179. To Sir With Love (1967)

Director : James Clavell

Genre : Drama

Rating : 7.7/10

Country : UK

Duration : 105 Minutes

🔸തല തെറിച്ച പിള്ളേർ ഉള്ളത് കൊണ്ട് മാത്രം കുപ്രസിദ്ധമായ സ്കൂൾ ആണ് ലണ്ടനിലെ നോർത്ത് ക്വേ സെക്കണ്ടറി സ്കൂൾ.ഇവിടെ പഠിപ്പിക്കാനെത്തിയ അധ്യാപകരെല്ലാം തന്നെ വിദ്യാർത്ഥികൾക്ക് മുന്നിൽ ആയുധം വെച്ച് കീഴടങ്ങാറാണ് പതിവ്.

🔸പഠിപ്പ് കഴിഞ്ഞിട്ടും ജോലിയൊന്നും ലഭിക്കാഞ്ഞ മാർക്കിന് അവസാനമായി ലഭിച്ച ഒരു പിടിവള്ളിയാണ് പ്രസ്തുത സ്കൂളിൽ ലഭിച്ച അധ്യാപക പദവി.

🔸തളർത്തലും മുന്നറിയിപ്പും ഭീഷണിയും എല്ലാം നേരിട്ടിട്ടും വിദ്യാർത്ഥികളെ നേർവഴിക്ക് നടത്തുന്ന കാര്യത്തിൽ ഒന്ന് ശ്രമിച്ച് നോക്കാം എന്ന മനോഭാവമായിരുന്നു മാർക്കിന്.

🔸വെള്ളക്കാരുടെ മക്കൾ മാത്രം പഠിക്കുന്ന സ്കൂളിൽ പഠിപ്പിക്കാനെത്തിയ കറുത്ത വർഗക്കാരനായ മാർക്കിന് മനം മടുപ്പിക്കുന്ന തരത്തിലുള്ള പെരുമാറ്റങ്ങളാണ് നേരിടേണ്ടി വന്നത്.

🔸ഇങ്ങനെയൊക്കെ ആണെങ്കിലും തോൽക്കാൻ അയാൾ തയാറായിരുന്നില്ല ,ഇന്നല്ലെങ്കിൽ നാളെ വിദ്യാർത്ഥികളുടെ ബഹുമാനം താൻ നേടിയെടുക്കും എന്ന് അയാൾ ഉറച്ച് വിശ്വസിച്ചു.

Verdict : Very Good