329. Cash Only (2015)

Director : Malik Bader

Genre : Crime

Rating : 6.1/10

Country : Albania

Duration : 88 Minutes


🔸"ഒരു പുതുമയും അവകാശപ്പെടാൻ ഇല്ലാത്ത ചിത്രം ,നിങ്ങൾ ഈ കഥ മുൻപ് കേട്ടിട്ടുണ്ടാവും ഒരുപാട് ചിത്രങ്ങളിൽ കണ്ടിട്ടുമുണ്ടാവും. എന്നാൽ ഈ ചിത്രത്തിൽ പറയുന്നത് പോലെ അനുഭവിച്ച് അറിഞ്ഞിട്ടുണ്ടാവില്ല" പറയുന്നത് ചിത്രത്തിന്റെ അണിയറ പ്രവർത്തകരാണ്. മേല്പറഞ്ഞത് പോലെത്തന്നെ പുതുമകൾ ഏതും ഈ ചിത്രത്തിൽ കണ്ടെത്താനാവില്ല ,എല്ലാം പറഞ്ഞ് പഴകിയ കഥയും സന്ദർഭങ്ങളും ഒക്കെ തന്നെ. എന്നാൽ ഈ ചിത്രം ഓരോ നിമിഷവും സ്‌ക്രീനിൽ കൊണ്ടുവരുന്ന തീവ്രത അത് കണ്ട് തന്നെ അറിയണം.

🔸അൽബേനിയൻ വംശജർ കുടിയേറി പാർക്കുന്ന അമേരിക്കയിലെ ഡിട്രോയിറ്റ്‌ എന്ന നഗരത്തിലാണ് ചിത്രം അരങ്ങേറുന്നത് ,ഏതൊരു കുടിയേറ്റ ജനവിഭാഗവും നേരിടുന്ന വർണ വെറിയുടെയും ഇകഴ്ത്തലുകളുടെയും അടിച്ചമർത്തലുകളുടെയും ഒരുപാട് കഥകൾ ഈ കഥാപാത്രങ്ങൾക്കും പറയാനുണ്ട്. അതിജീവനം എന്ന ഒരേയൊരു ലക്‌ഷ്യം മാത്രം ജീവിതത്തിൽ ഉള്ളതിനാൽ എന്തും സഹിക്കാനാവും വിധം ജനത രൂപപ്പെട്ട് വന്നിരിക്കുന്നു.

🔸ഇവരിൽ ഒരാളാണ് എൽവിസ് മാർട്ടിനി. അൽബേനിയയിൽ നിന്നും കുടിയേറി പാർത്തവരിൽ അത്യാവശ്യം ജീവിത വിജയം കൈവരിച്ചത് മാർട്ടിനി ആണ്. കൃഷിയും കച്ചവടവും തൊഴിലാളികളും ഒക്കെ ഉള്ള ഒരു ചെറിയ ഭൂവുടമ ആണ് മാർട്ടിനി. മറ്റുള്ളവർ കരുതുംപോലെ വലിയ പണക്കാരൻ ഒന്നും അല്ലെങ്കിലും അല്ലൽ ഇല്ലാതെ ജീവിച്ച് പോകുവാനുള്ള മുതൽ മാർട്ടിനി കുടുംബത്തിനായി സ്വരൂക്കൂട്ടി വെച്ചിട്ടുണ്ട്.

🔸പ്രശ്നങ്ങൾ ഒന്നുമില്ലാതെ കഴിഞ്ഞുപോന്ന മാർട്ടിനിയുടെ ജീവിതം കീഴ്മേൽ മറിഞ്ഞത് രണ്ട് വർഷങ്ങൾക്ക് മുൻപ് നടന്ന ഒരു സംഭവം കാരണമാണ് ,ഇൻഷുറൻസ് ഏജൻസിയെ പറ്റിക്കാനും പണം തട്ടാനുമായി തന്റെ സ്ഥലങ്ങളിൽ ഒന്നിൽ തീ ഇട്ടിരുന്നു എൽവിസ് മാർട്ടിനി. എന്നാൽ അയാളുടെ ഭാര്യ ആ തീയിൽ പെട്ട് വെന്ത് മരിക്കുകയാണ്. പശ്ചാത്താപവും കുറ്റബോധവും മാത്രം ആയിരുന്നു പിന്നീടുള്ള ജീവിതത്തിൽ മാർട്ടിനിയുടെ വികാരങ്ങൾ. ഈ കാലയളവിനിടെ മാർട്ടിനിയുടെ കച്ചവടവും സാരമായി ദോഷങ്ങൾ നേരിടുകയാണ്.

🔸പിടിച്ച് നിൽക്കാനായി പലിശയ്ക്ക് പണമെടുത്തും കടം വാങ്ങിയും തന്നാൽ ആവുംവിധം അധ്വാനിച്ചും ഒക്കെ മാർട്ടിനി ശ്രമിച്ച് നോക്കിയെങ്കിലും കാര്യങ്ങൾ കൈവിട്ട് പോയി കഴിഞ്ഞിരുന്നു. പണം തിരിച്ച് ചോദിച്ചുകൊണ്ടുള്ള ചോദ്യങ്ങളുടെ സ്വരവും രീതിയും മാറുന്നത് ഒരല്പം പേടിയോട് കൂടി മാർട്ടിനി തിരിച്ചറിഞ്ഞു ,തനിക്ക് പണം നൽകാനുള്ള തൊഴിലാളികളും കൈ മലർത്തി കാണിച്ചതോടെ ഭ്രാന്തിന്റെ വക്കിലേക്ക് നടന്ന് കയറുകയാണ് അയാൾ.

Verdict : Good