218. Shot Caller (2017)

Director : Ric Waugh

Genre : Crime

Rating : 7.4/10

Country : USA

Duration : 121 Minutes


🔸കിരീടത്തിലെ സേതുമാധവൻ അത്ര പെട്ടെന്നൊന്നും പ്രേക്ഷകന്റെ മനസ്സിൽ നിന്നും മാഞ്ഞു പോവില്ല. ഒരർത്ഥത്തിൽ പറഞ്ഞാൽ സേതുമാധവന്റെ മറ്റൊരു പതിപ്പാണ് ഈ ചിത്രത്തിലെ നായകൻ ഹാർലോൺ.

🔸ഇരുവരും തങ്ങളുടെ കുടുംബത്തെ ജീവന് തുല്യം സ്നേഹിച്ചവർ ,ഒരുപാട് ആഗ്രഹങ്ങളും സ്വപ്നങ്ങളും ഉണ്ടായിരുന്നവർ. ജീവിച്ച് കൊതി തീരാതെ പോയവർ.

🔸എന്നാൽ ഒരു നിമിഷത്തെ കൈയബദ്ധം, ആവേശം ഇരുവർക്കും നഷ്ടപ്പെടുത്തിയത് തങ്ങളുടെ ഭാവിയാണ്. സമൂഹം എടുത്ത് വെച്ച് കൊടുത്ത മുൾക്കിരീടം പേറി ജീവിതകാലം മുഴുവൻ നടക്കാൻ വിധിക്കപ്പെട്ടവരാണ് ഇരുവരും.

🔸ഒരു നിമിഷത്തെ അശ്രദ്ധ കാരണം ഹാർലോണിന്റെ കയ്യാൽ ഒരാൾ കൊല്ലപ്പെടുകയാണ്. നിർഭാഗ്യവശാൽ മദ്യപിച്ചിരുന്ന ഹാർലോണിന് താൻ മനസ്സാ വാചാ അറിയാതെ ചെയ്തുപോയ തെറ്റിന്റെ പാപ ഭാരം ഏറ്റെടുക്കേണ്ടിവരികയാണ്.

🔸സേതുമാധവൻ തെരുവുഗുണ്ടയായി മാറിയത് ഗതികേട് കൊണ്ടാണെങ്കിൽ ഹാർലോൺ മാറിയത് തന്റെ നിസ്സഹായാവസ്ഥ കൊണ്ടും അടക്കാനാവാത്ത ദേഷ്യം കൊണ്ടുമാണ്. പതിയെ പതിയെ അയാൾ മറ്റൊരാളായി മാറിക്കൊണ്ടിരുന്നു.

Verdict : Very Good