187. Ray (2004)

Director : Taylor Hackfors

Genre : Biography

Rating : 7.7/10

Country : USA

Duration : 178 Minutes

🔸പ്രചോദനവും പ്രേരണയും ആവേശവും ഉളവാക്കുന്ന ഒരുപാട് ചിത്രങ്ങൾ വിവിധ ഭാഷകളിലായി പുറത്തിറങ്ങിയിട്ടുണ്ടെങ്കിലും റേ ചാൾസിന്റെ ജീവിതം പ്രമേയമാക്കിയ ഈ ചിത്രം അതിൽ മുൻപന്തിയിൽ തന്നെ കാണും.

🔸റേ ചാൾസ്, അമേരിക്കൻ സംഗീതത്തിലെ ചോദ്യം ചെയ്യപ്പെടാനാവാത്ത വ്യക്തിത്വം ,അനിഷേധ്യമായ പ്രതിഭ സർവോപരി ഒന്നിന് മുന്നിലും തളരാത്ത പോരാളി.

🔸തന്റെ ഏഴാം വയസ്സിൽ കണ്ണിന് കാഴ്ച നഷ്ടപ്പെട്ടതാണ് റേക്ക് .വർണങ്ങളുടെയും വെളിച്ചത്തിന്റെയും ലോകത്ത് നിന്നും ഇരുട്ടിലേക്കുള്ള അപ്രതീക്ഷിതമായ ചുവടുമാറ്റം.

🔸മാനസികമായും ശാരീരികമായും ആരും തളർന്ന് പോവുന്ന സമയം.തന്റെ മകനെ തളർന്ന് പോവാതെ പിടിച്ചു നിർത്തിയത് റേയുടെ അമ്മ അറീത്തയുടെ കണ്ണുനീരായിരുന്നു.

🔸കാഴ്ചയും സഹോദരനെയും നഷ്ട്ടപ്പെട്ട് തളർന്നു പോയ ഏഴു വയസ്സുകാരനിൽ നിന്നും ലോകം അറിയുന്ന, ബഹുമാനിക്കുന്ന സംഗീതജ്ഞനിലേക്കുള്ള റേയുടെ ത്യാഗനിർഭരവും പ്രതീക്ഷാപൂർണവും ആവേശോജ്വലവുമായ യാത്രയാണ് ഈ മികച്ച ചിത്രം.

Verdict : Very Good