207. The Young Offenders (2016)

Director : Peter Foot

Genre : Comedy

Rating : 7.1/10

Country : Ireland

Duration : 85 Minutes

🔸"ഒരു കാർ ,എസി ,ഫ്രിഡ്ജ് ,ടിവി....നമ്മക്ക് അങ്ങ് സുഖിക്കണം" നാടോടിക്കാറ്റിലെ ദാസനെയും വിജയനെയും ഓർമിപ്പിച്ച് കൊണ്ടാണ് ഈ ഐറിഷ് ചിത്രം ആരംഭിക്കുന്നത് തന്നെ.

🔸നാട്ടുകാരും വീട്ടുകാരും ഒരുപോലെ തള്ളി കളഞ്ഞ രണ്ട് ഉറ്റ സുഹൃത്തുക്കളാണ് കോണറും ജോക്കും.ഇരുവരും സ്‌കൂൾ വിദ്യാർത്ഥികളാണെങ്കിലും അതൊക്കെ ഏതാണ്ട് ഉപേക്ഷിച്ച മട്ടാണ്.

🔸കൂട്ടത്തിൽ മൂത്തവൻ ജോക്കാണ്, അമ്മ മരിച്ചുപോയ ജോക്കിന്റെ അച്ഛൻ അമിത ലഹരി ഉപയോഗം കാരണം തെക്കേതാണ് വടക്കേതാണ് എന്ന് തിരിച്ചറിയാനാവാത്ത ഒരു പ്രതിഭാസമാണ്.അതിനാൽ തന്നെ ജോക്കിന് ചോദിക്കാനും പറയാനും ആരുമില്ല.

🔸കോണർ ആണെങ്കിൽ എന്തിനും ഏതിനും ജോക്കിനെ പിന്തുടരുന്ന ആളാണ്.പണിക്കിടെ തലയിൽ ചുറ്റിക വീണ് പരലോകം പ്രാപിച്ചതാണ് കോണറിന്റെ അച്ഛൻ.ബന്ധു എന്ന് പറയാൻ ആകെ ഉള്ളത് ഒരമ്മ മാത്രം.

🔸പെട്ടെന്ന് പൈസ ഉണ്ടാക്കാൻ വേണ്ടി ഇരുവരും അപകടപരമായ ഒരു ജോലിക്ക് ഇറങ്ങിത്തിരിക്കുകയാണ് ,പിറകെ കട്ടവനെ കിട്ടിയില്ലെങ്കിൽ കിട്ടിയവനെ തല്ലുക എന്ന ചിന്തയുമായി പോലീസുകാരൻ ഹീലിയും.

Verdict : Very Good