212. Ode To My Father (2014)

Director : Yoon Je Kyun

Genre : Drama

Rating : 7.8/10

Country : Korea

Duration : 126 Minutes


🔸"എന്തൊക്കെ സംഭവിച്ചാലും എത്ര വർഷങ്ങൾ കഴിഞ്ഞാലും ഞാൻ തിരിച്ചു വന്നിരിക്കും. നഷ്ടപ്പെട്ടതും ഉപേക്ഷിക്കേണ്ടി വന്നവയും ഞാൻ തിരിച്ചു നേടിയിരിക്കും".

🔸യുദ്ധത്തിൽ പെട്ട് പലായനം ചെയ്യേണ്ടിവന്ന യോൻഡോക് തന്റെ അച്ഛന് നൽകിയ വാക്ക് ആയിരുന്നു അത്. രാജ്യം രണ്ടായി മുറിക്കപ്പെട്ടപ്പോൾ യോൻഡോകിന് നഷ്ടപ്പെട്ടത് തന്റെ കുടുംബത്തെയാണ്.

🔸തന്റെ അച്ഛനെയും സഹോദരിയെയും നഷ്ട്ടപ്പെട്ട യോൻഡോകിന് രാജ്യം വിടേണ്ടിവരികയാണ്. ജീവിതം വഴിമുട്ടിപോയപ്പോഴും അച്ഛന് കൊടുത്ത വാക്ക് പാലിക്കണം എന്ന് അയാൾക്ക് നിര്ബന്ധമുണ്ടായിരുന്നു.

🔸ലോകം കണ്ട ഏറ്റവും വലിയ പലായനങ്ങളിൽ ഒന്നിൽ ഒരു വൃദ്ധനെയും മകളെയും തേടിപിടിക്കുക എളുപ്പം ആയിരുന്നില്ല.അതിനായി യോൻഡോകിന് കടക്കേണ്ടിയിരുന്ന കടമ്പകൾ മൂന്ന് ഭൂഖണ്ഡങ്ങളും ,അമ്പതോളം വർഷങ്ങളും ആയിരുന്നു.

🔸സിനിമ ആരാധകർക്ക് സിനിമയോട് താല്പര്യമില്ലാത്തവരോട് തങ്ങൾ എന്ത് കൊണ്ട് സിനിമയെ അഗാധമായി ഇഷ്ട്ടപ്പെടുന്നു എന്ന് ചൂണ്ടിക്കാണിക്കാൻ ഈ സിനിമ നല്ലൊരു ഉദാഹരണം ആയിരിക്കും.

Verdict : Must Watch