ്റർ നെവർ സെന്റ് എന്ന അറുപതുകളിൽ പുറത്തിറങ്ങിയ റഷ്യൻ ചിത്രത്തെ ഒരു ജോണറിലേക്ക് അല്ലെങ്കിൽ ഒരു വിഭാഗത്തിലേക്ക് മാത്രമായി കാറ്റഗറൈസ് ചെയ്യുന്നത് ഒരല്പം മണ്ടത്തരമാണ്. കാരണം വേറൊന്നുമല്ല ചില സ്ഥലങ്ങളിൽ സിനിമ ഒരു ഡോക്യുമെന്ററിയുടെ സ്വഭാവം കാണിക്കും, ചിലയിടത്ത് ഇതൊരു സർവൈവൽ ത്രില്ലർ ആണോ എന്ന സംശയവും ജനിപ്പിക്കും, ഒരു ഡ്രാമ എന്ന് പറഞ്ഞാലും തെറ്റില്ല. സത്യത്തിൽ ഇതിനിടയിൽ എവിടെയോ ആണ് ഈ റഷ്യൻ ചിത്രം, എന്ത് തന്നെ ആയാലും നൽകുന്ന അനുഭവം മികച്ചതാണ്.

🔸ഛായാഗ്രഹണത്തിൽ ഒരു റെയർ ഫീറ്റ് ആണ് ലെറ്റർ നെവർ സെന്റ് എന്ന ചിത്രം, മഞ്ഞ് പുതച്ച് കിടക്കുന്ന സൈബീരിയ ആണ് ചിത്രത്തിന്റെ കഥാ പശ്ചാത്തലം, അതിന്റെ ഭംഗിയും വന്യതയും എല്ലാം ഒരേസമയം അർഹിച്ച തോതിൽ തന്നെ സ്‌ക്രീനിൽ പകർത്തി വെച്ചിട്ടുണ്ട്. ഓപ്പണിങ് ഷോട്ടിൽ കഥാപാത്രങ്ങളിൽ നിന്നും അകന്ന് ആകാശത്തേക്ക് പോവുന്ന കാമറ ഷോട്ട് മുതൽക്ക് തന്നെ ചിത്രം അതിശയിപ്പിച്ച് തുടങ്ങും. കഥയിലേക്ക് കടക്കുക ആണെങ്കിൽ രത്നങ്ങളുടെ കൂമ്പാരം കണ്ടെത്താനായി സൈബീരിയയിലേക്ക് എത്തുന്ന ഒരു കൂട്ടം ആളുകളും മറ്റുമൊക്കെയാണ് പ്രെമിസ്, എന്നാൽ ഇതിൽ നിന്ന് മാറി ഹ്യുമൻ ഇമോഷൻസിലേക്കും മറ്റും ഫോക്കസ് ചെയ്യുന്നുമുണ്ട്.

🔸സീൻ പ്രോഗ്രഷന് ഒപ്പം തന്നെ കഥയും പുരോഗമിച്ച് മറ്റൊരു തലത്തിലേക്ക് പോവുന്നുണ്ട് എങ്കിലും മെറ്റഫറിക്കൽ ആയ രീതി അവലംബിച്ച അവതരണം കാരണം പ്ലോട്ട് അധികം വിവരിക്കുന്നത് നന്നാവില്ല. ജിയോളജിസ്റ്റുകളുടെ അതിജീവനത്തിന് ആയുള്ള ശ്രമങ്ങളും മറ്റുമൊക്കെ കഥയുടെ ഭാഗമായി വരുന്നുണ്ട് താനും. പറഞ്ഞ് ഫലിപ്പിക്കാനോ അല്ലെങ്കിൽ വാക്കുകളിൽ കൂടി വിവരിക്കാനോ പറ്റിയ ഒന്നല്ല ഈ ചിത്രം, ശ്രമിക്കാം എങ്കിൽ കൂടിയും പരാജയം ആയിരിക്കും, ആ ഒരു ആശയം ഒരിക്കലും സിനിമയിൽ ഉള്ള തോതിൽ പകർത്തി വെക്കാനാവില്ല.

🔸ചിത്രത്തിൽ വിഷ്വൽസിനും അത് കാണിച്ചിരിക്കുന്ന രീതിക്കും പിന്തുടർന്നിരിക്കുന്ന സ്റ്റൈലിനും വലിയ പ്രാധാന്യമുണ്ട്, കഥാഗതിയിലും മറ്റും വരുന്ന മാറ്റങ്ങൾ അതാത് സീനുകളിലെ ചുറ്റുപാടുകളിൽ അവതരിപ്പിച്ചിരിക്കുന്ന മാറ്റങ്ങളുമായി കൂട്ടി വായിക്കുന്നത് ഒരു മികച്ച അനുഭവമാണ് നൽകുക, പ്രത്യേകിച്ചും കഴിഞ്ഞ് പോയ വർഷങ്ങൾ കൂടി പരിഗണിക്കുമ്പോൾ. സിനിമാ ആസ്വാദകരും വിദ്യാർത്ഥികളും ഒരുപോലെ കണ്ടിരിക്കേണ്ട ചിത്രമാണ് ലെറ്റർ നെവർ സെന്റ്, വളരെ യുണീക് ആയി അനുഭവപ്പെട്ട ഒരു സിനിമ.

Verdict : Must Watch

DC Rating : 4.5/5 

951. Pulang (2018)

Director : Kabir Bhatia

Genre : Romance

Rating : 6.7/10

Country : Malaysia

Duration : 120 Minutes

🔸 മലേഷ്യ എന്ന രാജ്യത്തിന്റെ ഭംഗി കാണിച്ചിരിക്കുന്ന സിനിമകളിലൊന്നാണ് പുലാങ്, മുൻപ് മലേഷ്യ ട്രൂലി ഏഷ്യ പോലുള്ള ആഡുകളിൽ രാജ്യത്തിന്റെ മനോഹാരിത കണ്ടിട്ടുണ്ട് എങ്കിലും അതിന്റെ ഭംഗി ഏറ്റവും ആസ്വദിച്ചത് ഈ സിനിമയിലൂടെ ആവണം. സത്യത്തിൽ ഈ സിനിമയുടെ ഏറ്റവും വലിയ എന്നത് സിനിമാറ്റോ ഗ്രഫി തന്നെയാണ്. ഒരു റൊമാൻസ് ഡ്രാമ സിനിമ ആണ് പുലാങ്, താല്പര്യം തോന്നിക്കുന്ന പ്ലോട്ട് ആണ് ചിത്രത്തിലേത്. പതിറ്റാണ്ടുകൾ നീണ്ട് നിൽക്കുന്ന ഒന്ന് എന്ന് വിശേഷിപ്പിക്കാം ഈ കഥയെ. വർത്തമാനകാലത്ത് ആണ് സിനിമ ആരംഭിക്കുന്നത്.

🔸മരണം കാത്ത് കിടക്കുന്ന ഒരു വൃദ്ധയെ കാണിച്ച് കൊണ്ടാണ് സിനിമ ആരംഭിക്കുന്നത്, അവരുടെ അടുത്ത് പേരമകൻ അല്ലാതെ മറ്റാരും തന്നെയില്ല, തന്റെ മരണം അടുത്ത് കഴിഞ്ഞിരിക്കുന്നു എന്ന് അവർക്ക് വ്യക്തമായി അറിയാം. ഈ ഒരു വേളയിൽ തന്റെ മകന്റെ മകനോട് ഒരു ചെറിയ ആവശ്യം അവർ ഉന്നയിക്കുകയാണ്, ഈ ഒരു ആവശ്യത്തിൽ ഊന്നിയാണ് ചിത്രം മുന്നോട്ട് പോവുന്നത്. ഉദ്ദേശം ആറ് പതിറ്റാണ്ട് മുൻപ്, യുദ്ധ കാലത്ത് ആണ് ഇന്ന് വൃദ്ധയായ ഈ കഥാപാത്രം പ്രസ്തുത കടലോര ഗ്രാമത്തിൽ എത്തുന്നത്.

🔸പിന്നീട് ഒരു മടങ്ങി പോക്ക് ഉണ്ടായില്ല എന്ന് മാത്രമല്ല ഹാജി എന്ന യുവാവിനെ കല്യാണം കഴിച്ച് ശിഷ്ട കാലം ഇവിടെ തന്നെ അങ് ചിലവഴിച്ചു, പ്രണയ വിവാഹം ആയിരുന്നു ഇരുവരുടെയും. വൃദ്ധ ഉന്നയിച്ച ആവശ്യം എന്താണെന്ന് പറയാം, തന്റെ ഭർത്താവായ ഹാജി വർഷങ്ങൾക്ക് മുന്നേ കപ്പലിലെ ജോലി ആവശ്യത്തിനായി നാട് വിട്ട് പോയ ആളാണ്, അറുപതിൽ അധികം വർഷങ്ങൾക്ക് മുന്നേ, പുള്ളി പിന്നീട് ഒരിക്കലും മടങ്ങി വന്നിട്ടില്ല, താൻ മരിക്കുന്നതിന് മുന്നേ അയാളെ പറ്റി അറിയണം എന്നതാണ് ആവശ്യം, എളുപ്പമല്ല എന്നറിയാം എങ്കിലും അതറിയാതെ മരിക്കുന്നതിനെ അവർ ഭയപ്പെട്ടിരുന്നു.

🔸രണ്ട് കഥാപാത്രങ്ങൾ തമ്മിൽ ഒരു വഴക്ക് പോലും ഉണ്ടായിട്ടില്ല, അത്രയും സന്തുഷ്ടമായ ദാമ്പത്യം ആയിരുന്നു താനും, പിന്നീട് ഒരിക്കലും തിരികെ വരാൻ മാത്രം എന്താണ് ഉണ്ടായത് എന്നത് ഒരല്പം മിസ്റ്ററി തന്നെയാണ്. ഈ ഒരു ചോദ്യത്തിന് ഉള്ള ഉത്തരമാണ് രണ്ട് മണിക്കൂർ പരിധിയിൽ ഉള്ള ചിത്രം. നല്ലൊരു പ്ലോട്ട് ആണെങ്കിൽ കൂടിയും അവസാനം ഒക്കെ ആയപ്പോൾ പ്രെഡിക്റ്റബിൾ ആയി അനുഭവപ്പെട്ട സിനിമയാണ് പുലാങ്, എന്തിരുന്നാലും പ്രകടനവും വിഷ്വൽസിന്റെ ഭംഗിയും എല്ലാം കൊണ്ട് ഒരുപരിധി വരെ ഇതെല്ലാം തരണം ചെയ്തിട്ടുണ്ട്. കണ്ട് നോക്കുന്നതിൽ തെറ്റില്ല.

Verdict : Watchable

DC Rating : 3/5 

950. West Beirut (1998)

Director : Ziad Doueiri

Genre : War

Rating : 7.7/10

Country : Lebanon

Duration : 105 Minutes

🔸വെസ്റ്റ് ബൈറൂത് എന്ന സിനിമ കണ്ട് കഴിഞ്ഞ ശേഷമാണ് അറിഞ്ഞത് ചിത്രത്തിലെ കഥയ്ക്ക് സംവിധായകന്റെ തന്നെ ആത്മകഥാ അംശങ്ങൾ ഉണ്ട് എന്നത്, എന്നാൽ അതൊട്ടും അത്ഭുതാവഹമായി അനുഭവപ്പെട്ടില്ല, കാരണം അത്യാവശ്യം പേഴ്സണൽ ആയ തോതിൽ ഇമോഷണൽ ആയാണ് ചിത്രം സ്ക്രീനിലേക്ക് അവതരിപ്പിച്ചിരിക്കുന്നത്, കുറഞ്ഞത് തനിക്ക് അറിയാവുന്ന ഒരാളുടെ എങ്കിലും കഥ ആണ് സംവിധായകൻ പകർത്തി വെച്ചിരിക്കുന്നത് എന്നത് പ്രതീക്ഷിച്ച കാര്യം തന്നെ ആയിരുന്നു, അത് തെറ്റിയതുമില്ല. ആഭ്യന്തര യുദ്ധ കാലത്തെ സംഭവങ്ങൾ ഒരു പൊളിറ്റിക്കൽ ടച്ചോടെ ആണ് ഇവിടെ കാണിച്ചിരിക്കുന്നത്.

🔸വർഷം ആയിരത്തി തൊള്ളായിരത്തി എഴുപത്തി അഞ്ച്, കഥയിലേക്ക് കടക്കുന്നതിന് മുന്നേ ലെബനൻ എന്ന രാജ്യത്തിൻറെ ആ കാലഘട്ടത്തിലെ ഒരു അവസ്ഥ പറയുന്നത് നന്നാവും. ലെബനനെ മൂന്നായി തിരിക്കാം, മുസ്ലീങ്ങൾക്ക് ഭൂരിപക്ഷം ഉള്ള ഭാഗം, ക്രിസ്ത്യാനികൾക്ക് ഭൂരിപക്ഷം ഉള്ള ഭാഗം, ഇതിൽ രണ്ടിലും പെടാതെ എന്നാൽ രണ്ടിന്റെയും നടുക്കായി അതിർത്തി പങ്കിടുന്ന ബെയ്‌റൂട്. രണ്ട് വിഭാഗങ്ങൾ തമ്മിലും അവിടുള്ള കക്ഷികൾ തമ്മിലും കുറച്ച് കാലമായി നല്ല തോതിൽ തന്നെ വഴക്കും വക്കാണവും നടക്കുന്നുണ്ട്, ആയുധമെടുപ്പ് കലാപരിപാടിയിലേക്ക് കടന്നിട്ടില്ല എന്ന് മാത്രം.

🔸താരിഖ് എന്ന നമ്മുടെ നായക കഥാപാത്രം ഒരു ഫ്രഞ്ച് ഹൈസ്‌കൂളിലെ വിദ്യാർത്ഥി ആണ്, ഈ ഫ്രഞ്ച് സ്‌കൂളിന്റെ ഒരപ്രഖ്യാപിത നയം എന്നത് തങ്ങൾ പഠിപ്പിക്കുന്ന വിദ്യാർത്ഥികളെ ഫ്രഞ്ച് സർക്കാരിന്റെ നയങ്ങളെ ബഹുമാനിക്കാൻ പഠിപ്പിക്കലും മറ്റുമൊക്കെയാണ്, ഇതിനോട് താരീഖ് ഒരുതരം എതിർപ്പ് പ്രകടിപ്പിച്ചിരുന്നു താനും. മുസ്ലീങ്ങൾക്ക് മേൽക്കോയ്മ ഉള്ള സ്ഥലത്താണ് താരീഖിന്റെ കുടുംബം താമസിക്കുന്നത്. സാമ്പത്തികമായി ബേധപ്പെട്ട, റെസ്പെക്റ്റബിൾ ആയ ജോലി ഉള്ളവരാണ് അവന്റെ മാതാപിതാക്കൾ.

🔸പൊതുവെ സ്‌കൂളിൽ പോവുക എന്നതിനോട് അങ്ങേയറ്റം എതിർപ്പും താല്പര്യമില്ലായ്മയും ഉള്ള താരീഖിന്റെ ആഗ്രഹം ദൈവം കേട്ടു എന്നവണ്ണം ആ രാജ്യത്ത് ആഭ്യന്തര കലഹം പൊട്ടിപ്പുറപ്പെടുകയാണ്, സ്‌കൂളുകൾ എല്ലാം തന്നെ അടച്ചിടുകയും ചെയ്യുന്നു. എല്ലാംകൊണ്ടും നന്ന് എന്നൊരു ചിന്ത താരീഖിന് വന്നു എങ്കിലും താൻ കരുതുന്നത് പോലല്ല കാര്യങ്ങൾ എന്നവൻ തിരിച്ചറിയാൻ പോവുന്നെ ഉണ്ടായിരുന്നുള്ളൂ. അത്യാവശ്യം പൊളിറ്റിക്കൽ ബേസുള്ള, ഒരു ഡ്രാമ ചിത്രമാണ് വെസ്റ്റ് ബൈറൂത്, കൈകാര്യം ചെയ്യാൻ ഉദ്ദേശിക്കുന്ന വിഷയത്തോട് നൂറ് ശതമാനം നീതി പുലർത്തുന്ന ചിത്രം കണ്ടിരിക്കേണ്ട ഒന്ന് തന്നെയാണ്.

Verdict : Very Good

DC Rating : 4.25/5 

949. Blood Of Zeus (2020)

Director : Shaunt Nigoghossian

Genre : Animation

Rating : 7.8/10

Seasons : 01

Episodes : 08

Duration : 25 - 37 Minutes

🔸ഈ ഗ്രീക്ക് മിത്തോളജി എന്നത് കഥകളുടെ ഒരു കൂമ്പാരം ആണെന്ന് കേട്ടിട്ടുണ്ട്, ഇവയിൽ പലതും പല ഭാഷകളിലും രാജ്യങ്ങളിലും ഒക്കെയായി മറ്റ് പല സൃഷ്ട്ടികൾക്കും ആധാരമായിട്ടുണ്ട്. ലോകത്തിറങ്ങിയ, പ്രചരിച്ച സകലമാന കഥകളുടെയും ഒരേട് എങ്കിലും ഇവിടെ കാണാനാവും എന്ന് മുൻപ് വായിച്ചിട്ടുണ്ട്, എത്രത്തോളം അതിശയോക്തി ഉണ്ടെന്ന് അറിവില്ല. ഈ ഗ്രീക്ക് മിത്തോളജിയിലെ അധികമാരും കേട്ടിട്ടില്ലാത്ത, അറിഞ്ഞിട്ടില്ലാത്ത അല്ലെങ്കിൽ ഒഴിവാക്കപ്പെട്ട ഒരു കഥയാണ് ഈ സീരീസിലേത് എന്ന അവകാശവാദത്തോടെ ആണ് സീരീസ് ആരംഭിക്കുന്നത്, അത് തന്നെ നമ്മുടെ ശ്രദ്ധ പിടിച്ച് പറ്റും.

🔸ഈ ഗ്രീക്ക് മിത്തോളജിയിലെ ചതിയുടെയും കുടിപ്പകയുടെയും, അധികാര വടംവലിയുടെയും എല്ലാം കഥ ഹൊറർ എലെമെന്റുകളുമായി മിക്സ് ചെയ്ത് അവതരിപ്പിക്കുന്നതാണ് സീരീസിന്റെ ഫ്രഷ്നസ് കൂട്ടുന്ന കാര്യങ്ങളിൽ ഒന്ന്. ഉദാഹരണത്തിന് അവസാനത്തേതിന് തൊട്ട് മുൻപുള്ള എപ്പിസോഡിൽ കഥാപാത്രങ്ങൾ തങ്ങളുടെ ജീവിതത്തിലെ, സ്വകാര്യതയിൽ ഏറ്റവും കൂടുതൽ ഭയക്കുന്ന കാര്യത്തെ അഭിമുഖീകരിക്കേണ്ടി വരുന്ന സീക്വൻസ് ഒക്കെ കിടു തന്നെ ആയിരുന്നു, ദൈർഘ്യം ഒരല്പം കുറഞ്ഞ് പോയി എന്ന പരാതി മാത്രം. ഒരു രണ്ടാം ഭാഗത്തിന് സാധ്യത ഉണ്ടോ എന്ന് ചോദിച്ചാൽ, അതിന് ഒരു മുഴം സീരീസ് നീട്ടി എറിഞ്ഞിട്ടുണ്ട് എന്ന് പറയാം, പക്ഷെ അതിലേക്ക് കടന്നില്ല എങ്കിലും പ്രശ്നമില്ല, സ്റ്റോറി ആർക്കുകൾ ഒക്കെ അത്യാവശ്യം ടൈ അപ്പ് ചെയ്തിട്ടുണ്ട് ഇവിടെ.

🔸ഹെറോൺ എന്ന നമ്മുടെ നായക കഥാപാത്രം ആളൊരു സാധാരണക്കാരനാണ്, കുറഞ്ഞത് അങ്ങനെ ആണ് അയാളും ചുറ്റുമുള്ള നാട്ടുകാരും കരുതിയിരിക്കുന്നത്. നാട്ടുകാരുടെ കാര്യം പറഞ്ഞത് കൊണ്ട് പറയാം, ഒരു വരത്തൻ ആയത് കൊണ്ട് തന്നെ ഹെറോണിനോടും അവന്റെ അമ്മയോടും അത്ര നല്ല മനോഭാവമല്ല നാട്ടുകാർക്ക്, അവരുടെ അധ്വാനത്തിന് അർഹിച്ച കൂലിയോ ഒരു സഹ ജീവിയോട് കാണിക്കേണ്ട മിനിമം പരിഗണനയോ അവർക്ക് ആരുടെ കയ്യിൽ നിന്നും ലഭിക്കുന്നില്ല, എല്ലാം കൊണ്ടും വളരെ ദാരുണമായ അവസ്ഥ.

🔸ഇങ്ങനെ പോയി കൊണ്ടിരുന്ന ഹെറോണിന്റെ ജീവിതം ഒരുനാൾ ഒരു പ്രത്യേക സംഭവം കാരണം മാറി മറിയുകയാണ്, താമസിയാതെ തന്നെ അയാൾ ദൈവങ്ങളും മോൺസ്റ്റേഴ്സും തമ്മിലുള്ള നൂറ്റാണ്ടുകൾ ആയി നിലനിൽക്കുന്ന യുദ്ധത്തിൽ വരെ വളരെ പ്രധാനപ്പെട്ട ഒരു ഘടകമായി മാറുന്നുണ്ട്. ഉദ്ദേശം നാല് മണിക്കൂറിൽ താഴെ മാത്രം ദൈർഘ്യമുള്ള സീരീസ് ഒറ്റ സ്ട്രെച്ചിൽ ബിൻജ് വാച്ചിലൂടെ തീർക്കാവുന്നതാണ്, താല്പര്യം പിടിച്ചിരുത്തുന്ന കഥാ ഗതിയും അവതരണവും എല്ലാം മറ്റ് പ്ലസ് പോയിന്റുകളിൽ ചിലത് മാത്രമാണ്, അപ്പൊ പറഞ്ഞ് വന്നത് എന്താണെന്നത് കണ്ട് നോക്കാവുന്നതാണ് ഈ സീരീസ്, രസിക്കാനുള്ള വകുപ്പ് ഒക്കെയുണ്ട്.

Verdict : Good

DC Rating : 3.5/5 

948. Soorarai Pottru (2020)

Director : Sudha K Prasad

Genre : Drama

Rating : 8/10

Country : India

Duration : 148 Minutes

🔸സററൈ പോറ്റ്റ് എന്ന ചിത്രത്തിന്റെ തുടക്കത്തിൽ ഒരു സീനുണ്ട്, അതായത് നായികാ കഥാപാത്രവും കുടുംബവും ട്രെയിൻ മാർഗം നായകന്റെ ഗ്രാമത്തിലേക്ക് വരുന്ന സീൻ. ഇവിടെ വെച്ചാണ് മാര എന്ന നായകനെ പറ്റി നമ്മൾ ആദ്യമായി കേൾക്കുന്നതും അറിയുന്നതും, പട്ടാളത്തിൽ നിന്നും റിട്ടയർ ചെയ്ത് വന്ന, ആവശ്യത്തിന് പണമോ വരുമാനമോ നിലമോ ഇല്ലാത്ത പുള്ളിയെ പറ്റി അത്ര മതിപ്പോടെ അല്ല നായികാ കഥാപാത്രത്തിന്റെ ബന്ധുക്കൾ സംസാരിക്കുന്നത്. ഈ ഒരു സംസാരത്തെ അർഹമായ ബാലൻസിൽ തന്നെ കോൺഡ്രഡിക്റ്റ് ചെയ്യുന്നുണ്ട് ആ ട്രെയിനിലെ യാത്രക്കാരായ മറ്റ് ചിലർ. ഈ ഒരു പോയിന്റിൽ തന്നെ കഥാപാത്രം കടന്ന് പോവുന്ന അവസ്ഥയ്ക്കും പിന്നീടങ്ങോട്ടുള്ള കഥയുടെ പോക്കിനും എല്ലാം ഒരടിത്തറ ലഭിക്കുന്നുണ്ട്.

🔸മാര തങ്ങളുടെ നാട്ടിൽ എയ്‌റോപ്‌ളെയിൻ ഇറക്കും എന്ന ഈ സീനിലെ ഡയലോഗും മുൻപ് എക്സ്പ്രസ് ട്രെയിൻ ഗ്രാമത്തിൽ നിർത്താനായി അയാൾ കാണിച്ച കാര്യങ്ങളുടെ ഹിന്റും ഈ സീനിൽ കൊണ്ടുവന്നത് കഥാപാത്രത്തെ ഒരു ലാർജർ ദാൻ ലൈഫ് ഫിഗർ ആക്കി മാറ്റുമോ എന്നൊരു പേടി ഈ പോയിന്റിൽ വന്നു എങ്കിലും അതിനുള്ള ഉത്തരം തൊട്ടടുത്ത സീനിൽ തന്നെ ലഭിക്കുന്നുണ്ട്, മാരായും അച്ഛനും തമ്മിലുള്ള സീനിൽ. ഇവിടൊന്നും നമ്മൾ കാണാത്തതായോ പ്രതീക്ഷിക്കാത്തതായോ ഒന്നും തന്നെ ഇല്ല എങ്കിലും ആ ട്രീറ്റ്‌മെന്റ്, പ്രകടനം എന്നിവ മറ്റൊരു തലത്തിലേക്ക് കാഴ്ചയെ കൊണ്ട് പോവുന്നുണ്ട്, യാതൊരു സംശയവും ഇല്ലാതെ പറയാം ഈ ഒരു വസ്തുത തന്നെയാണ് ചിത്രത്തിന്റെ നട്ടെല്ല്.

🔸കയാപ്റ്റൻ ഗോപിനാഥൻ എന്ന റിയൽ ലൈഫ് വ്യക്തിത്വത്തിന്റെ ജീവിതമാണ് ഇവിടെ വിഷ്വലൈസ് ചെയ്യപ്പെട്ടിരിക്കുന്നത്, സാധാരണക്കാരായ ജനങ്ങൾക്ക് ഏറോപ്ലെയ്‌ൻ യാത്ര അപ്രാപ്യമായിരുന്ന കാലത്ത് അതിനായി തന്റെ ജീവിതത്തിന്റെ നല്ലൊരു ഭാഗം ഉഴിഞ്ഞ് വെച്ച അദ്ദേഹത്തിന്റെ കഥയ്ക്ക് പ്രസക്തിയുണ്ടോ എന്ന ചോദ്യം തന്നെ കൊമെടിയാണ്. രണ്ടര മണിക്കൂർ ദൈർഘ്യം ഉള്ള ചിത്രം മാര എന്ന കഥാപാത്രത്തിന്റെ ജീവിതത്തിലെ ഒട്ടനവധി പോയിന്റുകൾ, അവിടെ അയാൾ നേരിടേണ്ടി വന്ന സ്ട്രഗിളുകൾ എല്ലാം കവർ ചെയ്യുന്നുണ്ട്. ഇത്രയും ഭാഗങ്ങളിലേക്ക് കഥയെ കൊണ്ട് പോയ ശേഷം ഒരു കില്ലർ പേ ഓഫ് കൂടി നൽകുന്നുണ്ട് ചിത്രം.

🔸നേരത്തെ പറഞ്ഞത് പോലെ തന്നെ പെർഫോമൻസ് ആണ് ചിത്രത്തിന്റെ ബാക്ക്ബോൺ. നായകനായി എത്തിയ സൂര്യ, അച്ഛനായി അഭിനയിച്ച പുള്ളി, അമ്പരപ്പിച്ച ഉർവശി, അപർണ, സുഹൃത്തുക്കളായി എത്തിയവർ എന്നിവരെല്ലാം തന്നെ തങ്ങളുടെ എ ഗെയിം ചിത്രത്തിലേക്ക് കൊണ്ടുവന്നിട്ടുണ്ട്. ഇവർക്കെല്ലാം കൊടുത്ത ഇമോഷണൽ എഡ്ജും, ഒറ്റ രേഖയിൽ പോവാതെ മാര എന്ന കഥാപാത്രത്തിന്റെ ജീവിതത്തിലെ മുൻകാല ഫെയ്സുകൾക്ക് കൂടി ഫോക്കസ് കൊടുത്ത രീതിയും ഇഷ്ട്ടപ്പെട്ടു. തിയേറ്റർ വാച്ച് അർഹിക്കുന്ന ചിത്രമായിരുന്നു, നിർഭാഗ്യവശാൽ അതിന് പറ്റിയ സാഹചര്യമല്ല. നായകനായി എത്തിയ പുള്ളിയുടെ തിരിച്ചുവരവ് എന്ന ക്ളീച്ഡ് ഡയലോഗിനോട് താല്പര്യമില്ല, അദ്ദേഹം എവിടെയും പോയതായി അനുഭവപ്പെട്ടിട്ടില്ല, അപ്പോൾ കാണാൻ ശ്രമിക്കുക.

Verdict : Very Good

DC Rating : 4/5

947. Babyteeth (2019)

Director : Shannon Murphy

Genre : Drama

Rating : 7.1/10

Country : Australia

Duration : 120 Minutes

🔸ഒരു ടീൻ റൊമാന്റിക് ഡ്രാമ, മറ്റൊരു ഭാഗത്ത് കൂടി കഥാപാത്രങ്ങളിൽ ഒന്ന് രോഗാവസ്ഥയിൽ ബുദ്ധിമുട്ടുന്ന സബ് പ്ലോട്ട്, സ്വാഭാവികമായും ഫ്രഷ് ഫ്രെഷേയ്യ് എന്ന കമന്റ് നേടാൻ ഇത് മതിയാവും, കാരണം ഈ ആസ്‌പെക്റ്റുകൾ അത്യാവശ്യം നല്ല രീതിയിൽ തന്നെ കൈകാര്യം ചെയ്ത ഒട്ടനവധി സിനിമകൾ കാണിച്ച് തരാൻ കഴിയും. ഈ ഒരു പ്രശനം തലയ്ക്ക് മീതെ വാൾ കണക്കിന് നിക്കുമ്പോൾ പോലും ബോർ അടിപ്പിക്കുന്നില്ല എന്ന് മാത്രമല്ല ഇമോഷണലി കാഴ്ചക്കാരനുമായി കമ്യുണിക്കേറ്റ് ചെയ്യാൻ ചിത്രത്തിന് കഴിയുന്നുണ്ട് എന്നത് ചെറിയ കാര്യമല്ല.

🔸റിത കഞ്ചലസിന്റെ നാടകം അടിസ്ഥാനമാക്കി തയ്യാറാക്കപ്പെട്ട ചിത്രം വെനീസ് ഉൾപ്പെടെ ഉള്ള വേദികളിൽ പ്രദര്ശിപ്പിക്ക പെടുകയും മോശമല്ലാത്ത തോതിലുള്ള ആരാധക നിരൂപക പ്രശംസ കരസ്ഥമാക്കുകയും ചെയ്തിരുന്നു. മിയ്യ എന്ന നമ്മുടെ നായികാ കഥാപാത്രം യൗവനത്തിലേക്ക് കടന്ന് കൊണ്ടിരിക്കുന്ന ഒരു ടീൻ ആണ് എന്ന് പറയാം, ദീർഘ നാളുകളായി കാൻസർ രോഗത്തിന് ചികിത്സ തേടി കൊണ്ടിരിക്കുന്ന ഒരാൾ കൂടിയാണ് അവൾ, അച്ഛനും അമ്മയ്ക്കും മകളുടെ കാര്യത്തിൽ വിഷമം ഉണ്ടെങ്കിലും അത് അവളെ ബാധിക്കാതിരിക്കാൻ ശ്രദ്ധിക്കുന്നുമുണ്ട്.

🔸മിയയുടെ ജീവിതത്തിലേക്ക് അപ്രതീക്ഷിതമായി ആണ് മോസസ് കടന്ന് വരുന്നത്. തോൽവി എന്ന് അക്ഷരം തെറ്റാതെ വിളിക്കാൻ കഴിവുള്ള ഒരു കഥാപാത്രം, ഉത്തരവാദിത്തം കാര്യഗൗരവം എന്നിവയൊന്നും മോസസ് നിൽക്കുന്നതിന്റെ ഏഴ് അയലത്ത് കൂടി പോയിട്ടില്ല. ജോലി എന്നൊരു സാധനം ഇല്ല എന്നത് പോട്ടെ, അതിനായി ഒരു ശ്രമം പോലും അവൻ നടത്തുന്നില്ല എന്ന് കണ്ട വീട്ടുകാർ അവനെ ഒരുനാൾ പടി അടച്ച് പിണ്ഡം വെക്കുകയാണ്. ഇതൊന്നും പോരെങ്കിൽ ചെറിയ തോതിൽ ലഹരി ഉപയോഗവും അതിനോട് അനുബന്ധിച്ചുള്ള അസ്‌കിരതകളും അവനുണ്ട്.

🔸മിയയും ആയും അവളുടെ കുടുംബവും ആയും ഒരു രീതിയിലും ഒത്തുപോവാത്ത കഥാപാത്രം ആണ് മോസസ് എങ്കിലും വിധി മറ്റൊന്നായിരുന്നു, മോസസിനെ തങ്ങളുടെ വീട്ടിലേക്ക് ക്ഷണിക്കാൻ മിയയുടെ മാതാപിതാക്കൾ നിര്ബന്ധിതരാവുകയാണ്. അങ്ങനെ ബേബിടീത് എന്ന ചിത്രം കഥ പറഞ്ഞ് തുടങ്ങുകയാണ്, മികച്ച പ്രകടനങ്ങളും കഥയും ഒക്കെയുള്ള ചിത്രത്തിന്റെ ക്ളൈമാക്സ് ഒരു ഹൈലൈറ്റ് തന്നെയാണ്. ഈ ചിത്രം കണ്ട് കൊണ്ടിരുന്നപ്പോൾ തോന്നിയ കാര്യമാണ്, ഈ തലമുറയിലെ ഏറ്റവും അണ്ടർ ഏപ്രീഷ്യേറ്റഡ് നടന്മാരിൽ ഒരാളാണ് ബെൻ മെൻഡേഴ്‌സൺ എന്നത്, ഇത് തോന്നണുണ്ടായ കാരണം ചിത്രം പറയും.

Verdict : Good

DC Rating : 3.5/5 

946. His House (2020)

Director : Remi Weekes

Genre : Horror

Rating : 6.4/10

Country : UK

Duration : 93 Minutes

🔸സഥിരം ക്ളീഷേ ജംപ് സ്‌കെയറുകൾക്ക് പിറകെ പോവാതെ കാര്യവും കാമ്പുമുള്ള, പറയാൻ ഉദ്ദേശിച്ച കാര്യം സ്ട്രെയിറ്റ് ആയി വളച്ച് കെട്ടലുകളോ ഏച്ച് കെട്ടലുകളോ ഇല്ലാതെ പറഞ്ഞ് പോയ ഹൊറർ സിനിമകളുടെ പട്ടികയിലേക്ക് ഉൾപ്പെടുത്താവുന്ന ഒരു ചിത്രം കൂടി, അതാണ് ഹിസ് ഹൌസ്. ട്രീറ്റ്‌മെന്റ് കൊണ്ടും സൂപ്പർ നാച്ചുറൽ എലെമെന്റുകൾ കൊണ്ടുമെല്ലാം കഴിഞ്ഞ വർഷം പുറത്തിറങ്ങിയ അറ്റ്ലാന്റിക്സ് എന്ന ചിത്രത്തെ ഓർമ പെടുത്തുന്നുണ്ട് ഈ ചിത്രം. പ്ലോട്ടിനെ കുറിച്ച് വലിയ അറിവൊന്നും ഇല്ലാതെ കാണുന്നത് നന്നാവും എന്നത് കൊണ്ട് തന്നെ ഇവിടെ നിന്നും വായന നിർത്തി മടങ്ങി പോകാവുന്നതാണ്, ചിത്രം നല്ലൊരു അനുഭവം തന്നെയാണ്.

🔸സൗത്ത് സുഡാനിൽ നിന്നുമാണ് കഥ ആരംഭിക്കുന്നത്, കുറച്ചധികം കാലമായി നിലനിൽക്കുന്ന കിരാത ഭരണവും ആഭ്യന്തര യുദ്ധവും ഒക്കെ കാരണം അവിടെ താമസിക്കുക എന്നത് കഠിനമായി മാറിയിരിക്കുന്നു, പ്രത്യേകിച്ചും സാധാരണക്കാരായ ജനങ്ങൾക്ക്. ഇങ്ങനെ ഒരു ചുറ്റുപാടിൽ കയ്യിൽ കിട്ടിയ വസ്തു വകകളുമായി രാജ്യത്ത് നിന്ന് രക്ഷപ്പെടാൻ ശ്രമിക്കുന്ന ദമ്പതികളെ കാണിച്ച് കൊണ്ടാണ് സിനിമ തുടങ്ങുന്നത്, ഇവരാണ് നമ്മുടെ കേന്ദ്ര കഥാപാത്രങ്ങൾ. ഒരു വിധേന എല്ലാ പ്രതി ബന്ധങ്ങളും മറികടന്ന് അവിടെ നിന്നുള്ള അവസാന വണ്ടിയിൽ ഇരുവരും കയറി പറ്റുകയാണ്.

🔸തൊട്ടടുത്ത സീനിൽ കാണിക്കുന്നത് ഇങ്ങനെ രക്ഷപ്പെട്ട് പോയ കഥാപാത്രങ്ങൾ കടൽ മാർഗം യാത്ര തിരിക്കുന്നതാണ്, ഒരു ചെറിയ ബോട്ട് എന്ന് പറയാം, അതിൽ ആണെങ്കിൽ തിക്കി തിരുകിയത് പോലെ ആളുകളും ഉണ്ട്. ഈ രാത്രി യാത്രയ്ക്ക് ഇടയിൽ ഒരപകടം ഇവിടെ അരങ്ങേറുകയാണ്, ഈ ഒരു പോയിന്റിൽ ഇത് എന്താണെന്ന് ചിത്രം വ്യക്തമാക്കുന്നുമില്ല, സ്പോയിൽ ചെയ്യാൻ താല്പര്യവുമില്ല. ഈ ഒരു സംഭവത്തിന് പിന്നീട് കഥയിൽ അത്യാവശ്യം പ്രാധാന്യം ഉണ്ട് താനും, എന്തായാലും നമ്മുടെ കഥാപാത്രങ്ങൾ കഷ്ടപ്പെട്ട് ഇന്ഗ്ലണ്ടിൽ എത്തിപ്പെടുന്നുണ്ട്.

🔸അഭയാർത്ഥികൾ ആയതിനാൽ തന്നെ അത്ര ആശാവഹമായ സ്വീകരണം ഒന്നുമല്ല അവർക്ക് ലഭിക്കുന്നത്, സ്വതന്ത്രമായി ജീവിക്കാനുള്ള അനുവാദം കിട്ടുന്നത് വരെ തടവിൽ കഴിയേണ്ടിയും വരുന്നുണ്ട്. അങ്ങനെ ഒക്കെ ആണെങ്കിലും ഒരുനാൾ ഇവർക്ക് താമസ അനുവാദം കൊടുക്കുകയും, ഒരു വീട് അതോറിറ്റി കണ്ടെത്തി നൽകുകയും ചെയ്യുന്നുണ്ട്. ഈ വീട്ടിൽ താമസത്തിന് എത്തിയ കഥാപാത്രങ്ങൾ അവിടെ ചില ദുസൂചനകൾ കണ്ട് തുടങ്ങുന്നിടത്താണ് കഥ ചൂട് പിടിക്കുന്നത്, ഈ ഒരു വിശദീകരണത്തിൽ നിന്നും സ്ഥിരം ക്ളീഷേ ഐറ്റം ആണെന്ന് പ്രതീക്ഷിക്കരുത്, നിങ്ങൾ കരുതുന്ന വഴിയേ കഥ പോയേക്കില്ല.

Verdict : Very Good

DC Rating : 4/5 

945. The Ground Beneath My Feet (2019)

Director : Marie Kreutzer

Genre : Drama

Rating : 6.4/10

Country : Austria

Duration : 108 Minutes

🔸നല്ല കഥയും കാമ്പുമുള്ള ഡ്രാമ ജോണർ സിനിമകൾ അന്വേഷിച്ച് നടക്കുന്നവർ ഉണ്ടെങ്കിൽ പരീക്ഷിക്കാവുന്ന മികച്ച ഒരു അറ്റംപ്റ്റ് ആണ് ദി ഗ്രൗണ്ട് ബെനീത്ത് മൈ ഫീറ്റ് എന്ന ഓസ്ട്രിയൻ ചിത്രം. രാജ്യത്തിൻറെ ഒഫിഷ്യൽ ഓസ്കർ എൻട്രി ആയിരുന്ന ചിത്രം വെനീസ് ഉൾപ്പെടെ ഉള്ള ചലച്ചിത്ര വേദികളിൽ പ്രദര്ശിപ്പിക്കപ്പെടുകയും കയ്യടികൾ കരസ്ഥമാക്കുകയും ചെയ്ത ചിത്രമാണ്. രണ്ട് സഹോദരിമാർക്ക് ഇടയിലുള്ള ബന്ധവും അതിനിടയിലേക്ക് കടന്ന് വരുന്ന വളരെ പേഴ്സണൽ ആയ പ്രശ്നവും എല്ലാം ചിത്രത്തെ മറ്റൊരു തലത്തിലേക്ക് കൊണ്ടുപോവുന്നുണ്ട്.

🔸സബ്ടൈൽ ആയി കഥ പറഞ്ഞ് പുരോഗമിക്കുന്ന, സൈക്കോളജിക്കൽ എലെമെന്റുകൾ ധാരാളമുള്ള ഒന്നാണ് ദി ഗ്രൗണ്ട് ബെനീത് മൈ ഫീറ്റ് എന്ന ചിത്രം, ശ്രദ്ധാപൂർവം കാണേണ്ട ഒന്ന്. ലോല എന്ന നമ്മുടെ നായികാ കഥാപാത്രം ഒരു കോർപറേറ്റ് കമ്പനിയിൽ ജോലിക്കാരിയാണ്, തന്റെ പ്രവർത്തി മേഖലയിൽ ഇതിനോടകം തന്നെ കഴിവ് തെളിയിച്ച, വലിയ പൊട്ടൻഷ്യൽ ഉണ്ട് ഭാവിയിൽ നല്ലൊരു നിലയിൽ എത്തും എന്ന് എല്ലാവരാലും വിശ്വസിക്കപ്പെടുന്ന ഒരു കഥാപാത്രം. എന്നാൽ ഇതിനപ്പുറം ഒരു അടഞ്ഞ പുസ്തകമാണ് ലോല.

🔸തന്റെ സഹപ്രവർത്തകരുമായി ജോലി സംബന്ധമായി ഇടപഴകും എന്നത് ഒഴിച്ചാൽ അവരുമായി വ്യക്തിപരമായി സൗഹൃദം ഒന്നും തന്നെയില്ല, ഇതിന് ഒരപവാദം എലിസ മാത്രമാണ്, എലിസ ലോലയുടെ മേലുദ്യോഗസ്ഥ കൂടി ആണെന്ന് പറയാം. ഈ രണ്ട് കഥാപാത്രങ്ങൾക്ക് ഇടയിൽ പ്രണയം കൂടി ഉടലെടുത്തിട്ടുണ്ട്, എന്നാൽ മറ്റുള്ളവർ അറിയാൻ ഇട വരുത്താതെ, അവർക്കിടയിൽ ഒരു സംസാര വിഷയം ആകാതിരിക്കാൻ രണ്ട് പേരും നല്ല രീതിയിൽ ശ്രമിക്കുന്നുമുണ്ട്. ഇങ്ങനെ ഒക്കെ ആണെങ്കിലും എലിസയ്ക്ക് പോലും അറിയാത്ത ചില കാര്യങ്ങൾ ലോലയുടെ ജീവിതത്തിലുണ്ട്.

🔸ലോലയ്ക്ക് കോണി എന്ന പേരിൽ ഒരു സഹോദരി കൂടിയുണ്ട്, ലോകത്ത് അവശേഷിക്കുന്ന അവളുടെ ഒരേയൊരു ബന്ധു. കോണി കുറച്ച് കാലമായി ഒരു മാനസിക ആശുപത്രിയിലാണ്, വളരെ ചെറുപ്പം തൊട്ടേ അവളിൽ ചില പ്രശ്നങ്ങൾ കണ്ട് തുടങ്ങിയുമിരുന്നു. ഇനി ഇതൊന്നും പോരെങ്കിൽ ലോലയുടെ കുടുംബത്തിൽ തന്നെ മാനസിക പ്രശ്നത്തിന്റെ ഒരു ചരിത്രമുണ്ട്, ഇതിന് മുൻപുള്ള തലമുറയിൽ ഉൾപ്പെടെ. ഈ പ്രശ്നങ്ങൾ എല്ലാം തന്നെ ലോലയെയും, എലീസും ആയുള്ള ബന്ധത്തെയും എങ്ങനെ ബാധിക്കുന്നു എന്നതാണ് ഈ ചിത്രം, നല്ല ഒന്നാംക്‌ളാസ്സ് സിനിമ.

Verdict : Very Good

DC Rating : 4.25/5 

944. Germany Year Zero (1948)

Director : Roberto Rossellini

Genre : War

Rating : 7.9/10

Country : Italy

Duration : 78 Minutes

🔸റോസലിനിയുടെ അൺ ഒഫീഷ്യൽ വാർ ത്രിലോഗിയിലെ അവസാന ചിത്രം, മുൻപത്തെ രണ്ട് കഥകളിലും ഫോക്കസ് യുദ്ധം കാരണം ദുരിതം അനുഭവിക്കേണ്ടി വന്ന അല്ലീഡ് രാജ്യങ്ങളിലെ ജനങ്ങൾ ആയിരുന്നെങ്കിൽ ഇവിടെ ഫോക്കസ് എന്നത് ജർമനിയിൽ തന്നെയാണ്. യുദ്ധാനന്തര ജർമനി എന്നത് ഏറെക്കുറെ തച്ച് തരിപ്പണമായ ഒരു ശില മാത്രമായിരുന്നു എന്നതാണ് സത്യം, ബോംബിങ്ങും മറ്റും കാരണം പ്രതാപത്തിൽ മുങ്ങിയിരുന്ന ബെർലിൻ നഗരം ഏറെക്കുറെ ആളൊഴിഞ്ഞ ശവപ്പറമ്പ് പോലെ ആയി തീർന്നിരുന്നു. എല്ലാത്തിനും കാരണക്കാരായവരും നാസികളും എല്ലാം ചരിത്രത്തിന്റെ താഴുകളിലേക്ക് പോയെങ്കിലും ജനങ്ങളുടെ അവസ്ഥ അത്യന്തം ദാരുണം തന്നെയായി തുടരുക ആയിരുന്നു എന്ന് പറയാം.

🔸ഈ ഒരു ബാക്ക്ഗ്രൗണ്ട് മനസ്സിൽ വെച്ച് കൊണ്ട് വേണം ജർമനി ഇയർ സീറോ കാണാൻ. പന്ത്രണ്ട് വയസുകാരനായ എഡ്‌മണ്ടിന്റെ കാഴ്ചപ്പാടിലൂടെ ആണ് നമ്മൾ സിനിമ കാണുന്നത്. എഡ്‌മണ്ടിന് ആകെ അച്ഛനും ഒരു സഹോദരനും, സഹോദരിയും മാത്രമേയുള്ളൂ. എഡ്‌മണ്ടിന്റെ അച്ഛൻ കുറച്ച് കാലമായി രോഗങ്ങളാൽ ബുദ്ധിമുട്ടുകയാണ്. ഒരുനേരത്തെ അന്നത്തിന് വരെ ബുദ്ധിമുട്ടുന്ന മക്കൾക്ക് താൻ ഒരു ഭാരം ആണെന്ന് അയാൾക്ക് അറിയാമെങ്കിലും ഗതികേട് കാരണം മുന്നോട്ട് പോവുന്നെന്ന് മാത്രം.

🔸എഡ്‌മണ്ടിന്റെ സഹോദരൻ ആണെങ്കിൽ നാസി പട്ടാളത്തിൽ ജോലി ചെയ്തിരുന്നവനും, ഏത് നേരം വേണമെങ്കിലും റഷ്യൻ പട്ടാളം വന്ന് തൂക്കി എടുത്ത് കൊണ്ടുപോവാൻ എന്നതാണ് അവസ്ഥ, ഇങ്ങനെ ആകെ അപ്രവചനീയമായ തോതിലാണ് അവന്റെ ജീവിതം. റഷ്യൻ പട്ടാളക്കാരുടെ കൂടെ പോയാണ് കുടുംബത്തിന് ഉള്ള വക എഡ്‌മണ്ടിന്റെ സഹോദരി ഉണ്ടാക്കുന്നതെന്ന് പറയാം, അത്രയ്ക്കും ശോകമാണ് കാര്യങ്ങളുടെ കിടപ്പ്. തന്നാൽ കഴിയും വിധം ചെറിയ ജോലികൾ ഒക്കെ ചെയ്ത് എഡ്‌മണ്ടും സഹായിക്കാൻ ശ്രമിക്കുന്നുണ്ട്, പക്ഷെ അവന് പ്രായം പന്ത്രണ്ട് കഴിഞ്ഞതേ ഉള്ളൂ, പരിമിതികളുണ്ട്.

🔸രണ്ടാം ലോകമഹായുദ്ധ കഥകളിലും കണക്കെടുപ്പുകളിലും അധികം പറഞ്ഞ് കേൾക്കാത്ത ഒന്നാണ് ജർമനിയിലെ സാധാരണക്കാരായ ജനങ്ങളുടെ പിന്നീടുള്ള ജീവിതവും, അവസ്ഥയും എല്ലാം, അതിലേക്കുള്ള ഒരു കൂട്ടിച്ചേർക്കലാണ് ഈ റോസെലീനി ചിത്രം. മുൻപേ വന്ന രണ്ട് ചിത്രം പോലെ തന്നെ അങ്ങേയറ്റം വേദനാജനകവും, ട്രാജിക്കും ആയ ഒന്നാണ് ചിത്രത്തിന്റെ പ്ലോട്ട് ലൈൻ. ഇതോട് കൂടി റോസലിനി ട്രിലോജിക്ക് കർട്ടൻ വീഴുകയാണ്, ഇന്ന് വരെ കണ്ട സിനിമ ട്രിലോഗികളിൽ ഏറ്റവും മികച്ചവയിൽ ഒന്ന് എന്ന് നിസ്സംശയം പറയാം, അത്രയ്ക്കും ഹാർട്ട് ബ്രെയ്ക്കിങ് ആണ്, ടച്ചിങ് ആണ്, തോട്ട് പ്രൊവോക്കിങ് ആണ്, തീർച്ചയായും കാണാൻ ശ്രമിക്കുക.

Verdict : Must Watch

DC Rating : 4.75/5 

943. 37 Seconds (2020)

Director : Hikari

Genre : Drama

Rating : 7.3/10

Country : Japan

Duration : 116 Minutes

🔸ഈ വർഷം പുറത്തിറങ്ങിയ ചുരുക്കം ചില മികച്ച സിനിമകളിലേക്ക് ഉൾപ്പെടുത്താവുന്ന മറ്റൊരു മനോഹരമായ സിനിമ, അതാണ് തേർട്ടി സെവൻ സെക്കൻഡ്‌സ്. നമ്മുടെ കേന്ദ്ര കഥാപാത്രമായ യുമ സെറിബ്രൽ പാൾസി എന്ന രോഗാവസ്ഥയുടെ ഇരയാണ്, ഒരു വീൽ ചെയറിൽ ഒതുങ്ങി പോയ അവൾക്ക് തന്റെ പ്രാഥമിക കാര്യങ്ങൾ നിർവഹിക്കാനും മറ്റും അമ്മയുടെ സഹായം ഇല്ലാതെ പറ്റില്ല. അമ്മ അല്ലാതെ യുമായ്ക്ക് അടുപ്പമുള്ള, പരിചയമുള്ള ആളുകൾ വളരെ വളരെ കുറവാണ്. യുമായുടെ അച്ഛൻ വർഷങ്ങൾക്ക് മുന്നേ തന്നെ അവളെയും അമ്മയെയും ഉപേക്ഷിച്ച് എങ്ങോട്ടോ പോയതാണ്, പിന്നെ മടങ്ങി വന്നില്ല.

🔸ഒരു വളർന്ന് വരുന്ന അനിമേ ആർട്ടിസ്റ്റ് കൂടിയാണ് യുമേ, സയാക എന്ന സുഹൃത്തിന് വേണ്ടി ഗോസ്റ്റ് റൈറ്റർ ആയി ജോലി ചെയ്യുകയാണ് യുമേ. ഗോസ്റ്റ് റൈറ്റർ എന്ന് പറഞ്ഞാൽ അധ്വാനത്തിന് ആവശ്യമായ പ്രതിഫലം പണ രൂപത്തിൽ കിട്ടും, എന്നാൽ അതിന് അപ്പുറമുള്ള പരിഗണന ഒന്നും തന്നെ ലഭിക്കാൻ പോവുന്നില്ല, എന്തിനധികം തങ്ങൾ ഇഷ്ട്ടപ്പെടുന്ന കൃതിക്ക് പിന്നിൽ ഇങ്ങനെ ഒരാളുടെ അധ്വാനം കൂടി ഉണ്ട് എന്ന് വായനക്കാർ അറിയാനും പോവുന്നില്ല. യുമേയുടെ വർക്കുകളിലൂടെ സയാക അത്യാവശ്യം മോശം ഇല്ലാത്തൊരു ഫാൻ ബേസ് സ്വന്തം ആക്കിയിട്ടുണ്ട്.

🔸സയാകിയുടെ നിഴലിൽ നിന്നും മാറി നടക്കാൻ ഉള്ള ശ്രമം യുമേ നടത്തുന്നുണ്ട് എങ്കിലും അത് അത്ര വിജയം ആവുന്നില്ല, മിക്കപ്പോഴും അതിന് അവൾ കേൾക്കുന്ന കുറ്റം യുമേയുടെ കഥാപാത്രങ്ങൾ വികാരങ്ങൾ പ്രകടിപ്പിക്കുന്നതിൽ പരാജയമാണ് എന്നതും മറ്റും ഒക്കെയാണ്, ചിലപ്പോൾ ഒക്കെ ലൈംഗിക വിഷയങ്ങളിൽ യുമെയ്ക്കുള്ള അറിവില്ലായ്മയും ഒരു കാരണം ആവുന്നുണ്ട്. വീടിന്റെ നാല് ചുമരുകളിലും അമ്മയുടെ സഹായത്തിലും വർക് സ്‌പേസിന്റെ അകത്തളങ്ങളിലും തന്റെ ജീവിതം തള്ളി നീക്കിയ യുമേ ഇങ്ങനെ ആയതിൽ തെറ്റ് പറയാനാവില്ല.

🔸അങ്ങനെ ഒരുനാൾ തന്റെ ബലഹീനതയും മറ്റും ഒക്കെ ഉൾക്കൊണ്ട് തനിക്ക് അപരിചിതമായ ലോകത്തേക്ക് യുമേ ഇറങ്ങി തിരിക്കുന്നിടത്ത് നിന്നുമാണ് സിനിമ മറ്റൊരു ലെവെലിലേക്ക് മാറുന്നത്. മികച്ച കഥാപാത്രങ്ങളും, കഥാ സന്ദര്ഭങ്ങളും, നല്ല കിടിലൻ പേ ഓഫും എല്ലാം ചിത്രത്തിന്റെ പ്രത്യേകതകളിൽ ചിലതാണ്. യുമേയുടെ വർത്തമാന കാലത്തിലെ പ്രശ്നങ്ങൾ പരാമര്ശിക്കുന്നതിന് ഇടയിൽ തന്നെ ഭൂത കാലത്തേക്കും മറ്റുമൊക്കെ കഥ കടന്ന് ചെല്ലുന്നുണ്ട്, ആകെ മൊത്തം നല്ലൊരു ഫീൽ ഗുഡ് ഡ്രാമ, ഈ ജോണറിന്റെ ആരാധകർക്കും മറ്റും ഒക്കെ തീർച്ചയായും കണ്ട് നോക്കാവുന്നതാണ്, നഷ്ടം ഏതുമില്ല.

Verdict : Very Good

DC Rating : 4/5