249. Benny's Video (1992)

Director : Michael Haneke

Genre : Horror

Rating : 7.2/10

Country : Switzerland

Duration : 110 Minutes

🔸തന്റെ പ്രായക്കാരായ മറ്റ് കുട്ടികളെ പോലെ അല്ല ബെന്നി. ലഹരിയിൽ മുങ്ങി വളർന്നുവന്ന ഒരു തലമുറയിൽ വ്യത്യസ്തനാണ് അവൻ.അവന്റെ ലഹരി കുറച്ച് കൂടി അപകടം പിടിച്ച കാര്യത്തിൽ ആണെന്ന് മാത്രം.

🔸ബെന്നിയുടെ താല്പര്യ മേഖല ഏതാണ് എന്ന് അച്ഛൻ ജോർജിന് മനസിലാവുന്നത് അവന്റെ എട്ടാം വയസിലാണ്.വീട്ടിൽ മറ്റാരും ഇല്ലാത്ത സമയത്ത് അവർ വളർത്തികൊണ്ടിരുന്ന പന്നിയെ ബെന്നി വിവരിക്കാൻ കഴിയാത്ത വിധം മൃഗീയമായി കൊന്നു.

🔸ആ സാധു മൃഗത്തെ കൊന്നെന്ന് മാത്രമല്ല അത് വിഡിയോയിൽ പകർത്തുകയും തന്റെ ഉന്മാദത്തിനായി വീണ്ടും വീണ്ടും കാണുകയും ചെയ്തു. ചോരയോടും അലർച്ചയോടും ഒരുതരം ഭ്രമം ആയിരുന്നു ബെന്നിക്ക്.

🔸ബെന്നിയുടെ സ്വഭാവം മറ്റുള്ളവരിൽ നിന്നും മറച്ചുവെക്കാൻ ഏതറ്റം വരെയും പോവാൻ അച്ഛനമ്മമാർ തയാറായിരുന്നു.എന്നാൽ അവർ വീട്ടിലില്ലാത്ത ഒരു ദിവസം സംഭവം കൈവിട്ട് പോവുകയാണ്.

🔸മറ്റാരും വീട്ടിലില്ലാത്ത ഒരു ദിവസം ബെന്നിയുടെ അടുത്തേക്ക് പരിചയക്കാരിയായ പെൺകുട്ടി ഇൻഗ്രിഡ് എത്തുമ്പോൾ തന്റെ യഥാർത്ഥ മുഖം ഒളിച്ച് വെക്കാൻ പാട് പെടുകയാണ് ബെന്നി.

Verdict : Good