205. Gifted (2017)

Director : Marc Webb

Genre : Drama

Rating : 7.6/10

Country : USA

Duration : 101 Minutes

🔸ഈ വർഷം കണ്ട ചിത്രങ്ങൾ ഒന്ന് ഓർത്തെടുക്കാൻ ശ്രമിച്ചപ്പോഴാണ് ഒരു കോണിൽ നിന്നും ഗിഫ്റ്റഡ് വീണ്ടും മനസിലേക്ക് എത്തിയത്. സംശയമേതുമില്ലാതെ ഈ വർഷം കണ്ട ഏറ്റവും മനോഹരമായ ചിത്രം ആണ് ഇത്.

🔸ഫ്ലോറിഡയിലെ ഒരു കൊച്ചു പട്ടണത്തിലാണ് ഏഴ് വയസുകാരിയായ മേരി അഡ്‌ലെർ താമസിക്കുന്നത്.അമ്മയുടെ സഹോദരനായ ഫ്രാങ്ക് അല്ലാതെ മറ്റാരും തന്നെയില്ല മേരിക്ക്.

🔸ചെറുപ്പം മുതൽക്കേ തന്നെ കണക്കിൽ അപാരമായ കഴിവ് പ്രകടിപ്പിച്ച വിദ്യാർത്ഥിയാണ് മേരി.തന്റെ ഇരട്ടിപ്രായമുള്ളവർക്ക് പോലും ബുദ്ധിമുട്ടേറിയ കണക്കുകൾ പരിഹരിക്കാൻ അവൾക്ക് നിമിഷങ്ങൾ മതി.

🔸മേരിയുടെ കഴിവിൽ അങ്ങേയറ്റം അഭിമാനം ഉണ്ടെങ്കിലും അത് പുറമെ കാണിക്കാൻ കഴിയില്ല ഫ്രാങ്കിന്.കാരണം ആ കഴിവുകൾ അയാളെ ഓർമപ്പെടുത്തുന്നത് തന്റെ സഹോദരിയെയാണ്.

🔸മറ്റെല്ലാ കുട്ടികളെയും പോലെ സാധാരണക്കാരിയായി മേരി വളരണം എന്ന് നിർബന്ധമുണ്ടായിരുന്നു ഫ്രാങ്കിന്.എന്നാൽ മേരിയെ പോലെ അത്ഭുതമുളവാക്കുന്ന ഒരു പ്രതിഭയെ മറ്റുള്ളവരിൽ നിന്നും മറച്ചുവെക്കുക എന്നത് കഠിനം തന്നെയായിരുന്നു.

Verdict : Very Good