271. A Hard Day (2014)

Director : Kim Seong Hun

Genre : Thriller

Rating : 7.2/10

Country : Korea

Duration : 119 Minutes

🔸ഒരു മോശം ദിവസത്തെ എങ്ങനെ നിർവചിക്കാം ?? അല്ലെങ്കിൽ ഒരു ദിവസം എന്തൊക്കെ സംഭവിച്ചാലാണ് അതിനെ ഒരു മോശം ദിവസമായി കണക്കാക്കാനാവുക. അമ്മ മരിച്ച ദിവസം തന്റെ അശ്രദ്ധ കാരണം മറ്റൊരാൾ കൊല്ലപ്പെടുകയാണെങ്കിൽ തീർച്ചയായും അതൊരു മോശം ദിവസമാണ്.

🔸ഡിറ്റക്റ്റീവ് ആണ് നമ്മുടെ കഥാനായകനായ കോ. തന്റെ ജോലിയോട് യാതൊരു കൂറും കാണിക്കാത്ത ഒരു തികഞ്ഞ കൈക്കൂലിക്കാരനാണ് അയാൾ.

🔸അത്യാവശ്യം തട്ടിപ്പ് തരികിട പരിപാടികളുമായി മുന്നോട്ട് പോയി കൊണ്ടിരിക്കെയാണ് കോ കൊറിയൻ ഇന്റർനെൽ അഫയേഴ്‌സ് ഏജൻസിയുടെ നിരീക്ഷണത്തിൽ വന്നുപെട്ടത്. കോ ഈ വാർത്ത അറിയുന്നത് തന്റെ അമ്മയുടെ മരണാനന്തര കർമങ്ങൾക്ക് ഒരുങ്ങവെ ആണ്.

🔸അല്ലെങ്കിൽ തന്നെ മോശമായ ദിവസം കൂടുതൽ ദൗര്ഭാഗ്യകരമാക്കി കൊണ്ട് കോയുടെ വണ്ടിയാൽ മറ്റൊരാൾ അന്നേ ദിവസം കൊല്ലപ്പെടുകയാണ്. മദ്യപിച്ചതിനാലും നിരീക്ഷണത്തിൽ ആയതിനാലും കോയുടെ മുന്നിൽ മറ്റ് വഴികളൊന്നും ഉണ്ടായിരുന്നില്ല.

🔸ആരും പ്രതീക്ഷിക്കാത്ത ,സംശയിക്കാത്ത ഒരു സ്ഥലത്ത് മൃതദേഹം ഒളിപ്പിക്കുകയാണ് കോ. എന്നാൽ പിന്നീട് നടന്ന കാര്യങ്ങൾ അയാൾ സ്വപ്നത്തിൽ പോലും കരുതാത്തവ ആയിരുന്നു.

Verdict : Good