259. Letters From Iwo Jima (2006)

Director : Clint Eastwood

Genre : War

Rating : 7.9/10

Country : Japan

Duration : 141 Minutes

🔸നിങ്ങൾ എവിടെയോ ജനിച്ചവരായിരിക്കാം, ഏതൊക്കെയോ വഴികളിലൂടെ ഇവിടെ എത്തിയവരായിരിക്കാം, എന്നാൽ ഇന്ന് ,ഈ നിമിഷം നിങ്ങൾക്കെല്ലാം ഒരു ദൗത്യമാണുള്ളത്. ഒന്നിച്ച് നിൽക്കുക, ഒന്നിച്ച് പൊരുതുക ,ഒന്നിച്ച് മരിക്കുക എന്ന ദൗത്യം.

🔸രണ്ടാം ലോകമഹായുദ്ധമാണ് പശ്ചാത്തലം ,യുദ്ധം അന്ത്യത്തോട് അടുത്ത് കൊണ്ടിരിക്കുകയാണ്. രണ്ട് ചേരികളിലായി തിരിഞ്ഞ അമേരിക്കയ്ക്കും ജപ്പാനും വളരെ പ്രാധാന്യമുള്ള ദ്വീപാണ് ഇവോജിമ.

🔸ദ്വീപ് പിടിച്ചെടുക്കുന്ന കക്ഷി ഒരു പരിധി വരെ യുദ്ധത്തിന്റെ ഗതി നിർണയിക്കും എന്നതാണ് യുദ്ധത്തിന്റെ ഇപ്പോഴത്തെ അവസ്ഥ.ആയതിനാൽ തന്നെ ഇരു രാജ്യങ്ങളും യുദ്ധത്തിനിറങ്ങുന്നത് രണ്ടും കൽപ്പിച്ചാണ്.

🔸ദ്വീപ് നിലനിർത്താനായി ഇരുപത്തൊന്നായിരം ജാപ്പനീസ് സൈനികരും പിടിച്ചെടുക്കാനായി ഒരു ലക്ഷത്തോളം അമേരിക്കൻ സൈനികരും തുനിഞ്ഞ് ഇറങ്ങുമ്പോൾ ആരംഭിക്കുന്നത് മാനവരാശി കണ്ട ഏറ്റവും രക്തരൂഷിതമായ പോരാട്ടങ്ങളിൽ ഒന്ന്.

🔸ഇവോജിമെയിലെ പോരാട്ടങ്ങളെ അടിസ്ഥാനമാക്കി ഈസ്റ്റ്‌വുഡ് പുറത്തിറക്കിയ രണ്ട് ചിത്രങ്ങളിൽ ഒന്നാണ് ഇത്. ആദ്യ ചിത്രമായ ഫ്ലാഗ്‌സ് ഓഫ് അവർ ഫാദേഴ്‌സ് അമേരിക്കൻ സൈനികരുടെ വീക്ഷണത്തിലൂടെയാണ് കഥ പറഞ്ഞതെങ്കിൽ ഈ ചിത്രം പൂർണമായും ജാപ്പനീസ് സൈനികരെ കുറിച്ചാണ്.

Verdict : Very Good