Director : Laszlo Nemes
Genre : Drama
Rating : 7.5/10
Country : Hungary
Duration : 117 minutes
🔸ഇനി ഒരു തിരിച്ചുപോക്കില്ല,തന്റെ തെറ്റുകളുടെ ശിക്ഷ തന്നെ തേടി എത്തിയിരിക്കുന്നു.ലോകത്തുള്ള ഒന്നിനും ഒരു പരിഹാരത്തിനും പശ്ചാത്താപത്തിനും തന്നെ രക്ഷിക്കാനാവില്ല എന്ന് സോളിന് ഉറപ്പായിരുന്നു.
🔸നാസി പട്ടാളക്കാരുടെ കോൺസെൻട്രേഷൻ ക്യാമ്പിൽ വര്ഷങ്ങളായി തടവുകാരനാണ് സോൾ.മൃത ശരീരങ്ങൾ കളയാനും രക്തക്കറയാൽ നിറഞ്ഞ മുറികൾ വൃത്തിയാക്കാനുമായി പട്ടാളം നിയോഗിച്ചതാണ് സോളിനെ.
🔸മനം മടുപ്പിക്കുന്ന കാഴ്ചകൾ അയാൾക്ക് ശീലമായി മാറിയിരിക്കുന്നു. അറവുമാടുകളേക്കാൾ ക്രൂരമായി മനുഷ്യരെ കൊന്നൊടുക്കുന്ന നാസി ക്രൂരതയിൽ അയാളും മൂക സാക്ഷിയാണ്.
🔸മനുഷ്യരുടെ ശവശരീരത്തിൽ വിശപ്പു മാറ്റുന്ന കഴുകനായാണ് അയാൾ സ്വയം കരുതുന്നത്.ഗതികേട് കാരണം മാത്രം ഇങ്ങനെ ജീവിക്കേണ്ടി വന്ന ഒരു നികൃഷ്ട ജന്മം.
🔸കുറ്റബോധം കാരണം മരണത്തെ കുറിച്ച് പോലും ചിന്തിച്ച് തുടങ്ങിയ സോളിന്റെ മുന്നിലേക്ക് സ്വന്തം ചോരയിൽ പിറന്ന മകൻ തന്നെ എത്തുമ്പോൾ സ്ഥായിയായ നിസ്സഹായാവസ്ഥ മാറ്റി വെച്ച് കൊണ്ട് ചിന്തിക്കാൻ അയാൾ തീരുമാനിക്കുകയാണ്.
Verdict : Very Good
No comments:
Post a Comment