1007. Kabuliwala (1957)

Director : Tapan Sinha

Genre : Drama

Rating : 7.8/10

Country : India

Duration : 107 Minutes

🔸ബംഗാളി സിനിമകളും, ഇന്ഡസ്ട്രിയും, അണിയറ പ്രവർത്തകരും പൊതുവെ അപരിചിതമായ ഒരു ടർഫ് ആണ്. സത്യജിത് റേയുടെയും മൃണാൾ സെന്നിന്റെയും ചില സിനിമകൾ, വളരെ ചുരുക്കം കണ്ടിട്ടുണ്ട് എന്നതൊഴിച്ചാൽ അധികം ഒന്നും പരിചിതമല്ല. തപൻ സിൻഹ എന്ന പേര് വളരെ മികച്ച അഭിപ്രായങ്ങളുടെ അകമ്പടിയോടെ കേട്ടത് കൊണ്ടും ചിത്രത്തിന്റെ ടൈറ്റിൽ ആയ കാബൂളിവാല എന്ന നാമം വളരെ ക്യൂറിയസ് ആയത് കൊണ്ടും ആദ്യത്തേത് ഈ ചിത്രം തന്നെ ആയിക്കോട്ടെ എന്ന് തീരുമാനിക്കുക ആയിരുന്നു, അത് നല്ലൊരു തീരുമാനമായി പരിണമിക്കുകയും ചെയ്തു.

🔸പതിനൊന്നിലോ പന്ത്രണ്ടിലോ പഠിക്കുമ്പോൾ ഇംഗ്ലീഷ് ടെക്സ്റ്റിന്റെ ഭാഗമായി കാബൂളിവാല എന്ന ഷോട്ട് സ്റ്റോറി പഠിക്കാൻ ഉണ്ടായിരുന്നു, അന്ന് പഠിച്ചതിന്റെ കുഴപ്പമാണോ ഓർമ്മപ്പിശക് കൊണ്ടാണോ എന്നറിയില്ല ആ സ്റ്റോറിയിൽ നിന്നും ചില വ്യത്യാസങ്ങൾ ഈ സിനിമയിൽ കാണാൻ കഴിഞ്ഞു എന്നതാണ് സത്യം. ഇവയ്‌ക്കെല്ലാം ആധാരമായിരിക്കുന്നത് വിശ്വകവി രവീന്ദ്രനാഥ് ടാഗോറിന്റെ പത്തൊൻപതാം നൂറ്റാണ്ടിൽ പുറത്തിറങ്ങിയ ഒരു ചെറുകഥയാണ്. സിനിമയിലേക്ക് വരിക ആണെങ്കിൽ ഒരു ഡ്രാമ ജോണറിൽ പെട്ട ചിത്രമാണ് കാബൂളിവാല.

🔸അഫ്‌ഗാനിസ്ഥാനിൽ നിന്നും കച്ചവട ആവശ്യങ്ങൾക്കായി ഇന്ത്യയിൽ എത്തിയ ആളാണ് റഹ്മത്. കാഴ്ചയിൽ ഘടാഘടിയൻ എന്ന ഇമേജ് തരുന്ന ഒരു മധ്യവയസ്കനാണ് ടിയാൻ എങ്കിലും സൽസ്വഭാവിയാണ്, പ്രത്യേകിച്ചും കുട്ടികളോട് ഉള്ള അയാളുടെ പെരുമാറ്റവും സമീപനവും വളരെ മൃദുവും മനോഹരവുമാണ്. തന്റെ ജന്മനാട്ടിൽ അയാൾക്കൊരു മകൾ ഉണ്ടെന്നത് വാക്കുകളിലൂടെ വ്യക്തമാവുന്നുണ്ട്, ആ ഒരു വേർപാടിന്റെ വിഷമവും മറ്റും വേറെ കുട്ടികളോടുള്ള വാത്സല്യമായി മാറുന്നതായിരിക്കാം. എന്തായാലും റഹ്മത് ആണ് നമ്മുടെ കേന്ദ്ര കഥാപാത്രം.

🔸പഴ കച്ചവടവും മറ്റും മുന്നിൽ കണ്ട് ഇന്ത്യയിൽ എത്തിയ റഹ്മത്തിനും മിനി എന്ന കൊച്ച് കുട്ടിക്കും ഇടയിൽ ഉടലെടുക്കുന്ന ബന്ധവും അതിനെ തുടർന്നുള്ള സംഭവങ്ങളും എല്ലാമാണ് ചിത്രം കൈകാര്യം ചെയ്യുന്നത്. രണ്ട് ടൈം സ്പാനുകളിൽ കഥ പറഞ്ഞ് പോവുന്ന ചിത്രത്തിന് ഒരു ട്രാജിക് ടോൺ ഉണ്ട്. ആകെ മൊത്തം നല്ലൊരു ചിത്രം, ഷോട്ട് സ്റ്റോറി വായിച്ച് അറിഞ്ഞവർക്കും അല്ലാത്തവർക്കും ഒരുപോലെ ആസ്വദിക്കാൻ കഴിയും.

Verdict : Good

DC Rating : 3.75/5 

1006. Wonder Woman 1984 (2020)

Director : Patty Jenkins

Genre : Superhero

Rating : 6.5/10

Country : USA

Duration : 157 Minutes

🔸ഡിസി കോമിക്സിനോട് തോന്നിയത്ര താല്പര്യം മറ്റൊരു കോമിക് വിഭാഗത്തോടും തോന്നിയിട്ടില്ല, അനിമേഷൻ സീരീസ് ആയാലും അനിമേഷൻ സിനിമ ആയാലും ശെരി ഡിസി ഒരു മിനിമം നിലവാരം എല്ലായ്പ്പോഴും വെച്ച് പുലർത്തിയിട്ടുണ്ട്. നിർഭാഗ്യവശാൽ സിനിമാ മേഖല ഇതിൽ പെടുന്ന ഒന്നല്ല, മാൻ ഓഫ് സ്റ്റീൽ, ബാറ്റ്മാൻ വേഴ്സസ് സൂപ്പർമാൻ അൾട്ടിമേറ്റ് കട്ട് എന്നിവയൊക്കെ ഇഷ്ടപ്പെട്ടത് ആണെങ്കിലും മറ്റൊരു സംരംഭവും പ്രതീക്ഷയ്ക്ക് ഒത്ത് ഉയർന്നിട്ടില്ല. അക്വമാൻ തിയേറ്റർ അനുഭവം നന്നായിരുന്നു എന്നതും വണ്ടർ വുമൺ ആദ്യ ഭാഗം കുഴപ്പമില്ല എന്ന പ്രതീതി തന്നതുമാണ് എടുത്ത് പറയേണ്ട മറ്റൊരു കാര്യം.

🔸വണ്ടർ വുമൺ അല്ലെങ്കിൽ ഡയാന പ്രിൻസസിന്റെ രണ്ടാം വരവിൽ സത്യത്തിൽ വലിയ പ്രതീക്ഷ ഒന്നും ഉണ്ടായിരുന്നില്ല, കാരണം സ്റ്റോറി കേട്ട് പഴകിയ ഫോമാറ്റിലേക്ക് പോവും എന്ന തോന്നൽ ടീസർ ട്രെയിലർ പോലുള്ള പ്രൊമോ മെറ്റിരിയലുകൾ തന്നിരുന്നു എന്നതാണ് സത്യം. പിന്നെ കുറച്ചെങ്കിലും ഒരു ഇന്ററസ്റ്റ് തോന്നിച്ചത് രണ്ട് വില്ലൻ കഥാപാത്രങ്ങളാണ്, പെഡ്രോ പാസ്കലിന്റെ മാക്‌സ്‌വെൽ ലോർഡും ക്രിസ്റ്റൻ വിഗിന്റെ ചീറ്റയും. കോമിക്സ് കണ്ട അനുഭവത്തിൽ ഏറ്റവും ഇഷ്ട്ടപ്പെട്ട കഥാപാത്രങ്ങളിൽ ഒന്നായിരുന്നു ചീറ്റ, ആ കഥാപാത്രത്തെ ലൈവ് ആക്ഷനിൽ കാണുക എന്നത് കൗതുകകരമായ കാര്യം തന്നെ ആയിരുന്നു.

🔸ഇനി കാര്യത്തിലേക്ക് ഈ വർഷം അധികം സൊ കോൾഡ് ബ്ലോക്ക്ബസ്റ്റർ ചിത്രങ്ങൾ വന്നിട്ടില്ല, വന്നവയിൽ ഏറ്റവും നിരാശപ്പെടുത്തിയ ചിത്രങ്ങളിൽ ഒന്ന് ഇതായിരിക്കും, യാതൊരു സംശയവും ഇല്ലാതെ പറയാവുന്ന കാര്യം. ആദ്യത്തെ ചിത്രത്തിൽ നിന്ന് വ്യത്യസ്തമായി എൺപതുകളിലാണ് കഥ അരങ്ങേറുന്നത്. പ്രധാനമായും മൂന്ന് പേരിലാണ് കഥ ഫോക്കസ് ചെയ്യുന്നതും, കേന്ദ്ര കഥാപാത്രമായ ഡയാന, ആർക്കിയോളജിസ്റ്റായ ബാർബറ, ബ്ലാക്ക്ഗോൾഡ് കമ്പനി ഉടമയായ മാക്സ് ലോഡ് എന്നിവരിൽ. ഇതിനിടയിലേക്ക് ക്രിസ് പൈനിന്റെ സ്റ്റീവ് ട്രെവരും കടന്ന് വരുന്നുണ്ട്.

🔸ഒരു ക്ളീഷ്ഡ് കോമിക് ബുക് മൂവി എങ്ങനെ ആയിരിക്കും എന്ന് നമ്മൾ കരുതുന്നുവോ അതിന്റെ ബ്ലൂ പ്രിന്റ് ആണ് ഈ ചിത്രം, കഥ എവിടേക്ക് ആണ് പോവുന്നത് എന്ന് നൂറ് ശതമാനം പ്രെഡിക്റ്റബിൾ ആണ് എന്ന് മാത്രമല്ല അവിടേക്കുള്ള യാത്ര അങ്ങേയറ്റം അൺ കൺവിൻസിംഗുമാണ്. പെഡ്രോ പാസ്കൽ ആണ് ചിത്രത്തെ ഒരല്പം എങ്കിലും എന്ജോയബിൾ ആക്കുന്നത്, ചീറ്റ എന്ന കഥാപാത്രത്തെ ഒരു മിന്നായം പോലെ കാണിച്ചതും പോരാ, ആ ആക്ഷൻ സെറ്റ്പീസ് അങ്ങേയറ്റം നിരാശാജനകം ആക്കി തീർക്കുന്നതിലും അധികൃതർ വിജയിച്ചിട്ടുണ്ട്, ആകെ മൊത്തം നിരാശ മാത്രം.

Yes, Disappointed!!!

Verdict : Avoidable

DC Rating : 1.75/5 

1005. The Phantom Carriage (1921)

Director : Victor Sjöström

Genre : Fantasy

Rating : 8.1/10

Country : Sweden

Duration : 107 Minutes

🔸സിനിമ എന്ന 'സംഭവം' പിച്ച വെച്ച് തുടങ്ങിയ നാളിൽ പുറത്തിറങ്ങിയ ഒരു മൈൽസ്റ്റോൺ ആണ് ഫാന്റം കാര്യേജ്, ഒരു സംശയത്തിനോ വാദ പ്രതിവാദങ്ങൾക്കോ ഇട കൊടുക്കേണ്ടാത്ത, അതിന്റെ ഒരാവശ്യവും ഇല്ലാത്ത, ഉറപ്പിച്ച് പറയാവുന്ന ഒരു കാര്യം. പൊതുവെ സൈലന്റ് ഇറയിൽ പുറത്തിറങ്ങിയ സിനിമകൾക്ക് അധികം ആരാധകർ ഇല്ല, ശെരിയാണ് ഇന്നത്തെ ടെക്ക്നിക്കൽ ആസ്‌പെക്റ്റുകളോ വിഷ്വൽ ബ്യുട്ടിയോ ഒന്നും അവിടെ പ്രതീക്ഷിക്കേണ്ടതില്ല, പക്ഷെ ഇതുപോലെ ചില ചിത്രങ്ങൾ അവിടെ മറഞ്ഞിരിപ്പുണ്ട് എന്നത് പ്രാധാന്യം അർഹിക്കുന്ന ഒരു വസ്തുതയാണ്.

🔸പിൽക്കാലത്ത് വന്ന ഒട്ടനവധി സിനിമകൾക്ക് ഉള്ള സ്വാധീനമായി മാറിയ രംഗങ്ങൾ ഇവിടെ നമുക്ക് കാണാൻ കഴിയും, അതിൽ തന്നെ ഇറ്റ്സ് എ വണ്ടർഫുൾ ലൈഫ്, ഷൈനിങ് പോലെയുള്ള ക്ലാസ്സിക് ചിത്രങ്ങൾ വരെ ഉൾപ്പെടും. ഷൈനിങ് സിനിമയിലെ ഇന്ന് ഐക്കോണിക് ആയി വിശേഷിപ്പിക്കപ്പെടുന്ന അക്സ് സീനിന്റെ ഒറിജിനൽ ഇവിടെ കാണാൻ സാധിക്കും. കഥയിലേക്ക് കടക്കുക ആണെങ്കിൽ ഒരല്പം സൂപ്പർനാച്യുറൽ എലെമെന്റുകളും ഫാന്റസിയും ഒക്കെയുള്ള സ്റ്റോറിയാണ്, ഇനി നമുക്ക് അതിലേക്ക് കടക്കാം. പത്തൊൻപതാം നൂറ്റാണ്ടിലാണ് കഥ ആരംഭിക്കുന്നത്.

🔸ആദ്യ രംഗത്ത് ഒരു യുവതി തന്റെ മരണക്കിടക്കയിൽ കിടക്കുകയാണ്, അവളുടെയും ചുറ്റിലും ഉള്ളവരുടെയും മുഖഭാവങ്ങളിൽ നിന്നും അവൾക്കിനി അധികം ആയുസ്സില്ല എന്നത് വ്യക്തമാണ്. തന്റെ അവസാന ആഗ്രഹം എന്നോണം അവൾ തന്റെ സഹപ്രവർത്തകയോട് ഒരു കാര്യം ആവശ്യപ്പെടുകയാണ്. കാര്യം വേറൊന്നുമല്ല അതേ ഗ്രാമത്തിലെ തന്നെ താമസക്കാരനായ ജോൺ ഹോംസ് എന്നയാളെ ഒന്ന് കൂടി കാണണം എന്നതായിരുന്നു അവളുടെ ആവശ്യം. ആ ആവശ്യം കേട്ട് ചുറ്റിനും ഉള്ളവർ ഒരുവേള ഞെട്ടുകയാണ്, അതിനൊരു കാരണവുമുണ്ട്.

🔸ഈ ജോൺ ഹോംസ് അത്ര നല്ല കഥാപാത്രമൊന്നുമല്ല, തികഞ്ഞ മദ്യപാനിയാണ്, പോരാതെ വേറെ ചില പ്രശ്നങ്ങൾ കൂടിയുണ്ട്, എന്ത് തന്നെ ആയാലും നമ്മുടെ യുവതിയുടെ ആവശ്യം നിറവേറ്റാനായി അയാളെ അന്വേഷിച്ച് ഒരു കഥാപാത്രം യാത്ര തിരിക്കുകയാണ്. ഇതേസമയം മറ്റൊരിടത്ത് നമ്മുടെ ഹോംസ് തന്റെ സഹപ്രവർത്തകർക്ക് ഒരു വിചിത്രമായ കഥ പറഞ്ഞ് കൊടുക്കുകയാണ്, മനുഷ്യബുദ്ധിക്കും യുക്തിക്കും വിലയിരുത്താൻ കഴിയാത്ത ഒരു കഥ. ഈ രണ്ട് പ്രോസ്പെക്റ്റുകളും ഡെവലപ് ചെയ്താണ് ഫാന്റം കാര്യേജ് മുന്നോട്ട് പോവുന്നത്. അപാരമായ ലൈറ്റിങ്ങും, അന്യായമായ സൗണ്ട്ട്രാക്കും എല്ലാം ചിത്രത്തെ കൂടുതൽ മികച്ചതാക്കുന്നേയുള്ളൂ.

Verdict : Must Watch

DC Rating : 4.75/5 

1004. Dogs Don't Wear Pants (2019)

Director : J.P. Valkeapää

Genre : Drama

Rating : 6.9/10

Country : Finland

Duration : 106 Minutes

🔸ഡോഗ്സ് ഡോണ്ട് വെയർ പാന്റ്സ് എന്ന ചിത്രത്തെ കുറിച്ച് എന്ത് പറയണം എന്നത് സംശയമാണ്, കാരണം പറഞ്ഞ് ഫലിപ്പിക്കാൻ ബുദ്ധിമുട്ടുള്ള തോതിൽ ആർട്ടിസ്റ്റിക്ക് എലെമെന്റുകളും വെയർഡ് ഫീലും ഒക്കെ തരുന്ന ഒരു അപൂർവ ജനുസ്സിൽ പെട്ട സിനിമയാണ് ഈ ഫിന്നിഷ് സംരംഭം. ഒരുവേള ബ്ലോഗിൽ ഉൾപ്പെടുത്താതെ പോയാലോ എന്ന് കരുതിയിരുന്നു എങ്കിലും ഡൈവേഴ്‌സ് ആയ സബ്ജെക്റ്റുകളും, കാര്യങ്ങളും കൂടുതലായി ഇവിടെ ചേർക്കണം എന്ന പുതിയ രീതി പിന്തുടർന്ന് എഴുതി തുടങ്ങുകയാണ്. ഈ വിഭാഗത്തിനോട് താല്പര്യം ഉള്ളവർക്ക് പരീക്ഷിക്കാവുന്നതാണ്.

🔸ജഹാ എന്ന നമ്മുടെ പ്രധാന കഥാപാത്രം ഒരു സർജ്യനാണ്, എന്നാൽ കുറച്ച് നാളുകളായി പുള്ളി ഇമോഷണലി വളരെ വീക്ക് ആണ്. സ്വന്തം ജീവിതത്തിൽ സംഭവിച്ച ഒരു ദുരന്തം കാരണം ഇന്ന് അയാൾ ഏറെക്കുറെ ചത്തതിന് ഒക്കുമെ എന്നൊരു അവസ്ഥയിലൂടെയാണ് കടന്ന് പോവുന്നത്, എല്ലാ തരത്തിലും ഇമോഷണലി ഡിറ്റാച്ഡ് ആയി യാതൊരു വിധ പ്ലെഷറുകളും ഇല്ലാതെ വരണ്ടുണങ്ങിയ ഒരു ജീവിതം. ഒരു ദിവസം തന്റെ മകളോടൊത്ത് ഒന്ന് പുറത്തേക്ക് ഇറങ്ങിയ നാളിലാണ് അയാളുടെ ജീവിതം മാറി മറയുന്ന ഒരു സംഭവം അരങ്ങേറുന്നത്.

🔸ഈ ഒരു യാത്രയിൽ കുറച്ച് നേരം ഒറ്റയ്ക്ക് ജുഹാ സ്വൈര്യ വിഹാരം നടത്തുന്നതിനിടെ ആണ് അയാൾ ആദ്യമായി മോണയെ നേരിൽ കാണുന്നത്, ഒരു മനുഷ്യ സ്ത്രീ അല്ല മോണ മറിച്ച് ഒരു ഡോമിനേട്രിക്സ് എന്നൊക്കെ വിശേഷിപ്പിക്കാവുന്ന ടൈപ്പ് എന്റിറ്റി. ഇവിടെ മോണയുടെ സാന്നിധ്യത്തിൽ ജുഹായ്ക്ക് തന്റെ നഷ്ട്ടപ്പെട്ട് പോയി എന്ന് കരുതിയ ഇമോഷണൽ എഡ്ജ് തിരികെ ലഭിക്കുകയാണ്, പിന്നീട് അത് ബിഡിഎസ്‌എം പോലെയുള്ള ഇറോട്ടിക് ടെറിട്ടറിയിലേക്ക് ഒക്കെ കടന്ന് ചെല്ലുന്നുണ്ട്, തുടർന്നുള്ളത് സ്‌ക്രീനിൽ തന്നെ കണ്ടറിയുക.

🔸നഷ്ട്ടപ്പെട്ട് പോയി എന്ന് കരുതിയ ഒരു ഹ്യുമൻ വശം അല്ലെങ്കിൽ ഇമോഷണൽ എഡ്ജ് മടക്കി ലഭിക്കുന്നതും ഇത് വഴി ജുഹാ സ്വയം കണ്ടെത്തുന്നതും ഒക്കെയാണ് പ്ലോട്ട്, ഒരു റിഡംപ്‌ഷൻ ആർക്ക് എന്നൊക്കെ വിശേഷിപ്പിക്കാം സ്റ്റോറിയെ. അപ്പൊ പറഞ്ഞ് വന്നത് എന്താണെന്നാൽ താല്പര്യം തോന്നുന്നെങ്കിൽ മാത്രം കാണാൻ ശ്രമിക്കുക, എന്റർടെയ്‌ൻമെന്റ്‌ വാല്യൂസ് കുറവാണ്, കുറച്ച് കൂടി സ്പിരിച്വൽ എലെമെന്റുകൾക്ക് പ്രാധാന്യം നൽകുന്ന ചിത്രമാണ് ഡോഗ്സ് ഡോണ്ട് വെയർ പാന്റ്സ്, ആ രീതിയിൽ തന്നെ സമീപിക്കുക.

Verdict : Watchable

DC Rating : 3/5 

1003. Ma Rainey's Black Bottom (2020)

Director : George Wolfe

Genre : Drama

Rating : 7.2/10

Country : USA

Duration : 94 Minutes

🔸ഈ വർഷം നമുക്ക് തന്ന ഒട്ടനവധി നഷ്ടങ്ങളിൽ ഒരു രീതിയിലും ഒഴിവാക്കാൻ പറ്റാത്ത ഒന്നാണ് ചാഡ്വിക് ബോസ്‌മാൻ എന്ന പേര്, വളരെ മൈന്യുട് ആയ മാനറിസങ്ങളിൽ കൂടിയും സബ്‌ടൈൽ ആയ പ്രകടനത്തിൽ കൂടിയുമെല്ലാം അദ്ദേഹം തന്റേതായ ഒരു സ്‌പേസ് സൃഷ്ടിച്ചിരുന്നു, നിർഭാഗ്യവശാൽ ആ യാത്ര അവസാനിച്ചിരിക്കുന്നു. ബോസ്‌മാന്റെ അവസാന ഓൺസ്‌ക്രീൻ റോൾ എന്ന നിലയിൽ തന്നെ ഒരു ഇമോഷണൽ വെയിറ്റേജ് ഈ ചിത്രത്തിന് ഉണ്ടായിരുന്നു, ഒടുവിൽ ആ കഥാപാത്രം സ്‌ക്രീനിൽ നിന്ന് മറയുമ്പോഴും ബാക്കിയാവുന്നത് ഒരു തരം പെയിൻ തന്നെയാണ്.

🔸സിനിമയുടെ സിംഹ ഭാഗവും ഒരു റെക്കോർഡിങ് സ്റ്റുഡിയോയുടെ ബേസ്മെന്റിൽ, ഒരു റെസ്റ്റ് റൂമിൽ വെച്ച് അരങ്ങേറുന്ന ഒന്നാണ് ഈ ചിത്രം. ഇരുപതാം നൂറ്റാണ്ടിന്റെ ആദ്യ പാതിയിൽ അത്യാവശ്യം പ്രശസ്തി ആർജിച്ച രണ്ട് മ്യുസീഷ്യൻമാരെ ഫോക്കസ് ചെയ്ത് കൊണ്ടാണ് പ്ലോട്ട് മുന്നോട്ട് പോവുന്നത്. ആദ്യമേ തന്നെ ടൈറ്റിൽ കഥാപാത്രമായ മാ റൈനിയെ പറ്റി പറയാം, തന്റെ സംഗീതം കൊണ്ടും എനർജി കൊണ്ടും ആരാധക പിന്തുണ കൊണ്ടും എല്ലാം ഒരു ഐകോണിക് സ്റ്റാറ്റസ് കരസ്ഥമാക്കിയ ആളാണ് മാ. ഒരു സെല്ഫ് മെയിഡ് സ്റ്റാർ എന്ന് പറയാം.

🔸ജീവിതത്തിന്റെ പല ഇരുണ്ട വശങ്ങളും നേരിൽ കണ്ടത് കൊണ്ടും, ദുരനുഭവങ്ങൾ ഒരുപാട് നേരിടേണ്ടി വന്നത് കൊണ്ടും ആവണം പാറ പോലെ ഉറച്ച പ്രകൃതമാണ് അവരുടേത്. ഒരു ലെസ്ബിയൻ കൂടിയായ മാ തന്നെ കുറിച്ച് മറ്റുള്ളവർ പറയുന്ന കാര്യങ്ങൾക്കും, അവരുടെ അഭിപ്രായത്തിന് തന്നെയും പുല്ല് വില പോലും കൊടുക്കാറില്ല. രണ്ടാമത്തെ കഥാപാത്രമാണ് ബോസ്‌മാൻ അവതരിപ്പിച്ച ലീവി, പ്രതിഭ വേണ്ടുവോളം ഉള്ള, എന്നാൽ കാഴ്ചയിൽ പക്വത ലവലേശം ഇല്ലാത്ത ഒരു കഥാപാത്രം. മായുടെ ബാൻഡിലെ ഒഴിവാക്കാൻ കഴിയാത്ത സാന്നിധ്യമാണ് ലീവി, എന്നാൽ സ്വന്തമായി ഒരു വർക്ക് എന്നത് അയാളുടെ വലിയൊരു സ്വപ്നവുമാണ്.

🔸ഒരു പരിപാടിക്ക് മുന്നോടിയായി റിഹേഴ്സലിന് വേണ്ടി ബാൻഡ് അംഗങ്ങൾ ഒരു ബേസ്മെന്റിൽ വെച്ച് ഒത്ത് കൂടുന്നതും, അതിനെ തുടർന്ന് ഇവർക്ക് ഇടയിലെ ഈഗോ ക്ലാഷുകൾ കാരണം ഉടലെടുക്കുന്ന തർക്കങ്ങളും ഒക്കെയാണ് ഈ ചിത്രത്തിന്റെ പ്ലോട്ട്. പെര്ഫോമന്സിന് വലിയ പ്രാധാന്യമുള്ള ഒന്നാണ് ചിത്രത്തിന്റെ കഥ, അതിൽ തന്നെ രണ്ട് കഥാപാത്രങ്ങൾ വളരെ വളരെ നിർണ്ണായകവും. ഈ രണ്ട് കഥാപാത്രങ്ങളെയും അവതരിപ്പിച്ച നടീ നടന്മാർ, അതിപ്പോൾ വയോള ഡേവിസ് ആയാലും ചാഡ്വിക് ബോസ്‌മാൻ ആയാലും കഴിവിന്റെ നൂറ് ശതമാനം ഇൻവെസ്റ്റ് ചെയ്തിട്ടുണ്ട്, ഇനി വരാൻ പോവുന്ന അവാർഡ് വേദികളിൽ നോമിനേഷൻ അല്ല പുരസ്‌കാരം തന്നെ സ്വന്തമാക്കിയാലും അത്ഭുതപ്പെടേണ്ടതില്ല. ഒരുപക്ഷെ ചാഡ്വികിന്റെ ഏറ്റവും മികച്ച പെർഫോമൻസ് അദ്ദേഹത്തിന്റെ അവസാന ചിത്രത്തിൽ ആയിരിക്കണം.

Goodbye, Chadwik Boseman!! ❤️❤️

Verdict : Very Good

DC Rating : 4/5 

1002. Another Round (2020)

Director : Thomas Vinterberg

Genre : Drama

Rating : 8.1/10

Country : Denmark

Duration : 117 Minutes

🔸സംവിധായകൻ തോമസ് വിന്റർബർഗും നായകൻ മാഡ്‌സ് മിക്കൽസണും ഒന്നിച്ചപ്പോൾ മുൻപ് നമുക്ക് ലഭിച്ചത് ഒരുപക്ഷെ ഈ ജെനെറേഷനിലെ ഏറ്റവും മികച്ച സിനിമകളിൽ ഒന്നായിരിക്കും, സാക്ഷാൽ ഹണ്ട് എന്ന ചിത്രം. കാഴ്ചക്കാരനെ വളരെ അധികം ആഴത്തിൽ സ്പർശിക്കുന്ന ഡാർക്ക് ആയ ഒരു ചിത്രമായിരുന്നു ഹണ്ട് എന്നാൽ ഈ അനതർ റൗണ്ട് എന്ന ചിത്രത്തിലേക്ക് എത്തുമ്പോൾ ടോണിലും മറ്റും പ്രകടമായ മാറ്റമുണ്ട് എന്ന് പറയാം. അപ്പോഴും നിലവാരത്തിൽ യാതൊരു വിധത്തിലുള്ള കോംപ്രമൈസും സംവിധായകൻ നടത്തിയിട്ടില്ല എന്നത് എടുത്ത് പറയണം.

🔸മാഡ്‌സ് മിക്കൽസൺ ഈ ജെനെറേഷനിലെ ഏറ്റവും മികച്ച നടന്മാരിൽ ഒരാളാണ്, ഒരുപക്ഷെ ഏറ്റവും മികച്ചത് എന്ന് തന്നെ ഭാവിയിൽ വിലയിരുത്തപ്പെടാൻ സാധ്യതയുള്ള, അങ്ങനെ ചെയ്യപ്പെട്ടാൽ തെറ്റ്‌ പറയാൻ പറ്റാത്ത ഒരാൾ. ഈ ഒരു അഭിപ്രായം എത്ര പേർക്ക് ഉണ്ട് എന്നറിയില്ല, പേഴ്സണലി ഞാൻ വെച്ച് പുലർത്തുന്നുണ്ട്, കുറഞ്ഞത് ഈ സിനിമ കണ്ട് കഴിയുന്ന മാത്രയിൽ ഇത്തരം അഭിപ്രായം ചിലർക്ക് എങ്കിലും ഉണ്ടാവും എന്ന കാര്യം ഉറപ്പിച്ച് പറയാം. മിഡ്‌ലൈഫ്‌ ക്രൈസിസ് കാണിച്ച് കൊണ്ട് ഒരുപാട് നടീനടന്മാർ സ്‌ക്രീനിൽ എത്തിയിട്ടുണ്ട് എങ്കിലും മാർട്ടിൻ ഒരു വേറെത്തന്നെ അനുഭവമായിരുന്നു.

🔸നമ്മുടെ നായക കഥാപാത്രമായ മാർട്ടിൻ വളരെ ഡൾ ആയ ജീവിതം നയിക്കുന്ന ആളാണ്, ഒരു ഹൈസ്‌കൂൾ അധ്യാപകനാണ് മാർട്ടിൻ,.രണ്ട് മക്കളും ഭാര്യയും ഉൾപ്പെട്ടതാണ് അയാളുടെ കുടുംബം. ഭാര്യയുമായി അത്ര നല്ല ബന്ധമല്ല മാർട്ടിന്റേത്, ഒരു സ്വരച്ചേർച്ച ഇരുവർക്കും ഇടയിൽ ഇപ്പോഴില്ല, കമ്യുണിക്കേഷൻ ആണെങ്കിൽ എന്നോ അവസനിച്ചും കഴിഞ്ഞിരിക്കുന്നു. ഈ ഒരു രീതിയിൽ വരണ്ട രീതിയിലാണ് മാർട്ടിൻ ജീവിച്ച് പോവുന്നത്, ഇങ്ങനെ കഥ പോവുമ്പോഴാണ് ഒരു ചെറിയ സംഭവം അരങ്ങേറുന്നത്. തന്റെ മൂന്ന് മുൻകാല സുഹൃത്തുക്കളെ മൈക്കിൾ കണ്ട് മുട്ടുകയാണ്.

🔸ഇവരെല്ലാവരും തന്നെ ജീവിതത്തിൽ അസംപ്ത്രിപ്തരുമാണ്, ഇതിനിടയിലേക്ക് മദ്യപാനം എന്ന ഫാക്റ്റർ കൂടി കടന്ന് വരികയാണ്. അതായത് നോർമൽ രീതിയിൽ ഉള്ളതിനേക്കാൾ ജീവിതത്തെ ആസ്വദിക്കാൻ മദ്യം തങ്ങളെ സഹായിക്കും എന്ന ഒരു തിരിച്ചറിവ് അല്ലെങ്കിൽ ധാരണ ഇവരിൽ ഉണ്ടാവുകയാണ്. തുടർന്ന് അങ്ങോട്ടുള്ള കഥ ആ ഒരു അൽക്കോഹോളിസവും മറ്റുമൊക്കെ പ്രമേയമാക്കി നല്ല സ്റ്റൈൽ ആയി തന്നെ കഥ മുന്നോട്ട് പോവുന്നുണ്ട്. ഈ വർഷം ഞാൻ കണ്ട മികച്ച സിനിമകളിൽ ഒന്നാണ് അനഥർ റൗണ്ട്, സിനിമയുടെ എൻഡിങ്ങിന് സ്പെഷ്യൽ മാർക്കും കൊടുക്കേണ്ടി വരും, അപ്പോൾ കാണാൻ ശ്രമിക്കുക.

Verdict : Must Watch

DC Rating : 4.5/5 

1001. Osama (2003)

Director : Siddiq Barmak

Genre : Drama

Rating : 7.3/10

Country : Afghanistan

Duration : 81 Minutes

🔸അഫ്ഘാനിസ്ഥാൻ എന്ന രാജ്യത്തെ ജനങ്ങളുടെ അവസ്ഥ എത്രത്തോളം പരിതാപകരമാണ് എന്ന് പലപ്പോഴും ആലോചിച്ചിട്ടുണ്ട്, മിക്കപ്പോഴും ആ രാജ്യത്തെ ഏതെങ്കിലും ഒരു സിനിമ കണ്ട് കഴിഞ്ഞ വേളയിൽ തന്നെ. അതിപ്പോൾ ഒസാമ എന്ന ഈ ചിത്രം ആയാലും എർത് ആൻഡ് ആഷസ് ആയാലും ബസ്കാഷി ബോയ്സ് ആയാലും എല്ലാം കൈകാര്യം ചെയ്യുന്ന വിഷയം ഒരു തരം അരക്ഷിതാവസ്ഥയാണ്. ഇത് കൊണ്ട് തന്നെ ആവണം ഒരു തേർഡ് പാർട്ടി ആയി നമ്മളീ സംഭവങ്ങളെ നോക്കി കാണുമ്പോൾ വല്ലാതെ ഹോണ്ട് ചെയ്യാറുണ്ട്, ചിത്രത്തിലെ സംഭവങ്ങളും വിഷയങ്ങളുമെല്ലാം.

🔸രണ്ട് ദിവസം മുന്നേ ശ്രദ്ധിച്ച ഒരു റൈറ്റിങ്ങിൽ തന്നെ പറയുന്നുണ്ടായിരുന്നു, അഫ്ഘാൻ എന്ന രാജ്യത്തെ ദാരുണമായ ഭരണത്തെ പറ്റിയും, താലിബാന്റെ സ്വാധീനത്തെ പറ്റിയും, ജനങ്ങളുടെ കഷ്ടതകളെ പറ്റിയുമൊക്കെ. ഒടുവിൽ സമാധാന ചർച്ചകൾക്ക് വഴി ഒരുങ്ങിയപ്പോൾ രാജ്യത്തെ ജനാധിപത്യപരമായി തിരഞ്ഞെടുക്കപ്പെട്ട, എന്ന് പറയപ്പെടുന്ന സർക്കാരിനെ പൂർണമായി തഴഞ്ഞ് താലിബാനും അമേരിക്കയും അവസാന ആണി കൂടി അടിച്ചതായി പറയപ്പെടുന്നു. അത് എന്ത് തന്നെ ആയാലും ചിത്രത്തിലേക്ക് കടന്ന് വരാം, ഭീതി ജനിപ്പിക്കും വിധം കാര്യങ്ങളെ അവതരിപ്പിക്കുന്ന അത്യാവശ്യം ഡിസ്റ്റർബിങ് ആയൊരു ചിത്രമാണ് ഒസാമ.

🔸താലിബാൻ എല്ലാ രീതിയിലും പിടി മുറുക്കിയ ഒരവസ്ഥയിലൂടെ ആണ് കഥ ആരംഭിക്കുന്നത്, സ്ത്രീകളെ സംബന്ധിച്ചിടത്തോളം വളരെ മോശമായ ഒരു സമയം. പ്രാർത്ഥനയ്ക്കും മറ്റും ഒക്കെയായി ബുർഖ ധരിച്ച് പുറത്തിറങ്ങാം എന്നതൊഴിച്ചാൽ വീടിന് പുറത്തേക്ക് കടക്കാൻ പോലും അവകാശമില്ല, ജോലി പോലുള്ള കാര്യങ്ങളെ പറ്റിയൊന്നും ചിന്തിക്കുകയെ വേണ്ട. ഇവിടെ ഒരു കുടുംബത്തെ ഫോക്കസ് ചെയ്ത് കൊണ്ടാണ് കഥ മുന്നേറുന്നത്, ആ കുടുംബത്തിൽ ആണായി ആരും തന്നെ ബാക്കിയില്ല, ഉള്ളവരെല്ലാം തന്നെ യുദ്ധത്തിലും ആഭ്യന്തര കലഹങ്ങളിലും എല്ലാം പെട്ട് എന്നോ കൊല്ലപ്പെട്ടിരുന്നു, ഇന്ന് അവശേഷിക്കുന്നത് മൂന്ന് പേർ മാത്രമാണ്.

🔸മന്ന് തലമുറകളിൽ പെട്ട ഈ മൂന്ന് സ്ത്രീകളുടെ ജീവിതം വളരെ ദുസ്സഹമാണ്, ജീവിക്കാൻ ആവശ്യമായ വരുമാന മാർഗം കണ്ടെത്താൻ പോലും അവകാശം ഇല്ലാത്ത ഇവർക്ക് ഗത്യന്തരം ഇല്ലാതെ ഒരു കൈവിട്ട കളിക്ക് ഇറങ്ങേണ്ടി വരികയാണ്. അത് എന്താണെന്ന് തല്ക്കാലം പറയുന്നില്ല, കണ്ട് തന്നെ അറിയുക. അഫ്ഘാൻ എന്ന രാജ്യത്ത് നിന്നും പുറത്തേക്ക് എത്തിയതിൽ ഏറ്റവും ശ്രദ്ധ നേടിയ, കയ്യടികൾ കരസ്ഥമാക്കിയ ചിത്രമാണ് ഒസാമ, അതിനുള്ള അർഹത നൂറ് ശതമാനം ഉണ്ട് താനും. ഒരു മൂഡ് ഡിസ്ട്രോയിങ് ചിത്രം എന്ന് പറയാമെങ്കിലും കണ്ടിരിക്കേണ്ട ഒന്ന് തന്നെയാണ് ഇത്, കാണാൻ ശ്രമിക്കുക.

Verdict : Very Good

DC Rating : 4.25/5 

1000. Apocalypse Now (1979)

Director : Francis Ford Coppola

Genre : War

Rating : 8.4/10

Country : USA

Duration : 201 Minutes

🔸സിനിമയെ കുറിച്ച് പറയുന്നതിന് മുന്നേ ചെറുതായി മറ്റൊരു കാര്യം പറയാം, രണ്ട് വർഷം മുന്നെയാണ് ബ്ലോഗ് എന്നൊരു ആശയം ആദ്യമായി മനസ്സിൽ വരുന്നത്. വെറുതെ കുറിച്ചിടുന്ന സിനിമകളെ പറ്റിയുള്ള കാര്യങ്ങൾ എവിടെ എങ്കിലും ശേഖരിച്ച് വെക്കാം എന്നൊരു തോന്നൽ, ഒരു റഫറൻസ് ഒക്കെ പോലെ ആർക്കെങ്കിലും ഉപകാരപ്പെട്ടാലോ എന്ന ആ തോന്നൽ ഇന്ന് ആയിരം സിനിമകൾ വരെ എത്തിയിരിക്കുകയാണ്. ഇനി എത്ര എന്ന കാര്യം ഒന്നും പിടിയില്ല, താല്പര്യം എന്നെങ്കിലും അവസാനിക്കുക ആണെങ്കിൽ അത് വരെ ഈ ബ്ലോഗ് അപ്‌ഡേറ്റ് ആയിക്കൊണ്ടേ ഇരിക്കും. ഈ ബ്ലോഗ് ആയിരത്തിലേക്ക് അടുത്ത് കൊണ്ടിരിക്കെ ഏത് ചിത്രം ആ സ്ഥാനം കയ്യാളണം എന്ന ചോദ്യം ഉയർന്നപ്പോൾ സംശയം ഏതും ഉണ്ടായിരുന്നില്ല, ആഫ്റ്റർ ഓൾ അപ്പോകാലിപ്സ് നൗ അല്ലാതെ ഏത് എന്നായിരുന്നു മനസ്സിൽ ആദ്യം എത്തിയത്.

🔸കഴിഞ്ഞ ഒരു പത്ത് വർഷത്തോളമായി സ്ഥിരം എന്ന കണക്കിന് വിവിധ ഭാഷകളിലെ, രാജ്യങ്ങളിലെ, സംസ്കാരങ്ങൾ ഉൾക്കൊണ്ട സിനിമകൾ പലത് കണ്ടിട്ടുണ്ട്. പക്ഷെ ഇവ എല്ലാം എടുത്ത് നോക്കിയാലും ഈ ചിത്രം നൽകിയത് പോലെ ഒരനുഭവം മറ്റൊന്നിനും നൽകാൻ കഴിഞ്ഞിട്ടില്ല. ഉദ്ദേശം ആറ് വർഷങ്ങൾ മുന്നെയാണ് ഈ ചിത്രം ആദ്യമായി കണ്ടത്, വൺസ് ഇൻ എ ലൈഫ്‌ടൈം മൂവി എക്സ്പീരിയൻസ് എന്നൊക്കെ പറയാവുന്ന ഒന്നായിരുന്നു അന്ന് ക്യാപ്റ്റൻ വില്ലാർഡും, കൊളോണൽ കെർട്സും എല്ലാം ചേർന്ന് നൽകിയത്. ഇതിനെല്ലാം അപ്പുറത്ത് സത്യത്തിൽ എന്താണ് ഈ ചിത്രത്തിന്റെ പ്രസക്തി എന്നത് വളരെ പ്രധാനപ്പെട്ട ഒരു വിഷയമാണ്.

🔸ജോസഫ് കോൺറാഡിന്റെ "ദി ഹാർട്ട് ഓഫ് ഡാർക്‌നസ്" എന്ന നോവലാണ് അപോകലിപ്സ് നൗവിന് ആധാരം. മാർലോ എന്ന വ്യക്തി കൊളോണൽ കെർട്സിനെ അന്വേഷിച്ച് ആഫ്രിക്കൻ പശ്ചാത്തലത്തിൽ നടത്തുന്ന കഥ പൂർണമായും പറിച്ച് മാറ്റി വിയറ്റ്നാമിന്റെ പശ്ചാത്തലത്തിൽ മാറ്റി നട്ടതാണ് ചിത്രം കൈവരിച്ച ആദ്യത്തെ ബ്രില്യൻസ്. പോസ്റ്റ് വിയറ്റ്നാം യുദ്ധത്തിനും മറ്റും ശേഷം ജനരോഷം ഇരമ്പുമ്പോൾ സ്വാഭാവികമായും അപോകലിപ്സ് നൗ പോലെ ഒരു ഇൻസെയ്ൻ ചിത്രം തയാറാക്കിയത് ഫോർഡ് കൊപ്പോളയുടെ മറ്റൊരു ഔട്ട്സ്പോക്കൻ ആറ്റിറ്റിയൂഡിന്റെ ഉദാഹരണം.

🔸ചിത്രത്തിന്റെ ചിത്രീകരണ വേളയിലും മറ്റുമായി ഉണ്ടായ സംഭവങ്ങളും മറ്റും ചിത്രത്തോളം തന്നെ പ്രശസ്തി നേടിയവയാണ്. ഒരു യുദ്ധ ചിത്രം എന്നതിനേക്കാൾ ആന്റി വാർ ചിത്രമായി കാണിക്കാൻ പറ്റിയ ഒന്നാണ് ഈ ചിത്രം, യുദ്ധം കാരണം ഉണ്ടാവുന്ന ഭ്രാന്തമായ ചിന്തകളും അവ കൊണ്ടുവരുന്ന ഭീതിതമായ അവസ്ഥകളും എല്ലാം ഈ ചിത്രം കാണിച്ചത്ര വൈൽഡ് ആയി മറ്റൊന്ന് അവതരിപ്പിച്ചത് അറിവിലില്ല. പ്രധാന കഥാപാത്രമായി എത്തിയ ചാർളി ഷീൻ തൊട്ട് അവസാനം ഒരു പ്രകമ്പനമായി വന്ന ബ്രാണ്ടോ വരെ പെര്ഫോമന്സിന്റെയും അവതരണത്തിന്റെയും ഒരു ടെക്സറ്റ്ബുക് ആയി മാറുന്നുണ്ട് ചിത്രം. കണ്ടില്ലെങ്കിൽ നഷ്ടമാണ് എന്ന വാചകം ഒരു അണ്ടർ സ്റ്റേയ്റ്റ്മെന്റ് ആണ്, ഈ ചിത്രത്തിന്, കഴിവതും റെഡക്‌സ് വേർഷൻ കാണാൻ ശ്രമിക്കുക, നൂറ് ശതമാനം വർത്ത് ആണ്.

"I watched a snail crawl along the edge of a straight razor. That's my dream. That's my nightmare❤️❤️"

Verdict : Must Watch

DC Rating : 5/5 

999. Where Eagles Dare (1968)

Director : Brian Hutton

Genre : War

Rating : 7.7/10

Country : UK

Duration : 158 Minutes

🔸എഴുപതുകളിലെയും എൺപതുകളിലെയും ഒരുപാട് പ്രശസ്തി ആർജിച്ച പല ഗ്രൂപ് ഓറിയന്റഡ് മിഷൻ ബേസ്ഡ് വാർ മൂവി വിഭാഗത്തിൽ പെട്ട സിനിമകളുടെ ആദ്യ പതിപ്പ് ഒരുപക്ഷെ വേർ ഈഗ്ൾസ് ഡെയർ എന്ന ഈ ചിത്രം ആയിരിക്കും. പിൽക്കാലത്ത് കണ്ട് ഇഷ്ട്ടപ്പെട്ട ഒട്ടനവധി സിനിമകൾക്കുള്ള സ്വാധീനം ഈ ചിത്രത്തിൽ കാണാൻ കഴിഞ്ഞു എന്ന വസ്തുത മാത്രം മതിയാവും പ്രസ്തുത ഫിലിമിന്റെ സ്വാധീനം വ്യക്തമാവാൻ. എഡ്ജ് ഓഫ് ദി സീറ്റ് സെറ്റ് പീസുകൾ, രംഗങ്ങൾ ഇഷ്ടമുള്ളവർക്കും താല്പര്യം തോന്നിയേക്കാവുന്ന അനവധി മോമെന്റുകൾ ഈ ചിത്രത്തിലുണ്ട്.

🔸രണ്ടാം ലോക മഹായുദ്ധം കൊടുമ്പിരി കൊണ്ടിരിക്കുന്ന കാലഘട്ടത്തിലാണ് ഈ ചിത്രം ആരംഭിക്കുന്നത്. ബ്രിട്ടൻ, അമേരിക്ക തുടങ്ങിയ രാജ്യങ്ങളിലെ രഹസ്യാന്വേഷണ വിഭാഗത്തിലെ ചില ഓഫീസർമാർ ഒരു മിഷനിന് വേണ്ടി തയാറെടുക്കുകയാണ്. എന്താണ് മിഷൻ എന്നതിനേക്കാൾ പ്രാധാന്യം കൊടുക്കേണ്ടത് എവിടെയാണ് മിഷൻ എന്ന കാര്യത്തിനാണ്. ശത്രു രാജ്യമായ ജർമനിയിലെ നയതന്ത്ര പ്രാധാന്യമുള്ള ഒരിടത്തേക്കാണ് കയറി ചെല്ലേണ്ടത്, ആത്മഹത്യാപരമായ ദൗത്യം ആണെന്ന് പ്രത്യേകം പറയേണ്ടതില്ലല്ലോ.

🔸ഇനി മിഷനിലേക്ക് വരാം, ആർമിയിൽ മേജറായ ജോൺ സ്മിത്തും ലെഫ്റ്റനന്റ് ഷാഫറും മറ്റ് വ്യത്യസ്ത പശ്ചാത്തലങ്ങളിൽ നിന്നും വരുന്ന അഞ്ച് സൈനികരും ഒരു റെസ്‌കിയു മിഷന്റെ ഭാഗമായി ആണ് ശത്രു രാജ്യത്തേക്ക് കടന്ന് ചെല്ലുന്നത്. അമേരിക്കൻ സേനയിൽ പ്ലാനറായ ഒരു ഉദ്യോഗസ്ഥൻ കഷ്ടകാലത്തിന് ജർമ്മൻ പട്ടാളത്തിന്റെ കയ്യിൽ അകപ്പെട്ട് പോയി, പുള്ളിയുടെ കയ്യിൽ നിന്നും നിർണ്ണായകമായ വിവരങ്ങൾ ശത്രുക്കൾ കൈവശപ്പെടുത്തുന്നതിന് മുന്നേ അയാളെ രക്ഷപ്പെടുത്തിയിരിക്കണം എന്നാണ് അവർക്ക് ലഭിക്കുന്ന നിർദ്ദേശം. എന്ത് തന്നെ ആയാലും ഹെലികോപ്റ്ററിന്റെ സഹായത്തിൽ എല്ലാവരും പ്രദേശത്തിന് അടുത്ത് എത്തുന്നുണ്ട്.

🔸ഈ ഒരു പശ്ചാത്തലത്തിലാണ് ഒരു സ്പൈ അല്ലെങ്കിൽ ചാരൻ തങ്ങളുടെ ഒപ്പം ഉണ്ടോ എന്നൊരു സംശയം മിഷന്റെ കോർഡിനേറ്റര്മാര്ക്കും, കാണുന്ന നമ്മൾ കാഴ്ചക്കാർക്കും ഉണ്ടാവുന്നത്. സ്വാഭാവികമായും കൂടുതൽ അപകടത്തിലേക്ക് കാര്യങ്ങളെ കൊണ്ടുപോവുന്ന ഈ ഒരു സാധ്യത കൂടി കടന്ന് വരുമ്പോൾ സിനിമ കൂടുതൽ വൈൽഡ് ആവുകയാണ്. രണ്ടര മണിക്കൂറിന് അടുത്ത് ത്രിൽ അടിച്ച് കാണാനുള്ള മെറ്റേറിയലും, കിടിലൻ ആക്ഷൻ സെറ്റ്‌പീസുകളും എല്ലാം ചിത്രത്തിന്റെ പ്രത്യേകതകളാണ്. ക്ലിന്റ് ഈസ്റ്റ്വുഡിന്റെ പ്രസൻസിനെ കുറിച്ച് കൂടുതൽ പറയേണ്ട കാര്യവുമില്ല, അപ്പോൾ കാണാൻ ശ്രമിക്കുക.

Verdict : Very Good

DC Rating : 4.25/5 

998. Wolfwalkers (2020)

Director : Tomm Moore

Genre : Animation

Rating : 8.3/10

Country : Ireland

Duration : 103 Minutes

🔸ഈ വർഷം റിലീസ് ആയ അനിമേഷൻ ചിത്രങ്ങളിൽ ഏറ്റവും കൂടുതൽ അവാർഡ് ഹൈപ്പ്, നിരൂപക ആരാധക പ്രശംസ എന്നിവ കരസ്ഥമാക്കി കണ്ടത് പ്രധാനമായും രണ്ട് ചിത്രങ്ങളാണ്. ഡിസ്നിയുടെ സ്വന്തം പാഷൻ പ്രൊജക്റ്റായ സോളും, വൈൽഡ് കാർഡ് ആയി പേഴ്സണലി കരുതിയ വുൾഫ്‌വാക്കേഴ്സും. രണ്ട് സിനിമകളും ഈ മാസം തന്നെ ആരാധകർക്ക് മുന്നിലേക്ക് ഡിജിറ്റലായി എത്തുന്നുണ്ട് എന്നത് കൗതുകകരമായ കാര്യവുമാണ്. വോൾഫ്‌വാക്കേഴ്‌സ് ഇന്ന് എത്തിയിട്ടുണ്ട് എങ്കിൽ സോൾ രണ്ടാഴ്ചയ്ക്ക് അപ്പുറം വരും എന്നതാണ് നില.

🔸സിനിമയിലേക്ക് കടക്കുന്നതിന് മുന്നേ രണ്ട് കാര്യങ്ങൾ, ആദ്യമായി ഡിസ്നിയുടെ പിക്സർ മോഡലിൽ പോളിഷ്ഡ് ആയ ഒരു അനിമേഷൻ ശൈലി പ്രതീക്ഷിക്കരുത്, അത് എക്സ്പെക്റ്റ് ചെയ്‌താൽ നിരാശ ആയിരിക്കും ഫലം. രണ്ടാമതായി സ്റ്റുഡിയോ ഗിബ്‌ളിയുടേത് പോലെ ഒരു ട്രീട്മെന്റും നിങ്ങൾക്ക് ഈ ചിത്രത്തിൽ കാണാനാവില്ല. ഇതിന് രണ്ടിനും കാരണങ്ങളുണ്ട്, പൊതുവെ അത്ര പ്രശസ്തി ആർജിച്ചിട്ടില്ലാത്ത, അനിമേഷനിന് അത്ര ഹിസ്റ്ററി ഒന്നും കാണിക്കാൻ ഇല്ലാത്ത അയർലണ്ടിൽ നിന്നുമാണ് വൂൾഫ്‌വാക്കേഴ്‌സ് തയാറാക്കപ്പെട്ടിരിക്കുന്നത്.

🔸പതിനേഴാം നൂറ്റാണ്ടിലെ അയർലൻഡ് ആണ് കഥാ പശ്ചാത്തലം, ചെന്നായ്ക്കളുടെ ആക്രമണം കൊണ്ട് പൊറുതി മുട്ടിയിരിക്കുകയാണ് അന്നാട്ടിലെ ജനങ്ങൾ. പൊതുവെ ജനങ്ങൾ ഒന്നായി തിങ്ങി പാർക്കുന്നത് കല്ല് കൊണ്ട് പണിത അതിർത്തിക്ക് ഉള്ളിലായുള്ള ഒരു പ്രദേശത്ത് കൂട്ടമായി ആണ്. ഇതിന് പുറത്ത് ഉള്ള താമസമോ, എന്തിന് സ്വയ്ര്യ വിഹാരം പോലും അങ്ങേയറ്റം അപകടകരം ആണെന്ന് പറയാം. ശക്തനായ ഒരാൾ ഉയർന്ന് വന്നാൽ സ്വാഭാവികമായും അയാൾക്ക് ഒരു പ്രതിയോഗി കൂടി ഉണ്ടാവേണ്ടതാണ്, അത് പ്രകൃതി നിയമം ആണ്. ഇവിടെ ചെന്നായകൾക്ക് ഉള്ള വെല്ലുവിളിയാണ് അവരെ ഇല്ലായ്മ ചെയ്യാനായി നിയോഗിക്കപ്പെട്ട ഒരു സേനാ വിഭാഗം. ഈ വിഭാഗത്തിൽ പെട്ട ഒരാളുടെയും അയാളുടെ മകളുടെയും കഥയാണ് ഈ ചിത്രം.

🔸മറ്റൊരു നാട്ടിൽ നിന്നും പുതുതായി എത്തി താമസിക്കുന്ന ആളാണ് ബിൽ ഗുഡ്‌ഫെലോ, അയാളുടെ മകളാണ് റോബിൻ. ഒരു പെൺകുട്ടി ആണെങ്കിലും ആയോധന കലകളിലും മറ്റും വലിയ താല്പര്യം കാണിക്കുന്നുണ്ട് റോബിൻ, എന്തിരുന്നാലും അവൾക്ക് മുന്നിൽ അവസരങ്ങളില്ല, ഒരു പെൺകുട്ടിയെ സംബന്ധിച്ചിടത്തോളം പ്രസ്തുത കാലഘട്ടത്തിൽ ചെയ്യാൻ അധികം കാര്യങ്ങളോ ദൗത്യങ്ങളോ ഒന്നുമില്ല, വീടും ചുറ്റുപാടും പരിരക്ഷിക്കുക എന്നതല്ലാതെ. എന്നാൽ താമസിയാതെ തന്നെ മുകളിൽ സൂചിപ്പിച്ച കോൺഫ്ലിക്റ്റിന് ഇടയിലേക്ക് റോബിന് കടന്ന് വരേണ്ടി വരുന്നതും തുടർന്ന് അരങ്ങേറുന്ന സംഭവങ്ങളും എല്ലാമാണ് ചിത്രം. ഈ വർഷത്തെ മികച്ച ചിത്രങ്ങളിൽ ഒന്നാണ് വൂൾഫ്‌വാക്കേഴ്‌സ്, ഹാർട്ട് വാമിങ് ആയൊരു ചിത്രം.

Verdict : Very Good

DC Rating : 4.25/5 

997. The Eight Hundred (2020)

Director : Guan Hu

Genre : War

Rating : 7.2/10

Country : China

Duration : 150 Minutes

🔸ഒരു രോമാഞ്ചിഫിക്കേഷൻ സിനിമയ്ക്ക് ഉള്ള എല്ലാ എലെമെന്റുകളും തുല്യമായ രീതിയിൽ ചേർത്ത നല്ല ഒന്നാംക്‌ളാസ് ഒരു എന്റർടൈൻമെന്റ് ഗ്യാരന്റീഡ് വാച്ച് ആണ് എയ്റ്റ് ഹൺഡ്രഡ് എന്ന ചൈനീസ് ചിത്രം. ഇത്തരത്തിൽ പ്ലോട്ടുള്ള, സാമ്യം പുലർത്തിയ കഥകൾ ഉള്ള അനവധി സിനിമകൾ നമ്മൾ കണ്ടിട്ടുണ്ട് എങ്കിലും റിയലിസ്റ്റിക് ആയി തോന്നിയ അവതരണം, യുദ്ധ ഭീകരതയുടെ കൃത്യമായ പോട്രെയ്ൽ എന്നിവ ഈ ചിത്രത്തിന്റെ പ്രത്യേകതകളാണ്. ഈ വർഷം പുറത്തിറങ്ങിയ ചിത്രം ഇതിനോടകം തന്നെ പല അന്താരാഷ്ട്ര വേദികളിൽ ഉൾപ്പെടെ നല്ല അഭിപ്രായങ്ങൾ കരസ്ഥമാക്കിയിട്ടുണ്ട്.

🔸മപ്പതുകളാണ് കഥാ പശ്ചാത്തലം, അതായത് ലോകം രണ്ടാം ലോക മഹായുദ്ധത്തിന്റെ ഭീതികളിലേക്ക് കാൽ എടുത്ത് വെക്കാൻ പോവുന്ന ആ കാലഘട്ടം. യുദ്ധത്തിന്റെ അലയൊലികൾ പല ഇടങ്ങളിലായി കേട്ട് തുടങ്ങിയിരിക്കുന്നു, രണ്ടാമത് സിനോ ജാപ്പനീസ് യുദ്ധം കൊടുമ്പിരി കൊണ്ടിരിക്കുന്ന അവസ്ഥയിലാണ്. സ്വാഭാവികമായും സേനാ ബലം കൊണ്ടും സാമ്പത്തിക ഭദ്രത കൊണ്ടുമെല്ലാം ജപ്പാൻ യുദ്ധത്തിൽ നല്ലൊരു പൊസഷനിലാണ്, ചൈന ആണെങ്കിൽ തോൽവി കണ്മുന്നിൽ കണ്ടിരിക്കുന്ന അവസ്ഥയിലും, യുദ്ധം മാസങ്ങൾ കടന്നിരിക്കുന്നു.

🔸ചൈനീസ് സേനയെ തറ പറ്റിച്ച് കൊണ്ട് ജാപ്പനീസ് സൈന്യം ഷാങ്ഹായ് വരെ എത്തിയിട്ടുണ്ട്, ചുറ്റും വളയപ്പെടാൻ സാധ്യത ഉള്ളത് കൊണ്ട് തന്നെ നല്ലൊരു ശതമാനം സൈനികരും തങ്ങളുടെ പൊസിഷൻ വിട്ട് പിന്തിരിഞ്ഞ് ഓടി കഴിഞ്ഞിരുന്നു. ഈ സമയത്ത് സേനയും, രാജ്യവും, ജനങ്ങളും ആവശ്യപ്പെട്ടിരുന്നത് ഒരു ഹീറോയിക് ആക്റ്റ് ആയിരുന്നു. നഷ്ട്ടപ്പെട്ട പോരാട്ടവീര്യവും, മോട്ടിവേഷനും എല്ലാം തിരികെ ലഭിക്കും വിധത്തിലുള്ള ഒരു ഹീറോയിക് ആക്റ്റ്. അക്ഷരാർത്ഥത്തിൽ അത് തന്നെയാണ് പിന്നീടുള്ള ദിവസങ്ങളിൽ സംഭവിക്കുന്നതും.

🔸ഏറെക്കുറെ ആത്മഹത്യാ പരം എന്ന് വിശേഷിപ്പിക്കാവുന്ന ഒരു നീക്കത്തിന് സേനയിലെ ഒരു വിഭാഗം തയ്യാറാവുകയാണ്, ഇരുപത്തിനായിരത്തിന് അടുത്തുള്ള ജാപ്പനീസ് പട്ടാള കേഡറിനെ തടഞ്ഞ് നിർത്തുക എന്നതാണ് ലക്‌ഷ്യം, ഇതിന് പിന്നിൽ മൂന്ന് ഉദ്ദേശങ്ങളാണ് പ്രധാനമായും ഉണ്ടായിരുന്നത്. ഒന്ന്, സേനയ്ക്ക് ആവശ്യമായ മോട്ടിവേഷൻ ലഭ്യമാക്കുക എന്നത്, രണ്ട് ആവശ്യമായ സമയം ലഭ്യമാക്കുക എന്നത്, മൂന്ന് അല്ലീഡ് ആയ രാജ്യങ്ങളെ കാര്യങ്ങളുടെ ഭീകര വശം ബോധ്യപ്പെടുത്തുക എന്നത്. ഇവിടെ നിന്നുമാണ് എയ്റ്റ് ഹൺഡ്രഡ് മുന്നേറുന്നത്, നല്ലൊരു നൈസ് പോപ്കോൺ എന്റർടെയ്‌നർ.

Verdict : Good

DC Rating : 3.75/5 

996. The Coffin In The Mountain (2014)

Director : Yukun Xin

Genre : Mystery

Rating : 7.7/10

Country : China

Duration : 119 Minutes

🔸നോൺ ലീനിയർ ശൈലിയിൽ ഒരുക്കുന്ന ത്രില്ലർ ചിത്രങ്ങൾ പലപ്പോഴും വലിയ ഗാമ്പിൾ ആയി മാറാറുണ്ട്, അതിന് ഉദാഹരണങ്ങൾ അനവധി ഉണ്ട് താനും. ത്രില്ലിംഗ് എലെമെന്റുകൾക്കും മറ്റുമായി ഫോക്കസ് ഷിഫ്റ്റ് ചെയ്യുമ്പോൾ ലോജിക് പ്രശ്നങ്ങൾ പലയിടത്തും കടന്ന് വരാറുണ്ട്. ഇവിടെയാണ് കോഫിൻ ഇൻ ദി മൗണ്ടൻ എന്ന ചൈനീസ് ത്രില്ലർ ചിത്രം വ്യത്യസ്തം ആവുന്നത്. അടുത്തിടെ ഏറ്റവും കൂടുതൽ ആസ്വദിച്ച് കണ്ട ത്രില്ലർ ചിത്രങ്ങളിൽ ഒന്നാണ് പ്രസ്തുത ചിത്രം. മികച്ച പ്രകടനങ്ങളും മനോഹരമായ ബാക്ക്ഗ്രൗണ്ടും എല്ലാം ചിത്രത്തിന്റെ ഭംഗി കൂട്ടുന്നെ ഉള്ളൂ താനും.

🔸ഒരു ഉൾനാടൻ ചൈനീസ് ഗ്രാമത്തിലാണ് സിനിമ ആരംഭിക്കുന്നത്, ഗ്രാമത്തിന്റെ പുറത്ത് ഒരു ശവം കണ്ടെത്തുന്നിടത്ത് ചിത്രം ചൂട് പിടിക്കുന്നു. ഈ ശവം ആരുടെ ആണെന്നത് തുടക്കത്തിൽ വ്യക്തം ആവുന്നില്ല എങ്കിലും സംഭവം ഒരു സാധാരണ മരണമല്ല കൊലപാതകമാണ് എന്നത് വ്യക്തമാണ്. തിരിച്ചറിയാൻ കഴിയാത്ത വിധം ശവത്തെ ബോധപൂര്വമോ അല്ലാതെയോ വികൃതം ആക്കിയിട്ടുണ്ട്. ഈ ശവത്തെ ചുറ്റിപറ്റി മൂന്ന് കഥകളാണ് സിനിമയിൽ ഉള്ളത്, ഇവ പലപല പോയിന്റുകളിൽ ഇന്റർസെക്റ്റ് ചെയ്യുന്നുമുണ്ട്.

🔸ഇവിടെ ശ്രദ്ധിക്കേണ്ട ഒരു കാര്യം എന്താണെന്നാൽ ഒരേ സമയത്തോ അല്ലെങ്കിൽ സീക്വൻഷ്യൽ ഓർഡറിലോ അല്ല ചിത്രം മുന്നോട്ട് പോവുന്നത് എന്നതാണ്, അതായത് ഒരു കഥയുടെ എൻഡിങ് മറ്റൊന്നുമായി കണക്റ്റ് ആവുന്നത് ചിലപ്പോൾ രണ്ടാമത് പറഞ്ഞതിന്റെ മിഡിൽ പോർഷനിലോ അല്ലെങ്കിൽ തുടക്കത്തിലോ ഒക്കെ ആവാം, അതായത് റിപ്പീറ്റ് വാച്ച് ചിലപ്പോൾ ആവശ്യം വന്നേക്കാവുന്ന ചിത്രമാണ് ഇത് എന്ന് തന്നെ. രണ്ട് കപ്പിള്സിന്റെ പ്രണയവും അതിനെ തുടർന്ന് അവരുടെ നാട്ടിൽ നിന്നുള്ള ഒളിച്ചോട്ടവും ഒക്കെയാണ് ആദ്യ കഥയുടെ പ്ലോട്ട്, ഈ യാത്രയ്ക്കിടയിൽ ഒരു ദുരന്തം ഇവർക്ക് അഭിമുഖീകരിക്കേണ്ടി വരുന്നിടത്ത് കഥ ചെറുതായി ഒന്ന് ട്രാക്ക് മാറ്റുന്നു.

🔸രണ്ടാമത്തെ കഥയിൽ വിഷയം വിവാഹേതര പ്രണയവും പക പോക്കലും ഒക്കെയാണ്, ആദ്യ ഭാഗത്തെ കഥയിൽ മുഖം കാണിച്ച ചില കഥാപാത്രങ്ങളെ നമുക്ക് ഈ ഭാഗത്തും കാണാൻ കഴിഞ്ഞേക്കും, ഇവിടെ അവരുടെ മോട്ടീവ് നമ്മൾ പ്രതീക്ഷിച്ചത് ആയിരിക്കില്ല എന്ന് മാത്രം. ഈ ഭാഗത്തിന് ശേഷം വേറെയും സെഗ്മെന്റ് ചിത്രത്തിൽ ഉണ്ട്, തല്ക്കാലം അതിലേക്ക് കടക്കുന്നില്ല. മനോഹരമായ രീതിയിൽ ഇഴ ചേർത്ത് അവതരിപ്പിച്ച രീതി വെച്ച് അമ്പരപ്പിച്ച ചിത്രമാണ് കോഫിൻ ഇൻ ദി മൗണ്ടൻ. ത്രില്ലർ മിസ്റ്ററി ഹു ഡൺ ഇറ്റ് ആരാധകർക്ക് ധൈര്യമായി സമീപിക്കാം.

Verdict : Very Good

DC Rating : 4.25/5 

995. Before The Rain (1994)

Director : Milcho Manchevski

Genre : Drama

Rating : 8/10

Country : Macedonia

Duration : 113 Minutes

🔸ഇതുവരെ കടന്ന് ചെന്നിട്ടില്ലാത്ത ഒരു രാജ്യത്ത് നിന്ന്, സംസ്കാരത്തിൽ നിന്ന്, ഭാഷയിൽ നിന്ന് ഒരു ചിത്രം, മാസിഡോണിയയിൽ നിന്നും ഓസ്കർ ഉൾപ്പെടെയുള്ള വേദികളിലേക്ക് അയക്കപ്പെട്ട, ലോകത്താകമാനം ഇറങ്ങിയ ചിത്രങ്ങളിൽ ഏറ്റവും മികച്ചവയിൽ ഒന്നായി പല നിരൂപക സിംഹങ്ങളും കാഴ്ചക്കാരും എല്ലാം വാഴ്ത്തിയ ഒരു സിനിമ, ബീഫോർ ദി റെയ്ൻ. മൂന്ന് സെഗ്മെന്റുകളായി കഥ പറയുന്ന ചിത്രത്തിൽ ആദ്യത്തെ രണ്ടെണ്ണം വ്യത്യസ്തമായ കഥകളും, മൂന്നാമത്തേത് ഇവ രണ്ടിനെയും കൂട്ടിയിണക്കുന്ന സെഗ്മെന്റുമാണ്.

🔸ഒരു പള്ളി പരിസരത്താണ് ചിത്രം ആരംഭിക്കുന്നത്, ആദ്യ ഭാഗത്തിൽ കേന്ദ്ര കഥാപാത്രമായി എത്തുന്നത് പള്ളിയിലച്ചനായ കിറി ആണ്. പ്രായം വെച്ച് യൗവനത്തിൽ എത്തി നിൽക്കുന്ന ഒരാളാണ് കിറി, മറ്റ് അച്ഛന്മാരൊക്കെ അത്യാവശ്യം നല്ല പ്രായം ആയവരും കാര്യ പരിചയം ഉള്ളവരും ഒക്കെയാണ്. കിറി തന്റെ പഠനവും പ്രാർത്ഥനയും മറ്റ് പരിപാടികളും ഒക്കെയായി സ്വസ്ഥ സമാധാനത്തോടെ മുന്നോട്ട് പോയി കൊണ്ടിരിക്കെ ആണ് ഒരു പ്രത്യേക സംഭവം അവിടെ ഉണ്ടാവുന്നത്. ഈ സംഭവമാണ് കഥയെ ആകെമാനം മാറ്റി മറിക്കുന്നത്.

🔸സംഭവം വേറൊന്നുമല്ല, ഒരുനാൾ തന്റെ പ്രാർത്ഥനാ കാര്യങ്ങളും മറ്റും കഴിഞ്ഞ് തിരിച്ച് മുറിയിൽ എത്തിയ കിറി കാണുന്നത് ഇരുട്ടിൽ നിഴൽ പറ്റി ഒരു പെൺകുട്ടി നിൽക്കുന്നതാണ്. സ്വാഭാവികമായും ആദ്യം ഒന്ന് വിരണ്ടു എങ്കിലും താമസിയാതെ കാര്യങ്ങളെ പറ്റി ഒരറിവ് അയാൾക്ക് ലഭിക്കുകയാണ്. എന്നാൽ ഈ പെൺകുട്ടിയുമായി ബന്ധപ്പെട്ട സംഭവങ്ങളുടെ അപകടകരമായ അവസ്ഥയെ പറ്റി അവന് പൂർണ ബോധ്യം വരുന്നത് പിറ്റേ ദിവസം തോക്കുകളുമായി അവളെ അന്വേഷിച്ച് മൂന്ന് പേർ പള്ളിമേടയിൽ എത്തുമ്പോഴാണ്, അവർക്ക് അവളെ കൊല്ലണമത്രേ.

🔸ഇവിടെ നിന്നുമാണ് ആദ്യ കഥ ആരംഭിക്കുന്നത്, രണ്ടാമത്തെ കഥയും പ്രണയവുമായി ബന്ധപ്പെട്ടത് തന്നെയാണ് പക്ഷെ കഥ അരങ്ങേറുന്നത് തീർത്തും വ്യത്യസ്തമായ ഒരു പശ്ചാത്തലത്തിൽ വെച്ചാണ്, ലണ്ടനിൽ വെച്ച്. ഈ രണ്ട് അൺറിലേറ്റഡ് എന്ന് തോന്നിപ്പിക്കുന്ന കഥകൾ മനോഹരമായി മൂന്നാം ഭാഗത്തിൽ കണക്റ്റ് ചെയ്യപ്പെടുന്നുണ്ട്. ബീറ്റർസ്വീറ്റ്‌ എന്നൊക്കെ വിശേഷിപ്പിക്കാവുന്ന ഒന്നാണ് ഈ ചിത്രം, പക്ഷെ വളരെ മികച്ചതാണ് എന്ന കാര്യത്തിൽ യാതൊരു സംശയവും വേണ്ട, തീർച്ചയായും കാണാൻ ശ്രമിക്കുക, ഈ ചിത്രം.

Verdict : Must Watch

DC Rating : 4.75/5 

994. Lunana A Yak In The Classroom (2020)

Director : Pawo Choyning Dorji

Genre : Drama

Rating : 7.9/10

Country : Bhutan

Duration : 111 Minutes

🔸ഈ കാലയളവിനിടെ ഒരുപാട് രാജ്യങ്ങളിലെ സിനിമകൾ കണ്ടിട്ടുണ്ട് എങ്കിലും സിനിമ കാരണം ആ രാജ്യം സന്ദർശിക്കണം എന്ന് തോന്നിയത് വളരെ അപൂർവമായാണ്. അത്തരത്തിൽ ഒരു രാജ്യമാണ് ഭൂട്ടാൻ, മറ്റ് ചിലത് തുർക്കി, റഷ്യ എന്നിവയും. ഭൂട്ടാനീസ് സിനിമകൾ അധികം ഒന്നും കണ്ടിട്ടില്ല, ഓർമയിൽ ഉള്ള ചിലത് റെഡ് ഫാലസ്, ഹനിഗിവർ എമംഗ് ഡോഗ്സ്, ഹേമ ഹേമ പോലുള്ള ചില ചിത്രങ്ങളാണ്. ഈ സിനിമകളിൽ എല്ലാമുള്ള പൊതുവായ ഒരു ഘടകം ഗ്രാമീണ ഭംഗി അവതരിപ്പിക്കുന്നതിൽ ഉള്ള മികവ് ആണ്, ലുണാനയിൽ എത്തുമ്പോൾ അത് വർദ്ധിക്കുന്നേ ഉള്ളൂ താനും.

🔸ഭഠാനിൽ നിന്നും ഇന്റർനാഷണൽ ഫീച്ചർ ഫിലിം വിഭാഗത്തിൽ ഓസ്‌കാറിന്‌ അയക്കപ്പെടുന്ന രണ്ടാമത്തെ ചിത്രമാണ് ലുണാന, ആദ്യത്തേത് മറ്റൊരു കിടിലൻ ചിത്രമായ ദി കപ്പ് തന്നെ, കണ്ടിട്ടില്ല എങ്കിൽ അതും കാണുന്നത് നന്നാവും, വർത്ത് ആണ്. ഭുറ്റാനിൽ ജനിച്ച് വളർന്ന, ഒരു പരിധി വരെ ആ ഗ്രാമ പ്രദേശങ്ങളിൽ ജീവിച്ച, അതിന് പുറത്തുള്ള ലോകത്തെ കുറിച്ച് സങ്കൽപ്പങ്ങൾ അല്ലാതെ മറ്റൊന്നും ഇല്ലാത്ത യുവത്വത്തിന്റെ പ്രതീകമാണ് നായകനായ യുജിൻ. സ്വന്തം രാജ്യത്തെ കുറിച്ചും അവിടെയുള്ള ദൈനംദിന ജീവിതത്തെ പറ്റിയും വലിയ മതിപ്പ് ഒന്നും യുജിന്നിന് ഇല്ല എന്നതാണ് സത്യം.

🔸യജിന്നിനെ സംബന്ധിച്ചിടത്തോളം അയാളുടെ ഏറ്റവും വലിയ സ്വപ്നം എന്നത് ഭൂട്ടാൻ വിട്ട് ഓസ്‌ട്രേലിയയിലേക്ക് കുടിയേറി പാർക്കണം എന്നതും പിന്നീടുള്ള ജീവിതം അവിടെ കെട്ടി പടുക്കണം എന്നതുമാണ്. ആ പിന്നെ പറയാൻ വിട്ടുപോയി ഭൂട്ടാനിൽ ഒരു ചെറിയ നിയമമുണ്ട്, അതായത് ആവശ്യമായ വിശ്യാഭ്യാസ യോഗ്യതകൾ ഉള്ള ഒരാളാണ് നിങ്ങൾ എങ്കിൽ കർശനമായും ഒരു വർഷം അവരുടെ പുതിയ വിദ്യാഭ്യാസ പ്രൊജക്ടിൽ സേവനം അനുഷ്ഠിക്കണം എന്ന നിയമം, ഒരു വർഷമാണ് സേവന കാലാവധി. തങ്ങളുടെ ജനങ്ങൾക്ക്, കുട്ടികൾക്ക് വിദ്യാഭ്യാസം ഉറപ്പ് വരുത്തുക എന്നതാണ് ഇതിന്റെ ലക്‌ഷ്യം.

🔸ഈ ഒരു സർവീസിൽ നിന്നും രക്ഷപ്പെടാൻ യൂജിൻ പരമാവധി ശ്രമിച്ചു എങ്കിലും കാര്യങ്ങൾ അയാളുടെ കയ്യിൽ നിന്നില്ല. ഒടുവിൽ പോട്ടെ പണ്ടാരം എന്ന് കരുതി ഇറങ്ങി തിരിച്ചപ്പോഴാണ് അടുത്ത അടി, പുള്ളിക്ക് സർവീസ് ലുണാന എന്ന ഒരു മലയോര ഗ്രാമത്തിലാണ്, നഗരത്തിൽ നിന്നും മാറി വണ്ടി പോലും കടന്ന് ചെല്ലാത്ത ഒരു മലമ്പ്രദേശം. ആകെ കൂടി ഇടി വെട്ടിയവനെ പാമ്പ് കടിച്ച അവസ്ഥ ആയെങ്കിലും മറ്റ് മാർഗമില്ലാതെ യൂജിൻ അവിടേക്ക് യാത്ര തിരിക്കുകയാണ്. സ്റ്റോറി ലൈൻ ഒക്കെ കണ്ട് പരിചയിച്ചത് ആണെങ്കിലും വളരെ ബ്യുട്ടിഫുൾ ആയൊരു സിനിമയാണ് ലുണാന, അത് കൊണ്ട് തന്നെ പിടിച്ചിരുത്തി കളയും, കഴിയുമെങ്കിൽ കാണാൻ ശ്രമിക്കുക.

Verdict : Good

DC Rating : 3.75/5 

993. Default (2018)

Director : Choi Kook-Hee

Genre : Drama

Rating : 6.6/10

Country : South Korea

Duration : 114 Minutes

🔸കൊറിയൻ സാമ്പത്തിക മാന്ദ്യത, തൊണ്ണൂറുകളിൽ ഏഷ്യയിൽ ഒക്കെ വലിയ രീതിയിൽ സംസാര വിഷയമായ, മാർക്കറ്റുകളെയും ഇന്വെസ്റ്റ്മെന്റുകളെയും എല്ലാം നല്ല തോതിൽ ബാധിച്ച ഒരു ക്രൈസിസ് ആയിരുന്നു. നമ്മൾ ഇന്ത്യക്കാർ അധികം ആ സംഭവത്തെ കുറിച്ച് അറിഞ്ഞിരിക്കാൻ സാധ്യത ഇല്ലെങ്കിലും നല്ലൊരു ഉദാഹരണം നമ്മുടെ കണ്മുന്നിൽ തന്നെയുണ്ട്, ഉദ്ദേശം 12 വർഷങ്ങൾക്ക് മുൻപ് ഉണ്ടായ സാമ്പത്തിക ആഗോള മാന്ദ്യം. അത്യാവശ്യം കഷ്ടപ്പെട്ട് തന്നെ നമ്മൾ കരകേറിയ ആ പ്രതിസന്ധി ഒരുപാട് മോശപ്പെട്ട ഓർമ്മകൾ നമുക്ക് നല്കിയിട്ടാണ് പോയത്.

🔸ഈ കൊറിയൻ ഫിനാൻഷ്യൽ ക്രൈസിസ് ആണ് ഡിഫോൾട്ട് എന്ന ചിത്രത്തിന്റെ ബേസ്, ഒരു ഡ്രാമ എന്ന് ജോണർ ഡിവിഷൻ നമുക്ക് നൽകാം എങ്കിലും സത്യത്തിൽ മൂന്ന് കഥകളുടെ ഒരു സമാഹാരമാണ് ചിത്രം. കൃത്യമായി മൂന്ന് തട്ടുകളിൽ ഉള്ള ആളുകളുടെ കഥയാണ് ചിത്രം പറയുന്നത്, താഴെത്തട്ടിൽ ഉള്ള സാധാരണക്കാരായ കച്ചവടക്കാർ, ഇടനിലക്കാരായ വ്യാപാരികൾ, ഹൈ ലെവലിൽ നിൽക്കുന്ന സാമ്പത്തികമായും മറ്റും മുന്നിട്ട് നിൽക്കുന്ന ഗവണ്മെന്റ് ഒഫിഷ്യലുകൾ തുടങ്ങി എല്ലാ രീതിയിൽ ഉള്ളവരെയും ഈ ഒരു സംഭവം എങ്ങനെ ബാധിച്ചു എന്ന് സിനിമ കാണിക്കുന്നുണ്ട്.

🔸ആദ്യത്തെ കഥയിൽ പ്രധാന കഥാപാത്രം ഒരു സാധാരണക്കാരനാണ്, ഒരു ബിസിനസ് കമ്പനിയുടെ ഇട നിലക്കാരനായി നിന്ന് കൊണ്ട് തന്റെ കച്ചവടം ഉഷാറാക്കാൻ ശ്രമിക്കുന്ന ഒരാൾ. ഒരുനാൾ നല്ലൊരു ഡീലിൽ ഇറങ്ങിയ ടിയാൻ താമസിയാതെ തന്നെ ട്രാപ്പ് ആവുകയാണ്, ആശ്രിത കമ്പനി അടച്ച് പൂട്ടേണ്ടി വരുമ്പോൾ കസ്റ്റമേഴ്സിന് മുന്നിലേക്ക് എറിഞ്ഞ് കൊടുക്കപ്പെടുന്നത് ഇയാളാണ്. രണ്ടാമത്തെ കഥയിലെ കഥാപാത്രം മാന്ദ്യം ഒരു അവസരമായി എടുക്കുന്ന ആളാണ്, നാടൊട്ടുക്കും ഉള്ള ആളുകൾ തങ്ങളുടെ വസ്തു വകകൾ വിറ്റ് ഒഴിവാക്കാൻ ശ്രമിച്ചപ്പോൾ ഇയാൾ ഒരു ശ്രമം മുന്നിൽ കണ്ട് ഇറങ്ങുകയാണ്.

🔸മന്നാമത്തെ കഥ ഗവണ്മെന്റ് അധികാരികളുടെ ലെവെലിലാണ് കഥ പറയുന്നത്, മാന്ദ്യം എന്നത് സാധ്യതയിൽ നിന്നും അനിവാര്യതയിലേക്ക് എത്തുമ്പോൾ ഏത് വിധേനയും അത് ഒഴിവാക്കാനായി ശ്രമിക്കുകയാണ് ഈ കഥാപാത്രങ്ങൾ, ഇവിടെ കഥ ഏറെക്കുറെ പൂർണമായും ഓഫീസ് മുറികളിലും കോൺഫറൻസ് ഹോളുകളിലും ഒക്കെയായാണ് മുന്നേറുന്നത്. ഒരു പൊളിറ്റിക്കൽ ഡ്രാമ എന്നൊക്കെ പറയാം ഈ ഭാഗത്തെ, ആകെ മൊത്തം നോക്കുക ആണെങ്കിൽ ത്രില്ലിംഗ് എലെമെന്റുകളോ സസ്പെൻസോ ഒന്നും പ്രതീക്ഷിക്കരുത്, അതൊന്നുമില്ലാതെ ഒരു തവണ കണ്ട് വിടാവുന്ന കൊറിയൻ ഡ്രാമ ചിത്രം, അത് മാത്രമാണ് ഡിഫോൾട്ട്.

Verdict : Good

DC Rating : 3.5/5 

992. Creepy (2016)

Director : Kiyoshi Kurosawa

Genre : Thriller

Rating : 6.3/10

Country : Japan

Duration : 130 Minutes

🔸സൈക്കോപാത്ത് ആയ കഥാപാത്രവും അയാളെ ചുറ്റി പറ്റിയുള്ള എഡ്ജ് ഓഫ് ദി സീറ്റ് ടൈപ്പ് ത്രില്ലറും എല്ലാം ഇഷ്ട്ടപ്പെടുന്ന ആളാണ് നിങ്ങൾ എങ്കിൽ ക്രീപി നല്ല ഒന്നാംക്‌ളാസ്സ് ഒരു സജഷൻ ആയിരിക്കും. പ്രത്യേകിച്ചും സൈക്കോ കഥാപാത്രങ്ങളുടെ ഒരുപാട് വേർഷനുകൾ നമ്മൾ പല ഭാഷകളിലും കണ്ടിട്ടുണ്ട്, ഇവ മിക്കതും ഒരേ രീതി തന്നെ പിന്തുടർന്ന് അരോചകം ആവാറുണ്ട്, ആ ഒരു സ്റ്റേജ് കൂടി പരിശോധിക്കുമ്പോൾ നല്ലൊരു വ്യൂവിങ് എക്സ്പീരിയൻസ് ഈ ചിത്രം ഗ്യാരന്റീ ചെയ്യുന്നുണ്ട് എന്ന് പറയാം. ജാപ്പനീസ് ഭാഷയിൽ പുറത്തിറങ്ങിയ ചിത്രം ഇതിനോടകം തന്നെ പല അന്താരാഷ്ട്ര വേദികളിൽ നിന്നും മികച്ച അഭിപ്രായങ്ങൾ നേടിയിട്ടുണ്ട്.

🔸ജാപ്പനീസ് ഭാഷയിൽ പുറത്തിറങ്ങിയ ബെസ്റ്റ് സെല്ലിങ് നോവലുകളിൽ ഒന്ന് ആധാരമായി വന്ന ചിത്രത്തിന് എടുത്ത് പറയത്തക്കതായി രണ്ട് സവിശേഷതകൾ ഉണ്ട്, രണ്ടും മുകളിൽ സൂചിപ്പിച്ച സൈക്കിക് കഥാപാത്രത്തെ ചുറ്റിപ്പറ്റിയാണ്, അത് കൊണ്ട് തന്നെ ഒന്നും അറിയാതെ കാണാൻ നിങ്ങൾ ആഗ്രഹിക്കുന്നുണ്ട് എങ്കിൽ ഇവിടെ നിന്ന് മടങ്ങി പോകാവുന്നതും അത് അണ്ടർസ്റ്റാൻഡബിളുമാണ്. ആദ്യമേ തന്നെ ഒരു സൈക്കിക്ക് വില്ലൻ കഥാപാത്രം എന്ന് കേൾക്കുമ്പോൾ, കുറഞ്ഞത് നമ്മുടെ ചില സിനിമകൾ കണ്ട അനുഭവത്തിൽ പറയാം സെന്റിമെന്റൽ ആയ ഒരു ബാക്കസ്റ്റോറിയും ഇമോഷണൽ രംഗങ്ങളും എല്ലാം പ്രതീക്ഷിക്കാം.

🔸രണ്ടാമത്തെ കാര്യം അയാളുടെ ചെയ്തികൾക്കും ഒരു കാരണം മിക്ക ചിത്രങ്ങളും കാണിക്കാറുണ്ട്, ഈ കാര്യങ്ങൾ മിക്ക സന്ദര്ഭങ്ങളിലും അരോചകമായി തോന്നാറുണ്ട്, ഭാഗ്യത്തിന് അങ്ങനെയുള്ള അനാവശ്യ ഡീറ്റെയിലിങ് ഒന്നും ഈ ചിത്രത്തിന് ഇല്ല, മുതിരുന്നുമില്ല ആവശ്യം വരുന്നുമില്ല. കൊയ്ച്ചി എന്ന നമ്മുടെ കേന്ദ്ര കഥാപാത്രം ക്രിമിനോളജിയിൽ ലക്ച്ചറർ ആയി ജോലി ചെയ്യുന്ന ആളാണ്, പുള്ളി കുറച്ച് കാലം മുന്നേ സേനയിൽ ഡിറ്റക്ടീവ് ആയിരുന്നു, പിന്നീട് വിരമിച്ച ശേഷമാണ് പുതിയ ജോലി ഏറ്റെടുത്തത്. ഈ ജോലിയുടെ ഭാഗമായി അയാളും കുടുംബവും പുതിയ ഒരു സ്ഥലത്ത് താമസിക്കാൻ എത്തുകയാണ്.

🔸ഈ ഒരു പശ്ചാത്തലത്തിൽ രണ്ട് കാര്യങ്ങൾ അരങ്ങേറുന്നുണ്ട്, ഒന്ന് വർഷങ്ങൾക്ക് മുൻപുള്ള ഒരു തിരോധാന കേസ് കൊയ്ച്ചി വീണ്ടും അന്വേഷിക്കേണ്ടി വരുന്നുണ്ട്, ഒരു കുടുംബത്തിലെ മൂന്ന് പേരെയാണ് കാണാതായത്. രണ്ടാമത്തെ കാര്യം കൊയ്ച്ചിയുടെ ഭാര്യ അയൽക്കാരെ പരിചയപ്പെടാൻ പോവുന്നതും അവരിൽ നിന്ന് അവർക്ക് ചില മോശം പ്രതികരണങ്ങൾ നേരിടേണ്ടി വരുന്നതുമാണ്. ഈ രണ്ട് സംഭവങ്ങളുടെയും പിന്നാമ്പുറത്തേക്ക് ആണ് കഥ കടന്ന് ചെല്ലുന്നത്. ഒരു വൺ ടൈം വാച്ചിനുള്ള നല്ലൊരു ഓപ്‌ഷൻ ആണ് ക്രീപി, താല്പര്യം തോന്നുന്നെങ്കിൽ കാണാൻ ശ്രമിക്കുക.

Verdict : Good

DC Rating : 3.75/5 

991. Cows (1992)

Director : Julio Medem

Genre : Drama

Rating : 7.1/10

Country : Spain

Duration : 96 Minutes

🔸ഉദ്ദേശം ആറ് പതിറ്റാണ്ടോളം ഉള്ള കാലം, മൂന്ന് തലമുറകളിലൂടെ കടന്ന് പോവുന്ന അത്യാവശ്യം എപിക് എന്നൊക്കെയുള്ള വിശേഷണം അർഹിക്കുന്ന സ്പാനിഷ് ചിത്രമാണ് കൗസ്. ഒരു വ്യക്തിയിൽ മാത്രം ഒതുങ്ങി നിൽക്കാതെ ഈ മൂന്ന് തലമുറകളിലെയും ഓരോ കഥാപാത്രങ്ങളിലൂടെ കഥ പറഞ്ഞ് പോവുന്ന ചിത്രം വേറിട്ട ഒരനുഭവം തന്നെയാണ് കാഴ്ചക്കാർക്കായി ഒരുക്കി വെച്ചിരിക്കുന്നത്, വളരെ യുണീക് ആയ ഒരു ശൈലി ആണെന്ന് പറയാം ചിത്രത്തിന്റേത്. പത്തൊൻപതാം നൂറ്റാണ്ടിന്റെ അവസാന ക്വർട്ടറിൽ ആണ് കഥ ആരംഭിക്കുന്നത്.

🔸സപെയിൻ എന്ന രാജ്യത്തിൻറെ ചരിത്രത്തിൽ നിർണ്ണായകമായ ഒരു അധ്യായമായി മാറിയ മൂന്നാം കാർലിസ്റ്റ് യുദ്ധ കാലത്താണ് സിനിമ ആരംഭിക്കുന്നത്. രണ്ട് പക്ഷങ്ങളും തമ്മിലുള്ള രക്ത രൂഷിതമായ യുദ്ധം എല്ലാ അതിർവരമ്പുകളും കടന്ന് രൂക്ഷമായ അവസ്ഥയിലേക്ക് കടന്നിരിക്കുകയാണ്. ഇത്തരത്തിൽ ഒരു യുദ്ധ മുഖത്ത് വെച്ചാണ് നാട്ടുകാരായ കർമലോയും മാനുവലും കണ്ട് മുട്ടുന്നത്. നാട്ടിൽ ഇരുവരും അയൽക്കാരും സുഹൃത്തുക്കളും ആയിരുന്നു. ഇരുവരും സൗഹൃദ സംഭാഷണത്തിൽ ഏർപ്പെട്ടിരിക്കുന്ന സമയത്താണ് വീണ്ടും പോർ കാഹളം മുഴങ്ങുന്നത്.

🔸നിർഭാഗ്യകരം എന്ന് പറയാം മാനുവലിനെ രക്ഷിക്കാൻ ഉള്ള ശ്രമത്തിനിടെ കാര്മലോയ്ക്ക് വെടിയേൽക്കുകയാണ്. പൊതുവെ ഭീരുവായ മാനുവൽ മരിക്കാറായ കർമലോയെ ഉപയോഗിച്ച് കഷ്ടിച്ച് രക്ഷപ്പെടുകയാണ്. കർമലോയെ പിന്നീട് നമ്മൾ കാണുന്നില്ല, അയാൾ മരിച്ചിരിക്കണം. കഷ്ടപ്പെട്ട് രക്ഷപ്പെട്ട മാനുവൽ നാട്ടിലേക്ക് മടങ്ങുന്നിടത്താണ് സിനിമ ആരംഭിക്കുന്നത്. പിന്നീട് അരങ്ങേറുന്ന ഒരുപാട് ചെയിൻ ഓഫ് ഇവന്റുകൾക്ക് വഴി വെക്കുന്നത് ഈ ഒരു സംഭവമാണ്.

🔸മാനുവലിന്റെ ഈ ഭീരുത്വം കാരണവും, കാര്മലോയുടെ മരണം കാരണവും ആ രണ്ട് കുടുംബങ്ങളും പരസ്പരം അത്ര രസത്തിൽ അല്ലാതാവുകയാണ്. ഈ കുടുംബത്തിലെ മൂന്ന് തലമുറയുടെ പിന്നീടുള്ള ദശാബ്ദങ്ങൾ നീണ്ടു നിന്ന ജീവിതമാണ് ചിത്രത്തിന്റെ പ്ലോട്ട്. മൂന്നാം കാർലിസ്റ്റ് യുദ്ധം തൊട്ട് മുപ്പതുകളിൽ സിവിൽ വാർ വരെയുള്ള ഒരുപാട് പ്രധാനപ്പെട്ട സംഭവങ്ങൾ ചിത്രത്തിന്റെ ഭാഗമായി വരുന്നുണ്ട്. ഒരു കിടിലൻ സിനിമയാണ് കൗസ്, എപിക് സ്കെയിലിൽ ഉള്ള സ്റ്റോറി ടെല്ലിങ്ങും, ഇന്റെരെസ്റ്റിംഗ് ആയി തോന്നിയ കഥാപാത്രങ്ങളും എല്ലാം ചേർന്ന് ഒരു മികച്ച അനുഭവം തന്നെ സിനിമ ഒരുക്കി വെക്കുന്നുണ്ട്, അപ്പോൾ തീർച്ചയായും കാണാൻ ശ്രമിക്കുക.

Verdict : Very Good

DC Rating : 4/5 

990. Godfather Coda - The Death Of Michael Corleone (2020)

Director : Francis Ford Coppola

Genre : Crime

Rating : 7.6/10

Country : USA

Duration : 158 Minutes

🔸ഗോഡ്ഫാദർ സീരീസ് കണ്ട ഏതൊരാളോട് ചോദിച്ചാലും കേൾക്കാൻ സാധ്യത ഉള്ള ഒരഭിപ്രായമാണ്, സീരീസിലെ ഏറ്റവും മോശം എൻട്രി മൂന്നാമത്തേത് ആണ് എന്നത്. ശെരിയാണ്, ആദ്യ രണ്ട് ഭാഗങ്ങളെയും വെച്ച് നോക്കുമ്പോൾ മൂന്നാം ഭാഗത്ത് കെട്ടുറപ്പ് എന്നത് കുറവാണ്, അനാവശ്യം എന്ന് തോന്നിപ്പിച്ച പല സീനുകളും, സബ്പ്ലോട്ടുകളും എല്ലാം കടന്ന് വന്നിട്ടുണ്ട്. എന്തിനധികം, ഫാൻ ഫേവറൈറ്റ് ആയ പല കഥാപാത്രങ്ങളെയും പാടെ ഒഴിവാക്കുകയോ, കഥയിൽ കൊല്ലുകയോ ചെയ്തിട്ടുണ്ട്, പുതുതായി എത്തിയ സോഫിയ കൊപ്പോള ഉൾപ്പെടെ ഉള്ളവരുടെ പ്രകടനം വളരെ വീക്കുമാണ്.

🔸ഇങ്ങനെ ചികഞ്ഞെടുക്കാൻ നിന്നാൽ ഒട്ടനവധി കാര്യങ്ങൾ നമുക്ക് പ്രശ്നങ്ങളായി കണ്ടെത്താം, അതിനാൽ തന്നെ യുണിവേഴ്സലി അംഗീകരിച്ച വീക്കെസ്റ്റ് എൻട്രി എന്ന വാദം തള്ളിക്കളയാൻ പറ്റില്ല. പക്ഷെ ആദ്യ രണ്ട് ഭാഗങ്ങൾ ഒഴിവാക്കിയാൽ, ഇത്രയും പഴി അർഹിക്കുന്ന ചിത്രമാണോ മൂന്നാം ഭാഗം എന്നത് സംശയമാണ്. സത്യത്തിൽ മൈക്കൽ കോർലിയോണിന്റെ കഥയ്ക്ക് കൊടുക്കാൻ പറ്റിയ, ആ കഥാപാത്രത്തിന്റെ അത് വരെയുള്ള യാത്രയോട് ചേർന്ന് നിൽക്കുന്ന അവസാനമാണ് ഇവിടെ നൽകിയിരിക്കുന്നത്. പേഴ്സണലി സീരീസിലെ ഏറ്റവും ഇഷ്ട്ടപ്പെട്ട രംഗം ഉള്ളതും ഈ മൂന്നാം ഭാഗത്തിൽ തന്നെയാണ്.

🔸അപ്പൊ പിന്നെ ഈ കോഡ കട്ടിന്റെ പ്രസക്തി എന്താണ് എന്ന് ചോദിച്ചാൽ, അവതരണം ഒന്ന് കൂടി സ്ട്രോങ്ങ് ആകുന്നുണ്ട് എന്ന് പറയാം. തുടക്കവും ഒടുക്കവും ചില വ്യത്യാസങ്ങൾ ഉണ്ട്, പഴയ കട്ടിന്റെ ഓർമ ശെരി ആണെങ്കിൽ സീനുകളുടെ ഓർഡറിൽ ചെറിയ മാറ്റങ്ങളുണ്ട്, ദൈർഘ്യം ചെറുതായി ഒന്ന് കുറച്ചിട്ടുണ്ട്, ഇതൊക്കെയാണ് വന്ന മാറ്റങ്ങൾ. ഇവ കഥയെ ഇമ്പ്രൂവ് ചെയ്യുന്നുണ്ടോ എന്നാണ് ചോദ്യമെങ്കിൽ അതിനും മാത്രം മാറ്റം ഒന്നും അവിടെ വരുന്നില്ല എന്ന് പറയാം, പിന്നെ ആൻഡി ഗാർഷ്യയുടെ കഥാപാത്രത്തോട് കുറച്ച് കൂടി അറ്റാച്ച്മെന്റ് തോന്നി എന്ന് പറയാം.

🔸കോർലിയോൺ കുടുംബത്തിലെ ഏറ്റവും ഇളയവനായ മൈക്കൽ സാഹചര്യങ്ങൾ കാരണം മാഫിയ ബിസിനസ് ഏറ്റെടുക്കേണ്ടി വരുന്നതും മറ്റുമൊക്കെ ആയിരുന്നു സീരീസിന്റെ ആദ്യ രണ്ട് ഭാഗങ്ങൾ എങ്കിൽ ഇവിടെ ഫോക്കസ് അയാളുടെ വീഴ്ചയാണ്, മരണം വരെയുള്ള ആ ഒരു യാത്രയാണ് ആധാരം. ഗോഡ്ഫാദർ സീരീസ് കണ്ട് തുടങ്ങിയിട്ടില്ലാത്തവർക്ക് താല്പര്യം ആണെങ്കിൽ ഈ കട്ട് മുന്നത്തെതിനെ അപേക്ഷിച്ച് കാണാവുന്നതാണ്, പുരോഗതിയുണ്ട്, സ്വാഭാവികമായും ആദ്യത്തെ രണ്ടെണ്ണം കാണേണ്ടതുണ്ട്. ഹെവിലി അണ്ടർ ലുക്ക്ഡ് ആയൊരു ചിത്രത്തിന് കുറച്ച് കൂടി പരിഗണന കിട്ടാൻ ഈ വേർഷൻ സഹായിച്ചേക്കും എന്നതിനാൽ സന്തോഷം മാത്രം.

Verdict : Very Good

DC Rating : 4/5 

989. No Fathers In Kashmir (2019)

Director : Ashvin Kumar

Genre : Drama

Rating : 7.1/10

Country : India

Duration : 110 Minutes

🔸കാശ്മീർ എന്നത് നമ്മുടെ രാജ്യത്തെ സംബന്ധിച്ച് എല്ലാ കാലത്തും ഒരല്പം പ്രശനം സൃഷ്ട്ടിച്ച മേഖല ആയിരുന്നു. രാഷ്ട്രീയ കാരണങ്ങൾ കൊണ്ടായാലും, ശത്രു രാജ്യങ്ങളുടെ അൺറസ്റ്റ് കാരണമായാലും, തീവ്രവാദ സംഘടനകളുടെ ഇരച്ച് കയറൽ കൊണ്ടായാലും ശെരി കഴിഞ്ഞ എട്ട് പതിറ്റാണ്ടുകളായി ഇന്ത്യയുടെ ആ ഭാഗം എന്നും വാർത്തകളിൽ നിറഞ്ഞ് നിന്നിരുന്നു. ഈ കാര്യം എഴുതുന്ന ഈ നിമിഷവും അവിടത്തെ കാര്യങ്ങൾ അത്ര ആശാവഹമല്ല, തല്ക്കാലം അതിലേക്ക് ഒന്നും കടക്കുന്നില്ല. നോ ഫാതെർസ്‌ ഇൻ കാശ്മീർ എന്ന ചിത്രം സത്യത്തിൽ അവിടേക്കുള്ള ഒരു എത്തിനോട്ടമാണ്, ഒരു രാജ്യമെന്ന കുടയ്ക്ക് കീഴിൽ ആണെങ്കിലും നമുക്ക് തീർത്തും അപരിചിതമായ ഒരിടത്തേക്ക് ഉള്ള എത്തിനോട്ടം.

🔸പലപ്പോഴും ചിന്തിച്ചിട്ടുണ്ട് ഈ പ്രശ്നങ്ങൾ എല്ലാം അരങ്ങേറുമ്പോഴും അവിടുള്ള ജനങ്ങളുടെ അവസ്ഥ എന്തായിരിക്കും എന്നത്. ഒരുപക്ഷെ കഴിഞ്ഞ പതിറ്റാണ്ടുകളായി നിലനിന്ന അരക്ഷിതാവസ്ഥ അവരുടെ ജീവിതത്തിന്റെ ഭാഗമായി മാറിയിരിക്കാം, അല്ലെങ്കിൽ മനുഷ്യ കുലത്തിന്റെ ഉദയം തൊട്ടുള്ള ശീലമായ അഡാപ്പ്റ്റീവ് പവർ അവർ ഉപയോഗിച്ചിരിക്കാം. എന്ത് തന്നെ ആയാലും ഏതെങ്കിലും രീതിയിൽ അവരുടെ ജീവിതത്തെ മോശമായി ബാധിച്ചിരിക്കാം എന്ന കാര്യത്തിൽ സംശയം ഏതുമില്ല. അത്കൊണ്ട് തന്നെയാണ് ആ കഥയുടെ പ്രസക്തി കൂടുന്നതും അത് അവതരിപ്പിക്കപ്പെടേണ്ട കാര്യ കാരണങ്ങൾ കുമിഞ്ഞ് കൂടപ്പെടുന്നതും.

🔸ശക്തമായ ഒരു വിഷയം ബാക്ക്ഗ്രൗണ്ടിൽ ഉണ്ടെങ്കിൽ കൂടിയും അത് അവതരിപ്പിക്കാൻ ചിത്രം ഉപയോഗിച്ചിരിക്കുന്നത് ഒരു ടീനേജ് ഫ്രണ്ട്ഷിപ്പ് ഡ്രാമയാണ്. പതിനാറ് കാരിയായ നൂർ കാശ്മീരിലേക്ക്, തന്റെ പൂർവികരുടെ മണ്ണിലേക്ക് മടങ്ങി എത്തുകയാണ്. തന്റെ മുത്തച്ഛനേയും മുത്തശ്ശിയേയും ആദ്യമായി കാണുക എന്നത് അവളുടെ പ്രാഥമിക ഉദ്ദേശം ആയിരുന്നെങ്കിലും താമസിയാതെ തന്നെ അതെല്ലാം അവളുടെ അച്ഛനിലേക്ക് കൺവെർജ് ചെയ്യുകയാണ്. തീർത്തും നിർഭാഗ്യകരമായ ഒരു അവസ്ഥയിലാണ് അയാൾ അവളെയും കുടുംബത്തെയും വിട്ട് പോയത്, തുടർന്നുള്ളത് ചില അന്വേഷണങ്ങളാണ്. ഞെട്ടിപ്പിക്കുന്ന പല വസ്തുതകളിലേക്കും വിരൽ ചൂണ്ടിയേക്കാവുന്ന ഒരന്വേഷണം.

🔸ഈ യാത്രയ്ക്ക് ഇടയിലാണ് നൂർ, മജീദിനെ കണ്ട് മുട്ടുന്നത്, അവിടെ നിന്നും ഒരു സൗഹൃദം കൂടി ഉടലെടുക്കുകയാണ്. തുടർന്ന് ഈ രണ്ട് കഥാപാത്രങ്ങളും നടത്തുന്ന യാത്രയും ശേഖരിക്കുന്ന വിവരങ്ങളും എല്ലാം കാണിച്ച് കൊണ്ട് സിനിമ മുന്നോട്ട് പോവുന്നു. കാശ്മീർ എന്ന മേഖലയെ, പ്രത്യേകിച്ചും അവിടത്തെ ജനങ്ങളുടെ കഥ, അവരുടെ വ്യൂ പോയിന്റിലൂടെ കാണിച്ച് കൊണ്ടുള്ള സിനിമകൾ ഇനിയും വരണം എന്ന പക്ഷക്കാരനാണ് ഞാൻ, പക്ഷെ ഈ ചിത്രത്തിലെ പോലെ അല്ലാതെ വേണം എന്നുമുണ്ട്. ചിത്രം മോശം ആണെന്നല്ല മറിച്ച് ക്രിസ്പ് ആയ ഒരു ഫോക്കസ് ഉള്ളത് പോലെ അനുഭവപ്പെട്ടില്ല, പലതും ചിന്നി ചിതറി പോയത് പോലെ, എന്തായാലും കണ്ട് നോക്കുക.

Verdict : Watchable

DC Rating : 3/5 

988. Why Has Bodhi Dharma Left For The East? (1989)

Director : Bae Yong-Kyun

Genre : Drama

Rating : 7.5/10

Country : South Korea

Duration : 144 Minutes

🔸മന്ദാല എന്ന ചിത്രത്തെ പറ്റി പറഞ്ഞത് പോലെ തന്നെ ബുദ്ധിസം ആധാരമായുള്ള സിനിമകളും മറ്റ് മീഡിയകളും തേടിയുള്ള അന്വേഷണമാണ് ട്രെഷർ ആയി മറഞ്ഞ് കിടന്ന ഈ ചിത്രത്തിൽ കൊണ്ട് ചെന്നെത്തിച്ചത്. ബോധി ധർമ എന്ന പേരാണ് സത്യത്തിൽ ആദ്യം ചിത്രത്തിലേക്ക് ആകർഷിച്ചത് എങ്കിൽ പോലും ലിറ്ററൽ ആയി മാത്രം ഉപയോഗിച്ചു എന്നറിവ് ഒരംശം പോലും നിരാശപ്പെടുത്തിയില്ല, കാരണം ഞാൻ കണ്ട മികച്ച സിനിമകളിൽ ഒന്നാണ് ഈ ചിത്രം, അതിനേക്കാൾ മികച്ച ഒരു അനുഭവം അല്ലെങ്കിൽ മെഡിറ്റേറ്റിവ് എക്സ്പീരിയൻസ് കൂടിയാണ്.

🔸സെൻട്രൽ ഏഷ്യയിലോ, അല്ലെങ്കിൽ ചില രേഖകളും ഊഹങ്ങളും ശെരി ആണെങ്കിൽ തെന്നിന്ത്യയിൽ തന്നെയോ ജനിച്ച ബോധി ധർമ്മൻ എങ്ങനെ അല്ലെങ്കിൽ എന്തിന് ചൈനയിൽ എത്തി എന്നത് ഉത്തരം ലഭിക്കാത്ത ഒരു ചോദ്യമാണ്. അദ്ദേഹത്തിന് ഉണ്ടായ അനുഭവങ്ങളും, തേടി നടന്ന ചോദ്യങ്ങൾക്കുള്ള ഉത്തരങ്ങളും എല്ലാം മറ്റ് ചില വ്യക്തത ഇല്ലാത്ത സംഭവങ്ങൾ. ഇത് പോലൊക്കെ തന്നെ ഒരുപാട് ഉത്തരമില്ലാത്ത ചോദ്യങ്ങളാണ് ഈ സിനിമ, പ്രധാനമായും രണ്ടെണ്ണത്തിലേക്ക് വരാം. അമ്മയുടെ ഉദരത്തിൽ പിറക്കുന്നതിന് മുന്നേ നമ്മൾ ആരായിരുന്നു എന്നതും, മരണശേഷം നമ്മൾ ആരായി തീരുന്നു എന്നതുമാണ് ചോദ്യങ്ങൾ.

🔸ഒരുപക്ഷെ മനുഷ്യ രാശിയുടെ ഉദ്ഭവം തൊട്ട് തന്നെ ചോദിച്ച് ശീലമായ രണ്ട് ചോദ്യങ്ങൾ, മനുഷ്യ രാശിയുടെ അവസാനം വരെയും, അതിന് ശേഷവും ഉത്തരം ലഭിക്കാൻ സാധ്യതയില്ലാത്ത ചോദ്യങ്ങൾ. ഇവയ്ക്ക് രണ്ടിനും ഒരു വിശദീകരണം ഒന്നും ചിത്രം തരുന്നില്ല, ശ്രമിക്കുന്നുമില്ല, പിന്നെ എന്താണ് ഈ ചിത്രമെന്ന് ചോദിക്കാം. ഒരു യുവാവായ ഭിക്ഷുവും, കുട്ടിയും, വൃദ്ധനായ ഒരു ഭിക്ഷുവിന്റെ അടുത്തേക്ക് എത്തുന്നതും തുടർന്ന് നേടുന്ന അറിവുകളും കാര്യങ്ങളും ഒക്കെയാണ് ചിത്രം. മൂന്ന് മണിക്കൂറിന് അടുത്ത് ദൈർഘ്യമുണ്ട്, കഥ ആവശ്യപ്പെടുന്ന രീതിയിലുള്ള പെയ്സ് മാത്രം പ്രതീക്ഷിച്ചാൽ മതി, അത് ഇവിടെ പെർഫക്റ്റുമാണ്.

🔸തന്റെ ജീവിതത്തിൽ പൂർണ ശാന്തി കൈവരിച്ച, അതിന്റെ രഹസ്യങ്ങൾ മനസിലാക്കിയ ആളാണ് വൃദ്ധനായ ഭിക്ഷു. മരണത്തോട് അടുത്ത് കൊണ്ടിരിക്കുന്ന അദ്ദേഹത്തിൽ നിന്നും അറിവ് നേടണം എന്ന ആഗ്രഹത്തിലാണ് നമ്മുടെ കഥാപാത്രം മലമുകളിലെ അയാളുടെ താമസ സ്ഥലത്തേക്ക് എത്തുന്നത്. അവിടെ വെച്ച് അവർക്ക് ലഭിക്കുന്നത് അറിവിനേക്കാൾ അനുഭവങ്ങളാണ് എന്ന് പറയാം, അതിലേക്ക് ഒക്കെയാണ് ചിത്രം കടന്ന് ചെല്ലുന്നത്. അവിസ്മരണീയമായ അനുഭവമാണ് ഈ ചിത്രം, എല്ലാ അർത്ഥത്തിലും.

Verdict : Must Watch

DC Rating : 5/5 

987. Mandala (1981)

Director : Im Kwon-Taek

Genre : Drama

Rating : 7.4/10

Country : South Korea

Duration : 117 Minutes

🔸ധാരാളം കേട്ട് അറിഞ്ഞ പരിചയം ഉണ്ടെങ്കിലും ഇന്നേവരെ ഒട്ടും ശ്രദ്ധ കൊടുക്കാഞ്ഞ ഒരു മേഖല അല്ലെങ്കിൽ ഭാഗം ആയിരുന്നു ബുദ്ധിസത്തിന്റേത്. ഈ വിഷയത്തെ ആധാരമാക്കി കണ്ട ലേഖനങ്ങളിൽ കണ്ട ചില പേരുകളിൽ ഒന്നാണ് മന്ദാല എന്ന സൗത്ത് കൊറിയൻ ചിത്രം. സ്പിരിച്വൽ എലെമെന്റുകളും മറ്റുമൊക്കെ ധാരാളമുള്ള ഈ ചിത്രം സത്യത്തിൽ അത്ഭുതമായിരുന്നു, പ്രത്യേകിച്ചും ഇത് സൃഷ്ടിക്കപ്പെട്ടത് കൊറിയ പോലെ ത്രില്ലർ സിനിമകൾക്ക് പേര് കേട്ട ഒരു ഇൻഡസ്ട്രിയിൽ നിന്നാണല്ലോ എന്ന അത്ഭുതം, പിന്നെ കൈകാര്യം ചെയ്ത വിഷയവും ആ അവതരണ ഭംഗിയും എല്ലാം കൊണ്ട്.

🔸കൊറിയയിലെ നഗരത്തിൽ നിന്ന് മാറി ഒരു ഗ്രാമ പ്രദേശത്ത് ഒരു ബസ് യാത്ര കാണിച്ച് കൊണ്ടാണ് സിനിമ ആരംഭിക്കുന്നത്, പൊതുവെ ബസിൽ ആളുകൾ അധികമില്ല, അവർക്ക് ഇടയിൽ ഒരു ബുദ്ധ ഭിക്ഷു ഇരിപ്പുണ്ട്. പുള്ളി ആണെങ്കിൽ തന്റെ ചിന്തകളും മറ്റുമായി ധ്യാനത്തിൽ എന്ന പോലെ ഇരിപ്പാണ്. ആ സമയത്താണ് ബസിലേക്ക് രണ്ട് പോലീസുകാർ കടന്ന് വരുന്നത്, യുദ്ധകാല അന്തരീക്ഷം എന്ന പോലെ സുരക്ഷാ ക്രമീകരണങ്ങളും പരിശോധനയും എല്ലാം കുറച്ച് കർശനമാണ്. നമ്മുടെ ഭിക്ഷുവിന്റെ അടുത്തെത്തിയ പോലീസുകാർ കാര്യമായ പ്രശനം ഒന്നും ഉണ്ടാക്കാതെ മടങ്ങി പോയി.

🔸ആ ബസിൽ മറ്റൊരു ബുദ്ധ ഭിക്ഷു കൂടി ഉണ്ടായിരുന്നു, എന്നാൽ പുള്ളി ഒരു സന്യാസ വര്യന്റെ മട്ടും ഭാവവും, പെരുമാറ്റ സവിശേഷതകളും, ക്ഷമയും, കാരുണ്യവും ഒന്നും ഇല്ലാത്ത ഒരാളായിരുന്നു. സ്വാഭാവികമായും ടിയാൻ പോലീസുമായി ഉണ്ടാക്കുകയും, പോലീസ് പുള്ളിയെ വണ്ടിയിൽ നിന്നെടുത്ത് പുറത്തിടുകയും ചെയ്യുന്നുണ്ട്. മറ്റ് യാത്രക്കാർ യാത്ര തുടരാൻ തയാറാവുന്നുണ്ട് എങ്കിലും ആദ്യം സൂചിപ്പിച്ച കഥാപാത്രം പുള്ളിയെ സഹായിക്കാനായി അവിടെ ഇറങ്ങി പോലീസ് സ്റ്റേഷനിലേക്ക് കടന്ന് ചെല്ലുകയാണ്. ഒരു ബന്ധത്തിന്റെ തുടക്കം അവിടെ നിന്ന് ആരംഭിക്കുകയാണ്.

🔸സറ്റേഷനിൽ നിന്നും ജാമ്യത്തിന്റെ അടിസ്ഥാനത്തിൽ പുള്ളിയെ രക്ഷപ്പെടുത്തുന്നുണ്ട് എങ്കിലും രണ്ട് കഥാപാത്രങ്ങളും വിധി ഉണ്ടെങ്കിൽ എവിടെ വെച്ചെങ്കിലും കണ്ട് മുട്ടാം എന്ന വാക്കിന്മേൽ പിരിയുകയും പിന്നീട് വർഷങ്ങൾക്ക് ശേഷം കണ്ട് മുട്ടുകയും ചെയ്യുന്നു. ഈ രണ്ടാമത്തെ കണ്ട് മുട്ടലിലാണ് കഥ ആരംഭിക്കുന്നത്, ക്ലാഷ് ഓഫ് ഐഡിയോളജിസ് എന്നൊക്കെ പറയുന്നത് പോലെ അതൊക്കെ തന്നെയാണ് സിനിമ, സംഭാഷണങ്ങളിലൂടെ ആണ് കഥ പുരോഗമിക്കുന്നതും. പോസിറ്റിവ് നെഗറ്റിവ് ആർഗ്യുമെന്റുകൾ നൽകി വിഷയത്തെ നല്ല രീതിയിൽ അവതരിപ്പിക്കുന്നുണ്ട് മണ്ടാല, മികച്ച ഒരു ചിത്രം തന്നെ.

Verdict : Very Good

DC Rating : 4/5 

986. Blow The Man Down (2019)

Director : Bridget Savage Cole

Genre : Drama

Rating : 6.4/10

Country : USA

Duration : 91 Minutes

🔸മിക്ക സിനി ഫൈൽസിന്റെയും റഡാറിന് അടിയിൽകൂടി പോയ, അധികം ആരുടേയും ശ്രദ്ധയിൽ പെടാതിരുന്ന ഒരു നല്ല ചിത്രത്തെയാണ് ഈ ഭാഗത്ത് ഉൾപ്പെടുത്തിയിരിക്കുന്നത്, ബ്ലോ ദി മാൻ ഡൗൺ. ഒരു ഗ്രാമത്തിന്റെ പശ്ചാത്തലത്തിൽ കഥ പറഞ്ഞ് പോകുന്ന ചിത്രം ഡ്രാമ ജോണറിൽ മാത്രം ഒതുങ്ങി നിൽക്കാതെ ചില സമയത്ത് ബാരിയർ ബ്രെയ്ക് ചെയ്ത് കൊണ്ട് ത്രില്ലർ ആയും മാറുന്നുണ്ട്, എന്നാൽ ഒട്ടും തന്നെ ഫോസ്ഡ് ആയ ഫീലോ മടുപ്പോ തരാത്തിടത്താണ് സ്പെഷ്യൽ ആയി മാറുന്നതും. സ്ട്രീമിങ്ങിന് ആമസോൺ പ്ലാറ്റ്‌ഫോമിൽ ചിത്രം ലഭ്യമാണ്, താല്പര്യം ഉള്ളവർക്ക്.

🔸പരിസ്‌കില, മേരി ബെത് എന്നിവർ രണ്ടുപേരും സഹോദരിമാരാണ്. അത്ര രസത്തിൽ അല്ലാത്ത ഇരുവരും കുറച്ചധികം നാളുകൾക്ക് ശേഷമാണ് ഒത്തുകൂടുന്നത്. പക്ഷെ ഒട്ടും ആസ്വാദ്യകരമായ ഒരു ചുറ്റുപാടിൽ ആയിരുന്നില്ല ഈ ഒത്തുചേരൽ, രണ്ട് പേരുടെയും അമ്മ മരണമടഞ്ഞിരിക്കുകയാണ്. ഒരു രീതിയിൽ പറയുക ആണെങ്കിൽ രണ്ട് സഹോദരിമാരെയും കൂട്ടി ഇണക്കുന്ന, ഒരു നേർ രേഖയിൽ കൊണ്ടുവരുന്ന അവസാനത്തെ കണ്ണിയും വിട പറഞ്ഞിരിക്കുകയാണ്. അവസാനത്തെ ചടങ്ങുകൾ കൂടി കഴിഞ്ഞാൽ എല്ലാം പൂർണ്ണം.

🔸എന്നാൽ ഈ ഒരു പശ്ചാത്തലത്തിൽ പോലും രണ്ട് പേർക്കും ഇടയിൽ ഒരു ഈഗോ ക്ലാഷ് ഉണ്ടാവുകയാണ്, അതാണെങ്കിൽ അതിര് കടന്ന് പോവുകയും ചെയ്യുന്നു. ഇവരിൽ ഒരാൾ വീട് വിട്ട് പോവുന്നിടത്ത് കാര്യങ്ങൾ അവസാനിക്കും എന്നാണ് കരുതിയത് എങ്കിലും വിധി എന്നത് രണ്ട് സഹോദരിമാരെയും വീണ്ടും കൂട്ടി ഇണക്കുകയാണ്, പക്ഷെ അതിന് ഒരു കൊലപാതകം വേണ്ടി വന്നു എന്നതാണ് ട്രാജഡി. ബാറിൽ വെച്ച് മേരി ബെത് പരിചയപ്പെട്ട ഗോർസ്കി എന്ന കഥാപാത്രമാണ് കൊല്ലപ്പെട്ടിരിക്കുന്നത്. മനഃപൂർവമുള്ള കൊലപാതകമല്ല മറിച്ച് സാഹചര്യം കാരണം സ്വയരക്ഷയ്ക്ക് വേണ്ടി ചെയ്യേണ്ടി വന്നതാണ്, എന്തായാലും സംഭവം നടന്ന് കഴിഞ്ഞു, നിയമത്തിന് മുന്നിൽ പ്രതിയുമാണ്.

🔸ഈ ഒരു സാഹചര്യത്തിൽ പിന്നീട് എന്ത് സംഭവിക്കും എന്നതാണ് സിനിമ ഉന്നയിക്കുന്ന ചോദ്യം. ആഫ്റ്റർ ഓൾ ബ്ലഡ് റിലേഷൻ എന്നത് വളരെ ശക്തമായ ഒരു ബോണ്ട് ആണ്, പ്രത്യേകിച്ചും ഇത് പോലുള്ള നിർഭാഗ്യകരമായ സംഭവങ്ങൾ അരങ്ങേറുമ്പോൾ. തുടർന്ന് എന്ത് സംഭവിക്കും എന്നത് കണ്ട് തന്നെ അറിയുക. കഥ കൊണ്ടായാലും പ്രകടനം കൊണ്ടായാലും വിശ്വൽസ് കൊണ്ടായാലും നല്ലൊരു ചിത്രമാണ് ബ്ലോ ദി മാൻ ഡൗൺ, വളരെ തൃപ്തികരമായ എൻഡിങ് കൂടി ആവുമ്പോൾ ഓൾ ഗുഡ്.

Verdict : Very Good

DC Rating : 4/5 

985. The Last Dance (2020)

Director : Jason Hehir

Genre : Documentary

Rating : 9.2/10

Seasons : 01

Episodes : 10

Duration : 48 - 50 Minutes

🔸ബാസ്കറ്റ്ബോൾ എന്ന കായിക ഇനം നമ്മൾ ഇന്ത്യക്കാർക്ക് ഇടയിൽ വലിയ പ്രചാരം ഉള്ളതല്ല, ഈ പറഞ്ഞ സ്റ്റേറ്റ്മെന്റ് കംപേർ ചെയ്ത് കൊണ്ടാണ് പറഞ്ഞത് എന്ന് മനസിലാക്കുക. അതായത് അമേരിക്ക പോലുള്ള രാജ്യങ്ങളെ ഒക്കെ നോക്കുമ്പോൾ ബാസ്കറ്റ്ബോൾ എന്നത് ഒരു വികാരമായ സ്പോർട്ടിങ് ഇവന്റ് ആണ്, എൻബിഎ എന്നത് അവിടത്തെ ഏറ്റവും പ്രചാരമുള്ള മത്സര മേളവും. ഈ മത്സരം മുൻകാലങ്ങളിൽ കണ്ടപ്പോഴെല്ലാം സപ്പോർട്ട് ചെയ്തത് മിയാമി ഹീറ്റ് എന്ന ടീമിനെ ആയിരുന്നു, എന്നാൽ ഈ ഡോക്യുമെന്ററി പറയുന്നത് മറ്റൊരു ടീം ആയ ചിക്കാഗോ ബുൾസിന്റെ കഥയാണ്. ഒരുപക്ഷെ ബാസ്കറ്റ്ബോളിന്റെ ചരിത്രത്തിലെ ഏറ്റവും എപിക് ടീമുകളിൽ ഒന്നിന്റെ കഥ.

🔸ചിക്കാഗോ ബുൾസിന്റെ കഥ പറഞ്ഞ് തുടങ്ങുക ആണെങ്കിൽ അത് മൈക്കൽ ജോർദാന്റെ കൂടിയാണ്, കുറഞ്ഞത് കഴിഞ്ഞ ഒരു മൂന്ന് പതിറ്റാണ്ടുകൾ എങ്കിലും കണക്കിൽ എടുക്കുമ്പോൾ, അത്ര മേൽ പരസ്പര ബന്ധിതമാണ് ആ ചരിത്രം. ജോർദാന്റെ കളി വർഷങ്ങൾക്കിപ്പുറം ഫൂട്ടേജ് കണ്ടതല്ലാതെ ലൈവ് ആയി കണ്ട അനുഭവം ഒന്നുമില്ല, കളി കണ്ട അനുഭവത്തിൽ പറയാം, ആരാധകർ ചാർത്തിക്കൊടുത്ത എയർ ജോർദാൻ എന്ന പേര് അദ്ദേഹത്തിന് അലങ്കാരം മാത്രമല്ല അർഹതയും അഹങ്കാരവും ഒക്കെയാണ്.

🔸ലാസ്റ്റ് ഡാൻസ് എന്ന പേര് വെറുതെ അങ് ചേർത്തതോ പറഞ്ഞ് ശീലിച്ചതോ അല്ല, അതിന് പിന്നിൽ ഒരു ഐതിഹാസികമായ കഥ കൂടിയുണ്ട്. തൊണ്ണൂറുകൾ എന്ന കാലഘട്ടം ചിക്കാഗോ ബുൾസിനെ സംബന്ധിച്ചിടത്തോളം അവരുടെ ഗോൾഡൻ ഏജ് തന്നെ ആയിരുന്നു, തൊണ്ണൂറ്റി രണ്ട് തൊട്ട് തുടർച്ചയായി ആറ് ട്രോഫി നേടിയ അവർ തങ്ങളുടെ ഇൻവിസിബിൾ റണ്ണിന്റെ അവസാന ഭാഗത്ത് എത്തിയിരുന്നു ഈ ഡോക് തുടങ്ങുമ്പോൾ. തങ്ങളുടെ വൺസ് ഇൻ എ ജെനറേഷൻ സൂപ്പർസ്റ്റാർ ഉൾപ്പെടെ എല്ലാവരും കരിയറിന്റെ അവസാനത്തോട് അടുത്തിരിക്കുന്ന കാലം.

🔸അങ്ങനെ ടീം ഒന്നായി ഒരു ട്രാന്സിഷനിലേക്ക് കടക്കുന്നതിന് മുന്നേയുള്ള അവസാനത്തെ വർഷമായിരുന്നു കഥ നടക്കുന്ന വർഷം. ഒരു ലെജൻഡറി ടീമിന്റെ, ഒരു ലെജൻഡറി ജെനെറേഷന്റെ, ഒരു ഇൻവിസിബിൾ ടീമിന്റെ ലാസ്റ്റ് ഡാൻസ്. ഒരു മണിക്കൂറിന് അടുത്ത് ദൈർഘ്യം ഉള്ള പത്ത് എപ്പിസോഡിൽ എത്തിയ ലാസ്റ്റ് ഡാൻസ് നിങ്ങളെ ഇമോഷണൽ ആക്കിയിരിക്കും, രോമാഞ്ചം കൊള്ളിച്ചിരിക്കും, ആഫ്റ്റർ ഓൾ സ്പോർട്സ്, അതേത് കളിയോ ആയിക്കോട്ടെ അതിനോട് വീണ്ടും ഒരു പ്രത്യേക താല്പര്യം ജനിപ്പിച്ചിരിക്കും. ഞാൻ കണ്ട ഏറ്റവും മികച്ച സ്പോർട്സ് ഡോക്കുകളിൽ ഒന്ന്, മടിച്ചിരിക്കാതെ കണ്ട് നോക്കു, കിടിലനാണ്.

Verdict : Must Watch

DC Rating : 4.5/5 

984. Bellbird (2019)

Director : Hamish Bennett

Genre : Drama

Rating : 6.3/10

Country : New Zealand

Duration : 96 Minutes

🔸നയു സീലൻഡിൽ നിന്നും മികച്ച നിരൂപക പ്രശംസ നേടി അന്താരാഷ്ട്ര വേദികളിലേക്ക് എത്തിയ ബെൽബേർഡ് എന്ന ഈ ചിത്രം ഒരു കാരണവശാലും എല്ലാവര്ക്കും ഞാൻ ശുപാർശ ചെയ്യില്ല, അതിന് ഒന്ന് രണ്ട് കാരണങ്ങളുണ്ട്. ഒന്ന് അത്യാവശ്യം നല്ല സ്ലോ ആയ ഒരു ഡ്രാമ ചിത്രമാണ് ബെൽബേർഡ്, എല്ലാവര്ക്കും രസിക്കണം എന്നില്ല. രണ്ടാമത്തെ കാരണം സ്റ്റോറി പ്രോഗ്രഷനെക്കാളൊക്കെ ഒരു മെഡിറ്റേറ്റിങ് എക്സ്പീരിയൻസ് നൽകുന്ന ചിത്രമാണ് ബെൽബേർഡ്, അതല്ലാതെ അവകാശവാദം ഒന്നുമില്ല. ഈ രണ്ട് കാര്യവും ഓകെ ആണെങ്കിൽ മാത്രം ഈ വഴി പോയാൽ മതിയാവും.

🔸നയുസീലന്ഡിലെ കർഷക പശ്ചാത്തലം ഉള്ള ഗ്രാമ പ്രദേശത്ത് ജനിച്ച് വളർന്ന ആളാണ് സംവിധായകൻ, അത് കൊണ്ട് തന്നെ ഒരു രീതിയിൽ അദ്ദേഹം ഭൂത കാലത്തിന് നൽകുന്ന ഹോമേജ് കൂടിയാണ് ഈ ചിത്രം എന്ന് പറയാം. പലപ്പോഴും അബ്‌സർബ് ആയി കാണിക്കാറുള്ള അച്ഛൻ മകൻ ബന്ധത്തിന്റെ വളരെ നല്ലൊരു റിലേറ്റബിൾ ആയ അവതരണം കൂടിയാണ് ഈ ചിത്രം. ഇത് പോലുള്ള വളരെ ലൈറ്റ് ആയ മോമെന്റുകളാണ് ചിത്രത്തെ നല്ലൊരു ഡ്രാമയായി മാറ്റുന്നത്, വളരെ സിംപിൾ ആയ ഒരു ഡ്രാമ. ഒരു ഡയറി ഫാർമിന്റെ പശ്ചാത്തലത്തിലാണ് കഥ ആരംഭിക്കുന്നത്.

🔸നമ്മുടെ കേന്ദ്ര കഥാപാത്രമായ റോസ് ഒരു ഡയറി ഫാം കർഷകനാണ്, സ്വതവേ പരുക്കൻ മട്ട് ഒക്കെയുള്ള തന്റെ ജോലിയുടെ മഹത്വത്തെ അങ്ങേയറ്റം വില മതിക്കുന്ന ഒരു പ്രൗഡ് ഫാർമർ എന്ന് പറയാം. പുള്ളി തന്റെ മകനുമായി അത്ര അടുപ്പത്തിൽ ഒന്നുമല്ല, എന്തോ അവർ തമ്മിൽ ഒരു കണക്ഷൻ ഇല്ല എന്ന് പറഞ്ഞ് വിടാം. റോസിന്റെ നിഴൽ പോലെ നിൽക്കുന്ന കഥാപാത്രമാണ് ബെത്‌, വർഷങ്ങൾ കടന്നെത്തിയ, ഒരുപാട് തടസ്സങ്ങളും മറ്റും വിജയകരമായി അതിജീവിച്ച ഒരു കപ്പിൾ. ഇരുവരും തങ്ങളുടെ ശ്രദ്ധ പൂർണമായും കൃഷിയിലേക്ക് കൊണ്ടുവന്നിരിക്കുകയാണ്.

🔸ഇങ്ങനെ പോയി കൊണ്ടിരുന്ന കഥയിൽ ബെത് പൊടുന്നെന്നെ മരണത്തിന് കീഴടങ്ങുന്നതും അതിനെ തുടർന്ന് അച്ഛനും മകനും ഇടയിൽ ഉരുത്തിരിഞ്ഞ് വരുന്ന സംഭവങ്ങളും എല്ലാമാണ് കഥയുടെ പിന്നീടുള്ള ഡെവലപ്മെന്റ്. ഈ മൂന്ന് കഥാപാത്രങ്ങൾക്കും പുറമെ നല്ല കഥാപാത്രങ്ങ ഒട്ടനവധി വേറെയുമുണ്ട് ചിത്രത്തിൽ, എല്ലാം നല്ല വ്യക്തിത്വങ്ങൾ ഉള്ളവ. അപ്പൊ പറഞ്ഞ് വന്നത്, താല്പര്യം ഉണ്ടെങ്കിൽ, അതും ഡ്രാമ സ്ലോ ബിൽഡ് ജോണറിൽ താല്പര്യം ഉണ്ടെങ്കിൽ നിങ്ങൾക്ക് കാണാവുന്നതാണ്. 

Verdict : Good

DC Rating : 3.5/5 

983. Beasts That Cling To The Straw (2020)

Director : Kim Yong-Hoon

Genre : Thriller

Rating : 7/10

Country : South Korea

Duration : 109 Minutes

🔸ഈ വർഷം പുറത്തിറങ്ങിയ നല്ല കൊറിയൻ ത്രില്ലർ ചിത്രങ്ങളുടെ ഒരു ലിസ്റ്റ് എടുത്താൽ അതിൽ ഒന്ന് ബീസ്റ്റ്സ് ദാറ്റ് ക്ളിങ് റ്റു ദി സ്ട്രോ എന്ന ചിത്രം ആയിരിക്കും, യാതൊരു സംശയവും ഇല്ലാതെ പറയാൻ കഴിയുന്ന ഒരു കാര്യം. കഥയിലേക്ക് വരിക ആണെങ്കിൽ ഇന്റർ കണക്റ്റഡ് ആയ കുറച്ച് കഥാപാത്രങ്ങളും അവരുടേതായ ഇന്റിവിദ്വൽ കഥകളും എല്ലാം ചേർന്ന് ത്രിൽ അടിപ്പിച്ച് കൊണ്ട് തന്നെയാണ് സിനിമ മുന്നോട്ട് പോവുന്നത്, ഒരു എപ്പിസോഡിക് ഫോർമാറ്റ് ചിത്രം ഉപയോഗിച്ചിരിക്കുന്നതായി കാണാം.

🔸ആറ് ഭാഗങ്ങളായി ആണ് കഥ ഒരുക്കിയിരിക്കുന്നത്, ഒരു ജിംനേഷ്യത്തിലെ നോക്കി നടത്തിപ്പുകാരനായ കഥാപാത്രത്തിന് ഒരുനാൾ ഒരു ബാഗ് ജോലി സ്ഥലത്ത് വെച്ച് കളഞ്ഞ് കിട്ടുകയാണ്. സ്വാഭാവികമായും അതിന്റെ ഉള്ളടക്കം അയാൾ പരിശോധിക്കുകയും, അത് കണ്ട് അക്ഷരാർത്ഥത്തിൽ അമ്പരന്ന് പോവുകയും ചെയ്യുകയാണ്. അയാൾ ആ ബാഗിൽ കാണുന്നത് വേറൊന്നുമല്ല, ഒരായുസ്സിൽ സ്വയം സമ്പാദിക്കാൻ കഴിയാത്ത അത്രയും വലിയ ഒരു തുക. ഈ പണം എന്ത് ചെയ്യണം എന്ന കാര്യത്തിൽ അയാൾക്ക് ഒരെത്തും പിടി കിട്ടുന്നില്ലെങ്കിലും തൽക്കാലത്തേക്ക് ആ ബാഗ് മാറ്റി വെക്കുകയാണ്.

🔸എന്ത് കൊണ്ടോ ഈ കഥാപാത്രത്തിന് ആ ബാഗ് ലഭിച്ചിടത്ത് തിരികെ വെക്കാനോ ഉടമസ്ഥനെ അന്വേഷിച്ച് ചെല്ലാനോ തോന്നുന്നില്ല, എന്നാൽ ഒട്ട് തന്റെ ആവശ്യം നിറവേറ്റാനായി അത് കൈക്കലാക്കാനോ ഉപയോഗിക്കാനോ തോന്നുന്നുമില്ല, ആകെ കൂടി ത്രിശങ്കുവിൽ പെട്ട അവസ്ഥ. ഈ കഥാപാത്രത്തിന് ആണെങ്കിൽ ധാരാളം പ്രാരാബ്ധങ്ങളും ആവശ്യങ്ങളും ഒക്കെ ഉണ്ട് താനും. ഇതേ സമയം മറ്റൊരിടത്ത് ഈ പണ സഞ്ചിയുമായി ബന്ധപ്പെട്ട മറ്റൊരു കഥ ചുരുൾ നിവർത്തുക ആയിരുന്നു. ഇവിടെ കഥാപാത്രങ്ങൾ വ്യത്യസ്ത പശ്ചാത്തലത്തിൽ ഉള്ളവരാണ്, എല്ലാവരെയും ഒന്നിപ്പിക്കുന്ന ഘടകം പണത്തിന്റെ ആവശ്യം മാത്രം.

🔸മന്നേ പറഞ്ഞത് പോലെ തന്നെ ഈ പണം അടങ്ങിയ ബാഗിനെ ഒരു മൿഗ്ഫിൻ അല്ലെങ്കിൽ പ്ലോട്ട് ഡിവൈസ് ആയി കാണിച്ച് കൊണ്ടാണ് സിനിമ പുരോഗമിക്കുന്നത്. നോൺ ലീനിയർ ശൈലിയിൽ ഒക്കെയാണ് സിനിമ പുരോഗമിക്കുന്നത് എങ്കിലും ഓവർ കോമ്പ്ലിക്കേഷൻ ഒന്നും തന്നെയില്ല മറിച്ച് താല്പര്യം പിടിച്ച് നിർത്തുന്ന തോതിൽ ട്വിസ്റ്റുകളും ട്രണുകളും എല്ലാം കൃത്യമായ ഇടവേളയിൽ നൽകി കാഴ്ചക്കാരനെ രസിപ്പിക്കുന്നുണ്ട്. അപ്പോൾ തീർച്ചയായും കാണാൻ ശ്രമിക്കുക, നല്ലൊരു അനുഭവമാണ് ഈ ചെറിയ നല്ല കൊറിയൻ ചിത്രം.

Verdict : Very Good

DC Rating : 4/5 

982. Sound Of Metal (2020)

Director : Darius Marder

Genre : Drama

Rating : 7.3/10

Country : USA

Duration : 130 Minutes

🔸ഈ വർഷം ഇറങ്ങിയ മികച്ച ചിത്രങ്ങളുടെയോ അല്ലെങ്കിൽ ഓസ്കാർ പ്രെഡിക്ഷൻ പോസ്റ്റുകളിലോ ഒന്നും കാണാത്ത ഒരു ചിത്രം ആയിരുന്നു റിസ് അഹ്മദ് നായകനായ സൗണ്ട് ഓഫ് മെറ്റൽ. പക്ഷെ ഇന്ന് ഈ സിനിമ കണ്ട് കഴിഞ്ഞ വേളയിൽ ഒരു കാര്യം ഉറപ്പിച്ച് പറയാം ഈ വർഷം പുറത്തിറങ്ങിയ ചിത്രങ്ങളിൽ ഒരു വൈൽഡ് കാർഡ് അല്ലെങ്കിൽ ബ്ലാക്ക് ഹോഴ്സ് ഉണ്ടെങ്കിൽ അത് ഈ ചിത്രം തന്നെയാണ്. റിസ് അഹ്മദ് എന്ന നടനെ മുൻപ് തന്നെ ശ്രദ്ധിച്ചിട്ടുണ്ട്, കഴിവ് ഉള്ള ആളാണെന്ന് തോന്നിയിട്ടുമുണ്ട്, ആ തോന്നൽ ശെരി വെക്കുന്ന കഴിവിന്റെ എക്സ്റ്റന്റ് കാണിച്ച് തരുന്ന ഒന്നാണ് ഈ സിനിമയിലെ റൂബൻ എന്ന കഥാപാത്രം.

🔸റബൻ എന്ന കഥാപാത്രം ഒരു ഡ്രമ്മറാണ്, വലിയ ബാൻഡ് ഒന്നും അല്ലെങ്കിലും ലൗ എന്ന ഗേൾ ഫ്രണ്ടിനോടൊപ്പം മോശമില്ലാത്ത രീതിയിൽ തന്നെ അയാൾ പാട്ടും മറ്റുമൊക്കെയായി മുന്നോട്ട് പോവുന്നുണ്ട്. ഡ്രഗ് യുസേജിന്റെ ഒരു കറുത്ത അധ്യായം അയാളുടെ മുൻകാല ജീവിതത്തിൽ ഉണ്ടായിരുന്നു എങ്കിലും ഇന്ന് അതെല്ലാം തന്നെ അയാൾ മറികടന്നിരിക്കുന്നു. കഴിഞ്ഞ നാല് വർഷമായി റൂബൻ യാതൊരു വിധത്തിലുള്ള ലഹരി പദാർത്ഥങ്ങളും ഉപയോഗിച്ചിട്ടില്ല, നൂറ് ശതമാനം ക്ലീൻ ആയി ബാൻഡിന്റെ കാര്യങ്ങൾ നോക്കി ജീവിക്കുന്നു.

🔸ഇങ്ങനെ ഒരു പരിപാടിക്ക് ഇടെയാണ് ഒരു പ്രത്യേക സംഭവം അരങ്ങേറുന്നത്, ഒരു ഡ്രമ്മറെ സംബന്ധിച്ച് അല്ലെങ്കിൽ മ്യുസീഷ്യനെ സംബന്ധിച്ച് വലിയ പ്രാധാന്യം ഉള്ള ഒന്നാണ് ശബ്ദം, അയാളുടെ ശബ്ദം മാത്രമല്ല മറ്റുള്ളവരുടെ ശബ്ദവും അതിന് ഒത്തുള്ള പ്രകടനവും ഒക്കെ. റൂബൻ ഒരുനാൾ തീച്ചറിയുകയാണ് തനിക്ക് കേൾവി ശക്തി നഷ്ടപ്പെട്ടിരിക്കുകയാണ് എന്ന്, കണ്ണിൽ ഇരുട്ട് കയറുന്നത് പോലെയും ഇനി അങ്ങോട്ട് എന്ത് എന്ന അനിശ്ചിതത്വവും എല്ലാം കടന്ന് വന്നെങ്കിലും മുന്നോട്ട് ജീവിച്ചേ മതിയാവു, എന്ത് തന്നെ സംബന്ധിച്ചാലും.

🔸ഈ ഒരു വീഴ്ച അയാളിൽ കൊണ്ടുവരുന്ന മാറ്റങ്ങളും പിന്നീട് അയാൾക്ക് എന്ത് സംഭവിക്കും എന്ന ചോദ്യവും ഒക്കെയാണ് ഈ സിനിമ കൈകാര്യം ചെയ്യുന്ന പ്ലോട്ട്. ഈ വർഷം കണ്ട ഏറ്റവും പവർഫുൾ സിനിമകളിൽ ഒന്നായിരിക്കും സൗണ്ട് ഓഫ് മെറ്റൽ, പ്രകടനം ആയാലും കഥ ആയാലും ഒന്നാംതരം എന്ന് ഉറപ്പിച്ച് പറയാം. റൂബൻ തന്റെ നഷ്ടം തിരിച്ചറിയുന്ന രംഗമൊക്കെ ഈ വർഷത്തെ ഇഷ്ട സീനുകളിൽ ഒന്നായി നിൽക്കും, തിയേറ്റർ എക്സ്പീരിയൻസ് ലഭിച്ചിരുന്നെങ്കിൽ നന്നായേനെ എന്ന ജെനുവിൻ ആയി തോന്നിച്ച സിനിമകളിൽ ഒന്ന് കൂടിയാണ് സൗണ്ട് ഓഫ് മെറ്റൽ, അപ്പോൾ തീർച്ചയായും കാണാൻ ശ്രമിക്കുക, ചിത്രം വേർതി ആണ്.

Verdict : Must Watch

DC Rating : 4.5/5 

981. Mank (2020)

Director : David Fincher

Genre : Drama

Rating : 8/10

Country : USA

Duration : 132 Minutes

🔸അങ്ങനെ ഐറിഷ് മാനിന് ശേഷം നെറ്റ്ഫ്ലിക്സിന്റെ ഏറ്റവും വലിയ ഒറിജിനൽ ഫീച്ചർ ഫിലിം റിലീസായ മാങ്ക് ഇന്ന് വ്യൂവേഴ്‌സിന്റെ മുന്നിൽ എത്തിയിരിക്കുകയാണ്. സിറ്റിസൺ കെയ്ൻ എന്ന എപിക് ചിത്രത്തിന്റെ സ്ക്രിപ്റ്റിങ് കാലഘട്ടത്തെയും, മുപ്പതുകളിലെ ഹോളിവുഡിനെ തന്നെയും സ്‌ക്രീനിൽ എത്തിക്കുന്ന ചിത്രം ആ കാലത്തെ പ്രശസ്ത തിരക്കഥാകൃത്ത് ആയ ഹെർമൻ മാങ്കേവിസിന്റെ ബയോഗ്രഫിക്കൽ എലെമെന്റുകൾ കൂടി ഉൾപ്പെടുത്തിയിട്ടുണ്ട്. ഒരു തരത്തിൽ പറഞ്ഞാൽ ഹോളിവുഡിന്റെ പോയി മറഞ്ഞ ഒരു കാലഘട്ടത്തിനുള്ള ട്രിബ്യുട് കൂടിയാണ് ഈ ചിത്രം, വൺസ് അപ്പോൺ എ ടൈം അറുപതുകളിലാണ് എങ്കിൽ ഇവിടം ഫോക്കസ് ചെയ്യുന്നത് മുപ്പതുകളിലേക്കാണ്.

🔸പരശസ്ത സംവിധായകനായ ഒർസൺ വെൽസ് തന്റെ ആദ്യ സംവിധാന സംരംഭത്തിന് തുടക്കം കുറിക്കാൻ ഒരുങ്ങി ഇറങ്ങിയിരിക്കുകയാണ്, അയാൾക്ക് നല്ലൊരു സ്റ്റുഡിയോയുടെ ഫിനാൻഷ്യൽ ബാക്കിങ് ഉണ്ട്, ആവശ്യമായ സാമഗ്രികളും ആൾബലവും എല്ലാമുണ്ട്. ഒർസൺ ആദ്യ ചിത്രമായ ഹാർട്ട് ഓഫ് ഡാർക്‌നസിന്റെ തിരക്കിൽ നിൽക്കുമ്പോഴാണ് രണ്ടാമത്തെ ചിത്രത്തിന് തിരക്കഥ എഴുതാനായി ഹെർമൻ മങ്കേവിസിനെ നിയോഗിക്കുന്നത്. ഒരു ബയോഗ്രഫിക്കൽ ടച് ഉള്ള ഡ്രാമ ആയിരുന്നു സബ്ജക്റ്റ്. ഹെർമാനിന് അറുപത് ദിവസങ്ങൾ നൽകി അയാളെ ഒരു പ്രൈവറ്റ് വസതിയിലേക്ക് ഒർസൺ അയക്കുന്നിടത്ത് നിന്നാണ് സിനിമ ആരംഭിക്കുന്നത്.

🔸ഹോളിവുഡിലെ വിവിധ സ്റ്റുഡിയോയുടെ അണിയറകളിലും, പല പ്രമുഖരായവരുടെ ഡിന്നർ ടേബിളുകളിലും ഒക്കെയായി വർഷങ്ങളുടെ അനുഭവ പരിചയം ഉള്ളയാളാണ് മാങ്ക്, പക്ഷെ ആള് ഇന്നത്ര നീറ്റ് ആയ അവസ്ഥയിലല്ല. കുടി എന്നൊക്കെ പറഞ്ഞാൽ മദ്യത്തിൽ വീണ് മുങ്ങി കുളിച്ച് അഭിരമിക്കുന്ന ടൈപ്പ് അഡിക്ഷൻ, ഈ ഒരാവസ്ഥയിലാണ് അയാൾ സിറ്റിസൺ കെയ്ൻ എഴുതി തുടങ്ങുന്നത്. കാര്യമായ നെഗറ്റിവുകൾ ഒന്നും പറയാൻ ഇല്ലെങ്കിലും ഒന്ന് രണ്ട് കാര്യങ്ങൾ ചേർക്കാം, മുപ്പതുകളിലെ സിനിമാ ചരിത്രത്തെ പറ്റിയും, ചില സിനിമകളെ പറ്റി തന്നെയും ഒരറിവ് ഉള്ളത് ഗുണം ചെയ്യും. രണ്ടാമത്തെ കാര്യം ചിത്രത്തിന്റെ നിർണ്ണായകം ആയൊരിടത്ത് ഒരു പൊളിറ്റിക്കൽ ഡിബേറ്റ് കണക്കിന് ഡയലോഗുകളുണ്ട്, അതെന്ത് കൊണ്ടോ അവിടെ ചേരുന്നതായി തോന്നിയില്ല, അത്ര മാത്രം.

🔸പോസിറ്റിവുകളിലേക്ക് വരിക ആണെങ്കിൽ പ്രകടനം തന്നെയാണ് ഹൈലൈറ്റ്, ടൈറ്റിൽ കഥാപാത്രമായി എത്തിയ ഗാരി ഓൾഡ്മാന്റെ സബ്‌ടൈൽ ആയ പ്രകടനം തീർച്ചയായും അഭിനന്ദനം അർഹിക്കുന്നുണ്ട്, അമാൻഡ സെയ്ഫറെയ്‌ഡും, ചാൾസ് ഡാൻസും തങ്ങളുടെ ഭാഗം മികച്ചതാക്കിയിട്ടുമുണ്ട്. ഒർസൺ വെൽസ് സ്‌ക്രീനിൽ വന്ന സമയം കുറഞ്ഞ് പോയെന്ന പരാതി ഉണ്ട്. അത്യാവശ്യം ഫണ്ണി ആയ സ്ക്രിപ്റ്റും, സിറ്റിസൺ കെയ്‌നിനെ അനുസ്മരിപ്പിക്കുന്ന ലൈറ്റിങ്ങും, നല്ല സ്കോറും, ഛായാഗ്രഹണവും എല്ലാം സിനിമയെ കൂടുതൽ മികച്ചത് ആക്കുന്നെ ഉള്ളൂ. ഫിഞ്ചറിന്റെ ബെസ്റ്റ് എന്നൊന്നും പറയാനാവില്ല, സ്റ്റിൽ നൈസ് ആണ്, ചിലവിടുന്ന സമയത്തിന് വേർതി ആണ്.

Verdict : Very Good

DC Rating : 4/5 

980. Ammonite (2020)

Director : Francis Lee

Genre : Drama

Rating : 6.4/10

Country : UK

Duration : 120 Minutes

🔸ഒരു ഓസ്കർ ബെയ്റ്റ് ചിത്രം എന്ന് കണ്ണും പൂട്ടി പറയാവുന്ന സവിശേഷതകൾ എല്ലാം ഉണ്ടായിരുന്ന ചിത്രമാണ് അമോണൈറ്റ്. പീരിയഡ് ഡ്രാമ സെറ്റപ്പ്, രണ്ട് ഹിസ്റ്റോറിക്കൽ ഫിഗറുകളായ സ്ത്രീകൾക്ക് ഇടയിൽ ഉടലെടുക്കുന്ന പ്രണയം, അക്കാദമി ഫേവറൈറ്റ് ആയ രണ്ട് നടിമാരുടെ സാന്നിധ്യം തുടങ്ങി ഒരുപാട് ഒരുപാട് ഘടകങ്ങൾ. ഒരുവേള മികച്ച നടിക്കുള്ള പുരസ്‌കാരം എങ്കിലും പ്രതീക്ഷിച്ചിരുന്നു എന്ന് ഉറപ്പിച്ച് പറയാം, കിട്ടില്ല എന്ന് ഇപ്പോഴും പറയുന്നില്ല. ഹിസ്റ്റോറിക്കൽ ഇൻ ആക്കുറസി പോലുള്ള പ്രശ്നങ്ങൾ കാരണം ഇതിനോടകം തന്നെ അത്യാവശ്യം വിവാദം ഉണ്ടാക്കിയ ചിത്രം കൂടിയാണ് അമോണൈറ്റ്.

🔸കേറ്റ് വിൻസ്ലേറ്റ് അവതരിപ്പിച്ച മേരി ആനിങ് എന്ന കഥാപാത്രം ഒരു പേരുകേട്ട പാലിയന്റോളജിസ്റ്റ് ആണ്, യുണിവേഴ്സിറ്റിയിലോ തത്തുല്യമായ കേന്ദ്രങ്ങളിലോ ഒന്നും പോവാതെ സ്വയം പഠിച്ച് അറിഞ്ഞ് വളർന്ന ഒരു ഫോസിൽ ഹണ്ടർ. ഈ വിഭാഗത്തിൽ മേരിക്ക് തുല്യം അറിവുള്ള മറ്റൊരാൾ രാജ്യത്ത് ഉണ്ടോ എന്നത് പോലും സംശയമാണ്, എന്തിരുന്നാലും രാജ്യത്തെ സിരാ കേന്ദ്രങ്ങളോ പാലിയന്റോളജി ഡിപ്പാർട്മെന്റോ അവരെ കാര്യമായി പരിഗണിച്ചിട്ടില്ല. ഇന്ന്, കഥ തുടങ്ങുമ്പോൾ മേരിയുടെ സ്ഥിതി കുറച്ച് മോശമാണ്, ദാരിദ്ര്യാവസ്ഥ വല്ലാതെ ബാധിച്ചിരിക്കുന്നുണ്ട് അവരെ.

🔸തന്റെ പഠനം മേരി മുന്നോട്ട് കൊണ്ടുപോവുന്നുണ്ട് എങ്കിലും വരുമാനത്തിനായി ടൂറിസ്റ്റുകൾക്ക് വേണ്ടി കടപ്പുറത്ത് നിന്ന് കിട്ടുന്ന കൗതുക വസ്തുക്കൾ കാഴ്ചവെക്കാനും, ടൂറിസ്റ്റ് ഗൈഡ് തന്നെ ആവാനും അവർ ശ്രമിക്കുന്നുണ്ട്. അമ്മ ഒഴിച്ചാൽ മേരിക്ക് ബന്ധുക്കൾ എന്ന് പറയാൻ തക്കവണ്ണം ആരുമില്ല. ആയിടയ്ക്കാണ് റോഡരിക് മാർച്ചിൻസൺ എന്ന പാലിയന്റോളജി സ്റ്റുഡന്റ് കൂടിയായ വ്യക്തി മേരിയെ കാണാൻ വരുന്നത്, കൂടെ അയാളുടെ ഭാര്യ ഷാർലറ്റും ഉണ്ട്. റോഡറിക്കിന്റെ ഈ വരവിന് പിന്നിൽ വേറെ ചില കാര്യങ്ങൾ കൂടിയുണ്ട്.

🔸വിധി എന്നൊക്കെ പറയുന്നത് പോലെ കാര്യങ്ങൾ ആകെ മാറി മറിഞ്ഞ് രോഗി ആയ ഷാർലറ്റ് മേരിയുടെ പരിചരണത്തിൽ ആവുകയാണ്. രണ്ട് സ്ത്രീകൾക്കും ഇടയിലെ ബന്ധത്തിന് ഈ കാലയളവിനിടെ വരുന്ന മാറ്റങ്ങളും തങ്ങളുടെ ജീവിതത്തിൽ പരസ്പരം ഉണ്ടാക്കുന്ന ഇമ്പാക്റ്റും സ്വാധീനവും ഒക്കെയാണ് ഈ സിനിമയുടെ വിഷയം. രണ്ട് മികച്ച നടീ നടന്മാർ ഒന്നിച്ചാൽ ഒരിക്കലും നല്ല കെമിസ്ട്രി ഗ്യാരന്റീഡ് ആയി കിട്ടില്ല എന്നതിന് ഉദാഹരണമായി തോന്നി അമോണൈറ്റ്, എന്തോ ഒരു കുറവ് അനുഭവപ്പെട്ടു. മോശം സിനിമ ആണെന്നല്ല, നല്ല ബാക്ക്ഗ്രൗണ്ടും കഥാപാത്രങ്ങളും ഒക്കെയാണ് പക്ഷെ ഒരു ബാരിയർ ഇടയിൽ എവിടെയോ നിൽക്കുന്നത് പോലെ തോന്നി, അത് ബ്രെയ്ക്ക് ചെയ്യഞ്ഞത് കൊണ്ട് തന്നെ അവിസ്മരണീയമായ അനുഭവം ഒന്നും ആവുന്നില്ല ഈ ചിത്രം, സ്റ്റിൽ കാണാനുള്ളതുണ്ട്.

Verdict : Good

DC Rating : 3.5/5

979. Children Of The Sea (2019)

Director : Ayumu Watanabe

Genre : Animation

Rating : 6.5/10

Country : Japan

Duration : 110 Minutes

🔸ജാപ്പനീസ് അനിമേ ചിത്രങ്ങൾ, വലിയ പരിചയപ്പെടുത്തലോ വിശദീകരണങ്ങളോ ആവശ്യം ഉണ്ടെന്ന് തോന്നുന്നില്ല, ഫിലിം ഇന്ഡസ്ട്രിയിലെ തന്നെ ഏറ്റവും നിലവാരമുള്ള സിനിമകളുടെ ഒരു പൂൾ തന്നെ നിങ്ങൾക്ക് ഇവിടെ കാണാനാവും. അക്ഷരാർത്ഥത്തിൽ അമ്പരപ്പിച്ച, അങ്ങേയറ്റം ഇഷ്ട്ടപ്പെട്ട ഒരു നൂറ് സിനിമകൾ എങ്കിലും കുറഞ്ഞത് ഈ ഒരു വിഭാഗത്തിൽ നിന്നും കാണിച്ച് തരാൻ കഴിഞ്ഞേക്കും. അനിമേകളോട് താല്പര്യം ഇല്ലാത്തവർ, ഇതുവരെ ആ ഭാഗത്തേക്ക് കടന്ന് ചെന്നിട്ടില്ലാത്തവർ എന്നീ വിഭാഗക്കാർക്ക് സത്യത്തിൽ നഷ്ടം മനസിലായിട്ടില്ല എന്നെ പറയാനുള്ളൂ.

🔸ഈ ഒരു ജാപ്പനീസ് അനിമേ വിഭാഗത്തിൽ കഴിഞ്ഞ വർഷം പുറത്തിറങ്ങിയ സിനിമയാണ് ചിൽഡ്രൻ ഓഫ് ദി സീ. നിലവാരത്തിൽ ഒരുപക്ഷെ മുന്നേ പറഞ്ഞ സിനിമാ വിഭാഗത്തിനോടൊപ്പം ചേർത്ത് പറയാൻ ഉള്ളത് ഇല്ലെങ്കിൽ കൂടിയും കൈകാര്യം ചെയ്യുന്ന വിഷയവും അതിന്റെ തീവ്രതയും അവതരണവും കൊണ്ട് പ്രത്യേക പരാമർശം അർഹിക്കുന്നുണ്ട് ഈ ചിത്രം. മനുഷ്യനും പ്രകൃതിയും തമ്മിലുള്ള ബന്ധം ഒക്കെയാണ് ഈ ചിത്രത്തിന്റെ ഒരു പ്രമിസ്. വിഷ്വലി റിച് ആയ ഒട്ടനവധി സീനുകൾ ചിത്രത്തിലുണ്ട്, അവ തന്നെയാണ് സ്ട്രെങ്തും.

🔸റകാകു എന്ന കേന്ദ്ര കഥാപാത്രം ഏറെക്കുറെ ഒരു ലോണറാണ്, സ്‌കൂളിൽ ആയാലും പുറത്ത് ആയാലും അവൾക്ക് സുഹൃത്തുക്കൾ എന്ന് പറയാൻ ആരും തന്നെയില്ല, അച്ഛനമ്മമാർ ആണെങ്കിൽ റകാകുവിനെ കാര്യമായി ശ്രദ്ധിക്കുന്നോ പരിഗണിക്കുന്നു പോലുമില്ല. അങ്ങനെ കാര്യമായ സംഭവ പുരോഗതികൾ ഒന്നും ഇല്ലാതെ പോയി കൊണ്ടിരുന്ന നാളുകളിൽ ഒന്നിലാണ് റകാകു അച്ഛൻ ജോലി ചെയ്യുന്ന അക്വറ്റിക് ഫാമിൽ എത്തുന്നതും, അവിടത്തെ അത്ഭുത ജീവികളായ രണ്ട് കുട്ടികളെ കണ്ട് മുട്ടുന്നതും. ഈ രണ്ട് പേരും ജനിച്ചതും വളർന്നതും എല്ലാം കടലിലാണ്, കടലിന്റെ മക്കൾ എന്ന പേര് അന്വർത്ഥം ആക്കുന്ന പോലെ.

🔸ഈ രണ്ട് ജീവജാലങ്ങളെയും പിടിച്ച് വെച്ചിരിക്കുന്നത് ചില സയന്റിഫിക് ആയ പരീക്ഷണങ്ങൾക്കും, സ്വാർത്ഥ താല്പര്യങ്ങൾക്കും ഒക്കെ വേണ്ടി ആണെന്ന് പറയാം. താമസിയാതെ തന്നെ റകാകുവിന്റെയും ഈ രണ്ട് കഥാപാത്രങ്ങളുടെയും കഥ പരസ്പരം ഇടകലരാൻ തുടങ്ങുകയാണ്. സ്റ്റോറി വൈസ് വലിയ പുതുമ കാണിച്ച് തരാൻ പറ്റിയേക്കില്ല എങ്കിലും സിനിമയുടെ അവസാന പാതി വിഷ്വലി ഒരു മികച്ച അനുഭവം തന്നെ ആയിരുന്നു, സ്റ്റന്നിങ് എന്നൊക്കെ പറയാവുന്ന ഒന്ന്, താല്പര്യം ഉണ്ടെങ്കിൽ കണ്ട് നോക്കാവുന്നതാണ്.

Verdict : Good

DC Rating : 3.75/5 

978. Happiest Season (2020)

Director : Clea DuVall

Genre : Romance

Rating : 6.9/10

Country : USA

Duration : 102 Minutes

🔸ഗേ, ലെസ്ബിയൻ റിലേഷൻഷിപ്പുകൾ പ്രമേയമാക്കി ഒരുപാട് സിനിമകൾ വന്നിട്ടുണ്ട് എങ്കിലും ഇവയിൽ പലപ്പോഴും അനുഭവപ്പെട്ട ഒന്നാണ് വിഷയത്തിന്റെ തീവ്രതയും പ്രാധാന്യവും കാണിക്കാൻ ഫോസ്ഡ് ആയ രീതിയിൽ കാര്യങ്ങൾ അവതരിപ്പിക്കുക എന്നത്. ആ കോൺഫ്ലിക്റ്റുകളും മറ്റുമൊക്കെ മികച്ച രീതിയിൽ പ്രേക്ഷകരിലേക്ക് എത്തണം എങ്കിൽ കഥാപാത്രങ്ങളായി എത്തിയ നടന്മാർക്കും നടിമാർക്കും ഇടയിൽ കെമിസ്ട്രി ഉണ്ടായിരിക്കണം, ആ മേഖലയിൽ പല സിനിമകളും പിന്നോട്ട് പോവാറുണ്ട്, എന്നാൽ ഇവിടെ ഹാപ്പിയെസ്റ്റ് സീസൺ എന്ന ചിത്രത്തിൽ അങ്ങനെ ഒരു പ്രശ്നമേ ഇല്ല, അത് തന്നെയാണ് ചിത്രത്തിന്റെ ഡ്രൈവിങ് ഫോഴ്സും.

🔸പൊതുവെ ഇത്തരത്തിൽ ഉള്ള ഗേ, ലെസ്ബിയൻ സെക്ഷുവാലിറ്റി ഉള്ള ആളുകൾ നേരിടുന്ന അവഗണന, അപമാനം, പരിഹാസം ഒക്കെ ഭീകരമാണ്, കൂടുതൽ അന്വേഷിച്ച് പോവേണ്ട കാര്യം ഒന്നുമില്ല നമ്മുടെ ന്യുസ് ചാനലുകളിൽ ഒന്ന് കുറച്ച് നാൾ മുന്നേ പടച്ചുവിട്ട വാർത്തകളിൽ ഒന്നിന്റെ കമന്റ് ബോക്സ് വരെ ചെന്നാൽ മതിയാവും. ഈ ഒരു അപമാന ഭീതി, ആറ്റിറ്റിയൂഡ് ഒക്കെ തന്നെയാണ് ഹാപ്പിയെസ്റ്റ് സീസണിന്റെ പ്ലോട്ടും. അബ്ബി, ഹാർപർ എന്നീ രണ്ട് യുവതികളാണ് ഈ ചിത്രത്തിലെ പ്രധാന കഥാപാത്രങ്ങൾ.

🔸ഒരു ക്രിസ്മസ് കാലത്ത് തന്റെ പങ്കാളിയായ ഹാർപറുടെ വീട്ടിൽ ഒത്തുചേരലിനായി അബ്ബി വരുന്നിടത്ത് നിന്നുമാണ് സിനിമ ആരംഭിക്കുന്നത്. അച്ഛനമ്മമാർ മരിച്ച ആബിക്ക് പൊതുവെ ഈ കുടുംബസംഗമ, ഹോളിഡേ പരിപാടികളോട് വലിയ താല്പര്യമില്ല, എന്നാലും ഹാർപറുടെ നിർബന്ധത്തിൽ അങ് സമ്മതിക്കുക ആയിരുന്നു. ക്രിസ്മസ് നാളിൽ പ്രൊപ്പോസ് ചെയ്ത് തങ്ങളുടെ ബന്ധത്തെ മുന്നോട്ട് കൊണ്ട് പോവാം എന്നൊരു പദ്ധതി കൂടിയുണ്ട് ആബിക്ക്, എന്നാൽ നാട്ടിലേക്കുള്ള ഇരുവരുടെയും യാത്രയിൽ തന്നെ പ്രശ്നങ്ങൾ ആരംഭിക്കുകയാണ്.

🔸മാതാപിതാക്കളോടുള്ള ഭയം ഉൾപ്പെടെ ഉള്ള കാരണങ്ങളാൽ ഹാർപർ ഇതുവരെ താൻ ലെസ്ബിയൻ ആണെന്ന കാര്യം വെളിപ്പെടുത്തിയിട്ടില്ല, ചില പ്രത്യേക കാരണങ്ങളാണ് കുറച്ച് നാളുകൾ കൂടി ഒരു നാടകം കളിച്ചേ തീരുകയുമുള്ളൂ. ഈ ഒരു പശ്ചാത്തലത്തിലാണ് ഹാപ്പിയെസ്റ്റ് സീസൺ ആരംഭിക്കുന്നത്, കൂടുതൽ ചിന്തിച്ച് കാട് കയറാതെ ആ ഒരു മൂഡിൽ കണ്ട് വിടാവുന്ന ചെറിയൊരു സിനിമ, അതിനപ്പുറം യാതൊന്നുമില്ല. രണ്ട് പ്രധാന താരങ്ങളുടെയും പ്രകടനം അത്യാവശ്യം നന്നായിരുന്നു, ഓവറോൾ മടുപ്പില്ല, കണ്ട് നോക്കാവുന്നതാണ്.

Verdict : Watchable

DC Rating : 3/5