193. Everybody's Fine (1990)

Director : Guiseppe Tornatore

Genre : Family

Rating : 7.8/10

Country : Italy

Duration : 126 Minutes


🔸യാത്ര പ്രമേയമായ ചിത്രങ്ങൾക്ക് പൊതുവേ ഭംഗി ഒരല്പം കൂടുതലായിരിക്കും. യാത്ര പോലെ ഒരു മനുഷ്യനെ മാറ്റിമറിക്കാനാവുന്ന അധികം കാര്യങ്ങൾ ഉള്ളതായി അറിവില്ല.

🔸പ്രസ്തുത ചിത്രത്തിലെ പ്രധാന കഥാപാത്രമായ മാറ്റിയോ വർഷങ്ങളായി ചെയ്തുകൊണ്ടിരുന്ന സർക്കാർ ജോലിയിൽ നിന്നും പിരിഞ്ഞതിന് ശേഷം ഏകാന്ത വാസം അനുഷ്ഠിക്കുന്നയാളാണ്.

🔸കാഴ്ചയിൽ തോന്നിക്കുമ്പോലെ ഒറ്റപ്പെട്ടവനല്ല മാറ്റിയോ.ഭാര്യ മരിച്ചുപോയെങ്കിലും അയാൾക്ക് അഞ്ച് മക്കളുണ്ട് .അവരെല്ലാവരും ഇറ്റലിയിൽ വലിയ ഉദ്യോഗസ്ഥരുമാണ്.

🔸പേരക്കുട്ടികൾക്ക് അവധിക്കാലമായതിനാൽ ,തന്റെ കുട്ടികൾ തന്നെ കാണാൻ വരും എന്ന് മാറ്റിയോ പ്രതീക്ഷിച്ചെങ്കിലും അതുണ്ടായില്ല.

🔸നിരാശ തോന്നിയെങ്കിലും മക്കളെ അങ്ങോട്ട് ചെന്ന് കണ്ട് ഞെട്ടിക്കാൻ അയാൾ തയ്യാറാവുകയാണ്.എന്നാൽ യാത്രയിൽ അയാൾ കാണുന്ന കാഴ്ചകൾ ഒരേസമയം സന്തോഷവും സങ്കടവും ദേഷ്യവും നിരാശയും വെറുപ്പും നിറഞ്ഞവ ആയിരുന്നു.

Verdict : Very Good