320. Moneyball (2011)

Director : Bennett Miller

Genre : Drama

Rating : 7.6/10

Country : USA

Duration : 133 Minutes

🔸ഈ ഒരു ടീമിനെയും വെച്ച് ലീഗ് കളിക്കാൻ ഇറങ്ങുന്നത് ധൈര്യമില്ല ശുദ്ധ മണ്ടത്തരമാണ് ,മാനേജർ ആയ ബില്ലി ബിൻ സാഹചര്യത്തിന്റെ ഗൗരവം പൂർണമായും ഉൾക്കൊണ്ടിട്ടുണ്ടോ എന്നത് സംശയമാണ്. അയാൾക്ക് എല്ലാം ഒരു കളി തമാശ പോലെയാണ് ,ടീമിന്റെ ചരിത്രത്തിൽ ഇന്നേവരെ ഇത്രയും സമ്മർദ്ദം നേരിടേണ്ടി വന്നിട്ടില്ല. പരാജയമാണ് ഫലമെങ്കിൽ അത് പൂർണമായും ബില്ലിയുടെ ഉത്തരവാദിത്തമാണ്.

🔸ടീമിന്റെ കോച്ചിന്റെ മേല്പറഞ്ഞ ആശങ്കകൾ വെറുതെയല്ല ,പുതിയ സീസണിൽ ടീമിനോടും കോച്ചിനോടും ഒപ്പം സമയം ചിലവിട്ട ഏതൊരാൾക്കും തോന്നാവുന്ന സംശയവും ദേഷ്യവും ഉൽക്കണ്ഠയും ഒക്കെത്തന്നെയാണ് അയാളും പ്രകടിപ്പിച്ചത്. ശെരിയാണ് നല്ല ഒരു തുടക്കമല്ല ടീമിന് ലഭിച്ചത് ,നെടുംതൂണുകളായ കളിക്കാരെല്ലാം മറ്റ് ടീമുകളിലേക്ക് ചേക്കേറി പോയി. എന്നാൽ അതിന് ബില്ലി ബീനിന്റെ മറുപടിയാണ് ശെരിക്കും അമ്പരപ്പിച്ചത്.

🔸ടീം വിട്ടുപോയ കളിക്കാർക്ക് പകരം ബില്ലി ടീമിലെടുത്ത കളിക്കാരെല്ലാം തന്നെ തെല്ലൊന്നുമല്ല കോച്ചിനെയും ആരാധകരെയും അത്ഭുത പെടുത്തിയത്. ഒരു തരത്തിലും ഉൾപെടുത്താനാവാത്ത ,അതിന് വേണ്ട ശാരീരിക ക്ഷമതയോ ,മാനസിക ബലമോ ഇല്ലാത്ത ഒരുപറ്റം കളിക്കാർ. ചിലർ തങ്ങളുടെ ജീവിതത്തിൽ ഇന്നേവരെ പൊസിഷനിൽ കളിച്ചിട്ട് പോലുമില്ല, എല്ലാംകൊണ്ടും തലവേദനയുടെ സമയമാണ് കോച്ചിന്.

🔸എന്നാൽ ഈ കളിക്കാരെ എല്ലാം പരോക്ഷമായി കൂട്ടിയിണക്കുന്ന ഒരു വസ്തുത ഉണ്ടായിരുന്നു, ഒരു വിധത്തിൽ അല്ലെങ്കിൽ മറ്റൊരു വിധത്തിൽ ബേസ് ബോൾ കളിയിലെ അപമാനത്തിന്റെയും പരിഹാസത്തിന്റെയും അവഗണയുടെയും എല്ലാ തരം താഴ്ത്തലുകളുടെയും പാത്രമായി വന്നവരാണ് ഇവർ ,കളിക്കാനറിയില്ലെന്ന് പറഞ്ഞ് പുറത്താക്കപ്പെട്ടവർ ,പരിക്ക് പറ്റി പുറത്ത് പോവേണ്ടി വന്നവർ ,തങ്ങളുടേതല്ലാത്ത കുറ്റത്തിന് അവസരം നിഷേധിക്കപ്പെട്ടവർ.

🔸മേല്പറഞ്ഞ വിശേഷണങ്ങൾ എല്ലാം യോജിക്കുന്ന മറ്റൊരാൾ കൂടി ടീം ക്യാമ്പിൽ ഉണ്ടായിരുന്നു ,മാനേജർ ബില്ലി ബീൻ തന്നെ. ഇത് ബില്ലിയുടെ അവസാന അവസരമാണ് ,കളിക്കാരൻ എന്ന റോളിൽ താൻ തോറ്റ് പോയിടത്ത് ജയിച്ച് കാണിക്കാൻ. അതിന് തോറ്റ് പോയവരുടെ ഒരു സംഘത്തെ തന്നെ കൂടെ കൂട്ടുകയാണ് അയാൾ. അമേരിക്കൻ ബേസ് ബോൾ ചരിത്രത്തിലെ ഏറ്റവും ആവേശോജ്വലമായ സംഭവങ്ങളിൽ ഒന്നിന്റെ മികച്ച ദൃശ്യാവിഷ്കാരമാണ് ഈ ചിത്രം.

Verdict : Very Good