185. Troll Hunter (2010)

Director : Andre Ovredal

Genre : Fantasy

Rating : 7.4/10

Country : Norway

Duration : 104 Minutes

🔸വെളിച്ചത്തിലേക്ക് കടന്ന് വന്ന് നേർക്കുനേർ വെല്ലുവിളിക്കുന്നവനേക്കാൾ അപകടകാരിയാണ് മറഞ്ഞിരിക്കുന്ന എതിരാളി.താൻ മത്സരിക്കുന്നത് എന്തിനോടാണെന്ന് മനസിലാക്കാൻ കഴിയാതിരിക്കുമ്പോൾ ഉടലെടുക്കുന്ന ഭയം പരാജയത്തിന്റെ മുന്നോടിയാണ്.

🔸നോർവേയിലെ പുരാണങ്ങളിലും കെട്ടു കഥകളിലും പറഞ്ഞു കേട്ടിട്ടുള്ള വിചിത്ര ജീവികളാണ് ട്രോളുകൾ.കാഴ്ചയിൽ തന്നെ അറപ്പ് ഉളവാക്കുന്ന ഇവ മനുഷ്യൻ ഉൾപ്പെടെയുള്ള ജീവ ജാലങ്ങളെ ഭക്ഷണമാക്കുന്നു.

🔸നോർവേയിലെ ഉൾനാടൻ പ്രദേശങ്ങളിൽ കുറച്ചു നാളുകളായുള്ള മൃഗങ്ങളുടെ കൂട്ടമായ ചത്തൊടുങ്ങലാണ് തോമസിനെയും ജൊഹാനയെയും കെല്ലിനെയും അവിടെ എത്തിച്ചത്.

🔸തുടക്കം തന്നെ തോന്നിത്തുടങ്ങിയ അസ്വാഭാവികതകൾ ഇവരെ നയിച്ചത് ചെറുപ്പകാലത്തെ കഥകളിൽ കേട്ട് മറന്ന ട്രോളുകളിലേക്കാണ്.

🔸വെറും കെട്ടുകഥകൾ എന്ന് വിശ്വസിക്കാൻ ആഗ്രഹിച്ചെങ്കിലും ഉള്ളിലെ ഭയം സത്യമാക്കികൊണ്ട് ട്രോളുകൾ ഇവരുടെ മുന്നിലേക്ക് എത്തുക തന്നെ ചെയ്തു.മനുഷ്യ മാംസത്തിന്റെ രുചി ട്രോളുകൾ അറിഞ്ഞിടത്ത് മൂവർ സംഘത്തിന്റെ ഭാവി തുലാസിലാവുന്നു.

Verdict : Very Good