1052. The Circle (2000)

Director : Jafar Panahi

Genre : Drama

Rating : 7.4/10

Country : Iran

Duration : 95 Minutes

🔸റിലീസ് ആയി ഉദ്ദേശം രണ്ട് പതിറ്റാണ്ടുകൾ കഴിഞ്ഞിട്ടും ഇന്നും ഇറാനിൽ ബാൻ നിലനിൽക്കുന്ന ചിത്രമാണ് ജാഫർ പനാഹിയുടെ ദി സർക്കിൾ. സംവിധായകന്റെ ഒരു രീതി വെച്ച് ഇത് വലിയ പുതുമ ഉള്ള കാര്യം ഒന്നും അല്ലെങ്കിലും എന്ത് കൊണ്ട് ഈ ചിത്രം ബാൻ ചെയ്യപ്പെട്ടു എന്ന് മനസിലാക്കാൻ കേവലം ആദ്യ ഇരുപത് അല്ലെങ്കിൽ ഇരുപത്തഞ്ച് മിനുട്ടുകൾ കണ്ടാൽ മതിയാവും. ഇറാൻ എന്ന രാജ്യത്തെ സ്ത്രീകളുടെ ദാരുണമായ അവസ്ഥ അത്രയും ടച്ചിങ് ആയ രീതിയിൽ തന്നെ ചിത്രം അവതരിപ്പിച്ചിട്ടുണ്ട്. സ്വാഭാവികമായും ഈ പോട്രെയ്ൽ രാജ്യത്തിന് നല്ലൊരു ഇമേജ് അല്ല തരിക എന്നതിനാലാവണം ബാൻ ഇന്നും നിലനിൽക്കുന്നത്.

🔸തടക്കമോ ഒടുക്കമോ ഇല്ലാത്ത ഷോർട്ടുകൾ എന്ന ഫീൽ ആണ് സർക്കിളിലെ സെഗ്മെന്റുകൾ നൽകുക, പറയാൻ വിട്ട് പോയി മൂന്നിൽ അധികം കഥകൾ ഉണ്ട് ചിത്രത്തിൽ, അവ പല പോയിന്റുകളിൽ വെച്ച് ഇന്റർസെക്റ്റ് ചെയ്തേക്കാം. ഈ രീതിയിൽ ഒരു ഓവർ ആർക്കിങ് ശൈലിയിലാണ് സിനിമ പുരോഗമിക്കുന്നത്, മുകളിൽ സൂചിപ്പിച്ചത് പോലെ തന്നെ ഈ കഥകളുടെ തുടർ ഭാഗവും മുൻ ഭാഗവും ഒക്കെ നമുക്ക് ഊഹിക്കാം എന്ന രീതിയിലാണ് തയാറാക്കിയിരിക്കുന്നത്, അത് തന്നെയാണ് ചിത്രത്തിന്റെ ഭംഗിയും.

🔸ഒരു ആശുപത്രി പ്രസവ വാർഡിലാണ് സിനിമ ആരംഭിക്കുന്നത്, തന്റെ മകൾ ഉള്ളിൽ ഉള്ളതിനാൽ തന്നെ ടെൻഷൻ അടിച്ച് പുറത്ത് കാത്ത് നിൽക്കുന്ന ഒരു അമ്മയെ കാണാം. ഇവരുടെ അടുത്തേക്ക് ഒരു നേഴ്‌സ് കടന്ന് വന്ന് ജനിച്ച കുട്ടി പെൺകുഞ്ഞ് ആണെന്ന് പറയുന്നുണ്ട്, എന്നാൽ ആ നിമിഷം അവരുടെ മുഖത്ത് നിന്ന് ചിരി മായുകയാണ്. ആൺകുഞ്ഞിനെ കൊണ്ടല്ലാതെ തന്റെ മകൾക്ക് ഭർത്ര ഗൃഹത്തിലേക്ക് പോകാനാവില്ല എന്നവർക്ക് അറിയാം, സ്വാഭാവികമായും അടുത്ത സ്റ്റെപ്പ് മൊഴി ചൊല്ലുന്ന പരിപാടി ആയിരിക്കും.

🔸അങ്ങനെ ആ വരാന്തയിൽ നിന്നും എന്ത് ചെയ്യണം എന്നറിയാതെ നീറി പുകയുന്ന വൃദ്ധയായ അമ്മയെ കാണിച്ച് കൊണ്ടാണ് സിനിമ ആരംഭിക്കുന്നത്. ഇത് പോലെ അനിശ്ചിതാവസ്ഥയിലൂടെ കടന്ന് പോവുന്ന വേറെയും ഒരുപാട് സ്ത്രീകളെ നമ്മൾ ഈ ചിത്രത്തിന്റെ വ്യത്യസ്തമായ പോയിന്റുകളിൽ വെച്ച് പരിചയപ്പെടുന്നുണ്ട്. ഈ കഥകളുടെ ഒരു സമാഹാരമാണ് ദി സർക്കിൾ, അത്യാവശ്യം ഇമോഷണലും ഹോൻഡിങ്ങും ആയ ഒരു നല്ല കിടിലൻ സിനിമ. ഇറാനിൽ ഇപ്പോഴത്തെ അവസ്ഥ എന്താണെന്ന് അറിയില്ല, ഇപ്പോഴും ഇത്തരത്തിൽ ഉള്ള ശ്രമങ്ങൾക്ക് ബാൻ നൽകി പോരുന്ന മെന്റാലിറ്റി ആയതിനാൽ തന്നെ വലിയ മാറ്റം വന്നതായി പ്രതീക്ഷിക്കേണ്ട കാര്യം ഉണ്ടെന്ന് തോന്നുന്നില്ല.

Verdict : Very Good

DC Rating : 4/5 

1051. Still Life (1974)

Director : Sohrab Shahid-Saless

Genre : Drama

Rating : 7.8/10

Country : Iran

Duration : 93 Minutes

🔸ഇറാനിയൻ സിനിമ എന്നത് ഏറെക്കുറെ അൺനോൺ ടെറിട്ടറി ആയിരുന്ന കാലത്ത് റിലീസ് ആയി, പിന്നീടുള്ള ബൂമിൽ പിന്തള്ളപ്പെട്ടത് കാരണം അധികമാരും ശ്രദ്ധിക്കാതെ പോയ ഒരു മികച്ച സിനിമ, അതാണ് സ്റ്റിൽ ലൈഫ്. സത്യത്തിൽ ഇറാനിയൻ ഫിലിം ഇന്ഡസ്ട്രിയെ സ്പെഷ്യൽ സ്റ്റാറ്റസിൽ എത്തിച്ച എല്ലാ ട്രെയിറ്റുകളുടെയും ഒരു ആദ്യ രൂപം ഈ ചിത്രത്തിൽ കാണാൻ കഴിഞ്ഞേക്കും. ഒരുപക്ഷെ പത്ത് പതിനഞ്ച് വർഷങ്ങൾക്ക് ശേഷമാണ് പുറത്തിറങ്ങിയിരുന്നത് എങ്കിൽ ഇന്ന് വാഴ്ത്തപ്പെടുന്ന സിനിമകളുടെ കൂട്ടത്തിൽ ഈ ചിത്രവും കാണാൻ കഴിഞ്ഞേനെ, തികച്ചും ദൗർഭാഗ്യകരമായ കാര്യം.

🔸ഒരു റെയിൽവേ ഗേറ്റ്മാൻ ആണ് നമ്മുടെ പ്രധാന കഥാപാത്രമായ സർദാരി. ഈ ഒരു തസ്തികയിൽ വർഷങ്ങളുടെ അനുഭവ പാരമ്പര്യം ഉള്ള ആളാണ് ടിയാൻ, കുറഞ്ഞ് പോവും വേണമെങ്കിൽ പതിറ്റാണ്ടുകളുടേത് എന്ന് പറയാം. തന്റെ ജീവിതത്തിന്റെ ഏറെക്കുറെ മുഴുവൻ കാലവും ആ റെയിൽവേ ഗേറ്റിനും വീടിനും ഇടയിലായി ഓടി നടന്ന് തീർത്ത ആളാണ് സർദാരി. ഒരുപക്ഷെ ഈ നിമിഷം മരിച്ച് പോവുക ആണെങ്കിൽ ജീവിക്കാതെ ജീവിതം തീർത്ത ഒരാൾ എന്ന രീതിയിൽ ആയിരിക്കും അയാൾ മുദ്ര കുത്തപ്പെടുന്നത്.

🔸രാവിലെ ഒരു ട്രെയിൻ, വൈകിട്ട് ഒരു ട്രെയിൻ ഇവ കടന്ന് പോവുമ്പോൾ ഗേറ്റ് ഉയർത്തുക എന്നതൊഴിച്ചാൽ അയാൾക്ക് വേറെ പണി ഒന്നും തന്നെയില്ല. കേൾക്കുമ്പോൾ ഭാഗ്യവാൻ എന്നൊക്കെ തോന്നിയേക്കാം എങ്കിലും അത് നൽകുന്ന വിരസത സമാനതകൾ ഇല്ലാത്തതാണ്. പട്ടാളത്തിലുള്ള ഒരു മകനും ഭാര്യയുമാണ് സർദാരിക്ക് ബന്ധുക്കൾ എന്ന് പറയാൻ ആകെ ഉള്ളത്, മകൻ ആണെങ്കിൽ പട്ടാളത്തിലാണ് അവന്റെ വരവും പോക്കും എല്ലാം ഒരു വിരുന്നുകാരന്റേത് പോലെയും. സർദാരിയുടെ ജീവിതത്തെ പറ്റിയുള്ള ഒരേകദേശ ചിത്രം ഇതാണ്.

🔸ഭർത്താവിന്റെ തുച്ഛമായ ശമ്പളത്തിന് പുറമെ ഭാര്യ ചില ടെയ്‌ലറിങ് വർക്കും മറ്റുമൊക്കെ ചെയ്ത് പണം ഉണ്ടാക്കാൻ ശ്രമിക്കുന്നുണ്ട്, എങ്കിലും കാര്യമായ ഫലം ഒന്നും ഇതുവരെയില്ല. പ്രായം സർദാരിയെ ബാധിച്ച് തുടങ്ങിയിട്ടുണ്ട്, ആവുന്ന കാലം വരെ ഇങ്ങനെ ജോലി ചെയ്ത് പോവണം എന്നയാൾക്ക് ആഗ്രഹം ഉണ്ടെങ്കിലും റിട്ടയർമെന്റ് ഏജ് എന്നൊരു കടമ്പ മുന്നിലുണ്ട്. അയാളുടെ സകല പ്രതീക്ഷകളും തെറ്റിച്ച് കൊണ്ട് ഒരുനാൾ ഹെഡ് ഓഫീസിൽ നിന്നും ഒരു കത്ത് വരികയാണ്, തുടർന്നുള്ള സംഭവങ്ങളാണ് ചിത്രം. വർക്കിങ് ക്‌ളാസും, ദരിദ്രരും തമ്മിലുള്ള അന്തരം ഒക്കെ ഹാർഷ് ആയി കാണിച്ചിരിക്കുന്ന ചിത്രം ഒരു നല്ല അനുഭവം തന്നെ ആയിരിക്കും എന്നതിൽ സംശയം ഇല്ല.

Verdict : Very Good

DC Rating : 4.25/5 

1050. The White Meadows (2009)

Director : Mohammad Rasoulof

Genre : Drama

Rating : 7.6/10

Country : Iran

Duration : 93 Minutes

🔸വിഷ്വലി വളരെ ബ്യുട്ടിഫുൾ ആയ അല്ലെങ്കിൽ സ്‌ട്രൈക്കിങ് ആയൊരു സിനിമയാണ് ദി വൈറ്റ് മെഡോസ്, മഞ്ഞിൽ പുതച്ച താഴ്വരകൾ മാത്രമല്ല അത് ഒപ്പി എടുത്തിരിക്കുന്ന രീതിയും സെറ്റ് ചെയ്തിരിക്കുന്ന സ്റ്റൈലും അതോടൊപ്പം ആഴത്തിൽ സ്പർശിക്കുന്ന കഥയുടെ ആഖ്യാന ശൈലിയും എല്ലാം കൂടി ചെയുമ്പോൾ വളരെ മികച്ച ഒരനുഭവം തന്നെയായി മാറുന്നുണ്ട് ഈ ഇറാനിയൻ സിനിമ. കാണുന്ന പ്രേക്ഷകനെ വൈകാരികമായി കൂടി ഹോണ്ട് ചെയ്യുന്നതിൽ ഒരു കുറവും കാണിക്കാത്ത ഇൻഡസ്ട്രിയിൽ നിന്നും ടെക്സ്റ്റ് ബുക് എക്‌സാംപിൾ പോലൊരു ചിത്രം.

🔸ഉപ്പ് തടാകത്താൽ വളയപ്പെട്ട ഒരു ദ്വീപ് സമൂഹമാണ് നമ്മുടെ കഥാ പശ്ചാത്തലം. ഈ ദ്വീപുകളിൽ എല്ലാം ധാരാളം ആളുകൾ താമസമുണ്ട്, വളരെ പ്രാകൃതമായ ആചാരങ്ങളും വിശ്വാസങ്ങളും വെച്ച് പുലർത്തുന്ന ഒരു വിഭാഗമാണ് ഇതിൽ മിക്കവരും. തങ്ങളുടെ ആ കമ്യുണിറ്റി ഒഴിച്ച് നിർത്തിയാൽ പുറത്തുള്ളവരുമായി വലിയ സമ്പർക്കം ഒന്നും ഇവർക്കില്ല, ഇതിന് ഒരപവാദമാണ് റഹ്മത്ത് എന്ന കഥാപാത്രം. എവിടെ നിന്നെന്ന് അറിയാതെ തോണി തുഴഞ്ഞ് വരുന്ന റഹ്മത്ത് ഇവിടുത്തെ ഒരു സ്ഥിരം സന്ദര്ശകനാണ് എന്ന് വേണമെങ്കിൽ പറയാം.

🔸വളരെ പ്രത്യേകതകൾ ഉള്ള ആളാണ് റഹ്മത്ത്, ടിയാൻ ദ്വീപുകളിലേക്ക് വരുന്നതിന്റെ പ്രധാന ഉദ്ദേശങ്ങളിൽ ഒന്ന് ആളുകളുടെ കണ്ണീർ ശേഖരിക്കാൻ വേണ്ടിയാണ്. ഇത് എന്തിനാണെന്നോ, ഇത് കൊണ്ട് അയാൾക്കുള്ള നേട്ടം എന്താണെന്നോ ആർക്കും ഒരു പിടിയുമില്ല. ഈ ഒരു വിചിത്ര സ്വഭാവം വെച്ച് പുലർത്തുന്നത് കൊണ്ട് തന്നെ ആൾക്കാർക്ക് അയാളോടുള്ള പ്രതികരണം ഒരു മന്ത്രവാദിയോട് അല്ലെങ്കിൽ അത്തരത്തിൽ ഒരു ഭയം ഒക്കെ കലർന്ന രൂപത്തിലാണ്. ഇതിന് പുറമെ വേറെയും ചില ദൗത്യങ്ങൾ അയാൾ ചെയ്യാറുണ്ട്.

🔸അതായത് മരിച്ചവരുടെ ശവം നിർമാർജ്ജനം ചെയ്യുക, വയ്യാത്ത ആളുകളെ പരിപാലിക്കുക അങ്ങനെ അങ്ങനെ. ഇത്തരം യാത്രകളിൽ റഹ്മത്ത് കാണുന്ന കാഴ്ചകളാണ് ഒരു രീതിയിൽ പറഞ്ഞാൽ എപ്പിസോഡിക്ക് രീതിയിൽ ചിത്രം കാണിച്ച് തരുന്നത്. അത്യാവശ്യം ഇമോഷണൽ ആണ് ചിത്രം, കണ്ട് കൊണ്ടിരിക്കുന്ന വ്യൂവേഴ്‌സിന്റെ മനസിനെ സ്പർശിപ്പിക്കും വിധം, ചോദ്യങ്ങൾ ഉയർത്തുന്ന രീതിയിൽ ഇണ്ട്രിഗ്യുയിങ് ആയ മികച്ചൊരു ചിത്രം തന്നെയാണ് വൈറ്റ് മിഡോസ്, കണ്ട് നോക്കാവുന്നതാണ്.

Verdict : Very Good

DC Rating : 4.25/5 

1049. Godzilla VS Kong (2021)

Director : Adam Wingard

Genre : Action

Rating : 8.1/10

Country : USA

Duration : 114 Minutes

🔸ഉദ്ദേശം ഏഴ് വർഷങ്ങൾക്ക് മുന്നെയാണ് വാർണർ ബ്രോസിന്റെ മോൺസ്റ്റർവേഴ്സ് ആരംഭിച്ചത്, ഗോഡ്‌സില്ല എന്ന സിനിമയോടെ. ആ ചിത്രം തൊട്ട് തന്നെ മോൺസ്റ്റർവെർസ് കൃത്യമായി ഫോളോ ചെയ്ത് പോന്നിട്ടുണ്ട് എങ്കിലും അതിനും മുന്നേ തന്നെ ജാപ്പനീസ് കൈജു യുണിവേഴ്‌സ് ചിര പരിചിതമായി തീർന്നിരുന്നു. അൻപതുകളിലും മറ്റും പുറത്തിറങ്ങിയ മിക്ക കോങ്ങ് ഗോഡ്സില്ല സിനിമകളും കാണാൻ കഴിഞ്ഞിട്ടുണ്ട്, അവയിൽ തന്നെ പലതും നല്ല രീതിയിൽ എന്ജോയ് ചെയ്തിട്ടുമുണ്ട്. ഈ ഒരു കാരണം കൊണ്ടാവാം തിയേറ്റർ എക്സ്പീരിയൻസ് മിസ് ചെയ്യരുത് എന്ന നിർബന്ധം കാത്ത് സൂക്ഷിച്ച സിനിമ ആയിരുന്നു ഗോഡ്സില്ല വേഴ്സസ് കോങ്ങ്.

🔸അറുപതുകളിൽ ഈ രണ്ട് കഥാപാത്രങ്ങളും ഉൾപ്പെട്ട ഒരു വേഴ്സസ് ചിത്രം പുറത്തിറങ്ങിയിട്ടുണ്ട് എങ്കിലും ഇത്രയും ടെക്ക്നിക്കലി അഡ്വാൻസ്ഡ് അല്ലാതിരുന്നതിനാൽ ഇതിനെ വേണമെങ്കിൽ ആദ്യത്തെ പ്രോപ്പർ ഷോ ഓഫ് ആയി കണക്കാക്കാം. മുൻപ് കിംഗ് ഓഫ് മോൺസ്റ്റെർസ് ഇറങ്ങിയപ്പോൾ അനുഭവപ്പെട്ട ഒരു നെഗറ്റിവ് ആയിരുന്നു ചിത്രത്തിലെ ബോറിങ് ആയ ഹ്യുമൻ കാരക്റ്റേഴ്സും അവരുടെ ആർക്കുകളും, ഇവിടെയും അത് തന്നെയാണ് പ്രശ്നമായി അനുഭവപ്പെട്ടത്, ആഫ്റ്റർ ഓൾ രണ്ട് ടൈറ്റിൽ കഥാപാത്രങ്ങളുടെ മോൺസ്റ്റർബോൾ പ്രതീക്ഷിച്ച് വരുന്നവർ ഈ ടൈപ്പ് സെന്റിമെൻസിൽ എവിടെ താല്പര്യം കാണിക്കാൻ.

🔸അപ്പോൾ കഥയിലേക്ക് വരിക ആണെങ്കിൽ ഒരു ആന്റിഹീറോ പരിവേഷം ഒക്കെ ഉണ്ടായിരുന്ന ഗോഡ്സില്ല കുറച്ച് നാളുകളായി അതിൽ നിന്നും മാറി ആളുകളെയും നഗരങ്ങളെയും എല്ലാം ആക്രമിച്ച് തുടങ്ങുകയാണ്. ഇതിനിടയിലേക്ക് അവസാനമായി നമ്മൾ സ്‌കൾ അയലണ്ടിൽ കണ്ട കോങ്ങ് കടന്ന് വരുന്നതും, ഇവർക്കിടയിലെ ചരിത്രവും ഹോളോ എർത്ത് കണ്സെപ്റ്റും എല്ലാം കൂടി രണ്ട് കഥാപാത്രങ്ങൾക്ക് ഇടയിലെ യുദ്ധം ആയി പരിണമിക്കുന്നതും ഒക്കെയാണ് സിനിമയുടെ പ്ലോട്ട് ലൈൻ. ഇതിനിടയിലേക്ക് ചില സർപ്രൈസുകളും മറ്റുമൊക്കെ കടന്ന് വരുന്നുണ്ട്, എല്ലാം കൂടി ചേരുമ്പോൾ നല്ലൊരു എന്റർടെയ്‌നർ ആയിമാറുന്നുണ്ട് ഈ സിനിമ.

🔸കഥ നമുക്ക് വിടാം, ഈ ചിത്രം കാണാൻ ടിക്കറ്റ് എടുക്കുന്ന ഏതൊരാളും സ്വാഭാവികമായി പ്രതീക്ഷിക്കുക, പ്രതീക്ഷിക്കേണ്ടത് ആക്ഷൻ സീക്വൻസുകൾ തന്നെയാണ്. ഈ ഒരു അസ്പക്റ്റിൽ ചിത്രം യാതൊരു മയവും കാണിക്കുന്നില്ല എന്നതാണ് ഏറ്റവും വലിയ പോസിറ്റിവ്, പ്രത്യേകിച്ചും തേർഡ് ആക്റ്റിലെ ഫൈറ്റ് സീനൊക്കെ നല്ല കിടിലൻ അനുഭവം തന്നെ ആയിരുന്നു. ആളുകളെ തിരികെ തിയേറ്ററിൽ എത്തിക്കാനും മറ്റും ടെനറ്റ് പോലെയുള്ള സിനിമകൾ പരാജയപ്പെട്ടിടത്ത് ഈ ചിത്രം തുറന്നിടുന്നത് വലിയ സാധ്യതകളാണ്, അതിന് കഴിയട്ടെ എന്ന് പ്രത്യാശിക്കുന്നു. ബിഗ് സ്‌ക്രീനിൽ കാണേണ്ട ഒരു ചിത്രമാണ് കോങ്ങ് വേഴ്സസ് ഗോഡ്സില്ല, പറ്റിയ സാഹചര്യം എങ്കിൽ തീർച്ചയായും ഗോ ഫോർ ഇറ്റ്.

Verdict : Good

DC Rating : 3.5/5 

1048. Killing Jesus (2017)

Director : Laura Mora

Genre : Drama

Rating : 7.1/10

Country : Colombia

Duration : 95 Minutes

🔸പരതികാരത്തോളം കഥയെ മുന്നോട്ട് ഡ്രൈവ് ചെയ്യാൻ പറ്റിയ അധികം കാര്യങ്ങൾ ഒന്നും ഇല്ല, അത്രയും റിലേറ്റ് ചെയ്യാൻ പറ്റിയവ പോലുമില്ല എന്ന് പറയാം. അത് കൊണ്ട് തന്നെ ആവണം ഇഷ്ട്ട ചിത്രങ്ങൾ എടുത്ത് നോക്കിയാൽ അതിൽ തന്നെ ഒട്ടനവധി പ്രതികാരം പ്രമേയമായ ചിത്രങ്ങൾ കാണാനാവും, ഓൾഡ്‌ബോയ് തൊട്ട് ഇങ് മലയാളത്തിൽ താഴ്വാരം വരെ ഒരുപാട് ഒരുപാട് സിനിമകൾ. എല്ലാം നഷ്ട്ടപ്പെട്ട് പ്രതികാരം മാത്രം മനസ്സിൽ ഉറപ്പിച്ച് കടന്ന് വരുന്ന ഒരു മനുഷ്യൻ അപകടകാരി മാത്രമല്ല അയാളെ ചുറ്റിപറ്റി വന്യമായ ഒരു അപ്രവചനീയത കൂടി ഉണ്ട്, അതായിരിക്കണം ഒരുപക്ഷെ ഈ കഥകൾക്ക് ഭംഗി ഏറ്റുന്നത്.

🔸കൊളംബിയൻ സിനിമകളിലൂടെ ഉള്ള ഈ അന്വേഷണം താൽക്കാലികമായി അവസാനിപ്പിക്കാൻ ഏറ്റവും ബെസ്റ്റ് ഓപ്‌ഷൻ ഒരുപക്ഷെ കില്ലിംഗ് ജീസസ് എന്ന ഈ ചിത്രം ആയിരിക്കും. മോന്റിക്രിസ്റ്റോ എന്ന ലെജൻഡറി നോവലിന്റെ അവസാനം തന്റെ പ്രതികാരം പൂർത്തിയാക്കിയ നായക കഥാപാത്രം ഒന്ന് പിന്തിരിഞ്ഞ് നോക്കുന്ന രംഗമുണ്ട്. അതായത് ദേഷ്യത്തിലും മറ്റും അന്ധനായി പോയ താൻ ചെയ്ത് കൂട്ടിയ കാര്യങ്ങൾ അയാൾ ഒന്ന് ഓർത്തെടുക്കാൻ ശ്രമിക്കുന്നതും ആ നിമിഷം സ്വയം അപഹാസ്യനാവുകയും ചെയ്യുന്ന രംഗം. അവിടെ എത്തുമ്പോഴേക്ക് എതിരെ നിന്നവരെ എല്ലാം അയാൾ വെട്ടി മാറ്റി കഴിഞ്ഞിരുന്നു, ഏതൊരു പ്രതികാര കഥയും പോലെ ബാക്കി ഉണ്ടായത് ഒരു ബ്ലാങ്ക് ഫീൽ മാത്രം ആയിരുന്നു.

🔸ഈ ഒരു ബ്ലാങ്ക്‌നെസ്സ് തന്നെയാണ് ഇവിടെയും കടന്ന് വരുന്നത്, പക്ഷെ മറ്റൊരു രീതിയിൽ ആണെന്ന് മാത്രം. പൗല എന്ന ഇരുപത്തി രണ്ട് കാരിയാണ് നമ്മുടെ പ്രധാന കഥാപാത്രം, ഒരു ഫോട്ടോഗ്രാഫി സ്റ്റുഡന്റ് ആയ പൗല അത്യാവശ്യം പ്രശസ്തനായ ഒരു പൊളിറ്റിക്കൽ സയൻസ് അധ്യാപകന്റെ മകൾ കൂടിയാണ്. രാജ്യത്തെ ഇപ്പോഴത്തെ ഒരന്തരീക്ഷം എന്നത് പൗലയുടെ അച്ഛനെ പോലെ ആശയങ്ങളും ആദർശങ്ങളും ഹൃദയത്തോട് ചേർത്ത് വെക്കുന്നവർക്ക് പറ്റിയ ഒന്നല്ല. സ്വാഭാവികമായും ഇതിനുള്ള വില അയാൾക്ക് നൽകേണ്ടി വരികയാണ്, സ്വന്തം ജീവന്റെ രൂപത്തിൽ.

🔸സവന്തം അച്ഛന് സംഭവിച്ച ദുരന്തം റിട്ടാലിയേറ്റ് ചെയ്യാനും കരണക്കാരെ കണ്ടെത്താനും ഒക്കെയുള്ള പൗലയുടെ ശ്രമങ്ങളാണ് ചിത്രത്തിന്റെ തുടർന്നുള്ള ഭാഗങ്ങൾ. കേവലം ഈ ഒരു പേഴ്സണൽ കോൺഫ്ലിക്റ്റിൽ ഒതുങ്ങി നിൽക്കാതെ ബ്രോഡർ ആയി രാജ്യത്തിൻറെ സാംസ്‌കാരിക രാഷ്ട്രീയ പരിസ്ഥിതിയെ പറ്റിയും ഒക്കെ ചിത്രം ചർച്ച ചെയ്യുന്നുണ്ട്. വളരെ ഗ്രൗണ്ടഡ് ആയ അതെ സമയം ബ്രൂട്ടൽ ആയ ഒരു സിനിമയാണ് കില്ലിംഗ് ജീസസ്, കാൻസ് ഉൾപ്പെടെ ഉള്ള വേദികളിൽ പ്രദര്ശിപ്പിക്കപ്പെടുകയും മികച്ച അഭിപ്രായങ്ങൾ കരസ്ഥമാക്കുകയും ചെയ്ത ചിത്രം തീർച്ചയായും ഒരു വേർതി വാച്ച് ആണ്, കാണാൻ ശ്രമിക്കുക.

Verdict : Good

DC Rating : 3.75/5 

1047. Land And Shade (2015)

Director : César Augusto Acevedo

Genre : Drama

Rating : 7.1/10

Country : Colombia

Duration : 97 Minutes

🔸കൊളംബിയയിൽ നിന്നും വളരെ മികച്ച ഒരു ഡ്രാമ ചിത്രം കൂടി, നമ്മുടെ ചലച്ചിത്ര മേള ഉൾപ്പെടെ ഉള്ള വേദികളിൽ പ്രദര്ശിപ്പിക്കപ്പെട്ട, മികച്ച നിരൂപക പ്രശംസ നേടിയ ഒരു ചെറിയ മനോഹര ചിത്രമാണ് ലാൻഡ് ആൻഡ് ഷെയ്ഡ്. പല റെപ്യുട്ടഡ് സൈറ്റുകൾ ഉൾപ്പെടെ ഉള്ള മീഡിയസ് രാജ്യത്തെ ഇന്ന് വരെ പുറത്തിറങ്ങിയ സിനിമകളിൽ ഏറ്റവും മികച്ചവയിൽ ഒന്നായി തിരഞ്ഞെടുത്ത ചിത്രത്തിന്റെ നിലവാരം സംബന്ധിച്ച് അധികം സംശയമോ ചർച്ചയോ ആവശ്യമുണ്ട് എന്ന് തോന്നുന്നില്ല, കണ്ടിരിക്കേണ്ട മികച്ചൊരു സിനിമ തന്നെയാണ്.

🔸കൊളമ്പിയയിലെ ഒരു ഗ്രാമ പ്രദേശത്ത് ആണ് ചിത്രം ആരംഭിക്കുന്നത്, വഴിയോരത്ത് മുഴുവൻ മുളകൾ വളർന്ന് പടർന്ന് പന്തലിച്ച് കിടക്കുന്ന ഇവിടം മറ്റ് വിളകൾക്ക് പറ്റിയതല്ലേ എന്ന തോന്നൽ പോലും ഉണ്ടാക്കും. അവിടെ താമസമാക്കിയ സകലമാന ജനങ്ങളും മുള കൃഷിയും ആയി ബന്ധപ്പെട്ട ജോലികളാണ് ചെയ്ത് പോരുന്നത്, ഇതല്ലാതെ അവിടെ ആകെ ഉള്ളത് ജോലിക്കാരെ കൊണ്ടുവിടാനും കൊണ്ടുപോവാനും ഉള്ള ഒരു ബസ് മാത്രമാണ് താനും. അത്രയും ദാരുണമാണ് അവസ്ഥ, ദാരിദ്ര്യം കൊടുമ്പിരി കൊണ്ടിരിക്കുകയാണ്, ദിവസ വേതനക്കാരായ ജോലിക്കാരാണെങ്കിൽ ആകെ പൊറുതി മുട്ടിയിരിക്കുകയാണ്.

🔸അൽഫോൻസോ എന്ന നമ്മുടെ കേന്ദ്ര കഥാപാത്രമായ വൃദ്ധൻ പതിനേഴ് വർഷങ്ങൾക്ക് ശേഷമാണ് മടങ്ങി വരുന്നത്, ഒരുകാലത്ത് തന്റേതായിരുന്ന വീട്ടിലേക്ക്, തന്റേതായിരുന്ന കുടുംബത്തിലേക്ക്. ഭാര്യയുമായി ഉടലെടുത്ത ഒരു വഴക്ക് കാരണമാണ് അയാൾ നാട് വിട്ടത്, പിന്നീട് ഇത്രയും വർഷങ്ങൾ അയാൾ തിരിച്ച് വന്നിട്ടേയില്ല, ഇപ്പോഴത്തെ അൽഫോൻസോയുടെ വരവിന് പിന്നിൽ ഒരു കാരണമുണ്ട്, അയാളുടെ മകനായ ജറാർഡോ. കൃഷി ജോലി ചെയ്ത് പോന്ന ജെറാർഡോ ഇന്ന് വളരെ മോശം അവസ്ഥയിലാണ്, ചാരപ്പൊടി കൊണ്ടാണെന്ന് തോന്നുന്നു നിൽക്കാത്ത പനിയും മറ്റും കാരണം എഴുന്നേറ്റ് നില്ക്കാൻ പോലുമാവാത്ത അവസ്ഥ.

🔸അൽഫോൻസോയുടെ മുൻ ഭാര്യയും ജെറാർഡോയുടെ ഭാര്യയും പാടത്ത് ജോലിക്ക് പോയാണ് ജീവിക്കാനുള്ള വക ഉണ്ടാക്കുന്നത്, അൽഫോൻസോയ്ക്ക് മകനെ പരിചരിക്കുക എന്നതാണ് ജോലി. വർഷങ്ങൾക്ക് മുന്നേ അറത്ത് മാറ്റി പോയ ബന്ധങ്ങൾ ഒന്ന് കൂടി കൂട്ടി യോജിപ്പിക്കേണ്ട ആവശ്യം അവിടെ ഉയരുകയാണ്, അതിന്റെ സാധ്യതകളിലേക്കാണ് ചിത്രം കടന്ന് ചെല്ലുന്നതും. വളരെ മികച്ച, അത്യാവശ്യം വൈകാരികമായ ഒരു സിനിമയാണ് ലാൻഡ് ആൻഡ് ഷെയ്ഡ്, വേറിട്ട ഒരനുഭവം നിങ്ങൾക്ക് ലഭിച്ചേക്കാം, കഴിയുമെങ്കിൽ കാണാൻ ശ്രമിക്കുക.

Verdict : Very Good

DC Rating : 4.25/5 

1046. Harley Quinn (2019)

Developer : Justin Halpern

Genre : Superhero

Rating : 8.5/10

Seasons : 02

Episodes : 26

Duration : 22 - 23 Minutes

🔸ഹാർലി ക്വിൻ എന്ന കഥാപാത്രത്തെ ഓർമയിൽ ആദ്യമായി കണ്ടത് ബാറ്റ്മാൻ ആനിമേറ്റഡ് സീരീസിൽ എങ്ങാണ്ട് ആയിരുന്നു, മാര്ഗോട്ട് റോബിക്കും സൂയിസൈഡ് സ്‌ക്വാഡിനും ഒക്കെ മുന്നേ. ആ പാർട്ടിൽ അത്യാവശ്യം ഇമ്പാക്റ്റ് ഉണ്ടാക്കിയ ഒരു കഥാപാത്രം ആയിരുന്നിട്ട് കൂടി വലിയ താല്പര്യം അല്ലെങ്കിൽ ഇണ്ട്രിഗ്യു ഈ കഥാപാത്രം ജനിപ്പിച്ചിരുന്നില്ല എന്നതാണ് സത്യം. അതായത് ജോക്കറിന്റെ വാലിൽ തൂങ്ങി നടക്കുന്ന, പുള്ളിയുടെ ഒരു ജൻഡർ സ്വാപ്പ്ഡ് കഥാപാത്രം എന്നൊരു തെറ്റിദ്ധാരണ വെച്ച് പുലർത്തിയിരുന്നു.

🔸പിന്നീട് കുറച്ച് കാലം കഴിഞ്ഞപ്പോഴാണ് സൂയിസൈഡ് സ്‌ക്വാഡ് തിയേറ്ററിൽ എത്തുന്നതും അത് കാണുന്നതും. സിനിമ വൻ നിരാശ ആയിരുന്നെങ്കിലും അപൂർവം പോസിട്ടീവുകളിൽ ഒന്ന് ഈ കഥാപാത്രവും അത് അവതരിപ്പിച്ച വ്യക്തിയുടെ പെർഫോയും ആയിരുന്നു. സൂയിസൈഡ് സ്‌ക്വാഡ് ഇറങ്ങി ലോകത്താകമാനം ഉള്ള ആരാധകരുടെയും വിമർശകരുടെയും പരിഹാസങ്ങൾ ഏറ്റുവാങ്ങി മൂന്ന് വർഷം കഴിഞ്ഞാണ് ഹാർലി ക്വിൻ എന്ന ആനിമേറ്റഡ് ഡിസി ടീവി സീരീസ് പ്രീമിയർ ചെയ്യുന്നത്. ഇതുവരെ രണ്ട് സീസണുകളിലായി ഇരുപത്തി ആറ് എപ്പിസോഡ് പുറത്തിറങ്ങിയ സീരീസിന് മികച്ച സ്വീകാര്യത ആണ് ലഭിച്ചിട്ടുള്ളത്.

🔸സീരീസിന്റെ തുടക്കത്തിൽ ആദ്യമേ സൂചിപ്പിച്ച അവസ്ഥയിൽ തന്നെയാണ് നമ്മൾ ഹാർലിയെ കണ്ട് മുട്ടുന്നത്, അതായത് ജോക്കറിന്റെ കേവലം ഒരു സൈഡ്‌കിക്ക് എന്ന അവസ്ഥയിൽ തന്നെ. മുൻപ് ഡോക്റ്റർ ഹാർലീൻ ക്വിൻസ്ൽ എന്ന അതിപ്രശസ്ത ആയിരുന്ന സൈക്യാട്രിസ്റ്റിൽ നിന്നും ഇന്നത്തെ അവസ്ഥയിലേക്ക് ഹാർലി ഒരുപാട് മാറിയിട്ടുണ്ട്. ഹാർലിക്ക് ജോക്കറിനോട് അസ്ഥിക്ക് പിടിച്ച പ്രേമം ആണെങ്കിലും ജോക്കറിന് തിരിച്ച് അങ്ങനത്തെ വികാരം ഏതുമില്ല, ഏറെക്കുറെ അബ്യുസിവ് ആയ ഒരു റിലേഷൻഷിപ്പ് ആണ് താനും.

🔸ജോക്കറിനോട് ഒത്തുള്ള സ്ഥിരം ക്രൂര വിനോദങ്ങൾ ഹാർലിയെ ആർഖം അസൈലത്തിലേക്ക് എത്തിക്കുന്നതും അവിടെ വെച്ച് അവൾക്ക് ചില തിരിച്ചറിവുകൾ ഉണ്ടാകുന്നതും, താൻ കേവലം ജോക്കറിന്റെ ഒരു സൈഡ്‌കിക്ക് മാത്രമായി ഒതുങ്ങേണ്ടവൾ അല്ല എന്ന് ഹാർലി തിരിച്ചറിഞ്ഞ് പ്രവർത്തിക്കാൻ ആരംഭിക്കുന്നതും ഒക്കെയാണ് കഥ. മുകളിൽ സൂചിപ്പിച്ച കഥാപാത്രങ്ങൾക്ക് പുറമെ ഡീസിയുടെ റോഗ് ഗാലറിയിലെ ഒരുപാട് വില്ലൻ കഥാപാത്രങ്ങൾ തങ്ങളുടെ സാന്നിധ്യം ഈ സീരീസിലൂടെ അറിയിക്കുന്നുണ്ട്. ഒരു ഡിസി ആരാധകനെ സംബന്ധിച്ചിടത്തോളം നല്ലൊരു ട്രീറ്റ് തന്നെയാണ് ഹാർലി ക്വിൻ സീരീസ്, കാണാൻ ശ്രമിക്കുക.

Verdict : Very Good

DC Rating : 4/5 

1045. Enigma Of Kaspar Hauser (1974)

Director : Werner Herzog

Genre : Drama

Rating : 7.8/10

Country : Germany

Duration : 110 Minutes

🔸ജനിച്ച അന്ന് തൊട്ട് ഇന്ന് ഈ പതിനേഴ് വയസ്സ് വരെ കാസ്പർ ഹോസർ എന്ന നമ്മുടെ ടൈറ്റിൽ കഥാപാത്രം ജീവിച്ചത് ഒരു തൊഴുത്തിന് സമാനമായ മുറിയിലാണ്. അതിന് പുറത്തേക്ക് ഇന്നേവരെ അയാൾ ഇറങ്ങിയിട്ടില്ല, അതിന് കഴിഞ്ഞിട്ടില്ല എന്ന് വേണം പറയാൻ. ഒരു ഇരുമ്പ് കുരുക്കിൽ കയർ കൊണ്ടെന്ന പോലെ ബന്ധിതനാണ് അയാൾ, എഴുന്നേറ്റ് നിൽക്കാനോ, നടക്കാനോ ഒന്നും ആവതില്ല, ചുരുക്കി പറഞ്ഞാൽ വളരെ ദാരുണമായ ഒരവസ്ഥ. ഇന്നോ ഇന്നലെയോ അല്ല കഴിഞ്ഞ പതിനേഴ് വർഷവും ഇതേ അവസ്ഥയാണ്.

🔸മനുഷ്യരുമായി യാതൊരു വിധത്തിലുള്ള സമ്പർക്കവും അയാൾക്ക് ഉണ്ടായിട്ടില്ല, ഒരു കുട്ടിക്ക് ഉള്ള മാനസിക വളർച്ചയോ അറിവോ അയാൾക്കില്ല. സെല്ലിൽ വെച്ച് മറ്റ് മനുഷ്യരെയോ ജീവജാലങ്ങളെയോ അയാൾ കണ്ടിട്ടുമില്ല. എഴുത്ത് വായന സംസാരം പോലുള്ള കാര്യങ്ങളെ പറ്റി ചിന്തിക്കേണ്ട കാര്യമേ ഇല്ല. ഇങ്ങനെയൊക്കെ ആണ് കാര്യം എങ്കിലും അയാൾ സത്യത്തിൽ തടവിലാണ്, അയാളെ ഇങ്ങനെ ബന്ധിതനാക്കി ഇരുത്തിയ ആളുടെ മുഖമോ ഐഡന്റിറ്റിയോ കാര്യമോ കാരണമോ ഒന്നും തന്നെ വെളിപ്പെടുത്തപ്പെടുന്നില്ല എന്നത് കഥയുടെ മിസ്റ്ററി വർധിപ്പിക്കുന്നെ ഉള്ളൂ താനും.

🔸എന്നാൽ ഒടുവിൽ ഒരു ദിവസം ഈ മനുഷ്യൻ കാസ്പറിനെ മോചിപ്പിക്കുകയാണ്, അതിന് തൊട്ട് തലേ ദിവസം കാസ്പറിനെ കൊണ്ട് സ്വന്തം പേര് എഴുതാൻ പഠിപ്പിക്കുകയും, ആരെങ്കിലും ചോദിച്ചാൽ പറയാനായി ക്രിപ്റ്റിക്ക് ആയ രണ്ട് സംഭാഷണങ്ങൾ ചൊല്ലി പഠിപ്പിക്കുന്നുമുണ്ട്, ഇതിന്റെ ഒന്നും ഉദ്ദേശം വ്യക്തമാവുന്നുമില്ല. എന്തായാലും ആ മനുഷ്യൻ നടക്കാൻ പോലുമാവാത്ത കാസ്പറിനെ കൈ ബന്ധിച്ച് തോളിലേറ്റി തൊട്ടടുത്ത മലമുകളിലേക്ക് കൊണ്ടുപോവുകയാണ്. കാസ്പർ ആണെങ്കിൽ ആദ്യമായി മുറിക്ക് പുറത്തുള്ള ലോകം കാണുകയും ചെയ്യുന്നു.

🔸പിന്നീട് യാതൊരു മുന്നറിയിപ്പും ഇല്ലാതെ ഈ മനുഷ്യൻ കാസ്പെരിനെ ന്യുറംബർഗ് പട്ടണത്തിൽ വെച്ച് ഉപേക്ഷിക്കുന്നിടത്താണ് കഥ ഗതി മാറുന്നത്. സ്വാഭാവികമായും ഒരുപാട് ചോദ്യങ്ങൾ കാസ്പറിനെ സംബന്ധിച്ച് ഉയരുന്നുണ്ട്, അയാൾക്ക് പിന്നെ എന്ത് സംഭവിക്കും എന്നത് സിനിമ കണ്ട് തന്നെ അറിയാൻ ശ്രമിക്കുക. ജർമനിയിൽ പത്തൊൻപതാം നൂറ്റാണ്ടിൽ അരങ്ങേറിയ ഒരു സംഭവത്തിന്റെ ദൃശ്യാവിഷ്കാരമാണ് ഈ ചിത്രം, ഈ കാര്യങ്ങളുടെ ജെനുവിനിറ്റിയെ പറ്റിയൊക്കെ ഒരുപാട് തർക്കങ്ങൾ നിലവിലുണ്ട് എങ്കിലും ചിത്രം സ്വന്തമായി ഒരു സ്റ്റാൻഡ് കൈക്കൊള്ളുന്നുണ്ട്. അപ്പോൾ താല്പര്യം ഉണ്ടെങ്കിൽ കാണാൻ ശ്രമിക്കാവുന്നതാണ്, നല്ലൊരു ചിത്രവുമാണ്.

Verdict : Very Good

DC Rating : 4.25/5 

1044. Malila The Farewell Flower (2017)

Director : Anucha Boonyawatana

Genre : Drama

Rating : 6.7/10

Country : Thailand

Duration : 94 Minutes

🔸മലീല ദി ഫെയർവെൽ ഫ്‌ളവർ എന്ന ചിത്രത്തിൽ നമ്മൾ കാണാത്ത സ്റ്റോറി ബാക്ക്ഗ്രൗണ്ട് ഒന്നുമില്ല, അത് ആദ്യമേ തന്നെ പറയാം. പക്ഷെ സിനിമയെ വേറിട്ട് നിർത്തുന്ന ഒന്ന് മെഡിറ്റേറ്റിവ് എന്നൊക്കെ വിശേഷിപ്പിക്കാവുന്ന രീതിയിൽ ഉള്ള അവതരണം തന്നെയാണ്. വളരെ പീസ്ഫുൾ ആയ രീതിയിൽ, നമ്മളീ കുളിർമ പകർന്ന് തരുന്നത് എന്നൊക്കെ പറയാവുന്ന തോതിലുള്ള ബാക്ക്ഗ്രൗണ്ടും രീതിയും ഒക്കെയാണ് ചിത്രത്തെ മറ്റൊരു തലത്തിലേക്ക് കൊണ്ട് പോവുന്നത്. മന്ദാല, ബോധിധർമ, ഹനിഗിവർ പോലുള്ള സിനിമകൾ ഫോളോ ചെയ്ത ആ ഒരു ഭംഗി ഇവിടെയും കാണാം.

🔸നമ്മുടെ കേരളത്തിന്റെ ചലച്ചിത്ര ഫെസ്റ്റിൽ ഉൾപ്പെടെ പ്രദര്ശിപ്പിക്കപ്പെട്ടതും മികച്ച അഭിപ്രായങ്ങൾ കരസ്ഥമാക്കിയതുമായ ചിത്രമാണ് മലീല. ഒരു സ്വവർഗ പ്രണയമാണ് സിനിമയുടെ ബാക്ക്ബോൺ എന്ന് പറഞ്ഞാൽ തെറ്റില്ല, എന്തിരുന്നാലും അത് മാത്രമല്ല വിഷയം, ബുദ്ധിസ്റ്റ് സരണികൾ തൊട്ട് എക്സിസ്റ്റെൻഷ്യൽ ക്രൈസിസ് വരെയുള്ള കാര്യങ്ങളിലേക്ക് കടക്കാനുള്ള ഒരു ഡ്രൈവ് ത്രൂ ആയി വേണം മുകളിൽ സൂചിപ്പിച്ച പ്രണയത്തെ കാണാൻ. ഒരു കാലത്ത് വളരെ ക്ളോസ് ആയിരുന്നവരാണ് പ്രധാന കഥാപാത്രങ്ങളായ പിച്ചും ഷെയ്‌നും.

🔸പിന്നീട് ഒരുപാട് വർഷങ്ങൾക്ക് ശേഷമാണ് ഇരുവരും കണ്ട് മുട്ടുന്നത്, അതും ഒരു ബുദ്ധിസ്റ്റ് ആശ്രമത്തിന്റെ പശ്ചാത്തലത്തിൽ. ഈ കാലയളവിനിടെ രണ്ട് കഥാപാത്രങ്ങളും ഒരുപാട് മാറി പോയിരിക്കുന്നു, പിച്ച് പുറമെ ശാന്തനാണ് എങ്കിലും രോഗങ്ങളും വിഷമകരമായ ജീവിതാനുഭവങ്ങളും എല്ലാം അയാളെ വല്ലാതെ അവശനായി മാറ്റിയിരിക്കുന്നു, ഒരു തോറ്റവന്റെ സമീപനമാണ് അയാളുടേത്, അയാളുടെ ഓരോ ചലനങ്ങളിലും അത് പ്രത്യക്ഷവുമാണ്. ഷെയ്‌നിന്റെ കാര്യം അതിലും പരിതാപകരമാണ് എന്ന് വേണമെങ്കിൽ പറയാം, കുടുംബം, ഐഡന്റിറ്റി തുടങ്ങി അയാൾക്കിനി നഷ്ടപ്പെടാൻ ഒന്നും ബാക്കിയില്ല.

🔸പിന്നീട് ഇവരിൽ ഒരാൾ സന്യാസത്തിന്റെ പാതയിലേക്ക് വരാൻ ശ്രമിക്കുന്നതും, അതിന് മുന്നേ കടന്ന് പോയ ജീവിതത്തിലേക്കും കാലത്തേക്കും ഒന്ന് റിഫ്ളക്റ്റ് ചെയ്യാൻ ഇരുവരും തയാറാവുന്നതും ഒക്കെയാണ് നമ്മുടെ കഥ. മുന്നേ സൂചിപ്പിച്ചത് പോലെ പ്ലോട്ട് വൈസ് ആണ് സിനിമയെ സമീപിക്കുന്നത് എങ്കിൽ വൻ നിരാശ ആയിരിക്കും ലഭിച്ചേക്കുക, മറിച്ച് ചിത്രം നൽകുന്ന ട്രീറ്റ്മെന്റിൽ പ്രതീക്ഷ അർപ്പിച്ച് കണ്ടാൽ വേർതി ആയിരിക്കും. എല്ലാവർക്കും തീർച്ചയായും നിർദ്ദേശിക്കില്ല, ഇത്രയും വായിച്ച അനുഭവത്തിൽ താല്പര്യം ഉണ്ടെങ്കിൽ കണ്ട് നോക്കാം.

Verdict : Good

DC Rating : 3.75/5 

1043. The Wind Journeys (2009)

Director : Ciro Guerra

Genre : Drama

Rating : 7.4/10

Country : Colombia

Duration : 120 Minutes

🔸യാത്ര പ്രമേയമായ സിനിമകൾക്ക് പലപ്പോഴും വളരെ വശ്യമായ ഒരു ഭംഗി ഉണ്ടാവാറുണ്ട്, അത് എന്ത് കൊണ്ടാണ് എന്ന് പൂർണമായി മനസിലായിട്ടില്ല. ഒരു പക്ഷെ യാത്രയിലേക്ക് വഴി തെളിയിച്ച സംഭവങ്ങൾ ആവാം, അല്ലെങ്കിൽ അപ്രവചനീയ സ്വഭാവമുള്ള യാത്രയുടെ അന്ത്യത്തെ സംബന്ധിച്ചാവാം, അതും അല്ലെങ്കിൽ യാത്രയ്ക്കിടയിലെ മനോഹരമായ ഭൂപ്രകൃതിയും, അതിനിടയിലെ അപ്രതീക്ഷിത സംഭവങ്ങളും ആവാം. അത് എന്ത് തന്നെ ആയാലും പേഴ്സണലി ഏറ്റവും ഇഷ്ട്ടമുള്ള ജോണറുകളിൽ ഒന്നാണ് റോഡ് മൂവികൾ, ഈ വിഭാഗത്തിൽ ഉൾപ്പെടുത്താവുന്ന നല്ലൊരു ചിത്രത്തെ കുറിച്ചാണ് ഈ പോസ്റ്റ്.

🔸നമ്മൾ പോവാൻ പോവുന്നത് സിനിമയെ അന്വേഷിച്ച് കൊളംബിയയിലേക്കാണ്, അതായത് മയക്ക് മരുന്നിനും മറ്റ് ലഹരി പദാര്ഥങ്ങള്ക്കും പേര് കേട്ടത് അല്ലെങ്കിൽ അതിന്റെ സിരാ കേന്ദ്രം എന്ന് ഒട്ടനവധി സിനിമകളിലൂടെ നമ്മൾ കരുതിവെച്ച ആ നാട്ടിലേക്ക് തന്നെ. ഈ ചിത്രത്തിൽ പക്ഷെ അത്തരം സംഭവങ്ങളില്ല, വെച്ച് പുലർത്തിയ ധാരണകളെ ചോദ്യം ചെയ്യിക്കും വിധം ഒരു മ്യുസിക്കൽ റോഡ് മൂവി ഡ്രാമ ആണ് ദി വിൻഡ് ജേര്ണിസ്. ഏംബ്രെയ്‌സ്‌ ഓഫ് സെർപെന്റ് പോലെയുള്ള മികച്ച സൃഷ്ട്ടികൾ കണ്ടിട്ടുള്ളതിനാൽ തന്നെ സംവിധായകൻ സിറോ ഗുവേരയും അയാളുടെ ശൈലിയും പരിചിതമാണ്.

🔸ഒരു സംഗീത ഉപകരണമാണ് ഒരുപക്ഷെ ഇവിടുത്തെ കേന്ദ്ര കഥാപാത്രം, പ്രസ്തുത രാജ്യത്തെ സംസ്കാരത്തോട് ഒക്കെ ചേർന്ന് നിൽക്കുന്ന അക്കാഡിയൻ എന്ന് വിളിക്കപ്പെടുന്ന ഒരു ഉപകരണം. തന്റെ ജീവിതം ഏറെക്കുറെ അവസാനിച്ചു എന്ന് വിശ്വസിച്ച് ശിഷ്ട കാലം ഭാര്യയോടൊപ്പം ഒതുങ്ങി ജീവിക്കാൻ തയാറായ ആളാണ് ഇഗ്നേഷ്യോ. അങ്ങനെ പോയിക്കൊണ്ടിരുന്നു അയാളുടെ ജീവിതത്തിൽ ഒരു ദുരന്തം സംഭവിക്കുന്നതും, അതിന്റെ കാരണമായി അയാൾ തന്റെ പ്രിയ സംഗീത ഉപകരണത്തെ പഴിക്കുന്നതും ഒക്കെയാണ് കഥ, ആ അക്കാഡിയൻ ചെകുത്താന്റെ സ്പർശം ഏറ്റതാണത്രേ.

🔸പിന്നീടുള്ള അയാളുടെ യാത്ര ഈ സംഗീതോപകരണം അതിന്റെ യഥാർത്ഥ ഉടമയെ കണ്ടെത്തി തിരികെ ഏൽപ്പിക്കാനാണ്, ഈ യാത്രയ്ക്കിടെ അയാളിൽ നിന്ന് സംഗീതം പഠിക്കാനും അഭ്യസിക്കാനുമായി ഫെർമിൻ എന്നൊരു കഥാപാത്രം കൂടി വരുന്നുണ്ട്. ഈ രണ്ട് പേരും യാത്രയ്‌ക്കൊടുവിൽ തങ്ങളുടെ ലക്ഷ്യ സ്ഥാനത്ത് എത്തിച്ചേരുമോ എന്നതാണ് സിനിമ ഉന്നയിക്കുന്ന ചോദ്യം, അതിനിടയിൽ അവർ കടന്ന് പോവുന്ന വഴികൾ, ലഭിക്കുന്ന അനുഭവങ്ങൾ, കാണുന്ന കാഴ്ചകൾ എന്നിവയെല്ലാം സിനിമയുടെ വിഷയങ്ങളാണ്. താല്പര്യം തോന്നുന്നെങ്കിൽ കണ്ട് നോക്കാവുന്നതാണ്, നല്ലൊരു ചിത്രമാണ് ദി വിൻഡ് ജേർണീസ്.

Verdict : Very Good

DC Rating : 4/5 

1042. The Office (2005)

Developer : Greg Daniels

Genre : Sitcom

Rating : 8.9/10

Seasons : 09

Episodes : 201

Duration : 22 - 42 Minutes

🔸സിറ്റ്കൊമുകളോടുള്ള താല്പര്യവും, യൂറ്റിയൂബിൽ കണ്ട പ്രാങ്ക് സജഷൻ വിഡിയോയും ആണ് സത്യത്തിൽ ഈ അടുത്ത കാലം വരെ ശ്രദ്ധയിൽ ഇല്ലാതിരുന്ന ഓഫീസ് എന്ന ടീവി സീരീസിലേക്ക് കൊണ്ട് ചെന്നെത്തിക്കുന്നത്. കാസ്റ്റ് പോലെയുള്ള കാര്യങ്ങൾ ശ്രദ്ധിച്ചപ്പോൾ ആണെങ്കിൽ ഇഷ്ട്ട താരങ്ങളും, അപ്പോൾ പിന്നെ ഫ്രെണ്ട്സിന് ശേഷം ബിഗ് ബാംഗ് തിയറി നൽകിയ ക്ഷീണം ഓഫീസ് വെച്ച് മറികടക്കാം എന്നായിരുന്നു പ്രതീക്ഷ, ഈ പ്രതീക്ഷ ഏറെക്കുറെ നടന്നിട്ടുമുണ്ട്, അത്യാവശ്യം നല്ല ക്വളിറ്റി കീപ് ചെയ്യുന്നുണ്ട് ഈ ഒൻപത് സീസൺ സീരീസ്.

🔸പതിഞ്ഞ തുടക്കമാണ് സീരീസിന്റെത്, വെറും ആറ് എപ്പിസോഡ് മാത്രമുള്ള ആദ്യ സീസൺ അതുവരെ ഉണ്ടായിരുന്ന ആ ഒരു പ്രതീക്ഷയേയും ഹൈപ്പിനെയും തച്ചുടയ്ക്കുന്നത് ആയിരുന്നു എന്ന് പോലും പറയാം, രണ്ടാം സീസണോടെ നഷ്ട്ടപ്പെട്ട ഗ്രൗണ്ട് തിരിച്ച് പിടിക്കുന്ന സീരീസ് മൂന്നാം സീസൺ തൊട്ട് മറ്റൊരു തലത്തിലേക്ക് പോവുന്നുണ്ട്. പിന്നീടങ്ങോട്ടുള്ള നാല് അഞ്ച് സീസണുകൾ കോമെഡിക് ഗോൾഡ് ആണെന്ന് പറഞ്ഞാൽ പോലും തെറ്റ് പറയാനാവില്ല, അത്രമേൽ എന്റർടെയ്‌നിങ് ആണ്. റ്റു ആൻഡ് എ ഹാഫ് മാൻ എന്ന സീരീസിനെ ഓർമിപ്പിക്കും വിധം ഏഴാമത്തെ സീസണിൽ വന്ന ഒരു മാറ്റമാണ് ഓഫീസിനെ വീണ്ടും ഒരല്പം പിറകിലേക്ക് വലിക്കുന്നത്.

🔸അതിൽ നിന്നും ഓവർ കം ചെയ്യാൻ സീരീസിന് കഴിയുമോ എന്നൊരു സംശയം ബാക്കി ഉണ്ടായിരുന്നെങ്കിലും അത്തരം ധാരണകളെ എല്ലാം കാറ്റിൽ പറത്തി തൃപ്തികരം ആയ ഒരു എൻഡിങ് തന്നെ കഥയ്ക്ക് നൽകുന്നുണ്ട്. ഒരു സീരീസിന്റെ ഫിനാലെ എത്തുമ്പോഴാണ് സത്യത്തിൽ കഥയോടും കഥാപാത്രങ്ങളോടും ഉള്ള നമ്മുടെ അടുപ്പം മനസിലാവുക എന്ന് പൊതുവെ പറഞ്ഞ് കേട്ടിട്ടുണ്ട്, അത് സത്യമെങ്കിൽ ഓഫീസ് പോലെ ഇന്റിമസി തോന്നിയ ഒരുപാട് സീരീസ് ഒന്നുമില്ല, ഫിനാലെ ഒക്കെ പ്യുവർ ക്‌ളാസ് ആയിരുന്നു താനും.

🔸ജിം, ദ്വൈറ്റ് എന്നീ കഥാപാത്രങ്ങൾ തന്നെയാണ് പേഴ്സണൽ ഫേവറൈറ്റുകൾ,.പ്രത്യേകിച്ചും അവർക്കിടയിലെ പ്രാങ്ക് രംഗങ്ങൾ ഒക്കെ. ഏഷ്യൻ ജിം, മെട്രിക്സ് സ്പൂഫ്, ഐഡന്റിറ്റി തെഫ്റ്റ് പോലെയുള്ള സെഗ്മെന്റുകൾ എല്ലാം സ്പെഷ്യൽ മെൻഷൻ അർഹിക്കുന്നുമുണ്ട്. മൈക്കൽ സ്‌കോട്ട്, പാം എന്നീ കഥാപാത്രങ്ങളെ കൂടി പരാമർശിക്കാതെ ഓഫീസിന് ഷട്ടർ ഇടാൻ കഴിയില്ല. ഓരോ കഥാപാത്രങ്ങളും എങ്ങിനെ പരസ്പരം ബാലൻസ് ചെയ്ത് പോവുന്നു എന്നതൊക്കെ കണ്ട് തന്നെ മനസിലാക്കേണ്ട കാര്യമാണ്. സിറ്റ്‌കോമിനോട് താല്പര്യം ഉണ്ടെങ്കിൽ, സമയം ഉണ്ടെങ്കിൽ കാണാൻ ശ്രമിക്കാവുന്നതാണ്, ഇറ്റ്സ് വേർത് ഇറ്റ്.

Verdict : Very Good

DC Rating : 4.25/5 

1041. Zack Snyder's Justice League (2021)

Director : Zack Snyder

Genre : Superhero

Rating : 8.3/10

Country : USA

Duration : 242 Minutes

🔸ജസ്റ്റിസ് ലീഗിനോളം പഴി കേട്ട ഒരു കോമിക് ബുക് മൂവി വേറൊന്ന് കാണിച്ച് തരാൻ കഴിഞ്ഞേക്കില്ല, ഇവിടെ പഴി ചാരപ്പെടേണ്ടത് സ്റ്റുഡിയോ ആണോ അതോ രണ്ടാമത് വന്ന സംവിധായകനാണോ എന്ന തർക്കം മാത്രമേ അവശേഷിക്കാൻ സാധ്യതയുള്ളൂ, ചിത്രം നല്ലതാണ് എന്ന് ഏറ്റവും കടുത്ത ആരാധകൻ പോലും സമ്മതിക്കാൻ സാധ്യതയില്ല. ഇതിനെ തുടർന്നുണ്ടായ ആരാധക രോഷം പിന്നീട് സാക്ക് സ്‌നൈഡറുടെ തിരിച്ച് വരവിനും, സ്‌നൈഡർ കട്ടിന് തന്നെയും വഴി വെച്ചതൊക്കെ നമ്മൾ കണ്ടതുമാണ്. എന്ത് തന്നെ ആയാലും ആരാധകർക്ക് മുന്നിലേക്ക് നാല് മണിക്കൂർ ദൈർഘ്യം ഉള്ള സാക്ഷാൽ സ്‌നൈഡർ കട്ട് എത്തിയിട്ടുണ്ട്, അത് നൂറ് ശതമാനം വേർതിയും ആണ്, ഇനഫ് സെയ്‌ഡ്‌.

🔸ജസ്റ്റിസ് ലീഗിന്റെ ആനിമേറ്റഡ് സീരീസ് ഒരു തരം നൊസ്റ്റാൾജിയ ആണ്, അതിനോട് കിടപിടിക്കുന്ന അല്ലെങ്കിൽ ആ നിലവാരം കീപ്പ് ചെയ്യുന്ന ഒരു ലൈവ് ആക്ഷൻ സിനിമ വേണം എന്ന ആഗ്രഹം മാത്രമേ ഉണ്ടായിരുന്നുള്ളൂ, അത് നിറവേറ്റാൻ ഏറ്റവും നല്ല വിഷനറി സാക്ക് സ്‌നൈഡർ തന്നെയുമാണ്. മാൻ ഓഫ് സ്റ്റീൽ, ബാറ്റ്മാൻ വേഴ്സസ് സൂപ്പർമാൻ അൾട്ടിമേറ്റ് കട്ട് തുടങ്ങിയ അദ്ദേഹത്തിന്റെ രണ്ട് സംരംഭങ്ങളും നന്നായി ഇഷ്ട്ടപ്പെട്ടതും ആണ്. പ്രോലോഗും, എപ്പിലോഗും, ആറ് സബ് പാർട്ടും ചേർത്ത് നാല് മണിക്കൂർ ദൈർഘ്യമുണ്ട് ഈ ചിത്രത്തിന്.

🔸സപ്പർമാന്റെ മരണ ശേഷം ഒരു ടീമിന്റെ ആവശ്യകത ബാറ്റ്മാന് മനസിലാവുന്നതും, അതിനായി അയാൾ ഇറങ്ങി തിരിക്കുന്നതും ആണ് കഥയുടെ ആദ്യ ഭാഗം. പല ഭാഗങ്ങളിൽ നിന്നായി റിക്രൂട്ട് ചെയ്യപ്പെട്ട അഞ്ചോളം മെറ്റാ ഹ്യുമൺസ് ഡാർക്‌സെയ്‌ദിന്റെ അനിവാര്യമായ വരവിന് വേണ്ടി തയാറെടുക്കുന്നതും മറ്റുമൊക്കെയാണ് തുടർന്നുള്ള ഭാഗങ്ങൾ. മെയിൻ സ്റ്റോറിക്ക് പാരലൽ ആയി വരുന്ന നൈറ്റ്‌മെർ സീക്വൻസ് ഈ വർഷം ഏറ്റവും പ്രതീക്ഷ അർപ്പിച്ച സീനുകളിൽ ഒന്നായിരുന്നു, ലെങ്ത് അല്പം കുറഞ്ഞ് പോയി എന്ന പരാതി മാത്രമേ ബാക്കിയുള്ളൂ ഈ പോർഷനെ പറ്റി.

🔸ഒറിജിനൽ തിയേറ്റർ കട്ട് കണ്ട് കൊണ്ടിരിക്കെ ഇഷ്ട്ട കഥാപാത്രങ്ങളുടെ പല ട്രെയിറ്റുകളിലേക്കും വെള്ളം ചേർത്ത ഒരു ഫീൽ ലഭിച്ചിരുന്നു, എന്നാൽ ഇവിടെ കഥാപാത്രങ്ങളുടെ അവരെ സ്പെഷ്യൽ ആക്കിയ എസ്സെൻസ് നല്ല തോതിൽ കീപ്പ് ചെയ്തിട്ടുണ്ട് എന്നതാണ് പ്രധാന പോസിറ്റിവ് എലമെന്റ്. ഒരു ഡിസി ആരാധകനെ തൃപ്തിപ്പെടുത്താൻ ഉള്ള വക എന്തായാലും ചിത്രത്തിലുണ്ട്, മറ്റുള്ളവർക്കും കണ്ട് നോക്കാവുന്നതാണ്. ജസ്റ്റിസ് ലീഗ് ഒരു ക്ലിഫ്‌ഹാങ്ങറിൽ ആണ് അവസാനിക്കുന്നത്, എന്നാൽ തുടർ ഭാഗത്തിന് ഈ ഒരു നിമിഷം യാതൊരു സാധ്യതയും കാണുന്നില്ല എന്നത് നിർഭാഗ്യകരം തന്നെ, സ്റ്റുഡിയോ ഒരു പുനർചിന്തനയ്ക്ക് തയ്യാറാവും എന്ന ശുഭ പ്രതീക്ഷയിൽ അവസാനിപ്പിക്കുന്നു.

Verdict : Very Good

DC Rating : 4/5 

1040. The Naked Director (2019)

Director : Masaharu Take

Genre : Drama

Rating : 7.8/10

Seasons : 01

Episodes : 08

Duration : 39 - 54 Minutes

🔸ടീവി സീരീസ് ആരാധകർക്ക് കണ്ട് നോക്കാവുന്ന ഒരു സെമി ഓട്ടോ ബയോഗ്രഫിക്കൽ സീരീസ്, ജപ്പാനിൽ നിന്നും അതും വെറും എട്ട് എപ്പിസോഡുകളിൽ കഥ പറഞ്ഞ് അവസാനിപ്പിക്കുന്ന നല്ല ഒന്ന് തന്നെ, ചുരുക്കി പറഞ്ഞാൽ ഇതാണ് നേക്കഡ് ഡയറക്റ്റർ എന്ന സീരീസ്. പേര് സൂചിപ്പിക്കുന്നത് പോലെ തന്നെ അത്യാവശ്യം അഡൽറ്റ് കണ്ടന്റ് ഉള്ള ന്യുഡിറ്റി ഒരു വിഷയമായി തന്നെ കൈകാര്യം ചെയ്യുന്ന ഒന്നാണ് ഈ സീരീസ്. പോൺ എന്ന വിഷയവും അതിനോടുള്ള സമീപനവും എല്ലാം സീരീസിന്റെ വളരെ പ്രസക്തമായ വിഷയങ്ങളാണ്.

🔸എണ്പതുകളാണ് നമ്മുടെ കഥാ പശ്ചാത്തലം, ലൈംഗികത എന്നത് നിത്യ ജീവിതത്തിൽ തന്നെ വലിയ പ്രാധാന്യം ഉള്ള കാര്യം ആയിട്ട് കൂടി പോൺ എന്നതിനോടുള്ള ആൾക്കാരുടെ കാഴ്ചപ്പാട് ഇന്നത്തെ പോലെ തന്നെ അന്നും റിഗ്രസിവ് ആയിരുന്നു, ഒരുപക്ഷെ ഇന്നത്തേക്കാൾ മോശമായ സമീപനം. ഈ സമീപനം തന്നെയാണ് ജാപ്പനീസ് ഗവണ്മെന്റും പിന്തുടർന്ന് കൊണ്ടിരുന്നത്, തങ്ങളുടെ മീഡിയയിലും മറ്റുമൊക്കെ പ്രദര്ശിപ്പിക്കാവുന്ന കണ്ടന്റിന് കനത്ത സെന്സറിംഗും, ചിത്രങ്ങളാണ് എങ്കിൽ മില്ലിമീറ്റർ അടിസ്ഥാനത്തിൽ പിന്തുടരേണ്ട നിയമങ്ങളും അന്ത കാലത്ത് നിലവിൽ ഉണ്ടായിരുന്നു.

🔸ഈ കാരണങ്ങൾ കൊണ്ട് തന്നെ എക്സ്പ്ലിസിറ്റ് ആയ പോൺ സിനിമകളോ, അഡൽറ്റ് കണ്ടന്റ് ഉള്ള മാസികകളോ പുറത്തിറങ്ങിയിരുന്നില്ല. നിയമം അനുവദിക്കുന്നതിന് പരമാവധി ലെവെലിലേക്ക് നിയമത്തെ വളച്ച് കൊണ്ട് പോയി ജീവിക്കുന്ന കമ്പനികൾ ഉണ്ടായിരുന്നെങ്കിലും, ആ നിയമങ്ങളെ ഒടിച്ച് രീതികൾ മാറ്റാൻ ആരും തയാറായിരുന്നില്ല, ഭയം തന്നെ ആയിരുന്നു കാരണം. എന്നാൽ ഇതെല്ലാം റ്റൊരു മുറാനിശി എന്നയാളുടെ വരവോടു കൂടി മാറി മറിയുകയാണ്, അയാളാണ് നമ്മുടെ കേന്ദ്ര കഥാപാത്രം.

🔸ഒരു സാധാരണ കുടുംബത്തിൽ ജനിച്ച് വളർന്ന ദരിദ്രനായ കഥാപാത്രമാണ് മുറാനിശി, ഒരു സെയ്ൽസ് മാൻ ആയിരുന്ന ടിയാന് ഒരുനാൾ താൻ സ്നേഹത്തോടെ കൊണ്ടുനടന്ന പലതും നഷ്ടപ്പെടുന്നത് ദയനീയമായി നോക്കി നിൽക്കേണ്ടി വരികയാണ്. ഒന്നും ഇല്ലാത്തവന് ആരെ പേടിക്കാൻ എന്ന നിലയ്ക്ക് ഇയാൾ നിയമത്തെ വെല്ലുവിളിക്കാൻ തയാറാവുന്നതും ഇതിനെ തുടർന്ന് പോൺ ഇൻഡസ്ട്രിയിൽ അപാരമായ സാദ്ധ്യതകൾ കാണുന്നതും എല്ലാമാണ് സീരീസിന്റെ ഒരു പ്ലോട്ട് ലൈൻ. ആകെ മൊത്തം കാണാൻ ഉള്ള വക സീരീസിലുണ്ട്, കണ്ട് നോക്കുന്നതിൽ തെറ്റില്ല.

Verdict : Good

DC Rating : 3.75/5 

1039. Saint Maud (2020)

Director : Rose Glass

Genre : Horror

Rating : 6.8/10

Country : UK

Duration : 84 Minutes

🔸A24 എന്ന പ്രൊഡക്ഷൻ കമ്പനി നൽകുന്ന ഒരു ഗ്യാരന്റി ഉണ്ട്, കാണാൻ പോവുന്നത് അത്യാവശ്യം യുണീക് ആയ നിലവാരമുള്ള ചിത്രം ആയിരിക്കും എന്ന ഗ്യാരന്റി. കഴിഞ്ഞ ഒരു ദശകത്തോളമായി ഈ നിലവാരത്തിൽ മികച്ച ട്രാക്ക് റെക്കോർഡ് കീപ്പ് ചെയ്തിട്ടുള്ളവരാണ് പ്രസ്തുത കമ്പനി, ഈ ഒരു കാരണം കൊണ്ട് തന്നെയാണ് സെയ്ന്റ് മോഡ്‌ എന്ന ചിത്രത്തിൽ വലിയ പ്രതീക്ഷ വെച്ച് പുലർത്തിയതും, ഗ്രീൻ നൈറ്റ് ഒക്കെ ഈ വർഷത്തെ മോസ്റ്റ് ആന്റിസിപ്പേറ്റഡ് ചിത്രമായി മാറിയതും.

🔸ഒരുപാട് ഇമോഷണൽ, മെന്റൽ കോൺഫ്ലിക്റ്റുകൾ ഉള്ള ഒരു നേഴ്‌സ് കഥാപാത്രമാണ് മൗദ്, ഒരു പഴയകാല ഡാൻസറിന്റെ പരിചാരിക ആയാണ് അവരിന്ന് ജോലി നോക്കുന്നത്. താൻ സ്പെഷ്യൽ ആണെന്നും ദൈവത്താൽ തിരഞ്ഞെടുക്കപ്പെട്ടവൾ ആണെന്നും ഒക്കെയുള്ള ഒരു ധാരണ അവൾ വെച്ച് പുലർത്തുന്നുണ്ട്. ഇത് കൊണ്ട് തന്നെ പരിചാരിക വൃത്തിക്കപ്പുറം തന്റെ ജന്മ നിയോഗം മറ്റൊന്നാണ് എന്നും അവൾ വിശ്വസിക്കുന്നുണ്ട്. ഇത്തരത്തിൽ ഒരു കഥാപാത്രത്തിന് മുന്നിൽ സ്വാഭാവികമായും ഒരു അവിശ്വാസി എത്തിപ്പെട്ടാൽ നല്ല രസം ഉണ്ടാവും.

🔸മേൽ പറഞ്ഞ സ്ഥലത്തേക്ക് തന്നെയാണ് കാര്യങ്ങളുടെ പോക്ക്, അന്ധമായ രീതിയിൽ ദൈവത്തിൽ വിശ്വസിക്കുന്ന മൗദിനെ സംബന്ധിച്ചിടത്തോളം അവൾക്ക് സ്വന്തം വിശ്വാസങ്ങൾ മുറുകെ പിടിച്ചാൽ മാത്രം പോരാ, മറിച്ച് അത് അവിശ്വാസികളെ ബോധ്യപ്പെടുത്തുകയും അവരെ അവൾ കണ്ടെത്തിയതെന്ന് വിശ്വസിക്കുന്ന നന്മയുടെ പാതയിലേക്ക്, അതായത് ദൈവ വഴിയിലേക്ക് കൊണ്ടുവരികയും വേണം. മനുഷ്യനോളം തന്നെ പ്രായമുള്ള ദൈവ സംബന്ധമായ തർക്കം തന്നെയാണ് സെയ്ന്റ് മൗദിന്റെയും ബേസ്.

🔸പരൊഡക്ഷൻ കമ്പനിയുടെ ആദ്യം സൂചിപ്പിച്ച നിലവാരം ചിത്രം കീപ്പ് ചെയ്യുന്നുണ്ട് എങ്കിലും പ്രതീക്ഷിച്ചത്ര ഹാർഡ് ഹിറ്റിങ് ആയൊരു അനുഭവം ചിത്രത്തിൽ നിന്നും ക്ളൈമാക്സ് ഒഴിച്ച് നിർത്തിയാൽ ലഭിച്ചില്ല എന്ന് പറയേണ്ടി വരും. സിനിമയുടെ എൻഡിങ് ഷോട്ട് ഉൾപ്പെടെയുള്ള അവസാന പതിനഞ്ച് മിനിറ്റ് വേറെ തന്നെ ഒരനുഭവം ആയിരുന്നു. മികച്ച പ്രകടനങ്ങളും, സ്കോറും, സെറ്റപ്പും, പേ ഓഫും എല്ലാം കൂടി ചേരുമ്പോൾ സെയ്ന്റ് മൗഡ് ഒരു നല്ല വ്യൂവിങ് എക്സ്പീരിയൻസ് തന്നെ ആവുന്നുണ്ട്, അപ്പോൾ കാണാൻ ശ്രമിക്കുക.

Verdict : Very Good

DC Rating : 4/5 

1038. Sex Education (2019)

Creator : Laurie Nunn

Genre : Comedy

Rating : 8.3/10

Seasons : 02

Episodes : 16

Duration : 47 - 59 Minutes

🔸ഒരു ആവറേജ് ഇന്ത്യൻ മനുഷ്യന്റെ മനസ്സിൽ ലൈംഗികതയും, ഹൃദയത്തിൽ പേടിയും ആണ് മിക്ക സമയത്തും ഉണ്ടാവുക എന്ന വാചകം വർഷങ്ങൾക്ക് മുന്നേ ഏതോ ബ്ലോഗിലോ, പോസ്റ്റിലോ എങ്ങാണ്ട് വായിച്ചതാണ്. അന്ന് അതിനെ പറ്റി ഒരല്പം ഔട്ട്റീജ്യസ് ആയ വിലയിരുത്തൽ എന്നൊക്കെ തോന്നിയിരുന്നു എങ്കിലും പിന്നീട് കാലങ്ങൾ കടന്ന് പോയപ്പോൾ ശെരിയാണ് എന്ന അനുമാനവും ഉണ്ടായി. അത് എന്ത് തന്നെയും ആയിക്കോട്ടെ ലൈംഗിക ദാരിദ്ര്യം അല്ലെങ്കിൽ ഫ്രാസ്റ്റ്രേഷൻ ഏറ്റവും കൂടുതൽ അനുഭവിക്കുന്ന, പ്രകടിപ്പിക്കുന്ന വിഭാഗത്തിൽ പെട്ടവരാണ് നമ്മുടെ രാജ്യക്കാർ എന്നത് തെറ്റ് ഇല്ലാതെ പറയാം.

🔸ഈ വിഷയത്തിൽ ആവശ്യമായ വിദ്യാഭ്യാസമോ അറിവോ ഇല്ലാതെ കേവലം അസംപ്‌ഷൻസും, തെറ്റിദ്ധാരണകളും വെച്ചുള്ള ഇടപെടൽ ഉണ്ടാക്കുന്ന പ്രശ്നങ്ങൾ ചിന്തിക്കുന്നതിനും ഊഹിക്കുന്നതിനും ഒക്കെ ഒരുപാട് മുകളിലാണ്. ഇത്തരത്തിൽ ഉള്ള കാഴ്ചപ്പാടുകളിൽ നമ്മളും പുറം നാട്ടുകാരും ഒക്കെ ആയുള്ള അന്തരം മനസിലാക്കാൻ നല്ലൊരു ഉദാഹരണമാണ് പ്രസ്തുത സീരീസ്. ഒരു ഉദാഹരണത്തിന് ഹൈ സ്‌കൂളിൽ വിദ്യാർത്ഥികൾക്ക് ലൈംഗിക വിദ്യാഭ്യാസത്തിനും സംശയ നിവാരണത്തിനും എല്ലാമായി ഒരു കൗൺസിലറെ നിയമിക്കുന്ന രംഗം ഒക്കെ സീരീസിൽ ഉണ്ട്.

🔸ഒരു ആൺകുട്ടിയും പെൺകുട്ടിയും ഒന്നിച്ച് വരാന്തയിൽ ഇരുന്നതിന് ചൂരൽ എടുത്ത് വീശിയ കാഴ്ചയ്ക്ക് സാക്ഷിയാവേണ്ടി വന്ന ഞാൻ, എന്റെ സ്‌കൂളിൽ അത്തരം ഒരു സംഭവം ഉണ്ടാവുക എന്നത് ഭാവനയിൽ കാണുന്നത് പോലും അങ്ങേയറ്റം വലിയ വിരോധാഭാസം തന്നെയാണ്. ഈ ഒരു കാഴ്ചപ്പാടിൽ നിന്നും ഒരുപാട് മാറ്റങ്ങൾ ഇനിയും ഉണ്ടാവേണ്ടി ഇരിക്കുന്നു എന്നതാണ് സത്യം. കഥയിലേക്ക് വരിക ആണെങ്കിൽ ഓട്ടിസ് എന്ന പതിനാറുകാരനാണ് നമ്മുടെ പ്രധാന കഥാപാത്രം. ലൈംഗികമായി ചില പ്രശ്നങ്ങൾ ഒക്കെയുള്ള ഓട്ടിസ് ഒരു കൺസൾട്ടന്റിന്റെ മകൻ കൂടിയാണ്.

🔸പിന്നീട് ഈ കഥാപാത്രത്തെ ഒരു കോളേജിന്റെ പശ്ചാത്തലത്തിൽ അവരോധിക്കുകയാണ്, പ്രസ്തുത വിഷയത്തിൽ അമ്മയിൽ നിന്നും മറ്റും നേടിയ അറിവുകൾ ഉപയോഗിച്ച് അയാൾ ഒരു മെന്റർ അല്ലെങ്കിൽ ഇൻസ്ട്രക്റ്റർ ടൈപ്പ് റോൾ സ്വന്തമാക്കുന്നതും അതിനെ തുടർന്ന് അരങ്ങേറുന്ന സംഭവങ്ങളും എല്ലാമാണ് സീരീസ്. മികച്ച ഒരു സീരീസ് തന്നെ എന്ന് സംശയം ഏതുമില്ലാതെ പറയാം, മിക്കവർക്കും ഇഷ്ട്ട കഥാപാത്രങ്ങൾ ഓട്ടിസ് മെയ്‌വ് എന്നിവരാവും എങ്കിലും പേഴ്സണലി ഏറ്റവും അടുപ്പം തോന്നിയത് ജാക്ക്സൺ, വിവ്, ആദം എന്നിവരോടൊക്കെയാണ്. നല്ല രീതിയിൽ ഡെവലപ് ചെയ്ത് കൊണ്ടുവന്ന മികച്ചൊരു സീരീസ്, കാണാൻ ശ്രമിക്കുക.

Verdict : Very Good

DC Rating : 4.25/5 

1037. Sun Children (2020)

Director : Majid Majidi

Genre : Drama

Rating : 7.1/10

Country : Iran

Duration : 99 Minutes

🔸മജീദ് മജീദി സിനിമകളുടെ സ്വത സിദ്ധമായ ലളിതമായ അവതരണ രീതിയും മനോഹരമായ കഥാ സന്ദര്ഭങ്ങളും, താല്പര്യം ജനിപ്പിക്കുന്ന കഥാപാത്രങ്ങളും എല്ലാം അതിന്റെ മികവിൽ കാണാൻ കഴിയുന്ന മറ്റൊരു മികച്ച ചിത്രം, അതാണ് സൺ ചിൽഡ്രൻ. ബിയോണ്ട് ദി ക്ലൗഡ്‌സ് എന്ന പാളിപ്പോയ ശ്രമത്തിന് ശേഷം ട്രാക്കിലേക്ക് മടങ്ങി ഉള്ള വരവ് ഒരു അനിവാര്യത ആയിരുന്ന സംവിധായകനെയും അദ്ദേഹത്തിന്റെ ആരാധകരെയും സംബന്ധിച്ചിടത്തോളം അതിനും മുകളിൽ നിൽക്കുന്ന ഒരു ചെറിയ സിനിമ. പ്രതീക്ഷയുടെ 'ഭാരം' കൂട്ടിയാലും കുഴപ്പം ഒന്നുമില്ല, വേർതി ആണ്.

🔸ബാലവേല എന്ന പരിപാടി ലോകത്താകമാനം നിയമപ്രകാരം നിരോധിക്കപ്പെട്ടിട്ട് കുറച്ച് കാലമായി, ഒട്ടും വികസിച്ചിട്ടില്ലാത്ത ചില രാജ്യങ്ങളിൽ ഇപ്പോഴും പ്രത്യക്ഷത്തിൽ നിലനിൽക്കുന്നുണ്ട് എന്നത് ഒഴിച്ചാൽ ധാർമികപരം ആയും നിയമപരം ആയും അത് തെറ്റ് തന്നെയാണ്. ഇങ്ങനെ ഒക്കെ ആണ് കാര്യം എങ്കിലും ലോകത്ത് പതിനഞ്ച് കോടിക്ക് മുകളിൽ കുട്ടികൾ ബാലവേല ചെയ്യുന്നുണ്ട് എന്നാണ് അധികാരപ്പെട്ട കേന്ദ്രങ്ങൾ തയാറാക്കിയ കണക്ക്. ഈ ചിത്രം സംവിധായകൻ ഡെഡിക്കേറ്റ് ചെയ്യുന്നത് അത്തരത്തിൽ പെട്ട കുട്ടികൾക്ക് വേണ്ടിയാണ്.

🔸ഇറാനിലെ ഒരു തെരുവിലാണ് കഥ ആരംഭിക്കുന്നത്, അഫ്‌ഗാനിസ്ഥാനിൽ നിന്നും മറ്റും കുടിയേറി എത്തിയ ആ ലീനേജിൽ പെട്ട ആളുകളാണ് നമ്മുടെ ഫോക്കസ്. അവരിൽ മധ്യ വയസ്സ് കടന്നവരുണ്ട്, പെൺകുട്ടികളുണ്ട്, യുവാക്കളുണ്ട്, എല്ലാവരുമുണ്ട്. ഈ ഒരു ലീനേജിന് പുറമെ ഇവരെ എല്ലാം കൂട്ടി ചേർക്കുന്ന ഒരു ഘടകം ഇവർക്ക് നേരിടേണ്ടി വരുന്ന വേർതിരിവും വിവേചനവും എല്ലാമാണ്. ഈ വേർതിരിവിന്റെയും മറ്റുമൊക്കെ ഒരു അവതരണം കൂടി ആവുന്നുണ്ട് ചിത്രം, പലയിടത്തും.

🔸അലി എന്ന പന്ത്രണ്ട് വയസ്സുകാരനാണ് നമ്മുടെ പ്രധാന കഥാപാത്രം, പ്രാഥമിക വിദ്യാഭ്യാസം ഒന്നും ലഭിച്ചിട്ടില്ലാത്ത അവൻ കഠിനമായി അധ്വാനിച്ച് തന്നെയാണ് ജീവിക്കാനുള്ള വക ഉണ്ടാക്കുന്നത്. ആ ദിവസങ്ങളിൽ ഒന്നിൽ തന്റെ യജമാനന്റെ പക്കൽ നിന്നും അടുത്തുള്ള ഒരു സ്‌കൂളിന്റെ ബേസ്മെന്റിൽ നിധി ഇരിപ്പുണ്ടെന്ന് അവൻ അറിയുന്നതും അത് കൈക്കലാക്കാൻ സുഹൃത്തുക്കളോടൊപ്പം വിദ്യാർഥികൾ എന്ന വ്യാജേന അവിടെ എത്തുന്നതും ഒക്കെയാണ് കഥ. സിംപിൾ സ്റ്റോറിയും അതിന്റെ മികച്ച അവതരണവും, നല്ല പെര്ഫോമന്സുകളും, നല്ലൊരു എൻഡിങ്ങും എല്ലാം ചിത്രത്തിന്റെ പോസിറ്റിവ് എലെമെന്റുകളിൽ ചിലതാണ്, ഓവറോൾ കണ്ടിരിക്കേണ്ട ഒരു നല്ല സിനിമയാണ് സൺ ചിൽഡ്രൻ.

Verdict : Very Good

DC Rating : 4.25/5 

1036. Move The Grave (2019)

Director : Jeong Seung Oh

Genre : Drama

Rating : 7.1/10

Country : South Korea

Duration : 98 Minutes

🔸കൊറിയൻ സിനിമാ ഇൻഡസ്ട്രി പൊതുവെ പേര് കേട്ടത് അവരുടെ മുഖ്യധാരാ സിനിമകളുടെയും അവയിലെ തന്നെ വയലെന്സിന്റെയും സസ്പെന്സിന്റെയും മറ്റുമൊക്കെ പേരിലാണ് എന്നാണ് മനസിലാക്കി വെച്ചിരിക്കുന്നത്. റൊമാന്റിക് ചിത്രങ്ങളും ഒട്ടും മോശമല്ല, എന്തിരുന്നാലും ആവശ്യക്കാർ അധികവും ആദ്യം സൂചിപ്പിച്ച വിഭാഗത്തിന് ആണ്. ഈ ഒരു പ്രവണതയ്ക്ക് ഇടയിൽ വലിയ ശ്രദ്ധയോ ഫോളോയിങ്ങോ ലഭിക്കാതെ വിസ്മരിക്കപ്പെട്ട് പോവുന്ന ഒരു വിഭാഗം കൂടിയുണ്ട്, ഇൻഡി ഡ്രാമ വിഭാഗത്തിൽ പെട്ട ചില വിശേഷപ്പെട്ട സിനിമകൾ, മൂവ് ദി ഗ്രെയ്‌വ് എന്നത് അത്തരത്തിൽ ഒരു സിനിമയാണ്, വളരെ സ്പെഷ്യൽ ആയ ഒരു സിനിമ.

🔸വളരെ യാഥാസ്ഥികർ ആയിരുന്ന ഒരു കുടുംബത്തിന്റെ ഇന്നത്തെ തലമുറയുടെ വർഷങ്ങൾക്ക് ശേഷമുള്ള ഒത്തുചേരലും അതിനെ തുടർന്ന് അരങ്ങേറുന്ന സംഭവങ്ങളും എല്ലാമാണ് ഒന്നര മണിക്കൂർ പരിധിയിൽ ഉള്ള ഈ ചിത്രത്തിന്റെ ഒരു പ്ലോട്ട് ലൈൻ, ഒരു റോഡ് മൂവി എന്ന് പറഞ്ഞാലും തെറ്റ് പറയാനാവില്ല. ഹൈ ബേക് എന്ന നായികാ സമാന കഥാപാത്രത്തെയാണ് നമ്മൾ ആദ്യമായി പരിചയപ്പെടുന്നത്, ഒരു കോർപറേറ്റ് കമ്പനിയിൽ ജോലിക്കാരി ആയ അവർ അത്ര നല്ല ഒരു സമയത്തിലൂടെ അല്ല കടന്ന് പോവുന്നത്.

🔸ഭർത്താവും ഒത്ത് പിരിഞ്ഞിട്ട് കുറച്ച് വർഷം ആയെങ്കിലും ഇപ്പോൾ അവരുടെ ജോലി കൂടി പോവുന്ന അവസ്ഥയിൽ ആയത് കാര്യങ്ങളെ കൂടുതൽ മോശ അവസ്ഥയിലേക്ക് കൊണ്ട് പോവുകയാണ്. ഇതിനിടെ ആണ് സ്വന്തം നാട്ടിൽ നിന്നും ഒരു ഫോൺ കോൾ അവരെ അന്വേഷിച്ച് വരുന്നത്. വർഷങ്ങൾക്ക് മുന്നേ മരിച്ച അച്ഛന്റെ ശവ കുടീരം ഒരു പദ്ധതിക്ക് വേണ്ടി മാറ്റി സ്ഥാപിക്കേണ്ടത് ഉണ്ട് എന്ന് കാണിച്ച് കൊണ്ടുള്ള ഗവണ്മെന്റ് അണ്ടർടെയ്ക്കിങ് നോട്ടീസ് ആയിരുന്നു അത്. ഇതിന് വേണ്ടി അവശിഷ്ടങ്ങൾ മാറ്റി സ്ഥാപിക്കുക അല്ലെങ്കിൽ ക്രീമിയറ്റ് ചെയ്യുക എന്ന രണ്ട് ഓപ്‌ഷനുകളാണ് മുന്നിൽ ഉള്ളത്.

🔸ഇതിന്റെ കാര്യത്തിൽ തീരുമാനം എടുക്കാനായി മക്കൾ എല്ലാവരും ഒത്ത് കൂടാൻ ശ്രമിക്കുന്നതും തിരിച്ച് നാട്ടിലേക്ക് യാത്ര തിരിക്കുന്നതുമാണ് പ്ലോട്ട്, അവർ നാല് പെൺമക്കളും ഒരാണും ആണ്. വളരെ ബ്യുട്ടിഫുൾ ആയ ഒരു ഫാമിലി ഡ്രാമയാണ് ഈ ചിത്രം, പ്രത്യേകിച്ചും അഞ്ച് പേരും വർഷങ്ങൾക്ക് ശേഷം ഒത്ത് ചേരുന്ന നൈറ്റ് സീൻ ഒക്കെ മനോഹരം ആയിരുന്നെന്ന് പറയേണ്ടി വരും. സ്‌ക്രീനിൽ എത്തുന്ന എല്ലാ കഥാപാത്രങ്ങളും ഏതെങ്കിലും ഒരു രീതിയിൽ നമ്മളെ സ്വാധീനിച്ചിരിക്കും എന്നതും എടുത്ത് പറയേണ്ട ഒരു വസ്തുതയാണ്. ആകെ മൊത്തം നല്ലൊരു ചിത്രം, കാണാൻ ശ്രമിക്കുക.

Verdict : Very Good

DC Rating : 4/5 

1035. Suspect X (2008)

Director : Hiroshi Nishitani

Genre : Mystery

Rating : 7.5/10

Country : Japan

Duration : 128 Minutes

🔸ദശ്യം എന്ന ചിത്രം റിലീസ് ആയ കാലം തൊട്ടേ പല പല പ്ലാറ്റ്ഫോമുകളിലായി കേട്ടത് ആണെങ്കിലും ഇപ്പോഴാണ് സത്യത്തിൽ സസ്പെക്റ്റ് എക്സ് എന്ന സിനിമ കാണാൻ ആയത്..ദൃശ്യം ഈ ചിത്രത്തിൽ നിന്നും പ്ലോട്ട് കടമെടുത്താണ് എന്നാണ് കേട്ടത് എങ്കിലും ഒന്ന് രണ്ട് സാമ്യങ്ങൾ ഒഴിച്ച് നിർത്തിയാൽ ആ വാദം ശെരിയാണെന്ന് തോന്നിയിട്ടില്ല. രണ്ടും മികച്ച സിനിമകൾ തന്നെ, ദൃശ്യം അടുത്തതെന്ത് എന്ന ചോദ്യത്തിൽ നല്ല രീതിയിൽ ടെൻഷൻ അടിപ്പിച്ചെങ്കിൽ സസ്‌പെക്ട് എക്സ് കുറച്ച് കൂടി വികാരഭരിതം ആയിരുന്നു.

🔸ഒരു കൊലപാതകം നടന്നിട്ടുണ്ട്, കൊല്ലപ്പെട്ടയാൾ ഒരു നാല്പത് വയസിനടുത്ത് പ്രായമായ ആളാണ്. ശരീരം കുറച്ച് വികൃതമായ രീതിയിൽ ആണ് ലഭിച്ചിരിക്കുന്നത്, അയാളുടെ മുഖം ഭാരമേറിയ എന്തോ വസ്തു കൊണ്ടെന്നവണ്ണം ചതച്ച് കളഞ്ഞിട്ടുണ്ട്. വിരലടയാളം ഇല്ലാതാക്കുവാൻ ആയിരിക്കണം കൈ വിരലുകൾ കരിച്ച് കളഞ്ഞിരിക്കുന്നു. ഇങ്ങനെ ആകെ മൊത്തം ഭീകരമായ രീതിയിലാണ് ശരീരം കണ്ടെടുത്തിരിക്കുന്നത്. കൊല ചെയ്തവൻ എന്തായാലും ചില്ലറക്കാരൻ അല്ല എന്നത് വ്യക്തമാണ്.

🔸ഇങ്ങനെ ഒക്കെ ആണെങ്കിലും കൊല്ലപ്പെട്ടയാൾ ആരാണെന്ന് അധികം വൈകാതെ തന്നെ മനസിലാക്കാൻ പൊലീസിന് കഴിയുന്നുണ്ട്, ആളൊരു യൂസ്‌ലെസ്സ് ആണ്, ഡ്രഗ്സ് ഗാംബ്ലിങ് തുടങ്ങി സകലമാന വയ്യാവേലിക്കും തല വെച്ച് കൊടുത്ത് മുടിഞ്ഞ് പണ്ടാരം അടങ്ങിയ ഒരു കഥാപാത്രം. അയാൾ കൊല്ലപ്പെട്ടിരിക്കുന്ന നഗരത്തിൽ അയാൾക്കൊരു ഭാര്യയും മകളുമുണ്ട്. സ്വാഭാവികമായും ഈ കൊലപാതകത്തിന്റെ പ്രൈം സസ്‌പെക്റ്റുകളായി ഇവർ രണ്ട് പേരും മാറുകയാണ്. ഈ വഴിയേ പോലീസ് മുന്നോട്ട് പോവുകയാണ് എങ്കിലും പ്രശ്നങ്ങൾ ആരംഭിക്കുന്നെ ഉണ്ടായിരുന്നുള്ളൂ.

🔸കേസ് അന്വേഷണം താമസിയാതെ തന്നെ ജീനിയസ് എന്നൊക്കെ വിശേഷിപ്പിക്കാവുന്ന രണ്ട് കഥാപാത്രങ്ങൾക്കിടയിലെ മെന്റൽ ബാറ്റിലായി മാറുകയാണ്. വളരെ ഇന്റലിജന്റ് ആയ ഒരു ചിത്രമാണ് സസ്പെക്റ്റ് എക്സ്, പ്രത്യേകിച്ചും യഥാർത്ഥത്തിൽ എന്താണ് ഗെയിം എന്നത് ചിത്രം വെളിപ്പെടുത്തുന്നെ ഇല്ല, എന്നാൽ ആ ചുരുളുകൾ നിവരുന്ന നിമിഷം വ്യൂവേഴ്‌സിനെ അമ്പരപ്പിക്കുന്നുമുണ്ട്. ത്രില്ലർ മിസ്റ്ററി ആരാധകർക്ക് തീർച്ചയായും കണ്ട് നോക്കാവുന്ന നല്ലൊരു സിനിമയാണ് സസ്പെക്റ്റ് എക്സ്.

Verdict : Very Good

DC Rating : 4/5 

1034. The Insult (2017)

Director : Ziad Doueiri

Genre : Drama

Rating : 7.6/10

Country : Lebanon

Duration : 112 Minutes

🔸രണ്ട് വ്യക്തികൾക്ക് ഇടയിൽ ഉടലെടുക്കുന്ന അഭിപ്രായ വ്യത്യാസങ്ങളും ഈഗോ ക്ലാഷും എങ്ങിനെ കൈവിട്ട് പോവുന്നു എന്നതിന് നല്ലൊരു ഉദാഹരണം മലയാളത്തിൽ തന്നെ കാണാൻ നമുക്ക് കഴിഞ്ഞിരുന്നു, കഴിഞ്ഞ വർഷം അയ്യപ്പനും കോശിയും എന്ന ചിത്രത്തിലൂടെ. ഈ ഒരു സംഭവത്തിന്റെ കുറച്ച് കൂടി വൈഡർ ആയ അവതരണമാണ് ദി ഇൻസൽട്ട് എന്ന ചിത്രം. ഇവിടെ ഉണ്ടാവുന്ന ക്ലാഷ് കുറച്ച് കൂടി സ്റ്റെയ്ക്സ് ഉൾപ്പെട്ട, ഗൗരവകരമായ സംഭവം കൂടിയാണ് എന്നത് എടുത്ത് പറയണം. അടുത്തിടെ കണ്ട മികച്ച ചിത്രങ്ങളിൽ ഒന്ന് എന്ന് യാതൊരു സംശയവും ഇല്ലാതെ പറയാൻ കഴിയുന്ന ചിത്രം.

🔸എല്ലാം തുടങ്ങുന്നത് ഒരു ഇൻസൽട്ടിൽ നിന്നുമാണ്, രാഷ്ട്രീയ മത ചുവ ഒക്കെയുള്ള ആ ഇൻസൽട്ട് രണ്ട് പേരിൽ ഒതുങ്ങി നിൽക്കാതെ എങ്ങനെ ഒരു നേഷൻവൈഡ് ക്രൈസിസ് ആയി മാറുന്നു എന്നതാണ് ചിത്രം പറയുന്നത്. വെസ്റ്റ് ബെയ്‌റൂട് എന്ന ചിത്രം മാത്രമേ സംവിധായകന്റേതായി മുന്നേ കണ്ടിട്ടുള്ളൂ, ടൈറ്റിലിൽ ഉള്ള നഗരത്തിന്റെ പശ്ചാത്തലത്തിൽ അവിടെ നില കൊള്ളുന്ന അരക്ഷിതാവസ്ഥയും വേർതിരിവും സംഘർഷവും നിസ്സഹായാവസ്ഥയും എല്ലാം സംവിധായകൻ കാണിച്ചിരിക്കുന്ന രീതി അന്നേ ശ്രദ്ധിച്ചിരുന്നതും ഇഷ്ട്ടപ്പെട്ടതുമാണ്. ഈ ചിത്രത്തിലേക്ക് വരുമ്പോഴും ഇവയിൽ ചിലതിന്റെ അംശങ്ങൾ നമുക്ക് കാണാനാവും.

🔸ഒരു വീടിന്റെ മുകളിൽ നിന്നും പൈപ് ലീക്ക് കാരണം താഴേക്ക് വെള്ളം ലീക്ക് ആയി എത്തുന്നതിനെ സംബന്ധിച്ചുള്ള ചെറിയ തർക്കം രണ്ട് പ്രധാന കഥാപാത്രങ്ങൾക്കും ഇടയിൽ ഉടലെടുക്കുകയാണ്. സ്വാഭാവികമായും ഈ അഭിപ്രായ വ്യത്യാസം വാക്ക് തർക്കത്തിലേക്കും കയ്യാങ്കളിയിലേക്കും എല്ലാം നീങ്ങുകയാണ്. ഒരു നിമിഷത്തെ പ്രകോപനം കാരണം തിരിച്ചെടുക്കാൻ കഴിയാത്ത ഒരു വാക്ക് ഇവരിൽ ഒരാൾ ഉച്ചരിക്കുകയാണ്, ക്ഷമാപണം ഒട്ട് നടത്തുന്നുമില്ല. ഇവിടെ നിന്നും ഈഗോ ക്ലാഷ് ആരംഭിക്കുകയാണ്, പിന്നീട് ഉണ്ടാവുന്നതെല്ലാം ഈ ഒരു വസ്തുതയെ എസ്കലേറ്റ് ചെയ്യുന്നേ ഉള്ളൂ താനും.

🔸പിന്നീട് ഈ പ്രശ്നങ്ങൾ സാമുദായിക മത വിഭാഗങ്ങൾ ഏറ്റെടുക്കുന്നതും, തുടർന്ന് ഒരു കോർട്ട് റൂം ക്ലാഷിലേക്ക് മാറുന്നതും ഒക്കെയുണ്ട് കഥയിൽ. ലെബനന്റെ ചരിത്രത്തിലെ തന്നെ ഹിന്ദു മുസ്ലിം ഭിന്നത ഒക്കെ ഇവിടെ വിഷയമായി വരുന്നുണ്ട്, ആകെ മൊത്തം ആസ്വദിച്ച് കാണാനുള്ള വക ചിത്രത്തിൽ യഥേഷ്ടം ഉണ്ട്. അഭിനയവും അവതരണവും തന്നെയാണ് ചിത്രത്തിന്റെ ഏറ്റവും വലിയ പ്ലസ് പോയിന്റ്, ക്‌ളൈമാക്‌സ്‌ ഒക്കെ സ്പെഷ്യൽ മെൻഷൻ അർഹിക്കുന്നുമുണ്ട്, അപ്പൊ തീർച്ചയായും കാണാൻ ശ്രമിക്കുക.

Verdict : Must Watch

DC Rating : 4.5/5 

1033. Otac (2020)

Director : Srdan Golubović

Genre : Drama

Rating : 7.6/10

Country : Serbia

Duration : 120 Minutes

🔸അവസാനമായി കണ്ട ചിത്രം അമ്മമാരെ പറ്റിയുള്ള ഒന്നായിരുന്നെങ്കിൽ ഒറ്റാക്ക് എന്ന സെർബിയൻ ചിത്രത്തിന്റെ സോൾ അല്ലെങ്കിൽ ബാക്ക്ബോൺ ഒരു ഫാദർ ഫിഗറാണ്, കൊയ്നസിഡൻസ് കാരണം മാത്രം സംഭവിച്ചതാണ് എങ്കിൽ കൂടിയും രണ്ട് ചിത്രങ്ങളും ഒരു ബണ്ടിൽ ആയി കാണാനാണ് ഇഷ്ടം കാരണം കൈകാര്യം ചെയ്ത വിഷയം മാത്രമല്ല വേറെയും ഒരുപാട് സാമ്യതകൾ ഇവർക്കിടയിലുണ്ട്. ഒറ്റാക്ക് താരമത്യേന കുറച്ച് കൂടി ബ്രൂട്ടലാണ്, കണ്ടിരിക്കാൻ അല്പം ബുദ്ധിമുട്ടാണ്, സർവോപരി പരിതാപകാരവും ഭീതിതവുമായ അവസ്ഥയുടെ ദാക്ഷണ്യമില്ലാത്ത തുറന്ന് പറച്ചിലുമാണ്.

🔸ചിത്രത്തിന്റെ ശക്തിയും ഒരു പരിധി വരെ പോരായ്മയും അതിന്റെ ഓപ്പണിങ് ആക്റ്റ് തന്നെയാണ്, ഹാർഷ് എന്നൊക്കെ വിശേഷിപ്പിക്കാവുന്ന ഈ ഭാഗം സെറ്റ് ചെയ്യുന്ന ബാർ അത്രയും ഉയരത്തിൽ ആയത് കൊണ്ടാവണം പിന്നീടങ്ങോട്ട് ഉള്ള ഒന്നേമുക്കാൽ മണിക്കൂർ ഒരു റീഹാഷ്‌ പോലെ അനുഭവപ്പെട്ടത്, മോശം ആണെന്നല്ല മറിച്ച് ഓർമയിൽ നിൽക്കുക തുടക്കം തന്നെ ആയിരിക്കും. നമ്മുടെ നായക കഥാപാത്രമായ നിക്കോള രണ്ട് കുട്ടികളുടെ അച്ഛനാണ്, അയാൾക്ക് പറയത്തക്ക വരുമാനമോ വസ്തുവകകളോ ഇല്ല, ദാരിദ്ര്യം ആണെങ്കിൽ ഭയാനകമായ തോതിൽ എത്തി നിൽക്കുകയും ചെയ്യുന്നു.

🔸ഈ അവസ്ഥയുടെ പരിണിത ഫലം എന്നവണ്ണം നിക്കോളായ്ക്ക് തന്റെ കുടുംബത്തെ നഷ്ടപ്പെടുകയാണ്, അയാളുടെ മക്കളെ ഗവണ്മെന്റ് അധികൃതർ അയാളിൽ നിന്നും പിടിച്ചെടുത്ത് ബെൽഗ്രിഡിലേക്ക് കൊണ്ട് പോവുകയാണ്. ഒരു വ്യക്തിയിൽ ഒതുങ്ങി നിൽക്കുന്നത് എന്ന് പ്രത്യക്ഷത്തിൽ തോന്നിയേക്കാം എങ്കിലും സത്യത്തിൽ സിനിമ സെർബിയ എന്ന രാജ്യത്തിൻറെ ദാരുണമായ സാമ്പത്തിക രാഷ്ട്രീയ പരിതഃസ്ഥിതിയെയും മറ്റുമെല്ലാം വിഷയമാക്കി കാണിക്കുന്നുണ്ട്. ഗവണ്മെന്റ് അധികൃതരുടെ തന്നെ ദാരിദ്ര്യത്തിൽ ആനന്ദം കണ്ടെത്തുന്ന മനോഭാവത്തെ ചിത്രം വിമർശിക്കുന്നുമുണ്ട്.

🔸തന്റെ മക്കളെ കണ്ടെത്തുന്നതിനായി നിക്കോളായ് ജന്മ നാട്ടിൽ നിന്നും ബെൽഗ്രിഡിലേക്ക് കാൽനടയായി നടത്തുന്ന യാത്രയാണ് ചിത്രത്തിന്റെ പ്ലോട്ട് ലൈൻ. മനോഹരമായ ലാൻഡ് സ്‌കേപ്പുകളും വികാര ഭരിതമായ നിമിഷങ്ങളും നല്ല പെർഫോമൻസും എല്ലാം ചിത്രത്തിന്റെ മറ്റ് പോസിട്ടീവുകളിൽ ചിലതാണ്. ഒറ്റാക്ക് എന്ന ചിത്രം ഒരു വേർതി വാച്ച് ആണ്, പ്രത്യേകിച്ചും ഡ്രാമ ജോണറിൽ പെട്ട സിനിമകൾ കാണാൻ താല്പര്യമുള്ള അല്ലെങ്കിൽ ആഗ്രഹിക്കുന്നവർക്ക്, അപ്പോൾ കാണാൻ ശ്രമിക്കുക.

Verdict : Very Good

DC Rating : 4.25/5 

1032. 14 Days, 12 Nights (2019)

Director : Jean-Philippe Duval

Genre : Drama

Rating : 6.4/10

Country : Canada

Duration : 99 Minutes

🔸14 ഡെയ്‌സ്, 12 നൈറ്റ്സ് പോലെ ഒരു സിനിമ കണ്ടിട്ട് കുറച്ചധികം നാളായി. ഇത്രയും ഡീപ് ആയി ഇമോഷൻസിനെ അവതരിപ്പിക്കുന്നതും ഫലിപ്പിക്കുന്നതുമായ ഒരുപാട് ചിത്രങ്ങൾ ഒന്നും കഴിഞ്ഞ കുറച്ച് വർഷങ്ങളായി പുറത്തിറങ്ങിയിട്ടില്ല എന്നത് ഉറപ്പിച്ച് പറയാം. ഒന്നേമുക്കാൽ മണിക്കൂറിൽ താഴെ മാത്രമുള്ള ചിത്രം കണ്ട് കഴിയുമ്പോൾ മനസ്സിൽ ഉണ്ടാവുക ഒരു വിങ്ങലും ബ്ലാങ്ക് ഫീലിങ്ങും ആയിരിക്കും, അത് തന്നെയാണ് ഈ ചിത്രത്തിന്റെ ഏറ്റവും വലിയ പോസിറ്റിവും ഗ്യാരന്റിയും. യാതൊരു സംശയവും ഇല്ലാതെ പറയാം ഈ കഴിഞ്ഞ ഒരു വർഷത്തിനിടെ കണ്ട ഏറ്റവും മികച്ച ചിത്രങ്ങളിൽ ഒന്നായിരിക്കും ഇത്.

🔸അമ്മയോളം നമുക്ക് അടുപ്പമുള്ള മറ്റൊരാൾ ലോകത്ത് ഉണ്ടായിരിക്കില്ല, ജീവിതത്തിന്റെ ഏതൊരു കാലഘട്ടം ആയാലും മാറ്റം വരാത്ത, വരാൻ സാധ്യതയില്ലാത്ത ഒരു കാര്യമാണ് ഈ വസ്തുത. പ്രസ്തുത ചിത്രം രണ്ട് അമ്മമാരെ പറ്റിയാണ്, ഭൂമിയുടെ രണ്ട് അന്തരങ്ങളിൽ താമസിക്കുന്ന, പ്രത്യക്ഷത്തിൽ കോമണായി ഒന്നും തന്നെ ഇല്ലാത്ത രണ്ട് കഥാപാത്രങ്ങൾ. എന്നാൽ ഒരു ചെറിയ കാര്യം ഇവർക്കിടയിലുണ്ട്, രണ്ട് പേരെയും നേർ രേഖയിൽ കൊണ്ടുവരുന്ന, കുറച്ച് കാണിക്കാൻ പറ്റാത്ത കാര്യം. ഈ ഒരു സംഭവമാണ് കഥയിലെ ടെർണിങ് പോയിന്റ് ആയി മാറുന്നത്.

🔸കാനഡക്കാരി ആയ ഇസബെല്ലും വിയറ്റ്നാമീസ് കാരിയായ തുവായിയും തമ്മിലുള്ള സാമ്യം എന്താണെന്നാൽ രണ്ട് പേരും ക്ലാര എന്ന പെൺകുട്ടിയുടെ അമ്മയാണ് എന്നതാണ്. ഒരാൾ ബയോളജിക്കലി ആണെങ്കിൽ മറ്റൊരാൾ അഡോപ്‌ഷൻ വഴി, കുടുംബ പ്രശ്നങ്ങളും മറ്റും കാരണം ജന്മം കൊടുത്ത ഉടനെ തന്നെ തന്റെ മകളെ വിട്ട് കൊടുക്കേണ്ടി വന്നവളാണ് തുവായ്. പിന്നീടുള്ള രണ്ട് പതിറ്റാണ്ട് കാലം ക്ലാരയ്ക്ക് താങ്ങും തണലുമായി മാറി അവളെ വളർത്തി കൊണ്ടുവന്നത് ഇസബെല്ലാണ്. ഒരാളുടെ എക്‌സിസ്റ്റൻസിനെ പറ്റി പോലും മറ്റൊരാൾക്ക് അറിവില്ല എന്ന അവസ്ഥയാണ്.

🔸പതിറ്റാണ്ടുകൾ ചിലത് കഴിഞ്ഞപ്പോഴാണ് ക്ലാരയുടെ യഥാർത്ഥ അമ്മയെ കണ്ടുപിടിക്കേണ്ടത് ഇസബെല്ലയ്ക്ക് ഒരു ആവശ്യമായി മാറുന്നത്. പിന്നീടങ്ങോട്ടുള്ള ഒന്നര മണിക്കൂർ ഒരു ഇമോഷണൽ ജേർണി ആണ്, വളരെ മനോഹരമായ വിയറ്റ്നാമീസ് മനോഹാരിതയും. സ്പെഷ്യൽ എന്ന പരാമർശം ആവശ്യപ്പെടുന്ന, അർഹിക്കുന്ന ചിത്രങ്ങളിൽ ഒന്നാണ് ഇത്, തീർച്ചയായും കണ്ടിരിക്കേണ്ട ഒരു മനോഹര ചിത്രം. ഇവിടെ പറഞ്ഞിട്ടില്ലാത്ത ഒരുപാട് കാര്യങ്ങൾ ചിത്രത്തിലുണ്ട്, അവയെല്ലാം കണ്ട് തന്നെ അറിയാൻ അല്ലെങ്കിൽ അനുഭവിക്കാൻ ശ്രമിക്കുക.

Verdict : Must Watch

DC Rating : 4.75/5

1031. Bombay Rose (2021)

Director : Gitanjali Rao

Genre : Animation 

Rating : 5.9/10

Country : India

Duration : 97 Minutes

🔸ബോംബേ റോസ് എന്ന ചിത്രം കാണുമ്പോൾ സ്വാഭാവികമായും നമ്മുടെ കണ്ണിൽ ഉടക്കുക പെയിന്റിങ് ഒക്കെ പോലെ മനോഹരമായ അനിമേഷൻ തന്നെയാണ്. ഒരു പെയ്ന്റിങ്ങിൽ നിന്നും മറ്റൊന്നിലേക്ക് മനോഹരമായി ട്രാന്സിഷൻ ചെയ്ത് പോവുന്ന ആ ശൈലി തന്നെയാണ് ചിത്രത്തിന്റെ ഏറ്റവും വലിയ സ്ട്രെങ്തും, ഒരു തരം നൊസ്റ്റാൾജിയ ഒക്കെ നൽകുന്ന അവതരണ ശൈലി. ഗീതാഞ്ജലി റാവു എന്ന സംവിധായികയുടെ മുൻകാല അനിമേഷൻ കം ഷോട്ട് ഫിലിമുകൾ ഒന്നും കാണാൻ ഇതുവരെ കഴിഞ്ഞിട്ടില്ല, അതിന് പ്രേരിപ്പിക്കുന്ന ഒന്നാണ് ഈ ചിത്രം.

🔸ഉദ്ദേശം രണ്ട് വർഷങ്ങൾക്ക് മുന്നേ തയാറായ ചിത്രം നല്ല തോതിൽ തന്നെ ഫെസ്റ്റിവൽ റണ്ണുകളും മറ്റും പൂർത്തിയാക്കിയാണ് വൈഡർ ഓഡിയന്സിന്റെ മുന്നിൽ ഈ മാസം എത്തിയിരിക്കുന്നത്. കൈകാര്യം ചെയ്യുന്ന വിഷയം കൊണ്ടാണോ എന്നറിയില്ല റേറ്റിങ്ങും മറ്റ് നിരൂപക പ്ലാറ്റ്‌ഫോമുകളിലും എല്ലാം ഡിവിസീവ് ആയ അഭിപ്രായം ആണ് കാണാൻ കഴിഞ്ഞത്. പേഴ്സണലി നല്ല തോതിൽ തന്നെ ഇഷ്ട്ടപ്പെടുത്തിയ ഒരു സോൾഫുൾ ചിത്രമാണ് ബോംബെ റോസ്, ഇനി ചിത്രത്തിന്റെ ഉള്ളറകളിലേക്ക്.

🔸ഇന്നത്തെ നമ്മുടെ സാമൂഹിക രാഷ്ട്രീയ ചുറ്റുപാടുകളും മറ്റുമൊക്കെ കാരണം വിവാദം ആയില്ലെങ്കിൽ അത്ഭുതപ്പെടാവുന്ന ഒരു ചിത്രമാണ് ബോംബെ റോസ്. അതായത് രണ്ട് മതങ്ങളിൽ പെട്ട യുവതീ യുവാക്കൾക്ക് ഇടയിൽ ഉടലെടുക്കുന്ന പ്രണയവും അതിനെ തുടർന്ന് അരങ്ങേറുന്ന സംഭവങ്ങളും എല്ലാമാണ് ഈ ചിത്രത്തിന്റെ പ്ലോട്ട് ലൈൻ. കമല, സലിം എന്ന രണ്ട് പ്രധാന കഥാപാത്രങ്ങളിൽ മാത്രമായി ഒതുങ്ങി നിന്ന് വൺ ദയമെൻഷനൽ അവതരണ ശൈലി ചിത്രം പിന്തുടരുന്നില്ല എന്നതാണ് എടുത്ത് പറയേണ്ട വസ്തുത. ഒട്ടനവധി നല്ല കഥാപാത്രങ്ങൾ ചിത്രത്തിലുണ്ട്, അവർക്കെല്ലാം നല്ല വ്യക്തിത്വങ്ങളും നൽകിയിട്ടുണ്ട്.

🔸കഴിഞ്ഞ് പോയ ഒരു കാലഘട്ടത്തിന്റെ പശ്ചാത്തലം കൂടിയുണ്ട് ചിത്രത്തിന്, എപ്പോഴോ കണ്ട് മറന്ന ആ പശ്ചാത്തലങ്ങൾ നമ്മുടെ മനസിലേക്ക് കടന്നും വന്നേക്കാം, ചിത്രം കാണുന്ന വേളയിൽ. വളരെ സിംപിൾ ആയ സ്റ്റോറിയെ മനോഹരമായി അവതരിപ്പിക്കുന്നതിൽ അണിയറ പ്രവർത്തകർ തങ്ങളുടെ കഴിവ് തെളിയിച്ചിട്ടുണ്ട് താനും, കണ്ട് തന്നെ ബോധ്യപ്പെടുക അത്യാവശ്യം നല്ലൊരു സിനിമയാണ്. ചിത്രം നെറ്റ്ഫ്ലിക്സിൽ സ്ട്രീം ചെയ്യപ്പെടുന്നുണ്ട്.

Verdict : Very Good

DC Rating : 4/5 

1030. To My Star (2021)

Director : Hwang Da-Seul

Genre : Romance

Rating : 8.3/10

Country : South Korea

Duration : 122 Minutes

🔸പതിനാലിനും പതിനെട്ടിനും മിനിട്ടിന് ഇടയിൽ ദൈർഘ്യമുള്ള ഒൻപത് എപ്പിസോഡായി ടെലികാസ്റ്റ് ചെയ്യപ്പെട്ട കൊറിയൻ മിനി സീരീസിന്റെ സമാഹാരം എന്ന പോലെ പുറത്തിറങ്ങിയ ചിത്രമാണ് റ്റു മൈ സ്റ്റാർ. ഇതല്ലാതെ രണ്ടും തമ്മിൽ വേറെ വ്യത്യാസങ്ങൾ ഏതും ഉള്ളതായി അറിവില്ല, ഒരു ഗേ ടൈപ്പ് ലവ് സ്റ്റോറിയാണ് ചിത്രത്തിന്റെ പ്ലോട്ട്, സാധാരണ കാണാറുള്ള കൊറിയൻ റൊമാന്റിക് ഡ്രാമകളുടെ കളർഫുൾനെസോ മെലോഡ്രാമയോ ഒന്നും തന്നെ ചിത്രത്തിൽ ഇല്ല. ലൈറ്റ് ആയിട്ടുള്ള ഒരു റൊമാന്റിക് സ്റ്റോറി ക്ളീൻ ആയും സ്ട്രെയിറ്റ് ആയും അവതരിപ്പിച്ചിട്ടുണ്ട്.

🔸കഥയിലേക്ക് വരിക ആണെങ്കിൽ നമ്മുടെ നായകനായ കാങ് സ്യു ജോൺ ഒരു പ്രശസ്തനായ അഭിനേതാവ് ആണ്, പുള്ളിക്ക് വലിയൊരു ആരാധക വൃന്ദവും, സമ്പത്തും പേരും പെരുമയും എല്ലാമുണ്ട്, അതിനോടൊപ്പം ആവശ്യം ഇല്ലാത്ത വേറൊരു കാര്യവും, നല്ല തോതിൽ ചീത്തപ്പേര്. ഈ ചീത്തപ്പേര് ഏറെക്കുറെ തെറ്റിദ്ധാരണ കൊണ്ട് കൂടി ആണെന്ന് പറയേണ്ടി വരും. സ്യു ജോണിന് സ്വാഭാവികമായും സുഹൃത്തുക്കളുണ്ട്, അവരെല്ലാം അയാളേക്കാൾ അധികം അയാളുടെ സമ്പത്തിനെയും ഫെയ്മിനെയും ഇഷ്ട്ടപ്പെടുന്നവരുമാണ്.

🔸സഹൃത്തുക്കളാൽ മുതലെടുക്കപ്പെടുന്നത് കൊണ്ടാവണം അയാൾക്ക് ചീത്തപ്പേര് ധാരാളം ലഭിച്ചത്, രാജ്യത്തെ മീഡിയാസും മറ്റും നല്ല തോതിൽ തന്നെ ഈ ചീത്തപ്പേര് ആഘോഷിക്കുന്നുമുണ്ട്. ഇത്തരത്തിൽ ഉള്ളൊരു അവസ്ഥയിലാണ് നമ്മൾ അയാളെ കണ്ട് മുട്ടുന്നത്, അയാൾക്ക് പുറത്തിറങ്ങി നടക്കാൻ പറ്റാത്ത അവസ്ഥയാണ് എന്ന് വേണമെങ്കിൽ പറയാം. ഒരു ചെറിയ തല്ല് കേസ് ആണ് ഇപ്പോഴത്തെ വിഷയം, അയാളുടെ പേരിൽ ആരോപണം ഉന്നയിച്ചിരിക്കുന്നതാവട്ടെ അടുത്ത സുഹൃത്തുക്കളിൽ ഒരാളും.

🔸സയു ജോൺ തെറ്റ് നിഷേധിക്കുന്നുണ്ടെങ്കിലും മീഡിയാസും മറ്റും അത് കേൾക്കാൻ തയാറാവുന്നില്ല, അല്ലെങ്കിൽ വിശദീകരണങ്ങളോട് അവർക്ക് താല്പര്യമില്ല. ഇങ്ങനെ ഇത്തരം ബഹളങ്ങളിൽ നിന്നും ഒളിച്ച് താമസിക്കാൻ നമ്മുടെ നായക കഥാപാത്രം ശ്രമിച്ച് കൊണ്ടേ ഇരിക്കുമ്പോഴാണ് അയാളുടെ ജീവിതത്തിലേക്ക് ഷെഫ് മറ്റൊരു കഥാപാത്രം കടന്ന് വരുന്നത്, തുടർന്ന് ഈ കഥാപാത്രങ്ങൾക്ക് എന്ത് സംഭവിക്കും എന്നതാണ് ചിത്രത്തിന്റെ കഥ. സ്പെഷ്യൽ ആയി ഒന്നും കാണിച്ച് തരാൻ ഇല്ലാത്ത, എന്നാൽ ഒരു തവണ ലൈറ്റ് ആയി കണ്ട് വിടാവുന്ന ഒരു സിംപിൾ ചെറിയ ചിത്രം മാത്രമാണ് റ്റു മൈ സ്റ്റാർ, വേറൊന്നും തന്നെയില്ല.

Verdict : Watchable

DC Rating : 3/5 

1029. Josee (2020)

Director : Kim Jong-Kwan

Genre : Romance

Rating : 6.9/10

Country : South Korea

Duration : 117 Minutes

🔸കൊറിയൻ റൊമാന്റിക് ചിത്രങ്ങളിൽ അമ്പരപ്പിച്ച് കളഞ്ഞ ഒട്ടേറെ സിനിമകളുണ്ട്, ഉദാഹരണത്തിന് ഒയാസിസ് അല്ലെങ്കിൽ ഫൈലൻ ഒക്കെ പോലെയുള്ള ചിത്രങ്ങൾ. ഇവ എല്ലാം തന്നെ സ്‌ക്രീനിൽ കഥ പറയുന്ന സമയം അത്രയും കഥാപാത്രങ്ങളിലേക്ക് നമ്മളെ വൈകാരികമായി അടുപ്പിക്കുന്നതിൽ വിജയിച്ച സിനിമകളാണ്. ഈ ഒരു ഫാക്റ്റർ തന്നെയാണ് മുകളിൽ സൂചിപ്പിച്ച ചിത്രങ്ങളെ ഇന്നും എപിടോം പോലെ കൊണ്ട് പോവുന്നത് എന്നത് യാതൊരു വിധ സംശയവും കൂടാതെ പറയാം. ജോസി എന്ന ചിത്രത്തിൽ നിന്നും ഈ ലെവൽ ഔട്ട്പുട്ട് പ്രതീക്ഷിച്ചിരുന്നില്ല എങ്കിലും നിലവാരം ഉണ്ടാവും എന്ന് തോന്നിയിരുന്നു. ആ പ്രതീക്ഷയോട് നീതി പുലർത്താൻ സിനിമയ്ക്ക് കഴിഞ്ഞിട്ടുണ്ടോ എന്നതാണ് ചോദ്യം.

🔸പൊതുവെ ഈ മെലോഡ്രാമാറ്റിക് സിനിമകൾ അസഹനീയം ആയി അനുഭവപ്പെടാറുണ്ട്, ഉദാഹരണങ്ങൾ ഒട്ടനവധി ഉണ്ട്, നമ്മുടെ ഭാഷയിൽ ഉൾപ്പെടെ, ആ ഒരു ട്രാപ്പിലേക്ക് ജോസിയും വീണിട്ടുണ്ട് എന്നതാണ് ദൗര്ഭാഗ്യകരമായി തോന്നിയ കാര്യം. മെലോഡ്രാമ ഒരു പരിധി വരെ ന്യായീകരിക്കാൻ പറ്റിയ വിഷയം ആണ് ചിത്രത്തിന്റെ പ്ലോട്ട് എങ്കിലും അമിതമായ ഉപയോഗവും, ഫീൽ ഗുഡിന്റെ സ്ട്രിക്റ്റ് ആയ അതിർ വരമ്പുകളും എല്ലാം കൂടി ചേരുമ്പോൾ അത്ര ആസ്വാദ്യകരമായ ഒരു അനുഭവം ആവുന്നില്ല ഈ ചിത്രം. ഒരുപക്ഷെ ഈ ടേസ്റ്റ് ഉള്ളവർക്ക് മികച്ച രീതിയിൽ തന്നെ എന്ജോയ് ചെയ്യാൻ കഴിഞ്ഞേക്കാം, കണ്ട് ബോധ്യപ്പെടുക.

🔸പഴയ ഒരു ജാപ്പനീസ് ഷോട്ട് സ്റ്റോറിയുടെയും, ആ സ്റ്റോറി ആധാരമാക്കി വന്ന സിനിമയുടെയും കൊറിയൻ പതിപ്പാണ് പ്രസ്തുത ചിത്രം. വളരെ വെൽ നോൺ ആയ കഥ ആയത് കൊണ്ടാവാം സീൻ ബൈ സീൻ റീമേയ്ക്ക് അല്ല എന്നും കഥാഗതിയിൽ ഉൾപ്പെടെ ഒട്ടനവധി മാറ്റങ്ങൾ ചിത്രത്തിൽ വന്നിട്ടുണ്ടെന്നും അറിയാൻ കഴിഞ്ഞു. പഴയ സംരംഭങ്ങൾ ഒന്നും തന്നെ വായിച്ചോ കണ്ടോ അനുഭവം ഇല്ലാത്തതിനാൽ അഭിപ്രായമില്ല. സിനിമയുടെ ട്രാക്ക്, തീം ഉൾപ്പെടെ നൈസ് ആണ്, ഒരുപക്ഷെ ഏറ്റവും വലിയ പോസിറ്റിവ് അത് തന്നെ ആവും, ഛായാഗ്രഹണവും നൈസ് ആയിരുന്നു എന്നത് എടുത്ത് പറയണം.

🔸വീൽ ചെയറിൽ ഒതുങ്ങി പോയ നായികാ കഥാപാത്രവും നായകനും തമ്മിൽ ഉടലെടുക്കുന്ന സൗഹൃദം പ്രണയത്തിലേക്ക് വഴി മാറുന്നതും തുടർന്ന് അരങ്ങേറുന്ന കാര്യങ്ങളും ഒക്കെയാണ് ചിത്രത്തിന്റെ പ്ലോട്ട്, ഒരു ബേസിക് റൊമാന്റിക് ഡ്രാമയ്ക്ക് ആവശ്യമായ ചേരുവ ഉള്ളതാണ് എന്ന് വ്യക്തം ആണല്ലോ. ഇങ്ങനെ ഒക്കെ ആണെങ്കിൽ പോലും ഔട്ട്പുട്ട് അത്ര ഗംഭീരം ആയിട്ടില്ല എന്നതാണ് വിഷമകരം, ആകെ മൊത്തം ഒരു പാതി വെന്ത അവസ്ഥ. താല്പര്യം തോന്നുന്നെങ്കിൽ കണ്ട് തന്നെ തീരുമാനത്തിൽ എത്തുക.

Verdict : Average

DC Rating : 2.5/5 

1028. Space Sweepers (2021)

Director : Jo Sung-Hee

Genre : Sci Fi

Rating : 6.6/10

Country : South Korea

Duration : 136 Minutes

🔸ഇന്നിൽ നിന്നും ഒരു എഴുപത് വർഷങ്ങൾ കൂടി മുന്നോട്ട് പോയിരിക്കുന്നു, വർഷം 2092, ഭൂമി ഏറെക്കുറെ പൂർണമായും വാസ യോഗ്യം അല്ലാതായി മാറിയിരിക്കുന്നു. സ്വാഭാവികമായും ഒരു പ്രശനം ഉടലെടുത്താൽ അതിനൊരു പ്രതിവിധി കൂടി കണ്ടെത്തപ്പെടേണ്ടതാണ്, ആ ഒരു പ്രതിവിധിയാണ് ഒരു കൊറിയൻ കമ്പനി കണ്ട് പിടിച്ച പലായനത്തിന് സ്‌കീം. ഭൂമി ഉപേക്ഷിച്ച് ബഹിരാകാശത്ത് ഒരു വാസ യോഗ്യമായ സ്റ്റേഷൻ നിർമ്മിക്കുക എന്ന ആശയം തന്നെ. സ്‌പെയ്‌സ് സ്വീപ്പർസ് എന്ന കൊറിയൻ ചിത്രത്തിന്റെ ബേസിക് പ്ലോട്ട് ആയി ഇത് മനസ്സിൽ വെക്കുക.

🔸കൊറിയൻ സിനിമാ ഇൻഡസ്ട്രിയിൽ നിന്നുമുള്ള ആദ്യ സ്‌പെയ്‌സ് ചിത്രമാണ് സ്‌പെയ്‌സ് സ്വീപ്പർസ്, ഒരു സ്‌പെയ്‌സ് ഓപ്പറ എന്ന വിശേഷണം ആവാം. ഈ ഒരു വസ്തുത സത്യത്തിൽ ഒരു പ്രശ്നമായി അനുഭവപ്പെട്ടതെ ഇല്ല, കാരണം വിഷ്വൽ ഇഫക്ടുകൾ എല്ലാം തന്നെ നല്ല നിലവാരം വെച്ച് പുലർത്തിയിട്ടുണ്ട്, ഓപ്പണിങ് സീനിലെ ജങ്ക് കളക്ഷൻ രംഗങ്ങൾ ആയാലും അവസാന ഭാഗങ്ങൾ ആയാലും എല്ലാം ടോപ് നോച്ച് തന്നെ, തീർച്ചയായും അഭിനന്ദനം അർഹിക്കുന്ന നേട്ടം. ഒരുപക്ഷെ സിനിമയുടെ ഏറ്റവും വലിയ പ്ലസ് പോയിന്റും ഈ ഒരു വിഷ്വൽ ഇഫ്ഫക്റ്സ് നിലവാരം തന്നെ ആയിരിക്കും.

🔸യടിഎസ് എന്ന കമ്പനിയും അതിന്റെ മേധാവികളും ഇതിനോടകം തന്നെ തങ്ങളുടെ അധികാരവും സ്വാധീനവും എല്ലാം ഉപയോഗിച്ച് പലായനം ചെയ്ത് ഒരു സ്‌പെയ്‌സ് സ്റ്റേഷൻ സ്വന്തമാക്കിയിട്ടുണ്ട്. അവിടേക്ക് കടന്ന് ചെല്ലാൻ കഴിവില്ലാത്ത സാധാരണക്കാരായ ജനങ്ങൾ ബഹിരാകാശത്തെ വെയ്സ്റ്റ് കളക്റ്റ് ചെയ്തും മറ്റും ജീവിതം മുന്നോട്ട് നയിക്കുന്നു. ഈ വിഭാഗത്തിൽ പെട്ടവരാണ് നമ്മുടെ പ്രധാന കഥാപാത്രങ്ങളായ വിക്റ്ററി എന്ന സ്‌പെയ്‌സ് ഷിപ്പിൽ ഉള്ള ആളുകൾ. ഇവരുടെ ഇടയിലേക്ക് ഒരു ഹ്യൂമനോയ്ഡ് റോബോട്ട് വരുന്നിടത്താണ് കഥ ട്രാക്ക് മാറ്റുന്നത്.

🔸ഒരു കൊറിയൻ ചിത്രം എന്ന് കേൾക്കുമ്പോൾ പൊതുവെ ഉണ്ടാകാറുള്ള എക്സ്പെക്റ്ററേഷൻ വെച്ച് മാരക ട്വിസ്റ്റുകളോ സസ്പെൻസുകളോ ഒന്നും പ്രതീക്ഷിക്കേണ്ടതില്ല, ഒരു സിമ്പിൾ സാധാരണ ചിത്രം മാത്രം. പെർഫോമൻസ് ആയാലും ട്രാക്ക് ആയാലും എല്ലാ വിഭാഗങ്ങളും മിനിമം നിലവാരം പുലർത്തിയിട്ടുള്ള ചിത്രം ഒരു പോപ്കോൺ എന്റർടെയ്‌നർ എന്ന നിലയ്ക്ക് കണ്ട് വിടാവുന്നതാണ്, ഓവറോൾ ഇഷ്ട്ടപ്പെട്ടു.

Verdict : Good

DC Rating : 3.5/5 

1027. The Little Things (2021)

Director : John Lee Hancock

Genre : Crime

Rating : 6.3/10

Country : USA

Duration : 128 Minutes

🔸കൊറോണ കാരണം താളം തെറ്റിയ റിലീസുകൾ എല്ലാം ഒരുമിച്ച് ലിമിറ്റഡായി തിയേറ്ററിലും ഓൺലൈൻ പ്ലാറ്റഫോമിലും റിലീസ് ചെയ്യാനുള്ള എച്ബിഒയുടെ തീരുമാനം അമ്പരപ്പ് ഉളവാക്കുന്നത് ആയിരുന്നു. ഈ ഒരു നീക്കം ബാധിച്ച ആദ്യ സിനിമകളിൽ ഒന്നാണ് ലിറ്റിൽ തിങ്ങ്സ്, ഒരുപക്ഷെ ലാഭം കൊയ്‌തേക്കാൻ കഴിയുമായിരുന്ന ചിത്രം ലിമിറ്റഡ് റിലീസ് ആയത് കൊണ്ട് തന്നെ തകർന്ന് തരിപ്പണം ആയിട്ടുണ്ട്, സ്റ്റുഡിയോയുടെ ഓൺലൈൻ പ്ലാറ്റഫോമിന് ഗുണകരം ആയിട്ടുണ്ടാവാം ഒരുപക്ഷെ. ഈ ഒരു പരാജയവും മറ്റും അർഹിക്കുന്ന ചിത്രമാണ് ലിറ്റിൽ തിങ്ങ്സ് എന്ന് തോന്നുന്നില്ല, അത്യാവശ്യം ഇഷ്ടപ്പെടുകയും ചെയ്തു ഈ ചിത്രം.

🔸കഥയിലേക്ക് വരിക ആണെങ്കിൽ തൊണ്ണൂറുകളിൽ പുറത്തിറങ്ങിയ സെവൻ എന്ന ചിത്രത്തിന്റെ പ്ലോട്ട് ഔട്ട് ലൈനുമായി ചെറിയ ചില സാമ്യങ്ങൾ ഈ ചിത്രം വെച്ച് പുലർത്തുന്നുണ്ട്. ഒരു മെന്റലി ഡിസ്റ്റർബ്ഡ് ആയ സീരിയൽ കില്ലറെ അന്വേഷിച്ച് ഉള്ള രണ്ട് അന്വേഷകരുടെ വരവും അവരുടെ പേഴ്സണാലിറ്റിയും ചിത്രത്തിന്റെ തന്നെ ടോണും എല്ലാം പലയിടത്തും സേവനിനെ ഓർമ്മിപ്പിക്കുന്നുണ്ട്. എന്നാൽ നിലവാരത്തിൽ പഴയ ചിത്രവുമായി താരമത്യം ഒട്ട് അർഹിക്കുന്നുമില്ല എന്നതാണ് ഈ ചിത്രത്തെ കുറിച്ചുള്ള ഹോണസ്റ്റ് ആയ അഭിപ്രായം. സെവൻ ഒരു ക്‌ളാസിക് ആണ്, അത് മാറ്റി നിർത്തിയാൽ സ്റ്റാൻഡ് അലോൺ ആയി നിൽക്കാനുള്ള കെൽപ് ലിറ്റിൽ തിങ്‌സിന് ഉണ്ട്.

🔸ഡെൻസൽ വാഷിംഗ്ടൺ അവതരിപ്പിച്ച ജോ ഡീക്കൻ ആണ് കഥയിലെ നായകൻ എന്ന് വേണമെങ്കിൽ പറയാം. അയാളുടെ വ്യൂ പോയിന്റിലൂടെ ആണ് ഏറെക്കുറെ നമ്മളും കാര്യങ്ങൾ ഗ്രഹിക്കുന്നത്. ഒരു മുൻകാല ലോസ് ഏയ്ഞ്ചൽസ് ഡിറ്റക്ടീവ് ആയ ജോ പണ്ട് ഒരു സീരിയൽ കില്ലർ കേസ് അന്വേഷിച്ചതും കുറ്റവാളിയെ കണ്ടെത്താനുള്ള ഒബ്‌സഷൻ കാരണം കുടുംബ ജീവിതം ഉൾപ്പെടെ ഉള്ളവ നഷ്ട്ടപ്പെടേണ്ടി വന്ന ആളുമാണ്. അയാൾ വർഷങ്ങൾക്ക് ശേഷമാണ് തന്റെ മേലധികാരിയുടെ അഭ്യർത്ഥന മാനിച്ച് പഴയ തട്ടകത്തിലേക്ക് മടങ്ങി എത്തിയിരിക്കുന്നത്.

🔸പഴയ കേസിന്റെ കാര്യത്തിൽ ഇന്നും തീരുമാനം ഒന്നും ആയിട്ടില്ല, അതിനോട് സാമ്യം പുലർത്തുന്ന മറ്റ് ചില സംഭവങ്ങൾ ഇന്ന് അന്വേഷിക്കുന്നത് ഡിറ്റക്ടീവ് ബാക്സ്റ്റർ ആണ്. താമസിയാതെ തന്നെ കരുക്കൾ എല്ലാം നേർ രേഖയിൽ എത്തുമ്പോൾ കാര്യങ്ങൾ വെളിപ്പെട്ട് തുടങ്ങുകയാണ്. പെർഫോമൻസ് ആണ് ചിത്രത്തിന്റെ സെല്ലിങ് പോയിന്റ്, എല്ലാ നടന്മാരും മികച്ച രീതിയിൽ തന്നെ കഥാപാത്രങ്ങളായി മാറിയിട്ടുണ്ട്, പ്രത്യേകിച്ചും ഡെൻസൽ തന്റെ മുൻ ഭാര്യയെ കാണുന്ന സീൻ ഒക്കെ ഷോട്ട് ആൻഡ് സ്വീറ്റ് ആയിരുന്നു. സിനിമയുടെ എൻഡിങ് ഒക്കെ നിങ്ങൾക്ക് ഏത് രീതിയിലും വ്യാഖ്യാനിക്കാം, പേഴ്സണലി നന്നായി തന്നെ ആ പോർഷ്യൻ ഇഷ്ട്ടപ്പെട്ടു.

Verdict : Good

DC Rating : 3.75/5 

1026. Raya And The Last Dragon (2021)

Director : Carlos López Estrada

Genre : Animation

Rating : 7.7/10

Country : USA

Duration : 117 Minutes

🔸ഡിസ്നിയുടെ അനിമേഷൻ ചിത്രങ്ങൾ പൊതുവെ മിനിമം നിലവാരം പുലർത്തുന്നവയും, ഒരു പോപ്കോൺ എന്റർടെയ്‌നർ എന്ന നിലയ്ക്ക് കണ്ടിരിക്കാനുള്ള മെറ്റേറിയൽ നല്കുന്നവയും ആയിട്ടാണ് അനുഭവപ്പെട്ടിട്ടുള്ളത്. റയാ ആൻഡ് ദി ലാസ്റ്റ് ഡ്രാഗൺ എന്ന ചിത്രം കാണാൻ ഇരുന്ന വേളയിലും ഈ രണ്ട് കാര്യങ്ങൾ മാത്രമേ പ്രതീക്ഷിച്ചിരുന്നുള്ളൂ, അതായത് മിനിമം നിലവാരവും ചിലവഴിക്കുന്ന സമയത്തിന് ഉള്ള എന്റര്ടെയ്ന്മെന്റും. ഈ രീതിയിൽ സിനിമയെ സമീപിക്കുന്ന ഒരാളെ തൃപ്തി പെടുത്താൻ ഉള്ള വക ചിത്രത്തിൽ യഥേഷ്ടം ഉണ്ട് താനും.

🔸രയാ എന്ന ടൈറ്റിൽ കഥാപാത്രം നാമ മാത്രമായ ഒരു നഗരത്തിന്റെ അവശിഷ്ടങ്ങൾക്ക് ഇടയിൽ കൂടി സഞ്ചരിക്കുന്ന സീക്വൻസ് കാണിച്ച് കൊണ്ടാണ് സിനിമ ആരംഭിക്കുന്നത്. അവിടെ നിന്നും അവൾ കഥ പറഞ്ഞ് തുടങ്ങുകയാണ്, ഇന്നത്തെ ദാരുണമായ അവസ്ഥ ആയിരുന്നില്ല ആ നഗരത്തിന്റേത്, അത് ശാന്തിയുടെയും സമാധാനത്തിന്റെയും സമൃദ്ധിയുടെയും ഒക്കെ ഒരു കൂടി ചേരൽ ആയിരുന്നു. ഉദ്ദേശം അഞ്ഞൂറ് വർഷങ്ങൾ പഴക്കമുണ്ട് ആ ഓർമകൾക്ക് എന്നതാണ് സത്യം. ഇവിടെ നിന്നും കഥ പിറകോട്ടേക്ക്, ആ കാലഘട്ടത്തിലേക്ക് കടന്ന് ചെല്ലുകയാണ്.

🔸വർഷങ്ങൾക്ക് മുന്നേ മനുഷ്യരും ഡ്രാഗൻസും സൗഹൃദ അന്തരീക്ഷത്തിൽ ജീവിച്ച് പോന്ന നഗരം ആയിരുന്നു കുമാന്ദ്ര. അല്ലലോ അലച്ചിലോ ഇല്ലാതെ പോന്ന ജീവിതങ്ങൾ എല്ലാം മാറി മറിഞ്ഞത് ദ്രുൻ എന്ന മഹാമാരിയുടെ വരവോടെ ആണ്, താമസിയാതെ തന്നെ അത് ജീവജാലങ്ങളെ എല്ലാം ബാധിക്കാനും ഓരോരുത്തരെ ആയി ഇല്ലായ്മ ചെയ്യാനും തുടങ്ങി. രോഗം ബാധിച്ചവരെല്ലാം ശില പോലെ ആയി തീർന്നു എന്ന് പറയാം, മനുഷ്യനായാലും ഡ്രാഗൺ ആയാലും രക്ഷപെടാൻ പറ്റാത്ത അവസ്ഥ. അവസാനത്തെ അവശേഷിക്കുന്ന ഡ്രാഗൺ ആയ സിസ്‌ഡേറ്റു തന്റെ മായിക ശക്തി ഉപയോഗിച്ച് എല്ലാം തിരിച്ച് പിടിക്കുന്നതിൽ ഏറെക്കുറെ വിജയിച്ചു എങ്കിലും അതിന് നൽകേണ്ടി വന്ന വില വളരെ കനത്തത് ആയിരുന്നു.

🔸ഇവിടെയും കുമാൻഡ്രയുടെ വീഴ്ച പൂർണം ആയിരുന്നില്ല, ആ നഗരം ഒട്ടേറെ അനുഭവിക്കാൻ കിടക്കുന്നെ ഉണ്ടായിരുന്നുള്ളൂ എന്ന് പറയുന്നതാവും ശെരി. ഈ കഥ സത്യത്തിൽ ആരംഭിക്കുന്നതെ ഉള്ളൂ, ബാക്കി ഭാഗങ്ങൾ സ്‌ക്രീനിൽ കണ്ട് തന്നെ അറിയാൻ ശ്രമിക്കുക. ഡിസ്നിയുടെ സുപരിചിതമായ അപ്‌ലിഫ്റ്റിങ് ടോൺ നല്ല തോതിൽ തന്നെ ഈ ചിത്രത്തിൽ കാണാൻ കഴിയും. കുട്ടികളുടെ ഒക്കെ ഒപ്പം ഒരു നല്ല നേരമ്പോക്കിന് കണ്ട് വിടാവുന്ന ഒരു നൈസ് എന്റർടെയ്‌നർ തന്നെയാണ് ഈ ചിത്രം, കഴിയുമെങ്കിൽ കാണാൻ ശ്രമിക്കുക.

Verdict : Very Good

DC Rating : 4/5 

1025. I'm No Longer Here (2019)

Director : Fernando Frias Parra

Genre : Drama

Rating : 7.3/10

Country : Mexico

Duration : 112 Minutes

🔸ഡരാമ വിഭാഗം സിനിമകളുടെ ആരാധകർക്ക് ഇഷ്ടപ്പെട്ടേക്കാവുന്ന ഒരു ചിത്രം കൂടി, മെക്സിക്കോയിൽ നിന്നും ഈ വർഷത്തെ ഓസ്കർ ഉൾപ്പെടെയുള്ള വേദികളിലേക്ക് സാന്നിധ്യം അറിയിച്ച ഐ ആം നോ ലോങ്ങർ ഹിയർ എന്ന ചിത്രം. തന്റെ കംഫേർട് സോണിൽ നിന്നും, വേണ്ടപ്പെട്ടവരിൽ നിന്നും, സുഹൃത്തുക്കളിൽ നിന്നും, ജന്മനാട്ടിൽ നിന്നും എല്ലാം പുറന്തള്ളപ്പെടുന്ന യുളീസസ് എന്ന നായക കഥാപാത്രമാണ് ഈ ചിത്രത്തിന്റെ ഫോക്കൽ പോയിന്റ്. മെക്സിക്കോ എന്ന രാജ്യത്തെ ഒരു ചെറുകിട ഗ്രാമത്തിൽ ജനിച്ച് വളർന്ന അയാളെ ആ നാട്ടിലെ യുവത്വത്തിന്റെ പ്രതിനിധി ആയി കണ്ടാലും തെറ്റ് പറയാനില്ല.

🔸മെക്സിക്കോ എന്ന രാജ്യം പ്രമേയമായി ഒരു ചിത്രമോ സീരീസോ വന്നാൽ സ്വാഭാവികമായും ആ നാട്ടിലെ ഡ്രഗ് മാഫിയയും, ക്രിമിനൽ സിൻഡിക്കേറ്റും എല്ലാം പരാമര്ശിക്കപ്പെടും. ഈ ഒരു വസ്തുത ക്ളീഷേ ആയി കാണുന്നതിനേക്കാൾ നല്ലത് സംഭവങ്ങളുടെ ഗൗരവവും, ഇവയ്ക്ക് ആ നാട്ടിലും ജനങ്ങൾക്കും ഇടയിലെ സ്വാധീനവും എല്ലാമായി കാണുന്നതാവും. ഏറെക്കുറെ ഈ ഒരു അരക്ഷിതാവസ്ഥയുടെ നേർ സാക്ഷ്യമാണ് ഈ ചിത്രം എന്ന് പറയാം. ഡെമോക്ലിസിന്റെ വാൾ പോലെ ഇത് സദാ സമയവും തലയ്ക്ക് മേൽ തൂങ്ങി കിടപ്പുമുണ്ട്.

🔸ഒരു നോൺ ലീനിയർ ശൈലിയിലാണ് ചിത്രം കഥ പറഞ്ഞ് പോവുന്നത്, അതായത് നായക കഥാപാത്രത്തിന് ജന്മനാട്ടിൽ വെച്ച് നേരിടേണ്ടി വരുന്ന ദുരനുഭവങ്ങളും, അയാൾ തന്നെ അമേരിക്കയിൽ ചിലവഴിച്ച കാലത്തെ ചില സംഭവങ്ങളും രണ്ട് പോർഷനായി ഇട കലർത്തി ചിത്രത്തിൽ കാണിക്കുന്നുണ്ട്. ഈ രണ്ട് കാലഘട്ടവും അയാളുടെ ക്യാരക്റ്റർ പ്രോഗ്രഷനിലേക്ക് മികച്ച രീതിയിൽ തന്നെ സംഭാവന നൽകുന്നുമുണ്ട്. ഈ കാലഘട്ടങ്ങൾക്ക് ഇടയിലെ പലായനത്തിന്റെ ദാരുണമായ ദൃശ്യം കാണിച്ച് കൊണ്ടാണ് സിനിമ ആരംഭിക്കുന്നത്. ഈ ഒരു നോൺ ലീനിയർ ശൈലി കൊണ്ട് തന്നെ ശ്രദ്ധയോടെ വേണം ചിത്രത്തെ സമീപിക്കാൻ.

🔸വെറും രണ്ട് മണിക്കൂറിൽ താഴെ മാത്രം ഉള്ള സമയത്തിൽ രണ്ട് രാജ്യങ്ങളിലെയും സാമൂഹിക സാംസ്‌കാരിക രാഷ്ട്രീയ പരിസ്ഥിതിയും, വിവേചനവും നിസ്സഹായാവസ്ഥയും എല്ലാം ചിത്രം മനോഹരമായി തന്നെ കൈകാര്യം ചെയ്തിട്ടുണ്ട്. മെക്സിക്കൻ മ്യുസിക്കിനും ചിത്രത്തിൽ വലിയ പ്രാധാന്യമുണ്ട്, യുളീസസ് എന്ന കഥാപാത്രം വളരെ ലേയേർഡ് ആയ ഒരാളായി ആണ് അനുഭവപ്പെട്ടത്, അത് എടുത്ത് പറയേണ്ടതും ഉണ്ട്. ഈ അടുത്ത് കണ്ടതിൽ ഇഷ്ട്ടപ്പെടുത്തിയ ഡ്രാമ ചിത്രംങ്ങളിൽ ഒന്നാണ് ഐ ആം നോ ലോങ്ങർ ഹിയർ, ക്ളൈമാക്സ് പോർഷൻ ഒക്കെ പ്രത്യേക പരാമർശം അർഹിക്കുന്നുണ്ട്.

Verdict : Very Good

DC Rating : 4.25/5 

1024. WandaVision (2021)

Creator : Jac Schaeffer

Genre : Superhero

Rating : 8.2/10

Seasons : 01

Episodes : 09

Duration : 29 - 49 Minutes

🔸മാർവെൽ കഥാപാത്രങ്ങളെ അടിസ്ഥാനമാക്കി ടീവി സീരീസുകൾ മുന്നേ ഒരുപാട് വന്നിട്ടുണ്ട് എങ്കിലും മാർവെൽ സ്റ്റൂഡിയോസ് തന്നെ കച്ച കെട്ടി കളത്തിൽ ഇറങ്ങുന്നത് ഇത് ആദ്യമായാണ്. തങ്ങളുടെ മെയിൻ സിനിമാ ടൈം ലൈനുമായി കണക്റ്റ് ചെയ്ത് കൊണ്ടുള്ള ആദ്യ സംരംഭമായ വാൻഡാവിഷൻ ഒരു തുടക്കം കൂടിയാണ്, ഇനിയുള്ള നാല് അഞ്ച് വർഷങ്ങളിലായി ഉദ്ദേശം ഇരുപതിന് അടുത്ത് സീരീസുകൾ സ്റ്റുഡിയോസ് അനൗൺസ് ചെയ്തിട്ടുണ്ട്. ഈ ആദ്യത്തേത് എന്ന കാരണം കൊണ്ട് തന്നെ വാണ്ടവിഷന്റെ വിജയം അവർക്ക് അനിവാര്യവുമാണ്.

🔸കഥയിലേക്ക് വരിക ആണെങ്കിൽ, മാർവെലിന്റെ ഫെയ്‌സ് എൻഡിങ് ചിത്രമായ അവഞ്ചേഴ്‌സ് എൻഡ് ഗെയിമിന്റെ ഒരു തുടർച്ച പോലെയാണ് സീരീസിന്റെ കഥ. സിനിമയിൽ നിർണ്ണായക സ്വാധീനം ആയ രണ്ട് കപ്പിൾ കഥാപാത്രങ്ങളുടെ ജീവിതത്തിന്റെ തുടർച്ച എന്ന് പറയാം, സ്വാഭാവികമായും ഇനി പറയാൻ പോവുന്ന കാര്യങ്ങളിൽ മുൻ കാല സിനിമകളുടെ സ്പോയിലേർസ് ഉണ്ടാവും, താല്പര്യം ഇല്ലെങ്കിൽ മടങ്ങി പോകാവുന്നതാണ്, ഒരു സ്ട്രെച്ചിൽ കണ്ട് തീർക്കാവുന്ന അത്യാവശ്യം നല്ല ഒരു സീരീസ് തന്നെയാണ് വാണ്ടവിഷൻ.

🔸വിഷന്റെ മരണശേഷം ഏറെക്കുറെ പൂർണമായും ഒറ്റപ്പെട്ട വാണ്ട തന്റെ പവേഴ്സ് ഉപയോഗിച്ച് ഒരു ആൾട്ടർനേറ്റ് റിയാലിറ്റി ഉണ്ടാക്കുന്നതും, അവിടേക്ക് വിഷനെ തിരികെ കൊണ്ടുവരുന്നതും എല്ലാമാണ് കഥ. ഒരു സിറ്റ്‌കോം സ്റ്റൈലിൽ തുടങ്ങിയ ആദ്യ മൂന്ന് എപ്പിസോഡുകൾ പോകെ പോകെ ഒരു മടുപ്പ് ഉണ്ടാക്കി തുടങ്ങിയിരുന്നു എങ്കിലും ഗെയിം ചെയ്ഞ്ചർ എന്നൊക്കെ വിശേഷിപ്പിക്കാവുന്ന നാലാം എപ്പിസോഡോഡ് കൂടി പൂർണമായും ശ്രദ്ധ പിടിച്ചെടുക്കുന്നുണ്ട്. ഇവിടം തൊട്ട് പിന്നീട് അവസാനം വരെ വളരെ ഫാസ്റ്റ് ആയി, താല്പര്യം നിലനിർത്തി കൊണ്ടുള്ള ഒരു സ്റ്റോറി ടെല്ലിങ് ശൈലിയാണ് ചിത്രം പിന്തുടർന്നിടിക്കുന്നത്.

🔸പർണമായും നെഗറ്റിവുകൾ ഇല്ലാത്ത സീരീസ് ഒന്നുമല്ല വാൻഡാവിഷൻ, ഇവിടേക്ക് തല്ക്കാലം ഫാൻ തിയറികളെ ഒന്നും ചേർക്കുന്നില്ല. സീരീസ് മധ്യഭാഗത്തോട് അടുക്കുമ്പോൾ കടന്ന് വന്ന ഒരു സർപ്രൈസ് കഥാപാത്രത്തിന് അവസാനം നൽകിയ പേ ഓഫ് ആണ് മോശമായി അനുഭവപ്പെട്ട ഏറ്റവും വലിയ കാര്യം. വെറും ഒൻപത് എപ്പിസോഡിൽ ഒതുക്കാതെ പത്തോ പന്ത്രണ്ടോ ആക്കിയിരുന്നെങ്കിൽ അമിതമായ ഫാസ്റ്റ് പെയ്‌സ്ഡ് അവതരണം ഒഴിവാക്കാമായിരുന്നു എന്നും അനുഭവപ്പെട്ടു. ഇത് പോലുള്ള ചെറിയ ചില കാര്യങ്ങൾ സമ്മതിച്ച് കൊടുത്താൽ നല്ലൊരു വാച്ചിന് ഉള്ളതുണ്ട് ഈ സീരീസ്, കഴിയുമെങ്കിൽ കാണാം ശ്രമിക്കുക.

Verdict : Good

DC Rating : 3.75/5 

1023. Churuli (2021)

Director : Lijo Jose Pellissery

Genre : Mystery

Rating : 8/10

Country : India

Duration : 120 Minutes

🔸കറച്ച് നാള് മുന്നെയാണ് "കളി ഗെമിനാറിലെ കുറ്റവാളികൾ" എന്ന സ്റ്റോറി വായിക്കാൻ ഇടയായത്, അതായത് ലിജോ പെല്ലിശ്ശേരിയുടെ ചുരുളിക്ക് ആധാരമായ കഥ. കുറച്ച് നാളുകളായി തങ്ങളുടെ കയ്യിൽ നിന്നും വഴുതി പോയ ഒരു പ്രതിയെ തപ്പി രണ്ട് പോലീസുകാർ അവർക്ക് അപരിചിതമായ ടർഫിലേക്ക് കടന്ന് ചെല്ലേണ്ടി വരുന്നതാണ് കഥ. സ്റ്റോറി വായിച്ച് കൊണ്ടിരിക്കെ ഇനിയെന്ത് എന്ന ചോദ്യം നല്ല രീതിയിൽ ഇണ്ട്രിഗ്യു ചെയ്തിരുന്നെങ്കിലും എല്ലാം പെട്ടെന്ന് സം അപ്പ് ചെയ്ത പോലൊരു എൻഡിങ് ആയിരുന്നു കഥയ്ക്ക്, അത് ഒരല്പം കല്ലുകടി ആവുകയും ചെയ്തിരുന്നു.

🔸ഈ ഒരു സ്റ്റോറി ആദ്യമേ വായിച്ചത് കൊണ്ട് കൂടി ആവാം വലിയ ഇഫക്റ്റ് അനുഭവപ്പെട്ടില്ല. പബ്ലിക്കിന് ഇപ്പോഴും കാണാൻ അവസരം കിട്ടിയിട്ടില്ലാത്തതിനാൽ തല്ക്കാലം സ്പോയിലേഴ്‌സിലേക്ക് കടക്കുന്നില്ല. നോളനുമായി സംവിധായകനെ താരമത്യം ചെയ്യാവുന്ന ഒരു ഘടകം ഈ സിനിമയിൽ കാണാൻ കഴിഞ്ഞു എന്നത് എടുത്ത് പറയണം, എന്നാൽ അതൊരു സവിശേഷത അല്ല താനും. താൻ തിരഞ്ഞെടുത്ത കൺസെപ്റ്റിന് പുറത്തേക്ക് (അതായത് മനഃപൂർവം കോംപ്ലക്സ് ആക്കിയ) വരാൻ ബുദ്ധിമുട്ടുള്ള ആളായി നോളനെ തോന്നിയിട്ടുണ്ട്, ടെനറ്റ് പോലുള്ള ഉദാഹരണങ്ങൾ വെച്ച്, ആ ഒരു താരമത്യം ഇവിടെയുമാവാം.

🔸വയക്തിപരമായി സംവിധായകൻ അടുത്തതായി ചെയ്യുന്നത് ആമേൻ പോലുള്ള ഒരു ലൈറ്റ് ചിത്രം ആവണം എന്നൊരു ആഗ്രഹമുണ്ട്, ആ ഒരു ശൈലിയിൽ ഒക്കെ. ചുരുളി എന്ന സിനിമയാണ് സത്യത്തിൽ ഈ ആഗ്രഹത്തെ ഡ്രൈവ് ചെയ്യുന്ന ഒരു ഫോഴ്‌സ്. ഒരു നേർരേഖയ്ക്ക് പുറത്തേക്ക് വരാൻ താല്പര്യപ്പെടാത്ത, പ്രത്യേകിച്ച് ഒന്നും തന്നെ ഉള്ളിൽ ഇല്ലാത്ത ഒരു വർക്ക് ആയാണ് ചുരുളി അനുഭവപ്പെട്ടത്. 

🔸കാണാൻ അവസരം ലഭിച്ചാൽ നല്ല നിലവാരമുള്ള തിയേറ്ററിൽ കാണാൻ ശ്രമിക്കുക, കാരണം സൗണ്ട് ഡിസൈൻ പോലുള്ള ഫാക്റ്ററുകൾ ചിത്രത്തിന്റെ പ്ലസ് പോയിന്റുകളാണ്. കഥയിൽ വളരെ ഇഷ്ട്ടപ്പെട്ട ഒന്നാണ് ഡുവാലിറ്റി എന്ന കണ്സപ്റ്റും, അതിന്റെ അവതരണവും എല്ലാം, അത് ഇവിടെ എത്തുമ്പോൾ അത്ര ആശാവഹമായി അനുഭവപ്പെട്ടില്ല എന്നതും എടുത്ത് പറയേണ്ടി ഇരിക്കുന്നു. സംവിധായകന്റെ മുൻകാല ചിത്രങ്ങളും, അദ്ദേഹത്തിന്റെ തന്നെ മനോഭാവവും ഇഷ്ടം ആയത് കൊണ്ട് നല്ല ഒരു തിരിച്ചുവരവ് അദ്ദേഹം നടത്തുമെന്ന് പ്രതീക്ഷിക്കുന്നു.

Verdict : Average

DC Rating : 2.5/5