290. The Ascent (1977)

Director : Larisa Shepitko

Genre : War

Rating : 8.3/10

Country : Russia

Duration : 111 Minutes


🔸ചില ചിത്രങ്ങളിലെ ചില കഥാപാത്രങ്ങളുടെ ചിരികൾ മറക്കാനാവാത്തതാണ്.സീസൺ എന്ന ചിത്രത്തിലെ നായകന്റെ സംപ്ത്രിപ്തിയുടെ ചിരി ,മഹേഷിന്റെ തോറ്റ് പോയ ചിരി ,അസെന്റ് എന്ന ചിത്രം കണ്ട കാഴ്ചക്കാരന്റെ മനസിലും ഒരുപാട് കാലം നിറഞ്ഞുനിൽക്കാൻ  പോവുന്നത് ഒരു ചിരി തന്നെയാണ് . മലയാളത്തിലെ ഒരു പ്രമുഖ ചിത്രത്തിലെ കഥാപാത്രവും ആയി വലിയ സാമ്യമുണ്ട് മേൽ പറഞ്ഞ കഥാസന്ദർഭത്തിനും കഥാപാത്രത്തിനും ,സ്പോയിലെർ ആയതിനാൽ ഒഴിവാക്കുന്നു.

🔸യുദ്ധവും ,അതിന്റെ പ്രത്യാഘാതങ്ങളും പ്രമേയമായി നിരവധി ചിത്രങ്ങൾ ലോകത്താകമാനം പുറത്തിറങ്ങിയിട്ടുണ്ട്. എന്നാൽ യുദ്ധം ഏതൊക്കെ രീതിയിൽ ഒരു മനുഷ്യന്റെ മാനസിക നിലയെ ബാധിക്കും എന്ന വിഷയത്തിൽ അധികം കൈകടത്തലുകൾ നടന്നതായി തോന്നുന്നില്ല. അസെന്റ് എന്ന ചിത്രം പ്രസ്തുത വിഷയം കൈകാര്യം ചെയ്ത ഏറ്റവും മികച്ച ചിത്രങ്ങളിൽ ഒന്നാണ് എന്ന് നിസ്സംശയം പറയാനാവും.

🔸രണ്ടാം ലോകമഹായുദ്ധം കൊടുമ്പിരികൊണ്ടിരിക്കുന്ന കാലമാണ് യൂറോപ്പിൽ എങ്ങും. ബദ്ധവൈരികളായ സോവിയേറ്റ് യൂണിയനും ജർമനിയും യുദ്ധത്തിന്റെ എല്ലാ മേഖലയിലും പരസ്പരം തോല്പിച്ച് മുന്നേറാനുള്ള മത്സരത്തിലാണ്. ഇവിടെ നിന്നും കഥ രണ്ട് സോവിയേറ്റ് യൂണിയൻ പട്ടാളക്കാരിലേക്ക് ഒതുങ്ങുകയാണ്.

🔸യുദ്ധത്തിനിടെ ഭക്ഷണം അന്വേഷിച്ചാണ് സോവിയേറ്റ് പടയാളികളായ റിബക്കും സോട്നിക്കോവും ബെലാറസിയൻ ഗ്രാമത്തിൽ എത്തുന്നത്. സുഹൃത്തുക്കളും സഹപ്രവർത്തകരും ആണെങ്കിലും വ്യത്യസ്ത സ്വഭാവക്കാരാണ് ഇരുവരും. യുദ്ധം ഇരുവരെയും മാറ്റിമറിച്ചിരിക്കുന്നു, മാനസികമായും ശാരീരികമായും താങ്ങാവുന്നതിലും അപ്പുറമാണ് ഇരുവരും നേരിട്ട അനുഭവങ്ങളും കണ്ട കാഴ്ചകളും.

🔸ഭക്ഷ്യ ക്ഷാമം രൂക്ഷമാണ് സേനയുടെ ക്യാമ്പിൽ. സഹപ്രവർത്തകരുടെ വിശപ്പ് നികത്താൻ  ബെലാറസിയെൻ ഗ്രാമത്തിൽ എത്തിയ ഇരുവരും ഗ്രാമീണരുടെ സഹായത്തോടെ ഭക്ഷണം സ്വരൂക്കൂട്ടിയെങ്കിലും ജർമൻ പടയാളികൾ അവരെയും കാത്ത് നില്പുണ്ടായിരുന്നു. രക്ഷപെടാൻ എല്ലാ ശ്രമങ്ങളും നടത്തി നോക്കിയെങ്കിലും ഇരുവരും പിടിക്കപ്പെടുകയാണ്.

Verdict : Must Watch